تويت
مشكورة
يعطيكى العافية
كتير روعة الروايه
كمليها بسرعة اوك
تحياتى الك حبيبتى
يعطيكى العافية
كتير روعة الروايه
كمليها بسرعة اوك
تحياتى الك حبيبتى
-
-
مشكووووووووووووووووور على مجهودك بس بليززززز كمليها انا سجلت في النتدى علشان الروايه
تعليق
-
يسلموووووووووووووووووووووو حبيبتي تعبناج بس الروايه رووعه وحلوه ..
انشالله ما اطولين عليها وكمليها..
بس في ابالي سؤال اذا ممكن بقيت اعرف جم جزء الروايه..
ومشكووووووووره..تعليق
-
مشكوووووووووووورررررررررررررررره ياعمررررررري ماننحررررمتعليق
-
الجزء الثاني والعشرون ( الثنين وعشرين ):.
بعد اسبوعين تقريبا من الاحداث السابقة ... حال ابطال قصتنا .. الوضع ما اختلف كثير عند بعض الشخصيات .. بينما عند بعض الشخصيات .. الفرق واضح وضووح الشمس ..
(( شقة سعود ودلع ... يوم الاحد ))
( الساعة 11 وربع )
وقف دلع وقلبها يدق : طيب طيب ...
راحت لعند الباب وفتحته : ها بشروا ...
لينا والدموووع على خدينها والكحل سايل : اهئ اهئ ....
دلع فتحت عيونها ع الاخير : لينا..!!! شفيك تصيحين..؟؟ ايش صار..؟؟
لينا عطتها الشهادة ودخلت تصيح ع الكنبة .....
دلع اخذت الشهادة وقامت تقراها بصوت عالي : الرياضيات 83 من 100 .. العلوم 94 من 100 ... التعبير 96 من 100 !!!!! ليش يا لينا بالتعبير..؟؟؟ النسبة 97.5% ... ( رفعت راسها مبتسمة ) طيب حلوة نسبتك ... 97% ايش تبغي احسن من كذا ..؟؟ والله حلوة ....
لينا : اهئ اهئ ... انا ادرس وادرس ف هالرياضيات اخرتها اخذ كذا ..؟؟ ما ابغى .. ما ابغى ....!!!!!!
دلع قعدت جنبها : فهميني بس وش تبغين..؟؟
لينا : ابغى مية بالمية ..!!!!!!!!!!!
دلع فقت ضحك : هههههههههههههههههههه ... الله يهديك بس ههههههههههههههه
لينا عصبت : ليش تضحكين ....؟؟؟
دلع مسحت دموعها من الضحك : لانه وحدة زيك .. لا تدري ولاشي .. وقاعدة 4 ايام ف المستشفى قبل الاختبارات .. ومقضية السنة ف الاسواق والحفلات .. شلون بتجيب 100%..؟؟؟ فهميني...؟؟؟؟
سالم دخل : قوليلها هالهبلة ... نازلة صياح من الصباح ....!!!!
دلع قامت : بشر انت ... كم جبت ...؟؟
دخل فيصل وراه : هاي ...
دلع : واو .. كلكم جيتوا ... بشروووني انتوا ... نجحتوا..؟؟
سالم نقز من مكانه مستانس : نحجت ...!!!!!!!
دلع فرحانه مرة : احلف...!!
سالم قرب ووراها الشهادة : والله العظيم شووووفي ....!!!!!
دلع شافت الشهادة : ناجح ف المرحلة الثانوية بنسبة 95% .......... واو .... حلووو ... مبرووووووووووووك ....!!!!!!!!!!
سالم : الله يبارك فيك... بس لسة ما شفتي الدافووور اللي واقف كم جايب .. هب عليه ...!!!!
فيصل خاف وخبا شهادته : اقوووول تقول ماشالله لا افقع وجهك الحين...!!!
سالم : ههههه ماشالله ماشالله .. فكنا ... من الصباح واحنا نسمي عليك وانت للحين خايف احد يحسدك..!.!!!!!
دلع : اشوووف فيصل كم جايب ...
عطاها فيصل الشهادة : ناجح بنسبة 98% ..............!!!!!!!!!!!!!
طالعته فاتحة عيونها الثنتين : u R amaaaaaaaaaaaaaaaaaazing!!!!!!!!
فيصل خق بعمره : احم احم ...
دلع : اقعدوا ارتاحوا .. وانا بسويلكم احلى فطووور ..
ارتفع صوووت لينا بالصياح : اهئ اهئ ....
سالم حقرها وما عطاها وجه .. ودلع راحت تسوي لهم شي ياكلوونه لانهم ما فطروا من الصباح .. اما فيصل فراح يهديها شوي ...
فيصل : لينا يا قمر وش فيك..؟؟ ليش الصياح..؟؟
لينا : اهئ اهئ .. درجاتي مو زينة ...!!!
فيصل : طيب نسبة 97% مرررررررة حلوة يا لينا .. شفتي حتى اخوك ما جابها ... وشوفي شلون فرحان ....!!! احمدي ربك ... غيرك الحين راسب وبيعيد السنة ..
لينا : والله ..؟؟ يعيدووون السنة ..؟!؟!؟
فيصل : أي والله يعيدونها ....
لينا وقفت صياح : حرام ....!!!!
فيصل : ههههه دلووووعة وحدة .... قومي غسلي وجهك ... دلع بتسوي لنا فطووور حلوووو الحين ....
لينا تذكرت : لا ما ابغى افطر .. مسوية ريجيم ..
فيصل عقد حواجبه ورفع يده الخفيفة باصبعين : ليش..؟؟ من متنك..؟؟ ولا من زووود اللحم اللي بجسمك...؟؟
لينا : لأ ... بس وراي حفلة بعد اسبوووع لازم احافظ على جسمي حلووو عشان اشتريلي فستان يناسبني ... ما ابغى امتن ...!!
فيصل باس يده وحطها على راسه : الحمدلله والشكر .. ربي عافينا ...
حذفته لينا بالمخدة : حمار ...لا تتظنز ...!!!
___________________________________
(( بيت ابو عوض ))
( الساعة 12 الا ربع )
دخلت اروى غرفتها مستانسة ... سكرت الباب وتسندت عليه ....
مرت بطريقها على المسجل الموجود وضغطت على play ... وارتفع الصوووت ف الغرفة..
يا ريت اللي معاك يعوود
تعب قلبي ينادي يعوود
احلى ايامي عشت وياك
وشلون اصبر على فرقاك ..
أنسى روووحي وما انساك
تمشت ف الغرفة وهي تطالع الصوووورة من بعيد .. تتاملها وتسرح فيها ...
اناديلك .. متى ترجع..؟
احس بقلبي يتقطع
حبيبي ليش ما ترجع ...؟؟
يا حب بداخلي موجوود ..
دمعت عينها .. دمعة خلتها تتذكر كثير اشياء ... كثير ذكريات ... ضحك وسوالف .. هواش وضرب ... رفس وشد شعر .. ومقالب كثيرة ...
تعال ورجع ايامي ..
اخذت ف بعدك احلامي
كأن ف الدنيا بس انتا...
وبعدك عمري ضيعته
قربت من الصووورة وحطت الشهاده قدامها وهي تبتسم : نجحت يا عوض ... نجحت..!!!!
___________________________________تعليق
-
(( بيت بو بندر ))
( الساعة 1 الظهر )
رجع بندر من الجامعة تعبان وقرفان من هالحر ... كل اللي يبغاه حمام ينعشه ويرطب عليه ....
نزل من السيارة وهو لابس بنطلون جينز وتيشيرت اخضر .. مع نظارة شمسة بنية .. وشره مبعثر فوق راسه ...
سكر باب السيارة ومشى متوجه للبيت يوم سمع صوت احد يناديه ... ما التفت ولا رد .. كمل مشيه قدام لين قرب منه الصوت ووقف قدامه
ثامر: انت ما تسمع .. اناديك انا...
بندر ماله خلق : نعم..؟؟ خير..؟؟ عسى ما شر هالمرة....
ثامر : انت ليش تكلمني كذا ..؟؟ ما يصير تسوي كذا للرجال...!!!
بندر ضحك باستهزاء : للرجال ها..؟؟ لا صار في رجال حولي .. ساعتها بحاسب تصرفاتي ....
وتقدم يبغى يكمل طريقه للبيت ...
ثامر : لا تدخل ... ترى في حريم داخل...
التفت بندر مستغرب ...
ثامر : خالتي بدرية وبناتها ....
اول ما سمع بندر انه بناتها معاها ...
رجع لسيارته .. ركبها وطلع من البيت ...
ثامر اللي واقف حيران .. مو عارف ليش بندر قاعد يسوي كذا ...
ثامر : هذا وش فيه كذا ..؟؟ قلت له اني غلطت واني اسف ... بس.. السالفة مو كذا .. هو ما قال شي لين شاف البنت ... بس... وش عرفه فيها ..؟؟غريبة .. والله بديت اشك انه بينه وبينها شي ... ( ضحك بسخرية ) مدامها كلمتني .. اكيد تكون مسويتها ومكلمة بندر قبلي...!!!! تصير والله ...
رن جواله ف هاللحظة ...
ثامر بطفش : لا حووووووووووول ...!!! جبنا طاريها دقت ...!!!! بس... شلون تدق وهي ف بيتنا..؟؟ مجنوووونة مو صاحيه...؟؟؟!!!! شين وقوات عين..........!!!
سكر بوجهها وركب سيارته .. وطلع يشوووف له احد يقعد معاه ...
___________________________________
(( بيت ابو راكان ))
( نفس الوقت )
سندت راسها على شباك غرفتها بتعب : وينك ..؟؟ وينك يا ثامر ..؟ ليش ما ترد ليييييييييييييش...؟؟؟ اه يارب ارحمني من هالحب ....!!!
دخلت عليها اختها هيفا : مها ...
التفتت مها وهي تمسح دموووعها ...
هيفا مستغربة : نتي وش فيك..؟؟ ما اشووفك غير تصيحين ومكشرة .. افرحي يا ماما .. هذا وانتي اجازتك بدت من زمان ....
مها : مالي خلق ... شعندك..؟؟
هيفا : بس جيت ابشرك اني نجحت ...
مها بدون ما تبتسم لفت وجهها : مبروووووووك ..
هيفا " الله يهديك .. قلت لك لاتسوين هالغلطة .. اللي يطيح فيها ما يطلع .. بس ما تسمعين الكلام .. عنيدة ...!!! "
: يا مستجيب للداعي ..
لدعوتي باسراعي ..
واشفي جميع اوجاعي
يا مرتجى يا رحمن ...
جا صوووت اخوهم راكان العالي من تحت يغني مندمج
التفتت هيفا تحاول تغير الجو : هههه اسمعي اخوووك اللحجي وش يغني..؟؟
غطت مها وجهها بيدينها وطلعت منها ونه عالية : ا.... لأ .. الا محمد عبده لأ.... اه يا ثامر ...... اهئ اهئ ...
هيفا تندمت " ليتني ما تكلمت ... دايما ازيد الوضع سوووء .. اففف احسن لي اطلع واخليها تتحمل نتايج افعالها لوحدها ... ليش اخرب علي اول يوووم اجازة ..؟؟! "
___________________________________
(( شقة سعود ودلع ))
( الساعة 2 ونص )
رن جوال لينا ...
لينا : اووووووووووووف....!!!
دلع : شفيك ..؟؟
لينا : هذي العنكبوووت النشبة ....
دلع : ؟؟؟؟ مين ..؟؟
لينا : ماما يعني مين ؟؟
سالم : سكري بوجهها ....
دلع : لا... ولا كاني موجودة ..؟؟ احترمووني شوي ... اقووول لينا .. ردي وكلميها شوفي وش تبغى ..؟؟ انتوا قايلين لها انكم بتجووون هنا..؟
سالم : لأ ...
دلع بعتب: ليش ما قلتووولها ..؟؟
لينا انفعلت : ليش حصلناها..؟؟ كل ما بغينا نشوووف وينها .. طالعة ...
ردت لينا بزهق : نعم ...؟؟ ها..؟ أي اخذتها ... نجحت .. والله .. 97% .. أي.. انا مع سالم .. طالعين نتغدى .. خلاص زين... انتي الحين وش تبغين ..؟؟ خلاص اطلعي ماعليك .. احنا متى ما رجعنا رجعنا ... يللا .. تشاو ..
سكرت ورمت الجوال على الكنب : اففففففففف بثره!!!!
سالم : ايش تبغى..؟؟
لينا : وينكم..؟؟ مع مين..؟؟ متى بترجعووون ..؟؟
دلع : طبيعي خايفة عليكم .... تراى مهما صار هذي امكم ...
لينا تصرف الموضووع : طيب طيب ..
دلع قامت : انا بقووم اشوووف سعود متى بيرجع ...
سالم : ليش زوجك وينه ..؟؟
دلع : ف الشغل...
سالم ولينا فتحوا عيوونهم الثنتين : ايش...؟؟؟
دلع : بسم الله شفيكم ..؟؟ أي ف الشغل...
سالم تسند وهو يضحك بسخرية : خخخخ مين قالك..؟؟ اكيد كذب عليك زي كل مرة .. سعوود معروووف ...
دلع : حرام عليك .. ليش مو راضيين تقتنعووون انه تغير..؟؟ طيب .. الحين بتصل فيه واخليه يجي .. اقعدو معاه وشوفوا شلوون تغير...
سالم : لا يا حبيبتي .. لا نقعد معاه ولا شي ... اصلا كنا ماشيين احنا ..
لينا قامت : أي صح .. بنرجع عشان نرتاح وننام شوي .. ونطلع بعد المغرب نتمشى ..
دلع حطت يدها على خصرها : احلفي انتي وياه ...؟؟ لا يا حلوين .. بتقعدوون يعني بتقعدووون .. مو شغلي ... هالهواش اللي بينكم وبين اخوووكم لازم ينحل الحين ..
___________________________________تعليق
-
(( بيت ابو بندر ))
( الساعة 3 الا ربع )
ركضت دانة نازلة الدرج وهي لابسة تنورة قصيرة ورديه مع بلوزة بيضا ناعمة .. وشعرها الاشقر المسشور واصل لين كتفها .. ومكياج هادي مرة ...
دخلت المجلس وهي تقول : والله سوري والله سوري تأخ.......
سكتت من هيبة المنظر .. رائد واقف قدام المرايا اللي عند الحمام ويضبط الغترة البضا الانيقة بكل براعة والنظارة الشمسية معلقة على جيب الثوب اللي فوق ..
التفت رائد مبتسم ابتسامة رهيبة : وعليكم السلام ....
دانة بلعت ريقها وطالعته من فوووق لتحت : ا.. ا.. اقصد السلام عليكم ..
قرب رائد منها واسنانه البيضا طالعة من وسع الابتسامة ...
رجعت دانة من الربكة وتسندت على الباب : ا... أي صح ... سوري تاخرت ...
سند رائد يده العريضة على الباب : عادي ... خذي وقتك .. دام كذا النتيجة .. بستناك للصبح انشالله ...
دانة قلبها يدق " لأ...لأ .. عضلات عضلات ف كل مكان ...لأ بصييييييييح "
رائد قرب وباسها على خدها وقال بهدوووء يذبح : شلووونك ..؟؟
دانة خدها وللللع نار : بخير ..
وخرت عنه وراحت تصب له قهوة وهي تحترق : ارتاح ..
ضحك رائد " وه فديت اللي تستحي للحين...!! "
___________________________________
(( شقة سعود ودلع ))
( الساعة 3 العصر )
دخل سعود الشقة تعبان وهو يتحرطم ...
سعود : اففف.. وش هالمسخرة..؟؟ احد يدوام من الصباح للعصر..؟؟ صدق ناس ما ترحم .. انا لازم اشتكي لمنظمة حقووق الانسان .... حررام اللي يسوونه ..
دلع جات : شفيك شفيك ...؟؟؟ ليش كذا شكلك..؟؟
سعود : شلون تبغيه يعني ..؟؟ الات وشحم ووصخ وقررررررف... قال شغل قال ..
دلع : ههههههه يعطيك العافيه .... وين البيبسي ...؟؟
سعود رفع الكيس : هذا هو .. خذيه .. ما تشبعين بيبسي...؟؟ وين العبوة العائلية الكبيرة اللي جبتها امس...؟؟
دلع ابتسمت : شربتها..!!
سعود : كلها..؟؟
دلع : يس....!
سعود : شاطره ...
دلع : هههه وش اسوي .. قاعدة لوحدي قلت اتسلى واشربها ..
سعود : طيب ... يللا
دلع مستغربة : يللا ايش..؟؟
سعود بتعب : جوعان ...! بموووت من الجوووع
دلع : ههههه يللا يللا .. الغدا جاهز .. روح غير ملابسك .. وترووش .. ريحتك طالعة ..
سعود بعناد : مالي دخل .. سكري خشمك.. باكل بعدين اسوي كل اللي قلتي عليه..
دلع : هههههه ما يصيييييير .. اختك واخووك داخل تبغاهم يشمون ريحتك يعني..؟؟
سعود : ايش..؟؟ وش يسوون ..؟؟ ما راحوا..؟؟
دلع : وطي صوووتك لا انا قلت لهم يقعدوون شوي ..
سعود حاس فمه يمين ويسار : هللي ناقصني.. !!!!!
دفته دلع للغرفة : يللا عشان خاطري ...
رجعت دلع للغرفة اللي فيها سالم ولينا : جا....!!!
سالم حاس فمه : لا حووول .. صدقيني ما بتنفع الفكرة ... لازم نمشي..
لينا : أي بلييييييز دلع .. ما ابغى اكلمه .. ما ابغى ..
دلع : عشان خاطري الله يخليك .. شوفوه مسكين تعبان ف الشغل طول اليووم .. وصار يستلم راتب ويصرف علينا من فلووسه ... تراه تغير مرة .. حتى اسلووبه ف الكلام تغير.. لازم تعطووونه فرصة ثانية ...
.........
<<<<<<<<<<
>>>>>>>>>>
.........
دخل سعود الغرفة بدون حتى ما يبتسم ... وقعد على الكرسي جنب دلع ..
وسكت ...
وبدورهم الكل سكتوا .....
دلع مستغربة " شفيهم قاعدين كذا..؟؟ ": انتوا شفيكم ..؟؟ ليش حاطة الاكل انا..؟؟ تفضلوا يللا ...
......... وطبعا ولا احد رد و ولا احد اكل او مد يده ...
دلع لفت على سعود وقالت بصوت واطي : سلم ع الاقل .. قوول أي شي ..!!
سعود التفت عليهم : ها..؟؟ ا.. أي صح ... كلو كلو يللا ...!!!!!!!!!!!!
لينا ضحكت بسخرية على طريقة كلامه ورجعت تلعب باظافرها....
وسالم حط يده على خده ويطالع التلفزيوووون ...
دلع " شكله السالفة اصعب من ما كنت اتوقع ..!! "
___________________________________
(( بيت بو غادة ))
( الساعة 5 العصر )
ام غادة : يا سمر ... سمممممممممممر ...
سمر جات تناقز : يس ماما...؟؟
ام غادة : روحي شوفي ابوك ف الغرفة .. وقوليله ينزل يشرب قهوة ...
سمر وهي تمشي : اوكي ...
ام غادة : سلمي اول مو تدرعمين وتقولين بابا قهوة زي امس...!!!!
سمر بزهق : طايب .... اففففف نشبة ...
راحت لغرفة ابوووها ودقت الباب ... بس محد رد ..
سمر " افففف ماني داخله " : بابا ...
بس محد رد ....
سمر " لا حووووووووووول .. صدق ابتلشت " : ترى بدخل ...!!
فتحت الباب ودخلت الغرفة ... وشافت ابوووها ف الزاوية واقف ويصلي ....
سمر وفمها مفتووووووووح " اووووووخص ... يصلي..؟؟؟؟ اول مرة ادري ... وناسة "
سلم ابوها وخلص صلاته ...
سمر : ا.. احم .. تقبل الله ...
ابو غادة والهدوء مبين على وجهه : منا ومنك
سمر : بابا .. تقول ماما يللا انزل ... القهوة جاهزة ...
ابو غادة : طيب .. دقيقة ونازل .. بس بقرا لي كم صفحتين من الحزب ونازل ...
سمر : أي حزب..؟؟
ابو غادة شال القران : أي حزب يعني..؟؟ حزب ف القران ...
سمر مندهشة " من متى..؟؟ هذا وش صارله..؟؟ " : اها.. طيب طيب .. صدق اني هبلة .. خلاص بسبقك لتحت وانت لاخلصت انزل
ابو غادة : طيب سكري الباب وراك ...
سكرت سمر الباب وشعووورها بالوناسة المختلط بالدهشة والحيرة مرتفع .....
___________________________________
تعليق
-
(( بيت ابو بندر ))
( الساعة 6 المغرب )
الكل كان قاعد ف الصالة ما عدى ثامر واحمد اللي كان كل واحد فيهم طالع ...
دانة مرتبكة : بابا .. ماما .. انا ابغى اكلمكم ف الموضوع ...
التفتوا ابوها وامها باهتمام ....
دانة تلعب باصابعها : ادري ما مر على توفي المرحووومة الا اسبوعين ... بس .. الاجازة بدت .... وو .. بصراحة .. ا.انا ... ا .. اقصد انا ورائد ... يعني ...
قاطعها ابو رائد : قولي شفيك كذا مرتبكة .. ما راح ازعل اذا بغيتوا تسوون العرس صدقوووني ...
دانة ابتسمت بفرح : صدق..؟؟ هذا اللي كنت بقووله ..
ابو بندر : انا حسيت اليوم على رائد يبغى يكلمني بالموضوع بس مستحي ..
دانة : أي مرة .. خايف تقول عنه قليل ادب وماتهمه غير مصلحته ...
ابو بندر : ما شالله عليه .. ونعم الرجال والله ...
بندر : ووين راح تروحون ...؟؟
دانة بغباء : تصدق مدري..؟؟ للحين ما اعرف وين حجزلنا ... بساله بكرة وبقووولك ..
بندر : خخخخ اجل تبغين تروحين شهر عسل وانتي ما تدرين الاخ وين ماخذك اصلا..!؟؟!
دانة استحت وحمر وجهها ...
ام بندر : بس يا ولد .. لا تضايق البنت ...
بندر فتح عيونه الثنتين ع الاخير وهو يضحك : ليش وش قلت انا...!؟؟!؟!؟ ههههههه
ام بندر : أي صح ... اليوم جاتنا اختي بدرية الظهر ...
ابو بندر : شخبارهم ..؟؟
ام بندر : الحمدلله .. بناتها الثنتين ناجحات ما شالله عليهم .... !!!!
ابو بندر : أي صف هم الثنتين ..؟؟
ام بندر : خلود الحين رايحة ثاني جامعة ... وعهود ماشالله عليها رايحة اول ثانوي ..
ابو بندر : خلود هذي مو بنت هشام ..؟؟
ام بندر : الا ...
ابو بندر : ما شالله عليها شكلها بنت واخلاق .. سلمت علي ذاك اليوم .. يوم كنت اسووولف مع هشام وهو كان ينتظر اهله .. جات ماشالله عليها متغطية وكل شي .. وسلمت علي من بعيد ...
ام بندر : يا حليلها .. حتى حبوووبة وما تحسها لئيمة زي مها بنت راكان
ابو بندر : ليش عيال راكان فيهم لؤم ..؟؟
ام بندر : اسكت .. والله كل اللؤم فيهم .. بس اكثر وحدة مها .. ما تعجبني ابد ..
دانة دخلت ف السالفة : انا عندي خلوود احسن والله .. حبووبة واخلاق وجمال وكل شي .... ليش ما تاخذونها لعمي احمد ..؟؟
بندر التفت على دانه يطالعها ...
دانة خافت : بسم الله ليش تطالعني كذا ...؟؟؟
بندر لف وجهه : لا ولا شي..
ابو بندر : صغيرة على عمك .. عمك يبغاله وحدة كبيرة وعاقلة .. مو وحدة بزر .. وبعدين 19 مرررة صغيرة ..
ام بندر : أي لا ما تصلح له ..
بندر قام : اقووول انا بطلع البس عندي مشوار شوي مع الربع وبرجع ...
ام بندر : تبغى الثوووب الجديد حقك ...؟؟
بندر : لا يما .. بلبس لي بنطلون وتيشيرت ..
......... طلع لغرفته .. لبس ملابسه ووقف شوي يفكر " اففففف .. ليش سوت كذا لييييييييييييييييش...؟؟؟؟ ومع مين ...؟؟ مع اخوووووووي ..؟؟ اخوي التوأم ...!!!! خلتني اكرهها واكره اسمها وشوفتها .... وانا اللي كنت اسرق اللحظة عشان اشووفها واكلمها كلمة ... ما كلمتها بتيليفون ولا واعدتها ف مكان كله من احترامي لها وخوفي عليها ..... لاني اعزها ... تروح كذا تسوي...؟؟ انا ماني مصدق وحدة بريئة زيها تسوي كذا ...!! بس صدق .. لا طاح القناع .. تنكشف اشكال والوان ....!!! "
___________________________________
(( شقة سعود ودلع ))
( الساعة 8 المسا )
سعود : اي ... الله يقطعهم ويقطع شغلهم ... مانبغى بترووول .. ما نبغى شحم وفحم وحديد ...
دلع : ههههههههه انت اكسل واحد انا شفته بعمري .. ما صارلك غير 3 ايام .. وشوووف شلوون شكلك ..
سعود بتعب لف عليها : والله ما خلوا فيني حيل .. والله شغل شغل شغل بدون بريكات ...
دلع : يا كذاب .. توك تقوول عندكم 3 بريكات .. كل بريك ساعة الا ربع .. هههههه
سعود بقهر : اضحكي اضحكي .. انتي هنا ف البراد .. وانا تحت الشمس النار .. اخرتها .. زوجك بيصير اسووود ...
دلع : لا ما بتصير اسود .. بتصير بروووونز تجنن ... !!!! ويمكن اخرتها تصير تكروووني كيووووووت ...........!!
سعود جا بيحك شعره بس ماقدر : اي ...
دلع خافت : شفيك ..؟؟
سعود حط يده كتفه : اي متيبس .. ما اقدر احركه ..
دلع ضحكت : هذا كله لانك مو متعود على الشغل والرياضة ..
سعود : اي .....
قامت دلع : طيب اصبر ... تسند شوي ..
سعود مستغرب : ليش..؟؟
دلع : بسويلك شي .. انت تسند وغمض عيووونك وارتاح ...
سوى سعود اللي قالت له عليه .. ودلع وقف ورى الكنبه ... وحط يدينه الثنتين على كتفه ... وقامت تحركهم شوي شوي وتضغط عليهم ... بكل براعة
سعود مستانس : اه ... وناسة .. ايوووووه .. اه ..
دلع : هههههه بس ...
سعود ضحك : ههه بس ايش..؟؟
دلع : هههه لاتسوي هالاصوات كانك عجووز ف الستين ...!!!!
سعود : معليش .. اصير عجووز دام برتاح كذا ..
وبعد دقيقة ...
دلع : سعووود ....
سعود مغمض عيووونه : همممم...؟
دلع : ليش سويت كذا اليوم ..؟؟
سعود : سويت ايش بالضبط تراني سويت اليوم اشياء كثيرة حددي أي واحد فيهم..؟؟
دلع : ليش قلبت وجهك ف لينا وسالم ..؟؟
سعود : يستاهلووون .. هم اصلا كانوا قالبين وجههم فيني بعد ...!!
دلع : طيب .. بس هم ف بيتك .. يعني المفروووض تحاول تريحهم وتكرمهم قد ما تقدر..
سعود : وانا ما قصرت معاهم .. غدا وتغدوا .. وقهوة وشربوا .. ايش يبغوا بعد ...؟؟تعليق
-
دلع شالت يدها وجات جلست جنبه وهي تطالعه بنظرات عتب ...
سعود : انتي الحين ليش متضايقة..؟ بحريقة تحرقهم ..؟؟
دلع : لا تقووول كذا ... هذولا اخواني ...
سعود : اخوانك انتي مو انا...!!!
دلع : لا تصير زي امك وابوووووووووك ..
سعود : ماني زيهم ...
دلع : الا .. قاعد تسوي زي ماهم يسوون .. وهذا غلط
سعود : دلع .. الله يخليك .. خلينا مروقين والجو حلووو .. لاتدخلينا ف مواضيع تخرب علينا .....
دلع : بس ما يصير كذا .. الحين رجعنا مع بعض انا وياهم .. يعني راح تلتقون كثير وتتجمعووون .. ما يصير تبقون على هالحالة ...
سعود : وش اسوي يعني..؟؟
دلع حطت يدها على وجهه بحنان : الله يخليك عطيهم فرصة ثانية ... عاملهم بالحسنى عشان يحسون على دمهم .. وساعتها ما يقدرون الا يحترمووونك ويقدرووونك...
سعود ابتسم وهو يحط يده على يدها..... اخذها وباسها : انتي وحدة طيبة مرة ..
دلع ابتسمت : يعني بتسويها..؟؟
سعود : بفكر ..
دلع بالحاح : الله يخليك .. عشان خاطري...
سعود : هههه وانتي كل شي عشان خاطرك ..؟؟
دلع : أي ..
سعود : طيب .. عشان خاطري انا هالمرة قوومي البسي...
دلع : ليش..؟؟
سعود وقف : من زمان ما رحنا نتمشى .. ما زهقتي من قعدة البيت..؟؟ قومي...!!
قامت دلع متحمسة: واو .. دقيقة وحدة .. واكون جاهزة ...
@@@@@@@@@@@@@@@@@@@@@@@@@@@@@@@@@@@@@
بعد 3 أيام من الاحداث السابقة ....
(( بيت ابو بندر ))
( الساعة 11 الصباح )
طلعت دانة من غرفتها ... نزلت تحت .. شافت امها قاعدة ف الصالة ...
دانة ابتسمت : صباح الخير يا قمر.....
ام بندر : هلا حبيبتي صباح النووور ...
دانة : وين ثامر وبندر ...؟؟
ام بندر : نايمين .. تعرفينهم ما يناموون الا الفجر ...
دانة : شكله الجو برى حلووو ...
ام بندر : والله ..؟؟ يللا زين .. خلينا نشم ريحة الهوا شوي .. كل يوم رطووبة برطووبة ما صارت ...!!!!
فتحت دانة باب البيت ... وطلعت للحوش .. وقامت تتمشى شوي ... ويوم وصلت عند الباب الخارجي ... لمحت ظرف وردي ...
دانة : ظرف..؟؟ ايش هذا...؟؟
اخذت الظرف الوردي وفتحته ..... حصلت داخله CD
ومعاه ورقة مكتوووب عليها ...
>> الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور <<
دورت دانة عن أي اسم مكتووب .. بس ما حصلت غير توقيع ..
حطت ال CD ف جيبها ودخلت البيت وهي تركض .... ولمحتها ام بندر ...
ام بندر : بسم الله .. دانة شفيك..؟؟
دانة وهي طالعة الدرج : بعديم يا ماما بقووولك ...
طلعت لغرفتها .. وطلعت اللابتوب حقها من الشنطة ... وفتحته ... ودخلت ال CD
فتحت الملف الموجود باسم Roodi
فتحته وقامت تشوف اللي فيه وقلبها يدق بقووووووة ....
ويوم شافت كل شي فيه .. قعدت منصدمة ومو عارفة ايش اللي يصير .....
دانة حطت يدها على جبهتها بقوة : ياربييي ... شسالفة..؟؟ من وين جابت صوووره من ويييييييييييين ..؟؟؟ وش اللي بيخلي صور رائد الكثيرة بهالشكل عندها ؟؟ وبعدين .. مين هذي...؟؟؟
دارت فيها الدنيا ... قامت ع الكرسي وقامت تفكر : انا لازم اقووول لرائد واشوووف وش السالفة ... يمكن احصل عنده تفسير للي يصير .... لاني انا بصراحة ماني عارفة وش اللي قاعد يصير .... وهالصور شلون وصلت عند هالبنت ... وبعدين هذي مو اول مرة .. بوكيه الورد والرسالة الغامضة اللي جاتني واللي عديتها وتجاهلتها لها علاقة بالسالفة بعد ...............!!!!
___________________________________
(( شركة ابو رائد ))
( الساعة 12 الظهر )
دخل ابو رائد المكتب يبغى يتطمن على احمد ويشوووف حالته كيف... بس استغرب يوم شافه نايم وهو قاعد على الكرسي والاوراق قدامه ...
ابو رائد " شفيه احمد ..؟؟ اول مرة يسويها وينام ف الشغل..؟؟ الله يعينه .. شكله مرة حياته منقلبة فووووق تحت ..!! " : احمد .. احمد ..
احمد فز مرعوووب : ها..؟؟ ا.. اقصد هلا بو رائد ... معليش كنت قاعد .. ا.. كنت .. كنت .. كنت اراجع الاوراق والملفات .. بس .. اخذني النوم...
ابو رائد ابتسم له : احمد... انت مبين عليك مرة تعبان .. روووح البيت ونام وارتاح اليوم..
احمد : ها..؟؟ لا لا يابو رائد .. مافيني شي ... بخلص شغلي وبروووح
بو رائد : اقووولك روح .. ولا بخصم من راتبك .. يللا .. ولا تداوم قبل ما تاخذ اسبوووع اجازة فاهم ..؟؟
احمد وقف محتار : بس ... كثير اسبوووع..؟؟ وش بسوي ف 7 ايام بدون شغل..؟؟
حط ابو رائد يده على كتف احمد : رووح نظم حياتك من جديد .. شكلك ضايع مرة ..
تعليق
-
@@@@@@@@@@@@@@@@@@@@@@@@@@@@@@@@@@@@
(( يوم الثلاثاء .. بيت ابو بندر ))
( الساعة 9 ونص الصباح )
ثامر : انت متاكد انك ما تبغى تروووح معانا..؟؟
بندر منسدح ومغمض عيووونه على السرير : قلت لك رووح وفكني بس...
ثامر : كيفك ... بترووح عليك الوناسة والله ..
طلع ثامر من الغرفة " الله يهديه هذا .. لمتى بيقعد كذا مقاطعني..؟؟ والله ما يهون علي توأمي يزعل مني ...!!!!! اففف كله منك يا خلووود!!! "
نزل تحت وشاف امه قايمة : صباح الخير ...
ام بندر : صباح النوووور حبيبي ...
ثامر مسك بطنه : ا... يا طويلة العمر .. وش سويتيلي فطووور ..؟؟
ام بندر : يللا قاعدة اسويلك ساندوش
ثامر حاس فمه : سانوش ...!!! الله يهديك هذا فطووور ..؟؟ ما يشبع ...
ام بندر : اجل وش تبغى تفطر ..؟؟
ثامر : أي شي ... هريس... جريش .. كبسة .!.!!!
ام بندر مسكت شعر راسها : انت بتجنني ...!!! احد يفطر هالاكل اللي مليان زفر..؟!؟! تدري .... انت ورايح .. مر على البوفيه وخذلك شي تاكله .. انا مالي دخل ...
ثامر : عوووووذه!!! محد يقووول رايه هنا ؟؟ خلاص خلاص .. في مطعم مثلوووثة قريب .. بمر عليه الحين ... تامريني على شي ...؟؟؟؟
ام بندر عصبت : لأ ... رز وخرابيط على الصباح ما ينفع ... ناوي تمرض...؟!؟!
ثامر : طيب طيب ... باخذ لي ساندوش كبده ولا تزعلين ...
عطاها ابتسامة واسعة وطلع من البيت وهو يغني ...
ثامر : ايوووووووه .. قلبي عليك التاع
مايحتمل غيبتك لييييله
لبييييييه . يابو عيوون وساع
ما غيرك احدٍ البيييييييييله ...
وقف كلامه يووووووم شاف احمد منسدح ف السيارة ونايم والدنيا حر ....
ثامر عقد حواجبه : وش يسوي هذا هنا...؟؟؟
دق عليه القزاز ففز احمد من نوووومه يلتفت حوووله ...
احمد يوم شاف ثامر برى السيارة تنهد براحة : ه .. الله يقطع شيطانك ...
فتح باب السيارة وقام يفرك عيوووونه اللي صايرة حمرا وتحتها اسود ..
ثامر : شعند بو الشباب نايم ف السيارة ..؟؟ طاردتك المدام ..؟؟ ولا الوحام مو مخليها تدانيك....؟!؟؟!
احمد ابتسم بتعب : اقووول مالي خلقك .. وين رايح انت من على الصباح ..؟؟
ثامر ضحك وهو يرجع شماغه لورى بطريقة عشوائية : مواعد الربع ...
احمد : وايش هالموعد اللي ما يصير الا الساعة 9 الصباح ..؟؟
ثامر : شوووف انا بقووولك .. بس لاتقوول لامي .. انا مكذب عليها وقايل لها بروح البحرين وبرجع ف الليل .. بس .. بيني وبينك .. انا رايح الرياض ..
احمد فتح عيووونه الثنتين : الرياض..؟؟ ليش..؟؟ شعندك ف الرياض..؟
ثامر : بنرووح نغير جوو ...
احمد ضحك باستهزاء : والله هالشباب .. هجوا ومشوا... انت ناوي تذبح امك..؟؟
ثامر : بسم الله عليها .. بس ها..؟؟ زي ما قلت لك .. بيني وبينك ...
وما خلا أي فرصة لاحمد انه يتكلم ... ركب السيارة وشغل شريط خالد عبدالرحمن وطلع من البيت ...........
احمد : والله العظيم جيل عجيييييييييب ...!!! الله يستر لو تدري امه وش بتسوي..!!
التفت حوله ف السيارة يدور على شماغه اللي كان مرمي ورى ..
ولمح الالبوووم ....
احمد : يووووه .. نسيت ارجعه ... يللا برجعه اليوم العصر ...
اخذ الالبوووم وفتحه وهو يبتسم ... اول صوورة ... عوض وهو صغير على الدباب ..
ثاني صووورة .. عوض مع ابوه ف البر ايام المتوسط ...
فر الصفحة باهتمام وهو يضحك والفرحة غامرة قلبه لشوووفة خويه ...
ومع كل صفحة يفرها .. تطلع له صووورة حلوة .. صور وهو فرحان .. صور وهو معصب..
والكثير من الصووور اللي يكون فيها طالع مع عوض .. واكثرها ايام الثانوي ...
بس .. ما وقف الا لما شاف الصورة ذيك .. تاملها شوي .. اول مرة يشوووفها .. بس..
عرفها على طووول ... فيها ملامح كثيرة تشبهه .. نفس النظرة والابتسامة ..
لاشعوريا ابتسم ..... " هذي اخته ... اروى "
___________________________________
(( شقة سعود ودلع ))
( الساعة 11 الصباح )
دلع : مين ..؟؟
......: البريد ....
دلع مستغربة : بريد..؟؟
.......: واصلتكم رسالة يا اختي ....
فتحت دلع الباب واخذت منه الرسالة من ورى الباب ...
دلع : لمين هذي...؟؟
......: الاخ سعود عبد الله ال ( ..... )
دلع : طيب شكرا ....
سكرت الباب .... " من مين هذي..؟؟ "
جات بتفتحها بس خافت سعود يزعل ولا يعصب " لا ماني فاتحتها .. لا جا بيشووفها واكيد بيقول لي وش فيها..؟؟ "
___________________________________تعليق
تعليق