رواية يا خاطفي وين ألقى عزتي في زمان المذلة ! / كاملة

تقليص
X
 
  • الوقت
  • عرض
إلغاء تحديد الكل
مشاركات جديدة
  • *مزون شمر*
    عضو مؤسس
    • Nov 2006
    • 18994

    رد: رواية يا خاطفي وين ألقى عزتي في زمان المذلة ! / كاملة

    {رغد}

    مشغله أغنيه لراشد الماجد والصوت لأخر حد ...سمعت كل كلمه وتبكي
    على كل لحظة حبته فيها
    طحت من عيني بعد ماكنت عالي
    حبك ارخصته بعد ما كان غالي
    كل شي برضاه منك الا الخيانه
    بعدها يحرم على حبك وصالي
    كم سهرت ايام في حبك مولع
    مادريت انك بتمثيلك خيالي
    اشتكي منك واشكيك لعدالة
    كل منهم قال قلبك ماصفا لي
    كنت مالي كل قلبي وكل عيني
    وكنت احسب اني وسط قلبك لحالي
    واثري قلبك كليوم له حبايب
    واثري قلبك من احساس الحب خالي
    يا خسارة وقت في حبك قضيته
    ضاعت احداثه هدر طول الليالي
    روح انا ماني متحسف بعادك
    بس اعزي من بيرضى بك بدالي


    ترددت كلمته في بالها { تستاهلين أكثر من كذا لانك أرخصتي نفسك لي ولغيري}

    ليش أزعل وأضيق خلقي عليه أنا ارخصت نفسي له حبيته بس مو ذنبي اني حبيته ذنبي أني خنت ثقة ابوي بأسم الحب وكله طلع وهم ...صح أنا رخيصه رخيصه مررره سمحت له يلمس يدي وخدي كيف أبيه يحبني ويثق فيني ...اه ياصفعته على كثر ماكسرتني على قد أنها قوتني أكثر وخلتني اعرف ان الحب بهذا الزمن ماله مكان هذا اللي اعتبرته كل دنيتي يقول عني كذا كيف البقيه ...كيف لو يدري ابوي متأكده أنه بيتبرىء مني ...يارررب انا تبت وحرمت احب أو أسمح لأحد يقرب مني يارب أرحمني برحمتك ونور لي دربي وأبعده عني
    قفلت كل شي تعوذت من الشيطان ومسكت كتابها عشان تنسى اللي صار بالأمس وتداوم بعد تغيبها اليوم ..تنهدت وتوكلت على ربها وبدت تذاكر وتسترجع معلوماتها

    :::
    :::
    :::

    بأحدى مراكز المباحث في قلب مدينتي
    توتر من اللي يسمعه اول مره يتخلى عن علاقة الصداقه التي تربطه فيه جن جنونه ووقف معصب في مكتبه وعيونه شوي وتطلع من مكانها
    يوسف يصرخ على عبدالله: كيف تسمح لنفسك تمد يدك عليها ؟
    عبدالله وقف وبنفس العصبيه:قهرتني بأسلوبها الهمجي ..والا ردها عاجبك
    يوسف بعد عن مكتبه وقرب من مكتب عبدالله:وايش دخلك فيها بأي حق تسالها أنت مو وليها عشان تفرض رايك عليها
    عبدالله طل بيوسف مصدوم:الحين صرت غلطان عشان مابيها تكشف وجهها بدل ما انت تنصحها وتخليها تتغطى او على الأقل تتلثم زي دايم
    يوسف رفع سبابته بتهديد:شوف عبدالله انت مالك دخل فيها نهائيا لو سمعت انك قربت من رغد راح يصير شي مايرضيك أبدا والا انت تتمرجل عليها عشان عارف ان ابوها رجال شايب وماوراها لا عم ولاسند
    عبدالله بعصبيه حاده وصوت مثخن من الشده:شوف يوسف فهمها أني لو أشوفها مره ثانيه بالمنظر اللي اليوم والله أقتلها ولا همني شي
    يوسف مسكته مع ثوبه ودفه على الجدر بقوه بحكم عضلاته وقوته وطولهم المتوازي:قسم بالله ياعبدالله لو تفكر فيها مجرد تفكير انا اللي راح أقتلك مالك أي درب عليها تزوجت وماقالت لك اي شي وبالاخير توصل فيك تقول عنها رخيصه "بعد عنه واعطاه ظهره بيمشي وقال بنبرة تهديد حاده" انت الرخيص لانك سمحت لنفسك تلعب فيها والا هي تموت ماتطولها
    عبدالله تنرفز من كلام يوسف: وأيش اللي جابرك تدافع عنها
    يوسف لف عليه:لانها عرضي وشرفي ولا اسمح لأي أحد يمسها لو بكلمه
    عبدالله ابتسم بسخريه: ماشاء الله صاير رجال
    يوسف وصل ظغطه للمليون بسبب تصرفات عبدالله اللي مستغرب انها تصدر منه: رجال غصب عنك وعن اهلك كلهم مو زي بعض الناس يلعبون على الحبلين
    طلع وخلاه بالمكتب لحاله ..دخل سيارته وانفاسه بدت تضيق عليه من الهوشه اللي صارت بينه وبين أعز اصحابه ...داهمته أزمة الربو مر طيف شهد بعيونه مد يده لدرج السياره بتثاقل واخذ دوائه بعد بختين هدت انفاسه ورجعت طبيعيه ..حرك سيارته لبيت أهله عشان يتعشاء في هذا الوقت المتأخر لأن المطاعم قفلت وهو ميت جوع من العصر مادخل بطنه الا رشفات من الماء بين كل ساعه وساعه

    :::
    :::

    تعليق

    • *مزون شمر*
      عضو مؤسس
      • Nov 2006
      • 18994

      رد: رواية يا خاطفي وين ألقى عزتي في زمان المذلة ! / كاملة


      طلعت من غرفتها حست بالجوع فتحت الثلاجه وصلحت لها توست بالمربى وعصير فراوله جلست بالصاله تأكل وهو تراقب التلفزيون بعيونها وتتابع أعاده لبرنامج أوبرا
      صحت من غفوتها البسيطه بعد مارضعت مشاري ونامت على طول شافت الساعه ماحست بالساعه والنص اللي نامتها ..اخذت جوالها وطلعت للصاله شافت رغد جالسه على الكنب ومتربعه تأكل بهدوء تام ..مشت لها بشويش لان الدكتوره حذرتها من المشي بكثره او بسرعه تؤلمها ...وقفت قبال رغد وعلى وجهها ملامح زعل
      رغد عقدت حواجبها بحده: ايش بك ماده بوزك شبرين ؟
      شهد جلست على الكنبه اللي ماقبلتها:بسببك يا أنسه ليش أمس غايبه واليوم كله مقفله على نفسك صاير معك شي في التدريب
      رغد: لا الحمدلله
      شهد ماصدقتها: كذابه صاير شي اعترفي أيش هو ؟
      رغد ميلت فمها بتأفف: قلت ماصار شي بعدين الدكتور قال عنده عمليه طويله مايقدر يعطينا محاضره ويشرف علينا فقلنا نغيب ونجي بكره
      شهد بشك:كمان كذابه
      رغد اخذت نفس طويل وزفرته بحده: طيب ينفع اقولك تعبانه وطفشانه وحبيت أرتاح
      شهد :رغد ويش فيك ياقلبي والله حاسه فيك ابيك تقولين لي اللي فيك
      رغد ابتسمت:فيني ارهاق وتعب من المجهود والمذاكره اللي تتعب مرره بس هذا هو حبيت ارتاح اليوم
      دق جوال شهد وفرحت بالأتصال ..ردت بسرعه: هلا وغلا
      يوسف: هلا بروحي وقلبي وبلسم جروحي
      شهد :سلامتك من الجروح ياعمري ..واحشني
      يوسف ضحك:وانتي أكثر كثير
      شهد ابتسمت:فديت الرايق أنا
      يوسف: قلت أتصل عليك يمكن صاحيه عشان طفشان وابي أجي عندك في ذا الوقت المتأخر
      شهد : توي صاحيه حياك بأي وقت
      يوسف :زين بمر السوبر ماركت نص ساعه وأكون عندك
      شهد: استناك على نار
      يوسف:انتبهي لاتنحرقين هههههههههههه
      شهد : تنكت انت وجهك يالله بس باي "قفلت الجوال تضحك "
      رغد :ويش قال عشان تضحكين كذا
      شهد :يقول انتبهي لاتنحرقين ههههههههههههههههههه
      رغد فطست ضحك:هو صادق اصلا بعد ماولدتي صايره حريقه ههههههه
      شهد مافهمت قصدها:ايش حريقه فسريلي؟
      رغد: يعني سمرتي ونحفتي بس كأنك باديه ترجعي زي اول
      شهد توقف:أروح غرفتي استنى حبيبي أحسن من الجلسه معك والمحشات

      تعليق

      • *مزون شمر*
        عضو مؤسس
        • Nov 2006
        • 18994

        رد: رواية يا خاطفي وين ألقى عزتي في زمان المذلة ! / كاملة


        بالرياض
        نامت بجناح رزان قبل يطلقها فهد...مرتاحه كثير بمزرعة فهد خصوصا انها تذكرها بأشخاص تحبهم كثير ...صحت قريب الفجر قامت اخذت لها شور دافي بعد ماطلعت غيرت بجامتها ولبست بنطلون سبورت وبلوزه حفر عليها جاكيت كمه جبانيز ولفت شعرها كامل وطلعت خصلتين عشوائيه على وجهها تعطرت وحطت روج وفتحت البلكونه طلعت فيها جلست تتأمل المزرعه قبل الفجر والأضائه والفخامه فيها تذكرها بقصر جد فهد بجده وكيف البحر يعطيه جو هادي ... دقت في جوالها على أخوها
        صفاء:صباح الخير؟
        حازم بزعل: صباح النور
        صفاء قدرت تميز من نبرته انه زعلان:فديت الزعلان حبيب اخته
        حازم:الحمدلله انك أتذكرتي أخوك يامهمه
        صفاء بضحكه خافته: حبيبي حازم لاتزعل مني بس انت تعرف شغلي وسفرياتي اعذرني
        حازم:اطفش في البيت الواسع هذا اللي بس مجرد ديكور في جده لكن ماحد يسكنه الا أنا والخدم
        صفاء:ماعليش عارف بابا مايجلس اسبوع كامل في السعوديه من كنا صغار كيف دحين لما صار من اكبر رجال الاعمال في الخليج
        حازم:لولا شغلي في المدرسه كان من زمان انتحرت
        صفاء: قولت لك أتزوج وعروستك عندي لكن انت الله يهديك عنيد واللي في راسك لازم يمشي
        حازم:انتي ماتملي من دا الشي بعد لمياء مستحيل اتزوج
        صفاء:براحتك ترى انت بتدخل في التلاتين يعني فكر مزبوط اتزوج وجيب لك أطفال هم فرحة الدنيا بدل جلستك لوحدك انا ماقولتك لك أنساها بس أتناسها ياخي شوفها تزوجت وجابت بنت وولد والتالت في الطريق حرام عليك...انت كمان شوف نفسك وحياتك ياحبيبي
        حازم يبيها تسكت عنها يعرفها اذا بتفتح هذا الموضوع:اذا تزوجتي تاني يوم اتزوج
        صفاء: ماجاء نصيبي عشان أوافق أما انت ولد يعني تقدر تتزوج على طول
        حازم اقتنع شوي بكلمها: خليني افكر شويه
        صفاء: دايم هذا مهربك ..يالله انا بكره جايه جده باي
        حازم :لحظة متى طيارتك؟
        صفاء :12 في الليل
        حازم :اوكي توصلي بالف سلامه
        قفلت من أخوها وأذن الفجر قامت تتوضى عشان تصلي وتدعي لأخوها وأبوها ولنفسها
        بعد نص ساعه نزلت تتمشى في المزرعه مع شروق الشمس وبعدها تفطر وتطلع مع صحباتها اللي كلمتهم في الليل ... وقفت عند المسبح تتذكر كل أوقاتها اللي قضتها وراه لكن بدون أي فايده لاهو تزوج ولاهي تزوجت أختار أنه يبعد عنها لان قربه منها من المستحيلات السبع في هذي الحياه ..من سنين تركها ورفضت أنها ترتبط بأي شخص غيره مهما كان نزلت دموعها صورته ماتفارق خيالها وأحلامها حتى في يقظتها تظل تتمنى قربه ووصاله ..أمنيتها في هذي الحياه تعرف مكانه عشان تروح له وتكحل عيونها بشوفته بعد غياب دام اكثر من 8 سنين
        سمعت صوت وراها صحاها من غيبوبة افكارها
        فهد:صباح الخير
        مسحت دموعها بسرعه ولفت:صباح الانوار
        فهد جلس على الكراسي الخشبيه:ايش سر هذا المكان معكم يالبنات
        صفاء ضحكت وسحبت الكرسي وجلست:هههههههه صراحه مره حلو هادي ورايق غصب يخليك تروح لعالم تاني
        فهد ابتسم:ياسلام عالم ثاني وايش عالمك ياصوفي
        صفاء ضحكت :ياي من زمان ماحد ناداني في الدلع هذا
        فهد:ما انسى موقفي مع هذا الدلع اللي احسبه اسمك هههههههههه
        صفاء:هههههههههه
        فهد:غريبه صاحيه بدري
        صفاء:وراي مشواربس ممكن اخذ سواقك؟
        فهد: كلهم تحت امرك وكل سيارات الكراج بخدمتك
        صفاء ابتسمت برضا:تسلم يافهد ماقصرت معي ابدا
        فهد :ولو ما انسى مواقفك معي بأصعب لحظات حياتي
        صفاء نزلت راسها :موت جدك اثر فينا كلنا وموت مامتك كمان
        فهد ما طلعت منه أي كلمه او حركه ..فضل السكون في محله
        فهد: وين رايحه في الرياض ؟
        صفاء:بزور وحده من صحباتي انا ووحده من صديقاتي اللي هنا توها ولدت في بيت أهلها
        فهد: أوك انا مطول اليوم في الشركه خذي راحتك البيت بيتك وكل شي تحت أمرك
        صفاء طلت في ساعتها اللي صارت 7 وربع:اوك انا طالعه اجهز شنطتي عشان طيارتي في الليل وبعدها خارجه افطر مع صحباتي
        فهد: مع السلامه ..طلع مع الباب وهي طلعت للغرفه عشان تسوي اللي قالته

        ::
        ::

        صحت من النوم ولبست بدون نفس ماحطت أي شي على وجهها لبست تيشرت اسود وتنوره أسود وشنطه وكتشي اسود ومعالم الحزن مرتسمه في وجهها البريء ...طلعت مع خواتها ووصلوا سمر للمدرسه وبعدها هي وسحر للجامعه دخلت المبنى اللي تدرس فيه وسحر مشت لمبنى الطب... جلست قريب من القاعه مالها خلق تحضر المحاضره اللي لها خمس دقايق بدت تشجعت تدخل حتى تنسى اي شي صار معها وقفت ومشت وهي تحس بألم يكسن أحشائه ويلئمها ...دقت الباب بعدت ما أستئذنت دخلت وشافت عبير في مكانها المعتاد جلست في بداية القاعه عشان تتحاشى اي أحتكاك فيها
        بعد الساعه الأولى من المحاضره الخاصه بماده الانقليزي طلعوا لبريك عشر دقايق ..طلعت بسرعه بتروح لدورة المياه وانتم بكرامه ..دخلت وكانت وراها
        عبير :هنادي ابيك تسمعيني
        هنادي بدون ماتلف عليها وبدون اي اهتمام:مايهمني اللي بتقولينه يكفي خيانتك لي رجاء مابي اشوفك نهائيا اطلعي من حياتي
        عبير مسكت يدها بترجي:هنادي مادريت أنه بيأخذك وربي مادريت هو قالي انه بس بيشوفك وانا معك
        هنادي بنظرة احتقار:وانتي صدقتيه انتي شاركتي في تدميري انتم حطمتوا حياتي دمرتوني الى الأبد ماكنت أضنك حقيره لهذي الدرجه
        عبير شوي وتبكي:وربي هو كذب علي ياهنادي صدقيني
        هنادي صفعتها كف بأقوى ماتملك وشدتها مع شعرها ودفتها على الجدر عشان تثبتها:فهميني ليه أعطيتيه الأشرطه كأن أعطيتيه بدون ما أدري مو قدامي ياواطيه ولا ترميني هذي الرميه
        عبير تحاول تبعدها عنها لكن ماقدرت: اقنعني اجيبك معي
        هنادي رجعت سطرتها كف:وانتي الغبيه صدقتيه
        عبير قامت تبكي:جاني بكلام لين ..انا ندمانه
        هنادي صرخت عليها: انتي جيتي في الوقت الضايع ياضايعه ..انتي دمرتيني تعرفي ايش دمرتيني انتي وهو ما اقدر اسامحكم أبد الله ينتقم منكم الله يأخذ بثاري منكم استغليتوني وخربتوا حياتي
        عبير بترجي: لا ياهنادي لاتدعين
        هنادي بتهديد:عبير لأخر مره اقولها لك أبعدي عني مابي أشوفك في حياتي أو قدام عيوني الطريق اللي أمشي فيه مابي أشوفك فيه وتأكدي اني ماراح أعدي سوات فيني على خير ...رجعت للقاعه بسرعه وخذت اغراضها وهي تبكي جات الدكتوره البريطانيه تسالها وتحاول تهديها لكن ماقدرت على هنادي اللي تبعدها عن طريقها ...طلعت من المبنى كله وراحت لمكان اول مره تسوقها رجولها له في الجامعه التي تحوي على مساحات شاسعه...تبي تبعد عن كل العيون وترتاح ماتبي أحد يشوفها في حالة انكسارها ..راحت خلف مبنى ما أكتمل بنائه وجلست في زاويه مظلله ضمت رجولها وخبت وجهها بين ذراعها وصارت تبكي بهستريا وهذيك الليله المظلمه والمشؤمه بالنسبه لها ماتفارق بالها ...وتصعب عليها نفسها وهي تتوسل بماجد وتبكي بحده وتستنجد بعبير اللي تخلت عنها وصارت اسيره له ..تتذكر شعورها المريب اللي بحياتها مامر عليها الا في هذيك الساعات اللي مرت كانها سنه

        تعليق

        • *مزون شمر*
          عضو مؤسس
          • Nov 2006
          • 18994

          رد: رواية يا خاطفي وين ألقى عزتي في زمان المذلة ! / كاملة

          { عندك خيارين مالهم ثالث...ياتتزوجيني بالسر ومتى مابغيتك تكوني قدامي ياقمري وألا تحملين عارك طول عمرك لحالك..}
          نارين لامفر لهم كل واحده منها لها طريقتها في التعذيب الخاصه بها فضلت نار على نار ووقع أختيارها عليها ...بكت بحرقه مابقى اي شي تخسره هي متزوجه الأن لكن لا أحد يعلم من زوجها ولا بأي ارض هو أمازال في مدينتها ام ذهب لمكان أخر ومتى ما أرادها تكون رهن أشارته وألا سينفذ تهديده لها
          حست بيد على ظهرها رفعت راسها خايفه ومفجوعه هذا المكان مايخطر على احد شافت بنت ماتعرفها تحاول تخفف عنها
          البنت:خير حبيبتي فيك شي تعبانه لاسمح الله ؟
          هنادي مسحت دموعها وتحس بحراره فظيعه بعيونها:لا
          البنت جلست بمستوى هنادي وخلفها اربع بنات من شلتها تفصلهم خطوات بسيطه:اجل ليش تبكين؟
          هنادي:زعلانه شوي
          البنت:أحد يقدر يزعل القمر...مين المجنون اللي يزعل وحده زيك "سكتت هنادي ماردت عليها "
          البنت:ياروحي انتي ليش كل شي فيك أسود احد ميت عندك
          هنادي:لا
          البنت مسكت يد هنادي:طيب قومي معي غير جو
          هنادي سحبت يدها:مابي ابي اكون لحالي
          البنت: طيب براحتك بس اذا محتاجه شي او تبين اي مساعده كلميني اوكي
          هنادي بدون ماتعطيها وجه:شكرا ماتقصري بس انا ماني محتاجه احد
          البنت وقفت وابتسمت لهنادي:ان شاء الله يجمعنا لقاء قريب
          هنادي تعلقت عيونها فيها وراقبتها الى أن أختفت من قدامها وبداخلها ألف سؤال يدور حول هذي البنت وسبب تواجدها في هذا المكان تحديدا الذي يندر تواجد البعض فيه ..رجعت راسها وضمت رجولها وأحساسها بالتعب يفوق أي شي قامت وشدت على نفسها عشان تغسل وجهها وتبعد عنه أي أثر للدموع وتكمل دوامها سواء بحلوه أو مره


          بهذا الوقت
          دخلت المستشفى وكأن شي ماصار سلمت على صديقاتها وطلعوا للقاعه المخصصه لهم ...كانت منسجمه معهم وصل الدكتور ودخلوا الكل لحضور المحاضره بدون أي تأفف والحماس في هذا اليوم طاغي عليهم ..بعد ما أنتهت المحاضره
          أروى بكسل: احس الوقت مر بدون مانحس
          رغد تطالع ساعتها:يووه ورانا وقت طويل للظهر يالله الحين نروح في جوله مع دكتور متوحش ههههههه
          اسيل ترفع حاجبها:خلاص صرنا نمون عليه وطلعت شخصيته الحقيقه انزعي لقب متوحش عنه
          رغد جلست :كل شي فيه حاد نظرته حواجبه عيونه رموشه كأن شوك من حدتها صراحه يفجعني لما يخز احد بعويناته
          اسيل واروى :ههههههههههههههه
          جاء ياسر وعبدالعزيز وسلموا
          رغد – أسيل – أروى:وعليكم السلام
          ياسر: كيفك رغد؟
          رغد :الحمدلله بخير انت كيفك
          ياسر:بخير ..قلت نسلم عليك عشان امس غايبه عسى ماشر
          رغد بأرتباك تحاول تخفيه:الله يسلمك مافيني الا كل خير بس تعبت شوي وحبيت ارتاح
          عبدالعزيز:ماتشوفين شر ..يالله نستاذن
          رغد:حياكم ...بعد ماراحو
          اسيل بقهر:صدق فيهم وقاحه
          اروى:حسيت انهم يتشمتون على اللي صار معك
          رغد نزلت راسها وفضلت السكوت وتحاشي طاري عبدالله
          أسيل بفضول:رغد ماعليش حابه اعرف مين اللي "ماقدرت تكمل"
          رغد بسرعه قالت: كان خطيبي بس انا رفضته عشان معارض اني ادخل طب وادرس
          اروى انصدمت:انتي كنت مخطوبه
          رغد طلت فيها ببرود ماتوقعت سؤالها:أيه كنت والحين لا هو تزوج وشاف حياته بس مو راضي يشيلني من راسه
          اسيل جلست جنب رغد:يمكن يحبك
          رغد بتهرب :لالا بس حاقد اني رفضته ..الله يخليكم انسوا السالفه هذي توترني كثير
          اروى مسكت كفها:ماعليه قلبي سامحينا ووعد ماعاد نجيب هذي السالفه
          رغد ابتسمت لهم برضاء ووقفوا متجهين لمكتب دكتور وليد

          تعليق

          • *مزون شمر*
            عضو مؤسس
            • Nov 2006
            • 18994

            رد: رواية يا خاطفي وين ألقى عزتي في زمان المذلة ! / كاملة


            بالرياض

            لبست وكشخت على الأخير حطت ميك اب هادي تعطرت وأخذت شتطتها الفخمه من ديور ولبست صندلها المرتفع بكعب بسيط نفس الشنطه لفت طرحتها ونزلت ..قبل تطلع حطت نظاراتها بدون ما تتغطى وخرجت لموعدها مع أعز صديقاتها اللي تزوجت ونقلت الرياض تعيش مع زوجها في قصر أهله الفخم ... طول الطريق تفكر بصديقاتها اللي من سنتين ماشافتهم تتخيل اشكالهم وتخمن بعض التغييرات عليهم ...بالأخير وصلت لبيت صديقتها نزلت من السياره وكانوا بحديقة فلة زوج ابتهال
            صفاء جريت لأبتهال وضمتها:وحشتيني ياظالمه
            أبتهال قربت دمعتها: وربي أنتي أكثر وينك مختفيه
            صفاء: مشغوله بدنيتي
            أبتهال تسحبها:تعالي سلمي على عمتي وأخوات زوجي
            صفاء بفرحه: يالله
            أبتهال تهمس لها: بسم الله عليك قمر وربي كل يوم يزيد جمالك
            صفاء ضحكت: وانتي الصادقه كل يوم يضيع عمري
            ابتهال حزنت على صديقتها اللي ماعاشت زي أي بنت بالرغم من غنى ابوها الفاحش وحياتها اللي يغبطوها كثيرعليها ...دخلوا الصاله الفخمه وبدت تسلم وأنسجمت معهم قبل روحتها مع أبتهال لبيت صديقتهم الثانيه
            بعد ساعه أستئذون وخرجوا لبيت صديقتهم .. نزلوا من السياره ووقفوا عند البوابه الخشبيه الكبيره بعد مادقوا الجرس
            صفاء تتأمل البيت وفخامته:ماشاء الله تصميمه فخم
            ابتهال تضحك:عجبك يعني ؟
            صفاء تتخصر:بس مو زي قصر بابا صح؟
            ابتهال:ياختي اسكتي لانتفشل دحين لو أحد يفتح الباب ايش يقول عنا
            صفاء لفت بتشوف السياره اللي وقفت ونزل منها شخص تعرف ملامحه زين .. لفت بسرعه عشان تتحاشى شوفته اللي مامنها مفر... انفتح الباب وقبل تدخل طلع ولد لابس ثوب وشماغ صدمت فيه
            الولد: خير ماتشوفين
            طاحت نظارتها من يدها وانكسرت رفعت عيونها المتلونه بلون البحر:أسفه
            متفاجئ من البنت اللي طلعت في وجهه فجأه وكأنها البدر ليلة أكتماله..سرح بملامحها الأروبيه الفاتنه ..نزل بشويش لنظارتها ولمها أما ابتهال دخلت بسرعه حتى تبتعد عن الأحراج
            وقف بذوق ولباقه: أنا أسف كسرت نظارتك
            كانت بين نارين نار قلبها ونار الموقف المحرج بالنسبه لها ردت بشفايفها التوتيه:عادي ماصار الا كل خير
            ألقت أخر نظراتها على الشخص اللي واقف على طرف الدرج مو مستوعب تواجدها بعد هذي السنين هنا وتشوفه بهذا المنظر اللي كان يتهرب بسببه منها
            دخلت داخل القصر الواسعه تحس هالمكان ينخقها ويطبق أنفاسها على صدرها كل شي بحياتها مر بفترة ركود طويل بدأ يرجع ويعصف بها من جديد.. سلمت على أم صديقتها اللي أستقبلتهم وذهنها في شرود قابلت صديقتها وسلمت عليها وعلى طفلها الجديد بلهفه وشوق لكن مازال أمامهم جسد بلا روح ..قبل صلاة الظهر بساعه ..أتصلت على سواق فهد وخلته يجيها
            أبتهال:صفاء اجلسي أنا أوصلك في طريقي وأنا راجعه
            صفاء ابتسمت:سامحوني ودي أجلس بس لازم ارجع اجهز نفسي للسفر تدرون في الليل طيارتي
            منال: أجلسي شوي والله ماشبعنا من شوفتك
            صفاء باستها على خدها:وعد مني لما أجي هنا تاني مره بزورك اوك
            منال ابتسمت:أوك أنتي وعدتيني ووعد الحر دين
            صفاء:كم منو عندي أنا ..يالله قلبي انتبهي لنفسك وللبيبي
            منال :ان شاء الله
            صفاء سلمت على ابتهال وودعتهم وخرجت ...قبل تدخل السياره شافته يسقي زرع الحديقه ..استجمعت كل قواها ومشت له بهدوء حتى مايحس فيها ...ظلت فتره وراه تتامله 8 سنين مرت عليها بدون شوفته متغير كثير لكن جسمه ماتغير أبدا
            صفاء بصوت ممزوج بحزن ودموع: عمر
            ترك اللي في يده ولف بسرعه عليها وشخص عيونه فيها...تلاقت عينه بعينها اللي أشتاق لها كثير

            :::
            :::
            :::

            في المدينه
            تطبخ الغداء وداخله جو مع صوت الشيخ ماهر المعيقلي وهو يقراء بعض من أيات القران ...اشتاقت لأجواها اللي تمارسها هنا روتين حياتها الماضيه في كل زاويه بهذا البيت تتذكر نفسها ..حست بألم في بطنها حطت يدها أسفل بطنها وجلست ترتاح شوي
            شوق بخوف(ياربي الالم زايد بشكل غريب شكلي اليوم بروح للعياده أسوي كشف يمكن الورم زايد ...يارب انت سندي وعوني كون بعوني )
            مشت لشهد بغرفتها فتحت الباب بشويش شافتها نايمه رجعت سكرت الباب وجلست في الصاله تنتظر وصول خواتها وتريح جسمها الضعيف شوي

            بعد ساعه وصلت هنادي وسمر وسحر ..وساعدوا بعضهم بحط الغداء بعد ما انتظروا وصول ابو مها
            شوق :انا بروح انام شوي بغرفتي تبون شي
            ابو مها: يبه شوق اجلسي تغدي معنا
            شوق ابتسمت لعمها: عليكم بالعافيه..حاسه بارهاق شوي وبنام عشان ارتاح
            سمر: سلامتك شواقه
            شوق بحب ردت عليها:الله يسلمك ياقلبي ..شيلوا السفره اذا خلصتوا
            سحر:روحي ارتاحي انا بشيلها واغسل كل شي لاتشيلي هم
            مشت لغرفتها وشغلت التكييف وانسدحت على سريرها وتحس بظهرها يوجعها كثير ووخز بطنها يزيد ماينقص ...غمضت عيونها بتعب وغطت بنوم عميق على طول

            أما هنادي قبل تروح غرفتها سمعت صوت رغد تسلم على شهد وأبوها تركت الكل وراحت لسريرها يمكن تنسى أوجاعها ومصابها ... انسدحت في مكانها بدأت أمواج لحلول ضعيفه وغير مستقيمه ..ماتدري أين الصواب هل هو الكتمان أو الأعتراف بالذي كان ... فكرت كثير نست نفسها وتوقف عقلها عن التفكير عندما أغلق أجفانها لترحل الى عالم من الأحلام


            ::
            ::

            تعليق

            • *مزون شمر*
              عضو مؤسس
              • Nov 2006
              • 18994

              رد: رواية يا خاطفي وين ألقى عزتي في زمان المذلة ! / كاملة

              العصر
              صحت شوق على صوت جوالها رفعته بكسل وردت
              شوق:الوو
              فهد :مساء الورد
              شوق: مساء الخيرات ..هلا
              فهد : كيفك حبيبتي وحشتيني موووت؟
              شوق ابتسمت وهي تسمع صوته وتحن له: بخير الحمدلله بس فاقدتك
              فهد :ماي تو
              شوق بحب:ايش تسوي؟
              فهد يلف الكرسي:ابد جالس بالشركه أشتغل طلع لي شغل ماتوقعته
              شوق قرصها قلبها:خير في شي صاير؟
              فهد ابتسم بهدوء كأنها حاسه باللي يصير في غيابها:لا ياعمري ماصار شي بس تعرفين الشركات
              شوق غمضت عيونها:فهد حاسه بيصيرلي شي
              فهد بحده: تفاولي خير لاتقولي كذا
              شوق كل يوم يكبر هذا الاحساس فيها: يمكن ماتصدقني بس أنا متأكده ان في شي بيصير لو عشت اليوم ما اضمن أعيش بكره
              فهد خاف من كلامها:شوق ايش اللي قاعده تقولينه تعوذي من الشيطان واذكري الله
              شوق اخذت نفس:لا أله الا الله خلاص انسى اللي قلته
              فهد خاف عليها خاف تحتاجه وهو بعيد عنها وتفصلهم مسافات شاسعه:انا بجي المدينه عشانك
              شوق :لالا خليك في شغلك انا مبسوطه مع اخواتي كمل شغلك وتعال على موعدنا بعد اسبوعين
              فهد بشك:متأكده مافيك شي؟
              ماحست باللي يقوله من الالم اللي داهمه عن فجأه تمالكت نفسها وحافظة على نبرتها حتى لايحس بشي:أيه مافيني شي لاتخاف
              فهد حس براحه شوي من كلامها ونبرتها العاديه: انتبهي لنفسك أذا أحتجتي أي شي كلميني أوك
              شوق : أوك
              فهد: مع السلامه ..قفل الجوال منها ورجع أنغمس بأورقه عشان ينهي أول خطوه من خطواته حتى يبتدي خطوه أصعب من سابقتها
              أما هي قامت توضت وصلت ودعت ربها يخفف عنها شوي من الألم اللي يجيها فجأه ويروح كأن ماصار لها شي ..حافظت على مواعيد أدويتها بالثواني والدقايق ...لبست تنوره جينز ميدي وبلوزه كت فوشي ورفعت شعرها وحطت قلوس خفيف وطلعت لغرفة شهد حتى لو يجي أحد من أقاربهم
              دخلت على شهد وهي ترضع مشاري
              شوق بابتسامه تخفي خلفها جميع أوجاعها:كيف القمر اليوم؟
              شهد بحب: بخير انتي وينك اختفيتي الظهر
              شوق جلست بصينيه القهوه:تعبت ونمت
              شهد :يعطيك العافيه يارب
              شوق تمد لها فنجان قهوه: تقهوي حبيبتي
              شهد : مشكوره..أقول شوق وجه هنادي مره مو عاجبني
              شوق طلت بشهد: خليها على راحتها يمكن متضايقه من أحد بيجي يوم تحكي فيه
              شهد بخوف: تنتظرينها هي تجي افرضي لو ضاعت البنت هنادي اللي فيها شي كبير حت جلسه معنا زي أول ماتجلس ولا تأكل ترى ماهي حاله البنت بتموت وانتي تنتظريها تتكلم
              شوق بقله حيله:ويش أسوي لها طيب رحت وحكيت معها رفضت تتكلم وصرخت علي ..تبين اغصبها يمكن شي خاص ماتبي أحد يعرفه
              شهد ميلت فمها:يمكن " حطت ولدها في سريره وقامت "رايحه البس ابوي قال أهل معاذ بيجون
              شوق ابتسمت: اللي خطبوا سحر؟
              شهد ضحكت: ايوه روحي صحيها خليها تلبس وتكشخ عشان أمه تشوفها وتموت عند زوجة ولدها مستقبلا
              شوق وقفت مع شهد ومشت لغرفة البنات ..وشهد اتجهت لغرفة رغد وفتحتها بشويش طلعت لها بجامه بيضاء أكمامها دانتيل فيها تطريز خفيف بالوردي

              تعليق

              • *مزون شمر*
                عضو مؤسس
                • Nov 2006
                • 18994

                رد: رواية يا خاطفي وين ألقى عزتي في زمان المذلة ! / كاملة


                أما شوق صحت سحر وقالت لها أن أهل معاذ بيجون وقامت مرتبكه أخذت شور سريع وأستشورت شعرها عشان تلبس قبل وصولهم ..فتحت جوالها لقت ثلاث مكالمات من لينا .. دقت عليها
                سحر: سلام
                لينا بزعل: وعليكم السلام أهلين بالقاطعه
                سحر: يؤؤ زعلانه مني؟
                لينا:أيووه زعلانه مررره بعد
                سحر:لما أشوفك ببوسك وأعتذر منك
                لينا تكشر:ماينفع كذا
                سحر: طيب مع الجوال ينفع
                لينا بحده: طبعا لا
                سحر ضحكت: بس بس يالزعلان ..قوليلي أيش اخبارك
                لينا :اخباري إنا اليوم بنجيكم
                سحر حمرت خدودها رفعت عيونها تطل في شكلها وخدودها المشتعله:حياكم الله
                لينا:بعدين ليش ما تردين على الجوال
                سحر:وربي كان سايلنت وانا نايمه
                لينا : سماح المره هذي بس
                سحر:امواه فديتك أنا
                لينا:هاه ويش بتلبسين ؟
                سحر : ايش دخلك اذا جيتي بتشوفيني
                لينا :مالت عليك كلمت ريم وقالت ايش بتسوي وايش بتلبس وهي صديقتي مو زوجة اخوي مستقبلا
                سحر انحرجت من كلام لينا :ليوووون وجع
                لينا ضحكت بصوت عالي ماقدرت تمسك نفسها
                سحر: هيه فجرتي اذني ترى ماني مستغنيه عنها
                سحر: لالا صايره تستحين من سيرة الزواج يالحبيبه المهم ترى انا حبيت اقولك ان خالاتي الثنتين جايات معنا وجدتي كمان واكيد انا وماما
                سحر ارتبكت:الله يحيكم اذا ماشالكم تشيلكم عيوننا
                لينا فاطسه ضحك:يبلي اسجل كلام اشك انك في وعيك
                سحر عصبت:ليون طسي يالله بكمل كشختي
                لينا :ثقلي العيار ترى بيفصفصونك فصفصه
                سحر ضحكت:لاتوصين ماخذه احتياطاتي
                لينا بتقهر سحر: حبذا لو تلبسي شي قصير او عاري اتوقع تطلعي احلى
                سحر ضحكت:لالالا فكيني ياختي يمكن مايعجب اهلك
                لينا:اهلي وأعرفهم خذيها مني ياقصير ياعاري يالله باي
                قفلت منها سحر وراحت لشوق تناديها حتى تنقي لهم لبس لكن ماحصلتها .رجعت الغرفه وسمعت صوت شوق وشهد وراها
                سحر تتخصر:وينك فيه مدام شوق
                شوق تضحك:رحت اعطي جلالي ورقه يجيب ضيافه لاهل زوجك والا ماتبين نضيفهم ياحلوه
                سحر زادت حمرة وجناتها:أكيد ابي المهم تعالوا ساعدوني أيش البس
                شهد تمشي وتفتح الدولاب وتفكر باللي يناسب سحر أخذت بنطلون جينز لويست وفيه تطريز على الفخذ بالابيض وفيه فتحات مبطنه بدانتيل تركواز سحبت لها بدي توب تركواز بنفس التطريز اللي على الفخذ
                شهد بابتسامه عريضه:هذا كشخه ومرتب يطلع عليك جنان
                شوق اخذته ومدته على سحر:يالله روحي غرفتي البسي حرام نكدنا على سمر وهنادي
                طلعوا وسكروا الباب وراهم ...أما سحر راحت تلبس وتشوف اذا ناسبها أو لا
                شهد تدق الباب:هاه نفتح
                سحر بحده:لا لسى مالبست البدي
                شهد بتأفف: ياربي لو رغد دخلت وماتقول شي عادي مو هذي من زين اللي بنشوفه
                شوق ضحكت على كلام شهد: عيب ترى هذي عوره حرام تنكشف الا عند "سكتت"
                شهد رفعت عاجبها وكاتمه ضحكتها:ألا عند مين تكلمي يابعدي
                شوق تقرصها بشويش:والله أنتي تدمرتي يالطيف منك ماعاد أستحيتي
                شهد ببرود:ياختي تراهم كبار ماعندي أي مشكله معهم
                شوق :بس بس وربي بموت ضحك وأنتي السبب
                شهد فتحت الباب بقوه وارعبت سحر اللي كانت حاول تسكر البدي ..قربت منها وبحده: مخليتنا ساعه عشان تقفلي هذا اللي ناشب بين شحومك
                شوق جلست على السرير وأنفجرت ضحك:حرام عليك ياشهد يجنن جسم سحر
                شهد :ارفعي يدك عشان اسكره لك يالبطه ماتوقعتك تنتفخين ومايخش عليك
                سحر بتحطم: ايه زدت خمسه كيلو بس مو باين على جسمي كيف مايخش اووف مو وقته
                شهد تضحك: من المذاكره والزرط اللي تزرطينه سكري فمك وسوي رجيم ترى كذا اهل العريس بيصرفون نظر
                سحر رفعت حاجبها بغرور:هم يحصلون مثلي وين
                شوق تضحك: أتركوا الكلام الفاضي وخليني أشوف كيف صار عليك
                شهد بعد معاناه سكرت السحاب: كذا صراحه يجنن صح شواقه
                شوق تتفحصه من ورى وقدام: جد سحر طالع عليك حلو
                سحر: احس كاتم على أنفاسي
                شهد تجلس جنب شوق:عاد تحملي كلها ساعه بالكثير
                وقفت قبال المرايا تتأمل شكلها وترفع شعرها وتسوي فيه حركات عشان تقرر أيش تسوي فيه بعد معاناه قررت تخليه ستريت بدون أي شي .. حطت ميك أب هادي وتعطرت وراحت لشوق وشهد بالغرفه وأخذت لفه حولهم
                سحر: هاه أيش رايكم
                شوق : بسم الله عليك تهبلين يالله قولي الأذكار اخاف يصيبك شي العين حق
                شهد بحرص:ايوه سحر لازم تقري الأذكار وقبل تدخلي عيديها بعد
                سحر: يعني حلوو
                شوق قبل ترد عليها سمعوا صوت الجرس ..وراحت سحر فتحت وكانت ريم واصله
                بعد ماسلمت على سحر:ماشاء الله ويش ذا الزين يالدبه
                سحر شوي وتبكي:لاتكفين ترى تعقدت اليوم وتحطمت
                ريم عقدت حواجبها: افا من أيش؟
                سحر كشرت: تخيلي البدي يالقوه دخل علي
                ريم انفجرت ضحك ودخلت عند شهد وشوق وسلمت عليهم:أحد قالك كلي وأنثبري لا تتحركين انتبهي لاتنتفخين اكثر
                سحر:ايش فيكم اليوم علي
                شوق ابتسمت: غيرانين منك شايفنك قمر وسارقه الأنظار عنهم
                شهد انسدحت عشان تريح ظهرها شوي:عشتوووا لاتكون كليوباترا على غفله
                سحر تمد لسانها: تخسي والله اني أجمل منها بعد
                شوق وريم ضحكوا على سحر اللي نرفزت شهد وراحت للمطبخ تجهزت صحن الحلى والقهوه قبل وصول الضيوف

                تعليق

                • *مزون شمر*
                  عضو مؤسس
                  • Nov 2006
                  • 18994

                  رد: رواية يا خاطفي وين ألقى عزتي في زمان المذلة ! / كاملة

                  بهذا التوقيت في الرياض
                  أخذت شناطها ونزلت للسواق قدمت موعد طيارتها عن أخر الليل ..وأتجهت للمطار وكل شي صار معها الظهر يتكرر في بالها ألالاف من المرات ...كلمات لازالت حبيسة ذاكرتها المنشطره
                  { خلاص ياصفاء ماقدرتي تنسي بعد السنين هذي كلها}
                  { أنا تزوجت ومرتاح مع زوجتي وأحبها وحبك كان مستحيل بالنسبه لي }
                  { تركت الشغل عندكم وجيت هنا وتزوجت وحده من مستواي رضت بفقري وجبت منها ثلاث أولاد وبنت }
                  { توقعتك نسيتيني خاصة أني خادمك الفقير }
                  كانت جالسه على مقعده في الدرجه الاولى نزلت دمعتها الحاره وحرقت خدها... بقت وحيده في دنيتها..ضيعت أحلى أيامها فلوسها وفلوس أبوها مانفعتها بأي شي ..تنهدت وغمضت عيونها بألم وقلبها في داخلها يحترق بصمت وهدوء ...تمنت أن تكون الفتاه الفقيره المكافحه وليست الفتاه المدلله ذات الحياه المترفه...مرت عليها ساعتين في الطياره بدون ماتحس بالوقت تفكيرها بعيد لكن حياتها وقلبها أبعد ...مساحات ثلاثية الأبعاد تسكن جوفها ..ومحيط فراغي يكاد يخنقها وأدخنه رماديه حزينه منبعثه من أحتراق مشاعرها المتأرقه
                  {صفاء}
                  كل هذا السنين وهم وقفت عند محطته وهو تناساني ...أستسلم وماقدر يجازف ويختارني لاني بنت العز وهو الفقير ...اه ياررب حياتي فارغه من كل شي حتى المشاعر اللي كانت تونسني زادت همي وتعبي ... ضيعت نفسي وقلبي بشي من المستحيل يصير حتى لو كنت راضيه بابا بيوقف في وجهي ..أحتاجك ياخالتي أحتاج لحضنك وضمتك لي ..متى تكوني قريبه مني متى؟!

                  وصلت لأراضي جده بسلام ورجعت لقصر ابوها الموحش والبارد ...حتى معالم الحياه مهجوره بداخله وخارجه

                  ::
                  ::

                  وصل للمزرعه استغرب اختفائها
                  فهد : ميري وين صفاء
                  ميري تمد له كأس العصير:في سافر بدري بابا يقول سلمي على بابا فهد
                  فهد استغرب سفرتها : الله يسلمها ..انا بطلع انام شوي اذا اذن العشاء وماصحيت صحيني زين
                  ميري: اوك سير
                  فهد بتهديد: مو تنسي ..طلع وتركها تكمل شغلها
                  دخل جناحه وسكر الباب لبس بجامته ورمى نفسه بتعب على السرير يحس كل عظمه في جسمه تألمه ..لف راسه لمكان شوق الفاضي ضم المخده لحضنه وريحة عطرها تفوح منها
                  فهد : الله لايحرمني منك ياشوق ويشفيك
                  غمض عيونه لمح طيفها بعيونه ونام بهدوء وسكون


                  في بيت أبو مها
                  وصلوا أهل معاذ واستقبلهم شوق وريم
                  شوق تضيفهم: ياحي الله من جانا
                  ام معاذ: الله يحيك كيفكم ان شاء الله بخير
                  شوق بابتسامه:الحمدلله بخير
                  ريم جلست جنب لينا : شخبارك ليون ؟
                  لينا بحياء: الحمدلله
                  ام معاذ:الحمدلله على سلامتك ياشهد يتربى بعزكم يارب
                  شهد: الله يبارك فيك
                  شوق : ماشاء الله ليونه صايره قمر
                  لينا نزلت راسها بحياء دقتها ريم وهمست لها: تراها سلفتك لاتستحين
                  ام معاذ:كيف حال ام رياض شخبارها؟
                  شوق: بخير الحمدلله
                  خالة لينا: تزورينهم بالرياض
                  شوق: والله مو كثير فهد مايفضى الا بعد العشاء وما أقدر ازورهم بعد العشاء
                  ام معاذ:الله يعينك دوامه متعب
                  شوق ابتسم: الحمدلله على كل حال اهم شي راحته
                  خاله لينا:يعني مانخاف على لينا اذا راحت هناك عندها اللي تونسها
                  شوق طلت في لينا وضحكت: خليها تروح هناك وانا استلمها هههههههههههه
                  لينا انحرجت وحمرت خدودها وهمست لريم:متى ناوين يقفلون السالفه
                  ريم انفجرت ضحك وكلهم يطالعون فيها اما لينا طلت فيها مصدومه وحاولت تتهرب من نظراتهم
                  ام معاذ:ايش قلتي لها يالينا
                  لينا بأرتباك:ولاشي بس هي تبي تضحك
                  ريم بجراءه:تقول متى يقفلون السالفه حرام استحت
                  الكل :ههههههههههههههه
                  شهد: طلعت زي صاحبتها الله يستر منهم
                  شوق وقفت : عن اذنكم ...وراحت للمطبخ

                  لقت سحر وسمر وهنادي جالسه تشرب مويه اما سمر تعلق على سحر وتوترها
                  شوق قربت من سحر: هاه قلبي جاهزه
                  سحر ترتجف:والله ميته خوف ياشوق خليك جنبي لاتبعدي عني
                  سمر ميته ضحك:خير لايكون في سفاحين بالمجلس تراهم أوادم مايأكلون
                  سحر عصبت: انتي انطمي ويش خصك فيني ياربي منك ملقوفه
                  شوق مسكت يد سحر وقربت منها: يالله عشان تروحين معي
                  سحر بشك: شكلي حلو
                  هنادي بتأفف:سحر ويش فيك وربي حلوه خلاص روحي وخلصينا وي
                  شوق ضحكت على هنادي اللي باين من ملامحها العصبيه: يالطيف عليكم يالله سحوره

                  تعليق

                  • *مزون شمر*
                    عضو مؤسس
                    • Nov 2006
                    • 18994

                    رد: رواية يا خاطفي وين ألقى عزتي في زمان المذلة ! / كاملة

                    مشوا خطوتين ووقفوا قريب باب المجلس
                    سحر مسكت يد شوق بخوف وتوتر وكأنها تستمد القوه منها ...ابتسمت على شكلها الخايف والمرتجف تذكرت لما كانت بتقابل فهد بصفتها خطيبته في نفس هذا المكان كانت مشاعرها مناقضه تماما لمشاعرها الان ...في هذا الوقت أخذت مكان الأخت الكبرى والأم لسحر
                    فتحت الباب المجلس ودخلت شوق وعلى وجهها ابتسامه
                    شوق: جات عروستكم
                    ام معاذ وقفت تنتظر دخول سحر المرتبك اول ماشافتها :ماشاء الله تبارك الله ..ياهلا بعروسة ولدي ياهلا
                    سلمت والأرتباك باين عليها مانطقت ولا حرف واكتفت بلصمت والإيماء على اي سؤال يتوجه لها ...جلست جنب شوق مارفعت راسها
                    خالة لينا: مشاء الله الله يحفظك ياحبيبتي ليش زعلانه ماتبين نشوف وجهك
                    شهد ابتسمت: لا ابد مو زعلانه بس حياء وخجل
                    شوق همست لها:خليك طبيعيه
                    سحر بشويش رفعت راسها وطلت في ريم ولينا اللي كابتين ضحكهم وتعليقهم على الموقف وبداخلها تسب فيهم وبنظراتهم اللي كلها سخريه واستهزاء
                    ام معاذ: كيفك يابنتي ايش مسويه مع دراستك؟
                    سحر بصوت خافت: الحمدلله ماشيه فيها
                    خالة لينا:شدي حيلك نبيك تصيرين احسن دكتوره في المدينه
                    سحر:ان شاء الله
                    شوق :ان شاء الله تكون احسن دكتوره سحوره قدها
                    أم معاذ: باين عليها ماشاء الله .. اقول سحر أبي أخذ رايك بموضوع
                    سحر بحياء: تفضلي
                    ام معاذ: عمك أبو معاذ كلم أبوك عشان نبي نسوي شبكه وابوك موافق ايش رايك
                    سحر بردت اطرافها وبدأ قلبها تتسارع نبضاته ونظراتها مرتكزه على شوق وشهد
                    سحر:شوق هي اللي تقرر
                    شوق طيرت عيونها في سحر وردت بسرعه: مدام عمي موافق احنا بعد موافقين بس يعني لو تأجلوها لين تخلص شهد من النفاس وتكون معانا احسن
                    ام معاذ: حقكم حبيبتي واللي تبونه يصير بس حددوا اليوم اللي تبونه يمكن بنتنا يكون عندها أمتحان وألا شي
                    شوق لفت على سحر:اعطونا يومين عشان تشوف جدولها وتختار يوم مناسب
                    ام معاذ:على راحتكم أهم شي عروستنا راضيه
                    شهد طلت في سحر اللي ملتزمه الصمت:اكيد موافقه
                    أستئذنت سحر وطلعت ..بعد دقايق لحقوها ريم ولينا في غرفتها
                    لينا طاحت على الكرسي ميته ضحك:اخ ياشكلك توحفه
                    ريم :هاه جربتي اللي جربناه
                    سحر بتوتر:بالله عليكم أهجد,ى ترى خلقه متوتره وممكن أكسر اي شي قدامي
                    هنادي بعدت الشرشف عن عيونها:كيفك لينا
                    لينا:بخير ..ايش فيك هنوده شكلك تعبانه
                    هنادي: زكام عادي
                    سمر تبعد كتابها عن الطاوله بحماس:بالله حكوني عن شكلها
                    ريم جلست على نفس الطاوله:فاتك نص عمرك صراحه
                    لينا:رديناها لها اول كانت تستعبط علينا جاء دورها
                    دق جوال هنادي وقامت من عندهم ..دخلت غرفه شوق وقفلته على نفسها أخذت نفس طويل قبل ترد على المتصل وبداخلها خوف كبير من مستقبله ومصيرها المظلم مع هذا الشخص
                    هنادي بدون نفس: خير
                    ..:ردي بأدب سامعه تراني زوجك مو خدامك
                    هنادي:لك عين بعد تنطقها صدق انك وقح
                    ..:هنادي تأدبي معي أحسن ما أأدبك بطريقتي
                    هنادي عصبت:ويش تقدر تسوي
                    ..:بكل سهوله اروح لأبوك واقوله أني زوجك وقتها يمكن يقتلك ويتخلص منك
                    هنادي نزلت دموعها بدون أي مقاومه منها:واطي
                    ..:اسمعي انا متصل ابيك تجيني بعد صلاة العشاء سامعه
                    هنادي بتحدي:ماني جايه وموالك غنيه
                    ردت عليها بنبره حاده وجاده بنفس الوقت:شوفي زي ماقدرت اجيبك لحد عندي أقدر اجيبك الحين ...خلي عنادك على جنب وتعالي فاهمه
                    هنادي:عندنا ضيوف ما أقدر أجي ايش تبغاهم يقولون عني
                    ..:دام كذا بكره ماتروحي الجامعه تجين عندي زين
                    هنادي خافت:ماني جايه فاهم
                    عصب منها:قد أعذر من أنذر انا نبهتك وعارفه ايش راح يصير فيك اذا ماجيتي
                    قفل الخط بوجهها وتركها مرعوبه من تهديداته وخوفها الأكبر أنه يقول لأبوها وقتها ماحد يدري أي ردة فعل بتصدر منه ...جلست على سرير شوق ودموعها تسابقها


                    {هنادي}
                    أيش قاعد يصير فيني؟..ماحسبت حساب لهذا الشي ...حسبي الله فيك ياماجد أنت وعبير الله ينتقم منكم خربتوا حياتي وقتلتوني ...لازم أتصرف وألقي حل لهذي المصيبه لو يدري أحد وربي راح يموتوني ...كل الحلول اللي فكرت فيها فاشله من قبل انفذها ...انا بتسفسر من أحد يقدر يساعدني ...سحبت الاب توب اللي على كمودينة شوق وفتحته وبدت تلف بالشبكه العنكبوتيه تدور لها عن حل يمكن يفيدها او على الأقل يساعدها مؤقتا في هذي المشكله

                    تعليق

                    • *مزون شمر*
                      عضو مؤسس
                      • Nov 2006
                      • 18994

                      رد: رواية يا خاطفي وين ألقى عزتي في زمان المذلة ! / كاملة


                      أذن العشاء وراحوا كل الضيوف اللي كانوا متواجدين
                      سحر بتعب: احس هم أنزاح عن صدري بروح أنام عشان اصحى الساعه 2 بالليل اذاكر شوي
                      سمر: كأن رغد تأخرت في النوم ...ماحست الا بصوت رغد وراها
                      رغد بأبتسامه:صاحيه من زمان بس جالسه بغرفتي أذاكر سمعت أصوات ورجه قلت أكيد في أحد مافيني البس وأسلم عليهم
                      سحر ضحكت: يمه منك لئيمه
                      رغد تجلس جنب سمر: ايش بنتعشى؟
                      سمر:معكرونه بالباشميل يمي
                      رغد فرحت:لايكون شوق سوتها ترى اذا من يدها بأكل الصينيه كلها
                      سحر :يس يس شوقا سوتها
                      رغد:ياعمري أنا على شواقه تعرف أنا أحبها من يدها الله لا يحرمنا منها
                      سمر بتخصر:ماشاء الله كل هذا عشان سوت العشاء صدق دنيا حظوظ
                      دخلت عليهم شوق وهي لابسه عبايتها:بنات روحوا أتعشوا انا رايحه مشوار ضروري وراجعه
                      سحر عقدت حواجبها:وين رايحه
                      شوق ابتسمت:الصيدليه بجيب لي أشياء ..المهم ترى عمي جاء حطوا له العشاء يالله مع السلامه
                      سمر :لحظة لحظة بروح معك
                      شوق ارتبكت:هاه لا اصلا انا راح اتأخر وانتي تعبانه نامي بدري
                      تركتهم وبسرعه نزلت لجلالي اللي كلمته يجهز السياره...قابلت شهد اللي شايله ولدها في حضنها ورايحه للصاله
                      شهد بأستغراب:وين بتروح شوق؟
                      رغد اخذت مشاري من أمه وجلست على الأرض:تقول بتروح مشوار مدري صيدليه
                      سحرماشيه للمطبخ:تبون أحط لكم العشاء والا لا
                      شهد:الله يعافيك حطيلي معك مع عصير فراوله
                      رغد ابتسمت بفرحه وحماس:ايه عفيه عليك سحوره حطي لنا كلنا
                      سحر تأشر لسمر بأصباعها السبابه:يالله انتي تعالي ساعديني
                      جات هنادي اللي كانت بغرفه شوق تصلي وتدعي ربها يساعدها ويلهمها الصبر على مصيبتها اللي ماتدري كيف تحلها...أستخارت بعد ماصلت وحست أنها مرتاحه للشيء اللي راح تسويه وعزمت بداخلها انها تخطو هذي الخطوه
                      انصدمت من شكل هنادي التعب باين عليها والسواد بدأ يظهر تحت عيونها ومرتسمه على ملامحها علامات الحزن ... تأكدت في هذي اللحظة شكوكها
                      شهد قربت من هنادي وحطت يدها على كتفهاوالذبول خافي كل معالم وجهها البريء:هنو علامك ذبلانه اللي يشوفك يحس أن فيك مصيبه
                      هنادي جاملة شهد بأبتسامه ميته وبارده:بطني توجعني شوي
                      شهد:متأكده بس بطنك ؟
                      هنادي :ايه تعرفين كل شهر أتعب كذا وأكثر بعد
                      شهد ابتسمت بحنيه:طيب ارتاحي أنا بسوي لك شي دافي يخفف عنك الالم
                      هنادي(اه ياشهد ألمي صعب يخف ليته يظل كذا ولا يكبر وتصير مصيبه لنا كلنا):لا مايحتاج انا بعد شوي اسوي لي كوفي بس أذا تعشى أبوي قوليلي عشان ابي اتكلم معه
                      رغد: اجلسي معنا الحين بنحط العشاء
                      هنادي:عليكم بالعافيه أنا مالي نفس
                      شهد باستها بخفه:روحي على سريرك ارتاحي
                      اختفت هنادي عن أنظارهم ورغد لاهيه مع ميشو اللي منجنه عليه وتلاعبه وهو يتبسم لها
                      رغد:ياناس عليه كبر شوي يهبل على خدود تزنن
                      شهد جلت على الكنب وتربعت:أذكري ربك على الولد ترى ماجاء ببلاش
                      رغد لفت وطلت بشهد وانطلقت ضحكاتها:ايه ماجاء ببلاش
                      شهد انجرحت من رغد: هيه رغيد ارجعي لعبيه واتركي دقاتك بالكلام
                      رغد:انتي اللي بديتي والبادي أظلم
                      شهد تشد شعرها بشويش: أنطمي يالله عاد ..اقولك مين يشبه أنا وألا ابوه ؟
                      رغد تتأمل ملامحه بدقه:شوفي عيونه زي عيونك نفس النظرات والرموش والوساع بس خشمه زي أبوه حلو متوسط مو طويل ولاصغير أما فمه وخدوده كأنك قدامي
                      شهد ضحكت:أنا أحسه يشبهني حتى يوسف يقول نفس الكلام
                      رغد بدقه أكثر: بس بشرته سمره انتي بيضاء وابوه ابيض من وين طلع بالسمار
                      شهد ترفع حاجبها:السماره أماره
                      رغد بسخريه: شوفوا أيش تقووول "قام يبكي مشاري"
                      شهد:هاتيه هاتيه برضعه حس أنك تتمسخري عليه
                      رغد تشيله وتحطه بحضن شهد:عشنا وشفنا
                      شهد تطلع صدرها:لوسمحتي بصي هناك
                      رغد مددت رجولها وعناد في شهد تطالعها:ترى مليت من كثر ماشفتك وووع
                      شهد دقتها بقوه:وع بعينك الحين القمر عندك وتقولين وع مالت عليك
                      رغد ضحكت: طيب طيب لاتعصبين اسفين

                      جات سحر وسمر حطوا سفرة العشاء ونادوا عمهم وبدوا يتعشون مع بعض بهدوء وأخذتهم السوالف مع بعض

                      :::
                      :::
                      :::

                      قفل الملف اللي بيده وأنطلقت ضحكاته في أرجاء مكتبه بالشركه
                      فهد بنبره ساخره (بكره بنشوف ياعائله الجابر كيف بتتأقلمون بوضعكم الجديد )
                      وقف وأخذ شنطته واوراقه المهمه ورجع للبيت وأنسدح على طول في سريره وانغمس بنومه بعد يوم متعب جدا

                      أما عند شوق ..راحت لأقرب عياه خاصه بالنساء وسوت كشف
                      كانت منسدحه على السرير والدكتوره تحرك الجهاز على بطنها بجميع الجهات بعد ماسوت لها تحليل دم ولأشياء الازمه
                      شوق بقلق:طمنيني يادكتوره
                      الدكتوره:ماأخبي عليك ياشوق الورم كل مره يتضاعف حجمه يحتاج عمليه ثانيه نفس عمليتك الأولى ويمكن تكون أخطر لان حجمه كبير شوي
                      شوق أكتسى ملامحها الحزن لان توقعاتها كلها خابت وأظهرت نتيجه معاكسه:مافي حل ثاني
                      الدكتوره طلت فيها وبداخلها حزينه على حالتها الصعبه:أتمنى أنك تستخيري وبعدها تسوي العمليه عشان تحافظين على نفسك وحياتك
                      شوق طالعت في شاشه الكمبيوتر اللي تشوف فيها انقباضات رحمها وشكل الورم في جداره:الله يكتب اللي فيه الخير
                      الدكتوره أعطتها مناديل ورقيه حتى تمسح بطنها وراحت لمكتبها عشان تكتب لها روشته بالأدويه اللي تسكن عنها ألالم لو لبضعة أيام
                      شوق لحقتها:دكتوره متى تطلع نتيجة تحليل الدم
                      الدكتوره: انتظري شوي على وشك تطلع
                      دقايق ودخلت النيرس بورقة فيها نتيجة التحليل أخذتها شوق ورجعت للبيت وبداخلها تتألم كيف راح تخبر فهد بهذا الخبر ...رمت الورقه داخل شنطتها ودخلت تأخذ شور دافي وتغير ملابسها ...أنسدحت على سريرها بتعب وأرهاق حطت يدها على بطنها تحسست مكان الوشم اللي أسفله تذكرت اللي بكتف فهد مر شريط الذكريات بخيالها بسرعة البرق وأصوات كثيره أمتلت في ذاكرتها العميقه ..صراخ بكاء أنين وأهات أعقبتها ضحكات وقهقهات وسعاده بعد عناء ... تعوذت من الشيطان وأستسلمت لحرب وسادتها وعالم الأحلام

                      تعليق

                      google Ad Widget

                      تقليص
                      يعمل...