رواية ودك تنامين ؟ نامي روايه رومنسيه / كامله

**& بنـوتـه نعـومـه &** · 17-09-2008, 09:30 PM

(( بيت ابو سعود ))

( الساعة 12 ونص الظهر )

كانت قاعدة في غرفتها وزهقانة ... القعدة ف البيت خلتها تعوض الوزن اللي خسرته ايام كانت مكتئبة وما تاكل شي .... والحين نقدر نقول انه جسمها صار من احلى ما يكون ... بس طبعا النفسية عكس كل هذا ....

يوم عن يوم . دلع تزداد يأس من هالحياة .. ويوم عن يوم تزيد ساعات قعدتها ف الغرفة لوحدها .... ويوم عن يوم بعد .. صارت تتمنى الموت .. ويوم عن يوم .. ابتعدت عن أي شي يخليها تحتك في ام سعود ويسبب لها مشاكل.. لانه اللي جاها للحين كافي .. ما تبغى اكثر من كذا .........

ممدة على السرير وماسكة المجلة اللي قرأتها اكثر من 20 مرة هالاسبوع .. وتقراها من جديد .. لابسة بيجاما وردية ... ورافعة شعرها أي كلام .. وطبعا الوجه اقشر املح..

جا على بالها تطلب لها فطور من مطعم .. بس ما عرفت وش تطلب ... وبعد التفكير .. خطر على بالها تطلب بيتزا للغدا اللي ما بقاله غير ساعتين تقريبا .. بس بعدين فكرت انه قبل ما يوصلوا لينا وسالم من المدرسة بربع ساعة بتطلب .. عشان ما يبرد الاكل ..

ومع هذا كان خاطرها فاكل من برى ... جات بتتصل من الغرفة بس تذكرت انه ام سعود شايلته .. عشان كذا طلعت من الغرفة وتاكدت انه ام سعود مو موجودة ف البيت ابد .. ونزلت للدور اللي تحت .... رفعت سماعة التليفون واتصلت على مطعم وطلبت فطاير جبن وزعتر ولبنة ....

وقعدت على التفزيون تشوف لها أي شي يسليها .... ويوم مرت الخدامة ....

دلع : اقووول ريني ....
ريني : نأم...؟؟
دلع : وين ماما باسمة ...؟؟
ريني : ماما باسمة روووح بيت ماما شريفة ..
دلع : اها .... طيب سعود راح الشغل اليوم بعد...؟؟
ريني : مافي معلوووم
دلع : شلون ما في معلوم...؟؟ ما شفتيه الصباح ...؟؟
ريني : ما في موجود ... انا مافي شوف من 3 يوم....
دلع عقدت حاجبها : ها...؟؟ شلون..؟؟ ما رجع البيت ابد ...؟؟
ريني : لأ ....
دلع : غرييييييييييييييييييبة...!!!!
ريني : تبغي شي تاني ....؟؟
دلع : ها..؟؟ لأ خلاص روحي شكرا .....

راحت الخدامة وخلت دلع مستغربة من السالفة ....

دلع : هذا وين راح...؟؟ مو معقولة صارله 3 ايام مو ف البيت..!؟!؟!؟ والله لو يدري عمي لا يذبحه .....!!!!! الا بس والله يمكن .. انا ما صرت اشوووفه ابد ... اجل صدق السالفة ... الله يستر بس ......

___________________________________

(( جامعة محمد بن فهد ))

( الساعة 1 الظهر )

كانت ريم ف الجامعة وقاعدة ف الكافيتيرا متنرفزة وواصلة معاها .......

وحدة من البنات : شفيك معصبة ...؟
ريم بانفعال : هالسواق انا بذبحه ... خلاص زهقت .... !!!!!
البنت : ليش...؟؟
ريم : يعني صارلي ساعة ونص انتظر .. قلنا الطريق طويل طيب .. بس مو كذا يتاخر ...!! اففففففففففففففففففف
البنت : هههههه تبين اوصلك.....؟؟
ريم : لأ.... ما ابغى شكرا ...

طلعت جوالها واتصلت على ابوها .....

ابو رائد : الوووو ...
ريم : الووو .... بابا والله زهههههههههقت ...!!
ابو رائد : ليش ..؟؟ شفيك حبيبي ...؟؟
ريم : تخيل صارلي ساعة ونص قاعدة انتظر السواق ... بس ما جا .... بابا انا مرة تعبانة ابغى انام .....
ابو رائد : طيب زين بشوفلك رائد .....
ريم : اوكي ... باي

سكر ابو رائد من بنته ودق على رائد ....

رائد : هلا والله .....
ابو رائد : هههه يا حليلك يا رائد ... والله وصاير رايق ... اثره الزواج فادك كثير ...!!!
رائد: هههههههه شخبارك يبا ...؟؟
ابو رائد : بخير .... كذا يالقاطع ما تتصل تشوف شخباري ..؟؟ تبغاني انا اللي اتص دايم يعني ...؟؟
رائد : هههههههه افا .. اصلا انت دومك على بالي ... بس يبا تعرف ابو بندر الله يهديه .. ما يحب احد يفتح جواله او يكلم فيه وهو ف الشغل ... يقول وقت الشغل شغل .. ووقت السوالف سوالف .....
ابو رائد : ادري .. والله انه رجال .. هو الوحيد اللي عرف يضبطكم والله ... عفيا عليه ... الا صح والله .. اخذتني بالسوالف ونسيت اقولك شي ....
رائد : امر .....
ابو رائد : ما يامر عليك عدو .. بس اختك مدري وش فيه السواق تاخر عليها .. صارله ساعة ونص ما راح لها .... وهي تقول انها مرة تعبانة .... وخلص دوامها من زمان وتبغى ترجع ترتاح .... تقدر تروح تجيبها ...؟؟؟؟
رائد : يبا ... حرام عليك وربي جامعتها بعيدة .... والله مرة بعيدة عن الورشة .. !!!!
ابو رائد :معليه يا رائد .. بس اليوم ... وانا هالسواق الحيوان بتفاهم معاه بعدين .. بس اهم شي اختك الحين ... تدري فيها ما تتحمل شي لا عصبت .. واخاف تبدى تصيح هناك .. واذا صاحت محد بيوقفها ....
رائد : هذي البنت تدليعك لها والله خربها ... يبا البنت كبرت .. خلاص .. كم باقيلها عشان تتزوج ..؟؟ اقل من سنتين .. خليها تعتمد على نفسها ... وخليها تنتظر لين ما يوصل لها السواق .... بلا دلع وبلا خرابيط ....!!!!
ابو رائد : يا رائد هذي ريم ... مو أي احد ... تكفى قوم جيبها .. الله يخليك ..
رائد تنهد : ه..... خلاص تامر امر ... ابشر .. الحين بطلع بجيبها .. وبرجع معاها البيت..
ابو رائد : فديتك انا .. هذا ولدي اللي افتخر فيه ...!!!

سكر رائد عن ابوه وراح يجيب اخته من الجامعة بعد ما استأذن من ابو بندر طبعا اللي وافق على طووووول وبدون تردد ....

___________________________________

**& بنـوتـه نعـومـه &** · 17-09-2008, 09:33 PM

(( بيت ابو سعود ... ))

( الساعة 7 بالليل )

نزل ابو سعود اللي كان توه قايم من النوم .... وقعد ف الصالة مع لينا وسالم ...

ابو سعود : وين فيصل ..؟؟ غريبة مو معاك اليوم...؟؟
سالم : أي اليوم بيروح مع زوجة ابوه عشان تودي خواته الصغار .. عندهم مو عد تطعيم
ابو سعود : اي .. شخبار الثانوي معاك....؟؟
سالم : بخير الحمدلله ....
ابو سعود : يللا شد حيلك ....

التفت ابو سعود على لينا اللي كانت تتفرج على الصور اللي عنجها بالاي بود ...

ابو سعود : وانتي يا ام التكنولوجيا ... وشلون الدراسة معاك..؟؟ ولا ماتدرين ولا وين ربي راميك...؟؟؟
لينا تركت الاي بود : حرام عليك ولله اني اذاكر .....
ابو سعود : متى تذاكرين انشالله ..؟؟ انا ما اشوفك غير تلعبين ف البيت ....
لينا : اذاكر بس محد يشوفني ...

ورجعت مسكت الاي بود وحطت السماعات ف اذنها وقعدت تسمع اغاني ..

ابو سعود : هذي اختك مجنووونة اغاني ...!!
سالم : ههههههه كلها مجنووونة مو بس ع الاغاني ....
ابو سعود : دلع وين...؟؟
سالم : والله مدري .. بس اكيد ف غرفتها ....
ابو سعود : طيب روح ناديها خليها تقعد معانا .. حرام تقعد ف الغرفة بروحها كذا ...
سالم قام : انشالله ...

راح سالم ينادي دلع ... اما لينا فشالت السماعات فجأة وكانها تذكرت شي ..
لينا : أي صح بابا .....
ابو سعود : ها..؟؟ وش طلباتك بعد اليوم...؟؟
لينا ابتسمت بدلع : بابا ... حبيبييييييييييييييييييي ... يا قلبي انا ...
ابو سعود : طيب وبعدين ...؟؟
لينا : بابا نبغى نروح البر ف الويكند .....
ابو سعود: البر.........؟!؟!؟؟! ما اصدق .... وش الطاري الحين ...؟؟
لينا : ادري قرف ووصاخة .. بس مدري .. اليوم وحدة من البنات سوت عرض عن رحلتها مع اهلها للبر وكان مرة حلووو وشكله وناسة ...
ابو سعود مسوي فيها مهتم : وايش الوناسة ف الموضوع ...؟؟؟
لينا تتفلسف وهي ولا دارية عن شي : ا.. يعني .. الجلسة حول النار والاغاني والطق .. وسواقة الددسن .... احس مرررة فلة ..!!
ابو سعود : طيب ما قالولك عن الحمامات شلون شكلها ...؟؟ حفر ف الارض ... وبنص الليل يمكن يطلعلك عقرب ولا حيةولا ضب ف الخيمة .... ولا قالولك عن الحر .. وعن الرمل اللي يطير ف الاكل وانتي تاكلين...؟!!؟!؟

لينا قامت بخوووف : وي وي وي .. كل هذا ...؟؟!!؟ خلاص خلاص خلاص ... هونت ماني رايحة ولا مكان ....

الا بدخلة ام سعود : بدال البر شرايكم نروح الشاليهات ....؟؟؟؟؟

لينا بوناسة : أي والللللللله...!؟!؟!؟!!؟ وناسة
ابو سعود طالع ام سعود باستغراب : مو توك امس تقولين عندك عرس وما تبين تفوتينه....؟؟؟
ام سعود بطيبة : اهلي وزوجي اهم من أي عرس ف هالكوووون ....!!!!
لينا مو مصدقة : ما اصدق ... ماما فيك حرارة ولا شي...؟؟؟

ام سعود خزتها بقوة ..........

لينا : خلاص خلاص .. بس صدق مرة متغيرة هاليومين .... شصاير ف الدنيا ..؟!!؟؟!
ام سعود : يعني مو عاجبك هالتغيير ...؟؟
لينا : لا لا لا اكيد عاجبني ... بس اسال يعني .....
ابو سعود حايس بوزه : الله يديم هالتغيير بس .....!!!!
ام سعود بضحكة مصطنعة : ا... امين يا رب ... الحين عبدالله وش قلت على الشاليهات..؟؟؟؟
ابو سعود : ان ما عندي أي مانع .. شوفي العيال وقرروا وين تبغوا تروحوا ....
لينا من الوناسة : واي .... فلة فلة فلة .. هالويكند خيال .....!!!

شوي الا تجي دلع ومعاها سالم .. وام سعود من شافتها بغت تطردها بس مسكت نفسها .....

دلع مبتسمة : السلام عليكم ...
ابو سعود : وليكم السلام... وينك يا دلع...؟ ليش قاعدة ف غرفتك .. تعالي انزلي واقعدي هنا .. محد غريب ...
دلع قعدت جنب لينا : تسلم يا عمي .. بس كنت اصلي .....
ام سعود : الحين تصلين...؟؟ ليش ما صليتي المغرب من زمان ...؟؟؟
دلع : ا.... لأ .. كنت اصلي العشا ....

ام سعود سكتت .. كان خاطرها تفشل دلع بس دلع شكلها طلعت اذكى منها وعرفت كيف تفشلها ...

لينا : واي سالم .. تخيل بنروح الشاليهات الويكند...
سالم فرح : والله....؟؟؟ غريبة وافقتوا ... حلوووو...
لينا : تخيل حتى امك موافقة .. وتقول ما بتروح عرس .. تقول اننا اهم من اعراسها ..
سالم : احلفي ... وش هالتطور ..؟ غرييييييييييييييييبة ...!!! من وين طالعة الشمس اليوم ....؟؟؟

وجه باسمة حمّر من الفشلة .. ما توقعت يوم انه نظرة عيالها لها كذا .... ما كانت تتوقع انهم يائسين من انها تحن عليهم ف يوم ... بس مع هذا الشعور... ما هز منها ولا شي ....

قامت ام سعود : انا بجيب الشاهي ....

دلع هذي الساعة اخذت فرصتها ...

دلع : عمي ...؟؟ شفيك سكت ...؟؟؟
ابو سعود : دلع لا تساليني هالسؤال من جديد ...
دلع : عمي حرام عليك .. هذا ولدك وشلون تطرده من البيت ...؟؟؟؟؟
ابو سعود : من قالك اني طردته ...؟؟؟ ان ما طردته ولا شي ..
دلع : اجل وينه....؟؟؟ ما جا البيت من زمان .....
ابو سعود تنهد وفكر شوي بعدين : يا دلع انا لازم اقولكم الحين السالفة .. عشان ما تسالوني كثير .. بس ما ابغى احد يناقشني ولا يسالني ليش سويت كذا .. انا ابوه وانا ادرى بمصلحته ... وسويت اللي اتاكدت انه صح ....

لينا : بابا شسالفة ...؟؟
ابو سعود : اسمعوا .. انا بقولكم السالفة كاملة .. من الاول للاخير.. اخوكم سعود .. انا غلطت في تربيته .. كنت مشغول عنه .. دلعته زيادة عن اللزوم وعطيته كل شي يتمناه ... لين طلع وتجاوز الحدود .. وصاير يغلط اغلاط كبيرة مرة .. ما اقدر اتغاضى عنها .. ولا يقدر المجتمع نفسه اللي احنا فيه بتغاضى عنها بعد ... اخوكم سوى تصرف .. مو لازم اذكره ... بس استاهل على هالشي انه الشرطة تتصل وتطلبه للتحقيق...

لينا فاتحة عيونها الثنتين ع الاخير : لا تقول ....!!! ذبح احد ...؟؟؟
ابو سعود : اففففف... قلت لك مو شغلك .. بس اخوك الحين ف التوقيف يحققون معاه ويشوفون اذا كان متهم ولا لأ ... ساعتها بيصدرون في حقه الحكم اللي يستاهله ... وانا بما اني مو راضي على افعاله الاخيرة ابد .. وتغاضيت عن زلاته الكثيرة .. وصلت لمرحلة ما اقدر اسكت عنه .. ولا يتعاقب على اللي يسويه .. فان كان ما سوى شي فبيطلع من التوقيف ويكمل حياته عادي بس في هالحالة انا ماني مهمله زي اول .. بربيه من جديد واخليه يطلع رجال زي الناس ... زي سالم .. اما اذا طلع مجرم وسجنوه .. فانا اول واحد بكون راضي عن هالحكم .. لاني خلاص .. اكتفيت من مشاكله وافعاله ... خليه يتحمل مسؤولية تصرفاته شوي ... الرجال كبر... واللي زيه الحين متزوجين وفاتحين بيوووت ومكونين عائلة ..... !!!!

سكتوا الكل من الصدمة ... وكل واحد فيهم قام يفكر بالشي اللس سواه سعود واللي يستاهل الواحد عليه يدخل التوقيف ويكون تحت التحقيق .... وكل واحد وتفكيره عاد

دلع "!!!!!!!!!! ما اكتفيت يا سعووود..؟؟ ما كفاك اللي جاني منك .. سويته ف ناس ثانية يعني ..؟ سويتها ف غيري ... حسبي الله عليك .. ذنبي وذنب كل اللي جرحتهم ف رقبتك يوم القيامة ... الله يصلحك بس .."

لينا "سعووود محشش ...!!!! والله محشش.. اجل وش سوى عشان يودونه السجن ..؟؟ اكيد مسوي شي كبير ... يعني ذابح احد .. متهاوش مع احد ... صادم احد .. او شي زي كذا ... بس احسن يستاهل ... فكة منه ومن مشاكله ومن اسلوووبه الشين.......!!!!"

سالم "ابوووي معاه حق .. وزين ما سوى .. يا كثر ما سكت لسعود وتغاضى عنه .. بس هو ما يفهم .. خلاص .. معمي على عيووونه .. ما يقدر يميز بين الصح والغلط .. خليه يمكن يتعلم درس ما ينساه طول حياته ... ويتادب بعدها ...."

___________________________________

(( بيت ابو رائد ))

( الساعة 9 بالليل )

دخل ابو رائد معصب البيت ....

ام رائد : وشفيك...؟؟ عبدالهادي ..

التفت ابو رائد : نعم..؟؟
ام رائد : شفي معصب ..؟؟ عسى ما شر ..؟؟
ابو رائد بضيق : ياخي هالسواق بيجنني ... صارله اكثر من 3 شهووور وماهو راضي يتعلم عربي .. والمشكلة ما يعرف يتكلم انجليزي بعد ... عجزت وانا احاول اكلمه .. واتفاهم معاه ... بققققققققققر ... ما يفهم ...!!!
ام رائد : طول بالك معليه ... اصبر عليه شوي شوي يتعلم ..
ابو رائد : ون يتعلم ...؟؟ هذا خلاص انا اصلا طردته .. قلت له لا اشوووف وجهك الا ف المطار ....
ام رائد : والحين مين بيوصل البنت الجامعة ..؟؟
ابو رائد : مدري والله... رائد
ام رائد : ودوام رائد..؟؟ لا تنسى ما نبغى ابو دانة يزعل عليه ....
ابو رائد بعد تفكير : خلاص انتي ما عليك .. انا عندي واحد يوديها الجامعة ويجيبها ..
ام رائد : مين ...؟؟
ابو رائد : عندي موظف محترم مرة وانا اثق فيه بصراحة ... اسمه احمد .. ويصير اخو ابو بندر ... رجال محترم وكبير وعاقل ....
ام رائد خافت : وا قردي ...!!! بتخلي بنتي تطلع مع سعودي... وعزوووبي بعد .!.!؟!؟
ابو رائد بضيق : يا حرمة بلاحركات الحريم السخيفة هذي ...!!! خلاص قلنالك نثق فيه .. والبنت ما عليها شر انشالله ... لا تخافين عليها ... انا طالع المكتب ..

طلع ابو رائد المكتب بعد ما طرد السواق وقرر يطلب من احمد يوصل ريم الجامعة كل يوم ويجيبها ....

@@@@@@@@@@@@@@@@@@@@@@@@@@@@@@@@@@@@@

نهاية الجزء الثاني عشر ..

شرايكم ...؟؟ بالله عليكم ما خقيتوا على رائد..؟؟
سعود ...؟؟؟ وش بيصير عليه .. ووش مصيره ف النهاية هذي كلها ..؟؟
وام سعود ..؟ وش ورى هالتغيير ..؟؟ ووش بتسوي ف الايام الجاية..؟؟
ابو فيصل...؟؟ وش بيصير معاه ومع اهل زوجته اللي قايمين عليه..؟؟
وابو غادة .. وش سر هالتغيير...؟؟ وليش يعامل بناته كذا ..؟؟
خالد .. اروى .. وينهم عن هالجزء .. ووش صار عليهم ....؟؟

كل هالأسئلة الطويلة والمحيّرة .. اجوبتها انشالله
ف الاجزاء الجاية .....
كل الشكر والتقدير لكل من يتابع القصة ويقرأها
وأوعدكم بالأفضل انشالله ...

**الاميره الحالمه** · 17-09-2008, 09:42 PM

انا بصراحه ماقريتها بس اتمنى تكون نايس مثل روايه خذني بقايا جروح

**«¦» شوكلاين «¦»** · 18-09-2008, 05:10 AM

ابليز كمليها

مشكوره

يعطيكي العافيه

**ريوووم** · 18-09-2008, 12:16 PM

يعطيج الف عافيه ومشكوووره حبيبت قلبي..

كمليها والي يعافيج
كمليها بسرع وقت
شكرا

**jasmine** · 19-09-2008, 12:48 AM

القصة روعة مرة
مشكورة
بس بليز كمليها والله يعينك

**نسمات فلسطين** · 19-09-2008, 01:41 AM

مشكورة

القصة روعة

بليز كمليها بسرعة

تحياتى الك

**اسد سعودي** · 19-09-2008, 02:00 AM

شكرررررررررررررررررررن
لك

**أم السادة** · 19-09-2008, 04:58 AM

شكرا لك على القصة الرووووووووووووووووعة بس

كمليها

يلا علشان لا تبيخ السالفة

**& بنـوتـه نعـومـه &** · 19-09-2008, 06:37 AM

الجزء الثالث عشر ( ثلطّعش ) :.

(( يوم الثلاثاء ... غرفة ابو سعود وام سعود))

( الساعة 4 العصر .. )

رجع ابو سعود وجاب اغراضه لغرفة زوجته بعد ما صلحوا كل اللي بينهم من مشاكل الليلة اللي فاتت ..... وقرروا يفتحون صفجة جديدة من حياتهم ويبدون من جديد ...

ابو سعود قعد على السرير يبغى ينام : تدري انا امس قلت للعيال عن سعود ..؟؟
باسمة : ليش...؟؟؟ حرام تقولهم ....
ابو سعود : بصراحة دلع سالتني قدامهم كلهم وانا بصراحة ما قدرت اسكت .. فقررت اقولهم عشان ما يسالوني كل شوي ....
باسمة بحقد : هذي شتبغى بعد تسال عن الولد .. ما كفاها اللي صار ...؟!؟!؟
ابو سعود باستغراب : اللي صار ..؟؟ ليش وش صار ...؟؟

باسمة انتبهت لزلتها وما عرفت تصرفها فقالت بذكاء وهي تجلس جنب ابو سعود: انا كنت ابغى اقولك عن هالموضوع من زمان ..... بس كنت خايفة .. بس الحين الاحداث تطورت وزادت ... فلازم اقولك ...
ابو سعود مستغرب : قولي وش صاير .....؟؟؟ عسى ما شر...؟؟

ام سعود : قبل حوالي شهرين .. بعد عيد الفطر بخمس ايام بالتحديد .. طاحت علينا دلع تذكر ....؟؟
ابو سعود : أي.....
ام سعود : وبعدها ب 3 ايام طاحت من جديد ووديناها المستشفى صح ...؟؟
ابو سعود : أي صح ... ليش..؟؟
ام سعود : انا ما رضيت اقولك .. لانه المشاكل اللي كانت بيننا كانت كافية .. وما حبيت ازيد الطين بلة ..... وازيد المشاكل في هالبيت ...
ابو سعود : يالله منك ... تكلمي بسرعة ... شفيه...؟؟
ام سعود : الله يسلمك .. دلع يوم طاحت علينا كانت حامل .......!!!!!!!!!!

قام ابو سعود وهو فاتح عيونه الثنتين بدهشة : ها...؟؟؟ وش تقولين انتي ..؟؟؟
ام سعود : زي ما سمعت ... كانت حامل توها من شهر ونص ....
ابو سعود مو مصدق : مو معقووووول ... ما اصدق ...

ام سعود قامت وفتحت الدرج حقها بمفتاح وطلعت الفحص .. وعطته ابو سعود : وهذا الدليل .. هذا الفحص اللي سوولها اياه المستشفى ... ومكتوب فيه انها حامل ..

اخذ ابو سعود الملف حق الفحص وقراه ... وانصدم صدمة .... ما توقعها من دلع ابد .. ما توقع انها ف يوم بتسوي كذا . كان يعتبرها بنت مؤدبة محترمة .. وما كان يتوقع منها زلة وغلطة زي هالغلطة ابد .....

قعد ساكت ابو سعود ويطالع الملف بدهشة .. وقعد على السرير بكل هدووووء ..

ام سعود قعدت جنب ابو سعود ....
ابو سعود : وبعدين ...؟؟ وين راح اللي ف بطنها ...
ام سعود : خليها تنزله .....
ابو سعود : شلووون ..؟؟ عسى ضربتيها بس ... ؟؟
ام سعود : لأ... عطيتها شراب ينزله ... وخليتها تشتغل ف البيت لين نزل ...
ابو سعود نزل راسه وغمض عيونه بقهر : شلووون شلووون تسوي كذا شلووون ... ودلع ...!!!! دلع اللي تسوي كذا ..!؟؟! هذا وانا احسبها متربية احسن تربية وما في زيها من بين البنات ....!!!!!!
ام سعود : مو كل الناس زي ما تتوقع ...
ابو سعود : ومين الحيوان الكلب ...؟؟ ها..؟؟ مين الابو ....؟؟؟؟ ولا ماعرفتي ..؟؟

ام سعود بلعت ريقها بخوف .. جا الوقت اللي تنتقم فيه من دلع اللي حطت راسها بالارض ومن ولدها اللي ما يعبرها ودومه ينزل من مستواها قدام الناس بافعاله العاطلة .... كان الحقد ماليها بالكامل ....

ام سعود بخوف : س ... سعود ..........!!!!!!!!
ابو سعود منصدم : وشووووووووووووووووووووووووووووووووو...؟!!؟!؟!؟؟!؟!

ام سعود : والله..؟؟ انا يوم قالت لي ما صدقتها .. وح-سبتها كذا تبغى تحط التهمة فيه .. بس بعدين .. ذاك اليوم يوم جيت اسال سعود قدامها... سعود اعترفلي .. وما خلاني اضربها .. تخيل مسكها ووخرني عنها ... وما انتهت المشكلة الا لما طاحت علينا ووديناها المستشفى ...
ابو سعود عصب : هالحيوان الكلب ... حط راسنا ف الارض .... والله يستاهل بعدموووونه مو بس يسجنووونه ... اجل الشقة هو صاحبها .. دامه سوا هالحركة و ف بنت خالته بعد ... شلون على بنات الناس ..؟!؟!؟! اكيد له طرف بالسالفة .. انا متأكد مية بالمية .....
ام سعود : بس ترى انا ما اتوقع الغلط من سعود بس ... اتوقع دلع مسوية حركة من حركاتها وجابته لها ....
ابو سعود : لا لا لا ما اتوقع ...
ام سعود : توقع ونص .. ما شفتها تسال عنه اليوم ... البنت متعلقة فيه من زمان ...
ابو سعود هز راسه بالنفي بقوة : لا لا لا .... لا مو معقووووول اللي قاعد يصير .. مو معقوووول ....

ام سعود سكتت ....

ابو سعود قام ولبس ثووووبه ....

ام سعود : وين رايح ...؟؟
ابو سعود : انا عندي حل لهالسالفة كلها ....
ام سعود قامت : وش بتسوي ..؟؟ لا تكلمها ... انا خلاص سويت اللي ما يتسوى فيها .. شوفها الحين تخاف حتى تحط عينها بعيني ولا تكلمني .. ودومها قاعدة ف غرفتها .. اخذت جوالها وفصلت عنها التليفون والنت ومنعتها من الجامعة ..والطلعة بالموت تطلعها .. البنت ما تقدر تسوي أي حركة الحين ......

ابو سعود : لا ماني مكلمها ... شوفي .. انا بطلع سعود الحيووان ولدك من التوقيف .. وبخليه ياخذ هالكلبة .. نزوجهم ونرميهم ف شقة وكل شهر اودع في حسابهم فلوس وافتك منهم ومن شوفتهم بهالبيت .... نزلوا راسنا بالارض الله يفشلهم .... انا هالاثنين ما اقدر اخليهم ببيتي بعد اليوم.. انا عندي لينا وسالم .. اخاف ياثرون عليهم بعد... ماني ناقص .. يكفي ثنين .. ابغى لينا وسالم يتربون احسن تربية ...
ام سعود : بس ما بيوافق .. وهي بعد ما بترضى بالسالفة ...

#########################################################

ابو سعود عصب : مو على كيفها الكلبة .... غصبا عنها بتاخذه بتاخذه .. عجبها ولا ما عجبها الموضوع بتاخذه .. ولا بطردها من البيت وارميها ف الشوارع كذا ... !!!!!!
وسعود يا ياخذها .. يا ينطق يتعفن بالسجن .... !!!!!

وطلع ابو سعود من الغرفة ومن البيت باكمله ....

ام سعود " اشووووه ... ما بغيت افتك منها هالخايسة ... اخيرا بتطلع من بيتي .. يصير ما عندي احد اراقبه وامشي وراه بكل خطوة يسويها .. وسعوود هذا .. برتاح منه ومن افعاله العاطلة هذي .. فشلني قدام الحريم .... فديت ابو سعود والله وصار يسمع كلامي ويفكر بللي افكر فيه .... خليني اقووم ابشر ام عبيد ...!!!! "

___________________________________

(( بيت ابو رائد.. الصالة ))

( الساعة 8 بالليل )

رائد : يما الحين انتوا متى قررتوا العرس .....؟؟؟
ام رائد : يا رائد البنت قاعدة تدرس اخر سنة .. اصبر .. ف الاجازة يمكن ...
رائد : لا يما ... بعيد مرة ....
ابو رائد : سبحان مغير الاحوال ... اول نطارد وراه عشان يخطب بس .. والحين هو اللي يطارد ورانا عشان نسوي العرس ..!؟!؟!؟!؟
رائد : ههههه حرام عليكم .. والله زهقت من هالعزوووبية ...
ام رائد : زهقت من العزوبية ولا اخذت عقلك بنت محمد ...؟؟؟؟
رائد : ههههههه يا حلوها دانة ... بس من جد انا ما ابغى العرس ف الصيف .. مرة بعيد .. خلوه قبل .... يعني بعد شهرين ...
ام رائد فتحت عيونها ع الاخير : أيش..؟!؟!؟ صاحي انت ..؟؟ يا بابا هذا عرس مو أي كلام .... ما يكفينا شهرين نجهز للعرس .. بعدين العروس لازم تاخذ وقتها تفصل فستانها ... وتستعد .. مو كذا فجأة تقول بعد شهرين ... !!!!!!!
رائد : ليش كل هالخرابيط .. كله فستان وصندل وعلبة مكياج وقاعة ... ما يحتاج الخرابيط اللي انتوا تسووونها ...... !!
ابو رائد : اركد يا ولد ....شوي شوي .. ترى الركادة زينه ....!!!! والبنت ماهي طايرة ...!!! مردك بتعرس بتعرس انشالله .....

@@@@@@@@@@@@@@@@@@@@@@@@@@@@@@@@@@@@

(( يوم الاربعاء ... سيارة فيصل ))

( الساعة 2 الظهر )

كان سالم راكب مع فيصل ف السيارة وراحعين من المدرسة ... ومتحمسين مرة لانه اليوم اربعاء .... وبيطلعون مع الشلة بالليل ... والجمعة بتكون و ناسة ...

سالم : خلاص متى بتمر علي...؟؟
فيصل : متى تبغى .. الشباب بيتجمعون اكيد من بعد صلاة العشا ..
سالم : خلاص ..مر علي .. نروح نصلي .. وبعدين نروح لهم
فيصل : اوكي .... كم الساعة الحين ...؟؟
سالم رفع ساعته : ا.... الساعة الحين ثنتين ....
فيصل : بدري صح ...؟؟
سالم : أي غريبة اليوم مطلعينا بدري ....
فيصل : ياخي الحمدلله ... احين من انهم يخلونا للساعة ثنتين ونص قاعدين نسمع الاخ صطيف يشرحلنا هالادب والعربي حقه...
سالم : خخخخ من جد والله ... يجيب النوم ....
فيصل : اختك متى تطلع...؟؟
سالم : لينا ..؟؟ ممم .. الحين ... الحين بيروح لها السواق...
فيصل : تبغى نروح ناخذها اليوم .. نسوي لها حفلة عند مدرستها شوي ...
سالم : بايعها يعني...؟؟
فيصل : تقدر تقول كذا ....
سالم تسند : توكل على الله .... انا معاك...

وراحوا الاثنين رايحين لمدرسة لينا عشان يجيبونها ....

ويوم وصلوا ....

وقوا قدام باب المدرسة وكان مررررة زحمة ... والبواب مشغووول مع السواويق اللي متناثرين في كل مكان ....

فيصل : يووووووه ... وش هالزحمة ...؟؟
سالم : اعووووذ بالله ... كاننا ف الهند ولا الفلبين ....
فيصل : اييي ... من هالسواويق اللي ما تمشي مكان الا وتشوفهم ... مستعمرين البلد ...!!!!!
سالم : بس بصراحة ما نقدر نستغني عنهم ... شوف الحين يعني لو ما عندنا سواق ... من كان بيجيب لينا من المدرسة ...؟؟
فيصل فكر شوي : مممم ... أي والله صدقت ... طيب الحين شلون بنجيب اختك من بين هالحشد الكثير .....
سالم : بنزل واخلي البواب يناديها .......

نزل سالم وبعد ربع ساعة من الانتظار ف الحر وتحت الشمس والنار ... رجع وكانت معاه ....

ركبوا السيارة هم الاثنين .....
لينا : السلام........
فيصل : وعليكم السلام ورحمة الله ......
لينا : شعندكم جايين ما خذيني اليوم ....؟؟؟
سالم : تغيير ف الروتين ... بعدين عسى مو عاجبك...؟؟
لينا : لا افا .... عاجبني ونص ....
فيصل : وش عندك مستانسة كذا ..؟؟
لينا : يعني وش رايك بالله عليك...؟؟ اليوم اربعاء .. يعني اكيد وناسة ....
فيصل : الله يديمها هالوناسة .... اقول لينا تروحين معانا اليوم...؟؟
لينا نطت: وين ....؟؟؟
فيصل : بنروح نتغدى انا واخوك ف مطعم تجين...؟؟
لينا : أي أي أي اكييييييييد
سالم باستغراب : متى قلنا نروح مطعم....؟؟؟؟
فيصل : توها الفكرة جاية على بالي .. بعدين اذا انا ما امانع اكيد انت ما بتمانع ...
سالم : ههههههه على كيفك...؟؟؟
فيصل : أي على كيفي .. سيارتي وبوديكم وين ما ابغى ...
لينا : واو وناسة .. كل يوم تعالوا خذوووني .. احسن من عبدالملك اللي كل يوم اطر منه طرارة يوديني ستاربكس ويقووول لأ .. وبعلم ماما ومدري ايش ...
سالم : يعني انتي وش رايك...؟؟ اكيد امي محرضته ما يوديك ولا مكان ... واذا وداك يجيب لها التقرير عن اللي سويتيه .. عشان كذا احسنلك ما تقربين على أي شي تعرفه امي ...
فيصل : خلاص ولا يهمك ... متى ما بغيتي تطلعين انا موجود .. وش تبغين بعد احسن من كذا سووواق ...؟؟
سالم : خخخخ لا تعطيها وجه .. ترى تصدق على طووووول
لينا : واو ... اجل كذا بتوديني الحفلة حقت عيدميلاد وحدة من صديقاتي ...!؟!؟!
فيصل : هههههههههههههههههههههههه
سالم : ههههههه ما قلت لك ... ما تنعطى وجه ....

___________________________________

رواية ودك تنامين ؟ نامي روايه رومنسيه / كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget