سلام .. واسرع دخول

ع الطاير !!

تصدقون من امس الف فيذا لين من كثر ماقريت ماعاد جاني النوم
دخلت اجواء مع كثير من كتاباتكم وكذا

الجو رهيب بس فيه بعض الغيابات وكذا ان شاء الله يرجعون اهلها ويكملون
الاجواء !

اشكر العالم اللي قيمت امس واليوم تحرجون الواحد بكرمكم وربي
ربي يسعدكم جميع !

بس بجد فيه خاطره قريبه من هنا قريتها امس واليوم وقبل شوي
واكثر من مره ولا قدرت اقرا نصها من اللهجه المكتوبه فيها !

مالي الى نفروش بستعين فيه اذ فاضي يترجم لنا
واكيد من كلامي عارف ايش خاطره اللي اقصد وفي اي مدونه اعرفه نفر

يلقطها ع الطاير

صح قبل انسى بالتوفيق للعالم اللي اختباراتهم ع الابواب
الله يسلها عليكم وتكون اسهل من كل سنه

بالتوفيق للجميع

يالله خليكم قريب فيه كم شغله بيدي بخلصهن وراجع باذن الله
واستناكم عندي تحدي ابغى احد يتحداني فيه !!

اللي متهور وكذا يقول انا اتحداك

انتظروني قريب !!

خودافس

اكيد وابصم لكم بالعشره على هذا الكلام !
اعرف نفسك ترتاح .. تعيش بسعاده اكثر !

اعرف وش تبغى بالضبط اعقلها وتوكل لا تتردد في شي !
مدري ليه احيان كثيره نعقد امور سهله

لا تخلون امور بسيطه سبب في فقد المتعه باشياء اخرى تجلب السعاده
دور في نفسك وبنفسك عن سبب يسعدها
لا تنتظر من الاخرين ذلك كون المبادر يابن الحلال !!


يقال في الاثر

ان الحزن : هو انك لم تجد من تخبره بانك حزين !!

فتحزن وتزداد حزنا !!

مشكله في الغالبيه دايم نبحث عن من نشتكي لهم على بالنا بنرتاح
لا مو شرط مع الشكوى تاتي الراحه

سؤال ع الطاير !!

متى اخر مره قلت للي حولك يعطونك رايهم في نفسك ! بصراحه !

ادري فيه من راح يقول مو حلو او فيها نوع من شوفه النفس وكذا
بس ماعليكم جرب تسال احد من اللي حولك عن نفسك

خله يقول رايه فيك ولا تزعل من الكلام وبين له انك ماراح تتضايق وراح تتقبل
الكلام حتى لو فيه اظهار لبعض العيوب فيك !!

مشكلتنا في المجامله والخوف من المواجهه والزعل
شيل الاولى وابعد عن الثانيه واحذف الثالثه نوعا ما من قاموسك

نرجع لاقوال في الاثر

يقال ايضا : انك اذ كنت تبحث عن الانتصار اسال نفسك هذا السوال !

ماذا تريد ؟ وكيف تفعل انت ذلك ؟

اذ جاوبت على هذا السوال ستكون خطوت الخطوه الاولى للانتصار

اخر سطور فلسفتي الصباحيه هذه

الان ما تلاحظون اننا يوم نكون فرحانين وكذا الوقت يمشي اسرع
من وقت الحزن !!

اكيد بيكون اسرع

يالله خلوني اطلع استنفذت كم كبير من الفلسفه وبديت اصدع
يمكن من الجوع لسى ما افطرت مدري المهم والزبده من ذا الكلام

ابدا بنفسك وعدلها ايوه انت عدلها مو تنتظر من يعدلها لك
تقبلها بكل عيوبها وعدلها

سلام سلام

صح قبل انسى شفتوا كيف طلعت الخاطره اللي مافهمتها امس طلعت
اغنيه للست فيروز الله من الدجه اللي فيني

ماعليكم قلت لكم اهم شي الاخلاق

خودافس

صبحكم الله بكل خير ... انتم اصحاب المكان حياكم الله يالربع
لحد يوقف خليكم مكانكم الله مير يحييكم ...

هذا اول شي ثاني شي وكالعاده اشكر العالم اللي يكون لمرورهم بصمه
تبقى في المكان وقتا طويلا بتقييم او لايك شكرا لكرمكم وسعه صدوركم

ثاني شي .. يقال والعهده على الراوي ...

من اعظم الهدايا التي يمكن ان تقدمها لاي شخص
هي الانتباه له !!

بس وبكل اختصار اعظم هديه نقدمها لمن نحب ونهتم لامرهم هو الاهتمام
والانتباه لهم !!

رائعه حين تجد من يفعل ذلك معك يعطيك من وقته الكثير يهتم
بكل شي يكون لك علاقه به كم هم رائعون من يفعلون ذلك

خلونا نكون منهم ادوا من حولكم بعضا من ذلك .. فقط ..

ونقط ونهايه سطور

تصدقون فينا ناس يحبون يكونو ضحايا ويعيشون دور الضحيه !!

مدري ليه بس كثير ناس كذا وماشي معهم ذا التفكير
وانواع الحبكات الدراميه يعيشوها

عشان يقنعون اللي حولهم انهم ضحايا بجد !!

ترى يابو مو شرط تكون ضحيه عشان تضبط الدور لا وربي
عيشها صح وماعليك .. بس انتبه لا تكون المجرم

عاد بعضنا الله يصلحهم من زود الطناخه دام ماني الضحيه يعني لازم اصير المجرم
لا يابو مو كذا اهدى شوي يرحم ابوك

اذ ملزم تعيش واحد من الدورين

خليك الضحيه ولا تصير المجرم !!!

نقطه ونهايه سطور

اقسى شي يوم تحس بالوحده وسط اهلك هنا قمه الحزن قمه الالم
الباقي كله كلام فاضي

مدري وش قاعد اخربط من امس شكل الاختبارات حايسه اوم الموخ عندي
ماعليكم مني احيان امسك خط غلط

واطلع محمد الرطيان اللي جواتي

يالله ماعليكم اهم شي الاخلاق

على طاري الرطيان يقول " لا تحكم علي بحسب خلقتي او لوني او نسبي
لانني خرجت على الدنيا ووجدتها امامي وحولي ولا علاقه لي بها

احكم من خلال اخلاقي فهي فقط ... "

نقطه ونهايه كلام هذه المره .. سلام

!!!

سلام عليكوم من جديد واحلى باأاأك لثلاث اسباب !!

الاول والاهم عشان هذا التقييم الطازج !!

قريتها وربي مدمن محترف المهم جبتها فيذا بقول كلام غير اللي
راح اكتبه الان لاني بعد مالصقتها فيذا انتبهت ان الكلمه مو مدمن لا طلعت مدون خنقتني العبره
وحاستني حوس كنت جاي ببالي شي وطلع شي ثاني

من جد احيان المفروض نتاخر في الحكم شوي ع الشي لين تتضح لنا الصوره
بس ابو طبيع مايجوز عن طبعه يخذ الكلمه من فم الماعون ويقعد يتفلسف على هواه !!

المهم ماعليكم

شفتو التقييم اللي جبته فوق وربي اشيك واكثر تقيم انيق ومحترم وصاحبه قمه في الاخلاق
يتعذر عن التاخر في قراءة المدونه يارباه

اقسم بالله انك ذوق بالله عمركم شفتوا تقييم بهذا الجمال وهذه الطريقه
يعني من جد ابداع في التقييم وبكلمات قليله بس مدمره معبره موصله للحد الاعلى من الاناقه

هذا السبب الاول اللي خلاني اغثكم واجيكم مره ثانيه الظهر !!

اكيد تبون تعرفون السبب الثاني والثالث

يالله نقول بسم الله ثاني سبب جاي هنا او نقول راجع هنا عشان بهاوش
يعني انتف شعري اقطع ثيابي وش تبوني اسوي فيكم

الناس اللي تجي وتطالع وتحط لايك او تقييم ثمن تمسك الباب
ولا تفكر تمر تحط كم سطر لو جبر خاطر في مدوناتهم

ليه هاه ليه !!!

من انتم بل من نحن بدون تدوينكم كم مره اقول لكم انتم زادنا هنا خلونا
نشوفكم نقرا لكم

مبغى اجيب اسماء بس المره الجايه بجيب وبجيب وبهاوش
ويمكن اتخذ اجراءات اكثر من الهواش

يالله قدامي خلوني اشوف مدوناتكم ف الصفوف الاولى هنا

...

نقطه ونهايه سطور

صح نسيت بتبون تعرفون السبب الثالث وربي نسيت اني قلت ثلاث اسباب
ولا تدرون ماني بقايل !!

ايوه ماني بقايل انا حر خلوني اشوف ثلاث مدونات من مدونات
الاعضاء اللي اتكلم عنهم فوق معنا واقول لكم السبب الثالث

وتراه اخطر سبب بس ماشفت حماس وسحبت عليه
الوعد باذن الله الاحد وانتم طيبين

دعواتكم وراي سفره ع الطاير وراجع الجمعه ان شاء الله
في امان الله

سلام

... سلام عليكم ...

بدايه اسبوع مرعب وراح يكون الاطول ه السنه بدايه اختبارات
كل البلد الله يوفق كل الطلاب ويسهل اختباراتهم !!

ويعدي ذا الاسبوع هوا

عاد ياهم عندهم اجازه بعدها ينسون اصلا انهم طلاب شي الاجازه ذا السنه
وانا ماعندي اجازه معهم بس فرحان لهم خلوهم يحسسونا بالفله تالي الليول

تصدقون ياخواننا وخواتنا اللي برا السعوديه ان اجازت الطلاب عندنا
اربعه شهور ومن 15 من شعبان مايرجعون يداومون الى 17 من ذو الحجه
يارباه

قولو ماشاء الله اجازه مايحلمون فيها !!

عشان كذا لو كنت مع الطلاب اذاكر بيدني ورجولي عشان اقضي كل الاجازه
في سعاده وكذا

بالتوفيق للجميع ان شاء الله !

نقطه ونهايه سطر !

نجي للمهم !!!

الحين كم مره قايل لكم لرجع بعد غيبه والقى مدونتي في الصفحه
الثانيه هنا يعني الى تخلون الواحد يعصب عليكم

المفروض محد يدخل ويكتب ومدونتي ع الحافه اوكي
لا تعصبون بي !!

يالله باخذ فره وراجع خليكم قريب

سلام !!

... اأإأاأإأام باأإأاأإأاك ...

جاي عشان ارحب بالضيوف الاكثر قرقره وهربته فيذا المكان
واصحاب اقوى هربته فيذا وعقبال ماتكمل ويجع الباقين !!

هلا والله بطيف وورده وكل الناس الطيبه وحمد لله ع السلامه

تصدقون طلع العالم كلها بتعطل معنا ياحب الشعوب العالميه لتقليدنا
حتى الخواجات قلدونا ياسبحان الله

بس ماعليكم اهم شي الاخلاق

لحظه بوريكم شي !!

بدى النق بس مع نفسكم بندي عيالنا اربعه شهور والف صحه على قلوبهم
ولا بوه غش ولا يحزنون اصلا قليله المفروض يدونهم ستة شهور
او تسعه >> حمل مو اجازه لا تتحمس يابو

صح على طاري الحين كيف تحطون الفيسات بالتقييم عجزت اسويها وربي
كل ما حاولت فشلت ثمن بطلت اسويها !!

المهم خويكم لا لا لا نسيت مديركم كنت خويكم الحين لا !

تخبرون صعب اعطي كل الشعب وجهه

وش كنت بقول ايه تذكرت مديركم يبغى تعلمونه كيف تحطون الفيسات بالتقييم
عشان بعد المسوليه صرت اقيم اكثر من اللايكات وابغى احط فيسات

ف هيا علموني كيف قبل اقفل مدوناتكم كل ابوكم

ف الاخير

امنحهم ابتسامتك فهم يستحقونها

سلام !!

اأإأاخر بأإأاأإأاك وربي !!!

تصدقون كنت بطلع وماعندي اي مشكله ومديري كسر التحويله عندي
من اول يتصل تقول اني سارق منهم شي !!

المهم كنت جاي بطلع >> مدري كيف جت ذي الجمله

الزبده كنت بطلع ولقيت ذا الرد
والله من كثر الضحك شوي واطيح من المكتب
وصوتي وصل للمدير !!

هذه ورده كاتبته في مدونتها واللي تعزز لها طيف واللي حاطه للموضوع لايك
شمس ومنفى !!!

من جدهم ذول


اي كذا فيسي صار من جدهم ذول !!!

اصلا فيه بنت بالعالم تخطط ليومها وكذا اتحداكم لو فيه بنات يخططن ليومهن
خلو التخطيط لاهله بلا كلام فاضي !

حنا نخطط لكم ونسنع الامور انتم بس خليكم للتنفيذ قال ايش نخطط
اصلا كل شي عندكم بدون تخطيط مسبق وبدون اي فكره تمشون بالصدفه وبدون خطط مرسومه

لانكم باختصار ماتعرفون لذا الكلام تخطيط ومدري كيف
انتم مشتتين بقوه مالكم سنع فالحين بالحلطمه والصياح والشكوى وبس

خلو التتخطيط عنكم قال نخطط قال



اأاأه يابطني وينك يانفر تشوف

سلام سلام

مديري ازعاج بالاتصالات وكلها بدون تخطيط ههههاي

هذه الطله اللي انرسمت على وجه كثير من العرب
يوم دخلو المدونه امس !!


ولو تبوني اديكم الاسماء ماعندي مشكله ارصها هنا كلها
بعدين .. ايوه ادور مشاكل !!

ثمن طول الله اعماركم على طاعته وش عندنا فاضين وندور سوالف
بس خلاص خلاص نقفل ع الموضوع

انتم الافضل ولو منتم معنا كان ضعنا نحمد الله عليكم

يالله نقلب الصفحه بس غيرو التكشيره اللي من امس
ادونا فيس حكيمه وصراخها

صح قبل انسى ودي اقلب ذا الصفحه احسني طولت فيها مليتو منها صح
بس وش اسوي ماعندي وقت !!

لاني اصلا عايش بدون خطه لايامي >> وش تقصد

هيا عاد رجع صوت الضمير مالك شغل المعنى ببطن الذيب
والذيب بالقليب

من اصحاب الفيس اللي فوق !!

يالله ماعلينا كل واحد يصلح سيارته

يقول الشاعر

العافيه طيبه والجنه الجنه

اي وربي انه صادق العافيه طيبه ويالله الجنه الجنه
رمضان ع الابواب الله يبلغنا رمضان لا فاقدين ولا مفقودين

وجميع المسلمين

ف الاخير

كونوا بخير واصنعوا البسمه ولا تقللون من احد فربما تتبدل
الامور بين ليله وضحاها

سلام

وهل وراء الذكريات الى الالم والحنين !!

المشكله في جمال بعض الايام التي مرت يكون اقوى من نسيانها
هذه هي المشكله !!

لو نحاول ننسى مانقدر مانقدرش للاسف ... طيب شنو الحل !
الحل في هذه

( ربي اني مسني الضر وانت أرحم الراحمين )
لاتشتكي لاحد اكتفي بها واجعلها معك دائما

....



الاستمراريه مستحيله في حياتنا هذه لابد من نهايه
لا بد من رحيل ولا بد من مفترق طرق يجمنا لنفترق !!

اجل هذه المفترق بدايه جديده ولا تبقى عندها كثيرا
فقط واصل السير فالغد اكيد يحمل الافضل حين نحمل معنا امل افضل للغد !!

فقط لاتنسى ان لكل بدايه نهايه وسنمر بها جميعا
كن افضل واقوى ولا تتركها تكن سبب في وحدتك

وقفه

نحن نحب مره واحده وكل الباقيه فقط للنسيان !!



خلوها زين في بالكم ...

لا غايبا يعود كاملا ,,, ولا شي يستعاد كما كان !!

نقطه ونهايه سطر واسطر

الرد الاخير بخليه اجمل من الاخرى فقط لانه الاخير


صح قبل انسى

عندي خبر بمليون دينار بس بخليه لبكره ان شاء الله وبفتتح به الصفحه الجديده
اسال الله ان يكون خيرا لي وان ابدا معه وبه اكثر عزما واصرارا

كونوا بخير وانتظرو الغد باذن الله

ف الاخير

ليس غير الموت فقد !!

اسالوا من فقد غزيزا اخذه الموت بدون موعد

سلام

اي والله اخيرا اتخرجت وانهيت مرحله احسها طالت معاي شوي
مابقى غير اصيح لهم عشان يعطوني الشهاده !!

بس بجد ماكنت احسب كذا !!

على بالي بيصير لي شي بغتر بشوف نفسي بغث العالم حولي
صحيت الصبح لقيت نفسي تخرجت وعادي الامور

ياولد من هنا من هنا ابغى اتحمس مدري كيف نفس الستايل
نفس الخشه << يعني بالله وش تبي يصير لك !!

مدري بس كنت بحسب اني بطير من الفرحه او بنجلط او كذا
بس طلع عادي وربي زي امس وقبله بس الفرق ان ماعاد وراي دراسه هههاي
وان شاء الله عقبال الجميع

المهم بغيت اجيب لكم الدرجات بس لانها ماش بطلت
تخبرون مو كل اللي تعرفون فيذا دوافير فقلت مع نفسي بدرجاتي اللي زي وجهي
الى صح على طاري زي وجهي !!

ليه الاغلب يزعلون يوم تقول له زي وجهك !!!

ياخي شعب نفسيات وربي اذكر واحد من مشاهير الاعلام عندنا سال عن شي
والله بس قلت له زي وجهك وصكني بلوك

مدري وش فيهم العالم نقول لهم شي ويزعلون منهم

الحين ان اشوف مدونتي زي وجهي وكمان درجاتي
واصلا مايهم اهم شي الاخلاق



ثنين من الشباب هنا مقيمنن امس واحسهم يغشون من بعض
عاد وقت اختبارات وكذا فاللي غش من الثاني يقول واللا تراني بشطب ع التقييمن

عاد واحد منهم دافور ماشاء الله لو وهو نايم ينجح

يالله خلوني اطلع بس قبل اطلع

استقبل التهاني اليوم بس لا شوف احد بكره او بعده يجي يقول مبروك التخرج وكذا
ترى ماراح ارد عليه >> بدت شوفت النفس

ماعليكم مني وربي امزح ربي يسعدكم جميع والعقبى لكل الطلاب هنا

والحمد لله من قبل ومن بعد والله يتممها على خير
وان شاء الله حماسي مايوقف نفسي اكمل لين اخذ الماستر واجيب الدال

بس مع نفسي انا ووجهي

سلام سلام