تويت
رواية يا خاطفي وين ألقى عزتي في زمان المذلة ! / كاملة
كاتبة الروايه هي / على شاطئ النسيان
وقد قمة بنقلها لكم
وقد قمة بنقلها لكم
((البارت الاول ))
بالمدينه …
كانت واقفه على مرايتها تتامل ملامحها ...بكل دقه ..كانها ما سبق وتاملت نفسها
تنهدت ورفعت شعرها عن وجهها وقبل لاتمسك فرشتها ....انفتح الباب بقوووه
انخرعت وطاحت فرشتها من يدها
هنادي بصراخ : شوووووقه ..
شوق : ولعنه تلعن هالوجه ماتعرفين شي اسمه فتح الباب بهدوء ونعومه ...دايم كذا دفشه
هنادي : هههههههههه كالعاده يالناعمه انخرعتي ..
شوق : ايه انخرعت طيحتي قلبي ..يوم بتصيبني سكته وانتي السبب
هنادي : اقول الحقيني بالصاله ترى محد ماخرنا غيرك
شوق : جايه وراك يالبطه ..... بس ارفع شعري .....رفعته أي كلام وراحت للصاله
بالصاله البنات كلهم مجتمعين
ريم: انا ابي من كودو ..
شهد: لا من ماكدونالز
سمر: انا ابي شي يشبعني مرررررررررررره .....جات شوق وجلست
مها: وانتي شوق ويش مشتهيه عشاء
شوق: ويش اتفقتوا عليه
مها: كل وحده تبي شي
سحر: مو انتي قلتي اطلبو اللي خاطركم فيه والحساب عليك
مها: ايه قلت بس مو كل وحده من ديره نجيب طلبها
شوق : ويش رايكم نجيب مشاوي من الركن الشامي
رغد: يم يم يم ....ماعندي مانع
سحر: وانا موافقه
سمر: واكيد ماعندي أي اعتراض دامها مشاوي
هنادي : يعني خلاص موافقين كلكم
الكل: أيه ...
ريم: بس جلالي ماهو هنا راح مع ابوي للمزرعه
شهد: شغلي مخك ياغبيه في اختراع اسمه توصيل طلبات
سمر: مهاوي تكفين دقي تراني جوعانه
مها: طيب الحين ادق ... مسكت التلفون وكلمت المطعم ...
مرت ساعه والبنات يستنون الطلب اللي لسى ماوصل
رغد بتافف : الحين يوصل الاكل بارد تاخروا مررره
سحر شوي وتبكي : ماني قادره اتحمل ...خلاص جعت مررره
شوق : انتم ماعندك شوية صبر اكيد عنده توصيل لناس غيرنا
هنادي : اه بس لو بالحاره في مطعم زين ... حسافه
طن طن ....طن طن
رغد وسمر وسحر وقفوا ...
سمر : اكيد وصل العشاء ..... بسرررعه سحبت رغد وسمر عبايتهم ونزلوا للدور الاول
<< طبعا بيتهم عباره عن ثلاث ادورا دورين فيها مستاجرين والدور الثالث شقتهم والملحق في السطووح طبعا مدخل بيتهم مستقل عن مدخل المستاجرين وعمارته على قد حالهم بس فيها فخامه شووي لكن تدل على قدرته الماليه اللي تتعبر كويسه ...>>
....: هذا بيت محمد القايد
رغد: أيه ... انت المطعم
سمر: غبيه انتي والا تستهبلين هذا الدليفري ماهو المطعم بكبره جاي
رغد : اص اص فشلتينا
....: انا موصل الطلب تفضلوا هذا طلبكم
رغد: كم الحساب ؟؟...
...: 180 ريال
سمر: اخ يازين ريحة الاكل هاتي عنك الاكياس ..
واخذتها وطلعت ورغد تسب وتلعن فيها لانها فشلتها عند الرجل
رغد: عندك صرف 200 ؟؟
...:: ايه في .... صرف لها الفلوس ..وراح ...رجعت للبيت ولقتهم يجهزون العشاء
رغد: سمروووه ووجع فشلتيني عند الولد ...ياليته هندي ...سعودي بعد
هنادي شهقت : سعودي انتي متاكده
رغد : ايه بس الخبله ذي سمر فشلتني معاه كانها ماعمرها شافت اكل
البنات : ههههههههههههههههههههههههههههههههههههه
ريم: عادي عادي اكيد بيعذرها شوفيها كيف تحضر الاكل باين انها ميته جووع
شهد: ايه واضح انها جوعانه
هنادي : خلصتو تقليط السفره ..؟؟
شوق : بدل هذا تعالي ساعدينا وانتي حاطه رجل على رجل وتسالين
هنادي: سووري انا اذا جعت فيوزي تطفي.. وتصير قواي منهاره
سحر: عساه دوووم ياربي ... رمت هنادي عليها علبه المنديل
هنادي : اعوذ بالله منك
نتعرف عليهم ..
(( ابو مها عمره 50 سنه متقاعد وفاتح له محل عقار يرزق منه ..
مها 28 سنه مدرسه E في قريه ماتجي الا خميس وجمعه من القريه
وهي ماتزوجت الى الان ..
رغد 21 سنه تدرس كيمياء في الجامعه وراح نتعرف على شخصيتها من الروايه
ريم 19 ثالث ثانوي علمي وطبعها هادي لكنها ملقوفه وفيها جراءه لكن بادب
هنادي 18 ثاني ثانوي ادبي بنت مرجوجه وماتحسب أي حساب للي تسويه اهم شي تسوي اللي براسها حت لو كان غلط وعندها حب المغامره بشكل فضيع وراح تتعرفون عليها اكثر بالاحداث
نجي لبنات ابو راكان ... طبعا ابوه وامهم ميتين وعمها هو المسئول عنهم بعد وفاة ابوهم ومايفرق بينهم وبين بناته عشان كذا مايقولون له الا يبه
شوق 22 سنه ماتدرس تركت دراستها واهتمت بتربيه خواتها بعد وفاة ابوها لان امها توفت بعد ماولدت اخوها راكان اللي ما عاش الا اسبوع وتوفى بعد امه
شهد 21 سنه تدرس كيمياء مع رغد وبجامعه واحده وشخصيتها مغروره وقويه لدرجه ان ماحد له سلطة عليها حتى عمها وهي اللي متوليه امورها بنفسها وانانيه لدرجه فظيعه لكن بداخلها حنان بس ماتحب تبينه ابدا وعلاقتها مع رغد علاقه قوويه مره كانهم تؤائم
سحر 18 تدرس ثالث ثانوي علمي ممتازه بدراستها حالها حال نفسها محترمه جدا وفارضه على الكل احترامها .
سمر 16اولى ثانوي اصغر البيت متعلقه باختها شوق مرره ..وراح نعرفها اكثر واكثر
:::
تعليق