مســآأإأكم الله بالخير .. من فتره ودي اغير صباح الخير
عشان كذا طالع لكم بعد الظهر عشان اقولها

احلى اهلا وسهلا بالعالم هنا وحياكم الله
ماني مصدقني لا ماني مصدقني اخيرا تم ترك بصمه

يارباااه وحمد لله ع السلامه قولو امين

صح على طاري نسيت ان فيه اقلام لسى مو مقتنعه بحل وبطريقه كتابه
العدد (101662) حرفيا عشان كذا

جبت لكم هذا الرابط تحط اي عدد في المربع الصغير فوق واضغط على ارسال
يجيك طريقه كتابه العدد وتحويله الى ارقام

اللي يبغى يجرب يضغط هنا وباذن الله بيضبط معاه
فخلاص لحد يقول حلي صح ومدري كيف ترا اعصب عليكم

نقطه ونهايه سطور

نجي للكلام اللي على القيمه بس ببداه بسوال ع الطاير !

الحين وش فينا اغلبنا مانكون راضين عن ماضينا !!

لو الماضي هذا كان قريب او بعيد تلقون اغلبنا مايحبون ماضيهم
ولا ممكن تقنعهم بانه ماضي من اسمه يعني مضى وانتهى !!

>> علم نفسك يابو الشباب

اي والله انك صادق اعلم نفسي عاد خويكم ذاحب ذا المكان ماهو
بس مايحب اغلب ماضيه الى مو مصدق انه هو اللي كان عايش قبل

>> من جدك

اي وربي حتى لي صور قديمه تعالو خلو احد يقنعني ان صاحب الصوره انا
لو يسوي اللي يسويه مستحيل اقتنع

فما بالكم بالكلام او الامور اللي مرت وراحت وصارت ذكريات وماضي
عندي شي داخليا يقول لي ترا مو انت لاتصدق

الحين مدونتي امر صفحاتها القديمه اغلبها ماني مصدق انو صاحب الكلام انا
من جدكم معقول اكتب كذا !! واعطيكم ذاك الفيس ابو عيون متقلبه

اللي مثلي وتجيه ذا الحالات يقول !!

يالله ماعليكم ترى التكييف عندنا من امس لكم عليه اثرت عليه الحرراره
وخلته زي عدمه فالنفس ماش لكم عليها

فلحد يديقق بكلامي

صح خليكم قريب بوريكم شي
بس بروح انزله واجيبه

!!!

سلام

كذا حالتي مع الجو والدوام والمراجعين !!
اللي يعرف محل اسكريم يوصلون طلبات للموظفين يعطينا رقمهم

شكلي بباشر على الشباب اكسب اجرهم خاصه المتان
رايحين فيها تحسه شوي وينفجر زي البالونات يوم تعبيها مويا

يالله ماعليكم العافيه طيبه والجنه الجنه

صح نسيت اني قايل لكم بجيب شي اوريكم
اول شي ابو العز لا شي يستحق شوف لي واسطه صار لي سنه وكذا وضعي
ماقلت شي بس استفزني موضوع مره ورديت عليه

وكذا صار من بعدها



هذا منتدى الهلال يقولون ليا انت عضو مندس ههههاي
ليه مالقو غير هذا الوصف

وربي حالة منتديات الانديه عندنا تحزن يبغون بس مطبلين وكذا مايبغون احد يتكلم
بغير وجهه نظرهم كان النادي ملك لابوانهم

النادي ماهو ملك لاحد واذكر انه موضوع كان يتكلم عن فيصل بن تركي وسامي الجابر
رديت عليهم والله رد شوي مودب

بس ماش ماعجبهم الكلام وعطوني وسام الاندساس هههاي
مايدرون انه فخر لي الطواقي ذول

المهم ابو العز شوف لنا حل !!

واصلا عادي لو مارجعت العضويه ماتفرق معاي
خلاص اخذت اللي ابيه منهم

سلام سلام

ولاتنسون محل الاسكريم استنى الارقام

خودافس

اذ احد قعد يهددني وانا ماسويت له شي !!

يقولون في قديم الزمان

ان من لم يخطئ فانه لم يجرب شي جديد !!

من جد كيف تجي الاخطاء ونفس الاشياء تسويها كل يوم
وبكل وقت مستحيل ادي الخوف ظهرك وعيشها صح

وفتح شوي مخك شوي اخطاء ماراح تذبحك لاتخاف
شوي بتحصل معها شماته او طقطقه وكذا بس عادي

بتتعلم وربي !!

خذو هذه بعد !!

لن يسعدك الحظ اذ ماتعاونت معاه !!

يعني خليك شهم مع حظك ولا تقعد كل وقتك تهاوش فيه
وتكسر مجاديفه ترى هو فـ الاخير حظ

تعاون معاه خليك واقف جنبه وبتلقى السعاده باذن الله
جربو انكم تتعاملون مع الحظ على انه شي حلو وتمدحون بحظكم

بتلقونه لا اراديا يوقف جنبكم ومعكم

هذه اقوى وحده

لسان العاقل وراء قلبه .. وقلب الاحمق وراء لسانه !!

بجد ترى اللسان ماهو عظم بس يكسر العظم انتبهوا له زين
مدري كيف ابسط ذي احسني احتست فيها

المهم كل واحد يصلح سيارته وليه الخساير وكذا

خذوها زي ماجات والعافيه طيبه والجنه الجنه

سلام

حالتي يوم اسمع اغاني راشد او المهندس
مدري كيف اتنح واقعد ارسم اشياء كثيره ببالي وماحولي احد !!

صبحكم الله بالخير يالربع

كسلان اليوم مدري وش بلاني احس اني مجبور اجي واداوم
نص الشباب اللي عندي مسافرين ومغير صور واجواء وكذا

كانهم رايحين هناك عشان يصورون ويحسسونا بالفرق
ياخي استمتعو بسفرتكم بجوكم وخلونا نعيش جونا براحتنا ماله داعي نقارن بين الاجواء

من جد نفسي اعرف العالم تسافر عشان ينبسطون ولا عشان يضيقون
ويقهرون الناس اللي ماسافرو !!

ماني لاقي تفسير للان اللي يقدر يفيدنا يقول

الحين عندي يمكن عشر قروبات اغلبها نايمه الى مع الكوره تتحرك
او السفرات ناس اصنام طول السنه بالقروب ولا تسمع لهم كلهم مغير يقرون ويتفرجون

حدهم يسافرون يطلع الحس الاخراجي عندهم كلهم يقلبون مصورين محترفين
وسوالف ومدري كيف !!

احس بعضنا يستمتع في السفر بالصور والارسال اكثر من السفر نفسه
تحسه رايح بس عشان يرسل صور ههههاي

ماعليكم من كل ذا الكلام اللي فوق حلطمة شاب مداوم بعز الحر والناس معطله
يعني احمدو ربكم ماسويت شي بس اتحلطم

اخر كلمه ياليت نراعي يوم نسافر وكذا الناس اللي ماحصلت فرصه تروح او تجي
ومقضين وقتهم غصب عنهم بمكانهم

وبس سلامتكم

سلام

ما عاد باقي في محاجرنا نعاس
وذبلت عيون تنتظر خوف وسهد

يا أخوي ليتك على صوتي تجيب
وتقر عين اللي على شوفك سهر !!

***

ما مضى لن يستعاد !

والقليل الذي تبقى لا يستحق عناء الحديث

***

من الطبيعي لأي أحد منا أن يشعر باضطراب وعدم ثبات
في داخله وفي قلبه بين حين وآخر..!

***
بفتره من حياتك تتعمد تتجاهل أشياء كثير عشان راحة بالك
وبالنهايه تلاقي نفسك تجاهلت الأشخاص لم يكن تجاهلك لهم صائبآ !

من هنا وهناك مما اعجبني

كونو بخير .. سلام !

حالتي اذ احد حط لي لايك وبعد يوم شاله !!

مدري ليه وربكم بس من جد يثبت لنا الشعب دايم انه مايثبت على شي
عندنا تردد في كل شي حتى فـ الامور البسيطه نتردد نخاف نشيل هم

اشياء ماله داعي نشيل همها ترى فـ الاخير كله لايك جست لايك !!

سوري مطنقر شوي اليوم مدري وش الهرجه بس مطنقر
الضعيف العامل عندنا اول من قابلت اليوم وحطيتي حرتي فيه
من اول ادوره بكلمه ماني لاقيه !!

بالعاده يدلعني وشاهي وفطور وكل شوي داخل عليا ها بي يبغى شي !!
اليوم زعلت !!

يالله احصله ان شاء الله واضبط وضعه وش كنا نقول وربي نسيت
اي صح وضعي بعد حذف بعضهم للايكات اللي يحطون

تصدقون ودي ادخل عليه مع الشاشه واسحب الجوال منه

خلوني اغير الموشوع لاجيب العيد فيكم ويمكن صاحبنا بالغلط شال اللايكات
لايكات << يعني ماتجي بالغلط الى مع سبق الاصرار

ياهو لاتكبر راسي قلنا بنغير الموضوع

نقطه ونهايه سطر !

نجي لكم كلمه بالاذن ! وهاه سر لحد يقول

اول شي عزوز قرب اذنك بقول لك هرجه
ترى خويك صاحب ذا المكان عضو في كل الانديه السعوديه في منتدياتهم
النصر والاتحاد الاهلي والهلال الشباب كمان

ياولد وصلت للعالميه صرت عضو بمنتدى ريال مدريد وبرشلونه وميلان
واليوفي ومانشستر والاهلي المصري والزمالك

ادري صعبه عليكم العالميه ههههاي بس مشي مشي حالك

يالله ذحين دورك ورده الشيخه ماثر قربي جاي وهاتي وذنك
ولاتقولي لاحد الكلام بيني وبنيك

المشكله فيك مو في المدراس او الاماكن اللي تروحي فيها راجعي حساباتك
بكل مكان لك هوشه وصراخ ومشاكل وتقولي هم مدري كيف
لا والله البلا منك ادري بتعصبي بس عادي متعودين عليك
مو تروحين للخواجات وتهاوشينهم

خلي هواشك هنا اصرف

ذحين دور انوش قربي جاي !!

الحين وش فيكي على مدونتك مانشوف لك فيها تواجد
من جد تر بقفلها وينك عنها هربتي فيها بالليبي وربي هربتتكم بلهجتكم رهيبه
يالله الهمام قدامي ع المدونه

طيوووف انتي بجيب مكبرات صوت لا تقربي اذانيك
وينننك يانبت عسى ماشر وين اراضيك ليكون لليوم تلفين سمبوسمه ماخلصتي
ترى رمضان خلص خلاص يعني مابوه شغل الحين كله نوم

بس مو لها الدرجه !!

يالله بطلع ادور العامل وراضيه وربي زعلته الصبح

دعواتكم .. سلام

بعض التقييمات تجبرك تجيبها معاك بجذورها من لوحه التحكم
وتحطها هنا من جد خطيره رهيبه ومتعوب عليها !!

شوفو كيف كذا هذا تقييم واحد وربي الظاهر لو اجلس شهر
بس اقراه ما مل منه ومفهم من اغلبه شي

بس والله تشكرات ع الكلام الراقي الرائع

تصدقون التقييم على الرد اللي فيه صوره مويا ويد تلعب فيه
اعجبتني الصوره وحطيتها بس صاحبه هذا التقييم

عندها نظره اوسع للموضع ونظره اشمل وقالت كلام بطريقه من جد رهيبه
قعدت اتلفت شوي اناظر ذا الكلام ليا او انا داخل ملف احد ثاني بالغلط

طلع ليا وربي على طول عدلت الجلسه ولبست يعني بسوي كشخه وكذا
والله بجد شكرا لصاحبه الرقي والتقييم ذا

يستحق ياخذ كل هذه المساحه في ذا المدونه للذكرى !!

شكلي بسوي سحب اسبوعي لاقوى ثلاث تقييمات توصل لذا المدونه الخونفشاريه
وبدعم اصحابها باي طريقه وكذا !!

صح على طاري الدعم نسيت اقول لكم شي لحظه بروح اجيب الرساله !!


هذه الرساله من اغلى البشر تتنازل عن حقها الادبي والشرعي
عن جائزتها لكتابه العدد اللي ذاك اليوم نزلته بالحروف

طبعا ليس للكريم الى ان يكرم وعطيتها دعم لوجستي بالتقييمات
بعد تنازلها عن الجائزه !!

اعرف لكم ناس ناشبين لي بحلقي من فتره عشان قلت اجابتكم خطا
فرق وربي

لحد يزعل مقصد احد !!

سلام سلام

بجد لا عصبت تجيك خرمه لذا الشي !!
بس قبل تعصبون والله ما دخن بس الشوق الشوق مو اكثر

***

ماكنت بكتب شي بس بوه كلمه تقرقع براسي وبقولها قبل ما اطلع
الحين تمر معاك هـ الامور او لا ؟

تكون بين
(انـا - وهو - وانت ) !

مدري كيف بشرحها لكم بس بحاول الحين اكون (انـا) في طرف وماسك خطي
واحاول قد مقدر ما اتجازو الخط بشي يعني امشي على نفس الخط بجنب الجدار

طبعا ( هو - وانت ) اصدقاء وعلاقتكم مع بعض عال العال وفي السمبتيك
والامور زي الحلاوه

( انت ) علاقتك مع الجميع حلوه ومايحتاج تتعامل بكرم اخلاقك وباصلك وباحترام مع الكل
وتدي الامور نصابها وماتزاود على شي او تعاند في شي
يعني فيك كميه احترام للاخرين كبيره وعلاقتك معهم ميه الميه !

( هو ) انسان حساس شوي وله نظره مختلفه عنك للامور واحيان يعقد امور سهله وكذا
طيب ماعندك مشكله ( انت ) عارف ذا الشي ومقدره ومتعايش معاه حلوين لين هنا

نرجع ليا ( انا ) خوينا فـ الله ( هو) مو معجبه شي فيني وشايفني بطريقه مدري كيف
وعنده تحفظ على كثير من تصرفاتي ( انا ) !

طيب نجي للمهم الحين ( هو ) يتضايق مني ومايكلمني وكذا لان بيننا تتش
الحين له حق يزعل منك ( انت ) عشان تلكمني وعلاقتك معايا عاديه او لازم تقطع
علاقتك معاي يا ( انا ) !!!!

طيب وش ذنبي ( انا ) وايش ذنبك ( انت ) !!

ادري شربكتكم بس بجد شي يقهر من البعض اذ زعلان منك لازم كل اللي يعرفهم يزعلون
منك كمان كيف وليش مدري بس دامني زعلان ازعلو معاي !!

ادوني رايكم !!!

سلام

ماعندي سالفه بس بوريكم شوي من الفضاوه اللي عايشها اليوم
وش خلتني اسوي

يالله اشوفكم بالصفحه الجايه

سلام

ياخي احب ذا التصميم واحب اجيبه كل شوي وخاصه في اول رد
يعطي لصفحه رونق مختلف !!

سلام عليكم وصبحكم الله بالخير ...
نسيت اسلم فرحان بالتصييم انا ووجهي

بدايه جديده اسبوع جديد اقلام جديده واصحاب قديمه كلهم في هذا المكان
مجتمعين حياكم الله جميع

بعض المدونات نفضو اهلهم عنها عجاج السنين ودخلوها ونورونا بتواجدهم
اهلا فيكم جميع بجد لتواجدكم شكل ثاني

نقطه ونهايه سطر

نجي للقافه الحين معقول فيه بنات يكتبون باسماء شباب !!
لاني صادفت شي خلى مخي يلف لف !!

كنت احسب بس الشباب اللي بكتبون باسماء بنات مو العكس !

ماهذا ياقووم ماذا تفعلون بنا

ماعليكم من لقافتي عدوها هالمره بس في خاطري كلمه وقلتها

المهم ماعليكم !!

اشتقت للسوالف فيذا وربي عاد مدري كيف يوم لي ماسولفت معكم
تحلمونن شوي !!

وفيه كذا مدونه ودك تعلق على اللي فيها
بس ماعندي ذاك الوقت تخبرون امس ماخذ اجازه من راسي
وعلى حسابي واليوم بدا الاسبوع بالنسبه لي

يالله خليكم قريب بروح اجيب لكم شي
من مكان قريب

يالله سلام !!