ماشاء الله عليكم شادين حيلكم والغالبيه صايرين دكاتره نفسيين
او اخصائيين اجتماعيين

الله يعطيكم العافيه حلو الاستشاره واخذ الراي والراي الثاني احب ذا الشي خصوصا
هنا ف المنتديات

المهم فيه مضوع متابعه بكل تفاصيله وكل شوي ادخل عليه بس بصراحه ماعندي
شي اقدر اقوله او اضيفه ..

البنات هناك والشيخ عبدالرحمن ماقصروا ادوا الموضوع حقه وزياده
طبعا الموضوع لام الجناونه طيف المطفوقه

مدري مين الصاحي اللي يعرفها ويروح لها امزح ترى والله لا تعصبين
اعرفك نفسيه

نقطه ونهايه سطر ...

تصدقون نفر اليوم اشوفه يتلكم عن اصحاب المدونات الحزينه اللي تدخل لها
وانت في قمه وناستك تطلع وانت مخلص علبه سنكرز سوري قصدي كلنكس بس من الجوع

المهم اللي جوهم اغلبه شايل همه معه
نفسي اشوف لهم مره لو بالغلط سالفه مايكون فيها عتاب او الم

والله مبدعين اغلب اصحاب هذه المدونات عليهم خواطر خطيره وكلامهم رهيب
بس لو يغيرون لنا شوي من جوهم

اعرف بعضهم والله ياجوهم ياهو رهيب وراعين نكته وكلامهم يوسع الصدر
بس اذ جو عند مدوناتهم قلبوا ع المود الحزين

نقطه ونهايه سطر

تصدقون لي فتره في شي براسي وبسويه بس ماني عارف كيف ابد فيه
يعني شلون اخطط له وشلون انفذه يبغالي دفه او شي عشان تضبط الامور

عاد بعد مانسم راسي ضيعت اغلبه

يمكن اذ فكيت الغرز تضبط الامور عاد باقي 10 ايام وافكها واشوف
ياتزين الامور يايزيد التنسيم هههههاي



سلام

يقال ان :

من الغباء ان تفعل الشي مرتين او ثلاث وتنظر ان تتغير النتيجه !!

- سلامات ماتشوفون الهلال كل سنه ف الاسيويه والنتيجه وحده

يقال ايضا :

ان البشر كالاشجار هناك من يستظل بها وهناك من يستفاد منها
وهناك من هي فقط تعثر طرقنا !!

- يعني اقطع عرق وسيحه دمه ولا تبكي على اللبن المسكوب

يقال ايضا :

ان أسعد الناس .. هو من أسعد الناس !!

- هذه للاذكياء طبعا ورده وطيف مالكم شغل امزح لاتصدقون
بس بجد من اسعد الناس من كان لسعاده الناس من نصيب

يقال ايضا :

اهتم بمن يرسم لك الفرحه .. فحين يراك في اسواء حالاتك سيعيد فرحتك !!

- اي والله زي صاحب هذه المدونه اهتموا فيه وحافظوا عليه تراه مهدد
بالانقراض ههههههه << برا برا


يقال ايضا :

ان ليس كل شي تفقده يعتبر خساره ففي بعض الاحيان تفقد اشياء
وتتعدل حياتك بعدها !!

- زي سعد الحارثي من يوم راح من النصر جابو الدوري


نقاط ونهايه سطور

في امان الله
سلام

صغار قلوبنا بيضا..نعيش بعالم محصور
ولا نعرف ابد اغراب ...

وانا ما أقول غير الا وحلالاه الزمان يدور
ويرجع للورى فتره ...

صبحكم الله بالخير ياشباب ماعندي شي بس قهر مدونتي
صايره ماهي مع الدوافير وش يقولون عني الرجال !!

ذحين اشوف بنات حواء مسويات مسابقه عن الحش في الرجال !!
بالله من جدكم يعني مالقيتو شي ثاني قلت المواضيع

ماهذا ماذا حصل من انتم !!

لا وفوق هذه يبغوني اشارك معهم بس مو متسابق لا مصمم
يعني عيونهم قويه البنات هنا !!

مسابقه هذا كبرها اغلبها حش بالرجال وصفاتهم
بس حلو الصفات اللي حاطين شوفوها في مدونه الشرهان ( شهرزاد )

المشكله مدري وين المكان بالضبط بروح اشوف مشاركاتهم
المشكله اذ كانت في قسم العوايل كيف بدخل هناك

اللي يقهر اني حذفت الرسائل اللي عندي قبل امس لانها مسويه زحمه شوي
فنظفت الصندوق كله

ولا كان جبت لكم الرساله كلها تهديد وربي لو قلت لا شكلهم ذبحوني
او طردوني من ذا المكان

يالله ماعليكم اهم شي الاخلاق وكل واحد يصلح سيارته
ونصيحه ع الطاير للمشاركات بالمسابقه اختاروا الشخصيات اللي راح يكون فيها حش

لان الحش اسهل بمليون مره من المدح بتبدع فيه الوحده فيكن اكثر
يعني اختاري مثلا شخصيه الرجل المغرور يارباه الفوز مضمون بالضربه القاضيه

يالله خلوني اطلع موعدي امس ف المستشفى واجلته لين اليوم
كنت ماني فايق لهم امس بروح بعد شوي

خايف وربي بس مو خوف زي خوفكم لا خوف رجال
واللي ماهو رجال مستحيل يعرف كيف يكون خوف الرجال

في امان الله

سلام

صبحكم الله بالخير يالربع شلونكم اليوم شلون ربوعكم ومن يعزون عليكم
كلا باسمه من اصغركم لين الكبير ...

يازين الخميس اذ اجتمع مع يوم 25 يكملون ثنائي خطير
نهايه اسبوع وبدايه جيب عمران

اللهم لك الحمد حتى ترضى ولك الحمد بعد الرضى وعند الرضى



للمره المدري كم اتصل على الشباب عندنا في الصيانه
اكلمهم يطفون التكيف ذبحونا بالمكيفات

خلاص شوي واصير رجل ثلج ذبحونا وربكم بالتكيف
مدري ش الحل معهم بالضبط !!

يالله ماعلينا !!

ورده من ذاك اليوم يوم تكلمت عن ان فيه احد دخل معرفها
عشان خطر التهكير وكذا اول من جا ببالي نفر اعرفه شقردي وهو اللي يعرف لذا الامور
اغلب مراقبيننا هنا جدد مايعرفون هذه الحركات

طيف قالبه ( عبده خال ) يبغالها كرتون سنكرز عشان ترجع طيف حقتنا
مشكله عاد اذ مسكت معها الخواطر كثير وش يردها لنا

شكلي بكلم جنونه حارتنا يروحون يم جنونتهم يعقلونها ويدونها سنكرز

شمس تعيشي وتاكلي غيرها تقولين لي انك راعيه مقالب
طلعتي صيدة المقلبجيه هنا اي احد يتعلم يسوي مقالب تلقونه يسويه في شمس

عاد هي المفروض خبيره بذا الشي بس للاسف ضحيه دايمه له
ايوه يابنت العرب كفوك يالذيبه

بس ليتك كملتي معها شوي واخرتي الاعتراف كان احسن << نذل

نجي عند الشرهان حقنا شهرزاد وش فيها صايره ثقيله
ماعاد اشوف لها قرقره وسوالف زي اول شكل البرد ذبحها
او من كثر الخوف من الاختبارات والنتايج حقت القبول صابها تبلد

قوي قلبك ولو تطيرين بالسما ماجايك الى المكتوب لك
فريحي راسك وخلي قلبك على مراسيه وتزين باذن الله

انوش مختفيه عن التدوين كل ابوه مسويه اوبرا وينفري مغير تطالع وتقييمات
طيب مدونتك يالطيبه لها لك عليها حق مريها اكتبي فيها
لو كلمه تجبرين فيها خاطرها

العصبيه الطيبه فلسطينيه بكل مكان قاعده تهاوش احسها قبل تنام
تروح تهاوش نفسها وترجع تنام

يالله خلوني اطلع بروح افطر

خودافس

كنت طالع والله بس شفت لي استفسار في مدونه قريبه من هنا
قلت ياولد دام استفسار يعني فلسفه !!

سحبت لكم التساؤل من عروقه من مدونة فلسطينيه وافتخر
اللي مصره تقول عمو << كذا احسني لا قالت عمو

المهم مالكم في طولت السالفه نسيت كيف اسوي اقتباس
ايه صح تذكرت

في البدايه الاستفتاء تنقال اذ كان فيه اكثر من خيار ماتنقال لمجرد
تساؤل اتفقنا لا عاد تقولي استفتاء لتساؤل !!

هذه ملعبي احب العب فيه بكل حماس ردي بيكون طويل من الان اقول لكم اللي طفشان
يطنش يقراه اليوم ويرجع وهو فايق ويقرا !! اوك !!

open - minded

بالنسبه ليا

- الانفتاح يكون بتقبل التطور بكل اشكاله مالم يخالف ديننا وشرعنا الحنيف
- الانفتاح يكون بتقبل الراي والراي الاخر بدون اي اسائه لاحد والسماع منه
- الانفتاح يكون عقلي قبل اي شي ثاني استقلالي بحت بدون اي تاثيرات خارجيه
- الانفتاح يكون بعيد عن التقليد الاعمي لمجرد الاعجاب الشخصي ..

كانت هذه العناوين او رؤوس الاقلام اللي بتكلم فيها

اهم شي فيه اننا مانستغل الانفتاح اللي عايشين فيه بالتجازوات على الامور الدينيه لانها ثوابت
مهما وصل الانفتاح فالدين اذ تداخل معه هنا خط احمر ولا نتجاوزه بغرض الانفتاح وكذا
ونخليه عذر للتجاوز والقفر على الامور الدنيه ! بعذر الانفتاح !

الامور الباقيه ماعندنا مشكله فيها !!

اشوف ال open - minded

مطلب وخاصه بذا الوقت مشكلتنا نتقيد بامور مالها اي سنع اولها العادات والتقاليد
خلتنا نقفل على امور كثيره المشكله ما للشرع اي علاقه فيها

مجرد عادات ومشت ومشى الكثير عليها كانها امور شرعيه ومحرمات

لازم من الانفتاح في هذه الناحيه اسمع وحكم عقلك في كل شي ابعد عن الحكم لمجرد
الامتناع والخوف من التجربه

open - minded تحتاج قلب قوي وعقل فاهم وثقه كبيره ف النفس
اذ ما توفرت ف الشخص فصعب يكون منفتح !!

العلم اساس او ركيزه كبيره تدخلنا في الانفتاح تقبل الاخر كمان تقبل النقد
تقبل التجربه للامور الجديده تقبل وحب الاتسطلاع

السماع السماع السماع ثم النقاش من اساسيات الانفتاح

عدم فرض الراي لمجرد فرضه وفرد العضلات لا !!

open - minded

للجميع وبس احسني قاعد اخربط من اول والله
بس خلو روحكم رياضيه و open - minded ايفري ون

في امان الله

سلام

اي والله صبحكم الله بكل خير بدايه يوم اول في اسبوع جديد
اتمنى يكون افضل من اللي قبله للجميع !!

حمد لله ع السلامه للعالم اللي منورين القسم اليومين اللي راحن
ياهلا والله ومرحبا ...

هلا بابو العز وسواليفه ايوه يابو خليك كول واطلع بسوالفك
اذكرك يوم كنت اسير وسوالفك خطيره !!

هلا بالجميع وعقبال مانشوف العالم الغايبه كلهم متواجدين بقياده بحه حزن
وقلب صافي وحنين ومرامي وحلم دنياك وكل العالم

الله يسعدهم جميع والله ان لهم وحشه عاد !!

المهم بالله مو قايل لكم الاسبوع اللي راح ياويلكم لو مدونتي تصير بالصفحه
الثانيه !!!!

وش موديها هناك كله من وجيده !! جايه وجايبه الغبار حق الرياض كله معها
ومسويه زحمه صح على طاري وجيده تراني ماني عارف معرفها القديم وهي
باين انها من القدام اللي هنا !!

اللي يجيب لي معرفها القديم له بلاك بيري هديه << الى صح هذه الاجهزه مانقرضت
اذ احد قال بلاك بيري اتذكر نوادر نجد الله يذكرها بالخير مدري ليه

يالله ماعليكم المهم جاي ادف مدونتي مع الدوافير اللي هنا
ولا عاد اشوفها بالصفحه الثانيه ترى اسوي لكم مشاكل

صح على طاري اليوم بداية الدوامات بالسلطنه ايوه خلو العالم تتادب
وتنام زينا بدري ومدراس وقلق ازعجونا بالعطله

ف الاخير

دخلت على كلام شهرزاد ومشاركتها في المسابقه اللي مدري كيف جايه
وكيف نظامها واصلا كيف طريقتها والله ساعه اقرا في الشروط حقتهم
ماني فاهم شي !!!

عاد حاطينها بقسم النواعم دخلت متطلم وطلعت بسرعه اخاف احد يشوفني هناك
الزبده مافهمت شي مشاركه وحده من شهرزاد

وماني شايف احد ثاني !!

يالله ماعليكم اللي فاهم شي يفهمني تكفون

في امان الله يالطيبن

بروح بعد شوي افك الغرز اللي براسي الله يستر بس
يوم خاطوها كنت تحت تاثير المخدر الان مدري ش الوضع

المهم اذ تاخرت اعرفوا اني ذبحت الدكتور

سلام

صبحكم الله بالخير ياوجيه الخير
كيفكم يالطيبين !!

اول شي ببارك لابو العز الاشراف وهلا والله فيك يابو في الطاقم الاداري
واحلى عوده >> تذكرت بعودتنا للدوري

ببارك كمان لشهرزاد الوسام شي تشارك لحالك وتاخذ لك وسام
اقول لكم المسابقه مدري كيف

شمس تقول لي ماهي مسابقه وشهرزاد تقول اخذت وسام وبنت العرب تقول
فازت معنا واخذت تقيم ولايك ووسام

مين اللي نافسها مدري << محد بيحشش والسبه ذول البنات

يالله ماعلينا كل واحد يصلح سيارته

نفر وينك يابو مغير مسوي وكيل الرئيس وخلطات وشغل وتارك مدونتك يابو
ترى لمدونتك عليك حق لا تدعها فتفقر

رحت وطيرت اوم الغرز بس الله لا يوريكم مكروه يوم يسحبونها من
راسك يييييه والله لين الان احس فيه ... اللي يقهر كنت احسبهم
بس يقطعونها وخلاص طلع لا يسحبون السلك او الخيط سحب !!

يالله ماعلينا عدت الحمد لله على خير

واليوم احس اني صرت حر ماني مكتف وكذا ياربي لك الحمد

صح على طاري عندي شي بسويه
ف اليومين الجايات ان شاء الله وابغى رايكم بعدين ومن الان
اللي بيحش يحش مقدما بعدها ممنوع الحش

بلوك وتقفيل مدونه ترى

في امان الله

سلام

صح تذكرت وقبل انسى !!

عاد من ايام الضربه السباعيه على راسي وانا صاير انسى كثير
>> اشبك اول تذكر

مالك شغل <<

ايو صح تذكرت ونسيت اقول لكم اول
انو تقييماتي ماتكون من كم كلمه والسلام لا اذ ماكانت لين ماعاد يقبل حروف النظام
ما احس اني قيمت !!

عشان كذا تقييماتي تكون رساله مو تقييم

وساعات ودي اقيم العضو مرتين عشان لسى باقي عندي كلام ماقلت
بس قهر النظام مايسمح

احس التقييم زي رسايل الواتس احبها بسرعه توصل وتاثيرها اقوى من
اي رساله ثانيه مدري ليه بس كذا راكبه براسي

التقيم تاثيره اكثر من اي شي ثاني في الدعم للعضو اللي انت عطيته تقييمك
على موضوعه او في مدونته يعني بجد له طعم غير

>> افهموها عاد وعطوه تقييمات وكذا

محد كلمه يابو مع نفسك <<

ماعليكم هواش مع نفسي لحد يدقق

يالله لا اوصيكم باللايكات التقييمات لكل من تدخلون مدوناتهم
كونوا كرماء باشياء بسيطه لا تصيرون معقدين ونفسيات

اللايك والتقييم لازم يكون يستحقه الشخص لا مو شرط انا اديك لايك
من باب الدعم

اصلا هو كله جست لايك !!

في امان الله

سلام

كن كمان انت !

سبحانك اللهم وبحمدك استغفرك اللهم واتوب اليك !

نلتقي ف الصفحه التاليه

سلام !