آأإأآم بآأإأآك

جبت لكم الموضوع اللي اقول لكم ببدا فيه اليوم
طبعا من مدونه قريبه من هنا استغربت من ذا الشي !!!

طبعا من مدونه انه حرف !!
ونقول لها الف سلامه وماشتوفين شر واجر وعافيه باذن الله





البرشومي حقنا طلع هندي ياويل حالي وحنا ازعجنا حقين الطايف والجنوب
اذ احد راح لها وقال وش توصون به !!

قلنا عطنا من البرشومي معاك

نفر انت وشهرزاد وتنهيدهـ !!

طلع برشومينا ماهو سعودي ميه بالميه طلع هندي واسمه كروموس
ووويلي حالي !!

المهم قلت بسوي بحث ع الطاير عنه شوفو وش طلع

الحين كيف سميناه برشومي مدري والله وش سالفه الاسم
لزم اعلم الشيخ بالسالفه لزوم اكثر بالبحث ليه سموه كذا !!

طبعا لازم نستعين بالخبره من اهلنا بالجنوب
اللي يعرف ليه عندنا سموه برشموني يقول !!

طبعا خويكم صاحب ذا المدونه يحب ذا الشي وياما اكلتها على وجهي من الشوك
اللي فيه والان احس اصباعي فيها شوك بس من الصوره هههاي

ع العموم اختلفنا في كل شي حتى الاسماء من جد العرب مايتفقون على شي
اذ الحبحب في السعوديه يمكن له اربع اسماء

والنعناع كمان

يازني الخواجات اسم واحد وخلاص
على طاري الخواجات اللي ورده تقول ماتعرف معناها يابنت الخواجه هو الشخص الغير
عربي او اجنبي يقولون له خواجه فجمعها تصير خواجات جمع تكسير

وبس سلامتكم

احلى خودافس

سلام

سلامووو عليكوووم شوفو ذا السوال !!

طلع فيه ناس كمان ماتعرف الحبحب
نسيت ان الكلمه شعبيه عندنا واغلب العرب مايعرفوها حقكم عليا نسيت

بس ترى مالها علاقه في الحب



هذه الحبحب او البطيخ او

watermelon



طبعا اعتذر من الاخوه العرب نسيت ان الكلمه مو دارجه عندهم
بس حياكم الله !!

اذكر لغز قديم اجابه الحبحب او البطيخ اللي يجيب اللغز
له هديه مني !!

خلونا نشوف راعين اللالغاز وينهم
صح قبل انسى اللي تسال انه حرف

سلام

اليوم كذا وضعي النفسيه زفت ومالي نفس بشي يعني
ودي اكتب على جبتهي انتبه صاحب هذه الجبهه خارج التغطيه !!

سبحان الله احيان من اشياء بسيطه تنام بعدها تصحى
تكون في اسواء حالاتك النفسيه !!

تحس كل هموم الدنيا فوق راسك وتحس الدنيا ضيقه
سبحان الله من جد دوام الحال من المحال

ماعليكم مني ادري نفسيه بس باذن الله تتعدل الامور اعرفني
كلها شويات وباذن الله تتحسن !!

عاد تصدقون اذ كنت بذا النفسيه ما حب السجل دخول للمنتدى بس اتابعكم
من فوق السطوح واشوف كيف احوال الشعب !!

لين دخلت مدونة شهرزاد شفت التوقيع حقها ياربااااه جا بوقته
اي وربي جا بوقته !!

شغلته التلاوه اللي فـ التوقيع ياربااه يازينها من تلاوه
تريح وربي

اللي يبغى يسمعها يدخل هنا

طبعا مع الدعوه لشهرزاد ان الله يجزاها كل خير عمل بسيط
بس احيان يكون تاثيره كبير

من جد بعض الافكار تكون بسيطه وتنفيذها سهل واجرها واثرها
يظل لفتره طويله

ماعندي شي اضيفه قاعد اكتب واسمع التلاوه !

في امان الله

سلام

المهم اللي يلقى امنياتي يكلمني !! مدري وش فيها تاخرت عليا
صبحكم الله بالخير ياوجيه الخير ..

من جدكم حاذفيني ورى مع الدرباويه كم مره اقول لكم
تراني مديريكم اهتمو في مدونتي زين لحد يكتب يوم تشوفوني باخر الصفحه
بلا نذاله عاد خلو مدونتي فـ الصفحه الاولى !!!

يقآل

ان الحياه اذ لم يذكر فيها مامضى ليست حياه !

اقول خاطر ماتجبره لا تكسره بدت الفلسفه بس بجد اللي مايقدر يجبر الكسر
لا يقربه !

عاد تدرون لو اننا نعيش لانفسنا اكثر شوي ندينا وجه اكثر شوي
ياخي لو نعيش زي مانحب ! افضل !

غيب متى ماتبي تغير احضر متى ماتحب !

ياخي ليه ما نخلي للتجاهل مكان في قواميسنا نتجاهل شوي زلاتنا
زلات اللي نحبهم ! ش المانع مدري

تصدقون المفروض نستوعب زين ان الدوام من المحال لن تدوم
ولن يدومون لك دايم !!

اصنع لك نقطه عوده واتجاه اختياري لا تروح وتدرعم لين
تلقى الطريق قفل بوجهك واجبرك الوقت على تغير طريقك

خل الخيارات تبدا من عندك انت اصنعها بنفسك طوعها ولا تطاوعها !!

تدرون وين الصعوبه فـ اللي يفهم عتابك كرهك وصمتك تجاهل
لا مو كذا !!

ماعليكم اليوم ماسكه غلط مدري ش السالفه بالضبط
يمكن للنوم دور كمان مدري

واحد قبل فتره يقول لي انت محشش تكتب سطر وبعد سطرين تتكلم بموضوع ثاني
ولا كانك صاحي

قلت والله مدري بس احيان اتحمس مع شي وبنص السالفه اتذكر شي ثاني
واحول الموجه مع الثاني وانسى الاول ادري حشيش عدوها بس

عاد تصدقون مدري وش جايبني يمكن عشان اتررز مع الدوافير فوق وقاهرني
مدونتي صايره ورا !!

يالله باخذ لفه ع الشعب اشوف اخبارهم يمكن القى شي
يحمسني اكتب

سلام

احب ابدا الرد بالتصاميم اللي اسويها << شويه غرور
عاد تحملونا شوي

عاد اللي يبغى يعرف وش سالفه التصميم يروح يدخل هنا
صراحه كنت هناك وعجبني الكلام

واخذت منه ذا السطرين وحطيتهم على هذه الصوره !!

نقظه ونهايه اسطر

نجي للهربته اليوميه صبحكم الله بالخير في بدايه جديده لاسبوع باذن االله
يكون مختلف مميز اكثر فرح ونشاط للكل

الحين كمان اليوم لقيت مدونتي طايره للصفحه الثانيه خساره اكون مديركم
ومحج يمسك مدونتي قبل تنحرف عن مكانها

ترى اذ خربت وصارت مكان للتحشيش مالي شغل
قالت لكم من زمان ترى ذا المدونه احسها محششه هي وراعيها
وسهل تروح للاجرام ولاضياع !!

المهم قبل انسى بشكر الخوات .. همس وسما على تقليبهم للمدونه تقليب
ودعهما بهذا الكم من اللايكات وكذا ربي يسعدكم وحمد لله ع السلامه

عقبال مانشوف تواجد للطيف العابر

الى على طاريها ياشباب انتم والبنات وين طيف ش سالفتها من جد
طولت الغيبه ذا الطيف عساها بخير بس

ترى اذ ماشفت لها تواجد فـ الكم يوم الجايات بقفل وبحذف المدونه
خلوها تجي لو تفتح الباب وتسدد فواتير الكهرب حقت المدونه وتروح
مو شرط تقعد طول الوقت

يالله افطر وجاي باذن الله

سلام

حقيقه والله بعض الذكريات لها وقع مختلف !!
صعب نقدر نتجاوزها بدون بعض الرتوش وقليل من الالم

ماعليكم

صبحكم الله بالخير تصدقون نسيت اني امس قلت لكم بفطر وارجع
ماصار فطور اللي يبقى لثاني يوم يمين اني نفسيه بجد
عاد نفر ماصدق يلقى فرصه

لا تاخذون على كلامي ترا احيان ماكون بكامل قواي الادراكيه
توي صاحي وكذا فخذو بعض كلامي واسحبو ع الباقي ولو تسحبون عليه كله عادي وربي

صح على طاري الزعل وكذا لحد يجيب له طاري وربي
مافكرت مهما يكون بزعل من احد صاحين انتم وش عندي اصلا عشان ازعل عليكم

بس هاه تكفون لحد ياخذ بخاطره ويخليها بصدره يقول
عشان نعرف نعدل الامور لان اغلبنا تاخذه العزه بالاثم ويفهم اشياء غير المقصوده وياخذ بخاطره
فعلى قولتهم تكلم ولا تخلي شي بخاطرك

عشانك مو عشان احد ثاني ياما شفنا ناس قعدو سنين وزعلانين من بعضهم
على اشياء تااافهه بس لان كل واحد كابر وسحب ع الثاني

عاد ياحبنا للسحبات لانها سهله خلاص زعلت منك وكذا
مديت البوز وسحبت عليك !! لا ياخوان مو كذا تعال او روح للي عندك مشكله معاه
وكلمه احسن لكم الثنين

قلبت الحكيم حق المدونات اليوم

حكـــيم ياشيخ

والله تحمست وعدلت الجلسه مدري ليه

خلوني اسالكم الين اليوم طلبات الصداقه فيه ناس ترسل طلبات
صداقه فـ المنتدى يوووه وربي احسبهم نسوها

طلعت انا اللي من جنبها دخلت على الاصدقاء عندي يارباااه بعضهم
من سنين راحو الله يذكرهم بالخير ويسعدهم يارب

لحظه بوريكم شي بس مو بعد الصوره
كم واحد فيكم يروح يشيل اللايكات كانه يزعل اذ شاف الصوره

دايم اذ نزلت الصوره القى بعدها لايكات اختفن وكذا



طلبات الصداقه الجديده والله زمان ماشفت ارقام جنبها هههاي بس احسن مافيها
تذكرت العالم القديمين الله يسعدهم ويذكرهم بالخير

يالله الحين جا وقت الشاهي ومواقع التواصل بشوف الشعب وش عنده
وباخذ اخر الاخبار

تصدقون امس النفسيه مخيسه فتركت كل وسائل التواصل
وكبرت المخده وهات يا نوووم لين قال النوم فارقني يابو الشباب

يالله كونو بخير ولا تنسون تتصالحون مع انفسكم قبل تتصالحون مع الناس

ســــلام

او

خودافس

بجد ماله داعي نزيد الطين بله !!
يكفي الجلد فـ الميت كفايه وصلت الكوش لندن يعني حرام نزيد عليهم
بس هو لو الرجال دق دائره كان الان فرحانين الربع

يالله تضل الكوشه كوشه والعروسه عروسه وآآه يالندن !

وش قاعد اخربط .. مدري بس شفت خوينا قلب على المود الحزين
فـ ماحبيت اكثر كلام !

نجي للمهم

قريت كلام رهيب في مدونات الشعب قريب من هنا صراحه فيه كميه
ابداع في كل شي من جد ابدعتو ياشباب ولا يهنون الصبايا طبعا ابدع الكل في مدونته

مدري وش اجيب وايش اترك ابغى اعلق على كثير كلام
لقيته حرام يعدي بدون ما اعلق عليه !

ماعليكم اذ لقيت وقت فضيت كم رد للاقتباسات بس !!

تذكرون ذاك اليوم مع الفطور شكل الاقتباسات بيصير لها زييه

آأإه يالندن

اشغلتنا لندن صراحه كنت ناوي شي بس بعد النومه تغير كثير
يعني الحين من قله الفضايح نروح نكملها بلندن ماكان هنا وانتيها ومحد درى

يعني لازم تودونا لندن قلت الاماكن !!

تدرون بختم ذا الرد اخاف تزيد حالة خوينا سوء وهو ماهو ناقص

آأإآه يالندن

سلام

آأإأآم بآأإأآك

ماكان عندي نيه ارجع بس وش اسوي تذكرت لندن ومع لندن يزين الحكي
ياخي يحرجون نفسهم بنفسهم

اما جديده هذه وملعوبه صح بالثمنيات على قولتهم
من جدكم للان نردد كلام زمان خلاص العالم تغير ياشباب ماعاد ينفع ذا الكلام
اهم شي المستوى وكسبنا مدري ايش ههههاي سلامات

الرجال طارو بالبلغه وخلو لكم الفريق وكسب الفريق
ترى ما يوكل خوبز ذا الكلام المكان لندن والبطل واحد والسوما طار فيها
وجحفلي لو مافكر يمتص الكوره ويسوي كنترول فخم بمنطقة خطره كان صارت علوم

بلا مستوى بلا كلام مقطوط خيره !!

انتم لو لا حظتو الرد الحزين كان الساعه 4 الله يسامحك يالسوما حتى النوم
ماشافوه بعض العرب

اأإأآه يالندن

تكوي لندن ومن نفس الكاس شربو خلو الكلبات حقت لندن تفيدكم الحين
الكوره دواره قلنا لكم من زمان

ههههههاي مافيني شي بس تذكرت الزوري لو لعبها ارضي ههههاي
اللهم لا شماته

الحين السوما اللي خلا الفريق كوشه وللا الجحفلي اللي ماعرف يسوي الكنترول صح
سوال مدري كيف بجاوب عليه صعب صراحه

احسن حل وضعيت الميت نصيحه ترى احيان احسن حل

تنهديه مسمع الصوت علي الصوت
وآأإأآه يالندن

احلى خودافس لابو العز ربي يسعدك ياذيبان والله ماتحلى الكوره الى كذا
يوم لك ويوم عليك

يشهد الله ان لك معزه عند صاحب ذا الخربشه

فـ امان الله

سلام

ماعجبني الاداء في هذه الصفحه
اعتذر لكم مني



اقلبو الصفحه معاي ولحد يحط لايك هنا

من جد احيان واحيان كثيره بعد تجينا هذ الحاله نقعد ساكتين
وماخذين زاويه بمكان معزول مع نفسنا بالعربي !!

تصدقون هذه تصير معاي اغلب الاوقات اذ عليت التوقعات
والنتايج لاشياء سويتها او شي ثمن انصدمت بواقع غير لي كل التوقعات

وهد سقف النتايج المتوقعه على راسي

تصدقون عاد ساعات كثيره نبني نتائج اعمال مع بدايه عملنا
يعني ماندي انفسنا فرصه بالفرحه بالشي لا نفرح بالنتايج والشغل لسى في اوله

او الموضوع لسى باوله !!

شعب مستعجل وامه مطفوقه مايصدقون بشي على طول يبنون معاه الاحلام
واذ ماصار اللي يبونه انعزلو عن العالم وقلبوا على المود اللي فوق الصمت !!

عشان كذا اتعمد احيان كثيره اصدم نفسي بنفسي بنص احلام اليقظه عشان امسك ارضي
مثلا اذ دخلني شوفه النفس فتحت المحظفه ودورت بطاقه الاحوال اشوفها واقضب ارضي

وارجع لعالم الواقع

لحد يصدق ترى امزح بس بشرح لكم كيف تصدم نفسك بنفسك

نجي للنفسنه احيان كثير تصيدنا النفسيه المخيسه من كلمه من تصرف من فعل
من ضحكه على اي شي !!

كذا ننفسن وتصير الاخلاق معلبه بكيس اسود مبغى اقول ... افهموها عاد
وش اللي يغلف بكيس اسود ههههاي

ماعليكم لا تتحطمون من انتقاد لاي شي ترى عادي وربي مو منقص منكم شي
وبعضهم يستمتع بالنقد فخلوهم ياخذون راحتهم عادي

تتعلم مع الوقت قتل هذه النفسيه المخيسه اللي تتعكر بسهوله
توصل لمرحله ماعاد ياثر فيك الكلام السلبي او الانتقاد لتضيع الوقت والوناسه

ايه بجد فيه انتقاد للوناسه نسميها طقطقه بعض الاحيان يستلمونك الشباب
وهات ياجلد على قولتهم اذ ماكان بالك وسيع بتعصب وبتكره المكان واهله

بس لو بتاخذها من باب المزاح وكذا عادي وربي بتتعود على ذا الامور
المشكله تجي وتروح ع النفسيه قبل ماتتغلف باكياس سود يعني قبل تصير ...

يدي تاكلني نفسي اقول الكلمه بس مايطاوعني قلبي عيب اقولها هنا
عاد اللي يعرف وش الكلمه اتحداه

يالله ماعليكم استناسو وبطلو النفسيات والصمت اللي في غير محله ووقته
ولا تصدقون كل كلامي اللي فوق ترى بعضه مدري كيف جا

اخليكم شوي باخذ فره على الشعب واشوف جديدهم

خودافس