اي والله ان الضعافه ماتوكل خوبز ابكم القوه ياهوو
من جد الحي يحييك والميت يزيدك غبن !!

اعقلها وتوكل ولا يهمك الى اهلك الباقين اسحب عليهم
ما منهم الى الدجه !!

الكلمه اللي تقرقع بقلبك طلعها ولا تهتم خل اللي في راسه شي
يقوله ولا يقعد يحفر لك طول عمره

الشي اللي تبغاه سووه محد بيموت ناقص عمر
ولا الخوف بيطول الاعمار

ابكم القوه قوه والهيبه انت تصنعها لنفسك لا تصير خوخه
خوخه بنت عم المشمش لو تطلعها ربع شاعه برا الثلاجه ساحت

شكلي متحمس وبخرب العالم معاي اليوم
بس وش اسوي لكم الهيبه خيبه

قوووو قلوبكم وسوو اللي بنفسكم ترى العمر يمر اسرع من اللي متوقعينه
ماتدري الى وعمرك عدى وانت مسوي الفاهم المودب الـ مدري ايش

اقول خليك على طبيعتك وكون اقوى اكثر جراه وتحدى الكل
بس لا تعاند على غباء او استهبال

ادري منتهي انا ووجهي بس وش اسوي تحمست

اخر شي وقبل انسى

كونو اقوى
وخميسكم سعيد للمداومين طبعا الناس المعطله بعضهم
توه ينتبه ان اليوم خميس

سلام

وعليكم السلام ياهلا

طبعا ببدا كذا اليوم وتراه رد على سلام شهرزاد في مدونتها لاتزعل عليكم
دايم نقول سلام هأ المره برد السلام !!

المهم ياطويلين الاعمار

كانت غيبه مو مبرمجه وربي شوي شغل وتغييرات اداريه عندنا اشغلتني عن المدونه
ماصار لي وقت زي دايم اقدر اهربت عليكم فيذا

ماعليكم ان تاتي متاخر بعض الشي افضل

عاد تصدقون جاي بسال عن بعض الاعضاء النشيطين فيذا لقيتهم اليوم سابقيني بالتدوين
ومدوناتهم في موقعها الطبيعي بالمقدمه

>> اجل برا

وين برا لا بكمل وش فيك عليا يابو خلني اقول اللي عندي
وبمسك الباب بس لا تدف !!

تصدقون اكثر شي يرفع الضغط انك تكرم احد وانت اول من وقف معاه
وبعدين بكل برود يكون او الناكرين لذا الشي !!

قريت في مكان قريب سوال وشفت الاجابه ترفع الضغط وربي مافيه مقارنه ابد
بين اللي سواه الكريم مع اللي وقف موقف المتفرج الصامت !!

شتان بين الموقفين الثناء راح للمتفرج وصاحبنا الكريم ابن الكرام
ما شاف شي !!

هذه حال الغالبيه مع وضعنا في البلد هنا كرمنا ولله الحمد للكل
بس برضوا دايم يطالنا النقد والجحد والاستهزاء !!

ليه ماندري ؟

بس ان اشاء الله بنواصل كرمنا باذن الله دام هذا نهج حكامنا

>> قلبت سياسي اليوم

ايوه عشان اخرعكم شوي

نقطه ونهايه حكي كلمه تقرقع براسي ولازمن اقولها
مدري يمكن اللي اقصدهم احد فيهم يمر من هنا لو بالغلط

يالله ماعليكم كل واحد يصلح سيارته

على طاري تصليح السيارات وكذا اشوف كثير اشياء تنباق من مدونتي
عيني عينك ولا احد اداني شي لو كاسه شاهي تنفع

مو بس لطش على غير كرم

كونو اكركم تنالو الكرم << اش رايكم بالله

يالله خليكم قريب نطه قريبه للجوار اشوف الشعب وراجع

خودافس << من الكلمات اللي انباقت مني

سلام سلام

وربي ترى امزح كل ابو المدونه والهربيته وصاحبها تحت امركم
لو تبون جوالاتي ارسلتها لكم

فـ امان الله

ذا الرد بخليه لكم وبعلق على بعض كلامكم
في مدوناتكم او تقييماتكم ويمكن يكون اكثر من رد على حسب اللي يوصل ليا !!

يعني استحلمو هربتي شوي !!

هذا الكلام جاني بعد الردود على مباراه السوبر مع ابو العز
اقول كل اللي الكلام كان عن الكوره وللكوره مع شوي كلام بين السطور

ادري اللي ماله فـ الكوره وماتابع المباراه ماراح يفهم شي من كلامي
بس والله ماهو بتحشيش


ربي يسعد منطوق بعض الناس يبدونه بشويه حش وينهونه بكميه ذوق
ماهي طبيعيه

بعدين الدق بالكلام اذ ماتجاوز الخطوط والشخصنه يكون مقبول بنسب كبيره
الاحترام في القاء الكلمه يجبر المتلقي على القراءه بروح رياضيه اكثر

شايفه كيف !!


هذا سوال عن التصميم في الصفحه اللي قبل هذه
وكلمه ( عذاب ) اللي فـ التصميم

هذه ياطويله العمر والسلامه تكتبي كل حرف لوحده او كل حرفين
لوحدهم تقربينهم مع بعض لين تلطع بالصوره اللي تبين

بالنسبه ليا كتبت العين لوحده وبخط مختلف عن باقي الكلمه
قربتهم من بعض وطلعو زي ما انتم شايفين

طبعا اللي بيشوف يروح للصفحه اللي قبل

شايف كيف من جد لسى فيه ناس تذكرك با يام الطيبين ربي يسعدهم
اصلا باين من الاسلوب انك نفر كويس ههههاي ياخي اكتب زين اثر فيك الاسم

رجعت بي الزمن للوراء ايس كلام

يكفي لين هنا بكمل اذ فضيت وبعلق لي على بعض كلامكم
في مدوناتكم بس ان شاء الله افضى لذا الشي

وراي كم معامله محتاجه بصمتي الالكترونيه عليها
فـ امان الله

ســـلام

سلام عليكم .. دخول ع الطاير !!

جاي اجري وداق اللطمه تدرون احيان النصر يردنا للمربع الاول !!
يالله ماعلينا ..

مسجل دخول بروح ارسل لعزو لاشي يستحق الله يشفي ابوه ويقومه بالسلامه
ويتمم عليه صحته وجعلها اجر وعافيه والله يكتب له كل خير

الف سلامه عبدالعزيز ومايشوف شر ابوك ان شاء الله ويقوم بالسلامه
والله يحفظه لكم ويرزقكم بره ورضاه والجنه

...

وبس سلامتكم ماعندي وقت ومشغل اغنيه تجيب النفسيه
على اساس انها رهيبه

شوي واصيح واحذف بجوالي مع الطاقه واحد يصارخ وش ذا

...

المهم لي رجعه وصح قبل انسى حمد لله ع السلامه ماثر وعودا حميدا للسلطنه والديره
ومبرووك العوده للمدارس وعقبال عندنا

عاد باقي لهم شهر وانتم اسبوع ياربي الى يقهرها

اخر كلمه وربي

لي رجعه وتعليق على بعض البشر اجل البزر تزوج قبلك هههاي
فتكم بعافيه خلوني اصيح مع الاغنيه

خودافس

صبحكم الله بالخير .. وش هو اليوم تصدقون مدري وين حنا فيه
بذا الاسبوع متردد اكتب الاثنين او الثلوث من اول !!

من يوم ماصارت الاجازه عندنا جمعه وسبت وللان ماتبرمجت زين
للان اضيع بالايام اول بالاحساس تعرف اليوم ايش

اذ غثيث وثقيل وطفش ومالك نفس اعرف انه الاثنين وانا بنص الاسبوع
اليوم ذا الشعور ماسك معاي من يوم صحيت !!

طلع مو الاثنين بس حنا بنص الاسبوع >> بالله

ماعليكم من التحشيش مزكم لي كم يوم والحاله مخيسه ومجبورن اداوم
لا وفيه كلام عن تكليف كالعاده باجازاه الحج !!! اوم القلق !!

تصدقون ساعات اقول افترح لي فرن تميز واترك الشغل ابرك
بس بعدين اتعوذ من ابليس واجي اداوم يالله ماعليكم حلطمه نص الاسبوع تحلمونا شوي

الحين اللي عاطلين يذبحون انفسهم عشان يلقون وظايف وكذا
والمجازين يقولون طفشنا من الاجازه وودنا نرجع نداوم
حنا المداومين وودنا نظلع اجازه او نعطل شوي !!

سبحان الله البني ادم زي الانسان اذ توفى مات

>> وسمي اطلع برا وش قاعد تقول

اقول لك مزكم لاتدقق يابو الشباب

المهم انو محد راضي بوضعه وبنموت وقليل اللي راضي بوضعه
لو ترضى لفتره الى ماتطفش بسرعه لاننا بشر القناعه مو مسيطيرين عليها صح

قناعتنا تجي وتروح زي نفسياتنا تلعب فينا لعب شوي فوق وشوي تحت
الزبده ارضى باللي معاك واقبل الواقع اللي انت عايشه

ولا تخلي اشياء بسيطه تعكر عليك جوك

اقول خلوني اطلع وربي مدري وش قاعد اقول

فـ الاخير

الرضى راس مال القناعه والامل راس مال السعاده

كونو بخير

سلام

كلو نفرات كلام كذا !!
كل واحد يرمي البلا على الثاني وشايفه ان الصح كله معاه !!

عشان كذا الكوره مدوره والارض مدوره
وعشان كذا لحد يعمم شي على الكل .. لانه باختصار نحن مكملين لبعض

بحسن اخلاقنا بسوءها نبقى مكلمين لبعضنا ومختلفين عن بعض
حتى لو كنا اخوان !! حكيم ياشيخ هههاي

كل ذا بعد هذه الحمله !!

ومسويه شعار للحمله بعد ياربااااه بجد ان كيدهن عظيم
هذه الشيخه قعدت كم اسبوع عند الخواجات وجات متغير فكرها وصايره مناهضه للمراه

وضد الرجل يابنت وش فيك كيف لو جلستي سنه وش بتسوين فينا
شكلك بتقودي حمله للاباده الجماعيه لنا !!

حلو حطتنا جميع بعلبه وحده باقي بس ترمينا باقرب بحر
وش هذا يالدافوره مو كذا توكل الكتف !!

شوفي كلام من اهلن نون النسوه

هنا طبعا الكلام عن الرجل او نوع بسيط من انواع الرجال
اللي اشوف غالبيتنا منهم ولله الحمد والمنه

ايوه كذا يكون الكلام اللي يبرد الكبد ويسر الخاطر
شكرا

يمين اقرا وانسخ والصق واصفق بنفس الوقت
ياربااااه كلام رائع منك سيدتي

نختم بكلام صاحبه الحمله وهو لب الموضوع
واعتراف يحسب لها صراحه

مع اننا بعيد جدا عن التخلف بس مايمنع ان فيه عينات
متخلفه بكل مكان وبكل جنس من الاجناس

بس متفقين ان سبب هذا التخلف واحد

لا حظو ماقلت لشي مجرد اقتباسات من هنا وهناك
كلامكن انتن من يتحملن نتيجته

نقطه ونهايه سطر

صح قبل انسى صاحبه الحمله الفاشيه الخونفشاريه هذه ورده
واللي ردت وعلقت على الموضوع تنهيدهـ

وخويكم سوى اقتباسات وعناوين لبعض كلامهم

خودااافس

وضعي كذا اليوم كسلااااااان وبالقوه مداوم وعيوني بالقوه افتحهن
حمر بشكل ماهو صاحي لو كات فيهم فيمتو ماكانو بيصيرن كذا !!

عاد من زود الكسل معه تناحه يبغالك تعيد الكلمه ميه عشان
استوعب انت وش انت قاعد تقول !!

العالم بوادي وانا بوادي وكلا على ليلاه يغني
وليلي مالظاهر بتدري عن احد فيهم

فيني عصبيه ماهي صاحيه اليوم واظن بضرب اي احد يرد عليا اليوم
ويمكن تسيل الدمي للركب ويمكن اسحب لان ماعندي سالفه

المهم النيه الضرب والقدره الله اعلم فيها !!

ذبحت الشعب العصبيه الزايده مدري وش فينا نار كبرى على قولتهم
اغلبنا نفسه براس خشمه

احس للنوم دور بذا الشي مدري وربي لاني مانمت زين البارح
صاير نومي زي غفوه المنبه فـ الجوال كل خمس دقايق اصحى

محد راضي يديني تجاهل ويخليني ارتاح وانام

المهم لحد ياخذ بخاطره لان الخواطر رضاها ببعض الاحيان ماهو بسهل
ترى الامور ماتجي زي مانبي في بعض الاوقات

اوبن مايند قايز >> دنا انقليزي ياوسمي

ابعد هناك وش يدريك انت خلني اخلص وبروح انام
عاد اللي يديني عذر اسحب به ع الدوام له تقييم يطيب فيه خاطره

عطوني اعذار وربي لازم اسحب ع الدوام بروح انوم على قول اهل نجد
انوم هههاي وربي لاسمعتها من جد فله

هيا خلوني اطلع

سلام

سلاآأإأآم عليكووووم ياشله !!

هلا والله بالعياأإأآأإأل هلا والله ارحبوووو ياولد زينو القهوه يابناإأآأت
اهلين بالشباب والصبايا القاطعين

هذا نفر وهذيك طيف ماشاء الله جواكرت التدوين جم مع بعضهم
الحكاواتيه اللي صايره بس تتحلطم بعد شهرزاد فيه هلا والله

وورده مواصله هربته هلا والله بعد تو مازانت السوالف
التنهيدهـ شوي تنسى برستيجها وتطلع الهربته اللي عندها ولا تذكرت
رجعت تكتب خواطر واشعار !!!

الشمس وراها صايره ماتنشاف وللا السما فيها غيوم !
انوش وشووق لتواجدهم اناقه هلا والله فيهن

خلصت التراحيب بالجماعه اللافين واهلنا اللي معنا كل حين !!

نجي للمهم اول شي بحط لكم ذا الكم اقتباس

اول مادخلت الصبح لقيت هذه الرساله وطبعا عيوني كويذه
من البارح يوم شفت المدونه مقفله

ربي يسعدك يارب من طيب اصلك هذا تقييم من مراقب يسال
نفس السوال وخويكم لسى عيونه كوذيه



ذا ثالث رد عن نفس الموضوع من الشيخه الهربتاويه ورده

وكويس ان المدونه فتحوها قبل يدخل نفر وطيف وتكمل الاسئله والتحقيقات
المهم اللي قفل المدونه يقول لكم قفلها بالغلط

ورجع فتحها بعد ماتذكر طال عمره لانه كان ناسي
لو مدونتك مانسيتها بس يالله الشكوى لله

عاد عصبت البارح وكنت بدخل افتحها قلت لا لازم ياخذون البصمات
ونعرف مين قفلها فخمدت ونمت وصحيت اليوم ولقت الامور

طيبه واللي قفلت المدونه تعوذت من ابليس وافطرت
وشكلها بعدين تذكرت انها قفلت مدونتي الحمد لله على سلامتي انا ومدونتي

تخيلو اصحى بيوم وملقاها شكلي افقد الذاكره
مدري والله

بس كلو الى مدونتي ترى تطير بها رقاب وعاد الحروب ماعندهم لعب
شغل الشاص والرشاش ورا المقعده وادعس يابو الشباب

<< ذا هو تختيم الهياط

خلوني اطلع ولي رجعه باذن الله بعد الظهر بقوم اتقهوي
واصلي ثمن راجع باذن الله فيذا

خودافس ,, ترى اللي قفلو مدونتي من كثر ماهي عاجبتهم
ذا الكلمه حتى سروقها حسبي الله ونعم الوكيل

فـ الاخير

لا تحسبوني اتضايق من الكلام لا وربي بس اهم شي تحلموني في بعض تجاوزاتي

سلام سلام

أي وربي الحمد لله على كل شي الحمد لله في كل وقت
الحمد لله موصولا حتى يرضى سبحانه وتعالى

اللهم ارزقنا الرضى بقضائك وقدرك واكتب لنا كل خير

اشكر الجميع بلا اي استثناءات او تعقيدات كان لتواجدكم شكل اخر
كل هذه المده ورغم كل هذه الخربطه اللي احطها هنا

يسعدني دائما زيارتكم لها والتشرف بوضع بعض من بصماتكم
هنا !!

هذه الرد الاخير بس ترى في الصفحه مو فـ المدونه
لازم اشكر الجميع

شكرا لكم بحجم كرمكم وتعلقياتكم وكل شي يكون لهذه
المدونه جزا منه !!



كرم اخجل من وصفه او تصويره شكرا لكم جميعا والله ان تواجدكم
من كثر ما ابحث عنه هنا لا اكثر

شكرا لمن غاب وحضر وابدع في نثر هذه الكميه من اللايكات
شكر لهم

فـ الخير وقبل اخلص واقلب ذا الصفحه



كونو بخير استودعكم الله ربي الذي لا تضيع ودائعه

سلام

الله أكبر ... الله أكبر

اذن الفجر في المدينه الان يازن اصوات المساجد والاذان يتردد منها
اللهم لك الحمد حتى ترضى على هذه النعمه

شعور رهيب وربي مع هذا الامن والرخاء اللي حنا فيه
اللهم ادم علينا هذا يارب العالمين

مو بالعاده اجي بذا الوقت الى ايام رمضان قبل كم سنه يامسرع الايام
عاد مدري كيف عدت !!

فيه ناس تقول لي اني تغيرت بعد مروري بثلاث تركيبات
من يوم عرفوني هنا بالمنتدى لليوم !

واسهبو صراحه بذا الموضوع يعني لامسو بعض من الواقع
بنسب مختلفه بس بجد اذ احد ذكرك باشياء قديمه وكذا

تحس وتشعر بالتغيير اللي صار لك !

عشان كذا الكتابه تساهم بشكل كبير في معرفتنا للتغيرات اللي نمر فيها
بعد ماناخذ لمحه سريعه عليها

وتعلمنا كيف تغيرت طريقتنا في الكتابة جذريا وتفرح لما تشوف التغيير
للاحسن ههههاي << كمية ثقه

أيوه ثقه ليه طايح من عينك << طيب لاتدف كمل خلينا نسمعك

يمكن وليد ومزون وعالي مستواه والمستشار اللي اقدم مني تو معاي هنا
الباقين اغلبهم بعدنا !!

لكن درسو الأسلوب بطريقة عجيبة صراحة خلتني أفكر وأرجع لبعض من
كتاباتي فيذا !!


انشغلت بالموضوع وقلت لازم اطرحو هنا وأستمتع بآرائكم اللي يهمني
كثير منها !!

يالله بشغلكم شوي عطوني رأيكم بالموضوع ذا
وبحط الاجابات هنا

خودافس حقتي لحد ياخذها سمعتو

يالله سلام