رواية يا خاطفي وين ألقى عزتي في زمان المذلة ! / كاملة

***مزون شمر*** · 18-04-2012, 12:02 PM

رد: رواية يا خاطفي وين ألقى عزتي في زمان المذلة ! / كاملة

كانت توها نازله وسمعت كلام فهد : مايحتاج انا جاهزه
فهد ابتسم: حياك
هنادي: ماتبون نمشي
باسل يدف فهد: يالله خلنا نمشي
طلعوا من البيت متجهين للمستشفى .. وهم بالطريق
باسل يفتش بالدروج:وين السيديات يافهيدان معك عرسان لازم تهيء لنا الجو
فهد ابتسم: والله ماصرت اشغلها وحطيتها باللكزس
باسل كشر: ويش صاير انت ماتشغل سيديات ؟
فهد: شوق الله يقومها باسلامه ماتحب تسمع أغاني
باسل بتعجب: حركات
هنادي: من يومها شوق ما تسمع اغاني الا نادرا
فهد ابتسمت: شكلكم زيها
هنادي: لا والله مافي احد زيها بالبيت
باسل لف على فهد: متى بنوصل ؟
فهد: خلاص بس نعدي الزحمه نوصل
باسل بتأفف: اكره الزحمه
فهد يضحك: لا ياشيخه لاتقول جده ماهي زحمه
باسل: مو هذا القصد
فهد: ابشرك وصلنا
دقايق ونزلوا من السياره وطلعوا لغرفه شوق ..قبل تدخل
فهد: هنادي ياليت ماتبكين قدامها
هنادي استغربت كلامه : اكيد ماراح أبكي
فهد :انتظري انا بدخل قبل
هنادي وقفت بحيره : طيب انتظرك "بعد مادخل لفت على باسل"ويش فيه أخوك؟
باسل: مدري بس يمكن بيمهد لها ؟
هنادي بشك: ليش يقول لاتبكين
باسل: عشان نفسيتها حبيبتي تعرفين هي تعبانه كثير
هنادي مسكت يد باسل بقوه: اخاف ما اتحمل
داخل الغرفه
باسها على جبينها وسحب الكتيب اللي بيدها
شوق تعلقت عيونها المليئة بالحزن بعيونه: تأخرت علي
فهد ضم كفوفها لصدره: أعذريني يالحب
شوق دمعة عيونها:توقعت اصحى ألقاك جنبي زي كل يوم
أبتسم لها حط يده على خدها: معي مفاجئه لك بتفرحك
شوق ضيقة عيونها: مفأجئه؟؟!!
فهد أتسعت ابتسامته أكثر:شي ما تتوقعينه
شوق بلهفه: أكيد راكان ..صح
تمالك نفسه وحاول يكون طبيعي حتى ما تلاحظ أي شي:لا ..شي ثاني
شوق كشرت: شنو ؟
فهد وقف:الحين بطلع وتشوفينه بس هاه ابيك شوق اللي أعرفها لاترهقين نفسك ..الدمع لايجرح عيونك
شوق هزت راسها وعلى شفايفها ابتسامه شاحبه ..ترك يدها ومشى بعيد عنها قبل يطلع
فهد: غمضي عيونك
بدون أي معارضه أو تساؤل غمضت عيونها...طلع وأشر لهنادي تدخل
سمت بالله ودخلت للغرفه أرتجفت من برودة الغرفه اللي قشعرت كل خليه بجسمها ..سكرت الباب ونزلت الغطاء وطرحتها دخلت أكثر وشافتها جالسه على السرير الأبيض ملامح تشبهها للوهله الأولى ..فتحت عيونها أكثر وأكثر متغيره جذريا تكاد لا تعرفها
شهقت بصدمه :شووق
فتحت عيونها وبنفس الصدمه : هنادي ؟
ركضت لها وضمتها بقوه ناسيه المغذي اللي بيدها وضعف جسمها النحيل:وحششششششتتتتيني
شوق تضمها لصدرها اكثر وهي تذرف دموعها: أشتقتلك اشتقت لكم كلكم
هنادي انهارت وهي بحضنها ودخلت بدوامة من البكاء الحاد ..شاركتها فيه بدموعها الصامته وهي تتأمله لقربها الشديد منها
شوق رجعت ضمتها: خلاص ياهنوده جايه تشوفيني وتطمنين علي والا عشان تبكين ؟
هنادي تمسح دموعها: عشان اشوفك
شوق ابتسمت: طيب خلينا نسولف قوليلي كيف بعد الزواج ؟
هنادي: زينه
شوق مسكت يدها بحنيه: كيف باسل معك؟
هنادي هزت راسها:طيب وحنون بعد كل اللي صار الا انه يحبني
شوق: الله يوفقكم مع بعض انسي اللي صار وعيشي حياتك
هنادي رجعت دموعها على خدودها لمست صدر شوق وارتجفت: يالله صايره نحيفه مره ماكنت كذا
شوق ابتسمت: المرض يزين حال أحد؟
هنادي مسحت خدودها عن اثار الدموع:كيفك الحين؟
شوق: الحمدلله بخير
هنادي:محتاجه شي ؟
شوق ضمت هنادي لصدرها واخذت نفس طويل وتغلغلت ريحة هنادي لأنفها:محتاجه شوفتكم ابي اضمكم واشم ريحتكم قبل أموت
تمسكت فيها اكثر وشهقت بالبكاء: لا إن شاء الله بترجعين أحسن من أول
شوق بكت معها: الله كريم
هنادي بعدت عنها:وين ولدك بشوفه
شوق ابتسمت: بالحضانه مايطلعونه ألا بعد مايكمل تسعه شهور
هنادي كشرت: لا عاد بشوفه
شوق: قولي لفهد يوديكم له
هنادي عدلت جلستها : قبل أطلع بقوله
شوق ابتسمت: حكيني ويش صار أيش أخر الأخبار ؟
هنادي: أبدا ولاشي على حطت يدك
شوق:أخواتي كيفهم؟
هنادي: كلهم بخير ومبسوطات
شوق: رغد وسحر وسمر ايش مسوين؟
هنادي: لاهيين بدراستهم يبون بنجحون
شوق من كل قلبها: الله يوفقهم يارب
هنادي: حياتي شوق لاتتعبين نفسك ارتاحي
شوق: راحتي بقربك ياهنو من يوم شفتك خف كل وجع فيني
هنادي بتألم على حال أختها:ياقلبي انتي
شوق: كيف زواجكم
هنادي ضحكة :قصدك حفلتنا ؟

***مزون شمر*** · 18-04-2012, 12:03 PM

رد: رواية يا خاطفي وين ألقى عزتي في زمان المذلة ! / كاملة

شوق عقدت حواجبها: أحد حس باللي صار ؟
هنادي: لا تطمني محد عرف ومشى زواجنا بسلام
شوق تنهدت براحه :الحمدلله ..لا تكونين حامل ؟
هنادي بحده: لا ..وي بدري على الحمل
شوق بأنزعاج:لاتقولين كذا الأطفال نعمه من رب العالمين
هنادي بخجل:الحمدلله على كل حال
شوق: لا تقولين بدري ومابدري اذا ربي حرمك من هذي النعمه بتعيشين بتعاسه
هنادي خافت: والله ما قصدي شي
شوق :ادري ياقلبي انتي بس أدعي بالذريه الصالحه
هنادي: الله يرزقنا الذريه الصالحه يارب
شوق: امين
قطع حديثهم صوت الباب تغطت هنادي بسرعه ..ثواني ودخل فهد
فهد: شوق باسل يبي يسلم عليك
شوق تتلفت : وين الغطاء حقي
هنادي لمحته على الكرسي وجابته لها :تفضلي
تحجبت زين وتغطت:خله يدخل حبيبي
طاحت عينها على يد شوق المتلونه بسبب أثار الأبر والمسكنات ذرفت دموعها لا أراديا ... تنحنح قبل يدخل
فهد: مافي أحد غريب أدخل
باسل وهو منزل راسه: السلام عليكم
شوق بصوت متعب: وعليكم السلام
باسل: الحمدلله على السلامه يأم راكان
شوق: الله يسلمك
باسل :قدامك العافيه ..شدي حيلك وخلي أيمانك بالله قوي وبترجعين أحسن من أول
شوق: إن شاء الله الله كريم ..الف مبروك الزواج
باسل: الله يبارك فيك عقبال ماتفرحين براكان وعياله
شوق ضحكة: مانكره
باسل:يتربى بعزكم يارب
شوق: عقبالكم
باسل يضحك: والله ودي
فهد يغمز له: شد الهمه طيب ويش تنتظر
باسل: قولوا لهنادي
شوق تضحك: لا تحرجها توها عروس تبي تتهنى شوي
هنادي تشد عبايتها أكثر من شدة التوتر( حسبي الله ونعم الوكيل غصب يحرجني قدامهم أنا أوريه )
فهد: وصغيره بعمرها خلها تكمل دراستها على الأقل
باسل يضحك: نشوف عاد
شوق: لا أوصيك عليها حطها بعيونك
باسل: هي بالقلب قبل العين
شوق همست لهنادي: ياعيني على الحب
فهد: الله يهنيكم يارب
شوق وباسل بصوت واحد: يارب
فهد يطالع الساعه: انتهى الوقت
شوق : لا خلهم شوي تعبت من الجلسه لحالي
فهد: ممنوع ياقلبي شفتي الدكتور ايش يقول
شوق: مو مهم انا مليت
هنادي: تحملي ياقلبي بكره بنجيك إن شاء الله
شوق تمسكت فيها: وعد ؟
هنادي : وعد
باسل: يالله أنا انتظركم برى ..طلع ولحقته هنادي
شوق: فهد بتروح معهم؟
فهد: لا بجلس عندك بعطي باسل المفتاح وارجع
شوق هزت راسها بالأيجاب ..طلع وراهم
باسل:ليش ماتبي تروح ؟
فهد: لانتم خذوا راحتكم بالبيت
هنادي: فهد ابي اشوف راكان
فهد : ما أقدر اوديكم الحضانه
بتحطم: تكفى حاول
فهد ارتبك: بشوف الدكتور اذا وافق اوديكم بكره
هنادي: الله يعطيك العافيه
فهد: الله يعافيك
باسل: مع السلامه
طلعوا من المستشفى أول ما ركبوا السياره
باسل: ويش رايك نتمشى
هنادي بدون أعتراض: بكيفك
باسل لف عليها حس من نبرتها انها متضايقه:ويش مضايقك ؟
ميلت نفسها بجهة الشباك وهي تتأمل الشارع: ماني متضايقه
باسل يطالع الطريق:لاتكذبين باين من صوتك ..قولي ويش اللي ضايقك ؟
هنادي تنهدت : شوق
باسل: الله يشفيها
تهدج صوتها بالبكاء:ماتخيلت انها كذا ضعفانه وشبه ميته حتى كلام ماتقدر تتكلم
باسل: الله يكون بعونها ادعي لها
هنادي:الله يقومها بالسلامه وترجع لنا زي أول وأحسن
باسل: امين
:::
:::
:::

***مزون شمر*** · 18-04-2012, 12:04 PM

رد: رواية يا خاطفي وين ألقى عزتي في زمان المذلة ! / كاملة

بالمدينه
أول ما وصلت بيت أبو مها أعطت سمر مشاري ونزلت عبايتها
شهد: كيفكم
الكل : الحمدلله
باست ريم: كيفك اليوم ؟
ريم: الحمدلله أحسن
رغد وقفت: بروح أنام تعبانه صحوني العشاء
شهد تضايقت: اجلسي معي شوي خلينا نسولف
رغد بتعب واضح عليها: والله تعبانه وميته نعاس
ريم: خلاص براحتك ..نامي عشان تصحين تذاكرين
رغد: يالله سيو
أختفت عن أنظارهم طالعت سمر اللي منسجمه مع مشاري وتلعب معه وتضحك
ريم: ويش فيك ما تتقهوين
شهد بحزن: فاقده هنادي
ريم تضايقة: الله يخليك لا تقلبين جونا خلينا نسولف
شهد تربعت: وين سحر؟
ريم: نايمه
شهد: اها طيب " مدت يدها على دلة القهوه وصبت لها فنجان " تفضلي
ريم: من يد ما نعدمها
شهد ابتسمت: فديتك ..ألا زوجك ما أتصل
ريم توردت خدودها:ألا كل شوي يتصل يقول بكره بتجي أمه
شهد بحماس: اجل بجي اكيد خالتي تجي معها
ريم: ويش رايك تنامين عندنا
شهد :لالالا مقدر اخلي زوجي لما يكون عنده دوام كامل اجي انام عندكم
ريم :طيب بس موت نسين اقل شي تونسيني ..سمور هاتي ميشو
سمر ابتسمت: لما اطفش منه بجيبه
ريم بتأفف: مافي أمل تطفشين منه
شهد بحده: انتي ارتاحي أحسن لاحقه على اللعب معه توك تعبانه
ريم: تكسرت من الجلوس والراح هابي أتحرك بس سمر الله يوفقها ماهي مخليتني محتاجه شي
شهد ابتسمت: ايه سموره خليك سنعه وذربه
سمر : لاتوصين

:::
:::
:::
بعد يومين كانت هاديه بمرورها على الكل ..عدا قلب فهد الذي يعيش حاله من الارق والقلق الذي لا يريحه ابدا ..وقف عند بوابة المطار يودعهم
باسل: أشوفك على خير
فهد حضنه بقوه: إن شاء الله ..طمني عليكم أذا وصلتوا
باسل: أكيد بتصل عليك
هنادي: أنتبه لشوق تركتها تعبانه
فهد ابتسم بتألم: لاتوصين حريص
باسل يطالع ساعته: يالله تأخرنا ..مع السلامه
فهد ابتعد عنهم وهو يأشر بيده: مع السلامه ..اتجه لسيارته وساق بأقصى سرعته حتى يوصل للمستشفى لأنه طول اليوم ما شاف شوق وأنشغل بالشركه وترتيباته مع الأستاذ مشعل ..بعد ربع ساعه وصل سلم على الدكتور اللي قابله وهو طالع وطلع لغرفة شوق ..فتح الباب بشويش وأنصدم لما شاف الغرفه خاليه
فهد بخوف: شوق ..شووووق ..دور بكل مكان بالغرفه لكن للأسف ما لقى لها أي اثر فتح دورة المياه وأنتم بكرامه ..لكن دون أي نتيجه تذكر
طلع من الغرفه تلفت عن يمينه ويساره دور بالقسم كله زي المجنون شاف الممرضه
فهد: مالقيتها ؟
الممرضه:غريبه أنا من ربع ساعه كنت عندها
فهد أزداد خوفه أكثر وهو يتذكر كلام أحمد وتهديده: متأكده ؟
الممرضه : أي متأكده
أخذ نفس طويل ورجع يدور للمره الالف لكن بدون فايده ..طرأ على باله مكان هو أخر أمله بتواجدها فيه
فهد( يارب ماتكون هناك يارب ) طلع من القسم ونزل للمكان اللي كانت تدور حوله شكوكه ..أول مادخل باب القسم سمع صوت صراخ وبكاء قدر يميز أنه بكائها ..ركض لها بسرعه ..وشافها طايحه على الأرض والممرضات حلوها يحاولون يهدونها
بعدهم عنها وجلس بمستواها: شوق ويش جابك هنا ؟
شوق مسكته بقوه: وين ولدي ..وين ؟!
فهد تعلقت عيونه بعيونها الباكيه ..هزته أكثر من مره وصرخت عليه حتى يرد لكن هو ملتزم الصمت ..حاول يوقفها لكنها هي أضعف بكثر من أن تتحمل هذا الموقف وقفت بمساعدتها وصوت بكائها المزعج يضج بأركان القسم ..مشت خطوتين بمساعدته وطاحت على الأرض
فهد :شوووق ..شوووق
شوق همست : وين راكان ؟
فهد شالها: نقلته مستشفى ثاني ..وصلها لحد غرفتها وسدحها على السرير بعد الطرحه والعبايه عنها وهي مستسلمه لدموعها
فهد: لا تخافين هو بخير انا ماقلت لك اني نقلته عشان لا تتعبين من التفكير
شوق بنبره مبحوحه:ليش ماقلت لي ؟
فهد زفر أنفاسه :خفت عليك
شوق: طلعني من هنا ..مابي أجلس
فهد فتح عيونه على الأخير:وين تطلعين مايصير
شوق زاد بكائها:تبيني أطيب؟
فهد: أكيد
شوق: طلعني من هنا ضاقت روحي من الجلسه
فهد يحاول يقنعها :ياشوق مايصير كملي العلاج بعدين أطلعي
شوق بحده: ابي أطلع وألا بهرب من المستشفى
فهد: لاحول ولاقوة إلا بالله يابنت الناس هنا يهتمون فيك أكثر
شوق : لالالا ابي اروح للبيت
دخلت أم رياض وأبو رياض على صوتها الحاد
ام رياض بخوف: خير يايمه ويش تحسين فيه ؟
فهد بقلة حيله: تبي تطلع من المستشفى أقنعيها ياخالتي
شوق: مابي أجلس هنا ..تعبت نفسيتي فوق تعبي
ابو رياض بهدوء: يبه فهد تعال برى أبيك
ام رياض جلسة جنبها ومسحت دموعها:يابنتي تعوذي من الشيطان وكملي علاجك هنا أزين لك
شوق بأصرار:لا يعني لا ابي اطلع ..ما أحد حاس فيني يكفي أن ولدي بعيد عن حضني والكل بعيد عني
ام رياض: لا يايمه كلنا جنبك ..لاعاد أسمعك تقولين كذا
برى الغرفه
فهد : هذا اللي صار
ابو رياض: لاحول ولاقوة إلا بالله ..خلاص مالك الا الحل اللي قلته لك
فهد: أخاف نضايقكم يبه
ابو رياض بنبره حاد:البيت بيتكم أنتم الداخلين وأحنا الطالعين
فهد باس راسه ابوه: ماتقصر يالغالي
ابو رياض: أهم شي ماتحس بغياب راكان وزين انك قلت لها انه بمستشفى ثاني
فهد: أجل خلنا نرجع وأنا بتصل على الدكتور
ابورياض : أنا بسبقك داخل
قبل يتصل على الدكتور رن جواله بيده
فهد: ألو
..:كيفك فهد
فهد: ماش الحال
..:فهد لازم أشوفك الموضوع ما يتأجل
عقد حواجبه بأستغراب :ويش الموضوع اللي ما يتأجل ؟!

***مزون شمر*** · 18-04-2012, 12:04 PM

رد: رواية يا خاطفي وين ألقى عزتي في زمان المذلة ! / كاملة

الساعه 9 بتوقيت السعوديه

فيني مشاعر " وافيه " .. مالها ذنب
.................... عفيه " عليها " ، تقابلك .. بإبتسامه

هزمت قلبي ؟ ألف مبروووك ، يا الحب !
.................... مافاز ، واحد ما " إعترف " بإنهزامه

جيتك .. وخليت الكرامه ، على ( جنب ) ،
.................... وأقفيت أنا ، خسران : " حب وكرامه " !

تجولت بالبيت على راحتها وأنهبلت على جمال البيت مشت لعنده ووقفت
هنادي : ماجد شووف هالصور
رفع عينه زي المقروص من كلمتها طالعها بنظرات مصدومه ..عضت شفايفها ماتوقعت انها بتزل بهذا الاسم يوم من الأيام بعد دقايق من الصمت
باسل: أيش قلتي ؟!!!
هنادي بلعت ريقها ارتعشت شفايفها قبل ترد عليها ..تمالكت كل قوتها واغتصبت الحروف:ششوف الصور
باسل رفع حاجبه: قبلها قلتي شي؟
هنادي هزت راسها بالنفي وبيدها ألبوم الصور
باسل صرخ عليها: ألا قلتي أسمه الحقير
هنادي شوي وتبكي: والله زلة لسان والله
باسل وقف بعصبيه ورمى اللي بيده: لاتحلفين ..وأنا أقول ويش فيها علي أثاري قلبك لسى متعلق فيه
هنادي نزلت دموعها: والله ياباسل ما أقصد
باسل مسكها بقوه مع يدها: لا تحلفين
رمت الألبوم من يدها وشهقت بالبكاء وعيونها متعلقه فيه

^^
^

أيش بيصير ب هنادي & وباسل ؟معقول الكلمه تقلب ألالاف الموازين ببداية حياتهم ؟
بالنسبه لشوق أيش بيصير لما تعرف الحقيقه ؟
أي شخصيه بنتعرف عليها بالبارت الجاي ؟
أحمد وتهديده ..& حياة راكان أين سيكون مصيرها ؟!
توقعاتكم لنهايه ياخاطفي في الأجزاء الأخيره لنهاية المشوار ؟

انتهى البارت

***مزون شمر*** · 18-04-2012, 12:07 PM

رد: رواية يا خاطفي وين ألقى عزتي في زمان المذلة ! / كاملة

البارت الثالث والخمسون

أدري إن الحظ مايل والظروف الي تديرهماني بقاوي عليها لو كذبت وقلت قاوي
رح فمان الجرح ياللي ناوي فرصه أخيره
رح وأنا داري رح ترجع منكسر , خجلان , ذاوي
رح ووأنا داري رح أخاوي جرح ودموع غزيره
وأوعدك من بعد جرحك ما أحب ولا أخاوي

رمت الألبوم من يدها وشهقت بالبكاء وعيونها متعلقه فيه ...دموعها سالت على خدها الوردي تجرحه بنعومه ...تحاول تنطق ببعض الكلمات لكن طعنها الكلام بسكين الغدر كل شي فيها ساكن يتأمل ردة فعله
باسل يهز راسه بقهر:الحين بعد كل شي سويته ياهنادي ماقدرت اخلي قلبك يميل لي لو شوي على الاقل كوني وفيه وعامليني بالطيب زي ما أعاملك
هنادي بنبره باكيه راجيه: ب..ا..س..ل
باسل لف عليه وصرخ بوجهها: باسل أيش؟! أيش ..بأي عذر تبررين زلتك
هنادي زادت دموعها بالنزول وتلاحقة شهقاتها كسلسله تتفن بوخزات الالم:والله ماكنت أقصد
باسل طالعها بعيون حارقه: ماتقصدين ؟!!."ضرب صدره بقوه"وهذا اللي جرحتيه ويش بتقولين له
غطت وجهها بكفوفها وبكت بحده وصوت نحيبها يملئ المكان :ما أقصد أحلفلك بأيش عشان تصدق
باسل:لا تحلفين لاني ماراح أصدقك ..تركها ومشى للباب وهو يعرج بسرعه طلع من البيت وسكر الباب بقوه هزت أركان القصر الشاسع ركب السياره وارتفعت صوت الفرامل بالساحه الدائريه وطلع من البوابه الحديديه الفخمه
رفعت راسها بعد ماسمعت صوت الفرامل ودموعها ماجفت وقفت وطلعت للغرفه رمت نفسها على السرير وحضنت الخداديه وزادت حدة بكائها

:::
:::
:::
بالمدينه
أتصل عليها وخبرها أنه بيتأخر عليها لأنه معزوم على العشاء
ريم بفرح: حلو حلو عشان تجلسين ونستانس
شهد ابتسمت: أي والله ما شبعنا سوالف بروح أصحي رغد عشان تصحصح وتسولف معنا
سمر كشرت: لا تروح تذاكر ماتجلس معنا كثير
شهد وقفت: ماهو بكيفها " شافت مشاري يطالعها ويتحرك وضحكت: اجلس عندك خالتك يالدلوع ماما مشغوله الحين
قبل تفتح باب الغرفه وقفت سمعت صوتها ..عقدت حواجبها بأستغراب
شهد( متى صحت ؟..ومن تكلم ؟) فتحت الباب وشافت رغد جالسه على الكرسي وبيدها كاتب
شهد تأشر لها: من تكلمين
رغد: ثواني اروى ..تبين شي ؟
شهد: كنت جايه اصحيك
رغد ابتسمت: تسلمين حبي صحيت من نص ساعه
شهد جلست على السرير وتمددت: طيب خلصي بسولف معك
رغد تأففت بداخلها( ياربي منك ياشهد ادري ليه جايه هنا ):أيوه اروى خلصتي ؟اوك اكلمك بعدين ..باي
حطت كتابها على الطاوله والجوال جنبه ...لفت بالكرسي على جهة شهد
رغد: هلا بالقطووه
شهد أنكمشت ملامحها وبحده:أنا قطوه يالبطه
رغد ترفع حاجبها بأسلوب استفزازي: خبري اللي كل شوي تحمل يسمونها قطوه
شهد شوي وتبكي:الله يخليك لاتزيدين علي ترى من جد نفسيا تعبانه ..قوليلي ويش فيك الصباح دقيتي علي متضايقه ؟
رغد بتمثيل بارع شهقت: أنا اتصلت عليك ؟لالا اكيد يتهيأ لك
شهد فتحت عيونها على الاخير:رغيد حركاتك ماتمشي علي قولي ويش فيك اكيد صايرلك شي
رغد:لاتشغلي بالك فيني ماحصل شي
شهد:وبعدين بتقولين وألا شلون؟
رغد وقفت وقفلت الباب تقدمت للدولاب وفتحته طلعت كيس أحمر شبه قديم كانت جامعه فيه كل هدايا عبدالله لها اللي محتفظة فيها ومشت بأتجاه شهد اللي ما تراقبها بعيون كلها تفاجئ
شهد ميلت فمها: أيش هذا؟
رغد جلست قبالها وتربعت على السرير:هذي كل الهدايا اللي محتفظه فيها من سنين
شهد: ادري هدايا بس ليه جايبتها لي أنا بالذات
رغد رفعت حاجبها وكشرت: لاتقولين مانتي فاهمه شي ؟
شهد: والله مو فاهمه شي فهميني
رغد مدت لها الكيس:شوفي شهودتي ابي يوسف يوصل هذا الكيس لعبدلله وفوقها هذا الشي ..فتحت درج كمودينتها وطلعت رساله بظرف وردي
شهد: اقدر اعرف ليش ؟
رغد:لاني بأمحي كل شي يذكرني فيه بحياتي مابي أحن له بيوم نهائيا وأجي لهذا الكيس وأتذكر لحظات ندمت عليها أشد الندم
شهد بشك: رغد ويش صار قوليلي
رغد تنهدت:بقولك الحكايه من أولها

***مزون شمر*** · 18-04-2012, 12:08 PM

رد: رواية يا خاطفي وين ألقى عزتي في زمان المذلة ! / كاملة

بعد شهرين
كانت ممزوجه بلحظات الفرح والحزن ..وتاره تستحوذ عليها أيام الألم والمعاناه الصامته وأحيان يموت بها الضمير الحي لغايه .......
بعد شهرين من الجفاء والخصام لا يقترب أحدهما من الأخر وعلاقتهم الرسميه جدا التي لازالت تحكي قصة زله دمرت بداية مشوارهما وخلقت ألألاف من العتبات في وجههما وملئت طريقهم بالعثرات ... كان لايسليها فيما مضى سوء دراستها التي كانت تصب بها جل اهتمامها هاربه من تفاصيل حياتها البارده والمكتسيه بالالم الصامت
وقفت على الشرفه ممارسه لروتينها في الأيام الماضيه تنتظر حضوره ...أزداد تأخره هذه المره قبل ان ترجع الى زوايا عالمها الصغير ...سمعت البوابه تنفتح لفت بلهفه وأبتسمت بنفسها رجعت الى الداخل وقبل تنزل وقفت قبال المرايا تشجعت وسمت بالله
كانت لابسه تنوره قصيره لنص الفخذ بني غامق وبدي ستايله روماني لونه ترابي تركت شعرها مفرود وواضح طوله الزايد وحاطه قلوس وبلاشر خفيف بالاضافه للمسه خفيفه من الماسكار ..تعطرت ونزلت وقفت بنص الدرج تنتظر دخوله

{هنادي}
الى متى وأحنا كذا ..انا مليت من الحياه هذي كل واحد ينام بمكان ومايكلم الثاني وعلى الاكل كل واحد سارح بعالم ثاني ...طالت المده وانا تعبت ومليت ماتوقعت الزله بتقلب حياتي كذا لازم أرجع باسل لي على الأقل أكفر عن ذنبي حتى لو كان بدون قصد لازم اسوي المستحيل حتى يرجع معي زي أول حتى لو كان الثمن كرهه لي.

أنفتح الباب الخشبي الكبير وتسللت أشعة الشمس الذهبيه الى الدخل مع دخوله ..نزل نظاراته الشمسيه وقفل الباب ..رفع صوته
..: سوريان سوريان
هنادي نزلت ثلاث درجات وبصوت هادي: مساء الخير
التفت الى جهة الدرج الحلزوني وطير عيونه فيها رد بدون نفس: مساء النور
قربت منه اكثر: ويش تبي من سوريان ؟
باسل رفع حاجبه: هي تدري ويش ابي بهذا الوقت ؟
هنادي نزلت عيونها للأرض فهمت قصده وحست بنفوره منها..رجعت قوة نفسها اكثر وقالت بنفس الهدوء: أطلع غير ثوبك وبيكون الغداء جاهز
باسل بدون أهتمام أعطاها ظهره ورجع ينادي بصراخ: سوريان هاتي الغداء لغرفتي
ابتعد عنها ومشى لفوق لحقته على طول ومسكت يده مع الدرج : باسل استنى
باسل بدون نفس وعصبيه: لو سمحتي تعبان وأبي أنام
هنادي:والغداء؟
باسل يسحب يده من يدها بقوه: أنسدت نفسي مابي ...ابتعد عنها ودخل لجناحه
رمى شماغه على الكنب وفتح ازارير ثوبه بقوه أخذ نفس طويل وزفره بحراره ..طلع له بجامه وغير ملابسه ..التفت على الباب اللي أنفتح
باسل وهو يلبس بلوزته:كيف تدخلين بدون استأذن ؟
هنادي : ليش غريبه عنك عشان استأذن ؟
باسل: تقريبا
هنادي قربت منه: احب اذكرك اني زوجتك الظاهر أنك نسيت
باسل بدون أهتمام: لا مانسيت
وقفت قدامه وصارت قريبه منه حيل ماتفصله عنها الا مسافة بسيطه مدت يدها لبلوزته وقفلت أزاريرها: الحمدلله أنك مانسيت
باسل: من الأخير ..ويش تبين ؟!
هنادي رفعت وجهها وحطت عينها بعينه :أبيك
باسل ميل فمه بسخريه:ويش تبين فيني ؟ علاقتنا زي الاخوه مو اكثر
هنادي قربت منه أكثر: من دخلت هالبيت ما شفت السعاده ما أدري السبب منه وألا دعوه صادفة وقت أستجابه
باسل قرب وجهه منها وصارت تحس بحرارة أنفاسه:أنتي السبب مايحتاج أذكرك باللي قلتيه
هنادي بقوة واضحه بنبرتها:انت ماخليتني افسر لك طول الوقت تتهرب مني حتى لما كنا بالمدينه طول وقتك برى او توصلني عند اهلي وبعدها ما ادري عنك باليومين والثلاث..شهرين مرت بدون أي فايده لا أنت دريت باللي في قلبي ولا تركت لي فرصه ابررلك
باسل رفع حاجبه:عجيب والله ..الحين قلبتي كل شي علي
هنادي: أعترف اني زليت لكن والله ماكنت اقصد انت مارضيت تسمع مني لو كلمه
باسل ضحك:تزلين بأسمه ؟..خلي نفسك مكاني أيش بتسوين
هنادي مسكت بلوزته بقوه وبدت تعصب:بزعل يوم يوم أسبوع لكن مو شهرين كيف يجيلك قلب تتركني لحالي وتروح
باسل بلا مبالاه: زي ماجالك قلب وزليتي بأسمه قدامي
هنادي غمضت عيونها بقهر وتنهدت بعدت عنه: من الاخير أيش الحل ؟
باسل: نبقى كذا اريح لي ولك
هنادي بعصبيه: لا بالله ؟..هذا الوضع مو عاجبني
باسل: بس عاجبني انا
هنادي انقهرت من رده : اوك دامه عاجبك ...طلعت من الغرفه وصفقت الباب بقوه وراها أنعزلت بغرفتها وماطلعت ابد

***مزون شمر*** · 18-04-2012, 12:09 PM

رد: رواية يا خاطفي وين ألقى عزتي في زمان المذلة ! / كاملة

بالرياض

مرور شهرين غير اعتياديه كان لها دور بالتغيير الجذري للبعض وبقاء حال البعض أختلفت بها الحال والأحوال ...مرت عليها الشهرين وكان لها أثر بتغيير نفسيتها للأحسن ونستها بعض من ألمها رغم أن علتها الوحيده شوفة ولدها اللي يتهربون من إجابتها على أسئلتها المتكرره عن سبب أبتعاده ..خلال هذي الشهرين كان مئواها بيت أبو فهد
أم رياض: يمه شوق ما أكلتي شي
شوق:مالي نفس ياخالتي شبعانه
أم رياض: ودواك لازم تأكلينه يالله الله يرضى عليك يابنتي كلي لو شوية
شوق برفض تام: خليني على راحتي ياخاله والله نفسي مسدوده
ام رياض :بكيفك بس اذا جاء فهد ماراح أكذب عليه
شوق ابتسمت: اذا جاء انا بقوله مالي نفس
ندى فتحت الباب: مساء الخير
شوق: مساء النور
ندى: كيف قمرنا اليوم
شوق: الحمدلله بخير
ندى جلست ومدت يدها لصحن الحلى: ياحركات شكولاته جات في وقتها
ام رياض :لاتوجدين منها
ندى: الله انتم حاطينها للي يجي هذا انا جيت بأكل واطلع ثم ادخل مره ثانيه واكل
شوق: هههههههههههه تفداك
ام رياض: لسانك هذا يبيله قص
ندى تتمدد بتعب: بمقص وألا ساطور هههههههههههاي
شوق: هههههههههههه خلاص ياندو لاتزعلين خالتي علينا
ندى تتأمل وجه امها المعبس: شكلها زعلانه نزيد الجرعه شوي مافي مشكله
أم رياض وقفت وبنبره حاده: ويش رايك تقومين قدامك للمطبخ ذبحك النوم والكسل
ندى: لا يمه بجلس مع شوق اونسها اكيد طفشانه "غمزت لها "
شوق: خليها عندي خالتي
ندى ابتسمت:شفتي يمه خلاص بقعد أي شوق علومك اخبارك ويش صار ويش ماصار
ام رياض عصبت: الله يزوجك ويفكني منك
ندى وقفت بسرعه ورفعت يديها لفوق: اللهم امين يارب اني أمتك أبنت أمتك زوجني عاجلا غير أجل
شوق:ههههههههههههههههههه اجلسي بس
طلعت ام رياض وهي تضحك ..سكرت الباب ولفت عليها شوق
شوق:اقول ندى ماسمعتي كلام من فهد أو عمي عن راكان ؟
ندى: لا اللي اعرفه أنه قريب بيطلعونه من المستشفى اللي هو فيها ولأنك تحسنتي الحمدلله
شوق تنهدت: قلبي مو مرتاح أبد حاسه في شي صاير وفهد ماقالي عليه
ندى فتحت عيونها على الاخير:زي ويش؟
شوق هزت كتفوفها :الله اعلم
ندى ابتسمت: ويش رايك نطلع برى نغير جو؟
شوق: لالا اليوم حاسه أني تعبانه شوي برتاح بسريري احسن
ندى وقفت: أجل انا بروح افرفر بالنت على بال يجون ابوي والبقيه
شوق: على راحتك
ندى: ماتبين شي قبل اطلع
شوق ابتسمت لها: سلامتك ياقلبي
ندى : الله يسلمك ...طلعت من الغرفه وتركتها لحالها غيرت ملابسها ورجعت لسريرها حتى تريح بالها

{شوق}
من بعد طلعتي من المستشفى ارتاحت نفسيتي ..ترجاني عمي أجي عندهم فترة علاجي عشان يكون الكل حولي اذا تعبت فجأه ولأن فهد مشغول أغلب أوقاته ..خالتي أم رياض كانت أكثر من أم لي تحافظ على مواعيد أدويتي ومهتمه بأكلي ..بس في هم شاغلني وهو سبب تعبي كل ما سألت فهد عن راكان يتهرب من الأجابه ودي أعرف ليه ..أذا صايبه شي ما راح أعترض على حكم رب العالمين أو أتسخط عليه لكن نفسي أهدي الخوف اللي سكن قلبي وأتطمن حتى أنام مرتاحه مو قلقانه من بكره واللي بيصير ...اخ يافهد بس لو تريحني وتقول اللي مخبيه عني انا لازم ألح عليه بكل الأساليب عشان أعرف والله يكون بعوني
غمضت عيونها وألف ذكرى طرت على بالها ..من طفولتها الي الثانيه التي تعايشها الأن ماحست بنفسها منسجمه داخل عالم الذكريات تنتقل بين محطاتها بحلوها ومرها بدموعها وضحكها بفرحها وحزنها ...حست بلمسه خفيفه على خدها فتحت عيونها على طول
شوق بهمس :فهد
ابتسم لها بصفاء وبعيونه لمعة فرح كانت تشوفها بكل أيامها الماضيه: اسف صحيتك من النوم
شوق : عادي حبيبي اصلا كنت انتظرك وشكلي غفيت وماحسيت
فهد بعد شعرها عن وجهها:ارجعي نامي حبيبتي انا بطلع للصالون عن ابوي وخالتي
شوق مسكت يده: لا خلك معي من زمان ماجلست معي
فهد : أجل ببدل ملابسي عشان نجلس مع بعض
قامت من مكانها وأتجهت للدولاب البعيد
فهد أستغرب: شوق وين رايحه ؟
شوق بدون ماتلف عليه:بطلع لك ملابس عشان تغيير ..قام ولحقها للدولاب وقبل تفتحه مسك يدها
فهد:شوق انا اطلع اغراضي بنفسي ما أبي اتعبك
شوق بزعل: ليش ماتبي اساعدك خلني امارس حياتي زي قبل تعبت من المرض ومن خوفكم علي انا صرت احسن من اول بكثير وانت ادرى مني
فهد بصوت حنون: ماعليه ياحبي كل شي اسويه عشان راحتك
شوق: وانا ارتاح اذا حسيتا ني طبيعيه
فهد بعد عنها: اجل طلعي لي لبس مريح عشان ارتاح بجلسي
شوق أشرت على عيونها: من عيوني ياعيوني "نقت له بنطلون جينز وتيشرت رمادي بأبيض" ويش رايك
فهد سحبه: دامه على ذوقك اكيد مافيا حلى منه
شوق :أستناك لا تتاخر
فهد : جايك بس اجلسي انتي ولاتتعبين نفسك

***مزون شمر*** · 18-04-2012, 12:10 PM

رد: رواية يا خاطفي وين ألقى عزتي في زمان المذلة ! / كاملة

برى جناحهم المصغر
أجتمعوا على طاولة الأكل ..مانقص ألا فهد
ابورياض:وين فهد ما يتغدى معنا ؟
ندى : عند غزالته
ام رياض بحده: ندى وجع
هزاع: خلوه على راحته يمكن مايبي يترك زوجته لاتضايقونه
ابو رياض: أحنا مانبي ألا راحتهم
ندى وهي تأكل: ويمكن نام
ام رياض: يمكن يالله سموا بالله خلونا نأكل قبل يبرد الأكل
ندى قامت: الحمدلله
الكل التفتوا لها: وين ؟
ندى: شبعت انا أكلت قبلكم ..بالعافيه عليكم
هزاع: وين رايحه ؟
ندى : غرفتي بنام واصحى المغرب
ام رياض بزعل: كل وقتك نوم الله يعينك على نفسك
ابو رياض: خليها على راحتها

عند شوق وفهد
تشجعت وسألته وهو مركز مع نشرة الأخبار:فهد
فهد: هلا
شوق: طالعني شوي ..أستغرب كلمتها ركز بعيونه عليها
فهد: تبين تقولين شي؟
شوق هزت راسها وبعد صمت ثواني: راكان وينه ؟
أنقلبت ملامح فهد أنقلاب مفاجئ أكدت لها بعض من شكوكها ..نزلت دمعتها بدون أحساس منها:ويش صار بولدي؟
فهد نزل عيونه: كل خير بس انتي لاتفكرين
شوق زادت دموعها وبحده: شلون ما افكر قولي ولدي ويش فيه ؟تكلم لا تعلقني بين السماء والأرض
فهد: اهدي الحين وأنا بفهمك كل شي لكن أوعديني أنك تتمالكين نفسك
شوق حطت يدها على صدرها وشهقت: مات
فهد بنبره حاده: بسم الله عليه ..لا مامات
شوق مسحت دموعها: أجل ويش صار ريحني الله يريحك
فهد: راكان أخ....
بالمدينه
رجعت لبيت أبو مها بعد أتصال سحر عليها ...كانت بطنها بارزه ومعالم الحمل متضحه عليها
ضمة مها بقوه :وحشتيني
مها: هلا بقطوتنا ..وربي لك وحشه
شهد ضحكت:ابو الترحيب اللي كذا
مها ابتسمت وسحبتها : اجلسي أعطيني سوالفك وعلومك والله ماحسبت تجي الأجازه وبندر ياخذ أجازه عشان نرجع على طول
رغد تمددت على الأرض وقربت الصينيه منها:أي والله هذي الأجازه ماجات إلا بطلوع الروح
شهد اخذت نفس طويل: تصدقون أحس هالأجازة بتغير اشياء كثيره
سحر ابتسمت : أولها حددوا موعد زواجي
الكل شهقوا بصوت واحد: ويش؟!!!
سحر بحياء: أيه حددوا موعد زواجي ليشم تفاجئين كذا
رغد تربعت وعيونها بطلع قدامها: متى ..وكيف حددوا ..وأحنا ليش اخر من يعلم ؟
سحر:متى بعيد الفطر ..كيف اتفقوا مع عمي ووافق وانا وافقت لي انا ماحبيت اقولكم
مها تقرصها: نذله ماتتركين حركاتك
شهد :الف مبروك سحورتي الله يوفقك بحياتك مع زوج الغفله
سحر كشرت: يعني ماتكملين دعوتك الحلوه
شهد ضحكت : ايه لازم نفربكها شوي
رغد شدتها لجهتها وباستها على خدها بقوه:منه المال ومنك العيال الله الله بابو العيال
سحر زاد خجلها: بدري على هذا الكلام
مها تتفحص بتريقها: ياختي على البنت مستحيه ..اقول والله انك بقلبك تقولين الف حمد وشكر ليك يارب مش مسدئه حتقوز ياعالم حتقوز
شهد ورغد :هههههههههههههههههههههههههه
سحر تتخصر: شايفتني مشفوحه على الزواج
مها تخزها بعيونها:علينا ..علينا ياسحير وقصة التنوره والولد ميت عليك ولا قصص ألف ليلة وليله واخرتها ماني مشفوحه هاتي غيرها
شهد ورغد فاطسات ضحك على شكل سحر الخجول الممزوج بالتضجر والعصبيه:هههههههههههههههههههههههههههههههههه
شهد: ايوه كمان يامهاوي كمان
مها تأشر على عيونها:شوفوا الكذابه بؤبو عينها مكتوب حتقوز ياهووو
رغد:ههههههههههههههاي لا عاد مو لهذي الدرجه
سحر عصبت: خير ويش فيك ماسكتني مصخره يالله عاد اهجدي
مها تسد خشمها: أأأف ريحة كفر
رغد تمسح دموعها من شدة الضحك: أأأأأف أأأأأأأأأأأأأأأأأأأأأأأأأف
شهد مسكت بطنها من شدة الضحك :حرام عليك بيموت ولدي وانتي السبب
سحر تشد شعر مها: أنا أوريك ياكريهه
مها: ماعليه سحور خلي روحك رياضيه ماحسبت ارجع واتريق عليكم من زمان ما تتريقة
سحر: ياسلام على حساب مشاعري
رغد: تحمليها هي ماتجي الا ايام قليله
مها :اقول صبي قهوه وعن الكلام الفاضي
شهد : وين ريم ماجات
رغد: بتروح بيت اهل زوجها تقول عازمينها على العشاء
مها: ياعيني وحنا جالسين محد يعزمنا
دخلت سمر وقالت: ويش رايكم نتصل على عماتي نعزمهم من زمان عنهم
سحر: والله جبتيها
مها: أوك هاتي جوالي بتصل على عماتي أعزمهم
رغد تهمس لشهد: كيفك ياحلو مع الحمل
شهد تطالع بطنها: تمام بس تعرفين تعب وقرف وكله كوم ولما يبكي مشاري كوم ثاني
رغد: امم انتي كشفتي ؟
شهد: ايوه بس قبل شهر
رغد: حاسه بطنك كبير اكيد بالرابع او الخامس
شهد :يمكن ما استبعد
مها دخلت عرض: هيه تتكلم بويش؟
رغد : ايش دخلك كلمي عماتي وعن اللقافه اللي مالها داعي
مها تميل فمها بقهر: والله عندكم اسرار الله يعلم فيها بس ما اكون مها اذا ماكشفتها
شهد بتشككها اكثر: الله يقويك ..طالعة رغد وانفجروا بالضحك

::

***مزون شمر*** · 18-04-2012, 12:11 PM

رد: رواية يا خاطفي وين ألقى عزتي في زمان المذلة ! / كاملة

طول وقتها حابسه نفسها بغرفتها اللي حفظت تفاصيله عن كثب بجماداتها المختلفه ..تأخر الوقت وهي مانامت ..مافي الا النوم يسليها ..فتحت الدولاب وطلعت لها قميص طويل لبسته وفردت شعرها على طوله ورمت نفسها على السرير وتفكيرها وصل لبعيد ..دق جوالها وردت بفرح
هنادي: هلا وغلا ومية مرحبا
روان: هلا حبي وحشتيني موت
هنادي نست كل اللي فيها: وانتي بعد ماصار لنا كم أسبوع شايفين بعض
روان بنبرة حلوه: والله تقولك بنرجع نشوف بعض
هنادي شهقت: وين ؟
روان بضحكه مايعه: جده
هنادي صرخت : مستحيييييل ..احلفي
روان:هههههههههه والله
هنادي ماصدقتها: أكيد تكذبين ؟
روان: والله ما أكذب وبكره حتشوفين
هنادي: متى وصلتي ؟
روان :من ساعتين وجالسين عند عمي
هنادي بفرح: يالله فرحتيني ..اخير بطلع من البيت
روان بأستغراب: ليش ماتطلعي مع زوجك ؟
هنادي بأرتباك: الا نطلع بس تعرفين طول الوقت مشغول
روان: أها اوك يصير بكره أتصل عليك ونتفق على مكان
هنادي: لالا..انا ما أعرف ولا مكان هنا الله لايهينك تمريني وتأخذيني بنفسك
روان ضحكت: تأمرين أنتي حجيك واحتمال بنت عمي تروح معنا
هنادي: حلو بتعرف عليها
روان :اوك اذا ماعندها شغل بقولها تجي معنا
هنادي: طيب بس اعطيني خبر من بدري
روان: اوك تصبحين على خير نلتقي بكره
هنادي:وانتي بخير
قفلت جوالها وحطته سايلنت عشان ما يخرب عليها نومتها دخلت بفراشها وطفت الأبجوره وتلحفت ...تنقلت عيونها بالمكان المظلم وتفكيرها مازال فيه كل همها كيف ترضيه ..طردت الأفكار من بالها وغمضت عيونها عشان تنام وماتخرب على نفسها ليلتها
بعد ساعه جفاها فيها النوم سمعت صوت خطوات قريبه من غرفتها أنفتح الباب وغمضت عيونها بتلقائيه لأنها عارفه من الشخص ..حست بأقترابه تفاجئ أنها نامت بدري ولف بيرجع لطريقه ..جلست وفتحت الأبجوره
هنادي: تبي شي؟
باسل: أبدا بس جيت أشوف نمتي والا لا
هنادي:حاولت أنام وماقدرت "بعدت الشرشف عنها ووقفت تعدت من جنبه وهي تلم شعرها المتناثر بكل أتجاه وفتحت الثلاجه الصغيره بزاوية غرفتها وطلعت علبه مويه" غريبه جايه أكيد عندك شي
باسل: اذا ضايقتك بدخولي عادي ارجع غرفتي
هنادي : لا ابدا ما ضايقتني
باسل: تصبحين على خير
هنادي بلهفه: وين وين ؟
باسل طالعها بنظرات أستغراب:شوفي الساعه كم ..بروح أنام
حطت علبة المويه على الطاوله وقربت منه :بترجع غرفتك؟
باسل : أيوه
هنادي: أيش رايك تنام هنا
باسل ضحك: وليش أنام هنا ..تعودت أنام لحالي هناك
هنادي: أوك اروح معك انا
باسل استغرب وقال بحده: هنادي أيش اللي براسك
هنادي ميلت فمها وضمت يديها لبعض: أنك ترجع لي مايصير اللي نسويه على الأقل ارحم وحدتي وطفشي
باسل كشر: ايش اسوي؟
هنادي رفعت حواجبها: انت تدري ويش تسوي ؟
باسل جلس على الكنبه اللي وراه:لا ما أدري قوليلي
هنادي جلست جنبه:طيب اقولك .. نوم برى هذي الغرفه مافي ..زعل من بعض مافي ..ترجع حياتنا طبيعيه زي أول وننسى اللي صار
باسل ببرود: بكل سهوله
هنادي عصبت: اعطني حكمك وانا راضيه
باسل يفكر:امممممممم خليني افكر
وقفت ورجعت لفراشه واتغطت: فكر على راحتك ..لوسمحت سكر الباب وراك
طلع من غرفتها ومشى لغرفته حتى ينام بعد ما قهرته بحركتها

***مزون شمر*** · 18-04-2012, 12:12 PM

رد: رواية يا خاطفي وين ألقى عزتي في زمان المذلة ! / كاملة

بالرياض

يا"عبرة" يلعب بها الصمت والنوح
وتخفي شفايف صمتها ضيقة البال
الي متى صمتك يردك عن البوح
و الي متى حزنك مع الصمت رحال

رفضت تطلع من غرفتها واستوحدت بنفسها وأنيسها هو دمعها وببالها تجتر كلامه ألف مره دون أستيعاب ..قد يكون حلم يباغتها وينتهي فجأه أو يكون واقع تعاني من قسوته الشي الكثير
دخل وشافها علىنفس وضعيتها قبل يتركها من ساعتين ..لبس بجامته وعيونه ماتفارقها أنسدح جنبها ولمس كتفها بشويش
فهد: شوق طالعيني شوي
غمضت عيونها ردت بصوت مبحوح من البكاء: ليش؟
فهد: يكفي بكاء من العصر ماسكتي كذا بتتعبين أكثر
شوق لفت عليه وبان وجهها المتلطخ بالدموع:خلني ابكي يمكن أغسل همومي
فهد مسح دموعها بأطراف اصابعه: أدعي ربك يرده لنا سالم وأن شاء الله بيصير كل خير
شوق مسكت يد فهد بترجي: فهد أنا أملي بالله ثم فيك والله لو يصير براكان شي بتموت روحي
فهد: بسوي اللي أقدر عليه لكن انتي بعد اسكتي تعورين قلبي لما أشوفك تبكين
شوق: مقدر والله ماهو بيدي احس بروحي غصه
فهد تنهد: ويش أقول أنا ..استهدي بالله يابنت الحلال
شوق أخذت نفسه طويل وحطت راسها على صدره: الله كريم ...مر عليها الوقت وغفت بسبب تعبها ..مرر يده على شعرها بهدوء محتاج يتكلم كابت مشاعره ولا يفصح بها غمض عيونه متجاهل احاسيسه المثقله ونام
صباح اليوم التالي
صحت بدري لبست أخذت شور بارد ولبست بجامه وتكشخت ونزلت لغرفة الطعام
هنادي: سوريان الفطور جاهز
سوريان: يس ماما شوي سير جاهز
هنادي قبل تدخل: باسل ما صحى
سوريان كشرت: ما يعرف
هنادي تصرفها: طيب طيب روحي جهزي الفطور لاني جوعانه
سحبت لها كرسي وجلست صبت لها حليب حار وقربت صحنها منها وانتظرت سوريان تكمل الطاوله ..سمعت صوت وراها:صباح الخير
هنادي : صباح النور
باسل قبل يجلس : وين المربى ؟
هنادي رفعت راسها:الحين تكمل السفره ماتقدر تصبر
باسل جلس ودخلت سوريان :الحمدلله وصلت ..سوريان المره الجايه لا تتاخرين بالفطور
سوريان: اوك أوك
بدأو يفطرون بهدوء وكل واحد فيهم ملتزم الصمت ..بعد فتره طويله كسرت حاجز صمتهم
هنادي : باسل
رفع راسه من الجريده:نعم
هنادي: حبيتا قولك أني بطلع اليوم مع صديقتي
باسل عثد حواجبه بأستغراب يذكر أن كل صحباتها بالمدينه: أي صاحبه ؟
هنادي: روان جايه من المدينه وتبي نطلع نتمشى مع بعض
باسل رفع حاجبه بحده: أها ..وهذي أي وحده من صديقاتك ؟
هنادي بمكر وخبث: ماتعرفها انت اصلا انت ماتعرف كل صحباتي وهي جايه تقضي الأجازه هنا عند عمها وبنت عمها امس اتصلت علي وقلت أشاورك
باسل: ووين بتروحون؟
هنادي: على حسب يمكن البحر
باسل: اطلعي من الباب الزجاجي تلقين البحر ماله داعي تتمشين بالشوارع وعندك بيت على البحر
هنادي بتأفف: طقت روحي من البيت هذا كأنه بيت أشباح ابي أغير جو وأنت حضرتك ناسيني بين أربع جدران لا طلعه ولا عمله غير الحشره هنا
باسل بعصبيه: أووووف منك مزعجه طول الوقت تنقين
هنادي انقهرت: الحين ويش اقول للبنت اذا اتصلت علي
باسل: خلاص روحي بس لا تتأخرين فهمتي ؟
هنادي: ايه يمكن نروح السوق
باسل يرجع لجريدته:براحتك
هنادي طلت فيه وقبل تتكلم خافت يعصب عليها لكن تشجعت: بس انا ما أعرف الأماكن بجده
باسل رمى الجريده على الطاوله: عندك السواق يعرف كل الأماكن شبر شبر قوليله وهو يوصلك
هنادي هزت راسها بالأيجاب ونزلت عيونها بصحنها وكملت فطورها ...وقف وقبل يتحرك طلع محفظته وطلع منها ألف ريال
باسل:خوذي هذي يمكن تحتاجينها
هنادي مدت يدها بدون تردد واخذتها : بتتغدى هنا ؟
باسل يطالع ساعته اللي أشارت على ال 8:لا اليوم عندي شغل كثير
هنادي: طيب
باسل: ارسلي مسج اذا رجعتي البيت
هنادي: طيب

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget