واكتشفت اني لقيطه ،للكاتبة صرخه المشتاقة (كاملة)

**أنة حرف** · 12-09-2014, 12:14 AM

رد: واكتشفت اني .. لقيطه .. للكاتبةة صرخه المشتاقةة

في ذاك الركن المعروف بأنه ملك لأقوى شله في الجامعه ..
ركن خاص لشلة السيد راشد الشعلان ..
كانوا كلهم جالسين وقالبينها ضحك واستهبال وغناء في بعض الاحيان ..
إلا راشد اللي كان جالس وحط دقنه على ايده يفكر ..
ضربه ايمن على كتفه وقال: هيه يابو الشباب فمين سرحان ..؟!
راشد: ما عندي اولاد فرجاءا لا تقول ابو الشباب ..
ايمن: ههههههههه اوكي اوكي ههه طيب قل لي فمين سرحان ..؟!
راشد: في بنت الرملي .. لها يومين طاسه وغايبه .. عندي فضول اعرف ليش ..
ايمن: هههه يمكن عندها ضروف ..
راشد: حتى اخوها اللي اول فكها مني غايب كمان .. والامريكي اللي قد ساعدها غايب بعد ..
ايمن: هههههههه يمكن راحوا في رحلة نقاهه ههههه ..
راشد: تستهبل انت وويهك المفطوس ذا ..
ايمن: افا .. مفطوس مره وحده ..
راشد: لا عشر مرات ..
ضحك ايمن وبعدين لف ودخل جو مع الشله ..
قام راشد واتجه للكافتيريا .. وده يشرب شي بارد ..
وقف عند الشباك وطلب ايسكريم بالفانيليا ..
اخذ الطلب حقه ولف فصقع فيه واحد بالغلط فأنكب الايسكريم على ملابس راشد ..
عصب وطالع في الولد اللي قال بسرعه وخوف: اسف ..
اسف .. هالكلمه ما تمشي عند راشد .. راح يغسل شراع الولد يعني راح يغسله ..
واكيد في هاللحضه حيبدأ راشد بالصراخ والمهاوشه والسب والضرب طبعا ..
بس الشي المفاجئ هو ان راشد ما نطق بأي كلمه ..
كان يطالع في الولد بصدمه كبيره ..
الولد كان هو نفسه الولد الجني بنضره ..
ايه هو الولد اللي صدمه .. عادل عبد العزيز ..
اما دانا فكانت مغمضه عيونها ومنزله راسها مستعده لتلقي التهزيء ..
ابتسم راشد وقال: واخيرا لقيتك يا عادل .. من زمان وانا ادور عليك ..
ارتعبت دانا .. هذا شيبغى منها ..
راشد بنفس الابتسامه: انت تشتغل في سوبر ماركت الهناء .. صح ..؟!
طالعت دانا فيه بإستغراب بعدين تذكرت ان هذا هو مكان شغل اخوها ..
دانا: ايوه ..
راشد: حلو عيل انا ما اتخيل .. اسمع بسألك سؤال محيرني كثير ..
طلت فيه دانا تنتظر سؤاله ..
راشد: انا لمن صدمتك قبل شهرين او اكثر كانت الصدمه قويه بس بعد فتره شفتك في نفس هالمجان وانت تمام وبعدين شفتك في السوبرماركت وانت مقعد وجسمك متغير كثير وشعرك اقصر .. والان انت انسان تمام وجسمك ضعيف شوي وشعرك طويل .. ابي افهم شلون صار هذا يا عادل ..؟!

هههههه سوري بس انتهى الجزء الثاني من البارت التاسع ..
~ها شرايكم بالجزء .. صحيح انه قصير بس احداثه حلوه ..
~وإيش هو رايكم بالشخصيه الجديده "إياد" ..؟!
~اما عن شهد .. وش توقعاتكم عن مستقبلها هي واخوانها ..؟!
~الحفله الخاصه لدانا .. تتمنون إياد يحضر ولا لا ..؟!
~غيدا شلون راح تساعد خويتها وتفكها من الدكتور راكان ..؟!
~واخيرا بطلتنا دانا .. تحققت امنيتها وقابلت اللي صدم اخوها وحطم حياتهم .. كانت تتوعد فيه وعيد شديد .. هل راح تقل ردت فعلها لأن اللي قدامها هو راشد او راح تكون عنيفه ..؟!
اوكي انتضروني حبايبي في الجزء الثالث والاخير من البارت التاسع ..

~| اللقطات |~

~ غيدا: اول شي قوليلي انتي يوم طلعتي عشان تحاجين اسيل في يوم العزا شصار ..؟!
~ جلست ام فيصل وقالت: يا حضرة الضابط .. زوجي غلط بحق بنته في حياته وانا ابي اصحح غلطته ..
~ وسن بصراخ: لين الله يخليكي وقفي ..
~ ارتجف صوتها وهي تقول بضعف: ليش . . لي ش ساويتم فيني ج ذي ..؟! انا بن تكم .. انا من لحمك م .. ل ي ش ..؟!
~ ابتسم إياد وقال بثقه: بجد بتكون ورقه قووويه ضدك ..

::: 6r5t ÅŁмû$tä8Ή‏ ‏:::

|$ نهاية الجزء $|

**daniel3riddle** · 12-09-2014, 03:31 PM

رد: واكتشفت اني .. لقيطه .. للكاتبةة صرخه المشتاقةة

لا حماس صار و هذا اياد بذبحه يرفع الضغط
اسيل فينها مالها حس
غيداء بتشوف ذا الي سوى لها الندبه
ام فيصل <<الله ياخذها اهي وولدها=_=
ما اعتقد انها بدور على اسيل ايلا اذا فيه مصلحه لها
وبث ^_^

Sent from my iPhone using منتدى عبير

**أنة حرف** · 12-09-2014, 05:06 PM

رد: واكتشفت اني .. لقيطه .. للكاتبةة صرخه المشتاقةة

|$ البارت التاسع الجزء الثالث $|

راشد: حلو عيل انا ما اتخيل .. اسمع بسألك سؤال محيرني كثير ..
طلت فيه دانا تنتظر سؤاله ..
راشد: انا لمن صدمتك قبل شهرين او اكثر كانت الصدمه قويه بس بعد فتره شفتك في نفس هالمجان وانت تمام وبعدين شفتك في السوبرماركت وانت مقعد وجسمك متغير كثير وشعرك اقصر .. والان انت انسان تمام وجسمك ضعيف شوي وشعرك طويل .. ابي افهم شلون صار هذا يا عادل ..؟!
توقف الدم في جسمها من قوة الصاعقه اللي سمعتها ..
شهور مرت وهي تترجى اخوها انها تعرف مين واخيرا عرفت ..
شخص كرهته من شهور وحقدت عليه وكل يوم يزيد الكره والحقد ..
شخص تبي تعرف منو هو عشان تنتقم منه لأنه هو السبب في لخبطة حياتهم حاليا ..
في النهايه طلع هالشخص هو راشد الشعلان اكبر مشكلجي في الجامعه ..
تجمعت الدموع في عيونها وهي تشوف قدامها الشخص اللي كان السبب في شلل اخوها وتحطيم مستقبله ..
تكرهه تكرهه تكرهه ..
تكرهه لدرجه محد يتصورها ..
تجمعت الدموع في عينها وهي تطالع فيه ..
وبحركه لا شعوريه رمت العصير حقها في وجهه بقوه ..
انصدم وما امداه يستوعب الصدمه حتى سمعها تقول بصراخ: جلب قذر .. ليه جذي .. ابي افهم ليه .. حرام عليك يالمتوحش .. قلبت حياتنا بسبب تهور وطيش غبي .. وفوق هذا تهرب ..
رمت الكتاب اللي في ايدها عليه بقهر وهي تكمل: لو ساعدته جان يمكن ما صار اللي صار .. لو كنت تمتلك شوية انسانيه جان ما صار اللي صار ..
انجن جنون راشد من المنغا اللي انكبت عليه والكتاب اللي انرمى في وجهه ..
مسكها من بلوزتها بعنف وقال بصراخ: انت شلون تتجرأ تسوي جذي ..؟!
ولكمها في وجهها لكمه خلتها تصقع في جدار شباك الكافتيريا ..
كل اللي في الكافتيريا كانوا ساكتين يراقبون اللي يصير قدامهم ..
اعتدلت دانا وهي ما تزال في حالة الهستيريا اللي دخلت فيها ..
تقدمت ودفت راشد بقوه وبقهر فترنح وطاح من فوق الدرج اللي يكون قدام الشباك عادتا ..
دانا بعصبيه وحقد: احسن .. تستاهل .. ان شالله تنشل وتذوق من نفس الكاس اللي ذوقتنا منه .. الله لا يسامحك يا الجلب .. والله ما اتركك بحالك .. اكرهك ..
عاد انتم تخيلوا الصدمه اللي تلقاها راشد .. واحد يدفه من فوق الدرج ويرفع صوته بعد ..
كل الطلاب يطالعون في راشد اللي كانت العصبيه واضحه في عيونه ..
بعضهم تحمسوا .. وبعضهم خافوا .. وبعضهم ما اهتم ..
طالعت فيه دانا بإحتقار وقالت: اكبر مشكلجي .. والله لو كنت ولد الملك نفسه ما راح اخاف .. ليه جذي ..؟! عادل وش سوى لك يالجلب ..
عصب راشد اكثر وقام واعطاها لكمه اقوى بعشر مرات من اللي قبلها وهو يقول: ماراح تخاف يالجلب ها .. والله لاخليك تنتفض من الرعب وتندم عالساعه اللي ولدت فيها ..
صقعت دانا بقوه في الجدار وطلعت صرخة ألم خافته ..
وما امداها تطالع فيه حتى ضربها بلكمه ثانيه وثالثه طيحتها عالارض ونزل دم من فمها من قوة لكماته ..
بصراحه يصلح يكون ملاكم من الدرجه الاولى ..
تألمت دانا في كل جزء من جسمها .. بس ألم قلبها كان اقوى وخلاها تتحمل هالضربات وتقوم عشان تفرغ حقدها في ولد الشعلان ..
وقفت وطالعت فيه بنظرات حاقده وقالت: لا انا ما راح اسكت عاللي سويته ابدا .. والله لأعلمك منهو انا .. هدمت مستقبله بأنانيتك يالاناني .. فكرت في نفسك وهربت ولا فكرت في الادمي اللي صدمته .. انسان حجر .. مافي عندك اي ضمير يأنبك .. وين الانسانيه يالمتحجر وين ..؟!
صكت اسنان راشد ببعض بقوه من العصبيه ومسكها بإيد وحده من ياقة بلوزتها وقال: بتعلمني منهو انت ها ..؟! ماراح تسكت لي ..؟! على اساس انه انا الغلطان مو انت .. انت اللي مديت ايدك اول وراح اكسسسرها لك .. راح اعلمك شلووون تحترم راشد الشعلان يا اوقح واحد قابلته ..
مسكت ايده بأياديها وبكل قوتها سحبت ايده وبعدتها عنها ..
رجعت خطوه ورى وقالت بمراره: اذا انا اوقح واحد فأنت اجشع واوحش بني ادم قابلته .. كل شي ضاع .. احلامه ومستقبله وأمنياته وحتى البنت اللي حبها .. والاهم هي قدرته عالمشي اللي ضاعت بسبتك .. سافل واناني ..
قاومت بالصعوبه دموعها اللي كانت بتنزل وقالت بضعف: مو قادر يمشي بسبتك .. موقادر يسوق بسبتك ..
جمع راشد كل قوته وعصبيته وقهره في لكمه ووجهها بقوه ناحية دانا ..
حطت دانا ايدها قدام وجهها تنتظر اللكمه اللي بتجيها مثل كل اللكمات اللي قبل ..
ما يهمها .. حتى لو ماتت ما همها .. المهم عندها هو انها تاخذ حق اخوها من اللي واقف قدامها ..
حست بأحد جاء قدامها وهو اللي تلقى الضربه بدالها .. ومن قوة الضربه جاء جسمه بقوه عليها وماقدر جسمها الضعيف يتحمل فطاحت وطاح فوقها ..
المها جسمها كله من ثقله ومن الطيحه اللي طاحتها ومن الضرب اللي انضربت فيه سابقا ..
قام الولد بعصبيه وانقض بلكمه قويه في وجه راشد المصدوم ..
اخذ الولد نفس بعدين قال بعصبيه: حمار .. بجد حمار .. ذي الإيد إذا انمدت على عادل مره ثانيه حأكسسرها .. فاهم يا ولد الشعلان ..؟!
طالعت دانا فيه ومثل ما توقعت طلع سامي ..
لفت نظرها ناحية راشد .. ناحية قاتل مستقبل اخوها ..
خلاص دموعها مو قادره تتحمل .. قامت وخرجت من الكافتيريا ومن الجامعه كلها .. حتى اغراضها ما اخذتها ..
ركبت سيارتها واسرعت للبيت في الوقت اللي تسارعت فيه نزول دموعها ..
وصلت ونزلت وفتحت باب البيت فشافته جالس يطالع في التلفزيون ..
صرخت من بين دموعها وهي تقول: راشد الشعلان صح ..؟!
تفاجئ عادل من صراخ اخته ودخولها المفاجئ هذا غير عن شكلها المبهذل ..
عادل: دانا شنو اللي بويهج ..؟!
دانا بصراخ وهي تشهق: خلاص عرفته ياخوي .. راشد الجلب .. والله لأراويه ..
طالع عادل فيها بإستغراب شوي بدأ يفهم سبب صراخها وخصوصا لمن نطقت بأسم راشد ..
عادل بهدوء: قابلتيه ..؟!
مسحت دموعها وقالت وهي تشاهق: ايه وضربته وما راح اسكت .. كل الايام اللي راحت والالام اللي ذقناها فيها راح اطلعها من عيونه ..
دخلت الغرفه وصفقت الباب بقوه هزت البيت كله ..
رمت نفسها فوق السرير ودفنت وجهها في المخده وانفجرت تبكي بصوت مسموع وهي تتمتم بكلمات مو مفهومه ..

**أنة حرف** · 12-09-2014, 05:12 PM

رد: واكتشفت اني .. لقيطه .. للكاتبةة صرخه المشتاقةة

دخل المطبخ وطالع فيه .. كان مليان من الخدم والطباخين اللي تفاجؤا من دخوله ..
طنشهم وتقدم من الثلاجه الكبيره وفتحها يطالع فيها ..
قدامه كل اصناف الاكل والحلى والموالح البارده والقاتوه الكبير الابيض ..
لف عالخدم وقال: مافي عصيرات ..؟!
جت خادمه وقالت: في الثلاجه الثانيه ..
لف يمين فشاف ثلاجه اصغر شوي من اللي قدامه ..
راح وفتحها وكان فيها جميع انواع العصيرات والمشروبات الغازيه والايسكريمات البارده ..
طالع فيهم وقال: مافي كود رد ..؟!
الخادمه: لا .. محد في هازا البيت يحبو ..
تأفف وبدأ يقلب بالعلب والعصيرات وبعدين اخذ له حليب جالاكسي بالشوكولاته ..
استغربوا من اختياره .. عادة الشباب انهم يشربون مشروبات غازيه مو حليب بالشوكولاته ..
فتح المصاص ودخله في العصير وخرج من المطبخ وهو يشرب ..
مشي بيطلع الدرج بس شاف ولد عمه يدخل فقال: اووه ياي بدري اليوم ..
طنشه سامي ورمى نفسه على اقرب كنبه ..
انتبه إياد لشكل سامي فقال: اووبس مع مين متهاوش .. هذا وانا ناصحك الصباح انك تكون مؤدب ومسالم وما تؤذي الاخرين .. ليش ما سمعت نصيحتي ..؟!
سامي: بليييز إياد اسكت .. انا مب رايق لك ..
تحمس إياد وجلس عالكنبه عنده وقال: اقول سامي انت مع مين متهاوش وليش وكيف وإيش صار بعدين ..؟! بلييز حكيني السالفه ..
طل فيه سامي نظره جانبيه فأنتبه للي في إيده وقال: امس توست بالجبنه واليوم حليب بالشوكولاته .. بديت اشك انك ولد نعمه ومن عائلة الراهي ..
إياد: شسوي .. دورت في الثلاجه عن كود رد وما لقيت ..
فتح سامي عيونه ولف عليه وقال: دورت في الثلاجه ..؟!!! من متى اولاد النعمه يدخلون المطابخ ..؟! انت انسان غريب ..
إياد: عادي وش فيها ..؟!
طالع فيه سامي فتره بعدين قال: بكيفك .. طيب عالاقل ما تاخذ العصير جذي .. قل للخدامه تحطه في كاسه راقيه واشرب احسن من كرتون ومصاص .. بزر ..
طالع إياد في العلبه شوي بعدين قال: ما فكرت .. المهم انتم ليش ما عندكم كود رد .. هذا الشراب عشقي الاول ..
سامي: ابوي ما يشرب الغازيات وانا ما احبه ابدا ..
إياد: ليش والله لذيذ .. خاصتا لمن تحط فيه ثلاث حبات هولز بالكرز .. واو يطلع طعمه ألييييم ..
عقد سامي حواجبه وقال: تحط هولز ..
إياد: انت جربه واكيد بيعجبك ..
سكت سامي شوي يفكر انه يجرب هالحركه يمكن تعجبه ..
إياد: ايه صح ما قلت لي مع مين متهاوش ..؟!
توه استوعب سامي انه كان يسولف مع ابن اللذين فقال بحده: مالك شغل ..
رفع إياد حواجبه وقال: اوووبس قلبت علي فجأه ..
بعدين ابتسم بمكر وقال: ياللا قل لي قبل لا اقول لأبوك انك متهاوش وويهك كل كدمات وازيد شوية بهارات من عندي ..
ابتسم سامي وقال: اها .. طيب قل له عشان اوصل له سالفة الدكتور اللي هددته .. ايه انا اجبرت الدكتور يعترف لي عن سالفة جرحك وهو قالي انه مو انا السبب ..
إياد بإنبهار: اووه عندك ورقه رابحه تستعملها ضدي .. طيب انت متى سألته ..؟!
سامي: قبل لأدخل مريت عليه عشان يضمد اللي بويهي وصار اللي صار ..
قام إياد وقال: ههههههه بصراحه غريبه .. اول مره تستعمل عقلك بدل عصبيتك المفرطه ههههههههه .. بس انا عندي حاجتين ضدك مو وحده ..
عقد سامي حواجبه وطالع فيه ينتضره يتكلم ..
ابتسم إياد وقال بثقه: بجد بتكون ورقه قووويه ضدك ..
حس سامي بتوتر وخوف من ثقته وقال: وش هي ..؟!
مشي إياد خطوتين ووقف فتره طويله بعدين لف على سامي وقال: ماكو شي .. بس بغيت احرق اعصابك ههههههههههههههههههه ..
عصب سامي وفار دمه وقال: صج انك غبي .. اقول اطلع لغرفتك ذاكر القراءه والاملاء ابرك لك من التجول في بيتنا يالطالب البزر ..
إياد: هههههههههههههههههههههه حلوه اعجبتني القراءه والاملاء هذه هههههههههههههه بالله اقين يا سامي هههههه .. << اقين = عيد <<
سامي بقهر: لا سوري ما ابي اعيد ..
اخذ شنطته وطلع لجناحه ..
ابتسم إياد وقال: يعجبني لمن يتنرفز هههه ..
قام وخرج للحديقه ..
دق جواله فخرجه من جيبه وطالع في الاسم اللي كان "ضاري" ..
واخيرا ضهرت على ملامح وجهه علامات الضيق .. لو شافه سامي اكيد بينبسط ..
رد وقال بإبتسامة ثقه: اهليييين بصديقي القديم .. واحشتني كثير ..
ضاري بعصبيه: وينك ..؟!!
إياد: في ربوع بلادي هههههههههه حلوه صح ..؟!
ضاري بضبط اعصاب: بلا استخفاف وقول لي وينك ..؟!
إياد: شتبي فيني ..؟!
ضاري: انت تعرف وش ابي فيك ..؟!
إياد: هههههههه ايه صح تذكرت ..
ضاري بتهديد: إيادوه لا تلعب بالنار احسن لك ..
إياد: ايه اعرف ان اللعب بالنار يحرق .. بس انا معاي عصير مو نار ..
ضاري: انا مو رفيجك عشان تستهبل معاي .. لمن اكلمك بجد كلمني بجد ..
إياد: اها انت قلت اني مو رفيجك .. عيل شتبي ..؟!
ضاري: فعلا الزماله اللي بيننا انتهت ..
إياد: ايه احسن لأن بصراحه اشكالكم كانت ترعبني هههههههه ..
ضاري بحده: إياد حاجني بجد ..
إياد: اوكي اوكي كمل حجيك ..
ضاري: بس احنا مصرين انك ترجع ..
إياد: هههههههه لا يا بابا مستحيل ..
ضاري: إياد احنا ننصحك انك ترجع بنفسك انت قبل لا ترجع غصب عنك ..
إياد: بديت اتحمس .. شلون بترجعون غصب ..؟!
ضاري: انا جاد ما اتغشمر وياك .. فبطل عبط ترى اقسم بالله ان موتك على ايدي ..
سكت إياد شوي بعدين قال ببرود: اعلى ما بخيلك اركبه ..
ضاري: صدقني ان ثقتك هذي بتعميك وتطيحك بالهاويه ..
إياد: اخسس والله تعرف ترتب جمل ..
ضاري: اوكي يا دلوع ابوك .. مهما هربت راح نمسكك ونطلعك حتى لو كنت في القمر ..
إياد: يا بابا طييير عن ويهي ازعجتني ..
قفل الجوال في وجهه وجلس على الكرسي في الجلسه اللي بالحديقه ..
حط ايده على كتفه يتحسس الجرح اللي كانوا هم السبب فيه ..
قعد فتره يفكر فيهم .. مو داري كيف يتخلص منهم ..
صحيح في طرق اسمها شرطه وقانون بس ما يبغى يلتجئ لها ابدا ..
وعنده ابوه يقدر يقوله وهو يطلعه من السالفه بس كمان ما يبغى ..
يبغى يثبت لهم انه مو دلوع ابوه ويقدر يطلع نفسه بنفسه مع انه عارف انه شبه مستحيل ..
ضاري وجراح ويزن .. وكلهم اعمارهم فوق العشرين واجسامهم صلبه وقويه وعندهم معارف في الشرطه والمباحث وكل شي ..
فعلا الامر شبه مستحيل ..

اما عن سامي فقبل دخوله لغرفته راح لريندا وقال لها ان بكره بيسوي حفله هنا ولازم تبدأ في التجهيزات ..
فبدأت ريندا تكلم إداري التنسيق للحفلات عشان ينسق المكان وكلمت الطاهين وبدأت تصلح شغلها ..

**أنة حرف** · 12-09-2014, 05:22 PM

رد: واكتشفت اني .. لقيطه .. للكاتبةة صرخه المشتاقةة

دخل راشد بعصبيه للبيت وقال بصراخ: شهدوه ..
جت شهد وقالت: نعم ..
راشد بعصبيه: ليه التأخير ..؟!
عقدت شهد حواجبها .. هي ما تأخرت ..
شهد: اسفه ..
راشد: لا يكون فيه بزر ثاني مخبيته عندج بعد وعشان جذي تأخرتي ..
شهد بسرعه: لا ..
راشد: تقلعي عن ويهي وجهزي الغدا ..
شهد: حاضر ..
وراحت وهي مستغربه .. باين على شكله انه متهاوش وكمان الساعه اللحين اربعه وربع ويطلب غدا ..
طلع راشد لغرفته واخذ ملابس ودخل يتروش عشان يتخلص من المنغا اللي يحس بقرف منها ..
بجد اليوم اعصابه فايره بسبب هالعادل ..
محد قد وقف بوجهه بالطريقه هذه غير عادل ..
محد تجرأ يكب العصير في وجهه غير عادل ..
ومع هذا ما قدر راشد ياخذ حقه منه ابدا .. ما قدر يبرد النار المشتعله بداخله ..
ضرب الدولاب بإيده وقال بقهر: هربت هالمره بجلدك .. بس المره اليايه لا .. والله لأقطعك بأسناني يا عادل ..
نشف شعره ولبس بجامه رايقه ونزل تحت فشاف روان قدام التلفزيون ومعاها اشياء تسويها ..
راشد: روان شتسوين ..؟!
لفت عليه وقالت بإبتسامه: اهلين رورو .. تأخرت اليوم ليش ..؟!
راشد بضيق: خرجت اهجول بالسياره شوي .. انتي شتسوين ..؟!
روان: ههههه اشتريت بلاي ستيشن .. رفيجاتي يمدحونه فقلت بيربه ..
راشد: بس هذا للصغار ..
روان: كان للصغار .. اللحين يستعملونه الكبار اكثر .. حتى الاشرطه حقته كلها تعقيدات محد يقدر يحلها إلا الكبار ..
سكتت شوي وقالت بطفش: راشد .. تعال ركبه ما عرفت ..
رفع راشد حواجبه وقال: بالله في احد بالعالم ما يعرف يركبه .. عيل ليش اشتريتيه دامج ما تعرفين تركبيه ..
روان: اوووه راشد .. تعال ركبه لأني ما عرفت .. خصوصا اليد اركبها فوق فتطيح بسرعه .. طفشت ..
طالع راشد فيها شوي بعدين جاء عندها واخذ اليد وقال: فين ..؟!
فأشرت على مكان وقالت: هنا ..
جاء راشد يركبه بس كل ما دخله يطيح .. حاول اكثر من مره بس ما قدر ..
راشد بضجر: اوووف مو راضي يدخل .. هذا كيف يتركب ..؟!
رجعت روان جسمها على ورى وهي رافعه حاجبها تقول: يا سلام .. مو كأنك قبل شوي تستهزئ بي لأني ما اعرف .. اقول يا عبقري زمانك ما اقول غير الله يخلف عليك ..
تأفف راشد وكالعاده استعمل القوه عشان يضبط ..
خافت روان وسحبته منه وهي تقول: هيه بلييييز انا ابيه مو مستغنيه عنه ..
راشد: اذا كان في امج خير ضبطيه .. والله ما تقدرين .. انا اتوقع انه هذه اليد مو حقته .. شكلهم لخبطوا بينه وبين شي ثاني ..
روان بتفكير: يمكن .. بس انا اشتريته من محل راقي جدا ..
هز راشد كتفه فقالت روان: طيب فيه فتحتين تحته ليش ما نيرب ..
راشد: بس اتوقع ان هذا للميموري .. يعني كرت التخزين ..
روان: طيب نيرب عالاقل ..
راشد: بكيفج ..
دخلت روان يد السوني تحت فدخلت بسهوله ولفت تطالع في راشد ..
راشد بإستغراب: دخل ..؟! شكل الميموري يكون فوق ..
فرحت روان وقالت: واخيرا بلعب .. تبي تلعب معاي ..
راشد: لا لا بتغدا وبعدين بنام ..
روان: بليييز يا رورتي .. الله يخليك ..
راشد: والله ما اقدر .. حددددي تعبان ويوعان ..
طالعت فيه بنضرة ترجي فأبتسم وراح ياكل ..
تأففت وقالت: همه بطنه وبس .. اووف ..
طالعت في اليد وقالت: هذا كيف يلعبون به ..؟!
اما عن شهد فجهزت الغدا وخلصت وراحت لغرفتها عند اخوانها ..
دخلت وقفلت الباب وراها وقالت لشادي: في احد اتصل ..؟!
شادي: لا ..
اخذت شهد جوالها وقالت: يا ربييه ليه ما اتصلت .. خايفه عليهم ..
شادي: اهدأي يا شهد .. ما يصير كل شوي تحاتينهم ..
جلست شهد عالسرير وقالت: شلون ما احاتيهم .. هذول اخواني وصغار ..
شادي: بس ما يصير كل شوي داخله اخاف راشد يشك ..
ابتسمت شهد وقالت: غريبه ما قلت الدب ..
شادي: هههههه......
دق جوال شهد في هاللحضه وكان رقم تلفون اللي دق ..
ردت بسرعه وقالت: الو .. اثير ..؟!
جاها صوت اثير وهي تقول: ايوه .. هذا رقم الشقه اللي استأجرناها ..
شهد: طيب كيفج وكيف وسيم ..؟! محد ضايقكم محد اذاكم بشي ..؟! مرتاحين ولا لا ..؟!
اثير: الحمد لله تمام ومحد ضايقنا .. بس يا شهد الايجار مره مرتفع ..
شهد: ما عليج من الايجار .. اهم شي ان العماره سمعتها طيبه وقريبه من مدارسكم ..
اثير: ايه صح .. وايد قريبه .. اليوم الصباح وصلت وسيم لمدرسته بعدين رحت لمدرستي ..
شهد: حلو .. طيب الاكل كيف تاكلون ..؟!
اثير: لمن رجعت من المدرسه اشتريت شوية اغراض بخمسين تكفينا لأسبوع ..
شهد: حلو .. يعني مرتاحين ..؟!
اثير: ايه والله مرتاحين .. حتى وسيم استانس عالتلفزيون لأنه دش .. كل شوي يقلب فيه ويطالع ..
شهد بهدوء: الله يحفضكم .. انتبهوا على نفسكم ومع السلامه ..
اثير: مع السلامه ..
قفلت شهد وقعدت فتره تطالع في الجوال بعدين قالت بصوت منخفض: ابوي .. امي .. محتايينكم كثير .. احنا من بعدكم في ضياع ..
ضغطت ع الجوال بقوه وقالت بضعف: انا اتحمل مسؤوليه اكبر مني .. ما اقدر عليها .. صعبه ..
نزلت دمعتها بحرقه على خدها البارد ..
بنت عمرها ١٨ سنه شلون تقدر تتحمل مسؤولية اربع اطفال في ضروف سيئه زي كذا ..
بجد محتاجه لأحد .. امها او ابوها او اي احد .. تبغى تحس ان لها سند في هالحياه ..

اما عن اثير فقفلت التلفون ولفت على وسيم وقالت: وسيم لا تعدم التلفزيون ..
وسيم: اثير القنوات ما تخلص .. من زمان وانا اقلب ..
اثير: مو لازم تطالع فيها كلها .. طالع في وحده وخلاص ..
وسيم: طيب يمكن فيه قناة تكون احلى من اللي اطالعها ..
تأففت وقالت: طيب لا تضغط الازرار بقوه عشان لا يخرب ..
وسيم: حاضر ..
اثير: اذا اذن المغرب تترك التلفزيون وتذاكر كتبك ..
وسيم: جم باجي عالاذان ..؟!
اثير: ربع ساعه بس .. ما تشوف كيف الليل دخل ..
وسيم: لا ما امداني اطالع شي ..
اثير: احسن لأنك ماخذ الوقت كله وانت تقلب ..
اخذت كتابها النصوص تحفظ الابيات ..
شوي دق الجرس .. استغربت اثير وفي نفس الوقت خافت ..
هي ما تعرف احد هنا اذا مين اللي يدق ..
قامت وطالعت من فتحة الباب فشافت حرمه ..
ارتاحت شوي وفتحت الباب ..
الحرمه: اهلين حبيبتي كيف حالج ..؟!
اثير: تمام ..
الحرمه: مبروك عليكم الشقه ..
اثير: الله يبارك فيج ..
الحرمه: وينها امج يا حبيبتي ..؟!
اثرت هالكلمه في اثير فقالت بحزن: ماتت ..
انقلب وجه الحرمه بعدين قالت: الله يرحمها .. اسفه اذا ازعجتج ..
اثير: لا عادي ..
الحرمه: يعني ابوج هو المستأجر ..؟!
نزلت اثير راسها وقالت بهدوء: مات ..
حزنت الحرمه عليها وقالت: الله يرحمهم ويغمد روحههم الينه .. ادعيلهم يا حبيبتي ان الله يسهل عليهم الحساب ويدخلهم الينه يارب ..
اثير: طيب ..
الحرمه: طيب مين اللي استأجر الشقه .. مافي احد اكبر منج ..؟!
اثير: اختي الكبيره ..
الحرمه: طيب ناديها لي ..
اثير: بس هي مو هني ..
الحرمه بإستغراب: ليش وينها ..؟!
سكتت اثير شوي بعدين قالت: انتقل مجان شغلها فأضطرت انها تستأجر لها شقه هناك ..
الحرمه: يا حبايبي .. يعني انتي اكبر وحده هنا ..؟!
اثير: ايوه .. انا واخوي وسيم سنه ثاني ابتدائي ..
الحرمه: طيب كيف تاكلون وتدبرون اموركم ..؟!
اثير: لا تشيلي هم ..
طالعت فيها الحرمه فتره بحزن بعدين قالت: اسمعي حبيبتي .. انا شقتي ينب شقتكم تماما .. اذا محتايين شي لا يردج إلا لسانج ..
اثير: ما قصرتي يا خاله بس احنا بجد مو محتايين شي ..
الحرمه: اعرف انج تجذبين .. اسمعي لا تسوون اي شي .. انا اللي بييب لكم العشا والغدا خلاص ..
اثير بسرعه: لا لا شكرا مانبي نكلف عليج ..
هزت راسها وقالت: لا .. اذا عارضتي راح ازعل عليج .. وكمان انتم اثنين بس يعني مافي كلافه ..
انحرجت اثير وما تدري وش تسوي ..
الحرمه: شسمج ..؟!
اثير: اثير ..
الحرمه: صف جم ..؟!
اثير: ثالث متوسط ..
الحرمه: اصغر من بنتي بثلاث سنوات .. انا يارتكم ام ميار .. ومن الان اعتبريني مثل امج .. اذا بغيتي شي اطلبيني ولا تستحي .. خلاص ..؟!
اثير بإحراج: طيب ..
ابتسمت وقالت: ياللا مابي اطول عليج .. مع السلامه ..
اثير: مع السلامه ..
قفلت اثير الباب فراحت ام ميار ودخلت شقتها ..
قفلت الباب وراها وقالت: ميار ..
جلست عالكنب فجت ميار وقالت: نعم ..
الام: ييبي لي عصير ليمون ..
ميار: طيب ..
راحت وبعد شوي جت بعصير ليمون واعطت امها ..
جلست قدام امها وقالت: رحتي للييران اليدد ..؟!
الام: ايوه .. يووه يا ميار يحزنون جدا ..
ميار: ليش ..؟!
الام: امهم ماتت وابوهم مات واختهم الكبيره اضطرت تبعد عنهم عشان شغلها .. اللحين ماكو غير بنت اصغر منج بثلاث سنوات متحمله مسؤولية نفسها ومسؤولية اخوها الصغير في الابتدائي ..
ميار: لا ما يصيير حرام .. واختهم الكبيره هذه ما عندها قلب .. شلون تروح وتترك اخوانها جذي ..؟! شغلها مب اهم من اخوانها الايتام ..
الام: مدري .. يمكن عندها ضروف ..
ميار: وش هالضروف اللي تخليها تبعد عنهم .. بجد قاسيه ..
سكتت الام شوي بعدين قالت: قلت لها ان غداكم وعشاكم انا اللي بسويه ..
ميار: هههههه يووه يا ماما .. بجد طيبه .. شرايج تفتحين بوفيه مجانيه اسهل ..؟!
الام: تطنزي على راحتج .. عالعموم انا بقوم اصلي المغرب ..
طالعت ميار في ساعتها بعدين قامت وصلت وجهزت نفسها عشان تروح عند طارق يدرسها انجليزي كالعاده ..
بعد ساعه كانت شايله كتبها وتدق جرس شقة طارق وانس اللي كانت مقابل شقتهم تماما ..
ميار: ان شالله يكون مويود مو زي امس ايي وما القاه ..
فتح انس الباب وقال: اهليين ميار ..
ميار بإبتسامه: اهلين انس .. لا تقول ان طارق مو مويود ..
انس: هههه للاسف مو مويود ..
ميار: يوووه وينه ..؟!
هز كتفه وقال: مدري .. من امس ما رد للبيت ..
ميار: ليش ..؟!
انس: والله ما ادري ..
ميار: يعني اليوم مافي دراسه كمان .. اووف باجر راح تسألنا في الدرسين اللي اخذناهم ..
ابتسم وقال: لا اطمئني راح ادرسج ..
لفوا ورى فشافوه واقف وهو يبتسم ..
ميار: واخيرا ييت .. وينك طاس من امس ..؟!
ضحك طارق وقال: طاس ..؟! شفيها كلماتج صايره خشنه شوي ..
ميار: ههههههه مدري ..
طالع انس في طارق فتره بعدين قال: وين كنت يا طارق ..؟!
لف عليه طارق وقال: اهليين انس .. كيفك ..؟!
انس في نفسه: "شفيه ذا يتهرب من الاجابه" ..
دخل طارق وقال: ياللا امشي ادرسج ..
دخلت وراه ميار وقفل انس الباب ..
جلس وقال: وين وصلنا ..؟!
فتحت ميار الكتاب وهي تقول: لا ابيك تدرسني دروس ثانيه .. اليومين اللي راحت اخذنا قاعدتين وقطعه وتقول الابله الهبله اللي اكرهها انها راح تختبرنا اختبار شفوي باجر .. والله صعبه ..
طارق: خلاص ولا يهمج .. ان شالله في حدود ساعه ونصف تكونين فاهمته عدل ..
ميار بحماس: ياللا ..
بدأ طارق يدرس ميار وانس جالس عالكنبه يشرب بي كولا ويراقبهم ..
بعد ساعه ونص تقريبا خلصوا وقال طارق: ها استوعبتي كل شي ..؟!
هزت ميار راسها بإيه وهي تلم الاوراق ..
طارق: اذا رحتي للبيت راجعي اللي ذاكرته لج قبل شوي اوكي ..؟!
ميار: اوكي ..
قامت ميار وقالت: ياللا باي ..
طارق: باي ..
لفت بتخرج بس تذكرت شي ولفت عليهم ..
ميار: نسيت اقولكم شي .. اليوم لا تشتروا عشاء لأن ماما بتطبخ لكم ..
طارق بإبتسامه: قولي لأمج لا تكلف على نفسها لأننا خلاص قد اتصلنا وطلبنا ..
ميار: اعرف اعرف انك جذاب .. واصلا ماما جذي ولا جذي راح تطبخ عشان يونا ييران يدد .. اثنين صغار ايتام اختهم استأجرت لهم وراحت مجان بعيد عند شغلها فقالت ماما ان اكلهم عليها وراح تطبخ لكم بعد ..
انس: اثنين صغار ..
ميار: ايه .. ولد في الابتدائي وبنت اصغر مني بثلاث سنوات ..
انس: والله حرام .. اختهم ذي ما عندها قلب .. شلون تترك اخوانها الصغار عشان شغل .. الشغل مو اهم منهم ..
ميار: ايه حتى انا قلت جذي ..
طارق: انتم لا تظلمونها جذي .. يمكن عندها ضروف خلتها تضطر تسوي جذي ..
ميار: قال ضروف قال .. مافي شي في الدنيا يمنعها عن اخوانها .. بجد ماهي حاسه بقيمة الاخوه .. عالعموم انا رايحه ولا تطلبوا عشاء فاهمين .. باي ..
خرجت وقفلت الباب وراها ..
قام طارق فقال انس: هيه هيه وين رايح ..؟!
مشي طارق ناحية غرفته وهو يقول: بنام .. حاس بإرهاق وابي انام ..
دخل الغرفه وقفل الباب وراه .. قام انس ورمى العلبه في الزباله وفتح على طارق الباب ودخل ..
اسند ظهره عالباب وهو متكتف وقال: وينك من امس ..؟!
طلع طارق له بجامه رماديه من الدولاب وهو يقول: ايه صح نسيت اسألك .. الدكتور مسفر اعطاكم عنوان الكتاب اللي يبغانا نشتريه ولا لا ..؟!
انس: طارق لا تضيع الموضوع .. وينك من امس ..؟!
قفل طارق الدولاب وقال: ممكن تلف .. ابي ابدل هدومي ..
لف انس واعطاه ظهره وقال: ياوب على سؤالي .. مين اللي ارسل لك هالرساله اللي خلت ملامحك تتغير لهالدرجه ..؟! قريت الرساله بس المشكله ان مافيها شي سيء .. بالعكس فيها بشاره والمفروض تفرح مو ينقلب مودك جذي ..
طارق: ايه اعرف ومنو قالك اني زعلت .. انا انصدمت من شدة الفرحه .. اي واحد يتلقى خبر زي جذي طبيعي ينصدم في بداية الامر ..
انس: كلامك ما دخل مزاجي .. طارق قول الصج ..
حط طارق ملابسه في السله وانسدح عالسرير وقال: انا صاج .. بلييز انس طف الليت ابي انام .. بجد تعبان وابي ارتاح ..
لف انس عليه وقال: طارق انا اعرفك لمن تجذب .. قول الصج يا طارق قبل لا اكب عليك جك ثلج ..
غمض طارق عيونه وقال بتعب: خلاص بقولك بعدين بس بلييز واللي يسلمك طف الليت والله تعبان وابي انام شوي ..
تنهد انس وقال: اوكي يصير خير بعدين ..
طف اللمبه وطلع من الغرفه ..
اخذله فلوس وطلع ..
تذكر ان الدكتور مسفر طلب منهم اليوم كتاب يشتروه من المكتبه ..
راح للمكتبه واشترى كتابين له ولطارق ..

**أنة حرف** · 12-09-2014, 05:37 PM

رد: واكتشفت اني .. لقيطه .. للكاتبةة صرخه المشتاقةة

وحدة قاتله ..
المكان موحش ..
والخوف ينتابني ..

أشعر بأن لا أحد من البشر هنا ..
كأنني بوسط غابة مليئة بالوحوش ..

أسمع أصوات الهمهمات ..
وأصوات الحشرجه ..

أين هم ؟
وأين أنا ؟

لما أنا وحيدة ؟

رباه ..

أناجيك ..

خلقت وحيده ..
وبقيت وحيده ..

ومازلت ..
أبحث ..
وأبحث ..

عن أولئك البشر من حولي ..

ولكن !

أسير بينهم وهم لايشاهدوني ..
كأنني كائن مخفي ..

أحادثهم ..
لايجيبون ..
ولاينظرون إلي ..
أتحسس أطراف جسدي ..
أجدني ملموسه ..
لكن لا يجيبون ..
أردد هل أغضبتكم ؟
أنا هنا ..
لما لاتنظرون إلى ?
لما تتجاهلونني ?

ولما حياتكم مكتمله بدوني ؟
ألهذه الدرجه لامكان لي بينكم ؟
ولا داعي لأكون من البشر ؟

أكاد أجن ..!
لما كل هذه التساؤلات مني
ولا أجابه ؟
قد يصيبني الجنون من كل هذا ..
الا ليتني أصاب به ..
لكي لا أشعر بكل هذا ..
فأنا عاقله بزمن ظالم ..
بل زمن مجنون ..
على من اللوم ؟
على الزمان ..
على قلوب البشر القاسيه ..
أم ماذا ؟!
عجبا لهذا الزمان ..
ولهذه البشر ..
التي لا تشاهد الا من يهمها ..

اصبح صدى تساؤلاتي يضجرني ..
أكاد أجن منه ..
أضع أصابعي على أذناي لكي لا أسمع شيئا ..
لانه لا أجابة لدي ..

فجأه !!

أعود من ذاك الألم ..
وتلك المشاعر المتخالطه ..
إلى واقعي ..
إلى الحقيقه ..

إلى الاجابه عن كل هذه التساؤلات ..

عن تجاهل البشر ..
تقززهم مني ..
أبتعادهم عني ..
كل هذا ..
لأنني لقيطه ..!!

لقيطه !!

لقيطه !!

خلقت بلا أبا وأم ..

زج بي بين معمعة الحياة الظالمه ..
بلا سند ..
فكنت تلك الدخيله التي لا مكان لها من المجتمع ..
..

الدموع مازالت تنزل من عيونها وهي سانده جسمها على الجدار ..
تلف بنظرها ع الناس اللي حولها ..
اللي يمشي مع خويته ويضحكون ..
واللي طاقها سوالف مع شلته ..
واللي ماسكه دفترها وتكلم ابوها بحماس وهو يبتسم في وجهها ..
تكلم ابوها .. يعني لها عائله .. لها اصل .. لها حياة مكتمله ..
كل اللي حواليها لهم حياتهم الخاصه .. لهم مشاكلهم الخاصه .. لهم خصوصيات خاصه ..
ما قدرت رجولها تشيلها فجلست عالارض بتعب ..
هذا اليوم الثالث .. مرت ثلاث ايام وهي هايته .. ضايعه .. مشتته في هالشوارع ..
ما نامت .. ما اكلت .. ما شربت .. ما وقفت دموعها ..
الحر في الظهر .. البرد في الليل .. الامطار والعواصف ..
كل هالاشياء اصابتها وما لقيت مكان تحتمي منها فيه ..
شلون يكون لها مكان وهي لقيطه ..؟؟!!
لا ام .. ولا اب .. ولا اخ .. ولا سند ..
الاهم من هذا كله هو انها بدون اصل ..
كأنها مقطوعه من شجره مع ان اهلها عايشين ومستمتعين بحياتهم ..
دخلت اصابعها في شعرها ونزلت راسها ودموعها ما تزال تنزل وما جفت ابدا ..
ارتجف صوتها وهي تقول بضعف: ليش . . لي ش ساويتم فيني ج ذي ..؟! انا بن تكم .. انا من لحمك م .. ل ي ش ..؟!
غمضت عيونها بقوه وقلبها يعتصر ألم من الواقع اللي هي فيه ..
الواقع السيء .. المخيف .. المرعب .. والمدمر ..
شلون راح تكمل حياتها وهي بلقب لقيطه ..؟؟!!
مين في هذا العالم الواسع راح يتقبل وجودها ..؟!
السؤال الاصح هو مين في هذا المجتمع العربي المتخلف راح يتقبل وجودها ..؟؟!!
فعلا مجتمع متخلف .. الاجانب عندهم مافي فرق بين الانسان العادي واللقيط ..
العرب هناك شتان بين العادي واللقيط ..
الانسان العادي هو انسان .. واللقيط اللي في مثل حالتها عندهم شي مقزز وقذر وكارثه ..
كأنها مرض معدي ولازم يبعدون عنها ..
يحملوها مسؤوليه مالها ذنب فيها ..
هي بنضرهم انسانه جانيه وما يدرون ان الجاني هم الاهل وهي مجني عليه ..
اللقيطه في مجتمعنا انسانه مالها مكان بينهم ..
مكانها بين لقطاء مثلها ..
تعيش مع لقطاء وتاكل مع لقطاء ..
واذا تزوجت فلازم تتزوج لقيط مثلها لأنه محد راح يقبل فيها ..
والشي الاقسى هو نظرتهم لها ..
هي بعيونهم وحده قذره وداشره وصايعه لأنه مافي ولي امر يمسكها ..
علبالهم ان المنحرف ينحرف لأن اهله مو موجودين .. هههههههه بجد شي تافه وسخيف ..!
واذا طلع اي خطأ منها فكلمتهم هي :: لقيطه ما عليها شرهه ..
والسؤال المحير هو :: اللقيط وش سوى عشان تعاملونه كذا ..؟!
طبعا مافي اجابه ..
هذا بإختصار مكانة اللقيط في مجتمعنا العربي ..
يبعدون عنه بدل ما ياخذونه في الاحضان ويعوضونه عن الحنان اللي فقده ..
ما يدرون ان اللقيط لو لقى حنان من احد فماراح يخونه ابدا ..
راح يتمسك فيه لأنه ماله احد في الدنيا غيره ..
راح يضحي بكل شي عشانه .. راح يسوي اي شي عشان الايد اللي انمدت له ..
اللقيط كاليتيم .. لا اشد من اليتيم ..
اليتيم عنده لقب وقبيله وعزوه ..
اللقيط ما عنده احد .. ما عنده اي احد ..
انسان وحيد في هالدنيا وكل اللي يبغاه هو "المعامله الحسنه من الناس" ..

الخوف .. الوحده ..
الضياع .. التشتت ..
الضعف .. الانكسار ..
الحرمان .. النقص ..
هذا اللي يحس فيه اللقيط وهو نفس اللي تحس فيه بطلتنا اسيل ..
نزلت ايدها ولفتها على بطنها بقوه ..
لها ثلاث ايام ما اكلت وحاسه بجوع فضيع ..
حاولت الوقوف بصعوبه ودخلت ايدها في جيبها وطلعت محفضتها ..
فتحتها وكان فيها ٢٥ ريال قطري ..
مسحت دموعها بظهر ايدها ومشيت بالصعوبه لين وقفت عند شباك الكافتيريا ..
حاولت ترسم على شفتها ابتسامة بس كانت ابتسامه باهته وضعيفه .. بصراحه ما وضح اي اثر لابتسامتها ..
اسيل: لو سمحت ..
طالع فيها البائع وقال: نأم ..
مدت له الفلوس وقالت بتعب: ساندويتش بطاطس ..
اخذ البائع الفلوس وقال: ايش تبغى عليه .. كاتشب طعميه شطه مايونيز او....
هزت اسيل راسها بلا وجاهدت دمعتها وهي تقول: لا .. ابيه ساده ..
هز البائع راسه وبعد ثلاث دقايق اعطاها الساندويتش ..
مشت بخطى واهنه وبتعب ودخلت في فتحه مابين بيتين ..
كانت الفتحه عرضها حول نص متر او اكثر شوي ..
جلست وتكت ظهرها عالجدار ورجلها عالجدار المقابل ..
وبدأت تاكل اول وجبه لها من يوم ما اكتشفت انها لقيطه ..
انتهت منها وبعدها تكت براسها تطالع في الجدار اللي قدامها ..
كان اكثره كتابات وشخبطة عيال الشوارع ..
العاشق .. مردك لي .. ذكريات يوم الثلاثاء ١٧/٥/١٤٣٢ه .. ابو مصطفى .. حبتين وحبه بعدين .. تحياتي لمن دمر حياتي ...... والكثير من الكتابات اللي ما تحمل اي معنى ابدا ..
لفت حواليها فشافت علبة بيبسي طايحه وبعض الفحم وشوية اوراق ومرسام وعلبة سجاير فاضيه وعلبة طباشير مقطعه ومافيها غير شوية طباشير مكسره ..
مدت إيدها واخذت طبشوره تطالع فيها ..
تذكرت ايام الابتدائي .. كانت ايام طفوله وحلوه .. ذكريات بجد حلوه ..
كانت كل ما تذكرتها تبتسم وتضحك .. بس اللحين ما تبي تتذكر لأن الذكرى قاسيه ومؤلمه ..
وقفت وطالعت في الجدار اللي وراها .. جدار فاضي وكأنه يطلب منها انها تكتب وتشخبط عليه مثلها مثل باقي عيال الشوارع ..
نزلت دموعها وبدأت تخط على هالجدار ..
تكتب كلمات مثل الكل ..
تعبر مثل ما يعبرون الناس ..
بدأت تكتب اللي تحس فيه واللي يمزق قلبها حاليا ..
نزلت دموعها اكثر وبدأت تكتب ..

(( حروفي مبعثرة .. أحلامي ضائعة .. حزن يسكن عالمي ..
عمري الأن تسعة عشر سنه..

أعيش بلا روووح..!
.. حياتي بين ماض تعيس ..
و ذكريات مؤلمة ..
و حاضر قاسي ..
و مستقبل بلا ملامح ..

أشعر بالأسى نحوك يا نفسي !!~

فهاهم }~
فهاهم ظالموك ..
رحلوا غير أسفين عليك ..
رحلوا ولم يسئلوا عنك ..
رحلوا بعد ان انجبوك ..
رحلوا وليتهم قبل رحيلهم دفونك !!
فالأمر لن يكلفهم سوى بعض إنسانيه ..
رحل ذلك الذي يسمى بالأب
الذي يفترض أن يكون رجل ..!
.. ويحمل صفات الرجوله ..
رحلت تلك الإنسانه التي قيل عنها (الحنونه) ..
سمعت كثيرا عن حنان الأم .!
ولكن لم أشعر به ..!!
أين ذلك الحنان ؟؟!}~
.. أبي ، أمي
يا سبب شقائي وتعاستي ..'"
أين الحنان والرجوله في أن تتركوا طفلتكم ؟؟!

ماذا جنيت؟ }~
.. ماذا جنيت حتى اعاقب بوضعي أمام بوابة أحد الأسواق ..
.. ليلتقطني احد الماره …
للأسف ألتقطني؟ نعم ألتقطني أحدهم وليته لم يفعل <<
ليته تركني تحت رحمة الموت ..}'
ليته لم يأخذني ..؛
ليتني لم اعش بلقب ل ق ي ط ة ..؛ ))

ارتجفت الطبشوره في ايدها وهي تكتب هالكلمه .. كلمه قاسيه وكبيره عليها ..
كلمه مو قادره تكتبها ..
غمضت عيونها بألم وكملت كتابه ..

(( وينهم اهلي وناسي .~
وينه ابوي القاسي ..~

لقيطه ماحتواني ابوي
ولاعرفت من هو اخوي .~

واحلامي تذبح طموحاتي ./ ولادري ليه اعيش حياتي ..

قمة احزاني { قبيلتي }
قمة اتراحي حميتي .~

لاقالو : وطنيه : قلت ايه وافتخر
لاقالو: قطريه : ررديت : ايه وافتخر ..؟

لاقالو: من بيت مين : اسكت واحتضر .~
ليه افتخر
والمصيبة بالجاني ماتفتخر ..

حوا و ادم .. هم خلوني في حياتي نادمه .~
حوا وادم .. خلووني بمستوى خادمه .~

نسوني ولاحد سال عني .
تهنوا بحياتهم وتركوني ..
وانا الضحية ..
يالله
يالله
لاتسامحهم
عاقبهم
ويازمن
يازمن
دور فيهم
واهدم بيت اهلهم ..

ايه لو كانت امي بدعي عليها ..؛
لو كان ابوي بدعي عليه .~

هم السبب في كل هذا ..))

وقفت شوي وكتبت بإيد مرتجفه ختام هالكلمات ..

(( و اكتشفت اني ... لقيطه ..
لقيطه ......))

طاحت الطبشوره من ايدها وانهارت عالارض ودخلت في نوبة بكاء ..
متألمه بشككل محد يتصوره ..

**أنة حرف** · 12-09-2014, 05:48 PM

رد: واكتشفت اني .. لقيطه .. للكاتبةة صرخه المشتاقةة

صباح يوم الثلاثاء .. يوم جديد وصباح جديد يطوي اليوم اللي قبله والصباح اللي قبله ..
وهذه هي احدى ابطالنا نزلت من سيارتها ومعها شنطتها الجامعيه ..
قفلت باب السياره وحطت المفتاح في شنطتها ولفت رايحه للبوابه ..
بس وقفت لحضه وهي تطالع في سياره بانوراما زرقاء تميزها وتميز صاحبها عدل ..
ايه هي فعلا سيارته بس السؤال اللي محيرها شلون جت هالسياره هنا ..
تقدمت من السياره عشان تتأكد لأنه مستحيل تكون هنا ..
فتأكدت لمن شافت تعليقة المرايه .. كانت تعليقه فخمه ومنحوته بإسمه كمان ..
ميلت فمها بقرف وقالت: فعلا ذي سيارة ساموه المليغ ..
نزلت نظرها للكفره وابتسمت بخبث .. ودها تفشها مثل ما فشتها اول ..
ضحكت وفتحت شنطتها وطلعت مقص منها وجلست قدام الكفره ..
وبما انها بويه فقدرت تفشها بسهوله ..
وقفت وطالعت فيها وقالت: المره اللي راحت رحت مع ريان .. المره ذي مع منو ..؟! مع اني مستغربه متى رجعت من بريطانيا ..
ابتسمت ولفت فطاح نظرها على التعليقه حقت سيارته ..
طالعت فيها مره ثانيه .. قبل سنتين كانت تعشق هالتعليقه وصاحبها كمان ..
قبل سنتين كانت ما تطالع قدامها غير سامي وبس مع انها مخطوبه لولد خالتها سمير ..
وطبعا هالسامي كان يطالع في غيرها كثييييير ..
ضربت رجلها بقوه وحقد على كفرة السياره وهي تقول بقهر: هين .. هين ياولد سلطان .. هين ياولد سيلينيا .. والله لأندمك على لعبك بمشاعري .. والله لأعلمك منهو غيدا بنت منصور ..
لفت ودخلت للجامعه وجذبت انتباه الكل بلون شعرها الاحمر الصارخ الملفت للانظار ..
دق جوال غيدا برساله فوقفت وكانت وراها بنت منشغله بجوالها وتوها جايه .. ما انتبهت البنت لوقوف غيدا فصقعت فيها ..
رفعت راسها عن الجوال وقالت: هيه خير وقفتي فجأه ..
لفت عليها غيدا عشان تهزئ بس قالت بتفاجؤ: لين ..!!
طالعت لين فيها وقالت بطفش: هذا انتي ..؟!
حركة يدها بلا مبالاه وكملت طريقها وهي تطالع في جوالها ..
طنشتها غيدا وطلعت جوالها تشوف مين اللي ارسل لها رساله من الصباح ..
في ذا الوقت لفت عليها لين بحركه حاده وكأنها تذكرت شي ..
لين: صح نسيت اقولج .. بطلي جذب يا ماما ..
رفعت غيدا حواجبها وقالت: وشو ..؟! ابطل جذب ..؟! اصلا انا متى جذبت عشان ابطل جذب ..؟!
لين: لا تقعدي تلفي وتدوري ترى المسأله واضحه .. لمن رحتي للعزا رفيجتنا ما كانت مويوده فليش تجذبين وتقولين حالتها سيئه وتحتاج لكم .. بطلي جذب اوكي ..؟!
لفت وراحت وغيدا تطالع فيها بدهشه ..
غيدا: ذي شتقصد ..؟!
قعدت تقلب الامر في راسها وبدت تفهم كلام لين ..
غيدا: شلون اسيل ما كانت مويوده ..؟! إلا مويوده .. غاده طلعت لها في غرفتها ..
سكتت شوي تفكر بعدين قالت: لمن ارجع باسأل غاده ..
طالعت في الرساله وكانت من احدى الشركات ..
قفلت الجوال وحطته في شنطتها وهي تقول: صاحين من صباح الله خير عشان يرسلون .. صج فاضين ..
مشيت واتجهت لجهة الكلاس فجاء في بالها سالفة خويتها بيشو ..
تنهدت واتجهت لمكتب الدكتور راكان ..
دقت الباب ودخلت فشافته هو لحاله جالس وحاط رجل فوق رجل فوق طاولته ويدقدق في الجوال ..
طالعت فيه مستغربه من جلسته والمشكله انه مو منتبه ان احد دخل .. حاط السماعات في اذنه وطاير في عالم ثاني ..
وقفت قدام المكتب وقالت بصوت شوي مرتفع: دكتور راكان ..
عقد حواجبه ورفع راسه .. لمن شافها نزل رجله وشال السماعات عن اذنه ..
د.راكان: ليه ما دقيتي الباب قبل لا تدخلين ..؟!
غيدا: دقيته بس ما سمعت رد فدخلت ..
د.راكان: المفروض ما تدخلين إلا لمن احد يسمح لج بالدخول ..
تنهد وحط السماعات والجوال في الدرج وقال: ها شكنتي تبغين ..؟! لا تقولين انج ما حليتي الواجب وتبيني اسمح لج .. ما راح اقبل اعذار ..
غيدا: لا .. انا ابيك بموضوع خصوصي ..
عقد حواجبه بإستغراب وقال: طيب ايلسي وقولي شعندج ..
جلست وسكتت فتره بعدين قالت: اسمع يا دكتور انا ابي احاجيك بخصوص رفيجتي بيشو .. اقصد بشرى ..
ابتسم بإستهزاء وهو يقول: رفيجتج ..؟!! على مين يا غيدا ..؟! انا عارف انها خويتج فمالو داعي اللف والدوران والجذب ..
فتحت عيونها بصدمه وتلعثمت وما دريت وش تقول ..
طالع فيها فتره طويله ينتضرها تتكلم بس كانت ساكته ومتلخبطه ..
د.راكان: شكلها شكت لج عن اللي انا سويته ويايه عشان تتوسطين لها اني انسى السالفه ..
هز راسه وقال: لا .. يوم الاحد ان ما يت تعتذر فراح اتسبب في فصلها وهذا اخر كلام عندي ..
طالعت فيه وهي تسأل نفسها: "هذا شدراه ان بيشو خويتي .. مصيبه اذا وصل هالخبر لأدارة الجامعه" ..
د.راكان: اللحين تبين شي ثاني يا غيدا ..؟!
غيدا: ها .. لا ..
د.راكان: عيل لا تنسين تذكرينها .. وكمان ياليت ما اشوفها في كلاسج مره ثانيه يكون احسن ..
وقفت وقالت: ان شالله .. باي ..
خرجت وتكت عالجدار وهي حدها مرتبكه وخايفه ..
غيدا: بجد شي محير .. ذا شدراه عن بيشو ..؟! ان شالله ما يوصل خبر لأي احد ..
طالعت في ساعتها واتجهت لمحاضرتها ..
فتح راكان الدرج وطلع الجوال والسماعات .. فدق منبه جواله في هالوقت ..
د.راكان: اوووف هذا وقته ..
قام واخذ كتبه واوراقه وراح للكلاس لأن وقت المحاضره بدأ ..
دخل الكلاس وقال: السلام عليكم ..
ردوا الطلاب: وعليكم السلام ..
راح للمكتب وحط الاوراق والكتب وقال: اللي ما حل الواجب يوقف ..
بدأوا الطلاب يطلعون واجبهم قدامهم و الدكتور راكان يطالع فيهم ..
د.راكان: يعني الكل حل ..؟!
ردوا بأصوات مختلفه: ايوه ..... اكيد ..... انا حليت .....
ابتسم وقال: هههه شي حلو .. صايرين شطار وتحلون الواجب ..
قالت وحده من البنات: هههه اللي يشوف عقابك مستحيل ما يحل .. حتى لو كان على فراش الموت ينسى سالفة الوصيه ويحل الواجب هههههه ..
الطلاب: هههههههههههههههههههههههههههههههههههههههههههههههههه هه.....
وقفوا ضحك على صوت فتح الباب ..
دخل واحد واول ما شاف الدكتور ابتسم ابتسامة ترقيع ودخلوا اصحابه وراه ..
رفع الدكتور راكان حواجبه وقال: يا سلام صح النوم .. تبوني اجهز لكم الريوق يا حبايبي ..؟!
ابتسم وقال: والله فيك الخير يا دكتور بس احنا متريقين وما نبي نتعبك ..
د.راكان: لا يا شيخ .. احلف ..
ضحك وقال: ههههههه الله يقطع ابليسك ذكرتني بأسيل .. دايم تقول جذي ..
د.راكان: ومنو اسيل ذي يا سامي .. اكيد وحده من خوياتك ..
فقع الطلاب ضحك على شكل سامي المصدوم .. حتى يزيد وريان ضحكوا عليه ..
ريان: هههه المفروض تكون خويته بس هي .....
قاطعه سامي: محد كرشني ..
د.راكان: لا وكارشتك بعد .. ياللا احسن عشان تبطل مغازله ..
سامي: دكتور انت شدراك ..؟!
د.راكان: عبالك اني غشيم ما اعرف شي .. واللحين ممكن اعرف ليش التأخير ..؟!
سامي: ما تأخرنا كثير ..
د.راكان: عشر دقايق يا بابا .. ياللا قولوا ليش التأخير ..؟!
سامي: اممم كنت انتظر واحد من اصحابي تأخر ..
د.راكان: منهو ..؟!
سامي: رفيجي عادل ..
د.راكان: في اي قسم ..؟!
ريان في نفسه: "ذا الدكتور ما يبطل لقافه" ..
سامي: قسم عن الكيمياء بس ما اعرف وش هو ..
كمل بحماس: هذا عادل اللي اخذ الاول عالدفعه الترم الاول ..
د.راكان: ما سمعت عنه .. المهم ليش كنت تنتظره ..؟!
لقط سامي وجهه وهو يقول: كنت ابي احاجيه قبل لا ادخل المحاضره ..
د.راكان: تبي تكلمه .. طيب وش كنت تبي تقوله ..؟!
سامي في نفسه: "يا ربييي متى بتخلص يلسة التحقيق هذي" ..
يزيد: وقت المحاضره بيخلص يا دكتور ..
د.راكان: ما راح تدخل يا زياد لين اعرف وش كان يبي من رفيجه ..
سامي: هههههههههههههههههههههههههههههههه ..
طالع الدكتور فيه وقال: شفيك تضحك ..؟!
يزيد بهدوء: دكتور انا اسمي يزيد مو زياد ..
د.راكان: ماكو فرق .. المهم ياوبوا وش كنتم تبون تقولون لرفيجكم ..؟!
ريان: كلام خاص يا دكتور ..
رفع الدكتور حاجبه بعدين قال: والكلام الخاص هذا اهم من محاضرتي ..؟!
سامي: لا ..
د.راكان: عيل يا انكم تقولون شسالفه او اكتب لكم غياب .. ياللا بسرعه ولا تعطلوني ..
طالعوا في بعض فقال سامي: بغيت اتسلف منه شوية اقلام ..
طالع فيه الدكتور نظره تقول ان كذبتك بايخه ..
طالع في ساعته بعدين قال: ادخل ادخل يا جنط انت وياه .. وبعدين اجذبوا جذبه صاحيه مو سامجه .. اوكي ..؟!
ابتسم سامي وقال: سوري ..
دخلوا وراكان يطالع في سامي بإستغراب .. في وجهه اثار تبين انه متهاوش ..
بغى يسأله بس بطل وراح للمكتب وبدأ محاضرته ..

اما عن دانا اللي كانوا ينتظرونها كانت في سيارتها موقفتها في مواقف الجامعه ..
ماسكه الدركسون وحاطه راسها عليه ومغمضه عيونها وفي عالم ثاني ..
وطبعا تفكر في راشد الشعلان ..
مقهووووره .. اخوها عالكرسي وذا يتمشى وبكل عربجيه ..
اخوها يدفع دم قلبه عشان يتعالج وذا يلعب بالفلوس لعب ..
اخوها متحطم في كل شي بسببه وهو ولا هامه ..
بجد مقهوووره منه وتبي تنتقم بس ما تدري كيف ..
ودها تبرد قلبها بس مو عارفه شلون ..
تنهدت ورفعت راسها وتذكرت اللي صار امس بينها وبين راشد ..
دانا: ما راح يسكت .. انا كمان ما راح اسكت ..
ابتسمت غصب عنها لمن تذكرت جرئتها وهي تكلم راشد .. بجد ماهي مصدقه نفسها انها وقفت في وجه واحد مشكلجي مثله ..
دانا: كنت اذا سمعت اسمه ارتعب .. بس اللحين لا ..
كملت بقهر: والله لاراويك وما راح اطلع جبانه جدامك .. انا اعترف انك تخوفني بس عادل اهم من نفسي .. هذا تؤامي ..
سكتت فتره بعدين نزلت من السياره ودخلت للجامعه واتجهت لمكان الشله فشافته فاضي ..
دانا: شكلهم في محاضراتهم ..
طالعت في ساعتها واتجهت للكلاس لأنه باقي عشر دقايق على بداية محاضرتها ..

**أنة حرف** · 12-09-2014, 06:00 PM

رد: واكتشفت اني .. لقيطه .. للكاتبةة صرخه المشتاقةة

الساعه عشره وفي احدى كلاسات الصف الاول .. كان اللي يلقي المحاضره هو الدكتور تركي ..
كتب ملخص المحاضره عالسبوره فقالت وسن للين: لين اديني قلم اخضر ..
لين وهي تقلدها: اديني قلم .. شذي الرقه ..؟! قولي اعطيني مو اديني ..
وسن: اوووف بتديني ولا شلون ..؟!
لين: اخسس صايره تهددين .. طيب بعطيج لا تاكليني ..
اعطتها القلم فقالت وسن: لين ..
لين: ها ..
وسن: ندى ليش غايبه ..؟!
هزت كتفها وهي مشغوله في كتابة الملخص ..
وسن: تيب بسألج اسيل متى ترجع تداوم ..؟!
لين: مدري .. بس اكيد الاسبوع الياي ..
وسن: اممم تيب اليوم ايش ..؟!
لين: الثلاثاء .. ها خلصت اسألتج ..؟!
وسن: تقريبا ..
كتبوا الملخص وبعد ما خلصوا بدأوا يطلعون لأن محاضرتهم انتهت ..
خرجت لين ووسن فقالت وسن: سارا وليان متى بتخلص محادرتهم ..؟!
لين: قبل عشر دقايق دخلوا .. يعني مطولييين ..
وسن: تيب انا يوعانه ..
لين: امشي نروح للكافتيريا لأني يوعانه كمان ..
اتجهوا للكافتيريا وقالت لين: يا ربيييه نسيت بحث الدكتوره نوال .. اللحين وش يفكني من لسانها وتهزيئها ..
وسن: بس هي تيينا باجر مو اليوم ..
لين: بجد ..؟!
وسن: ايه ..
لين براحه: حلو ..
دخلوا الكافتيريا ووقفوا قدام الشباك ..
لين: وش نفسج ناكل ..؟!
وسن: مدري .. اي شي يشبع ..
لين: اممم شرايج ناك....
وما امداها تكمل كلامها لأن وحده صقعت فيها صقعه قوويه لدرجة ان الكوفي اللي في إيد البنت انكب نصه على لين ..
فارت اعصاب لين ولفت عالبنت وقالت بعصبيه: عميا انتي ما تشوفي .. هبله غبيه ..
تنرفزت البنت من صراخ وسب لين فقالت: حشمي لسانج ولا تسبي ..
انتبهت البنت للين فقالت: هذا انتي رفيجت بنت ييران حمودي ..
تكتفت لين وقالت: طول عمري وانا اقول ان حمودج خايس بس اكتشفت انج اخيس منها ..
عصبت بيشو وقالت بصراخ: كلي تبن ولا تسبي حموود ..
تنرفزت لين وقالت بعصبيه: ما ياكله إلا انتي واشكالج يالمعفنه .. بجد انج بنت واطيه ..
بيشو بعصبيه: زودتيها يا لينوه وراح اراويج من منا هي الواطيه يالزباله ..
عصبت لين وصفقت بشرى كف وهي تقول: زباله في ويهج .. قبل لا تسبين اعرفي مع منو تحاجين يا الجلبه ..
انصدمت بيشو من الكف الجامد اللي اخذته ففارت اعصابها وهجمت بقوه على لين تضاربها ..
دخلت لين مع بيشو في تشابك بالايدي وشد الشعر والسب واللعن ..
خافت وسن وبعدت عنهم وقالت بخوف: لين خلاص وقفي ..
بس ابدا لين مو جنبها .. بجد خافت وسن وبدأت الدموع تتجمع في عيونها ..
كل طلاب وطالبات الكافتيريا كانوا واقفين يراقبون هالمضاربه الجججاممده ولا احد فيهم فكر انه يتدخل ..
اصلا مجنون اللي يفكر يتدخل لأنهم كانوا متوحشات وكل وحده فيهم عملت خريطه في وجه الثانيه ..
وسن بصراخ: لين الله يخليكي وقفي ..
وطبعا صراخ وسن طار في الهواء ..
سمعت جنبها ولد يقول لصاحبه: يا سلام امس اولاد تضاربوا واليوم بنات .. اخاف باجر يتضاربون دكاتره ههههههه ..
لفت وسن عليه وقالت: لو سمحت ادخل وفرق بينهم .. اخاف على لين ..
الولد بإستنكار: لا لا انا اخاف على روحي .. بالله طالعي زين فيهم شلون يتضاربون .. حتى العيال ما يتضاربون جذي .. شوفي شلون كل وحده سيلت دم الثانيه .. سوري ماني بايع عمري ..
لفت وسن عليهم وحست بالعبره تخنقها وهي تشوف الدم وهو يسيل من لين ..
نزلت دموعها بخوف من شكل الدم .. غصب عنها تبكي اذا شافت قطرة دم ..
مسحت دموعها بظهر كفها فسمعت صوت ..
لفت على ناحية الطلاب فشافت ولد يدخل من بينهم ولمن وصل وقف مصدوم وهو يطالع في المضاربه ..
بجد انصدم الولد .. من متى والبنات يتضاربون كذا ..
تقدم من عند لين وبيشو ومد ايده وفك الاشتباك اللي بينهم بقوه ودف كل وحده في جهه ..
الولد بعصبيه: بنات انتو ولا شنو ..؟!
لين بعصبيه: انت شدخلك .. ابعد قبل لا احفر قبرك ينب قبر هالحقيييره ..
بيشو بصراخ: انجبي وحشمي لسانج يا بنت الميانين ..
انفجرت اعصاب لين بقوه وجت بسرعه لجهة بيشو وهي تقول بعصبيه: لا تسبي اهلي يالملعونه ..
فتحت بيشو عيونها بعصبيه وهي تقول: انا ملعونه ..؟؟!!!!
ودخلوا في مضاربه والولد يطالع فيهم بعصبيه ..
دخل بينهم واعطى كل وحده فيهم ضربه محترمه عنيفه وبعدهم بقوه عن بعض ..
طالع فيهم وقال بتهديد: اتوقع اني فكيتكم قبل جذي .. والله لو دخلتوا في مضاربه ثانيه راح اعطي كل وحده ضربه على راسها عشان تفقد وعيها واريحها ..
كل الطلبه اندهشوا وانصدموا من حركة هالولد لمن مد ايده عليهم وضربهم بقوه ..
بجد ولد جريء ..
واللي ادهشهم اكثر انهم اول مره يشوفون فيها هالولد ..
اما لين وبيشو فتوهم انتبهوا للولد .. وبعد تهديده هذاك سكتوا بخوف ..
نبرة صوته ونضراته الحاده بجد حسستهم بخوف ورعب ..
جت وسن عند لين وقالت بخوف: لين انتي بخير ..؟!
هزت لين راسها وهي تطالع في الولد بعدين لفت نظرها ناحية بيشو وطالعت فيها بنظرات شرسه ..
لفت وسن على الولد وقالت بصراخ: انت ليييش تمد ايدك على لين .. هذيج البنت هي الغلطانه مو صديقتي ..
طالع الولد فيها بنظرات بارده بعدين لف وخرج من الكافتيريا وخرجوا وراه اصحابه الثلاثه ..
ابتسم واحد منهم وقال: هههه بجد لفت الانظار لك يا مهند ..
ضحك الثاني وهو يقول: حرام كنت شرس في معاملة البنات ههههه ..
مهند بهدوء: احسن ..
قال صاحبهم الثالث: ياخي بجد هالبنتين غريبات .. وين النعومه والرقه والانوثه .. بجد بديت اخاف من الزواج ..
ضحك الاول وقال: هههههه شكلك بتظل عازب يا احمد ..
احمد: ههههههه والله العزوبيه حلوه .. شرايك تخاويني يا لؤي ..؟!
لؤي: لا لا مستحيل .. شوف مهند او مازن يمكن يخاونك ..
مازن: صحيح اني بديت اخاف من عنصر البنات اليديد بس مستحيل اظل عازب .. الاستقرار حلو ههههه ..
لؤي: ههههههه وانت يا مهند شرايك ..؟!
طالع فيهم بعدين قال ببرود: الزواج مو من اهتماماتي ..
احمد: هههه عيل ماكو غيرك يخاويني ..
ابتسم بهدوء وعقله طاير بعيد ..

** مهند عبد الحليم .. عمره ٢٤ سنه في الصف الثاني جامعه .. درس لين الترم الاول وحصلت له ظروف واللحين رجع بعد اربع سنوات عشان يدرس الترم الثاني .. انسان بارد وعليه نظرات حاده تخوف اللي قدامه .. انسان جذاب وبقوه بملامحه وجسمه الرياضي وشكله .. واكثر شي يجذب فيه هو جرح صغير يقسم حاجبه اليسار من الحافه **

**أنة حرف** · 12-09-2014, 06:13 PM

رد: واكتشفت اني .. لقيطه .. للكاتبةة صرخه المشتاقةة

في مكتب الدكتور تركي ..
كان جالس ويطالع في الثلاث بنات اللي قدامه ..
د.تركي: ياء واحد وقالي في مضاربه في الكافتيريا فييت وبالي كله انه اللي يتضارب هم عيال .. لمن وصلت صدمت ..
طالع في لين وقال: انتي يا لين ..؟! بجد ما توقعت انج جذي ..
انحرجت لين من تغير نظرة الدكتور اتجاهها ..
وسن: دكتور لين مو غلطانه .. هذي هي الغلطانه ..
واشرت ناحية بيشو وكملت: هي كبت على لين الكوفي وما اعتذرت .. بالعكس طولت لسانها ..
بيشو: لين هي اللي بدأت في طوالة اللسان مو انا .. وكمان انا ما اعتذر للاشياء السخيفه زي جذي ..
لين بحده: ما السخيف الا انتي واشكالج ..
د.تركي: شرايكم تكملون المضاربه هني احسن ..؟!
سكتوا وطالعوا فيه ..
اشر الدكتور عالمرايا وقال: بالله عليكم طلوا في اشكالكم شلون صايره .. حتى العيال ما يساوون جذي .. انتم متأكدين انكم بنات ..؟! اشك والله ..
ضرب ايده بالمكتب وقال: انتم عارفين انكم حتتعاقبون على هذا .. هنا جامعه .. عارفين شنو يعني جامعه ..؟!
لين: خلاص يا دكتور هذي اخر مره .. بلييز لا توصل الامر للاداره ..
د.تركي: معليش يا لين بس اللي عملتوه مو سهل ابدا ..
لين: طيب سامحني .. هذه اول مره تشوفني ..
د.تركي: اول مره اشوفج ..؟؟!! ليه انتي جم مره تضاربتي ..؟!
تورطت لين وقالت: لا هذه اول مره .. بس قبل كنت اتخاصم بالكلام بس ..
طالعت وسن فيها بإستغراب وقالت: لا نسيتي هند .. الاسبوع اللي راح تضاربتو بالايادي و....
دعست لين على رجل وسن عشان تسكتها فصرخت وسن: اه ليش تدقيني بقوه .. عورتني ريلي ..
رفع الدكتور حاجبه وهو يطالع في لين وقال: يعني تجذبين كمان ..
لين بسرعه: سوري سوري ووعد مني اني ما اعيدها يا دكتور .. صدقني اخر مره بأتضارب واخر مره اجذب .. واللي يسلمك لا توصل خبر للاداره .. الله يخليلك اهلك وعيالك وكل قبيلتك لا تقول لأحد ..
ابتسم بهدوء وقال في نفسه: "عيالي ..؟! كانت بنت وحده بس ماتت .. الحمد لله على كل حال" ..
لين بفرحه: شفتك تبتسم .. يسس يعني وافقت ..
انتبه لها الدكتور وقال: منو قال ..؟!
لين بإحباط: إلا .. انا شفتك .. انت ابتسمت يعني وافقت .. صح ..؟!
د.تركي: لا ما وافقت ..
لين: دكتوووور امانه لا تقول للاداره .. بلييييز ..
وسن: دكتور لا تكون فتان ..
رفع الدكتور حاجبه وقال: ليه هذا يسمى فتنه برايج ..؟! هذا اسمه تطبيق قوانين مو فتنه ..
وسن بثقه: إلا فتنه .. اللي يعلم عالناس يسمى فتان .. و الله قال ان الفتنه اشد من القتل .. يعني لو تقتل لين اهون من انك تفتن عليها ..
عقد الدكتور حواجبه وهو يقول: يا وسن يا حبيبتي شذا الحجي ..؟! جم مره بأقولج ان هذا مو فتنه .. هذا تطبيق قوانين .. هذا مو فتنه .. وكمان ما يصير تتهمين الدكتور جذي ..
وسن: ليه يعني تبينا نسكت عن الحق ..؟! يا دكتور اللي يسكت عن الحق يصير زي الشيطان الاخرس اللي ما يتكلم ..
تنهد الدكتور وقال: شلون راح اتفاهم معاج ..؟!
قعد فتره طويله وهو ساكت يطالع فيهم بعدين قال: سمعوني .. هذي اخر مره امشيها لكم ..
نطت لين من الفرحه وهي تطالع فيه اما بيشو فكانت تطالع بعدم مبالاه ..
د.تركي: بس ان تكررت مره ثانيه راح يكون عقابكم شدييد جدا .. مفهوم ..؟!
لين بإبتسامه: مفهوم يا احلى دكتور في هالدنيا .. بجد بجد انت افضل الدكاتره في انحاء المجره كلها ..
وسن بإستغراب: ليش في كواكب تانيه عليها دكاتره ..؟!
لين: مدري .. يمكن .. كل شي جايز في هالعالم ..
د.تركي: واللحين اطلعوا برى غسلوا ويوهكم واظافركم اللي كلها دم .. حشى فلم رعب مو بنات ..
لين: حاضر ..
طلعت هي ووسن وطلعت وراهم بيشو اللي قالت: بجد مافي كرامه .. اذا علي فأنا افضل الفصل بس ما اهين نفسي جدام احد ..
طنشتها لين وراحت هي ووسن للحمامات بعد ما اخذوا شنطهم ..
وقفت قدام المغسله وبدأت تغسل وجهها وبعدين مسحته بالمناديل ..
لين: شكل ليان وسارا بيتأخروا .. كان نفسي انهم يطلعون اللحين عشان اخليج عندهم لأني بروح البيت ..
وسن: ليه ..؟! لين لا تروحين وتخليني بروحي ..
لين: ما اقدر .. بلوزتي كلها كوفي .. لازم ابدلها ..
وسن: طيب بدليها وارجعي .. ورانا محادرتين وما ابي اقعد بروحي ..
لين: والله مشوار ..
وسن: عادي ..
لين: تعب .. بروح البيت واصكها نومه احسن ..
وسن: لييييين امانه ..
طالعت فيها لين بعدين قالت بإستسلام: اوكي افكر ..
وسن: لا ما تفكرين .. لازم ترجعين ..
ابتسمت وقالت: اوكي عشانج بس ..
وسن: هههه حلو ..
لين: عيل انتظريني نص ساعه وايي ..
وسن: تيب ..
طلعوا برى الحمامات وراحت لين اما وسن فجلست على احدى الكراسي وطلعت جوالها تدقدق فيه ..
بعد ربع ساعه سمعت احد يقول: كيفج وسن ..؟!
استغربت ورفعت راسها تشوف من هالولد فأبتسمت اول ما شافته وقالت بفرحه: بسام ..
ابتسم وقال: ايه بسام .. هههه شفيج مبسوطه ..؟!
وسن: هههه لأني شفتك .. كيفك ..؟! ومنو هدا ..؟!
لف على صاحبه وقال: هذا رفيجي بندر ..
بندر: اهلين وسن ..
وسن: اهلين .. صار عندك اصحاب بسرعه ..
بسام: هههه تقريبا .. بس انتي شتقصدين لمن قلتي لأني شفتك ..؟!
وسن: انا انبسط اذا شفت احد اعرفه ..
بسام: اها .. طيب شفيج يالسه بروحج ..؟!
وسن: انتظر رفيجتي لين لأنها راحت البيت تبدل هدومها وبترد ..
بسام: طيب انتي عندج رفيجات ثانيات .. وينهم ..؟!
وسن: ليان وسارا عندهم محادره .. ندى واسيل غايبات ..
ابتسم بسام وقال: محادره ..!! حلو نطقها عليج هههه ..
وسن: بجد ..؟! حتى ابوي يعجبه كلامي ..
بندر: واضح انج مدلعه وايد ..
وسن: كل الناس يقولو جذي مع اني احس نفسي عادي ..
بسام: طيب تسمحين لنا نيلس معاج شوي لين ترد رفيجتج ..؟!
وسن بفرحه: ايه عادي ..
جلسوا وقال بسام: كيف الدراسه وياج ..؟!
وسن: مرا حلوه .. وانت سرت تحب الجامعه ولا لا ..؟!
بسام: هههه لا حبيتها ..
وسن: حلو ..
بندر: اقولج ليش حبها ..؟! لأني مويود فيها ..
بسام: يا واثق ..
بندر: ههههههههههههههههه ..
وسن: بجد يا بسام ..؟!
بسام: لا لا تصدقينه ذا جذاب ..
بندر: انا جذاب يا بسام ..؟!!! الله يسامحك ..
وسن: بس بندر يقول انو مو جذاب ..
بسام: اقولج لا تصدقيه .. ذا اكبر نصاب ..
وسن: ليه تغير كلامك .. اول تقول جذاب واللحين نصاب ..
بندر: ههههه لأنه انسان مفتري يا وسن ..
وسن: وش يعني مفتري ..؟!
بندر: يعني انسان يتهم الناس بشي جذب ..
وسن: اها ..
بسام: وسن لا تكونين صدقتيه ..؟!
طالعت وسن فيه فتره وهي ساكته بعدين قالت: بسام خلاص انتو سرتوا اصدقائي ..
بسام بإستغراب: ماني فاهم ..
وسن: يعني لا تنادوني وسن ..
بسام: عيل شنو نناديج ..؟!
وسن بإبتسامه: نادوني كارلوتا ..
بسام بتعجب: كيرلوتا ..!!!
وسن: هههههههههههههه ..
بسام: شفيج تضحكين ..؟!
وسن: انت تنطق كارلوتا بطريجه غريبه بس وايد حلوه هههه ..
بسام وهو يجرب الاسم: كيرلوتا .. كيرلوتا .. بجد اسم غريب ..
بندر: انا اشوف ان اسم وسن احسن ..
وسن: بس انا عاجبني هدا ..
بسام: كيرلوتا ..!!! تصدقين .. احسه حلو .. احس في هالاسم شي حلو ..
وسن بفرحه: يعني اعجبك متل ما اعجبني ..
بسام: ايه اعجبتني طريجة نطقه ..
وسن: بس انت ما تنطقه صح .. بس احسن لأن الطريجه اللي تنطقه فيها مررا حلوه واعجبتني كتييير ..
بندر في نفسه بإستغراب: "كارلوتا ..!! شعجبهم بهالاسم الغريب ..؟! وسن احلى بمليون مره من كارلوتا" ..
اما بسام فسكت وقعد يردد الاسم في نفسه عشان يحفظه ..
طالعت وسن فيه وتتفحص وجهه بنظراتها ..
انتبه لها بسام وقال: شفيج ..؟!
نزلت راسها شوي تطالع في وجهه من تحت فأستغرب اكثر وقال: شقاعده تطالعين ..؟!
وسن: وين الجرح اللي جرحتك في صالة التزلج ..؟!
بسام: اوووه ذاك الجرح .. هههه بجد كان مؤلم بس خلاص راح واختفى ..
وسن بحزن طفولي: مؤلم ..؟! يعني عورك اول وانت تقول ما عورني .. بسام انا اسفه لاني ما كنت اقصد ..
بسام: ههههههههههه اللحين كملت العاشره .. هذه المره العاشره اللي تتأسفين فيها .. قلت لج عادي شفيج ..؟!
وسن: ما اصدقك انت جذاب .. قبل شوي قلت مؤلمه معناته انها تعورك ..
بسام: كنت اتغشمر وياج .. صدقيني ما عورتني ابدا ..
برطمت وهي تطالع فيه بنظرات عدم تصديق وقالت: جذاب ..
ابتسم وقال: تعجبيني وانتي مبرطمه .. بالله خليج زعلانه ولا ترضي ..
بندر: هههههههه شهالطلب المشقلب ..؟!
جت لين في هالوقت وقال: اووه بسام هني .. اهلييييين ..
طالع فيها بسام وقال: هلا .. كيفج لين ..؟!
لين: تمام ..
بسام: اعرفج على رفيجي بندر ..
بندر: شحالج لين ..؟!
لين: تمام .. وانت ..؟!
بندر: الحمد لله بخير ..
بسام: شذا اللي في ويهج ..؟!
لين: حاولت اخفيه بالميك اب بس بقيت اثار .. ههههه كنت اتضارب مع وحده اكبر مني بسنه ..
بسام: بجد .. عسى ما تأذيتي ..؟!
لين: شوي .. بس من ناحية الشعر كنت مصيطره لأن شعرها اطول من شعري ههههه ..
وسن بعتاب: لا تضحكي يا لين .. انا كنت بموت خوف وانتي تضحكي اللحين .. لا تعيديها مرا تانيه واللي يسلمج ..
ابتسمت لين وقالت: من عيوني بس اذا احد غلط لازم اوقفه عند حده ..
مدت شفايفها بعدم رضى بعدين قالت: كمان لا .. ما ابيج تتأذي اكتر ..
تنهدت بعدين قالت بإبتسامه: من عيوني .. جم كارلوتا عندي ..؟!
وسن بإبتسامه: وحده ..
قاموا بسام وبندر وقال بسام: ياللا مانبي نزعجكم اكثر .. ورانا محاضره ..
لين: اوكي براحتكم ..
بسام: باي يا .. كيرلوتا ..
وسن: ههههه باي ..
راحوا بسام وبندر جهة كلاسهم ..
بندر: اقول بسام ما ياوبتني .. منو ذي ..؟!
بسام: وحده قابلتها هي وشلتها في احدى صالات التزلج الاربعا اللي فات ..
بندر: بصراحه دشت البنت قلبي ..
بسام: ايه صح مرره عسوله وكيوت .. تينن هالبنت ودي اكلها ..
بندر: هههههههههه ..
بسام: كل شي فيها حلو .. حتى دلعها طفولي ويهبل .. خاصتا لمن تبرطم ههههه ..
بندر: هههههه فعلا ..
دخلوا كلاسهم وبدأوا يحضرون للمحاضره الجايه ..

**أنة حرف** · 12-09-2014, 06:25 PM

رد: واكتشفت اني .. لقيطه .. للكاتبةة صرخه المشتاقةة

في نهاية الدوام كان سامي واقف مع شلته وقال: لا تنسون .. بعد اذان العصر تكونون عندي ..
يزيد: بسألك سؤال واتحداك تياوب ..
سامي: وشو ..؟!
يزيد: جم مره قلت هالكلام ..؟!
سامي: هههههههههههههههه ..
يزيد: اذيتنا ياخي .. خلاص والله فاهمييين .. اقسم بالله اذا عدتها مره ثانيه راح اسحب عليكم وما ايي ..
سامي: هههههه خلاص اخر مره ..
عماد: بجد هالحفله راح تقتل الطفش اللي بداخلي ..
دانا بإحراج: يا جماعه مو لازم انا ما ابي ..
سامي: السؤال اللي وجهه يزيد لي راح اوجهه لك .. جم مره قلت هالحجي ..؟!
دانا: انا ما ابي اكلف عليكم او.....
سامي: بس بس لا تفتح اسطوانه قديمه ومعروفه ..
سكتت وهي تطالع فيهم .. بجد مو راضيه وقلبها قارصها وبقوه .. تحس انه بيصير شي ما تبغاه ..
صالح: عيل مع السلامه انا رايح ..
سامي: لا تنسى تيي بعد العصر على طول ..
صالح: اوكي ما بنسى ..
فراح لسيارته واتجه لبيته ..
دانا: اممم طيب انا ما اعرف طريج بيتك ..
سامي: عادي هذي مو مشكله .. اذا تبيني انا بنفسي ايي لبيتك واخذك عادي ..
دانا بسرعه: لا لا مب لازم .. انت قول لي في اي منطقه وانا ايي واذا قربت بأتصل عليك عشان توصف لي ..
سامي: هههه اوكي .. طيب شفيك رفضت فجأه وبخوف .. خايف اني اكلك مثلا ..؟!
دانا بترقيع: ها .. لا .. بس ما ابي اكلف عليك ..
سامي: ترى انت صجيتنا بما ابي اكلف عليكم .. شفيك ..؟! تراك صاير من الشله لك اكثر من شهرين .. شفيك تحاجينا وكأنك غريب ..؟!
دانا بإحراج: م ماكو شي .. ياللا باي بروح البيت ..
راحت فقال سامي: مازال منحرج منا ..
يزيد: فعلا ولد مؤدب .. احسه بيخرب اذا يلس معاك انت او عماد ..
عماد: انا شدخلني ..؟!
يزيد: اخاف سامي يدخل في مخ هالبريء حكاية المغازله والانحراف اللي ماشي فيه .. اما انت محد بهالدنيا قدك في اصطناع المشاكل .. مره مصيده ومره جرو ومرات كثيره اشياء مينونه .. بليييز ابعدوا عنه لا تخربوه ..
سامي: يعني شلون .. نطلع من الشله ..؟!
يزيد: طبعا لا .. بس ابعدوا هالعادات عنه ..
سامي بتسليك: يصير خير ..
هز يزيد راسه وقال: عالعموم باي انا رايح ..
سامي: باي ولا تنسى تيي بدري .. لا تتاخر ..
يزيد: خلاص انا قررت .. بأسحب عليكم وما بأيي ..
سامي بتفاجؤ: ليش ..؟!
يزيد: لأني قلت اذا عدت كلامك راح اسحب ومع هذا طنشتني وعدت ..
سامي: هههه يووه نسيت .. سوري اخر مره ..
ابتسم يزيد وراح ..
سامي: مو كأن فيه واحد ناقص في الشله ..
عماد: امبلا .. وين الشيخ ريان ..؟!
سامي: مدري .. قبل شوي كان معانا ..
ريان: انا هنا ..
لفوا فشافوه جالس يدقدق في جواله ..
سامي: شقاعد تسوي ..؟!
ريان بقهر: هيئة الاتصالات الغبيه .. مدري شفيهم يسحبون من رصيدي فلوس يوميا .. لازم اتفاهم معهم بس المشكله ما يردون .. يقولون حاول مره ثانيه لأنهم مشغولين ..
عماد: هههههههه طيب يمكن انت مشترك بخدمه ..
ريان: ما اشتركت ولا احب اشترك في خدمات الموبايلات .. اووف بجد قهر ..
سامي: ههههههههه الله يعينك ..
طالع في ساعته وقال: ياللا شباب انا رايح .. باي ..
عماد: باي ..
قام ريان وقال: حتىانا رايح بس مو للبيت .. للشركه المعفنه هذي ..
راح ريان وعماد كل واحد لبيته ..
اما سامي فراح لسيارته ركبها وراح لبيته ..
خخخ لا امزح .. وقف قدام باب السياره عشان يطلع المفاتيح ..
.......: يا اخ ..
لف سامي وقال: هلا ..
اشر عالكفره وقال: كفرة سيارتك مو صالحه ..
عقد سامي حواجبه ونزل نظره للكفره فشافها مخروقه بشيء حاد ..
عصب وضرب برجله عالكفره وهو يقول بقهر: غيداؤؤه الجلبه ..
اسند ايده عالسياره وهو يطالع في الكفره بقهر وحقد بعدين طلع جواله عشان يتصل بأحد اصحابه ..
بغى يتصل بس بطل .. اللحين تعبانين وما يبغون غير يوصلون لبيتهم وبس ..
تقدمت منه وقال بنعومه: تعال اوصلك بسيارتي ..
لف وجهه عليها واول ما شافها تنرفز وقال: تقلعي عن ويهي يا انسه اروى قبل لا اتهور وأأذيج ..
ابتسمت اروى وقالت: كل شي منك انا ارضى فيه ..
عض على شفته بقوه من العصبيه فجاء في باله شي ..
طلع جواله واتصل وهو يطالع في اروى ..
شوي قال: اهلييين بقلبو ريماس كيفج حياتي ..؟!
ريماس بخجل: تمامو ..
سامي: يالبى هالتمام وصاحبة التمام ..
ريماس: ثانكس قلبو ..
سامي: يا حياتي انا .. احلى ثانكس سمعته بحياتي ..
طالعت اروى فيه بحقد .. هي عارفه انه متقصد .. بس ابتسمت بثقه وهي تقول في نفسها: "انت لي .. طال الزمان او قصر" ..
سامي: اقول حياتي انتي وينج ..؟!
ريماس: توني طلعت من باب الجامعه ..
سامي: حلو .. طيب قلبو ابي منج خدمه صغنونه ..
ريماس: انت تؤمر ..
سامي: يا حياتي انا .. بصراحه بغيتج توصليني لبيتي .. سيارتي خربت وما عندي سياره اروح فيها ..
ريماس: بسس ..؟!! من عيوني ..
سامي: تسلملي هالعيون والله .. انا انتضرج في مواقف السيارات .. باي روحي ..
ريماس: باي ..
قفل سامي جواله وقال: خلاص مستغنين عن خدماتج يا انسه اروى ..
ابتسمت بإبتسامتها الواثقه وقالت: اعرف انك مستغني عن خدماتي .. بس بيي يوم اكون انا كل خدماتك .. باي حياتي ..
حركت ايدها تودعه وراحت وسامي يتابعها بنضراته المتنرفزه من ثقتها ..
سامي: هذي شلون تفهم ..؟! يبيلها شي قوي يفهمها ..
ريماس بإبتسامه: هاي سامو ..
لف عليها وقال بإبتسامه: هاي يا بعد طوايف سامو ..
ابتسمت بعدين قالت: تعال اركب معاي انا والسايق عشان اوصلك ..
سامي: اكيد حأركب .. وعازمك على غدا في افخم مطاعم الدوحه كلها .. جم ريماس عندي ..
راح معها وفعلا غداها في احدى المطاعم الفاخره وبعدها رجع لبيته وكلم الحراس عشان يجيبون سيارته من الجامعه ..
بعدين دخل وبدأ يشوف التجهيزات اللي صلحتها ريندا عشان حفلة دانا ..

واكتشفت اني لقيطه ،للكاتبة صرخه المشتاقة (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget