الب[91]ارت



حلا فتحت عيونها بصدمه بدون ما تلتفت عليهم
ام عبد الله: متعب يما يبيك و شاريك
بو عبد الله:خذي وقتك و استخيري هذا زواج انتقال الى مرحله جديدة مو لعبة
ام عبد الله: بس يما استعجلي عاد شوي ابي افرح فيكم
بو عبد الله: سلوى
ام عبد الله: علامك
بو عبد الله لف حق حلا: يبا حل..
حلا قاطعته بهمس: ما ابيه
ام عبد الله بعصبية: نعم ؟؟ ما تبينه !! ليش ان شاء الله شايفه عليه شي .. شوفي الا ولد اخوي فاهمه
حلا ناظرتها بصدمه
بو عبد الله لف ع ام عبد الله: و يعني ولد اخوك هذا قرارها هي لف ع حلا بابا حلا خذي وقتك و فكري زين و استخيري هذا زواج مو لعبه و في النهاية هذا قرارك انتي
ام عبد الله: لا مو قرارها هي هذا ولد اخوي و مو ولد اخوي اللي يرفض
بو عبد الله تنرفز: و مو بناتي اللي ينغصبون ع احد
حلا قامت بهدوء و طلعت برا و ركضت بسرعه ما هي مستوعيه ان اللي خطبها هو نفسه { قاتل احلامها } صدمت بصدره جت بتمشي و تطنش اللي صدمته بس هو مسكها ولفها عليه و انصدم من الدموع اللي بعيونها بخوف: حلاوي ايش فيك ليش تبكين ؟؟
حلا: بعد عني بعد
ريان ثبتها: حلا تكلمي لا تخوفيني عليك
حلا زادت دموعها: بعد بعد اكرهكم اكرهكم
ريان سحبها لصدره و ضمها
حلا قعدت تضرب بصدره
ريان ضمها بقوة عشان تهدأ
حلا خفت ضرباتها و بدأت تهدأ بس ما وقفت شهقاتها
ريان بهمس: هديتي ؟؟
حلا وهي لسا تبكي: تبي تغصبني عليه اهئ انا ما ابيه ما ابيه
ريان وهو لسا ضامها: تغصبك ع مين ؟؟
حلا وهي تشاهق: ع م ت ع ب
ريان بعد عنها بصدمه: نعم ؟؟
حلا غطت وجها بيدها: ريان ما ابيه ما ابيه
ريان غمض عيونه بعصبية و رجع فتحها وسحبها له وضمها مره ثانية << عجبه الوضع اشوف .. : خلاص يا قلبي اهدئي ما راح تاخذينه
حلا: كيف كيف ؟؟
ريان: ما عليك خليه علي اوعدك اني ما راح اخليك تتزوجينه
حلا: ما تقدر ما تقدر
ريان: افا ما تثقين فيني؟؟ انا قد وعدتك بشي و ما نفذته ؟؟
حلا هزت راسها بأيه
ريان انقهر و ضمها بقوة لين حس انها راح تختنق بين يدينه .. شوي و بعد عنها: ما راح اخليك تاخذينه لو تنطبق السماء ع الأرض مسك يدها و سحبها معاه و جلسها ع وحدة من الكراسي جلس ع رجوله قدامها و طلع من جيبه منديل و مسح دموعها لا تتحركين بروح شوي و برجع
قام وراح للمطبخ و جاب لها قلاس ماي و رجع و عطاها اياه
حلا شربت شوي
ريان: احسن
حلا هزت راسها
ريان وقف: انا رايح انتظر اتصالك
و مشا
حلا استغربت منه بس ما اهتمت و حطت يدها ع الطاولة اللي قدامها و حطت راسها ع ذراعها و نزلت دموعها ع طول لما تذكرت متعب
*** ع البحر ***
كانوا يتمشون ع الشاطئ
عامر: ههههههه بس من جد فرحت لكم و ارتحت يعني ما كنت ابي أسافر الا لما اطمن ع ريوف
بدر: افا يا عامر ريوف بعيوني
عامر: و النعم فيك و الله
بدر: بس ما اوصيك اذا جبت بنت سميها ريوف و اذا جاك و لد سميه نفخ نفسه بدر
عامر: ريوف اوك بس بدر لا اسمح لي
بدر: ليش ايش معنى طيب ؟؟
عامر بمزح: خايف ع ولدي صراحة لا يتعقد من اسمه
بدر ضربه ع ظهره : مع نفسك
عامر تقدم ع قدام من الضربه: ههههههههههههههههههههههههههههههههههههههه..
قطع ضحكه لما سمع صوت صراخ رفعوا رؤوسهم
ريوف وهي تركض لهم: عامر عامر عامر
عامر خاف عليها تقدم منها: نعم ايش فيك ؟؟
ريوف وقفت قدامه و عيونها مليانه دموع
عامر مسكها من اكتافها: ريوف تكلمي ايش فيك ؟؟
ريوف زمت ع شفايفها بقهر: ب ب بتس اف ر
عامر ابتسم: خوفتيني عليك ع بالي فيك شي
ريوف ضربته ع صدره: و هذا ولا شي بالنسبة لك
عامر بجديه: ريوف انا لازم اسافر اول شي عقدي خلص ثاني شي انا ما راح أظل طول عمري خادم
ريوف: انت مو خادم
عامر: اوك سواق
ريوف: بس انت مو اي سواق و الله عامر ابد ما اعتبرتك سواق انت اخوي كيف تتركني و تروح
عامر: و مين قال اني راح اتركك انا راح ازورك انا و حصة
ريوف: طيب ليش ما تقعد هنا
عامر: ما يصير يا روفي ابعد عن اهلي اكثر من كذا
ريوف: بس اهلك ماتوا
عامر سكت شوي: بس هذا عمي
ريوف: عامر انا اسفه بس تكفى لا تسافر
عامر: ريوف انا كنت بسافر من السنة الماضية بس قلت ما ابي اروح الا لما اطمن عليك
ريوف سكتت و الدموع اخذت سيولها
بدر مسك يدها: ريوف امشي
ريوف دفت يده و ركضت بسرعه لداخل الفله
عامر عدل وقفته و تنهد
بدر: عامر ما عليك منها ما قالت كذا الا لأنها تعتبرك مثل اخوها و ما تبيك تروح اكيد لأنها من يوم كانت صغيرا و انت موجود و انت اللي كنت تدلعها مع وليد اكيد راح تتعلق فيك
عامر هز راسه: عارف عارف
*** في فله بو راكان ***
دخلت رغد و فصخت عبايتها و راحت لصالة: هلا دادي
بو راكان: تعالي يبا اجلسي نبي نكلمك بموضوع
رغد جلست
بو راكان: اسمعي يا بنتي خطيبك نبراس راح يجي هو واهله اليوم باليل و يبون يحددون الملكة و العرس لأن زي ما تعرفين الرجال عنده جامعة و غير كذا انا نقلت ملفاتك لجامعته و هو يبي الملكة و العرس في يوم واحد
رغد: يبا انا موافقه بس ع شرط
بو راكان: اللي هو ؟؟
رغد: راكان يملك ع جوان اول
راكان لف عليها
رغد: ما ابي اروح قبل ما اشوف راكان و جوان
بو راكان: خلاص اوك لف ع راكان اسمع ملكتك راح تكون يوم الأحد ايش رايك ؟؟
راكان: اوك انا موافق بس قولوا لجوان
بو راكان: بكرا بنروح لهم و نقول لهم و ان شاء الله يوافقون
راكان: ان شاء الله
*** عند الرجال ***
دخل ريان و لقا الكل موجود عدا ابوه جلس و علا صوته: احم يا جماعة ابي أكلمكم بموضوع
الكل بدأ يسكت شوي شوي و بدؤ يلتفتون له
ريان حس بارتباك بس طنش كل شي و تذكر ان حبه راح تروح منه التفت لصبي: لو سمحت روح نادي ابوي
راح الصبي
بعد عشر دقايق..
دخل بو راكان وهو مستغرب من الهدوء: احم شسالفة يا جماعة
بو فواز: تعال يبا اجلس ولدك يبي يكلمنا بموضوع
بو راكان: ولدي !! لف ع ريان و راكان
ريان: تفضل يبا ارتاح
جلس بو راكان
بو فواز: سم يبا وش بغيت
ريان لف ع بو عبد الله: عمي سلطان
بو عبد الله التفت عليه: سم
ريان: طلبتك تقولي تم
بو عبد الله: تم
ريان سكت شوي ولف ع متعب اللي يناظره باستغراب تشجع ولف ع بو عبد الله: ابي اخطب بنتك حلا ع سنة الله و رسوله
الكل ناظره بصدمه
بو راكان لراكان: هذا وش يقول ؟؟
راكان فاتح فمه بصدمه اخوه انخبل
بو عبد الله انصدم شوي و بلع ريقه و لف ع متعب اللي انربط لسانه هو و ابوه لف ع ريان: احم ا بس يبا اذا انت ما تعرف متعب ولد خالها خطبها من قبل
ريان بهدوء: عارف
بو عبد الله: دامك عارف اكيد تعرف ان ما يجوز خطبه ع خطبه
ريان: بعد عارف هذا الشيء كنت ابي اخطبها من زمان بس قلت ما ابي اشغلها عن دراستها .. عمي انت خيرها ما راح يصير شي لو خيرتها
بو عبد الله " هي اصلا رافضته لو قلت لها عن ريان ايش بتسوي .. ما راح اخسر شي لو خيرتها بس .." قطع تفكيره
متعب: لو سمحت ريان انا ولد خالها و انا خطبتها قبل
ريان ناظره بهدوء بدون ما يرد عليه شوي ولف ع بو عبد الله: ها يا عمي ايش قلت
متعب انقهر من تطنيشه
بو عبد الله بحيرة: و الله مدري يا ولدي وش أقولك
ريان وقف و ابتسم: فكر بالموضوع زين
و طلع
متعب لف ع ابوه
بو متعب ناظره شوي بعدين لف ع بو راكان: ايش يقصد ولدك يا بو راكان بذي الحركة
بو راكان لسا مو مستوعب اللي صار لف ع ابوه
بو فواز ناظره بعدين ناظر بو متعب: معليش يا بو متعب بس بو راكان شكله مو داري عن سالفة الخطبه هذي
جاء مسج لمتعب و طلع و راح بعيد شوي: نعم ؟؟
لف عليه و ابتسم: اهلين
متعب: ما بينا اهلين
ريان: اوك
متعب: ايش تبي ؟؟
ريان: طلب صغييييييييير و يأشر بأصبعة الإبهام و السبابة
متعب: اخلص
ريان سكت شوي: تسحب نفسك وترجع مكان ما كنت
متعب باستهزاء: هه احلم انا احب حلا و راح اخذها
ريان: بس هي ما تحبك و لا تبيك هي تحبني انا
متعب: مو مهم تحبني الحين بعد الزواج بتحبني اما انت بقدر انسيها اياك
ريان: متعب احسن لك تسحب نفسك قبل ما أفضحك قدام الكل تراني عارف كل شي
متعب: ايش بتقول لهم يعني
ريان: عن تحرشاتك فيها اول مره و ثاني مره
متعب باستهزاء اكثر: هه اقدر اقول ان اول مره هي جت بنفسها لجناحي ايش بتقدر تقول
ريان انصدم من وقاحته
متعب: طيب نفترض انك قلت لهم كل شي و عن ثاني مره بقول لهم ابي أصحح غلطي و ما في انسان معصوم عن الخطأ
ريان: بس انت ما سويت لها شي
متعب: ها انت بنفسك قلت ما سويت لها شي اجل هنا ينتهي النقاش
ومشا
ريان انصدم منه مسح ع وجهه بارتباك
......................
كان قاعد يحاول يدق عليها بس ما ترد و في اخر رنه ردت: الوو
طلال: الوو حياتي ايش فيك خوفتيني عليك ليش ما تردين
ارتبكت وعدلت صوتها: احم ا هلا طلال سوري بس منى مو هنا
طلال استغرب: طيب وينها ؟؟
مي: اتوقع انها عند البحر هي كذا اذا تبي ترتاح تقعد عند البحر
طلال: اها اوك شكرا مي
مي: العفو
سكر منها وراح يدورها شافها جالسة و مخليه شعرها يطير مع الهواء ابتسم وقرب منها ببطئ شديييييييد لين صار ورا ظهرها بالضبط قرب وجهه وباسها بخدها بسرعه
منى انفجعت ولفت بسرعه شافته واقف بأناقته و مبتسم تنفست براحه و حطت يدها ع قلبها: يمه خوفتني
طلال: ههههه اسف جلس جنبها ايش قاعدة تسوين
منى: ولا شي
طلال بهمس: خفت عليك
منى لفت عليه
طلال: كنت ادق عليك بس ما تردين
منى حطت يدها ع جيبها عشان تدور الجوال: يووووووه سوري حبيبي نسيته في الفله
طلال: اهم شي اني شفتك
منى نزلت راسها بحيا وقعدت تلعب بخاتم الخطوبة
طلال شافها وهي تلعب بخاتم الخطوبة ابتسم ومسك يدها و قربها من فمها وباس مكان الخاتم
منى حممممممممممممممممر وجها بإحراج
طلال نزل يدها و قعد يناظر غروب الشمس
منى ناظرت السماء: واو راح تغرب
طلال هز راسه
منى: احب ذا المنظر
طلال سحبها لجنبه اكثر وخلا راسها ع كتفه و باس راسها
منى نزلت راسها: حياتي راح يشوفونا الناس
طلال مسك يدها وشبكهم في بعض و طنش كلامها: احبك
منى عضت ع شفتها السفلية بإحراج: و انا بعد
طلال: و انتي بعد ايش
منى ناظرته: احبك
طلال ناظرها و طبع بوسه سريعه في شفتها
منى انصدمت وبعدت ع طول
طلال: هههههههههههههههههههههههههههههههههههههههه
منى ناظرته وو جها احمممممممممممممممممممممممممممممممممر: بايخ
طلال قام بسرعه و قعد يركض وهي قام وركضت وراه و هم يضحكون
*** بمكان ثاني ***
كان جالس وضامها بيده
ريم: حبيبي
دحوم: عيون حبيبك
ريم وهي تمسك بطنها: تبي ولد ولا بنت ؟؟
دحوم: اللي يجي من الله حياه الله
ريم: تيب اذا جبنا ولد ايش نسميه
دحوم: ليش ولد ليش ما نقول بنت
ريم: اممم انا فكرت بريماس انت ايش رايك
دحوم: هههه و انا بعد فكرت ان نسميها ريماس
ريم: تيب و الولد
دحوم: اممم راشد
ريم رفعت راسه له: ليش مو عبد السلام
دحوم ناظرها شوي بعدين بعد نظره عنها: لا مو حلو
ريم: ليش ؟؟
دحوم: لأنه هالأسم كان كابوس حياتي ما ابي اسمي ولدي عليه
ريم: هو ايش ذنبه
دحوم: و انا ايش ذنبي
ريم سكتت
دحوم ناظرها و ابتسم: ما علينا ايش رايك نسميه راشد ترا حلو ريماس راشد كلهم بحرف الراء
ريم هزت راسها
دحوم: يلا قومي ترا برد عليك
ريم: لا الجو حلو
دحوم: اي حلو يا شيخه قومي قومي بس
قام دحوم و قامت ريم معاه اتجهوا لفله البنات
دحوم شافها ضامه نفسها خلع جكيته ولبسها اياه
ريم لفت عليه
دحوم: هههههه صار بالطوا عليك
ريم: هه هه هه هه بايخ
دحوم: ههههه
ريم: بتبرد
دحوم: لا اصلا مو برد
ريم: اييه مبين جت بتفصخه
دحوم حط يده ع اكتافها: خليه عليك و لا ما تبين ارتاح
ريم ابتسمت
دحوم: يلا وصلنا
ريم لفت عليه و ضمته
دحوم ضمها: انتبهي لنفسك
ريم: و انت بعد
دحوم باسها في خدها
ريم بعدت عنه: بشتاق لك
دحوم غمز لها: بينا الوو
ريم: باي
دحوم: باي
ريم جت تدخل: يلا روح
دحوم: ما بروح الا لما اطمن عليك اول ما تدخلين دقي علي
ريم: تيب
دخلت الفله
دحوم قعد يتنظرها شوي و دقت و سكرت ابتسم و مشا
*** داخل الفله ***
اول ما دخلت ريم دقت ع دحوم و سكرت راحت لصالة اول ما دخلت قعدوا البنات يصفرون
ريم: سلامات ايش فيكم ؟؟
ريناد: ولا شي بس انا ما حضنت حبيبي
لجين كملت: و حبيبي ما باسني
امل: و مو لابسة جكيت حبيبي
ريم ناظرتهم بقهر: كنتوا تناظرونا
مي: يب يب من الدريشة
ريم: شفتوه يعني
رغد: يب يب
ريم: حيونزيات
و جلست
ريناد: هههههههههههه ريوم اطولي شوي شوفي جكيته لوين واصل لك
ريم ناظرت الجكيت كان واصل لفخذها
خلود: هههههههههههه كانه بالطوا
ريم: بايخات
مي رمت عليها المخده: عدالي يالحلوه
ريم: غصبن عن خشمك
لجين: خلاص بدت المضاربات
امل: ريم دقي ع سويس تجي عندنا
ريناد: انا توني داقه عليها تقول بكرا بجيكم
خلود: و انا دقيت ع شهد قالت بكرا لأنها الحين عند جدها
*** في فله بو وليد ***
كانت تبكي بصمت و هي تناظر البحر من بلكونتها كيف يسافر هي عاشت عمرها كله معاه حتى لما يزور اهله تحس دايما بنقص في حياتها و زيارته ما تطول عندهم لا الحين غير الحين بسافر و ما عاد بيرجع غطت وجها بيدها و زاد بكيها لما جت فكرت انها ما عاد بتشوفه
انفتح الباب و دخل بهدوء دورها في الجناح لين لقاها تقدم ناحيتها و ضمها من ورا
ريوف جت بتلف بس سمعت همسه: لا تلتفتين
ريوف نزلت راسها
اخذ نفس عميق: حياتي
ريوف حبست شهقاتها
بدر: ريوفه هو اذا ما راح اليوم بروح بكرا ما بروح بكرا بعده ريوف ترا هو من حقه يرتاح
ريوف: ل يش ه و م مو مرتاح م م عانا
بدر: هو ما يقصد كذا بس مستحيل يقعد سواق طول عمره غير كذا هو يبي يتزوج ريوف لا تكونين أنانيه
ريوف بعدت عنه و لفت عليه بصدمه: أنانيه !!
بدر: ايه زي ما انتي تبين تعيشين حياتك ترا حتى هو يبي يعيش حياته حطي نفسك مكانه بتقعدين طول عمرك سواقه ا اقصد خدامه
ريوف سكتت
بدر ربت ع كتفها: فكري زين و بتلاقين كلامي عين العقل
*** في فله بو عبد الله ***
سلطان: و هذا ولد ولد عمي يا سلوى
سلوى: وهذا ولد اخوي مستحيل اقول له ان بنتي رافضه ولدك
سلطان: اسمعي يا بنت الناس الزواج قسمه و نصيب و الزواج الغصب اكثره ما ينجح تبين بنتك ترجع مطلقه ؟؟
سلوى ناظرته بصدمه: مستحيل ولد اخوي يحبها
سلطان: ليش هو قال لك ؟؟
سلوى سكتت
سلطان: هو قال لي اخيرها بينه و بين متعب

سلوى بعد تفكير:اوك موافقه بس ع شرط اذا رفضت واحد تتزوج الثاني غصب عنها
سلطان سكت شوي و بعد تفكير: اوك .. انا طلع لها و بشوف رأيها
سلوى هزت راسها
طلع بو عبد الله وراح لجناح حلا و طق الباب
حلا: .................................. لا رد
بو عبد الله حرك المقبض و دخل دورها في الجناح و في الأخير لقاها في البلاكونة و قدامها اللوحة و ترسم و معطيته ظهرها ناظر اللوحة و اخترع من رسمها الموحش
كانت راسمه ام تذبح طفلة صغيرة بالمهد و ابتسامة شريرة ارتسمت ع شفاه الأم و ينزل دم من الطفلة ..
بو عبد الله " بسم الله ": احم ا حلا
حلا لفت عليه بهدوء
بو عبد الله ناظر الرسمه مره ثانيه و رجع نظره لها: ا ابي اكلمك بموضوع
حلا قامت وراح لصالة و جلست بهدوووء
بو عبد الله راح وراها بعد ما القى نظره اخيره للوحة و جلس مقابلها: احم بدخل بالموضوع
حلا هزت راسها
بو عبد الله: ايش رايك بمتعب
حلا لفت وجها بانزعاج: ما ابيه
بو عبد الله: اوك اليوم في واحد خطبك بعد
حلا بدون ما تلتفت: بعد ما ابيه
بو عبد الله: اعرفي مين هو اول
حلا سكتت
بو عبد الله: ريان ولد ولد عمي خطبك اليوم و قالي اخيرك بينه وبين متعب امك في البداية رفضت و بعد تفكير وافقت وقالت لي يا انها تاخذ متعب او ريان اذا رفضتي واحد منهم بتتزوجين الثاني غصب
حلا انصدمت ريان خطبها ليش ؟؟
بو عبد الله: بعطيك فرصة تفكرين فيها و تستخيرين بس استعجلي تعرفين امك تغير رايها بسرعه
قام و طلع
حلا " هذا ايش يقصد " تذكرت ( انا رايح انتظر اتصالك ) (انتظر اتصالك) (انتظر اتصالك) (انتظر اتصالك) " يعني كان متقصد " اخذت جوالها بسرعه و دقت عليه
ريان: كنت واثق انك بدقين
حلا: انت ايش سويت ؟؟
ريان ببرائه: ايش سويت ؟؟
حلا طنشت غبائه: امي الحين تقول يا انت يا متعبوه
ريان ابتسم " فديت خشمك يا عمتي ": طيب
حلا: طيب!! ايش اللي طيب انا ما ابيكم
ريان بجديه: حلا انا ..
حلا قاطعته: انت نذل
ريان: حلا ايش فيك ؟؟
حلا نزلت دموعها بسرعه: يا اخي افهم انا ما ابيكم ليش تسوي فيها انك أشهم يا اخي انا ما ابيك تشفق علي
ريان انصدم من تفكيرها السطحي: حلا و الله انا...
حلا قاطعته: انت اكبر مخادع و نذل شفته فحياتي اسمع...
ريان قاطعها بعصبية: اسمعيني انتي حطي بالك اذا رفضتيني راح تاخذين متعب و انتي لك حرية الاختيار
و سكر بوجها
حلا انصدمت منه

*** في مجلس الرجال *** س 8م
كانت عائلة بو نبراس موجودة
بو نبراس: اجل اتفقنا
دق جوال نبراس: عن اذنكم
طلع ورد ع هاني: مرحبا
هاني: مرحبتين كيفك ؟؟
نبراس: ماشي الحال وانت ؟؟
هاني: تمام وينك ؟؟
نبراس: في شاليه صديق دادي
هاني: اهاه اوك اخليك
نبراس: لا يرحم امك كل كلامهم عن الزواج و عن الشغل يا اخي طيروا عقلي يا واد
هاني: ههههههههههههههههههههههه طيب تعال لجدة
نبراس: تبي دادي يحفر قبري لا حبيبي مو ناوي ع نفسي
هاني: ههههههههههههههههههه
نبراس: ع الأقل فؤاد فادي حسام أي واحد
هاني: ايش يبغو فيك يا رجال دامهم مستمتعين نع بارتيات فؤاد
نبراس: ايوه صح اليوم فؤاد عامل بارتي ليش ما رحت
هاني: اعتذرت منه لأني تعبان شوي
نبراس: سلامتك ما تشوف شر
هاني: الشر ما يجيك حبيبي هيا روح عند ابوك عشان ما يكوفنك
نبراس: ههههههههههههههههههه اوك سي يو
هاني: سي يا

( اليوم الثاني )

