طفلتك ماعاشت احساس الطفوله روايه رومنسيه جريئه

**حلاعتيبيه** · 21-12-2009, 07:44 PM

الخبر ..
حي الحزم الذهبي ..
قصر أبوالوليد ..

كل حرف ماكتبته فيك قابل :
للتنازل والتناقض والزياده !!

كل حرف ماكتبته فيك ذابل
ماوراه إلا الحسايف والنكاده !!

باهت ومابه حلا والا توابل
حتى لو أنه يجي سكر زياده !!

سعد عيني لو أشوفك وأنتقابل
شوفتك ياصاحبي معنى السعاده !!

أجمل صدمه تعرضت لها ب كل حياتها ..
عزام جاي ب اخر الليل ينخى أبوها ي زوجهم بعد 3 أسابيع ..؟؟!
لهالدرجه فراقها أثر عليه ولا قدر يتحمله مثل ماهي مو قادره تتحمل فراقه ..
بس لأ أكيد هذا تأثير المسج اللي تركته له على مرايته ..
لما جاء ظطلب من أبوها هالطلب وهي تسمع ظنت إنها تحلم وكلماته تتردد ب إذنها وعقلها ..

( بس أنا أبغى زواجي مع زواج تركي ب نفس اليوم .. تكفى لا تردني ياعم .. )

رجاءه لأبوها كان واضح ل اللي يسمع نبرته ..
شلون اللي يشوف نظرات عيونه ..؟؟
حتى لما طلع من المجلس هي ماقدرت تتحرك من مكانها ,,

رجع أبوها ومعالم الفرحه تكتسي ملامحه بشكل كبير ..
وشافها على حالها وإنصدم إنها كانت تسمع ..
تبكي وضامه رجلينها ل صدرها ..
وأول ماشافت أبوها مقبل عليها قامت تركض له ..
إرتمت ب حضنه وهي تبكي ..
مسح أبوها على راسها وهو يقول : أنا اسف يابابا إني ماشاورتك بس ع...
قاطعته وهي تدفن راسها ب صدره وتقول : لا بابا .. أنا .. م .. أنا مواف..ق..ه ..

إيه موافقه ..
هي تحبه ..
وماتقدر تكبت مشاعرها أكثر ..
كفايه العنى اللي شافته طول عمرها ..
خليها ترتاح ب قربه ..
دامه تحبه ويحبها ..
ياه وش أروع من هالإحساس ..؟؟
يحبها ..
والله يحبها مثل ماهي تحبه ..
تحبه ويحبها ..
وإشهدوا يابشر عليهم ..

\
/
\
بعدها ب ساعه ..
الدمام ..
حي الفيصليه ..

ليه دايم
هذي الدنيا عجيبه !!
تترك اللي مانحبه / وتاخذ اللي بس نحبه !!!
وكل يدور حبيبه
ليه تهزمنا الظروف ؟؟
ليه نستسلم وننهي كل شي وكل حلم بلحظتين
ضعف وخوف
ول بعض نهدي ألمنا !!
وينتهي حلم حلمنا !!
وأنتوادع .......
بلا وداع ..........!!
وأنت مثل الهم واعي

تحرك من مكانه بيستئذن ويطلع ل غرفته ينام بعد هاليوم الطوووووويل والتعب اللي تملكه والسعاده اللي أتعبت قلبه ..
شده كلام عصام وهو يقول لأمه بلا مبالاه: أقول يمه متى بيجون أهل خالي ؟؟

قالت بأمه ب تفكير : والله مدري عنهم لي كم يوم ماكلمت مرة خالك .. بس ليش تسأل ؟؟

قال وهو يغير القنوات بال tv : اليوم أزعجني زياد يقول متحمس يجي الشرقيه وبينجن على مايجي ذاك اليوم على قوله .. مدري وش عنده ؟؟

إبتسمت سديم أوسع إبتسامهوهي تقول : إيه أكيد مستعجل دام وراه خطوبه ..

لف عليها ومقطب حواجبه ب ترقب وخوف داخلي وقال : خطبه ؟؟ أي خطبه ؟؟ وعلى مين ؟؟

ضحكت سديم على وجه أخوها وقالت وهي ترمي القنبله : خطب لمى بنت خالتي وإذا جاء أكيد بيتملك أو ع الأقل يشوفها ..؟؟؟؟

حس كأنه إنضرب بأقوى سوط على وجهه وقام واقف وهو يرمي ريموت التلفزيون ع الطاوله مصدر صوت قوي ومزعج ويصرخ : إيييييييش ؟؟ خطب لمى ؟؟ متى وكيف ؟؟ وليش ماقلتوا لي ؟؟

الكل إنصدم من ردة فعله القويه والشرسه بس أمه ردت عليه وهي تهديه : وش فيك يامك خالتك توها قالت لي اليوم إنهم ردوا على أهل خالك بالموافقه .. وأنا ماكنت بأقول لأحد الين يصير شئ رسمي .. بس هذاك عرفت وش صار يعني ؟؟

صرخ فيهم أكثر وهو يحس إن القهر بيذبحه : شلوون وش صار ؟؟ شلون يخطبها شلووووووووون ؟؟ لمى لي وبتظل لي لو مهما حصل .. (لف على ساره) وإنتي يالتبن ؟؟ أكيد تركي قالك ليش ماقلتي لي ؟؟

ردت ب خوف وعصبيه : تركي ماقالي شئ .. وحتى لو قالي وش عليك إنت حتى أقوولك ..؟؟

مارد عليها لأنه كان ممكن يذبحها بس لف على أمه وأشر عليها : إنتي يايمه الغلطانه ماشاورتيني من أول ماقالتلك خالتي عن الخطبه اذا كنت ابغى البنت ولا لا .. (صرخ ب عصبيه أكثر ) إنتي الغلطانه ..

هالمره ما أحد هداه عالعكس أشعل ناره صرخة عزام القويه وهو يقول : عصام ووجع .. هذي أمك مو أصغر عيالك حتى تكلمها بهالطريقه وتصرخ عليها .. ومتى إن شاء الله تبغاها تشاورك إذا تبغى البنت ولا لا ؟؟ بعد ما إنخطبت ؟؟ لا ياشاطر خطبة واحد على خطبة غيره حرام لين ماترد البنت بالرفض .. فهمت ؟؟ ( لما شاف نظرات عصام ضايعه وقبضة يده كل مالها وتشتد كمل) وبعدين ليش كل هالعصبيه ؟؟ دامك تبغى لمى من الأساس ليش ماتكلمت من قبل ؟؟ (وب نظره ) وإلا قلت ألعب وأتسلى وبنت خالتي محد ماخذها ب تنتظرني وأنا حتى مالمحت لأهلها عنها ..؟؟

إنفجر عصام أكثر وهو يصرخ : إنت اخر واحد تتكلم .. هذا إنت رحت باخر الليل تراكض وراء عمي عشان يزوجك .. وألحين مرتاح ومتهني اللي تبيه صار واللي تحبها ب تاخذها .. وأنا تلومني هاه ؟؟ (ولف ع البقيه وهو يضرب بإيده على صدره ) لمى لي فهمتوا .. لي أنا ..

وطلع من عندهم ثاير ومجنوون ..

\
/
\

\
/
\

تم هالبارت بحمدالله

**حلاعتيبيه** · 21-12-2009, 10:56 PM

البارت الخامس والعشرون ..

لو ذبلتي
مثلك الاحساس يذبل !!
وتبتدي رحلة ضياع
يا وداعي
مالهذا الحزن داعي !!
تنتظر فرقا جديده
تنتظر اخر قصيده
هذي هي اخر قصيده .. /أقراها وأقرا ضياعي
وأقرا هذا الحزن فيني
ألمحه في وسط عيني
ياسنيني
ليه يوم اني طلبتك ماقبلتي
وأكثر الأشياء بزمنا تقبل أنصاف الحلول !!
وعمر ماكان الفرق الحل !!
ليه حل ..؟؟؟
وأنتي عن عيني رحلتي ..
والفضا ضاق
وألف / ضاق
وألف / راق
الف .......راق
اه ياشين الفراق !!!
موت وأنفاس وسكوت !!
وعين تناظر حزينه
دمعها غصب امتحنها !!
ويد تلوح تعال دون صوت !!
الفراق احيان موت
وأكثر الأحيان موت !!
لحظه فيها كل لحظاتك تفوت
وفيها تسترجع حياتك
ذكرياتك
أمنياتك
وفجأه تصحى وأثرك ألحالك حزين
مامعك إلا ظلالك
من وفالك غير ظلك ؟؟
حتى ظلك ../ انتبه يمكن يملك !!!

\
/
\
اليوم التالي ..
يوم الجمعه ..
الساعه 4 العصر ..
الدمام ..
حي 91 ..

غريب الوقت في تالي , تحول كل شيء " ضدي "
حتىا الورد أجي ب / أسقي يقول : أرجوووووك
»| ماإودي !

كان مواعد نواف يمر عليه ويطلعون سوا ل تركي وعصام وألحين وصل ل البيت وإتصل على نواف بس مالقى منه رد تأفف ونزل من سيارته وبان لبسه بنطلون جينز سماوي مع حزام بني وتيشيرت بني محروق مقلم عرضيا بالسماوي وساعه جلديه بنيه فخمه ..
و شعره على وراء بين طوله وكثافته ..
و كان ب معنى الكلمه اسر ,,
قرب للباب و دق جرس البيت وإبتعد عن الباب وهو يرمي نظراته بالشارع اللي قدامه ..

دقائق وطلع له محمد أخو نواف (زوج مها) وفتح له الباب وهو يرحب ويهلي فيه سلموا على بعض ب حراره وبعد السلامات المعتاده قال محمد وهو يفتح الباب على كبره : إقلط يابو فهد حياك ..
رد عليه سلطان بإبتسامه جذابه وهو يقول : الله يحييك ويبقيك يالغالي .. بس والله مستعجل وبغيت نواف لأني متفق معاه أمر عليه ونروح للشباب .. بس مدري وش فيه أدق على جواله مايرد ؟؟

ضحك محمد وهو يقول : هههههههههه هذا هو داخل من سمع طاري العرس والتجهيزات للملكه وهو قاعد مع الأهل ويوم دق الباب قلت له إفتح قال والله ماقوم والسالفه فيها زواج ..

بهت لون سلطان بشكل واضح ونزل راسه وهو يحاول يغتصب إبتسامه ميته ..

ليه يامحمد تفتح الجرح وتوسعه ..؟؟
حرام علي يعني أعيش يوم مرتاح ..؟؟
ولا أذكرها فيه أو أذكر خسارتي لها ..؟؟

رفع راسه وهو يسمع صوت محمد يقوله ب قلق : سلطان .. وش فيك ياخوك ..؟؟

رد سلطان ب سرعه وكأنه يسحب الكلام من نفسه بالقوه : سلامتك يالغالي مافيني شئ .. بس ياليت تشوف لي نواف وينه عشان مانتأخر ع الشباب ,,

هز محمد راسه بإستغراب ودخل نادى نواف اللي كان لابس بنطلون جينز أسود مع حزام أبيض وتيشيرت كم طويل أبيض وفيه خطوط على شكل معينات أسود ومشمر الأكمام وجاهز ونازل من فوق بعد ماتذكر موعده مع الشباب وبيده جواله ..

شافه محمد وناداه وأول ماوصله قال محمد ب إستفهام مستغرب : نواف سلطان برا ينتظرك وسالني عنك وقلت انك قاعد تسولف مع الأهل عن تجهيزاتك للزواج وحسيته تضايق مرره .. هو فيه شئ ..؟؟ صاير له شئ ..؟؟

نواف وكأنه إنضرب أقوى كف على وجهه من كلام محمد ..

وش وراك ياسلطان من سر ..؟؟!
معقوله تكون سديم ل ألحين ب بالك ومانسيتها ..؟؟
بس إنت ماحبيتها .. إنت أعجبت فيها ..
معقوله تكون تحمل لها شئ ب قلبك ..؟!!
معقوله ياسلطان متضايق مني ومو فرحان لي ..؟؟!
وش وراك ياسلطان .. وش بداخلك من أسرار ..؟؟!

قطع تفكيره صوت محمد وهو يقول : وش فيك إنت بعد ؟؟ (وبنظره ) لايكون بينكم شئ يانواف ؟؟ ترى سلطان رجال ماعليه كلام ومايستاهل الا كل خير ,,

( اه لو تدري ياخوي .. اه لو تدري ) قالها بخاطره وهو يرد على اخوه : سلامتك مافيه إلا كل خير ,, وألحين بأمان الله ..(قالها وهو طالع ) ..

\
/
\

**حلاعتيبيه** · 21-12-2009, 10:59 PM

بعد ساعه ..
الخبر ,,
حي الحزام الذهبي ..
قصر أبو الوليد ..

كب السهر ياجفني الخادر و نم ...
........... لك كم يوم ../ماحضنت الوساده ..
تصبح على هم ..و تمسي على هم ...
..............إثر السهر لمولع القلب عاده ..!

كانت تتقلب تبي تنام زي البشر ..
من أمس مانامت إلا 4 ساعات ..
وكل شوي تقوم تصلي فرضها وترجع تحاول تنام ..
بس الظاهر النوم معاندها ..
قامت جلست وهي تطالع ساعتها ب عيون مرهقه وألم جسدي ..
الساعه 5 العصر ..
يا الله ليش النوم يعاندها دوم ..؟؟
لا ب الهم راضي يجيها ولا ب الفرح راضي يجيها ..
تذكرت أحداث أمس ..
تذكرت تقديم زواجها ..
تذكرت إن قرب الحبيب صار بعد 3 أسابيع ..
خجل ..
توتر ..
فرح ..
حب ..
شوق ..
أحاسيس تسللت ل قلبها ب كل عذوبه نتيجة هالتفكير ..
قامت من فراشها وإتصلت على خادمتها عشان تجي ترتب لها ملابسها اللي جات فيها من عند أهل عمها أمس ..

وبعدها توجهت للحمام (وإنتو بكرامه) غسلت وتذكرت إن اليوم جمعه ..
توضت وطلعت ولبست جلالها و توجهت للقبله وبدأت تثني على الله وتحمده وأتبعتها بالصلاة على الرسول صلى الله عليه وسلم وبدأت تبتهل لله بالدعاء وترجيه يوفقها لكل ماهو فيه خير ..
وإنه يشافيها ويشافي كل مريض ..
وإنه يرحم والدتها ويسخر لها منى ..
ويخلي لها أبوها وأخوانها ..
ويسخر لها عزام ويسخرها له ..
ختمت دعائها ب نفس مابدأت به لأن الله سبحانه وتعالى لا يرد الدعاء الوارد مابين الصلاة على الرسول صلى الله عليه وسلم ..

قطعت عليها الخادمه وهي تطق باب الغرفه وأذنت لها فاتن بالدخول وعلى طول توجهت ل غرفة الملابس عشان تبدا ترتيبها ..

أما فاتن حست ب راحه مو طبيعيه والألم اللي بجسمها خف نوعا ما وهذي سبحان الله من اثار الدعاء ..
مسكت مصحفها تبي تقرأ سورة الكهف وتذكرت إنه عمتها إشترت لها أشرطه ل سور القران ..
أخذت الشريط اللي موجود فيه سورة الكهف ودخلته ب الإستريو وثواني وإنطلق صوت الشيخ عبدالرحمن السديس وهو يتلو بصوت خاشع ..

بسم الله الرحمن الرحيم ..

( الحمد لله الذي أنزل على عبده الكتاب ولم يجعل له عوجا
قيما لينذر بأسا شديدا من لدنه ويبشر المؤمنين الذين يعملون الصالحات أن لهم أجرا حسنا
ماكثين فيه أبدا
وينذر الذين قالوا اتخذ الله ولدا ........ ) الايه ..

وفجأه بدون سابق إنذار حست بإختناق ب أنفاسها ..
وكأن روحها ب تطلع ..
مافيه أوكسجين ب الجو ..
فكت جلالها بإيدين مرتجفه ..
وإحساس بالخوف يدب ب أوصالها ..
وتعب ب كل جسمها ..
وكأنها أصيبت ب شلل ..
الدنيا صارت ظلام ب عيونها ..
ماحست ب نفسها إلا وهي طايحه ع الأرض وتصرخ بأعلى صوتها وتبكي ..
وتهز راسها ب لا وهي مغمضه عيونها ..
وجسمها ماتقدر على رفع إصبع منه من التعب ..

طلعت خادمتها على صوتها والرعب متملكها لأنها عرفت إنه هالحاله نفسها اللي صابتها ب بيت عمها ( لأنها كانت معاها ) ..
وراحت عندها وهي تحاول تمسكها أو تهديها بس ماعرفت وش تسوي ..
نزلت تركض وهي تنادي منى وتصرخ : ميس منى .. ميس منى ..

إرتعبت منى اللي كانت جالسه تلاعب وليد وتسولف معاه وإلتفتت على الخادمه وهي تقول : وش فيك وجع وش هالصراخ ؟؟

ردت الخادمه وهي تصرخ : ميس فاتن تعبان بس يصارخ فوق ..

خافت منى أكثر وطلعت تركض من الدرج وكلما إقتربت سمعت صوت فاتن ب وضوح وصراخها ملأ الدور الثاني ب أكمله ..

**حلاعتيبيه** · 21-12-2009, 11:19 PM

دخلت غرفتها وتوجهت لها وهي تسمع الإستريو يصدح ب سورة الكهف وعرفت إنه السبب ب حالتها ورجعت له بسرعه وهي تقفله وترجع ل فاتن اللي مازالت مستمره بالصراخ والبكاء ركعت على رجلينها جنبها وهي تقول ب قلق : فاتن .. فاتن .. بسم الله عليك فاتن ..( تذكرت وصية عمها وتوجيهاته وحطت يدها على راس فاتن وهي تقرا ) ..

بسم الله الرحمن الرحيم
( (1)الحمد لله رب العالمين (2) الرحمن الرحيم(3) مالك يوم الدين (4) إياك نعبد وإياك نستعين (5) اهدنا الصراط المستقيم (6) صراط الذين أنعمت عليهم غير المغضوب عليهم ولا الضالين (7) )

أعوذ بالله من الشيطان الرجيم
( الله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشيء من علمه إلا بما شاء وسع كرسيه السماوات والأرض ولا يؤوده حفظهما وهو العلي العظيم (255) )

بسم الله الرحمن الرحيم
( قل هو الله أحد (1) الله الصمد (2) لم يلد ولم يولد (3) ولم يكن له كفوا أحد (4))

بسم الله الرحمن الرحيم
( قل أعوذ برب الفلق (1) من شر ما خلق (2) ومن شر غاسق إذا وقب (3) ومن شر النفاثات في العقد (4) ومن شر حاسد إذا حسد (5) )

بسم الله الرحمن الرحيم
( قل أعوذ برب الناس (1) ملك الناس (2) إله الناس (3) من شر الوسواس الخناس (4) الذي يوسوس في صدور الناس (5) من الجنة والناس (6) )

وبين كل سوره وسوره تنفث عليها ثلاث مرات وهي تردد السور 3 مرات ..
لاحظت عليها قلة الحركه وصوتها بداء يقل تدريجيا ماعدا التأوهات ..
وكملت بالأدعيه اللي قرأت عنها كثير إنها تشافي المحسود بإذن الله ..

وصارت تمسح بيدها اليمنى على راسها ووجهها وتقول : - (اللهم رب الناس أذهب البأس واشف أنت الشافي لا شفاء إلا شفاؤك شفاء لا يغادر سقما )..

) أسأل الله العظيم رب العرش العظيم أن يشفيك)..

)أعوذ بكلمات الله التامة من كل شيطان وهامة ومن كل عين لامة )..

) بسم الله أرقيك , من كل شيء يؤذيك , ومن كل نفس أو عين حاسد الله يشفيك , بسم الله أرقيك(..

( أعوذ بكلمات الله التامات من غضبه وعقابه وشر عباده ومن همزات الشياطين وأن يحضرون( ..

) أعوذ بكلمات الله التامات التي لا يجاوزهن بر ولا فاجر من شر ما خلق وبرأ ودرأ , ومن شر ما ينزل من السماء , ومن شر ما يعرج فيها ومن شر ما ذرأ في الأرض ومن شر ما يخرج منها ومن شر فتن الليل والنهار , ومن شر كل طارق إلا طارقا بخير , يا رحمان )..

وصارت تكرر كل دعاء سبع مرات وتنفث عليها لحد ماشافتها هدأت وإستكانت وكأنها نامت ..
ظلت تمسح على شعرها ب حنان أول مره تحسه ب جد يطلع قدام فاتن وعشانها ..
أشفقت عليها كثير ولامت نفسها أكثر إنها كانت يوم من الأيام سبب في تعاستها ..
صارت تدعي وتدعي وتدعي إن الله يسامحها وإنه يشافي فاتن ويقدرها هي على تعويضها عن الألم اللي سببته لها ..
كانت تدعي بصوت واضح ل فاتن بما إنها قريبه منها لكنها كانت تظن إنها نائمه ..
بس فاتن كانت واعيه بس تحس للان إنها ب غيبوبه مو قادره تفتح عيونها منها ألحين ..
حاولت تحرك يدها عشان تبين ل منى إنها صاحيه بس مو قادره من التعب ..
ظلت دقائق على هالحال ومنى على حالها ..
شوي شوي بدأت تحس إنها أحسن ..
صارت تفتح عيونها وتغمضها من التعب ..
ولما قدرت تفتحها زين وتركز شافت منى رافعه يدينها وتدعي بإتجاه القبله ..
مدت يدها لحد ماوصلت ركبة الأولى وإستكانت عليها ..
وشافت منى فزعت وهي تلف عليها ب خوف وشافتها مفتحه عيونها ..

تغيرت نظرة القلق ل نظرة حنان وهي تهمس لها : هاه حبيبتي كيفك ألحين ؟؟
مسكت فاتن كف منى وتحركت عشان تجلس وهي تهز راسها ب وهن وتهمس بصوت مبحووح : أبي أروح على سريري ..
ساعدتها منى والخادمه وصلوها ل سريرها ولحفتها منى وهي تقول : وش صار لك ياقلبي ؟؟

تحسست فاتن رقبتها ب حركه عفويه كأنها تدور الشئ اللي كان خانقها وهمست : حسيت ب إختناق فضيع وخووف مو طبيعي .. وجسمي كأنه إنشل ..
قالت منى ب نظرة تفحص : عشان سورة الكهف ..؟؟
إستغربت فاتن وقالت : مدري .. يمكن .. لأني بس شغلتها جاتني هالحاله ..

قالت منى ب مواساه وتغيير للجو : طيب ياقلبي إنتي إرتاحي شوي وبعدها إذا قدرتي تنزلي لي تحت عشان نبدا نحدد وش تحتاجين من تجهيزات ونقسم متى نشتري الفستان وتجهيزات العرس ومتى نشتري الملابس والمكياج والإكسسوار وباقي الأشياء .. (وإبتسمت لها ب حنيه ) ..

إبتسمت فاتن ب تعب وخدودها تتورد ع هالطاري وهمست ب : إن شاء الله أغير ملابسي وأنزل لك ..

إبتسمت لها منى ب حب صادق وطلعت من عندها وتوجهت ل جوالها عشان تكلم عمها وتقوله عن اللي حصل ويوجهها أكثر للصواب ..

\

**حلاعتيبيه** · 21-12-2009, 11:23 PM

الدمام ..
حي الفيصليه ..

بسألك ,,
و الذي حببني فيك ..
منت حاسس ب { ابتعادك ؟!
. . { وإن سمعي حن لك !
و انها عيوني تبيك
و تعبت ,, تشتاق لك ؟

كانت جالسه مع عزام وأمها وسديم وسمر اللي جايتهم وجالسين يسولفون عن تجهيزاتهم ل زواجها وزواج عزام وخطوبة سديم ..

مناسبتين في وقت قريب مره من بعض تكسر الظهر من التعب ..
عشان كذا يبغون التجهيزات تكون على أكمل وجه من بدري ..

سمعت سديم تقول بحماس : أنا أبغى فستان ماقد صار مثله أبد أبغاه فخم وحلو بألبسه بالعرس ..(وإبتسمت ب حماس )..عاد أنا من جميع الأطراف يقرب لي ولازم أكون سبيشل بكل شئ ..

قالت سمر ب هدوء وهي تمسح الكاكاو من فستان بنتها : لاحبيبتي إنتي لازم تكونين مرره ناعمه بالعرس لأن ملكتك بعدها بأسبوع ولازم تكون طلتك فيها غير ومميزه ..

قالت سديم ب نرفزه وخدودها مورده : والله لو تكون ملكتي اليوم الثاني لأسوي اللي ببالي وماأشتري إلا الفستان اللي يعجبني واسوي المكياج والتسريحه اللي أبغاها .. والنعومه على قولتك خليها ل لمى .. هي ماتحب إلا الأشياء ال soft على قولها .. وأنا وحده أحب الناعم عند غير أقاربي .. أما أخواني لا ياقلبي إعذريني ..(قالتها وهي تتكي ظهرها ع الكنب)

قالت سمر ب نرفزه مماثله : والله هي الصادقه تعرف اللي يناسب البنات ب عمرها .. وتبغى تطلع لها طله مميزه ب ملكتها .. مو الناس يشوفونها ب عرس أخوها بشكل ونفسه ب ملكتها .. لازم البنوته تكون ناعمه شوي عشان يبان لها طله ..

تحركت سديم بقوة ل بداية الكنبه بحركه تدل على عصبيتها وهي تأشر بيدينها وتقول : وإنتي وش حارق رزك يا أختي ..؟؟ أنا ماأبغى اكون ناعمه .. أنا وحده ماتعرف النعومه زين ؟؟

سحبها عزام جنبه وهو يضحك على شكلها المتنرفز من شئ سخيف ب نظره وقال ب مرح : هد هد ياأبو الشباب مافيه شئ يستاهل زعلك ..

لصقت سديم ب عزام ب عربجه إصطنعتها وهي تقول : ياخي ناس مايجون إلا بالعين الحمراء ..(ولفت عليه وهي تقول ب دقه ل سمر ) أزواجهم يهاوشونهم بالبيت وهم يجون يطلعون حرتهم فينا ..

ضحك عزام وسحب إذنها ب خفه ب يده اللي محاوطه كتوفها وهو يقول : عيب عليك إحترمي إختك الكبيره ..

قالت سمر ب مغايضه ل سديم : خلها خلها ياعزام مسكينه على بالها إن سعود مثل نايف اللي بيصبحها ب هواش وبيمسيها ب هواش .. وهي وحده تبغى ترفع ضغطي لكن تحلم (وبدلع تحط يدها على بطنها) لأن سعود موصيني ما أزعل عشان البيبي ..

قالت سديم بإستهبال وهي تحاول تفك يد عزام اللي محاوطه كتوفها عشان تقوم على سمر :قولي قسم ياشيخه .. قال سعود موصيها لاترفع ضغطها .. ياشيخه روحي مناك بس ..وبعدين شكلك ماعرفتي من سديم بنت خالد ياحلوه .. والهواش والضرب بأخليه ل عيال خالتي اللي ربي بلاهم ب زوجات كل وحده أردى من الثانيه ..(وضحكت بصوت عالي تغيظهم فيه )

ردت ساره ب عصبيه وتوتر لأن سديم جابتها ع الجرح : يخسي إلا هو يمد يده علي ولا يطول لسانه .. ماعاش ولا كان اللي يسويها معي ..

جات سديم ب ترد إلا إنه يد عزام اللي محاوطه أكتافها أطبقت على فمها وهو يقول بهدوء حازم : أول شئ ياسديم إقضبي لسانك عن خواتك عيب ..(ولف على ساره) وأتوقع ياساره إن عيب الوحده تقول عن خطيبها أو بالأصح زوجها هالكلام مهما كان السبب.. ومافيه رجال يضرب مره بدون سبب إلا إذا كان مافيه ذرة رجوله .. (ولف على أمه وهو يقول بإبتسامه هادئه ) وإلا أنا غلطان يالغاليه ؟؟

ردت أمه وهي تبتسم له وتطالع بناتها ب تأنيب : حاشاك يالغالي .. إلا كلامك صحيح 100% ..

قالت سمر وهي تشوف عيون ساره اللي إمتلت بالدموع : صدقت ياعزام الرجال اللي يضرب مرته بدون سبب مافيه ذرة رجوله وتركي رجال ونعم فيه وغير كذا يموت على ساره و سعود يقول إنه بيموت على مايتزوج وتصير معاه وأكيد بيحافظ عليها أكثر من روحه وإلا وش رايك إنت ؟؟

قال عزام ب إبتسامه حنونه ل ساره اللي بان عليها التوتر من حركة يدينها : مافيها شك ..

***مزون شمر*** · 21-12-2009, 11:24 PM

شوقتنا نعرف وش صار لها
مشكوره على الاستمرار بالطرح
لاتطولي علينا

**حلاعتيبيه** · 21-12-2009, 11:30 PM

وفجأه قامت ساره من عندهم متوجهه ل غرفتها بدون ولا حرف ..
سكتوا كلهم وعيونهم تتبعها ..

أما هي ..

طلعت تركض غرفتها وهي تبكي ..
قلق ..
توتر ..
خوف ..
هي تدري إنه يحبها من تصريحه لها ب يوم نظرتهم الشرعيه ..
وب يوم ملكتهم وب مكالماتهم اللي كانت قبل اخر مكالمه ..
أخر مكالمه اللي تغير 180 درجه بعدها ..
بس تخاف إنه مسجه الأخير لها يكون قصده يضربها ..
طيب ليش ..؟؟
هي تميل له كثير ..
كونها أنثى إرتبط إسمها ب إسم رجل ..
رجل كان يعاملها أجمل تعامل ..
وأسلوبه رومنسي وراقي ..
كان يمطرها بأجمل العبارات وأروع الهمسات ..
وهي ب طبيعتها ك بنت تسمع هالكلام أكيد راح تنجذب ل صاحبه ..
ف كيف إذا كان صاحبه هو زوجها وحلالها ..
واللي راح تقضي معاه باقي عمرها بإذن الله ..؟؟
تشتاق له بس ماتعرف تعبر له عن شوقها ..
هي خجوله أكثر من خواتها وممكن خجلها يبين للناس العكس ..
هي دائما يخونها التعبير ف كيف إذا عبرت وبعدها مالقت ل تعبيرها صدى ..؟؟
أكيد خجلها وكبرها راح يمنعها تعيده أو حتى تحسن التصرف وقتها ,,
ع العكس ممكن تسئ التصرف وتندم على شئ سوته ..
وغير كذا هي بنت تحلم يكون لها مملكتها الخاصه فيها ..
بيت يضمها مع زوجها وأطفالها ب المستقبل ..
تحلم بالإستقرار لكن بالشكل اللي تتمناه ..
تتمنى يصير عندها فيلا مثل فيلا سمر ومثل صديقاتها المتزوجات أو حتى اللي ساكنات مع أهاليهم ..
تبغى بيتها يكون على ذوقها وب تصرفها ,,
تبغى خادمه و سواق يكونون تحت أمرها مثل صديقاتها ومثل لمى وفاتن ..
تبغى تحس ب ذاتها مثل ماهي تبغاه ..
ليش محد راضي يفهمها ..؟؟!
ليش ..؟؟!!
ظلت تبكي وتبكي ..
ودقأئق وجاها مسج صدمها وزلزلها وكان منه ..

( ليه لاجيتك وأنا كلي وله :
ماتبادل خافقي نفس الشعور ؟!!

والله أني مافهمت المسأله ..
هو دلع وإلا جفا وإلا غرور ؟!! )

وزادت دموعها وهي تمسك جوالها وتطبع له مسج سريع ..

( شفني صغيره وماوسعني كياني
احلام توصل خارج حدود الأكوان..!

وشفني كبيره وجالسه في مكاني
أعد وأغلط في تفاصيل الأحزان..! )

\
/

**حلاعتيبيه** · 21-12-2009, 11:31 PM

الخبر ..
حي الحزام الذهبي ..

من ليله البارحه وحابسني الضيق
............ عسى نهار اليوم يطلق سراحي

كانت جالسه ب غرفتها ع النت تتصفح اخر موضات الفستاتين بما إنها تحتاج فستانين ..
وب غمر إندماجها ب النت سمعت صوت مسج على جوالها ..
تكاسلت تقوم تفتحه وهي تظن إنها مرام تسالها عن تجهيزاتها ..
بس شوي وقررت تقوم وتشوفه ..
توجهت له ب الكرسي المتحرك تبع طاولتها الخاصه اللي ب غرفتها وأخذت الجوال ورجعت مكانها وعيونها مثبته ع الجهاز ويدينها تفتح الجوال ب عفويه وإنقياد ..
شوي ورجعت تطالع الجوال ..
شافت المسج وسائط ..
وكان محتواه ..
صوت عود حزين وخلفيته الرساله ..

( لحظه من فضلك حبيبي ..
ودي وياك أتكلم ..
ودي أشرح لك شعوري :
أنا في حبك متيم !!
شعاد تبغي مني أكثر ؟
قول ياعمري بصراحه
من مشى درب المحبه ..
مايعيش بيوم راحه !!

عطني الفرصه الأخيره ..
لا تصير أنتا أناني !!
ودي قربك لو دقيقه ..
خلني أفرح ثواني !!
كم مره ألتقينا ..
وماوصلنا لأي نتيجه !!
صمتي يذبحني وسكوتك ..
مابرح روحي أريجه !!

بس هالمره أبكسر ,,
حاجز الصمت بحياتي ..
وأعترفلك بالمحبه
لي متى قلبي يحاتي ؟!!
حبي لك ماهو طبيعي
وأنا مجنون بغرامك
أحب نظراتك وصمتك
وأموت والله في كلامك !!

بس مدري أنتا مثلي ..
هو شعورك زي شعوري ؟
وألا أنت الحب عندك :
شي عادي مو ضروري ؟!!
ما أبي غير الصراحه ..
وما أبي أي شي ثاني ..
والله ماراح أتضايق
بس : راح أبقى أعاني !! )

إستغربت المحتوى اللي ضرب فيها وتر حساس ..
وتوجهت عينها تلقائيا ل المرسل ..
وكانت الصدمه الأليمه ..

\
/
\

**حلاعتيبيه** · 21-12-2009, 11:33 PM

مشكوره حبيبتي على مرورك

***مزون شمر*** · 21-12-2009, 11:48 PM

مشكوره غلاتي
متابعه لك
استمري

طفلتك ماعاشت احساس الطفوله روايه رومنسيه جريئه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget