رد: روايتي الاولى اذا ذاب القلب

واو روعه روعه ابدعتي بس حرام ليش مصعب مصار تهمه ساره

رد: روايتي الاولى اذا ذاب القلب

الفصل مره جنان بس فين سارة بطلة الرواية مالها حس... وعلى العموم الله يعطيك العافية وتسلم أيدك يا قلبي...

رد: روايتي الاولى اذا ذاب القلب

سارة الله يعافيك ويسلمك
الهنوف وسارة اسعدني توجدكم الدائما
واليوم لعيونكم سارة موجودة بالبارت

رد: روايتي الاولى اذا ذاب القلب

البارت الثالث والثمانون

:عمر وش فيك
عمر بتوتر وخوف :ساجده بالحمام
قرب منه :عمر عيب عليكم لا تسوي فضيحه باخر الليل
عمر بعصبية :فيصل فضيحة ايش والبنت بتنتحر
فيصل بخوف يدق الباب :ساجده افتحي الباب
عمر :ساجدة الله يرحم امك افتحي الباب
ساجدة بدون صوت
فيصل :ليش بتنتحر
عمر بندم:شافتني مع نارجس وعرفت
فيصل بهدوء :خليك هنا كلمها وانا بنزل ادور على العده
فيصل نزل وضل يدور بالمطبخ لين ما لقى صندوق العده طلع فوق عند عمر :وش صار
عمر :ما صار شئ ما لها صوت
فيصل طلع الادوات اللى يحتاجها وفتح الباب فيصل يبعد :ادخل شوف وش فيها
عمر دخل كانت جالسة على الارض ضمه ركبها لصدرها ودافنه وجهها نزل لها
مسح على شعرها :ساجده حبيبتي
فيصل :عمر فيها شئ
عمر ابتسم معقولة نامت :لا ما فيها شئ
فيصل :متاكد
عمر طلع وهو شيلها :الله يلعن شيطانها نامت
فيصل ابتسم :احسن خليها تنام بكرا لا تكلمها عن اللى صار الليلة تصرف كان مافي شئ
عمر :اوكي قول لامي تصحيني على الفطور
فيصل :اوكي تصبح على خير
عمر :وانت من اهل الخير
عمر دخل نزلها على السرير وغطها
(بوصف لكم ساجده بنت طولها 165 سمرا ورشيقه جسمها حلو ويجذب عيونها وسيعه لونهم اسود ورموشها كثيفه وانفها حلو وملموم وشفيفها كبيره ومليانه وعندها غمازات مره واضحين بخدودها سنه اولى جامعه وهم العائله اللى سكن عندهم عمر امهم ماتت من سبع اشهر )
(تيما عمرها 17 سنه تقريبا بطول اختها ساجده بشرتها بيضا وتشبه ساجده بقوه وعندها شامه فوق شفتها بس هي على عكس ساجدة جريئه مره وقلبها قوي وما ترضي احد يغلط عليها واللى يرشها بموية ترشه بنار)
ام عند مصعب اللى جالس بروحه يطالع التلفزيون مثل البومه وتفكيرة موو مع التلفزيون صار عمره اربع وثلاثين سنه كل اصدقائه متزوجين الا هو وحيد خسر كل شئ لجل حرمه حبها من كل قلبه طاحت دمعته على خده نفسه يكون عنده طفل يملى حياته الفاضيه يا ليت يوسف عايش ما قتله له اربع سنوات ونص تاركها ما بينهم اي تواصل ولا يعرفون اخبار بعض
مسح دمعته وهو يسمع صوت جواله تعدل واخذه شاف رقمها انصدم اكيد داقت عشان الايجار له ثلاث شهور ساحب عليها ما دفع اول مره يسويها رد :الو
بعصبية :دكتور مصعب زين رديت
مصعب :احد يدق على احد بنص الليل
سارة :والله كيفي ادق متى ما ابغى ولا نسيت انا مين
مصعب بعصبيه :لا يا روحي ما نسيت ولا راح انسى مين انت الصبح اول ما افتح عيوني احول لك الفلوس
سكر بوجهها
سارة عصبت :يا حقير
رجعت دقت عليه ما رد
قام طفى التلفزيون راح على سريرة لسى تتصل هذي ما تمل وش عندها اليوم رد بدون ما يتكلم سارة : مصعب يا وقح اسمعني
مصعب زفر بقوة :وفري كلامك ولا تغلطين عطيني شهرين ادور بيت واترك القصر لك
سارة :ليش تتركه ايش السبب
مصعب بضيق :قررت استقر واتزوج واخلف
سارة :هههههه انت تتزوج اسالك بالله تترك المزح
مصعب بضيق:ما امزح سوير انا اريد دافع يخليني اعيش تعبت حيل
سارة بقهر وضيق دموعها تنزل :تستاهل تتعب وتعيش بضيق اللى سلبته مني ما يتعوض وراح اخليك تدفع ثمنه غالي راح تكره عمرك
مصعب :كل اللى دفعته ما كفاك ارحميني
سارة بعصبيه :دفعت ايش هههههه انت اللى ما رحمتني لما تخليت عني انا متت لما تركتني روحي طلعت طحت اسابع بالفراش لا اكل ولا اشرب ولا ادري باللى يصير حولي صرت اتمنى الموت والسبب انت
مصعب بصوته الباكي وبانفعال :سوير لا تكذبين لا تكذبين ما عاد اتحمل
سارة :لا مووو كذب انت دمرتني ما خليت فيني شئ صاحي تركتني وتخليت
مصعب :ما تخليت سوير انا قلت لك انك حره بحياتك وراح اضل انتظرك
سارة :تنتظرني وتبي تتزوج انت واحد حقير ونذل وس
مصعب يقاطعها :يا حقيرة لما خسرت كل شئ انت تخليتي وبعتي حبي بالرخيص انا دفعت الثمن اغلى من الثمن اللى دفعتيه الام والاب ما يتعوضون بس الابن يتعوض ارتحتي ولا لسى
سارة : لا ابني ما يتعوض امك وابوك هم اللى ما يحبونك ولا يبغونك بس انا موو مثلك ردت جنيني من اعماق قلبي انت واحد قاسي مثل امك وابوك بلا رحمه وبلا ضمير
مصعب :وانت بعد قاسية بلا رحمه وبلا ضمير
سارة : مصعب والله كنت ناويه اسامحك بس انت ما رحمتني يا مصعب ما حن قلبك علي
مصعب : سوير كافي عذاب ارجعيلي وخلينا نبدا صفحه بيضا
سارة :لا ما نرجع الماضي انتهى بالنسبة لى انت مجرد ذكرى حرقتني وحرقت كياني
مصعب ابتسم وهو يمسح وجهه :احبك
سارة امسح وجهها :اكرهك
مصعب :سوير
سكرت الخط انسدح من اخر مره خذها وتركها ما سمع صوتها يالله قديش صوتها حلو يسحرني يطير عقلي من سنين ما سمعت صوتها حط يده على قلبه : اخ يا قلبي بموووت
***
اما عند نور وسامر نور :حبيبي وش فيك
سامر يعدل وضع نومه :بطني
نور تضحك :سلامتك
سامر :نونو لا تضحكي احسن ما اطردك
نور تعض شفتها سامر :اي كذا خليك شاطره
نور بعد سكوت :سامر
سامر :نعم
نور :مقهوره على فيصل قلبي يحترق عليه
سامر تعدل :كلنا مقهورين على رجل فيصل بس هذا المكتوب
نور ودموعها تطيح على خدها :شفت عيونه كيف كلاها الم وحزن رغم انه يضحك
سامر ضمها :بس يا عمري المهم رجع لنا بخير
نور وراسها على صدره :الله يسامحك يا ياقوت
سامر :الله يسامحها
سامر بعد سكوت دام بينهم :نونو حبيبتي
نور :ها
سامر :بقول لك سر
نور بعدت عنه: سر
سحبها لحضنه :اوعديني ما تقولي لاحد
نور :وعد ما اقول لاحد
***
اما عند جسار اللى من وصل على البيت تروش وحط راسه بينام
دخلت منار قميص البيت سماوي لنص الساق بدون اكمام وشعرها ينقط مويه :جسار
جسار :هممم
منار جلست عنده بميانه:جسارو قوووم بكلمك
جسار فتح عيونه :اذا بتحشيني بخلق الله اتركيني انام
منار تضحك :لا ما راح احش يلا قوم
جسار تعدل :قمت وش عندك
منار مسكت يده :عندي موضوع معاك
جسار :موضوع
منار :انا مليت من البيت
جسار ابتسم :الله اكبر منور ملانه من البيت ما اصدق انت اصلا كلك على ممله حتى طلعه ترفضين تطلعين معاي
منار طالعت فيه بانكسار :ابي اكمل دراستي
جسار انسدح :انا افضل تقابلي بيتك وابنك افضل لك
منار عيونها تلمع من اللى قاله :ليش من حقي ادرس واتعلم
جسار بطفش : لان انت بكل الحالة مووو فالحه بشئ وجودك كعدمه
وغمض عيونه منار طلعت من الغرفه دخلت على الحمام طالعت بنفسها بالمرايا ودموعها شلال على خده
بعد دقايق طلعت من الحمام كان نايم
انسدحت بالصاله ضلت تبكي لين ما غلبها النوم
***
ياقوت بعصبية :وين كنت لك ساعه
فيصل جلس بقهر وعصبية :مع الاسف ما قدرت اشيل الصينية واطلعها لحضرتك
ياقوت تضيقت وقفت ومسكت يده :انا اسفه تعال اجلس
فيصل سحب يده منها :بعدي عني
ياقوت ضلت ساكته رمى العكاز وجلس على طرف السرير
ياقوت شالت العكاز من الارض
حطته على الكنبه لبست عبايتها ونزلت دخلت حطت الاكل على السرير قاصده تعصب فيصل رمت العباية و فتحت جوالها صورت الاكل وارسلت لسارة :حبيبي تعال اكل معاي
فيصل ما رد ياقوت جلست ورا فيصل وضمته :تدري انا احبك بكل حالتك اعشقك وامووت فيك ما اتحمل فكرة اعيش بدونك انت نبض قلبي
فيصل : ياقوت اتركيني بحالي
ياقوت تبوس كتفه :اطلقت على رجلك لاني خفت عليك تموت
فيصل بضيق :اياد الصبح سالني ليش امشي بالعكاز وش فيها رجلي
ياقوت :فيصلي وش قلت له
فيصل ابتسم :غيرت الموضوع اليوم نظرات الناس بالمول لى كنت غريبه وكلها شفقه
ياقوت : ما علينا من الناس اهم شئ انا
فيصل :انت
ياقوت ابتسمت وهي تبوس خدوده :فيصلي احبك واريدك تكون معاي ولى بكل حالتك فيصل انت عالمي ودنيتي
فيصل مسك يدها وباسها :فكرت كثير اطلقك
ياقوت تبعد عنه اشوي وتبكي :تطلقني
فيصل لف عليها :موو انت اللى خليتني اعرج
ياقوت بكت فيصل :ياقوت خبله الطلاق موو عقاب
ياقوت :عاقبني انا استاهل كل شئ بس لا تتركني
فيصل :ما اتركك يلا اكلي ونامي
ياقوت تمسح وجهها :ما راح نسهر
فيصل :لا
ياقوت :اذا ما نسهر ما اكل
فيصل يمدد :لا تاكلين شوفي كرشك يا كبرها
ياقوت حطت يدها على بطنها :من الحمل خربت جسمي الله يسامحك ك
فيصل يضحك :باقي اربع مرات ايش رايك نخلف عشره
ياقوت تضربه على صدره : لا والله موو على كيفك هذول ومووو ملحقين لهم مصاريف
فيصل :هيييي لا تكبي الاندومي على السرير
ياقوت تجلس عدل واكلت :مشتهي تطبخ لى امممم الذ من طبخك ما ذقت
فيصل :انت احملي وشوفي كيف اطبخ لك وادلعك (غمز لها )
ياقوت تغير الموضوع :تعال اكل معاي
فيصل :لا مالي نفس
ياقوت :تتذكر وش كنا نسوي بشقتك المعفنه
فيصل ضرب كتها بخفها :انت المعفنه
ياقوت بكذب :اخ وجعتني
فيصل تربع : انتبهي لتصرفاتك لاني ناوي اضربك
ياقوت تاكله :حبيبي كبرنا على الضرب بعدين عيب عليك وش كبرك وتبي تضربني
فيصل ابتسم :انا حذرتك
ياقوت ابتسمت ؛يصير خير
فيصل :الحين نتكلم عن شغلك
ياقوت :اي تكلم مين مانعك
فيصل :وجهك تغطينه
ياقوت :موافقه
فيصل :ونتفق على وقت دوامك
ياقوت :انا من الصبح لظهر بالجامعه بالاجازات ادوم بالشركه الصبح
فيصل :ياقوت اذا قصرتي اتجاهي واتجاه عيالك راح اجبرك تتركي الشغل
ياقوت بينها وبين نفسها (يا ربي سامحني على تقصيري اتجاه عيالي بس انا مجبوره ما ابي شئ ينقصهم ) فيصل :ياقوت وين وصلتي
ياقوت :ها معاك ان شاء الله ما اقصر
فيصل :من اليوم مافي طلعه مع السواق انا اوصلك للمكان اللى تريدينه
ياقوت باست خده :احبك
فيصل يضحك :وانت اموووت فيك يا احلى ولد
ياقوت بقهر :بدينا
فيصل يخرب شعرها :اذا انقص شعرك انا ذابحك يا ياقوت
ياقوت حطت راسها على صدره :فيصل ضمني نسيني وحدتي والليالي اللى بكيت واناديك فيها ترجعلي
فيصل :شيلي الاكل من السرير واضمك
ياقوت شالت الاكل ورجعت تركض نطت على السرير فيصل بعصبية :وجع انت مجنونه
ياقوت باستغراب :بسم الله ليش عصبت
فيصل :ام لخمس اطفال وعمرك ثلاثه وعشرين سنه ولسى تسوين هذي الحركات
ياقوت :جد واللى تصير ام تبطل هذي الحركات
فيصل انسدح وعطاها ظهره
ياقوت بعد انسدحت وعطته ظهرها
***
ثاني يوم
ياقوت لبسه تنوره سوداء لنص الساق ماسكه على جسمها وبلوزه بيضاء بازرار باكمام قصيرة استشورت شعرها وحطت مكياج وهي تحط الروج فيصل دخل على الغرفه وضمها من ورا وباس خدها :صباح الخير
ياقوت :صباح النور
فيصل :حبيبتي متى صحيتي
ياقوت ابتسمت :من ساعه صليت جهزت الفطور
فيصل :يعطيك العافية
ياقوت :الله يعافيك تقدر تبعد
فيصل يضمها اكثر :لا اللى يشوف القمر يقدر يبعد
ياقوت تطالع بساعتها :معاك ربع ساعه تفطر يلا يمداني اوصل الجامعه
فيصل بعد عنها :عكازي مره ثانية حطي جنبي الفجر بصعوبه وصلت له
ياقوت تاخذ عبايتها وشنطتها :تامر امر يا ابو اياد
فيصل :ليش واقفه
ياقوت :انتظرك تمشي
فيصل مسك يدها :لا تزعلين مني
ياقوت تمشي معاه :موو زعلانه ليش تعصب عادي انا كذا من يوم يومي بس لما اكون حامل انتبه لحركتي
فيصل يضحك :انت قلتيها بس تكوني حامل تنتبهي ايش معنى كلامك
ياقوت تشبك اصبعها باصابعه :معنى كلامي اممم وش عندك اليوم
فيصل :ما عندي شئ بامر جسار
ياقوت :بس ارجع الظهر نتكلام عن السفرة
فيصل :الحين اقول لامي واشوف رايها
ياقوت (لا بيسال امي جديده هذي ):اوكي اسالها
صبحو على الجميع الكل بهذا الوقت يكونوا صاحين وفطرو ومع عمر والجد وسامر ونور وتيما
نور وسامر فطرو بسرعه وقامو يوصلون العيال على المدرسة اعيال فيصل براعم وفيصل وفتون تمهيدي طبعنا نور تشتغل بنفس المدرسة مدرسة انجليزي
ياقوت وهي تلف طرحتها :فيصل يلا تاخرنا
فيصل وقف :يمه ساعه وارجع لكم نتقهوى الجد :فيصل يا وليدي انتبه لنفسك
فيصل يبوس راسه :حاظر يبه
الجد :الله يرضى عليك امشي صح وما عاد نبي مشاكل
فيصل :يا ابو عبدالله الماضي انتهى وعفى الله عما سلف
الجد :الله يصلحك
طلع فيصل مع ياقوت ركب وشغل سيارته شاف كيف حالتها يرثى لها ياقوت :حبيبي
فيصل بحده :وين النقاب
ياقوت طلعت النقاب من الشنطه :هذا هو
فيصل :سواقك الخبل وش مسوي بسيارتي
ياقوت :حبي موو مسوي شئ
فيصل :كل هذا وموو مسوي شئ
ياقوت : وش رايك اخذ قرض وتشتري لك سيارة جديدة وهذي نخليها للبيت
فيصل يحرك :موو وقت السيارة
ياقوت تطلع موقع الجامعه بجوالها :خذ شوف موقع الجامعه
فيصل اخذ منها ياقوت تشغل الراديو ما حصلت فيه شئ
مدت يدها على جيبه فيصل :وش تسوين
ياقوت تطلع جواله : بشوف جوالك
فيصل يطالع بالطريق :ليش تشوفينه
ياقوت تفتح الجوال :حبيبي مبروك الجوال تشوف خيره
فيصل :الله يبارك بعمرك
ياقوت شغلت اغنية عطشان
فيصل ابتسم :بنت ما تعقلين
ياقوت :
No
فيصل يشوف المكيف :اووف الجو حار
ياقوت :المكيف حار دام ما تبي سيارة جديدة اليوم ورينا شطارتك يامكنيكي
فيصل :ان شاء الله كيف دراستك
ياقوت :حبيبي انا اشطر وحدة بكلية ادارة الاعمال لان من اول ما درست ادارة الاعمال اشتغل مع الاستاذ سعود
فيصل :ثعلبة السوق
ياقوت ابتسمت :ان شاء الله ربي يرزقنا وافتتح شركتي الخاصه
فيصل :ان شاء الله الله كريم
ياقوت :حبيبي مر على المقهى
فيصل :ليش
ياقوت :اشتهيت كوب قهوة
فيصل بكذب يبي يعصبها :ما معاي فلوس
ياقوت ترجع جواله على جيبه :كيف ما معاك
فيصل :ما معاي ايش اسويلك معاك فلوس
ياقوت فتحت محفظتها طلعت عشرين ريال :خذ
فيصل اخذ :بس
ياقوت تسكر محفظتها:ما عندي
فيصل اخذ المحفظه :يا بخيله لا تكذبين
ياقوت عصبة :موو بخيلة الخمسة عشر الف بالصرافه وين وديتهم امس
فيصل :انت قلتي حلال علي
ياقوت تاخذ محفظتها منه :اي حلال عليك بس والله هذا الشهر ما راح اعطيك ولا ريال
فيصل يضحك من قلبه
***
اما عند جسار صحى متاخر قام لقى شنطتها مليانه طلع من الغرفه :منور يا منار
دخل لصاله
منار :صباح الخير يا ابو عبدالله
جسار طالع بوجهها كان احمر من البكي وقدامها الفطور جاهز جلس :ليش مجهزة شنطتك
منار :مشتاقه لاهلي وانت قلت لى من كم يوم بتوديني
جسار يفطر :مشغول هذا الاسبوع ما اقدر اوديك
منار تصب له شاي :لا توديني انا بتصل على جسوم
جسار بحده :مافي روحه انسي الموضوع
منار وقفت وبانفعال ودموعها تنزل :موو على كيفك ابي امي
جسار طالع فيها :منور لا تعصبيني
منار بصراخ :جسار يكفيني انا اكرهك طلقني
جسار بحده :صوتك لا ترفعيني
انتهى البارت توقعاتكم

رد: روايتي الاولى اذا ذاب القلب

والله ساره صايره حيوانه ياخي
تسلم يدينك البارت روعه

رد: روايتي الاولى اذا ذاب القلب

في البداية الله يعطيك العافية يا قلبي عن جد أبدعتي اليوم... بس أحس سارة إلا لآن ما عقلت مع أنه المفروض تكون كبرت وصارت تفرق بين الصح والغلط ... مصعب لازم يتصرف كرجل مو كمراهق يعنى لازم يخليها تعرف قيمته وإنتي ما ذكرتي لنا أيش صار عن موضع حمل ساره في المولود الثاني وهل هو موجود أم لا... وسعود حرام عليه ليش يسوي في يارا كذا لأنه مو كل الحريم سوى.... على العموم الله يعطك العافية وتسلم إيدك يا زوزو ونتظر رجوع سارة ومصعب بشكل واضح في الروايه... وإحنا ننتظر الفصل القادم...

رد: روايتي الاولى اذا ذاب القلب

يا هلا بنات الله يسلمكم ويعافيكم نورتو اسفه على الغياب ما عندي نت هذي الفترة

رد: روايتي الاولى اذا ذاب القلب

البارت الربعه والثمانون

يا الهي كم عندي حنين للمستقبل
يوم وصول سارة فيصل وسامر وجسار وعمر كلهم رايحين يستقبلونها اول ما طلعت عند باب الاستقبال بعد ما خلصت اوراقها اول ما شافتهم ركضت بسرعه كنت لبسه عباية عسلية وحجاب من نفس اللون وكاشفه وجهها وضمت فيصل وهي تبكي :فيصل لا عاد تتركنا
كل الناس تطالع فيهم فيصل وهو يمسح على ظهرها :والله ما اتركم الحمدلله على سلامتك
سارة :الله يسلمك وربي لك وحشه
فيصل ابتسم :وانت بعد لك وحشه يلا كفايه كذا الكل يطالع فينا بعدت عنه بعد ما باست راسه ويده وضمت عمر :عموري
عمر بفرح :اشتقت لك يا خبله
سارة ابتسمت من بين دموع :انت الخبل ان شاء الله ما عاد نفترق
باست راسه ويده
طالعت بجسار باست يده وراسه لان جسار حسبت ابوها :جسار كيفك
جسار ابتسم :الحمدلله بخير نورت الرياض برجوعك
سارة ابتسمت :النور نوركم ابو فيصل كيفك
سامر ابتسم :الحمدلله دام انتهت ايام الفراق وارتاحت عمتي ام فيصل برجوعكم لها انا بخير
سارة :الحمدلله
فيصل حط ذراعه على كتوفها وعمر شال شنطتها طلعو من المطار
بعد ساعات
سارة وهي بحضن امها وراسها على صدر امها واثنينهم يبكون فيصل و يارا ونور وعمر يطالعون بصمت
دخلت ياقوت على غرفت ام فيصل وابتسمت :يمه ما كفاكم بكي هذول عيالك كلهم حولك ليش الدموع
سارة :ماما اشتقت له
ام فيصل تبوس راس سارة :بدر الله يرحمه وصلنا انا وفيصل كثير فيك
الكل ترحم عليه
سارة طالعت بياقوت :عندي موضوع لكم
الكل طالع فيها
فيصل :لا يكون ناوية تتزوجي
سارة تمسح دموعها وبضحك :لا وع شنو اتزوج
عمر :اشو فكرتك غيرانه مني
سارة :لا شنو اغار الله يسعدكم
الكل آمين
فيصل :يلا احكي
سارة تعدلت :بصراحه انا موو عارفه من فين ابدا بس لزم تعرفون مني انا
وسكتت يارا :سارة يلا قولي
سارة :اممم انا من اربع سنوات ونص كان عندي فلوس من تجميعي كم الف دخلت التداول
عمر :نعععم
سارة :وش فيك عصبت انتم تتوقعون لى سنوات عايشه من فين
فيصل :مين اللى فتح لك صرافه
سارة طالعت فيه :ابو صديقتي يشتغل بالبنك بمنصب عالي وفتح لى حساب بنكي
فيصل :ليش ما قلتي من قبل ليش جايه الحين تقولين
سارة :لاني صرت هموره
البنات صارو يضحكون
عمر بعصبيه وقف ومسكها من شعرها :سارة يا حيوانه اعترفي من فين لك الفلوس
فيصل بسرعه مسك عمر وامه تحول تفك شعر سارة وهو صار يغلط بالكلام على سارة
يلا فكوها والبنات طلعو عمر برى بس بقى فيصل وياقوت مع سارة ياقوت ضمت سارة اللى تبكي :سوير خلاص اهدي
فيصل :سارة
سارة بعصبية :والله اني ما سويت شئ غلط كان عمري ثمانية عشر سنه كنت بالسن القنوني حتى اقدر افتح حساب بالبنك واشتغل بالتدول
فيصل :سارة افهميني نحن اهلك ولزم نعرف كل شئ عن حياتك
سارة : ليش مووو مصدقين كلم مديرة اعمال
فيصل :دقي عليها
سارة دقت على مديرة اعمالها وفيصل طلع من الغرفه وكلامها سارة انسدحت :ياقوت يلا فارقي بنام
ياقوت تضربها :حيوانه ما ينفع معاك المعرف بسببك فيصل ما رضى نسافر
سارة انسدحت :لكم مني احسن سفرة باجازة الصيف
دخلت يارا على الغرفه :سارة
سارة بتعب :انا نايمه
يارا :امي تناديك تتعشي
سارة :مالي نفس
سارة نامت وما سائلت عن احد
***
ثاني يوم صحيت طالعت بامها :ماما الساعه كم
ام فيصل جسلت وهي تمسح على شعر سارة :الساعه سته ونص ارجعي نامي
سارة تعدلت بتعب :لا مامي يكفي نوم سامر تحت
ام فيصل :لا راح يوصل نور والعيال ويروح لشغله
سارة وقفت :ماما طلعيلي ملابس من عندك مالي خلق افتح الشنطه
ام فيصل :حاظر يا ماما سارة راحت على الحمام وامها طلعت لها ملابس
دخلت على الصاله :صبااح الخير
فيصل وياقوت والجد وساجدة :صباح النور
باست راس جده :جدي حبيبي كيفك
الجد :الحمدلله بخير دامكم بخير
سارة باست راس فيصل :اسفه على اللى صار امس
فيصل ابتسم :لا تشغلي بالك عمر وعدني ما يتعرض لك
سارة بفرح :الله لا يحرمني منك
الكل :آمين
سارة جلست جنب ابو عبدالله متربعه :جدي حبيبي وش رايك اليوم اجلس معاك
الجد :سوير ودي نجلس بس اعذريني امك بتاخذني على الموعد
سارة :موعد وش
ام فيصل :ابوي عنده موعد مع دكتور الباطنية
سارة : ماما انت ارتاحي انا باخذ جدي للموعد اشتقت لك
وباست خده
الجد :تشتاقلك العافية
فيصل : ساجده وين تيما اليوم ما نزلت تفطر
ساجدة :تيما وعمر طول الليل يلعبون طوبه بالبيلاستيشن
ياقوت :كلنا نحب اللعب
ام فيصل :صحيهم بعد اشوي يلا يمداهم يفطرون عشان نروح نخلص تسجيل تيما
فيصل :يمه لا تشغلين بالك واسطت مصعب (سارة طالعت بفيصل اول ما قال مصعب ) قوية ان شاء الله اول ما تدخلين مع تيما وساجدة تتسجل تيما بالمدرسة اللى تختارونها
ساجدة :يا رب يكون الموضوع سهل مثل ما تحجي
سارة :حبيبتي ما حكيتي لى ليش عمر تزوجك وفكانا من العله نارجس
ام فيصل بعصبيه :سوير لما تتكلمي عن بنت خالك تكلمي بادب
سارة ابتسمت ببرائه
ساجده بخجل :ماما الله يرحمها (الكل ترحم عليها )قبل ما تموت وصت عمر بينا وعمر زلمه والنعم منه وصاحب غيرة وحيل وقف معانا بالمواقف الصعبه نعرفه من سنين كلبه طيب وشهم طلب يدي من خالتي بعد موت ماما وعقد على بالسفارة
سارة بفرح : الحمد لله
ساجده صارت الوان
سارة وياقوت صارو يضحكون لان ياقوت تفهم كلام سارة ياقوت :ابو اياد يلا تاخرنا
فيصل وقف :يلا بسرعه
الجد مد يده لفيصل فيصل وقفه :يبه وين
الجد :ام فيصل تعالي عطيني الدوا
ام فيصل وقفت وراحت مع ابوها على غرفته
فيصل طلع مع ياقوت
سارة ابتسمت :ساجده اقول لك
ساجده طالعت فيها :هلا عيني كولي
سارة :حبيبتي نصيحه تسوى ذهب ديري بالك من الحية نارجس
ساجده بخوف :شلون يعني مفتهمت
سارة (ياربي شكلها طيبه ومسكينه ):نارجس الزفت راح تضل تحوم حول عمر ما راح تتركه
ساجده حطت يدها على خدودها بخوف:يمه رجلي شنو اسوي
سارة تدهن توست بالجبن :حبي رجلك بخطر عظيم
ساجد تصب لها كاس ثاني شاي :سارونه والحل
سارة :سوسو الحل عني لا تشغلي بالك والله ثم والله الكلبه نارجس ما تاخذه لوو تموووت
ساجدة تطالع بسارة اللى تاكل بشهيه
:حبابه عفيه عليج شنو راح تسوين
سارة :ساجده ركزي زين وانا اكلمك
دخل عمر وشعره منكوش ببيجامه النوم :صباح الخير
ساجده وسارة :صباح النور
جلس بينهم ساجده تصب له شاي :عموري ازيد الك شكر بالجاي
عمر :لا حبيبي انا ما اشرب الشاي حلو معاكم لانكم تحبونه حلو
سارة تمد له توست بالجبن :عموري تاكل
عمر :لا ساجده
ساجده :عموري تدلل
عمر يتثاوب :سويلي صمولي باللبنه والزعتر

ساجده ابتسمت وهي تسويله سارة :عموري لا تضل مكشر بوجهي
عمر :انت حره مالي علاقه فيك
ساره :شكرا لك يا اخوي العزيز والله اخيرا عرفت تختار زوجه
عمر :وش قصدك
سارة وقفت :انت تعرف زين وش قصدي
وراحت
عمر :استغفرالله وش فيها هذي من الصبح
ساجده :حبيبي
عمر :هلا
ساجده تعطيه الصمونه :شبيك عليها ترى سارونه اهوايا حبابه ودخلت بسرعه لكلبي
عمر ياكل :مافيني شئ بس اختي واعرفها ما تتغير
ساجده :زين اريد ملابس للجامعه لزم من باجر ابدا دوام
عمر :الحين نخلص من تسجيل تيما والعصر نروح لسوق اشتريلك كل شئ تريدينه
ساجده تبوس خده :شكرا حبيبي
تيما :هييي عيب عليكم انتم بالصاله يالمتستحون
عمر ابتسم :تعالي افطي احسن لك من الكلام الفاضي اللى بلا معنى
تيما تجلس جنبه : البارح فزت عليك ولزم اليوم تاخذني وياك اي مكان تروح له
عمر :لا حبيبتي ما اخذك الا على الوزارة والسوق غيره ماكو
تيما بزعل :ماكو
عمر :ماكو ماكو
تيما :بالله عليش متاخذني
عمر يعطيه صمونه:حبيبتي توته هنا موو مثل امريكا اخذك معاي كل مكان
تيما :اوووف يا عموري مليت لو كنت ادري هيج السعودية جنت ما فكرت اجي
عمر وهو يوقف :توته افطري بسرعه
تيما :وش فيه الاستاذ عمر ضايج اليوم
ساجده بعصبيه وهي تفتح جوالها :ضايج منج يلا بسرعه خلصي يلا يمداج تبدلين هدومج
تيما :يا ربي شوكت اكبر واتزوج
ساجده :ولج تيما سدي حلقج لا الشمرج بالفون
تبما :سوسو قومي سويلي بيض
ساجده :ماكو بيض اكلي من الموجود
ام فيصل وهي داخله :يمه تيما لا تاكلين الحين اسوي لك احلى بيض
تيما بفرح :شكرا عمه الله لا يحرمني منج يا كلبي
ام فيصل :ولا منك يا عسل
ساجده تقوم وهي تخز تيما :كعدي عمه لا تتعبين عمرج اني اسويلها
رجع جسار من شغله العصر تعبان اول ما دخل شاف منار لبسه فستان احمر علاقي ماسك على جسمها لنص الفخذ وحاطه مكياج ومستشوره شعرها ولبسه شوز عالي مره لونه اسوود وخلخل ناعم ذهبي جالسه تطالع التلفزيون وعطرها فايح جسار طالع فيها باعجاب :جوعان حطيلي الغدا بسرعه
منار قامت على المطبخ تجهز له الغدا دخل تروش ولبس بيجامه قطنيةرمادي طلع على الصاله جلس :منار شيلي عن الاتراك
منار حطت على الاخبار
وهو يطالع الاكل :وش هذا
منار :سلطه فاصوليا ودجاج مشوي
جسار سمى واكل وهو ياكل :الا على وين رايحه اليوم
منار تطالع التلفزيون :ولا مكان مقابله بيتي وزوجي وابني
جسار :زين والله صاير فيك عقل ونصايح الحريم اللى حولك اخيرا جابت نتيجه بس ناقصك اللسان الحلو يا ليت ينباع كنت اشتريت لك لسان حلو
منار :الله يسامحك الحين انا لساني مؤذي
جسار :تعالي اكلي معاي
منار :فطرت متاخرة
جسار رفع لها قطعة خس من اللى مزينه فيهم :حبيبتي اكلي من يدي
منار بصدمه بقلبها (حبيبتي مره وحده)
دفت يده ووقفت وراحت
لحقه على المطبخ :منار شنو هذي التصرفات
منار تمسح دموها وهو وراها :لا تكلمني
جسار لفها :بايش غلطت معاك
منار تبعد عنه وبعصبيه وهي منفعله : انت ما تبيني مالي حظ معاك شنو سويتلك
جسار مسك كتوفها :منور اهدي
منار تحول تبعده عنها :انتهينا انت موتتني باهمالك وبرودك
جسار :منار انا اسف اوعدك اتغير
منار جالست على الارض وهي تشهق من اعماق قلبها :لزم نفترق ما عاد انفعك يا ابو فتون
جسار جلس على الارض وبعد سكوت دام فترة
سمعو صوت عبدالله يبكي قامت وقام وراها :حبيبتي عشان خاطر ابنا عبودي عطيني فرصه
منار طلعت من المطبخ بدون ما ترد عليه شالت ابنها وصارت تبوسه وتضمه وتشم فيه وهي تبكي
جسار وقف يطالعها مع ابنهم بصمت
منار سكتت ابنها وجهزة شنطتها جسار جالس بالصاله بدون اي تعليق
منار جهزت نفسها وطلعت لبسه عبايتها :انا جاهزه
جسار شال شنطتها واخذ ابنه وطلعو بالسيارة ماسكين طريق الدمام
***
ويمر اسبوع على ابطالنا
ياقوت حطت الصينية قدامه فيها حلى وكوب كبير قهوة وهي تضم فيصل من كتوفه باست كتفه وقالت :حبيبي محتاج شئ
فيصل نزل القلم من يده :لا يا عمري ما اريد الا راحتك
ياقوت باست خده :يلا كمل مذكره وانا نازله لخالتي والعيال
فيصل :ترى جوعان متى العشا يصير
ياقوت ابتسمت :اول ما يتسوي اطلع لك العشا احبك
فيصل ابتسم لها :شكرا
ياقوت بزعل :انا اقول لك احبك
فيصل :احبك ارتحتي ولا لسى
ياقوت :اي ارتحت
باست خده بقوة وطلعت من الغرفه
***
عند عشق البنات والنساء عند الحلو مصعب طلع من عيادته بلسه الازرق ولبس البالطو الابيض شاف الدنيا حوسه والزملاء داخلين طالعين مصعب شاف لين جايه :لين لا يكون المبنى يحترق
لين ضحكت :لا تشغل بالك مافي حريق
مصعب :اجل ايش صاير
لين :المدير عطنا خبر اليوم صاحبة المستشفى الجديدة جايه تشوف الوضع
مصعب ابتسم :مالت عليهم تعالي نشرب شئ بارد
لين :اوكي ادخل الملف واجيك
مصعب :لا بنتظرك يلا بسرعه
لين دخلت الملف وسكرت العيادة بالمفتاح ونزلت مع مصعب
اشترى مصعب لهم عصير مثلج وهم طالعين الكل تجمع عند الاستقبال مصعب :لين يلا
لين تطالع وبحماس :خليني اشوف صاحبة المستشفى اكيد عجوزة مهتري
مصعب يضحك بقوة وهو يغمز لها :اكيدين موو اكيد وحده
كلها دقايق ودخلت صاحبة المستشفى وطبعا عطرها سابقها مستقبلها برى المدير ومساعدة وكل المسؤولين الكبار كانت تمشي بشموخ بشوزها العالي اللى ملى المكان ضجه والنظارة الشمسية السوداء وكل الانظار لها وهي تسمع المدير يرحب فيها بحرارة
مصعب طاح من يده الكوب وهو فاتح فمه بصدمه
لين :مصعب وش فيك
نزلت النظارة من عيونها وبصوت ناصي :السلام عليكم
الكل رد :وعليكم السلام
بثقل :يعطيكم العافية
ومشت مع المدير والمسؤولين
مصعب ترك لين وركض وراهم طلعت بالمصعد اول وحده ما حست الا بمصعب يطلع معها ويسكر المصعد مصعب مسك زندها وعصبيه وصارخ :يا حيوانه ما لقيتي الا هنا تجين وش هذا المكياج
ببرود :نزل يدك احسن لك يا محترم
مصعب طلع منديل من جيبه وصار يمسح وجهها بعنف وهي تضرب :يا حيوان اتركني آآه وجع وخر
نزل المصعد
انفتح المصعد
الكل يطالع المدير بعصبية :دكتور وش اللى سويته
مصعب رمى المنديل بوجه سارة ورمى البالطو على الارض مسك يدها وجراها وراه وداس البالطو وطلع على اقرب عياده
دفاها :انت بلا اخلاق سوير يا حقيرة وش هالوقاحه
سارة بتحذير :احترم نفسك يا دكتور مصعب انت مجرد موظف عني
مصعب :هين يا كلبه وربي لاخليك تندمي
سارة ببرود :اندم
مصعب بقهر :يا محترمه انقلعي تروشي كل رجال شم عطرك زنيتي معاه
طلع ورقع الباب وراه سارة طلعت وراه
المدير بخوف :انسى سارة هالمجنون سوالك شئ
سارة تطلعت فيه بحده وجها محيوس ببرود :لا ما يتجراء
المدير يمشي معاها :الحين اطرده
سارة بحده :مين قال لك ابيك اطرد الدكتور مصعب
المدير :انسى سارة تعرفينه
سارة ابتسمت :قريبي ومره ثانية احترم نفسك وانت تتكلام عنه وين دورة المياة
المدير موو فاهم حاجه :تفضلي من هنا
سارة دخلت دورة المياة غسلت وجهها وهي تنشف دخلت لين على عليها :ممكن اتكلام معاك يا مدام سارة
سارة طالعت فيها بحده :لين انا انسه سارة مووو مدام
لين قربت :اسفه حرام عليك ما كفاك اللى صار بمصعب
سارة ابتسمت :لين قلبي احترمي نفسك عشان خاطر المعرفه اللى بينا
لين :اسمعيني والله م
سارة تقاطعها :رحما الله امرء عرفا قدرا نفسه
لين ضغطت على باللطو مصعب اللى شايلته :حسبي الله عليك
انتهى البارت توقعاتكم

رد: روايتي الاولى اذا ذاب القلب

البارت الخامس والثمانون
سارة اجتمعت بالادارة وطلبت منهم يحظرولها مكتب لانها راح تصير تدوم
دائما
اما عند عمر اللى اخذ تيما من المدرسه ورايحين يجيبون ساجده من الجامعه ومشغلين اغنية شعجب قاطع بيا
ويغنون مع الاغنية
وقدام الجامعه لسى يغنو مع الاغنية وداخلين جو ساجد جت وفتحت الباب تيما :هييي شبيكم رزلتوني جدام الناس
عمر :رزلناج ؟
ساجده :اي يلا تيما انزلي
تيما :لا يا ماما انت اقعد ورا اني مكان يم عموري فديته
عمر :يا بعد قلب عموري فداك الكون
ساجد سكرت الباب وركبت ورا
عمر شاف ساجده معصبه
ابتسم :شنو تحبون تتغدون
تيما بفرح :اروحلك فدوه اريد باسته
عمر :تامري امر كم توته عندنا سوسو حبيبتي شنو تاكلين
ساجده وهي ضامه نفسها :ما اريد كلشي
عمر غمز لتيما :تيما اختج زعلانه شنو رايج نغنيها تترضى
ساجده بسرعه :والعباس مووو زعلانه بس لا تغنون
عمر :ساجده موو قالت لك الف مره ما تحلفي بغير الله
ساجده بندم : نسيت
عمر :سوسو حصل خير
تيما :عمروي ليش ما تحبنا نحلف بغير الله
عمر :توته انا احترم طائفتكم وكلنا اخوان ومسلمين ويد وحده ما عليكم زود بس نحن عندنا حرام نحلف بغير الله
تيما :شكو حرام اعرف ناس سنه تحلف بغير الله
عمر ابتسم :صح في كثير
وانا ما علي من الناس
ساجده انا لما طلبت منك ما تحلف الله شنو قلت لك
ساجده :كلتلي ان الله اعظم من كل شئ والحلف بالله شئ جبير حيل بالنسبة لك
عمر :عفيه عليج تيما يلا نغني لسوسو
ساجده :ترى ابجي اذا تغنون
عمر صار يضحك هو وتيما
***
فيصل وهو جايب ياقوت من الجامعه :فيصلي
فيصل ابتسمت :هلا ياقوتي
ياقوت مسكت يده :ممكن نروح شقتنا
فيصل :ليش
ياقوت :اممم عندي لك مفاجئه
فيصل :مفاجئه ايش الحين اكيد الشقه دمار من الغبار
ياقوت :ههههههه حبي ما عليك بس خذنا عشان خاطري
فيصل :اوكي بس هاتي بوسه ولا كذا ناشفه
ياقوت رفعت يده وباستها :الله يطولي بعمرك وما يحرمني منك يا عمري
فيصل ابتسم :آمييين ولا منك
فيصل : بعد بكرا اختباري
ياقوت :حبيبي لا تتوتر كلنا معاك
فيصل :تدرين متى صرت متاكد اني حبيتك
ياقوت :ليش ما كنت متاكد
فيصل :كان عندي شك باحساسي توقعت مجرد اعجاب
ياقوت :فيصل انا بجد حبيتك سامر اكثر من مره قال لى اذا ما تبينه اخفيك من حياته ما يوصل لك بس انا رفضت لان كل شئ فيني يبيك قلبي روحي عقلي كل ذره فيني تطالب فيك
فيصل يوقف السيارة :بس نرحع البيت عيدي كلامك
ياقوت :فوق ارجع اقول لك
وهو داخلين دخل جارهم مع ابنه :السلام عليكم
فيصل طالع فيه :وعليكم السلام ابو هادي
الجار ابو هادي :كيفك وش اخبارك يافيصل وين هالغيبه
فيصل :الحمدلله والله يا ابو هادي كنت بالسجن ومن اسبوعين تقريبا طلعت
ابو هادي :الحمدلله على السلامه
فيصل :الله يسلمك
ابو هادي :شنو سبب دخولك لسجن
فيصل بخجل :صفحه وانطوت الله لا يعيدها
ابو هادي :بترجعون على شقتكم
فيصل ابتسم :لا وين العائله صارت مره كبيره وصار عندي خمس عيال
ابو هادي :ما شاء الله موو كنت بالسجن
فيصل :والله قبل ما ادخل السجن زوجتي كنت حامل باربعه توائم وانت ما صار عندك غير هادي
ابو هادي :لا والله بس الحين خاطب بنت خالتي وعرسي قريب
فيصل :ابو هادي لا تستعجل
ابو هادي :الله يقدم اللى فيه الخير يلا ما اخرك عن المدام
فيصل :مره فرحت بشوفتك
ابو هادي :اجل عطيني رقمك عشان ارجع اشوفك وتفرح اكثر
فيصل فتح جواله :رقمي هذا جديد عطيني رقمك
ابو هادي :********05
الا سلامتك وش فيك شايل عكاز
فيصل :الله يسلمك يا الغالي صرت اعرج
ابو هادي :ما تشوف شر
فيصل :الشر مايجيك
فيصل ودع ابو هادي وطلع مع ياقوت :استغفرالله يتحمد ربه عنده ولد
فيصل :ياقوت ما ابي اسمع صوتك
ياقوت سكتت اشوي وهي تفكر :شنو
لا يكون عاجبتك فكرة الزواج من ثانية
فيصل ياخد المفتاح من يدها :اي اذا لقيت وحده شعرها طول وحلوه اخذها
فتح الباب ودخلت ياقوت وبعصبية :بشنو قصرت معك يا الشيخ فيصل
فيصل ابتسم على نظافة الشقه وقفل الباب :طولي شعرك واهتمي فيني اكثر
ياقوت نزلت عبايتها :يمه ابي الحمام
وركضت بسرعه
فيصل يضحك بقوة عليها توجه لغرفة النوم كنت مقفله
رجع لصاله وجلس فيصل شغل التلفزيون من الملل لها ربع ساعه بالحمام سمع صوت الباب
طلعت تتميل بدلع :حبيبي
فيصل لسى ما طلع فيها وهو يطالع التلفزيون :كنت نمتي بالحمام
ياقوت وقفت قدامه :فيصلي
فيصل وهو يطالعها :عيون فيصلك
ياقوت تضحك بهبل :عجبتك المفاجئه
فيصل مسك يدينها وقف بدون عكاز معها :متى لحقتي
ياقوت :ارسلت سارة الصبح تحطلي الاغراض
فيصل :المكان ما كانه مهجور
ياقوت تساعده حتى يوصلون للغرفه :حبي انا كل اسبوع اجي انظف الشقه واريح راسي من كل شئ
فيصل :حلو قميصك
ياقوت :حرام عليك مووو قميص هذا فستان
فيصل بالم من رجله:فستان ولا قميص كله واحد
ياقوت تفتح الباب :ما راح تنسى هذا اليوم طول حياتك
فيصل :ايامي معاك كلها ما تنسى
دخلت معاه على الغرفه زي الثلج اللى كلها شموع والورد الامر مزين السرير المفروش بالابيض
وعلى الطاولة شوكلاته وحلويات ومويه فيصل جلس على السرير
ياقوت اخذت الولعه من الطوله وصارت تولع الشموع فيصل :ياقوت شنو ناويه تولعينا اليوم ونصير مشاوي
ياقوت :انت شنو ما ينفى معاك الرومانسيه
فيصل بنذاله :تحبيني
ياقوت طالعت فيه :لا حبيبي امووت عليك
فيصل :طيب حبي اذا بجد تموتين علي طفي الشموع
ياقوت عصبت :شنوووو
فيصل يسوي نفسه خايفه :ها لا حبي امزح معاك كملي كملي
دق جواله :هذا سامر
ياقوت بنذاله:قول له نحن منحشين من العيال وما راح نرجع الاسبوع الجاي
فيصل رد وهو حاط مكبر الصوت :الو
سامر :هلا وينك يا ابو اياد ترى اوسم حرق قلبي وهو يبكي عليكم
وهم يسمعون صوت اوسم يبكي باعلى صوت :يا خالهم خذه على البقاله واشتري لهم
سامر :فيصل وش فيك علي ترى انا
طلعته واشتريت له بس رافض بس يصارخ الناس اللى بالبقاله يفكروني خاطف الولد
فيصل يضحك :سكته لان موو فاضي لك
سامر بانفعال :شنو مووو فاضي لى انا وراي دوام موو فاضي اسكت عيالك وانت بالعسل
فيصل : شنو حاسدني لى سنين محروم من الحب اتحملهم ولا خالهم ببلاش
سامر عصب : ببلاش اسمع زين اربع سنوات شايل اختي وعيالها بعيوني وكنت لعيالك اكثر من الاب وما فرقت بينهم وبين ابني وجاي اخر شئ تقول خالهم ببلاش
ياقوت :ساموري اعصابك فيصل يمزح معاك
سامر :ياقوتو تعالي فكيني من عكاريتك ترى عمتى تعبت منهم ارحمو الحرمه ونور من رجعت البيت روشتهم واكلتهم والحين تساعد الخدامه بشغل البيت
فيصل :اسمعني زين نحن مشتاقين لبعض ونبي جو رومانسي اعيال اختك وعيال اخوها تحملوهم كم يوم ونرجع
سامر بصدمه :نعم نعععم انت وش تقول
فيصل :مثل ما سمعت انتبه على عيالي يا خالهم
سامر :فيصل بالله بلا استهبال يرحم ابوك الغالي تعالوا
فيصل :الله يرحمه عطيني اوسم
سامر مد الجوال لاوسم :خذ بابا بيكلمك
اوسم اخذ الجوال وبصوت مبحوح :بابا
فيصل :يا روح بابا
اوسم :تعال انا احبكم
فيصل :ونحن نحبك ليش زعلان وتبكي
اوسم يفرك عينه :ماما موو هنا بابا جيب ماما
فيصل ابتسم :شوف يا حبيبي ماما عندها شغل مهم تخلص الشغل اجيبها ونجيك
اوسم :بابا مامتي موو الحين تشتغل
فيصل :يا بابا قلت لك شغل مهم خليك عاقل ولا تزعلني منك
اوسم :لا تزعل
فيصل :يلا نام عند امي وبس اجي بلعب معاك
اوسم رجع يبكي :ما انام
فيصل بحده :ليش
اوسم :انا انام على صدر ماما
فيصل بغيره وهو يخز ياقوت :خلاص لا تنام انا العصر اجيب ماما واجي اوكي
اوسم ابتسم :اوكي
فيصل :يلا مع السلامه
اوسم :مع السلامه باباتي
فيصل سكر :ليش تطالعني كذا
فيصل بنفس النظره :ليش لسى عندك حليب
ياقوت قامت واخذت شوكلاته وجلست جنبه وهي تاكل :ما انقطع لاني اكل زين واوسم ما قدرت افطمه مره متعلق فيني
فيصل :اذا رضعتي اوسم مره ثانية انا ذابحك
ياقوت حطت راسها على كتفه :حبي اوسم غير عن اخوانه
فيصل :عمره اربع سنوات
ياقوت تحط لقمت شوكلاته بفمه :طيب تامر امر بس لا تزعل مني
***
اما عند مصعب اللى مر على البقاله اشترى خرابيط ونتوجه بيت سعود
دق الباب فتحت له الخدامه :ولكم
مصعب :المدام يارا صاحية
الخدامه :نو مدام يارا بدل ويطلع مع مستر سعود سالي
مصعب يعطيها الاكياس :بس ترجع من الشالي قولي لها مستر مصعب يسلم عليك
الخدامه ابتسمت : ادخل مافي مشكله
مصعب :لا شكرا
وطلع
دق جواله كنت مساعدته لين رد عليه وهو حط السماعات الاسلكيه :هلا لين
لين :اووف مصعب وينك
مصعب :انت وش تبين
لين :ما ابي الا سلامتك ايش رايك نتغدا مع بعض
مصعب :لين مالي نفس
لين :موو على كيفك انا بمووت من الجوع الحين تجي
مصعب :طيب انت وين
لين :انا الحين اجلت كل موعيد المريضات وبطلع بعد اشوي
مصعب :انتظريني انا بجي اخذك
لين :اوكي حبيبي لا تتاخر
طلعت جلست بالاستقبال دق جوالها كان مصعب طلعت بسرعه وكانت بنفس الوقت سارة طالعه من المستشفى
لين طالعت بسارة ابتسمت بغرور وطلعت بسيارة مصعب
سارة طلعت مع التاكسي اللى ينتظرها
لين تضحك :شفتها كيف طالعت فيني
مصعب يحرك وهو يتنهد :وين نتغدا
لين :اي مكان ما تفرق
وهم بالمطعم يتغدون :انت ايش رايك بطلبه
مصعب :انت مجنونه ليش لك اسبوع ساكته
لين :مصعب ابي اتزوج وارتاح
مصعب :لين انت غاليه على قلبي وانا اشوف غباء اللى يطلبه موو من حقه
لين دموعها نزلت :واخوي الغبي
مصعب : يا حبيبتي افهمي رحمك اغلى ما تملكين حتى لو مطلقه مرتين الف واحد يتمناك ومن حقك تكوني ام
لين :يا مصعب انا اخوي مطين عيشتي انا عايشه بعذاب منه ومن زوجته
مصعب بعصبيه :بنت اللى خطبك يريد يشتريك بفلوسه بس يبي يفرغ شهوته فيك
لين نظلت راسها بخجل
مصعب بندم على اللى قاله :لين اسف بس خلي ببالك اذا قلبتي رحمك انت الوحيده اللى راح تخسرين وش يضمن لك انه ما يطلقك بس ياخذ اللى يبيه
لين :وش اسوي والله ما عاد اتحمل
مصعب :ارفضي
لين :راح يطين عيشتي اكثر
مصعب :طيب اتركي بيته
لين :انا مجبوره اعيش معهم
مصعب مسك الشوكه :لا موو مجبوره انا ادبر لك سكان وشغل وما راح يقدر يوصل لك
لين :مصعب انا خايفه
مصعب :لين لا تخافين وانا معاك ما اسمح لاحد ياذيك
لين بقهر: اوووف منك انا حكيت لك ابيك تشحعني
مصعب بعصبيه :اشجعك انت ما فيك ذرة عقل
لين :انت موو فاهم اخوي كيف يفكر
مصعب :حبيبتي افهمي والله احلف لك راح تدمري
لين :انا موو بكيفي اذا ما زوجني لهذا الرجال الغني راح يزوجني لغيره
مصعب :يعني انت لزم تتزوجين حتى تفتكي من ظلمه
لين :اي لزم اتزوج حتى افتك من ظلمه
مصعب وقف ومن بين اسنانه :لين ما اقول لك الا كل شئ يهون الا تقلبي يرحمك عشان رجال حقير وربي لو سويتيها لا اعرفك ولا تعرفيني دفع الفاتوره ووصل لين قدام بيتهم اللى بحاره شعبية وحالتها حاله

***
اما عند سارة اللى توها راجعه البيت شافت سيارة مصعب وهي مارة شافت مصعب مع سامر بالحديقه قرب منها بعصبية :من ساعتين شفتك طالعه من المستشفى وين كنت
سارة :مالك علاقه فيني وخير ان شاء الله سابقني لاهلي تقدم الشكوه
سامر :سوير ادخلي داخل ومالك كلام مع الرجال
سارة بعصبيه وهي تحرك يدها :سامر لحضه شوف يا ابو حريم لو انعاد اللى سويته اليوم وربي ما يحصل لك خير فاهم
مصعب عطاها كف وبصرخ :يا حيوانه اذا ساكت لك فهذا ما يعني اني ما اقدر اربيك
سارة كنت راح تضربه بس سامر مسكها :مصعب انقلع
فيصل من بعيد وبصراخ وياقوت تركض لسارة :هيييي سارة
سارة بصراخ :كسر يدك يا حقير راح تدفع ثمن الكف غالي
ياقوت تمسك سارة مع سامر
مصعب :يا قليلة الادب وربي لو كررتي اللى سويتيه اليوم انا ذابحك ترخصين نفسك لعيون الناس انت موو بس حرقتي قلبي انت قليلة حيا
سارة تحول تفك نفسها من سامر وياقوت :انت واحد واطي بلا شرف انت اخر واحد يتكلام عن الاخلاق
مصعب :سوير يا زفت لا تلعبي باعصابي احسن ما اطلع جنوني عليك
سامر يمسك مصعب :مصعب خلاص والله عيب عليكم
فيصل وصل عندهم ومسك سارة :انتم وبعدين معاكم سارة احترمي نفسك وانت يا مصعب والله عيب عليكم
سارة هدت وبدموع التماسيح :فيصل قول له لا يتدخل فيني اليوم سوالي فضيحه قدام امة محمد والكل صار يحكي عني
فيصل لف عليها :وين كنت وليش كاشفه وجهك
سارة :كنت بشغلي
فيصل بصدمه :شغلك
مصعب بعصبيه :اليوم اختك الخانم طلعت هي اللى اشترت المستشفى اللى اشتغل فيها ولا جايه ووجها مكشوف والميك اب وعطرها تشمه من عشر امتار والجينز طالع والشوز العالي وش خلت ل ####
فيصل بعصبيه :ياقوت ادخلو
ياقوت اخذت سارة ودخلت
مصعب :فيصل ادب اختك احسن ما اطلع جنوني عليها
فيصل :مصعب انت صديقي واخوي على راسي بس الزم حدك مع اختي اذا سوت شئ غلط تعال قول لى وانا اتصرف
***
دخل فيصل وهو يصارخ :سوير يا زفت
سارة بخوف وهمس وهي تمسك ملابس امها :يمه فكيني الحيوان مصعب شيش فيصل علي
ام فيصل :هششش لا تطولين لسانك معاه
فيصل وصل عندهم :يمه عاجبك اللى قاعده تسوي بنتك فضحتنا قدام الخلق
ام فيصل لفت على سارة :وش مسويه غير انك متهوشه مع مصعب
فيصل :بنتك مشتريه مستشفى
سارة :يمه انا مووو لعابه افلوسي وابي استثمرها شنوو اضل مكدسه الفلوس بالبنك
فيصل ضربها على كتفها بالعكاز :واللى يبي يشتغل بحلاله يسفر ويرخص نفسه وينزل راس اهله قدام الخلق
سارة :فيصل والله مصعب كذاب شوف (تمسح توجهها )بوجهي مافي مكياج
سامر :مصعب ما يكذب انا شفتك وانت جايه
فيصل طالع بسامر :وش شفت
سامر :اللى قاله مصعب بس شكلها مسحت المكياج قبل ما ترجع
انتهى البارت توقعاتكم

رد: روايتي الاولى اذا ذاب القلب

الله يعطيك العافية وتسلم أيدك الفصل مرررره جنان يا زوزو....