*** عند الحريم ***
كان الكل يفطر الا حلا و ريوف جلسين مثل المزهرية تقريبا
ام نواف: العنود علامها بنتك ما تفطر
العنود ناظرت بنتها بحزن
ريوف لفت وجها عنهم
ام محمد: سلوى علامها بنتك ؟؟
سلوى ناظرت بنتها ولوت بوزها ولفت وجها بعدين ابتسمت: ولا شي
ام ريماس بابتسامة حلوة: شو بهم بناتكن اليوم ؟؟
ام وليد بابتسامة: ولا شي يا عمه
ام ريماس: اجل شو بهم ليش ما بياكلوا ؟؟
ام وليد سكتت
ام ريماس: ماما حلا كلي شو بك
حلا ناظرتها شوي و قامت بهدوء: عن اذنكم
ام ريماس ناظرتها باستغراب بس ما اهتمت لفت ع ريوف اللي لافه وجها عنهم: روفه حبيبي شو بك ليش ما عم تفطري ؟؟
ريوف لفت عليها و ناظرت الأكل وقامت: عن اذنكم
و طلعت
ام فواز: افا علامهم بنياتكم ؟؟
سلوى + العنود لفوا وجوهم بضيق
دخلت الخدامة: مدام سلمى
ام سالم: يس
الخادمة: سير سالم يبقى انتي
ام سالم باستغراب: سالم !!
ام سالم جت بتقوم
لجين مسكت يد ام سالم: لا خالتي انا بروح اشوف ايش يبي ارتاحي انتي
ام سالم: لا يما افطري انتي
لجين: معليش خالتي اجلسي وكملي فطورك
ام سالم جلست و ابتسمت لها
قامت و اخذت البالطو حقها و الشال و طلعت له: هلا
سالم كان معطيها ظهره التفت: خير انا قلت امي
لجين: خالتي تفطر
سالم: اتوقع سمعتيني ولا لازم تقطين وجهك
لجين بعصبية علت صوتها شوي: سالم انت ما تحس اذا انت فطرت ام ك لسا ما فطرت قول ايش تبي و انا بسويه لك
سالم مسكها من زندها وقربها منه بعصبية: قطع لسانك مو على شان اهلك هنا ترفعين صوتك ناظرها بحده
لجين خافت من نظرته و سكتت
سالم: لو سمعتك مره ثانية معليه صوتك يا ويلك يا لجينوه و الله ما تلومين الا نفسك فاهمه
لجين بلعت ريقها وهزت راسها
سالم بصراخ خفيف: فاهمه
لجين: ف فاهمه فاهمه
ناظرتهم بحب: احم يا عيني ع الحب
لجين التفتت بسرعه و سالم رفع راسه
ام سالم: ههههه علامكم اخترعتم
نزلت الدرجات الصغيرة و وصلت عند لجين و ربتت ع كتفها: خلاص يما روحي كملي فطورك انا بشوف ايش يبي
لجين هزت راسها و دخلت بسرعه
سالم: يما من متى وانتي هنا ؟
ام سالم: توي طلعت وشكلكم كنتو ناويين تخربوني
سالم: ههههه عاد احنا نخربك !!
ام سالم: ههههههههههههههه شفت كيف
سالم: هههههههههههه
ام سالم: ها يما ايش بغيت
سالم ناظر الباب: ايه
*** ورا الباب ***
كانت مسندة ظهرها عليه وتسمع كلامهم حسدت امه قد ايش يعامل اهله بطيبه طيب هي ؟؟ ليش يسوي فيها كذا هي ايش سوت له كل هذا عشان قالت له ( متخلف ) اذا عشان هذي الكلمة فهو اكبر متخلف شافته بحياتها
*** عند البحر ***
كانت تمشي و تفكر بالمصيبة اللي طاحت ع راسها شتسوي الحين مين راح تختار قاتل أحلامها ولا اللي مشفق عليها مستحيل تتزوج واحد يتعطف عليها هو من اول يعتبرها مثل اخته و الحين عشان يحميها من قاتل أحلامها لازم يتزوجها بس هي مو انانيه هو يستحق الأحسن منها بس بعد هي ما تقدر تناظر وجه متعب الا و تذكرت السالفة اللي قبل مو قادرة تنسى كيف تنسى وهو كان راح ياخذ أغلى شي عندها أغلى شي عند كل بنت شرفها .. تنهدت بألم وفركت يدها من شدة البرودة و نفخة فيها و رفعت راسها شافته يمشي و مبين عليه سرحان و الكفي اللي معاه برد من شدة برودة الجو
كان يمشي وعقله مو معاه انتبه فيها تناظره باستغراب جمد وجهه و لف ظهره بيمشي شرب شوي من الكفي و تفله بسرعه من برودته: ويييع استغفر الله العظيم
حلا ناظرته وهو يعطيها ظهره اكيد بيعطيها ظهره خربت حياته لفت عشان ترجع لأن برد بس حست بشي ثقيل ع جسمها التفتت و انصدمت
ناظرها بابتسامه: الجو بارد
حلا رجعت خطوة ورا لأنه قريب مررره منها
تألم من حركتها: تطمني ما راح اسوي لك شي
حلا طلعت الحروف من فمها بصعوبة: اي ش ت ب ي ؟؟
لف وجهه يناظر البحر: حلا انسي الماضي وخلينا نعيش الحاضر انا لو ما احبك كان ما خطبتك
حلا: ك ذاب ان ت ت ح ب ن ف س ك
متعب مسكها من اكتافها: و الله العظيم احبك احبك اكثر من اي انسان في حياتي اكثر من روحي
حلا هزت راسها بلا ونزلت دموعها
متعب بحنيه مسح دموعها بأنامله: لاتبكين يرحم امك
حلا زادت دموعها
متعب سحبها وضمها له
كان جاي عشان يدفيها لأنه عارف انها لو ايش ما رجعت تبي ترتاح بهذا البرد بس انصدم لما شافها بحضن متعب
حلا ما كانت قادرة تتحرك اصلا هي من شافته اطرافها جمدت كيف و الحين هو حاضنه همست برجفه: ب ع د ع ن ي
متعب بعدها عنه و ناظر يدها البيييضه من شدة البرودة مسكها بيده الضخمة بالنسبة ليداتها الصغيرها و قعد ينفخ فيهم عشان تدفى
حلا توها تحس بقوتها سحبت يدها بسرعه و عطته كف جامد
متعب انصدم
ريان ما يدري ليش ارتسمت ع شفته ابتسامة صغيرة
حلا عضت ع شفتها: انت أحقر مخلوق شفته بحياتي
متعب مسك مكان الكف و لف عليها
حلا بقوة: امسك يدي مره ثانية و الله ما تلوم الا نفسك
ومشت ورمت الجكيت حقه ع الأرض
متعب ناظر جكيته
ريان استانس حدددددده بصوت منخفض: يييييييييييسسسسس
*** عند الشباب *** بعد صلاة العصر
محمد: شباب
الكل بأصوات مختلفة نعم / خير/ هلا / سم / وجع لا تصرخ / اخلص / ايش عندك / ايش تبي ...
محمد: احم لا بس اجرب صوتي
الشباب التفتوا عليه بعصبية
محمد: لالالا امزح امزح ا بس طفشان
تركي وهو يطقطق بالجوال: و المطلوب
محمد: ونسوني
دحوم وهو يطقطق بالجوال: افتح ع وناسه و تونس
وليد: و الله يا جماعة ما يصير كذا
الكل التفت عليه باهتمام
وليد يكمل: يعني محبوسين هنا مثل الفيران الواحد يبي يشوف زوجته ما يصير
دحوم: اه يا قلبي
فيصل وهو يلعب بلاستيشن مع طلال: و يشوف خطيبته
طلال: ايه و الله صادق
بدر: و خواته
الكل باستنكار: يا راجل
بدر: هههههههههه
تركي: اقول حمدوا ربكم انهم مخلين لكم الجوالات ع الأقل تكلمون حبايبكم
محمد بملل: و اللي ما عنده رقم حبيبيته
الكل ناظره بحده
محمد تورط: ا علامكم اقصد رقم امي ليش هي مو بعد حبيبتي ليش دايما تفكيركم منحرف كذا استغفر الله العظيم
تركي وهو لسا يطقطق بالجوال: الله عاد ع المحبه الطاقه وين ما عندك رقم امي وهي 24 ساعة تشتكي من اتصالاتك الكثيرة
محمد رما عليه الخداديه: يا التلخ انا اخوك
الكل : هههههههههههههههههههههههههه
علي: لا جد شباب ترا ظلم ايش معني خلود و عبود و سويلم و ريانوه و كوني مو معانا
حاتم: خويلد و عبيد في القسم و سويلم من يومه يقوم بدري و ريانوه بعد اما كوني في المستشفى يصحا من الفجر عشان يشوف الحب
الكل: هههههههههههههههههههههههههههههههههه
دحوم لف ع عادل اللي قاعد بهدوء و يطقطق بالجوال راح و جلس جنبه
عادل ناظره و ابتسم بخفه
دحوم لصق جنبه يبي يعرف مين يكلم: مين تكلللللللللم
عادل يوريه الجوال
دحوم بمزح: يالحي××× و انا اقول ذي وين راحت طلعت انت اللي ماخذها مني
عادل: مين ريمي ؟؟
دحوم: لا اللي قاعد تكلمها
عادل: هههههههههههههههههههه
دحوم دق ع ريم
ريم: هلا حبيبي
دحوم كان لسا بزفها بس باستهبال بس لما سمع صوتها الناعم نسى كل شي لو سألته عن اسمه يقولك ريم خخخ
عادل ناظره و فطس ضحك: وين اللي كان معصب قبل شوي
دحوم بلع ريقه و راح ناحية الباب بيفتحه بس كان مسكر بانزعاج: اوووووووووووووووووه هذولا مو من جدهم
ريم خافت عليه: بسم الله عليك حبيبي ايش فيك ؟؟
دحوم: لا قلبي و لا شي
راح وجلس بعيد شوي عنهم و كمل: كيفك ؟؟
ريم وهي تلعب بخصلات شعرها: اممم ماشي الحال و انت
دحوم بوله: ولهان
ريم استحت لأن قبل شوي سارة سحبت الجوال منها وحطت سبيكر كانت بتهاوشها بس ريناد سكرة فمها
البنات كتموا ضحكتهم
ريم: حبيبي بعدين اكلمك اوك
دحوم: لا تكفين و الله وحشتيني
ريم: و انت اكثر بس..
دحوم قاطعها: لا بس ولا شي روحي عند جدك انتي و البنات وقولوا له يرحم امه يطلعنا ما صارت كل هذا عشانا ما قمنا خلاص توبه ما عاد بنام و بنصحا الساعة 4 الفجر لو يبي بس ما يحبسنا حبسة الفيران بعد عن الجوال صح شباب
الكل بصوت واحد: ايييييييييييييييييييييييييييييييييييييييييييييييييييييييييييييييييييييييييييييه
سارة كانت بتفطس ضحك بس خوله سكرت فمها بسرعه
ريم: هههههههههههههههه
دحوم: ايه اضحكي مو انتي المحبوسة
ريم: هههههههههههه لا و الله مو قصدي بس صوت الشباب يفطس ضحك
دحوم: اوك بتروحين عند جدك ولا لاء
سارة: لاء انا قايله له يعاقبهم و تروحين بنفسك عشان نطلعهم
دحوم: انتي انجبي يا وجه العنز
الكل فطس ضحك
دحوم: حلوووووو دامكم كلكم سامعيني روحو حبيباتي و خلوا جدكم يطلعنا
ريم بغيره: دحوووووووووووووووووووووم
دحوم ما انتبه ع الكلمة اللي طلعت منه بالغلط: عيونه انتي
ريم انحرجت: خلاص قفل
دحوم: بشرط توعديني انك بتروحين
البنات هزو راسهم بلا
دحوم: محد يدخل خاصة سوير
البنات سكتوا
ريم سكتت شوي: خلاص اوعدك يلا باي
دحوم: باي يا قلبي اكلمك بعدين فيس بفيس
ريم سكتت
دحوم: باي بنات
سكر
**** عند البنات ***
ريم: ايه من جدي ايش فيكم غير كذا خلاص يكفي حابسينهم 4 ساعات لو انتوا سويتوا سالفه المهم مين راح تروح معي
لجين: انا
امل: انا
دانه: لا خلو بدير هناك
جنا: انا
منى: انا
مي بهمس لمنى: خالد معاهم
منى: لا
مي: اجل بقعد
نورة: انا
ريناد: انتي انثبري كل وحدة بتقوم عشان زوجها او خطيبها انتي ايش تبين ؟؟
نورة: لا بس حرام و الله حسي فيهم شوي وغير كذا اخواني هناك محبوسين
ريم: انتي بدال ما تتكلمين قومي معانا خطيبك معاهم
ريناد كانت بتقول بالطقاق بس مسكت لسانها: ويعني عادي غير كذا ترا حتى اخواني هناك و انا ابيهم يقعدون يحسون لما نقول لهم نبي نطلع نتمشى يقولون و تضخم صوتها انطقي في البيت حريم ع الفاضي
الكل: ههههههههههههههههههههههههه
مي: و الله انك جبتيها
سارة: عفيه ع الشاطرة
شهد: انا معا ريم مستحيل اخلي حامد و دحوم
ريم يس صرنا 6 مين يزيد
الكل سكت
ريم: ما منكم نفعه يلا بنات
قاموا البنات و راحوا عند الشياب
بو عبد العزيز: حيا الله من جانا
بو فواز: زارتنا البركه
بو عبد العزيز: جلسوا حبايبي
جلست امل جنب جدها بو عبد العزيز
جلست ريم جنب جدها بو فواز
والبنات كلهم جلسوا جنب بعض و ناظروا سالم و ريان
سالم: ايش خير ايش تبون
بو عبد العزيز: يبا سالم انت وريان خلونا وحدنا شوي
ريان طلع بهدوء
سالم ناظر لجين بحده و طلع
بو فواز: و هذولا طلعوا سمو ايش تبون
ريم بدلع: جدو طلبتك قلي تم
بو فواز ابتسم كأنه يشوف ريماس قدامه لما تبي شي: تم يا عيون جدك انتي
امل: جدو انا اغار
بو فواز: انتي عند جدك الثاني وش تبين فيني
بو عبد العزيز بمزح: ايه يبا وش تبين فيه هالعجيز
بو فواز: عدالي يا الصغير
بو عبد العزيز: ايه صغير و الدليل اني بتزوج قريب
الكل: ههههههههههههههههههههههههههههه
امل: كلكم احبكم
الجدين: الله يخليكم لنا
منى بملل: بندخل بالموضوع ولا كيف ؟؟
ريم: ايه سح ذكرتيني جدو
الجد ناظرها: هلا
ريم: بليز طلع الشباب
بو عبد العزيز: طلع الشباب و لا دحوم بس
ريم استحت حييييييييييل
الكل: هههههههههههههههههههههههههههههه
بو فواز ضمها من الجنب: ههههههههههه فديت انا اللي تستحي
ريم: جدوووووووو
بو عبد العزيز بجديه: لا يبا خليهم يتأدبون عشان مره ثانيه يقومون عدل
امل: جدو بليييييييييييييييز عشان خاطري
البنات: ايه جدو تكفى
الجدين ناظروا بعض بحيره ما يقدرون يرفضون للبنات طلب
بو عبد العزيز: لجين
لجين: سم جدي
بو عبد العزيز: نادي رجلك
لجين قامت: ان شاء الله
طلعت و قعدت تدوره كانت تبي تدق عليه بس جوالها عند البنات شافته يتمشى مع ريان وكل واحد فيهم سرحان بشيء راحت لهم: احم احم سالم
التفتوا عليها

ريان لف وجهه ومشا
سالم سحبها من زندها: خييير ايش تبين ليش جايه ؟؟
لجين: اي سالم يعور
سالم ناظر ريان من بعيد و ترك يدها بقوة: ايش تبين ؟؟
لجين انقهرة من تعامله: جدي يبيك
ومشت وخلته
سالم راح وراها و مسكها من زندها ولفها عليه بقوة: انتي قد الحركه اللي سويتيها
لجين باستغراب: ايش سويت ؟؟
سالم: تعطيني ظهرك وتمشين
لجين رفعة حاجبها الأيسر: ليش ان شاء الله لا يكون تبيني انتظر حضرة جنابك يمشي و امشي وراه هذا قانون جديد و توني اعرف فيه !!
سالم: ايه سميه اللي تسمينه المهم انك سمعتي ايش قلت
لجين سكتت
سالم بحده: سمعتي
لجين: ايه سمعت يلا تفضل امشي
سالم ناظرها شوي ومشا و مشت لجين وراه
دخلوا
سالم: هلا جدي امر
بو فواز: يبا سالم روح افتح الباب لشباب
سالم: كيف ؟؟
بو عبد العزيز: ما سمعت جدك شقول يقول روح افتح الباب لشباب
سالم ناظر البنات: ان شاء الله
البنات بصراخ: يييييييييييييييييييييييسسسسسسسسسسسسسسسسسسس
راحوا وباسوا الجدين
سالم طلع و طلعوا البنات وراه
لجين: انا برجع
البنات: اوووك
راحوا البنات مع سالم عند الشباب
سالم فتح الباب شاف الشباب و انصدم اللي نايم و اللي يلعب بلاستيشن واللي يطقطق بالجوال و اللي منسدح يطالع يلعب فن رن من الفضاوه الزايده و اللي منسدح يناظر الشباب يلعبون بلاستيشن
سالم: يلا إفراج
الكل التفت بصدمه ما توقعوا بهذي السرعة قاموا بسرعه كأنهم ثيران و ع طول خرجوا
سالم ناظر الغرفة شاف غبارهم
الوحيدين اللي كانوا يمشون بهدوء هما حامد و عادل
دحوم شاف ريم ركض لها: فديييييييييييييت انا حبيييييييييي
ريم استحت لان قدام الكل مسكت ذراعه و مشت
تركي مسك امل: يلا اشوفكم بعدين
وليد: فديت زوجتي يا ناس
وراحوا
يزيد راح حق نورة: حبيبتي جايه تطلعيني ؟؟
نورة: يب
محمد انقهر ع باله انها جايه تطلعه
طلال جاء بيمسك منى
محمد سحب منى: اختي حبيبتي اكيد جيتي عشان تطلعيني
منى انحرجت: ايه
طلال سحبها: اقول طير قال ايش قال تطلعك هي جايه لحبيبها
محمد: اخوها
طلال: حمود لا تنرفزني
الكل: ههههههههههههههههههههههههههههههههههههههههه

&&& في بيت بو فهد &&& بعد صلاة العشاء ..

