رواية ودك تنامين ؟ نامي روايه رومنسيه / كامله

**& بنـوتـه نعـومـه &** · 23-09-2008, 07:10 AM

(( بيت هشام ))

( الساعة 11 ونص الصباح )

قعد خلود على السرير بهم وضيق بعد ما خلصت ولبست : اففففففففف ...
عهود : شفيك ..؟؟

خلود : لو شافني ...؟؟ وش بيصير...؟؟ عهوود انا ما اقدر احط عيني بعينه بعد اللي صار .... مالي وجه .....!!!!!

عهود عصبت : ليش انتي وش سويتي..؟؟ انتي مو ذنبك ... الغلط كله من الحيوانه مها الله ياخذها ... انتي وش دخلك ...؟؟
خلود انفعلت : انا وقفت برى معاه ....

عهود سكتت تفكر : وانتي الله يهديك ليش وقفتي كان دخلتي على طوووول يوم ما حصلتي بابا ......؟!؟!؟!؟

خلود بندم : ادري ... بس يا عهود انا على بالي هذا بندر ...
عهود : حتى لو بندر ما توقفين معاه برى ...
خلود : افففف... عهود افهميني ... صارلنا كم موقف نشوووف بعض ... ونمزح مع بعض عادي .. ما صار شي .. انا شدراني هالمرة بيصير كذا يعني..؟؟؟

عهود بشك :خلود ... انتي تحبينه صح ..؟؟
خلود سكتت : .................اي
عهود تنهدت : ه ... مدري والله يا خلود ... بس احس خلاص .. الولد كرهك بعد اللي صار .. اسفة ما اقصد ازعلك او اضيق خاطرك .. بس هذا الصدق .. انسيه خلاص..

خلود " صح ... كلامها كله صح ... بندر خلاص ... طحت من عينه "

___________________________________

(( المستشفى ))

( الساعة 12 ونص الظهر )

لينا : اففف ... سالم والله شبعت .. انتفخت من الاكل ...
سالم : ياربييي .... توك ما اكلتي شي ...
لينا : يعععع والله مو حلووو ... ما ابغى خلاص
سالم : يابنت لازم عشان تتحسنين ...
لينا : افففف... قلت لك ما ابغى ... لقمة ثانية وبطلع كل اللي اكلته بوجهك ...

حط الاكل سالم : اففففففف ... كيفك ... شكلك تبغين تقعدي ف المستشفى يومين زيادة .....
لينا : عادي ....... ما جات دلع ...؟؟
سالم : لأ لسه ....
لينا : اففففففففففففففففف ...

دخل فيصل بعد ما دق الباب شايل بيده كيس ...
فيصل : هاي ...
لينا ابتسمت : هايات ....
فيصل قعد ع الكرسي اللي جنب سالم : هاو ار يوووو ...؟؟
لينا : فاين الحمدلله ...
فيصل : وانت شلونك ..؟؟
سالم : بخير ... شلونك انت..؟؟ وشلون نسايم والبنات ..؟؟
فيصل : الحمدلله .. عندي لك خبر حلوو ..
سالم : خير....؟؟

فيصل : بعدين بعدين ...
لينا : انتوا انا اوريكم ... جايين تزوروني .. وبدال ما تسولفون معاي .. قاعدين تحشووون فيني ... والمشكلة تحسبوووني ما اسمع

فيصل : هههه شوووف هذي ...!!!! يا ماما محد جاب طاريك ... المهم .. زين ذكرتيني ... ( مد لها الكيس ) هذا لك ...

اخذت لينا الكيس : واو ... هذا ايش..؟؟
فيصل ابتسم : افتحيه ...
فتحت لينا الكيس وشافت صحن فطاير كبير....

لينا طارت عيونها من الجوووع : واي .... اكل ...!!

سالم : هههههههههههه استانستي الحين ..؟؟؟
لينا فتحت الصحن على طول وقامت تاكل ...
سالم : زين انك جبته ... مارضت تاكل ولا شي ...
فيصل : دلووووعه ... تعودت على البطره ...

سالم : طيب ... يصلحلها هالاكل....؟؟ ولا ممنوع ..؟؟
فيصل : ولا يهمك .. مريت على الدكتووور وسالته .. قال مو مشكلة ...

لينا : والله يا فيصل هالمعروووف ما انسى لك اياه ابد ..
فيصل : انتي بس اتعافي واطلعي بالسلامة واحنا بخير ... صرنا ما نقعد ف بيووتنا ... 24 ساعة مطيحين ف المستشفى معاك ....

__________________________________

**& بنـوتـه نعـومـه &** · 23-09-2008, 07:11 AM

(( بيت ابو بندر .. عزا الحريم ))

( الساعة 3 العصر )

رائد : دانة حبيبتي ... حياتي بسك صياح .. ترى والله ماتهونين علي كذا ...
دانه : اهئ .... رائد انا احبها ... احبها ليش تموووت ..؟؟!
رائد : يا دانه هذي كلمة ربك ... بتعترضين عليها يعني..؟؟؟ ربي كتب لها الموت تجين تقولين لأ ان احبها..!!؟!؟!؟ ما يصير يا حبيبتي ... والله ما يصير ... بينما لو صبري واحتسبتي الاجر ... ودعيتيلها بالمغفرة ... هذا بيفيدها اكثر .... روحي يا عمري ... غسلي وجهك وروقي ... واقري لك شوية قران ... يللا حبيبتي ..

دانه بدت تهدى : انشالله ...
رائد : بتصل فيك بعد شوي ... ابغى اسمعك مروووقة وهادية طيب ...
دانه : طيب ...
رائد : يللا حبيبتي .. باي ..
دانه : باي...

سكرت دانه ومسحت دموعها ... بس بسرعة رجعت نزلت من جديد ..
جات ام بندر : حبيبتي دانه ...
دانه : هممم ..؟؟
ام بندر قعدت جنبها وحضنتها : خلاص حبيبتي ... ما يصير ... انتي تصيحين والحريم يصيحون لما يشوفووونك كذا ... اهدي شوي .. والله جدتك مزنة متقطع قلبها عليك ... اهدي حبيبتي شوي ... وغسلي وجهك ... كلمي رائد شوي شوفي شخباره ..

دانه : كلمته توني ...
ام بندر : طيب حلوو ... شوفي الناس اللي يهتمووون فيك وش كثرهم ..؟؟ ادري انك متعلقة ف جدتك وتحبينها .. بس بعد جدتك مزنة تموووت فيك .. وخالاتك كلهم يحبوونك ... ع الاقل اكتمي حزنك شوي قدامهم ... لاتخليهم يزعلووون معاك ...

دانه : انشالله ...
ام بندر: يللا قومي رووحي غسلي وجهك .. وروحي لغرفتك .. رائد مرسل لك مفاجأة..
دانه مستغربة : والله ..؟؟
ام بندر ابتسمت : أي والله ... قومي حبيبتي .. قومي شوفيها ..
دانه قامت على طول : طيب ...

قامت دانه للحمام .. غسلت وجهها .. ونشفته من الموووية زين ... استغفرت ربها وطلعت لغرفتها ...

دخلت الغرفة وشافت بوكيه ورد كبيييييييييييير مرة ... ماخذ مساحة نص الغرفة ..
دانه فتحت عيونها ع الاخير وابتسمت : واو ....

قربت تتامل الورد ... احمر .. ابيض ... بنفسجي .. اصفر .... ووردي .. والريحة مالية المكان ....

شمت الوروود وردة وردة .. ما خلت ولا وردة ما شمتها .. اخذت مجموووعة من الوروود .. وقامت تنتفها على السرير وتبعثرها ... وبعثر ورود ف كل مكان ...

اخذت وردتين حمرا وحضنتهم وهي مبتسمة " الله لايحرمني منك يارب .. "
لمحت بطاقة على البوكيه ... اختها وفتحتها وهي مبتسمة ... بس سرعان ما تعقدت حواجبها وهي تقرا البطاقة ..

الى دانه ..

مع اني حزنت لك ..
لكن فرحت لتاجيل عرسك ..
هذي فرصة عشان تعرفين زوجك زين ..
واي نوع من الرجال هو

اختك ..

استغربت دانه .... " يعني ... هالورد مو من .. رائد ..؟؟ اجل من مين ..؟؟ مين هذي اللي بترسل لي هالورد كله وتكتب هالكلام...؟؟ "

اخذت الافكار تروح بدانة وتجي يمين ويسار ... : رائد..؟؟ وش دخل رائد بالموضوع..؟؟ وشلون تعرفه ..؟؟ بس .. هي يمكن ما تعرف رائد ... يمكن تعرفني انا .. وتدري اني بتزوج .... اففففففففف وش هالمصيبة الجديدة ...؟؟؟

قامت ووقفت قدام المرايا تفكر : انتي من جدك يا دانه ..؟؟ من جدك بتبدين من الحين تشكين وتسوين مشاكل..؟؟ توكم ما عرستوا .... بدري ع المشاكل ...

رن جوالها يقطع تفكيرها ... ويوم شافت الاسم ... كان } حبيبي ....

دانه عطت اصبعها : ارد ..؟؟ وش اقووول..؟؟ اساله ..؟؟ لا لا لا ما بضيق خلقه الحين .. بعدين لما تهدى الاوضاع بساله ... ومتاكدة انه السالفة ما تستاهل ..

دانه : هلا حبيبي ...

___________________________________

**& بنـوتـه نعـومـه &** · 23-09-2008, 07:12 AM

___________________________________

(( المستشفى ))

( الساعة 4 العصر )

وقفت دلع ف المرر عند غرفة لينا : يللا
سعود : ايش..؟؟
دلع بعتب : لاتقول غيرت رايك ..؟؟ وش اتفقنا احنا ...؟؟
سعود لف وجهه للجهة الثانية : روحي انتي... ماني داخل ...

دلع : سعود الله يخليك عشاني ... والله البنت مسكينة .. كل اللي تبغاه احد يهتم فيها.........!!!
سعود : دلع خلاص .. قلت لك ماني داخل ... قفلي الموضوع وروحي ..
دلع : طيب ..

دخلت مبتسمة الغرفة وشافت سالم وفيصل قاعدين يقلدون استاذهم ف المدرسة ولينا فاقعة ضحك عليهم ..

دلع : ياعيني ... وش هالضحك .. ؟؟
لينا : ههههههههههه تكفين تعالي شوفيهم ... والله يموتووون من الضحك هههههههه

سالم لفيصل : هههه شوف هذي شلون تضحك بس..؟؟ على بالها مهرجين عندها احنا تعزم الناس يطالعونا ....؟؟!!؟
فيصل : ههههه هبلة ... !!!!

دلع : هههه كملوا كملوا ...
سالم : لا خلاص ... تعبنا ..
فيصل : صدق والله .. ما بقى سالفة ما سويناها ...
دلع : يللا أي شي ...

سالم : فيصل تذكر اول ما قمنا نسوووق سيكل ف الحارة ...
فيصل : هههههه الكلب العجوووز ...

لينا : قولوا قولوا ...

سالم : يا طويلة العمر اول ما بدينا نسوووق سياكل كنا مجانين ... كنا ف المتوسط .. المهم .. كنا طايرين بنص الشارع بهالسيكل .. المهم ونمر قدام سيارة عجوووز طاير .. وبغى يصدمنا .. المهم عاد فتح القزاز حقه مرعوووب ومعصب

وقام يصارخ : يا عيال الكلب ... تففففف عليكم وعلى اللي جابكم ...!!!

دلع : يوووه ..!؟!؟!؟

فيصل : عاد انا عصبت ... قمنا واخذنا حجرين من الكبار والثقيلين ... المهم ونرميها على قزاز الرجال اللي ورى ... وينكسر باكمله ...
سالم : والله تفتت لقطع صغيرة مرة ...

المهم ونروح شاردين بهالسيكل بين الدواعيس الصغيرة .. وعاد وين يصيدنا ساعتها؟؟!

لينا صفقت باعجاب: واو .... ايش الشجاعة هذي...؟!!؟! تعجبووووني ..

سالم : الا ما قلتيلي دلع ... زوج الغفلة راح ولا برى ..؟؟
دلع طالعته بعتب ولا ردت ...........

سالم : شفيك ..؟؟
دلع : لما تتكلم عنه زي الناس برد عليك ....
فيصل : صدق وينه ..؟؟
دلع : ماني قايلة لين ما خويك هذا .. يعرف شلون يتكلم عن زووجي ..

سالم : يووه .. خلاص سوووري .. ما تسوى علي كلمة .. خلاص اسفين اخت دلع .. وينه ..؟؟
دلع ارتبكت : ا.. ا.. شوي ويجي ..

سالم : زين .. انا بطلع شوي مع فيصل نغير جو ..
لينا كشرت : لا خلكم شوي ..
سالم : معاك دلع ... لاتخافين بنرجع قبل ما تروح ...
لينا : طيب ... سي يووووو قايز ..
فيصل : باي ..

طلعوا من الغرفة ............

دلع : ها شلووونك اليوم ..؟؟
لينا : بخير الحمدلله .... مرة وناسه .. لولا فيصل وسالم .. كان انا ميتة زهق ..
دلع : هههههه مراجبج ... مو صاحيين ..

___________________________________

**& بنـوتـه نعـومـه &** · 23-09-2008, 07:12 AM

(( المسجد ))

( الساعة 6 المغرب )

: السلام عليكم ورحمة الله السلام عليكم ورحمة الله

سلم احمد بع ما خلص ركعتين السنة .... ورفع يده بالدعاء لربه ....
رفعها بكل تذلل وخضوع ... ودموووعه مغرقة عيوووونه ... دعا لامه بالمغفرة وجنات النعيم ..

دعوة ورى دعوة ... امل وراه امل .. وحزن فوق حزن ... لمتى الحياة بتستمر في خذلانه ...؟؟؟؟

قام وقف على حيله وطلع من المسجد منهار .. ما يبغى يرجع .. لو رجع ما راح يتحمل الحياة دقيقة ثانية .....

ركب سيارته وهو منهد الحيل ... ما عاد فيه أي قوة يسوي أي شي ...

احمد : اه يا يما .... ليش سويتي كذا ليش...؟؟؟!!! انا ولدك حبيبك احمد ... دلوووعك يا يما .... اللي كنتي تنتظرين بفارغ الصبر اني اعرس واوريك عيالي .. ويوم قربت من اني احقق لك هالامنية ... رحتي ...!!!!! لييييييييش بس ليييييييييييش...؟؟!
ليش كل اللي احبهم يروحون ...؟؟ هل انا فيني عيب..؟؟ هل فيني علة..؟؟؟ ولا حظي النحس كل ما تعلقت بانسان يرووووووووووووح ...؟؟!؟؟؟!

تحرك بالسياره ... مو عارف وين يروووح ..
يطالع الشوارع ... يشوووف المطاعم ... يمر على الاسواق ... بس .. ولا مكان من هالاماكن ممكن يحس فيها بالامان والراحه ....
احمد : وين اروووح الحين ..؟؟ وين ممكن احد يحتويني ..؟؟ وين ممكن احد يخفف عني ...؟؟ وين ..؟؟ وييييييييين ..؟؟

وبعد تفكير وسرحان لمده ... قطع عليه افكاره صوت صراخ راعي السيارة اللي وراه
......: ياخي تحررررررك ... عطلت السير ..... !!!!!!

احمد انتبه وحرك سيارته على طول للمكان اللي قال له عليه قلبه ....

وصل للمكان ... وقف سيارته ونزل .. عدل شماغه بطريقة عشوائية ...

ودق الجرس ..... جاله صوووت على طول ... صوت وحدة : مين ..؟؟
احمد : ا... احم ... انا احمد ... وين بو عوض ..؟؟
ام عوض : لحظة بس ...

كلها دقيقة وجا ابو عوض وفتح لباب : احمد ..؟؟ هلا .. هلا والل بولدي.... وينك يالقاطع وينك...؟؟؟؟

احمد يحاول يبتسم بس عيت لابتسامة تطلع : الدنيا يا عمي ... الدنيا وما تسوي...
طبطب ابو عوض على ظهره ودخله داخل : ادخل حياك البيت بيتك ...

دخل احمد معاه وراحوا للمجلس .....

جلس جنب ابو عوض مو عارف وش يقووول .. اساسا مو عارف هو جا هنا ليش..؟؟

ابو عوض حط يده على رجل احمد بعطف وحنان : خير يا احمد ... عسى ما شر..؟؟ ليش كاره عمرك وكاره الدنيا كذا ..؟؟؟ صاير معاك شي..؟؟ احد مضايقك ف الشغل..؟؟

احمد هز راسه بالنفي : لالا ياعمي .... عمي بو رائد مو مقصر معاي ابد ... بالعكس شايلني على كفوووف الراحة ....
ابو عوض استغرب : اجل وش فيك يا احمد ..؟؟
احمد قال وهو يعتصر الالم : عمي ... انا تعبت .... تعبت يا عمي .. كل ما احاول اعيش حياتي من جديد ... تتسكر بوجهي.... كل ما افتح باب ... ينسد من جديد ...

ابو عوض : بس يا ولدي بس.... بس قطعت قلبي ... فهمني وش السالفة ..؟؟
احمد : ا.. امس الوالدة توفت .... !!!!

ابو عوض انصدم : لا حول ولا قوة الا بالله ... !! ..... احمد .. اقدر اساعدك بشي..؟؟
احمد : اه يا عمي ... مدري وش ابغى ..؟؟ جتى ما كنت عارف وين اروووح .. ما حصلت نفسي غير جاي لهنا مدري ليش...؟؟؟

ابو عوض ابتسم : روووح الغالي...
احمد استغرب : ايش..؟؟
ابو عوض : روح الغالي جابتك ...
احمد ابتسم وهو يتذكر خوييه : الله يرحمه ... ليته معاي الحين ...

ابو عوض : احمد ... اذا احتجت أي شي... انا موجود ...
احمد : ما تقصر يا عمي ...
ابو عوض وقف : انا عرفت وش تحتاج ...
احمد : قول لي ... انا ما اعرف وش احتاج .. ههههه
ابو عوض : لحظة بس ..

طلع شوي بعدين رجع ....

ابو عوض : قووم معاي ...
احمد مستغرب : وين ..؟؟
ابو عوض : قوووم وبتعرف وين ....

طلع احمد ورا ابو عوض ... وطلع معاه الدرج لين وصل فووووق .. .وتذكر كل شي .. يوم وقف قدام الباب ...

ابو عوض فتح الباب : ادخل ...

دخل احمد وقلبه يدق ...
التفت ف المكان .. كل شي نفس ما كان ... الاشياء المبعثرة ... الشماغ الل معلق على يد الستارة ... والعطوووور ... وعلب جل الشعر .. ووو .... ملابسه المرمية ف الزاوية ....

احمد : كل شي نفس ما كان .. ما تغير شي..!!!
ابو عوض : هذي اخته ... ما حلتنا نمسك ولا شي ...

احمد ابتسم .. تذكر سوالف عوض عن اخته ... وشلون كان يتهاوش معاها 24 ساعة ..
بس بعد كل هوشة يرجع ويراضيها بطريقته طبعا .....

ابو عوض : بخليك هنا لوحدك... يمكن تخفف من همووومك ...
احمد ابتسم بشكر : تسلم يا عمي .. ما ني مطو .. ربع ساعة وبمشي ..
ابو عوض : خذ راحتك .. البيت بيتك ...

سكر ابو عوض الباب ... واحمد قعد يتمشى ف الغرفة ... ردت له ذكريات كثيرة ف هالغرفة .. ايام كانوا صغار ومراهقين .. انوا توهم ف الثانوي .. وما همهم غير البنات ..
وكانوا توهم ما اخذوا رخصة السواقة ...

عوض : شوووف شوووف هذي ..
احمد : اووخص .. وش هالصووورة رهييييييبة ..!!
عوض : عيووونها زي ما يقووولووون ... ذباحة ...!!
احمد ضربه على كتفه : خخخخخ الله يقطعك يا شيخ ..!! فيك خير ان حصلت ايميلها ..
عوض لف عليه بنص عين : تتحداني..؟؟؟!!

احمد بتحدي : اتحداك واتحدى طوايفك بعد ....
عوض : خلاص .. وش عليه تتحداني..؟؟
احمد : ممم .. اذا سويتها .. لك سواقة السيارة المرة الجاية لا سرقناها ...
عوض مد يده : خلاص .. اتفقنا....
احمد مد يده : اتفقنا ....

رجع احمد من ذكرياته وهو يضحك : هههههه وسويتها يا عوض وفزت ... خخخ والله انك ما كنت هيّن ....!!!!!

___________________________________

**& بنـوتـه نعـومـه &** · 23-09-2008, 07:14 AM

___________________________________

(( المستشفى ))

( نفس الوقت .. الساعة 6 )

دلع : اقووول لينا ... انتوا متى اختباراتكم ..؟؟
لينا : الاسبوع الجاي ... ما بقى شي
دلع : طيب .. ذاكرتي..؟؟
لينا : يعني نص ونص .. مو مرة
دلع : انتبهي على دراستك .. لازم تدرسين زين ..
لينا : افففف .. شلون الواحد يدرس ونفسيته زفت ها..؟؟ قوليلي ...
دلع : خلاص .. كل يوم خلي سالم يجيبك عندي ... تذاكرين واسمعلك ....
لينا بعناد : لأ ... زوجك هذا ما ابغى اشوووووفه ...
دلع : ليه طيب..؟؟ احنا وش اتفقنا امس.....................؟؟؟
لينا : ما ابغى .. قلت لك ما ابغى ...
دلع قامت : طيب براحتك ...
لينا فتحت عيونها ع الاخير : وين رايحة ..؟؟

دلع طالعت ساعتها :: تاخرت يا لينا .. صارلي ساعتين قاعدة معاك ..
لينا : اففففففف ... اقعدي لين يجي سالم ولا فيصل بليز ...

دلع : لحين بيجون .. تلاقينهم راحوا يصلوا المغرب والحين جايين ...
لينا مسكتها من عبايتها بتهديد : طيب يا دلع .. والله العظيم ان ما جيتيني بكرة .. والله لا ازعل منك ...
دلع ابتسمت وباتستها على خدها : وانا اقدر ما اجي واشوووف القمر يعني...؟؟ يللا بالسلامة ... خفي بسرعة طيب..؟؟
لينا ابتسمت : اوكي ..

طلعت دلع من الغرفة وهي تصلح الغطا على وجهها ... الاويصدم واحد بشنطتها بقوة ..
التفتت دلع : اففففففففففففف

لف عليها الرجال منحرج : اووه اسف ... تعورتي..؟؟
طالعته دلع مرتبكة " !!!! هذا هو..؟؟ هذا المزيووون اللي ف عمارتنا..؟؟ بس .. وش يسوي هنا...؟؟ " ( التفتت لملابسه وشافته لابس نفس الملابس ذيك حقت العسكرية ) " نفس الملابس... وش يسوي عسكري هنا..؟!؟؟! ياربيييي وش هالصدفة ....!!!!! "

طلال : عفوا .... صارلك شي...؟؟
دلع : ها..؟؟ لا لا ما صارلي شي...
طلال : ا.. اسف ما شفتك .. كنت مسرع لانه في حالة طوارئ صايرة ...
دلع " طوارئ..؟؟ هذا يشتغل هنا...؟؟ " : ا... ل .. لا لا عادي .. ما صار شي...

تركته دلع واقف ومشيت تدور على سعود .... وحصلته جاي لا من بعيد ....

دلع : سوري تاخرت ...
سعود ابتسم : عسى خفت ام سبع اروواح ...؟؟
دلع : حرام عليك .. والله انها تعبانة ... نفسيتها مرة زفت ..
سعود يتطنز : يا حرام ... الله يشفيها ...!!!
دلع بنص عين : تتطنز..؟؟
سعود رفع يدينه : قلت شي..؟؟ ما قلت شي....

@@@@@@@@@@@@@@@@@@@@@@@@@@@@@@@@@@@@@
نهاية الجزء ال 21 ..

.... ادري طولت لين خلصته ..
وانشالله .. راح احاول انظم حكاية الكتابة والتنزيل ..
والبارت راح ينزل كل 3 ايام من اليوم ورايح ..

طيب ... نرجع للرواية ..

دانه ورائد .. وبوكيه الورد .. راح يكون مشكلة..؟؟ ولا راح يعدي على خير..؟

سعود ودلع ... مرحلة تنظيم حياتهم هذي ... راح تسمر كذا .. ولا راح يكون في مشاكل..؟؟ ومين برايكم المتسبب فيها..؟؟ سعود ..؟؟ او دلع ..؟

طلال ... ليش طلع ف هالبارت..؟؟ وايش راح يكون دوووره ..؟

موووت جدة محمد واحمد وابراهيم ... على مين راح يكون تاثيره ..؟؟
احمد ..؟؟ ولا محمد ..؟؟ ولا ابراهيم..؟؟

احمد .. ايش مخبية له الايام ... ولا هذي نهاية الاحزان ..؟؟

بندر وثامر ... كيف راح يحلوون المشكلة اللي بينهم .. وكيف راح تثبت خلوود انه مالها ذنب ف اللي صار ..؟

اسئلة كثيرة .. وفي غيرها اكثر .. راح تلاقون كل اجوبتها انشالله .. ف البارت الجاي...

هع كل يوم جزء احس لاني بالعشررر الاواخر فصعب اني انزل كثرررر

**«¦» شوكلاين «¦»** · 23-09-2008, 12:41 PM

مشكوررررررررررررررررررررررررررررررررره

يعطيكي الف الف الف الف الف عافييييييييييييييييييييييييييييييييييه

**بنت الروح** · 23-09-2008, 09:56 PM

مشكورياقلبي على روايه كمليها بليززززززززززززززززززززززز

**لا تزيدالجرح ما قصر زماني** · 24-09-2008, 08:23 AM

بارت رووووووووووووعه بليييييييييييييييز كملي الروايه بسسسسسسسسسسسسسسسرعه

**حوسة مشآعر** · 24-09-2008, 09:55 AM

يعطيكي العافيه حبيبتي بليييييييييزززززززززززززززززززز كمليها بسرررررررررررعه قبل العيد والقصه مررررررررررره رررررررررررررووووووووووووووووووووععععععععععععععععععععه

اخذه كل تفكيري

**& بنـوتـه نعـومـه &** · 24-09-2008, 10:16 AM

المشاركة الأصلية بواسطة لنو الدلوعه

يعطيكي العافيه حبيبتي بليييييييييزززززززززززززززززززز كمليها بسرررررررررررعه قبل العيد والقصه مررررررررررره رررررررررررررووووووووووووووووووووععععععععععععععععععععه

اخذه كل تفكيري

هههههههههههههههههههههههههههههههههههههههههههههههه خلاص من عيوني اكملها

بس مو الحين >>>>>>يمكن باليل

رواية ودك تنامين ؟ نامي روايه رومنسيه / كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget