ام باااااك

هلا بالعياااال شوي فكت النفسيه المخيسه يمكن لاني اخذت لقه
ف المدونات وكذا مدري ..

ماعندي شي بس ابي اقرقر دام المكان حقي !
اول شي بشكر المشرفين معنا هنا على شغلهم اللي بدو فيه من امس واليوم

شكرا تنهيدهـ انتي وغلاهم ويعطيكم الف عافيه
بجد شغلكم اكثر من رائع مبدعات وربي وكلامي فيكم ماراح يوفيكم

حقكم شكرا لكم مع اني شايل على كل البنات بعد حشهم فينا
عاد فينا حنا الشرقيين تعصب للعرق وكذا

بس تستاهلون الشكر وربي وشهادتي فيكم مجروحه

المهم

تنهيده ماسكه مووضوع ( حزر فزر مدونه مين ) في ملتقى الاعضاء
وللان اليسال واللي معها كل ماجابت موضوع عرفو بسرعه ههههاي

بس ماعليك يبغالنا نغير الخطه عشان نصعبها عليهم

للمشاركه من هنا

غلاهم ماسكه ( لقاء مع مدون ) وكذا واول ضيفها استضافتها
المشرفه العامه ( انة الحرف ) يعني بدايه قويه مع ضيفه مميزه

ابدعتوا صراحه تنهيده انتي وغلاهم وبالتوفيق لكم وللجميع

طبعا الدعوه عامه للمشاركه معنا

لمتابعه اللقاء من هنا

اتمنى تشرفوونا وربي بتواجدكم يكتمل عملهم
شكرا للجميع

وفعاليات ممتعه بادن الله

سلام

سلام في يوم وطن يكمل فيه وطني عامه 86
كل عام وانت بخير ياوطني ...

الله يديم علينا امننا وقادتنا واهلنا اللهم لك الحمد
وربي اننا في نعمه الله يديمها علينا ولا يغير علينا

...

المهم الحين ليش شادين حيلكم في التدوين وحاذفين مدونتي
بالصفحه الثانيه يعني وش اسوي لكم !

شكلي بحط الرقم السري حقي هنا واذ شفتو مدونتي بتصير بالصفحه
الثانيه واحد يدخل يكتب اي شي وهكا عشان البرستيج

يعني مديركم كلكم وادور مدونتي لين اتعب مايصير ياشباب

يالله ماعليكم

الحين شهرزاد الله يصلحك كل يوم حاذفتني بحض باهشه < اللي يعرف وش تعني
بعطيه علم السعوديه هديه

المهم ذاك اليوم برج القرد - اليوم الديك هههههاي شكلي بكره الذيب
عاد ابي الذيب مالي دخل شوفي لي واسطه

انتي وابراجك بعدين الحين اقرا في ابراجي كل موقع يعطيني صفات
غير خلوني نفسيه ومتعقد ومدري كيف !!!

صح قبل انسى ..

لايفوتكم استضافة المدونين اليوم ضيفنا كان نفر
وبكره دور الدكتور المبدع عبدالرحمن

زورونا وشوفو ضيوفنا لايفوتكم

متابعه ممتعه


خودافس

ســـــلآم عليكم .. حيآكـم الله فــيذآ

ركزو في الكلآم اللي فوق زين بجد ترى السعاده ماهي صعبه عشان نعيش
اجواء الحزن دايم !

ياحب الغالبيه للحزن وياحبهم للكلام اللي يجيبه
عشان كذا وبما اننا في القسم ذا من فتره مسوين حركتات وكذا فقررنا ناخذكم

فـ رحله للمكان اللي فـ الصوره فوق بس بشرط تعرفون وين المكان ذا فيه
اول عشر اجابات تذاكرهم علينا الباقين مع نفسهم

لا واللي يعرف المكان وين يقول بعد صاحب الكرسي ذا ولد او بنت !
وايش معاه جوال ومتزوح او لا !!

ولا فيه خيارات ولا مساعده انتم وشطارتكم ! الوقت مفتوح يعني معاكم
لين السنه الجايه وباذن محد يجيب الاجابات >> وش

امزح امزح

ايون نجي للمهم ماعليكم من خربطتي اللي فوق واحدن مهوي
واصحي من الفجر ولسى مفطر وايش بعد كسلان ونايم متاخر

ويداوم لين خمسه العصر والان تو مرت ساعه ع الدوام وباقي سبعه
اللي حزنته يصيح عادي ماعليكم

وش كنت بقول

ايوه تذكرت لا تقعدون بمكان واحد لفتره طويله خاصه جنب الافياش
ترى مايروح الطفش >> كانك تقصد احد

لا لا مقصد تنهيده من يقول !

بعدين تعالو هنا ماشاااء الله عليكم وربي شادين حيلكم بالتدوين ايوه كذا
خلونا نتحمس معكم خلونا نطلع الدرر معكم !!

فـ الاخير

لا ترووحو بعيد بروجع بعد شوي بس بفطر وامخمخ ع الشاهي وراجع

سلام

وقفه مع مدونتي (يعني مع نفسي)

مدري من وين ابدا الكلام وكيف بنهيه لكن بتكلم بدون ترتيب
ولا شي هي صور بجيبها بس !!



هذه البدايه ايوه من قبل ست سنوات وشوي افتتحت ذا المدونه
وبذا التاريخ المميز وكان يوم اربعاء مراح انسى ذا التاريخ ابد

تعمدت ااخر افتتاح مدونتي لين ذاك التاريخ الايام مع الشهر ومجموعهم
بالله وش رايكم مميز من يومي صغير

اللي قاهرني الواحد اللي فـ الوقت لو قدمت شوي وصار 10 : 20 وربي اكشخ
بس يالله علق الرد شوي وقتها وتاخرت فـ تنزيله

ماعليكم يعني لو كان بزر يمديه الان بيدخل المدرسه هههاي



نجي للاهم عدد مشاهدات وزوار مدونتي المنتهيه هذه من يوم
تم الافتتاح لليوم

تجازوت ولله الحمد (200) الف مشاهده في هذه الفتره
يعني يمكن الرقم الاكبر بس يسبقني بمراحل انكـسار الله يذكره بكل خير
وعلى طاريه اللي يعرف عنه شي يبلغنا عنه وربي فقدناه الله يذكره بكل خير

طيب تجاوزنا الميتين الف هذه بحد ذاتها تكفيني اشوف نفسي
عليكم كم سنه ضوئيه قدام



نجي هنا لمعدل التقييم وكذا برضو قدرنا نتعدى حاجز الميه وستين الف نقطه
وذا بدعمكم بمتابعتكم بكرمكم

بكل شي سويتوه لذا المدونه اللي من جد احيان كثيره
ودي اقفلها وافتح جديده بس قلبي مايطاوعني

شكلي بدور تاريخ مميز ثاني افتتح مدونه ثانيه

لان فيه ناس بس يدورون اخطائي وزلاتي ايام البزرنه وكذا
ويذكروني فيها عاد يافيه فضايح بذا المدونه

بس مين يلتفت مع ها العدد من الصفحات



اخر شي هذه عدد التنبيهات وطبعا الغالبيه منها لايكات وكذا
او تقييم او رسايل بس خلوكم من التفاصيل

العدد ذا حصيلة الاسبوع من الاحد لين اليوم ولا حظو طول الاسبوع
مانزلت شي يمكن رد واحد بس

لكن كرمكم وكذا هو اللي يفرق الله يسعدكم جميع

بجد لو مهما اقول ماظنيت بوفيكم حقكم ابدن ابدن

شكر للجميع واهلا فيكم بمكانكم وحياكم الله باي وقت واني تايم


قبل انسى لي وقفه مع التقييمات قريبا ان شاء الله

..

نقطه ونهايه سطور

حبيت بس اشكركم واحط بعض ارقام ذا المدونه هنا للتاريخ
مو اكثر

كونو بخير وبس

خودااافس

دخول قبل الطلوع !

ماندري وش يصير حولنا نتعجب للوضع ونكتفي بابتسامه صفرا على قولتهم
عاد نفسي اعرف وشولون تكون الابتسامه صفرا !!

مدري بس احسها ذيك البارده اللي تبتسم وعيونك تطالع فيهن السقف
وكان يقول لك ايوه وبعدين !!

ماعليكم تذكرون يوم اقول لكم الصبح اننا باول ساعه وباقي سبع ساعات
يارباااه الان بقى نص ساعه من هذه الثمان اللي كانن اول

عدى الوقت !!

يمكن الاشياء اللي سويتها ماتنعد بس افضلها الدعم اللي احس نفسي اديه احيان
للبعض اشاركهم شوي افراحهم واحاول ادعمهم في لحظات نفسياتهم الماش

وتخليصي لبعض المعاملات والمراجعين برضو شي حلو
تلقى لك دعوه من قلب تنسيك التعب اللي انت فيه !!

يازين الخدمه يوم تطلع بقلب وبنفس وتلحقها دعوه انسان كبير بالسن
يارباااه من اجمل اللحظات !! وربي شي !!

صح قبل انسى !

عندي لكم بكره خبر بمليووون دولار لا ترووحو بعيد
والله يستر من بعض البشر شكل بتصير علوم
المهم الوعد بكره ان شاء الله



ســــلآم

گل يۆم
تعيشہ هو هديہ من اللہ ..
• فلا تضيعہ بـ/ ٱلقلق من ٱلمستقبل
• أو ٱلحسرھ على ٱلماضي
فقط قل { تۆگلت على ٱلله !


♥

صبآح الخير ..

ســلآم علـيكم .. وصبحكم الله بكل خير ! مدري من وين ابدأ الكلام
فيني كميه ربش ومددري كيف راح ابدا الموضوع وكذآ

اول شي افهموا الكلام زين قبل تحكموا او تتكلمون حلو يعني اوبن مايند !
ادري فيه ناس بتتضايق من كلامي اللي راح اقوله وادري فيه ناس
بتفرح او بتكون مرتاحه شوي .. بس اللي متاكد منه ان بعضهم بيمر مرور الكرام ولا راح يدري عن شي

ماعليكم اهــم شي الآخلاق وكذا << شكله ناوي يخطب

تعلمنا من يوم كنا صغار ان لكل شي خط نهايه يبتدي منها مشوار ثاني
او ياخذ فيها الشخص قرار بتغيير شي حوله او فيه

وصلنا هالسنه للنهايه هذا الطريق والان واقف بنهايته !
مدري كيف بيكون بكره وكيف راح يمر ووين راح اكون وذا كنت موجود كيف بيكون تواجدي

هذه اخر رد لي في هذه الصفحه وهذه السنه بكبرها !!

ايوه اخر رد لي في هالسنه وبغيب الين السنه الجايه اذ الله عطانا واياكم العمر
والصحه راح افقتد تواجدكم ومدونتي وكل شي

بس باذن الله الوعد السنه الجايه

هذا اذ الله كتب لنا العمر راح اخذ استراحه طويله شوي هي ماتفرق عن العاده
بس هالمره بغيب لين السنه الجايه وببدا باذن الله معكم

من العام الجاي صفحه جديده باذن الله وربي ودي اسطر كل الاسماء
هنا كنوع من رد الجميل وكذا بس اخاف اكتب وانسى احد وانا ماودي بكذا

كلكم لكم معزه وقدركم وربي عالي وتنحطون ع الجروح تشفى
استمتع وانا معكم هنا واكون في قمه اريحيه وراحتي يوم اكتب اي شي فيذا

تحرجوني بكرمكم بطيبكم بتواصلكم بكل شي تسووونه

اعجز عن الشكر وربي اعجز عن التقدير ورد الجميل
احسن شي بالموضوع مذكر بيوم اذيت احد او سببت له اي مشكله بالعكس كنت
قريب من الكل واصلا احب اكون قريب من الكل بنفس المسافه

واعرف المسافه اللي المفروض اخليها بيني وبين الكل وكذا

المهم زي ماقلت لكم الوعد باذن الله السنه الجايه
استودعكم الله الذي لا تضيع ودائعه

وان شاء الله القاكم في العام القادم وانتم باحسن حال

لا اوصيكم على المدونه خليكم قريب منها وبخروها وكل شوي احد يجي
يسقي الزرع اللي فيها ولا تتركونها للغبار

وبس سلامتكم

نلتقي باذن الله على خير

في امان الله ... خودافس !!

الــسلآم علـــيكم .. ورحمه من الله وبـركـــاته
وكل عام وانتم بخير وصحه وسلامه في بدايه السنه الهجريه الجديده وبدايه موفقه باذن الله

اول شي قبل اقول شي كلامي للناس اللي فهمو اخر رد لي فـ الصفحه اللي قبل هذه غلط
ترا مو ذنبي انكم فهمتوني غلط

اعذر بس اخواننا العرب لانهم مايتعاملون بالتاريخ الهجري اللي اليوم بدايه سنه جديده فيه
اما الباقين لا ما اراح اعذرهم واولهم طيف جايه مدرعمه وكذا

...

المهم كل عام وانتم بخير

الله يجعل ذا السنه سنه خير وبركه على المسلمين ويبلغكم فيها اشيائكم وامالكم وتطلعاتكم
وكل شي الله يغير احوالكم للافضل باذن الله

...

اعزموا على التغيير توكلوا على الله في ذا الشي كونوا اقوى من العام وقبله
ابدو في رسم منهجكم من بدري وش تبون تسون بذا السنه

خليكم عارفين وين بتوصلون لو لا قدر الله وماوصلتو اسمكم حاولتوا

...

لحد يقول ببدا من بكره او لازم اتغير وتعدي الايام وهو لسى ماسوى شي
ابدو من اليوم بالخطوات الاولى وتحديد بعض النقاط سلجوها عندكم

مو شرط تسووها على طول بس على الاقل خلوها عندكم عشان ترجعون لها كل شوي
ودعوا التكاسل والتوكل على الغير كونوا اقوى شوي

الهمه لا بارك الله بالرقاد هيا بسم الله

ابدو في نفض الغبار عن افكاركم المصديه بدلوها بافكار اكثر
نشاط وعزيمه !!

كان عندي هدف قبل اريع سنوات من الان اخذ البكالريوس والحمد لله اخذته
ها السنه الخطه ع الدبلوم التربوي واختبارات الجامعيين في الطريق للماستر

هذه ثلاث اهداف للسنه هذه باذن الله راح اتجاوزها بشوي من الاصرار
ثنين قريب باذن الله بسويهم الاختبارات والتقديم باقي الثالث ماراح يجي الى بعدهم

دعواتكم ان الامور تتسير باذن الله

...

هيا سوول لستتات بتتطلعاتكم بذا السنه

الله يوفقكم جميع فيه بفمي كلام واجد بس لا زم اخلص اللي عندي الان وراجع باذن الله
ودي اعتذر بس راح زمن الاعتذار ههههاي

مع نفسكم وانا مع نفسي

سلام