بو راكان: خلاص اجل دامهم اثنينهم موافقين ان شاء الله يوم الأحد ملكتهم
بو فهد: ان شاء الله
بو راكان وقف: اجل احنا نستأذن
بو فهد: ع وين تو الناس
بو راكان: معليش سامحني مواعدين الأهل خليها مره ثانيه
بو فهد: براحتك
طلعوا بو راكان و راكان بعد ما سلموا عليهم
فهد كان يسولف مع راكان وهم رايحين للباب
انفتح الباب و دخلت جوان و كشفت ع طول: اووووفففف اليوم مررره برد فه
انصدمت لما طاحت عيونها بعيون خطيبها استحت ونزلت راسها
راكان ابتسم: يلا مع السلامة
مشا من جنبها بس قبل ما يروح خلع جكيته و حطه ع كتفها و ركب السيارة و مشا
جوان تجمدت مكانها من حركته
فهد اول ما طلعوا انفجر ضحك: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه شوف وجهك كيف ههههههههههههههههههههههههه
جوان دخلت ع طول بدون ما ترد عليه

&&& في بيت بو نبراس &&&

جنان: و الله انها حلوة و طيوبة
نبارس وهو يلبس البلفر الاكوست الأخضر: الناس مظاهر
جنان: حرام عليييييك و قسم انها فله
نبراس: طيب طيب ممكن تنقلعي عن وجهي
حنان: نو
نبراس لبس كبوسه: اجل انا اللي بنقلع
جنان تأشر بيدها: بباي

&&& في بيت سلمان &&&

سلمان: كذاب
ريان: وقسم بالله
سلمان: و ليش ما قلت لي ؟؟
ريان: شسوي لك ادق عليك ما ترد و لا مقفل
سلمان: مبرووووووووووووووووووك
ريان: خليها بالأول توافق
سلمان: اكيد بتوافق وين بتلاقي احسن منك
ريان: مشكور
سلمان: مابينا شكر يا سخيف
ريان: اوك سلوم اكلمك بعدين الوالد يبيني
سلمان: اوك و مبروك مره ثانيه
ريان: الله يبارك فيك
سكر منه
سلمان التفت و استغرب من وجها الأصفر: سلوان !! ايش فيك ؟؟
سلوان حاولت تبتسم و تكذب اللي في عقلها: ا مين اللي راح يتزوج
سلمان: واحد صاحبي
سلوان: ايه عارفه اجل صاحبي اي واحد
سلمان: سلوان ايش فيك اقول لك صاحبي
سلوان بصراخ: طيب اي واحد
سلمان اخذ نفس عميق و بهدوء: ريان
سلوان ارتجف فكها: ر ر ري ا ن
سلمان لف وجهه: ايه
سلوان نزلت دموعها بسرعه: ليش ليش و انا
سلمان لف عليها بحده: و انتي ايش ؟؟
سلوان زاد بكاها
سلمان: سلوان لازم تفهمين شي ترا ريان ما يعتبرك الا اخته
سلوان هزت راسها بلا : لا لا مستحيل ريان لا
ركضت بسرعه
سلمان وقف: سلوان سلوان سلوان سل..
قطع كلامه صفقة باب جناحها
سلمان تنهد و جلس " الله يكون بعونها "

( يوم الأحد )

&&& في قصر بو راكان &&&

جوان كانت لابسة:

امل:

ريم:

لجين:

ريناد:

ريوف:

دانه:

سارة:

شهد:

حلا:



انفتح الباب و صارت الأنوار عليها مشت ببطئ شديد وهي تناظر خطيبها اللي واقف عند الكوشة ينتظرها عشان تحط يدها بيده و يلبسها الخاتم بس بس الحفل هذا ناقص مو ابوها اللي بسلمها لزوجها ولا امها اللي راح تبكي عليها وهي تشوفها تنزف لعريسها ولا اخوها اللي من امها و ابوها اللي برقص بملكتها كانت راح تنزل دمعتها بس تماسكت في الأخير و شجعت نفسها " لا تخربين عليهم الحفل لا تخربين عليهم الحفل " قعدت تردد هذي الجمله لين وصلت عنده وحطت يدها بيده وسلمت عليه بالخد
راكان باس جبينها
جوان نزلت راسها بحياء غريزي
راكان ابتسم
جوان وقفت جنبه
راكان مسك يدها الباردة عكس يده الدافيه وضغط عليها يبي يقويها
دخل اهل المعرس من اب و جد و العروسة من عم و اخ و جد سلموا عليهم
جت رغد و رزان و حطوا الدبل قدامهم
ام راكان اخذت الخاتم بدون نفس و مدته لراكان
راكان اخذه من يد امه و مد يده لجوان
جوان حطت يدها ع يده بتردد
راكان لبسها الخاتم و بعد ما خلص باس مكان الخاتم
جوان انحرجت حيييييييييل
ام فهد تعطي جوان الخاتم
جوان اخذت الخاتم بيد مرتجفه كان بطيح منها الخاتم بس مسكته باخر لحظه و لبست راكان الخاتم
راكان مسك يدها و باس انملها
جوان حمممممممممممممممررررررررررر وجها " جرييييييييييييييييييييييييييييييييييييء مررررررررررره "
رشا وقفت جنب امها
ام فهد: يا رب يا رشا تخلصين من الجامعة وتلاقين لك ولد الحلال اللي يحبك و يصونك
رشا استحت حيل وسحبت نفسها ع طول
ام فهد + خالة ام رشا: هههههههههههههههههههههههههههه
*** عند الرجال ***
دحوم: و انا شفتها؟؟ قلت لها خليني اشوفك قالت لي لا تأخرت ع البنات قلت لها انا اوصلك قالت لي لا حبيبي انا وعدت البنات اني اروح معاهم
عادل: هههههههههههههههههههههههههههههههههههههههههه
دحوم رفع يده: اشوف فيك يوم يا عديل يارب
عادل: هههههههههههههههههههههههههههه انسى ما راح اتزوج
دحوم بجديه: ايه صح عدول انت من جدك ما تبي تتزوج
عادل هز راسه
دحوم: ريم قالت لي انها تعبت معاك وهي تحاول فيك انك تتزوج
عادل بألم: قلبي مو قادر يحب غيرها
دحوم: الله يرحمها
عادل: امين
دحوم: بس حرام عليك يا اخي انت اخوها الوحيد خليها تفرح فيك
عادل لف وجهه: مو بيدي قلبي مو بيدي لو بيدي اسكته و هو كل يوم يشهق بأسمها عذبني و قسم بالله عذبني
دحوم سكت هو عارف معنى الحب زين وياما تعذب بداية حبه لريم
*** عند الحريم ***
رغد: انا بقوم اشوف البوفيه
مي: بجي معك
قاموا وراحوا للبوفيه
رغد قعدت تتأكد بأن كل شي موجود
اما مي قعدت تصور في الأكل و في الورق عنب خاصة وهي مستمتعه بس من الغباء الزايد من كثر ما ترجع ع ورا صدمت بالجدار: اه وجع
جت بتمشي سمعت صوت ضحك لفت جهت الباب الثاني و انصدمت " خ خ خالد " ما قدرة تنطق
خالد: هههههههههههههههههه والله شكلك يخقق وانتي تقولي وجع هههههههه كان يبي لك تصويييييييييير
مي تنرفزت: هيهيهيهي بايخ
و مشت وخلته
خالد استغرب: هذي ايش فيها ؟؟ ممكن ما تحب الغزل من ذا النوع
رفع اكتافه و طلع

*** عند الحريم ***
امل: رنوده
ريناد: همم
امل: بلز بلز جوالي فوق في جناح رغد جيبي لي اياه لو تكرمتي
ريناد وقفت: اوك
طلعت جناح رغد و جابت جوال امل و نزلت من الدرج طبعا لازم تنط نط
ناظرها و خاف عليها لا طيح زي ذيك المره: يا بنت اهجدي راح تطيحين
ناظرته و ميلت فمها بانزعاج و نزلت بهدوء: خير
فيصل: افا في وحدة تقابل خطيبها كذا
ريناد: فيصل اخلص ايش تبي
فيصل ناظرها من فوق لتحت: تر برد
ريناد: و المطلوب
فيصل جاء بيخلع جكيته
ريناد: خلي جيتك لك ما ابيه
جت بتمشي
فيصل ضمها من ورا
ريناد انصدمت من حركته
فيصل: اذا ما تبين تلبسين جكيتي ادفيك بنفسي
ريناد بهمس: ا ا انت ش ش شتسوي ؟؟
فيصل: انتي تبيني ادفيك
ريناد: لا بعد عني و انا مو بردانه
فيصل مسك يدها: يدك ثلج
ريناد سكتت
فيصل بهمس: بتلبسين الجكيت ولا ندخل انا وياك عند الحريم كذا
ريناد حاولت تبعد عنه بس ما قدرة هذا مجنوووووون و يسويها ما يهمه شي
ريناد: خلاص خلاص بلبسه
فيصل بعد عنها و فصخ الجكيت و لبسها اياه: اذا فصختيه بدخل لعندكم و ادفيك بنفسي و ع فكرة كل دقيقه بتصل ع امل و اسألها عنك
ريناد سكتت
فيصل: يلا تشاوووووو
مشا
ريناد انقهرة و دخلت عند الحريم و الكل يناظرها باستغراب
امل كتمت ضحكتها: قلت ابي جوالي مو جكيت فيصل
ريناد: جب بس جب
الكل: ههههههههههههههههههههههههههه
ريم: هههه يا عيني ع الحب
ريناد: شوف مين يتكلم اللي قبل كم يوم جايتنا ببالطوا اوبس اقصد جكيت زوجها
ريم: قلتيها زووووجي مو خطييييييييييييبيييييييييي
ريناد: ريم بتسكتين ولا بالقلاس ع راسك
الكل: ههههههههههههههههههههههههههههههههههههههه

( اليوم الثاني ) طبعا البنات رفضوا يرجعون البيوت و يبون يكملون اسبوعهم في الشاليه

&&& في الشاليه &&&

سارة: اممممممممممممممممممما
ريناد: وقسم وناسه
امل وهي تطقطق بالجوال: اللي يشوفكم يقولون كل يوم في المطبخ و تطبخون لنا العشاء
دانه: لا يالغبية هالمره راح نعرف اذا الشباب يعرفون يطبخون ولا لاء
ريم: عدالي ياللي تعرف تطبخ حدك انت وريوف اندومي حتى الأندومي تطلبونه من الخدامه اجل زين تصبون لنفسكم قلاس ماي
خوله: بنات ما عليكم منهم قاعدين يدافعون عن ازواجهم عشان اذا طلع مو حلو يقولون مو هم اللي طبخوا
الكل: ههههههههههههههههههههههههههه
*** ع البحر ***

ريوف: ما قلنا ما نجيب طاري السفر
عامر: اوك اوك اسف ما عاد اعيدها
ريوف ابتسمت له تبي تعيش كل لحضه معاه قبل ما يسافر هي تبي تعرف شي واحد ليش كل ما تحب احد من قلبها يبتعد عنها اسيل و بعدت عنها وليد اخوها و بعد عنها و الحين عامر بسافر و يخليها هي الحين قاعدة تحاول ما تخلي اي مجال لبدر يبعد عنها ما تبي تفقده هو بعد

.... س 10 ....
الكل كان عند البحر
الحريم في جهه و الرجال في جهه
كانوا البنات اللي جالسه عند ابوها و اللي جالسة عند امها
بس عند جهة الرجال كانوا البنات كلهم مع الأباء يغنون و الشباب يسون العشاء
اما عند جهة الحريم اللي كانت منسدحه ع حضن امها و امها تلعب بخصلات شعرها و اللي امها ضامتها ما تبي بنتها يصيبها البرد و اللي تهواش بنتها عشان تلبس شي ثقيل عليها عشان مصلحتها عشان ما تمرض و اللي و اللي و اللي .....
كانت تتمشى معاه ع الشاطي و مشبكين يدهم ببعض كان هو يسولف بس هي كانت تناظر البنات و حاسدتهم ع الأباء اللي عندهم و لا ع امهاتهم و لا ع اخوانهم نزلة دمعه ع خدها
راكان لما حس انها مو قاعدة تتجاوب معاه لف عليها و انصدم من دمعتها اللي ع خدها ع طول مسحها من ع خدها: حياتي ايش فيك ليش تبكي ؟؟
جوان بعدت وجها و ابتسمت بمجامله: ما فيني شي
ركان: كيف ما فيك شي و دموعك هذي وشو ؟؟
جوان بلعت ريقها ما تبي تبكي بس غصب عنها تنزل دموعها
راكان: تكلمي يا قلبي لا تخوفيني
جوان لفت ع البنات: تقدر تقول اني اغبط كل البنات ع ابائهم و امهاتهم و حتى اخوانهم
راكان ناظرها
جوان نزلت راسها و بهمس: راكان
راكان ناظرها بهتمام
جوان بهمس يقطع القلب: اب ي ب ا ب ا ط ط طيب ب ب بلاش ابي م ا م ا لالا خ لاص م ا اب يه م اب ي نزلت دموعها بسرعه الي اس
راكان قلبه عوره عليها ضمها له بقوة: لا تقولين كذا مو انا ابوك مو انا امك مو انا اخوك مو انا زوجك مو انا صاحبك مو انا حبيبك انا كل اللي تبين بس لا تبكين
جوان تمسكت فيه و أجهشت بالبكي
*** في فله بو عبد الله ***
حلا عضت ع شفتها السفلية هي مستحيل تتزوج واحد يشفق عليها و معتبرها مثل اخته بس بعد مستحيل تتزوج واحد كان راح ياخذ شرفها بس بس بس هو يحبها وهي عارفه انه يحبها لا هي متأكدة انه يحبها و لا يحبها بجنون بلعة ريقها اكثر من مرا هي عارفه انها في مرحله خطيرة جدا: ي ي يبا انا انا مو مو اخذت نفس عميق انا مواف قه ع .............................................................................





انتهى الب[91]ارت

ان شاء الله نال البارت اعجابكم ..

التوقعات

1 { حلا } بتوافق ع مين { متعب } ولا { ريان } ؟؟؟



اراكم ع خير ان شاء لله.. ولا تحرموني من ردودكم وتوقعاتكم ولاتنسوا التقييييييييييييييم + الايك و بليييييييييييز ما ابي احد من خلف الكواليس شاكره لكم ..
مع تحياتي

* ملاحظة: لي عودة لكم بعد الأختبارت ادعولي بالتوفيق و اذا ما نجحت بمعدل حلو ممكن ما اكمل الرواية اهئ اهئ امزح امزح لحد يصدق بس تكفووووووووووووون ادعولي في صلاتكم وقيامكم بليييييييييز محتاجه دعواتكم كثيييييير و ايه ع فكرة قاربنا ع الأنتهاء .......
انتظروني بعد الأختبارات الله يوفقني و يوفق الجميع قولوا امييييييييييين ..
احبكم
خواتكم في الله: جذابة و العيون غلابة & داجه ومن المدرسه هاجه