سلام !!

يقال والعهده على الراوي ان اخر العلاجات ( الكي )
رغم ماتسببه من اثر ووجع الى انها تكون علاج في بعض الاحيان

ما اومن بالكي كعلاج >> مع نفسك من انت !!

فيه سياسه هناول مره ادري عنها صراحه ويمكن كنت اعرفها بس مع الوقت نسيتها
ما اعجبتني بجد ويمكن توقعت ان التفكير اختلف وتغير

وطلعت الامور لسى زي ماهي مدري والله !!

نقظه ونهايه سطر ..

يسال بعضهم المنتدى صاير فيه عزوف ونوم من البعض
اقول عادي الاشغال صارت كثيره او اننا نقنع انفسنا اننا مشغولين وحنا فاضين

او ان الجوالات وبرامجها اشغلتنا عن المنتديات وكذا

وقت المنتدى طويل تدخل وترد ع العالم اذ عندك شي واذ لقيت لك موضوع او كذا
وجيت نزلته هنا وتشوف الردود ماهي كثيره فيقل حماسك وتبطل ترجع تنزل شي

هذه المشكله في المنتديات بشكل عام وسائل الاتصال الجديده والجوالات
الذكيه تقريبا اثرت فيها بشكل كبير

هناك اكثر تفاعل اسهل كتابه واقل انتظار واكثر عدد

بس برضوا يبقى لذا المنتدى شكل ثاني والله ومتعه يوم تكتب فيه وكذا
استمتع بذا الشي بعضهم يتابعنا ووده يدخل ويشارك بس متكاسل !!

وبعضهم يخاف مدري ليه يخاف يدخل ويفتح ملفات قديمه نسيها او يحاول ينساها
مدري ليه الخوف من ذا الشي !!

وبعضهم يحسب ان الغياب برستيج وكذا ويتعمد يغيب مدري والله !!

وبعضنا يشيل هم التنسيق وانه اذ دخل لازم ينزل مواضيع مفيده وكذا
وانه مسوي لنفسه برستيج مايبغى يخربه بالشكل اللي ماهو متعود عليه خصوص اللي
كانو يدخلون من اللاب والان من الجوالات تفرق هذه معهم كثير

ماعندي حلول للعزوف وقل النشاط الى اني اشوف اننا كبر سقف الحريات اكثر
ولا نصادر بعض الاراء مهما تكون اذ ماسببت عصبيات للدول او تجازوت الامور الدينيه !!

لا نحاول ننزل مواضيع مو حديث الساعه خاصه في اقسام النقاش والحوار
نحاول نخلق التنافس والتحدي بكذا مكان في الاقسام هنا

نعطي العالم اللي تنزل مواضيع او تشارك حقها في التفاعل والاخذ والعطا معهم
نحسسهم ان الموضوع اللي جابوه كان له اثر وكذا

مو كلمه في كم رد والسلام !!

ف الاخير

ترى عادي الركود اللي في المنتديات وتراه بشكل عام مو بس في هذا المنتدى
وسلامتكم

سلام

صح قبل منسى اليوم نتايج اختبارات الكفايات عندنا بالسعوديه
يعني انواع النفسيات للطلاب المتخرجين وينتظرون التعيين وكذا

الله يوفق الجميع نفسي اجرب ذا الاختبار احسه سهل
والناس معطينه اكبر من حجمه وفيه خوف منه ماهو طبيعي !!

عاد اعرف لكم واحد تخصص انجليزي والولد دافور بالانقلش وماعليه كلام
تجاوز اختبار اللتخصص بكل سهوله وجايب 80

بس اللي يرفع الضغط في اختبار القدارت العام ماتجاوز ال 30 درجه من 100
وله ثلاث مرات يختبر ذا الاختبار !!!

عرضت عليه كذا مره ادخل بداله والفلوس من عندي بس خايف يقول
لو يكشفونك نروح فيها المشكله في البطاقه مهنا اختلاف كبير

يعني اذ بتدقق بتشوف الفرق اما المستعجل والله يحسبني هو
بس خوينا خايف !!

شكله اذ ماعداه ذا المره بدخل غصبن عنه المره الجايه
واذا كشفوني وضعيت الاطرم

عاد وضعيت الاطرم ( اللي مايتكلم ولا يسمع ) اعرف من سواها مره
يوم مسكوه في تفتيش بطريق المدينه جده ولا كان معاه اوراق السياره ولا رخصه ولا شي

قعد يقول للعسكري امممم امممم
وقعد يسوي حركاتهم للعسكري

العسكري الثاني يقول لخويه اتركه ذا اطرم خله يروح المشكله
لو واحد فيهم انتبه مسجل السياره كان شغال بس مهدي الصوت ابو الشباب

يالله عدت عليهم ذا المره !!

اسلوب خطير ويمشي مع كثير ربعنا والله طيبين

المهم

زي ماقلنا بالتوفيق للعالم اللي بتطلع نتايجهم اليوم وان شاء الله تكون تبيض الوجهه
وعقبال التعيين باذن الله !!

اعرف لكم واحد شوي وينهبل اذ ماتجازو ذا الاختبار
والله يسامح من حطه عثره في طريق الخريجين

معقول جهد 16 سنه دراسه اللي يقرره اختبار من 3 ساعات والله حرام
يالله باذن الله تتعدل الامور

في امان الله

صح قبل انسى لي تعليق على كم تسائل لقيته في مدوناتكم
خلوني بس اتقهوى وافضى ولي رجعه باذن الله

سلام

عندي سوال وكذا بس بعد ما اقول اللي جاي عشانه اوكي
خليكم معاي شوي وف الاخير وبطرح استفساري او التحدي اللي حاط صورته فوق اوكي !!

نقول بسم الله

الحين احيان نكون بخيلين في حق انفسنا وفي حق غيرنا والامر مايتعدى كم كلمه
احد جرب يسوي له شي او يعمل عمل وبعدين يلقى من يشكره عليه
ويقول له الله يعطيك الف عافيه على هذا الشي !!

اكيد كثير مننا صار معاه ذا الشي
بالله ماهي قمه الفرح يوم تشوف احد يشكرك او يثني على شي
انت سويته حتى لو ماهو هو المقصود بالعمل او الكلام بس تفرح لان احد قدر
الشي اللي انت سويته او كتبته خلونا نقول لان في النت اغلب الاعمال تكون كتابيه وكذا

والله لها طعم رهيب تحس بفرحه كبيره

عشان كذا لاتبخلون على احد يسوي لكم شي او يوصل لكم شي
لا تبخلون عليه في الشكر والثناء وكذا والله تراها تفرح
اسالوني لان صار لي هذا الشي !!

قاعد اكتب احيان اشياء

احسها عاديه واقل بعد بس يجيك احد ويشكرك عليها ويدعي لك
دعوه تحسها طالعه من القلب والله كميه سعاده ماهي طبيعيه

عشان كذا تعلم تشكر تعلم تنهي اي عمل قام فيه احد بالشكر والثناء
مع كم حبه دعاء والله ترا تفرق معنا !!

يالله انتهى الحد الاعلى للحروف بذا الرد ومافيه مجال اجيب تساولي
في ذا الرد وبخليه في الرد الجاي خليكم قريب

سلام !!

نجي للموضوع الاصلي واستفساري اللي من جد ابغى مشاركه منكم فيه
لو بكم كلمه وترى يهمني الموضوع في شي بسويه

واحتاج راي من البعض هنا وماراح اكتب اسماء كالعاده لان اخر مره
في ناس زعلوا ليه نزلت اسمائنا بمدونتك واحرجتنا وكذا فقلت ماراح احدد اسماء

بس ابغى رايكم لان ذا المكان الوحيد اللي اقدر اخذ راي من الجنسين
وبدون اي تعقيدات او قيود والكل بياخذ راحته ف الكلام



هو استفسار بس بسوي له شوي شوو وحطيت ذا الصوره لا اكثر

سوال يقول !!

الان من اكثر ذكاء وحسن تصرف وسرعه بديهه !!
الشاب او البنت ؟

البنات اشد دفوره واكثر تفوق علينا هذه مايبغى لها كلام !!

كلامي هنا عن الذكاء بشكل
عام وبالامثله اللي مرت علينا في دراستنا وكذا !!

يعني نتفوق في ذا الجانب او لا ... !

بترك الكلام للجميع وترى بجد يهمني اطلع بنيجه لاني ابيها في شي
ضروري مو بس حشو وكذا اوكي

والسالفه مو سالفه عناد وفرض همينه احد لا
ابي من واقع تجربه او معايشه او مخالطه او اي شي

من وجه نظري اشوف اننا اذكى بمراحل منكم
لاننا وصلنا في احيان كثيره الى مرحله تصنع الغباء عشان نقدر نتعامل مع البنات !!

وتصنع الغباء اكثر من الذكاء نفسه وهذه المرحله اشوف البنات يبغى لهم
سنوات ضوئيه عشان يوصلون لها !! طبعا مع احترامي لكم ..



ف الاخير
ايوه جايب هذ السوال عشان سببين

الاول زي ماقلت لكم محتاج الاجابه في
شي عندي ابغى اسويه وماعندي مكان اخذ راي الطرف الثاني الى هنا

الثاني اعرف فيه ناس هنا يتابعون بصمت وماهم عارفين كيف
يرجعون لمدونتاتهم وهربتاتهم ويبغالهم منشط وعذر عشان نشوف لهم
تواجد في مدوناتهم وحبيت اجيب تساولي هذا منشط ومحفز لهم !!

يعني بضرب كم عصفور بحجره وحده مع اني احول
بس بحاول !!

الثالث >> مو قلت ثنين كيف جا الثالث

عادي لا تدقق الثالث بشوف لو اجيب شي بدون اسماء بلقى رد
من الناس اللي كنت احط اسمائهم او لا

يالله في امان الله

سلام

سلام !

الحاله الصحيه ماتجمل مع تغير الجو ضربنا الزكام
اللي يقهر ماجاء الى مع الاجازه خرب اومها تخريب

مغير تسدح باليومين اللي راحن !!

يالله الحمد لله على كل حال لي تعليق على كلامكم على سوالي
طبعا اشكر اللي شاركوني وبترك المجال للباقين اليوم وبكره

طبعا في ناس ارسلو التعليق حقهم ع الخاص تشكرات كمان
المشكله والله كسلان اليوم ولسى مافكت الفلوتاب عشان اعرف اركز معكم شوي

المهم لي رجعه باذن الله

فيه ثلاثه اقلام ودي تشاركنا لين الان ماشفت لهم تواجد !!
مدري تغلي والى اشغلتهم الدفوره عننا !!

يالله اشوفكم بوقت ثاني ودعواتكم ربي يسعدكم

سلام

اربطوا الاحزمه استعدادا للمعركه !!

هياأأأأ بناإأاأإأا !!

السلام عليكم ... عدت والعود احمد !!

اعلن التحدي من اليوم وبما ان الردود كانت مو قليله وبكذا مكان هنا في المدونات
او في الرسائل الخاصه او بالتقييم

وكمان فيه رد مفصل نوعا ما جاني في توتير عشان كذا بتكون ردودي على الموضوع
في اكثر من حلقه >> مسلسل في رمضان صار هههاي

ماعليكم من صوت الضمير ماعنده سالفه !!

المهم بجيب في كل حلقه كذا رد واتكلم مع اصحابها شوي
واي جديد كمان راح يكون معنا

لاني ناوي اسوي مع الحلقات برنامج توك شو !! هو اللمبي احسن مني في ايش

نبدأ من شمس الشتا لاننا نبغى الدفا !



هنا كلام بدون اي اسناد الكلام سهل لكن بدون دعمه باي شي تكون المصداقيه فيه
مشكوك فيها !!

يعني يا انتم اعلى او متساوين سبحان الله دراسات حلوه
طيب خلونا نشوي متقدمين وشوي لكم وف الاخير تساوي
راجعي دراساتك زين لاني اطعن فيها !!

باخذ الكلام من اخره على الرجل السلام !!

هذه مايبغى لها من زمان وحنا نقول ان على الرجل السلام
لانه مسالم بطبعه وهذه ميزه فيه ترى

نجي لكيد النساء ومشكله اغلبكم ماخذين الكيد وفاهمين الايه خطأ

الايه رقم (28) في سوره يوسف
(فلما رأى قميصه قد من دبر قال إنه من كيدكن إن كيدكن عظيم)

هذا المتحدث هنا زوج المراء اللي راودت يوسف عليه السلام عن نفسه
وليس الخطاب موجهه لجميع النساء !!

الله سبحانه يخبرنا عن زوج المراه وان هذا من كيدكن
للمعلوميه ترى كيدكن معناها ( صنيعكن ) من الصنع وانه عظيم

وضحت الفكره !!


ف الاخير

انا معاك شمس ان ذكائها مرتفع بس بالنسبه لجنسها وليس مرتفع
بالنسبه للرجال

شكرا لتجاوبك معنا ومحاوله اكثر من جيده لكن لم اقتنع
ولم يقتنع بكلامك اغلب من قرأ

سلام