رواية يا خاطفي وين ألقى عزتي في زمان المذلة ! / كاملة

***مزون شمر*** · 15-03-2012, 05:36 PM

رد: رواية يا خاطفي وين ألقى عزتي في زمان المذلة ! / كاملة

ماقدت تنام جلست بالصاله حتى ماتزعجه وتعكر عليه نومته .. كلام أحمد ماغاب دقيقه أو ثانيه عن بالها
بروح اقول لزوجك عن ماضيك .. وانك مخطوفه وكنتي حامل من اللي خطفك
بروح اقول لزوجك عن ماضيك .. وانك مخطوفه وكنتي حامل من اللي خطفك
بروح اقول لزوجك عن ماضيك .. وانك مخطوفه وكنتي حامل من اللي خطفك
شوق : اه يافهد لوتدري عن اللي كان ماضينا ويش بتكون ردة فعلك .. لو تدري اني كنت أم لطفلك والحين دار الزمن وصرت زوجتك .. الله ينتقم منك يا أحمد والله ما أتركك وراح احرق قلبك زي ماحرقت قلبي .. وبدت تبكي بصمت وأبتدت دوامة البكاء الدائم تمسح دموعها وترجع تنهمر
تكى يده على باب لغرفه وبيده الثانيه رجع شعره الاسود الطويل على ورى
فهد : ماجاك نوم ؟!
شوق تمسح دموعها بسرعه وتعدل شعرها : لا ما نمت .. شكلي نكدت عليك نومتك
فهد مشى للثلاجه وطلع علبه مويه وشربها .. جلس جنبها وقال : أنا بعد ماجاني نوم
شوق : ويش رايك نطلع نتمشى شوي .. الفجر الجو حلو
فهد يلعب بشعره : اوكي نو بروبلم .. اي لايك يو
شوق أبتسمت : مو تسوي فاهم علي .. تراني ماعرف انقلش
فهد بأبتسامه خبيثه : أجل كيف فهمتي جوليا ذاك اليوم
شوق : انا وديعه مع الكل بس أذا أحد قرب من شي يخصني اتحول لشرسه
فهد يوقف : طيب يالشرسه قومي البسي حتى نلحق نسمات الصباح العليل .. ومشى للغرفه يلبس وهي أخذت عبايتهها ولبستها وطلعت تستناه برا .. ثواني ولحقها وطلعوا مع بعض
شوق أعجبها الجو خصوصا ان قطرات المطر تداعب اوراق الاشجار أخذت نفس طويل وشبكت يدها بيده .. طلعت أشعة الشمس بارده وخافته .. وبدت تدب اللحياه من جديد .. تفتحت اوراق الازهار .. وكل شخص سار لعمله وطريقه بأنتظام
فهد : شايفه كيف كل الناس همه نفسه وعمله ..
شوق : احس هالمدينه تشبهك كثير ... لف عليها بنظره أستغراب
فهد : بأيش يعني تشبهني ؟!
شوق مشت للشجره وتكت عليها : بغموضها .. وحركتها الساكنه .. وقسوة جوها البارد .. وحنان شمسها الدافيه
فهد رفع حاجبه بتعجب : كل ذا فيني ؟!
شوق ترفع عينها للشجره الشامخه : أنت غامض وفي وراك أسرار كثيره لكن ما أدري هل بعرفها بيوم أو بتظل بالنسبه لي مجهول الهويه
فهد يتأمل الناس : انا عند الكل مجهول هويه ومجهول شخصيه والأثنين ماتفرق كثير عن بعضها
شوق : بالعكس في فرق كبير بينهم .. لكن محد فهم شخصك
فهد : ولا أتوقع بيوم أحد يفهمني ياشوق
شوق بنظره حانيه : ولا انا أتوقع .. شخصيتك من الشخصيات الصعبه
فهد أبتسم ولف عليها : الصعبه !!.. وانتي بالنسبه لي كتاب مفتوح افهم كل شي من عيونك قبل حتى تنطقين فيه
شوق بنظره غريبه : تقدر تقولي ويش افكر فيه الحين ؟!
فهد بخبث : الأنتقام هاجسك الوحيد ..
شوق نزلت عيونها وبأرتباك : فهمتني غلط
فهد : لاتتهربين ياشوق قلت لك أنتي كتاب مفتوح لي مهما ادعيتي الغموض والتخفي أظل كاشفك .. من يوم خطفتيني كنت أفهم نظراتك الحاقده والناريه .. أشوف لمعة الحزن فيها ولازلت اشوفها .. ويمكن انا أزيد حزنك وجروحك بوجودي جنبك .. وهذا من أختيارك
شوق تطالع بمكان بعيد : انت اللي غصبتني على هذا الأختيار ساومتني بنجاح عمي وتسديه لكل ديونه تتوقع اني بفضل حياتي وراحتي على شقى وعذاب عمي ..
فهد : أنتي ذكيه حسبتيها صح والحين انفتحت لك أبواب كثيره في الحياه وانا اعطيك الكرت الأخضر
شوق بأستغراب وتعجب : كرت أخضر لويش ؟!
فهد : الطلاق وحريتك أو تكملين حياتك معي وتسوين اللي تبين
شوق وقرارها الحاسم بدون تردد: أكمل معك
فهد بنظرة اعجاب : قلت لك ذكيه وتحسبيها لبعيد
شوق : صدقني يافهد على كثر ما أكرهك على كثر ما أحتاجك وتحديدا بتوقيتي الحالي
فهد : تحتاجيني والحين .. ويش الأسباب ؟!
شوق : مو لازم تعرف كل شي .." غيرت الموضوع ".. ترى جعت كثير
فهد : شوفي هذاك المطعم أكلهم شامي تعالي نروح نفطر هناك
شوق : يالله .. ومشوا له

***مزون شمر*** · 15-03-2012, 05:41 PM

رد: رواية يا خاطفي وين ألقى عزتي في زمان المذلة ! / كاملة

تردد يدخل الغرفه أو مايدخل .. لكنه استغرب انها ماطلعت وهو سهران ينتظرها تصحى
تركي : غريبه ما صحت خلاص بدخل وأمري لله .. دق الباب مره ومرتين لكنها ماردت عليه فتح الباب ودخل
تركي من بعيد : فاتن .. فاتن
تحركت شوي وأرتاح وهو يشوفها حيه قرب أكثر وناداها : فاتن
فتحت عيونها بكسل : نعم .. صحت على نفسها وتذكرت اللي صار لها من يومين
تركي : لك يومين هنا وأنتي نايمه خفت انك ميته
فاتن : أبوي .. ابوي تركته لحاله واكيد يدورون علي عشان يحكمون علي بالأعدام
تركي بصوت حاد : ويش تخربطين انتي ؟ ماصار له شي نواف بس راح للمستشفى وخاطوا له الجرح وهو حي كل الناس يموتون الا هو
فاتن : رجعني لأبوي .. رجعني
تركي : يالله بوصلك لأهلك الحين أكيد الناس بمدارسهم
فاتن تلبس بسرعه : يالله طيب .. وطلعت معه يوصلها لأبوها وناويه على اخوها بالشر
أول ماوصلت .. دخلت تبكي لأبوها شافته على سريره نايم
فاتن باست راسه : يبه .. انا جيت .. يبه قوم انا جيت يالله بسوي لك الفطور وأنت صلي .. مارد عليها لفت ابوها وشافت وجهه أزرق صرخت بأقوى ماتملك .. يبه .. طلعت ونادت جيرانهم اللي أتصلوا على الاسعاف .. بالمستشفى
طلع الدكتور من الغرفه وفاتن تبكي ومنهاره
الدكتور : يأسفني أخبركم أن الوالد له 36 ساعه متوفي بسكته قلبيه
فاتن أنهارت من سمعت كلام الدكتور

:::
:::
كانوا جالسين بالمطعم يفطرون كانت تأكل لأن الجوع عامل عمايله فيها .. اما هو أكتفى انه يراقب حركاتها وأنسجامها مع الجو البارد .. يتابع خطوات يدها ورمشات عيونها حست بعيونه تراقبها رفعت عينها له وشافته سرحان فيها ويده تلعب بصحنه
شوق ( ويش ورى عيونك من أسراراشوف فيك بحر عميق ماله قرار ) قطعت سرحانه : ليش تطالعني كذا
فهد : مشتاق لك
تعلقت عيونها فيه من صدمة جملته لها أول مره تحس الجو بينهم لطيف حمرت خدودها وبان خجلها ونزلت راسها وبصوت واطي : تشتاق لك العافيه
فهد أبتسم على شكلها الخجول : تذكريني بوحده مستحيل أنساها
عقدت حواجبها وتحولت ملامحها الى الملامح الحاده ضغطت على شفايفها كلمته وترتها وفجرت الغيره بقلبها وقالت وهي تحاول ماتبين له شي : ومين هذي الوحده ؟!
شافت بعيونه نظره غريبه اول مره تشوفها بعينه شي غريب حست فيه من صوته اللي تغير رغم انه مايبين لها شي تركت كل شي من يده وهي تنتظره ينطق كلمته
فهد : بأمي
شوق بحزن : الله يرحمها .. لف بعينه وهو يشوف أحمد ومعه زوجته وولده وأنتبه لعيون شوق اللي تطالعه بحقد حاد أكثر من حقدها عليه
شوق : خلنا نطلع انا شبعت
فهد يدفع الفاتوره : أوكي يالله .. وقفوا ومشوا وهو يحط عينه بعين أحمد اللي ماشالها عن شوق لكنه طنش كل شي ولا تحرك أي شي فيه وكأن شي لم يكن
أما هي كان بودها تمحيه عن الوجود زي ماحرمها من الفرحه حتى لو كانت بتسبب لها جرح دامي لايمكن أن يبرى فكرت تقول لفهد على اللي كان لكن خافت من ردة فعله لكن زال كل شي رحوم من قلبها وماتشوف الحياه الا بعين سوداء
شوق : فهد برجع الفندق في موضوع لازم اقولك عليه
فهد يوقف سيارة أجره : يالله أركبي .. وأتجهوا لفندقهم بعد ماوصلوا وغيرت ملابسها قررت تطلع له وتفتح له الموضوع رفعت شعرها فتحت باب الغرفه وشافته منسدح على الكنب يقلب بالقنوات أول ماشافها عدل جلسته وفتح أزارير بلوزته
شوق جلست جنبه وشبكت يدها ببعض وبدت تتوتر وهي تحاول تحبس دموعها
فهد : ويش الموضوع اللي بتقوليه ؟
شوق : فهد يمكن هالشي راح يصدمك أو يمكن ماراح يعني لك شي لكن لي أنا يعني شي اليم وشي كبير جرحني والى هاليوم افكر فيه
فهد بردة فعل ما توقعتها : بتقولين انك كنت حامل وأحمد قتل ولدنا
نزلت دموعها من كلامه وبصوت خافت : أكيد قال لك
فهد يرجع على ورى ويرجع يده ورى راسه : لا ماقال لي أنا سمعته لما كلمك تحت بالحديقه
شوق بصدمه : سمعتنا
فهد يلف عليها : ايه سمعته وسمعت تهديده لك
شوق دفنت وجهها بين كفوفها وهي تبكي : توقعت ردة فعلك غير .. مو تقولها لي بكل برود
فهد عقد حواجبه وصل الى حد مايقدر يتحمل بعده اكثر ماحد يعرف عنه شي او بالاخص هي بالذات كل شي فيه تجهله وقف بعصبيه وقال بصوت يرجف : ويش أرد وأقول اقولك اني ولدي جاء للدنيا منبوذ زي أبوه .. أو اقولك انه لو عاش كان بيعيش كل عمره حزين زي أمه ..قولي ويش ارد عليك يمكن الموت كان رحمه له
شوق تصرخ عليه : هذا ولدي أنا .. كان جواتي شهور عشت فيها لوحدي بين جدار مستشفى ما أعرف أنيس غيره هو." وبصوت خافت "على كثر ماكرهتك على كثر ماحبيته كنت احسه هو طوق النجاه لي عانيت كثير يافهد عانيت من شفقه عمي علي وخاينة احمد لي وموت ابوي بحسرته علي يوم شافني حامل
بكت بحسره وقهر قلبه الحجري لايمكن يحس بمدى الالم اللي تعانيه وهي تدري ان ولدها مت مقتول ومن شخص كانت تحمل له الحب
فهد ببرود : تبيني أقتل ولده يعني زي ماقتل ولدنا ؟!
شوق بشر وحقد وبصوره غير صورة الملاك اللي كانت عليها بدت تتحول الى شيطان وقد يكون اشرس من شيطان فهد : أيه تقتله .. أو انا بقتله وأخليه يذوق من الكاس المر اللي أنا ذقته
طالعه بصدمه أسابيع معدوده عاشت معه وكان يشوفها ببرواز واحد والحين بدت تتغير صورتها وتحطم ذلك البرواز كأن شي دفين بداخلها بدأ يستيقظ من سبات عميق بدت ترجع شوق القديمه
أبتسم لها بلئم بدت ترضي غروره وشيطانه الغاوي قال لها برضا : سوي اللي تبين مستحيل أوقف بوجهك
دخل لغرفه وتركها تبتدي تحولها وتغيرها
البارح
كل شي مغري لاللقىا
إلا: اللقىا البارح
نصفي يبي نصف ولكن مالقىا إلا
كثيرالأسئل
تثير بعض الأسئل
مدري وش اللي بس بقىا
و مدري وش اللي لي بقىا
غير السؤال اللي جواب من محال
وشاخرةهذا الشقىا. . ؟
وشاخرةهذا الشقىا. . ؟
وشاخرةهذا الشقىا. . ؟
:::
:::
:::

***مزون شمر*** · 15-03-2012, 05:43 PM

رد: رواية يا خاطفي وين ألقى عزتي في زمان المذلة ! / كاملة

بالمدرسه
لينا تجلس على الطاوله : عندي لكم خبر
سح ترمي الدفتر بالشنطه : قولي خلينا نسمع شي جديد
لينا : عمي أبوهزاع كلم البارحه أبوي وقال له ان هزاع واي فديته يبي يملك علي بأسرع وقت
ريم وسحر بتركيز : متى ؟!
لينا : أبوي قال له يأجلها الي الخميس مو الجاي ولا اللي بعده اللي بعده
ريم : يعني بعد خميسين
لينا حمرت خدودها : يس افكورس .." تربعت ".. تصدقون امس مانمت شايله هم الملكه بنروح الرياض وهم ناس شبعانين مره خايفه من كل شي
ريم تضربها على يدها : ياخبله خليك واثقه من نفسك الى متى عدم الثقه هذي
لينا : والله يابنات يوم حطيت راسي على المخده ياجاتني افكار وافكار وبديت اخاف من شوفته
سحر : هذا وباقي اسبوعين والثالث تسافرين وتقولي كذا روقي بالله عليك بدري على الهم
لينا تميل فمها : ساعدوني اسوي حركه غريبه
سحر تغمز : اسئلي المجربه اللي جنبي
لينا بخبث : أول ماشافك ويش قال عشان لا أفتح فمي واروح فيها مع زيزو
ريم بغرور : الف من هزاع مايجون مثل سيف فديته
سحر تصفر : أموت أنا على الحب من أوله
ريم : بيجيك الدور سحور وتجربين
سحر : خليني اكمل دراستي وأدخل اللي ابي بعدها يفتح الله
لينا : سحر انا مستغربه منك احسك تصرفين
سحر بتحطم : ليش أتامل اللي يسمعك يقولي درج بيتنا أنحفر من كثرت الخطاب
لينا وريم : ههههه
سحر كشرت : هذي الحقيقه ولاتضحكون
لينا تلعب بخصلة سحر اللي على جنب : والله الناس ماتعرف تختار أحد يشوف القمر ويبعد عنه صدق قليلين ذوق
سحر تضحك : الله يجبر خاطرك ياشيخه .. خخخخ
لينا تدفها : لازم نرفع المعنويات شوي على قولة ريم خليك واثقه من نفسك
سحر : أبو الثقه اللي كذا
دخلت هنادي ومعها عبير
هنادي تصارخ : الحقوا
البنات بصوت واحد : ويش في ؟!
هنادي : أبله هدى طاحت من الدرج فاتكم المسلسل الكوميدي
عبير ميته ضحك : وربي يابنات فاتكم نص عمركم .. شي ماينفوت
لينابحسره : خسارره راحت علي
هنادي : قمة الشماته اليوم شوي وتبكي وبنت أختها تسوي نفسها ناعمه خالتو خالتو ودي مديت رجلي وتلحق خالتها
الكل : هههاي
عبير : لو تهورتي وخليتي الحلقه حلقتين
هنادي : الله يلعن بليس اللي ماوزني عليها
سحر ميته ضحك : أستغفر الله
ريم تشيل اغراضها : يالله ننزل عشان الصرفه حدي نعسانه
هنادي : والله من السهره مع خنجرك هذاك الغبي هههههه
ريم ترمي الكتاب عليها : انطمي .. شغلك عندي
هنادي : بطلع ويك ويك ويك برجع مع عبير للبيت بنسوي رياضه
سحر : اقول تبين شهد تذبحنا
عبير : والله بنرجع مشي اليوم انا وهنادي حتى تمر عند امي تأخذ ميشو ناسيه انه عندنا لان شهد تروح الجامعه
ريم : أيوه صح .. يالله أجل أرجعي مع عبير
هنادي : اوكي سيوو يا قرده
لينا فطست ضحك : اختكم ذي اشك ان عدادها فاصل
سحر : لا تشكين تأكدي مليون بالميه

***مزون شمر*** · 15-03-2012, 05:44 PM

رد: رواية يا خاطفي وين ألقى عزتي في زمان المذلة ! / كاملة

قبل ساعتين
كانت لوحده تستقبل المعزيات لا أقارب وأخوات واخوها ماتعرف اي شي عنها لولا الله ثم جارهم اللي تولى العزاء بدل اخوها كان ماتدري أيش صار فيها .. صابها برود قاتل بقت وحيده لا أب ولا أم والأخ ماتستأمنه على شي بعد اللي عمله فيها وأعمامها كلهم بالشرقيه ولا تعرف عنهم أي شي من كان عمرها 15 سنه
تفاجئت بدخولها الغير متوقع .. جت هي وريماس يعزونها
شهد تسلم عليها : أحسن الله عزاك
فاتن بدموع هاديه : جزاك الله خير
ريماس تأثرت من شكل فاتن : مثواه الجنه ان شاء الله
فاتن : أمين
أستغربوا البيت فاضي مافيه الا فاتن وثلاث من جاراتهم الوقت مو مناسب للكلام جلسوا عشر دقائق وأستأذنوا
ريماس : احس قلبي حن عليها حالتها صعبه مره
شهد : حتى انا والله شفقت عليها مافي أحد حولها
ريماس : شهد خلينا ننسى كل شي ونفتح صفحه جديده
شهد : احنا الحمدلله ماصار فينا شي ربي ستر علينا صح غلطنا بس هي كانت تساعدنا وأحنا برغبتنا كلمنا عيال وطلعنا معهم
ريماس : والله صدقتي هي غلطت انها دلتنا على ذا الشي وعلى قولتك حنا رحنا برغبتنا
شهد : عن نفسي سامحتها ولا أبي منها شي
ريماس : وانا بعد ..
شهد : بكره الصبح ماعندنا الا محاضره وحده ويش رايك بعد مانخلص نأخذ فطور ونروح لها
ريماس : اوكي بقول لأبوي وأشوف رده علي واديك خبر
شهد : وأنا بعد بقول لعمي عشان ادبر ميشو وأحطه عند جارتنا
ريماس : الا على طاري ميشو .. شخباره معك
شهد بحب : وه بس يهبل ياريماس يجنني بضحكته وحركاته والحين صاير يطلع اصوات ويلعب
ريماس : وي وي اموت على الاطفال تكفين صوريه فيديو وارسليه لي
شهد : ابشري بس ماترسلي صورته لأحد اخاف عليه موت
ريماس : بدأ شغل الامهات .. خايفه من العين
شهد : لو تشوفينه تنهبلين عنده ابيض يزنن وعيونه واسعه عسليه اقول له مستقبل بالتشبيك ههههه
ريماس : من بدري حركتات .. الله يسعدك زي ماتسعديه يا شهوده
شهد : امين يارب
بعد ماوصلت ريماس ومرت على جارتهم ام عبير وأخذت ميشو .. طلعت للبيت ودخلت غرفتها ولقت رغد نايمه .. أخذت ملابسها ودخلت غرفة شوق وغيرت فيها راحت للمطبخ وهي تفكر أيش تطبخ .. حطت مشاري بعربيته وأخذت معها للمطبخ حتى مايبكي .. وبدت تطبخ ..
دخلت عليها سحر بعبايتها
سحر : ياسلام ياشهد وربي جوعانه مره
شهد : يالله بسرعه غيري ابوي الحين يجي من الصلاه واحط الغداء
ريم تغمض عيونها وتشم الريحه : واو الريحه بس حكايه ثانيه
شهد : ههه الله يستر من الطعم .. والله خبصت على مزاجي
سمر : شكلي بمرض من الخبصه حقتك بس ويش نسوي الجوع ظالم
شهد : بلا كثرة حكي وروحوا خلصوا صبر وين العربجيه
ريم : بتجي مع عبير تقول بيسوون رياضه
شهد : خبله ... راحت للغرفه
:::
:::

كانت جالسه لحالها تفكر بأبوها اللي مات وهي بعيده عنه وتفكر بجية شهد وريماس الغريبه لها .. دق جوالها .. وبكل كسل ردت حتى ماطالعت بالرقم
فاتن بصوت مبحوح : الوو
تركي : سلام
فاتن : وعليكم السلام
تركي استغرب صوتها : فاتن علام صوتك مبحوح ؟!
فاتن بصوت باكي : أبوي
تركي : ويش فيه ؟!
فاتن : مات .. ائهههئ
تركي : أحسن الله عزاك
فاتن : جزاك الله خير
تركي : وفايز سوا لك شي
فاتن : فايز مختفي حتى جواله مغلق ولا يدري عن موت ابوي
تركي : أستغفر الله .. فاتن امانه معك أذا احتجتي شي كلميني
فاتن : أخاف ازعجك
تركي : لا ازعاج ولاشي بأي وقت كلميني اوكي
فاتن : أوكي
تركي : مع السلامه
:::
:::

{شوق }

كنت على مخدتي أفكر بشي بعيد مني كثير من المستحيل اوصل له لكن كلام فهد معي الصباح خلني احس اني قطعت مسافه كبيره لهدفي وبنفس الوقت أحس فهد مخبي علي شي أو مايبي يصارحني بسر من أسراره الغامضه تفكيري مشتت بين أحمد وعمايله الوسخه وبين فهد وتغير طريقه تعامله معي حتى كلامه تغير وأحنا بأول مشوارنا .. اللي أعرفه ومتأكده منه أن فهد مو هادي لل ويمكن يكون هدوء ماقبل العاصفه خاصة تلميحاته لي ونظراته شكل زي ماغيرت اسلوبي معه عشان أوصل لا أهدافي يمكن هو زي يبي يوصل لشي أنا جاهلته وأنا ويش همني اهم شي اوصل للي ابيه مهما كان الثمن

دخل عليها وشافها نايمه .. ماحب يزعجها وقبل يطلع من الغرفه
شوق : ويش تبي ؟!
فهد : بس كنت بسولف معك
شوق بأستفهام : بخصوص ؟!
فهد بنظرات قويه : بخصوص .....

وأنطلقت مسيرة الشر وشياطين
{ الأنتقام }

سارت برفقة ملاكنا
{ الطاهر }

^^
^

**إيقآع المطر** · 21-03-2012, 02:33 AM

رد: رواية يا خاطفي وين ألقى عزتي في زمان المذلة ! / كاملة

واو روعه روعه روعه ..

التكمله لا هنتي ..

بإنتظارك ع أحر من الجمر ..

يجزاك ربي الجنةة ..

***مزون شمر*** · 22-03-2012, 12:33 PM

رد: رواية يا خاطفي وين ألقى عزتي في زمان المذلة ! / كاملة

هلا بك منوره
مشكوره على مرورك ..

***مزون شمر*** · 22-03-2012, 12:39 PM

رد: رواية يا خاطفي وين ألقى عزتي في زمان المذلة ! / كاملة

البارت الثاني والعشرون

جاي لك قلبي " متعشم "
وده يعرف عن غلاه
يعني علمه يا حياتي
وين أرضه وين سماه
يعني تهتم بوجوده
و إلا أصلا ما تبيه !
علمه تكفى ( حدوده )
و إرمي كل همك عليه

دخل عليها وشافها نايمه ماحب يزعجها وقبل يطلع من الغرفه
شوق لفت عليه : ويش تبي ؟
فهد : بس كنت بسولف معك
شوق بأستفهام : بخصوص ؟
فهد بنظرات قويه :بخصوص قعدتك معي ؟!
جلست بأهتمام وفتحت الابجوره : قول اللي عندك
فهد : عندي شروط حتى تبقين معي
شوق تنرفزت من طريقة كلامه وبنظره حاده : ويش شروطك يابعدي
فهد يبتسم على ردها جلس على الكرسي وهو يملي عليها شروطه : اولها أي طلب اطلبك هو تنفذينه بدون أعتراض وحقوقي منك بأخذها كامله
شوق رفعت حاجبها :بس حقوقك تأخذها بالغصب قبل الطيب
فهد أبتسم على جنب : بس من هاليوم مافي شي بالغصب تجيني برضاك
شوق بنفس الابتسامه : موافقه في شي بعد
فهد يفكر : ايه في شي ثاني أي شي يصير بالبيت مايطلع سامعه حتى لو مايناسب مبادئك وقيمك الدينيه
شوق بعدم مبالاه : وبعد؟!
فهد : الى الان خلصت بس يمكن يطري علي شي ناسيه
شوق تبعد الشرشف عنها وتوقف : لا تذكرت قولي .. ومشت للحمام وأنتم بكرامه وقبل لاتدخل لفت عليه .. وقالت بدلع يذوب : بس انت قلت اسوي اللي أبيه
فهد تعلقت عيونه فيها : وانا ماقلت غير كذا .. ابتسمت ابتسامه شر ممزوجه بدلع وغنج طبيعي ودخلت الحمام

{ فهد }

ولقيت اللي توازيني بكل شي حتى بتفكيرها البعيد وموافقتها على عرضي الي عرضته مو حبا فيها أو عشق وهيام لها على العكس تماما لاني متاكد مليون في الميه ان بدنيتها مالها غيري تتمسك فيه والدليل موافقتها بدون تفكير وعارف انها تكرهني وأني أبغض الخلق لها لكن تكره دنياها أكثر مني
هذا هو تفكيرك ياشوق !! رمى نفسه على السرير وغمض عيونه وفجأه بعد سكوت طويل ضحك وكانت طالعه من الحمام طالعته بنظرات غريبه فتح عينه وهو يشوفها قباله وقف وجاء وراها وضمها وباسها على خدها بدون أي اعتراض منها
فهد ( وطلع شيطانك ياحقيرتي وأحمد هو السبب ياويلك يا أحمد من الجاي ) وضحك بصوت هادي
لفت عليه وحطت يدها على رقبته وبدلعها الراقي قالت : ويش يضحكك فهودي ؟!
فهد يقرب وجهه منها ومايفصل بينهم ولا شي الا أنفاسهم : فرحه بقدوم شوق الجديده

:::
:::

أخذت جوالها بعد مانومت ميشو ودقت الرقم بهدوء تام جاء صوتها الحزين من بعيد
شهد : السلام عليكم
فاتن بتعب : وعليكم السلام
شهد : كيفك اليوم ؟
فاتن : بخير أنتي اخبارك ويش مسويه
شهد : الحمدلله تمام طمنيني عنك ايش مسويه
فاتن : ولا شي جالسه لحالي
شهد : محتاجه شي ؟
فاتن : لا الحمدلله ماني محتاجه شي
شهد : حلفتك بالله اي شي تحتاجيه كلميني على طول اجيك أو ارسل لك السواق
فاتن أبتسمت بألم على كلام شهد اللي فاجئها بدل ماترد لها بالمثل صارت أحسن منها وتعلمت من خطاها : ماتقصرين ياشهد الناس تبان وقت الشدايد " وبكت وهي تقول " سامحيني على اللي سويته فيك
شهد : الله يشهد اني مسامحتك دنيا وأخره والله يسامحك يارب
فاتن : امين وياك يارب
شهد : يالله بقفل بس زي ماقلت لك اي شي تحتاجينه كلميني
فاتن : اقولك شهد رغد ايش اخبارها
شهد : ادعي لها والله تعبانه مره ونفسيتها متدهوره
فاتن : الله يشافيها ويعافيها يارب .. سلمي لي عليها
شهد : يوصل مع السلامه
فاتن : الله معك ياقلبي .. وقفلت
وقفت وراحت لسرير مشاري اللي نقلته من غرفتها هي ورغد الى غرفه شوق حتى ماتزعج رغد هي وميشو
باسته على جبينه وراحت للمطبخ أخذت كأس مويه وأدويه رغد وأتجهت لغرفتها قبل تفتح الباب سمعت صوتها تبكي وتشاهق فتحت الباب والغرفه كانت ظلام × ظلام وقالت بنبره عاديه
شهد : موعد الدواء
رغد تمسح دموعها وبصوت متقطع : مأبي دواء
شهد : رغد الله يخليك بلا عناد خذي دواك حتى تطيبي بسرعه
رغد رجعت تبكي : مابي أطيب أبي اموت والحقه وأرتاح
شهد جلست جنبها وحطت الكاس على الكمودينه : ليش تقولي هذا الكلام لو كل واحد يموت بموت أغلى أحببه كان متنا لما أمهاتنا ماتوا
رغد تغطي وجهها بالبطانيه : أتركيني لحالي
شهد : طيب بس خذي الدواء واخليك لحالك
رغد تصرخ عليها بهستريا : روحي عن وجهي مابي شي
شهد طلعت بسرعه وسكرت الباب وجات ريم على صوت صراخ رغد وأبوها وراها
ريم بخوف : ويش فيها تصارخ
شهد ودمعتها بعينها : ماتبي تأخذ الدواء بس تبكي اناتعبت معها
أبو مها : الله يكون بعوننا أنا بدخل عليها وأكلمها
شهد : لا يايبه هي تعبانه الحين خلها على راحتها من نفسها راح تهدى وتاخد الدواء
ابو مها : والله هالبنت حيرتني مدري ويش اسوي فيها يارب كون بعوننا
ريم سمعت جوالها يدق : عن أذنكم
لحقت على أخر دقه

***مزون شمر*** · 22-03-2012, 12:41 PM

رد: رواية يا خاطفي وين ألقى عزتي في زمان المذلة ! / كاملة

ريم : الوو
سيف : سلام
ريم : وعليكم السلام ورحمة الله وبركاته
سيف: كيفك حبيبتي ؟
ريم : بخير أنت كيفك
سيف : دام سمعت صوتك انا بالف خير
ريم بخجل : الله لايحرمني من هالصوت
سيف : امين ياررب ولا منك ياروح سيف
ريم : بشرني عن اخبارك كيف شغلك وأمورك
سيف: الحمدلله عال العال انتي كيف دراستك عساك شاده الهمه
ريم : والله تعب مره بس ربك كريم كلها كم شهر ونخلص
سيف : الله يوفقك ويجيبك جنبي
ريم حمرت خدودها وأبتسمت بحياء قاتل وبصوت واطي : أمين
سيف بيحرجها : ويش قلتي ياعمري
ريم : قلت أمين
سيف بصوت ولهان : مشتاق لك ياريم لازم اكلم ابوك اشوفك ماعاد فيني صبر
ريم : اللي تشوفه
سيف تهبل منها : وه ياريومتي ملكتي قلبي وعقلي وكل شي فيني
ريم : وانت بعد صرت احلم باليوم اللي نجتمع فيه
سيف : لالا حركات وتطورات تحلمين فيني ويش صاير بالدنيا اليوم ريومتي تقول هالكلام ما أصدق
ريم بجراءه : مو زوجي حلالي
سيف ذاب من نبرة صوتها الممزوجه بغنج : بس بس علي يالبنت محمد ترى اخق بسرعه
ريم : اساس انت خاق معي من زمان والا ناسي يوم الملكه
سيف: اه بس لاتذكريني بذي الليله كنت أميره
ريم : وانت سلطاني
دخلت هنادي برجتها المعتاده وهي تصارخ على ريم
هنادي : ريم ووجع
ريم أنقهرت منها خربت أحلى أجوائها حمر وجهها من العصبيه وقالت : ثواني سيف " وطالعت بهنادي بعيون حارقه وصرخت عليها ".. ويش تبين
هنادي تتخصر : ماشاء الله تكلمين روميو الغفله وناسيه غسل المواعين اللي عليك اليوم .. سكري هالنكبه جوالك وقومي غسلي بعدها بحريقه انتي وروميو مدري اوباما حقك
ريم مسكت الابجوره اللي جنبها ورميتها لكن هنادي شردت وطاحت على الارض وأنكسرت أول مره تحقد على هنادي من دخولها اللي يسبب سكته قلبيه من الخوف والا كلامها اللي ماتحسب له الف حساب أنقهرت موت منها وأخذت اجوال وهي تهز رجلها بتوتر
ريم بصوت مرتبك : ايوه سيف .. كان ميت ضحك على كلام هنادي
سيف : هذي المرجوجه أختك
ريم شوي وتبكي من الاحراج : أيه
سيف : روحي كملي شغلك ولاخلصتي كلميني
ريم : طيب يالله مع السلامه .. رمت الجوال على السرير وركضت للصاله وهي هايجه شافتها تتفرج على التلفزيون ومسكتها مع شعرها بأقوى ماتملك وطاحت فيها ضرب .. وبدوا حرب طاحنه ياقاتل يامقتول وسحر وسمر يحاولون يفككون بينهم
هنادي متمسكه بشعر ريم الطويل : قلت لك اتركني يابقره يادلخه
ريم شوي وتبكي من الالم : والله ياهناديووه لا اربيك ياخبله كذا تفشليني هين .. وضربت راسها بالطاوله وأنقضت عليها هنادي ورفستها مع بطنها وهي تسب فيها ودخل ابوهم على صوت صراخهم
ابو مها بصوت حاد : هنادي قومي عن أختك عيب عليك
هنادي تعدل شعرها القصير وتمسح وجهها الساخن من كفوف ريم لها : يبه شوف بنتك
ريم جلست تبكي وطالع ابوها فيها : ويش في بينكم
ريم : أسئل البويه ذي .. هنادي تصر على أسنانها بقوه
هنادي : لا يا انجلينا جولي .. أنقلعي بس
ابو مها صرخ على هنادي : يابنت عيب عليك
هنادي : يبه هي اللي ماتسوي شغلها وكل دقيقه تكلم المقرود زوجها مالت عليها وعليه
ابو مها مسك ضحكته وقال بصوت حاد : ويش ماسوت
ريم كملت بكاء : يبه فشلتني مع سيف وصارت تسبه
ابو مها : هنادي عقاب لك تسوين شغلها اليومين ذي والا تحلمون تروحون استراحة ابو سامر يوم الاربعاء
هنادي بقهر ولعت من تحيز ابوها لريم اللي هي اغلى وحده من بناته : طيب بسويه .. بس والله لا اردها لها
وراحت للمطبخ تشوف الشغل وهي معصبه وتضرب اي شي بطريقها
ابو مها ضحك على شكلها المعصب : يابوك ياريم خففي مكالمات ترى هنادي معها حق تنقهر من تسيبك بالشغل
ريم : يصير خير يبه
ابو مها يجلس مع بناته : وين مشاري جيبوه مشتاق له
سمر توقف : بروح اجيبه لك يبه ..
قبل تطلع من الغرفه دخلت شهد وهي شايله مشاري بين احضانها : اسمع انكم تبون ميشوو
ابو مها : هاتيه يايبه .. مبطي عنه
شهد تضحك : ياحركه يابو مها . صرت تعرف تشتاق
ابو مها بغرور : بلاكم ماعرفتوني والا ماتلاقون مثلي
سحر تبوس يده : والله ما نلقى مثلك يايبه
ابو مها : أقول ما كأن مها صاير لها فتره ماتجينا
شهد : كلمتها اليوم تقول بتجي بكره عشان تحضر عزومة عمي ابو سامر
سحر : على فكره ليش يايبه مسوي عزومه
ابو مها : عشان اخته وزوجها جوا استقروا هنا بالمدينه بدل خيبر
شهد : اها .. زين والله
:::
:::

***مزون شمر*** · 22-03-2012, 12:41 PM

رد: رواية يا خاطفي وين ألقى عزتي في زمان المذلة ! / كاملة

يوسف : ليش يايمه تكفين وافقي
ام يوسف : ياولدي الناس مانعرفهم
يوسف : طيب كلمي ام عبدالله أسئليها كانت بتخطب اختها بس صار اللي صار
ام يوسف : يايمه يايوسف .. بنت خالتك ساميه ويش ناقصها جمال ودلال ودلع يكفي سمعت أبوها الزينه
يوسف عصب : يمه ساميه لاتجيبين لي سيرتها تدرين اني ما أدانيها ولا اطيقها من شرها ولا تبيني اتزوجها اعوذ بالله عشان حياتي تصير جحيم
غدير : ايه يمه يوسف صادق ساميه شرانيه شوفيها ويش تسوي بسيف عشان خطيبته مطلعه له روحه بس اللي مسكتها ان سيف واقف بحلقها وجدتي
ام يوسف : الزوج يقدر يغير زوجته ويمشيها على كيفه بس الرخمه هو اللي تمشيه زوجته على هواها
يوسف : ويش تقصدين يمه إني رخمه ؟
ام يوسف : شوف يايوسف أختر بين الثنتين ساميه والا ضحى
يوسف بعناد : لا ساميه ولا ضحى ولا فجر .. ابي البنت اللي قلت لك عليها
غدير : طيب ياشاطر ويش معنى ذي البنت
يوسف : عجبتني يمه شفتها بالصدفه والناس محترمين تكفين يمه اشتري سعادة ولدك
ام يوسف بتسكر السالفه : طيب طيب يصير خير خلني افكر واشاور عقلي
يوسف : يمه فكري زين يا اتزوجها يا اجلس عزوبي طول عمري
امه عصبت من كلامه : تهدد يعني ؟!
يوسف : حشى والله ما أهددك يالغاليه بس النفس ماتبي غيرها .. وباس راس امه وراح غرفته
غدير تبي تقنع امها : يمه من جدك تبين ساميه والا ضحى عشان يطلعون عيونك .. هذول الشر يمشي بعروقهم مستحيل يتغيرون يبعون اهلهم عشان اللي براسهم
امها : انا بس ابي اجبره يتزوج من اقاربنا ليش نطلع برى .. البنات كثير
غدير : بس السعاده يايمه ماتنلقى بسهوله لما الولد يحب زوجته بيعيش مبسوط معها لكن لو انجبر عليها بيعيش بتعاسه وجحيم حتى لو كانت احسن وحده
امها :الله يرجك تعالي علميني ويش اقول وايش اسوي بعد
غدير ابتسمت : ويش فيك قلبتي علي يمه اروح عند يوسف اسولف معه احسن من انك تعصبين علي وتجبين اخرتي
راحت لغرفه يوسف ودقت الباب
يوسف : أدخلي
غدير بغمزه : تحب ؟
يوسف : حبتك القراده
غدير : لا صدق تحب ؟
يوسف يرمي الجريده : بالله هذا وجه واحد يحب والا يعرف درب الحب
غدير : تف تف بسم الله عليك تهبل تعلمني عن تشبيكاتك والترقيم وشكلك اللي مساعدك ومخقق أمه لا أله الا الله

***مزون شمر*** · 22-03-2012, 12:43 PM

رد: رواية يا خاطفي وين ألقى عزتي في زمان المذلة ! / كاملة

يوسف : ويش دخل ذا بذا ؟
غدير : شوف يا أخي الغالي انت متمرد من يومك ووسيم والكل يشهد لك مستولي على المرتبه الثانيه في وسامة عيال قبيلتنا وكل البنات يتمنونك بس انت مطنش الكل ولا سأل باحد
يوسف يطالعها وهي تكمل كلامها : ايه ويش بعد ؟
غدير : ويقولون الدنيا يوما لك ويوما عليك كنت تلعب بقلوب البنات وجت اللي لعبت بقلبك لعب
يوسف : اقول غدير محاضراتك ذي فكيني منها هذا بس عشان قلت اخطبوا لي خلاص مابي اتزوج بصير عزوبي الزواج هم وغثاء
غدير : هيه احمد ربك اني بس انا سمعت كلامك مع امي اما لو سمعتك خوله وشذى والله مايفكونك فأصدقني القول يا أخي ويش اسمها اللي تحبها ؟
يوسف : اقول غدير اقضبي الباب قبل ألطشك ترى اخلاقي اليوم زفت
غدير تضحك على شكله : ياويلي اثاري الحب عذاب وينك يا جلمود تجي تشوف هالصخره
يوسف بنظره : مين جلمود ؟
غدير : اخوك ماجد خخخ
يوسف : هذا بس خليه بالتفحيط والكسرات
غدير : الله يستر منه احس ورى سكوته مصايب
يوسف : ماعليك منه هو مايحب احد يكلمه .. الا تعالي بنات أخواني ما اشوفهم عندك
غدير: طلعوا ينامون وراهم كليات ودراسه
يوسف : وانتي ويش وراك
غدير : وراي جامعه بس بسحب عليها بكره
يوسف : وليش تسحبين شدي حيلك لا تصيرين فاشله
غدير تتمصلح : سوسو
يوسف يميل فمه : ويش تبين هاتي على بلاطه
غدير : ابي قروش .. فلوس ابي ماني
يوسف : شفتني بنك متحرك كل يوم قاطه وجهك ابي فلوس
غدير : دبوس وماعندك فلوس
يوسف : دبوسك يخش برجلك قولي أمين .. <<دبوس كلمه تطلق على رجال المباحث
غدير : بليزز ياسوسو ابي فلوس اوعدك اخر مره اطلبك
يوسف : كم تبين ؟
غدير : امم 500
يوسف : ابعرف كل اسبوع 500 ويش تسوين فيها
غدير : سر بيني وبين نفسي
يوسف يطلع من جيبه فلوس : خذي 200 كثيره عليك بعد يالله بنام واذا جاء ماجد قولي يخش بشويش
غدير : من عيوني كم يوسف عندنا
يوسف : مصلحجيات هالبنات .. وحط راسه على المخده ونام على طول

:::
:::

بتوقيت اخر ويوم جديد
طلعوا يفطرون بالجو البارد ويتمشون شوي
فهد : ويش تبين فطور
شوق : امم والله مدري بس ويش رايك نروح المطعم الشامي ودي بحمص وفتوش
فهد يضحك : حمص على الفطور طيب يالله
شوق تكشر : كأنك تضحك علي
فهد : أبد أبد .. وليش اضحك
شوق وهي تتقصد كلماتها : أنت ادري يلا قدامي جوعانه
فهد : حتى انا جوعان امس نمتي وتركتني بدون عشاء
شوق ترفع حاجبه : طول عمرك عزوبي معقوله ماتعرف تدبر نفسك
فهد : كنت عزوبي الحين متزوج وفي فرق بينهم
شوق تسكته مافيها تتكلم : طيب طيب .. سمعت صوت أحد يناديها لفت تدور مصدر الصوت
شوق تلمح بنت جايه بأتجاهها وكأن ملامحها مألوفه لها
..: شوق القايد
شوق : أيوه مين أنتي
ضمتها البنت بقوه : وحشتيني يابنت وينك ووين ايامك ماعاد سألتي علينا
شوق ابتسمت بأحراج : شكلي اعرفك بس ناسيه
..: ماعرفتيني انا جميله
شوق شهقت : جميله ماغيرك
جميله بأبتسامة فرح : بشحمها ولحمها وحشتيني
شوق رجعت ضمتها : وانتي اكثر يالله من زمان عنك وعن اخبارك
جميله : انتي اللي قاطعتينا .. دورت على رقمك بكل مكان وماحصلته
شوق : والله رجعت ايامك يامرجوجه
جميله : عقلنا الحين وصرنا كبار
شوق : ياحركات كل الناس تعقل بس انتي اشك
فهد : انا رايح استناك بالمطعم
شوق : اوكي اجيك انا .. ومشى فهد للمطعم المقابل له
جميله تطالعه بتفحص : مين المزيون هذا ؟
شوق تدقها : زوجي ياحلووه
جميله : مشاء الله مبروك يادبه وربي مشتاقه لك مووت تعالي تعالي سولفي لي عنك وعن حياتك
شوق تضحك : شفتي وتقولي عقلتي هههههه
جميله : غير جبل ولا تغير طبع
شوق : ماتزوجتي
جميله بنظره حزن : لا .. انتي اكيد فاكره ايش صار لي من بعدها حتى نصيبي وقف
شوق تواسيها : الله كريم ياحيبتي هو الى الحين مستمر معك
جميله : يس لا انا تزوجت ولاهو تزوج
شوق : ياقلبي عليك لاتخافين أن الله مع الصابرين الصبر مابعده الا الفرج
جميله : شوفيني صابره ومؤمنه بالمكتوب وهذي حكمة رب العالمين
شوق : ماقلتي ايش تسوي هنا
جميله : اكمل الماجيستير في الصيدله
شوق بفرح : الحمدلله حققتي حلمك
جميله : اي والله الحمدلله .. ومفكره اكمل الدكتوراه
شوق : الله يوفقك ويكون معاك
بعد ماجلست نص ساعه مع صديقتها من الطفوله اللي فرقتهم الايام وتبادلوا الارقام رجعت عند فهد .. وشافته من بعيد سرحان ويشرب فنجان قهوه .. جلست قباله وهي تتأمل وجهه ركزت بالشلخ اللي أعلى خده ومر طيف الذكرى ببالها لكنها تجاهلته بسرعه
شوق : ما أفطرت .. وعرفت جوابه من نظراته لها
شوق تأخذ المنيو وهي تحاول تقرأ وتختار أيش تطلب لهم أخذ المنيو منها وقال : انا بطلب على ذوقي
شوق : اوكي اللي تشوفه
بعد ما أفطروا وخلصوا وطالع فيها وهي تمسح شفايفها وتعدل حجابها فكر بحياتهم مع بعض شتات وضياع لكل واحد فيهم اشياء خلف الاسوار لايريد كلهما أن يضعها بين يدي الاخر خصوصا هو يبتعد عن ساحات الانظار ولا يريد لها ان تكتشف اي شي يخصه ويبتعد عنها قدر الأمكان

ان رجعنا للتواصيف ..
لله الكمال !
لا انتهى ليل المزايين .. جاتك تبتديه
كنها غفل مع البدو ..
طاويها الحيال !
ما يميز وصفها الا نبيه من ../ نبيه
واهني اللي وصلها وذاق ..
امن الزلال !
رشفة مع غفلة الناس .. من فيها لفيه

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget