تويت
القصة تجججننن
مشكووورة تسلمين
كمليها بليييز
مشكووورة تسلمين
كمليها بليييز
-
-
الله يسلمج حبيبتي.
انتي الي كلج ذوووق .
ووووانتيييييي بصحه وسلامه ..(دووم يارب)
حبيبتي واحنا بعد تحمسنا معاج وايد وبدورج انج تتحمسين وبعدين انا ماقلت شي
غير اني اشكرج حيييل ..
والله القصه مو بس كانت روايه على
تخيلت روحي عايشه الاحداث وبين ابطال القصه..
مشكووووووووووووووره حبيبت قلبي..
ننطر التكمله على احر من جمر ..
وانشالله يكون العيد حلوو عليج..
وعساج من عايدين العيد وكل سنه وتعودينه
وتقبل الله طاعتج بالشهر الفضيل والكريم ..
تقبلي مروري.. ((لا اطولين ترا حيل متحمسه )) (( واذا عن انج تعبتي يعطيييييييييج الف اف عافيه وتعبج احنا بنقدره وناطرينه على نار))
مشكووره..
تعليق
-
الله يسلمج حبيبتي.
انتي الي كلج ذوووق .
ووووانتيييييي بصحه وسلامه ..(دووم يارب)
حبيبتي واحنا بعد تحمسنا معاج وايد وبدورج انج تتحمسين وبعدين انا ماقلت شي
غير اني اشكرج حيييل ..
والله القصه مو بس كانت روايه على
تخيلت روحي عايشه الاحداث وبين ابطال القصه..
مشكووووووووووووووره حبيبت قلبي..
ننطر التكمله على احر من جمر ..
وانشالله يكون العيد حلوو عليج..
وعساج من عايدين العيد وكل سنه وتعودينه
وتقبل الله طاعتج بالشهر الفضيل والكريم ..
تقبلي مروري.. ((لا اطولين ترا حيل متحمسه )) (( واذا عن انج تعبتي يعطيييييييييج الف اف عافيه وتعبج احنا بنقدره وناطرينه على نار))
مشكووره..
ههههههههههههههههههههههههههههههه لالا قلبووو وش دعوى ماكملها
ان شاء الله الحين انزلها عشان عيونكم والله
وانتظروووووووووووني بروايه جدديده بنزلها
تعليق
-
جزء ال28 .. ( ثمانية وعشرين ) الأخي ^_^ر :.
- وفاة ابو سعود وردة فعل ام سعود
- سعود توعد ف ام سعود انه راح يوديها دار العجزة
- قرار ابو نسايم برجعتهم كلهم لجدة بما فيهم فيصل الاسبوع الجاي
- احمد .. كتب رسالة لاروى .. ياترى أيش كتب فيها..؟؟
- مها ورطت ثامر قدام العايلة باعترافها انها كلمته .. وعلى ذلك .. اكلت من اخوها ضرب خلاها تدخل من وراه المستشفى
- ريم بعيد عن الساحة لانها مسافرة ..
- هتون شكلها بدت خطتها الجديدة ..
>> الفصل الأول <<
(( بيت ابو عوض ))
( الساعة 11 ونص بالليل )
دخلت اروى المطبخ تسوي لها بوب كووورن عشان تاكله .. لانه الفلم ما بقى عليه شي و يبدا ...
وهي قاعدة تتطالع لامايكروويف وهو يدووور .. حست بشي وراها .. التفتت على باب المطبخ .. وشاف ظل واحد واقف ...
اروى " غريبة ...!! معقوولة السواق ..؟؟ وش قاعد يسوي .. "
وزاد استغرابها يوم شافت ورقة تدخل من تحت الباب .. وشافت اختفاء الصاحب الظل ..
اروى " خخخخخ اتخيل السواق يغازل الشغالة !!!! "
جات شوي شوي وسحبت الورقة ... واخذتها واخذت البوب كورن اللي خلص .. وطارت على الصالة اللي فوووووووق وهي تضحك ...
( ف الحوش )
طلع احمد من البيت شوي شوي .. بدون ما يلاحظه احد .. ركب سيارته وتسند وهو يتنهد براحة على الكرسي : ه ... الحمدلله .. عدت سليمة .. عسى بس تشوووفها .. هذا املي الاخير... يارب لا تخيب ظني ...!!
قعد ينتظر وينتظر برى البيت ... يستنى أي ردة فعل ... بس بعد ساعة من الانتظار .. قرر يرجع البيت وهو مو عارف ايش مخبي له بكرة .. او ايش ممكن تكون ردة فعل اروى على الرسالة ..
( ف البيت )
قعد اروى وهي ميتة ضحك على الكنبة ... ونست انه الفلم بادي من زمان .. فتحت الورقة المطبقة بعناية وترتيب ..
وتفاجأت انه الكتابة بالعربي .. والاحرف عربية ...
اروى مستغربة " اووخص ... يكتب عربي بعد..!؟!؟ منت هين يا رشيد ...!! "
وبدت تقرا الرسالة .. ومع كل حرف تقراه .. تنطبع على ملامحها الدهشة شوي شوي..
قبل ما ترمين الرسالة ف الزبالة .. او تشقيها .. او تحذفيها بعيد .. اقري حروووفي .. صح اني غلطت .. بس هذا ما يعني انه الكلام اللي بقولك اياه مو مهم ... واتوقع الكلمة المناسبة في هالموقف هي ..
انا اسف ..
اللي صار ما كان عمدا .. انا كنت ف الغرفة و.. وانتي جيتي ...
وعلى سالفة الصووورة .. وربي لقيتها بالغلط في الالبوووم ... ما انكر اني غلطت يوم طلعتها وخليتها ف جيبي ... بس .. تبغين الصراحة .. لما شفتها ما قدرت .. ملامحك كلها ذكرتني بعوض .. لما شفتك .. حسيت كاني شفته ... نفس النظرة .. نفس الانف .. ونفس الوقفة اللي يوقفها لما يجي يتصور ... حسستيني انه عوض بيننا للحين
وانه ما مات ..
ما تتصورين افتقده قد ايش... من جد لو اقدر ادفع نص عمري عشان يرجع .. والله ما ترددت ثانية ... لانه الحياة بدون رفيق دربك .. ما تسوى والله .. يصير ما عندك احد تفضفضين له بدون الخوف من الاحراجات .. وبدون الخوف من كلام الناس .. يكون عندك احد قد الثقة .. صندوووق اسرار يعني ..
والحين ... صدقتيني..؟؟ انا ولا عمري سويت هالحركات .. بس مدري وش جاني .. ما كنت حاس بعمري ذيك اللحظة ... واتمنى من كل قلبي تسامحيني .. اذا مو عشاني .. عشان عوض ..
احمد
رمت اروى الورقة جنبها لانها ما بقى عليها شي وتنشق من كثر الدموووع اللي طاحت عليها ..
ذكرى اخوووها دايما تعور لها قلبها ... ولما يطرووون اسمه ... تحس بخنقة فظييييييييعة ...
غطت وجهها بيدها وقعدت تصيح ... تتمنى اخوها يرجع ويكون موجود..؟؟ تناشده يرجع لها ... بس هذا شي مستحيل ..
بعد دقيقة .. مسحت اروى دموووعها وطالعت الورقة مو عارفة ايش تسوي ...
اروى " هذا احمد... هذا صديق عوق ورفيق دربه .. هذا اللي وقف معاه وكان جنبه دايما .. كيف ازعل منه..؟؟ والله ما يهون علي... صح انا عصبت على اللي سواه .. لاني ما احب الغلط .. كل شي وله حدووود .. بس .. ابدا ما شلت بخاطري عليه .."
قامت من على الكنب وراحت غرفتها ... حطت الورقة ف الدرج وسكرت عليها .. ورجعت للصالة تحاول تنسى الموضوع وتكمل الفلم ..
@@@@@@@@@@@@@@@@@@@@@@@@@@@@@@@@@@@@@تعليق
-
(( جزر الباهاما ))
( الساعة 11 الصباح )
قامت دانة من النوم وهي تسمع صوت هزة خفيفة .. خافت لا يكون واحد من اهلها متصل فيها ...
قامت بسرعة وراحت لجوالها .. بس حصلت شحنه مخلص ومطفي ... التفتت على جوال رائد الي كانت شاشته منورة ويهز على الكومادينا .. راحت تركض بسرعة " اكيد لما شافوا جوالي مغلق دقوا على رائد " ...
وبالفعل .. اول ما شافت شاشة الجوال .. كان الرقم سعود ومو مخزن ...
دانة " يوووه .. الحين انا شلون اعرف مين هذا..؟؟ مشكلتي ما احفظ الارقام ..!! "
ردت دانة : الوو
وصلها صوووت مايع : الووووووووووووو
دانة مستغربة : مين..؟
البنت : مرحبا .. اووبس ..مشغولين ..؟؟
دانة : نعم ..؟؟
البنت : ا.. كنت ابغى رائد .. بس شكله نايم .. طيب حبيبتي .. لا قام .. قوليله اني اتصلت ... !!!!
دانة عصبت " يعني متى بنخلص من هالسالفة ؟؟؟؟ " : لا ليش تدقين بعدين ..؟؟ اقوم لك اياه مو مشكلة ..
ضحكت البنت على دانة اللي مبين انها منقهرة ومولعة نار : ا.. لا ماله داعي .. حرام تلاقينه نايم متاخر اخر الليل .. بس شوووفي .. خليه يدق علي على الرقم الثاني طيب..؟؟
دانة وصلت معاها .. قالت وهي تسكر على اسنانها : انشالله .. تامرين امر انتي بس .. يا قليلة الادب يللي ما تربيتي .....
نزلت دانة فيها سب على التليفون وهي تضحك عشان تستفزها .. وعلى صراخها ف التليفون .. قام رائد خايف ومستغرب ...
رائد : ميت تكلمين..؟؟ شفيك..؟؟
دانة للحين تهاوش : هذا هو قام .. تبغيه ..؟؟ خذيه ... لا لا حبيبتي .. حلفت عليك تكلميه ...لا تموتين علينا الحين ..
طلعت رائد ورمت التليفون بوجهه .. وهو مسكه بسرعة مستغرب : الووو
هتون تضحك : ههههه هاي بيبي ...!! وربي زوجتك دانة طلعت توووحفة ..!!
رائد دق قلبه من الخوووف " وش هالمصيييييييييبه!!!!! " : انتي كم مرة اقووولك لا تتصلين..؟؟ ما تفهمين عربي انتي..؟؟؟!!
هتون : معليه حبيبي ... عاذرتك لانها جنبك ولازم تسوي حركات قدامها .. بس انا متاكدة من شعووورك ... !!!
رائد فتح عيووونه ع الاخير : انتي وحدة مو صاحية ...
سكر بوجهها .. وراح يدور على دانة ف الغرفة ما حصلها : وين راحت هذي بعد..!؟!؟ الله يستر الحين ... !!!!!!!
سمع صووووت ف الحمام وقرب لعند الباب وقعد يناديها : دانة ... دانة حبيبتي .. اطلعي خلينا نتفاهم واشرحلك القصة ....
دانة اللي كانت تصيح ف الحمام : ما ابغى تشرحلي .. يوم قلت لك اول اشرحلي .. قلت لي انك شرحت كل شي .. ايش بتشرح بعد .. مو شرحت كل شي..؟!؟!؟! خلاص يا رائد .. روووووح عني...
رائد " الله يقطعني .. صدق اني غبي " : دانة .. مو كذا يا دانة .. طيب اطلعي من الحمام .. اطلعي ما يصير تقعدين ف الحمام ..مو زين ...
دانة تصارخ : الا زين .. اتركني ... هذا جزاتي قررت انسى كل شي وابدا معك من جديد ... تقوووم تسوي معاي كذا ..؟!؟!؟ انا وش سويت لك ممكن افهم ..؟؟ ليش قاعد يصير فيني كذا ...!؟!؟!
رائد حس بروحه بتطلع .. ما عرف وش يقول لها ... تراجع وقعد على اقرب كرسي ..
رائد " وش سويت يا رائد .. هذا نتيجة كذبك ...!! تستاهل اللي يصير فيك .. بس هي وش ذنبها . وثقت فيك وعطتك قلبها ..؟!؟!!؟ "
شوي وطلعت دانة من الحمام وخشمها احمر وهي معصبة ...
قربت من رائد وهي تهدد : اذا ما رحت الحين .. وحجزت لي اقرب طيارة للشرقية .. والله العظيم لا احجر لي طيارة واتركك هنا لوحدك فاهم ...؟!؟!
رائد جا بيتكلم بس دانة قاطعته : ولا ابغى اتكلم ف الموضوع .. وما ابغاك تشرح لي أي شي... فاهم ..؟؟ ولا مو فاهم ..؟؟
رائد سكت .. ما عرف وش يقووول .. بس استوعب انه الحين دخل ف متاهة كبيرة .. ما يدري شلون بيطلع منها ...
___________________________________
(( سيارة سالم ))
( الساعة 1 الظهر )
كان سالم قاعد يلف مع فيصل ف الشوارع ... يغيرون جو شوي بدال قعدة البيت الكئيبة ...
سالم وقف ينتظر الاشارة تفتح : ما قلت لي .. ايش الموضوع اللي كنت بتقول لي عنه يوم موت ابوي..؟؟
فيصل وهو يطالع الشوارع : لا تذكرني...
سالم التفت مستغرب : ليش....؟؟ صاير شي..؟؟
فيصل تنهد : ه .. جدي
سالم : شفيه جدك...؟؟
فيصل : يبغى يرجعنا نا ونسايم وامل وشوووق لجدة ... الاسبوع الجاي ...
فتحت الاشارة وسالم للحين واقف منصدم : ................ ايش...؟!!؟!؟
فيصل التفت وراه وهو يسمع اصوات هرن السيارات اللي وراهم : امشي امشي .. تراك عطلت الشارع ...
حرك سالم السيارة ورجع التفت على فيصل : كلمني هنا..؟؟ من جدك..؟؟ طيب ليش..!؟؟
فيصل : يقول ما يبغى يخلي نسايم لوحدها من جديد .. يبغوا ياخذوها مع بناتها جدة .. يبغوا احفادهم يكبروا ويتربوا هناك .. قدام عيوونهم .. يقولوا انه هنا ما في احد يهتم فيهم.. وما في احد ممكن يوفر لي فرص تعليم زينة غيرهم ...
سالم : يعني بتروح ..؟؟
فيصل : للحين ما ادري..بس جدي شكله مصمم .. بصراحة كلامه صح ..بس .. انا ما ودي ... انا انولدت هنا .. وعشت هنا .. والحين اجي وانتقل ...؟؟؟ ما يطاوعني قلبي والله ...!!
سالم : ياربي ... وش هالمشكلة الجديدة اللي طلعت لنا..؟؟!؟!
___________________________________تعليق
-
(( بيت ابو راكان ))
( الساعة 5 العصر )
للمرة الخمسين ردت هيفا على امها : يما .. قلت لك انا ما اعرف شي .. !!
ام راكان : يا هيفا .. تكملي ... مها كيف كانت تعرفث ثامر ..؟؟ كلمته على التليفون..؟؟ شافته مرة ..؟؟ كيف عرفته ..؟؟
هيفا طفشت : يوووه .. انتي ليش ما تصدقيني .. تعرفين مها ما تعلم احد عن اشياءها الشخصية .. شلون تبغيها تقول لي عن موضوع زي كذا ..؟!؟!؟
ام راكان بنص عين : متاكدة..؟؟
هيفا : أي..
ام راكان وهي طالعة من الغرفة : طيب .. اجهزي بسرعة عشان نروح المستشفى الحين ...
هيفا : طيب ..
طلعت ام راكان من الغرفة .. و هيفا قعدت تفكر ..
هيفا : زين اللي اسويه..؟؟ ما يهون علي مهما سوت اختي اعلم عليها .. والله بتروح فيها ... حرام ..
___________________________________
(( شقة سعود ودلع ))
( الساعة 6 المغرب )
حصل سعود دلع ف المطبخ بعد ما كان يدور عليها : دلع .. دلع
دلع اللي كانت تسوي قهوة لفت على سعود : هلا سعود
سعود قرب ووطى صووته : لينا ف الحمام .. وشكلها تصيح ..
دلع : شفيها..؟؟
سعود : مدري .. روحي شوفيها يمكن صار لها شي..
دلع تركت كل شي وطفت النار وراحت للغرفة ودقت باب الحمام : لينا حبيبتي ..
لينا من الحمام وصووتها مخنوووق : نعم ..
دلع : حبيبتي فيك شي..؟؟
لينا : .... سكتت ..
دلع دقت الباب من جديد : لينا يا قلبي .. اطلعي الله يخليك.. اطلعي شوي ..
وبعد دقيقة انفتح الباب وطلعت لينا بروب الحمام وخشمها متنفخ وميتة صياح ..
دلع حضنتها مستغربة : حبيبتي شفيييييييييك ..؟؟
لينا تشاهق ف حضن دلع : ا .. ا .. ابغى بابا ... ابغاه ....
دلع زعلت عليها مرة ... ودمعت عيووونها : خلاص حبيبتي .. خلاص لاتبكي ..
لينا وخرت عنها منفعلة : ما ابغى اهدى ... هدينا كثير بس ما في شي نفع..!! امي ولا تغيرت .. ابوووي ومات ... واحنا للحين على حالنا .. ليش نهدى ..؟؟ على ايش نهدى ..؟ مافي شي يخلينا نهدى عشانه .. كل شييي زففففففت ... زففففففففت!!!!!!
___________________________________
(( حزر الباهاما ))
( الساعة 4 العصر بتوقيتهم )
وقف قدام باب الغرفة ..
رائد " والحين يا رائد..؟؟ بترجعووون..؟؟ معقولة خرب هالشهر اللي كانت بدايته خيالية ....؟!؟!؟! معقووولة ينتهي بهالسهوووولة ...!! اه .. حسبي الله عليك يا حيوانه ... بس انا اوريك .. حسابي معاك لا رجعت الشرقية .. ان ما خليتك تندمين على كل رنة رنيتيها علي .. ما اكون رائد.....!!! "
دخل الغرفة وهو منزل راسه .. سكر الباب وحط التذاكر على التسريحة ..
طلع ف دانة اللي كانت تحط اغراضها ف الشنطة : حجزت لنا بكرة على الساعة 7 الصباح
دانة : كان احسن لو اليوم ....!!!!
رائد قعد على السرير وحب يفتح معاها سوالف شوي .. يمكن تلين : تدرين كل الحجوزات فل للسعودية .. شكله كل الناس متهاوشين ...
دانة بدون ما تطالعه : اكيد .. دام الرجال السعوديين طلعوا كذا .. اكيد بتصير هواشات قد الدنيا ... معذووورات المطلقات والله ...!!!
رائد " هذي ايش تقووول..؟؟؟!! طلاق..!؟!؟ لا لا .. اكيد تمزح " : طلاق..؟؟
دانة طالعت فيه : اجل اللي تدري انه زوجها يخونها .. ايش راح تسوي غير انها تطلب الطلاق ...؟؟ يعني تبغاها تدوس على كرامتها وترجع له ؟؟ ليش ..؟؟ ما يستاهلها .. مو هو خانها ..؟؟ خليه يتحمل النتيجة ..!!!!
رائد " ليش احس انه الكلام لي انا..؟؟!؟! بس... انا ما خنتها .. والله ما خنتها ... وربي يعلم بالحقيقة...!!! "
___________________________________تعليق
-
(( سيارة سالم ))
( الساعة 8 المسا )
وصل سالم لشقة سعود ودلع عشان يشوووف لينا .. من الصباح ما شافها ..
نزل وطلع للشقة ... رن الجرس وفتح سعود الباب .. واول ما شافه
سعود : ...... هلا سالم ..
سالم " لا حوووول .. هذا وين ما رحنا بيطلع لنا..؟؟ ماني طايق اشوووف وجهه..!! "
سعود طالعه مستغرب " بدينا بالنفسية الزفت ..!! " : تفضل ..
دخل سالم بدون ما يقول ولا كلمة .... دارت عيووونه ف الصالة يدور عن لينا بس ما حصلها .. وفهم سعود نظراته
سعود : لينا ف الغرفة ..
سالم طالع سعود بمعنى وش دخلك .. بعدين راح للغرفة ودخل .. شاف دلع قاعدة وجنبها لينا اللي للحين قاعدة تصيح .. وراسها كان يعورها ..
دلع التفتت وابتسمت : اوووخص .. شوفي مين جا... هلا سالم
دخل سالم وهو مبتسم : السلام ...
دلع ولينا : وعليكم السلام ..
سالم قعد على السرير جنبها : شفيها القمر..؟؟
لينا مسحت دموعها وقالت بصووت مبحوح من كثر الصياح : ما فيني شي..
سالم " اجل شلون لو اقول لها فيصل بيسافر..؟؟ والله بتنجن!!! ".. طالع دلع : شفيها..؟؟
دلع : مافيها شي .. تتدلع بس ..
سالم : جد والله ..
دلع قامت : شوووف .. اقعد معاها شوي وانا طالعة اشوووف سعود برى.. مسكين صار له اكثر من ساعتين لوحده ..
سالم : والله زوجك هذا نشبة .. وين ما رحت الاقيه بوجهي .. !!!
دلع تركته وطلعت من الغرفة لسعود اللي كان قاعد ف الصالة ..
دلع مبتسمة : سوووري تاخرت عليك
سعود : عادي .. تعودت
دلع باسته على خده وقعدت : حبيبي والله اسفة .. بس اختك مرة تعبانة نفسيتها هالايام .. مسكينة للحين من العصر ما وقفت صياح .. حرام اللي صار لها .. ما تستاهل المسكينة... وبعدين هي بروحها حساسة .. واي شي ممكن يهزها ..
سعود تنهد وابتسم : ما علينا .. انا بكرة بروح اقدم على اجازة ..
دلع : أي والله لازم .. خصوصا في هالظروووف ..
سعود : وبروح بعدها .. اودي العقربة دار العجزة ...
دلع فتحت عيوونها ع الاخير : انت من جدك...؟؟ لا لا لا .. مو معقوولة تسويها..!!
سعود وعادي الموضوع عنده : ليش مو معقووولة ..؟؟ اسويها ونص .. هذي ما بتتادب وتحس فينا الا اذا سويت فيها هالشي...
دلع : سعود .. انت ابد مو كذا .. هذا مو من اخلاقك .. مهما سوو فيك .. لاتصير قاسي كذا ...لا تخلي قلبك حجر .. الحرمة الحين ارملة .. ميت زوووجها قدا عيووونها .. خلي ف قلبك رحمة ...
سعود انفعل : وهي اللي المفروووض تكون احن قلب علينا ف الكون .. وين الحنية والرحمة..؟؟ وينها عننا يوم كنا محتاجينها تكون جنبنا ... وينها ..؟؟ لهالدرجة العروووس والحفلات والطق اهم من عيالها..؟؟ دامها مو قد الامومة والمسؤووولية ليش جابتنا..؟؟
ليش اتعبتنا وظلمتنا كذا معاها .. لازم تذوووق شوي منا للي ذقناه احنا..
دلع : سعود .. لو توديها لدار العجزة زي ما تقوول .. والله العظيم لا يكون اخر يوم بيني وبينك فاهم ..؟؟
سعود متفاجئ : الحين انتي ليش تدافعين عنها بهالشكل..!؟!؟ انتي نسيتي ايش سوت فيك ..؟؟ نسيتي شلون خلتك تنزلين الولد غصبا عنك.!.!؟؟ نسيتي الضرب اللي اكلتيه ..؟؟ نسيتي السب والهواش طول اليووم ..!؟؟! بهالسهووولة سامحتيها..!.!؟؟
دلع : سعود .. انا ما ابغى من احد شي .. كل واحد غلط .. كيفه هو وربه .. انا مالي دخل .. مو لازم اخذ جزائي الحين .. ربي انشالله يوم القيامة ما بيضيع لي حق .. لا تخاف .. ربك ما يظلم احد ....!!
سعود لف وجهه ومبين انه ما اقتنع بكلامها ....
___________________________________
(( المستشفى ))
( الساعة 9 المسا )
دخل راكان الغرفة بالليل بعد ما قعد يحن على راس الممرضة علشان تدخله .. لانه وقت الزيارة خلص..
دخل على مها اللي كانت منسدحة ف السرير وتطالع قدامها وسرحانة .. قرب منها ومسكها من شعرها بقوة : تفكرين فيه ها...؟؟
مها : اي ... اي راكان وخر عني... وخر عني .. والله لا اعلم ثامر عليك والله
راكان عصب وقوة يده على شعرها : انطمي .. لاتقولين اسمه قدامي فاهمة..!؟!؟ والله لا اوريك يا مها ... حسابك معاي لما تطلعين من المستشفى .. والله لا اوريك جهنم الارض كيف تكوووون .. راح اخليك تذوووقين الندم على اصوووله ..
مها بهستيريا : وخر عني .. وخر عني انا ما سويت شي ... انا ما سويت شي .. ذا .. هذا كله من خلووود .. خلووود .. خلود السبب .. هي اللي .. اللي
راكان فتح عيووونه الثنتين ع الاخير : خلوود شدخلها بالسالفة ها..؟؟؟ تكلمي ..
غطت مها وجهها بيدينها وقامت تصيح ..................
راكان هزها من كتفها بقوة وهو معصب : تكلمي اشوووووووووووف ... شدخل خلووود؟!؟!
بس مها جاتها حالة الهستيريا من جديد .. ونزلت ف صياح وضحك .. ومحد يقدر ياخذ منها ساعتها لا حق ولا باطل ..
راكان : ماشي يا مها ... انا اوريك ..
طلع من الغرفة وهو يفكر " خلووود ..؟؟ خلود ايش دخلها بالسالفة ..؟؟ ليش ..؟؟ من متى مها اصلا صحبة مع خلود ..؟؟ طيب يا خلوود .. ان ما عرفت كل السالفة ... ما اكون راكان !!! "
___________________________________
(( جزر الباهاما ))
( الساعة 12 بالليل )
جا رائد بينسدح على السرير يوم شاف دانة جاية وتخزه ...
دانة وهي حاطة يدينها على خصرها : لو سمحت .. خذ مخدتك ونام ع الكنبة .. ماني متحملة اشوووف وجهك ..
رائد منصدم : نعم..؟؟ دانة انتي عارفة وش قاعدة تقولين ...؟؟
دانة : ما راح اعيد كلامي .. يا تاخذ مخدتك وتنام ع الكنبة .. يا بروح واحجز لي غرفة ثانية لوحدي... !!!
رائد طالعها معصب وبعدين اخذ مخدته .. ورماها ع الكنب وهو متضايق مرة " يا حبيبي ...!! بعد صرنا ننام على الكنب ... عشتوا والله ..!!! " : ارتحتي ..؟؟
حقرته دانة وتغطت ونامت بدون ما ترد عليه ..............
@@@@@@@@@@@@@@@@@@@@@@@@@@@@@@@@@@@@@تعليق
-
(( اليوم الثاني .. بيت ابو سعود ))
( الساعة 11 لصباح )
دخلت دلع هي ولينا البيت عشان يشوفون كيف ام سعووود وكيف صحتها ..
لينا : انا طالعة اغير ملابسي ..
دلع : اوكي حبيبتي .. انا رايحة لخالتي..
لينا : الله يعينك ..
ما عطت دلع اهتمام للي تقوله لينا .. وطلعت للدور اللي فوق .. ووصلت عند غرفتها .. دقت الباب شوي وشي .. ولما ما سمعت صوت احد .. دخلت ..
وشافت ام سعوود قاعدة على السرير وسط الظلام اللي كان ف الغرفة لانه الستاير كانت مسكرة وعازلة لنور الشمس عن الغرفة ...
دلع وهي تدخل : خالتي...
ام سعود اللي قاعدة وتطالع قدامها : .....................
دلع قربت وقعدت جنبها .. حطت يدها على كتفها : خالتي .. كيفك ..؟
ام سعود :............. مافي رد
دلع " مسكينة .. الله يعينها !! " .. ابتسمت: ا.. فطرتي.. لاني جاية افطر معاك اليوم ..
ام سعود لا التفتت ولا ردت ...
دلع مستغربة .. هزت خالتها : يا خالتي .... باسمة ... ردي علي .. شفيك ..؟؟
ام سعود بدون ما تلتفت شالت يد دلع من على كتفها و وخرتها عنها ...
دلع حست بالاحراج بس قدرت مشاعرها .. " معليه .. يمكن للحين هي زعلانة علي .. شوي شوي بتلين وتتعود على وجودي .. "
قامت دلع و جات بتطلع : انا بكون تحت افطر .. اذا بغيتي تعالي .. ما يصير افطر لحالي..
انتظرتها ترد عليها او تلتفت .. بس .. ولا ردة فعل طلعت منها .. عشان كذا قررت دلع تنسحب وتتركها لحالها ..
___________________________________
(( بيت ابو بندر ))
( الساعة 1 الظهر )
ابو بندر : ما قلت لك ليش راجعين بدري..؟؟
ثامر شق الحلق : تقووول اشتاقت لي...
ابو بندر خزه بقوة قدام بندر وام بندر واحمد ..
ثامر تفشل .. وسكت ..
احمد : هههه حرام يا محمد .. شوف كيف فشلت والد ..!!
ابو بندر بجدية : يستاهل .. عشان ما يتفلسف مرة ثانية ..
حز ف نفس ثامر معاملة ابوووه له ...
ام بندر نزلت لابسة عبايتها : خلصتوا..؟؟ سللا قوموا ليش قاعدين ..؟؟
قام بو بندر وطلع من البيت وطلعت معاه ام بندر و وراهم ثامر وبندر واحمد ..
..
..
..
بعد ساعة .. خلصوا الاجراءات كلها واستلموا شناطهم كاملة .. طلعوا رائد ودانة من البوابة .. بس رائد كان متفاجئ ...
رائد " احمد..!!؟ بندر وثامر..!؟!؟ والداهية الاكبر .. عمي..!!! .. مين قال لهم اننا بنوصل اليوم ..؟؟ "
وما لحق يفكر لانه دانة قالت وهي تمشي مسوية مبتسمة : سوي نفسك مبسووووط .. انا قلت لهم اننا جايين اليوم لانه اشتقنا للشرقية والها وقررنا نكمل شهر العسل هنا فهم ..؟؟
رائد منزعج من معاملتها له : شكرا ع الاقل لانك عطيتيني خبر ..!!!!
___________________________________
(( بيت ابو سعود ))
( الساعة 5 المغرب )
دلع : لينا .. متاكدة انك ما تبغي تجين معاي اليوم ..؟؟
لينا ابتسمت تطمنها : لا تخافي .. ماراح يصير لي شي انشالله .. وبعدين سالم موجود..
دلع : مع اني ادري انه سعود الحين بيسوي فضيحة .. بس اهم شي تكونين مرتاحة ..
لينا : الله يعينك عليه .. طيب .. ناموا هنا..
دلع فتحت عيونها ع الاخير : ناوية سعود يذبحني..؟!؟!؟ يللا سلام ..
لينا تضحك : مع السلامة ..
طلعت دلع من البيت وركبت السيارة ... وسعود للحين اوقف ما تحرك .. يستنى لينا ..
دلع " الحين شلوون اقول له ..؟؟ والله بيسوي فضيحة الحين..!! " : ا.. حبيبي شفيك واقف.... ؟؟
سعود : انتظر لينا ..
دلع : ا.. لينا بتلحقنا مع سالم الحين .. راحت معاه البقالة ..
سعود بدون ما يعترض .. شغل السيارة : طيب ..
دلع " اشوا .. عدت سليمة على خير ....!! "
___________________________________تعليق
-
(( بيت ابو عوض ))
( الساعة 7 المسا )
جا ابو عوض يطلع يوم جات اروى اللي صار لها من يوم سافرت امها ما طلعت ولا مكان
اروى : يبا
التفت ابو عوض : هلا حبيبتي .. انا طالع تبغين شي..؟؟
اروى غيرت رايها : ها..؟؟ لا لا خلاص ولا شي.. سلامتك ..
ابو عوض : انا رايح عند بيت عمك عبدالهادي .. رائد اليوم وصل من شهر العسل ورايح اشوووفه..
اروى : دانة معاه ..؟؟
ابو عوض : اكيد .. بس اتوقع انها الحين ف بيت اهلها .. تروحين معاي..؟؟
اروى : لا لا ماله داعي ..
طلع ابو عوض من البيت ودخلت اروى غرفتها بتمووووووووووووت من الطفش..!! قعدت على السرير وضحكت وهي تتذكر احلى طلعاتها وسفراتها ..
اروى " خخخخخ وريب كانت طلعات حلوة .. كنا مانروح مكان انا وعوض الا نشوووف لناس يطالعونا كاننا هبلان ... ههههه ما كاننا نروح أي روحة بدون سب بعض او هواش او فضييييحة ... اه على ذيك الايام "
قامت تلعب بالاشياء الموجودة على التسريحة .. حطت لها روج وكحل .. وتعطرت .. فتحت الدرج بتاخذ لها منديل .. بس .. حصلت الورقة حقت احمد قدامها ..
اروى " يوووه .. نسيتها .. "
طلعت الورقة من الدرج وقراتها من جديد .. وبعدين حطتها على التسريحة وقعدت تفكر..
اروى " ليش سوى كذا..؟؟ ليش هو مهتم لهالدرجة اذا كنت زعلت ولا لأ..؟؟ غريبه!! هالاحمد وراه شي... ارد عليه ..؟؟ لا لا وش قاعدة اقووول انا .. ماني رادة "
قامت وقعدت تفتح الدولاب .. وبعدين رجعت سكرته بطفش ...
اروى : افففففففف وش هالملل ..!؟!؟ شي مو طبيعي ..
قادتها رجولها من جديد لعند الورقة .. طالعتها شوي ..
اروى " يعني مافي أي مفر..؟؟ شكلي برد .. "
طلعت دفترها الابيض اللي تكتب فيه يومياتها لا زهقت .. وبدت تكتب...
وبعد شق 100 ورقة ... طبقت الورقة بعناية .. ورشت عليها من معطر الورق اللي عندها ....
وحطتها مع رسالة احمد ف الدرج من جديد ..
___________________________________
(( شقة سعود ودلع ))
( الساعة 9 المسا )
دلع : سعوود
سعود التفت : هلا..
دلع : كنت افكر ..
سعود ابتسم بخقة : ادري انه فيني..!!!
دلع ضحكت : ههههه مشكلة الواثق .. لا مو فيك ..
سعود ضحك : هههه كيفك .. بس انا كنت افكر فيكي..!!
دلع : ههههه مشكلتك ..!! لا من جد الموضوع ..
سعود تعدل ف الجلسة : مشكلة جديدة كالعادة ... ايش..؟؟
دلع : ليش ما نرجع ونسكن ف بيت عمي الله يرجمه مع سالم ولينا .. مو احسن..؟؟ بما انهم الحين وحيدين مالهم غيرنا ... و اريح لك بدال ما تروح وتجي كل يوم.. وتوديني وتجيبني ... ها..؟؟ ايش قلت..؟؟
سعود فورا : لا لا لا .. لا يا حبيبتي .. انا اعيش مع لينا المايعة وسالم وجه النحس..!!!؟؟؟ لا لا .. ماني موافق .. وهالفكرة انسيها ..
دلع : لييييييييش طيب ..؟؟ والله احسن .. كذا ما تدري ممكن يصير لهم شي لاسمح الله .. واحنا ما ندري عن شي
سعود بعناد : مو لازم ندري .. خلاص يا دلع .. سكري الموضوع ..
دلع " عنيييييد ..!!! اففففف " : طيب .. على راحتك ..
___________________________________
(( بيت ابو بندر ))
( الساعة 11 المسا )
وصل رائد عند بيت ابو بندر ودق على جوالها عشان تطلع له ... بس هي ما ردت عليه .. فقرر يتصل على البيت ... دق على البيت وردت ام بندر ..
ام بندر : الووو
رائد : هلا خالتي.. انا رائد
ام بندر : هلا رائد .. ادخل الباب مفتووح
رائد : تسلمين .. بس بعد اذنك لو تخين دانة تطلع.. لانه الوقت تاخر ولازم نروح بيتنا .. وللحين ترانا ما ودينا شنطنا هناك...
ام بندر : طيب دقيقة ..
التفتت على دانة اللي كانت قاعدة مع ثامر وتسمع منه السالفة كاملة عن مها وخلود واللي صار ..
ام بندر : يا دانة .. قومي البسي بسرعة .. رائد برى يقول يللا ..
دانة : قوليله ماني راجعة معاه اليوم
ام بندر : لييييييييييييش..؟!!؟
دانة : يما والله اشتقت لكم .. بس اليوم الله يخليك..
ام بندر : لا انا ماعندي بنت تنام بعيد عن زوجها .. قومي روحي معاه وبكرة تعالي من الصباح
دانة : أي .. قولي انك ما تبغين .. لاتحطينها حجة ف رائد..!!
ام بندر هزت راسها : لا حول ولا قوة الا بالله .. وش اقول للرجال الحين..؟؟
دانة : عادي هو يفهم .. قوليله خليها اليوم عندي ..
ام بندر ردت : الووو
رائد : هلا خالتي ..
ام بندر : شرايك يا رائد تخليها عندنا اليوم .. ولا اشتقنا لها وما شبعنا منها ..
رائد " هاللي ناقص..!! " : معليه يا خالتي .. والله بكرة من الصباح بجيبها لكم .. ولا بتاخر ..
ام بندر متفشلة منه : معليه يا ولدي .. عشان خاطري هالمرة بس..
رائد تنهد : ه .. خلاص بس عشانك والله .. ولا انا ما اقدر اتركها دقيقة والله
ام بندر : ههههه يا حلوكم ...
رائد : طيب تصبحي على خير خالتي
ام بندر : وانتا بخير ..
سكرت ام بندر متفشلة من رائد : ممكن تفهميني ليش ما تبغي تروحي مع زوجك..؟؟
دانة : يما قلت لك .. ما ابغى اروح اليوم .. ابغى اقعد عندكم .. مرة وحشتوووني ..
ام بندر : طيب بس ترى هالليلة فاهمة..؟؟ بكرة تروحين بيت زووجك
دانة : انشالله ..تعليق
-
@@@@@@@@@@@@@@@@@@@@@@@@@@@@@@@@
(( اليوم الثاني .. بيت ابو سعود ))
( الساعة 1 الظهر )
سالم على التليفون : طيب ادخل
فيصل : هذاني دخلت .. اللللللللللله البيت بارد .. انت وينك..؟؟
سالم : هههه لحظة هذاني بنزل ..
سكر سالم عن فيصل ونزل للدور اللي تحت وشاف فيصل واقف قدام المكيف ومغمض عيووونه ...
سالم : خخخخخ شعنده مكيف سيارتك خربان ...؟؟
التفت فيصل كاشخ ولابس نظارات شمسية : والله كل هالحر من الدقيقة اللي نزلتها من السيارة ودخلت فيها البيت .. الدنيا رطووووبة وحريييييييقة .. !!!
سالم طالعه من فوووق لتحت بدهشة : ايش هذا..؟؟
فيصل وهو يطالع نفسه مستغرب : شفيك..؟؟
سالم : احنا ما اتفقنا على كذا ... طالع اكشخ مني .. شكلي مبهدل وانا امشي جنبك ..
فيصل خق على عمره : هذا هو المطلووووب يا حبيبي.. ( وطى صووته ) وينها ..؟؟
سالم : فوووق .. للحين ما قلت لها .. اكيد ما بترضة .. خليت هالمهة لك ..
فيصل : يا ويلي .. خليت لي الجزء الصعب...!!! طيب .. استنى هنا
سالم بنص عين وهو يحرك حواجبه : لا بطلع معاك ..
فيصل ضحك : ههههه اطلع وش اسويلك..؟؟
طلعوا الاثنين فوووق ..
فيصل وقف : سالم
سالم وقف : شفيك..؟؟
فيصل : تذكر المسدسات اللي كنا نعبيها موية احنا وصغار ونلعب فيها..؟؟ ها..؟؟
سالم : أي..
فيصل : وينها ..؟
سالم : ا... ا... مممم .. أي صح .. فوووق دولابي..
فيصل : روووح جيبها بسرعة ...
سالم : طيب ..
راح سالم ووقف فيصل ينتظره .. وبعد كم دقيقة .. رجع سالم معاه مسدسين ومعبيهم موية ..
سالم : تيك يووورز ..
فيصل اخذه وهو يطالعه بنظرة شيطانية : هع هع .. جاهز..؟؟
سالم : يللا ..
دخلوا غرفة لينا شوي شوي بدون ما يدقووون الباب وكانت نايمة ..
فيصل اشر لسالم ... وعلى طوووووول .. بدوا يرشووون الموية على لينا النايمة .. اللي من حست بالموية تلامس جسمها .. فزت على طوووول وهي تصارخ .. والكل يرش عليها .. لين صارت ع الارض وكشتها الكبيرة فوووقها ...
فيصل : نشرد ..؟؟
سالم : أي نشرد ..
لينا اللي طايحة ع الارض ومعصبة : وين بتشردوووون ؟؟؟؟ حسابكم معاي .. تعالوا هنا ...
طلعوا فيصل وسالم يركضون برى الغرفة .. اما لينا فلحقتهم بكشتها الكبيرة .. وهي شايلة المخدات وتحذفها عليهم ف كل البيت ..
.......
.........
بعد حوالي ساعة ... كان الكل طايح ع الارض من التعب ..
سالم : تصدق يا فيصل : خوووش لعبة .. نعيدها..؟؟
لينا : تعيدووونها ها..؟؟ انتوا بس جربوا ...
فيصل : ههههه احلفي انه مو وناسة
لينا : لأ مو وناسة
فيصل : الا وناسة .. ماشفتي نفسك وانتي مطلقة طقم اسنانك من الفرح .. ؟!؟!
سالم : خخخخخ
لينا قامت : بروح اغير ملابسي .. كلها موووية ..
سالم : أي صح .. البسي ملابس طلعة
لينا : ليش..؟
فيصل : بوديكم مطعم .. على حسابي ..
لينا : اوووخص .. من وين طالعة الشمس اليوم ...خخخ
ضحك سالم على فيصل .. اما فيصل فشال المخدة وحذفها فيها وهو يضحك : هههه قردة ...!!!
___________________________________
>> الفصل الثاني <<
(( بيت ابو بندر ))
( الساعة 2 ونص الظهر )
قامت دانة من النووم متأخرة لانها ما قدرت تنام امس بالليل من التفكير .. ماهي عارفة ايش بتسوي ف علاقتها برائد ... هو طول الليل كان يدق عليها بس هي ما ردت .. رسل لها مسج يطلب فيه ترد عليه .. بس ولا عطته أي اهتمام ...
بعد ما غسلت وجهها ولبست ملابسها .. طلعت من الغرفة لغرفة اخوانها على طوووول ودخلت : صباح الخييييييييييييييييييييييييييييييييييير
بس للاسف .. محد عطاها وجه ...
دانة : افففف منكم ومن نومكم الثقيل .. قوموووووووووووووووووووا ....!!
ثامر وهو يفرك عيووونه : ممكن تسكتين واللي يعافيك ..؟؟
دانة : لأ ... ما بسكت الا لما اقووول اللي ف بالي ... قوموا واسمعووووني ..
بندر : اتوقع عندك زوووج مستعد يسمعك .. اما انا .. لأ ...
دانة راحت وشالت عنه اللحاف : لأ بتسمعني ... ما بطول ..
قام بندر وقام ثامر وهم تعبانين وفيهم النووم ..
ثامر :قولي اشووووف ..
دانة : بما انه امس انا راجعة .. لازم تاخذووني وتغدوووني .. كترحيب يعني....
بندر سحب اللحاف وتغطى : زين لا قمنا ...
دانة : بس الحين الساعة 2 ...
ثامر : صدقه بندر .. لا قمنا بنشوووف ...
دانة : بس انا جوعانة ...
ثامر : اتصلي ف رائد وروحي معاه مو هو زووووجك
طلعت دانة من الغرفة مو طايقة عمرها " رائد رائد رائد .. زوجك زوجك زوجك ... طفشت يا ناس .. محد راضي يفهم اني ما ابغى اشوووووووف وجهه حاليا..!؟!؟! "
دخلت غرفتها وشافت جوالها يرن .. ويوم رفعته
دانة : معروووف ... زوجي رائد ...
قعدت تطالع الشاشة لين ما سكر .. وبعد دقيقة رجع يرن ..
دانة : اففففففففف .. الووو
رائد : الحمدلله ... دانة انتي وينك..؟؟ من امس وانا ادق عليك ما تردين ..
دانة بدون أي نفس : رائد .. انا مشغووولة مع اهلي الحين .. تبغى شي..؟؟
رائد : أي .. متى امر اخذك ..؟؟
دانة : تاخذني..؟؟ لوين انشالله ..؟؟
رائد : للبيت يعني لوين ...؟؟
دانة انفعلت : وانت من جدك تتكلم ..؟؟ مسوي كانه ما صار شي...
رائد : افففف دانة يللا عاد .. بلا عناد .. انسي الي صار وارجعي ...
دانة : انسى..!؟!؟!؟؟ليش اللي صار يننسى بسرعة ..؟؟ اللي صار سهل يا رائد ... انت للحين ما قلت لي مين هذي وليش دقت ... وبصفتها ايش عشان تدق عليك ..؟!؟
رائد : انا جيت بقووولك بس انتي ما بغيتي تسمعي مني أي كلمة ..
دانة : طبيعي ما بغيت اسمع ... و ولا ابغى اسمع ... طيب..؟؟ و على فكرة .. انا ماني راجعة البيت الا لما احصل حل للمشكلة اللي احنا فيها .. واعرف السالفة كاملة .. عشان كذا لا تحرجني مع اهلي.. انا بتفاهم معاهم .. مع السلامة ..
سكرت ف وجه رائد والعبرة خانقتها .. ولا عمرها توقعت بتكووون بهالقسوة والعناد .. وعلى مين .. على رائد .. على اللي ملك روووحها كلها ..!!!؟؟تعليق
تعليق