رواية ودك تنامين ؟ نامي روايه رومنسيه / كامله

**ريوووم** · 29-09-2008, 03:58 AM

المشاركة الأصلية بواسطة رمرومه

حرقت اعصابي.... حرام عليك حطي اجزاء اكبر من كذا

وبصراحه احمد في موقف مايحسد عليه
هو تناسبه اروى
بس ريوووووووووم وش ذنبها >>خخخ تدافع عن سميتها

وش هالخاتمه اللي انهيتي فيها هالجزء >>مووت مره وحدة ياقلبي على لينا
وامها مدري بتنعدل ولالا

اخ ياقلبي متى بتنتهي هالقصه تعبت والله تعبت

هههههههههههههههههههههههههه
والله يا رمرومه اني حاسه مثل الي حاسته عن جد متي اتخلص الروايه صج اني بزعل الانه بتخلص
الروايه بس بعرف شنو النهايه ..
انقطع فلبي ..
والصراحه انا ابي احمد يتزوج ريم معني احب اروي بس اروي ما اتحبه ..
وبعدين صح كلامج هالجزء لعب بعصابنه ونهايته كانت مو مفهومه وايد كان حماس .
تدرين ما ادري ليش اقتبست كلامج والله تعبت مثلج اشكرج حبيبتي وسوري اذا تدخلت بكلامج او ضايقتج..

**رمرومه** · 29-09-2008, 05:33 AM

اختك رمروووووووووووووومه

اختي ريووم عادي خخخخ اول مره احد يقتبس ردها

ابي القصه تنتهي قبل الدراسه اذا على هالحال

ماظن انها بتخلص

حنونه عطيني تكملة القصه وانا ماراح اعلم احد

**& بنـوتـه نعـومـه &** · 29-09-2008, 05:38 AM

ههههههههههههههههههههههههههههههههههههههههههههههههههههه

اووكي من عيوني بعد

داخله علشان انزلها

انتظروووا دقايق وهي عندكم

تحياتي
....
...
..
.

**& بنـوتـه نعـومـه &** · 29-09-2008, 05:43 AM

الجزء السابع والعشرون ( سبعة وعشرين ) :.

- ابو نسايم وام نسايم .. قرووا ياخذون نسايم وعيالها عشان يسكنون عندهم بجدة ..
- احمد انحط بموقف محرج قدام اروى يوم عرفت انه اخذ صورتها
- ثامر قاعد يحاول يعرف ايش قصة رقم خلود اللي مسجل باسم راكان
- دانة ورائد .. ايام حلوة ف شهر العسل
- دلع وسعود .. الفرحة تغمر حياتهم بعد حمل سعود .. ودلع منقهرة شوي من سعود اللي تعتقد انه ما يغار عليها ..
- لينا وسالم .. وصلهم خبر موت ابوووهم .. يا ترى ايش السالفة ..؟؟

(( المستشفى .. يوم الأربعاء ))

( الساعة 1 ونص )

اعصاب الكل كانت رايحة فيها ... خصوصا ام سعود اللي كانت تصارخ ف الممرات وتضرب نفسها زي المجنوووونة
ام سعود : لا... لا انا ماسويت شي...!! ما سويتله شي... شلون يموووووووووت ... اهههههه يا عبداللللللللللللللللللللللله ....

الكل كان يمر ويطالع فيها بشفقه .. مادروا عن حقيقتها ... الممرضين حاولوا يهدوونها ويخلونها تقعد ع الكرسي .. بس هي ماهي راضية ... تصارخ وتصيح وتضرب نفسها .. وتطيح بالارض وترجع تصارخ .... لين ما قرروا الممرضات يودونها غرفة ويعطونها ابرة مهدئة ... عشان تنام شوي ... لانه اللي تسويه مو زين على صحتها ...

:
:
:

(( ف غرفة ثانية من غرف المستشفى ))

كانت لينا نايمة ف الغرفة ولا تدري عن اللي يصير .. ومع انها كانت نايمة والمغذي مشبوك بيدها ... الا انه دموعها كانت تنزل على خدا الناعم ...

فيصل " لا حول ولا قوة الا بالله .. والله هالبنت ما تستاهل اللي يصير فيها "
مد يده بكل حنية ومسح الدموع اللي قاعدة تنزل من عيووونها ...

استغفر ربه وجلس ع الكرسي يفكر بحالة خويه .. من وصلوا المستشفى راح يشوف ابووه ولا رجع ... وهو مو قادر يتحرك .. يخاف ف أي لحظة تقوم لينا .. وما تحصل احد وتخاف او تنهار من جديد .. يكفي اللي صابها ...

___________________________________

(( محل الورد ))

( الساعة 2 الظهر )

وقف سعود مستغرب وهو شايل بوكيه الورد اللي توه مشتريه لدلع .. شاف رقم غريب بالجوال يدق عليه ...
سعود " خير انشالله ..؟؟ " : الو ..
سالم وصوته رايح : الو سعود ...
سعود ما عرف مين معاه : مين ..؟؟
سالم اخذ نفس عشان يقدر يتكلم : سعود .. انا سالم ..

سعود استغرب : سالم .. شفيه صووتك ..؟
سالم : تعال لنا ضروري ف مستشفى السعد ...
سعود : ليش..؟؟ لينا فيها شي..؟
سالم : أي .. مو بس لينا ..
سعود " شفيها هذي بعد ..؟؟ " : تكلم شسالفة ..؟؟
سالم " ما منه فايدة ...!! " : ابوي م .. مات ...!!

سكر سالم الخط بوجه سعود اللي وقف منصدم من اللي يقوله سالم ..
سعود " هذا من جده ولا يمزح معاي..؟؟ المشكلة سكر ولا عطاني فرصة افهم .. "

وبسرعة ركب سيارته وحط الورد على الكرسي اللي جنبه وتوجه للمستشفى .. وهو بالطريق ..
سعود " يوووه .. نسيت دلع " .. اخذ جواله ودق على الشقة ...

دلع : الوو ..
سعود : هلا حبيبتي .. بتاخر اليوم شوي ..
دلع : طيب حبيبي . بس .. فيه شي..؟؟
سعود : مدري يا دلع .. اتصل فيني سالم وقال انه ابوه مات .. وسكر قبل ما يعطيني فرصة افهم شي....
دلع انصدمت وما قدرت توقف على حيلها .. فقعدت ع الكنب : ايش..؟؟؟!! عمي مات!؟!
سعود : والله ما ادري شسالفة يا دلع .. ويقول انه لينا تعبانة ...
دلع : طيب الله يخليك مر علي .. الله يخليك يا سعود ..
سعود : دلع حبيبتي .. انتي خليكي ف الشقة .. انا بشوف وش القصة .. اذا طلعت السالفة صدق رجعت واخذت والله ..

دلع : طيب .. بس أي شي يصير معاك تبلغني على طول ..
سعود : خلاص انشالله .. باي
دلع : باي ..

___________________________________

(( شركة ابو رائد ))

( الساعة 2 ونص )

ابو رائد كان على وشك يطلع من الشركة .. يوم دخل عليه احمد ..

احمد : السلام عليكم
بو رائد : هلا احمد وعليكم السلام ..
احمد : بو رائد بعد اذنك بغيتك توقع هالاوراق عشان المناقصة ..
بو رائد طالع الاوراق شوي وبعدين رفع عيونه : معليه يا احمد .. خليها بعدين والله ماني فاضي .. الحين بطلع بودي زوجتي وريم المطار ...

احمد ابتسم : بيروحون عنك ويخلووونك .. افا
بو رائد : أي شفت كيف .. كله بسبب الشغل ..
احمد : يللا يرجعون بالسلامة ...
بو رائد : الله يسلمك .. المهم .. انا اتاخرت .. اجل توقيع هالاوراق شوي لين ما اجلس واقراها على رواق شوي شوي ..
احمد : انشالله ..

طلع بو رائد من الشركة واحمد رجع مكتبه وجلس سرحان يفكر " تراك ذبحتنا انت .. مرة اروى .. ومرة ريم ... فكنا واختار وحدة ... لازم تقرر .. ما يصير كذا .. يا هذي يا هذي .. بس.. ريم بتروح اليوم .. الله يردها بالسلامة انشالله .. بس .. اروى .. اخخخ من اروى .. والله الكلام اللي قالت لي اياه امس للحين يعورني .. ما انساه لو ايش.. بس زين انها قالته .. انا استاهل .. صدق اني قليل حيا .. اجل اخذ صورة البنت واقول لها بكل قواة عين اني اخذتها ...!!! صدق ما استحي .. بس .. معقولة تكرهني على هالشي ..؟؟ اكيد طحت من عينها .. بس .. انا ولا عمري غلطت هالغلطة .. شلون قدرت وسويتها.. انا ولا عمري سرقت صورة بنت .. اكيد ما كنت بعقلي يوم اخذتها .. معقوولة الكابة تسوي فيني كذا ...؟؟ اففففففف ... ياربي وش اسوي..؟؟ انا ما ابغى احد يفكر اني واحد موب زين ولا لعّاب .. لازم احصل فرصة اشرح لاروى اللي صار .."

انتبه على نفسه وش قاعد يقووول وضرب نفسه كف خفيف " انت مجنووون .. ناوي تشووفها من جديد ؟؟.. والله راح تطيح من عينها زي الناس هالمرة اذا سويتها .. !! "

**& بنـوتـه نعـومـه &** · 29-09-2008, 05:45 AM

(( ف المستشفى ))

( الساعة 3 العصر )

وقف سعود منصدم من اللي يسمعه .. قال بنظرات مو فاهمة شي : ها..؟؟
الدكتور باسف : زي ما قلت لك .. المرض يوم جا المستشفى كان ميت اصلا.. فما قدرنا نسوي له شي....!!
سعود : ط.. طيب كيف مات .. ما عرفتوا..؟؟
الدكتور : زي ما تعرف .. ابوك كبير بالسن .. والكبير ف السن يكون معرض لسكتات قلبية ..
سعود : يعني مات بسكتة قلبية..؟؟
الدكتور : هذا اللي اتوقعه .. الانفعال ساعات يسبب سكتات قلبية .. وعظم الله اجركم ..
سعود : جزاك الله خير .. ما قصرتوا والله ..

راح الدكتور عنه ووقف هو ف الممر مو عارف ايش يسوي... يفرح ..؟؟ يزعل ..؟؟ يضحك ..؟؟ ولا يصيح ..؟؟ ولا يطلع من المكان ..؟؟ في هاللحظة وصله صوت صراخ امه من الغرفة القريبة .. صراخ هستيري...

سعود ضحك باستهزاء من القهر اللي فيه : ههههه .. تصيحين..؟؟ الحينقمتي تحسين وتصيحين..؟؟ بعد ايش..؟؟ بعد ما مات زوجك..؟؟ ههههه والله هالزمن مسخرة ... !!

قعد يمشي وهو يتذكر اللحظات اللي قضاها ف حياته مع ابوه .. واغلبها كان يهزئ فيه..

تردد هالكلام ف عقل سعووود وهو يمشي " انت اكثر واحد مهمل شفته ف حياته .. ما منك فايدة .. مالت عليك من ولد .. لو ادري اني بجيب ولد كذا كان ما جبتك .. روح لا بارك الله فيك .. طيب شغلك معاي بعدين .. ان ما ربيتك زي الناس ما اكون عبدالله "

هز راسه متضايق وطلع الجوال يتصل على دلع ...
دلع اللي كانت قاعدة تنتظر جنب التليفون : الووو ..
سعود : الووو
دلع : ها سعود شصار ..؟؟
سعود : طلع كلام سالك صح .. مات ...!!

دلع طاحت دموووعها : لا تقوول ..
سعود : والله
دلع : لا حول ولا قوة الا بالله.. انا لله وانا اليه راجعون ..

وشوي شوي .. بدت تصيح ..
سعود مشاعره متخدرة : لا تصيحين .. ما يسوى دمعة على اللي سواه فينا ..
دلع ما عطته وجه : انت وين الحين..؟؟
سعود : للحين ف المستشفى ..
دلع : تعال خذني .. الله يخليك ابغى اشوووفه ..

سعود : انتي من جدك..؟؟ بعد كل اللي سواه فيك ..؟؟ ارتاحي ف بيتك احسنلك .. ماله داعي تتعبين نفسك عليه .. خلاص مات الله يرحمه ..
دلع : اقووولك تعال خذني الجين والا والله لا اجي بتاكسي .. ترى اسويها ..

سعود : طيب طيب .. الحين بجي اخذك ..
دلع : انتظرك ..

سكر سعود : والله هبلة .. انا منها ولا اطالع ف وجهه بعد اللي سواه ...!!

___________________________________

(( بيت ابو راكان ))

( الساعة 4 العصر )

دخلت هيفا على مها الغرفة متحمسة بدون ما تدق الباب : الحق..

سكتت يوم شافت مها مرعوووبة تطالع ف العلبة اللي طايحة ف الارض ومتناثر منها حبوب كثيرة ف كل مكان ...

هيفا مستغربة وحاسة انه في شي غلط قاعد يصير : مها..؟؟ ايش هذا..؟؟

مها خافت من داخلها .. بس من برى .. سوت انها قوية وبوقاحتها المعتادة : انتي ما تعرفين تدقين الباب ..؟؟ من وين جاية انتي من وين...؟؟ انقلعي برى اشوووف .. !!

هيفا خافت وتحطمت ف نفس الوقت : بس انا .. ك.. كنت ب.. بقولك ...
قاطعتها مها ولا عطتها فرصة تشرح .. ودفتها لبرى الغرفة : انقلعي برى ولا اشوووف وجهك مرة ثانية فاهمة ..؟؟

هيفا تطالع الباب اللي انصقع ف وجهها مستغربة " هذي الحبوووب ايش..؟؟ لا يكوووون ... لا لا لا انا مالي دخل .. والله لو تدري مها اني قلت شي لا تدفنني حية .. ماني ناوية على عمري .. !!! "

___________________________________

(( المستشفى ))

( الساعة 4 ونص العصر )

طلعت دلع من الغرفة وهي ماسكة سعود عن يعصب ويطلع منه كلام مو زين قدام خلق الله ...

ويوم صاروا برى الغرفة ....
سعود منفعل ومعصب : شفتي يوم اقووولك ما تستاهل ...؟؟ ولا تربت .. مات زوجها وللحين لسانها طول الحية ...!!!
دلع تحاول تهديه : خلاص .. خلاص سعود .. معليه .. قدر ظرووفها زوجها توه اليوم ميت .. معليه .. وبعدين مو من اول مرة بتتقبلك ...
سعود عصب زيادة : ليش انا ميت عليها..؟؟ ماني ميت عليها ولا ابغى حبها .. مالت عليها .. ليتها هي اللي ماتت مو زوجها ..!!
دلع : بس ..بس يا سعوود .. ما يصير قدام الناس تسوي كذا .. خلاص اهدى .. انتا ما تغديت عشان كذا معصب واعصابك تلفانة ... اكيد جوعان .. قوم خلينا نشتري لك شي عشان تاكله من الكافيتيريا ... قوووم خليك تروووق شوي وتهدى ...

سعود مشى معاها بدون ما يقول ولا كلمة ... فوق الجوع اللي ذابحه .. وكلام امه وهي تطرده مع زوجته من الغرفة يوم جو يتطمنوا عليها زاده عصبية وجنان ..

ويوم وصلوا الكافيتيريا .. اخذ سعود له ولدلع ساندوش وعصير وقعدوا على طاولة من الطاولات ...
دلع ابتسمت تحاول تخليه يروق مع انها كانت زعلانة مرة على اللي صار ف عمها : ههه انت لما تجوووع .. تجن بشكل مو طبيعي ...!!
سعود رجع تذكر وقام يصارخ من جديد : انا..؟؟ انتي شفتيها كيف تتكلم .. تقول اطلعوا برى ومدري ايش..؟؟ مالت عليها .. انا من اول قايل لك ما سحتاج ندخل .. ما تستاهل احد يكلمها .. انا اوريها ان ما رميتها الحين ف دار العجزة ما اكون سعوود ..

دلع فتحت عيووونه الثنتين : انت من جدك..؟ هذي امك .. مهما سوت تبقى امك ..
سعود : بلا امي .. بلا بطيييخ .. انا برميها ف الدار .. عشان تتعلم مرة ثانية شلون تتكلم مع الناس .. محنا خدامين عندها تصارخ فينا وتشخط على كيفها...!!!

دلع تذكرت لينا : أي صح ... ما شفنا لينا..؟
سعود بلا مبالاة : ما فيها شي .. كالعادة .. تتدلع ..!!
دلع : حرام عليك البنت مات ابوووها ..
سعود : هذا انا مات ابوي .. ا اغمى علي وسويت زيها حركات ودراما ...!!

دلع سكتت .. النقاش مع سعود الحين غير مفيد ابد .. وما بزيده الا عصبية .. اكلت الساندوش حقها بسرعة لانها تحتاج تغذية ف هالفترة عشان ينمو الجنين زين .. وقامت وهي شايلة شنطتها ...

سعود يطالعها : وين رايحة ..؟؟
دلع : بروح اشوووف لينا .. انتا خليك هنا كمل اكلك ..
سعود سوى انه مو مهتم : طيب .. لا خلصتي انا بكون هنا ...
دلع : ليش ما تخلص وتلحقني..؟؟ والله اذا شافتك جاي تزورها يمكن تخفف عليها شوي... تراها يتيمة الحين .. ع الاقل تحسسها انها عندها سند ماهي وحيدة..
سعود : مالي دخل .. ما ابغى ..
دلع تنهدت " عنييييييييييد ..!! " : طيب على راحتك ..

,,,,,
.....
,,,,,,,
.........

طلعت سعود بعد ما سالت عن غرفة لينا .. صح انهد حيلها .. بس لازم تتحمل شوي ..

___________________________________

**& بنـوتـه نعـومـه &** · 29-09-2008, 05:48 AM

(( ف مواقف المستشفى ))

( نفس الوقت )

قعد سالم ع الارض وتسند على سيارته الجديدة .. يحاول يتخبى عن الناس عشان لا يشوفون دمووعه .. صحيح كان زعلان من ابوه ف الفترة الاخيرة لانه كان شوية قاسي معاهم ومهمل .. بس كان عارف ومتأكد انه كل هذا من امه اللي كانت تملي راسه شر وفتنة ....

سالم " اكيد ما قدر يتحملها ومات ...!! مات وخلاها لنا .. الله يرحمك يا ابوووي .. والله الدنيا ما تسوي بدووونك ....! "

وفي نفس الوقت ... ونفس المكان .. وقفت سيارة بي ام ف المواقف ونزلوا منها بنتين مع امهم وابوهم وكان الابو شكله تعبان .. والكل خايف عليه ..

سالم اول ما شافه تذكر ابوووه ونزلت دموعه " الله يشفيه ويحفظه لكم يارب !!! "

___________________________________

(( غرفة من غرف المستشفى ))

( الساعة 5 ونص المغرب )

كانت دلع ف الغرفة تصيح بصمت على حالة اهلها .. عمها مات .. وسالم ما يدرون وين راح .. ولينا منومة .. وخالتها اعصابها تلفانة

دلع وهي تبوس يد لينا بحنان " يارب ارفق فينا ... "

فيصل اللي كان قاعد ع الكرسي ومبين عليه التعب : طولت صح..؟؟
دلع مسحت دموعها : انشالله شوي وتقوووم ..
فيصل : ليش كذا قاعد يصير معاهم ..؟؟ اول شي امهم .. وبعدين روحتك عنهم .. والحين موت ابوهم .. مو حرام كذا يضيعون ...؟؟؟
دلع : هذي حكمة ربك واحنا مالنا فيها يد .. الله يفرجها انشالله ....

بدت لينا تفتح عيونها .. دلع انشقت ضحكة على وجهها : فيصل .. قامت يافيصل ..
فيصل قام ووقف على راسها وهو شاق الحلق: أي والله .. الحمدلله .. الحمدلله ..

مدت يدها دلع ومسحت على راسها : حبيبتي .. الحمدلله على سلامتك

لينا اول ما استوعبت هي وين .. قالت برجا ودموعها رجعت تنزل : دلع .. دلع ابوووي .. ابوووي وينه ..؟؟ صدق مات..!؟!؟!؟ قولي لأ .. قولي لأ تكفين ....!!!

طالعت دلع بفيصل بعجز .. ما هي عارفة وش تقول .. فقرر فيصل يتكلم : لينا .. لينا انتي وحدة مؤمنة بربك .. و انتي تعرفين انه اللي يكتبه ربك لازم يصير ..

لينا تهز راسها خايفة : لأ..لأ لا تقوولها ..
فيصل مكسوور خاطره عليها : إلا يا لينا .. عمي توفى .. ليش نزعل ..؟؟ راح عند ربه .. مو كلنا نبغى نروح عند ربنا ونشوووفه ..؟؟ وكلنا بنمووت .. وعمي الحين لازم تدعي له بالرحمة والمغفرة لانه يحتاجها .. وصدقيني احسن له من العيشة ف هالدنيا صح ولا لأ...؟؟

لينا اللي كانت تسمع بالم ودموعها تنزل .. هزت راسها بالايجاب ..

فيصل ابتسم : الانسان يا لينا انخلق في هالدنيا عشان يعبد ربه .. ويتجهز لاخرته .. وبعدين لازم يموت .. ويروح عند ربه عشان يتحاسب .. صح ولالأ...؟؟

رجعت لينا وهزت راسها بالايجاب ...

فيصل : بعدين .. اللي يصبر وقت المصيبة .. ربي يجازيه ويعوضه ..وما تدرين وش ممكن ربك يكون عوضك فيه ... ( نسى انه دلع موجودة وغمز لها وهو يبتسم ) ما تدرين .. يمكن يكون عوضك فيني خخخخخ !!

دلع فتحت عيونها الثنتين وسوت معصبة : ولد...!! انا ما قلت لك اذا بتتكلم تتكلم زي الناس ولا تستكت...!؟!؟!؟ يللا برى اشوووف .. يللا...
فيصل رفع حاجب : الحين انا قاعد اواسيها تقومين تطردديني...؟؟ تبغيني ازيدها صياح واصيح معاها زيك يعني...؟؟
دلع : لا والله تواسيها..؟؟ انا ما اشوووف موساة .. انا ما اشووف غير غزل ...!!!

قامت ومسكته من يده بتطلعه برى : انا اويك .. صدق شباب هالجيل لا حيا ولا مستحى ...
فيصل يضحك : وانتي ليش منقهرة..؟؟ روحي جيبي زوجك وخليه يغازلك .. ولا صح .. زوجك ما يعرف يركب كلمة كلمتين حلوة على بعض .. !!!

دلع ضربته على كتفه : ع الاقل احسن منك .. انت حتى الغمزة ما تعرف تغمزها زي الن.......

سكتت وهي تشوف سعود واقف برى عند باب الغرفة وكان شكله مرتبك ..

دلع تركت فيصل : سعود ....
سعود دخل الغرفة وهو متردد : السلام عليكم ...
الكل طالعه مستغرب : وعليكم السلام

سعود طالع فيصل : شلونك فيصل..؟؟
فيصل بلهجة شبه جافة : بخير الحمدلله .. عظم الله اجرك...
سعود نزل راسه : جزاك الله خير ..

التفت سعود لدلع وشافها مبتسمة وهي تطالعه بشكر .. وبعدها التفت للينا اللي لفت وجهها عنه على طول ..

سعود قرب من السرير وهو مو عراف وش يقول .. صار له زمان ما كلم اخته : ا.. الحمدلله على السلامة ..

لينا بدون ما تلتفت : الله يسلمك ..
سعود درى انها زعلانة منه وحاطه بخاطرها عليها : شلونك الحين ..؟
لينا ما التفتت للحين : زينة ...

ما عرف سعود وش يقول اكثر .. التفت عل دلع .. وقال : وين سالم ...؟؟
دلع : ما شفناه من وصلنا ...

سعود : طيب .. فيصل تعرف وينه ..؟؟
فيصل هز راسه بالنفي : ما عندي أي فكرة .. بس ما اتوقع طلع من المستشفى .. خصوصا انه لينا لسه هنا ...
سعود جا بيطلع من الغرفة : طيب .. تعال معاي عشان نحصله ..

طالع فيصل دلع مستغرب .. ودلع ابتسمت : رووح معاه بسرعة ..

___________________________________

**& بنـوتـه نعـومـه &** · 29-09-2008, 05:51 AM

(( بيت ابو بندر ))

( الساعة 6 المغرب )

دخل ثامر اللي كان لابس كالعادة ثوب اصفر على احمد اللي كان يطالع ورقة قدامه ...

ثامر : السلام ..
احمد التفت يطالعه من فوق لتحت : وعليكم السلام .. على وين الاخ ..؟
ثامر قعد ع الكرسي اللي جنبه : ولا مكان ..
احمد رفع حاجب : اجل ليش لابس ثوووب ..
ثامر : يعني ايش البس...؟؟ شووورت مثلا..؟؟

احمد : هههه ليش وش فيه الشووورت ..؟؟
ثامر بقرف : لا يا بابا .. حركات الينات هذي خليتها لبندر .. !!
احمد : ههههههههههههههههاي .. الله يهديك يا ثامر وتتحضر ..
ثامر ما رد عليه وقال : ها كتبتها ...؟؟

تنهد احمد : ه.... أي بس .. خايف ...
ثامر : من ايش ..؟؟ لا تخاف .. هذي مو صياعة ..
احمد : ادري.. بس .. اخاف ما تتقبلها ...
ثامر حط يده على كتف احمد : ما عليك يا روميوو .. اكيد بتتقبلها .. اهم شي تكون كاتب لها كم كلمة حلوة وكم بيت شعر ...

احمد رفع حواجبه : اقووولك بعتذرلها .. تقول لي اكتب لها كم كلمة حلوة .. وبعدين انا مو رووميو ولا شي...
ثامر دفه بالخفيف : علينا...ابو الشباب ..؟؟
احمد قام ببنطلونه الجينز والتي شيرت : يللا انا ماشي..
ثامر ضحك : هههههه وين ..؟؟
احمد : انت ما بنقعد معاك ...
ثامر مسكه : لا خلاص خلاص .. والله اسف سامحني ههههه ... صاير حساس مرة .. حتى الكلمة ما تتحملها .... !!!!

رن جوال احمد .. وكان اخوه محمد ..
ثامر : اووووه .. مين ..؟؟
احمد : هذا ابوووك ... (رد ) الووو
محمد : احمد وينك ..؟؟
احمد : انا ف البيت ...
محمد : طيب .. ابغاك تروح السعد وتجيب بنات ابراهيم وزوجته ...
احمد : مستشفى ليش..؟؟ عسى ما شر..؟؟
محمد : بعدين بقووولك .. ابغاك الحين تجي السعد ..
احمد : خلاص انشالله ... ساعة الا ربع واكون هناك ..

سكر احمد وثامر على طول سال : شصاير..؟؟
احمد : مدري .. يقول محمد اروح اجيب بنات ابراهيم وزوجته من المستشفى ...
ثامر مستغرب : وهو وين ..؟؟
احمد : هو هناك معاهم .. بس يبغاني اروح اجيب اهله ..
ثامر قام : انا رايح معاك ...

احمد طالعه بنص عين : اقوولك بجيب بناته ... ليش تروح معاي ...؟؟
ثامر صحك : ههههه لا حوووول .. كانك امي .. يا بابا ليش دايما تفكرون فيني بطريقة غلط ؟؟... انا لاني زهقان بروح معاك ..
احمد : بس بدون حركات فاهم ..؟؟
ثامر ضحك ودفه : ههههه مالت عليك .. !!

___________________________________

(( شقة سعود ودلع ))

( الساعة 9 المسا )

لينا اللي لزمت عليها دلع تنام عندهم ف الشقة هي وسالم هالليلة وف غرفتهم بعد : والله الحين سعود بيقلب عليك الدنيا ..
دلع وهي تعطر الغرفة : و انتي ايش دخلك..؟؟ انا تفاهمت معاه ...!!
لينا : دلع .. انا ما ابغى تتهاوشوا بسببنا .. يكفيكي اللي جاكي منه ...
دلع قعدت على السرير جنبها وابتسمت : انتي ليش مو راضية تصدقين انه تغير ..؟؟ ما شفتيه اليوم شلون جا وقال لك الحمدلله على السلامة وراح يدور عن اخوك لين حصله .. والله تغير....!!

لينا تصرف الموضوع : طيب.. ايش الموضوع اللي قلتي بتقولين لي عنه لما نوصل البيت ف المستشفى ..؟؟
دلع ابتسمت : انا حامل...!!
لينا فتحت عيونها الثنتين مو مصدقة : احلفي....!!!
دلع : هههه والله ..
لينا : واو ... بصير عمة وخالة بنفس الوقت ...!!
دلع : ههههه تقدرين تقولين كذا ...

وبهالوقت طلع سالم من الحمام وهو ينشف شعره .. وكان مبين عليه التعب .. هذا غير عيون لينا اللي منفخة من الصياح وخشمها الاحمر ..

دلع انكسر خاطرها عليهم : سالم تنام هنا مع اختك ولا افرش لك ف الغرفة الثانية ..
لينا : لأأأأأأأأ ... بينام معاي ..
سالم قعد على السرير : لا بنام هنا .. ماله داعي تفرشين لي ف الغرفة الثانية .. تعبناك معانا اليوم ...

لينا : أي صح وخصوصا انك حامل ..
سالم : اييش..؟؟؟
لينا : والله .. توها قالت لي..
سالم ابتسم : مبروووووك .. مع انه ماكان ودي تجيبين منه أي ولد .. عشان لما تتطلقووون ما تصير مشاكل ع الاولاد ...
دلع حطت يدها على قلبها بخوووف : بسم الله علينا ..!! لا تدعي علينا كذا ...!!
سالم انسدح وتغطى : كيفك .. تبغين تعانين طول عمرك ..؟؟

دلع تجاهلته .. ماهي قادرة تجادله اخر الليل .. التعب هاد حيلها .. قامت وطفت النوور : يللا تصبحون على خير ...

طلعت من الغرفة بعد ما سكرت الباب ... وشافت سعووود قاعد ع الكنبة وسرحان يفكر..

دلع جات وقعدت جنبه بتعب و تسندت عليه : بكرة ايش راح نسوي..؟
سعود بتعب : الله يعينني بكرة .. لازم اروح البيت من الصباح واخلي الشغالات ينظفووونه لانه زوجته للحين ف المستشفى .. قال ايش..؟؟ أعصابها تلفانة ..!! كذابة بس مسوية تمثيلية ولا هي ما فيها ولاشي ...!!

دلع : خلا هدي لا تعصب من جديد .. خليها .. انا بكرة بروح معاك من الصباح و اشوووف ايش يحتاج البيت هناك .. و ارسل السواق يجيب كل شي .. ضيافة و خرابيط ..
سعود : شلون ..؟؟ ما يعرف..
دلع : انا بتصل ف المحل و أوصي على اللي ابغاه و ارسل السواق بس يستلم الأغراض ويدفع ...
سعود : طيب ..

دلع : بس .. انت لازم توصي على ذبيحة ..
سعود غمض عيووونه بتعب : لا حول ولا قوة الا بالله ..

دلع مراعية شعوووره .. هو لسه مجروح من أهله .. والظاهر هالجرح لسه ما طاب..
دلع : سعود .. لا تعتبر انك مغصوووب على هالشي ... اعتبره اجر.. مو عشان امك ولا ابوك ولا اخوانك .. اعتبره لوجه الله .. كأنك ساعدت أي احد ثاني ..
سعود ابتسم : انشالله .. أي اوامر ثانية ...

دلع باسته على خده : يعطيك العافية ...
سعود حس انه ملك على هالدلال كله : الله .. احس هموومي كلها راحت ..
حطت دلع راسها من جديد على رجوووله و انسدحت ع الكنب : أي صح شكرا ..
سعود : على ..؟
دلع : لانك جيت تشوف أختك اليوووم ..
سعود ضحك باستهزاء : و ايش الفايدة ..؟؟ ما عطتني ولا وجه ...!!
دلع : معليه طول بالك .. هم للحين مو مصدقين انك تغيرت .. شوي شوي راح يستوعبون هالشي .. صدقني ..

سعود : تعبتي اليوم صح ..؟؟
دلع ما تبغاه يخاف عليها .. بس صدق هي اليوم تعبت كثير : لا لا تخاف .. انا بخير زي الحصان ...!!
سعود ابتسم وباس راسها : الله لا يحرمني منك ...!!

**& بنـوتـه نعـومـه &** · 29-09-2008, 05:53 AM

@@@@@@@@@@@@@@@@@@@@@@@@@@@@@@@@@@@

(( بيت ابو بندر ))

( الساعة 11 الصباح )

قام ثامر اليوم من الصباح بدري على غير العادة .. ولبس جينز وتي شيرت .. طبعا ثامر يحس انه جينز قمة الكشخة خخخخخخخ

بندر تضايق من الليت المفتوووح : مممم ... ثامر .. سكر الليت ابغى انام
ثامر يتعطر : قوم بس قووووم ...
بندر غطى وجهه : اففففففف لاحووووووووول .. سكره اشووووووف .....!!!
ثامر شاق الحلق : قوووم .. بنات عمك ابراهيم ف بيتنا اليوووووم..!!

بندر اول ما سمع طاري بنات رفع اللحاف عن وجهه : أيش..؟؟
ثامر ضحك: ههههه ايوا.. الحين قمت..؟؟ قوم قوم .. بنات عمك ابراهيم ناموا امس ف بيتنا ....
بندر مستغرب : شعندهم...؟؟
ثامر امس عمي دخل المستشفى بيسوي عملية .. وزوجته تبغى تقعد معاه ف المستشفى .. وما يصير البنات يقعدون ف البيت لوحدهم .. ف جابهم احمد لهنا .. طبعا بعد ما قعد ساعة يوصيني .. لا تعتب عند باب الغرفة ولا اشوووف وجهك اذا كانوا موجودين ف البيت .. ولو تضايقهم بكلمة بذبحك .. و زي المحاضرة اللي عطتنا اياها امي ذيك المرة بالضبط ....!!!

بندر هز راسه وهو يضحك : هههههه ابغى افهم .. ليش ..؟ ايش شايفينا..؟؟ ما شفنا خير وبنات يعني..؟؟؟
ثامر : مدري عنهم .. اللي يسمعهم .. يقول احنا اصيع شباب العالم ..
بندر ضحك وقام : هههههههههه .. انا بقوم اتروش .. واطلع شوي اكشخ لي شوي .. ع الاقل حصلت سبب اكشخ عشانه ...

ثامر : دريت اليوم .. بنروح بين جدتي ...؟؟
بندر لف بسرعة : مين قال..؟؟
ثامر : والله .. امي قالت...
بندر بزهق : افففففففففف .. رجعنا..؟؟ كم مرة قلت لها ما ابغى اروووح ..؟؟
خلاص انا بزور جدتي بس مو لما يكونون كلهم متجمعين ...!!!!

ثامر : انا اقووول لو تروح يكون احسن ..
بندر : ليش..؟؟
ثامر : مدري .. بس .. عشان امي ما تحس بشي..
بندر فهم : أي صح .. لازم ما تلاحظ .. خلاص .. بروح اقعد ساعة .. اسلم على جدتي واطلع ...

___________________________________

(( شقة سعود ودلع ))

( الساعة 12 الظهر )

قام سالم من النوووم تعبان .. وكان يحس بصداع خفيف .. التفت على لينا اللي نايمة جنبه ...وتذكر ابووووه ... تنهد وقام " الله يرحمك يا يبا ...!! "

طلع من الغرفة بعد ما غسل وجهه .. وما حصل احد ف الصالة .. راح للمجلس وبعد ما شاف احد ...
سالم مستغرب " وين راحوا..؟؟؟ يووووووووووه ... اليوم عزا ... شلون نسيت ..؟؟!! اكيد راحوا البيت يجهزونه عشان الناس ... انا ولينا لازم نكون موجودين ..!! "

رجع للغرفة بسرعة وهو يقوم لينا : لينا.. لينا قومي ..
لينا : هممممممم ..؟؟
سالم : بسرعة قوومي .. اليوم ورانا عزا لازم نحضره .... قووومي ..
لينا قامت وشوي شوي .. استوعبت سالم ايش قاعد يقووول .. وفزت على طووول : افففف .. أي والله اليوم عزا ..!!!! سالم .. روح انتا... !!!!

سالم فتح عيونه الثنتين ع الاخير : ايييييش..؟؟ لا يا ماما .. حتى انتي لازم تروحين .. الناس بيجون ويعزونا اليوم .. تقومين ما تروحين..؟؟

لينا والدموع ف عيونها : افهمني .. انا ما اقدر اروووح عزا ابوووي .. هذا ابووووووي يا سالم .. ابوووي ... انت مستوعب انه راح .. مستوعب انه ما بقى لنا غير امك..؟؟؟ امك اللي ما تدري عن هوا دارنا للحين..؟؟ امك اللي طحت ف المستشفى 3 ايام ولا درت عن هالشي......!!!

سالم حس بوحدة فظيعة " لهالدرجة صار مالنا احد..!؟!؟!؟ "

___________________________________

(( المستشفى ))

( الساعة 3 العصر )

الدكتووور : ها جاهز...؟؟
ابراهيم : انشالله ...

الدكتوور : شوووف .. العملية راح تاخذ من ساعتين ل اربع ساعات ...
ابراهيم : بتنجح..؟؟
الدكتور متفاءل : انشالله

طلع الدكتوووور والتفتت ام غادة وهي تمسك يد زوووجها خايفة وتصيح ..
ابراهسم : وليش الصياح الحين..؟؟ سمعتي الدكتووور ايش قال ...
باست نورة يد زوجها بكل حب : ادري.. بس.. خايفة ..
ابراهيم ابتسم يطمنها : ما بيصير الا اللي يكاتبه ربك .. تطمني ..
نورة : يللا تطلع بالسلامة .. انا بنتظرك هنا ...
ابراهيم : البنات وين ..؟؟
نورة : البنات ف بيت اخوك محمد .. اتصلت في ام بندر وقالت شوي وبيكونون هنا .. لا تخاف .. اول ما بتطلع بيكونون حولك ..
ابراهيم ابتسم : طيب ..

جو الممرضين وحطوه ف السرير عشان ينقلوووه لغرفة العمليات ....

ابو غادة بعد اللي صار له من الشرب اللي كان يشربه ... وحتى بعد ما بطله وتاب لربه .. كليته اليمين كانت مرة متدمرة .. عشان كذا كان يحس بالام .. ويوم راح المستشفى .. قال له الدكتووور انهم لازم يشيلون له اياها باسرع وقت .. ويبقى على كلية وحدة .. وهو لانه الحين رجال مؤمن بربه .. ما خاف ولا زعل .. بالعكس .. تقبل القرار بصدر رحب ..

___________________________________

(( جزر الباهاما ))

( الساعة 4 العصر بتوقيتهم )

كانوا دانة ورائد قاعدين يتغدون ف مطعم للمأكولات البحرية .. وكان الجو مررررة حلوو .. والسوالف ماخذتهم و جايبتهم ... وبعدي كل هالوناسة اللي كانوا عايشينها ..قطع الجو .. صوت جوال رائد اللي رن على الطاولة...

التفت رائد للجوال وهو يضحك .. بس فجأة .. انقلبت ابتسامته لملامح مو مفهووومة ..
دانة مبتسمة : مين ..؟؟

رائد حط جواله على الصامت ودخله بجيبه وهو مرتبك : ا... ه.. هذا واحد من الربع ..
دانة : طيب رد عليه .. يمكن يبغى شي ضروووري...
رائد ابتسم يصرف الموضوع : ها..؟؟ لا لا .. هو حالف انه بيخرب علي الجو .. لانه منقهر ... عمه مو مخليه يملك على بنته الا قبل العرس بيوم ولا يومين .. عشان كذا بينقم منه فيني خخخخخخ

دانة : ههههههه مسكين ..
رائد تنهد براحه " الله يقطعك ويقطع اليوم اللي عرفتك فيه .. ناوية تخربين علي زواجي!؟؟!!؟ اشوا ما حست دانة ولا كان صارت فضيحة لها اول ومالها اخر .... !!! "

___________________________________

**& بنـوتـه نعـومـه &** · 29-09-2008, 05:56 AM

(( بيت ابو راكان ))

( الساعة 5 المغرب )

قعدت مها ع الارض تنوووح وتصييييح ..
مها : ث...ث .. ثامر ... ثامر ... ثامر لا تسكت رد علي... ثامر لاتحقرني ... ثامر.. انا احبك ثامر .. انا اموووووووت فيك ...

دخلت امه الغرفة وبغت تجيها جلطة يوم شافت بنتها على هالحالة : مها... مها شفيييييييييييييييك ..؟؟؟!؟! ليش مسوية ف نفسك كذا ..؟!؟!؟! تكلميي....

مها صاحت بزيادة : ا... ا.. ي... يما... ابغاه ... يما ابغاه ..
ام راكان مستغربة : ؟؟؟ مين اللي تبغيه ..؟؟ ايش تبغي يا مها ...؟؟
مها مسكتها تترجاها وهي مو حاسة بعمرها : يما .. الله يخليك بس مرة ... بس مرة يا يما ... يما لاتقوليله يحقرني يما... يما...
ام راكان مو فاهمة ولا شي : حبيبتي .. اهدي شوي .. انتي بس اهدي .. خلاص .. انشالله .. كل اللي تبغيه بيصير .. ولا تزعلين ...
مها تشاهق : ا.. ا.. اكيد ..؟؟
ام راكان : أي اكيد ... أي شي تبغيه بيصير .. خلاص بس لاتسوين ف عمرك كذا...!!

مها سكتت بس دموووعها كانت على خدها ... تركت امها .. وراحت حضنت دبدوووبها ورجعت قعدت ف الزاوية ...
ام راكان مستغربة : مها..؟؟ حبيبتي تعبانة..؟؟ فيك شي...
مها : ...... ما ردت ..
ام راكان : مها... مها انا اكلمك ... تعبانة ..؟؟ في شي يعورك ..؟؟
مها : .......................... ولا كلمة ..

ام راكان : طيب حبيبتي ... انا الحين بجيب لك موية .. قومي غسلي وجهك وارتاحي شوي.. عشان بعد شوي احنا رايحين بيت جدتك ... طيب...؟؟

مها على طول قامت زي المجنووونة : بنروووح ؟؟؟ الله يخليك ابغى اروووووووووح الله يخليك...
ام راكان مستغربة : شفيك..؟؟ اقولك بتروحين ... اهدي انتي بس...

مها وكانها ارتاحت.. رجعت لزاويتها ... ومسكت دبدوووبها ومسحت دموووعها ..

ام راكان : بروح اجيب لك موية ...

طلعت ام راكان من الغرفة خايفة وحيرانه .. " ياربييييي .. ايش اللي قاعد يصير ف هالبنت...!!؟!؟!؟ والله حيرتني ... اخاف تروح من يدي اذا ما تغيرت نفسيتها ... يارب تفرح شوي الحين وتتسلى مع بنات خالاتها .. يمكن تطلع من هالعزلة اللي هي فيها "

___________________________________

(( بيت ابو بندر ))

( الساعة 7 المسا )

ام بندر اللي كانت محترقة ف البيت .. تبغى توصل بدري بيت امها ..

ام بندر تصارخ : يا ثامر ... بننننننننننننننننننننندر ...

ثامر نزل من على الدرج يركض وهو يرمي شماغه فوووق راسه : هذاني جيييييت ... يعني ابغى افهم .. انا اعرف انه الحريم ياخذون ساعة باللبس .. انتي ما شالله .. 5 دقايق وتكونين جاهزة شلوووون ....!!؟!؟؟!

ام بندر : لاني ما اقعد ساعة اتامل جمالي ف المرايا زي حضرة جنابك ... وين اخوووك..؟؟

ثامر : ا... ا... يما بندر مو رايح ...
ام بندر : ايش..؟!! ليش انشالله ...
ثامر : ا.. و.. والله يا يما .. بندر بيروح يزور عمي شوي يشوف ايش صار عليه لانه ما مر عليه العصر .. وبعدين مواعد ربعه ..
ام بندر نادته : بندددددددددددددددررررر ...
ثامر : يما اتركييه .. خلاص هو قال انه بكرة بيمر على جدتي و بيسلم عليها .. بعدين هو مر عليها امس .. مو لازم يروح اليوووم ..
ام بندر بنص عين : وليش ما يبغى يروح اليوووم ها..؟؟ ايش فيه بيت جدتك..؟؟ ولا مين ربعه اللي مواعدهم ...؟؟؟ لا يكون مواعد وحدة وما يبغى يتاخر عليها ... طبعا .. البنات هالايام صاروا اهم من الاهل وجمعاتهم ...!!!!!!!

ثامر ضحك : ههههههه الله يهديك يا يما .. الحين بندر يواعد وحدة ..؟؟ شقالوووا لك .. ولدك فزاع على غفلة ... تراه الا طالب جامعي على قده ... مين اللي بتطالع فيه ..؟؟

ام بندر تنهدت : مع اني دارية انه يبغى يتهرب من الرووحة ومدري ليش... بس طيب يا بندر .. انا اوريك ..

ثامر مشى قدامها : يللا يما بنتاخر ... هههههههه
ام بندر طالعته : الحين صرت مستعجل..؟؟ والله انك انت واخوك كل واحد اصيع من الثاني ..!!!!!!

___________________________________

(( جزر الباهاما ))

( الساعة 5 المغرب .. بتوقيتهم )

ف التاكسي اللي كانوا دانة ورائد راكبينه عشان يروحون لاحد المجمعات الموجودة على الجزيرة ...

دانة : رائد ... مو كانه في صوت جوال يهز ...
رائد مرتبك " لا حوووول " : حبيبتي يمكن جوالك ..

طلعت دانة جوالها من الشنطة وهزت راسها بالنفي : لأ مو جوالي .. شوف يمكن جوالك ... لا يكون عمي ولا خالتي يبغوونك ضرووووري ..
رائد طنش وقال : ما عليك .. محد قاعد يدق ..

دانة سكتت .. ما حبت تكبر الموضوع ... يمكن هي غلطانة و ما في أي جوال يرن .. وهي قاعدة تتوهم الصوووت وبس

___________________________________

**& بنـوتـه نعـومـه &** · 29-09-2008, 05:57 AM

(( بيت الجدة مزنة ))

( الساعة 9 المسا )

طلعوا البنات كلهم فوووق .. عشان ثامر وراكان وباقي العيال بيدخلون ويسلمون على جدتهم ...

ومها كانت قاعدة فوووق على الدرج تراقب بصمت ولهفة .. طول الجلسة وهي تنتظر هاللحظة ..
مها " جات لحظة فرحتك يا مها ... اللحظة اللي بتغير حياتك وتخليك تعيشين سعادة مالها نهاية ... "

دخل راكان وبعده ثامر ووراهم باقي العيال ... وثامر كان منزل راسه مستحي.. لانه خالاته كلهم موجودات ...

راكان : هلا بالقمر ... ايش الحلا هذا ... اخق انا يا يما ..
الجدة مزنة : اه يا نصاب .. قووول يللا كم تبغى ..؟؟
راكان : خخخخخخخ افا ... يعني انا ما امدحك الا اذا بغيت فلوووس ..!؟!؟
الجدة مزنة : وانت شايف غير كذا ..؟؟

الكل قام يضحكوووون .. وقرب ثامر باس راس جدته : كيفك يما..؟؟
الجدة مزنة : هلا بولدي حبيبي .. هلا بثامر .. ما شالله . ربي يحفظك .. كل يوم تكبر زيادة وتطول ...

ثامر حمر خده : الله يطول بعمرك يارب ...
بدرية ( ام عهود ) : ليش مستحي يا ثامر .؟؟ محد غريب...
ام بندر ضربتها ع الخفيف : هي انتي .. تعرفي ولدي يستحي من الحريم .. لاتحرجيه..

راكان ياشر على ثامر : هذا ينحرج ..؟؟ من جدك..؟؟ هذا وينه ووين الحيا ..؟!!؟
ام بندر عصبت : حدك على ولدي... والله لا اذبحك ..
ام راكان : ها..؟؟ اشوووف قمنا نهدد...!!

الجدة مزنة تطالع فيهم مستغربة وتطالع ف العيال اللي كانوا موجودين وتضحك : هذولا من جدهم..؟؟ شوفوا شلون يتهاوشون زي الاطفال ..؟!؟!؟ مو صاحيين ..

ام راكان : يما .. بنتك اللي بدت ..
ام بندر : لاأا.. والله يا يما راكان سبب الفتنة ...
راكان رفع يدينه مسوي بريء : انا مالي دخل .. بريء .. والله بريء ..
ثامر بنص عين : أي والله .. مرة بريء ..

وشوي سمعوا الكل صوت احد يركض نازل من على الدرج ...

التفتوا الكل فاتحين فمهم من الصدمة ...
مها نازلة وهي تركض وتصيح ... وارتمت ف حضن ثامر قدام كل الموجودين .. بما فيهم اخوووووها .. !!!!!

مها تصيح وهي حاضنة ثامر بقوة تخاف يروح عنها : ثامر.. تكفى .. تطفى لاتحقرني مرة ثانية .. والله اسفة .. اسفة .. والله خلووود هي السبب .. تكفى لا تحقرني .. الله يخليك رد علي لما اتصل فيك من جديد .. ثامر انا احبك من جد .. احبك ..!! ثامر انت لما كنت تكلمني قلت انك تعلقت فيني ... الله يخليك لا تتركني الحين .. انا اسفة على كل اللي سويته كله .....!!

ثامر واقف منصدم ومتيبسة اطرافه .. مو عارف ايش يسوي ... واخووووها راكان شوي ويذبحها ...

ام راكان فتحت عيووونها الثنتين ع الاخير وسحبتها وهي تصارخ : انتي وش تسوييييييييييين ..؟!؟!!؟ يا قليلة الادب .. يللي ماتربيتي ...

راكان هجم بيضربها .. بس طارق وزياد اولاد عمته .. مسكووووه باقوى ما عندهم ..
يوسف عمها اللي كان معصب .. فصخ عقاله وجا بضربها ...

بس جاله صوووت امه المعصبة وواصلة معاها : وووووقف ... والله لو تقرب لا اذبحك يا يووووسف ...

التفتت الجدة مزنة على مها اللي كانت تصارع امها ع الارض تبغى تروح لثامر بس ماهي قادرة : انتيييييي هييييييييي .. مجنوووونة .!.!؟!؟!؟ احد ينزل كذا لابارك الله فيك ولا ف الساعة اللي شفتك فيها ..!! حسبي الله عليك ناوية تفضحينا ...

مها ولا عليها .. ومو منتبهة لجدتها .. عيووونها على ثامر اللي واقف ومنزل راسه ف الارض خايف : لأ... لأ .. ثامر طالعني .. ثامر لاتتجاهلني بعيووونك لأأ.... ثامر والله احبك ... والللله احب....

وصلها كف من امها المعصبة عليها واللي قاعدة تصارخ بس ما اهتمت : ثامر.. انت قلت لي اني غالية عليك .. وانك ما بتتخلى عني .. لاتتركني ف هالموقف رجاء.. لا تتركني .. ثامر ارجوووووووووووك ...

التفت يووووسف اللي كان ثاير على ثامر وهزه بقوة : عن ايش قاعدة تتكلم هذي ها..؟؟؟ قووووووووول ...؟؟ ايش بينك وبينها ...؟؟؟ صار شي بينكم ..!؟!؟!؟ ايش قاعدة تقووووول ..؟!؟!!؟

مها : قووول لهم ثامر .. قول لهم انك تحبني قووووووووووووووول...!!

نزلت امها فيها ضرب : بس ... بسسسسسسس يكفي فضايح يكفي .. انا شاكة فيك من اول بس ما هان علي اتهمك بهالتهمة ..... بس الحين ... حسبي الله عليك من بنت .... !!!!!!!!!!!!!!!

قدر راكان يفلت من زياد وطارق ونزل ضرب ف اخته ... ضرب راسها ف كل جدار ف الصالة .. وولا احد قدر يوقفه او يقاومه ... وهي كانت تصارخ باسم ثامر زي المجنوونة اللي ما همها شي...

يوسف مسك ثامر من ثوووبه : قسم بالله لو كان لك يد ف السالفة لا اذبحك وارميك زي الكلاب فاهم ..؟؟

وضربه بوووكس خلاه يطير مترين ...
ثامر اللي كان يرجف .. جات امه وهي لابسة عبايتها وسحبته لبرى البيت : امشي معاي.. امشي لا بارك الله فيك انت بعد ...!!!!!

::
::
::

(( بيت ابو بندر ))

( بعد نص ساعة )

دخلت ام بندر وهي ساحبة ثامر من ثوووبه ونازلة سب فيه وف اليوم الي جابته فيه ..
ام بندر : ادخل .. ادخل لا الحين اضربك ضرب ما قد ضربتك اياه ادخل اشوووف ..

ثامر وخرها عنه : يما والله ما سويت شي .. ليش مو راضية تصدقيني ..؟؟
ام بندر : لانك كذاب ... حسبي الله عليك فشلتني قدام اهلي .. وين اودي وجهي منهم ...
ثامر : ليييييه طيب..؟؟ وش سويت انا..؟؟
ام بندر : وش سويييت ..؟؟ بعد تسال .. البنت شبه مجنوووونة فيك وتقول لك كلمني من جديد ومدري ايش وانتا تقول انك ما سويت شي...؟!؟!؟!؟

نزل بندر يركض خايف : شفيكم ..؟؟ شصاير...؟؟
لفت ام بندر منقهرة من ثامر وحطت حرتها ف بندر : وانت ما رحت عند عمك ها..؟؟ دارية فيكم .. تربية غلط ... بس والله انت وياه انا اوريكم ... انت ليش ما رضيت تروح بيت جدتك اليوم ها..؟؟ من ايش خايف..؟؟ ولا انت بعد سويلك مصيبة ..!؟!!!
بندر فتح عيووونه الثنتين : انا ؟؟!!! انا وش سويت ..!؟!؟!

ام بندر : انقلع انقلع الحين ... خليني اخلص من قليل الادب والتربية هذا اللي مدري من وين طلعلي بعدين يجي شغلك معاي .....!!

___________________________________

رواية ودك تنامين ؟ نامي روايه رومنسيه / كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget