آأإأآأإأم بآآأإأآأك

الحين تعالو هنا ماشااااء الله عليكم النشاط والحركات والاعضاء الطعمين مايطلعون الى
يوم اكون مشغوووول وكذا !!

عاد يجد اليوم عندي شغل وضغط عمل مو طبيعي وربي تقول بكره
نقفل الاداره وماعاد حنا براجعين وش فيهم الشعب علينا اليوم

يمكن عشان مباراه السعوديه بكره وعلى بالهم بنقفل ولا كيف بالضبط !!

ماعليكم مني خلوني فـ اللي صاير حولي حوليا

ياشباب ماهذا اين انتم وش فيهم البنات شادات حيلهن علينا واجد مستلميننا استلام وربي
وحده تمسك والثانيه تقطع وش فيكم !!

يعني مو لها الدرجه ترانا اشناب احترمو الاشناب على الاقل >> وربي ع الزيور شنبه ترا
مو مهم الشعر المهم المعني برا ماهو وقتك انت

الحين استغلو انشغالنا بامور اهم من هذه واستلمونا
بس لازم نوحد الصفوف ونبدا في الهجوم المضاد صراحه طالت وشمخت السالفه
هيبتنا ياولد قاعده تتمردغ قدام عيوننا !!

واللي يقهر مايصدقن يشوفن سطر حش او انتقاد الى لقطنه وهات يارد
حتى لو نايمه تصحى تشرب مويا ترد على الكلام وترجع تكمل نومها

ماهذا !!

واخرتها معكم يعني بتروقو (الدي) وتكبرو (السي) واللا شلون
واشوف اليوم كلام عن دورات وحقوق مراه ومدري كيف ترا نعرف حقوقكم اكثر منكم
عشان كذا مقفلين عليكم كل الابواب !!

الزبده الرد بيكون مبني على دراسات وكذا مو كلام فـ الهوا
الوعد باذن الله فـ القريب الان باخذ لي لفه واشوف الاجواء كيف صايره فيه تحالفات قاعده
تنبي من ورانا وتكتلات معروفه اهدافها ووين تبي توصل

بس مع نفسكم انتن وقيادتكن وكل شي

الحرب خدعه وفن ولا بارك الله بالضعف !

ســـلام

وراي افكار بجمعها وكم شغله بسويها وان شاء الله نبطل هذا التحالف
من انتم !!

خودافس

آأإأآأإم بآأإأآك آأقين !!

اليوم ماعندي شي بعد ماخلصت شغلي الى العالم اللي مساكينا جلد !
بس ببدا معهن باسبتيان او كم سوال ع الطاير ياليت يعطوني رايهن فيه

طبعا لكن الحريه فـ السحب علي كلامي وتخلونه يمر مرور الكرام
ولا تجاوبو وتعلقو بارحتكن مافيه جبر << اقسم بالله قمه الدمقراطيه كفك ياشيخ

لا داعي !

الحين يقال والعهده على الراوي ان المراه تهتم بثلاث اشياء لو
يسوها لها الرجل بتكون من اسعد النساء عنده !!

ويقولون كمان ان المرأه تشوفها من اولوياتها واننا نحن الرجال نهمل
واحد من هذه الامور الثلاث او اغلبها !!

وهذه سبب اغلب المشاكل يبنهم في حياتهم

ودي تدوني رايكم بذا الكلام

وهذه الثلاث امور هي :

( مشاعرها - رغباتها - الاستماع اليها )

طيب لو تححقت لكن هذه الامور اهتمينا في مشاعركن
لبينا رغباتكن واسمتعنا لكن !!

بيتعدل حالكن المايل ولا بتبقون بنص عقل كمان !

بس لاحظوا مع تلبيه الامور الثلاث في اطار مقدرت واسطاعت الرجل ركزو على هذه النقطه
لاني اعرفكن ماراح تركزن عليها من الفداغه اللي في بعضكن

او الاهتمام بامور اقل مايقال عنها مكمله لا اكثر !

عطونا رايكم في ذا المضوع وهاتو استبياناتكم نعبيها لكم بما يرضي الله قبل يرضيكم
ومستعد للاستبيان من الان بس بشرط الاسئله تكون اكثر موضوعيه

وماتركز على اشياء ثانويه او مالها داعي سامعين !!


فـ الاخير

الطيب شاره والضماير صناديـق
والـلاش طيبـه ماتعـدى ظلالـه

وأنا أسبر قلوب الرجـال المغاليـق
والصامت أقطع غايته مـن مقالـه

ومادام في الدنيا رجـال ومطاليـق
نصيتهـم والـلاش مالـي ومالـه

عزا الله مالي وماله .. وسلامتكم

خودافس

ســـلآم عليكم وصبحكم الله بالخير


خميس ومالي خلق ازعل لا تستفزوني !
طربان اليوم مدري وش بلاي

المهم بنكمل موضوع امس وبعلق كذا تعليق خلوني بس اروح اجيب الكلام اللي لقيته
قبل يسون تعديلات او يحذفون كلامهم !

ببدا من شهرزاد بما انها اول من رد على الكلام

ثلاث رغبات اللي تكلم عنها الموضوع بس تشمل اغلب او كل جوانب الحياه
الاسريه المطلوبه لانجاحها !

لو كان تطبيق جزء منها برضوا اشوفه يكفي المهم التطبيق

لانها هي ماعرفت كيف توصل الرساله او كان عندها مشكله
في التوضيح له بشكل افضل دام قعد واستمع لها !! اصلا من يوم
قعد وسمع اجل هو مهتم انه يعرف وش تبي ولا انا غلطان !

انتي تقولي مصروف زياده عن حاجتها اجل بجد ماله لزوم !!
تبشر باللي تبي فيه ومن عيوني بس اللي زياده وش تبي فيه

هنا انا معاك بالنسبه للتوصيل وكذا ملزوم فيه لان ماعندها غيره
او يوفر لها من يوصلها ويجيبها اذ كان مو فاضي حلو الكلام

لانه يكون موظف في مكان غير المكان اللي زوجته تعينت او توظفت فيه
فصعب انه يكون يوصلها او يجيبها يعني معاه حق بذا الناحيه
يا انها ترضى بوظيفه بنفس المدينه وتقبل بالمتوفر من الوظايف او ترضى بالوسيله
اللي راح تتوفر لها ويكون الزوج طبعا مسول عن تدبير هذه الوسيله والسعي فيها

بس مو شرط يكون هو اللي يوصلها لانه مرتبط بعمل وكذا !!

هههاي ببدا من الاخير وسالفه الطوب حلوه وربي بس بتزعلي بنات جنسك
ماعلينا !

شوفي الوفاء بالعهد والوعد مو صعب اذ كان اللي اعطاه قده
يعني بيوفي باذن الله

ثاني شي اشوف الزوج بديهي بيكون الظهر وقبل الاب والاخ اذ الزوجه لقت الحب عنده
والاهتمام وطبق لو جزء بسيط من القواعد اللي قلنا امس

شكرا شهرزاد على الرد وتقبلي ردي بصدر رحب
واذ عندك اضافات اهلا بك !!

لا تبعدون بجيب رد من قريب ثاني !!

بريك وجاي

سلام

آأإأآم بآأإأآك

وزي ماقلت لكم ماراح اترك اي رد يكون له علاقه في كلامنا عن الرجل والمراه
في اي مدونه هنا الى اجيبه واعلق عليه بخليكم شغلتي
بالايام الجايه ان شاء الله

لقيت رد من تنهيده في مدونتها لحظه بجيبه



يعني ملخص كلامها ان المراه ترمومتر الرجل والميزان المعدل له
هذا اللي فهمته ولا انا غلطان ياقدعان !!

لا ياطويله العمر والسلامه مو كذا اما عقله يختل ويصرف وقت طويل
في حل امور صغيره

هذه قويه وربي قووويه ما تتعدى !

وبعدين تلومونا يوم نعصب عليكم عشانكم احيان تقللو من فكرنا
وتختزلو الابداع اللي عندنا بانكم تكونو قراب مننا !!

لا يا امة الله ليس هكذا

المراه مكمله مع الرجل وتستند عليه غالبا وليست موجهه او مدبره لامره
يرجع لها وياخذ برايها ماعندك مشكله بس مو هي ميزانه او مسيره اموره لا !!

ولن يكون الرجل في يوم عاجزا عن التفكير والتدبير الى بوجود امرأه لا !

كل الدلالات والاحداث السابقه واللاحقه والحاليه لا تقول كذا
نحن من يعاون المراه على اتخاذ قراراتها المصيريه نحن من تلجان اليه عندما تتعرضن
لمواقف تحتاج الى التفكير والحل الصحيح في الغالب

نحن من نكون في مقدمه من تلجان اليه في اصغر واكبر اموركن
لانكن في بعض الاحيان تحتجن التوجيه والارشاد والراي السديد !

وايوه في رجال يلجون للمراه في بعض القرارات والامور وذا ماهو معيب في حقهم بشي
بالعكس الاسئناس بالراي لا يضر ابدا

وبس سلامتكم !!


راح ارجع بس اشوف ردود ثانيه لاني اشوف ورده وطيف للان يسخنون للدخول
في الحرب البارده اللي بدات منذ الامس وبتستمر باذن الله طويلا

دام الاختلاف في الراي لايفسد للود قضيه

كونو بخير

ســـلام

آأإأآم بآآإأآك

ونقول بسم الله بدايه تكمله الردود !! فيه ناس دخلو على الخط وناس كملت
ردودها الاولى اهلا بالجميع على كل حال

شاكر اول شي سعه صدوركم ومشاركتكم لو كلامي احيان مايعجبكم

نكمل مع الاعضاء هنا شمس الشتا


انا معاك بذا الكلام وبقووه بعد النساء اسرع مخلوقات الله
نسيان جميل الرجال معهم وهذه عشناها ونشوفها كل وقت
يعني مهما نسوي لهم ينسون بسرعه ويقلبون ع الجانب المايل

هنا ماني معلق ع الجزء الاول لاني ماراح اسلم منكم بس وجهه نظرك
واشوفها صائبه << مو قلت مو معلق

الرجال بشكل عام تقريبا فيه شح من ذا الناحيه الكلام الحلو
واحيان يقولونه بس مو ع طول مدري ليه صراحه !!

صراحه كلامك في محله اقنعني ومالي تعليق بس جبته للافاده وكذا
شكرا شمس ع التعليق الاكثر من رائع

نجي الان لاختنا متفائله في زمن الياس

كلام رهيب وربي وفي محله وداعم لموقفنا بشكل كبير
اهنيك على ذا الروح الحلوه

سامعين لسنى خواتم في اصابعكن ولن نكون

افضل وجهة نظر يسلمك ربي ابدعتي صراحه واظم صوتي لصوتها
ومعاك بكل كلمه قلتيها

بس ليه هنا تخربي كلامك

وبعدين انا ماحشيت وربي ولا قلت الى شي من واقع
نعيشه او واقع نتمنى يكون افضل من اللي حنا فيه الان

ماتوصل للكتل دنا غلبان وربنا

..

المهم هذه خاتمه الجوله الاولى

طبعا ابو العز كلامه في محله ولا لي اي تعليق عليه لانه
يمثلني وبقووووه بعد الله يسعدك ياخوك

ارجعو لمدونة لا شي يستحق واقرو كلامه عن ذا الموضوع


..

هيا بروح اجيب كم رد لا تروحون بعيد

سلام

ســــلآم عليكم وصبحكم الله بكل خير
دخول واحدن كسلان يسحب رجوله وذابحه البرد مدري ليه !

بس بطلع مدونتي فوق مع الدوافير خاصه النفسيات علقو مدوناتهم فوق
خلو العالم ماتنتبه لهم

عاد بجد مين بيطالع للمثبت فوق

المهم على الطاري ببارك لتنهيدهـ وشمس وبشرى فوزهم معنا هنا بالتتويج
بالافضل والاجمل والاحسن على التوالي مبرووكين تستاهلون وربي

فيني كسل لو وزعوه على الديره كلها كفاهم اصابيعي من الكسل ماارفعها عن اللوحه من اول
راميها على لوحه المفاتيح ومغير تتسحب فوقها وتضغط الحرف المطلوب

صح قبل انسى ترى جاوبت على استبيان شهرزاد متى تطلع النتايج يابنت
ليكون بترسبوني عشاني قاعد احش في تعالمكم مع بنو جنسي !!

خلوني انجح ولكم مني ماعاد اجيب طاريكم الى بالخير
لو انكم احيان تغثوننا بنفس الاسطوانات ماتغيروون

صح ماتلاحظون شي الحين البنات بشكل عام ليه حنانات مو من الحنان لا
من الحن اي نطلب الطلب وتعيده طلبه ميه مره مع انها اخذت الرد فـ المره الاولى

مدري ليه زياده الحن !!

يوووه نسيت خلاص ماني حاش اخاف كل ربعنا نلقاهم بكوريا بعد فتره
والله انتن احسن ناس ماعليكم من الشباب اصلا حنا نفسيات

وعلومنا زي وجيهنا وكذا << هاه احد بيسافر كوريا

يالله خلوني اقوم افطر واسوي كم شغله وكم جهاز ذبحونا الغشمان بالاجهزه
مايعرف الى يطفي الجهاز اذ علق

سلام سلام

يووه نسيت اقول قبل اطلع


خودافس

ألا ليت الزمن يرجع ورا ولا الليالي تدور
ويرجع وقتنا الأول و ننعم في بساطتنا !

زمان أول أحس أنه زمان فيه صدق شعور
نحب و نخلص النية و تجمعنا محبتنا !


زمان ما فيه لا غيبة و لا حتى نفاق و زور
ياليته بس لو يرجع و نسترجع طفولتنا !

صغار قلوبنا بيضا نعيش في عالم محصور
و لا نعرف أبد أغراب ما غير عيال حارتنا !

صحيح صغار في التفكير لكن ما علينا قصور
نخطط نكسر اللعبة و تسعدنا شقاوتنا !

نروح المدرسة بدري و نضحك داخل الطابور
نحاول نزعج العالم في روحتنا و جيتنا !

وبـــس

ﺑعض ٲحلاﻣنا :
ﺗبعثر ٲشياء ﻧسيناها ​
كملاﻣح اﻟغائبين
و كلماﺗهم الأخيرﮪ . .

ﺗمر كضوء ﻓي ﻟيل يفقد ضوء اﻟقمر
ٲﺣقا ﺗلتقي ٲرواحنا في ٲحلامنا ؟

ﻟذﻟك ﻧشعر ﺑطيف ﻟقاء ﻋبرنا و صاﻓحنا ​!
و رﺑما عاﻧقنا ‏​​ﻣن ﯾدري !
ﺳلام ﻋليكم ٲينما كنتم . .

ٲيہا اﻟغائبون ☇

.
.
.



.
.
.

بعض الكلمات والصور تجبرك انك تسوي فيها شي هذه صوره بنت وجها يجيب التفائل
مع ورود بيزيدها جمال .. الصوره حقت البنت من مدونة ماريا الدلوعه ارجعو لها

الكلام من عند مدونة تنهيدهـ يعن اني اعرف انجليزي

ماعليكم المهم ادوني رايكم بالتصميم والحركات وكذا فايق مع الصبح ولي فتره مادخلت للفوتوشوب
فقلت اغثكم فيه مع الصبح بذا التصميم ع الطاير !

ماعلينا بس ركزو ع الكلام وربي فـ الصميم ومعبر وكل ابو شي حلو تعرفونه يستاهل
تسووه بعد هذه الكلمات بجد مختصره وتلخص كثير من واقعنا

اللي مصرين نكون فيه وعليه لفترات غير منتهيه الصلاحيه نصر نكون في الم الماضي
ونعيش فيه ونجدده مع انه صار ماضي والماضي ماضي مو براجع !!

بناخذ منه بس الالم والذكرى الحزينه يعني الى متى خلوه يصير ماضي بكل مافيه بالآمه بافراحه
بذكرياته بكل مافيه اعزمو على هذه الشي دعو حاضركم ينحسب من ماضيكم

لان الالم فـ الماضي المفروض ما يوصل للمستقبل للحاضر على الاقل
لا نصير مبشكين عن مفترق الطرق اللي تعرضنا فيه لبعض الصدمات !!

لا هنا المصيبه وعلى قولهم ودك من يكفخهم اللي يمسكون مكانهم اللي صارت فيه الصدمه
ويقعدون سنوات بذاك المكان كان الدنيا مافيها شي ثاني يستاهل نتحرك على شانه !

..

الحين ركزو معايا شوي وابون يور مايند كل ابوكم ( فتحو عقولكم يعني )

الغالبيه تعرضنا لمواقف وصدمات في حياتنا لاننا باختصار بشر وبحكم ذا الشي
راح نتعرض للصدمات في اوقات مختلفه وكثيره بحياتنا هذه !!

المفروض وحسب اللي اعرفه وقريته وسمعته وشفته ومر عليا من تجارب
ان الصدمات دايم تكون هي مفترق الطرق !

يعني تكون ماسك خطك وبدون اي مفترقات وماشي سيدا على قولتهم
تجيك صدمه تخلي طريقك ينقسم لطريقين !! ايوه بيصير طريقين بعد الصدمه

المفروض اننا نختار واحد من هذه الطرق ونشمي فيه ونحاول بقد مانقدر نوصل لنقطه جديده
نجمع فيها قوتنا ونبدا من جديد بشكل اقوى وبتجارب اكثر

هذه فايده الصدمه تعلمنا وتعيشنا تجارب تخلي تفكيرنا شوي ينضج ويتطور وكذا
فلحد يبقى بالمكان اللي صارت له الصدمه واصل وانت متطمن ان بكره افضل باذن الله

وانسى مكان الصدمه وتبعاتها وعيش حياتك باكثر فرائحيه وكذا

..

فـ الاخير

ادري طولت السالفه بس مقهور لي فتره ماقرقرت عليكم وتفلسفت واليوم انطلق
طارق الحبيب اللي جواتي

( نصيحه اخو اللي ماقرا الكلام زين يرجع يقراه من ثاني )

كونو بخير

ســـلآم