رواية يا خاطفي وين ألقى عزتي في زمان المذلة ! / كاملة

***مزون شمر*** · 20-04-2012, 12:12 AM

رد: رواية يا خاطفي وين ألقى عزتي في زمان المذلة ! / كاملة

البارت السابع والخمسون

لاتنتظر من فاقد الشي يعطي !
عمر العزا ماشالته صالة أفراح!

في بيت يوسف
كلهم مجتمعين ويضحكون ومندمجين مع بعضهم بالسوالف
هنادي سندت راسها لورى: من زمان عن هذي الجلسه
رغد ابتسمت: أي من بعد ما تزوجتوا صرتوا تحنون لهذي الأيام
شهد تضحك: عن نفسي لا والله ماحنيت لسى
هنادي طالعتها بنص عين: باين الكذب بعيونك
ريم : قولوا حنيتوا للمهاوشات وقلة التفاهم بينكم
رغد:يوووه شحطي مره
هنادي تغمض عيونها: ريم عن المثاليه الزايده انتي كنت تعصبين على طول وغصب نتهاوش معك انتي وسحر
سحر شهقت: يالنذله مين اللي كانت تنرفزنا بحركاتها وثقالة دمها
هنادي ابتسمت بخبث: اكيد مو انا وحده فيكم
سمر تقلب عيونها: تقصدوني هاه
ريم ماتت ضحك: شوفوا الثانيه ...سبحان الله اللي على راسه بطحه يحسس عليها
سمر تمد لسانها: تدرون الحين مرتاحه بس لو تفارقنا سحر يصير البيت واو
سحر تقرصها: تبين الفكه بس عناد فيك بقعد على قلبك
سمر تتخصر: اصلا بتزوج قبلك عم.."سكتت"
شهد بنظرات مستغربه: ويش فيك سكتي كملي
سمر ارتبكت وتغيرت ملامحها:ويش اكمل مافي شي اقوله
رغد ركزت نظراتها لسحر اللي بان عليها الضيق ...فهمت نظرات سحر لسمر وتألمت :سمور كملي احساسي يقول وراك مصيبه
سمر كشرت:اما مصيبه بس قصدي يعني ان شاء الله بتزوج واخلص لما قالت بجلس على قلبك
هنادي بسخريه:عيب والله عيب تقولين اتزوج لو احد يسمعك يقول طاقه على العرس بدري عليك اصلا نبي نحط لك شرط انك تخلصين دراستك انتي الدلوعه واخر العنقود
سمر فتحت عيونها على الأخير: وييييش؟ اكمل دراستي ومن قال؟ يعني على حظي تحطون ذا الشرط لا والله ظلم ظلم
هنادي تأشر عليها:شفتوا قليلة الحياء اللي ماتستحي
الكل:ههههههههههههههههههههههه
سمر ميلت فمها:انتي يالبويه انطمي
هنادي ضيقت عيونها: تكلميني ؟
سمر رفعت حاجبها: الله نسينا اللي كان سبحان مغير الأحوال
هنادي بعدم مبالاه: اي والله سبحانوه
رغد تضحك: تدرين هنادي ماتوقعتك تعقلين عن حركاتك
هنادي كشرت: ويش شايفيني انتم يارربي منكم
ريم : ماعليك منهم والله انك ازين واعدل وحده فينا
هنادي تبوسها: يالبى ام سيف والله
ريم تضحك:ههههههههههههه سيف عاد
هنادي: ماعندك بزر نسميك على رجلك
سحر وقفت بضيق والزعل باين عليها وطلعت من الغرفه .. وقفت شهد: بروح للمطبخ وراجعه
رغد: لاتتاخرين وصحي ميشو بطريقك ماصار كل ذا نوم
شهد ابتسمت:روحي صحيه بنفسك ...مشت للمطبخ بسرعه وشافت سحر تمسح دموعها
شهد:سحر ويش فيك تبكين
سحر ابتسمت وبأنكار:بالعكس ما ابكي شكلك بديتي تتوحمين علي
قربت منها ولمست خدها الساخن المحمر: مهما انكرتي باين عليك البكاء..قوليلي ويش اللي يبكيك
سحر نزلت راسها بحزن تحاول تراوغها: تذكرت عمي
شهد حطت كفها على خدها ورفعته:الله يرحمه ويسكنه الجنه تتوقعين اننا نسيناه بالعكس صح نضحك ونسولف ومكملين حياتنا بس هو عايش هنا " اشرت على قلبها" هو الاب اللي ربانا ومن باب البر له اننا ندعي له مو نذكره ونبكي " ابتسمت" صح ؟
سحر ردت لها الأبتسامه: صح
شهد رفعت حاجبها: بس برضوا مو هذا اللي يبكيك مدري ليه تخبين عني وانا شقيقتك
سحرحطت يدها على يد شهد اللي على خدها وهمست ودمعتها على خدها بهدوء: تعبانه
ضمت شهد بقوه ولفت يديها على رقبتها وصارت تبكي بحده ... تجمدت من حركتها ماهي مستوعبه حركة سحر السريعه ضمتها لنفسها بقوه ومررت يدها على ظهرها
شهد: اوووش خلاص لا تبكين
سحر: تعبانه ياشهد حاسه اني بنفجر ماعدت أتحمل
شهد كابته دموعها : ويش تاعبك حبيبتي قوليلي صدقيني ماراح اقول لأحد
سحر غمضت عيونها الحاره الشبيهه بجمرة حارقه ... أخذت نفس طويل استنشقت معه عطر شهد اللي يحسسها بالامان بحضنها الدافي

عند البنات بالغرفه الثانيه
تفاجئت لما شافت الوقت مر بسرعه بدون ماتحس : اووف الساعه 12
رغد بصدمه طالعت الساعه: أي والله .. ماحسينا بالوقت
ريم تبوس ميشو: أخذتنا السوالف وماحسينا بالوقت
رغد بحياء: يووه تتوقعون يوسف يستنانا نروح والله عيب علينا
سمر شهقت: بيت اختنا نجي ونروح مثل مانبي
ريم تضحك على دفاشة سمر: بس هذا بيته تخيلي لو عنده عمل بكره من جد عيب
هنادي طلعت جوالها:انا بتصل على باسل عشان يجي تاخرت عليه
رغد: وانا بتصل على جلالي
ريم :رغد تراني بروح معكم زوجي عنده عمل
سمر بفرحه: وناسه يعني في سهره اليوم
ريم تقلب عيونها بغرور: كل هذا عشان بنام عندكم
رغد تضحك: يمكن مو اكيد
هنادي عقدت حواجبها باستغراب: مهاوي وين
ريم : بدررري يوم بتروحين فقدتيها
هنادي تلم شعرها: وانا اقول ياربي في شي ناقص اثاري مهاووي ماهي معنا
سمر تغمز لهنادي: الليله عندهم الأسره السعيده ههههههههه
رغد انفجرت ضحك:هههههههه روقينا ترى شبعانه مافيني اضحك
دخلت سحر معها شهد
شهد: الله يديم الضحك عليكم
رغد: تعالي اسمعي اخر نكته على مهاوي
:::
:::

***مزون شمر*** · 20-04-2012, 12:20 AM

رد: رواية يا خاطفي وين ألقى عزتي في زمان المذلة ! / كاملة

بهذا الوقت بالرياض
الساعه 12 ونص بعد منتصف الليل
رجع للبيت بعد ماسمعها كلام جرح احساسها وقلبها اللي كان متأمل فيه جدا ... فتح الباب الخشبي الكبير وتأمل المساحات الواسعه المظلمه ... مايقدر يميز أي شي البروده قشعرت جسمه مشى للدرج وطلع بخطوات هاديه وقف عند باب جناحهم تردد قبل يدخل خايف يلقاها صاحيه ويتفنن بتجريحها .. قوى نفسه ودخل لمح ضوء الابجوره مفتوح حتى يبعد الظلام عن الغرفه نزل شماغه وثوبه وفتح الدولاب بشويش وطلع له بجامه ولبسها قرب من السرير وشاف أجمل ثنائي يحرك مشاعره الدفينه كانت نايمه وملامحها ساكنه لا يعكر صفو أحلامها أي شي ..حاطه يدها على راكان اللي نايم بجنبها وملامحه الطفوليه تشبهها كثير
تنهد وعيونه تتاملهم قرب منها وبعد شعرها القليل عن وجهها وستر اكتافها البارده باللحاف بعد راكان عنها شوي وباسه بخفه وضحك بهمس وهو يشوف تجاعيد الزعل على جبينه من لمسته الخفيفه .... ابتعد عنهم ومشى بخطوات شبه مسموعه طلع من جناحهم ونزل لمكتبه
سكر الباب على نفسه وجلس على الكرسي فتح الدفتر وقرأ كلامها للمره المليوون
{ فهد }
بدل ماتفرح يافهد أنها تبادلك نفس الشعور تعاملها كذا ؟.. المفروض تفرح أنها قرأت كلامك اللي ماقدرت تقول لها حتى وانت على وشك انك تفقدها للأبد ... جرحتها بدل ما تقول لها كلمه تسعدها وتفرح قلبها ... اخ مني اخ ما اعرف اتصرف ليش ماحب احد يعرف ضعفي ...اه ياشوق انتي اكبر نقطه ضعف بحياتي احب دموعك احب ضحكتك احب وضوحك وحتى غرابتك ..لازم اعدل غلطتي قبل يضيع الوقت
نزل راسه بين يديه وهو يفكر بأمه ونفسه وشوق اللي مادرت الى الأن عن وفاة عمها وهو متردد لاخر لحظة بأخبارها
خلاص لازم انهي كل شي بكره بعد زواج صفاء ...لازم
طلع الغرفه ودخل بهدوء لكن تفاجئ لما شافها جالس على الكنبه وتقرأ قرأن
فهد: سلام
شوق بدون نفس : وعليكم السلام
فهد: ويش اللي صحاك
شوق بدون ماترفع راسها: شي مايخصك
انقهر كان بيرد عليها بعصبيه لكن تمالك نفسه عند أخر لحظة "طبيعي تكون هذي ردة فعلها متوقع تستقبلك بالأحضان ": تصبحين على خير
ماردت عليه وكملت قراءة القران .. انسدح وعيونه على راكان اللي نايم جنبه لمس طرف انفه ولف على شوق اللي سمعها تردد: صدق الله العظيم
حطت المصحف على الطاوله ورجعت لفراشها انسدحت وحطت يدها على صدر راكان وباسته على خده حست بيده الدافيه لمسها ورفعت عيونها له
فهد: زعلانه ؟
شوق سحبت يدها بسرعه واعطته ظهرها: بالعكس فرحانه كلامك بين لي قدري عندك وعرفني حقيقتك
فهد:كنت معصب وماني داري ويش اقول
شوق بتنهي الموضوع: تصبح على خير
فهد عقد حواجبه من حركتها:أفهم انك ماتبين تكلميني ؟
شوق:افهم اللي تفهمه مايهمني قلبي ماعاد يتحمل أي جرح كافي اللي جاني منك
فهد غض شفايفه بقوه وقال: فضفضي بعد بشوف ويش شايله علي
شوق نزلت دموعها بصمت وبنفس النبره:انت اللي تجبرني اشيل عليك والا ..."سكتت"
فهد لف عليها : وألا أيش ؟
شوق : ابي انام ممكن ؟
فهد جلس :لا ماهو ممكن الا بعد ماتقولين الا ايش؟
شوق تقرب اللحاف من وجهها حتى مايشوف دموعها:مابي اتكلم بشي صار ماضي
فهد بعصبيه: يعني بكل مشكله تصير لازم نرجع للبدايه وتذكريني
شوق بتافف:قلت لك مايهمني اللي تفهمه
فهد بحده: قومي كلميني زين
شوق عدلت نفسها وتفرك يديها ببعض:نعم
فهد يرفع حاجبه بحده :طلعي اللي بقلبك
شوق طالعته بنظرات الم لابد تقول الحقيقه وماتنكر فضله من بعد الله في حياتها:أنت ماقصرت معي ساعدتني ووقفت معي بس بخيل بمشاعرك وانا ابي مشاعرك يافهد .. اليوم زعلت عشان شي تافه كان المفروض تنبسط اني شفت كلامك وعرفت بحبك لي لكن انت دايم افعالك عكس اللي بداخلك مادري ليييه ...انا بعد ماقصرت معك شوف كم سنه من تزوجنا وانا اللي تبيه اسويه حتى لو كان بالغصب ..لحد ما صار بيننا طفل والمفروض تكون علاقتنا افضل وأقوى لاننا صرنا أبوين لكن انت هالفتره بعيد عني ما ادري هو تهرب والا ويش بالضبط انا مقدر اكمل حياتي بدونك انت اساس حياتي بس تقهرني بتصرفاتك معي
فهد بهدوء: باقي شي ماقلتيه ؟
نزلت دمعه من عينها: لا خلصت كلامي وانتظر جوابك
فهد عض شفايفه وطاحت عيونه على راكان اللي صحى من النوم وبدأ يبكي:يمكن اللي صار اليوم طلع بدون قصد مني لأن مضغوط من الشغل ومشاكله
شوق شالت راكان وحطته على رجولها ثواني ورجع نام وهي تسمع فهد بأصغاء تام:انت تقدر تفصل بين حياتك وبين شغلك وماتخلي أي واحد يأثر على الثاني
فهد تنهد: أول كنت اقدر بس مع الايام بديت اضعف الظروف اللي مريت فيها غيرت فيني كثير "مد يده لكتفها ولفها عليها"شوق سامحيني اذا اخطيت بحقك مافي احد معصوم من الخطاء صدقيني لو عرفتي بأسبابي راح تعذريني كل اللي ابيه انك ماتزعلين وتكدرين خاطرك عشان لا تتعبين
شوق رفعت عيونها الدامعه:ما يهمك زعلي لو يهمك صحيح ماتزعلني
فهد قرب منها وشدها له بقوه:أنا اعترفت بخطاي المفروض تسامحيني وتصفحين عني
شوق بزعل:مابي انت جرحتني
فهد :واذا قلت لك عشان ولدنا اللي ضحيتي بحياتك عشانه
شوق مسحت على وجهه: الحمدلله انك باقي تذكر هالشي
فهد بحزن:شووووق لا تعذبيني اكثر خلاص عاد
شوق بتهديد:هالمره بسامحك بس يكون بمعلومك انها اخر مره بعدها بصير شي مايرضيك
فهد يرفع حاجبه ويميل فمه: بدينا بالتهديد
شوق كشرت: هذا تنبيه ماهو تهديد
فهد باسها على خدها:طيب اوعدك بس يالله عاد فكي هالتعبيسه وابعدي عنك هذي الدموع
شوق ابتسمت برضا: طيب

***مزون شمر*** · 20-04-2012, 12:29 AM

رد: رواية يا خاطفي وين ألقى عزتي في زمان المذلة ! / كاملة

طلعوا من بيت شهد وقبل يوصلون البيت
سمر: خلونا نمر السوبر ماركت جوعانه
سحر شهقت :بعد الاكل اللي اكلتيه جوعانه جد انك مثل الخزان
رغد بدت تحس بالجوع: تصدقون عاد حتى انا جوعانه
ريم: حالتكم صعبه والله اشوف اوزانكم زادت مو من شي من الاكل كل ساعه
سمر رفعت صوتها: بسم الله علينا اذكري الله لا تضرينا
ريم بسخريه: ياربي لك الحمد الحين انتم اصككم عين على ويش ياحظي
رغد تضحك:جلالي بالله عليك ودينا اقرب سوبر ماركت
جلالي يشوف الساعه: بس هدا ساعه وحده نص
رغد: مو مشكله نلاقي السوبر ماركت مفتوح الجوع كافر
ريم تضحك: لو هنادي معنا وناسسه
سحر تهمس لها: ماهي يمنا مع حبيب القلب
ريم ماسكه ضحكتها: من شفتها اليوم كاشخه وانا شاكه بوضعها
رغد بلقافه :ويش تقولون نبي نسمع
ريم: ابد سلامتك ..متى نوصل الماركت بوصيك بشي
رغد: شوفي انا ماراح الف ابد انزلي بنفسك واشتري
جلالي وقف السياره: خلاص وصل جلدي جلدي
رغد تفتح الباب:كل وحده تروح تجيب اللي تبي ونتقابل عند الكاشير
ريم بكسل: والله مافيني خلاص سمر بقولك ويش ابي
رغد نزلت: بسبقها عشان يمدينا
سحر: طيب روحي انتي وهي تلحقك
دخلت السوبر ماركت وأخت سله جمعت فيها أنواع من الشوكلاته والشيبسات والمشروبات الغازيه ووقفت تنتظر سمر بأحد الممرات تأخرت عليها ولمحتها بعيده مشت لها
شافتها من بعيد وأشرت لها:رغد تعالي شوفي هذا اخذه
ألتفت على مصدر الصوت وعيونه عليها وهي ماشيه بأتجاههم بسرعه ومو مركزه بطريقه ما أنتبهت لبقعه المويه وتزحلقت وطاحت وصوت صرختها .. كانت تراقبها بعيونها وبيدها علبه كوكيز رمته وركضت لها
سمر مسكت يدها:رغد تعورتي
رغد بتألم: اي ظهري
سمر جلست لمستواها ولمست مكان الطيحه وصرخت بشويش :اي
قرب منهم وبصوت رجولي خشن:أقدر أساعدكم ؟
رفعت عيونها بنظرات متفاجئه وبصدمه: أنت ؟!
د وليد اقترانت حواجبه وهمس: رغد .." جلس وبعد السله عنه وسالها" لاتتحركين لايكون في كسر
رغد بحركه سريعه كانت بتبعده لكن يده كانت اقرب وثبتها وبحده: لا تتحركين " طالع عيونها اللي تعذبه وتأسره لعالم ثاني تدارك الوضع حتى لاتحس بشروده بنظرتها " وين اللي يوجعك ؟
رغد بأحراج: مايحتاج دكتور انا كويسه
د وليد:قلت وين المكان اللي يوجعك
سمر بتدخل حطت يدها على أسفل ظهرها وبحسن نيه:هنا
حط يده الدافيه على المكان تقشعر جسمها من لمسته اللي ألمتها سمع همسها المتألم :اح بشويش
د وليد: إن شاء الله أخر فقره ما تأذت ..وقف وساعدها توقف حطت يدها على ظهرها وهي حاسه بألم فظيع
رغد :مشكور د وليد
د وليد يطالعها بتفحص: روحي للمستشفى
رغد: ماله داعي
د وليد ابتسم :على راحتك
سمر لمت الاغراض ومشت مع رغد اللي كانت تمشي بعرجه بسيطه والالم يزيد عليها
رغد مدت لها المحفظه: حاسبي وتعالي السياره انا بروح مقدر اوقف
سمر: طيب خليني اوصلك وارجع اشوف الحساب
رغد: مايحتاج اقدر امشي ..لاتتاخرين " طلعت وشافته بيدخل سيارته تعدت من جنبه وركبت سيارتهم "
رغد تكت على الكرسي بألم وبصوت عالي: اه
ريم بخوف: سلامتك من الأه
رغد ضيقة عيونها: طحت طيحه اه بس بغيت اروح ضحيه لها
ريم وسحر انطلقت ضحكاتهم:ههههههههههههههههه
سحر بقهر: اجل فاتني مشهد كوميدي
رغد بنبره متحسره:ما انتبهت للمويه وتزحلقت حسيت ظهري طلع صوت من قوة الطيحه
ريم:هههههههههه وين عيونك
رغد بتكشيره: قلت لك ما انتبهت
دخلت سمر ومعها الاكياس:هاه رغد ظهرك يوجعك
رغد:شوي
سمر :والله طيحتك قويه
ريم: غريبه ما تسطحتي ضحك
سمر :اقولكم قويه مافي مجال اضحك ..الا مين د وليد ذا ؟
رغد: الدكتور اللي كان معنا في المستشفى
سمر:الله يوفقه على طول جاء ساعدنا
سحر: فيه الخير والله
رغد غيرت الموضوع بضيق:يالله جلالي روح البيت
ريم: ماتبين نمر المستشفى يكشفون عليك
رغد: لا بسيطه لما ارتاح يروح الوجع
سمر تتذكر شكل رغد وتضحك بهستريا شاركتها الضحك ريم
سحر: توها تتسوعب وتضحك
سمر:لو شفتوا شكلها كيف جايه تمشي بسرعه وماحسيت الا بالصوت ربكم ستر ماطاح السقف علينا
رغد بتخصر: شايفتني دوبيه زي بعض الناس ؟
سمر بقوة عين: واحد قالك اني دوبه
ريم: يووه روقونا عاد

برى بيت أهل يوسف
كانت واقفه تنتظر باسل اللي أتصل عليها وخبرها بأقترابه مرت عليها ذكريات كثيره أولها ايام جهلها وتهورها ..تذكرت خيانة عبير لها وأستغلال ماجد اللي كان السبب الرئيسي بعد أرادة الله في وصولها لهذا الحال ..كانت تفكر كيف تنتقم من عبير لكن في يوم غير حياتها كليا قررت تلغي هذي الفكره حتى ماتجني ذنبها كملت حياتها
صحت من سرحانها على صوت الجوال ردت
هنادي بدون ماتشوف الرقم:هلا باسل وينك انا برى ؟
..:برى ويين ؟
هنادي عقدت حواجبها بأستغراب وطالعت بشاشة الجوال وابتسمت:هلا وغلا
روان: أهلييين باللي ما تسأل ومزعلتني
هنادي:افا زعلانه مني ؟
روان: ايوه زعلانه وألا بعد العزاء نسيتيني ولا تتصلي وكأنك ما تعرفيني
هنادي تضحك:حقك علي والله أنشغلت حبيبتي سامحيني
روان: اسامحك؟ عوضيني بشي أسامحك عليه
هنادي ابتسمت:امري انتي
روان: أمممم تعالي عندي بكره وربي مشتاقه لك انتي وسواليفك
هنادي: خلاص اطلب باسل واعطيك الرد الصباح
روان: استنى ردك على نار اوكي عشان ابعزم الشله
هنادي بحماس:اوووه لا اجل كذا 90% جايه صراحه عرضك مغري جدا
روان تضحك: اتوقعت تقولين سيبينا لوحدنا نأخذ راحتنا اكثر
هنادي: اوعدك بجلسه لنا لوحدنا وعندي في البيت
روان :واو من جد هنو
هنادي:ولو عمري وعدك واخلفت
روان: لا ياعيوني
هنادي لمحت سيارة باسل: يالله وصل باسل اتكلم معه واردلك باي
روان: استناك باي حبي

***مزون شمر*** · 20-04-2012, 12:30 AM

رد: رواية يا خاطفي وين ألقى عزتي في زمان المذلة ! / كاملة

وقفت السياره وتأكدت أنها مو سيارة باسل خافت لما دققت بالملامح وعرفته
هنادي بتأفف(ياربي على ذا اليوم بالجايه والروحه اشوفك أوووف بس شوفته توترني وتفقدني اعصابي )
نزل من السياره وفتح الباب الخلفي وطلع شنطة سبورت فيها ادوات الرياضه تبعه وتعدى من عندها بدون اهتمام وعينه تتفحصها عن كثب
هنادي انقهرت من نظراته: نزل عيونك هذي عساها للعمى ...قلة حياء
ماجد التفت بكامل جسمه عليها وكان قريب منها شوي عقد حواجبه بأستغراب وسألها بنبرة استفسار: تكلميني ؟
هنادي تتلفت بالشارع:في احد احول غيرك ؟
ماجد مد يده للباب وتكى وعينه بعينها :ايه في عماير وسيارات وقطاوه
هنادي بحقد: وقح وماتستحي على دمك
ماجد بيرفع ضغطها ويرد لها حركتها فيه المغرب: والله انتي الوقحه ماشي بدربي وانتي اللي تلقفتي علي وألا المغرب مسويه قدام الخبل اني نزيه وشريفه والحين تدورين الفرصه عشان تكلميني وتتلزقين فيني
هنادي عصبت وطلعت عيونها:تخسي انت وأشكالك ..مين انت عشان اتلزق فيك
ماجد يهمس لها: مالحب ألا للحبيب الأولي
هنادي نفسها تمسكه وتضربه: انقلع ولا تكلمني لا أقول لباسل عن كلامك ياحقير
ماجد يضحك بسخريه:ويش يقدر يسوي ذاك الاعرج ؟
هنادي بقهر:احترم نفسك ولاتقول عن زوجي أعرج وإن شاء الله فيه يصير فيك
ماجد ضيق عيونه بحقد وبنره حاده: لا تدعين علي
هنادي لمحت ضوء السياره ومشت خطوتين لقدام: بدعي عليك بكل صلاة اللي سويته ماهو شويه
تركها ودخل بسرعه لما قربت سيارة باسل وهي مشت لها بسرعه ..فتحت الباب ودخلت
هنادي: وحشتني
باسل ابتسمت: وانتي اكثر حبيبتي .. طمنيني عسى انبسطتي مع اخواتك
هنادي : كثييير .. وانت وين كنت ؟
باسل يحرك السياره بسرعه جنونيه كعادته: كنت عند واحد من اصحاب فهد يشتغل هنا
هنادي بتعجب: وانت تعرفه ؟
باسل: ايوه ..من زمان لما اجي من كندا لجده فهد يخليني اروح معه لشاليه اصحابه وتعرفت عليه من هناك ...شفته بالصدفه وعزمني على كوفي
هنادي: اهم شي غيرت جوك
باسل: هذا المهم .. اقولك هنادي ترى احتمال اسافر جده بترجعين معي والا بتجلسين هنا ؟
هنادي لفت عليه: وليش ترجع خليك هنا
باسل: لا مقدر اتأخر على شغلي اكثر قلت اخبرك وانتي وراحتك
هنادي تنهدت: لا بجلس مقدر اخلي خواتي
باسل: اوك انا نهاية الأسبوع مسافر رغم اني مقدر على بعادك وبالذات هذي الفتره لأنك بتوحشيني انتي والبيبي
هنادي كشرت: ترى اغار لسى البيبي ماجاء لا جاء قول اشتاق له الحين بس تشتاق لي لحالي
باسل: طيب طيب بشويش علي اكلتيني
هنادي: على فكره صاحبتي عازمتني بكره وحبيت اخذ موافقتك
باسل :اممم ومين هذي ؟
هنادي خافت يدري انها روان: صاحبتي من ايام الثانوي تقول بتجمع شلتنا وكذا ؟
باسل: اوكي اهم شي مو شلتك اللي شفتهم بحفلة زواجنا
هنادي: وانت ليش تكرهم
باسل لف عليها واعطاها نظره: تدرين انتي لييش وألا نسيتي اللي صار في بداية زواجنا ؟
هنادي بتهرب: طيب طيب فهمنا خلاص
باسل : حبيت اذكرك ليس ألا
هنادي: مشكور مايحتاج تذكريني لاني عارفه
باسل: اجل الحمدلله
انقطع كلامهم بصمت الطرفين

***مزون شمر*** · 20-04-2012, 12:37 AM

رد: رواية يا خاطفي وين ألقى عزتي في زمان المذلة ! / كاملة

صباح اليوم التالي
فتحت عيونها بكسل وتعب كل جزء بجسمها يألمها مدت يدها للجوال وأستغربت مر وقت طويل وهي نايمه بدون ماتحس أقترب أذان الظهر وتأخرت بأخذ دواها لفت على الجهه الأخرى ومالقت راكان .. قامت وغسلت وجهها وتوضت ..صلت الضحى كالعاده وقبل تنزل تفطر بدلت ملابسها ونزلت ..البيت هادي لا ذكر لتواجد أي أنفاس غير أنفاسها التي تستنشقها بحريه وهدوء ..دخلت غرفة الأكل ونادت ليزا
شوق : وين فهد وماما نسرين ؟
ليزا: بابا فهد في روح شغل وماما في يجي رجال كبير يأخذ
شوق عقدت حواجبها بحده :رجال ؟
ليزا:ايوه مدام هذا يصير بابا مراد
شوق تذكرت: اها خلاص فهمت . اوك ليزا الله يعافيك جهزيلي الفطور وجيبي راكان
ليزات ابتسمت: ميري في سوي شور لركونا
شوق ضحكت على طرقة نطقها لدلعه ووقفت:طيب انتي جهزي الفطور وانا بشوفهم
طلعت من غرفة الأكل ونزلت للبدروم مشت بمرر غرف الخدم وسمعت صوت بكاء راكان اسرعت بخطواتها ودخلت غرفة ميري وابتسمت على شكله وسط البانيو الصغير وهو عاري وجسمه مغطى برغوه صابونيه
شوق قربت وبنبرة حنونه مليئه بالأمل: ياناس على الأنتعاش
ميري تمسح من الرغوه اللي على وجه راكان: كذا كويس مدام
شوق هزت راسها بالأيجاب سحبت المنشفه اللي على الطرف وفردتها على يديها: هاتيه يالله بنشفه
ميري بأصرار:نو مدام بابا فهد قول انا سوي شور
شوق رفعت حاجبها بتعجب:يعني الشور بأمر من فهد ؟
ميري: يس
شوق: طيب يالله لا يبرد هاتيه
أستسلمت لشوق وعنادها...نشفت جسمه المبلول وباسته على بطنه
شوق بحب أم صادق وأحساس لا يعرف الكذب ..بمشاعر أموميه يملكها الصدق :الله لايحرمني من بسمتك يانور عيني
أخذت ملابسه ولبسته وكشخته على الأخير ووقفت وألمها يزيد : ميري ألحقيني فيه وسوي له رضاعه شكلك مارضعتيه زين
ميري: أوك
طلعت لغرفة ألكل وبدأت تأكل وعينه على راكان اللي يحرك يديه بعشوائيه وهو بأحضان ليزا اللي جلست قدامها عشان يكون قدام عيونها وماتسهى عنه ..أخذت دواها وجلست بالصاله تنتظر رجوع فهد أو امه ... مر الوقت بطيء عليها دوما ماتكون لحظات الأنتظار هي اطول اللحظات في اقتصاص مرورها لأن ما بعدها مجهول
بعد ساعتين من الوقت
طلعت غرفتها نومت راكان غفت جنبه بدون ماتحس ... رجع بعد يوم شاق ومتعب رمى الملفات اللي بيده على المكتب وأسند نفسه على الكرسي أزعجه رنين جواله رد بصوت مبحوح
فهد: هلا
أمه: فينك يافهد أبو حازم يبغى يشوفك
فهد بانت تجاعيد جبينه بضيق: الحين مشغول قولي له بيشوفني بالزواج الليله
أم فهد: يعني ماراح تجي ؟
فهد: لا أنتي أعتذري منه وإن شاء الله خير
أمه بزعل: طيب بس الزواج بتحضره ما أقبل أي عذر
فهد:أذا رجعتي البيت نتفاهم
أمه:ما راح أرجع بكون مع صفاء طول اليوم
فهد تنهد: أوك على راحتك أمي
أمه:مع السلامه
فهد: مع السلامه ...قفل الجوال وتركه على المكتب عشان مايزعجه وطلع للغرفه حتى يبدل ملابسه فتح الباب بهدوء دخل وحس بسكون الغرفه مشى بخطوات متسارعه قليلا وطاحت عينه على السرير أبتسم على أشكالهم ودخل بدل ملابسه بسرعه ومشى للسرير
فهد بهمس: شوق ..شووق
فتحت عيونها وقامت بحركه سريعه: كم الساعه ؟
فهد يطالع ساعته:الساعه 2
شوق شهقت: يؤؤؤ راحت علي صلاة الظهر ..وقفت بسرعه وقبل تمشي حست بدوخه تمسكت بيده القريبه منه وتمايلت شدة على يده بقوه وغمضت عيونها حتى تتمالك توازنها
فهد:ويش فيك ؟
شوق: عادي دوخه تجي وتروح
فهد: تبين أوديك للمستشفى ؟
شوق :لالا ماله داعي يمكن عشان تأخرت بالدواء اليوم الحين خلاص صرت أحسن بروح أصلي وأرجع
تركته وأتجهت لدورة المياه حتى تتوضى ..أما هو أنسدح جنب راكان وغمض عيونه جسمه محتاج لراحه طويله ..ألم قلبه يهاجمه من فتره لفتره أهمل نفسه وصحته على حساب أهله وشغله وقف ومشى لثلاجه الصغيره وأخذ علبة ماء بارده وأرتشف منها الشي الكثير
رجعت وشافته واقف سألأته: فهد ماتبي تتغداء؟
فهد لف عليها :انتي صلي وننزل سواء نتغداء
شوق هزت راسها بالأيجاب .. بعد ربع ساعه نزلوا يتغدون
شوق بأستغراب: وين أمك ؟
فهد رفع عينه عن صحنه وبقسوه: أيش أمك ؟.. قولي خالتي عمتي أي شي
شوق استحت منه:سوري طلعت مني عفويه
فهد: مع بنت زوجها مو لازم توقف معها بليلتها عشان خاطر عيون شايبهم
شوق: هههههههههههههههههههه
فهد بنص عين: قلت شي يضحك ؟
شوق: كأنك غيران منه عشانه زوج أمك
فهد أبتسم: لالا ماتوصل لهذي الدرجه بس ماأتخيل انه طول السنين اللي فاتت يعاملني بحنيه وأنا مصدق انه صديق جدي الصدوق وغلاي من غلا جدي أثاري الموضوع وراه سالفه
شوق كابته ضحكتها:الا على طاري خالتي متى بتخبر باسل ؟
فهد: لاتستعجلين كل شي بوقته حلو بس نخلص من زواج صفاء اللي
شوق تلعب بصحنها:فهد
فهد: نعم
شوق بتردد: متى بتوديني المدينه والله مشتاقه لأهلي
فهد رفع عينه بأرتباك ضبط نفسه قبل ما تحس بشي: قريب قريب إن شاء الله
شوق: يعني مطولين والا بنروح قريب ؟
فهد: لا قريب إن شاء الله
شوق: توعدني ؟
فهد: أوعدك بنروح قريب لا تخافين
شوق بأرتياح: إن شاء الله

::
::

***مزون شمر*** · 20-04-2012, 12:43 AM

رد: رواية يا خاطفي وين ألقى عزتي في زمان المذلة ! / كاملة

بالمدينه في بيت أبو مها
الساعه 2 ونص الظهر
واقفه بالمطبخ تسوي الغداء للبنات دخلت عليها سحر
سحر: ريوم ويش عندك بالمطبخ
ريم :ويش تشوفين ؟
سحر جلست على الكرسي وسحبت منها السلطه: أشوف أنك تطبخين
ريم: مسويه لكم صينيه دجاج بالفرن وسلطه بتأكلوا أصابيعكم وراها
سحر تشم الريحه بتلذذ: الله الريحه تدوخ
ريم: صحي رغد وسمر ومهاوي اللي مارجعت ألا الفجر ماراح أحط سفره مرتين
سحر: من عيوني دام السالفه فيها أكل بصحيهم كلهم
مشت لسمر ولقتها تتفرج على برنامج بال tv
سحر: روحي ساعدي ريم بالغداء
سمر بكسل: مافيني حيل ساعديها انتي
سحر تكش عليها: والله مافيك خير انتي
طلعت رغد من غرفتها: ويش عندكم انتم ؟
سحر: الحمدلله وفرتي علي مشوار غرفتك يالله بنحط الغداء
رغد دخلت المطبخ:تسلم دياتك ريوم
ريم: الله يسلمك حبيبتي يالله تعالي ساعديني
رغد قربت من الطاوله وأخذت الصينيه وبتألم: اي ياظهري
ريم: ويش فيك ؟
رغد ابتسمت: يوجعني من طيحه البارح
ريم:خلاص روحي ارتاحي انا احط السفره
رغد: لا مو ذاك الوجع يالله نستناك بالصاله .. شالت الصينيه وطلعت للصاله
رغد بحده: سمر قومي يالله عدلي السفره
سمر بتأفف: شايفتني اتابع البرنامج ماترتاحون الا لما تنكدون علي
رغد :والله انك دلوعه قومي يالله يالله
سمر تضحك: طيب لا تعصبين كل شي بالتفاهم ينحل
رغد تحط الصينيه : طيب يا أم تفاهم تعالي
جات ريم وسحر: يالله سموا بالله
جات مها بكسل: بتأكلون من دوني
رغد: والله انتي اللي رايحه بالنوم
مها جلست جنب رغد: بسم الله يالله ويش تستنون
سحر:ههههههههههههههههههه والله الجوع مبين عليك
بدوأو الأكل وانقطع حديثهم ...أثناء أكلهم أندق الباب
ريم:يووه مين اللي يجي بهذا الوقت ؟
مها بأستغراب: مدري وحده تقوم تشوف الباب
رغد وقفت: أنا بشوف انتم كملوا أكلكم ... وقفت عند باب شقتهم
رغد:مين ؟
..:أنا أبو خالد يابنتي
رغد بنبرة أستغراب: مين أبو خالد ؟
ابو خالد: صديق الوالد الله يحرمه
رغد : أهلين ياعم خير أمرني ؟
ابو خالد:يابنتي بغيت أتكلم مع أختكم الكبيره أو أحد ولي عليكم
رغد بخوف:خير صاير شي ياعم ؟
أبو خالد: كل خير وأنا عمك بس ابي اقولك بعد صلاه العصر ارجع امر عليكم وياليت يكون معكم رجال ولي عليكم لأن ابي أنفذ وصية الوالد رحمة الله عليه
رغد بفضول : الله يسكنه الجنه ... خلاص نستناك ياعم
رجعت لأخواتها وعلامة الصدمه على وجهها
ريم بخوف: رغد مين اللي جاء؟
رغد جلست بعيد عنهم: واحد
مها لفت بسرعه وبحده: واحد مين ؟! لا يكون احد عارف أننا بنات في العماره وجاي ..طيب جلالي وينه مايشوف اللي يدخل مع الباب؟
رغد بضيق: ويش فيك ..هذا واحد صديق ابوي الله يرحمه يقول بعد العصر بيمر علينا ولازم تكونين انتي موجوده ورجال ولي علينا ..بس هذا من وين نجيبه ؟
سحر: محد ولي علينا ماعندنا عم ولا أخ
رغد تنهدت: والحل ؟
مها: خلاص بكلم بندر يجي على الأقل يكون في رجال ..بس ماقلتي ليه بيجي ؟
رغد والدمعه بعيونها: عشان الوصيه
ريم: أجل هنادي وشهد لازم يجون
رغد وقفت: بروح غرفتي وراح اكلم شهد عشان تجي
مها تنهدت: الله يستر أحس قلبي قارصني
ريم بنفس الأحساس: تصدقين حتى أنا ماني مرتاحه لهذا الرجال حاسه انه بيجي ويجيب معه كومة مشاكل
رغد بضيقه ممزوجه بعصبيه: الله لا يقوله تفائلي بالخير إن شاء الله مايصير إلا كل خير
مها: الله يسمع منك .. يالله روحي كلمي شهد
مشت من عندهم ودخلت غرفتها قفلت الباب وراها وأستندت عليه أحساسها يوافق أحاسيس أخواتها لكنها تكابر وترفض أن تخضع لمخاوفها وشكوكها حتى وأن كانت قويه ..جلست على سريرها واتصلت على شهد بعد رنين طويل وصلها صوتها المبحوح من كثرت البكاء
رغد شهقت بقوه: شهد ويش فيك ياعمري ؟
شهد تبكي:تعبانه تعبانه حيييل ياليت ماتزوجت يارغد ياليييت
رغد أنقبض قلبها: بسم الله عليك ياروحي لا تقولين كذا ..صاير بين انتي ويوسف شي
شهد بصوت باكي :لا
رغد: اجل ويش فيك حبيبتي ليش تبكين ؟
شهد : متضايقه وتعبانه
رغد: وهذا الشي يخليك تبكين ؟..الحمدلله انتي بصحه وعافيه اشكري ربك عليها
شهد مسحت دموعها وسكتت لما شافت بوسف دخل عليها الغرفه وشايل مشاري بين يديه:ويش تبي متصله؟
رغد: طيحتي قلبي بس .على العموم لازم تجين العصر في رجال يقول انه صديق ابوي معه وصيه لنا
شهد بصدمه: أيش ؟ وصييييه ؟
رغد: ايه لا تتأخري نستناك
شهد: طيب بجي بأذن الله
رغد: لنا كلام اذا جيتي وبطلي دلع يوسف يحبك ويموت عليك لا تزهقينه بحركاتك
شهد تصرفها: طيب يالله سلام ..قفلت الجوال وحطته على الكمودينه وقبل تتحرك

***مزون شمر*** · 20-04-2012, 12:53 AM

رد: رواية يا خاطفي وين ألقى عزتي في زمان المذلة ! / كاملة

يوسف: للحين متضايقه ؟
شهد تميل فمها وتصد عنه: وأيش رايك أنت؟
يوسف جلس جنبه وحط مشاري على رجوله: شهد والله زعلك ماله داعي يعني بدال ماتسجدين شكر لله تبكين وتقلبين فرحتنا نكد وغم
شهد رفعت حاجبها بتعجب:يعني الحين فرحتك صارت هم ونكد بسببي؟
يوسف: شهد الله يرضى عليك لاتفسرين الأمور على كيفك انا مبسوط ان ربي رزقنا بميشو وبيرزقنا بأثنين أخوان لميشو
شهد تطالع ببطنها: أمنت متخيل أنهم أثنين كيف بتحمل الشهور الجايه أذا من الحين تعبانه والظاهر انك نسيت كلام الدكتوره اليوم
يوسف: مجرد توقعات لا تحطينها ببالك
شهد تبكي: شلون ما أحطها ببالي وانا أحتمال أكون حامل بأطفال معاقين وأحتمال كبير
يوسف بعصبيه: كل شي بيد الله بتعترضين على أمره
شهد تبكي: الحمدلله على كل حال
يوسف :اذا بتتعبين من بكره الشغاله تكون عندك واذا على ميشو انا اهتم فيه بس انتي لا ترهقين نفسك
شهد : مو هذا قصدي
يوسف بقلة صبر : اجل ويش ؟ فهميني اللي تبين
شهد: انت ماراح تفهمني ابد مهما حاولت ابين لك ماتفهم
يوسف عصب عليها: أوف منك يالنكديه
شهد فتحت عيونها على الأخير: أنا نكديه ؟
يوسف: ايه نكديه خلاص قلت لك لا تفكرين كثرت التفكير ماراح تحصلين منها الا حرق الأعصاب
شهد صدت عنه : اتركني لحالي ابي اجلس مع نفسي
يوسف شال مشاري: بخليك لحالك بس تذكري اختك المريضه اللي ضحت بعمرها بس عشان تكون أم لطفل واحد وألأمل في حالتها معدوم وأنتي ربي رزقك بواحد وأثنين بالطريق وقالبتها مناحه تتبكبكين وتتسخطين
تركها بالغرفه مصدومه من كلامه ونبرته الحاده بكت بحرقه وبألأم ..لمست بطنها بداخلها تحترق ألف مره ماتبي أطفالها يكونوا ناقصين تتمناهم متعافين ومتكاملين الصحه حتى ينعمون بحياه جميله يهتنون بها لكن هو لا يدرك مخاوفها ولا قلقها أستلقت على وسادتها الريشيه وتكورت ضامه يديها على بطنها البارزه ودموعها تنسكب وتداعب أجفانها بلطف

العصر

تحديدا ببيت أبو مها

كانوا ينتظرون هذا الرجال الغريب عنهم

مها تطالع ساعتها: رغد هو قالت بعد صلاة العصر على طول ؟

رغد: ايوه كذا قال

مها: بندر مل من كثر ما ينتظر يقول شكل رغد ماسمعته زين

رغد بتأفف: ستين مره سالتيني قلت لك قال بعد العصر اجي

دخلت شهد : السلام عليكم

الكل : وعليكم السلام

ريم تاخذ ميشو عنها: هلا وغلا بميشو وحشتني ياقدع

شهد جلست بتعب بدون حتى ما تنزل عبايتهامها: رنيم روحي عند بابا

رنيم بعناد: لا ابي ميشو

مها تضحك: طيب روحي العبي معه

أندق الجرس .. ونقزت سحر :اكيد الرجال

مها: بندر يفتح واذا في شي بيجي يقولي

بعد عشر دقايق وصلهم صوت بندر

مها: ايوه بندر

بندر: البسوا عباياتكم وتعالوا بالمجلس

مها باستغراب: ليش؟

بندر: الرجال يبي يكلمك يقول الموضوع يخصكم

مها خافت : طيب الحين نجي

رجعت للصاله عند البقيه وقالت: بنات البسوا بندر يقول الموضوع يخصنا

ريم: اللهم أجعله خير

مها سبقتهم للغرفه: أخلصوا بسرعه عشان نشوف ويش الموضوع

رغد لبست عبايتها وشالت ميشو عن شهد ومشوا للمجلس ومها سابقتهم ...دخلوا متغطين وقفوا كلهم بصف بعيد عن بندر وأبو خالد

البنات : السلام عليكم

ابو خالد وبندر: وعليكم السلام

ابو خالد: حيا الله بناتي كيف الحال ؟

الكل: الحمدلله

ابو خالد: عساه دوم .. اقعدوا كلامي طويل

طالعوا ببعض بنظرات تساؤل واستغراب ...جلسوا على الأرض كلهم وعيونهم متعلقه بأبو خالد اللي بدأ يتكلم

أبو خالد: اول شي اكيد ماتعرفوني انا صديق الوالد الله يرحمه ويسكنه الجنه من عمر وصديق أبو راكان الله يرحمه من قبل ...أبو مها قبل يموت وصاني على ورث بنات أبو راكان اللي هو محتفظ فيه وموزعه لكل بنت من بنات ابو راكان الأربعه

مها بفضول: كيف مافهمت شي ؟

ابو خالد ابتسم: جايكم بالكلام يابنيتي .."طلع مجموعه بطايق مصرفيه " كل بطاقه من هذي البطايق لبنات ابو راكان ابو مها قبل يموت وزع ورثهم بالتساوي حسب الشرع والدين والمزرعه اللي أهتم فيها تبرع بربع أرباح نخلها صدقات للمساجد اللي تحتاج معونات من وجيه الخير

طلوا ببعض مصدومين واستمعوا لكلامه

ابو خالد: الحين خلصنا من بنات ابو راكان والكلام الجاي عنكم يابناتي اللي ماتعرفونه أن أبوكم متزوج من عقب وفاة الوالده الله يرحمها بسنه وماقال لكم

الكل بصدمه : أيش ؟

رغد بعصبيه: لا مستحيل ابوي الله يرحمه مايسويها ابوي كان يحب امي أي كان يحبها

مها تعلقت عيونها ببندر اللي ينتظر ردة فعلها لكنها بقت صامته ومستمعه فقط

ابو خالد يحاول يهديها: الله يرحمهم بس هذا اللي صار يابنتي واللي ماتعرفينه بعد أن ..

قاطعته ريم بهدوء مصطنعه وهي تفكر يديها ببعض: ووينها زوجته هذي اذا كان كلامك صدق

ابو خالد :زوجة أبوكم تصير أختي
خيم الصمت على جوهم أضطربت أنفاسهم وبدأ التوتر والعصبيه تسيطر عليهم
مها بصوت حاد: ويش جالس تقول ياعم أكيد هالكلام كذب
ابو خالد: وأخوانكم بالأسم كذب ؟
رغد عصبت: أي اخوان أحنا ماعندنا أخوان ماعندنا
ابو خالد بعقل وثقل رد عليها: يابنتي أنا ماني جاي اخرب عليكم حياتكم وألا أهدم أللي بناه ابوك طول السنين اللي فاتت ابوك ماقال لكم لأنه عارف أنكم بتعارضون زواجه طول عمره يبي يقولكم أن عندكم أخوان هم عزوه لكم وسند لكن ماقدر وخاف أنه يدخل عليكم زوجة أب ما تتأقلمون على وجودها بينكم
سحر بهدوء:نبي نشوف ونتأكد
أبو خالد : ابشري يابنتي أذا على العيال هم صغار أكبر واحد بأول ابتدائي بكره بجيبهم تشوفونهم
رغد بعصبيه: والزبده من الاجتماع هذا ؟
ابو خالد: تعرفون ان عندكم أخوان والورث بيتقسم حسب الشرع
مها بنفس نبرة رغد: وغيره ؟
أبو خالد:سلامتكم هذي وصية أبوكم لي وما على الرسول ألا البلاغ
بندر : ماقصرت ياعم الله يجزاك ألف خير
أبو خالد: هذول بنات الغالي أعتبرهن مثل بناتي وأنا مقدر صدمتهم وما ألومهم
مها وقفت: جزاك الله خير ماقصرت .. عن أذنك
طلعت بسرعه ولحقوها البقيه بخطوات سريعه
شهد جلست بتعب بعد مانزلت عبايتها:ويش اللي قاعد يصير والله حلم أكيد حلم وبنصحى منه
رغد نزلت دموعها: أبوي طلع متزوج ... مستحيل أبوي يسويها والله مستحيل
مها رمت طرحتها بقوه ودخلت للغرفه بدون ما تكلم أحد
سحر والصدمه ماخلتها تستوعب أي كلمه قالها ابو خالد:ما أصدق
سمر الوحيده بينهم كانت واقعيه وما تفاجئت بالكلام بالرغم من صغر سنها: رجال ويشت بونه يسوي يجلس على ذكرى زوجته اللي ماتت؟ وألا يجلس في البيت عند كومة بنات بعدين أحمدوا ربكم صار لكم أخوان من الاب وأنا اعتبرهم أخواني المفروض تحنون عليهم لأنكم طول عمركم تتمنون أخ واحد يكون بينكم
شهد بحده:أحد قالك أنطقي يا المصلح الأجتماعي ؟
سمر وقفت وتحصرت: أنا قلت الكلام اللي لازم ينقال بس انتم ماتبون تفهمون خلوا عنكم الأنانيه عمي مات الله يرحمه وأنتهى وجوده بالحياه حرام عليكم فكروا بأطفال يتامى بيعيشون بدون أب .. أحنا جربنا اليتم ترضون يصير فيهم زينا ؟
طلوا ببعض كلامها لامس أعماقهم وذكرهم ببعض من معاناتهم السابقه خصوصا شهد وسحر اللي عانوا أكثر من بنات عمهم بوفاة أمهم المبكره وموت أبوهم الذي تركهم يعانون أيام صعيبه لا تمحى من ذاكرتهم
شهد لمت يديها على بطنها وتذكرت حملها طاحت عينها على مشاري المستلقي بجانبها وتأملته عن كثب لمعة بعينها دمعة ألم تخيلت للحظة لو بتفقد يوسف ويتركها لوحدها تربي أطفالها وقتها بتفهم معنى كل كلمه نطقتها سمر وتتحسسها بمرارة واقعها أبعدت الأفكار عن بالها ونطقت ب : استغفرالله العظيم من كل ذنب عظيم

***مزون شمر*** · 20-04-2012, 01:05 AM

رد: رواية يا خاطفي وين ألقى عزتي في زمان المذلة ! / كاملة

المغرب في بيت باسل
اخذت شور ولبست بنطلون جينز وتيشرت ليموني مريح تركت شعرها بأنسيابه الطبيعي أنهت لبسها برشة عطر خفيف .. فتحت الباب وطلعت للصاله وشافته متمدد على الأريكه ورافع رجله المكسوره على فوق ويكلم الجوال ..دخلت المطبخ سوت كوفي سريع لها وله يسليهم بجلستهم مع بعض .. رجعت له وسمعته ينهي مكالمته
باسل: أنتظر جيتك أنت والمفاجئه ..هههههه اوك باي
هنادي جلست جنبه ومدت له كأس الكوفي: تفضل حياتي
باسل تعدل بجلسته وبتأوه متعب: اه جاء بوقته ياهنودتي
هنادي بفضول: مين اللي تنتظر جيته ؟
باسل لف عليها وبنظره ناريه رفع حاجبه بحده:ويش دخلك بشغلي ؟
هنادي دقته على يده وغمزت له: تراني زوجتك عادي لو سألتك
باسل طالع بالتلفزيون وشرب من الكوفي : ولو ما يعني أنك تسألين عن شغلي
هنادي تخصرت واحتدت ملامحها: أفرض لو تكلم بنت ويش يضمني أنا ؟
باسل شهق بحده: تشكين فيني ؟
هنادي تميل فمها والكوب بيدها: اضرب مثل أنا بالعربي ريحني
باسل:ههههههههههههههههههههههه
هنادي رفع ضغطها بحركاته: ياحرام تشققت من الضحك
باسل ميت ضحك: رقعيني
هناي تمد لسانه له وسحبت الريمون منه وقلبت يالقنوات وهي مطنشته على الأخير
باسل: تدرين مين بكره بيجينا ؟
هنادي بدون أهتمام: مايهمني اعرفه ؟
باسل بيحمسها: حتى لو هذا الشخص تحبينه وتغلينه ؟
لفت عليه بفضولها المعتاد: مييين ؟
باسل بيعصبها: خمني انتي
هنادي قربت منه بودلع: بسولي قووول وألا بتعب البوبو بالتفكير
باسل ماسك ضحكته: كسوله مافيك حيل تفكرين
هنادي كشرت: بتقول وألا شلون ؟
باسل:خلاص بقولك بس ياويلك تقولين لأحد فهمتي لو دريت انك قلتي لأخواتك بأخذك معي جده
هنادي ردت زي المقروصه: والله ما اقول والله ثم والله ثم والله
باسل : فهد وأهله بيجون بكره للمدينه
هنادي شهقت من الفرحه وحطت الكوب على الطاوله ونقزت بحماس: أحلف قول والله
باسل كشر: هيه تراك حامل
هنادي: اتركك مني بس احلف انهم بيجون
باسل : والله هذا كلام فهد بس ترى شوق لسى ماتدري أن أبوك توفى
هنادي فتحت عيونها على الأخير:معقول للحين ماعرفت ؟
باسل يهز أكتافه:كذا قال لي فهد على أساس انه بيفاتحها الليله بالموضوع
هنادي حطت يدها على صدرها وبنبره باكيه: ياعيني عليها مدري ويش بيصير فيها
مسك يد هنادي بحنيه وشد عليها:هنو حياتي لو جات بيصير الدور عليكم انتم هدوها وخففوا عنها مايحتاج اقولك عن حالتها يكفي ان فهد تعب معها ساعدوه شوي
هنادي حطت راسها على كتفه وهي تحارب دموعها عن النزول:من عيوني بس اشوفها أنا وتكون بيننا
باسل مرر يده على شعرها: وكمان لا تضعفون وتبكون ترى بتتأثر نفستها أكثر وتدهور
هنادي:لا توصيني على روحي

أحتاجك ك نار الشتاء تبعث الدفاء حيث تكون

أشتاقك ك أعمى عاشق يتمنى رؤية أحبابه

أريدك ك طفل أناني لا يريد أن تلمس دماه

صعب جدا عندما انتظرك وأنا أعلم بأنك تحتفل مع غيري وتتراقص أفراحك لهم ... كم أود أن تسجن معي وتبادلني كل ما أريده يامعذبي ..كم أريدك أن تحتوي قلقي وأحزاني وترافق أحلامي بيقظتها وحالميتها .. أتوق ألى أن تغتصب حروفي لتنطق لك بحبي وعشقي اللامتناهي ...بت أكره وحدتي وسوداوية أفكاري بت أتحايل على أنانيتي وأجبرها على الرضا لوبالقليل ...أنت وحدك من تستطيع أن تجعلني أعشق كل مناخاتي بصيفها الحارق وأشوقها الاهبه بشتائها القارس وحنينها الدفئ ... أناجي ألهي أن يجبر أحلامي الضائعه ويحمي أمنياتي المتهالكه ... لا أمل ألا هو ولا مهرب منه ألا له ..هو وحده قادر على اساعدي وشفائي

انتظرت لوقت طويل حاولت ما تنام لكن نعاسها يغالبها ويتلاعب معها ... طلعت لغرفتها بدلت ملابسها ولبست بجامه أشتاقت أن تلبسها ... أخذت بندانتها الفوشيه وغطت شعرها فيه حاولت تلهي نفسها بأي شي حتى ما تنام قبل وصوله ...سمعت صوت خطواته قريب منه الباب حطت كل اللي بيدها على الطاوله .. دخل ووقف بعيد عنها جدا

وبصوت رجولي مهيب: السلام عليكم

شوق بأبتسامه: وعليكم السلام ورحمة الله

كان واقف بكشخته التي تأسرها وتأخذها لعالم أخر تذكرها بأيامها الأولى من الزواج كانت تعاني من قسوته وأحتقاره وأمتهانه لها لكن ما صبرت ألا وفرجت عليها

فهد يأشر: ياهوو وين وصلتي ؟

حست على نفسه وأحمرت خدودها خجله وقفت ومشت له: إن شاء الله أستانست ؟

فهد هز راسه: أي الزواج كان حلو وفخم

شوق ثربت منه: أتعشيت ؟

فهد: أي تعشيت

شوق : عوافي على قلبك

فهد قرب منها وباسها بنعومه: تسلمين حبيبتي

شوق: ماتبي تبدل ؟

فهد يبعد يدينه: أذا بتساعدين ياسلام لاني متكسر من كثر السلام

شوق فتحت أزارير الثوب: حسبي الله عليهم تعبوك ماعمرهم شافوا خير

فهد يضحك: على بالهم أنا أخو العروسه

شوق رفعت راسها وبغيره مجنونه:ماشاء الله شايفينك كاشخ كأنك عريس غصب يحسبونك من قرايب العروسه

فهد:هههههه يووه انتم يالحريم على طول تغارون هذا جزاي اللي اقولك على اللي صار معي ؟

شوق تفتح كبتاته: ايه هذا جزاك

فهد يسحب يده: أجل هاتي كبتاتي مابيك تساعديني

شوق ابتسمت بخبث: تريحني والله

فهد يبعد عنها: شوفوا كيف اللئيمه توها تعرض مساعدتها والحين تسحبها

شوق رجعت جلست على الكنب وحطت رجل على رجل: ماندري مين اللئيم

فهد يغمز لها: رايح البس وراجعلك في شي وشويات بقولها لك

ابتسمت بخجل وقلبها طاير من الفرحه ( وه ياملحه ياناس أموت عليه نظره من عيونه تقلب حياتي وتأسرني الله لا يحرمني من عيونه ولا شوفته ويحميه من كل عين حاسده وشر كل ذي شر .. ياررررب)

دخل وشافها مبتسمه وخدودها محمره وتطالع بأصابعها بسرحان تام : ياعيني على السرحانه والأبتسامه من الخد الأيمين للأيسر

شوق تضحك:ههههههههههه

فهد جلس جنبها ومسك يدها بجديه:شوقه حبيبتي

شوق أرتبكت من لمسته لها رفعت عيونها وتلاقت بعيونه وبحياء وصوت متردد: هلا

فهد: بقولك على شي

شوق بأهتمام: شنو حبي

مرر يده على خدها بشويش: حاب أقولك على موضوع صار من فتره بس ماقلته لك لأن " سكتت"

شوق: لأنك أيش حبيبي ؟
فهد: لأنك تعبانه
شوق بدت تخاف خصوصا من نظراته المتهربه منها:فهد قول بدون مقدمات فهد: أهلك
شوق شهقت وصربت صدرها وبصوت باكي: ويش فيهم ؟

::::

***مزون شمر*** · 20-04-2012, 01:13 AM

رد: رواية يا خاطفي وين ألقى عزتي في زمان المذلة ! / كاملة

دخلت عليها الغرفه وشافتها منسدحه على السرير وعيونها تتأمل زوايا الغرفه

رغد:مهاوي .. ويش فيك ؟

مها: أفكر باللي صار اليوم

رغد جلست على طرف سرير شوق:أممم مها ويش شعورك وأحنا صار عندنا أخوان؟

مها: الله والأخوان اللي يقول طولي وألا طولك تراهم بزران

رغد: على الأقل عندنا أخوان

مها: شعوري عادي وأقل من عادي

رغد: تدرين متحمسه أشوفهم صحيح اللي صار صدمنا بس ماباليد حيله لازم نرضى ونسكت وعن نفسي ماراح اقصر معهم

مها: الله يقويك

رغد كشرت: احسك متضايقه

مها: ويش رايك أنتي اكيد بتضايق ابوي من سنين متزوج ولاقال لنا

رغد: وانتي بعد نفس الحركه سويتيها فينا وللحين ماقلتي لنا مبرر يشفع لك عندنا ويخلينا نعرف سبب زواجك بدون علمنا

مها بتأفف: يووه خلاص تزوجت وعندي بنت وانتهينا

رغد بنبرة حاده: أدري هذا انتي عندنا وشايفين ان عندك بنت لكن ابي اعرف السبب ممكن؟

مها : لا مو ممكن

رغد بقهر: مصير الأيام تكشف لنا ولاتلومين ابوي على الأقل ابوي رجال ومايعيبه شي

مها طالعتها بنظره ناريه: ويش تقصدين ؟

رغد تميل فمها: سلامة فهمك حبيبتي

مها أنقهرت من أسلوبها وببرود :ههههههههههه

رغد فتحت عيونها على الأخير توقعتها بتعصب وتطردها من الغرفه: ويش اللي يضحكك ؟

مها ميلت فمها بأبتسامه: ترانا بالهواء سواء وألا على بالك ما أعرف بسالفتك مع عبدالله

رغد وعلامات الصدمه على وجهها: أيش قلتي ؟

مها: عبدالله ياحبيبتي قيسك فيما مضى

رغد عصبت : مهاوي عن الغلط

مها رفعت حاجبها: الله قلت شي غلط لا سمح الله بس زين منك أنك لحقتي على نفسك بأخر لحظة

رغد سكتت وبعد دقايق قالت: ويش دراك ؟

مها تلعب بشعرها: دريت وانتهيت

رغد: لا بجد مين قالك ؟

مها: سمعتك مره تسولفين انتي وشهد وفهمت السالفه كلها على العموم انا مابي افتح مواضيع قديمه مافي احد معصوم من الخطأ بس الخطأ أننا نكرر الخطأ ومانتعلم منه

رغد وقفت:بروح لغرفتي

مها: أقعدي بسألك عن شهد اليوم ماعجبني شكلها

رغد جلست : تصدقين ما سألتها الشي اللي صار طير عقلي من رأسي

مها عدلت جلستها:وجهها اليوم ماعجبني بس ماكنت رايقه عشان أسئلها والثانيه هناديوه ماجاتنا سحبة علينا

رغد بضحك:ويش تبي فينا الحين صارت مره وعندها بيت وزوج تهتم فيه

مها حطت يدها على خدها وبتسأول جدي:تتوقعين هنادي راعية مسؤوليه والله أحس زوجها يغطي عليها ومايبين

رغد ابتسمت: نفس الشعور بس يالله محد ينولد متعلم مع الأيام بتعرف واجباتها ك أم وزوجه

مها بتحطم: ما أتوقع هنادي تكون أم بتاتا

رغد ماتت ضحك: لو قلت لك أنها حامل بتصدقين ؟

مها فتحت عيونها على الأخير وصرخت:مستحييييل

رغد تضحك على شكل مها: أمس زفت لنا الخبر

مها بعدم تصديق: من جدك تتكلمين ؟

رغد هزت راسها:sure

مها تقلب عيونها :ما اصدق والله

رغد: بعد كم شهر بتتأكدين

مها: ههههههههههههه الله يوفقها ويصلحها

رغد: أمييين

::::

***مزون شمر*** · 20-04-2012, 01:28 AM

رد: رواية يا خاطفي وين ألقى عزتي في زمان المذلة ! / كاملة

صباح اليوم التالي

نزل من الغرفه والتعب مرتسم على وجنتيه طوال ليلته الماضي يحاول يهديها لكن ماقدر ألا بعد ما أتصل على الدكتور قرب صلاة الفجر وأسعفه بمهدي لها كانت بأشد الحاجه أليه ...ماغبت عينه ثانيه عنها يراقب سكونها ... جلس على الكرسي الخشبي بالحديقه أخذ أنفاس طويله وعميقه شرب قهوته الصباحيه حتى تبعد عنه النوم وتساعده على المواصله لساعات طوال ... سمع صوت من خلفه

مراد: كيف شوق دحين ؟

فهد تنهد: نايمه

مراد ميل فمه: شوفت ماما دخلت لغرفتها وأنا نازل حسبتها صاحيه

فهد شرب فنجان قهوته: أنت ليش ماجلست مع أبوك بالفندق ؟

مراد: لأنو بيسافر الظهر لجده ورجعنا أنا وماما

فهد بأستغراب:وحازم ؟
مراد: بيجلس يومين عشان ما يسيب صفاء لوحدها

فهد ابتسم: أها
مراد تكى على الطاوله: من جد بتسافروا وتخلونا أحنا وماما هنا ؟
فهد رفع حاجبه: ومن قال بتجلسون بتسافرون معنا وألا ماتبي تشوف أخوك الثاني
مراد توسعة أبتسامته على شفايفه: أكيد أبغى أشوفوه
فهد : قريب المغرب بنسافر روح جهز أغراضك
مراد يطالع الساعه: يؤؤؤ لاحقين نرتبها لساعها الساعه 9 الصباح
فهد: طيب
مراد بفضول: فهد دحين أخوي التاني أيش أسموه ؟
فهد طالعه بحده: ماقالت لك أمي ؟
مراد يحاول يتذكر: لا
فهد: أسمه باسل
مراد بعفويه: الله مرا حلو أسمه
فهد بعصبيه: لا ويش رايك تتغزل فيه بعد تعدل بكلامك ياولد أحس جالس مع بنت مو مع ولد
مراد بخوف: يعني أيش أقول متلا ؟
فهد بحده: ما أدري ويش تقول بس كلام الغنج هذا اللي تعودت عليه راح أخليك تعيفه
مراد كشر: بشويش عليا
فهد ماقدر يتحمل: قوم أنقلع عني
مراد بزعل: أيشم ساوي لك عشان كل ماجلست معاك خاصمتني
فهد صرخ عليه: أنقلع
قام بسرعه وهو يتكلم ويتحلطم بزعل وعصبيه من تصرفات فهد معه اللي يجهل سببها
فهد يهدي نفسه: ياربي ذا بيجلطني بكلامه ماني قادر أتحمله أوووف
جات ليزا وقالت : ماما شوق في أصحى

فهد وقف: طيب أنا رايح للغرفه

طلع بسرعه للغرفه وفتح الباب شاف أمه جالسه جنبها وتواسيها وهي تبكي على صدرها
أمه بحنيه: خلاص حبيبتي اللي تبغيه بيصير بس أهدي أنتي مو كويس لك
فهد : شوق هدي نفسك

شوق تبكي بحده: كيف أهدي نفسي وعمي متوفي ومحد قال لي .. كيف أهدي نفسي وأنا ماحضرت عزاه
فهد بقلة حيله: ماقلنا لك خايفين يصير فيك اللي صار الفجر لكن أنتي ماتراعين نفسك
شوق تصرخ: مابي أراعي نفسي أبي أهلي أبي أشوف خواتي خواتي وبس
أم فهد لفت على ولدها وبنبرة أصرار: حبيبي تصرف خلها تروح لأهلها
فهد: خلاص بنسافر بس هي تهدي نفسها أذا تعبت بكنسل السفره
شوق مسكت يد أم فهد وبترجي وعيونها على فهد: لا الله يخليك لاتنكسلها الله يخليك
أم فهد تمسح دموعها: ماراح يكنسلها أوعدك بس أنتي اهدي وقومي غسلي وجهك وأفطري
فهد قرب منهم ومسك يدها حتى يساعدها توقف: يالله حبيبتي أسمعي كلام أمي ومايصير خاطرك إلا طيب
أنصاعت لكلامه وقامت غسلت وصلت ركعتين لله تهدي فيها نفسها وتأنس بقربه ...حطت شنطتها على الأرض وفتحت الدولاب بتحط لها ملابس ..خانتها دموعها وذرفتها بألم دخل بيستعجلها حتى تفطر مع أمه اللي تنتظرها وشهق
فهد : شوق ويش تسوين ؟
شوق: أرتب ملابسي
فهد قرب منها وقفل الدولاب: أتركي كل شي ميري ترتب لك الشنطه تعالي أفطري عشان تأخذين الدواء
شوق:ب..
فهد قاطعها: بدون أعتراض يالله عاد امي لها ساعه تنتظرك .. سحبها من يدها ونزلوا مع بعض لغرفة الطعام وجلست تفطر معهم
مراد يرفع راسه حتى يسترق النظر لها وينقل عيونه لأمه اللي جالسه بطرف لوحدها وتقرأ مجله
فهد أنتبه لنظراته: مراد تبي تقول شي ؟
مراد ابتسم: ايوه أبغى أروح السوبر ماركت جاي على بالي شيبس
فهد: طيب قول للسواق يوديك
مراد هز راسه بفرح: يسلمو فهودي
فهد: بس لاتتأخر زين
مراد:أوك

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget