رواية يا خاطفي وين ألقى عزتي في زمان المذلة ! / كاملة

***مزون شمر*** · 16-04-2012, 09:42 PM

رد: رواية يا خاطفي وين ألقى عزتي في زمان المذلة ! / كاملة

دخل عليها وشافها تبكي وتستفرغ ...ركض لها ومسكها
فهد بخوف: شوق ويش فيك ؟
كانت حرارتها مرتفعه مرره وجهها أحمر من شدة الحراره
شوق تشهق: بموووت ..اه ب.."رجعت تستفرغ وأنتم بكرامه"
فهد طلع برى وصار يصرخ زي المجنون ينادي الممرضين اللي ارعبهم صراخه ...رجع لها ومعه الدكتور ...شافها طايحه على الأرض مغمي عليها
صرخ بصوت عالي: شووووق

بهذي اللحظة في المدينه
جلسوا على الكوشه والكل مبسوط وفرحان وعيونهم تتأمل هنادي وباسل
باسل بهمس: ويش فيك هنادي ابتسمي
هنادي نزلت راسها ومسحت دمعتها اللي حاولت تخفيها عن الجميع بنفس الهمس:مابي أسمع صوتك
سكت وقدر مشاعرها بالرغم من أنها كل ما اقترب منها وحاول يتودد لها تجرحه بكلماتها اللي تسمه وتعذبه أكثر
قربت منها مها:حبيبتي ويش فيك
رفعت راسها وعلى شفايفها ابتسامه:ولاشي اشوف الفستان
جاو عماتها سلموا عليها وعلى باسل وباركوا لهم
هديل:حط هنوده بعيونك تراها غاليه علينا حيييل
باسل يضحك:بدون ماتوصين هي بعيوني
قربت علياء اللي كانت كاشفه وجهها وملامحها العاديه جدا:مبروك يالعرسان
هنادي:الله يبارك فيك
باسل نزل راسه وحس بالأحراج لانه أنتبه لصديقات هنادي كلهم كاشفات عن وجههم ألا منال متلثمه وواقفه جنب رغد وشهد
فاتن تهمس لشهد:بجد وقحات الرجال موجود شلون مايتغطون
شهد:ادري عنهم ويش ترجين منهم الله يسامح هنادي اللي متعرفه على هذول الأشكال
رغد تدقها وبصوت واطي:اوووش تراهم جنبي
روان قربت من هنادي وباستها على جبينها:الله يهنيكم ياقلبي "طلت بباسل"الف مبروك
باسل: الله يبارك فيك
مها: خلونا نطلع للغرفه الثانيه ونخليهم على راحتهم
طلعوا الكل مابقى ألا الثنائي
باسل :ويش فيك كأنك زعلانه ...اللي تبينه صار
هنادي طلت فيه:من قال اني زعلانه ...بالعكس بموت من الفرحه
باسل ميل فمه: تتمسخرين علي
هنادي:كنت اتمنى هاليوم زي أي بنت بس تأتي الرياح بمالا تشتهي السفن
قبل يرد على كلامها اتصل ابوه:هلا يبه ...لا لحالنا ..طيب حياك حنا بالمجلس
هنادي فتحت عيونها على الأخير:مييين ؟
باسل :ابوي بيسلم عليك ويبارك لك
هنادي:لا مابي أستحي "نزلت عيونها لفستانها" يشوفني بهذا الشكل ويش يقول عني
باسل يضحك:مافيها شي انتي زي بنته وزوجة ولده
أندق الباب وقفت بأرتابك وطلت بباسل اللي وقف جنبها ..ثواني ودخل أبو مها ومعه ابو باسل
ابو مها: مبروك يابنتي الله يوفقكم ..قرب منها وسلم عليها
هنادي كانت تحارب دموعها حست أنها بتودع ابوها.. بعد عنها ابوها واشر على ابو بباسل:سلمي على عمك
هنادي رفعت عيونها وشافته ماتوقعت انه مستنسخ من باسل..مدت يدها :هلا عمي
ابو باسل :ماشاء الله تبارك الله ..مبروك يابنتي

^^^
^^

ويش بيصير بين هنادي وباسل في أول مشوارهم تحت مسمى الزوج والزوجه؟
فهد هل يعقل ان يتجرع مرارة الفقد ؟!..والأهم من هذا ماذا سيكون الثمن؟
رغد بعد الكلام اللي سمعته والصدف كيف ستكون بالأيام القادمه ؟
هنادي وحياتها الجديده هل ستتأقلم معها؟!
شوق ...أي صدمه ستتلقاها ؟
صفاء وعملها الذي توقفت عنه ...ستعود حامله أمانه ..لكن ماهي هذه الأمانه ؟

انتهى البارت

***مزون شمر*** · 17-04-2012, 11:35 AM

رد: رواية يا خاطفي وين ألقى عزتي في زمان المذلة ! / كاملة

البارت الواحد والخمسون

ابعدالهم!
وحط راسك فووق صدري
من عذا ا بك ضاإيقه فيني الوسيعه!

والله يعلم " همي همك "
وانت تدري!
لك عروقي ولك انا قلبي ابييييعه

ولا تأأألم. .مدمعك هد فيني الصبر= (
ومن انينك استوتفيني الوجيييييعه

نام واحلم . . والمواجع خلها تسري في " عظامي "
وكل اوصالي جميعه

فتح لها الباب وأشر لها تدخل ...سمت بالله ودخلت نفس المكان والأشخاص لكن حرب المشاعر والاعصاب لها نصيب اكبر حتى تفقد هذه الليله جماليتها
نزلت عبايتها وزبطت شعرها قرب منها وهو يتفحص شكلها اللي أبهره وماشفها فيه من قبل
باسل: مبروك علينا بعض
هنادي(ياررررربي بدينا):قصدك مبروك عليك أنا
باسل جلس بمسافه قريبه منها:فعلا مبروك علي أنتي وكمان مبروك عليك أنا
هنادي طلت فيه بنص عين... وماردت عليه فضلت السكوت على الكلام العقيم معه
باسل:ويش فيك انتي اليوم منتي طبيعيه أبدا
هنادي ترمش بعيونها ببرود وعدم اهتمام: تعبانه ومانمت
باسل:سلامات ماتشوفين شر
هنادي وقفت:الله يسلمك..بروح الغرفه ابدل ملابسي
باسل ينزل المشلح والعقال:طيب لاتتأخرين علي
هنادي أبتسمت بمجامله:ماراح أتاخر عليك
دخلت الغرفه وسكرت الباب شافت شنطتها الكبيره على جنب ..فتحتها وأختارت بجامه ساتان فوشي ...نزلت اكسسواراتها وكل زينتها حتى الميك اب مسحته لمت شعرها بشباصه قبل تنام غسلت وجهها وحطت من اللوشن وأنسدحت متجاهله باسل اللي ينتظرها
أما هو حس بتأخرها قام من مكانه ودخل الغرفه أنصدم لما شافها مشغله الاضاءه الخافته ومنسدحه ...ولع من القهر وكبت أعصابه حتى لا يشوه جمال هذه الليله بالنسبه له ..فتح الدولاب بقوه طلع له بنطلون قطني برمودا ..رمى عكازه بقوه على الأرض ودخل الحمام التابع للغرفه حتى يبدل ملابسه
هنادي كشرت( مسوي نفسه زعل ..والله لو يكسر البيت كله ماقام عندي ولا قاعد ) سمعت صوت الباب انفتح غمضت عيونها تهربا منه ..جاء وانسدح جنبها واعطاها ظهره
باسل تنهد بداخله( شكلك ياباسل بتعاني معها كثير ..هي عنيده وراسها يابس وتصرفاتها غريبه بس بتحملها واكون لها بالمرصاد) لف على جهتها وحط يده على ذراعها ..بحركه سريعه مقشعره بعدت عنه
باسلانزعج من حركتها : حتى يدك ماتبين المسها ؟
هنادي بنبره هامسه: يدك بارده
باسل قرب منه اكثر وصار قريب من اذنها:بس عشان يدي بارده والا في سبب ثاني ؟
هنادي تبرر له حتى يقتنع ويبتعد عنها :قلت لك تعبانه ولي يومين مانمت
باسل: بس من هالليله بنبدأ صفحه جديده في حياتنا
هنادي: طيب لو سمحت أبي انام ممكن؟
باسل جلس بوضعيه مريحه وفتح الأضاءه:بدري على النوم خلينا نسولف
لفت على جهته وتعدلت بجلستها وكتفت نفسها:ويش نسولف فيه ؟
باسل:اللي ودك فيه
هنادي:ودي انام الحين لاني ماني قادره افتح عيوني من النعاس
باسل ابتسم:اسمح لك بس بشرط
ردت بسرعه:ويش هو؟
باسل: تنامين بحضني
سحبت الخداديه اللي بينهم ورمتها عليها :تحلم انت ...يالله عاد بنام ولاتزعجني لاني عروس
باسل يبعد الخداديه عنه: اول مره اشوف عروس تنام وتتركت زوجها
هنادي انسدحت وتحلفت: انت مصدق اننا عرسان ؟
باسل: ايييه
هنادي: اجل بالاول ويش كنا ؟
باسل:اول غير والحين غير
هنادي: يعني ويش اللي اختلف؟
باسل ابتسم: انك بتكونين معي طول اليوم
هنادي تغطي نفسها زين: نام الله يصلحك ...تصبح على خير
فقد الأمل فيها استسلم للنعاس ونام وهو يتمنى أن يتغير حال الغد ألى الاحسن

:::
:::
:::

صباح اليوم التالي
بعد ما صلى صلاة الفجر أتجهه للمستشفى بأقصى سرعته ..جفاه النوم ليلة البارح وأنشغل بقلقه وخوفه على روح أغلى شخصين في حياته ...دخل عليها الغرفه وكانت الممرضه عندها تقيس ضغطها ومعدلاتها الحيويه
فهد:صباح الخير
شوق&الممرضه:صباح النور
فهد: كيفك بعد أمس
الممرضه ابتسمت لها: لا إن شاء الله احسن بس لو تأكل شوي
فهد: شوق حبيبتي لازم تأكلين
شوق تغمض عيونها بتألم: مالي نفس خلقه الغثيان ذابحني
الممرضه: لانك ما تأكلين وكذا جسمك بيضعف اكثر وأكثر
شوق: بقى فيني شي ما ضعف
فهد:جالك الدكتور ؟
شوق: لا
الممرضه: الا جاء بس شافها نايمه وطلع لان البارح كانت تعبانه مره
فهد : موجود بمكتبه الحين
الممرضه:ايوه موجود
فهد: بروح اكلمه وراجع
شوق:فهد تكفى ابي اشوف راكان
فهد : صدقيني ما أقدر انتي تعبانه وهو بالحضانه بس بمر اتطمن عليه
شوق لفت على الجهه الاخرى وسحبت يدها من الممرضه اللي انتهت من عملها
طلع للدكتور وهو بطريقه حس بوخزات مؤلمه بصدره ..تمالك نفسه وكمل طريقه متجاهل ألمه

***مزون شمر*** · 17-04-2012, 11:36 AM

رد: رواية يا خاطفي وين ألقى عزتي في زمان المذلة ! / كاملة

ببيت أبو مها

صحت من اليوم على أثر حرارة جسمها التي ارهقتها ...ماقدرت تتحرك من سريرها وصدرها يؤلمها بشده
ريم بهمس: سحر ...سحر قومي
سحر اللي تنغصت نومتها: ويش تبين ؟
ريم بصوت مرهق:احس بألم ببطني وحراره
سحر بعدت البطانيه بسرعه عنها ونقزت لها لمست جبينها: حرارتك مرتفعه
ريم ضغطت على شفايفها:بطني يعورني بمووت من الألم
سحر ارتبكت:بروح أنادي رغد
ركضت لغرفه رغد اللي ارتعبت من دخلتها عليها بعد ما أنهت صلاتها وجالسه بمصلاها
رغد: بسم الله ويش فيك انتي ؟
سحر بتوتر: ريم مدري ويش فيها حرارتها مرتفعه وعرقانه مره ..تقول بطنها يوجعها
رغد نزلت جلالها ورمت على السرير:خير يارب
سحر بشك: ان شاء الله احساسي مايخيب
رغد طلت فيها:ويش تقصدين ؟
سحر مسكت يدها وسحبتها: روحي شوفيها بعدين نتكلم
مشوا بسرعه للغرفه ..اول مادخلوا انرعبوا لما شافوها تبكي
سحر :ريم ويش فيك ؟
ريم:دقوا على سيف يوديني المستشفى
رغد مسكت بطنها:يوووه تنزيف يالمجنونه ..قومي البسي الحين نوديك المستشفى
سحر: بروح اصحي ابوي يروح معنا
ريم بحده: لالا..ابي سيف ابوي لا يدري
رغد: سحر ساعديها بدق على جلالي والبس عبايتي
بظرف دقايق كانوا جاهزين ومشوا للمستشفى
ريم تبكي:رغد تتوقعين الجنين مات ؟
رغد ضمتها: لا إن شاء الله بس ماقلتي لي من متى كنت تحسين بالم
ريم: من امس بس سكت عشان هنادي مابي اخرب عليها
رغد عصبت: خبله انتي ..هذي الأشياء مافيها لعب بتضرين نفسك وانتي مانتي داريه
ريم دمعت عيونها :الله يخليك لا تزيدين علي كافي اللي فيني
رغد: الله يكتب اللي فيه الخير
أخيرا وصلوا المستشفى بعد مشوار طويل لقوا سيف ينتظرهم عن بوابة المستشفى
سيف:عسى ماشر
رغد: خير باذن الله بس انت دخلها جوا هم بيعرفون شغلهم
ريم تتمسك فيها: رغد خليك معي
رغد: لاتخافين بس بيكشفون عليك
ريم تبكي: لالا ادخلي معي
سيف بتوتر واضح: ادخلي معها خلينا نخلص
رغد مسكت يدها: يالله ندخل
بعد ساعه طلعت لسيف
سيف: بشريني
رغد: الله يعوضك بأحسن منه أضطروا ينزلونه لانه ميت وبيضر جسمها
سيف: لاحول ولاقوة الا بالله
رغد: عن أذنك بروح اجلس تعبت من الوقفه
سيف: تفضلي ..تعبناك معنا
رغد: لا عادي هذي اختي اغلى من روحي ...تركته ومشت للكراسي جلسة بتعب غمضت عيونها وحرارة الدمع تسكنها
سمعت صوت وراها : رغد ؟!
لفت بسرعه وكرهت نفسها لشوفته ..كان مخلص دوامه ومتجهه للبيت: نعم
د وليد: خير ايش فيك جايه للمستشفى ؟
رغد: لا الحمدلله مافيني الا العافيه
د وليد:اجل أيش جايبك الفجر
رغد: اختي تعبانه وجايه معها
د وليد:اها..قدامها العافيه ماتشوف شر
د وليد: مع السلامه
ماردت عليها وراقبته بعيونها لين أختفى عن نظرها سمعت اصوات الممرضات اللي يمشون وراه
..:مشاء الله هذا الدكتور شخصيه يعجبني
..: كله كوم وجاذبية كوم ثاني
..:يابخت اللي يشرف عليهم طول الوقت مقابلين وجهه اللي يرد الروح
رغد( مالت عليكم ويش عاجبكم فيه يرفع الضغط هو وتصرفاته الغبيه ..ماغير يلاحقني درب يسد مايرد)

***مزون شمر*** · 17-04-2012, 11:37 AM

رد: رواية يا خاطفي وين ألقى عزتي في زمان المذلة ! / كاملة

صحى من نومه قبلها أخذ له دش ينشطه بعد مالبس وتكشخ التفت على السرير وشافها نايمه ولا هي حاسه بازعاجه
باسل: والله غريبه ويش فيها هذي ؟
مشى لها وتردد قبل يصحيها طالع ساعته وشاف انها تأخرت بالنوم:هنادي ...هنادي
كانت منغمسه بأحلامها ..كل تعب الايام اللي راحت بان عليها الليله الماضيه
باسل بعد شعرها عن وجهها ومرر يده على خدها بشويش ...ارتسمت على جبينها علامات الأنزعاج:هنوده قومي يالله الساعه صارت 9
هنادي تبعد يده: خلني أنام
باسل: والفطور ؟!..انا جيعان
هنادي فتحت عيونها بكل صعوبه:تدل المطبخ "غطت نفسها بالشرشف" لاتزعجني اذا شبعت نوم قمت من حالي
تركها وطلع للصاله جلس على الكنبه وشغل ال tv حتى يضيع طفشه بعد ساعه من جلسته ماقدر يتحمل الجوع اكثر ..وقف وراح للمطبخ فتح الثلاجه وطلع له لبنى واخذ قطعة توست ودهن فيها رجع للصاله يأكل وهو يفكر بهنادي اللي ماكلفت نفسها تقوم وتجلس معه على الأقل ..سمع باب الغرفه أنفتح
أما هنادي ماقدرت تنام بعد ما صحاها قامت تروشت وغيرت ملابسها وتعطرت بعطر هادي ..شافته متمدد على الكنبه ورامي عكازه على الأرض
هنادي: افطرت وألا لا ؟
باسل: توك تذكرين
هنادي بتأفف: يعني ما أفطرت ؟
باسل بنفس نبرتها: يهمك افطرت وألا ما افطرت ؟
هنادي :ويش فيك انت ؟
باسل: ألا ويش فيك أنتي ؟من أمس منتي طبيعيه
هنادي :سلامتك مافيني شي
طنشته ودخلت المطبخ تسوي لها فطور ... جهزت لها صينيه تفتح النفس وريحة الكابتشينو ماليه البيت ..اخذت الصينيه وطلعت عنده ..وقفت عند الكنبه اللي جالس عليها
هنادي: شيل رجولك ابي اجلس
باسل: على وسع البيت ضاقت عليك الا تجلسين هنا؟
هنادي ميلت فمها: بتبعد وألا شلون
نزل رجوله وهي قربت الطاوله منها وحطت الصينيه عليها ..جلست وسمت بالله وبدأت تأكل
مد يده على كوب الكابتشينو وأخذه
هنادي: طيب أستئذن على الأقل
باسل ببرود: من قالك ما تسوين لي والا ناسيه اني زوجك
هنادي كملت اكلها بهدوء والجو بينهم متكهرب والصمت هو سيد الموقف ...طاحت عينها على رجله وتقشعر جسمها
هنادي: لاعاد تلبس شورت وألا برمودا ماحب اشوف عمليتك
باسل مد رجله على طولها: لازم تتعودين عليها
هنادي : انت شايف كيف رجلك مشوهه
باسل:ويش اسوي هذي هي العمليه
هنادي:طيب شيل رجلك مابي اشوفها
باسل: ياكثر تذمرك وطلباتك
سحبت الكوب من يده:ماقد طلبت منك شي الا انك تشيل رجلك هذي
باسل يستهبل عليها:تبيني اقصها مثلا ؟
هنادي: ويش دخلني فيك اهم شي ما اشوف هالغرز الطويله عاد رجلك ماشاء الله تقول عامود كهرب من طولها
باسل انفجر بالضحك:عيدي اللي قلتيه
هنادي رفعت حواجبها بتعجب: ياباسط ويش قلت عشان تضحك هالضحك كله ؟
باسل:عجبني تشبيهك البليغ

::
::

في الرياض

كانوا مجتمعين على الفطور
ندى: يمه بروح معكم تكفون
أمها: لا يمه خليك هنا
ندى بأصرار:رايحه يعني رايحه لا تعارضون
ابو فهد:خليها تروح يام رياض تشوف اخوه وزوجته بدل ماتزعجنا
ندى: أسمعي الراي الزين
هزاع: اوووف منك ياندى ماتشبعين من الزن
ندى تقلب عيونها: كيفي ويش دخلك انت
هزاع لف على ابوه: عاقبها يبه ولاتاخذونها معكم
ابو رياض ابتسم:هذي الغاليه عندي طلباتها اوامر
ندى ضحكت عليه: هههههههه لقط خشتك الحين ..محد ينافسني بالغلا
ام رياض: كلموا فطوركم وخلوا السوالف لا تلهيكم
ندى: يمه تكفين خلينا بعد نمر ولد فهد ميته على ما أشوفه بالصور ماهو واضح
هزاع دخل عرض: ويش تشوفين صغير مره ما تميزين منه شي
ندى: ياحول انت كل شوي ناط لي خلني اكلم امي على راحتي
أبو رياض:يابنتي مو على أي حال نشوفه يمكن الزياره ممنوعه عنه
ندى بتحدي: مالي شغل والله لاخلي فهد يدخلني واشوفه
هزاع: تحسبين الدنيا على كيفك ..اقول روقينا نبي نفطر
ام رياض بعصبيه:خلاص اسكتوا
بعد دقايق اتصل فهد على هزاع
هزاع: هلا ابو راكان عمرك طويل
فهد يضحك: اجل تتكلمون عني
هزاع: أي والله ندى ازعجتنا تبي تزور زوجتك وولدك مع امي
فهد: زين ..انا قريب من البيت بجي افطر عندكم واخذهم معي اذا رجعت
هزاع: الله يحيك بس اسرع شوي ترانا على فطورنا
فهد: غمض عين وفتح عين تلقاني قدامك ..مع السلامه
ام رياض: ويش فيه اخوك
هزاع:قريب من البيت بيجي يفطر عندنا
ام رياض: يالله هالولد ماشاف يوم حلو بحياته ..اكيد ماله نفس يجلس ببيته لحاله بدون زوجته
ندى: يكسر خاطري والله لا أم تهتم فيه وزوجته تعبانه
ابو رياض:هو رجال ويش كبر يعرف يصرف نفسه واذا احتاج شي ماراح نقصر معه حتى لو بيجي يعيش عندنا هو الداخل وحنا الطالعين
ثواني وألتفت لمصدر الصوت
فهد: ماتقصر يابوي ...السلام عليكم
الكل : وعليكم السلام
ام رياض:ياحي الله من جانا ..حياك يايمه
سلم على ابوه وباس راسه قرب من خالته وباس وجه كفها وراسها:كيفك حالك ياخالتي
ام رياض:بخير دامك بخير ...بشرني عنك وعن مرتك
فهد سحب كرسي جنب هزاع وجلس:والله حالتها صعبه كل يوم تنتكس اكثر
ندى شهقت: ياقلبي عليها
أبو رياض: امس بديتوا الكيماوي زي ماقلت لي؟
فهد: أي والله وهذا اللي زاد تعبها اكثر
ام رياض:الله يقومها لك بالسلامه
فهد:امييين الله يسمع منك ياخالتي
ندى: فهد ليش ماتسفرها برى اكيد علاجهم احسن
فهد ابتسم:كلهم نفس الشي هنا والا برى بيعطونها نفس العلاج ونفس العلميه نسويها هنا احسن
هزاع: الله يكون بعونك ...وولدك شخباره ؟
فهد ابتسم:الحمدلله بخير كبر شوي عنه اول
ندى بحماس: تكفى ودني له ميته على ما اشوفه
فهد :شوفي اعلمك من الحين نرحب بالمدح ولا نقبل بالنقد
ندى ترفع حاجبه: اجل ولدك ماهو حلو صح اعترف
فهد يضحك: بعيوني هو ازين طفل بالدنيا ...بس بعيونكم مدري
ندى:خلاص انا أبت لك في الأمر
ابو رياض: ههههههههههه ياويل راكان منك
ندى: شدعوى يبه شوفني ويش زيني بس اكيد ركوني يهبل اذا ابوه فهيدان وامه شواقه ربي يشفيها
ابو رياض:وأنا أشهد
أم رياض: يمه فهد مد يدك وأفطر شوف وجهك كيف صاير أصفر
فهد أبتسم : والله اني ميت جوع
ندى: أجل كل والا تبي تتصور مع الاكل
هزاع ضربها على ظهرها بشويش: ياثقل دمك
ندى: ماهو أثقل منك

***مزون شمر*** · 17-04-2012, 11:38 AM

رد: رواية يا خاطفي وين ألقى عزتي في زمان المذلة ! / كاملة

ببيت أبو مها
أتصلت على سحر تطمنها
سحر: طيب بصحي مها وأقولها
رغد:احتمال نطلع مانجلس بالمستشفى
سحر: طيب يصير خير
رغد: مع السلامه
بعد ماقفلت من رغد مشت لغرفة مها وصحتها
مها: خليني اكمل نومتي
سحر: قومي ريم بالمستشفى
بعدت يدها عن عيونها وبصوت خايف: ويش فيها ؟
سحر:تعبانه ومات اللي ببطنها
مها جلست بسرعه ماهي مصدقه اللي تسمعه:ويش قاعده تقولين ...أكيد تكذبين
سحر جلست على السرير المقابل لمها: والله ما أكذب من بعد الفجر راحوا للمستشفى بس ماحبيت اصحيك واخرب نومتك
مها تدور جوالها: مين راح معها ؟
سحر: رغد وسيف معها ..تقول احتمال يطلعون
مها: ياحياتي عليها امس ماكان فيها شي أكيد عين وصابتها
سحر كشرت: استغفر الله ويش الخرافات هذي ..هذي حكمة رب العالمين بعدين ماتذكرين انتي اول صار معك نفس الشي
مها غمضت عيونها وهي تتذكر اسوء ايام حياتها: أستغفر الله العلي العظيم
سحر: بتقومين والا شلون ؟
مها تطالع الساعه: سديتي نفسي من على الصبح "نذكرت هنادي "ودي اتصل على هنادي خايفه عليها
سحر ابتسمت: لا تخافين عليها هنادي كبيره وتعرف تتصرف وتدبر أمورها
مها بحزن: لا والله اكثر وحده فينا ضايعه وماتعرف تتصرف هي هنادي بس مافي احد فينا فاهمها الا شوق الله يقومها بالسلامه
سحر: ياربي بنسوي مناحه الحين
مها طلعت جوالها: بتصل عليها واتطمن بعدين اكلم رغد
سحر تهز كتوفها بسلبيه: أتصلي خلينا نشوف اخبارها ولو بنزعجها من بدري
مها ضحكت واتصلت عليها وبعد رنين مطول وصلها رد هنادي
هنادي: صباح الخير
مها حطت سبيكر : صباح النور والسرور ...الف الف الف مبروك
هنادي: الله يبارك فيك
مها: بشريني عنك ويش مسويه في صبحيتك ؟
هنادي ببرود: عادي زي كل يوم
مها تضحك: معقوله زي كل يوم ؟
هنادي: ايه معقوله ونص .. المهم كيف بعد امس عسى ماتعبتوا ؟
مها: والله نص ونص بس عماتي وبناتهم ساعدونا فيهم الخير
هنادي: اخواتي كيفهم ؟
مها: كلهم بخير
هنادي: احتمال اجيكم اليوم
مها طلت بسحر اللي تاشر لها عشان تصرفها: لا حبيبتي ويش تبين فينا انبسطي مع زوجك واتمشوا لاحقه على زياراتك لنا
هنادي بشك: تصرفين هاه؟
مها:لا مو قصدي بس انتي عروسه اركدي شوي واسمعي كلام زوجك مو من اول يوم ودني عند اهلي ويش بيقول عنك
هنادي: يخسي يقول شي انتم عزوتي والا هو بحريقه
مها: يؤؤؤ لايسمعك الحين ..خلاص بقفل قبل تجيبين لنفسك مشكله
هنادي تضحك:هههههههههههه يالخوافه
مها:يالله انتبهي لنفسك والله الله بالسنع والزين
هنادي تسايرها: ايه هين
مها: والله اني غاسله يدي منك بس ويش اقول غير الله يهديك ..باي
هنادي تضحك:باي وسلمي على البقيه
مها: يوصل .."قفلت الخط وطالعت سحر
سحر: احس هنادي ماتبي باسل
مها عقدت حواجبها بأستغراب من كلام سحر:ليش تقولين هالكلام؟
سحر: اممم حسيت من كلامها وتصرفاتها حتى لما كانت تروح للسوق بالعافيه تروح ولاهي مهتمه بالزواج من اساسه
مها: جاهله وصغيره بالعمر على هذي المسؤليه الزواج مو سهل زي ماتتخيلين
سحر:ادري انه مسؤليه بس تلميحات هنادي غريبه والدليل كلامها قبل شوي يأكد لي انها تكرهه وماتبيه
مها ميلت فمها: خلاص تزوجت وراحت بيت زوجها الله يسعدها وويوفقها معه
سحر: امين
مها تغمز لها: الا انتي ويش اخبارك مع قيسك
سحر حمرت خدودها وردت بحياء: الحمدلله لي مده ماكلمته انشغلت بدراستي والامتحانات بعدين زواج هنادي
مها:الله يوفقكم ..انا ما أرتاح الا لما اشوف كل وحده فيكم مبسوطه وسعيده في حياتها
سحر رفعت عيونها لفوق: ياترى ويش ينتظرنا بالمستقبل ؟
مها وقفت: قومي قومي خشي المطبخ سوي فطور وانا بصلي واصحي رنومه واجيك
سحرضربت راسها: يوووه ماسويت قهوة ابوي
طلعت بسرعه وراحت للمطبخ تجهزت فطور لهم وقهوة ابو مها المعتاده

***مزون شمر*** · 17-04-2012, 11:40 AM

رد: رواية يا خاطفي وين ألقى عزتي في زمان المذلة ! / كاملة

بعد ما أنهت مكالمتها طلعت من الغرفه ..أندق باب الشقه
لف عليها: مين اللي جاي الحين ؟
هنادي: مدري قوم شوف ..تركته ورجعت للغرفه تدور شاحن لجوالها ..سمعت صوت باسل يناديها طلعت للصاله وشافت بيده باقة ورد كبيره وفخمه وألوانها تأسر العين
هنادي بأعجاب: واو تهبببل
باسل فتح الكرت وقرأ اللي فيه بصوت عالي: الف مبروك ..جمع الله بينكما على خير "روان"
هنادي قربت منه وسخبت ورده وشمتها: ياحياتي عليها
باسل سلمها الكرت والباقه:ذوقها رفيع
هنادي: ايه ذويقه فديتها
باسل: حطيها على الطاوله وتعالي جنبي
هنادي تتخصر: ليش ويش في؟
باسل جلس ومد رجليه على الكنبه ورجع يديه ورى رقبته: وين تبين نسافر ؟
هنادي :ماتفرق معي سافرنا وألا ماسافرنا
باسل ابتسم: معقوله ؟
هنادي بعدت رجوله وجلست: معقولتين بعد ..انا بودي بس ازور شوق واتطمن عليها
باسل : ابشري راح اوديك لها بس بعد مانرجع من السفر
هنادي:وانا مابي اسافر مايهمني السفر كثر ماتهمني راحتي وسعادتي بحياتي
باسل طالعها بنظرة تعجب: كلام حلو وعين العقل
هنادي :توك تدري اني عاقله ؟
باسل: والله تصرفاتك تشككني بعقلانيتك
هنادي كشرت: مخليه العقل لك يابو عقل ..المهم ترى أنا ابيك توديني لشوق
باسل: طيب بوديك بس كمان ابي نسافر نتمشى مع بعض
هنادي تهز كتفها:انا عندي دراسه
باسل ابتسم بخبث: ومن قالك بتكملين هنا ...بأخذ أوراقك وتروحين معي لجده
هنادي فتحت عيونها على الأخير: من جدك تتكلم ؟
باسل يضحك:هو اصلا كم بقى على أجازة الصيف كم اسبوع بعد الأختبارات بتسحبين اوراقك وتحولين لجامعه جده
هنادي بأعتراض: مستحيل انا ابي هنا جامعتي مريحتني
باسل طالعها بنظره غريبه: بالله مريحتك ؟
هنادي بقوه: ايه ومعي صديقاتي انت بتوديني لمكان ما اعرف به أحد لاصديقات ولا أهل
باسل: انا شغلي هناك وبيتي قصر ويش كبره وألا عاجبتك هذي الشقه
هنادي بسخريه:يوووه نسيت انك ولد عز منت متعود على هذي العيشه
باسل:ايه ماني متعود وانتي لازم تتعودين على حياتي أنا
هنادي:ماهي هنادي اللي تتغير عشانك
باسل أبتسم:حلو "احتد صوته" كلامي هو اللي بيمشي رضيتي وألا مارضيتي
هنادي:انا ماراح أترك المدينه واهلي اذا والله مصر اننا نكمل مع بعض أما أذا انت ماتبي خلاص احسن حل الأنفصال
صرخ عليها بصوت حاد:تونا ..بدري من أولها أنفصال ؟ أجل ليش وافقتي من ألاساس
هنادي تتخصر:أسئل نفسك لا تسألني ..شوف ياباسل أذا تبيني تنفذ اللي ابيه
باسل مسكها بقوه مع ذراعه:ماعاشت اللي تمشيني على كيفها ..بتروحين ورجلك فوق رقبتك ولاتخليني امنعك من دراستك
هنادي تألمت من مسكتها:أترك يدي أتركها
باسل: ياتتعدلين معي وألا بتشوفين شي ماعمرك شفتيه
هنادي سحبت بدها بقوه ونفخت عليه: ويش بشوف
باسل: أنا أوريك اللي بتشوفينه بس لا تستعجلين "بنبرة أمر منتهيه " ومن اليوم جامعه هنا تحلمين فيها لو تموتين ماتكملين هنا
هنادي انقهرت: نشوف مين اللي يضحك بالأخير
باسل بسخريه:نشوف ياهناديووه
قامت معصبه وسكرت باب الغرفه بقوه هزت أركان البيت وصرخت بأعلى صوتها" الله يأخذك يا حقققيير"
عصب من كلامها قام وهو يعرج بشكل واضح ونسى عكازه طايح ..فتح الباب بقوه شافها جالسه على السرير تبكي
هنادي: ويش تبي في كلام نسيت تقوله ؟
باسل تنهد حاول يتمالك نفسه حتى مايعصب: انتي ويش يرضيك ترى جننتيني
هنادي: اللي ابيه انك تنقلع عن وجهي وتفكني هاللحظة
باسل بنظرة أحتقار: عاجبك هذا الأسلوب اللي تكلميني فيه
هنادي بحقد: ويكثر عليك بعد
باسل جلس على كرسي التسريحه :شوفي يابنت الناس من أولها بقولك تبين عزك وكرامتك ماتنهان تبلعين لسانك هذا اللي يبي له قص وألا بتشوفين أشكال وألوان الأهانه ..ثاني شي حركات الأطفال تبطلينها تراك بالغه وبالعشرين يعني مايحتاج افهمك ويش تسوين
هنادي تمسح دموعها: وويش بعد ؟
باسل:تحسسيني انك زوجه مو عدد زاد بحياتي بدون فايده
هنادي :وصل مسجك تقدر تتفضل برى ابي اكون لحالي
باسل قام وخلاها لحالها والف فكره تطري بباله

:::
:::

***مزون شمر*** · 17-04-2012, 11:42 AM

رد: رواية يا خاطفي وين ألقى عزتي في زمان المذلة ! / كاملة

وصلوا المستشفى بعد زحمة الشوارع يوم الجمعه
قربوا من المكان الذي تقطن فيه حاليا ..زادت قبضتها على كف فهد
لف علي يدها وابتسم:ويش فيك ؟
ندى:خايفه اني ما أتحمل منظرها
ام رياض بتأفف:بتقلبينها بكاء خليك برى احسن
فهد: اذا بتدخلين لازم تتحملين وما تبكين قدامها ترى تتأثر بسرعه
ندى أخذت نفس طوويل وزفرته بحراره:خلاص بمسك نفسي
أم رياض: يالله ندخل ...سبقها فهد وأمها أما هي قربت بتردد لاخر لحظة
سمعت صوت فهد :لا الحمدلله صايره أحسن وجهك منور
أم رياض:الحمدلله على سلامتك يابنتي قدامك العافيه
شوق بصوت قريب للهمس:الله يسلمك
ام رياض جلست على الكرسي: طمنيني عنك عساك أحسن
شوق هزت راسها: زي ماتشوفين
فهد مسح على شعرها:وجهك يبشر بخير
شوق ابتسمت:الحمدلله
ام رياض تتلفت بالغرفه:وين ندى ماجات
فهد رفع راسه وشافه واقفه عند الباب بدون ماتتحرك :ادخلي ويش فيك واقفه
ندى أنصدمت من شكل شوق الشاحب الخالي من أي حياه متمثله بجسد تفارقه الروح ..مشت بخطوات متثاقله وقربت من السرير تحاول تمنع دموعها ابتسمت بحبح ومدت يدها تصافحها
ندى: ماتشوفين شر"باستها على جبينها وبداخلها تتألم على شكلها نحفت بشكل واضح عظامها يتحلفه الجلد الهزيل "
شوق بتعب واضح عليها: مايجيك الشر
ندى: مبروك ركوني يتربي بأحضانكم
شوق وفهد بصوت واحد:اميين
ام رياض:يمه شوق فهد يقول أنك ما تأكلين
شوق: مالي نفس
فهد: هاوشيها ياخاله عجزت وانا احاول فيها شوفي كيف نحفانه
ندى تتأمل شكل شوق ونظرات فهد الكسيره اللي ماتفارقها( يالله ماتخيلتها كذا اسبوع وصارت بهالشكل ..يارب شافها وعافها)
ام رياض: لا يابنتي لازم تأكلين حتى الادويه يكون لها مفعول والا ماتبين تشفين ؟
شوق: ما أقدر أكل أي شي أحطه بفمي أرجعه قرفت عمري
فهد: مشكلتك عنيده
ام رياض: بتأكلين يعني بتأكلين أذا مو عشاننا عشان ولدك اللي محتاجك
شوق نزلت دمعتها: إن شاء الله
فهد: ليه الدموع الحين
طلعت شهقه من صدرها ماقدرت تكبتها وتحاربها اكثر طلعت من عندهم بسرعه وعيونهم متعلقه فيها
فهد بعد عن شوق:بشوفها وراجع لكم
شوق مسحت دمعتها وتبسمت: تبكي على حالتي ؟
أم رياض اللي تتحكم بنفسها لأبعد حد: لا يمه بس ندى دمعتها قريبه
شوق: ياحليلها ابيها ترجع عشان أسولف معها وتتأكد أني بخير
ام رياض: يرجعها فهد الحين
برى الغرفه
فهد: ويش قلنا قبل ندخل ؟
ندى تبكي وبصوت متقطع:ماتوقعتها كذا ..لودريت ماجيت
فهد جط يده على كتفها: هذا أللي ربي كاتبه يالله مسحي دموعك وتعالي داخل
ندى :لا ماراح ارجع
فهد:وبعدين ؟!
ندى:خلني اشوف راكان بالأول وبعدين نرجع
فهد ابتسم لها: يالله طيب نروح نشوفه
ندى عدلت طرحتها ومشت مع فهد وهي ماتدل أي مكان بالمستشفى بعد ماوصلوا للحضانه وقربوا من راكان
ندى : ياناس عليه يجنن طالع على ابوه
فهد يضحك:بالله طالع علي؟
ندى: اممم تبي الصدق ماهي باينه ملامحه
فهد يقرصها بشويش:اجل لا تنصبين علي

:::
:::
:::

بعد العصر
رجعوا لبيت أبو مها ..كانت تعبانه جدا ونفسيتها متعب أكثر
سيف:لاأوصيكم عليها أي شي تحتاجه كلموني
رغد: إن شاء الله
دلخت أغراض ريم ولحقتهم للغرفه ..لقت سحر تلحفها وتشربها مويه
سحر:لاتزعلين ريومتي خيره لكم
ريم:كنت متعلقه بحملي كثير
رغد: ربي يعوضكم بأحسن منه لاتحزنين
سمر تقفل كتابها: يالله عاد ريومه ابتسمي ماتسوى علينا نزعل ربنا كريم وبيرزقكم درزن عيال ودرزن بنات توك صغيره بتحملين وتولدين لين تقولين بس
رغد تضحك:ههههههههه خذوا الحكمه من افواه السفهاء
سمر كشرت :انا من السفهاء يالشينه
رغد: لا حشاك ..يالله سحر انتي ومها اهتموا بريومه انا ميته تعب بكره وراي كرف ماهو طبيعي بنام عشان اصحى اذاكر واشوف ويش ينتظرني
سحر: خلاص اعتمدي علينا
سمر وقفت:انا بتصل على شهد أقولها عن اللي صار
سحر: بدري..كلمتها يمكن تجي المغرب
سمر رجعت جلست: الله يريحك كنت بأخذ لي مشوار على الفاضي
دخل ابو مها الغرفه بعد ما تنحنح
مها:حياك يبه تفضل
ابو مها:زاد فضلك يابنتي ..بشريني عنك ياريم
ريم وملامح الأرهاق والتعب مرتسمه على وجهها البريئ:الحمدلله بخير
ابو مها:يالله شدي حيلك هذا اللي ربي كاتبه لك
ريم:الحمدلله على كل حال
مها: على قول سمر العمر قدامك
سحر وقفت وابتسمت: انا وسمر بنروح المطبخ عشان نجهز العشاء بدري
مها: خذوا حساب شهد معنا
سمر: أنا بتصل عليها عشان اتأكد أذا بتجي وألا لا ؟
أبو مها: يكون أحسن
بعد ماطلعوا سمر وسحر بقى لحاله مع مها وريم
ابو مها:ما كلمتوا هنادي ؟
مها ابتسمت: الا كلمناها مبسوطه مع باسل الله يتمم عليهم
ابو مها:إن شاء الله ...الا وين رغد ؟
ريم بصوت متعب:راحت تنام تعبت معي اليوم
ابو مها يطالع الساعه: يمديها نامت وألا باقي ؟
مها: والله مدري يبه تبي اروح اشوفها اذا صاحيه؟
ابو مها وقف: لالا انا بروح اشوفها ..تركهم وأتجه لغرفة رغد
مها بشك: تتوقعين أبوي ويش عنده ؟..وجهه ماهو عاجبني احس وراه سالفه
ريم تنهدت بتعب:كل خير بس انتي اتركي اللقافه عنك
مها ترفع حاجبها:والله غريبه ..اقول بروح اتصل على زوجي سفهته من يوم جيتكم وبكره بغييب عن الدوام بسبتك
ريم ابتسمت لها:أخلي سيف يجيب لك أجازه ؟

***مزون شمر*** · 17-04-2012, 11:44 AM

رد: رواية يا خاطفي وين ألقى عزتي في زمان المذلة ! / كاملة

دق باب غرفتها ووصله ردها
رغد:تفضل
فتح الباب وعلى شفايفه ابتسامه حنونه وبعيونه نظرة أبوه ...نزلت نظارتها وقفلت الكتاب بعد ماعدلت جلستها
رغد:نورت الغرفه يالغالي
أتسعت بسمته: الله لايحرمني منك يابنتي
رغد:تفضل يبه أجلس
ابو مها جلس ونظره جديه:رغد يبه انا بكلمك بموضوع المفروض أكلمك فيه من مده بس أنتي أدرى بالظروف اللي صارت لنا
رغد استغربت نبرة ابوها ونظراته الجديه لها:خير يبه ويش هذا الموضوع ؟
ابو مها: انتي أنخطبتي
رغد أنصدمت وشهقت بصوت عالي:شنوووووو؟!
ابو مها:أسمعي اللي بقوله زين وأنتي حره بالأختيار انا ماغصبت خواتك اللي قبلك ولا راح أغصبك المهم عندي رضاك وموافقتك
رغد بتنهي الموضوع :يبه انا رافضه الحين همي الوحيده دراستي ؟
ابو مها: يابنتي خليني أكمل كلامي الولد كلمني بنفسه وكلمتني أمه وحتى يوسف توسط له عندي
رغد فتحت عيونها على الأخير ماهي مستوعبه كلام أبوها: ويش دخل يوسف ؟
ابو مها:لأن هذا صديقه وأسمه عبدالله ولد ناس وطيب بس عيبه أنه متزوج أرملة صديقه عشان يربي عياله بعد ماوصاه عليهم
رغد بلعت ريقها وتمالكت نفسها ..حست بقوه تسري بجسمها أستغربت مبنعها:يبه أنا رافضه لايتعب نفسه وينتظر ردي ..وهذا أنت قلتها متزوج ويش يبي فيني أنا
ابو مها: الولد شاريك وامه كلمتني يبونك وزمان خطبوك بس صارت لهم ظروف وماتمت الخطبه
رغد:زمان ماهو الحين ...انا مستحيل أتزوجه لاسباب أولها انه متزوج ثانيها انا صغيره وإن شاء الله بيجيني اللي أحسن منه (وثالثها سامحني يابوي ما أقدر أقوله )
ابو مها يحاول يقنعها: استخيري يمكن يتغير رايك ماتدرين الخيره وين
رغد بحده: هذا الموضوع بالذات ماراح أستخير فيه مابيه ولا أبي اتزوج بالمره عاجبتني حياتي هنا
ابو مها بدأ يفقد الأمل: يعني خلاص هذا الرد النهائي ؟
رغد غمضت عيونها وأخذت نفس طويل:ايووه هذا ردي النهائي
ابو مها وقف: الله يكتب لك اللي فيه الخير ويرزقك بأبن الحلال
رغد ابتسمت لأبوها: امين يالغالي اميييين
طلع من عندها وتركها تسرح بعالم اخر من الأفكار والأوهام

{ رغد }

متى تتركني بحالي ياعبدالله وربي اني كرهتك ومليت منك كل هالسنين ماقدرت تنسيك اللي كان ...مستحيل انسى اللي كان بيننا أبدا ولا راح أنسى كذبك وخيانتك لي ..بكل جراءه جاي تتكلم مع أبوي كأني الظالم وأنت المظلوم ..انت اخر شخص ممكن افكر فيه تبت من حبك حتى لو بقى في داخلي منه أثر أكتويت بألف نار ونار بسببك
رجعت لكتابها متجاهله كل اللي صار بينها وبين ابوها ..بالرغم من كبت قلبها واحاسيسها الميته

:::
:::
:::

***مزون شمر*** · 17-04-2012, 11:53 AM

رد: رواية يا خاطفي وين ألقى عزتي في زمان المذلة ! / كاملة

عند الثنائي المختلف
{ هنادي & باسل }
رمت العطر من يدها وقفت تتأمل شكلها بالمرايا ..من صغرها ماتحب أي أضافات جماليه عليها مكتفيه بطبيعتها وملامحه الطفوليه التي تزيدها جمال ..يزيد ضيقها تقمصها لشخصيه تغايرها تماما
هنادي بتأفف:ياربي اكره هذي الخرايط اللي بوجهي "لفت عن يمينها ولاحظت قصر التنوره" أوووف يعني مايصير البس بجامه أريح وأستر وأحسن بعد
دق جوالها وفرحت لما شافت الرقم:هلا رونتي
روان بنبرة وله:وحشششتيني مووووووت
هنادي ضحكة من قلب:وأنتي أكثر
روان:كيف بعد الزواج
هنادي:طففففش
روان:هههههههههه بدري على هذا الكلام
هنادي:ماني متعوده اكون لحالي دايم البيت مليان الحين ماغير راسي وراسه
روان:بتتعودي مع الأيام
هنادي تذكرت: ثانكس على الورد ياحلوو
روان:عجبك؟
هنادي: مررررره يكفي ألوانه ترد الروح
روان: انا متصله أتطمن عليك أخليك تشوفين زوجك لايقول عني ما أستحي
هنادي:ههههههه اوك أذا لقيت وقت أتصلت عليك
روان:أوك لاتقطعيني
هنادي:افا عليك قولي غير هذا الكلام
روان:يالله باي حبي
هنادي:باي ..قفلت جوالها والقت النظره الأخيره على شكلها وطلعت من الغرفه ...شافته متمدد على الكنبه بعشوائيه ونايم ..شكله هادي ومنغمس تماما بأحلامه ,,جذبتها ملامحه السمراويه قربت منه بشويش وحاولت ماتطلع أي صوت يزعجه ويصحيه
هنادي( ياربي هذا له كم وجه كل يوم أشوف له شكل ..الظاهر من الكحل والبلاوي اللي علموني خواتي عليها خربت النظر عندي قمت أشوف اشكال والوان ..أممم طيب الحين هذا كيف أصحيه ؟!..وألا أخليه نايم أحسن لايغثني بكلامه )
أخذت الريموت تقلب بالقنوات لكن حست بالملل لفت على جهته واستغربت هدوئه بالنوم باين عليه التعب ..وقفت قبال ولمسته مع كتفه وهزته بشويش
هنادي:باسل ..باسل قوووووم
ماحصلت رد منه زادت بهزه وبدأ نبضها يزيد:باسل ...باسل
لمست جبينه حرارته عاديه جلست جبنه وبخوف :باسل ويش فيك ..رد علي
باسل ببرود كاد يقتلها:ويش تبين ؟
هنادي بعدت شعره عن وجهه: أنت حي ما مت ؟
باسل فتح عيونه يطالعها:لو كنت ميت تتوقعين أرد عليك ؟
هنادي عضت شفايفها بقهر كانت بتموت من الخوف وهو لا يبالي حرك يده:كأنك مضيقه المكان علي ؟
هنادي انقهرت وحطت يدها على خصرها:ويش قصدك ؟
باسل ابتسم:ماقصدي شي بس شوفي المساحه صغيره مره
هنادي عناد فيه ما بعدت وقلبت بعيونها:بالعكس وسيعه بس كل واحد يحدد اللي يناسب حجمه
باسل يرفع رجله: لو سمحتي بعدي عشان رجلي بمدها زين
هنادي تتكي وتتمدد بعناد: ماعليش عندك السرير روح تمدد وتبطح فيه على كيفك
باسل:طيب الحين جايه مصحيتني ليه ؟
هنادي كشرت: طفشت لحالي
باسل:انتي سبب طفشنا الاثنين
هنادي :يارربي نلف وندور ونرجع للمهاوشات انت ليش تحب نتهاوش
باسل فتح عيونه على الاخير: انا ؟
هنادي تطالع وراه:لا اللي وراك
باسل لف بتلقائيه مصدق ان في أحد وراه: وينه
هنادي انفجرت ضحك :ههههههههههههاي
باسل ميل فمه: اشوى اخيرا شفنا اسنانك
هنادي:هههههههههههه حلوه الحركه
باسل: ماقلتي ليه مصحيتني من احلى نومه
هنادي تحولت ملامحها للتعبيس:قلت طفشانه ماتفهم ؟
باسل: طيب ويش تبين اسويلك اذا طفشانه ؟
هنادي:أووووف قوم ونسني يالله اللي اعرف العرسان مايجلسون بالبيت
باسل ابتسم:قلت لك بنسافر وانتي رفضتي يالله عاد تحملي الطفش هنا
هنادي بترجي: لا ويش ذا حرام عليك ظلم ...انا بموت من الطفش
باسل: وين نروح طيب مافي الا هالبيت خلينا فيه لين نروح جده
هنادي: عندي حل ..ويش رايك توديني بيت اهلي اشوف خواتي
باسل ضحك:وانا اتسربت بالشوارع ؟
هنادي بتأفف:اجل اقترح علي شي يونسني
باسل اخذ الريموت :الحين اوريك شي يونسك ويعجبك "حط على قناة رياضيه " في شي أحلى من المبارايات؟
هنادي كانت بتصارخ لكن مسكت نفسها عند اخر لحظة وحطت رجل على رجل:امم ايه فيه دور لنا فلم والا برنامج
باسل :أقولك بقوم ألبس نطلع نغير جو أصلا
هنادي ابتسمت بداخلها( أخيرا بغير جو عن كئابة هذا البيت اللي تسد الرزق ) وقفت ولحقته للغرفه تجهز شنطتها وعبايتها
باسل: ويش رايك ألبس ثوب وألا جينز ؟
هنادي شهقت بقوه:جيييينز ؟ لاحبيبي ثوب وشماغ قال جينز قال
باسل ارتسمت على جبينه ملامح استغراب:ويش فيه الجينز
هنادي تصرفه:لالا مافيه شي حلو ويزيد حلاه اذا لبسته بس احسن البس ثوب انا أحب الثوب
باسل هز كتفه بسلبيه: نلبس ثوب ليش لا
بعد ربع ساعه ركبوا السياره ..مدت يدها على المسجل وشغلت السيدي
هنادي: وين بنروح ؟
باسل يفكر:أممممم مدري بصراحه ما اعرف اماكن حلوه هنا
هنادي :ويش رايك نروح منتزه بري نتونس ونتفرج على الناس
باسل:أذا تعرفين الطريق نروح
هنادي : ايه اعرفه
باسل : أجل توكلنا على الله

::
::

***مزون شمر*** · 17-04-2012, 11:54 AM

رد: رواية يا خاطفي وين ألقى عزتي في زمان المذلة ! / كاملة

بعد المغرب
ببيت ابو مها
شهد: الف سلامه عليك حبيبتي
ريم بتعب:الله يسلمك
مها: ويش رايك تنامين مانمتي من الصبح وباين عليك التعب
رغد:أي والله خلونا نروح للصاله وهي تنام
شهد علقت عبايتها:أوك يالله سمور قلبي شيلي ميشو
سمر تركض له: ياهلا بأطلق واحد بالبيت كله
مها:انا بروح أشوف سحر ويش سوت مع العشاء
رغد انتظرت لما الكل طلع وبقت هي وشهد سكروا الاضاءه والباب
رغد بهمس: عندي سالفه ضروريه لازم تعرفينها
شهد فتحت عيونها على الأخير:جد والله ...يالله على غرفتك بس بروح اقول لسمر تنتبه لميشو واجيك
رغد: أنتظرك لا تتاخرين والا تروح عليك
شهد: افا عليك غمضي عين وفتحي عين وأنا قدامك
بسرعه راحت لسمر ومرت بطريقها على مها بالمطبخ ورجعت لرغد اللي حكت لها اللي صار بينها وبين أبوها
شهد ميلت فمها: انتي مقتنعه بقرارك ؟
رغد عقدت حواجبها باستغراب وركزت نظراتها على شهد:ايه مقتنعه
شهد بجديه:شوفي رغد الرجال جاء وكلم عمي وانتي رفضتي لا تجين بعدين وتتندمين وتقولين ياليت اللي جرى ماكان
رغد عصبت:انتي تضنين اني للحين احبه انا عفته تفهمين ويش معنى عفته بعدين حطي براسك شي واحد انا مستحيل أخذ فضلة غيري حتى لو كان اغلى انسان بحياتي
شهد: دامك مقتنعه بقرارك انتي حره صرتي راشده تعرفين تمييزين اللي تبين
رغد ميلت فمها بكره :انتي قلتيها صرت راشده والعقل اللي من ورى عبدالله مابيه
شهد بأستغراب:يالله ماتوقعتك بتكرهين كل هذا الكره وتحقدين عليه
رغد ابتسمت بذبول: لو ذقتي اللي ذقته راح تدعين عليه بالموت ولاتنسين اني لو تزوجته بيظل يذكرني بالماضي اللي تبت عنه وتندمت عليه
شهد لمست كفها بقوه: تغيرتي كثير يارغد
رغد: الدنيا دروس وتجارب والشاطر اللي يتعلم من اغلاطه وتجاربه
شهد بتغيير الموضوع كشرت : بقولك على شي راح يصدمك
رغد :خير؟
شهد احتدت ملامحها: بجد مدري كيف بقولك
رغد عصبت: قووولي
شهد نزلت راسها : أنا حامل
رغد شهقت وبنفس الوقت صرخت:ويش حامل ؟
شهد هزت راسها وهي تشوف معالم الصدمه على وجه رغد: ايه
رغد: حرام عليكم كل يوم وحده جايه وقايله انا حامل
شهد ترفع يدها: عسى ربي يبلاك واشوفك كل سنه حامل
رغد: بسم الله عليا ..بعدين كلهم يحملون الا انتي خبله انهبلتي صار لعقلك شي ميشو توه صغير لسى ماصار له ست شهور
شهد بتضجر: صار اللي صار والحين حامل ماني اول ولا اخر وحده تحمل
رغد : الله يرفع عنك ياشيخه
شهد كشرت: يعني مافي مبروك وانا اللي قلت اكثر وحده بتفرح لي رغد
رغد بخبث: باركنا لك اول مره تكفي بعدين لو طولتي شوي افكر ابارك لك مره ثانيه
شهد : وربي انك لئيمه اروح لمهاوي هي اللي تحس فيني مو انتي مالت عليك
رغد ترفع يدها: يارب يارب يارب تهزئها وتلعن خيرها
شهد: اعوذ بالله منك
دخلت مها على كلمتها وبلقافتها المعتاده:ويش فيكم تتناقرون انتي وهي ؟
رغد بسخريه: تعالي شوفي القطوه هذي
شهد قرصتها:قطوه بعينك يالخفاش
مها ابتسمت وجلست قبالهم: عن السخافه انتي وهي ويش عندكم
رغد تمد لسانها لشهد:باركي لها الاخت حامل " مدت بدلع"
مها فتحت عيونها :شنو "لمست اذنها" ماسمعت ويش قلتي عيدي بالله
شهد بزعل: ياويلي لهذي الدرجه صرت عجوز
مها بصدمه: أكيد تمزحين احلفي انك مانتي حامل
شهد: للأسف حامل مس مهاوي
مها :بجد انك مجنونه "سكتت شوي " يالله جالسه بالبيت لادراسه ولا شغل ويش وراك غير الحمل والكنس والتنظيف لك مستقبل باهر لو تفتحين حضانه
شهد شوي وتبكي: مالت عليك وانا اللي اقول مهاوي بتحس فيني
مها: لا والله غلطتي يوم حستي
رغد ماتت ضحك على شكل شهد اللي تغير: خلاص لاتزعلين ياناسووو على المكشر
شهد:ماقول ألا ربي يخليني يوسف حبيبي مو أنتم
مها:ترى ازعجتينا بيوسف كأن ماحد متزوج بذا البيت الا انتي حتى أنا ياناسوو على بندورتي وصلعته ويش زينه
رغد:هههههههههههههههههههه اه يابطني تكفين مها لاتتغزلين بزوجك يوم أشوفه استغرب التوافق بينكم
مها تغمض عيونها: سبع والسباع قليلون
شهد:أفلقيني ان كان سبع هو وصلعته اللي لو يخططها يكسب
مها تتخصر: الا زوجي لو سمحتي
رغد:هههههههههاي ..تكفون بطني أوووه ههههههههههههه
شهد: أخص لايكون توم كروز وانا مدري
مها بصوت رومنسي:والله أنه بعيني أطلق من مليون توم
شهد: مسكينه تحلم حلم لايمكن يتحقق
رغد تمسح دموعها من الضحك :خلاص ابي عمري

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget