رد: روايتي الاولى اذا ذاب القلب

هلا سوير نورتي يا عسل الله يعافيك وسلمك يا بنت لك وحشه
وربي عبير ماله طعب بدونك وبدون الهنوف

رد: روايتي الاولى اذا ذاب القلب

يا حياتي انتي كل العسل هههه
وانتي بعد يا زينه عبير بدونك وبدون روايتك بلا طعم

رد: روايتي الاولى اذا ذاب القلب

يا عمري تسلميلي الله يسعدج ويبارك بيج

رد: روايتي الاولى اذا ذاب القلب

امين وياك حبيبتي

رد: روايتي الاولى اذا ذاب القلب

البارت السادس والثمانون
سارة :والله بوجهي مافي مكياج ليش ما تصدقون
ام فيصل :اذكرو الله يمه فيصل عشان خاطري اهدا
فيصل قرب وشم ريحت عبايتها :ريحتك عطر
سارة بثقه :هذا ريحت المعطر حق الملابس
فيصل بصرامه :سوير وربي لو جاني كلمه وحده عنك احبسك بالبيت مثل الحيوانات فاهمه
سارة بادب :فاهمه رغم اني مظلومه
فيصل جلس :بشنو مظلومه ان شاء الله
سارة دمعتها نزلت :موو انتم اخوني ليش تخلون مصعب
يغلط بحقي ويقول كلام موو حلو عني ولا بعد ظربني جعل يده للكسر
فيصل بعصبية :تستاهلين انا اختي تسفر والله لو مصعب لسى يبيك كنت زوجتك وافتكيت منك ومن بزرنتك المتاخره
سارة وقفت وهي تبكي وبعصبية :لهذي الدرجه انا حمل ثقيل عليك اذا ما تبي وجودي معاكم الحين اخذ ماما وجدي واسكن معاهم انا موو محتاجه لاحد لان الله معاي هو ما تركني وانا بعز ضعفي ما راح يتركني الحين
وطلعت على غرفتها ام فيصل وقفت :الله يهديك يا فيصل ترى اختك مالها احد بهالدنيا غيركم
وراحت سامر جلس جنب فيصل :اوووف يا فيصل ما قلت لها الا ازوجك مصعب
فيصل :قهرتني يا سامر
ام فيصل :سارة ايش تسوين اعقلي
سارة بعصبية وهي تطلع ملابسها :مالت على حظي مالي بخت بهذي الدنيا انا من الاساس ليش رجعت لكم ولا خلاص صارت مقدرة على الوحده الاهات والحسرات
دخل فيصل على غرفتها :سوير
سارة عطت فيصل ظهرها :لا تكلمني انا مووو محتاجه الا لسند بس محد يريدني من بعد بابا
فيصل جلس على السرير :سوير والله العظيم ما قصدت ازعلك او انك حمل ثقيل على انتم خواتي وروحي ما عندي اغلى منكم
سارة :لا تحكي معاي وانا اتكلام جد ما عاد اقدر اعيش معاكم
دخل عمر :مساء الخير
ام فيصل امسح وجهها :عمر سكر الباب
عمر جلس جنب امه على السرير الثاني :وش صاير يمه سارة ليش تبكون
سارة لفت عليهم :ابكي على حظي الاغبر كلكم يا اخواني ما كنتم معاي وانا اموت كنت محتاجه لكم بس خلاص ماله داعي اضل حمل ثقيل عليكم كل من له زوجته وعياله ومسؤوليته
فيصل :سوير تعالي عندي
سارة راحت عنده فيصل مسك يدها وجلسها جنبه :ادري كلنا قصرنا معاك بس والله العظيم نادم على اللى قلته لك مصعب اكل قلبي لما شفت يضربك اعذريني على اللى قلته ترى كنت معصب
باس جبينها سارة ضمته وهي تبكي عمر رفع جواله وصورهم وضم امه :زين يا اخونا الحنون عندي طلب
فيصل طالع فيه وهو ضام سارة :تامر امر
عمر :ابي اعيش لحالي
فيصل ابتسم :عمر انت حر رجال ومتزوج وتعرف مصلحتك
عمر :ابي اعيش بشقتك اذا ما عندك مانع لين ما يتعدل وضعي
فيصل :غالي والطلب رخيص بالليل اخلي ياقوت تروح وتشيل اغراضها اللى اهناك واعطيك المفاتيح
عمر قام وباس راس فيصل وجلس جنبه وضمه
فيصل ابتسم :يمه شفتي عيالك عندهم نقص حنان
ام فيصل :الله لا يحرمنا منك يا نور عيوني
دخلت نور مع يارا :يا سلام وش هذي الخيانه
عمر :اقول اللى نقصها حنانه تقلع تضم زوجها يارا ونور جلسو جنب امهم وضموها
فيصل : عموري تكلام بادب مع خوات الشيخ فيصل
عمر :ههههههه ماخذ مقلب بنفسك يا الشيخ فيصل
فيصل يمسح على شعر سارة :سوير نمتي
سارة بصوت مبحوح :لا
نور بهمس :زين تصالحو
يارا :مين اللى متزعلين
ام فيصل :سارة كانت زعلانه من فيصل
فيصل :سوير يلا قومي غسلي وجهك عشان ننزل تحت
عمر :يا خوات الشيخ فيصل تتذكرون لما نكون نسهر ويطب علينا ولد امه يسهر معنا
فيصل :اي ولد امي وافتخر الله يطولي بعمرك يام فيصل
الكل آمين
يارا :فيصل انت وصغير ليش ما كنت ترضى تعيش معنا
فيصل ابتسم :لاني طفل كنت اشوف بدر الله يرحمه اخذ امي مني
الكل ترحم على بدر نور :بالعكس يا فيصل عمي بدر كان لى الاب الحنون ازعلت على موته اكثر من زعلي على موت ابوي اللى بعمري ما عرفته
فيصل :يا نور كلنا كان صعب علينا فراق بدر بس هذي سنة الحياة
***
اما عند ام اياد بالشركه وصلها سامر مرت على سعود وبعدها دخلت على مكتبها كشرت :استغفرالله
ابتسم وهو ينزل كوب القهوة :الناس ترحب تقول الحمدلله على السلامه
ياقوت تجلس :استاذ راكان عندك شغل مع الاستاذ سعود روح قابله هو بمكتبه
راكان بفرح :ياقوت والله زين تنقبتي لاني ما اتحمل احد يشوف جمالك فديتك يا عمري
ياقوت بنذاله :يا بابا احترم نفسك وانا تنقبت لان زوجي وحبيبي ابو عيالي يغار
راكان بصدمه :متى رجع لك
ياقوت :استاذ راكان اتفضل اطلع برى لان ما فاضيه لسخافتك وتدخلك بخصوصياتي
اندق الباب :تفضل
دخل سعود وطالع براكان :السلام عليكم
راكان وياقوت :وعليكم السلام
ياقوت بفرح :الله جابك يا ابو حنين
راكان وقف وسلم على سعود يخزه :وش تسوي بمكتب ام اياد
راكان :جيت اسلم عليها شهرين ما شفتها الشوق ذبحني
سعود بحده:راكان جلعلك تموت والله عيب عليك ترى ام اياد حسبت اختي وما ارضها عليها
راكان :يا ام اياد يا قلبي والله مستعد اعيشك ملكه اخلعي زوجك وعيالك اصير لهم اكثر من الابو
ياقوت :فيصلي الله لا يحرمني منه يسوى الدنيا واللى فيها ولا عاد تزعجني احسن ما اخليه يكسر عظامك ويخليك عبره لكل واحد يتطول
راكان ابتسم :اكون لك فيصلك واللى تبين بس قولي موافقه
ياقوت وفقت وبعصبيه : استاذ راكان ترى انا ليومي هذا ساكته عنك لانك شريك الاستاذ سعود
سعود قوم راكان :راكان عيب عليك انا كم مره قلت لك ام اياد زوجة صديقي وما ارضى احد يغلط عليها
راكان لف على ياقوت :يا بنت الناس افهمي انا شاريك والله بدللك دلال ما صار ولا استوى بس صيري لى وافرش لك الارض ورد
ياقوت :اوووف انت ما تفهم اطلع من مكتبي
طلع مع سعود من مكتبها :راكان دور على اللى تنسبك وعيب عليك تلحق حرمه متزوجه وام لخمس اطفال
راكان يدخل مع سعود مكتبه :والله موو بيدي قلبها حبها من اول نظره
سعود جلس على طاولة الاجتماعات :ياقوت ما تبيع فيصل لوو تملكها كل شئ عندك
راكان بعصبية :والله صار ودي اشوف صديقك واذبحه
سعود : ترى زوجها من جماعتكم
راكان بصدمه :من عائلة ال....
سعود :وش تشرب
راكان :ما ابي اشرب خليها تجي حتى نخلص شغلنا
سعود :انسى ام اياد تجي وش جايب معاك
راكان :سعود تناديها ولا اروح انام
سعود ابتسم :تغلط بحرف واحد معها ادفنك بمكانك
راكان ضل ساكت دق سعود على ياقوت وطلب منها تجيهم
دقت الباب ودخلت وهي تكلم فيصل بالجوال :اوكي انت افتح الدرج الاخير تلقى فيه اوراق وتحت الاوراق تلقي المفاتيح الا حتياط .....طيب انتبه لهم ......اوكي تعال
....... بس اخلص الاجتماع ادق عليك
سكرت وجلست على يمين سعود :وش صاير
ياقوت تفتح الملف :اياد ضارب بدر ومقفل على نفسه بالغرفه وفيصل معصب سعود :ايادو ما يتوب
ياقوت دق جوالها ردت :الو ...اوسم ماما انا مشغوله ....عطيني امي ....الو يمه وش صاير ....اوووف بسم الله عليه .....لا حول ولا قوة الا بالله .....طيب قولي لابو اياد يجي ياخذني ....... اوكي سلام
سكرت :استاذ سعود انا بطلع
سعود :وش صاير
ياقوت :قول اللى موو صاير النذل ايادو متهوش مع ابوه
سعود وقف :يلا اوصلك
ياقوت :لا ماله داعي فيصل جاي
راكان اخيرا تكلام وسعود يجلس :الله يهديه
ياقوت تخزه :يسلم استاذ سعود هذي الخطه اللى راح نمشي عليها
وهم يحكون بالشغل
دق علي ياقوت ردت :هلا استاذ علي .... اها اوكي خليه يتفضل
سكرت :ابو اياد جا
دق الباب ودخل :مساء الخير
الكل :مساء النور
سعود وقف وسلام عليه :كيفك حبيبي
فيصل ابتسم :تمام الحمدلله انت كيفك
سعود :الحمدلله تمام
اعرفك شريكي راكان ال....
راكان صديقي واخوي الغالي فيصل ال.... زوج ام اياد

راكان مد يده فيصل صافح راكان
ياقوت وقفت جنب فيصل
ابتسم :راكان يدي ابيها
راكان ترك يده :تشرفنا
فيصل :الشرف لى والله صدفه ولا بالاحلام يا سعود
راكان رفع حاجبه:وش قصدك
فيصل وياقوت تمسك يده :يمكن ما تصدق لو اقول لك اول مره اقبل احد من عائلة ال....
راكان يطالع بقهر : غريبة لان انا تقريبا اعرف كل عوائل ال....
ياقوت :عمي اللى يرحمه ميت من لما كان فيصل صغير فانقطعت علاقته فيهم استغفرالله موو اوادم
سعود :يا هلا تو ما نور المكتب ام اياد روحي اطلبي لنا قهوة سادة
فيصل :النور نوركم سعود اعذرني مستعجل وعندي اختبار ان شاء الله بعد الاختبار اجي ازوركم بالبيت واتعشى معاكم
سعود :حياك الله متى ما تجي
فيصل ابتسم :الله يحيك
طالع براكان : تشرفنا
راكان يطالع فيهم :الشرف لى ابو اياد
اندق الباب وخل مصعب :مساء الخير
الكل: مساء النور
قرب وسلم على راكان بالخد :الحمدلله على السلامه
راكان ابتسم :الله يسلمك
مصعب :شنو يا ام اياد اشوفك طالعه
ياقوت :وانا اشوفك توك جاي يا ابو يوسف
مصعب ابتسم : مالي خلق اجي بس قلت بلا ما اخسر الوظيفتين سوى ساعتها اصفي بالشارع
راكان : يا ابو حريم وش مسوي اعترف
مصعب ياكل تمره :ما سويت شئ
سعود :الاعتراف بالحق فضله
فيصل :اخوك الحيوان بس فاضح صاحبة المستشفى وماسح فيها البلاط وضاربها كف
راكان يضحك :لا انت انتهيت
سعود :كل المستشفيات يتمنونك خليها تطردك
مصعب : والله ما اترك المستشفى لها
فيصل :يلا انا استاذن
مصعب :بكرا بمرك اتغدى عندك
فيصل :تنور ايش تحب تتغدا
مصعب :عادي اي شئ من يدين امك
فيصل :انا في بالي معكرونه
سعود :اذا في معكرونة ماما انا بجي
فيصل :يا شين اللى قاط وجه
سعود :ترى انا نسيبك موو مصعب
مصعب :السالفه موو نسب السالفه مكاني بقلب فيصلي
فيصل :اذا كذا ما بقى الا جسار واحد منكم يجيبه
سعود :انا بعطيه خبر هو يدل بيتكم
راكان :انا بعد بجي معاكم
فيصل ابتسم :حياك حبيبي راكان بنتظارك
راكان :الله يحيك
فيصل ؛ترى انا ما امزح مصعب بكرا لا تجي بدون راكان
مصعب :لا تشغل بالك بجيبه
فيصل :سلام
الكل :سلام
طلع مع ياقوت :فيصلي
فيصل :عيونه
ياقوت :يا شرير وش سويت بابني حتى يعصب ويتهوش معاك
فيصل بانزعاج :ما سويت شئ وين مكتبك
ياقوت تاشر :هذا تعال
دخلت على مكتبها مع فيصل
اما عند مصعب اللى جلس ياكل تمر ويشرب مويه :
متى جيت
راكان :الفجر للحين ما نمت
سعود :الا ليش قاط وجه
وعزمت نفسك
راكان :ابد بس حبيت اتعرف عليه شكله حلو وشخصية بس ما توقعتها متزوجه اعرج
مصعب :عادي صح ابو اياد اعرج بسببها بس ما تغير شئ علينا الكل لسى يحبه والذات زوجته تعشقه
راكان بصدمه :بسببها
سعود :هذا من الحب خلت فيصل اعرج
صارو يضحكون سعود ومصعب
راكان بقهر:وجع لا تكذبون
سعود :احترم نفسك بزران حتى نكذب
راكان : لا ما قصدت بس كيف تخلي زوجها اعرج شنو السبب
مصعب :المره مجنونه بس تشوف فيصل اساله ليش ياقوت خلته اعرج
ويضحك بقوة
راكان :من ابو فيصل حتى اسال الوالد اذا يعرفه
سعود يطنش سؤال راكان :مصعب وش السالفه اللى كنتم تحكون عنها انت وفيصل
مصعب :الزفت سوير اشترت المستشفى اللى اشتغل فيها وفقدت اعصابي عليها
سعود بصدمه :على بالي يارا تبالغ لما قالت لى سارة صارت هموره من وين جابت الثروة
مصعب بقهر وكذب :من التدول وربح التدول سوت فيه استثمار والبنت عفريته و نصابه وعقلها كبير
راكان :مين هذي
مصعب : اخت فيصل
راكان بفضول:كم عمرها
مصعب يخزه :لا تفكر مجرد تفكير هي لى انا
راكان :اذا حلوه مثل اخوها انسب فيصل بس كم عمرها
سعود بنذاله :اثنين وعشرين سنه
راكان بلعانه :مصعب لا تطالعني كذا تدري فيني ما اتحمل
مصعب رش راكان بموية :يا ويلك مني لو فكرة فيها بس مجرد تفكير
راكان :بكرا مر علي من بدري عشان ما نتاخر على الغدا
دق جوال مصعب ورد :الو
ياقوت :الو ابو يوسف فاضي
مصعب :امريني بس
ياقوت :الحيوان راكانو لا تجيبونه لبيتي
مصعب يطالع براكان :تامري امر
ياقوت :خلص الشغل اللى على مكتبك
مصعب :بكرا سلام
ياقوت :سلام
مصعب سكر ووقف :بروح البيت وانت يا ركان انسى تجي معنا بكرا
راكان عصب :ليش ان شاء الله بيتك وانا ما ادري
مصعب :اصدقاء واهل بين بعضهم وش حاشرك
سعود :وانت يا مصعب بعد غريب
مصعب :موو غريب الا راكانو
راكان عصب :سعود عطيني جوالك
سعود :ليش ؟
راكان :بسرعه
سعود فتح جواله وعطاه راكان
راكان وهو يقلب بالجوال فتح جواله ونقل رقم فيصل
وخزنه باسم فيصل ال... زوج ياقوت
مصعب :والله اللى استحو ماتوا وقح
انتهى البارت توقعاتكم

رد: روايتي الاولى اذا ذاب القلب

البارت السابع والثمانون
***
ثاني يوم الظهر ياقوت اول ما رجعت دخلت المطبخ مع ام فيصل ونور والخدامه وسامر بعد بالمطبخ ياكل العيال
وفيصل جالس مع جسار والجد المجلس :جسارو وش فيك
جسار ابتسم :مافي شئ انت وش مسوي مع العيال
فيصل :عيالي مطلعيلي قرون
الجد عصب :فيصلو يا قليل الحيا احمد ربك على عيالك ترى غيرك يتمناهم
فيصل :الحمدلله
الجد :جسار متى تجيب اخ ل عبدالله
جسار طالع بفيصل :الله كريم الا وين سامر
فيصل :الخال الحنون يوكل عيالي
جسار :وين الشباب
فيصل دق جواله برقم غريب رد :الو
المتصل :الو السلام عليكم
فيصل :وعليكم السلام مين معاي
المتصل :انا راكان تعرفنا امس
فيصل :هلا والله راكان كيفك
راكان :الحمدلله بخير انت كيفك
فيصل :الحمدلله بخير بتجي مع مين
راكان :بجي لحالي ارسل لى الموقع
فيصل :يا هلا بك الحين ارسل لك الموقع لا تتاخر
راكان :اوكي ما راح اتاخر
سكر من راكان
دخل مصعب :السلام عليكم
الكل :وعليكم السلام سلام وجلس جنب الجد :جدي لا تشرب عصير كله سكر
الجد :هذا عصير طبيعي بنتي ام فيصل تسويه
مصعب ابتسم :اذا كذا هات انا اشربه عنك
الجد يعطي الكوب لمصعب :تفضل يا ابني
مصعب :تسلم جدي الله لا يحرمني منك
وباس راسه
فيصل وجسار :آميييين
فيصل :رحت المستشفى
مصعب نزل الكوب :لا توي صاحي من النوم
فيصل :سهران
مصعب :اي طول الليل اعد النجوم بالسما
جسار يضحك :الدكتور عشقان
مصعب بحزن:لا القلب ما عاد يعشق
جسار :بسم الله عليك بعدك صغير والعشق هو لكم
مصعب :انا خلاص كبرت على العشق
الكل صار يضحك دخل سعود وسلام وجلس
كلها اشوي تجي الخدامه :مستر فيصل في واحد برا يبغى انت
فيصل وقف وطلع صافح راكان بالخد :يا هلا والله تو ما نور البيت
راكان :منور باهله ما شاء الله هذا بيتك
فيصل ابتسم :لا بيت زوجتي تفضل
راكان يدخل مع فيصل :تسلم ما شاء الله
فيصل : مره ثانية لا تتكشخ بثوب تعال بالجيز
راكان باستغراب :ليش
فيصل :من هنا انت موو غريب
دخل :السلام عليكم
سلم على الجد وعلى جسار وجلس بين مصعب وفيصل وهو يشوف الكل للبس جينز وهو الوحيد بالثوب
فيصل :يبه اعرفك على راكان شريك سعود
الجد :يا هلا بك تشرفنا
راكان :الشرف لى ياعمي
فيصل :وهذا جسار ولد خالي انا وهو متربين سوى واكثر من الاخوان ويصير جد بنتي
راكان يطالع بجسار:ابو المدام ياقوت
جسار :لا ابو فتون الله يرحمها
الكل ترحم راكان :اسف ما كنت ادري
جسار :لا عادي حصل خير
دخل سامر وهو شايل فتون على ظهره :جسار شوف جبت لك مين
جسار وقف وبفرح :يا هلا والله بشيخة البنات يا هلا بفتون حبيبت قلبي
اخذها وضمها بشوق ويبوس بخدودها سامر راح عند راكان راكان وقف سامر سلم عليه
وجلس جنب مصعب
سامر :فيصل عرفنا
فيصل :سامر ابو فيصل زوج اختي نور وخال عيالي
راكان ابتسم :يا هلا ابو فيصل
فيصل :راكان شريك سعود
سامر ابتسم :يا هلا سمعت عنك كثير من سعود جدي عمتي تناديك داخل عشان الدوا
الجد وقف :عن اذنكم
الكل :اذنك معاك
راكان يكلم فيصل :ليش تقول له بابا
فيصل :عادي انا وجسار واحد
راكان :البكر
فيصل :لا موو البكر
راكان :التوام اكبر
فيصل عيونه لمعت :لا بكري شمس ماتت قبل الولادة
راكان : الحمدلله على كل حال
فيصل ابتسم :الحمدلله بنتي فتون امها ماتت بالولادة وام اياد ما قصرت رضعت بنتي وربيتها
راكان :ما شاء الله انت وش تشتغل
فيصل :كنت اشتغل بمركز صيانه مع بدر زوج امي الله يرحمه
راكان :الله يرحمه والحين
فيصل :انا دارس طب عم و بكرا ان شاء الله اختباري حتى اصير طبيب
راكان :ما شاء الله ما توقعت تكون طبيب
فيصل يضحك :انا موو بس طبيب انا مكانيكي محترف
راكان يضحك :شئ يوم بخليك تشوف لى سيارتي
فيصل :اوكي بشوفها بس بعد الاختبار
راكان : متى غداكم بموووت من الجوع
فيصل :هذي عقوبت اللى يتاخر عن الغدا
ام عند سامر ومصعب :اخت زوجتك طلعت اليوم
سامر :اي بس فيصل شرط على تغطي وجهها وحط لها مواعيد للدوام
مصعب وهو يشرب عصير :هالبنت حرقت قلبي الله يسامحها
سامر بلعانه :بابا احيب لك ثلج يبرد قلبك
مصعب :لا بابا ما يبرد قلبي الا لما اكفخها
سامر :زين حبيبي لا تحلم كثير
عن سعود وجسار اللى بحضنه فتون
سعود يلعب بشعر فتون :يا حلوه ما تبين تبوسيني
فتون :لا ما ابي بابا وين عبودي
جسار :عبود مع امه بالدمام
فتون بزعل :ابي اروح الدمام
جسار :وين تروحي وانا هنا ولا ما تحبيني
فتون تضمه :الا احبك
سعود ياخذها لحضنه :فتون بتعطيني بوسه ولا اكلك
فتون تبوس خد سعود سعود ياشر على خده الثاني :وهنا
فتون باست خده الثاني جسار :فتون يكفي لا عاد تبوسينه
سعود ضمها :يا قلبي فديت الناعم يا ناس
سامر :سعود ناوي تخرب البنت
سعود يضمها اكثر ويبوس راسها :لا تدخل بينا فتون
فتون تبعد شعرها وتطالع بسعود :نعم
سعود : تحبيني
فتون تهز راسها :ايوه مره احبك
سعود ينزلها :وانا اموت فيك يا حلوه ما شاء الله وش هالطول
فيصل ابتسم :صدق قليل ادب تغازل بنتي قدامي بابا فتون تعالي هنا
فتون راحت بسرعه عند فيصل وضمته فيصل باسها وهي تجلس زين بحضنه :يلا سلمي على عمو راكان
فتون مدت يدها :مرحبا عمي
راكان مسك يدها وباس يدها :يلا هلا حبيبتي فتون كيفك
فتون :الحمدلله تمام
راكان ابتسم : دوووم
فيصل ابتسم :تدووم
نزلها :يلا بابا روحي قولي لماما الاكل جاهز
فتون :تيب
وطلعت راكان :ما شاء الله عليها من متى متزوج
فيصل :ست سنوات وانت
راكان زادت ابتسامته :مطلق
فيصل :الله يعوضك بالافضل
راكان :ما كانت زينه مجرد ملكه وطلقت وش لى بوجع الراس
فيصل :دام ملكه بس ما شفت شئ من وجع الراس
راكان :اما وش مسويه فيك ام العيال
فيصل :هههههههه الله لا يحرمني من ام العيال تعشقني واعشقها صار لنا سنين متزوجين بس حياتي معاها جنه
راكان :ما شاء الله متزوجين عن حب
فيصل :لا حبنا جا بعد الزواج
دق جواله رد :هلا يمه ....اوكي تسلم ايدك سكر
:يلا شباب على الغدا
الكل قام على المقلط
وهم ياكلو
مصعب بهمس لراكان :اذا لم تستحي افعل ما شئت
راكان بنفس الهمس :اقول اكل تبن
فيصل :شباب وش فيكم تتهمسون
مصعب بنذاله يصب شطه بصحن راكان :يقول الاكل بارد وما فيه ملح راكانو يموت على الشطه
راكان بقهر :تسلم يدك مردوده لك
سعود من الجهه الثانية يحط ملح بصحن راكان :حبيبي بالعافية شفت اكل ام فيصل مره لذيد
راكان :اي لذيذ الله يسلم يدينها
فيصل يخز مصعب وسعود :راكان تعال اجلس عندي
راكان قام مع ملعقته وجلس عند فيصل ياكل مع فيصل بنفس الصحن
***
ثاني يوم فيصل بعد الاختبار راح لراشد وهو جالس ينتظره بمكتب المدير كل لحضه مرت عليه هنا يشوفها الله ايام رغم صعوبتها الا انها حلوه عرفت من الصديق ومين صاحب المصلحه الله مرت السنوات بلمح البصر وينك يا بدر
ما حسيت بقيمتك الا لما رحت الله يرحمك ويغفر لك
دخل راشد فيصل وقف ركض له راشد وضمه :فيصل
فيصل يضمه اكثر ويمسح على راسه :راشد اشتقلك يا ابن اللذينه لك وحشه
راشد دمعته نزلت :وحشتني فيصلو وينك كل هذا غياب
فيصل :والله ما نسيتك كنت ادرس من طلعت من الاختبار جيتك على طول
جلسو مع بعض على الكنبة راشد وهو ماسك يد فيصل بيدينه :اي كيف الحريه
فيصل ابتسم :حلوه هانت يا راشد
راشد :اوووف يا ابو اياد كرهت السجن من بعدك ما حسيت انه سجن الا لما رحت وخليتني
فيصل :رشودي انا ما خليتك
راشد :وش صار معاكم انت والحب
فيصل يغمز له :ممشيها على السراط المستقيم
راشد :مع اني شاك بس ماشي كيف الاختبار حقك حليت
فيصل بفرح وهو اشوي ويطير من الفرحه :الحمدلله سهري ما ضاع على الفاضي انت كيفك كيف الشباب
انتهت الزيارة وقف فيصل يودع راشد فيصل يحط فلوس بجيب راشد
راشد مسك يده :فيصل وش هذا
فيصل بحده :ترى نحن واحد ولا نسيت عشرتنا يا راشد
راشد :فيصل اعفيني والله مووو محتاج انا مصروفي قاعد اطلعه من الاعمال اليدوية اللى اسويها
فيصل ضم راشد بهدوء :تحتاجه وانا اخوك انتبه على نفسك
***
اختصار الاحداث جسار حول كثير يرجع منار بس منار كانت رافضه ترجع
فيصل وياقوت كل يوم اهواش مع عيالهم
سامر ونور عسل في عسل
سعود ويارا كل مين بنفسه
يارا بالجامعه وسعود الشركه
ومصعب سارة مجننته بالشغل ما يشوفها الا نادرا بس مره مضغوط وصار ياخذ شغل الشركه للعيادة لان دوامه صار اربعة عشر ساعه
راكان لسى ناشب بفيصل وعلاقته صارت مره قوية مع فيصل
ساجده وعمر علاقتهم مثل ماهي والي اليوم ما تكلمو بموضوع نارجس
***
ونبدا من عند عمر :ساجدة خلصي بنموت من الجوع
ساجده تصرخ من المطبخ :هسه يستوي اصبر
تيما تاكل سلطه :عاجبك شبعنا من الزلطه ومرتك ما عشتنا
عمر ياكل معها :وانا شكو بيها ترها اختج قبل ما تكون مرتي
تيما :ولك عموري عيب عليك تحمد ربك ساجده ما عدها لسان جانت طلعت عيونك
عمر :تيمو احترمي حالك
ساجده جت وحطت الاكل :تيما اكلي وانت ساكته
تيما ابتسمت وهي مطنشه كلام اختها :عمر اشلون شغلك
طمني
عمر يعبي صحنه :الحمدلله زين ومره مرتاح
ساجدة تعبي لتيما :
حبيبي الله يكويك
عمر :آمين
دق جواله وقف وطلع برا الشقه برا العشا وهو برا يكلم
***
اما عند فيصل اللى طالع مع راكان وجالسين بالمقهى يسولفون دق جوال فيصل وفصل
رجع دق مره ثانية فصل راكان:وش فيك رد
فيصل رجع دق جوال ورد :هلا حبيبتي
بعصبيه وصراخ :وينك ليش ما ترد
فيصل :مع راكان ساعه واجيك
ياقوت بصدمه :فيصل راكان مين
فيصل :يعني مين راكان شريك مديرك
ياقوت :اوكي حبي لا تتاخر مشتاقه لك
فيصل ابتسم :طيب لا اجي والقي الشعب عندك
ياقوت :احبك
قيصل :سلام
وسكر
فيصل :وش فيك
راكان يهز راسه :مافي شئ موو مفكر تتعالج
فيصل شرب من قهوته :لا ما فكرت صحيح صعبه حركتي بس الاهم من كل شئ زوجتي تحبني بكل حالتي وراضيه فيني
راكان طالع بعيون فيصل :فيصل ما اكذب عليك انا حبيبتك وانت حسبت اخوي
فيصل :يا عمري وانا بعد حبيتك الله يسعد قلبك
راكان :آمين وياك فيصل انا اتمنى انك تتعالج
فيصل :يصير خير انت ولا مره حكيت عن اهلك
راكان :انا وحيد ابوي وعندي ست خوات اصغر مني
فيصل يضحك :الله يحفظك لهم زوجت خواتك ولا لسى
راكان :والله ابوي زوج اربعه وكل فتره تجينا وحده يا نفاس يا زعلانه
فيصل :ههههههههه بس اكيد الكل يحسب لك الف حساب
راكان يضحك :اكيد لاني حزام ظهرهم
واذا جا يوم الجمعه يصير عندنا عيد الكل يحتمع
والاطفال منتشرين بالبيت
فيصل :ما شاء الله حلوه عادتكم
راكان :يلا نمشي لا تتاخر على المدام
فيصل وقف مع عكازه :يلا
***
اما عند سارة اللى تنتظر اوبر يوصل طلع مصعب مع لين وقف تاكسي للين ودفع له
راح عند سارة :السلام عليكم
سارة تطالع بالشارع:خير وش عندك
مصعب :رد السلام واجب تعالي اوصلك
سارة :لا شكرا طلبت سيارة
مصعب مسك معصمها وسحبها :يا مجنون اتركني احسن ما اصارخ
مصعب بعصبية :انكتمي احسن ما اكفخك
وصل عند السيارة وهي تسب وتلعن فتح الباب ورمهها بالسيارة وسكر الباب
ركب وحرك السارة سارة بحقد :يا حقير الله ياخذك
مصعب ابتسم :آمين
سارة لزقه بالباب
وهي تتمتم بكلمات مووو مفهومه
مصعب :ترى كل شئ يهون الا كرمتي ادوس على قلبي طول العمر بس ما اهين كرامتي
سارة طالعت فيه وهي تخزه: وش قصدك
مصعب طالع فيها :اذا انت ما تبيني انا بعد ما ابيك قسمتك تكوني لى
ﻻخر نفس لك من الدنيا انت لى
سارة :استغفرالله انت بجد مريض
مصعب :مريض مثلك
سارة :جد توي ادري شوف يا#### لا تسوي نفسك رجال
مصعب وقف السيارة وعطاها كف ومسك فكها :رجال غصبن عن اللى خلفوك يا ####
سارة مسكت يده وهي تتكلم بصعوبه :اللى سويته معاي موو رجولة يا مخنث
مصعب يضغط اكثر :سوير اطلعي من الماضي ترى عنادك ما يرجع اللى راح
مصعب تركها سارة :انت بلا ضمير كيف اطلع من الماضي كيف اترك ابني حرمتني منه الله لا يوفقك
مصعب بعصبيه :ابني ابني شنو بس انت اللى احترق قلبك لا يا مدام سارة هو ابني قطعه من قلبي قبل ما يكون ابنك
سارة بعصبيه وصراخ :لا تقول ابنك
مصعب بصراخ وهو يضرب المقود :يكفيني عذاب كل عذابي منك انا ليومي هذا نادم اني قلته ليومي هذا اموت كل يوم الف موته
سارة :هههههههههههه انا اللى تعذبت موو انت
مصعب يمسح دموعه :سوير ارحمي نفسك وارحميني
سارة دق جوالها طلعت جوالها وردت :الو .....ماما انا على الطريق ...... مافي شئ مسافة الطريق واكون عندك .....اوكي
سكرت من امها :وديني
مصعب يشوف جوالها القديم اللى مكسر من كل مكان :جوالك يا بخيلة
سارة :خليك اسكت احسن ما اغلط عليك
مصعب ابتسم وهو يحرك :اوكي اغلطي الغلط والسب منك مثل العسل على قلبي
سارة :الا اخرتك على ممرضه اللهم لا شماته
مصعب :غيرانه على زوجك المزيون
سارة بقرف :وع كرهت جنسك كله من وراك
مصعب :اكيد يا روحي انا الاول والاخير
سارة :لا تعطي نفسك اكبر من حجمك ولو اريد اتزوج الف واحد يتمنى نظره مني
مصعب فار دمه :تتزوجي
سارة :لا يكون ناسي ترى مافي شئ يثبت الماضي الوسخ اللى عيشتني فيه
مصعب :اسكتي ابرك لك قال تتزوجي حتي احرقكم قبل ما يطلب يدك ابن ال####
انتهى البارت توقعاتكم

رد: روايتي الاولى اذا ذاب القلب

السلام عليكم ورحمة الله وبركاته...

الله يعطيك العافية يا زوزو الفصل حيل جميل وأنا حبيته فاتسلم أيدك يا قلبي ...

رد: روايتي الاولى اذا ذاب القلب

وعليكم السلام ورحمة الله وبركاته

الله يعافيك وسلمك نورتي يا عسل روايتي

رد: روايتي الاولى اذا ذاب القلب

زوزو وين البارت يا زوزو

رد: روايتي الاولى اذا ذاب القلب

البارت موجود بس خايفه انشر لان احس في شئ غلط