تويت
رد: روايتي الاولى اذا ذاب القلب
ياعمري الله يعافيك
الله يسعدك
وربي بكل رد منك اطير من الفرح يا احلى متابعه
الله يسعدك
وربي بكل رد منك اطير من الفرح يا احلى متابعه
-
-
رد: روايتي الاولى اذا ذاب القلب
البارت العشرين
عند ياقوت بالليل لبست فيزون اسود
وبلوزه علاقي سودا وطالع كرشها
وحطت مكياج وعدسات بندقيه وفاكه شعرها كانت تهبل والحمل محليها وجهزت فواكه وعصير ومكسرات جلست تنتظر
وعلى الساعه 12رجع بعد ما اخذ دش لبس بيجامته الرمادي فتح اللحاف وجلس على السرير وفتح الجوال ياقوت وقفت عنده ونشفت شعره :راح تنام
فيصل انسدح وتغطى :اجيب الدواء اليوم ما أخذته
فيصل بدون ما يطلعها :ما ابي اخذه
ياقوت جلست جنبه :وليش ان شاءالله
فيصل :بس ما ابي لايكون غصب اخذه ولا انتي امي وانا ما ادري
ياقوت :اي امك وراح تاخذه غصب
فيصل برواق :انقلعي
ياقوت رفعت حجبها :ومن متى انا انقلع
فيصل :من اليوم يلا ياماما قبل ما أغلط عليكي
ياقوت تضرب زنده :لا تهدد
فيصل مسك يدها ومن بين اسنانه :من اليوم ممنوع تمدي يدك وتضربيني
ياقوت انصدمت :كنت امزح
فيصل :لا تمزحي يلا بعدي عني ابي انام
ياقوت زادت صدمتها:ومن متى بعدي ابي انام
فيصل عطاها ظهره :من اليوم
ياقوت جلست عند ظهره صارت تلعب بشعره اللى صار لآخر رقبته :حلو عليك الشعر الطويل
فيصل ابتسم :يا مزعجه قلت انقلعي ابي انام
ياقوت :لا تنام
فيصل تعدل بعصبيه :بنت عندي شغل بكرا مووو وقت بزرنتك
ياقوت بخوف :لا تعصب بس ابي اقول لك ظهري يعورني
فيصل بهدوء:يعورك
ياقوت بكذب :اي كثير يعورني
فيصل وقف ومسكها :طيب حب... (ما كمل الكلمه )اقصد تعالي ارتاحي خلها تنسدح مكانه :كذا مرتاحة ولا أزود لك مخده
ياقوت : مرتاحة انا جوعانه
فيصل :وش تآكلي
ياقوت :اي شئ بس يكون بارد وأي شئ حامض
فيصل بعصبيه :وانا فاضي احل اللغز ولا اقول مافي اكل الوقت تاخر وانتي سمنتي كثير
ياقوت ببرائه :حرام عليك انا جوعانه الحين ياكلني الجنين
فيصل يضحك :احلفي بس
ياقوت :والله
فيصل طلعت رجع بعد دقايق بصحن سلطه وكأس عصير بارد حط الصينيه على السرير :قفلي الجوال
ياقوت طفت الجوال :اليوتيوب صار ممل
فيصل :طيب آكلي ونامي لاني مليت من إزعاجك
ياقوت ناظرت بالسلطه :انا باكل هذي
فيصل ناظر السلطه :لا يكون عندك مانع
ياقوت ترفع كتوفها :في حامل تاكل سلطه
فيصل شال الصينيه :خلي البيبي يأكلك
ياقوت بصراخ :فيصل التوبه والله بأكلها
فيصل حط الصينيه قدامها وصارو ياكلون ياقوت :حااامض
فيصل :هذا طلبك
***************************
بعد مرور تقريبا أسبوعين
للحين فيصل يتعامل مع ياقوت ببرود وياقوت احتارت من تصرفات فيصل بس للحين تكابر ما تبغى تشوف احد او تطلع وبطل يضربها
سامر ونور عسل عايشين الحب ومتفاهمين وسامر مره فرحان لان نور حامل بولد ونور ولمى صارو صديقات وعلاقتهم قويه ولمى صارت تشتغل بشركة محمد بقسم المحاسبة
سمر ومروان جننتهم ام مروان وما شاءالله عليها لعبه دور ام الزوج ببراعه وسمر تحول تسكت لانها صارت متعلقه بمروان
اسامه وجوري العشاق تطورت علاقتهم وكل يوم مع بعض وبالاجازه يتصل عليها ويعرفون ادق التفصيل عن حياة بعضهم حتى سامر خلى جوري تحكي مع أمه ومنار
فتون تقدم لها فؤاد جسار وافق بس نوره رافضه تقول ما صدقت تخلص من المنتوف فيصل حتى يجيها منتوف ثاني
عمر تقدم لنارجس وفيصل قدر يقنع خاله وملك عمر على نارجس وعلى طول يشوفها لان صار وين ما تروح مع خواته يوصلهم وهي للحين منحرجه من الموقف اللى صار وما تعطي عمر مجال
يارا بعدها على حالها مع سعود
*******************************
اتصل عليه :الو سامر الحقني
سامر بخوف :هلا احمد
طلع من الصاله لان البنات فيها :فيصل وشفيك
فيصل بالم :سالم حول يقتلني وانا أتحسس عليهم الحقني وجيب الأشياء اللى راح اطلبها منك من الصيدلية
سامر :انت مجروح
فيصل وهر يسوق :لا تخاف جيب معك ال.......................
****************************
وصل على البيت لبس جاكيت عشان ما يشوفه احد ونزل دق الباب وفتحت له :ليش تأخرت الاكل برد راح أخليك تأكله بادر
فيصل دخل وجلس بتعب :ياقوت اسكتي وادخلي داخل سامر جاي
ياقوت تطالع بالأرض اللى عليها نقط دم رفعت عيونه عليه :انت تنزف
فيصل غمض عيونه بقوة :آآآه
ياقوت وقفت عنده بخوف وحطت يدها على جبينها:حبيبي انت بخير
فيصل يتعرق :اي بخير جرح بسيط
ياقوت دخلت لبست عبايتها بسرعه ولفت الطرحه مسكته:قوم اوديك المستشفى
فيصل بالم من مسكتها :آآآه ياقوت ابعدي عني
ياقوت بعدت :فيصل بلا جنونك يلا اوديك المستشفى
فيصل سمع صوت الجرس :شوفي مين
ياقوت شافت وفتحت الباب :سامر فيصل ينزف
سامر دخل وياقوت سكرت الباب سامر رمى الكيس على الطوله وجلس جنب فيصل :فيصل قوم نروح المستشفى
فيصل مسك يد سامر :راح يعرفوني اذا رحت ع على المس ستشفى
سامر ينزل حاكيت فيصل والقميص كانت الإصابة الرصاصة بكتفه دخله على غرفة النوم
فيصل وهو يرتجف :ياقوت جيبي سكين وولعه
ياقوت وهي وقفه تناظر لسى مووو مستوعبه ودموعها تنزل :ليش
سامر ناظر فيها وبصراخ:بلا غبائك روحي جيبي
ياقوت بخوف :لا تصارخ
فيصل رفع يده لها :تعالي
ياقوت راحت عنده ومسكت يده :اذا تحبيني ساعدي سامر لاني نزفت كثير
ياقوت :لا تموت انا احبك
فيصل :انا بخير
فيصل صار يقول لهم وش يسون وهم يطبقون وبعد ما ضمد سامر الجرح وعطى فيصل أبره نام فيصل سامر :روحي جيبي مويه
راحت ياقوت غسلت يدينها وجابت كاس مويه سامر كان يتكلم مع نور :القسم طلبوني عندي شغل ضروري ............انتي نامي بكرا الصبح ارجع .............لا ياعمري وش متزوج عليكي ...............لا ما شفت فيصل اليوم ...................دقي على ياقوت اكيد تعرف ....................أوكي اتصل على جواله اكيد رجع على البيت ..................وانا اموووت فيك سلام
وهي جالسه عند فيصل وماسكه يده :لا تخافي فيصل راح يكون بخير
ياقوت ودموعها على خدها :المصايب على فيصل مووو راضيه تخلص فيصل مكتوب له يشقى وما يرتاح
سامر :فيصل ما فكر يطلع من الاجرام الا عشانك
ياقوت باست يده :انا بس ابيه يكون بخير
سامر شرب المويه :ياقوت انا جوعان ما اكلت من العصر
ياقوت وقفت :لانك ما انتبهت على زوجي راح تاكل الاكل بدون تسخين
سامر ابتسم :زوجك مووو بزر
ياقوت :والله على اللى تسونه انت عمرك سنتين وهو ثلاث
سامر يضحك :لا حبيبتي فيصل اصغر انا الكبير
ياقوت توجهت للباب وأخذت قميص بيت بأكمام طويله :اذا حط ببالك أني ما اعرف انك انت اللى تحرش فيصل علي تكون غلطان
سامر طلع وراها :والله احرشه لاني ابي مصلحتك
ياقوت دخلت على الحمام بدلت وطلعت سخنت الاكل وحطت له وما رضيت تاكل
والعصر صحى فيصل كانت ياقوت ماسكه يده ونايمه جنبه
فيصل :ياقوت ياقوت اصحي
ياقوت فتحت عيونها وابتسمت باست يده :الحمدلله على سلامتك
فيصل ابتسم :الله يسلمك
ياقوت قربت منه وباست خده :احبك
فيصل بانزعاج من شعرها :وانا احبك بعدي شعرك
ياقوت بعدت شعرها :قلبي كان راح يوقف من خوفي عليك
فيصل بالم :بسم الله على قلبك انا بخير
ياقوت :حبيبي وش يوجعك
فيصل حط يده على قلبه :هذا
ياقوت ابتسمت وحطت يدها على يده :وهذا لسى لى
فيصل :مووو لك
ياقوت نزلت من السرير وبزعل :بروح اسويلك شوربة
فيصل ذاب عليها :والله قلبي ملكك
ياقوت بزعل :لا تكلمني
فيصل مد يده :تعالي عندي
ياقوت :ما ابي
فيصل :اذا تحبيني تعالي
ياقوت راحت عنده جلست :نعم
فيصل :النعامه ترفسكي كم مره اقول لا تقولي نعم في مره تقول لحبيبها نعم
ياقوت بنعومه :انت موو حبيبي
فيصل :اذا مووو حبيبك مين انا
ياقوت بدلع :انت دقات قلبي
فيصل بفرح مسكها وبأسها
ياقوت صحت على نفسها بعدت عنه :مراهق
فيصل :راح اكبر معاكم
ياقوت عصبت مسكت ذراعه ونتفت من الشعر اللى فيها فيصل صراخ :آآآه
ياقوت :تستأهل انا ام وتقول عني بزر قول راح تعجز موو تكبر
فيصل بوجع : انا تعبان مجنونه
ياقوت :اكيد مجنونه لان زوجي مجنون ولا في وحده صاحيه تتزوج مجنون
فيصل ابتسم :وين سامر
ياقوت :نايم بالغرفه الثانيه
فيصل :تعرفي تبدلي على الجرح
ياقوت بخوف :لا والله ما اقدر اشوف
فيصل :خوافه
************************
بالشركة بقاعة الاجتماعات
محمد :اسامه مبروك أرباح الشركه ارتفعت
اسامه :الله يبارك فيك حتى جوري لها جهد
محمد :وانا فخور
واحد من أعضاء الادارة :المناقصة اللى اشتغلنا عليها باخر فترة ان شاءالله راح نربح فيها
اندق الباب محمد :ادخل
دخلت وبخجل :أسفه على الإزعاج اسامه ممكن اشوي
محمد وهو يطالع فيها ابتسم (انا شيفها من قبل )
اسامه :أوكي ام طلال اشوي واجي انتظريني بمكتبي
لمى :طيب
طلعت لمى وبعد دقايق طلع اسامه ودخل عليها :خالتي وش في
لمى :اسامه امك اتصلت وانت مسكر جوالك وتقول لك حول لها الفلوس اللى طلبتهم
اسامه :يالله كيف نسيت
لمى :امك مستعجلة
اسامه توجه للباب :انا رايح اكمل الاجتماع بعدين احول لها
لمى :الله معاك
راح اسامه وهي جلست ترتاح بمكتب اسامه بعد ربع ساعه
جوري ومحمد دخل:جوجو انتي تجنني
لمى تعدلت بإحراج :انا أسفه
ولبست حذائها جوري :بابا أعرفك على لمى خالة اسامه كانت بالدمام وانتقلت لرياض وتوظفت عندنا بدون وسطه
محمد مد يده ابتسم (هذي هي والله هي بنت الذين امنو عليها جسم ):انا محمد فيصل ال.... صاحب الشركه
لمى :تشرفنا أستاذ محمد
محمد انحرج لانها ما صافحته سكر يده :باي قسم تشتغلي
لمى :المحاسبه عن اذنكم
محمد جلس على مكتب اسامه :إذنك معاك
لمى طلت جوري جلست :بابا
محمد وهو يتذكر الموقف اللى صارله مع لمى :هلا حبيبتي
جوري :ترى اسامه ماوظف خالته المره شاطره بشغلها وهي كانت اكثر وحده تستحق الوظيفه
محمد :حتى لو وظفها بوسطه ما عندي مانع
جوري جلست جنبه :بابا وش فيك انت اليوم مووو طبيعي
محمد ابتسم :مافي شئ واليوم انا عزم نفسي على حسبك
جوري :تكرم عينك وكمان نأخذ الصبايا معنا
محمد :كيف اسامه معاك ليكون يضيقك
جوري بنعومه :اول كم شهر كان ما ينطاق وبعدين صرنا متفاهمين
محمد :زين وانا حاط ثقتي باسامه
جوري :بابا ليش تثق فيه
محمد :لانه آمين
دخل اسامه :السلام عليكم
جوري ومحمد :وعليكم السلام
جوري :اسامه بيك وين كنت
اسامه يجلس :بالبنك وين ام طلال
جوري :راحت على مكتبها
اسامه اتصل عليها :الو هلا خالتي .......انا حولت لامي المبلغ لا تشغلي بالك ..........أوكي اشوفك بعد الدوام ...........مع السلامه
سكر :ابو جوري
محمد :هلا
اسامه راح عنده وطلع ملف :ابيك تشوف هذي الأوراق
************************
عند لمى جالسه تشتغل دخلت عليها جوري :مشغولة
لمى ابتسمت :لا حبيبتي اجلسي
جوري حطت اكواب الكوفي :جبت كوفي لاني مصدعة من الاجتماع
لمى راحت جلست على الكنبه جنب جوري وأخذت كوب كوفي :والله جا بوقته
جوري :صحتين
لمى :على قلبك
جوري :وين الائيمه اللى معاكي بالمكتب
لمى :ما دوامة
جوري :ما حبيتها أبدا ما تصدق تنشب بالرجال
لمى ابتسمت :اتركينا منها وش رأيك نزور ياقوت مع نونو
جوري بفرح :انا مواقفه متى
لمى :يوم الخميس بس بقول لنور تقول لفيصل لان ياقوت زعلانه من الدنيا كلها
جوري :ليش زعلانه
لمى :الحمل مآثر عليها
جوري بزعل على حال ياقوت :الله يعينها
لمى :آمين جيبي خواتك معاكي حتى خوات نور راح يجون
جوري :ان شاءالله
اندق الباب لمى :ادخل
دخل شاف جوري:انتي وش تسوين هنا
جوري :هربانه منك
اسامه ابتسم وجلس :جوري خانم ابوكي ينتظرك بالشارع
جوري طالعت فيه :ليش
اسامه :اتوقع راح يأخذك على البيت
جوري وقفت :طيب اشوفك لمو لا تنسي وكلمي نور
لمى :ان شاءالله
جوري بوستها وطلعت اسامه :وش السالفة
لمى تجلس :نبي نزور ياقوت لانها تعبانه
اسامه استغرب :امس كلماتها وكنت عال العال
لمى :تعبانه نفسينا على أساس زعلانه من كل الدنيا انا اوريها تكلمك وما ترد علي
اسامه يضحك :ام طلال كل شئ الا خالتي ياقوت ما اسمح لك
لمى بمزح :وانا نسيتني ياما شلتك ولعبتك وبدلت لك ملابسك
اسامه باس راسها :والله امزح انتي الأصل
لمى :ماشاءالله يااسامه كبرت وصرت رجال
اسامه :وش رأيك ازوجك صديقي يقول خالتك تجنن تطيح الطير من السما
لمى بعصبيه :اسامه اطلع من مكتبي
اسامه يضحك :امزح لا تعصبي بس انا قاعد أدور لك عريس
لمى بعصبيه :اسامه ياقليل الأدب اطلع
اسامه توجه للباب :قولي لسامر لا يجي انا راح أوصلك
لمى :طيب حبيبي
***********************
عند ياقوت صحت سامر بعد ما جهزت فطور لسامر وشوربة لفيصل حطت لك واحد صينية
ياقوت وهي تشرب فيصل الشوربة :فيصل بس هذي
فيصل مسك يده :قلت خلاص
سامر يضحك وهو جالس على الارض :الله يعين ام اياد اطلعي عندنا كلام
ياقوت تحط الصينيه على الكومدين :ماني طلعه لان المصايب اللى تجي منك كبيره
فيصل عصب :ياقوت
ياقوت أخذت نفس :قول لا تخاف ماراح اقول لبدر
سامر :لا حول ولا قوة الا بالله انتي ايش
ياقوت :انا عقربة عندك مانع
سامر وفيصل صارو يضحكون
ياقوت بعصبيه أخذت جوال فيصل واتصلت على نور وحطت مكبر الصوت وأشرت لهم يسكتون:الو هلا فيصل
ياقوت :انا ياقوت
نور بخوف :وين فيصل من امس اتصل وما يرد طمنيني عنه
ياقوت :نور ابي اقول لك حاجه لا تزعلي بصراحه فيصل وسامر تزوجو ام وبنتها مسيار وسافرو على إندونسيا
نور بصدمه :كذاااابه
انتهى البارت
تعليق
-
رد: روايتي الاولى اذا ذاب القلب
البارت الواحد وعشرين
ياقوت وهي تطالع بسامر :ياحظي وانا عروس اخوكي تزوج علي وأساسا اكيد سامر مل منك عود خيزران بكرش صغير وكل اليوم تستفرغي لعت كبد الرجال
نور صارت تبكي :اذا سامر مل مني زي ما تقولي فيصل ليش تزوج عليكي
ياقوت بكذب :اخوكي يحب الوناسه طلق فتون وقال يغير جو
نور :والله كذاااابه اكيد تبغين تقهرن سامر وتزعليني
ياقوت :بنت اسمعي لا توثقي بسامر ترى هذا نصاب حتى امس ما نام عندك صح
نور :اي مانام ياقوت اسالك بالله قولي انك كذابه والله سامر يحبني وحلف لى ما يتزوج علي
ياقوت بنعومه :بنت ارضي بالوقع والشرع حلل اربعه والرجال ما يملأ عيونهم الا التراب الحين سامر بالعسل مع البنت
نور زاد بكاها :انتي كيف دريتي
ياقوت بصوت حزين :فيصل قال لى
نور :انا الحين راح اتصل على عمر و راح اروح على بيت اهلي وبطلب الطلاق من اخوكي اللى ما يقدر حبي له (سامر توهق وفيصل كاتم ضحكته )
ياقوت :كنت اشوفه اخ بس الحين ما اعترف فيه هو اللى خرب بيتي
نور :ياقوت هذا وانتي مشوفه فيصل العين الحمرا تزوج اجل لووو راخيه الحبل زي وش سوى فيك
ياقوت :نور لووو تشوفي البنت اللى تزوجها استغفرالله ماعنده ذوق ولا اخوكي تزوج العجوز
نور :أرجوكي ما عاد ابي اسمع شئ عنهم يكفي اللى قلتيه قلبي يوجعني
ياقوت ابتسمت :سلامت قلبك ياروحي سامر وجع مووو عيب تتزوج على نونو الحساسه
سامر يضحك :نونو ترى زوجة اخوكي كذابه انا عند فيصل
نور بصدمه :حيوااانه تكذبي علي
فيصل :نونو لا تزعلي ترى تستهبل عليكي
نور :والله لاوريكم تمقلبوني مع المجنونه ياقوت
سامر :والله مالنا يد هي اللى خططت ونفذت
فيصل يضحك :ياخروف ها ماراح تتزوج عليها
ياقوت تقرصه :اسكت ليكون بعد تفكر بالثالثه
فيصل بالم :الشرع حلل اربعه
نور :اقول اسكت انت الثاني كلكم خرفان
ياقوت تضحك :صدقتي كلهم خرفان
سامر :اللى يحب زوجته موو خروف
فيصل :انا ودي بالثالثه بس ابيها اجنبيه وشقرا وعيونها ملونه وطويلة ورشيقه
سامر :وانا نفسي ببنت 17بس ابيها مربربه
ياقوت بغرور :اي عادي تزوجو وراح تتمنون الموت بس ما تلقونه
فيصل :وش راح تسوين ياعقربة
ياقوت ابتسمت :حبيبي انا مووو مثل نونو الحساسه وانت ادرى فيني
سامر يضحك :فيصل بجد زوجتك وقحه تهدد عينك عينك
نور :وانا بعد بصير زيها
سامر :اي صيري زيها وارسلك من اول يوم على بيت اهلك
ياقوت :لا تهدد على كيف اللى خلفوك ترسلها لبيت أهله ليكون كيس رز ترجعه للمحل
سامر وفيصل ماتو من الضحك ياقوت بقهر :يلا جرب ترجعها لبيت اهلها كان بيرجعوها لك
نور :ياقوت انتي بعد اتركي فيصل عشان يموت من بعدك
ياقوت ابتسمت :لا حبيبتي انا ما أقوى على افرق ابو اياد
نور بصدمه :ماتقوين وقبل اشوي يقول يبغى يتزوج عليكي
ياقوت :ياقلبي انا اقدر عليه خافي عليه مني لا تخافي علي منه
فيصل :ياقوت لوين راح توصلي
ياقوت : لجنوب الهند الحين نونو انت راح تجيبي ولد ولا بنت
نور :ولد
ياقوت :حتى لووو جبتي ولد انا بنتي زوجتها لطلال زوجي ابنك لبنت فتون
فيصل :ياحرمه عيب عليك نحن ما عندنا زيجات حريم
سامر :نونو انا جاي على البيت وش سويتي على الغدا
نور :لا ترجع على البيت ما راح افتح الباب روح دور على المربربه
فيصل يضحك
ياقوت :عاشت نونو خليكي كذا الكلب ما يحب الا خناقه
سامر ياشر على نفسه وعلى فيصل :نحن انا وفيصل كلاب
ياقوت :لا استغفرالله مين قال ابو اياد انا قلت
فيصل ناظر فيها :لا موو انتي سامر انت غلطان ياقوت ما قالت
نور :لا والله قلت أنتم كلاب
ياقوت :وربي ماقلت سامر وفيصل كلاب لا تتبلو علي الظلم ظلمات يوم القيامه
سامر وقف :انا استسلم
نور :سامر تخاف منها
سامر :نونو هذي تخوف بلد
ياقوت :اذكرالله ترى ادري عينك حاره
نور :على وش يحسدك لسانك متبري منك وماتنطاقي
ياقوت :تركت الأنوثة لك بليه واشربي مويته
فيصل :نونو عشان خاطري افتح الباب وسامحي زوجك
ياقوت :لا تفتحي الباب زي ما يقول المثل ابنك على ماتربيه وزوجك على ماتعوديه لا تعودينه على الدلع شوفيه نجوم الليل عز الظهر
نور :لا تدخلي لووو فيكي خير كنت قدرتي على زوجك
ياقوت :سامر وش رأيك أخطب لك اخت صديقتي عمرها 17ومربربه
فيصل :وانا بعد اخطبيلي
نور :جربي تسوينها والله اروح أخطب بنت خالي جوري لفيصل
ياقوت :لا انت ارتاحي انا اروح اخطبها له
فيصل بصدمه :احلفي
سامر :اذا خطبتي لفيصل انا اتزوج على نور
ياقوت بجديه :والله اخطبها وقسم ما اكذب
نور :يمه منك مجنونه بجد تخوفي بلد
فيصل لسى مصدوم :ياقوت انتي صاحيه
ياقوت تهز راسه :اي بكامل قواي العقليه
سامر وقف :انا بروح لان البنت موو ضال فيها عقل
نور بخوف من كلام ياقوت اللى مايبشر بالخير :ياقوت انتي بخير خلص انسي الموضوع اثنينهم مفلسين
ياقوت وهي تشيل الأغراض فيصل :ياقوت
ياقوت جات عنده :وش تبي
فيصل مسك يدها وبأسها وابتسم :اعوف حريم الدنيا كلها لجل لحضه معاك
ياقوت بزعل سحبت يدها :انا ماراح اكون مثل ما تبي( وأشرت بإصبع السبابه على راسه )ما راح اكون الا انا انا وبس
فيصل يسوي نفسه غبي :يعني انتي الحين معصبه
ياقوت تضحك :ههههه لا مستأنسة اشوي وأجيب لك عصير فراولة
فيصل :ما ابي فراولة
ياقوت بحده :بتشربه وانت تضحك
فيصل يضحك عليها مسك يدها وطالع عيونها :يمين الله احبك حب ماله حدود
ياقوت وهي تغطي عيونه بيدها :وش تبي
فيصل :بعدي يدك عني ابي أكحل عيوني بمهرتي
ياقوت تحط يدها الثانيه :لا ممنوع
فيصل :وليش ان شاء الله
ياقوت بدلع:أغار على نفسي من نظراتك
فيصل رفع يده السليمه ومسك يدينها :اقول طيري ابي انام
ياقوت مدت بوزها :انت كذاب ما تحبني
فيصل يسوي نفسه موو مهتم :وش تغاري على نفسك من نظراتي احيانا احس انك مجنونه
ياقوت تتوجه لباب الغرفه ووقفت عنده :اي انا مجنونه كيفي بغار على نفسي احد اخو مزاجي
فيصل ابتسم :اموووت على الزعلان جيبي عصير الفراولة وتعالي ارضيكي
ياقوت لفت عليه :عقاب لك مافي اكل وشرب لبعد المغرب
********************************
بعد أسبوع وكم يوم بالشركة :جوري خالتي تبغى تروح على المول وانا عندي موعد تقدري توصيله
جوري :اي حبيبي تكرم عينك مع مين موعدك
اسامه :مع صديقي
جوري :بابا هذي الفترة مووو راضي يسافر وعلى طول سرحان
اسامه :وش مليتي من ابوك
جوري :لا بالعكس فرحانه بوجوده بس انا خايفه يكون متزوج متى ما اتصلت عليه يقول بالشغل او مع أصحابه
اسامه :أحسني الضن حياتي روحي الحين لمى تتأخر
جوري :طيب مع السلامه
بعد ما راحت عند لمى نزلو وعند الاستقبال كان محمد يكلم فؤاد :مساءالخير بابا
محمد :مساءالنور جوجو وين رايحه
جوري :انا رايحه على بيت صديقتي ولمى على المول
محمد :مدام لمى مساءالخير
لمى :مساءالنور
محمد :انا أرسلت السواق على نارجس وبنات عمتك
جوري :بابا ليش الحين كيف نروح
محمد :انا اوصلكم
جوري :انا مواقفه وانتي
لمى بخجل :روحي انا راح اتصل على اخوي سامر
محمد :تركبي مع السواق عادي بس مع ابن بلدك تخافين ترى ما راح أكلك
لمى انحرجت :أستاذ محمد موو كذا بس اناا
جوري :لمى لا تخجلي بابا
لمى :طيب
وبالسيارة جوري وأبوها يسولفون :عند مين راح تروحي
جوري :بيت سميرة ال.....
والبيت كان قريب مره محمد وقف قدام قصر :متى أجي آخذك
جوري :راح اتصل عليك بس اخلص لمى بابا راح يوصلك لوين ما تبغين مع السلامه
محمد :مع السلامه نزلت جوري وبعد ما دخلت محمد حرك السيارة :وين تبغين تروحين
لمى بخجل وخوف اول مره تركب مع رجال غريب وبروحه :م مول ال.......
محمد يضحك :ليش خايفه والله ما اكل الحريم
لمى اشوي وتبكي :لووو سمحت نزلني هنا
محمد :ممنوع لزم أوصلك انا شفتك من قبل وين تتوقعي تقبلنا
لمى :انا اول مره اشتغل بمجال مختلط ولا شفتك انت غلطان
محمد ابتسم :لا تنكري انا شفتك ببيت أهل اسامه بالدمام لما دخلت على المجلس حق الرجال ووقتها كنت لبسه احمر لنص الفخذ وشعرك الأسود أطول من الفستان وكعب عالي والجسم المرسوم
لمى بكت :انت مجنون نزلني
محمد :لا تبكين بس رايح أوصلك
لمى بخوف :ما ابيك توصلني بس نزلني
محمد :انتي مطلقه صح
لمى :أستاذ محمد لا تدخل بحياتي
محمد وقف السياره قدام المول وطالع فيها بالمرايه :تتزوجيني
انتهى البارت
**************************************************************************************************************تعليق
-
رد: روايتي الاولى اذا ذاب القلب
ماشاء الله تبارك الله...الله يوفقك ويسعدك عن جد أبدعتني عن كل مره ومره... الفصل جنان والله ما بغيت يخلص بس عن جد الله يعطيك العافية يا عمري أنا....
ننتظار الفصل القادم...
تعليق
-
رد: روايتي الاولى اذا ذاب القلب
مقتطفات
لمى لفت عليه :انا جربت حظي مره وخسرت كثير ومووو مستعده اجرب مره ثانيه ماضل مني الا فتات
فيصل ابتسم :لانها مره المرار اللى فيها يخليني أتأكد انو الحياة حلوه
يارا وهي ترجف :احلف انو سعود ماراح يسويلي شئ
فيصل :أي اكذبي كنت تخاف مني بس الحين انا اللى اخاف منك
سعود يضحك وبكذب كله خبث :كانت باحضاني قبل اشوي
ياقوت بحقد:انا العقربة اللى راح ينتقم للمى وارد لها اعتبارها
يارا :يسال عني لان موو عاجبه نومي ويقول اليوم راح يشوفني
يارا بخوف:سعود ارجوك ما ابي اروح معاك
ياقوت :لا حبيبتي ما ابي اخوك عيونه زايغه
فيصل يحول يفك نفسه والشباب ماسكينه بقوة :حسبي الله عليك لا تجيب سيرت اختي على لسانك
فيصل يولع الزقاره :لا انا اللى اكذب ما علينا تسوين نفسك قدام امي وخواتي قاعده تموتين
نور بقهر:انت عاجبك كلام ياقوت خانم
قرب لرقبتها بصوت هامس :ياويلك يايارا لووو طولتي لسانك مره ثانيه انهي وجودك يابنت بدر
فيصل ضرب فخذه بكفه :الله يصبرني بس
هذا المريض اللى ما يطيق جنس حوا ياربي استر واحميني من شره
نور: بلا كذب انت عجبك تدخين فيصل
ووقفت سيارة فخمه لابعد الحدود ومضلله نزل القزاز :ياحلوه اطلعي
بخوف وهي ترجف وقوة نفسها :انقلع ياحيوان
سعود ابتسم بخبث :هنا اريح لنا ما أحب الأماكن العام
ناظرت فيه وبقهر لانه يطالع فيها باستغراب :لا يكون مووو عاجبك انا ما اكل الا بيدي
تدفه وبصراخ :الله يلعنك اخر همي فلوسك ونسبك
سعود بعصبيه :وعزت الله يا اخت فيصل راح تكرهي اليوم اللى عرفتيني فيه راح اخلي حياتك جحيم راح تدوري على الموت وما تلقينه
وان شاء الله البارت بكراتعليق
-
رد: روايتي الاولى اذا ذاب القلب
البارت الثاني والعشرين
لمى عصبت :خاف الله بزوجتك بوش مقصره حتى تتزوج حضرتك بجد اللى استحو ماتو
محمد بحزن :ام جوري ميته
لمى بخجل من الكلام اللى قالته :انا أسفه ما قصدت
محمد :الله يرحمها تتزوجيني
لمى :انا موو مفكره اتزوج ان شاءالله تلقي اللى تسعدك
فتحت الباب ونزلت نزل وراها :لمى للحين ما نسيت اول مره شفتك فيها ولا راح أنسى سحرتيني ابيك بالحلال على سنة الله ورسوله لان ما ابيك تضلي حسره بقلبي
لمى لفت عليه :انا جربت حظي مره وخسرت كثير ومووو مستعده اجرب مره ثانيه ماضل مني الا فتات
محمد :راح تعيشي معاي احلى ايام حياتك
لمى بهدوء :عطيني سبب مقنع يخليك تتزوجني
محمد :ابي زوجه تسويلي كل شئ نفسي فيه وتهتم فيني وحدت اخر الليل ذبحتني
لمى :يعني عشان نفسك
محمد ابتسم :اي ابي اسوي شئ لنفسي
لمى :.........لا رد
محمد :انا راح أتقدم لك واطلب يدك من سامر واتمنى ما ترفضيني لان اوعدك راح اعوضك وانسيكي كل شئ
لمى :ابو جوري رجائا لا تحرج نفسك لاني احترمك يامديري
محمد :راح أتقدم وراح توافقي ومستعد اسوي اللى تآمري فيه
توجه لسيارة وراح تمت لمى مصدومه من محمد
***************************
عند فيصل بعد كلم بدر وقال له انه راح يدوم دخل على المطبخ :ياقوت ابي قهوة
ياقوت لفت عليه :راح اجيب لك كوب حليب
فيصل بزمه:قلت قهوة تركيا
ياقوت ابتسمت :طيب حبيبي لا تعصب
فيصل جلس :ما خلصتي
ياقوت وهي تطلع القهوة :ماضل الا الترتيب كيف صار جرحك
فيصل :أحسن حتى التئم تماما
ياقوت بعد ما سوت القهوة صبتها بكوب وجلست بحضنه :فيصل
فيصل :عيون فيصل امري
ياقوت :انتبه على نفسك
فيصل ابتسم :هذا المكتوب
شرب من القهوة :تحب القهوة ليش
فيصل ابتسم :لانها مره المرار اللى فيها يخليني أتأكد انو الحياة حلوه
ياقوت :تحب الدنيا
فيصل : حبيتها من لما حبيتك
ياقوت تضمه :وربي احبك
فيصل بكذب :آآآه
ياقوت تبعد :أسفه ماكان قصدي
فيصل :لا عادي ماصار شئ كنت امزح معك خلينا نروح داخل
ياقوت بعناد:ماني قايمه
فيصل :والسبب
ياقوت ويدها على بطنها :عجبني الوضع واعرف نيتك الشينه
فيصل باس خدها :بنت لا تجننيني
ياقوت تضحك :انت اللى لا تجنني
فيصل :تتذكري اول ما عرفتك كيف كنا نتهاوش
ياقوت :لا ما اتذكر
فيصل :أي اكذبي كنت تخاف مني بس الحين انا اللى اخاف منك
ياقوت تمسك خشمه :لا تكذب انا اللى اخاف منك
فيصل :اذا تخافي مني قومي
ياقوت وقفت :اخاف ولا ما اخاف
فيصل وقف وبيده الكوب وهو يبتسم :تخافي يلا قدامي بكرا وراي دوام
ياقوت :صحيح كيف دبرت بدر وش قلتله
فيصل :قلت له انو انتي تعبانه والدكتورة قالت ما تتحركي من الفراش وبكرا بدوم
ياقوت تجلس على السرير :أمي ما راح تجي مووو عيب عليك تكذب
فيصل جلس جنبها :على أساس انتي ما تكذبين اي راح تجي ولا ما تبين
ياقوت :حياها الله والحين انا اكذب
فيصل يولع الزقاره :لا انا اللى اكذب ما علينا تسوين نفسك قدام امي وخواتي قاعده تموتين لان بدر موو مقتنع بالسالفه
ياقوت :طيب لا توصي حريص بس ابي مكافئه لى أسبوع وكم يوم أسهر عليك وأبدل لك على الجرح و بصير ممثله
فيصل :واحلى مكافئه لعيونك
ياقوت :امممم ابي تعلمني كيف اسوق السيارة وتعلمني كيف اركب الخيل
فيصل ابتسم :تم
ياقوت مسكت يده :ابو اياد الله لا يحرمني منك
فيصل :ولا يحرمني منك
دق جوال ياقوت وردت :هلا لمو
لمى :كيفك وكيف شموسه وأبو اياد
ياقوت ناظرت بفيصل :كلنا بخير انت كيفك وكيف الشغل مع جوري
لمى :الحمدلله بخير انتي فاضيه
ياقوت :اي فاضيه فيكي شئ
لمى :ياقوت الحقيني خال زوجك تقدم لى
ياقوت :عبدالله ولا محمد
لمى :محمد ابو جوري
ياقوت بفرح :واااااو
لمى بعصبيه :بنت انا اشتكي لك وانتي تقولي واااااو
ياقوت :فيصل تخيل خالك محمد خطب لمى
فيصل ابتسم وبصوت عالي :ما شاءالله ام طلال مبرووووك
لمى :ياقوت انا ما ابي اتزوج
ياقوت :وش ما تبغين مووو على كيفك والله خال زوجي ما راح تلقي أحسن منه
لمى :هو مصر قال اي شئ اطلبه راح ينفذه بس انا ما ابي
ياقوت بعد سكوت :لمى انا لزم اشوفك
لمى :طيب متى
ياقوت :الحين
لمى :طيب راح أجي سلام
ياقوت سكرت :فيصل وش ألبس
فيصل :ياقوت غيري رأي لمى لان خالي رجال ما بعده رجال
ياقوت :ان شاءالله خير
فيصل رفع جواله واتصل على محمد :الو
فيصل :ابو جوري من متى تخطب من ورأي
محمد ابتسم :سامر قال لك
فيصل ابتسم :لا العصفوره
محمد :ومين العصفوره
فيصل :لمى صديقة ياقوت
محمد :حلو انا ما قلت الا لأبوي وعبدالله واذا وافقت راح نسوي حفله بالمزرعة وأملك عليها يعني مفاجئه
فيصل :ان شاءالله توافق واتمنى لك الخير
محمد :ان شاءالله
ياقوت أخذت الجوال منه :خالي مبرووووك
محمد ابتسم :الله يبارك فيك بس على ايش
ياقوت :شوف لمو ما راح توافق الا بشرط واحد
محمد :وش يدريكي عن شرطها
ياقوت :انا بئر لمو شوف ياخالي ...........................،
بعد ما سكرت :انتي مجنونه
ياقوت بحقد:انا العقربة اللى راح ينتقم للمى وارد لها اعتبارها
فيصل ضرب فخذه بكفه :الله يصبرني بس
ياقوت :اشوي اشوي على نفسك
اندق الجرس ياقوت :روح افتح وخلي لمى تدخل عندي
فيصل فتح ورحب فيهم ودخلت لمى مع نور على ياقوت وهي جالسه :ياهلا حبيباتي اعذروني ما اقدر أقوم
بعد السلام :ياقوت وش فيك
ياقوت بكذب :تعبانه مره مرتين رحت على الدكتوره وقالت لى ما أقوم من الفراش
نور بخوف :بسم الله عليك اهم شئ ترتاحي وبس ارجع على البيت بخلي سامر يجيب لك الشغلة
ياقوت :لا حبيبتي ما ابي اخوك عيونه زايغه
نور عصبت :وش قصدك اخوي بيهد جمالك ويطالع الخدامه
ياقوت بنعومه قلبت الكلام :لا بس ما أتحمل حرمه غريبه تكون ببيتي
نور تقرب منها :اي عدلي الكلام ورقعي والله بقول له
ياقوت :قولي مو خايفه فيصلو يحب اسوي كل شئ بيدي واذا انا تعبانه هو يسوي كل شئ
لمى :أوف ريحت الدخان تذبح
ياقوت :قولي لنسيبك
نور: بلا كذب انت عجبك تدخين فيصل
ياقوت كانت بترد بس الباب اندق طلعت نور وأخذت الضيافة من فيصل :فيصل
فيصل :هلا
نور :كنت برسل لكم الخدامه بس ياقوت رفضت تقول عيونك زايغه
فيصل ابتسم :اعوذ بالله من الشيطانها
نور بقهر:انت عاجبك كلام ياقوت خانم
فيصل :لا تحاتي انا اعرف اسوي كل شئ بالبيت
نور :بس تعب عليك وانت مووو شغلك البيت
فيصل قرص خدها :ياقوت تستأهل اخدمها بعيوني
***********************************
عند يارا خلت السواق يوصلها عند بيت صديقتها بس ما دخلت كلها دقايق ووقفت سيارة بي ام دبليو فخمه لابعد الحدود ومضلله نزل القزاز :ياحلوه اطلعي
بخوف وهي ترجف وقوة نفسها :انقلع ياحيوان
صار يضحك :ياهبله انا سعود
بصدمه من السيارة الفخمة :سيارة مين
سعود :يارا اركبي لا تفضحينا بالشارع
يارا فتحت الباب وركبت وهي ترجف :مساءالخير
ابتسم :مساء النور
يارا بكت :سعود انا طلعت معاك لانك مووو بس صديق انت اخوي
سعود حط يده على كتفها :يارا لا تصيري هبله انا أعرفك من ثلاث سنوات عمري غلطت بحقك
يارا بصوت باكي :لا نزلني ما ابي اروح معاك
سعود دفع وجها وطالع بعيونه :نتعشى سوى وبعدين أرجعك
يارا بخوف:سعود ارجوك ما ابي اروح معاك
سعود يطالع الطريق وبعصبيه :يارا وبعدين معاكي
ضلت ساكته وصلو على شالي وكان في حراس على الباب فتح لها الباب :انزلي
يارا :انتي وين جايبني هذا مووو مطعم
سعود ابتسم بخبث :هنا اريح لنا ما أحب الأماكن العام
يارا بعناد لان في حراس وأشكالهم ماتطمن :ابي المطعم
سعود بخبث ابتسم :لهذي الدرجه ماتثقي فيني
يارا أخذت نفس:راح انزل لاني اثق فيك
*********************
فيصل طالعه :قومي نظفي البيت
ياقوت تحط يدها على بطنها :حبيبي انا تعبانه
فيصل جلس جنبها :اقول قومي لا تصدقي نفسك
ياقوت مسكت يده :الوقت تاخر
فيصل مسك شعرها :محتاله
ياقوت ابتسمت :تعلمنا منك
فيصل بدلها الابتسامه :تعلمنا هذي صيغة جمع
ياقوت حطت يده على بطنها :يعني انا وبنوتتنا
فيصل :يارب تجي بأسرع وقت مشتاق أضمك بقوة
انتهى البارت
*********************************************************************************************تعليق
-
رد: روايتي الاولى اذا ذاب القلب
البارت الثالث والعشرون
سعود ابتسم لها
يارا نزلت وهي خايفه دخلت ورا سعود وتسكر الباب :مافي احد غيرنا نزلي العبايه ابي اشوفك مثل ما تخيلتك ولا لا
يارا فكت اللثمه :شفتني
قرب وفك طرحتها يارا جمدت مكانها ورمها عبايتها وطالع فيها بإعجاب احلى من اللى كان بباله كانت مموجه شعرها ولبسه فستان اسود ماسك على جسمها لين الركبه البطانه ساتان وفوقها دانييل اسود والأكمام كامله بدون بطانيه وفتحت الصدر عاديه ولبسه كعب مسمار عالي اشوي ومسكر من قدام وخلخال برجلها اليمين وحاطه كحل عربي وروج احمر:ما شاءالله تبارك الله انتي ملاك
يارا بخوف رجعت خطوه على وراء مسك يدها :يلا على العشا
يارا جلست وهو جلس قبالها :اليوم خليت الشيف يطبخ كل الأكلات اللى تحبيها
يارا بخجل من وضعها :شكرا يعطيه العافيه
سعود ابتسم :الله يعافيك كل الكلام والمواضيع اللى كنت بقولها تبخرت
يارا :ابي اللبس عبايتي
سعود مسك يدها :اعتبري عشانا مع بعض شوفه شرعية
يارا بخجل سحبت يدها وهي منزله:سعود تكفى لا تعاند
سعود هو يطالعه وعاقد حواجبه :تفضلي نتعشا
يارا ما حبت تعاند لان سعود شخصيته قياديه وما يسوي الا اللى بباله من التوتر والخوف مدت يدها لصحن الكبسه وأخذت بيدها لقمه وأكلت وهي وجها ألوان
سعود يطالعها باستغراب كل البنات اللى عرفهم قبلها كأنو إتيكيت ودلع وبنعومه ياكلو بس هذي غير سبحان اللى خلقها يارا ناظرت فيه وبقهر لانه يطالع فيها باستغراب :لا يكون مووو عاجبك انا ما اكل الا بيدي
سعود صار يضحك من قلب
يارا :ليش تضحك
سعود :هههههههه لا شئ آكلي
يارا دق جوالها وقفت وفتحت الشنطه وردت :هلا وعليكم السلام ...........الحمدلله بخير ...........انت كيفك وكيف ياقوت .............دوم يارب ..........لا انا عند صديقتي ................ان شاءالله وانت انتبه على نفسك ......... ياعمري انا ......،.اوكي فمان الله ..........(سكرت ):ليش داق
يارا :يسال عني لان موو عاجبه نومي ويقول اليوم راح يشوفني
سعود ما زال يطالع فيها :تعالي كلي ولا راح تقضينها واقفه
يارا شالت عبايتها :ول انا شبعت لاني اكلت قبل ما اطلع صار لزم ارجع
سعود راح عندها :اجلسي ماراح تمشين لساعه تسعه
يارا بصدمه :وش يجلسنا ساعتين هنا
سعود مسك يدها وسحبها :اجلسي
يارا (ياربي انا وش سويت خليني اسيره لان أسلوبه موب طبيعي معقولة شكله ناوي يذبحني حتى ينتقم من جنس حوا ويشفي غليله من هيا )جلست بهدوء :سعود هذا الشالي لمين
سعود طالع فيها وبثقه:انا سعود عبدالله ال.........
يارا صارت ترمش من الصدمه
سعود :ليش مصدومه
يارا وقفت (ياربي انا جنيت على نفسي هذا هو اي هو اللى بنات مدرستي يتكلمون عنه هذا المريض اللى ما يطيق جنس حوا ياربي استر واحميني من شره )ومسكت عبايتها تبي تلبسها مسك زندها :وين رايحه
يارا بكتمه من اللى صار وبحده :انت كذاب ما ابي أعرفك
سعود يحول مايعصب :يارا وربي ما قلت لك لاني خفت تكون زيها وتستغلي كوني ابن وزير
يارا تدفه وبصراخ :الله يلعنك اخر همي فلوسك ونسبك
مسكها وكتوفها :ليش معصبه
يارا تحول تفك نفسها منه :بعد عني ياكلب انا موو مثل احد انا يارا
سعود قرب اكثر وشم عطرها :مستحيل اذيكي لووو ابي اذيكي كنت من ثلاث سنوات محيت وجودك
يارا رفعت راسها لسماء ودموعها شلال :سعود بعد عني وربي أسفه
قرب لرقبتها بصوت هامس :ياويلك يايارا لووو طولتي لسانك مره ثانيه انهي وجودك يابنت بدر
يارا وهي ترجف من الخوف :والله ما أعيدها
قرب يبغى يبوس رقبتها لكن تذكر انو مستحيل هذي اللى انقذتني من الموت هذي اللى عرفت إحساسي واللى بقلبي اللى اخبيه عن الدنيا كلها هي اللى تعرفه عطاها كف
وبعد بسرعه وهو يستغفر
يارا جلست على الارض ارجولها مووو شيلنها لووو سعود سوى لها شئ كان مستحيل تفك نفسها منه لانه ضخم مره وهي ناعمه وينها ووينه والمكان مافي احد حوله بس ليش يضربها
صارت تحول تتنفس وصدرها طالع نازل تحس الأكسجين اختفى هي قاعدة تختنك وقلبها طبول وشلال الدموع ماوقف:يا...رب...ي
سعود قرب بسرعه ومسك وجها :يارا انتي بخير
يارا تشهق وتحول تتنفس :ب..بموت
سعود ضمها لصدره واتصل على واحد من الحراس وقال له يجيب اخوه بسرعه :بسم الله عليك
يارا من بين دموعها :ابي ماما
سعود ابتسم وباس جبينها لان هي طفله مووو حول سوالف المراهقة والطيش وحساسه من الهواء تخاف :الحين الدكتور يشوفك وبعدها أرجعك على بيتكم
يارا ترتجف من قرب سعود :بعد عني
سعود وقفها وسدحها على الكرسي حق المسبح وجلس جنبها :مرتاحة
يارا لسى تبكي :ابي اروح لماما
سعود :اول يشوفك الدكتور
يارا :ما ابي وديني عند ماما
سعود دق جواله وشاف مين توجه للباب وفتح :وش صاير معاك
سكر الباب ومشى مع مصعب :يارا خافت وضاق نفسها وصار لقلبها خفقان
مصعب :مين يارا
سعود :يارا جا الدكتور مصعب
يارا بخوف تضم نفسها :حرام عليك ابي ماما
مصعب جلس معاها بالكرسي الطويل وتذكر مين يارا :لا تخافي والله سعود ما راح يذيكي
يارا بصوت باكي :ارجوك وديني عند ماما
مصعب طالع سعود الواقف وناظر الطفلة اللى مرعوبه من اخوه مع انه مووو فاهم وش صار :لا تبكين يلا قومي نوديكي لامك
يارا وهي ترجف :احلف انو سعود ماراح يسويلي شئ
سعود بحده :يارا
يارا انتفظت من الخوف ونزلت راسها
سعود رمى العباية عليها :قومي
مصعب وقف وسحب سعود على غرفه :البنت مرعوبه ايش مسوي فيها
سعود :كنت ابي أتأكد اذا كانت تكذب على ولا لا
مصعب بقهر من تصرفات سعود :موووب طريقه البنت ميته من خوفها منك انا اللى ماتعرفني وثقت فيني حتى صار مستحيل تتقبلك بعد جنونك ترها طفله
سعود عصب :انا ما جبتك هنا عشان تعطيني محضره جبتك عشان تطمني عليها
مصعب طلع وراح عند يارا اللى لبست عبايتها وتلثمت جلس جنبها :انتي بخير
يارا بخوف وخجل :الحمدلله
مصعب :لا تخافي سعود ما كان يقصد يخوفك منه
يارا :هو ما غلط انا اللى غلطت كنت مفكره ان سعود احساسه زي إحساسي
مصعب :وش إحساسك
يارا وهي تتأمل المسبح :كنت اعتبره اخوي
مصعب :والحين وش إحساسك
يارا رجعت تبكي :سعود مات اليوم
سعود كان واقف وراهم ويسمع كلامهم
مصعب :سوالك شئ
يارا ما قدرت تجوب
مصعب :قولي اذا سوى لك شئ انا اللى راح اخذ حقك منه
يارا بخوف من سعود وقفت
مصعب وقف معها براحه لفت انصدمت من وجوده اكيد سمع كل شئ نزلت عيونها على الارض مصعب طلع لان سعود عطاه نظره :تخافين مني
يارا الدم ما عاد يمشي فيها (وش اقول هو يبي الحقيقة ولا الكذب )
سعود بعصبيه :تخافين مني
يارا ترجف قرب منها :قولي
يارا بخوف :اي
سعود:اي خليكي كذا ابيكي تموتي من الخوف
يارا طلعت تجري طلع كان مصعب يكلمها وهي تبكي ما ترد :مصعب تقدر تروح
مصعب :جاي معاك
سعود بعصبيه :مصعب
مصعب غمز له :بروح يعني بروح معاكم
سعود ركب جنب مكان السواق مصعب فتح لها الباب :تفضلي
يارا ركبت بهدوء سكر الباب وهو يسوق :أنسه يارا وين بيتكم
سعود :بحي ال.... خليك ماسك الخط
ولما دخلو الحي :وقف هنا
سعود :كمل لآخر الطريق وخذ يسار
يارا بصوت باكي :الحين صلاة الجيران راح يشوفوني
مصعب وقف السيارة :اي كلامها صح خليها تنزل
سعود :لا حرك
يارا بعد سكوت وهم يتناقشون :مصعب
مصعب لف عليها :هلا امري
يارا :ممكن تنزل شوي
مصعب :ان شاءالله
نزل يارا تحول تنهي علاقتها بسعود:اليوم روحي ماتت بسببك كل ثقتي فيك تبخرت
سعود ناظر فيها بالمراية :بكرا العصر بتصل عليك
يارا :سعود علاقتي فيك انتهت وما عاد ابي وجودك بحياتي
سعود بحده :واذا ما رديت راح تتمني الموت
يارا طلعيت الجوال من الشنطه وفكته طلعت الشريحه وكسرتها :تميته اليوم وأعلى ما في بخيلك اركبه فتحت الباب ونزلت نزل وراها ومسك زندها :قد كلامك
يارا بالم :اي قد كلامي ما عاش اللى يدعس على اخت فيصل
مصعب مسك سعود :سعود اتركها نحن بالشارع لا تسويلنا فضيحه
سعود بعصبيه :وعزت الله يا اخت فيصل راح تكرهي اليوم اللى عرفتيني فيه راح اخلي حياتك جحيم راح تدوري على الموت وما تلقينه
يارا انفكت لثمتها تدفه :بعد عني وكلامك ما هز شعره فيني
سعود يسحبها على السيارة :ما اكون ولد عبدالله ال.... اذا ما ربيتك
مصعب يحول يفكها :سعود اذا لى خاطر عندك اتركها بزر تعاند نفسها
***********************
من مكان اخر وانا متوجه لبيت اهلي شفت اختي مع شابين وواضح انهم يتهوشون فأر دمي وقف السيارة ونزلت بسرعه عطيت اللى ماسكها لكمه قويه على عينه وسحبها من يده :يا ابن الحرام كيف تتجراء وتلمسها
سعود :انت ابن الحرام
وصارو يتضاربون ومصعب ياحول يفك بينهم وهم يسبون بعض بكلام استغفرالله
تجمعو شباب واخيرا تم الفصل بينه وبين سعود :احسبي معاك ما انتهى
سعود بصراخ :ولا راح ينتهي اختك جنت على نفسها يافيصل
فيصل يحول يفك نفسه والشباب ماسكينه بقوة :حسبي الله عليك لا تجيب سيرت اختي على لسانك
سعود يضحك وبكذب كله خبث :كانت باحضاني قبل اشوي
انتهى البارت
**********************************************************************************************************تعليق
-
رد: روايتي الاولى اذا ذاب القلب
حبيباتي قراءة ممتعه والبارت ان شاء الله يوم الاثنينتعليق
-
رد: روايتي الاولى اذا ذاب القلب
السلام عليكم ورحمة الله وبركاته...
هلا زوزو الله يعطيك العافية على هذا الفصل عن جد..
.. والله جنان... ونجوم هذا الفصل سعود الحيوان ويارا يا قلبي عليها والله مره زعلت على اللى يسوى سعود فيها من جد الرجال ما منه أمان حبته ووثقت فيه وفي النهاية سوى فيها كذا المشكلة كذب عليها عند أخوه يعني راح تنذبح لأن اللي يحب شخص ما يسوي في كذا... يعني أخو مصعب طلع أفضل منه.... عن جد أبدعتي مرررره في هذا الفصل وأنا حبيته وقراءته مرتين فالله يعطيك العافية يا عسل ويحفظك ربي من كل عين....
تعليق
تعليق