رواية يا خاطفي وين ألقى عزتي في زمان المذلة ! / كاملة

***مزون شمر*** · 05-04-2012, 02:41 PM

رد: رواية يا خاطفي وين ألقى عزتي في زمان المذلة ! / كاملة

بالزواج
مشت رغد بتروح لفاتن بالغرفه تشوفها قبل يدخل تركي عندها ... طلعت من مكان القاعه وفي صالة الأستقبال وقفت عند المرايا تشوف نفسها ... لفت بتكمل طريقها وتفاجئت لما شافت نوره أخت عبدالله ومعها بنت خمنت عمرها 25 ومعها طفل نفس اللي شافته مع عبدالله في السوبر ماركت .. وقفت مصعوقه بمكانها
رغد ( كيف ما أنتبهت لنوره " رد صوت بداخلها " كيف بتنتبهين وانتي طول وقتك بالكوشه )
قربت نوره وهي تلاعب الولد الصغير رفعت راسها تبي تكمل طريقها وتغيرت ملامحها لما شافت رغد واقفه قبالها ..
...: نوره ايش فيك خلينا نمشي
نوره حست بنفسها : هاه يالله طيب .. مرت من عند رغد وتحس بعيون رغد مركزه عليها
نوره : اقول امل انتي اسبقيني بكلم صديقتي واجي
أمل : طيب يالله حمودي نمشي .. وراحت
رجعت نوره وشافت رغد مشت ومعطيتها ظهرها
نوره : رغد لحظة ... مشت بسرعه ووقفت قبالها
رغد بدون ماتطلعها : أمري بغيتي شي ؟!
نوره ماتدري ايش تقول لها : أنا ..
رغد طلت فيها : أنتي ايش ؟
نوره : بسئلك كيفك ايش مسويه بحياتك ؟
رغد ابتسمت ابتسامه باهته مجامله لها : اخباري تسرك حبيبتي .. عايشه حياتي بسعاده
نوره حست انها تقولها مو من قلبها : ان شاء الله دوم يارب السعاده
رغد : مين اللي كانت معك ؟!

نوره نزلت راسها : زوجة عبدالله
رغد : مشاء الله حلوه .. يتهنى يارب
نوره : تسلمين من ذوقك ... انتي ما أنخطبتي ؟!
رغد : لا ... بكمل دراستي
نوره بتغير الموضوع : ايش جايبك هنا ؟!
رغد : زواج صديقتي
نوره : أها .. فاتن تصير صديقتك
رغد : ايه ... تعرفيها انتي ؟
نوره : لا بس تركي يصير ولد خالتي
رغد استغربت أو بالاصح انصدمت : ولد خالتك ؟!
نوره : ايه ايش بك تفاجئتي ... ماتوقعت اشوفك هنا ابدا
رغد : حتى انا اخر شي اتوقعه اني اشوفك هنا
نوره : ربي يحبنا عشان كذا يجمعنا مع بعض
رغد ابتسمت وبدت عيونها تلمع : ماعليش مضطره اروح تأمرين بشي
نوره : سلامتك .. اشوفك على خير
رغد : اذا ربي أراد... باي .. راحت وتركتها مشت بسرعه لغرفة فاتن وقفت عند الباب وتحس قلبها بيطلع من بين ضلوعها من قوة نبضاتها ... زادت سرعة تنفسها وحست بحراره بعيونها وتجمعت الدموع بعينها لكنهى حاربتها عشان ماتنزل ... لكن ماتقدر تنساه هو الأنسان اللي حبته بأخلاص ومن قلبها ... ما أستوعبت الى الان انه يكذب عليها والامر من هذا ماتعرف الأسباب اللي خلته يتزوج غيرها ويتركها تعيش بوهم كذبة المتقنه ..تذكرت بعض ابيات رددتها بنفسها
لاتثور ..!
أنتبه باقي شعور
وباقي بصوتي كدر
وباقي بليل الصباح
اوجاع واشلاء وكسور ..!
اه ياكثرالغياب
وما أقلك يالحضور ..
اه لو تدري وتدري
كم عروق تموت لجلك .. ؟
وكم عروق تعيش حلم
وتسقي الميت شعور !

فتحت الباب ودخلت وابتسمت حتى ماتبين شي
رغد : كيف حال عروستنا
فاتن بخوف : وربي خايفه يارغد .. بموت من الخوف ...احس قلبي بيوقف توه كلمني قال ربع ساعه وبيدخل هنا وجاتني بنت خالته سلمت علي
رغد : اللي اسمها نوره ؟
فاتن تجلس على الكرسي : ايوه ... تعالي شوفي في حاجه ناقصه والا خربانه الظاهر الميك أب ساح من التوتر اللي فيني
رغد وقفت قبالها : بسم الهل مشاء الله ملاك .. قمر 14 تهبلين
فاتن : خذي شي هوي عليا ميته حر
رغد رفعت حواجبها : الغرفة زي الثلج .. والله منتي صاحيه
فاتن : اقولك ميته حرررر بموت حر أنا
رغد تدور شي عشان تهوي عليها ... دخلوا شهد وريماس ومعاهم كوثر
كوثر : الف مبروك فتونه ..منه المال ومنك العيال
فاتن انحرجت : الله يبارك فيك عقبالك
ريماس : ان شاء الله جاهزه مابقى شي على دخول المعزب
شهد تدقها : قولي عريس ايش معزب
كوثر : لا أحسن المعرس
رغد : أقول انتي وهي بلا هرج فاضي ... وصبوا لها شي بارد تشربه حرام ميته حر
ريماس تأشر على عيونها : من عيوني كم فتو عندنا .. الحين نجيب لها أطلق عصير في المدينه كلها
شهد جلست على الكرسي : قولي الأذكار فاتن قبل الزفه زي ما أتفقنا
فاتن : ان شاء الله
كوثر حست انها ماهي طايقتهم وأستأذنت وطلعت برى خاصة لما تتذكر انهم اخوات ريم

:::

***مزون شمر*** · 05-04-2012, 02:42 PM

رد: رواية يا خاطفي وين ألقى عزتي في زمان المذلة ! / كاملة

بالمطعم
شوق : الحمدلله .. تسلم فهودي تعبتك
فهد يتكي على الطاوله ويرفع يدهى لمستوى شفايفه ويبوسها : تعبك راحه ... أهم شي شواقتي مبسوطه
أكتست خدودها بالحمره وابتسمت بخجل : دامك معي أنا دوم مبسوطه
فهد : الله يديم هالمحبه بيننا
شوق :امين الله يسمع منك .. ويش رايك نطلع من هنا
فهد : اوك يالله حبيبتي ... لبست نقابها وقفازات اليدين وأخذت شنطتها ومشت معه متجهين لسيارتهم ... شاف محل جنب المطعم
فهد : اركبي الحين أجيك ؟.. مانقشته بحرف وركبت السياره تنتظره
كان المحل محل ورد ... طلبه يسوي له باقة ورد فخمه من الجوري الأحمر والابيض ونازل منها شرائط ساتان حمراء .. مشى للسياره وهي مستغربه منه .. دخل وسكر الباب انتظرته يتكلم
لكنه أكتفى بأنه مدها بدون اي كلمه وشغل شعر أهداء منه لها

ألا يا شوق زاد الشوق .. ومثلي زايد شوقه

يشق الشوق صدره ما يتوب ودايما يشتاق

يعاني { لوعة العشاق } ويبان الشوق بعروقه

عسى الله يجبر اشواق تعاني في حشا العشاق

أنا داخل على الله يا غلاه الروح مسروقه

سرقها شوقي لشوق ذبحني بوجده الحراق

رماني برمشه الساحر ..وقلبي ابتدى عوقه

سرقني وصرت مجنونه ودمعي بسبته دفاق

فديته عشقي الوردي ..أموت بحسنه وذوقه

فديته يوم يسرقني .. حلاله دامه السراق

تملكني أنا كلي .. غلاي وكلي حقوقه

أبيه وغيره يولي .. وبلاه الكون ما ينطاق

حبيبي وعشقي الغالي .. أبيع الروح في سوقه

وعلى عهد الوفا له باختم بنبضي علي ميثاق

أبيه ولو يلوموني .. غريق وغايتي طوقه

ولا باهتم لو قالوا معاها دايما منساق

ماهوب ذنبي إذا باضعف وباقي الناس محروقه

جماله أبدعه ربي .. وكل زين بوصوفه لاق

عليه النفس مشتاقه .. حرام النوم ماذوقه

أنا احبه حقيقه ماهيب قصه على الأوراق

وقتها حست أنها ماتقدر تعيش بدونه .. وحسمت قرارها النهائي .. وأكتفت بأنها تلتزم الصمت لأنها لو بتتكلم وتشرح له شعورها ما توفيه أبد
:::

***مزون شمر*** · 05-04-2012, 02:44 PM

رد: رواية يا خاطفي وين ألقى عزتي في زمان المذلة ! / كاملة

ببيت سيف
كانت جالسه لحالها كالعاده تنتظر وصوله للبيت وهي ميته من خوفها عليه .. سمعت صوت الباب واخذت نفس طويل .. كانت بأبها حله تقابله فيها .. دخل ورمى نفسه على الكنب
سيف : سلام
ريم : وعليكم السلام ... كيفك حبيبي ؟!
سيف بتأفف : بخيرررر
تحطمت لما قابلها بهذي النبره الحاده : أحط لك العشاء
سيف : لا تعشيت مع خوياي
ضعفت أكثر وحست بالانكسار : بس أنا انتظرك من بعد العشاء .. عشان نتعشى مع بعض
سيف عصب : قلت لك تعشيت غصب يعني اتعشى معك
ريم شوي وتبكي : انت ايش فيك علي ...تطلع من أول ماتصحى وتاركني لحالي ولا سائل فيني .. والحين جاي تصرخ عليا
سيف : راجعي كلامك وتعرفين ليه أصارخ عليك ؟
ريم : عشان قلت ابيك تتعشى معي تعصب كل هالتعصيب
سيف بحده : شكلك مو ناويه على خير
ريم نزلت دموعها وبدت تبكي : انت ايش صاير لك .. مو سيف اللي اعرفه انت واحد ثاني .. وين سيف اللي كان يقولي احبك .. وما اقدر اعيش بلاك .. كل كلامك طلع كذب وخداع ... فاكر ايام الخطوبه كنت توعدني باشياء واشياء لكن أنصدمت بواقعي المر معك ... طلعت كذاب محترف
سيف وقف وعصب عليها : أنا كذاب
ريم : وين وعودك لي .. والا راحت أدراج الرياح
قرب منهى وشدها مع يدها ووقفها قباله :هذا أنا بتعيشين معي أهلا وسهلا ماتبين .. مع السلامه
ريم شهقت وصارت تبكي بهستريا : أكيد انجنيت ...
سيف رماها على الكنبه : ريم أتقي شري وخلي الليله تعدي على خير
ريم : أصلا احنا زواجنا بس على ورق ... انت ماعمرك بيوم كنت زوج
طالعها بنظرات شرانيه ومسكها مع اكتافها بقوه : أيش قلتي ..
ريم بقوه وتحاول تبعده عنها: اللي سمعت ... من تزوجنا ويش كنت تسوي هاه .. تنام بغرفه وانا بغرفه وحياتنا كلها مشاكل بس انا راضيه ومتحمله عشاني أحبك واموت فيك .. وراح استنى سنين بس ترجع سيف اللي كان قبل .. مو سيف البارد اللي قدامي الحين
صار يتنفس بسرعه وبعدها عنه وكأن انفاسه بدت تضييق .. وبدأ يدوخ ويفقد وعيه .. خفت رؤيته وكأن السراب بينه وبينها ... وحراره فظيعه سرت بجسمه .. حاول يتمسك باي شي حوله لكنه فقد وعيه وطاح على الأرض
ريم : سيف
**
**
ياترى أي مفاجئه بأنتظار فهد ... وأي سر ستبوح به شوق لفهد ؟!

هنادي ماحدث معها هل سيؤثر عليها ؟!.. كيف ؟!.. وماذا سيحدث حين عودتها ؟!.
باسل .. هل سنراها بشخصيه غير التي ظهرت لنا ؟!.. وأي أفكار ستجول في مخيلته ؟!
شهد ..هل ستعود لزوجها .. أو سيحدث مالم يكن في الحسبان ؟!
رغد .. وتحطم أمالها هل ستبحث عن مأوئ لها من جديد ؟!.. أو ستكتشف سبب خيانه عبدالله لها ؟!
شوق اي قرار ستتخذه ...وماهي ألألام التي تسير بأتجاهها ؟!
هل ماضي فهد سيتدخل بأحداثنا ويرجعنا الى الوراء خطوات ؟
ماجد & هنادي ... انتظر توقعاتكم بالنسبه لهم
ريم & سيف ... ماهي نهايتهم ؟!

لاتحرموني من تقييمكم لهذا البارت وتعليقاتكم عليه

***مزون شمر*** · 05-04-2012, 02:53 PM

رد: رواية يا خاطفي وين ألقى عزتي في زمان المذلة ! / كاملة

البارت الرابع والثلاثون

أمداك نزفه لكن .. ادواه ما أمداك

علي كم جار الزمان وطعني
أسمع صدى صوت المعاليق تنخاك

وين أنت .؟ ياللي كل ما غبت كني
واقف على باب الأمل .. وأتحراك

ليتك تعرف تخون .. وأقول : .. خني ..
على الأقل القى سبب .. وأتناساك

وليت الزمن ف محبتك .. ما خذلني
وليت الهجر من طيب خاطرك .. ورضاك

لو أن قربك والوصل .. بالتمني
ما غبت عن عيني كثر ما اتمناك

خايف يطول البعد .. وتسج مني ..
[.. وياخذ مكانك ..] شخص .. ماهوب يسواك

وش عاد أسوي يومك أقفيت عني .؟
لا أنا أتبع المقفي .. ولا أحب فرقاك ..!!!

بالمطار كانت الساعه 2 ..وتوها وصلت من الرياض .. طلعت للمواقف تنتظر جلالي اللي اتصلت عليه اول ما نزلت من الطياره .. انتظرت ربع ساعه بعدها سمعت صوت وراها
ماجد : تنتظرين مين ؟!
هنادي بدون ماتلف عليه طنشته ولا ردت على سؤاله ..
ماجد : قلت تنتظرين مين ؟!
هنادي : شي مايخصك
ماجد يعاندها وبيزيد قهرها: الا يخصني ونص
هنادي : لاتكون ولي أمري وانا خبر خير
ماجد يرفع عيونه ويحك راسه : والله أتوقع انه كذا
هنادي صرت على اسنانها وهي مغتاظه منه مره نفسها تقتله وترتاح منه ومن لقافته
ماجد : اقول امشي اوصلك بيتكم
هنادي طلت فيه بنظرات استحقار وكره : أيش قلت ؟
ماجد : قلت امشي أوصلك
هنادي كتفت يديها ورفعت حاجبها : عندك ثقه عمياء بنفسك .. بكل وقاحه وجراءه تقولي أوصلك ..وين عقلك أنت ؟!
ماجد : عقلي باقي ماطار .. بس شكلك ناويه تجيبين لنفسك مصيبه .. المكان قليل الناس فيه ممكن اي احد يجي ويخطفك
هنادي بأستهتار : يالله خايف علي .. سبحان الله طيبتك فجأه طلعت .. يالله روح عن وجهي
ماجد انقهر ومسك يدها بقوه : اقولك امشي قدامي بلا عبط
هنادي تفك يدها منه بقوه : هيه من تحسب نفسسك ... وربي لا أجمع الناس عليك
ماجد بتحدي : أتحداك تسوينها .. أصلا ماعندك القوه اللي تخليك تسوينها
هنادي ولعت من القهر وبدأ الغضب يسيطر عليها : صدق انك وقح وأنسان جدا سافل
ماجد يسحبها : أقولك أمشي يالله قدامي
صرخت عليه : أتركني بلا يبليك
ماجد عصب منها وقال بنبره حاده : اتقي شري ياهنادي
هنادي تبعد عنه وتأخذ الشنطه معها : وبعدين معك أنت .. اتركني ..ياناس يا عالم تعالوا شوفوه بيأخذني غصب عني ...
جوا رجال كثير ومعهم من أمن المطار
...: خير يأختي ويش صاير
ماجد : ماصاير الا كل خير
الأمن : امش انت معنا تتحرش ببنات خلق الله ... طالع ماجد هنادي بنظره حارقه
ماجد بقوه : ويش أتحرش .. هذي زوجتي وبنت عمي
...: صحيح هو زوجك ... مادرت هنادي اللي متفاجئه من كلمته
ماجد سحبها بقوه : امشي فشلتينا عند الناس .. دفها قدامه وهي مو مستوعبه اللي صار
بعدوا عن الكل وصاروا بمكان شبه خالي
هنادي حست على نفسها وعصبت : كيف تتجرأ وتقول لهم كذا ... ماعندك دم انت
ماجد بحقد : أنتي اللي اجبرتيني لو أنك عاقله كان وافقتي من البدايه
شافت سياره جلالي وتفلت عليه وراحت للسياره بسرعه وهي مقهوره منه على الاخير ودمها يفور داخل عروقها من وقاحته معها

:::
:::
ببيت سيف
صحى من بعد طيحته ... حس بحراره تسري بجسمه و تعبان .. فتح عيونه وشافه جنبه تعمل له كمادات بارده تخفف حرارة جسمه شوي .. بعد يدها عنه بقوه وقال بتأفف
سيف : ايش صار ؟
ريم زعلت من حركته لها : أغمى عليك
سيف يجلس بعيد عنها : قلتي أغمى عليا ...
ريم ( يارب صبرني على هالحاله والله بديت أمل منك ياسيف ماصارت كل يوم مشاكل أو تطنشني وتسأل عليا أحسن شي اسويه أطلع عن الغرفه ): اذا بغيت شي انا بالصاله
طلعت وتركته بالغرفه لحاله يمكن يهدا ويرتاح
سيف ( ويش فيك ياسيف منت طايقها ولا طايق وجودها معك ... دايم تتهرب منها وماتبي تقابلها كأنك كرهتها ... اه بس رحمتك يارب ) تذكر كلامها قبل يغمى عليه
طلعت كذاب محترف
وين سيف اللي كان يقولي احبك .. وما اقدر اعيش بلاك
سيف : يارب لطفك ورحمتك يارب
تردد يطلع لها او ينام ويطنشها .. بعد تفكير دام ساعه طلع لها بالصاله وجلس بعيد عنها شاف اثر الدموع بوجهها وعيونها حمراء ومنتفخه باين انها كانت تبكي ..
سيف : زعلتي مني ؟!
ريم كانت تتفرج على التلفزيون ومالفت عليه : وتسأل بعد
سيف بحده : لاتجاوبي على السؤال بسؤال
ريم : ماعندي لك جواب
سيف : ايش بك اليوم انتي من جيت وأنتي قالبه خلقتك علي .. والحين تبكين كأني أنا الغلطان
ريم لفت عليه معصبه : غلطان وستين غلطان
سيف عقد حواجبه وابتسم بسخريه : واثقه بعد اني الغلطان
ريم بقلة صبر : ماتشوف تصرفاتك معي كأني عدوتك مو زوجتك .. أذا ماتبيني لا تفكر اني ميته عليك ... ترى عندي أهل يغنوني عنك
وقف وعيونه يطلع منها الشرار : أنتي طالق
ريم وقفت مصدومه : أيش
سيف صرخ عليها : طالق ..جريت على غرفتها وهي تبكي .. أتصلت على جلالي عشان يجي يأخذها من البيت
:::
:::

***مزون شمر*** · 05-04-2012, 02:56 PM

رد: رواية يا خاطفي وين ألقى عزتي في زمان المذلة ! / كاملة

بالسياره
هنادي : مين اللي أتصل
جلالي: هذي ريم في واجد ابكي
هنادي بخوف : روح لها بسرعه يالله .. وأتجهوا بأقصى سرعه لبيت ريم أنتظروها دقائق معدوده ونزلت لهم أول ماركبت كانت تشهق من البكاء
هنادي بخوف : ريومه ليه تبكين ؟!
ريم تمسح دموعها : متى جيتي من الرياض ؟
هنادي : توي جيت ... قولي ايش فيك تبكين ؟
ريم رجعت تبكي أكثر : سيف
هنادي : ايش فيه ؟!
ريم شهقت وبعدها قالت : ط...ل..ق...ني
هنادي كأن أحد صفعها كف على وجهها ماقدرت تتحمل أكثر هي كبت نفسها اليوم الى حد الأنفجار كثرت صدماتها وفجرت دموعها ريم .. ضمت ريم وشاركتها بكاها وشهقاتها
وصلوا على البيت قبل مايجون اخواتهم من الزواج

الساعه 3 أنتهى الزواج ووصلوا فاتن لتركي وشالوا بقية اغراضها ..واصبحت القاعه فاضيه الا من رغد وأخواتها واهل عبدالله ..
سمر : ترى شلت كيس بروح لسياره ابو اتصل يقول جلالي وصل يالله بسرعه
رغد وشهد : بس نلبس العبايات ونجيكم
ام عبدالله : نشوفكم على خير
شهد طلت برغد اللي لفت عنها ولبست العبايه كأنها تتهرب من شوفتها : على خير ياخالتي والف مبروك لانوصيكم على فاتن
ام عبدالله : الله يبارك فيك يابنتي وفاتن ان شاء الله تركي بيسعدها
شهد وسحر : يارب
نوره تودعهم : مع السلامه .. يالله يا مهند ..ومسكت يده ومشوا
اما رغد لبست عبايتها تلثمت وطلعت بسرعه لانها تحس تواجدهم يربكها ويذكرها بذكريات تتعبها وتألمها .. دورت بعيونها على سيارتهم وشافتها بعيده شوي .. مشت شوي وشافت كامري 2008 سوداء .. ووقفت جنبها تأشر لهم يقربون السياره شوي
مهند يجري : بابا
شاله وباسه على خده : انبسطة ياولد
مهند : أيوه
عبدالله : حلو الزواج
مهند : مرا حلو حتى أسئل ماما
عبدالله رجع باسه على خده : شاطر حبيبي يالله أركب السياره قبل ماما تجي .. فتح له الباب ودخل .. سكر الباب ورفع راسه وشافها واقفه تلاقت عينه بعينها ... شافته وأبتدت قصة نزفها من أول وجديد ... شوفته تدمي قلبها المتناسي جرحه الصعب ... عيونه تبوح بفرحته وسعادته في حياته حست ابنانيته وحبه لنفسه أكثر منها ... لامت نفسها وقلبها على حبه استحوذت عليها رغبتها الجامحه في البكاء .. أصبحت في حرب داخليه بينها وبين نفسه ماتبي عينها تدمع لشوفته ولا قلبها يحن لأيام حبه الماضيه ... اقنعت قلبها وعقلها بهجره لها وكان الشعور السائد عليها قسوتها عليه وعلى مشاعرها التي تكنها له
فمان الجرح لا والله فمان أحزاني الكبرى
.فمان أغلى ثلاث سنين مت بها عشان اعيش

فمان الحب وأحلام القلوب البيض و الخضرا
.فمان الاه ، من كثر الزعل و الشوق و التطنيشفمان عيونك ، إللي مالها بين العيون اخرى
فمان غرورك ، إللي علم الطاووس نفش الريش

أما هو سرح فيها سرح بنظرتها التي أسرته الى عالم جميل .. عالم نسى طريقة الوصول له من بعد غيابه عنها ... مازال لحبها بقيه في قلبه .. مازال لها مكانه وحيزا لا يشغله سواها كانت بعيده كل البعد عنه .. مسافات وحواجز تبعدها عنه ...كانت من يتمناها في يوم من الأيام كل منهم تبوح عيناه بما في داخله للأخر
مشت وطنشته ركبت السياره بسرعه وقربت من الشباك حتى تشوفه
رغد ( يمكن تكون أخر مره أشوفك ... صرت ملك لغيري مو من حقك تطالعني وتخونها )
جات سحر وشهد
ابو مها : تأخرتوا يابنتي
شهد : أسفين يايبه ... يالله ياجلالي روح البيت
وصلوا بيتهم وكلهم تعبانين من الزواج ... تفاجئوى لما شافوا هنادي وريم في البيت
أبو مها : يبه هنادي متى وصلتي ... جات هنادي وسلمته عليه وباست يده
هنادي : قبل ساعه
ابو بحده : وكيف جيتي ومحد درى عنك ؟!
هنادي : حبيت اسويها مفاجئه ... سلمت على البقيه وسط استغرابهم من جيتها
ابو مها جلس على الارض وطلب سمر تجيب له ماء وعلاجه : وانتي ياريم ويش جايبك
نزلت دمعتها على خدها وأكتفت بالسكوت
ابو مها : خير يابنتي ويش اللي يبكيك ؟
ريم بكت وقالت من بين بكاها : طلقني
ابو مها بصدمه : طلقك ؟!!!
ريم تشهق : أيه طلقني ... متأكده انه مريض مو سيف الأول
شهد عصبت : كمان تدافعين عنه خليه يولي ..
ابو مها : لاتزيدين النار حطب يابنتي
شهد بدت تدمع : يعني هم الرجال مفكرين اننا بنموت من غيرهم كل يوم جايبين مشكله جديده
سحر جريت لريم وحضنتها : خلاص ياروحي لا تبكين .. وقفتها وأخذتها لغرفتهم
رغد ماعلقت على الموضوع ابدا وراحت غرفتها ومعها مشاري .. ولحقتها شهد اللي متمالكه نفسها لا تبكي
رغد تقفل باب الغرفه وتبدل فستانها ورى الحاجز الخشبي : شفتي عبدالله ؟
شهد تحاول تهدي نفسها وتغير لمشاري ملابسه : ايه شفته ... ايش جايبه للزواج
رغد : تركي يصير ولد خالته
شهد : ايوه عشان كذا جاي ... قهرني الزفت اللي اسمه سيف
رغد مشت للتسريحه وبدت تمشط شعرها : اكيد بينهم مشكله .. ماتلاحظي ان مشاكلكم كثيره
مسكين ابوي يلاقيها منك ووالا من ريم
شهد نزلت دموعها ومشاري كان يلعب بالسلسال اللي في صدرها : يوسف ما أتصل ولا سأل عني ... مايدري اذا انا حيه والا ميته
رغد لفت عليها وبيدها كريم مدته لها : مسحي الميك أب ولا تفكري فيه .. مصيره يرجع
شهد : بس أنا أحبه وفاقده حيل ... ماتتخيلي الثلاث الايام اللي فاتت كيف مرت عليا
رغد جلست على السرير : الحب عذاب .. روحي نزلي الفستان انا بطلع اشوف ريم والبنات

***مزون شمر*** · 05-04-2012, 03:09 PM

رد: رواية يا خاطفي وين ألقى عزتي في زمان المذلة ! / كاملة

بغرفة ريم وسحر
سحر : خلاص ريومه هدي اعصابك مايصير اللي تسويه
ريم تصرخ عليها : انتي عارفه ايش معنى طلقني ؟!.. يعني يمكن مانرجع لبعض
سحر : بسم الله عليك ريومه ايش حصل لك ... اكيد بيحس بغلطه ويرجع لك هو تسرع ذابقراره
ريم تدفن راسه بصدر سحر : والله ما سويت له هو من فتره بس معصب مو طايق احد وبس ينفخ عليا
هنادي تغطي راسها بالمخده : اه يازين سريري زيناه ... أشتقت له مووت ما اعرف انام بدونه
سمر : الناس بوادي وهذي بوادي ثاني
بعدت المخده عن وجهها : بلاك ماجربتي تجلسين أسوبع برى المدينه وربي وربي وربي راح تروحين فوق الفيصليه وترمين نفسك ويكتبونك منتحررررره
سحر عقدت حواجبها : ما استانستي هناك
هنادي : أستانست ؟!... قولي ضقتي صار فيك اكتئاب مزمن ... حاله نفسيه اي شي من هالقابيل مو وناسه شفتوى لو معي وحده منكم ياوجيه العنز كان يمكن انبسطت
سمر : لو سمحتي مافي عنز بالبيت هذا غيرك
سحر وريم ضحكوا على كلام سمر اللي قالته بنبرة حقد
هنادي ابتسمت : عشان ريومه ضحكت بسكت لك والا يكون علمتك من العنز
سحر : يسلموو سموره عشانك ضحكتي ريومه
سمر : جاملوني طيب حسسوني اني قويه
هنادي : بليز هدوءءء ... تصبحون على خير
الكل : وانتي من اهله
سمر : لو سمحتمو قفلو الانوار ورحوا بمكان ثاني سولفوا مع بعض
سحر : قومي ريوم نروح الصاله مافيني نوم
ريم : طيب يالله ... تصبحوا على خير
سمر : وانتي من اهله .. خذوا الباب في طريقكم

سكروا الباب وطلعوا من غرفه وكانت رغد جايتهم
رغد : وين رايحين
ريم : بالصاله هنادي وسمر بيناموا
رغد تعدل بلوزة البجامه : كويس بروح اسوي لي عصير واجيكم تبون ؟!
سحر : يس سوي لي ولريوم عشان تروق
رغد : اوكيشن
:::
:::

بالرياض
بعد مارجعوا من المطعم دخلت غرفتها وهو أتجه لمكتبه يخلص بعض الأوراق ...بعد ما أنتهى ناظر ساعته وكانت الساعه 3 ... تنهد ورجع راسه لورى يفكر بكلام شوق عن أحمد وشكها برزان انها هي اللي تساعده وتحرضه
فهد ( وبعدين هالعله ماراح يتركني بحالي ... يعني لازم ادمره .. ورزانوه على بالها ماني داري عن اللي تخطط له مع ابوها وأني افوتها لها بمزاجي .. كل شي الا شوق يا أحمد ألا شوق )
فتح درجه وشاف البوم الصور الخاص فيه وصار يقلبه ويتفرج على صوره اللي مالتيه وصور أمه وجده بكل مكان بالعالم ... ذكريات وذكريات مرت على باله بهذ اللحظة سكره بقوه ودخل الغرفه التابعه للمكتب وشاف اللوحات اللي رسمها أتجه للوحه يحبها كثير فتح الشرشف الأبيض عنها اللي حاميه عن الغبار وشاف اللوحه اللي كان رايمها قبل يتزوج شوق بفتره بعد ما حبسته بملحقهم
(( كان راسم وجه شوق وعيونها دامعه وعلى خدها جرح ينزف وسكين طايحه وطريق مظلم وفيه شمعه وحده ...وشخص طايح على الرصيف ))
تنهد وغطى اللوحه وطلع من الغرفه
فهد ( اه ياشوق ليتك ماشفتي شي ولا اربكتي كياني ... الله يسامحك خليتيني صغير في عين نفسي ماحد قدر يعرف منهو فهد غيرك ... صرت اسهل لغز قدامك )
طلع وشاف رزان تمشي مع الدرج وتكلم الجوال تضحك
رزان : هههههههه مغفله .. انا قلت من زمان بس محد عبرني ... ههههههههههه تيب اوك بيننا فون باي ..وكملت مشيها مع الدرج سمعت صوته وراها ارجفها في مكانها وارعبها خافت منه وخافت انه سمع شي من كلامها
فهد : بدري يامدام " طل في ساعته".. تدرين كم الساعه ؟
رزان لفت وابتسمت ببرود : حبي اهلي كانوا مجتمعين حرام افوت جلسة زي كذا
فهد : بس قايل لاتتأخرين وانتي تضربين كلام بعرض الحيط
رزان : حبيبي ... ماتسوى انك تعلق على هذا الشي وعد مني ماعاد اكررها .. بس اهم شي ماتزعل
فهد طلع الدرج : حصل خير .. مسكت يده وطلعت معه لحد ماوصلته عند جناح شوق
رزان : تصبح على خير حبيبي
فهد : وانتي من أهله .. دخل الغرفه وسكر الباب .. شافها نايمه على السرير مشى بشويش حتى ما يزعجها وأنسدح جنبها .. النوم مجافيه وتفكيره كله بكلامها
:::
:::

***مزون شمر*** · 05-04-2012, 03:14 PM

رد: رواية يا خاطفي وين ألقى عزتي في زمان المذلة ! / كاملة

بالرياض
صحت على صوت المنبه وراحت تتوضى وتصلي .. بعد ماصلت وخلصت حزبها اليومي قفلت المصحف ورجعت للسرير ... شافته صاحي
شوق : فهد قوم صلي " بعد الشرشف عنه ووقف شافت ملامحه كأنه مانام أبد " ..انت مانمت
فهد : لا مانمت
شوق : ليش مانمت حبيبي
فهد : جفاني النوم .. عن أذنك ..واتجه للقسم الحمام وانتم بكرامه ..
أما هي راحت جهة البلكونه وبعدت الستاره عن بابها الزجاجي .. تسمع صوت العصافير وصهيل الخيل .. ابتسمت وفتحت الباب طلعت وجلست على الكرسي تراقب السماء وخيوط النهار بدت تنتشر في السماء ... مرت ربع ساعه وهي ماحست على نفسها .. كان الجو يميل للبروده ضمت يديها لبعض وتحاول تدفي نفسها وتمرر كفها على ذراعها عشان تدفا ... ماحست على نفسها الا وهو حاط يديه على صدرها .. رجعت راسها على ورى وطلت فيه
فهد ابتسم : بردانه ؟!
شوق : شوي مو مره
بعد عنها وراح عند حد البلكونه يتأمل مزرعته الكبيره ... وقفت وراحت جنبه لف يديه على بطنها وصاروا يطالعون مكان المسبح وكل واحد فيهم ساكت
شوق : فهد !!
فهد : ياعيونه
شوق : انا خلاص قررت
فهد قربها لصدره أكثر ولفت وجهها على وجهه وصارمايفصل بينهم الا أنفاسهم: بخصوص ؟!
شوق : راح أسوي العمليه .. أبدأ أنت بالأجراءت عشان اسوي التحاليل اللازمه
فهد بنظره جديه : متأكده من قرارك
شوق : أيه .. برتاح من الألم ... ربي مو كاتب لي هذا الشي انا راضيه بقسمتي ونصيبي
فهد باسها على خدها : ان شاء الله من اليوم راح ارسل أوراقك لأحسن مستشفى بألمانيا وأحدد معهم موعد العمليه
شوق تنهدت وأخذت نفس طويل : أن شاء الله
فهد : طالعي السماء صايره زرقاء صافيه
شوق ابتسمت : حلو لونها ...حلو الصباح
فهد يقرص خدها بخفه : أكيد حلو دامك فيه .. نغزته مع جنبه
شوق ترفع راسها : اكيد مليون بالميه بعد بوس يدك وجه وقفى لأن بنت القايد معك
فهد يبتسم بخبث : مو أبوس يدي ابوسها هي .. وطبع بوسه سريعه على شفاتها
حمرت خدودها وأعلنت حالة من الأضطراب
شوق بحده : فهيد
فهد يتكي على السلم : مالي خص انت قلتي بوس يدك .. ورفع حاجبه
شوق تشده مع شعره : قلت يدك ماقلت بوسني .. أفهم ايش اقول بالأول
فهد : ابشري طال عمرك
شوق : ياكرهك اذا قمت تنكت
فهد يضحك : يؤؤؤؤؤ ماتوقعتها منك ابد
شوق : شوف عاد اليوم بنروح بيت ابوك اوكي
فهد : اوكي

العصر
دخلت مها البيت ومعها بنتها ولقت شهد وميشو بالصاله جالسين
مها : سلالالام
شهد : وعليكم السلام
مها تبوس شهد : أخبارك ياعسل
شهد : منيحه .. انتي كيفك ؟!
مها : تمام التمام
شهد فتحت يدها : رنومه تعالي في حضني .. ضمتها وصارت تبوسها
مشاري يحاول يبعد يد شهد عن رنيم وبتكشيره قال : ماما .. ماما
شهد ضحكت : هلا عيوني
مشاري يدف رنيم بقوه : بعدي عن ماما
مها كانت تنزل عبايتها : بشويش على بنتي بكره تجي تخطبها والله ما ازوجك
شهد تبعد رنيم عنها : تعال ياحبيبي .. تعال ياروح شهد
مشاري : ما أحب رنيم
مها تجلس بنتها بحضنها : ليش ماتحبها ياقليل الخاتمه
مشاري يدفن وجهه بصدر شهد : ليش تجي بحضن ماما
مها وشهد : ههههههههههههههههه
شهد : خلاص حضني لك انت ياميشو
مها : وين البنات
شهد : نايمين .. اقول مادريتي عن ريم
مها بخوف وتغير وجهها : ايش فيها ؟!
شهد : تطلقت
مها وعلامات الصدمه على وجهها : من جد !!
شهد : والله
مها : ايش السبب
شهد تهز كتوفها : الله اعلم
مها بفضول : وانتي ليش جايه هنا مو ببيتك ؟!
شهد ركزت بعيون مها : امممم متهاوشه مع زوجي
مها شهقت : يالطيف .. ايش صاير في هذا البيت كله مشاكل
شهد بان الحزن عليها : الله يخليك لاتعكرين مزاجنا كلنا تعبانين ومشاكلنا مأزمتنا
مها سكتت شوي : اقولك اليوم عازمتكم على العشاء بأفخم فندق بالمدينه عشان ترتاحون شوي الحين بروح اتصل على الفندق احجز طاوله .. قامت وتركت بنتها عند شهد تتفرج علي مشاري اللي يشدها مع شعرها وهي تكرشه بوجهه ويتضاربون مع بعض
صحت ريم وجات للصاله شافت رنيم وجريت لها رفعتها : ياحي الله رنومه .. وين بوسة خاله ريما "باستها على طول "
ريم : فديتك انا .. وين مامتك
رنيم : راحت
شهد : ماصحوا البقيه ؟!
ريم : شفت رغد دخلت الحمام اما هنادي وسمر وسحر بسابع نومه
دخلت مها : بروح انا اصحيهم فالينها نوم بيأذن الغرب
ريم : هههه الحين يعصبون
شهد وقفت : بروح اسوي الفطور لهم
ريم : وانا بروح اساعدك .. ومشوا للمطبخ وهم مندمجين بسوالفهم

:::
:::

***مزون شمر*** · 05-04-2012, 03:17 PM

رد: رواية يا خاطفي وين ألقى عزتي في زمان المذلة ! / كاملة

بالرياض كان الوقت قريب المغرب
فهد واقف جنب الدرج : شوق يالله تأخرنا
رزان نزلت قبل شوق : خلينا نروح السياره هي تلحقنا
شوق كانت وراها : انا خلصت يالله فهودي مشينا
فهد طلع قبلهم وهو حاس ان في مشكله راح تصير بين شوق ورزان .. ركبوا السياره بهدوء ووصلوا قصر ابو رياض
ندى : ياهلا وغلا بشواقه .. ضمت شوق وباستها وسلمت على فهد بحراره اما رزان سلمت عليها بكل برود
ليان : كيفك شوق ؟
شوق : الحمدلله بخير
ام ليان : وانتي يارزان ايش اخر اخبارك ؟!
رزان تسند ظهرها وبدلع قالت : والله تعبني الحمل مره
ام رياض : الله يقومك بالسلامه يابنتي كلها كم شهر وترتاحي
فهد : واخبارك يام ليان وانتي ياخالتي
ام رياض : بخير وعافيه ... بشرنا عنك وعن احوالك
فهد : الحمدلله كل شي تمام ... الا وين هزاع ورياض ؟!
ام رياض : بالمجلس ينتظرونك
فهد وقف : اجل استأذن بروح اسلم عليهم
الكل : حياك
بعد ما طلع فهد
ليان : كيف عمتي يارزان ان شاء الله بخير
رزان بدون نفس ترد عليها : ماشي حالها
ندى : من زمان عنك ياشوق .. والله لك وحشه ماهي بسيطه
شوق خجلت من كلام ندى : تسلمي ندوو انتي اللي ماتنشافين ابد
ندى : احلفي بالله .. حتى اتصال ماتتصلين
شوق : ايش اسوي كنت مشغوله تعرفين فهد وطيحته بعدين جوا اهلي من المدينه وجلست هنادي عندي في البيت وامس اللي سافرت مافضيت والله
ام رياض : الله يكون بعونك يابنتي .. وكيف خواتك عساهم بخير
شوق : الحمدلله عايشين كل وحده لاهيه بحياتها
ام ليان : الله يوفق الجميع يارب
الكل : امين
رزان : وين عمي
ندى طلت فيها بنظرة كره : بالشركه .. ويتاخر برجعته
رزان : نفسي اسلم عليه قبل نروح مايصير نجي ومانسلم عليه
ندى تبتسم ببرود : يمكن يجي بدري انتي وحظك
ام ليان: اقول شوق زوج اختك شهد يقرب لكم
شوق : لا والله بس يقرب لسيف زوج ريم
ام رياض : من اي عايله هم
شوق : الغانم
ام ليان : يعني يقربون لجدتي ام ابوي
شوق : والله معرف صراحه
ام رياض : اضن يقربون لها لأن ام صالح كان من اهل المدينه يوم تزوجها ابو صالح اخذها للخبر وبعدها استقروا بالرياض وماكان يوديها لأهلها وانقطعت اخبارهم عنها بس اذكرها تقول عندها أخت اصغر منها بسنه يوم جينا لزواجك من فهد كأنها عرفت بنات اختها
شوق : والله ياخاتلي ماعندي خبر عن هذا الشي
رزان : بالله انتي عن ويش تدرين منقطعه عن الناس كلها
شوق قالت بحده : ايش خصك انتي .. كلمت خالتي ماكلمتك " ضحكت ندى بصوت عالي واعطتها امها نظره سكتتها واربكتها نظرات ام ليان "
ام رياض : حياكم الله تفضلوا الشاي
شوق احتدت ملامحها وردت ببرود على ام رياض : الله يحيك
رزان تطالع شوق بنظرات استحقار وتقزز ...طنشتها شوق وصارت تسولف مع البقيه وأخر أهتمامها رزان

جلسوا نص ساعه وبعدها جاء فهد
فهد : يالله بنمشي
ام ليان : بدري يافهد أجلسوا أسهروا عندنا الليله
فهد :والله عندي أشغال بالمكتب ماخلصتها ولازم اخلصها عشان أسلمها بكره
ام رياض : ساعه ماراح تضرك ياوليدي جلسوا شوي بعد
شوق : خلينا شوي عشان خالتي
فهد جلس جنب ليان وأبتسم : طيب ساعه بس " لف على ليان وقال بهمس " كيف زوجك معك
ليان ابتسمت بحياء : الحمدلله زين معي
فهد بنظره اربكتها : ما يلعب بذيله أو يجننك
ليان نزلت راسها : لا الحمدلله
فهد يخفض صوته أكثر : اتمنى مايرجع لخرابيطه وبلاويه وأنتي بعد ما تغلطين مثل أول
ليان ارتبكت من كلامه : انا ندمت وتبت وهو بعد
فهد يحط رجل على رجل بكل شموخ وهيبه : الله يوفقكم .. بس اذا أحتجتي اي شي كلميني لا يردك الا لسانك
ليان : مشكور ياخالي
فهد : العفو .. أنا تهمني مصلحتكم أكثر من نفسي

:::
:::

***مزون شمر*** · 05-04-2012, 03:18 PM

رد: رواية يا خاطفي وين ألقى عزتي في زمان المذلة ! / كاملة

بالمدينه
كانوا مجتمعين كلهم على دلة القهوه ويسولفون مع بعض
هنادي تتمدد :اقول مهاوي متى نروح المطعم لقد شعرت بالجوع الفظيع
مها تناظر الساعه : نصلي العشاء وبعدين نلبس ونطلع
سمر : حلوو .. وناسه الله لايحرمنا منك يامهاوي
سحر توقف : عن اذنكم بشوف المسن وارجع
دخلت الغرفه وفتحت الاب توب ودخلت المسن على طول .. لقت اهتداء متصله
سحر : سلام
اهتداء : وعليكم السلام .. وينك ياظالمه يومين ما دخلتي ؟!
سحر : أنشغلت والله ... أخبارك ؟
اهتداء : الحمدلله تمام انتي اخبارك ويش مسويه بدنياك
سحر : ماشي الحال
أهتداء : والله فقدتك يومين دايم اسولف معك وامس طفشت مره
سحر : ههههههه شكلي مهمه مره
أهتداء : مهمه وبس قايله لك أحبك بس ماتفهمين
سحر : اه رجولي توجعني
اهتداء : من ويش ؟!
سحر : امس كنا في زواج وتعبت من الرقص
أهتداء : محد ضربك قال تقطعي من الرقص تستاهلي
سحر عصبت : اخ لو انك جنبي عطيك ذاك الكف اللي يخليك تلفين حول نفسك
أهتداء تضحك : اذا من يدك موافقه
سحر ضحكت بصوت عالي : صايره ماصخه يابنت
أهتداء : اللي يعرفك لازم يتمصخ
سحر : اوريك ياهدوو .. يالله انا بطلع قرب يأذن العشاء
اهتداء : وين بدري توك جايه ؟!
سحر : بنروح مطعم انا وخواتي
أهتداء : أي مطعم ؟!
سحر على نيتها : في فندق ......
أهتداء : اها بالعافيه عليكم .. لاتنسين تجيبين لي شي
سحر : بصور الطاوله وارسلك الصوره بالمسن عشان احسر فيك
اهتداء : ياربي على عرق النذاله اللي فيك يابنت
سحر : اقول لو اكمل سوالف معك يسحبون عليا ويتركوني .. اشوفك بالليل باي
اهتداء : باي
بعد العشاء لبسوا عبايتهم وطلعوا مع السواق
شهد عصبت : ميشوو أهدى ياماما
مها تضحك : شوفي بنتي كيف مؤدبه قاضبه مكانها
سمر بتأفف : الله على الفاظك يامهاوي .. شنو يعني قاضبه الظاهر أخذتي كلام أهل القريه اللي تدرسين فيها
مها : هههههههه يجنن كلامهم
رغد تلف على سمر : مهبوله يبيلنا نفتح معجم ونجمع الكلمات اللي تقولها مهاوي وربي اصير اكبر مرجع في الالفاظ
شهد ابتسمت : خلوها على راحتها
مها: شوفوا الناس الدموقراطيه مو انتم ياسمر ورغد
رغد : حقك علينا اسفين
جلالي : هنادي أنت في سكوت غريبه
كلهم لفوا على هنادي اللي في المقاعد الخلفيه وفطسوا ضحك على شكلها رايحه جو مع الأغنيه الهنديه اللي مشغلها جلالي
هنادي : تبيني أهفك بأقرب شي عندي ياجلالي ... دايم مطيح وجهي
جلالي : دايم انت في قرقر واجد .. انا في شوف انت سكوت في قول اكيد مريض
هنادي تشد طرحتها : اه ويش اسوي اذا تكلمت كسحتوني وسكتوني واذا سكت قلتوا غريبه ويش اسوي بنفسي أنتحر ارمي نفسي من السياره
الكل : ههههههههههههههههههههه
رغد : على مهلك شوي شوي لايطق فيك عرق بعدين نبتلش
شهد تغمز : خلوها تعبر عن أحاسيسها المكبوته
جلالي : هنادي في يجي من رياض في صير انسان ثاني
مها: اه يابطني الله يجازيك ياجلالي .. شكلك حاقد على هنادي
هنادي تسوي نفسها شوي وتبكي : حسبي الله ونعم الوكيل
سمر تدقها : احمدي ربك احد يسأل عنك هدي بس
هنادي تهمس لها : اقول شخبار ولد عمتي معك
سمر تقرصها : اووش لا أحد يسمعك وربي يذبحوني
هنادي : ايه بان الخوف فيك
سمر بترجي : الله يخليك اسكتي
هنادي : طيب بأسكت
وصلوا للفندق ونزلوا كلهم
مها تشيل رنيم وقالت لهم : بليز هدوء مابي مهاوشات مع بعض
هنادي تدفها : ياختي خلصينا وربي ماصارت الجوع ضرب عندي
سحر تمشي قبلهم للمصعد وأنفتح دخلت هي والبقيه عدا شهد ومشاري ماكان لهم مكان
شهد : خلاص اطلعوا بروح لمصعد 3
مها : ترى المطعم بالدور 5

***مزون شمر*** · 05-04-2012, 03:28 PM

رد: رواية يا خاطفي وين ألقى عزتي في زمان المذلة ! / كاملة

شهد : أوكي ... مشت للمصعد اللي جنبه واستنت شوي عبال ينفتح حست برجال يوقف جنبها بس ما التفت ولا هو ركز من هي ..
مشاري : بابا .. بابا
شهد شالته وحاولت تمسكه : عيب ياماما اووش
مشاري : ماما شوفي بابا يوسف .. لفت وشافت يوسف واقف جنبها ضحك لمشاري وأخذه من يدها وباسه على خده أما هي سحبته بقوه منه وانفتح المصعد ودخلت بسرعه ودخل هو وراها ... ضغط على الزر وصارت تهز رجلها وتحاول تمسك مشاري اللي بيروح ليوسف
شهد ( قال برى المدينه .. اكيد مالقى له تصريفه غيرها .. كذاب)
حست ان المصعد مايتحرك ضغطت مره ثانيه على الزر لكن هو واقف بمحله
يوسف : اي دور تبين ؟!
شهد : الخامس
يوسف ضغط زر وبعده رقم 5 .. وحست ان المصعد تحرك ثواني وأنفتح الباب على الدور اللي تبيه وطلعت ومعها مشاري
طلع وراها وشافها لما جلست على الطاوله
سحر : ايش فيك شهد كأنك متوتره ؟!
هنادي وتجاعيد العصبيه على وجهها : مهاوي قولي لمدير المطعم يجيب حاجز ماني قادره أخذ راحتي كل العالم تطالعنا
مها : تغطي زين ما حد يطالعك
هنادي توقف : انا بروح للمدير مره مكشوف صراحه .. وقفت سمر وراحت معها ويدورون المدير
رغد لاحظت تغير شهد وسرحانها همست لها : وين وصلتي
شهد لفت تدور بعيونها على يوسف بسس ماشافته : قابلت يوسف هنا
رغد : بجد ؟!
شهد : وربي كان معي بالمصعد
رغد : قال شي
شهد : لا ماقال ولا شي ...وسكتت أخذت كاسة عصير وشربتها
مها : ايش فيكم معصبين ؟!
سحر نزلت اللثمه وأخذت عصير الفراوله اللي طلبته : تصدقين فخم مره المطعم وفيه كل الجنسيات
رغد تتأمل الناس: صادقه شوفي امارتيين وكوتيين وسوريين حتى اروبين موجودين
سحر : شهد وين سرحانه ؟!
شهد : أتأمل المكان
مها : كأن هنادي وسمر تأخروا
رغد: لاتوهم راحوا ... اممم تخيلي ياسحر ابوي يجي المطعم صدفه ويشوفك كاشفه وجهك
سحرطلت برغد : عادي ما أتوقع يقول شي بعدين انا حكون دكتوره شي طبيعي اكون كاشفه وجهي
مها : اممم ما حد راح يحاسبك على تصرفاتك لكن تأكدي كل شي راح تتحاسبين عليه يوم تكوني في قبرك
سحر عصبت : الله خليكم ايش هذا .. ترى جايين ننبسط مو جايين نكتئب
ريم : ياهوو بس خلاص ماصارت
مها : وحكت شهر زاد
ريم : مهاوي تراك مطلعتنا نستانس مو نتهاوش
مها : اسفه انتي وهي .. طلعت جوالها بتدق على هنادي لكنها لمحتها من بعيد جايه

كانت في عيون تراقبهم ومابتعدت عنهم دقيقه ...وتحديد سحر

:::
:::
:::

بالرياض

رجعوا لبيتهم وكل واحد دخل غرفته بعد ما اتعشوا عند ابو رياض اللي حلف انهم مايروحون من عنده بدون عشاء ... انبسطت شوق مع ليان وندى والبقيه لكن رزان كانت متضايقه منهم لانها تكرهم من زمان وخلة فهد يويدها تشوف أمها لأن اختها اتصلت عليها وقالت أنها تعبانه شوي ...أما فهد كان بمكتبه منشغل بالصفقات المعروضه عليه ودراستها ومراقبته لأنشطة شركته في المملكه

مرت الساعات عليه وهو ماحس بمرورها ابدا .. قفل كل الملفات وطلع للغرفه تعبان ومرهق دخل اخذ له شور بعدها انسدح جنب شوق ... حس بالم ينغزه في صدره فتح الدرج وأخذ الدواء حاول ينام لكنه ماقدر ينام .. لبس بلوزة بجامة وطلع من الغرفه عشان مايزعج شوق بكثرة حركته .. طلع لصاله العلويه وقرب من الجدار الزجاجي وقف يشوف المزرعه في الليل نقل نظراته في جميع انحائها شاف شي اثار جنونه وشل عقله عن الاستدارك ... عجز عن الفهم او تمالك نفسه .. نزل زي المجنون بكل سرعته وقلبه ينبض بسرعه وانفاسه تتزايد
فتح الباب وكأنه بيقتلعه من مكانه .. كان مثل العاصفه الهوجاء في ثورانها

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget