روايتي الاولى اذا ذاب القلب

**shosho11** · 19-02-2018, 08:37 PM

رد: روايتي الاولى اذا ذاب القلب

السلام عليكم ورحمة الله وبركاته....

في البداية الله يعطيك العافية يا قلبي وعن جد الفصل مرررره يجنن... بس ليش بنت ياقوت ماتت

والله شوي وأبكي معاهم وأنا الحظ دايما اللي أسمائهم فيصل مجانين عشان كذا ماراح أتزوج أحد بهذا الاسم عشان لا أذبحه أو هو يذبحني...

**زينة الزينات** · 20-02-2018, 03:01 AM

رد: روايتي الاولى اذا ذاب القلب

وعليكم السلام ورحمة الله وبركاته
ههههههههههه حبيبتي اسعدني مرورك
الله يسعدك و يرزقك بولد الحلال اللى ينظرب فيه المثل وماكو مثله

**زينة الزينات** · 20-02-2018, 01:02 PM

رد: روايتي الاولى اذا ذاب القلب

البارت الثلاثين
بعد أسبوعين تقريبا
فيصل جالس يشوف برنامج
ياقوت طلعت من المطبخ :الاكل جاهز
فيصل :ما ابي اكل
ياقوت جلست جنبه :فيصل انت للحين زعلان مني والله انا بعد تعبانه وانت قاعد تبعد عني ارحمني
فيصل وهو يطالع التلفزيون :مووو زعلان انتي ما تهمين بس تكمل أوراقك راح اطلقك وارسلك عن ميثاء
ياقوت تبكي بانكسار :فيصل لا تطلقني حرام عليك انا احبك ما اقدر أعيش بدونك
فيصل صار يكلم ياقوت بحده :اي واضح الحب
ياقوت :حبيبي والله ندمانة على اللى صار
فيصل :ندمك ما عاد ينفع
ياقوت :من لما شفت سارة وانت موو طايقني
فيصل :سارة مالها علاقه باللى صار
ياقوت مسكت يده :انا موو غبيه اعرف انك تكلم سارة لا تطلقني حبيبي مستعده اسوي اي شئ تقول عنه انا خسرت بنتنا وما ابي اخسرك
فيصل :انت خسرتني من زمان
ياقوت :عندي أمل فيك ودعوة الناس اللى اذيتهم هي اللى حرمتني من بنتي لا تحرمني منك والله اموت من بعدك
فيصل يوقف :انا طالع
ياقوت توقف :وين رايح
فيصل :خليكي بنفسك لاني ما ابي امد يدي عليك
ياقوت تمشي وراء فيصل :فيصل متى تولد فتون
فيصل ابتسم :وليش تسالي
ياقوت :فتون قالت راح تعطيني بنتها
فيصل يفتح الباب :لو تموتين ما تحطينها بحضنك
ياقوت :فيصل
فيصل يفتح الباب وبعصبيه :انثبري وما ابي تفتحين الموضوع هذا مره ثانيه
ياقوت بخوف :ان شاء الله متى ترجع
فيصل :طالع مع الشباب راح أتأخر
ياقوت :الفوط الصحيه خلصت
فيصل بعصبيه :خلصتي
ياقوت :انتبه على نفسك
فيصل طلع وقفل الباب بالمفتاح ياقوت جلست بقهر الله يهدك يا فيصل ليش تجرحني يا ريت اقدر اقول لك الحقيقة بس ما عاد ينفع الندم وبعد ساعه توجهت لغرفة النوم بعد ما دخلت الاكل بالثلاجه حطت راسها على المخده بعد ما شبكة الجوال بالشاشة وصارت تشوف الصور والفيديوهات طبعا فيصل اخذ منها شريحتها ومافي نت
رجعت تبكي :وين رحتي يا شمس وخليتيني بروحي انا امك ملكت الدنيا لما قال لى اني راح أصير ام عياله انا غبيه ليش سمحت لهلا تزورني وش هالصدفه كيف سارة تطلع بنت خالتها يارب احفظ لى زوجي من سارة هذي الحرمه وقحا وما تستحي لا وبعد تضمه حيوانه لعل جهنم تضمها يالله انا وحيده معقولة فيصل يطلقني ليش يرد لها هو يحبني انا حتى من بنت فتون راح يحرمني انا يتيمه من يوم يومي مالي حدا حتى اهلي ما يسألون عني وهالحليب موو راضي يجف من صدري هذا عذاب وش اسوي ابي بنتي وين أللقيها ابي بنتي
نامت وهي تنادي على بنتها
ثاني يوم الظهر
دخل عليها بغرفتها :ياقوت
مسحت دموعها بخوف :امر
فيصل تقدم لها وحط بحضنها بنت فتون ياقوت تطالع بصدمه بصوت حزين :فتون ماتت الله يرحمها
ياقوت دموعها رجعت تنزل :ماتت
فيصل :اي الله يسامحها امس شفتها ووصتني تربين بنتها الصبح بعد الولادة ماتت
ياقوت ضمت بنت فتون لصدها ما قدرت تقول شئ غير انها تبكي بصمت فيصل ضم ياقوت : ما راح اطلقك بس عندي شروطي تنفذي شروطي
ياقوت تضم البنت اكثر :والله مواقفه تامر امر بس لا تأخذ بنتي مني والله اموت
فيصل بعد عنها :انتبهي لها والحليب والحفايظ بالصاله
ياقوت :فيصل
فيصل طالع فيها:خير
ياقوت :ليش ماتت
فيصل :اتمنى تكوني قد الامانه
وطلع
**********************
عند نور :سامر
سامر بدون ما يطالعها :هلا حياتي
نور :وديني على اهلي عز فتون بكرا ولزم اكون معاهم
سامر حط الجوال على جنب :الله يرحمها الاسبوعين الفاتت كله داخل طالعه لمتى يعني هذا الحال
نور :آمين طيب لا تعصب قول لا بهدوء موو ضروري تعصب
سامر :مافي طالعه الا على ياقوت تبين اوديك ما تبين انثبري بالبيت قبليني وقابلي دراستك
نور :ياقوت ممله كل ما اشوفها تجلس ساكته او تحكي عن صديقك العزيز وحبها له وانا لزم اكون مع اهلي للعزاء بكرا راح يبداء
سامر :اي بكرا اوديك على بيت اهلك وياقوت لانها عاقلة مووو زيك ما عندك سالفه وطول الوقت مهمله البيت وزوجك
نور بقهر :الحين ياقوت صارت عاقله
سامر :اي عاقله ما تطلع من بيتها ولا تجادل زوجها سبحان الله صرتي اسوء من ياقوت القديمة
نور وقفت وتوجهت للباب حست بسامر مسك قميصها نور بعصبيه :بعد عني .....ما ابيك على طول تكسر خاطري .....اتركني أكرهك
سمعت صوت سامر يضحك لفت كان سامر جالس بمكانه وقميصها ناشب بمسكت الباب تمنت الارض تنشق وتبلعها :خلص الحين اوديك ههههههه بس لا تعصبي
نور طلعت وهي تبكي
************************
عند سمر جالسه تبكي رجع مروان شافها تبكي بخوف :سموره حبيبتي شبكي
سمر زاد بكاها
مروان جلس عندها :شووو صاير احكي
سمر :امك
مروان اخذ نفس وبتعب :شبها ميمتي
سمر :تقول اني بنت شوارع ومن رجال لرجال وفلتانه وكم يوم وراح تمل مني وتطلقني مروان طلقني
مروان ضمها :بس ياروحي انا ماتجوزتك لحتى اطلقك أزا انا اللى تحبيني تخافي مني يعني كيف من رجال لرجال لا تصيري هبله
سمر بهمس :والله تعبانه يا مروان ما عاد أطيق البيت
مروان باس كتفها :دخيل اللى تعبان قومي البسي
سمر :وين
مروان :هاي مفاجئه بسرعه البسي لبين ما اتحمم
سمر تبعد :اوكي خالتي راح تجي معانا
مروان :لا بس نحن
طبعا مروان للحين ما قال لسمر خبر وفاة فتون لان لقها تبكي وما حب يزيد عليها فأجل الموضوع لما يرجعون من برا
بعد ما اخذ شور طلع مع سمر من الغرفه ام مروان :وين ان شاءالله
مروان وهو يشبك يده بيد سمر :هلا امي انا ومرتي طالعين نتعشى تصبحي على خير
ام مروان بعصبيه :شووو تصبحي على خير انت ما بستحي ماخذ سمر خانم تعيشها برا ما تقول الي تفضلي معنا ولا نستك بنت الأصول امك
مروان :يا امي مووو هيك انتي الكل بالكل بس انا حابب اتعشى مع مرتي لحالنا بكرا ان شاء الله اعشيك برا
امي مروان :لا بكرا مشغوله أزا بدك رضاي اليوم طلعني
سمر تركت يد مروان :حبيبي طلع امك انا ما ابي اطلع لاني مسويه دايت
مروان :ئلبي سموره
سمر قبل ما يكمل :خالتي تصبحي على خير
ام مروان : مروان هلاء البس عبايتي ونطلع
سمر دخلت على غرفتها وقفلت الباب بالمفتاح
ام مروان دخلت على غرفتها وهي مبسوطة
مروان دق الباب :سمر حياتي افتحي الباب
سمر بصوت باكي :مروان رجائا روح مع امك
مروان :كيف اروح وئلبي معك
سمر :حبيبي واللى يسلمك روح ولا تزيدها علي
مروان :سمر اخوكي دق علي افتحي الموضوع ضروري
سمر فتحت الباب :ليش دق عليك جسار
مروان :البقاء لله بنت اخوكي فتون اليوم الصبح ماتت بالولده
سمر دموعها نزلت وجلست على الارض موووو مصدقه وبصراخ :شلون ماتت من يومين كنت معها انت كذاب
مروان جلس على الارض وضمها :ادعليها بالرحمة
**********************
عند نوره ببيت بدر تبكي بصمت وأم فيصل تحول تهديها
يارا بالغرفه جالسه تبكي واخيرا اتصلت على سعود اخر مره شافت سعود وسمعت صوته بالمزرعة <طبعا فيصل رجع جوال يارا لانه يثق فيها ولان الاسابع مشت بسرعه ما صارت فرصه اعطيكم خبر :الو
سعود :هلا حبيبتي
يارا بصوت باكي :سعود
سعود بخوف :يارا وش فيك انتي تبكين
يارا زاد بكاها :بسم الله عليك قولي لى ليش تبكي صاير معاك شئ احد زعلك
يارا ببكاء مرير :ماتت يا سعود ماتت
سعود :مين اللى ماتت
يارا تشهق :فتون
سعود :ان لله وان اليه راجعون الله يرحمها
يارا :سعود انا خايفه والله خايفه
انتهى البارت
***********************************************************************************************************

**زينة الزينات** · 20-02-2018, 01:27 PM

رد: روايتي الاولى اذا ذاب القلب

البارت الواحد والثلاثين
سعود :لا تخافي انا الحين جاي بعد نص ساعه اشوفك بالحديقة الخلفية
يارا :طيب لا تتأخر
سكرت من سعود وبعد ما مر الوقت طلعت على الحديقة الخلفية اول ما شافت سعود ركضت لحضنه بعد ماهدت وهم جالسين على المرجوحه الحديدية الكبيرة :كيف صرتي
يارا ورأسها على صدر سعود :صحيح كانت مغروره بس انا احبها وهي صديقتي
سعود :الله يرحمها كيف ماتت والجنين
يارا دموعها لسى تنزل :ماتت بالولادة والبيبي مع فيصل
سعود :هذا المكتوب الحين ما ينفعها الا دعائنا لها والدموع ما تنفع أبد
جت سارة من وراهم وبعصبيه :يارا
يارا فزت ووقفت :سارة
سارة تخصرت :اي سارة انتي ما تستحي على وجهك قعده مع زوجك وداخل عمتك مقطعه نفسها من البكا
يارا بخجل :انا م
قطعها سعود بحده :سارة خانم ايني وإياك اشوفك تتكلمي مع زوجتي بهذي الطريقة اختها على عيني وراسي بس لكل شئ حدود
سارة بنفس العصبيه:اتوقع اختي لها لسان ترد وما اتوقع انها وكلتك محامي دفاع لها
سعود :أقول يا البزر ادخلي على بيتكم لاني ما ابي أغلط عليك
سارة بعصبيه :احترم ألفاظك انت اللى تروح على بيتكم لان الوقت تاخر مووو وقت زيارات قلت أدب
يارا بعصبيه :سارة
سارة بنفس العصبيه:خير
يارا تجلس جنب سعود :اعتذري من سعود وإلا كلامك يوصل لبابا
سارة :يا سلام والله ياقوت قدرت تغيرك وصوتي تعرفي تهددي
سعود :يا ليل انتي لمتى راح تضلي واقفه فوقنا قلت أدب
سارة :يارا ادخلي
يارا حطت راسها على كتف سعود :اشوي وجايه تقدري تروحي
سارة :موو كنت ما تطيقن المجنون عدو الحريم وش صاير بالدنيا اليوم
يارا بنعومه :في أشياء اكبر من اللى تشوفينه
سارة دخلت عند أمها وعمتها وهي تبكي
سعود :يارا
يارا بنعومه :هلا
سعود يبعد شعرها عن وجها :ليش صايره ناعمه بزيادة اليوم
يارا بخجل :لاني كنت ابكي
سعود سحبها لصدره :وش رأيك نتزوج ونسافر
يارا بارتباك :والطلاق
سعود بعد عنها :صار لزم اروح واذا احتجتي وجودي بس اتصلي علي
يارا توقف مع سعود :ان شاء الله
سعود :انتبهي لنفسك وادعي لبنت عمتك موووو تبكين
يارا :ان شاء الله
سعود :نامي بكرا لزم تكوني واقفه مع اهلك
يارا :ان شاء الله
سعود :عطيني بوسه
يارا لسى معلقه :ان شا(سكتت لما استوعبت الموضوع )
سعود يضحك :ما ابي بوستك توصين على شئ
يارا بخجل :لا
سعود عطاها ظهره :متأكدا
يارا بتردد:ابي رصيد
سعود لف عليها :كنت ترفضي
يارا :بابا يقول ماراح يشتريلي وقال انت المسؤول عني
سعود :وكم تبين
يارا بخجل :اخر زماني صرت طراره اللى يطلع من خاطرك
سعود :لا انتي قول كم
يارا :انا راح افعل عرض المئه مكالمات ونت
سعود :لا كذا ما ينفع هاتي جوالك وانا اتصرف
يارا بخوف:لا جوالي فيه صوري
سعود رفع حاجبه :صورك وانا وش اكون
يارا :اتوقع زي ما يقولون زوجي وصور خواتي
سعود سحب الجوال من يدها :بكرا أرسل الجوال
يارا :بس
سعود راح بدون ما يعطيها مجال
*******************
عند جوري رفعت الجوال واتصلت عليه بعد كم محوله رد :الو
جوري :حبيبي ليش ما ترد
ابتسم :كانت منار عندي
جوري : صرت أغار من منار على طول معاك اسامه اشتقت لك
اسامه :وانا بعد اشتقت لك بس ابوك رافض ادوم هذا الشهر
جوري :اخ من بابا انت كيفك اليوم
اسامه :احسن امي وأختي علوني لهم من اول يوم رجعت على البيت وهم ينظفون كان البيت ملوث او فيه جرب
جوري تضحك :تستأهل لانك مهمل
اسامه :والله موو فاضي للبيت انتي كيفك
جوري :الحمدلله بخير بس مليت الشركه موو حلوه بدونك
اسامه :راح الكثير وباقي القليل كيف خالتي معاك
جوري :يعني كيف انت تعرف اني ما اكلامها
اسامه :جوري اذا بجد تحبيني لا تتعرضي لخالتي
جوري :اتركنا من لمى بس تقدر تطلع ابي اقابلك
اسامه :ان شاء الله حبيبتي
**********************
عند فؤاد كان جالس بالبيت يبكي ما راح على الشغل حتى اخته عند خالته ما جابها اللى صار موو قليل
تذكر لما زار فتون قبل العمليه
دخل مع الورد :السلام عليكم
فتون ناظرت فيه وابتسمت :وعليكم السلام
مد لها بوكي الورد :كيفك اليوم
فتون بالم :الحمدلله بخير انت كيفك
فؤاد :اذا انتي بخير انا بخير كيفك ياعمتي
نوره بدون نفس :بخير خلص علينا فتون لزم تنام بكرا وراها عمليه
فؤاد :حبيبتي ان شاء الله بكرا تقومي بالسلامه وبعدها على طول نملك
فتون :فؤاد
فؤاد :امري يالغالية
فتون دموعها تنزل :سامحني يمكن يأخذني الموت بدون ما يتحقق حلمنا
فؤاد :فتون أرجوك لا تقولي كذا ان شاء الله راح تعيشي الدكاتره ما يعرفون بالغيب
فتون :قول انك مسامحتي ريحاني الله يريحك
فؤاد دمعته نزلت :على ايش أسامحك انت ما غلطتي بحقي
فتون :لاني وعدتك اكون معك
فؤاد باس راسها من فوق الطرحه:باذن الله راح تعيشي وراح تشيلي بنتك بحضنك وراح نتزوج ونسافر وتدرسي يادكتوره
فتون ابتسمت :الله كريم لا تنساني ادعيلي بكل صلاة
ادعيلي بكل صلاة
ادعيلي بكل صلاة
هذي العبارة تتردد براسه
قام توضى وصلى ركعتين وصار يدعي لها
***************************
عند محمد رجع على البيت كانت لمى تاكل طلال وجوري :السلام عليكم
لمى ابتسم :وعليكم السلام هلا حبيبي نور البيت
محمد جلس :منور فيك
لمى :ابو جوري اطلع تروش وانا انيم العيال واجي
محمد :اوكي
بعد ما تروش جلس ينتظرها دخلت عليه :حبيبي ليكون تأخرت
محمد :لا موو كثير كيف العيال والبنات
لمى :بخير جوري من رجعنا من الشركه بغرفتها والله يعينها نارجس العصر جاها عمر جلس اشوي وراح والعيال كأنو معاي من لما رجعت حبيبي تتعشى
محمد :لا مالي نفس اليوم فتون بنت جسار ولد اخوي ماتت بالولاده
لمى بحزن :الله يرحمها فيصل عرف
محمد :آمين عرف وأخذ بنته لان كانت وصيتها ياقوت تربي بنتها
لمى :ياقوت ما تعرف للأطفال الحين الله العليم وش صار معها
محمد :اتصلي عليها
لمى :جوالها مع فيصل متى دفن فتون
محمد :بكرا العصر
لمى :محمد أنادي البنات تقول لهم
محمد :ناديهم
لمى راحت على غرفة نارجس ودقت الباب جاها الرد دخلت :مساء الخير
نارجس :مساء النور خير يا لمى وش عندك
لمى دخلت :ما عندي شئ محمد يناديك
نارجس وقفت :ليش
لمى :بروح انادي لجوري وانتي روحي على جناحي
راحت على غرفة جوري ودقت الباب جوري :نارجس ادخلي
لمى فتحت الباب على جوري :انا لمى ممكن ادخل
جوري :لاتدخل خير
لمى :حبيبتي الخير بوجهك محمد يناديك
جوري :اخلص المكالمة واجي
لمى :لا تتاخري نحن بجناحي
جوري :اقول سكري الباب
لمى سكرت الباب ونزلت على المطبخ تسوي كوب كوفي لمحمد
****************************
عند ياقوت كانت تبكي مع البيبي دخل عليها فيصل وصراخ :انتي وبعدين معاك جننتي البنت الله يأخذك
ياقوت بخوف :والله ما سويت شئ هي تبكي مووو راضيه تسكت
فيصل اخذ البنت منها :وانت ليش تبكي معها
ياقوت جلست :هي فقدت أمها اكيد تبكي لانها تعرف انو فتون ماتت اهئ اهئ
فيصل وهو يحول يسكتها :حسبي الله على شيطانك هذي وش يدريها بأمها روحي سوي حليب
ياقوت :قبل اشوي رضعتها
فيصل :اي اكذبي لان انتي ما وراكي الا الكذب
ياقوت :والله ما اكذب انا رضعتها
فيصل :كذابه الكيس بالصاله على حاله
ياقوت :رضعتها طبيعي
فيصل بعصبيه وصراخ مسك شعر ياقوت :نعععععم ياحيوانه مين سمح لك ترضعيها طبيعي
انتهى البارت
*************************************************************************************************************

**زينة الزينات** · 21-02-2018, 04:08 AM

رد: روايتي الاولى اذا ذاب القلب

مقتطفات البارت 32&33
*سعود بحده قدام هاله :هذي خدامه لا تتكلمي معها

*ياقوت بخوف:فيصل وش رأيك باسم فتون

*سعود قفل الباب من عنده وحرك :مستحيل كنت اعتذرتي من امس ولا تبين تفشليني قدام اهلي

*ام سعود :أدور على زوجة ابني

*سعود أشر للخدامه تروح مسك يارا من خصرها :لا تقربي من ابني ولا تمثلي دور الحنونة لان انا كاشف حركاتك

*يارا بخوف دموعها نزلت :اذا قربت مني اصارخ

*سعود ناظر فيها وابتسم بخبث :خلينا نريح وبعدين نتروش ونتغدى لحالنا

*فيصل :الله يعينه اللى صار لهم موو قليل حتى الدمعة ما نزلت من عينه

*فيصل كان نايم صحى فيصل بصراح:يا حيوانه انتي وهي وبعدين معاكم عندي شغل الصبح

* سعود بزعل :الحين انا صرت افشل ما تبين زميلاتك يعرفون اني زوجك

*سعود ابتسم :بس أصير سفاح حريم انتي الاستفتاحيه

*سعود اخذ شنطتها الزهرية ومسك يدها وشبك إصبعه باصبعها :وش علي من الناس
الكل صار يصارخ والتصفير والاصوات تعالت
:اما المجنون يحب ما اصدق
:بنات سعود يحب كيس النوم ترك كل بنات الدنيا وما لقى الا هذي
:بنت الذين امنو كيف قدرة تخلي سعود ال.... يحبها
:يا ريتني مكانها
:الحيوانه كيف قدرت عليه
سعود وقف بنص الشارع يبي يلف عليهم

*يارا ابتسمت وأشرت على سعود :الحين هذا ابوك

*ناظر فيها وشعرها ينقط مويه والروب وسيع عليها وجسمها رطب شئ يأخذ العقل سحرته صار يطالع فيها نظرات ما تتفسر
ان شاء الله اذا سمحتلي الظروف البارت ٣٢ &٣٣ يوم الجمعه

**shosho11** · 22-02-2018, 09:22 PM

رد: روايتي الاولى اذا ذاب القلب

واو واو مشاء الله الفصل والله يجنن مع أني جزنت مره على فتون مره

... الله يعطيك العافية يا قلبي...

**زينة الزينات** · 22-02-2018, 11:31 PM

رد: روايتي الاولى اذا ذاب القلب

الله يعافيك نورتي يا عسل اسعدني توجدك كثير
هذي سنة الحياة الموت مامنه مفر

**shosho11** · 23-02-2018, 12:15 AM

رد: روايتي الاولى اذا ذاب القلب

الله يسعدك يا قلبي وأنا في أنتظار الفصل الجاي يا عسل...

**زينة الزينات** · 23-02-2018, 08:20 PM

رد: روايتي الاولى اذا ذاب القلب

البارت الثاني والثلاثون
ياقوت بخوف :انا ما ابي اكون زوجة ابوها انا ابي اكون أمها
فيصل تركه :رضعت
ياقوت استغربت من سكوت البيبي :اي بس استفرغت على طول
فيصل :لزم تريحينها كذا بعد الرضاعة
ياقوت تطالع فيه كان حاطها على صدره وذقنها على كتفه وماسك راسها وكتوفها بيمينه ويفرك بخفه على ظهرها بيساره
ياقوت وراحت عنده :عطيني
فيصل :لا خليها تنام
ياقوت بحزن :فيصل ايش راح تسميها
فيصل :ما فكرت
ياقوت بخوف:فيصل وش رأيك باسم فتون
فيصل باسغراب:فتون
ياقوت :اي على اسم أمها
فيصل :أفكر
وراح يحط البيبي على السرير ويغطيها
ياقوت :فيصل
لف عليها :هلا
ياقوت : ابي اروح أعزي
فيصل :بكرا أوصلك تعزي وتمشي
***********************
ثاني يوم ام سعود جت تعزي وجابت معها كيس فيه هدية
دخلت على المطبخ :السلام عليكم
رد :وعليكم السلام
قربت يارا وسلمت عليها :هلا خالتي كيفك
ام سعود :الحمد لله بخير انتي كيفك
يارا :الحمد الله بخير على مين قاعدة تدورين يمكن اقدر أساعدك
ام سعود :أدور على زوجة ابني
يارا تبعد شعرها وراء إذنها :وش اسمها
ام سعود :اسمها يارا
يارا بخجل :خالتي انا يارا امري
ام سعود :ما شاء الله عرف ولدي يختار
يارا وجها احمر :تسلمين
ام سعود :الله يسلمك سعود أرسل لك هذا الكيس
يارا أخذت الكيس :شكرا لك ليش كلف على نفسه
ام سعود :هو كريم وانتي تستاهلين يلا حبيبتي صار لزم امشي
يارا حطت الكيس على الطوله ومشت مع ام سعود وعند الباب :يعطيكي العافيه وتشرفت بمعرفتك
ام سعود :يعافيك ربي والشرف لى
يارا :خالتي رنا
ام سعود :هلا يا بنتي
يارا :ان شاء الله اشوفك مره ثانيه
ام سعود ضمتها:ان شاء الله
********************
على المغرب فيصل وصل ياقوت وقال لها معها عشر دقايق
دخلت ياقوت وطلعت بعد ربع ساعه مع يارا فيصل وهو شايل البنت نزل لهم :ليش تاخرتي
يارا قربت :ياحياتي ممكن اشيلها
ياقوت :أسفه
وركبت فيصل عطى البنت ليارا :انتبهي لا تطيح
يارا :وش اسمها
فيصل :على اسم أمها
يارا ابتسمت :فتون ما شاء الله تبارك الله تجنن مزيونه على ابوها
فيصل :ما تشبهني
يارا :والله تشبهك فيصل ممكن أجي معاكم
فيصل :ليش تجين معنا
يارا :بيتكم مريح تخيل عمتي هاوشت ياقوت وطردتها قدام كل الحريم وقالت لها انت سبب موت فتون
فيصل يأخذ فتون :حصل خير قلبها مفجوع على بنتها الله يصبرها
يارا :فيصل خذني
فيصل وهو يروح على بابه :بس يخلص العزا آخذك كم يوم مووو على طول
يارا دقت الشباك على ياقوت فتحت لها :ياقوت انا بعد كم يوم راح أجي عندكم
ياقوت بصوت باكي :ينور البيت فيك
يارا:منور البيت باهله بس أجي بقول لك وش صار معاي
ياقوت :ان شاء الله حبيبتي
فيصل :يارا ادخلي موو وقت السوالف
يارا :طيب
فيصل عطى بنته لياقوت وحرك السيارة :ليش ساكته
ياقوت :ولا شئ بكت
فيصل :لا كانت نايمه
ياقوت تضمها اكثر :فيصل اليوم ركب سريرها اخف يصير لها شئ وهي معنا بالسرير
فيصل :ان شاء الله ارجع على العزا وبعدين اركب السرير
ياقوت :اشلون جسار
فيصل :الله يعينه اللى صار لهم موو قليل حتى الدمعة ما نزلت من عينه
ياقوت :آمين انا بنتي اللى ما سمعت صوتها ولا شفتها تقطع قلبي عليها اجل كيف تعب سنين
فيصل :كانت بيضه زيك ودبدوبه اتوقع وزنها اربع كيلو ونص
ياقوت نزلت دمعتها :ليش ما خليتني اشوفها لما ترجيتك بالمستشفى
فيصل :كنت زعلان منك
ياقوت :الحمدلله تدري راح تضل حسره بقلبي لآخر يوم بعمري
فيصل :لا كذا ما اتفقنا ولا نسيتي كلامي امس
ياقوت تمسح دموعها :لا ما نسيت وراح اسوي كل شئ
فيصل :صار اسمها فتون
ياقوت لمست خدها بنعومه :ما شاء الله تبارك الله
فيصل وقف السيارة :وش تحبي تاكلين
ياقوت :ما ابي اكل من المطعم انا راح اسوي العشاء بالبيت
فيصل :وش رايحه تسوين
ياقوت :اسويلك بيتز وانت جيب معاك كولا
فيصل يحرك السيارة :سبحان الله من متى ترفضين اكل المطعم
ياقوت :ابي اشغل نفسي فيصل بكرا لمو راح تزورني
******************************
ثاني يوم بزيارت لمى لياقوت علمتها كيف تهتم يفتون
وبعد ثلاث أسابيع
ياقوت تحول تنوم فتون وفيصل كان نايم صحى فيصل بصراح:يا حيوانه انتي وهي وبعدين معاكم عندي شغل الصبح
ياقوت تبكي :لا تصارخ خوفتها
فيصل :ابي افهم انتي ليش كل ما بكت بكيتي
ياقوت تهز فتون وهي واقفه :خليك بنفسك لا تدخل
فيصل وقف بعصبيه :هاتي انومها وفكوني من شركم
ياقوت تضمها اكثر :روح نام فتون اشوي وتنام
فيصل رجع مكانه :طيب انقلعي معها على الغرفه الثانيه لاني ما عاد أتحمل
ياقوت توجهت للباب :تصبح على خير
فيصل :اي خير وانا راسي راح ينفجر منكم
************************************
عند يارا رن جوالها برقم سعود ردت :الو
:السلام عليكم
يارا باستغراب :وعليكم السلام مين معاي
:انا رنا ام سعود
يارا بنعومه :هلا خالتي كيفك
ام سعود :الحمدلله بخير انتي كيفك وكيف الدراسة
يارا :الحمدلله بخير كنت اذاكر وان شاء الله الساعه عشر انام
ام سعود :عفيه عليكي ارفعي روسنا يارا كيف اهلك
يارا :الحمدلله كلهم زنين
ام سعود :حبيبتي بكرا راح يجي سعود قدام مدرستك يجيبك على بيتنا تتغدي معنا
يارا بخجل :خالتي ليش متعبه نفسك
ام سعود :تعبك راحه
يارا :خالتي خلي سعود يجي على بيت اهلي لاني انا راح ارجع على البيت بعد المدرسة مع سارة لان بابا ما يرضى تكون لحالها مع السواق
ام سعود :خذي سعود تفاهمي معه
جاها صوت سعود :حبيبتي
يارا بخجل :هلا خالتي جنبك
سعود :لا راحت تنام
يارا :سعود بكرا لا تجي قدام المدرسة
سعود :ليش مااجي قدام المدرسة
يارا :لان أبوي ما يرضى سارة تكون لحالها مع السواق وانا لزم أتروش وابدل
سعود :طيب انا أجي وأوصل الهانم سارة لبيتكم
يارا :سعود ارجوك لا تجي قدام المدرسة الكل يعرفك
سعود بحده:وش قصدك
يارا :ولا شئ
سعود بزعل :الحين انا صرت افشل ما تبين زميلاتك يعرفون اني زوجك
يارا :لا والله موو كذا بس اخاف تتهوش مع احد لان انت بالك قصير
سعود :بكرا اكون قدام المدرسة
وسكر قبل ما تقول يارا ولا كلمه
****************************
قدام المدرسة ثاني يوم متكشخ بجينز ضيق وعليه حزام اسود وعليه شكل نسر من قدام وتيشرت ابيض ضيق لدرجة انو ينوصف حجم جسمه وماسك على زنده من عضلته وجزمه ابيض بعسلي وتسبح بالعطر
كل ما مر من عنده بنات يحشون فيه :نواره شوفي هذا سعود ال....... ابن الوزير عبدالله صوره مملي الانترنت
نواره :ما عرفته
:يا هبله هذا سعود اللى ما يطيق الحريم وش عنده قدام مدرستنا
وحده مرت من جنبه مع صديقتها :اروح ملح هالنفسية يهبل
:يووووووه بنااات شوفو سارة ويارا معه
يارا :شفت الكل يحش فيك
سعود اخذ شنطتها الزهرية ومسك يدها وشبك إصبعه باصبعها :وش علي من الناس
الكل صار يصارخ والتصفير والاصوات تعالت
:اما المجنون يحب ما اصدق
:بنات سعود يحب كيس النوم ترك كل بنات الدنيا وما لقى الا هذي
:بنت الذين امنو كيف قدرة تخلي سعود ال.... يحبها
:يا ريتني مكانها
:الحيوانه كيف قدرت عليه
سعود وقف بنص الشارع يبي يلف عليهم يارا بخوف وقهر علت صوتها وبدلع :حبيبي امشي راح نتأخر
انتهى البارت
******************************************************************************************************

**زينة الزينات** · 23-02-2018, 08:28 PM

رد: روايتي الاولى اذا ذاب القلب

البارت الثاني بعد الساعه وحده
تحياتي ألكم

روايتي الاولى اذا ذاب القلب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget