رد: روايتي الاولى اذا ذاب القلب

أعتذر ما رديت عليك في الفصل اللي قبل... الفصل مره كان يجنن وأنا حبيت شخصية تيما وأن شاء الله تكون من نصيب راكان لانهم راح

يكونون ثنأئي روعة..........

رد: روايتي الاولى اذا ذاب القلب

واو والله واو, الله يعطيك العافية الفصل مثل كل مره يجنن... بس والله أنا حزينه على يوسف مع أني ما أعرف أيش هي مشكلته... وسارة والله أنها طيبه عشان سامحت مصعب بعد ما أتهمها بالخيانة... ويا قلبي على أم أياد أن شاء الله زوجها يرجع بالسلامة... اليوم مافي شيء عن تيما..
وعلى العموم الله يعطيك العافية يا زوزو وتسلم أيدك على الفصل الرائع....

رد: روايتي الاولى اذا ذاب القلب

انت اللى تجنني الله يعافيك ويسلمك
جعل ربي ما يحرمني من توجدك الدائم
سارة اكيد راح تسامح مصعب لان روايتي اسمها اذا ذاب القلب وسارة خلاص موضوعها منتهي قلبها ذاب بمصعب وانتهى
حبيبتي يوسف يعاني من مرض السكر من الولادة

رد: روايتي الاولى اذا ذاب القلب

البارت الميه واربعه
بالسوبر ماركت
سارة :مصعب موو من هنا اللحوم
مصعب يدف العربه :الا من هنا يسار
سارة تمسك يده طالع فيها غمزة له لان كان مصعب راح يمر بقسم الخربيط :في طريق ثاني احسن
مصعب :اوكي تعالي
سارة وهي تطالع قسم البهارات ومصعب شايل يوسف وطالع فيها لها عشر دقايق تطالع برفوف البهارات :مصعب وش اخذ
مصعب :ما ادري انت اللى تطبخين وش ناقص
سارة تاخذ يوسف منه :دورك
مصعب قرب من الرفوف :عندك كمون
صار يسالها عن كل بهار عندها بالمطبخ ولا لا وهم بالسيارة يوسف نايم بحضنها :من متى ابني مريض
سارة طالعت فيه :لا تقول مريض يوسف مافيه شئ
مصعب :السكر مرض
سارة :يوسف من الولادة يعاني من السكر
مصعب بعد سكوت:اليوم بعد العصر باخذ يوسف للمستشفى
سارة :وانا
مصعب :انت وش
سارة :اجي معاكم
مصعب بهدوء :لا
سارة فتحت فمها بصدمه :قلت لا
مصعب :اطلعي صيعي روحي لشغلك لبيت اهلك
سارة تطالع فيه وبعصبية:كنت اطلع من البيت عشان يوسف
مصعب طنشها :وش اسويلك على الغدا
مصعب :حبيبي اي شئ من يدينك ما تفرق
سارة :عليك جمل عجيبة ههههههه دمرت اللغة العربية
مصعب :سوير من اليوم تغيرين اسلوبك الزفت
سارة :اسلوبي الزفت كانك تبالغ
مصعب :ما ابالغ يوسف الزعل ياثر عليه
سارة :اوكي بس بشرط
مصعب طالع فيها وهو مبتسم :تامري امر يا روحي
سارة ابتسمت له
****
اليوم وصول فيصل بيت عمر وبيت جسار ولمى وياسمين وطلال وبيت سعود والبيت فيه انواع الازعاج
سامر راح يجيب فيصل من المطارورفض ياخذ احد معاه
ياقوت بفرح :يمه تعالي ذوقي
ام فيصل تذوق :مره لذيذ الله يسلم يدينك
ياقوت :نور جهزتي الصحون
نور وهي ماسكه الملاعق :طلعت كل الطقم
ياقوت تدق على راشد لمى:على مين تدقين
ياقوت :اووف على راشد من ساعه ارسلته على اللبن ولبتون وللحين ما جا
:الو
ياقوت :راشد وينك نمت بالبقالة
راشد وهو يسوق سيارة فيصل :ام اياد السيارة بنشر كفرها عشر دقايق واكون بالبيت
ياقوت :اوكي
وسكرت ام فيصل :وينه
ياقوت :على الطريق سيارة فيصل الميته تعطلت
جت فتون تركض على المطبخ :ماما تعالي بابا جا
ياقوت طلعت بسرعه والكل طلع وراها
ياقوت بسرعة ضمت فيصل ودموعها تنزل
سامر يضحك من ورا فيصل :صدق قليلة حيا
فيصل يبوس ياقوت ويضمه ياقوت بهمس :اشتقتلك موووت
فيصل انحرج الكل يطالع وهو يحول يبعد :الله يسلمك بعدي
ياقوت بفشله لانها ما تحمدت له بالسلامه وهي تبعد عنه :فيصل روح سلم على امي
فيصل امه قربت ضمها وباس راسها ويدها سلم على الكل بالصاله وهو بيروح المجلس يسلم على جده والشباب :لا تتاخر جهزة لك الحمام
فيصل ابتسم :ان شاء الله ومشى بهدوء
سامر وهو يطالع بفيصل اللى يبعد بصوت هادي :ياقوت اثقلي والله حركاتك عيب
ياقوت وهي طالع يارا وساجدة ومنار اللى جالسين بالصالة يسمعون :وش عيب زوجي حلالي وابو عيالي
سامرطالع فيها وبحده :زوجك ما اختلفنا سوى هذي الحركات فوق موو هنا
ياقوت طالعت فيه :ان شاء الله
سامر :ترى كبرتي على حركاتك الغبية
ياقوت بقهر لانهم يضحكون عليها :ليش معصب ترى بس ضميت زوجي ما سويت شئ ثاني
سامر يخرب شعرها :روحي شوفي الشياطين وش مسوين برا
ياقوت تبعد يده وبانزعاج:اوووف لا تخرب شعري خليهم يلعبون وتيما معاهم
سامر :متى يصير العشا
ياقوت تطالع الساعة :بعد ما يتروش ابو اياد
سامر :نعععم
ياقوت :مثل ما سمعت
سامر حط كفه على وجهه :هذا وجهي اذا خليت فيصل يجي وراح
ياقوت توجهت للمطبخ وهي متاكدة من فيصل ما راح يجي بسبب الاستاذ سامر
****
برى عند تيما اللى جالسة على المرجيحه اللى معلقة بالشجرة وتغني اغنية sorry
دون سابق انذار احد دفها
مسكت بقوة ثبتت رجولها على الارض وطالعت وراها :انته
ابتسم :في احد غيري
تيما طالعت بالفراغ :استغفرالله
وهو يتسند على الشجرة :مافي الحمدلله على سلامتك
تيما ابتسمت وبصوت جدا واضح : من لا يراني نورا في عينيه لا أراه ترابا تحت قدمي.
راكان (لسانه يلوط اذانها بنت اللذينة ) :صوتك حلو
تيما طالعت فيه وباستغراب :تحجيني
راكان ابتسم : حبيت الاغنية
تيما وهي ماسكة سلسلة الحديد حقت المرجيحة :روح منا احسن اصيح لعموري يعلمك حدودك
راكان :عموررري
تيما :انته ما تفتهم بابا روح منا
راكان دف المرجيحه باقوة ما عندة تيما طاحت على وجهها :آآآه يا مجنون
راكان يطالع فيها كانت لبسه جينز ابيض وقميص ابيض وفوق القميص جاكت جينز سماوي باهت مفتوح وبرقبتها سنسال ناعم على شكل طير تيما تقوم بالم :
Cursed
رمت حفنت رمل بوجهه
راكان ويدينه على وجهه :هين يا خبلة انا اوريك
تيما :ولك حيوان موو اني اللى ينداس لى على طراف اني تيما ال....
داست على رجله بكل قوتها وراحت تركت راكان يتالم من الرمل اللى دخل بعيونة
****
وهم يحطون العشا دخل طلال :خالتي ياقوت خالتي
ياقوت تاخذ منه الاكياس :عيون خالتك طلوللي
طلال ابتسم بخجل
ياقوت باست خدوده :حبيبي نادي خالك سامر
طلال :ابشري
وراح
****
بعد العشا بساعتين ما بقى الا سعود
وعمر وسامر وفيصل وراشد راح ينام والجد بعد راح ينام
سعود اخذ نفس :شنو مطولين بالسهرة
عمر ابتسم :بكرا اجازة وش ورانا
فيصل يضحك : ما وراكم شئ
عمر :اذا تعبان روح نام
فيصل ابتسم :من وش اتعب طول الطريق بالطيارة وانا نايم
سعود :ما شاء الله بسبعة عشر يوم رجعت تمشي زي قبل
فيصل :باول يوم وصلت سويت التحليل وثاني يوم الصبح العملية الدكتور راجبوري مره شاطر بشغله >اسم وهمي
سامر :كيف لقيت الهنديات
فيصل يضحك :والله العظيم ما شفت ولا وحده زي نجمات بوليود
عمر يضحك :ليش ما وصيته يجيب لك عروس هندية
سامر يضحك :لو ابي غير ام فيصل كنت وصيتك انت
سعود يضحك :عموري تجيبها مع هدية ولا بدون
عمر :اطلب وحده وتحصل على الثانية مجانا
فيصل يضحك :الثانية زوجة ولا اخت الطلبية لا يتوهق سامر
سامر :شباب خلاص انا عندي نور تسوى الدنيا واللى فيها
فيصل :الله يهنيكم
سعود :بكرا وش ناوين تسون
فيصل :انا بكرا بروح لبيت الحيوان اخوك من زمان عنه حتى ما سال عندي
سعود بلع ريقه سامر : سعود وش فيك لك فترة موو على بعضك
سعود بعد سكوت :شباب عندي موضوع مهم معاكم
****
اما عند سارة ومصعب
سارة نايمه مع مصعب بنفس المخده واصابع يدها اليمين مشبوكه باصبع يده اليسار طالعت بعيونة :حبيبي
مصعب :عيون حبيبك
سارة ابتسمت :احبك
مصعب باس راسها :وانا اعشقك سوير انا اموت واحيا فيك
سارة :لا عاد تعاملني ببرود
مصعب يلعب بشعرها بيده اليمين :والله مووو قصدي اتعامل معك ببرود
سارة تخزه:موو قصدك يا
مصعب يقاطعها بجدية :لا تخزيني كذا كل القصه صرت اخاف جرحك وازعلك مني
سارة حطت اصبعها على شفته :كذاااب
مصعب باس اصبعها : حبيبي سوير والله العظيم ما اتحمل ازعلك روحي تطلع
سارة وهي تطالع بعيونه :بسم الله على روحك
مصعب بحب:انتي روحي وقلبي وعمري وحياتي ونبضي
سارة :تتوقع متى يصير عندنا بيبي ثاني
مصعب ابتسم وهو يمسح على خدها بحنان :لا تفكري كثير بالحمل متى ما كتب الله لنا يصير عندنا بيبي ثاني يصير
سارة اخذت نفس عميق :دكتوري بس يصير راح اعذبك عذاب ما صار ولا استوى
مصعب يضحك :سوير ترى انا مدللك دلال ما صار لك ببيت ابوك
سارة تضحك :حرام عليك والله اهلي دللوني دلال ما صار لى عنك
مصعب :حيوانه لا تكذبي
سارة :والله ما اكذب
مصعب :يا خوفي اصحى الصبح وما احصلك
سارة بحب :والله اللى خلى قلبي ينبض باسمك ما اخليك تعيش ولا يوم بدوني
مصعب ضمها لصدره وباس راسها وشم شعرها بعمق
سارة ابتسمت :مصعب حبيبي بكرا راح تجيب هاله مثل ما وعدتني
مصعب :ان شاء الله بروح اجيبها
دخل عليهم يوسف اللى كان بغرفته يلعب بجوال سارة :ماما جوالك عم يرن
سارة تركت يد مصعب وتعدلة واخذت الجوال منه بخوف بعد ما شافت اسم المتصل :مصعب هذا فيصل
مصعب تعدل :يوسف لا يكون انت اللى دقيت على خالك
يوسف يطلع لفوق السرير وجلس بحضن مصعب :لا بس كنت عم العب
مصعب ضم يوسف :سوير ردي
سارة عطت مصعب الجوال وهي ترجف ودموعها على خدها
مصعب اخذ الجوال :بسم الله
ورد :الو
فيصل بعصبية وصراخ :يا### الحين تجيبها وتجي
مصعب يضم يوسف اكثر وبهدوء عكس الخوف اللى بقلبه على سارة ويوسف وهو يسمع صوت عمر يسب ويشتم ويحلف وصوت سعود سامر يحولون يمسكونه لانه يريد يطلع :فيصل الموضوع بيني وبينكم لا تدخلها فيه
فيصل بنفس العصبية والصارخ :يا حيوان انت ابن حرام بلا شرف انا اليوم ذابحك وذابحها
مصعب سكر بوجه فيصل :سارة بسرعه البسي
سارة تشهق :مصعب
مصعب ضمها :لا تخافين احرق الدنيا واللى فيها اذا احد قرب منك
سارة تضمه بقوة :يا ربي
بالسيارة ةهو يسوق :وين شقة هاله
سارة وهي تنوح :ليش
مصعب :حبيبي الحين بوديكم عند هاله لا تخافي كل شئ راح يكون بخير
سارة تمسك يده وبخوف :لا لا ما تروح لحالك
مصعب وقف على الاشارة :سويرعطيني العنوان خطر عليكم تروحو معاي
سارة :ما ماتروح بدوني
مصعب طالع بعيونه :سوير اذا تحبيني اسمعي الكلام بس هذي المره
سارة :مصعب يا اروح معاك يا ما تروح
مصعب بعصبية :يامجنونة السالفة كبيرة موو لعب
سارة بعصبية :صغيرة ولا كبيرة موو مشكلتي بتروح لهم بروح معك رجلي على رجلك
يوسف حط يده على وجه سارة :ماما لا تبكين انا احبك قد الكون
سارة حطت يدها على يده :وانا احبك قد الكون وباست يده بعمق
مصعب حرك السيارة :سوير ياروحي العنوان
سارة :ما راح اعطيك العنوان نحن ما سوينا شئ حرام يوسف ابن حلال
مصعب :سوير انت روحي اذا صار لك شئ اموووت
سارة تضغط على يده :مصعب لا تجيب سيرة الموت انا اعيش عشانكم انت ويوسف
مصعب :يلا عطيني العنوان ساعة واجي اخذك
سارة تركت يده وبعصبية :كذااب ما اتركك
مصعب بصراخ وسرعته تزيد :يا#### اخونك ما راح يسكتون
سارة رفضت تعطيه العنوان وطلو الطريق يتهوشون ويصرخون على بعض هي تبكي و مصره تكون معاه وما يفترقون وهو خايف عليها وعلى يوسف ومافي مكان يخليهم فيه وقدام بيت فيصل وهي تحس قلبها بيطلع من مكانه ضمت ابنها اكثر مصعب طفى السيارة
فتح لها الباب اخذ يوسف منها وهو شايله بيمينه نزلت مسك يدها باليسار ومشى وهو يهمس :ياربي استودعتك نفسي وزوجتي وابني وانت خير الحافظين
دخل قسم الرجال الكل طالع فيهم وسامر مسك عمر باقوى ما عنده :سامر اتركني ما اكون عمر اذا ما شربت من دمهم هذول عار
عطى يوسف لسارة بسرعة فيصل عطى لكمه قوية لمصعب اختل توزن مصعب وطاح على الارض سارة صارخت :مصعععععب
سعود يدف سارة لبرا وبصراخ:يا غبية اطلعي برا
سارة بخوف وهستيرا :مصعب راح يذبحونه يا ربي
سعود رجع ويحول بكل قوته يبعد فيصل اللى يضرب مصعب بكل ما اتاه الله من قوة :فيصل وخررر عنه
فيصل يسب في مصعب ويضرب بجنون
عمر فك نفسه من سامر وهجم على سارة اللى عند الباب
عند الحريم نور بخوف:بسم الله وش صاير
ام فيصل وقفت وبخوف من صوت الصراخ والسب :يمه اعيال
نور اخذت شماخ جده اللى كان على طرف الكنبه لفته على راسها ولحقت امها وساجدة لفت طرحتها وطلعت وتيما طلعت بدون شئ يارا بسرعه قامت تجيب عبايتها
ياقوت ركضت على غرفة سامر ونورتجيب شئ يسترها
عمر ماسك سارة من رقبتها عند الجدار يريد يخنقها وسامر يحول يفك سارة ويوسف واقف بخوف يبكي ويرجف :انت عار موووتي يا#### موتي
سارة ماسكه يدينه وفاتحه عيونها على اخر شئ وتحول تلتقط انفاسها الاخيرة ووجها تغير لونه لازرق وتشهق بين يدينه
مصعب لما لمح سارة تموت بين يدين عمر هو كان مستسلم لفيصل بس لما شاف سارة تموت دمه فار عطى لفيصل لكمه ودفه على سعود وركض لسارة
نور وام فيصل يحولون يبعدون عمر عن سارة مع سامر بس عمر يضغط اكثر على رقبتها مصعب مسك التحفه اللى على الطولة اضربت راس عمر واخرا عمر تم ابعاده عن سارة اللى طاحت على الارض جثه هامده وصوت الصراخ تعال عمر وراسه ينزف دم على وجهه وقفت فيه الدنيا وهو رافع يدينه ويطالع بيدينه وبقلبه (انا قتلتها انا ذبحت سارة موتتها بيديني ) فيصل قرب منها وجلس على الارض كانت ما تتنفس مصعب دف فيصل عنها و جلس مكان فيصل مسك وجهها ويضرب خدها كنت ما تتنفس وعيونها مفتوحة وتلمع مثل الزجاج عيونه امتلت دموع :سوير لاااا تموتي سوووير
لا لا ما راح تموتي وتتركيني
يوسف هو يشوف امه على الارض وايوه مسكها ويبكي يوسف دارت فيه وهو يهمس والدنيا بدات تصير سودا بعيونه :ماما ماتت
تيما بصارخ وهي تمسك يوسف اللى طاح على الارض فاقد الوعي :الحكوني الولد اغمى عليه
سعود طلع من الغرفة سحب يوسف منها وبخوف وهو يضرب بخفه على خد يوسف :يوسف حبيبي يوسف عمو اصحى يوسف
يارا وهي تشهق وترجف مسكت ساجدة :س ساجدة يوسف هبط سكره جيبي العسل بسرعه
مصعب مدد سارة زين وميل راسها لورا ورفع ذقنها وبدا يسوي لها الاسعاف الاولي عنده امل تتنفس
****
ببيت سعود مصعب جالس بالصاله ساكت وهو بعالم ثاني يطالع بالفراغ وعيونه مليانه دموع ووجهه كله دم وكدمات من الضرب ويوسف نايم بحضن سعود بعد نوبت بكاء قوية على امه سعود يطالع بمصعب نوم يوسف على الكنبة وراح جاب بطانية وغطا يوسف
جلس جنب مصعب وهو يمسح على ظهر مصعب :اذكر ربك
مصعب دمعته طاحت وبصوت مبحوح:سعود والله بموت والله بموت هي روووحي سوير اليوم كانت بحضني وتصالحنا سوير حلفت لى ما تتركني اعيش ولا يوم بدونها
سعود ضم مصعب :لا حول ولا قوة الا بالله الله يصبرك
مصعب يشهق :الله لا يسامحهم كلهم حتى امي وابوي الله لا يسامحهم دمروني سوير كل شئ بحياتي انا اتنفس عشانها
سعود باس راس مصعب :خليك قوي عشان خاطر ابنك يوسف
مصعب يبعد عن سعود ويمسك يدين سعود:سعود ابوس يدينك رجعلي سوير رجعها
سعود وعيونه كلها دموع انحنى على مصعب وضمه وبهمس :يا ربي ياربي ارحم حال اخوي
انتهى البارت توقعاتكم

رد: روايتي الاولى اذا ذاب القلب

عادي حبيبتي كونك تركتي لايك فهذا الاثر الجميل يكفي والله كلنا مشغولين ومضغوطين الله يعين الجميع
وشكرا لتوجدك يا عسل روايتي

رد: روايتي الاولى اذا ذاب القلب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ طيب ليش... ليش سارة اللي تموت وكمان صح أنها غلطت, بس أيش يستفيدون من موتها عمر وعرفنا أنه مجنون بس فيصل ليش أتصرف كذا وطالما أنهم أتزوجوا ليش يذبحونها... والله العظيم أن عيوني دمعت والله ياخذ عمر مثل ما ذبح سارة...
يعمري يا يوسف والله أني حزينه عليه وأتمنى من كل قلبي بأن سارة ما مات... ... على العموم تسلم أيدك يا زينه مع أن الفصل محزن جدا جدا والله يعطيك العافية.....

رد: روايتي الاولى اذا ذاب القلب

الله يعافيك ويسلمك نورتي
سارة حبيبتي اسفه لاني سببت لك الحزن انت والمتابعين
اعذروني تحياتي للجميع وحيل اشتقت لهنوف
وينك يا الهنوف وربي وحشتيني

رد: روايتي الاولى اذا ذاب القلب

والله من جد هنوف مالها حس أن شاء الله بخير... لأني أنا بعد أشتقت لها والله...

رد: روايتي الاولى اذا ذاب القلب

البارت الميه وخمسه
بعد ايام من اللى صار ببيت فيصل
سامر طلع شاف سبارة تمشي وراه وقف السيارة على طرف الطريق والسيارة صفت ورا سيارة سامر نزل بسرعة يريد يعرف مين اللى بالسيارة اللى لحقته نزل الطرف الثاني :السلام عليكم
سامر طالع فيه بخيبه كانت حالته حاله ومررره نحفان وشكله مبهدل لبس بيجامه سوداء وتيشرت اسود :وعليكم السلام ليش لحقني
قرب منه :ليش ما ترد علي انا محتاج احكي معاك
سامريحول يضبط اعصابه :مصعب انا وانت ما بينا كلام
مصعب بعصبية :ياخي انا كنت مجبور على اللى سويته انا
سامر بعصبية :لا تبرر انت واحد خاين بلا ضمير
مصعب بانفعال :لا مووو انا خاين هي حلالي وصورة العقد عنكم موثق من المحكمة انا صح اغلطت ما انكر غلطي والله العظيم يا سامر ما سويت اللى سويته فيها الا لان اهلي ما كانوا راح يخلوني اتزوج غير سعاد
سامر وهو منزل راسه :مصعب انا مالي علاقه بالموضوع روح قول هذا الكلام لاخونها
مصعب جلس على الرصيف :موو راضين يسمعوني او يسمعون سعود اريدها انا مستحيل اتخلى عنها
سامر يطالع بمصعب بحزن :والله موو سهله عليهم مصعب اللى صار كبيرمررره
مصعب بانكسار والدمعه بعينه :سامر طمني عليها وربي قلبي نااار عليها
سامر جلس جنبه تنهد بضيق :سارة يا مصعب قاعدة تموت صارت جسد بلا روح لا تتكلام ولا تاكل ولا تشرب حتى الدمعه من عينه مووو راضية تنزل
مصعب نزل راسه ودموعه تنزل على حال سوير
سامر حط يده على كتف مصعب وبحزن:الله يصبركم صدقني مووو طالع بيدي شئ
مصعب :مخنوق يا سامر مخنوق انا اللى دمرتها بس اريدها ترجعلى روحي طلعت والله روحي طلعت
سامر باس راس مصعب وضمه :لا تياس وتقنط صدقني كل شئ راح ينحل وان شاء الله ترجعون سوا
مصعب يشهق من اعماق قلبه :يوسف من له من بعدها قلتني يا سامر بدون ما تدري قتلتني
سامر وراسه على راس مصعب :خليك قوي عشان يوسف وربك بيحلها

****
تيما بهمس لاختها :مابي اخبار عن عمرالغبي
ساجدة بنفس الهمس :لا عيب تكولي غبي الله يرده بالسلامه
تيما بنفس الهمس :الا غبي يستاهل خلي ضميرة يعذبة على اللى سواه بالمسكينة والله كلبي يتكطع عليها
ساجدة بهمس:فيصل راح يوصل لعمر ويكول له سارة ماماتت
تيما وهي تشوف يارا جالسه سرحانه بنفس الهمس :مسكينه يارا شذنبها الله يعينهم هالتوام
ساجدة ضلت ساكته وهي حزينة حال ام فيصل والتوام
تيما قامت وقعت جنب يارا :يارا
يارا طالعت فيها :هلا
تيما :انت بخير
يارا نزلت راسها وتنهدت :الحمدلله
تيما :لا تزعلين ازمه وتعدي
يارا دمعتها طاحت :ان شاء الله
تيما ضمت يارا :لا تبجين سوير كوية
****
اما بغرفة ام فيصل سارة ممدده على ظهرها بسرير امها ببيحامه ساتان لونها اسود لها ساعات تطالع بالسقف
ام فيصل جالسة جنبها تبكي وتقرأ قران من المصحف
وكل اشوي تدخل وحده من البنات دخلت نور وعيونها مورمه جلست جنب امها وهي تطالع بسارة بحزن :يمه فيصل يناديك بسرعة
ام فيصل سكرت المصحف اخذت منديل مسحت انفها ووقفت بمساعدة نور مسحت على شعر سارة وباست راس سارة :يا ماما كافي والله موتيني مثل الورده تذبلين قدام عيوني ومووو طالع بيدي شئ
نور رجعت دموعها تنزل من كلام امها
سارة شريط حياتها وكل شئ عاشته ذكرى ذكرى يمر على عيونها هي صح حبت مصعب من اعماقها بس مع الاسف حبها لمصعب كان ثمنه كبير ما شافت من حب مصعب الا الوجع وين الراحه من غاب مصعب عنها راحت الراحه روحها طلعت حتى الهوى خنقها صارت مجرد جسد بلا روح مصعب روحها تدرون شنو روحها سارة رافضه الحياة ما تريد تعيش بدونه كيف تعيش وروحها طلعت كان يوسف هوو اللى مصبرها على بعد مصعب بس الحين ايش اللى يصبرها
*****
بعد ايام رجع فيصل مع عمر وهم بالصاله الكل نايم مافي الا يارا اللى طالعت بعمر ببرود عمر بفرح الدنيا مووو وسعته ان سارة عايشة ما ماتت لان بهذيك الليلة طلع من البيت بسيارتة مثل المجنون:فيصل وينها
فيصل بحده وهو يجلس :فوق بغرفة امي يارا قومي نادي ياقوت تحط لى اكل
يارا قامت وطلعت فوق وعمر طلع وراها وعلى الدرج :يارا يارا
يارا طنشت وكملت طريقها حتى مع فيصل ما تحكي
عمر دق باب امه ما سمع رد فتح الباب شاف امه على سجادتها تصلي وتبكي
وسارة مثل الاموات ممدده على السرير نايمة بس وجهها شاحب وواضح انها نحفانه كثير سكر الباب بهدوء وجلس جنب سارة انحنى باس جبينها ومسح على شعرها :سوير سوير اصحي
ام فيصل اول ما سمعت صوت عمر سلمت بسرعة لفت : ابعد عن بنتي
عمر بانكسار وندم :يمه والله ما راح اسوي شئ الحمدلله انها عايشه انا جيت اشوفها
ام فيصل ودموعها على خدها بصوتها المبحوح:بنتي قاعدة تموت بسببكم كلكم لا حول ولا قوة الا بالله
عمر شاف سارة فتحت عيونها اللى صاير لون البياض اصفر طالعت فيه بدون اي تعبير عمر ابتسم ودموعه تنزل :سوير اختي سامحيني صدقيني نادم عيوني انعمت
وباس راسها :سوير حبيبتي سوير
عمر طالع بامه اللى منزلة راسها وتبكي :يمه قول لها تكلمني
رجع طالع بسارة مسك وجها وبحزن :سارة لا تزعلين مني سوير والله نادم
حول فيها بس كنت جسد مثل الصنم ما ترد ومافي اي تعابير على وجهها
عمر بصوت عالي :سارة يمه وش فيها سارة
ام فيصل :سوير على هذا الحل من هذيك الليلة السوده
عمر بخوف وهو يوقف :يمه وين عبايتها
ام فيصل تشهق من اعماق قلبها المحروق :لا يمه لا تشيل ذنب ياقوت
عمر بعصبية :وش دخل ياقوت سارة قاعدة تموت
ام فيصل ويدينها على راسها من كبر المصيبة :اخوك حالف يطلق ياقوت اذا احد منا طلعها من البيت
عمر يسحب عباية امه من العلقة :خليه يطلقها لف سارة بالعباية وشالها
فتح الباب بصعوبة ونزل فيصل اول ما شافه وقف :وين ماخذها
عمر بعصبية وصراخ :على المستشفى لا انت ولا غيرك تقدرون تمنعوني
نور طلعت مع سامر على صوت الصراخ
فيصل بعصبية :عمر رجعها خليها تموت ما يلزمني خوات مثلها
عمر بانفعال :مووو بس هي غلطت كلنا غلطنا وانت اول واحد تزوجت من ورانا وانا حتى تزوجت من وراكم
فيصل بصراخ :انا وانت ارجال ما يعيبنا شئ اما هي خلت روسنا بالطين
سامر بهدوء :فيصل اذكر ربك ترى انا تاكدت من صورة العقد ميه بالميه موثق من المحكمة
فيصل بعصبية وهو يكسر المزهرية اللى جنبه :الزواج باطل السافلة زوجها باطل
سامر :الزوج موثق من المحكمه موو باطل
عمر بتحذير :كونك اخوها من امها هذا ما يعني ابدا اني اسمح لك تغلط على اختي بنت امي وابوي اختي مووو زانيه اخت تزوجت وبالحلال جابت الولد سامر افتح الباب
سامر فتح الباب :اجي معاك
عمر : تعال افتح لى سيارتي
سامر بعد ما رجع من برا جلس جنب فيصل بحده:طلقتها ولا لسى
فيصل وراسه بين يدينه :لسى
سامر حط يده على كتف فيصل :عليك كفارة يمين اطعام عشر مساكين او تكسيهم او تصوم ثلاث ايام
فيصل زفر بقوة :لا حول ولا قوة الا بالله يا ربي صبرني
سامر يطبطب على كتف فيصل :فيصل وانا اخوك لا تعقد الامور
فيصل وقف وطلع فوق
سامر رجع على غرفته ما لقى نور انسدح لانه متاكد انها طلعت فوق تشوف امها
وعلى الساعة وحدة ونص نور جالسة مع امها اللى تبكي دقت على عمر :الو
نور :عمر طمني سوير كيفها
عمر وقف :من اول ما وصلت دخلوها على طول الانعاس الحمدلله لحقتها قبل ما يفوت الاوان
نور بصدمه :ليش الانعاش
عمر :دمها اثنين ونص وحطولها دم
ووبكرا من الصبح راح يسولها تحاليل شاملة
نور :شفتها
عمر : الصبح يسمحولي ادخل اتبهي لامي
نور :خذ كلمها
ومدت الجوال لامها ام فيصل :يمه عمر طمني عن بنتي
سوير
عمر :يمه يا الغالية لا تخافي سارة راح تطيب بسرعة ان شاء الله بكرا الصبح ادق على سامر يجيبك تشوفينها
اما عند ياقوت كنت تدرس دخل عليها فيصل :ليش ما نزلتي تحطين لى اكل
ياقوت رفعت راسها وهي عاقدة حواجبها :الحين انزل
فيصل جلس مكانه :لا خليك كملي دراستك
ياقوت :وش صار تحت
فيصل بحزن :عمر اخذها
ياقوت طالعت فيه وبخوف على سارة :ايش وين اخذها
فيصل زفر :على المستشفى
ياقوت وقفت بسرعة وبيدها كتابها :انا بروح اشوف خالتي
فيصل طالع فيها :وش فيك اليوم موو طبيعية
ياقوت بتوتر :ها لا مافي شئ
فيصل بحده :انتبهي لنفسك
ياقوت :ان شاء الله
حطت الكتاب على الطولة طلعت بسرعة
فيصل قام دور على دخان لان اللى اشتراه خلص لقى علبتين فتحهم كان ناشف لانه صار قديم فيصل رماه بالزبالة وانسدح
حول ينام لكن بلا فائدة
اما عند ياقوت اللى جالسة مع نور وام فيصل
وهي تمسح على شعر ام فيصل :يمه يكفي دموع حتى لو ابنك المجنون طلقني عادي اهم شئ صحة سوير
ام فيصل :اذا طلقك لا هو ابني ولا اعرفه
نور وهو تفتح جهاز الضغط :يمه وش فيكم والله فيصل مستحيل يطلقها عليه كفارة يمين عن حلفه
ياقوت طالعت بنور :اشلون كفارة يمين
نور :يمه ياقوت غبية حتى ما تعرف وش كفارة اليمين
ياقوت بزعل :انااا موو غبية
نور تقيس ضغط امها:الا غبية انا ما ادري كيف انت وسامر اخوان
ياقوت :يمه شوفي نور تقول اني غبية
ام فيصل : خلاص انتم حريم عيب عليكم
ياقوت وقفت :تصبحون على خير
دخلت على غرفتها كان فيصل يتقلب
ياقوت تشغل النور :فيصل
فيصل :هممم
ياقوت قعدت جنبه ويدينها على كتفه بذلخه :فيصل انت نام
فيصل يحط يده على المخده :اي نايم
ياقوت :طيب اسمع نور تقول اني غبية
فيصل زفر بحده :ياقوت تعبان ومالي خلق اسمعك
ياقوت تمسح على شعره :زين اسمعني بس عندي سؤال نور تقول عليك كفارة يمين شنو يعني كفارة يمين
فيصل :بلا استهبال وحركات الحريم انا اعرف حركاتك
ياقوت :فيصل والله العظيم اني ما استهبل
فيصل (اوووف ما كان نقصني الا ياقوت الزفت ):ياقوت اتركيني انام
ياقوت :علمني واتركك
فيصل يغطي وجهه :النت عندك اسالي عمك جوجل
ياقوت وقفت طفت الضو وطلعت
طلعت على الحديقة وجلست بعد تفكير طويل رفعت جوالها ودقت عليه
بعد كم رنه رد :الو مين
ياقوت ابتسمت :الو يا حلو كيفك
ابتسم :تمام
ياقوت :يوسف حبيبي وين بابا
يوسف يحرك رجلينه :بابا بالغرفة انت مييين
ياقوت ابتسمت :حبيبي انا الخاله ياقوت اعطي الجوال لبابا بسرعة
يوسف ابتسم وقام بسرعه :اوكي
راح يركض دخل على مصعب :بابا بابا
وقف جنب السرير ويهز كتف مصعب : بابي حبيبي
مصعب فتح عيونة :روحي وش فيك يا بابا
يوسف يمد الجوال :الخاله ياقوت تقول اعطي الجوال لبابا
مصعب اخذ الجوال من يده :الو
ياقوت :الو مصعب
مصعب :هلا ياقوت
ياقوت :كيفك
مصعب تنهد :كيف بكون برايك ليش ما تردين على اتصالاتي
ياقوت :مصعب انت اخوي صدقني موو بيدي فيصل محذرني ما ارد عليك او على سعود حتى ما عاد يخليني اروح على الشغل
مصعب :تقدرين توصلين جوالك لسوير لزم اكلمها
ياقوت :مصعب انا دقيت عليك عشان سار آآه
تركت الجوال وضمت بطنها من شدة المغص
مصعب بخوووف على ياقوت وصراخ :ياااقوت ياقوت الو ياقوت ردي علي
مصعب سكر منها ودق بسرعة على سامر سامر بعد الرنه الثانية رد على جواله بصوت كله نوووم :الو
مصعب :سامر ارجوك روح بسرعة شوف ياقوت
سامر تعدل وبخوف:وش في وش صاير
مصعب :كنت تكلمني وصارخت وما عاد ترد علي شكله فيصل مسكها ارجوك روح لا يسوي لها شئ
سامر رمى الجوال وطلع بسرعة فوق فتح باب جناح ياقوت ما كان في صوت فتح باب غرفتها فيصل طالع بصدمة سامر وش طلعه فوق وكيف يدخل بدون استاذان :سامر
سامر بتوتر :وين ياقوت
فيصل تعدل :ما ادري
سامر تركه وطلع راح غرفة ام فيصل دق الباب نور :ادخل
دخل سامر طالع ياقوت مووو موجودة :وين ياقوت
نور :اكيد عند زوجها
سامر سكر الباب ونزل بسرعة فيصل ينزل ورا سامر :سامر وش صاير
سامر :شفت كابوس بياقوت
دخل للمطبخ ما كنت موجودة
فيصل يطالع باب المطبخ الثاني :شكلها بالحديقة
فيصل طلع مع سامر شاف ياقوت امشي بصعوبه وظهرها متقوس وضمه بطنها بذراعها اليمين واليسار على ظهرها وبصعوبه تمشي سامر وفيصل مسكوها فيصل بخوف :ياقوت وش فيك
ياقوت ودموعها على خدها :وديني الحمام
سامر بعد ما شاف الدم طالع بفيصل لانه شاف هذا الموضوع اكثر من مره صار مع نور
فيصل شال ياقوت ودخل وسامر دخل وراهم
فيصل واقف قدام الباب له اكثر من نص ساعه وهو يسمع صوت الماء اللى امتزج مع صوت شهقاتها ياقوت فتحت الباب :فيصل عطيني ملابس
فيصل بسرعة راح جاب لها دق الباب فتحت واخذت منه كلها عشر دقايق وطلعت فيصل يمسكها :كيف صرتي
ياقوت ووجهها احمر وشعرها ينقط مويه بهدوء:الحمدلله بخير
فيصل جلسها على السرير طلع المنشفه وجلس ينشف شعرها :تقديرين تتحملين لصبح ولا لا
ياقوت نزلت راسها :من اشوي قلت لك اني بخير
فيصل حط المنشفه على الكومدين :لا يكون زعلانه
ياقوت مددت :لا موو زعلانه لسى العمر قدامنا
فيصل يغطيها :وش السبب لا يكون دخنتي وكثرتي قهوة
ياقوت طالعت فيه وبعصبية:كيف تسالني هذا السؤال
فيصل :ياقوت انا اسال عن السبب ما كان فيك شئ
ياقوت اخذت نفس :بدون سبب هذا قدرنا
فيصل :الحمدلله يلا الحين نامي
ياقوت سكرت عيونها بالم وهي تحس فيصل يبوس راسها
اما عند مصعب اللى منسدح على بطنه وضام المخده ويوسف بعد منسدح على بطنه وماسك جوال مصعب
دق الجوال يوسف يلمس وجه مصعب :بابا
مصعب طالع فيه واخذ الجوال رد :الو طمني
سامر وهو يتكي :لا تخاف فيصل ما كان عند ياقوت
مصعب اخذ نفس :الحمدلله طيب وش فيها اختك
سامر بحزن :ولا شئ طاح اللى ببطنها
مصعب بحزن لان ياقوت يعتبرها اخته :الله يعوضهم اي مستشفى راحت
نزل تحت كان سامر جالس يكلم شاف فيصل:لسى ما راحت
فيصل يجلس :ميين
سامر ابتسم وبتوتر :عبد الرحيم بكرا اكلمك
مصعب :اوكي كنت ياقوت بتقول لى شئ مهم عن سوير
سامر طالع بفيصل :طيب مع السلامه
وسكر :كيفها
فيصل يتكي :نامت الصبح باخذها للمستشفى
سامر :وش السبب
فيصل بهدوء :سالتها وعصبة علي قالت بدون سبب
سامر :الله يعوضكم
فيصل :آميين ما اتصل عمر
سامر :لا انت اتصل
فيصل يتربع :ما يدخلني انت اتصل
سامر رفع جواله ودق على عمر
عمر رد :الو
سامر :عمر فيصل مشغول باله على سوير
فيصل رمى علبة المناديل على سامر وهو يخزه
عمر :بالانعاش وحطولها دم
سامر بصوت عالي وصدمه :يا ربي استر وش انعاش وليش الدم
فيصل تعدل وطالع باهتمام
عمر بعصبيه:وش فيك تصارخ اذني راحت سوير وضعها خطير
سامر بحزن :لا حول ولا قوة الا بالله
فيصل قام واخذ الجوال :عمر وش فيها سوير
عمر اخذ نفس وبحزن :سوير موو بخير
فيصل بانفعال :كييف موو بخير انت ايش تقول
عمر :فيصل سوير بالانعاش وحطولها دم ومن بكرا الصبح راح يسولها تحليل شامل و وو(وسكت )
فيصل :ليش سكتت وش فيها
عمر تنهد :قال الدكتور لزم يشوفها دكتور نفسي لان وضعها ما يبشر
فيصل :انت باي مستشفى انا بجي
عمر بانكسار :لا تجي حتى انا ما سمحولي اشوفها وضعها خطير جدا انتبه لا تعرف امي
فيصل :لا حول ولا قوه الا بالله انا الصبح بجي
عمر :اوكي (وسكر )
ثاني يوم مع اشراقة صباح جديد
الكل يريد يروح للمستشفى الساعه تسعه
ام فيصل ليارا ونور :يارا نور وحده منكم تضل مع جدكم والعيال
يارا :لا ماما لزم اروح لسوير
نور :يمه وانا بعد بكون مع ياقوت
تركتهم وطلعت تشوف ياقوت وتساعدها
ساجدة :لا تشغلون بالكم اني وتيما هين
تيما اللى جالس جنب ابو عبدالله :عمه ممكن انا وجدي ابو عبدالله نطلع نتمشى
ام فيصل توقف :اطلعو بس لا تتاخرون
فيصل :يبه خذ دواك معاك لا تنسه مثل كل مره
ابو عبدالله :فيصل دق على وانا ابوك وطمني عن سوير
فيصل ضم جده وباس راسه :حاظر يا غالي
نزلت ياقوت بمساعدة نور سامر مسكها :اشوي اشوي
ياقوت طالعت بام فيصل :يمه مين راح يضل عند العيال
ساجدة :اني ياقوت ويلادج بعيوني تروحين وترجعين بالسلامه
ياقوت :الله يسلمك نما اوصيك على اياد
ساجدة ابتسمت :لا توصين ايادو بعيوني
طلعو من البيت بسيارتين نور وياقوت مع سامر
وفيصل مع امه ويارا
وبالمستشفى قبل ساعه
عمر دخل على سارة
جلس جنبها على السرير ومسك يدها :سوير سارة يلا اصحي سوير يا روحي
سارة فتحت عيونها وطالعت فيه
عمر ابتسم لها :صباح الخير كيفك الحين
سارة رجعت غمضت عيونها
عمر رفع السرير من جهاز التحكم فتح كوب الموية
مسك راسها وحط الكوب بفمها وطالع بعيونها:يلا اشرب
ما رضت تشرب والموية انكبت على ملابس المستشفى
عمر ترك الكوب :طيب لا تشربين
اخذ مناديل وصار يمسح لها :انا اسف سوير سامحيني والله ندمان على جنوني
سارة ساكته
عمر ابتسم وهو يمسك يدينها :قوليلي اللى يرضيك وانا اسوية بس يا حلوه لا تضلي زعلانه مني انت بنت الغالي
عمر كمل :بعد شوي ماما بتجي مع البنات حتى فيصل جاي يشوفك
عمر اندق الباب عمر اخذ الطرحه وحطها على راس سارة لان قبل اشوي كان يكلم الدكتور
:تفضل
دخل الدكتور :صباح الخير يامدام سارة
الدكتور قرب مع الممرضه :ما شاء الله واضح التحسن
عمر:تقدر الحين تسوي لها التحليل المطلوبة
الدكتور بدا بشغله مع الممرضه
*******
بعد وصول الاهل اللى استقبلهم عمر وضلو ساعه بالممر جالسين على ما وافق الدكتور على دخولهم
ضم امه اللى تبكي وطلعوا على الانعاش
دخلو على الغرفه ام فيصل قربت من سارة تضمها وتشمها وتبوس فيها وتبكي وتنوح عمر بعدها :يا يمه موو كذا البنت تعبانه
فيصل بعد ما بعدت امه قرب وحط يده على راس سارة وبانكسار :سلامتك ما تشوفين شر
يارا سوت نفس امها وهي ماسكه يد سارة بيدينها الاثنين :سوير حبيبتي ليش تسوين كذا بنفسك وفينا والله حرام عليك
كملت وهي تشهق :لا تخافين على يوسف هو مع ابوه بخير والله اجيبه لك ارحمي نفسك وارحمي ماما
فيصل حط يدينه على كتوف يارا :يارا اهدي
يارا :كيف اهدى واختي نصي الثاني حالته كذا
عمر بحزن :بكرا ان شاء الله يشوفها اخصائي نفسي .
فيصل :وين دكتورها بكلمه
عمر يطالع ساعته :نص ساعه وتطلع نتائج التحاليل
ضلو جالسين لين ما اندق الباب عمر فتح الباب :هلا تفضل
دخل الممرضه :السلام عليكم
فيصل وعمر ويارا:وعليكم السلام
الممرضه :ممكن تطلعو بر انتهت الزيارة
فيصل مسك امه :يلا يمه قومي
ام فيصل :لا يا فيصل الله يسعدك خليني معها
فيصل :يا يمه ما يصير والله ما يصير
يارا قامت مع عمر
وفيصل بالقوة حتى قدر يطلع امه من عند سارة
وهم جالسين وفيصل ضام امه جاهم الدكتور وبعد السلام
الدكتور طالع بفيصل :انت زوجها
فيصل :لا انا اخوها الدكتور فيصل
الدكتور :اتشرفنا دكتور فيصل وين زوج المدام سارة
فيصل :كلمنا نحن
الدكتور :وزوجها
فيصل :موو موجود
الدكتور :تفضلو معاي
راح فيصل وعمر مع الدكتور ويارا جلست تهدي امها
كلها ربع ساعه ورجع فيصل مع عمر
:بشروا وش قال الدكتور
فيصل جلس وتنهد
عمر جلس عند عند امه :يمه سارة طلعت حامل
ام فيصل طالعت بفصل بصدمه
فيصل :لها اسبوعين ونص ممكن وحملها ضعيف احتمال تجهض
عمر :فيصل رجع امي ويارا على البيت
يارا :وسارة
فيصل وقف:لسى مطوله بالانعاش وممنوع احد يجلس معها
فيصل :عمر انت خذهم وارتاح وانا بشوف سارة
عمر :طيب بعد العصر اجي
عمر دخل على البيت سلم على ساجدة راح يتروش وام فيصل قالت ليارا تروح تجيب ملابس لعمر من عند فيصل
اما عند يارا اللى طلعت على غرفة فيصل طلعت ملابس لعمر وراحت لغرفة امها ضلت تبكي لين ما نامت قامت من النوم بعد ما شافت كابوس رجعت تبكي اخذت جوال امها ودقت على سعود رد:الو
يارا بصوت باكي:الو سعود
سعود ببرود كله زعل لان لها ايام مقطعته :هلا
يارا :كيفك
سعود :الحمدلله بخير
يارا :سعود سارة حامل ومن امس بالليل بالانعاش ووضعها خطير
سعود بصدمه :لا حوة ولا قوة الا بالله وين المستشفى
يارا تشهق :مستشفى ال.....
سعود رحمها :يارا حبيبتي لا تخاف عليها
يارا ويده على صدرها :كيف ما اخف عليها وسوير قاعدة تموت من فراق مصعب وابنها
سعود ياخذ مفاتيح سيارته :الحين اخذ مصعب ويوسف لها موو على كيف فيصل وعمر
يارا :سعود حبيبي اتصل وطمني
سعود :جوالك مغلق
يارا :كسره فيصل
سعود :وعد اليوم احل كل الموضوع
يارا ابتسمت من بين دموع :انا واثقه فيك
سعود :يلا سكر وانتبهي على عمتي ام فيصل
يارا :ان شاء الله
سعود وهو طالع من مكتبه :سعود وين
سعود لف عليه :بروح لمصعب زوجته بالمستشفى
راكان :وفيصل
سعود :ما علي منه
راكان :سعود اسمع .....
سعود دخل للبيت لقى مصعب نايم على الكنبة وابنه نايم فوقه وهاله جالسه تنظف :مساء الخير
سعود :مساء النور متى نامو
هاله :صحى الساعه عشرة فطر يوسف ولعبه وبعدها اخذو حمام ونامو
سعود قرب وهز كتف مصعب :مصعب مصعب اصحى
مصعب فتح عيونه :انت جيت
سعود بصيغة امر:قوم بسرعة بدل انت ويوسف
مصعب :ليش
سعود يطالع بهاله اللى راحت للمطبخ:يعني ليش قوم بسرعة
مصعب يمسح على راس يوسف :سعود اتركني بحالي
سعود بسخريه:سارة بالمستشفى (مصعب دارت فيه الدنيا )مريضه واذا ما جا اميرها الوسم وابنهم ما راح تطيب
مصعب بانفعال :يوسف ابني يووسف يلا بابا اصحى
يوسف فتح عيونه وتعدل وهو يفرك عينه بطريقة طفولية:بابا
مصعب بعد يوسف عنه وقام شال يوسف يبدل له بيجامة النوم
مصعب بسرعه بدل وبدل ليوسف جلس يلبسه الجزمه والشراب
:يلا يوسف بسرعة قدامي تاخرتا على ماما سوير
يوسف بفرح وهو يمسك شعره :هاااااي باقي شعري
مصعب اخذ المشط بسرعة ومشط له وشاله :بابا العطر
مصعب شال العطر وعطر يوسف
سعود وقف :رايحين عرس ساعة انتظركم
مصعب :والله ابن اخوك هو اللى رايح عرس
سعود نزل يوسف :فديت ابن اخوي يلا
يوسف وهو يبتسم :خالتو هاله تعالي معنا
هاله ابتسمت :لوين حبيبي
يوسف :بنروح نجيب مامي
هاله بفرح :بجد
يوسف هز راسه بفرح
*****
فيصل وهو جالس مع راكان وجسار بالممر
فيصل يطالع بالى جاين :هذول وش جابهم
راكان :فيصل اعصابك
جسار وقف وهو يقول لفيصل :فيصل استحي على وجهك لا تتسبب بطلق اختك
سعود ومصعب :السلام عليكم
يوسف يحول يسحب يده راكان وسامر ردو السلام
سعود :رد السلام واجب يا ابو اياد
فيصل :وعليكم السلام
سعود :كيف ام يوسف الحين
يوسف :بابا اتركني
مصعب يحول يركز بكلام فيصل مع سعود :يوسف اسكت
يوسف بعصبية :ما بدي اسكت اتركني
مصعب بهمس :ترى ازعل منك وارجعك البيت
يوسف بدا يبكي بصوت عالي :بابا اتركني
مصعب لان الكل طالع فيه ترك يد يوسف :خلاص لا تبكي
يوسف مد يده :منديل
مصعب دخل يده لجيبه :مافي
جسار مد منديل له :حبيبي خذ
يوسف اخذ المنديل :شكرا عمو
مسح وجهه الاحمر عطى المنديل لمصعب راح عند فيصل اللى جالس ومد يده :خالو فيصل مرحبا
فيصل طالع بيد يوسف وطالع بوجه يوسف الكل صار يطالع
فيصل بقلبه (ياربي ما اقدر وش اسوي ما اقدر )
وهو يطالع وجه يوسف وعيونه اللى تلمع رفع عيونه وطالع بمصعب ورجع طالع يوسف بحيره ما يقدر
انتهى البارت توقعاتكم
اسفه على انقطاعي ولكن كان عندي ظروف

رد: روايتي الاولى اذا ذاب القلب

الفصل مره جنن والله مره فرحت لأن سارة ما ماتت وأن شاء الله ترجع لزوجها والله أنهم يقطعون القلب.. والحمد الله بأن عمر حن قلبه عليها... على العموم الله يعطيك العافيه يا زوزو وعن جد تسلم أيدك يا قلبي.....