... آأإإأآم يآأإأآك ...

اليوم مدري وش فيني بسوي حركات وبكثر ردود شكلي مدري
بس معرف ليه ماحطيت ذا الكلام

بالرد اللي قبل هذا والله معرفش !!

المهم قبل اتكلم بوريكم شي لا تغير المدونه خليك لحظه



بالله ماقلت لكم قبل انكم تحرجونن بكرمكم بتفاعلكم بكل شي
والله انكم من جد تصنعون سعاده لصاحب ذا المدونه

وتدوني حماس وكذا اني اكون معكم على الدوام وانا في الدوام
خطيره الجمله الاخيره

ربي يسعدكم جميع ويحفظ لكم غالينكم ويبعد عنكم كل اذى
ويبلغنا واياكم رمضان ونحن وانتم وهم باحسن الاحوال

اللهم آمين !!

اخر شي قبل انسى كلمه باذن الدافور عزو يابو والله ماني بزعلان
ولا ني شايل بخاطري ولا بوه شي بنفسي !!

كلامي امس كذا بس لا اكثر من خربشه

تبقى عزيز وغالي وربي !!



اجل بيذبحك السهر اصلا النوم ماهو زين للدوافير
الى على طاري احبك ومدري شلون

ليه عندنا حنا الشباب مشكله في انك تقول لخويك اني احبك !!!!!
بجد عندنا تصلب وجفاف عاطفي الله وكيلكم

الحين البنت ماعندها مشكله تقول للبنت احبك وانواع الغزل والدلع
عند الشباب لا !!

ش المشكله وربي مدري ليه نسوي كذا مدري ؟

الحين لاحظو البنات يوم يتقابلو لو بعد فتره بسيطه صراخ واحضان وحركات
يعني يحسسون بعض بالحب اللي بينهم

عندنا الشباب لو يحضنك صكيته بكف

مدري المشكله وين وكيف الحل !!

يالله كثرت كلام ...

همسه

اصنع المعروف ولا تبحث عنه !

سلام

... آآإأآأإم بآأإأآك اآأإقين ...

ماعندي وقت وجاي بقول كمن كلمه ع الطاير !!

ياهلي وربعي في النت اش فيكم علامكم وش يعكر جوكم
الى يوم تسمعون كلامن يغث من اشخاص كل همهم ذا الشي

يعني يدخل يوم يشوفك داخل بمعرفه الثاني او العاشر او الاول
ماتفرق المهم يدخل عشان يغثك !!

لاتدونهم فرصه او وجه اسحبو عليهم وماجاكم عندي

الحمد لله الامور طيبه والصحه تمام وش بقى يضايقنا
لا ورمضان ع الابواب !!

اللهم ادمها نعم واحفظها من الزوال وبلغنا رمضان بخير


هيا خلوني اشوف احد يتحلطم او يشتكي من تعكر مزاجه بعد اليوم
بحذف الرد على طول << صاير قوي
هيا عاد مو وقته قوي من يومي بس مخلي الحزم لوقته

المهم ماعليكم منهم زبدو لهم على قولتهم

صح قبل انسى بشكركم على كرمكم



من جد يعجز القلم عن الكتابه في شكركم جميع وكمان العالم
اللي قيمو التصميم لي رجعه مع كلامهم بكره ان شاء الله

ماني فاضي ومتسعجل وربي الان بس دخلت لاني شفت
الاصحاب فيه منهم متضايق من كلام الهمل !

يالله فتكم بعافيه ياحلوين طولو بالكم وطنشو اللي يغثكم وخلكم
في ذا المدونه كل ماطفشتو وسعو صدوركم << اقول بدى الغرور برا برا

امزح وربي امزح

فـ الاخير

ليس كل جميل باطنه اجمل !

صح قبل انسى ترى الحكم هذه حصريه وماتلقونها باي مكان
عادي اللي يبغى يعبي له كيس منها ياخذ هههاي

ادري مجنون ماعلكيم

سلام

شوفوا ماشاء الله بس وانا اكتب صارت كم



يالله يارب ان تسعدكم قولو امين

ها المره سلام قبل يقفلون علي باب الادارة

سلام

سلام عليكم .. وصبحكم الله بكل خير .. قرب رمضان
الله يتمم شعبان على خير ويبلغنا واياكم رمضان !

...

ضايع فـ اليومين اللي راحن وربي شوي حولي لخطبه وشخبطه
وامور مشربكه !

بس متاكد رمضان باذن الله بيحل كل هذه الاشكاليات

يالله ماعليكم تضبط باذن الله

..

حتى مدري وش اكتب وربي فيني كسل مو طبيعي ابغى اجازه احس خلاص
مافيني حيل لشي ادور النوم بشمعه !

صح قبل انسى بشكر العالم اللي قيمو التصميم اللي فوق ربي يسعدهم جميع

شووق .. ماسه .. انه حرف .. غلاهم .. باقي امل

الباقين ادري السمعات ماعطتهم مجال << لازم ندي للعالم اعذار

...

صح على طاري من جد ترى لازم ندي للعالم عذر في تاخرهم او غيابهم او عدم سوالهم
محد يدري بعذر الشخص الثاني عشان كذا اخلقو لهم الاعذار

وبلاش تعاتبونهم ورب البيت ترتاحون !!

بجد اتكلم وربي لا تخلون العتاب يتصدر المشهد لا خلو العذر بالصداره دايم
كلنا حولنا امور كثيره تشغلنا وتنسينا

واذ تذكرنا وكذا ماينقع نقول وش كان عندنا فنضطر نسمع كلام
ماله داعي بس لان الشخص الثاني ماكان يدري عن وضعنا

اخلوقو الاعذار لهم خصوص هنا فـ النت وعالمه

مو كل شي يطلع على الشاشه !

...

جملتين انقالت ليا او لمدونتي بما ان اغلبكم مايعرف عني
شي الى من هذه المدونه ويبني احكامه عليها

بس جملتين صراحه من اجمل ماقرات من يوم فتحت المدونه

وحده انقالت بين اسطر كثيره بس صداها لليوم يتردد براسي
افتخر وافرح كل ماتذكرت هذيك الجمله مع انها ماتتجاوز اربع او خمس كلمات

هذا الكلام قبل فتره طويله وانقالت من قلم يفخر الكل بمتابعته

الثانيه انقالت قبل فتره بسيطه مره وكنت ناسخها بجيبها هنا
بس بطلت في اخر لحظه

وحلوتها للجمل المحفزه المشجعه اللي ماراح تمر مرور الكرام
كم هي رائعه تلك الجمله ايضا

يمكن والله ما استحق تنقال ليا بس بجد رائعه مختصره مشجعه وكل شي

فـ الاخير

شايفين كيف والله داخل مدري ش اكتب من يوم كتبت سطرين طلعت معي
كل هذه الخربشه ..

يالله برومح افطر ويمكن ارجع

بالتوفيق للجميع

مبرووك .. لكل العالم اللي تخرجو ورفعو روس اهلهم وبيضو وجوههم
مبرووك والف مبرووك للجميع

والعقبى باذن الله للباقين

اخر سطر

طيف انتي وصافي وحنين لا تكتفون بالمتابعه شاركونا باي شي
كونو بخير

اسمعو

كن عاقلا بظنك !

سلام

.. آأإأآم بآأإأآك ..


سولفوا تكفون لا عاد تسكتون ..
قبل لا أهوجس وياتيني بلاي


السكات يزود طعوني طعون ..
وتنكسر لا جا على راسي عصاي


سولفوا لو ما بغيتوا اتسولفون ..
قبل لا اقعد في الحزن رايح .. وجاي


واضحكوا لو بالعماله تضحكون ..
وجاملوني لو يضايقكم حكاي !!

هذه من ابداعات بن فطيس المري !!

بس ع الجرح واهديها للناس اللي مغير تتابع بصمت
الصمت ماينفع !!

فـ الأخير

يازين لسان الخاطب .. اجعل لسانك لسان خاطب !!

ســلآم

سلام .. بالليل .. اسوي بروفات
لرمضان ان شاء الله

ياخي مستحيل اشوف ذا العالم
كلهم متجمعين فيذا

ولا ادخل اهايط عليهم
< الهياط نوع من انواع الكلام المبالغ فيه ...

اش رايكم بالشرح خطير ادري لحد يصفق

يالله ماعليكم مالي كم ساعه صاحي ومتقهوي والشباب مضبطين
العشا بس نستناهم من اول بيصير سحور مو عشا

شي في الكوره لو فريقك ينهزم بعدها بتلقى العشاوات وكذا
يعني اللي ماله في الكوره فاقد متعه التحديات

....

على طاري نفروش وابو العز وعزوز ماعليك خلاص
اعقلوها وتوكلو والبنات ماهن احسن مننا
احبوكم ياشباب

اقروها بنغمه وداد سيري مع ناصر ههههاي

على طاري ايد كلام شمس هم ذابحتهم المخفه ونحن ذابحنا الثقل
خذ من ذا على ذا تضبط باذن الله

ف الاخير

احرجهم بكرمك تنل كرمهم !!

هذا السر ياشمس ولاتستغربي كثره التبيهات عندي
تصبحون على خير

خودافس هالمره مطلوبه ذا الكلمه بالنص

صبح صبح ياعم الحج .. يامسرع الساعات يوم تنظر لك شي !
يعني كان فريقك متاخر وباقي ربع ساعه وتنتهي المباراه هوا تمر !

يالله ماعلينا اهم شي الاخلاق

...

لسنى في كل الاوقات على صواب نسال الله العفو والعافيه
الاكيد اننا كلنا اخطاء وعندنا الحلول بس بنطل مكابره

عناد .. نرجسيه !!

لنلتفت لهم قبل ان تكبر احطائنا لنصلحها ونداويها بحب
رب كلمه تغني عن سنين من القطيعه

خلونا نقولها في وقتها ونترك العناد عننا !!

...

يقال في الاثر

ان الحزن وجد لنعرف معنى السعاده !

لنميز ولنعرف الفرق بينها لابد ان نعيشهما الاثنان
يعني لا تحسب ان الحزن بيستمر او السعاده بتدوم !

نقطه ونهايه سطر

قرات ذات يوم بين الاسطر كتابه لعاشق اتعبه العشق
وحب يعرفنا فيه

يقول

العشق لا يحتاج سوى التقاء مجنوني !!

اجتمعا في وقت كان الجنون هو الغالب على كل شي
مدري بس احس كلامه ماش

عشان له في نفس تلكم الاسطر كلام اخر يقول فيه

فيكـ اشوف الحياه وبك احب العمر !

الزبده اني قريت لاسنان مجنون في وقت كنت احسب الحب فن
واكتشفت انه جنون ...

نقطه ونهايه اسطر

مرت الايام وبدأت معها النهايه او اقتربت الى حد كبير
ربما نجتمع مره اخرى وباذن الله سنجتمع

في مكاننا افضل واوسع واكثر صدقا ووفاء

كونو بخير

وسمي

سلام

ســـلآم عليكم !

ايون حالتي زي اللي في الصوره عيوني بالسقف مدري وش اقول
ادري ليه فتره طويله شوي ماجيت فيذا

وادري بوه ناس متضايقه مني عشان ذا الشي وكل شوي اقول لهم
جاي جاي واخذني الوقت والشغل وكذا

المهم ماعليكم مني

كل عام وانتم بخير واسال الله لي ولكم القبول لرمضان
وان يبلغناه ربنا اعواما مديده وسنين عديده ونحن وانتم في احسن الاحوال

وعيدكم مبارك للجميع بدون استثناء من اصغركم لين الكبير
ومن الفايزين باذن الله بالاجر وحسن العلم

المهم اعذروني والله مقدر ارد على احد في الخاص لان اغلب رسايلكم قديمه
ومالي وجه وربي ارد عليها بعد كل ذا الوقت

مشكورين جميع ع السوال والتهنيه برمضان والعيد ربي يسعدكم جميع


بس سلامات ليه المكان هنا مهجور ليه ماشوف فيه حركه يعني خايفين من ساهر وللا وش السالفه
يالله خلونا نشوفكم فيذا وناخذ اخباركم وعياديكم

وتوي اخل عند نفر وانوش ماشاء الله مطلعين لهم مناصب جديده
وشياكه حركات مساعد المشرف العام وربي حلوه وبالتوفيق لهم

تستاهلون صراحه وعقبال مايصير للمنتدى اكثر من مشرف عام احسها عادي
دام الشغله فيها تعاون على تحسين ذا المكان ...

يالله باخذ فره كالعاده وراجع

خليكم قريب برجع باذن الله بس تخبرون اول ايام دوام ومع العيد كل شوي داخلين
علينا ناس تعيد وكذا

خودافس !!

صبحكم الله بالخير .. كلن باسمه ..
ربي يسعدكم جميع على كرم الاستقبال وحفاوه الترحيب والله تحرجون الواحد بكرمكم
يشهد الله انكم تنحطو على اليمين دوم !!

اشكر كل من رحب في تواجدنا الخونفشاري هنا امس واليوم
والنور نوركم وربي ويسعدكم ربي

ماعندي شي بس بوه براسي كم فكره مهويه بسويها اذ ساعدني الوقت
ومامر كالعاده سريع فـ الاوقات الحلوه

بطه وبطي في الاوقات اللي لك عليها !!

المهم بحاول اقلب الصفحه بسرعه طفشتكم بذا الصفحه وهذا الرد قبل الاخير

فا اعذروني على السلق اللي بيكون بذا الردين
مجرد تكمله عدد

سلام

إأآأم بآأإأآك

عشان زي مالقت لكم ابغى اقلب الصفحه بسرعه ماعندي وقت
>> خف علينا يابو

المهم اجازه سعيده للي عندهم اجازات ولا اوصيكم اقضوها بوناسه وسعة صدر
لا تخلونها تمر بحزن وكابه منظر وروح مخيسه ونفسيه لكم عليها

وسع صدوركم ترى والله بسرعه بتمر وماراح تدرون عنها الى وهي منتهيه
فخلوكم من الوسوسه والنفسنه والضيقه

استانسو اقوى شي واللي فاضي ينزل البكيمون ويتصيد ذول اللي ماوراهم سفرات ومغير
متربعين في البيوت ونوم وسهر تحركو شوي ودور الصيد

نقطه ونهايه سطر !


الحين اللي عنده خبره في قلب نظام النوم وتعديله يدينا روشتا بذا الشي
تعبت ماقدرت اعدل نومي !!

كنت مسافر ونومي من 12 الظهر لين 4 العصر وبالليل من 12 لين 4 الفجر
شايفين كيف النظام رهيب نفس الوقت اكون فيه نايم بس واحد بسبب الشمس
والثاني بسبب الراحه

المهم للان انام بذا الوقتين وماني عارف كيف اعدل النومه صح

اليوم صاحي 4 وجيت الدوام 8 وبعد شوي بيكبس عليا النوم
ياربااااه قمه اللخبطه والحوسه

يالله ماعلكيم اهم شي الاخلاق

نسيت وربي انه اخر رد بذا الصفحه والمفروض اخلصه بكم سطر
تحمست وكثرت الكلام

من جد شكلي جعان هروج

المهم زي ماقلت لكم بوه شغلتن براسي بسويها والباب مفتوح للتحدي

ابغى احد يتحداني
اللي قدها يجهز نفسه

خودافس اقوى شي

بس قبل اطلع فيه مدونات وربي واحشتنا اقوى شي ودي اشوفها معنا في الصفوف الاولى

واصحابها عزوز الهلالي والدافور وطيف المهويه وورده والصافي
وانوش وبقايا والحكواتيه شهرزاد

نفسي اشوفهم فيذا لاني متاكد اللي بيتحداني وبيقبل التحدي واحد من ذول القوم
طبعا ولا يهنون الربع الباقين فيهم الخير والبركه

بقياده شمس طبعا وشوق ونفروش والشيخ عبدالرحمن

يالله الان بجد انتهى كلامي

بس على طاري فطرت الشباب اليوم فول من اول ماصحيت ماسكه معاي
افطرهم فول وفطرتهم اللهم لك الحمد

سلام

ســــلآم عليكم .. اخيرا قدرت اقلب الصفحه ادري طفشتكم الصفحه
اللي قبل هذه من كثر ماهي قدامكم !!

وادري ان فيه ناس تدخل ذا المدونه كل شوي عشان كذا
قلبت لكم الصفحه

وهاه ترا حطيت كاميرات في المدونه ابغى اشوف مين يدخل
ويطلع ع الصامت بدون لايك سبسكرايب وشير وكذا

امزح امزح وربي حياكم الله والمكان مكانكم !

وعلى طاري ساهر امس صكني بقسيمه وانا ماسويت شي وربي
بس الاشاره كانت خضرا وقلت بلحقها وللاسف صارت حمرا ومالحقت اوقف

واحلى فلاش شق جبتهي شق وربي اهم شي سويت لهم حبتين
نفسي اراجع المرور اخذ الصوره والله يوم شفتني جبت العيد

سويت حبتين واحلى تشييز عشان الصوره وكذا

يالله ماعليه تنضم للرصيد المديون فيه للدوله شوي واكمل المهر لحقين ساهر

نقطه ونهايه سطور

نجي للموضوع اللي كنت حاب اقوله وجاي معصب عشانه !!

الحين كم مره اقول لكم اني اقيم بدون اي هدف الى اني اعطي لصاحب المدونه
دعم وشوي تشيجع للشي اللي يسويه في مدونه والله مو اكثر من كذا

واحيان الكلام اللي القاه في بعض المدونات يجبرني اني اقيم صاحب المدونه
وزي منتم عارفين التقييم للمراقبين مفتوح يعني لو اقيميك من الان لين بكره الصبح عادي

وهذا الشي حببني اكثر في اني اكون مراقب هنا !!

المهم ندخل في الموضوع اللي بقوله

الحين تكفون لحد يرسل خاص بعد ما يوصل له تقييم مني وكذا والله ماله داعي
عادي يعني مو لازم ترد برساله تحسسوني اني اقيمك لجل هذه الرسايل

لا ويجي من يقول وسام على صدري وشرف لي انك قيمتني !!!!!

لا كذا كثير وربي تراني مهوي ماتوصل ان كلامي وتقييمي يصير وسام ومدري ايش
لا والله تكفون لا تحسسونا اننا افضل من بعض

كلنا واحد مهنا فرق

وبس سلامتكم

عصبت شوي سوري بس من جد لحد يرسل عشان جاه مني تقييم تكفون
لا تحلوني ابطل اقيم احد وانتم الخسرانين << بدى الغرور

فـ الاخير

لا تروحون بعيد لي رجعه باذن الله بس بخلص كم شغله بيدي وبتقهوى
وباذن الله راجع

يالله ... خودافس