رواية يا خاطفي وين ألقى عزتي في زمان المذلة ! / كاملة

***مزون شمر*** · 16-04-2012, 12:36 PM

رد: رواية يا خاطفي وين ألقى عزتي في زمان المذلة ! / كاملة

ربع ساعه ووصلت لشقتهم ..رمت نفسها جنبها على الكنب بتعب
باسل يتفحصها:ياساتر كل هذا تعب
هنادي ميلت راسها بأتجاهه:ايه تعبانه وهلكانه "وقفت نزلت عبايتها ورمت الجاكيت القطن اللي لابسته فوق بدي أبيض حفر بكوله مفتوحه بأزارير ..رفعت شعرها بشكل غجري مشت للمطبخ تشرب شي بارد يبرد عليها من سخونة الجو ..رجعت عنده وبيدها كأس مويه بارد تتباع الأخبار معه ببرود
جاء موعد نشرة الأخبار الرياضيه تعدلت زين وبحماس حتى تعرف أخر الأخبار الرياضيه كون ميولها رياضي ..لف عيونه يتأملها وهي مو حاسه عليه او حاسه بنظراته اللي تتفحص ملامحها البريئه بدقه متناهيه ..ضيق عيونه يبي يتأكد من اللي يشوفه بوجهها وتحت دقنها ..قرب منها ولمس خدها بشويش
بحركه سريعه بعدت عنه تقشعر ووقف شعر جسمها من لمسته لخدها بيده البارده
حط يده تحت دقنها وقرب وجهها منه اكثر
باسل بأستفسار ونظره حاده جدا:أيش هذا اللي بدقنك ورقبتك؟
هنادي خافت من نظراته اللي أول مره يطالعها فيها: ويش؟
باسل حط اصباعه على المكان ومسح براسه أصباعه شوي من الروج الموجود على خدها ودقنها ورقبتها وحط أصباعه قدام وجهها..بنبره حارقه:هذا أيش ؟
هنادي مدت يدها بتمسح لكن وقفتها مسكته لذراعه وعيونه ترمقها بنظرات ناريه:ايش فيك ماتردين ..ترى اتكلم عربي
هنادي بأرتباك :روج
باسل:أدري انه روج ...بس كيف وصل لهذي المنطقه ؟
هنادي بلعت ريقها وهي ترتجف خوف منه:صديقتي سلمت علي وأنا خارجه أكيد روجها طبع على خدي
باسل بشك واضح:متأكده؟
هنادي تمسح خدها بقوه ولازالت ترتجف: أيووووه
رفع وجهها بقوه وفتح أزارير بلوزتها وأنصدم طلعت عيونه من مكانها ..دفته بقوه وقامت من جنبه
باسل وعلامات الصدمه مرتسمه على وجهه..وصوت عالي محتد: أجل هذا سلام جديد ما عرفناه لسى
هنادي تقفل ازاريرها بربكه سحبت الجاكيت من على الكنب بتلبسه لكن مسكها مع ذراعه بقوها وعيونه يتطاير منها الشر
باسل:أنتي ياهنادي أنتي ؟!!!!...ماتوقعتك تسوينها
هنادي تحاول تحرر يدها منه ردت عليه بنفس حدته:ليش مكبر الموضوع ماصار ألا شي عادي
باسل انصدم من ردها:أيش؟..هذا عادي عندك
هنادي فلتت يدها بقوه : أيه عادي
باسل صرخ عليها:عادي لو أنه أنا ..مو بنت
هنادي تتخصر: وي فرقت الحين انت وألا هي ...المهم أنا ويش أبغى
باسل بدون ماحس صفعها كف بأقوى مايملك: المهم انتي ويش تبين .."بعد بلوزتها عن رقبتها وبصوت ساخر" مسكينه هذي البنت خرمانه موووت
هنادي عصبت وانفجرت بوجهه: توصل فيك تمد يدك علي
باسل مسكها مع شعرها بقوه:وأكسر لك راسك ..شوفي من اليوم لو حسيت مجرد أحساس انك تمشين مع البنت هذي اللي مدري من وين طالعه بأتصرف معك تصرف ثاني ...اذا تبين شي قوليلي أقوم بالواجب مو تروحين لي مع أسفل خلق الله
هنادي تتوجع من شده لشعرها تغمض عيونها بقوه وتصرخ عليه: أتركني ..أتركني
دفها عنه وأرتكز على عكازه:روحي غسلي القرف اللي أنتي فيه
نزلت دموعها وصارت تشهق بقوه صرخت عليه بأعلى صوتها: أكرهك يالمنحط
لف عليها وزم شفايفه بتعجب:ألحين أنا منحط ..أجل انت وسواتك هذي ويش تكونين
هنادي سكتت وجلست على طرف الكنبه خبت وجهها بين كفوفها:أنقلع عني
باسل رمى جاكيتها اللي بيده عليها وبنبره تهديد:أسمعي يابنت أبوك هذي البنت تتركنها من هذي اللحظة وألا بربيك على يدي
هنادي بدون شعور ردت عليه: تخسي تربيني أنت وأشكالك
أنقهر من ردها مسكها بقوه وسحبها معه

:::

بالرياض
طلع من الشركه وهو راجع أتصل على صفاء
صفاء: أهليييين فهد
فهد: هلا فيك ..كيف حالك
صفاء: الحمدلله بخير
فهد: كيفك بعد الخطوبه
صفاء انحرجت: يؤؤؤ يعني لازم تحرجني
فهد:هههههههههه الله على الزمن صفاء تنحرج
صفاء: شايفني وقحه يعني
فهد:حشاك والله ..وأخبار الوالد واخوك
صفاء: كلهم بخير الحمدلله ..مشغولين معي بتجهزات الزواج
فهد: الله يتمم لك على خير
صفاء :ايش عندك متصل مو عادتك
فهد: موضوع شغل خاص
صفاء: اها .. أنا أخذت اجازة وأحتمال اقدم استقالتي بتفرغ لحياتي
فهد ابتسم: بس أجليها شوي لما يصير اللي نبي لعلمك ترى محتاجك كثير ابيك تعطيني كل المعلومات اللي جبتيها من النمسا اخر مره
صفاء فهمت عليه: أوووووه ..قصدك على موضوع الشنطة
فهد: ايوووه وصلنا خير ..هالموضوع ما أنام بسببه وانتي تعرفين انها صفقه رابحه لا محال وفاهمه قصدي
صفاء: اكيد فاهمه عليك ..لاتخاف اذا قدرت اجي الرياض حجي عشان هدا الشي
فهد: أوك بس الملفات هي اللي ابيك ترسلينها لي بأسرع وقت
صفاء: اوك لما أفضى ح رسلها بالفاكس
فهد: أنتظرها ..مع السلامه
صفاء: باي

***مزون شمر*** · 16-04-2012, 12:37 PM

رد: رواية يا خاطفي وين ألقى عزتي في زمان المذلة ! / كاملة

وصل للمزرعته ..توجه بسرعه لمكتبه فتح خزنته المعدنه خبى الأوراق داخلها بعد ما تأكد من قفلها طلع لجناحه فتح الباب بشويش ..شافها جالسه على الكرسي الهزاز وتشتغل بالكروشيه ..أول ما أنتبهت له تركت الصوف والسناره اللي بيدها ووقفت بصعوبه ..قرب بسرعه لها وساعدها
فهد :مساء الخير
شوق ابتسمت له:مساء الأنوار
فهد أشر على الصوف:ويش جالسه تسوين
شوق تضحك: خلها مفاجئه أحسن
فهد:لا والله ما اقدر أصبر وأنا أشوف الصوف والخرابيط هذي ..قوليلي وش هذي
شوق وسعت عيونها شوي وضحكت:قلت لك مفاجئه بعد ما أنتهي منها أقولك ويش هي؟
فهد ميل فمه وكشر:مصره؟
شوق قرصته على خده بشويش:أيه مصره حيل
فهد مشى عند الدولاب:براحتك ..ماعاد أتلقف وأسئلك عن شي أذا كل ما سألتك ماتقولين لي
شوق حطت يديها على بطنها بطريقه تضحك:شوفوا الرجال ..ضربني وبكى سبقني وأشتكى
فهد بجديه: طيب يا اشتكى ومشكتى ...بروح أخذ شور قولي لهم يطلعون لي الغداء هنا مالي خلق انزل تحت
شوق: أوك بكلم ليزا حتى أنا ماني قادره أنزل احس بثقل
أخذ منشفته وبجامته القطنيه ودخل يتروش ...بعد ما كلمت ليزا شافت جوالها على الكمودينه ..طروا علي بالها اخوتها
شوق: لا الحين جايين من الدوام ونايمين العصر أكلمهم ....ياه مشتاقه لهم مررره
نزلت عيونها لبطنها حجمها في أزدياد متضاعف لمسته بشوش يألمها مره ماتقدر تضغط عليه حتى بشويش ..جهزت الطاوله اللي بتحط عليها الغداء وجلست تنتظر ميري توصله لهم ..طلع بعد الشور الدافي اللي أخذه
شوق: أحسك تعبان
فهد ينشف شعرها:شوي مو مره تعرفين أرهاق الشغل
شوق:الله يكون بعونك

أندق الباب ..كانت بتقوم تفتحه لكن وقفتها كلمه:أنا أجيبه خليك مرتاحه
شوق: تسلم حبيبي
فهد غمز لها: الله يسلمك
دخل الصينيه وحطها على الطاوله وكان منظر الأكل يفتح النفس
شوق:واو جعت بزياده
فهد: حاسبي على نفسك
شوق تمد يدها: لا صراحه مقدر أقاوم
فهد يضحك وهو يشوفها تأكل بشراهيه : بالعافيه عليك
شوق ابتسمت:وعلى قلبك .."بعد صمت طويل" فهد أنا طفشت من جلستي بالبيت خلنا نطلع العصر نتمشى
فهد اقترنت حواجبه ببعض:بس انتي ماتقدرين تمشين كثير
شوق: مليت من الجلسه لحالي ابي اطلع من حدود هذي المزرعه الل زادتني تعب خلنا نروح اي مكان أن شاء الله نلف بالشوارع ماعندي مانع
فهد يفكر:أمممم طيب ويش رايك نروح الخبر؟
شوق فتحت عيونها: من جدك انت ..طبعا مستحيل ما اتحمل هذا المشوار الطويل
فهد:خلاص طب نروح نتمشى بأي مكان بس ماتزعجني بطني ظهري لاتسرع تحملي اللي يصير لك
شوق قالت من بين انسانها:حقود
فهد ضحك:أيه حقود بعدين انت صحتك على قدك اخاف يصير فيك شي من ورى الطلعات اللي مالها داعي
شوق :انا هنا مكتومه ما اشوف الناس حتى السيارات ما اشوفها كأني بسجن بعيد عن الكل ابي احس اني بالدينا مع العالم ماحد يضمن عمره اليوم عندك بكره ماني معاك
فهد كشر:كم مره اقولك لاتتفاولين على نفسك.."رمى الملعقه على الطاوله"لازم يعني تكدرين خاطري
شوق :انت ليش مانت راضي تقتنع هذا أمر الله انا راضيه فيه وماني معترضه عليه ليش أوهم نفسي بشي مايصير
فهد:التفاؤل زين خلي نظرتك للحياه فيها أمل ...أنتي تيأسين على طول
شوق تغير الموضع لانها عارفه اخرها بيكون زعل من حقيقه واقعه لامحال: المهم بنطلع وألا لا
فهد:نطلع ..كم شوق عندي
ابتسمت له وكملوا أكلهم

::
::

***مزون شمر*** · 16-04-2012, 12:38 PM

رد: رواية يا خاطفي وين ألقى عزتي في زمان المذلة ! / كاملة

بعد صلاة العصر
في بيت أبو مها
جهزت دلة القهوه وحطتها في الصاله ..صحت سمر عشان تصلي وتجي تجلس معها لان رغد أول مارجعت من المستشفى نامت وسحر لسى ما وصلت وهنادي ماتدري وينها
سمر:والله غريبه جهازها مغلق
ريم: اكيد عند وحده من صديقاتها
سمر: عمر وحده فينا ماسوتها لكن هنادي تمردت هذي الأيام طلعاتها زايده وغير كذا توصل انها تنام برى هذا الشي ماينسكت عليه
ريم: أيش نسوي أبوي أذا قلنا له قال تروح عند صاحباتها لاتعقدوها خلوها على راحتها ..هذا بيدمرها ماينفعها
سمر رجعت أتصلت على هنادي ومسك الخط معها: يدق يدق
وصلها صوت هنادي: هلا سمور
سمر: وينك خوفتنا عليك
هنادي تمسح دموعها: عند روان أجي المغرب
سمر: لا تعالي الحين طولت برى البيت
هنادي: خلاص قلت لك المغرب أجي
سمر بخوف: صوتك فيه شي حاسه أنك تبكين ؟
هنادي: لا بس تو صاحيه من النوم نمت عند روان
سمر بشك:ياخوفنا من هالروان ..تقولك ريم لاتتأخرين لان اليوم بتساعدينها في العشاء
هنادي :طيب لما أجي نتفاهم ..مع السلامه
رمت الجوال على طرف السرير ..غطت وجهها بكفوفها ورجعت شعرها على ورى ..وريحة الدخان تعج بالمكان
هنادي بعصبيه: اذا بتدخن أطلع برى ماني ناقصتك
باسل كان متكي على ظهرها ورافع يده على ديكور السرير ومطنشها تماما ما أعطاها أي أهتمام

{هنادي}

اه ياربي من هذا الأدمي لو بيدي أقلته وارتاح والله لأسويها ..أكرهه كره ماهو طبيعي كل شي فيه ينرفزني ويخليني أعصب بدون ما أحس يحب يقهرني ويجبرني على أشياء ما أبيها ..أخرتها يبيني أترك روان ..والله لو يموت مايصير هذا الشي ..كلهم يكرهونها بس أنا يكفيني أنها تحبني ومستعده تسوي أي شي عشاني وبتساعدني أنفذ الموال اللي براسي ..وألا غيرها يروح بحريقها ما همني وأولهم الزفت اللي جنبي ..الله ياخذه وأفتك منه ..هذا من الحين مجنني كيف لو أعلن زواجنا وصرت معه طول اليوم ..ميته ميته لامحال يارب صبرني عليه لين ما أخذ حقي واضمن مستقبلي وسمعتي بعدها أوريه ..مابي أستعجل بشي

باسل بسخريه:هاه قلبي مرتاحه الحين
هنادي انسدحت واعطته ظهرها: مايخصك
باسل يبي يزيد عليها:وألا تبين صديقتك هذيك
هنادي بحده: باسل أنطم مالي خلقك كافي اللي سويته
باسل بتهديد:هناديوه ..من بكره أنا أجيبك من الجامعه فاهمه عشان أضمن لا تلعبين بذيلك
هنادي تأخذه على قد عقله: أيه انتظرني أرجع معك ..أصلا اليوم أخر مره تشوف فيها وجهي هنا
باسل يضحك:يؤؤؤ بتخليني أشتاق لك ليوم زواجنا
هنادي انقهرت: الله يفكني منك
باسل يهز كتفه العاري: أنت الخسرانه بكل الحالات سواء مت أو عشت
هنادي لفت عليه وبنبره حاقده: واطي ولا راح يتغير طبعك
باسل بجديه: اللي قلته تنفذينه ورجلك فوق رقبتك فاهمه ...لو أتصل وترفضين تطلعين وقتها تشهدي على روحك
هنادي كشرت وغطت وجهها بالشرشف ودموعها تسيل على خدها صرخت فيه:أطلع برى مع سجايرك المقرفه
باسل عناد فيها أخذ سيجارة جديده وبدأ يدخن وصار يدندن بألحان وكلمات
حطت يديها على أذنها(حتى صوت يعصبني ..ويش أسوي بحالي أنا من أشوفه تتوتر أعصابي) وغطت نفسها زين حتى ماتشوفه وتكرهه اكثر

***مزون شمر*** · 16-04-2012, 12:39 PM

رد: رواية يا خاطفي وين ألقى عزتي في زمان المذلة ! / كاملة

بالسياره
كان مشغل ال fm والجو هادي وبارد جدا عشان التكييف
شوق : يالله من زمان عن الطلعات أحس الهواء يتجدد
فهد لف عليها ونزل نظارته بشويش: أما يتجدد عليك
شوق ضربته على يده بشوش:ما أنت حاس فيني ..بعدين طف الراديو تعرفني ما أحب اسمع أغاني
فهد احتدت ملامحه: ونجلس طفشانين طول الطريق
شوق: خلنا نسولف والا السوالف صارت ماتعجبك
فهد يمد يده :خلاص اطفيه
شوق بعدت يده عن الزر وطفته بنفسها:مابي ذنوب تزيد..وتوب أنت عن هالأشياء حتى رب يرضى عليك ويرزقك
فهد: ويش دعوه ماله داعي هالكلام
شوق تهز كتوفها: تتوقع ماله داعي؟
فهد: ايه ماله داعي
شوق بصوت بان فيه الزعل: يمكن ذنوبك غاليه عليك
فهد : ماتوصل لهذي الدرجه
شوق:الذنب ذنب مهما كان ...استغفر الله العظيم
قاطعهم صوت جوال فهد ...طلعه من جيبه وأستغرب من المتصل
فهد بصدمه:أبوووي
شوق : رد عليه يمكن في شي ضروري
تردد قبل يرد على ابوه ..لكن قوى نفسه وبنبره جافه : الو
ابو رياض:السلام عليكم
فهد بنفس النبره:وعليكم السلام ورحمة الله وبركاته
ابو رياض بلين وحب: كيف حالك ياوليدي؟
فهد تملكه الأستغراب:الحمدلله بخير
ابو رياض:وزوجتك كيف حالها
فهد زاد أستغرابه:بخير
ابو رياض: يبه فهد أنا عازمك انت وزوجتك على العشاء عندنا جامع خواتك وأخوانك ما ناقص غيرك ابيك تجي وتجيب شوق معك
فهد: بس انا مشغول وماني فاضي
ابو رياض بأصرار: ماراح أقبل ولا عذر من أعذارك ..تجي يعني تجي
فهد: بس..
ابورياض قاطعه:لا بس ولاشي ..تجي يعني تجي ..ننتظركم مع السلامه
قفل الخط وهو في قمة أستغرابه
شوق شكت من ملامحه: خير فهد ويش صاير؟
فهد:أبو متصل عزمنا الليله على العشاء قول لازم نجي
شوق : غريبه
فهد: انا مستغرب من نبرته واصراره عليه اني احضر مأكد علي
شوق: يمكن عرف انه ظلمك وندمان على اللي صار ..مهما كان هذا أب وقلبه يحن على اولاده
فهد: ويش رايك نروح ؟
شوق بحيره: مايمدينا نرجع البيت انا ماني جاهزه
فهد طالع لبسه كان لابس بنطلون جنز وبلوزة رسميه كاروهات رمادي وأبيض:ولا أنا
حول مسار السياره ورجعوا لطريقهم
شوق:تبينا نرجع البيت ؟
شوق: ايه اشوى ان المسافه قصيره نتجهز ونروح نشوف ابوي ويش عنده
شوق : هم رجعوا بيتهم
فهد :على حسب الاخبار اللي وصلتني ايه رجعوا
شوق ضحكت: والله توقعي بمحله ابوك ندمان ويبي يكفر عن ذنبه
فهد:يمكن ماهي بعيده عليه ..المهم حاولي تخلصي بدري لأن الطريق قدامنا طول
شوق :ماراح اتأخر شعري ومزبطه بس ألبس واحط شوية ميك اب
فهد :تصدقين انتي على الطبيعه احلى من لما تحطين ميك اب احس يشوهك مرره لما تحطينه
شوق شهقت: يشوهني ؟!..هذا وانا بس احط ماسكار وروج وبلاشر تقول شوهني كيف لو أثقله
فهد:ما يليق على ملامحك ...لان ملامحك صغيره ماتعطي انك بأخر العشرين
شوق :يممممه منك حاسدني أني بأخر العشرين وماهو باين علي ...اعوذ بالله
فهد يضحك:من زينك أحسدك
شوق بحده:مزيونه غصب عنك رضيت وألا أنرضيت
فهد : طيب بشويش لاتموتين بيطق فيك عرق من القهر
شوق :شوف كلامك بالأول يالشايب
فهد يضحك:الحين صرت شايب ياشواقتي ...على العموم الكل عرف ان الشايب احسن من الشباب من كل النواحي
شوق: وانا أشهد ..وأنت الدليل القاطع
فهد مافهم تلميحها: ويش قصدك ؟
شوق تضحك: أخبرك ذكي وفطن تفهمها على طول ..بس الظاهر العمر له دور وانت بديت تخرف
فهد عقد حواجبه بحده وزاد السرعه يبي يخرشها: شكله كذا
شوق خافت ومسك يده بحركه لا أراديه: أمزح معك ..تكفى فهد خفف سرعتك لايصير فينا شي
فهد ضحك:ايوه خليك كذا لا ويصير شي مو طيب
شوق أنقهرت:بجد انك سخيف

***مزون شمر*** · 16-04-2012, 12:40 PM

رد: رواية يا خاطفي وين ألقى عزتي في زمان المذلة ! / كاملة

يا إلهي وش بلا هذا . . المسساء |
عيا يعدي
لاهو إللي محتويني ولاني
اللي | محتويه.. !!
كل مافكرت أبفتح نافذه
. .. .. . للحزن . . قدي )
امتلا صدري نوافذ وامتلت
عيني ( وجيه . . . . ) ~

دخلت البيت وسكرت الباب بقوه هزت الأركان ...رمت شنطتها في الصاله ومانزلت عبايتها
ريم: ياساتر كل هذا حقد على الباب
هنادي بعصبيه: اوووف مليت ودي اموت وارتاح
سمر :افرحي بنروح لشهد الله غيري ملابسك بسرعه
هنادي جلست جنب ريم: جد بتروحون؟
ريم هزت راسها: وكمان بنتعشى عندها بعدين الساعه 10 بيلحقونا سحر ورغد بس بعد مايذاكرون ويخلصون
هنادي:اجل بروح أخذ شور دافي والبس ونروح
ريم: بعد صلاة المغرب تكوني جاهزه لاتأخرينا اوك هنو
هنادي وقفت: اساسا كم بقى ؟
سمر تطالع ساعتها: ربع ساعه بالزبط
هنادي :خلاص بروح اخلص لا تأكلوني بقشوري ..مشت بأتجاه غرفتهم تجهز نفسها
ريم : ماحسيتي ان هنادي تعبانه
سمر: والله من الفرفره في بيوت صديقاتها غصب تتعب
ريم بنبرة زعل:حرام عليك
سمر تميل فمها: اجل اسكتي عشان لا اطلع حرتي
ريم تضحك: شكلك منقهره عشانها تطلع وانتي هنا لحالك
سمر: بقوووه ...اطفش لحالي بس لما جيتي ونستيني
ريم ترفع حواجبها: واليوم عند شهد يعني بتغيرين جو ان شاء الله
سمر: ان شاء الله ..بروح اطلع لبسي والبس مابقى شي عن المغرب
ريم تطالع بطنها البارزه شوي:سموره قبل تروحين تحسين طلعت لي كرشه
سمر : يعني مو مرره
ريم ابتسمت:اجل روح البسي
سمر تخمس بوجهها:صدق انك غبيه تتوقعين ماراح تطلع لك كرشه صدقيني بتصير بطنك عن بطنين
ريم بخوف: بسم الله علي ..قومي اقلبي وجهك البسي
سمر تضحك: حاضر

بعد صلاة المغرب جهزوا البنات وأتجهوا لبيت شهد
دق جوال هنادي وهم بنص الطريق أرتبكت من أتصاله اللي ماكان بوقته..وحتى ماتخل رم وسمر يشكون فيها ردت: الوو
باسل: كسرت جوالك ماكنت تردين ..وين كنت؟
هنادي ضحكت مجامله: كنت أتروش بعدين صليت مامداني أرجع أدق عليك
باسل عرف ان أحد جنبها:من عندك ؟
هنادي: خواتي..رايحين لبيت أختي
باسل بأستغراب:هو عندك خوات متزوجات
هنادي تصرفه: لما أوصل بيتها اكلمك ما اعرف أتكلم بالسياره
باسل: زين ياويلك ماتتصلين فهمتي
هنادي: أوك ..باي
قفلت الجوال وهي متنرفزه منه بس خبت كل عصبيتها وتوترها بداخلها
ريم بفضول:أكيد وحده من صديقاتك
هنادي: ايوه روان متصله تسولف معي
ريم تفتح الباب:يالله أنزلوا ..سمر لاتنسي صينية الحلى اللي جبناها نزليها معك
سمر تشيليها:ماني ناسيتها بس تحركي يالله
دخلت ريم مدخل العماره قبلها ولحقتها سمر
هنادي:جلالي لاتنسى تروح المكتبه تجيب لي المذكره اللي كتبتها لك
جلالي:اوك الحين في روح جيب
هنادي: ثانكس جلجل ..نزلت وشافت شخص كادت تنسى ملامحه ملامح ذابله وجسم نحيف جدا
هنادي ( معقوله هذا ماجد ؟!..ايش فيه صاير كذا متغير مرره ) مشت بسرعه ودخلت بيت شهد

عند ماجد
أنصدم لما شافها بالعبايه المخصره ...تغيرت عليه كثير جسمها بالعبايه صاير يجنن زادت كيلوات غيرت معالم جسمها
(الله عليك ياهنادي ...تغيرتي كثير مرت وكأني ما أعن لها شي "رد عليه صوت من أعماقه"بعد الل سوته فيها تبها تجري وراك ..هي مايوم في حياتها ترجتك ولا ركضت وراك أنت اللي كنت تراقبها وحاط عينك عليها..الحين راحت من يدك والله وحده أعلم بحالها اللي أنت كان لك يد فيه) دخل سيارتها وأنطلق فيها بسرعه جنونيه
ببيت شهد
شهد:حيا الله من لفانا
ريم :الله يحيك ويبقيك
سمر بلهفه:وين ميشو مشتاقه له مووت
شهد ضحكت:خليته في سريره لا يزعجني
سمر شهقت بقوه وحطت يدها على صدرها:حرام عليك يامجرمه مخليته لحاله بسريره ..بروح اجيبه والعبه
شهد: بشويش عليه
هنادي نزلت عبايتها وجلست:وأخبارك شهوده ؟
شهد: الحمدلله بخير
ريم: ايش فيك واقفه أنحولت ..يالله أجلسي
شهد ابتسمت: قبل أجلس بروح أجيب صينية القهوه عشان تعدل مزاجنا وتحلى السوالف
رم: حطي من الحلى لا تنسين ترى بذلت فيه مجهود
هنادي بسخريه:درينا انك سويتيه يعني لازم ترزين الفيس
شهد:هههههههههههههههههههههه
ريم قرصتها بقوه مع فخدها خلتها تصرخ:هين أردها لك
شهد:تسلم يدك على الحلى ..بس بأول لازم أذوقه عشان اعطيك رائيي فيه بصراحه
هنادي:جات فلسفة منال العالم ..روحي سنعي القهوه وارجعي
شهد تكش عليها:تعالي ساعديني بدل مصخرتك علينا
هنادي تمدد رجولها:انا بنت تعبانه ولافيني حيل أشتغل
ريم: زوله
دخلت شهد المطبخ وجات سمر شايله مشاري
ريم وعيونها عليه:فديته
هنادي:تكفين سمر هاتيه ببوسه من زمان ما قبلت وجنتاه
سمر انفجرت ضحك:اخص ياوجنتاه ..خذيه يالله
تربعت وحطت بحضنها بوست خدوده:ياقلبي أنا ..صاير يشبه أمه مرره
ريم:اي والله مره زي شهد
سمر:حرام عليكم والله زي أبوه
شهد طلعت على كلمة سمر: فديت قلب ولدي يهبل سواء زيي أو زي أبوه
هنادي: صبي قهوه وأنتي ساكته
ريم: اقول شهد ماكلمتي شوق ؟
شهد:لاوالله من زمان عنها ..هي صايره نادر ماتتصل وأنا ما أفضى
سمر :والله حنا قاطعينها مره ..المفروض كل يوم نكلمها
هنادي تنهدت:معكم حق

***مزون شمر*** · 16-04-2012, 12:41 PM

رد: رواية يا خاطفي وين ألقى عزتي في زمان المذلة ! / كاملة

بالرياض
دخلوا قصر أبو رياض
شوق بهمس: أحس أني متوتره وماني مرتاحه
فهد : أجل كيف أنا ...يالله بسلم على خالتي وبروح للرجال بالمجلس
شوق أنتبهت لندى اللي جات تهلي فيهم :هلا فيك
ندى تسلم على فهد:يعني لو أبوي ماعزمك وما تجي لو بالغلط
فهد أبتسم: الدنيا مشاغل
ندى ضحكت:واضح أن أم كرش ماخذه عقلك
شوق حطت يدها على خصرها:فهد شووف أختك تسبني عيني عينك
فهد مسك خد ندى وسحبه بشويش:ألا شوقه حاسبي تسبينها
ندى تغمض عيونها بقوه:فكني خدودي ماهي ناقصتك
شوق ترفع حاجبها:لا أسحبها بقوه وانتقم لي
فهد: أبشري
ندى: توبه ماعاد أتعرض لأم كرش
فهد يحط يده على راسها: افهمي ان اللي يتكلم على شوق كلمه اشرب من دمه
ندى بعدت عنهم: أهب ساحرته ..وركضت تنادي امها
شوق:هههههههههه خبله اختك
فهد لف عليها:مو أكثر منك
شوق بسخريه: ولا أكثر منك ..انا بدخل جوا
فهد: استعجلي خالتي خليها تجي بسلم عليها
شوق وقفت قبال المرايا تشيك على شكلها تعطرت ومشت بأتجاه صالة الأستقبال قبل تدخل طلعت ام رياض وام ليان وليان
أم رياض : ياهلا ببنتي
شوق بخجل: هلا فيك ياخاله "سلمت عليها بحراره" كيف الحال
ام رياض:بخير ..وينه فهد ؟
شوق:ينتظرك عند الباب
ام رياض: ليه مادخل مافي أحد غريب
ام ليان وليان بعد ما سلموا على شوق ..أم ليان: تفضلي ما في ألا هند وندى
شوق بأبتسامه: بسبقكم أنا ..دخلت وسلمت على هند
هند:كيفك ياشوق
شوق:بخير الحمدلله.. انت كيفك وكيف عيالك
هند:الحمدلله ..سامحنا على القصور من تزوجتي مازرناك
شوق: مسموحه ..والله ماتقصرين
ندى حطت رجل على رجل:يالله انك تحي حريم اخواني
شوق ضحكت: أيش عندك اليوم رايقه وفايقه
ندى حمرت خدودها:ياخبر اليوم بفلوس بكره يبقى بلاش
هند :أقول ياندى وأخرب علك وألا أسكت
ليان دخلت: انا بقول...الوم جايين خطاب لندو الخبله
شوق بفرحه: صدق
ندى نزلت راسها تمثل الحياء وتفكر يدها ببعض: يقولونه
هند:ههههههههههههههه مو لايق عليك انك تستحين
ندى: ومن قال اني مستحيه ..ابي اتزوج واعيش حياتي بدل الطفش اللي انا فيه
شوق:ودراستك ؟
ندى طيرت عيونها بشوق بعد صمت ثواني كلهم أنفجروا بالضحك
ليان: يوووه اشوق والله انك مغبره ..ندى تركت الجامعه من زمان تقول مافها تدرس
شوق : بجد ..والله انك فاشله لو كملتي دراستك
ندى ابتسمت: مود ماهو دراسه خلاص طفشت بالاخير ماراح استفيد أجلس بالبيت اشبع نوم وأطلع مع صحباتي اتمشى أحسن
هند تغير الموضوع:أقول شوق..كم باقيلك وتولدين ؟
شوق : ثلاث شهور أو اقل
ليان من قلب: الله يقومك بالسلامه يارررب وتجيبين لنا بنوته قمر زيك
شوق ضحكت: امين ..الا وين بنتك ماشفتها
ليان: نايمه فوق
شوق: خساره كان نفسي أشوفها
ندى: لما تصحى راح اجيبها لك
دخلت ام رياض وهلت فيها وبدت تقهويها
أم رياض: كيف أخواتك يابنتي ؟
شوق: الحمدلله بخير
ليان :هذيك اختك الفرفوشه يالله نسيت أسمها
شوق ابتسمت: قصدك هنادي ؟
ليان: ايوووه ..ويش اخبارها؟
شوق ابتسمت: بخير الحمدلله ..مبسوطه في حياتها ودراستها
ام رياض :ماشاء الله هي سنه كم ؟
شوق: بالجامعه ثاني سنه تخصصها انجليزي
ندى: ماشاء الله ..ياحياتي عليها..بالله سلميلي عليها
شوق: يوصل ( غريبه أهتمامهم فيني ..صاير اكثر من أول يالله مصير الأيام تكشف كل شي)
دخلت رزان وأمها وخوات هند لصالة الأستقبال
ندى تهمس لشوق: أوف هذي الغثاء مدري ليه جايه
شوق تشائمت من أول ماشافتها :اللهم طولك ياروح
أم رياض رحبت فيهم هي وأم ليان اللي ماجبت تواجد رزان وأمها
سلمت على الكل وأقتربت من شوق اللي قامت بكل صعوبه وكلافها وهي تعاني من بدايات الألم ..صارت تطالعها بأستحقار من فوق لأخمص قدميها
كانت لابسه بنطول بني واسع وبلوزه كت مخصره من أسفل الصدر بعدين واسعه لبداية أفخاذها ورديه متداخل فيها اللون التركواز بارزه كبر بطنها أكثر..مجعده شعرها ولامته بعشوائيه معطيتها طابع غربي ..وحاطه ميك أب خفيف مرره يكاد لايذكر
رزان سلمت عليها بدون نفس: كيفك
شوق بنفس نبرتها: الحمدلله ..سلمت على امها بنفس البرود ورجعت جلست جنب ندى
رزان: يمه منها شوفي عيونها كيف
شوق:ماعلي منها ماهمتني أبدا
بعد ماجلست جلسة رسميه مليئه بالغرور:ماعندي خبر انك حامل حتى نقوم بالواجب
شوق ابتسمت لها بمجامله:ماتقصرين ..هذاك عرفتي
رزان: أكد فهد مافرح زي فرحته الأولى
ندى تدخلت بسرعه: يوووه لو تشوفنه ألزم ماعليه راحته شوق ..لو بيديه يشيلها عن الارض شالها حتى ماتتعب
أعطتهى أمها نظره سكتتها وغيرت السالفه: وأخباركم كلكم من زمان ما أجتمعنا زي هذ الجمعه
ام رزان:البركه بأبو رياض هو اللي يجمعنا الله لا يخلنا منه
ليان: جد حب يجمعنا في بيته الله لاحرمنا منه
الكل : امين
شوق وقفت وبلباقه: عن أذنكم "لفت على ندى" ندوش دلني على دورات المياه
ندى وقفت بسرعه وأبتسمت لها بحب: تفضلي حبيبتي
مشوا خارجين من الصاله الواسعه وعيون رزان تأكل شوق حسد وغيره منها
رزان( أنا لازم أحاول بفهد يرجعني أجل هذي بنت الفقر تعيش بالعز وتورثه ه وضناها أنا أولى منها ..بس عسى أبوي مايطلع ل مشروع زواج ثاني ووافق ارجع لفهد ونقدر نحتال عليه)

***مزون شمر*** · 16-04-2012, 12:43 PM

رد: رواية يا خاطفي وين ألقى عزتي في زمان المذلة ! / كاملة

عند دورات المياه فتحت شنطتها وطلعت علبة دواها وأخذت منه ..أسندت نفسها على الجدار
والالم يزيد عليها ..حست بدوخه مفاجئه وحراره سرت بجسمها ...نادت ندى بصوت أقرب للهمس ..لكن ماقدرت تتمالك نفسها وطاحت مغشي عليها
كانت بالمطبخ تشيك على الضيافه مرت من جنب دورات المياه
ندى: خلوني امر شوق نرجع مع بعض ..فتحت الباب الخشبي الفخم وأنصدمت لما شافت شوق طايحه على الأرض واللي حولها كله دم
صرخت بأعلى صوت مرعوبه:شووووووووق
جلست جنبها كان وجهها شاحب ومايل للأصفرار حاولت تصحيها بس ما لقت أي تجاوب منها رجعت للصاله بسرعه تصرخ وتبكي
ندى: يمه ...يييييمممممه ..شوق شوق مدري ويش فها
ام رياض وام ليان بصوت واحد: علامها ؟!..
ندى: مدري طايحه على الارض
كل اللي بالصاله راحو جري لدورات المياه وأنصدموا من منظرها وهي جثه هامده
ام ليان تدف ندى وليان:بسرعه نادوا فهد ..بسررررعه
رزان بخوف: غسلوا وجهها عشان تصحى
جلست ام رياض وحطت راسها بحضنها مسحت عليه وقرأت المعوذات وأية الكرسي
بدت تهمهم بكلمات غير معروفه ولكن أوضح كلمة نطقتها " أمي"
ليان رجعت وضمت امها وهي تبكي: يمه ويش صار فيها
ام لان تشد ضمتها على بنتها ونزلت دموعها: مدري الله يقومها بالسلامه
جات ندى زي المقروص: ارجعوا للصاله فهد وأبوي جايين بسرعه
الكل رجع عدا ندى وأمها ولان وامها
دخل فهد وصدمه شكلها شالها بسرعه وهو يرتجف : يبه افتح لي السياره بسرعه
ام رياض: لحظة أجيبلك عبايتها
فهد بخوف: يارب كون معها يارب
طلعوا بسرعه هو وأبوه على أقرب مستشفى ودخلوا الطوارئ ..انتظروا فتره طويله بأستراحة الأنتظار ..متر الممر رايح جاي ..مره يضرب الجدار بقوه من شدة توتره ومره يدعي ربه أنه ينجيها ..بعد ساعتين طلع الدكتور
ابو رياض مشى له بسرعه: بشرنا يادكتور ..بنتنا ويش فيها
الدكتور :وين زوجها؟
فهد خاف من ملامح وجه الدكتور الجامده:انا
الدكتور: لازم توقع على العمليه القيصريه حسب الفحوصات اللي وسينها زوجنك دخلت الشهر السابع وانت داري ان أستمرار الحمل فيه خطر على حياتها وبهذا الوقت مابيدنا الا اننا ننقذ الجنين وبعدها نستأصل رحمها
فهد بدون أي تردد: موافق ..أهم شي زوجتي يادكتور مابي يصيبها شي
الدكتور:تفضل معي وقع على الأوراق حتى نبدأ بالعمليه حالا
ابو رياض كان مصعوق من الكلام اللي سمعه ..ماهو قادر يستوعبه تركه فهد بالأنتظار وراح مع الدكتور ...بعد ربع ساعه رجع لابوه ومعالم الخوف والربكه عليه
ابوه: ويش اللي صار ليه توافق على العمليه يابوك ..الله يهدك استعجلت
فهد شوي ويبكي:ويش اسوي يبه مافي غير هذا الحل ..احسن من انها تروح مني
ابوه:الله يصبرك ياولدي ..تعال قول السالفه انا مافهمت شي للحين
فهد بحزن قاتل وشعور بالذنب ..بدأ يحكي لابوه كل همه ويشكي له مصابه متناسي كل الأحقاد بينهم
بالمدينه
حب فاجئ الكل بجته لهم فجأه ...دق الباب وفتحت له شهد
شهد شهقت : عمي "أرتمت بحضنه من الفرحه وسلمت عليه" ويش ذي المفاجئه
ابو مها يضحك: هاه أعرف اسوي سسبرير على قولتكم
هنادي فطست ضحك: قصدك سبرايز يبه
ابو مها: ويش يدرون وش يقولون عنها اليهود
رغد :هههههههههه حرام عليك بيه قلبت أبو الأنقليزي
ريم: تصدق يبه احلى مفاجئه انك جيت
شهد تتنحنح: عاد حظك يالغاليه طابخه من جمع الأصناف بيديني الحلوه
ابو مها:الله الله اشوفك مقاطعتنا اثاريك ناقعه بالمطبخ
سمر :غريبه تطبخ اللي اعرفه طول وقتها مقابله مشاري
ابو مها: هاتيه مبطي عنه
شهد تعديه عليه: ويش رايك يبه كبر وألا لا؟
ابو مها بتفحصه: صاير عريس ..بس اخطبي له
هنادي تضحك:الأقربون اولى بالمعروف زوجيه رنيم بنت مها
شهد صرخت: وووووع
رغد بهجوم: وع بعينك ..ويش خلاتها رنومه صح سمره ..بس السماره اماره
شهد : تكفن يالسماره انتي ..لالا ولدي ابي له وحده ملكة جمال
ريم بسخريه:والله انتي اللي تتشرطن بتطحين لك بوحده شيييينننه
ابو مها: بس بس لا تصدعون فيني وترفعون الضغط علي بأصواتكم العاليه
هنادي: بليززز شت اب الا ابو مها الزم ماعلينا راحته
ريم: اقول يبه ويش رايك نخطب لك وتتزوج وتجدد شبابك
ابو مها ابتسم: بعد ما أزوجكم كلكم افكر اتزوج " سكت شوي" اقول ابنات بقولكم على موضوع يخص هنادي
هنادي نزلت راسها ..بدت تتوتر لأنها عرفت الموضوع اللي ابوها بيكلمهم فيه
رغد : خير به تفضل المايك معك
سمر تدقها: تستهبلين
ابو مها بجديه:هنادي انخطبت وزواجها بعد شهر او أقل
أرتسمت ملامح الصدمه على وجيه الكل ..حتى هنادي تفأجئت بكلام أبوها
شهد بشهقه:ايش قلت يبه ..شهر ؟!
ابو مها: الولد مستعجل وعايش لحاله عشان كذا ابي اختكم تتزوج وتشوف حياتها
رغد اللي ما استوعبت كلام أبوها: من جدك يبه؟
ابو مها: بهذ المواضيع في مجال للمزح؟
ريم: بس شهر قليل مايمدينا نجهزها واحنا نتجهز ...خله يأجل زواجه شوي يعني شهرين معقوله
ابو مها: الرأي عند هنادي ..هاه يبه ويش قلتي ؟
هنادي بدون تردد: موافقه
شهد عصبت: شلون توافقين يالمجنونه ..يبه هي صغيره خله يأجل شوي العجله ماهي زينه
سمر: في سؤال بسيط..مين اللي يبتزوج هنو؟
ابو مها ببرود وكره وهو ينطق اسمه: باسل ..أخو فهد
الكل بصوت واحد: أيش؟!!!
سحر اللي كانت ملتزمه الصمت من اول النقاش ..كانت صدمتها لاتقل عن صدمة خواتهأ:باسل ماغيره ؟
ابو مها: أيه ...ابو الولد وعمه جوا لي وكلموني هنادي وافقت ليش ما نعجل بالزواج ..الرجال مستعجل ووحداني خليه ياخذ زوجته ويرجع ديرته
رغد لفت على هنادي اللي ما نطقت بحرف واحد وبداخلها براكين من القهر والحقد تكاد أن تنفجر وتفسد ماحولها:هنادي ايش رايك بهذا الكلام
هنادي بنفس الهدوء اللي هي عليه:موافقه
ريم ما أرتاحت للموضوع من البدايه: مدر ليه مستعجل
شهد: يبه هو كبير بعمره؟
ابو مها: أيه اصغر من فهد بسنتين أو ثلاث
رغد شهقت: أيش؟...أجل هذا داخل بالثلاثين ..وهنادي توها مخلصه في العشرين ..حرام يبه فرق العمر بينهم مره كبير
ابو مها: العمر ما هو مهم ..الأهم سعادتها وراحتها معه
هنادي( أي راحه وباسل هو زوجي.. يارب اجبرني في مصيبتي وأخلف لي خيرا منها )
سحر:الله يقدم اللي فيه الخير
الكل: امين

::

***مزون شمر*** · 16-04-2012, 12:48 PM

رد: رواية يا خاطفي وين ألقى عزتي في زمان المذلة ! / كاملة

صباح اليوم التالي
ماغادر مكانه أبدا ينتظر خارج غرفة العمليات ..أبوه وهزاع ورياض ماتركوه ثانيه خوفا من حاجته لهم ...مرت الساعات ثقيله جدا كالسنين وهو مايدري عن الحاصل ورى هذه الجدران التي تفصله عن زوجته
جلس على الكرسي تعب من الوقفه نزل راسه وخبى وجهه بين كفيه ..قرب من هزاع وحط يده على كتفه
هزاع بحنيه: خل إيمانك بربك كبير ..الله معها
ابو رياض صدمة كلام فهد اللي قاله له مخليته متجمد في مكانه مايقدر يخفف عنه لو بكلمه
رياض:خبري فيك يافهد أنك أقوى من كذا
فهد رفع راسه: ماعدت أقوى أتحمل ...تعبت من الحياه اللي أنا عايشها
ابوه بحده: أستغفر ربك ..مايجوز اللي تقوله
فهد بأنكسار تام ..تنهد قبل ينطق أي جمله أنفتح باب غرفة العمليات وبحركه سريعه من الكل أجتمعوا حول الممرضين اللي يدفون سرير زجاجي صغير
النيرس:مبروك
ابو رياض يتفحص الكتله الصغيره داخل الزجاجه تقشر جسمه من شكله الصغر كونه لم يكمل شهره السابع
فهد حط يده على الزجاجه بحنيه:راكان
رياض لف يده على كتف أخوه: الف مبروك ياخوي يتربى بعزك
الممرض: الحين لازم نأخذه للعنايه ويبقى في المستشفى لان مناعته ضعيفه
فهد بلهفه: كيف صحته
الممرض ابتسم له وهو يخف كلام الأستشاري داخل غرفة العمليات:الحمدلله بصحه وعافيه
فهد بنبرة خوف:وأمه
النيرس:الحين في يبدأ عمليه ثانيه بعد خمس أو ست ساعات يطلع دكتور
الممرض: زي ماقالت بعد ست ساعات تنتهي عمليتها..لاتنسونها من دعواتكم
مشوا بعيد عنهم كان بيلحق لكن أوقفت يد هزاع ورياض اللي مسكوه وأجبروه يجلس على الكرسي ..لان الارهاق والتعب باين عليه
ابو رياض:مبروك يبه عقبال ما تقوم أمه بالسلامه
فهد بنبره طويله:أمين
رياض جلس جنبه:ماراح تتصل على أهلها تقول لهم
فهد نزل راسه وهو يتذكر رفضها الشديد ان أهلها يدرون: هي رافضه أقولهم
ابو رياض:وليه؟..مايصير لازم تقول لهم هذول أهلها مهما كان مانقدر نخبي عليهم موضوع كبير فيه حياة أو موت
هزاع بأصرار:لازم تتصل عليهم مايصير اللي تسويه بعدين بيقولون أنت اللي ماقلت لهم
فهد يفكر:بفكر وأشوف
ابوه بنبرة حاده وصارمه:أذا ماتبي تقول لهم أنا بنفسي بتصل على عمها وأكلمه
فهد : لالا خلاص ..أنا بتصل بس خلني اتطمن عليها بالأول

بعد عدت ساعات
بالمدينه
قامت من النوم مفجوعه ..شافت الساعه 10 ونص صباحا
هنادي:بسم الله الرحمن الرحيم ..ويش هذا الكابوس الفظيع
قامت غسلت وجهها وجلست في الصاله ..أخذت الريموت تقلب بالقنوات بتملل ..أخذته افكاره عند باسل

{هنادي}
بعد اربع أسابيع بكون معه ..يارب ألطف فيني ماعدت اتحمله ولا أتخيل نفسي زوجه له وكل الناس يعرفون بهذا الشي ..مالي حل الا أرضى بالأمر الواقع على قوله انا الخسرانه بالأول والأخير وألا هو ماعليه ..بس زين منه انه بيعلن زواجنا قدام الكل

فكرت بروان صديقتهاللي أستحوذت على كل حياتها بغمضة عين
(معقوله يبعدني عنها بعد اللي صار ؟!مستحل اسمح له بهذا الشي هو فرض وجوده بحياتي غصب عني وبدون راضي وأنا راح أفرض عليه علاقتي مع روان سوا رضا أو مارضى ماعلي منه ..لازم اخليه ينفذ كل اللي ابيه وأطلع حرتي فيه ..بس بأول ابي ألتفت لعبير ونبدأ التنفيذ أنا وروان)
دق جوالها اللي رمت على الارض جنبها ..اول ماشافت اسمها فرحت وردت عليها بلهفه:وحشتيني
روان :اه مو قدي
هنادي:رونا بقولك على موضوع مهم
روان بجده: خير حبي تكلمي
هنادي:انا زواج بعد شهر
روان صرخت بصدمه:أيش تقولي؟
هنادي بكره:اللي سمعتي ..زواجي بعد شهر
روان بنبره باكيه:وأنا..تخليني لمين ؟
هنادي: من قال أني بتركك او أتخلى عنك ..مستحيل يصير هالشي لو على موتي
روان تطمنت شوي: هون عليك تبعدين عني ويسرق واحد مني
هنادي ابتسمت:يخسى يسرقني منك
روان: اوووف هذا الخبر خرب لي مزاجي
هنادي: هذا بدل ماتنبسطي ان صديقتك بتودع العزوبيه
روان: اكيد فرحانه لك ...بس مقدر اتخيل يمر يومي بدونك
دق تلفون البيت
هنادي: رونا بشوف التلفون اكلمك بعدين ..باي
مشت للتلفون بسرعه وردت: الوو
فهد:السسلام عليكم
هنادي استغربت النبره الخشنه:وعليكم السلام
فهد:عمي موجود
هنادي: نايم ..مين معي؟
فهد:انا فهد
هنادي فرحت: هلا فهد..كيفك ..ويش اخبارك
فهد: الحمدلله ..اكيد هنادي
هنادي: ايه هنادي...طمني على شوق ويش اخبارها
فهد طول سكوته بعدها قال:هنادي روحي صحي ابوك ابيه ضروري
هنادي خافت من نبرته وعرفت ان في شي صاير:فهد شوق ويش فيها؟
فهد: كل خير..انا ابي عمي ادق على جواله مغلق
هنادي:مقدر اصحيه ..بس قولي وانا اوصله اللي بتقوله
فهد بجديه واضحه بنبرته:هنادي شوق مريضه
هنادي شهقت:مريضه؟!..ويش فيها عسى حملها مو تاعبها
فهد: الفجر ولدت بعمليه قيصريه وجابت ولد
هنادي فرحت:مبروك ..وهي كيفها الحين ؟
فهد: ماأدري عنها لسى بالعمليات
هنادي تطالع الساعه بجوالها ماهي قادره تفهم على فهد:ايش قاعد تقول انت توك تقول الفجر ولدت ..كيف للحين بالعمليات؟
فهد: شوق مريضه بالسرطان
وقع الكلمه على أسماعها كالصاعقه ...حست الأرض تميل فيها طولت ماردت عليه ارتكزت على الزاويه القريبه منها
هنادي بصوت اشبه ماكون للهمس:سرطان ؟!
فهد :ايه وحالتها متقدمه جدا ..ادعي لها هي بين الحياه والموت
نزلت دموعها بدون سابق أنذار سالت على خدها بهدوء وسلاسه قدرتها على التصديق تلاشت ..حست ان هالكلام زي الحلم ممكن تصحى منه بأي وقت
فهد:مع السلامه

***مزون شمر*** · 16-04-2012, 12:49 PM

رد: رواية يا خاطفي وين ألقى عزتي في زمان المذلة ! / كاملة

رمت السماعه وطاحت على الأرض سبقتها دموعها التي تشبه السيل الجارف ...بكت بصمت ..مرت عليها دقايق طويله جدا ..وبدأ صوت بكاها يعلى وشهقاتها تلاحقه ...ماحست باللي حولها أبدا عايشه بدوامه لاتعلم متى موعد خروجها منها
صوت شهقاتها مزعج جدا صحت على حسه رغد التي كانت تظن أن هذا الصوت مجرد وهم عابر او حلم راسخ بالذاكره ...فتحت بابا غرفتها وأتضح لها الصوت أكثر حينها أيقنت أنه حقيقه لامحال ..ميزت مصدر الصوت ..خافت لما شافت أختها وشقيقة روحها منطويه وضامه رجوله لصدرها ودافنه وجهها وصوت بكائها مرتفع جدا
قربت بسرعه ولهفه والخوف يسبقها:هنادي حبيبتي ويش فيك
رفعت راسها وكان وجهها متورم ومحمر جدا من البكاء ..حست روحها بتطلع من صدرها قبل تنطق باللي قاله فهد
رغد زاد خوفها لما شافت وجهها: بسم الله عليك ...ايش فيك ياحبي "مسكت يدها وحاولت تساعدها تمشي لجهة الكنب" أعوذ بالله من الشيطان الرجيم ..شكلك كنت تحلمين
هنادي بصوت متقطع:ش.....وو...ق
رغد جلستها على الكنبه وجلسته جنبها:خير ويش فيها شوق؟
هنادي تحاول تأخذ أكبر قدر من الأوكسجين وبصعوبه نطقت:مريضه
رغد خافت أكثر:هنادي لاتطيحين قلبي ...أيش فيها شوق؟!
هنادي زاد أحتداد صوتها بكاها أكثر:س..سرررررط...ا"ماقدرت تكمل كلمتها وضمت رغد اللي ما أستوعبت كلمة هنادي وبكت بحرقه "
رغد تجمدت في مكانها ماصدرت منها أي كلمه سواء دمعه تيمه سقطت على خدها ..صوت بكاء أختها شعرها أنها بغيبوبه لاتسطيع أن تنطق أو تتحرك من أثر صدمتها
هنادي تتعلق ببجامه رغد وتسحبها بقوه: شووق بتموووت ..بتموووووت
رغد صرخت: لا ....كذب .."ارتفع صوتها بالبيت"كذب ..شوق مافيها شي أكد مافيها شي
صحى ابو مها وطلع من غرفتها ولحقوه سمر وسحروريم اللي فزعتهم صرخت رغد
ابو مها ارتبك من شكل هنادي المائل للزرقه ورغد اللي ضامتها وتشاركها البكاء :ويش فيكم يابنات؟
رغد تعلقت عيونها بأبوها وكأنه طوق النجاه لهم:شوووق يبه ..شوووق
ابو مها بخوف: خير ويش فيها شوق
هنادي من بين شهقاتها:اتصل فهد يقول أنها بغرفة العمليات
سحر بخوف:العمليات ليييييه؟!
هنادي تبكي:فيها سس..رط...ان
بأحد مستشفيات الرياض
قبل دخول صلاة الظهر ..طلعوا مجموعه من الدكاتره والأستشاريين من داخل الغرفه..فز لهم بسرعه هو وابوه واخوانه
فهد بخوف باين على وجهه:بشروني ..زوجتي ويش صار عليها
الدكتور:الحمدلله العمليه نجحت ... وأعتقد هذ ثانيه عمليه تسويها
فهد :ايوه قبل سوت عمليه بألمانيا
الدكتور:أضطرينا نستأصل الرحم بالكامل ..وهذا الجزء الأول من العلاج والجزء الثاني ان شاء الله نبدأ فيه بعد ماتتعافى زوجتك
فهد: عني هي بخير الحين
الأستشاري: يا استاذ زوجتك تأخرت بالعلاج وهذا أثر سلبا على صحتها وأدى الى ولادة مبكره وحالتها متطوره جدا ..مانقدر نقول ألا الله يكتب لها الخير وان شاء الله تسترجع صحتها وعافيتها
أبو رياض: الله يسمع منك
هزاع: والحين ؟
الدكتور: بنخليها تحت الملاحظة كم يوم ألين يستقر وضعها بعد هذي العمليه ..والله يكتب اللي فيه الخير
هزاع يحاول سند فهد: خلنا نروح البيت جلستنا مامنها فايده
فهد بأصرار قاطع: لا...اخاف تحتاجني وأنا ماني جنبها
ابورياض: يافهد اسمع الكلام ولا تعاند
فهد: قلت لا بجلس هنا يعني بجلس
هزاع يحاول يقنعه لكن فهد مصر على رائيه

بالمدينه
الكل منهار ويبكي من الخبر اللي وصلهم ... حاولت رغد تصحي ريم اللي أغمى عليها بعد الصدمه
ريم بتعب:وين شووق؟!
ابو مها كان جالس جنبها وتجاعيد الحزن مقطبه بجبينه: الله معها يابنتي الله معها
رغد تمسح دموعها: ريما خليك قويه أكثر ..هذا اللي ربي كاتبه لها
هنادي قامت دخلت غرفتها رمت نفسها على السرير غمضت عيونها الحارقه مثل الجمر من كثرت بكائها وذرفها للدموع ...صوتها أصبح مبحوح بسبب شهقاتها المتلاحقه ...ازعجتها نغمة جوالها ..سحبته بدون ماتشوف الرقم ...
هنادي ببحه:الو
باسل: صباح الخير
هنادي بنفس النبره ودموعها مازالت مستمره في النزول:صباح النور
باسل خاف من نبرتها:ويش فيك حبيبتي ..ليش صوتك كذا؟
هنادي بدت مره أخرى بنوبة النواح ..حاول يهديها ويخلها تتكلم ..لكن ماكانت تستجيب له
باسل:صلي على النبي
هنادي بصوت متقطع: اللهم صلي وسلم على نبينا محمد
باسل: خذي نفس طويل وقوليلي ويش صاير؟
هنادي: شوووق
باسل زاد خوفه:ويش فيها ؟!
هنادي تبكي:انت ماتدري عن فهد واللي صاير معهم
باسل:لا والله ما ادري ..خوفتيني قولي ويش في؟
حكت له كل الكلام اللي قاله لها فهد الصباح
باسل بصدمه:ماني مصدق اللي قلتيه
هنادي تبكي:باسل الله يخلك كلم فهد وشوف ايش صار معهم ..خلنا نروح الرياض بموت من خوفي على شوق
باسل: طيب طيب ..بقفل الحين منك واتصل على فهد افهم كل شي منه ..وارجع اتصل عليك..مع السلامه
رمت جوالها جنبها بتعب والصداع ساكنها ..فتحت درجها تدور على مسكن يخفف عليها الألم تذكرت شوق اللي كانت تعاني بصمت ...كرهت نفسها ورجعت لدوامه بكائها اللامنقطع ..دخلت سمر اللي كانت اسوء منها حال وجلست جنب هنادي
مدت يدها وحضنت كفوفها:أدعي لها
سمر تبكي بحده: أكيد هذا تفسير حلمي
هنادي تمسح دموعها وتعدلت بجلستها: استغفري ربك قومي صلي ركعتين وأدعيلها
سمر رمت نفسها بحضن هنادي:خايفه افقدها زي مافقدت امي
هنادي شدتها أكثر لحضنها:لاتقولين كذا لو كانت شوق بيننا بتزعل على كلامك
سمر:بروح اقول لأبوي يودينا الرياض اكيد محتاجتنا
وقفت هنادي معها ورجعوا للصاله لكن ما لقوا أبو مها متواجد
سمر :ابوي وينه
رغد نزلت كأس المويه من يدها:راح المطار
هنادي شهقت: ليييييييه ؟!
رغد:بيدور رحله اتصلنا على الخطوط والخط مشغول ماقدر ينتظر اكثر
سمر :بيأخذنا معه ؟
رغد تهز كتوفها:مدري بس شكله لا ..قال كل وحده تشوف دراستها احسن وهو بيسافر
سمر صارت تبكي:انا بروح لشوق ..مستحيل اتركها لحالها

:::

***مزون شمر*** · 16-04-2012, 12:51 PM

رد: رواية يا خاطفي وين ألقى عزتي في زمان المذلة ! / كاملة

بأحد مستشفيات الرياض
قبل دخول صلاة الظهر ..طلعوا مجموعه من الدكاتره والأستشاريين من داخل الغرفه..فز لهم بسرعه هو وابوه واخوانه
فهد بخوف باين على وجهه:بشروني ..زوجتي ويش صار عليها
الدكتور:الحمدلله العمليه نجحت ... وأعتقد هذ ثانيه عمليه تسويها
فهد :ايوه قبل سوت عمليه بألمانيا
الدكتور:أضطرينا نستأصل الرحم بالكامل ..وهذا الجزء الأول من العلاج والجزء الثاني ان شاء الله نبدأ فيه بعد ماتتعافى زوجتك
فهد: عني هي بخير الحين
الأستشاري: يا استاذ زوجتك تأخرت بالعلاج وهذا أثر سلبا على صحتها وأدى الى ولادة مبكره وحالتها متطوره جدا ..مانقدر نقول ألا الله يكتب لها الخير وان شاء الله تسترجع صحتها وعافيتها
أبو رياض: الله يسمع منك
هزاع: والحين ؟
الدكتور: بنخليها تحت الملاحظة كم يوم ألين يستقر وضعها بعد هذي العمليه ..والله يكتب اللي فيه الخير
هزاع يحاول سند فهد: خلنا نروح البيت جلستنا مامنها فايده
فهد بأصرار قاطع: لا...اخاف تحتاجني وأنا ماني جنبها
ابورياض: يافهد اسمع الكلام ولا تعاند
فهد: قلت لا بجلس هنا يعني بجلس
هزاع يحاول يقنعه لكن فهد مصر على رائيه

بالمدينه
الكل منهار ويبكي من الخبر اللي وصلهم ... حاولت رغد تصحي ريم اللي أغمى عليها بعد الصدمه
ريم بتعب:وين شووق؟!
ابو مها كان جالس جنبها وتجاعيد الحزن مقطبه بجبينه: الله معها يابنتي الله معها
رغد تمسح دموعها: ريما خليك قويه أكثر ..هذا اللي ربي كاتبه لها
هنادي قامت دخلت غرفتها رمت نفسها على السرير غمضت عيونها الحارقه مثل الجمر من كثرت بكائها وذرفها للدموع ...صوتها أصبح مبحوح بسبب شهقاتها المتلاحقه ...ازعجتها نغمة جوالها ..سحبته بدون ماتشوف الرقم ...
هنادي ببحه:الو
باسل: صباح الخير
هنادي بنفس النبره ودموعها مازالت مستمره في النزول:صباح النور
باسل خاف من نبرتها:ويش فيك حبيبتي ..ليش صوتك كذا؟
هنادي بدت مره أخرى بنوبة النواح ..حاول يهديها ويخلها تتكلم ..لكن ماكانت تستجيب له
باسل:صلي على النبي
هنادي بصوت متقطع: اللهم صلي وسلم على نبينا محمد
باسل: خذي نفس طويل وقوليلي ويش صاير؟
هنادي: شوووق
باسل زاد خوفه:ويش فيها ؟!
هنادي تبكي:انت ماتدري عن فهد واللي صاير معهم
باسل:لا والله ما ادري ..خوفتيني قولي ويش في؟
حكت له كل الكلام اللي قاله لها فهد الصباح
باسل بصدمه:ماني مصدق اللي قلتيه
هنادي تبكي:باسل الله يخلك كلم فهد وشوف ايش صار معهم ..خلنا نروح الرياض بموت من خوفي على شوق
باسل: طيب طيب ..بقفل الحين منك واتصل على فهد افهم كل شي منه ..وارجع اتصل عليك..مع السلامه
رمت جوالها جنبها بتعب والصداع ساكنها ..فتحت درجها تدور على مسكن يخفف عليها الألم تذكرت شوق اللي كانت تعاني بصمت ...كرهت نفسها ورجعت لدوامه بكائها اللامنقطع ..دخلت سمر اللي كانت اسوء منها حال وجلست جنب هنادي
مدت يدها وحضنت كفوفها:أدعي لها
سمر تبكي بحده: أكيد هذا تفسير حلمي
هنادي تمسح دموعها وتعدلت بجلستها: استغفري ربك قومي صلي ركعتين وأدعيلها
سمر رمت نفسها بحضن هنادي:خايفه افقدها زي مافقدت امي
هنادي شدتها أكثر لحضنها:لاتقولين كذا لو كانت شوق بيننا بتزعل على كلامك
سمر:بروح اقول لأبوي يودينا الرياض اكيد محتاجتنا
وقفت هنادي معها ورجعوا للصاله لكن ما لقوا أبو مها متواجد
سمر :ابوي وينه
رغد نزلت كأس المويه من يدها:راح المطار
هنادي شهقت: ليييييييه ؟!
رغد:بيدور رحله اتصلنا على الخطوط والخط مشغول ماقدر ينتظر اكثر
سمر :بيأخذنا معه ؟
رغد تهز كتوفها:مدري بس شكله لا ..قال كل وحده تشوف دراستها احسن وهو بيسافر
سمر صارت تبكي:انا بروح لشوق ..مستحيل اتركها لحالها

:::
:::

..:أيش ؟!
..:هذا اللي صار ياطويل العمر ..وفهد اليوم ترك كل أشغاله وجالس عند زوجته بالمستشفى
..:طيب حصل تغيير بالخطه ..ارجع لي عشان أفهمك ويش تسوي هذي الفرصه المفروض مانضيعها ابدا
..:حاضر ..ساعه وأكون عندك
..:خل اللي معك يراقبونه ومايغيب عن عيونهم
..:ابشر طال عمرك

^^^
^^

بعد علم الجميع عن مرض شوق ..وولادتها التي جائت مفاجئه للجميع

أي الشخصيات التي سيكشف الستار عنها ؟!

رضا ابو رياض عن فهد هل هو ندم ام اعتبار له لرد جميله ؟!

من الأغراب الذين محورهم الأساسي الوقوع بفهد ؟!..وأي سر يختفي خلفهم؟

بعد الموقف الصعب الذي دار بين هنادي وبباسل ..هل سيتم الزواج أو يسلكون منحى أخر ؟!

والاهم ماهو سبب تفاعل هنادي مع روان ودفاعها عنها ...وأي غايه تريد ان تحققها؟

انتهى البارت

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget