( رواية من حب عفوي الى حب جنوني ) للكاتبه ( عقد اللؤلؤ ). (كامله)

**عقد اللؤلؤ** · 12-02-2013, 04:19 AM

رد: ( رواية من حب عفوي الى حب جنوني ) بقلمي

..قراءة ممتعه ...

ولكن طلب صغير من المشرفات ...الرجاء تغيير موضوع الروايه ... بتغيير ( بقلمي )...الى ... للكاتبه ( عقد اللؤلؤ ) .. واكون شاكرة لكم

***مزون شمر*** · 12-02-2013, 07:15 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

احداث حلوه
يعطيك العافيه على البارت الجميل
ننتظر اللي بعده
موفقه

**Merve** · 12-02-2013, 07:35 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

يييييي بارت يجنن
الحين راح يبدا الحماس
واخيرا روضة راح تتغير
الله يعطيك الف عافية انتظارك يالغلا

**عقد اللؤلؤ** · 16-02-2013, 06:54 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

المشاركة الأصلية بواسطة *مزون شمر*

احداث حلوه
يعطيك العافيه على البارت الجميل
ننتظر اللي بعده
موفقه

فديتك غاليتي مزون ... وشاكرة لك تغيير الموضوع ..

نورتي يالغلا ..

**عقد اللؤلؤ** · 16-02-2013, 06:55 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

المشاركة الأصلية بواسطة Merve

يييييي بارت يجنن
الحين راح يبدا الحماس
واخيرا روضة راح تتغير
الله يعطيك الف عافية انتظارك يالغلا

يا هلا بالغلا ...

فعلا الحماس بدأ من هالجزء ...

منورة

**عقد اللؤلؤ** · 16-02-2013, 06:56 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

حبيباتي ...حبيت اخبركم ان البارت الجاي راح يكون يوم الثلاثاء ان شاء الله

**Merve** · 16-02-2013, 07:00 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

المشاركة الأصلية بواسطة عقد اللؤلؤ

حبيباتي ...حبيت اخبركم ان البارت الجاي راح يكون يوم الثلاثاء ان شاء الله

بانتظارك يا عسل

**عقد اللؤلؤ** · 19-02-2013, 09:52 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

<<<<<<<<<<<<<<<<<<<<<<<<<<<<<<<<<<<<
الجزء السادس عشر
<<<<<<<<<<<<<<<<<<<<<<<<<<<<<<<<<<<<

بعد عشر أيام ..

وفي قاعة صغيرة بفندق فخم .. كانت فطوم تستعد للزفه في يوم ملكتها .. واقفه عند باب القاعه ...

( فطوم كانت لابسه فستان تفاحي مع تطريز بنفسجي ماسك على الجسم ومن تحت واسع .. بيد فيها اكمام والثاني بدون .. ومكياجها موف .. شعرها فلو ومع شعرها المايل للاحمر طالع حيوي ويلمع .. ورافعه من جهه باكسسوار تفاحي .. ومسكتها ورد ابيض طبيعي .. لبسها كان منسق وناعم )

طلعت لها هويدا .. طالعتها بنظرات بارده .. باستها "مبرووك"..

( هويدا كان مجعده شعرها الاشقر .. ولابسه فستان أسود توب وقصير .. مع قلادة طويله وكعب وربطة للشعر كلها احمر .. ورج احمر .. لبسها فعلا عطاها عمرها الحقيقي الصغير )

فطوم :.. الله يبارك فيك .. "وشافتها تطالع ورى وكأنها تنتظر احد".. فيه شي هويدا ..؟!
هويدا "بدون ما تطالعها ":.. لا مافيه شي بس انتظر يزيد .. بيدخل معاك الزفه ...
فطوم "متفاجئه":.. ليييه ...؟!!
هويدا "صرخت":.. هلا بالمعرس ..فديتك اخوي ..."وراحت تسلم عليه".. ايش هالكشخه .. معليش كنت عن الكوفيرة ما كان فيه وقت اشوفك ..
يزيد "يبتسم لها":.. عادي ولا يهمك ..
( كان لابس ثوب ابيض وفي اطراف الثوب خياطه بلون اسود ..مع ازرار سوداء بفصوص فضيه .. وقلم بفصوص بجيبه .. وغترة بيضاء .. وجزمه بيضاء .. وساعه سوداء .. محلق دقنه .. ومخفف الشنب .. كان جذاب فعلا بكشخته )
فطوم .. بدت ترتبك لما سمعت صوته ..
يزيد "..طالع في فطوم اللي معطيتهم ظهرها ."..:.. هذي فاطمه ..؟!
هويدا :.. ايه .. "مسكت بيده .. وسحبته لعند فطوم ".. يالله استعد للزفه ولا ترتبك ..
يزيد "ابتسم لها على جنب":.. مافيه شي يربك .. الموضوع وناسه وبس ... "ردت له هويدا الابتسامة ودخلت للقاعه وتركتهم لوحدهم"..
فطوم " داخت من ريحة عطرة .. وبدا تنفسها يزيد .. حاولت تبعد التوتر ...وخاصه انه ماتكلم .... ولفت على منظمة الحفل ":.. لو سمحتي ..شغلي الزفه ..
" يزيد " .. واقف مكانه لا تكلم ولا تحرك .. حاط يدينه على بعض وواقف رافع راسه .. بدأت أصوات الزفه بالظهور .. فتح باب القاعه لهم .. والكشاف موجهه عليهم .. وبس طل " يزيد " من القاعه .. تفاجأ بصرخات البنات .. وتصفيقهم وتصفيرهم ..ويرددون اسمه.. هالشي خلى " يزيد " يضحك يبتسم بطريقه اكثر جمال ويمشي بغرور ويوزع النظرات .. و" فطوم " كأنها تمشي لوحدها لا مسك يدها ولا احد من الحضور طالع فيها .. الجسر كان مو طويل .. بسرعه وصلوا للكوشه .... "ام محمد" جارة روضه وجارة فطوم في حيهم القديم .. لبست طرحتها على راسها ووقفت جمبها ... فطوم ..كانت بتدمع عينها .. بس ام محمد ربتت على كتفها وابتسمت في وجهها .. وقتها بس ارتاحت فطوم ..
"هويدا" .. راحت لعند اخوها وباركت لهم مره ثانيه .. ووقفت جنبهم وهه يلبسوا الدبل .. واستأذن يزيد .. وهو ماشي بيطلع من القاعه ..لفت انتباهه "لمياء" اللي جالسه باخر طاوله ولابسه العبايه باهمال واضح .. وهي مركزة عينها عليه بقهر .. ارتبك "يزيد" من نظراتها و جمالها الملفت .. نزل راسه بسرعه .. وطلع من القاعه وهو مو مصدق ... كيف ترك لمياء ... وراح لفطوم ... مسح على وجهه بضيق .. و طلع لقاعة الرجال ...

انتهت الملكه ... والكل راح بيته ... وفطوم في غرفة العروس بالفندق .. جالسه مسرحه وهي تتذكر كيف مر اليوم .. وشوي سمعت صوت اخوها سند .." يا ولد ... فيه احد ... فطووم... فطووم "
فطوم "وقف بسرعه مسكت ثوبها بيدها .. وراحت عند المدخل ":..سند ... مافيه احد ..
سند "ابتسم لها ":.. ماشاء الله ما شاء الله ... "قرب منها وباسها "..مبروك يا اختي .. ربي يسعدك ويوفقك ...
فطوم "مبتسمه بتأثر":.. يبارك فيك ... وعقبالك ...
سند :.. يارب ..."لف يمين ويسار".. خلاص نمشي للبيت ...
فطوم :..ايه خلاص ..بروح اخذ عبايتي وشنطتي ...
سند :..يالله طلعنا ...بانتظرك بالسيارة .. "كان رايح .. ورجع.. ويطالعها بضحك ".. مو تنسين ... السيارة الكامري ..مو تدورين للهايلكس ..
فطوم "ضحكت":.. ما عليك ... مو ناسيه ..
اخذت فطوم عبايتها وشنطتها .. وطلعت للسيارة .. وهي ساكته .. سند يطالع فيها .." اكيد ما تعشيتي ..صح .. ايش رايك نشوف اذا فيه مطعم فاتح .. "
فطوم :.. لا ما لي نفس ... الله يسعدك خلنا نروح البيت ودي ارتاح ..
سند "ابتسم بمكر":..ترتاحين ... والا متفقه مع يزيد تكلميه اول ماتوصلي البيت .. نعرفها هذي الحركات ...
فطوم "سكتت شوي .. وبصوت واطي":.. ما عطاني رقمة ولا قال لي شي ..
سند "طالعها بصدمه .. وابتسم ":.. شكله منحرج ... ما عليه .. الايام قدامكم .."لف شغل السيارة وحرك .. اختفت ابتسامته .. وحس بقهر على اخته "..

..............................................

يزيد دخل فلتهم متأخر .. مشى لغرفته بهدوء عشان لا يزعج ابوه .. وهو حاط غترته على كتفه ... وفاك ازرار ثوبه للنص تقريبا ... وعقاله بيده .. فتح باب غرفته وسكرها ... رمى الغتره والعقال على السرير ... وشوي الا يدق باب غرفته ... جاه صوت هويدا ... تستأذن تدخل ... تفاجأ انها مو في بيتها ... فتح لها الباب ... ودخلت ..مركزة في وجهه وتصرفاته ..." تأخرت .. بابا قلق عليك .. انتظرك بس اخذ علاجه ونام .. "
يزيد "جلس على طرف السرير":.. معليش كنت مع اصحابي ..
هويدا "جلست على كرسي التسريحه ":.. اكيد مو بتال لانه نايم من زمان .. ولا سند لانه مشغول مع اخته.. عندك غيرهم ..
يزيد "يطالع فيها بعص بعصبيه":.. ايه عندي غيرهم .. عندك مانع .. وبعدين جايه تحققين معاي ..؟! ..
هويدا :.. طيب لا تعصب ..كنت خايفه عليك ..و
يزيد "يقاطعها":..قلت لك لا تاخذين دور الام في هالبيت .. انتي لسى بزر حتى لو تزوجتي ... يالله اطلعي برا ...ابغى انام ..
هويدا "زعلت":..هذا جزاي ...طيب.. بطلع .."وهي طالعه لفت عليه ".. كنت بقول لك ..ترا واضح عليك انك ما تبغى فطوم .. حتى ما مسكت يدها ولا باركت لها ... والكلللل لاحظ ... حبيت اخبرك عشان ترتب رد لاخوها اذا كلمك بكرة ..."وطلعت "..

يزيد ..طالع للسقف بزعل ... وفعلا توه يلاحظ انه ما كلمها ولا بارك لها ..ولا يتذكر شكلها... فك الساعه بقهر .. ورماها على التسريحه .. ورجع ظهره لورى وسكر عينه بالقوة .. وهو يبلع بصعوبه ... وكأنه يحاول يطرد صورة لمياء من باله ...اللي طغت على صورة فطوم ...

...............................................

في كندا.. " طبعا فرق التوقيت " ... في الصباح ...

في نادي رياضي بمكان واسع .. بوجود مسبح ومدربات ومدربين اخذت كاميليا صاله مغلقه بوجود الاجهزة الرياضيه للسماح لروضه باخذ حريتها اكثر بدون وجود رجال .. ولان كاميليا معروفه بالنادي وهي من المدربات المتميزات فيه .. كانت.. روضه بحجابها وهي لابسه لبس رياضي وتمشي على السير الكهربائي .. وكاميليا تشجعها ... بدا نفس روضه ينقطع .. والعرق يتصبب منها ... وبالقوة تركض على الجهاز ... وبصوت متقطع .." خ لاص .. خ...خ لاص "..
كاميليا "تحسب الوقت ":.. لا لا توقفي .."تطالع في ساعتها"..كمان ربع ساعه .. يالله روضه ...يالله ..
روضه "وقفت الجهاز ":.. تعبت ...خلاص ... "ونزلت منه ... وجلست على الارض بتعب "
كاميليا "باحباط":.. لييييه توقفي ... لييييه ..
روضه " غمضت عينها بقوه ..وكانها ما تبغى تسمع ":...
كاميليا :.. روضه ايش فيه .. ماشاء الله اسبوع ماشيه تمام ونقص وزنك... 4 كيلوو.. ولك يومين مو عاجبتني ... ايش فيه ...
روضه " بدت تنزل دموعها .. وهي تتأوه من التعب ":...
كاميليا "بصوت كله حنان":.. ليه تبكي ... روضه ..تحسي بألم في جسمك .. والا ..
روضه "قاطعتها ... وهي تأشر على قلبها ":.. هذا اللي تاعبني ... هذا ...
كاميليا " بخوف ":.. قلبك ..!!.. بايش تحسي .. نفسك مقطوع ؟!!
روضه " مسحت دموعها .. وطالعت فيها ":.. انا اشتقت لجده ... والله اشتقت لها ...
كاميليا "راح الخوف منها .. وابتسمت ":.. قصدك مشتاقه لشخص معين صح ؟!
روضه " طالعت فيها بنظرة غريبه .. ولا ردت عليها ":...
كاميليا :.. انا ... انا اسفه ... ما اقصد بس ...
روضه :.. انتي ماقد سألتيني عن زوجي ؟!
كاميليا "بتردد":..من بعد ما صارت المشكله الكبيرة بيننا ...وانا منحرجه اسالك والا حتى اسال راكان .. وانا اسفه اذا قلت شي ..ضايقك ..
روضه "ابتسمت":.. الا على طاري المشكله .. انتي من جدك راكان بيطالع فيني ويتركك ..
كاميليا "انحرجت .. وبعدت الكاب من على شعرها":.. الرجال نظرتهم مختلفه للمرأة .. ممكن انتي تشوفي اني واو .. بس الرجال ما يلفتهم شكلي ولا جسمي .. "وبحرج".. والسبب منكم لو قلتوا لي انك متزوجه ...
روضه :... عني انا ما جت فرصه ... " سرحت "...
كاميليا " جلست جنبها ":.. تحبي تتكلمي عن زوجك ...
روضه "ابتسمت غصب عنها ":.. اسمه بتال ..وهو ولد خالتي مزنه .. واخته سميرة ..
كاميليا :..بتال .... ايش يعني اسم بتال ..احسه غريب .. !!
روضه :.. واحنا صغار كان يقول اسمي من اسماء السيف ..امه سمته على اسم اخوها ..خاله يعني ..
كاميليا : وهو ولد خالتك يعني ؟!
روضه :.. لا احنا جيران ..بس عشنا طول عمرنا مع بعض .. كأننا ثلاثه اخوان ..
كاميليا :.. واو حمستيني كيف أخوان وصرتوا زوجان .."وقف .. وسحبت يد روضه ".. يالله تعالي ...
روضه "بكسل":كاميليا والله مافيني للتمارين ..
كاميليا :..قومي نبدل ملابسنا ونطلع نتمشى شوي .. قصتك شكلها حماس ..
روضه "ضحكت":..اووووه باقي ماسمعتي شي ..
كاميليا :..يالله قومي ..

وقفت روضه وراحول يبدلوا ملابسهم ... وطلعوا من النادي الرياضي ...
....................................

**عقد اللؤلؤ** · 19-02-2013, 09:54 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

....................................

في صباح اليوم التالي .. وفي شركة ابو يزيد ..

دخل سند على مكتبه الجديد .. ودخل وراه سكرتيرة " احمد ".. سند جلس على كرسي المكتب ... نفخ صدرة ... " ايش عندنا اليوم "؟!
احمد "واقف قدام المكتب":.. اليوم يا استاذ سند مافيه اجتماعات ... فقط توقيع المعاملات ...
سند :..طيب ..خير ان شاء الله ...خلاص روح مكتبك ...
احمد استأذن منه وطلع لمكتبه ... ونظام قسم سند ان الفاصل بين المكاتب زجاج .. كانت واقفه بعيد "لمياء" تطالع في " سند " ... من ورا هالحواجز الزجاجيه ..مع ان ملابسه تغيرت .. ولكنه... مازال يتصرف بكل عفويه .. والا بتسامه يوزعها على جميع الموظفين .. ضغطت بقوه على الملف على بيدها ... ومشت بعد ما اخذت نفس قوي ... رايحه لمكتب "يزيد "
دخلت على يزيد بعد ما خبرة راكان بوجودها ... ولاول مره يوقف لها يزيد لما دخلت عليه وهي مكشرة وجهها ... طنشت وقوفه لها .. وعلى طول رمت الملف على المكتب .. " هذا ملف انجازي خلال الثلاث اشهر.. اتمنى توافق على اعطائي شهادة خبره.. "
يزيد "طالعها بتمعن .. واشر لها":.. تفضلي ... اجلسي ...
لمياء "متفاجئه شوي .. فجلست":..ياليت تطلع على الملف باقرب فرصه لاني بقدم استقالتي ...
يزيد :.. اوكي ..راح اشوف الملف .. "فتحه .. واطلع على الاوراق ".. انتي ما رحتي لمدير شؤون الموظفين ..؟!
لمياء :.. تقصد الاستاذ سند ... لا مارحت .. ضروري اروح له ..
يزيد "ابتسم لها وعطاها الملف":...ايه ..روحي له اول .. وبعدين راح يوصلني ملفك اراجعه ...
لمياء "توترت من ابتسامته" :..ان شاء الله .."وهي تمد يدها تاخذ الملف طالعت في الدبله بيده .. وقفت "..عن اذنك ..

يزيد .. ضيق عينه وهو يطالعها وهي ماشيه لحد ما سكرت باب مكتبه .. غمض عينه ..وفتحها وهو يناظر يده اليمين ... وهو يتذكر نظرتها للدبله .. قبض يده بزعل .. وهو يفكر ..

وطلعت لمياء ..وهي تحاول تضبط اعصابها اللي بدت تنهار من تغير معاملته معاها ..وتكلم نفسها.. ".. معقول لانه خطب تغير والا يبغى يثبت لي شي ثاني ... اووف هالانسان .. محد عرف له .. مغرور متكبر "..
وراحت على طوول على مكتب سند .. اللي لمحها وهي داخله عند سكرتيرة احمد .. وعلى طول طلع لعندها .. وابتسم بوجهها .." هلا لمياء .. خير فيه شي "
لمياء "وهي ماسكه ملفها ":.. كنت ابغى اقابلك ...
سند "بفرح":.. اييه ..ا ... أ ...تفضلي ...حياك ...
دخلت لمياء ... ودخل سند وراها ... واشر لها تجلس ... وبعد ما جلس كل واحد مكانه ... وبابتسامه "اول زيارة لك في مكتبي ..ايش تحبي تشربي"
لمياء :.. لا شكرا .. اغى منك بس تشوف ملف انجازي وتعطوني شهادة خبره .. قبل لا اقدم استقالتي ..
سند "متعجب":.. استقاله ليه .. عسى بس مالقيتي عروض في شركات افضل منا ..
لمياء :.. لا مو كذا ..بس
سند :.. راح ازيد راتبك .. والا اقول .."رمى لها ورقه فاضيه مع قلم ".. اكتبي شروطك وانا اوقعها على عماها ..
لمياء "بحرج" :.. كذا تحرجني استاذ سند ..
سند "بجديه":..ما امزح والله ...
لمياء "ابتسمت وهديت ملامحها ":.. ادري ماتقصر .. بس انا سجلت بالجامعه الترم الثاني .. فما راح اقدر اوفق بين دراستي و الوظيفه ..
سند :.. اها .. بتدرسين .. اذا كذا هات ملفك .."اخذ ملفها".. الا الدراسه مقدر اناقش فيها ..انا من مؤيدين العلم .."اخذ منها الملف .. وابتسم لها".. خلاص ..ملفك عندي ومايصير خاطرك الا طيب ..
لمياء "ابتسمت ووقفت":..مشكور استاذ سند .. "كانت طالعه بس رجعت ".. نسيت اقول لك ..مبروك المنصب الجديد ..
سند "ابتسم":..مشكورة ... يبارك فيك ...
لمياء :.. تستاهل ..الشخص المناسب في المكان المناسب ..
سند " ذبلت عيونه من كلامها .. ووقف ببطء..وطالعها بتركيز ":.. عقبال ما اقولها لك قريب ... بس في مكان اكثر خصوصيه من الشركه ..

لمياء ..خفق قلبها من نظراته وكلامها ... ابتسمت ابتسامه خفيفه .. وطلعت من مكتبه وهي تفكر بجملته الاخيره ..

.................................

فطوم ماراحت المدرسه ..تعبانه من الحفله امس ..و جالسه بالبيت تفكر في يزيد وكيف كان وقت الزفه.. وفي مكالمه اخته هويدا ..قبل الحفله بيوم ..

/////// ....كانت لابسه فستان الملكه تقيسه للمرة الأخيرة قبل الحفله بكرة ...
>>> هويدا يتصل بك <<<
توترت فطوم لما شافت اسمها وتوقعت انه اتصالها له سبب .. حاولت تهدي نفسها .. وردت بهدوء ..."الوو"
هويدا :.. هلا فطوم ..عسى منتي نايمه وازعجتك ؟!
فطوم :.. لا مو نايمه .."وبحماس".. جالسه أجرب الفستان لاخر مره .. واي هويدا ... احبه هالفستان رووعه ..
هويدا "ببرود":.. اكيد روعه ..!!.. يالله بنشوف بكرة ذوقك كيف .. اقول فطوم ...
فطوم "توترت من نغمة صوتها ":.. هلا..
هويدا :.. انتي موافقه على يزيد صح ..
فطوم :.. ..ليه تسالي ..
هويدا :.. أصلا سؤالي غبي ..اكيييد مين بترفض يزيد عبدالجليل .. بس مو هذي المشكله ... المشكله مين اللي تليق فيه ..
فطوم :.. مافهمتك هويدا .. ايش تبغي تقولي ..
هويدا :...مافهمتي ..!!
فطوم :.. هويدا ..انا استخرت وشاورت اخوي .. والحمد لله ارتحت ...
هويدا :..ما قلنا شي ..يالله اشوفك بكره.. اذا ماصار شي ..باي

//////

فطوم .. زفرت بقووه تطرد صوت هويدا اللي يرن في اذنها ... وهي تطالع في أثاث غرفتها الجديده.. اخذتها زهريه مثل ما كانت تتمنى من لما كانت صغيرة .. على ان الفله رائعه اللي نقلوا فيها بس حاسه بالوحده والفراغ .. جلست على كرسي التسريحه .. وفتحت اول درج فيه البوم صور ... جلست تفتحه صفحه صفحه .. وتشوف صورها هي واخوها وهم صغار وللأسف مافيه صور مع امهم وابوهم يمكن عشان لا يتأثروا بفقدهم وهم صغار ... اخر صورة كانت تجمعهم بجدتهم ... ركزت فطوم بجدتها ..وتكلمها وكأنها قدامها "جده انتي كنتي تقولي اللي يستخير ربي يكتب له الخير .. وانا استخرت" .. وابتسمت .."ومتأكده انه خير بما انه ربي يسره لي .. ومهما صار من يزيد او سمعت من هويدا ..ماراح ازعل ".. وغصت باخر كلمه .."ما راح ازعل ... ماراح ازعل " ....ومسحت الدمعه اللي نزلت على خدها .. وقفلت الألبوم وضمته لصدرها ... ورجعته بالدرج ...

......................................

روضه وكاميليا ماشيات على الرصيف ..جنب بعض رايحات للبيت ..
روضه قالت لكاميليا كل شي عن بتال وزواجهم و زواجه وكيف تغيرت معاملته معاها .. وكمان عن الليله اللي جمعتها ببتال وخاصة انها حملت منه ...وكاميليا مصدومه من اللي تسمعه منها ..روضه تتذكر بحزن .." وبعد ما عطاني كف .. وفتحت عيني .. كأنه صحاني .... والحمدلله لحقت على راكان قبل لا يسافر "
كاميليا "بحزن":.. يالله يا روضه قد ايش تحملتي .."بعصبيه"..انا لو بدالك من زمان تركته .. بتال هذا ..اأوووف قهرني ..
روضه :..الحب ..اه وما ادرك ما الحب ..
كاميليا "ضحكت":..الله صرتي شاعره هاه ..
روضه "طالعت فيها بتركيز ":.. الحين تأكدت انك سعوديه جد ...
كاميليا " ضحكت ":.. وكيف تأكدتي ..
روضه :..اولا راكان قال لي انك سعوديه ..
كاميليا "تغير وجهها":... ايش قال لك بالضبط عني ...
روضه :.. لا ..لا ماقال شي .. بس فاكرة لما سألتك عن القبله والصلاة ..وانتي تضحكي.."وتضحك بحرج"..وقتها قال انك مسلمه وسعوديه ..
كاميليا "رجعت تضحك":.. الله يقطع ابليسك ... ذكرتيني ... "وتضحك بقوه "
روضه "تسوي نفسها زعلانه ":..ليتني ماذكرتك اشوفك رجعتي للضحك ...
كاميليا " تمسك ضحكتها ":.. روضه انتي عندك طريقه عجيبه في التنقل بين المواضيع .. نكون بموضوع ... فجأة تغيرين الموضوع بموضوع ثاني بعيييد تماما عن الاول ..طيب مهدي ..
روضه "تسمعها بملل ":.. شوفي احنا بالشارع وقاعده تضحكين علي وتهزأيني ..وانا ساكته تدرين ليه ...
كاميليا :.. ليه ..؟!
روضه "بابتسامه عريضه ":..لان كل اللي يشوفونا ... محد فاهم عليك ..
كاميليا "ضحكت":... وش عرفك يمكن فيه عرب ..
روضه :.. اذا انتي سعوديه ...من أي مدينه ...
كاميليا "تغير الموضوع ":.. خليك مني الحين ... احنا فيك انتي ..
كيف لحقتي على راكان ..خبريني ..

...............................

يزيد .. دخل على سند في مكتبه .. ورحب فيه سند وجلسوا .. يزيد مشبك يدينه بتوتر .. ويحرك رجله ..." سند .. من الاخر كذا .. يمكن انا واختك ما لنا نصيب مع بعض "
سند "متفاجئ ":.. كيف مالكم نصيب ... لسى امس حفلتكم .. "يبتسم بعد تصديق ".. انت تمزح اكيييد تمزح ... يزيد اكلمك ..
يزيد " نزل راسه .. وبعدين رفعه ":.. سند فيه اشياء .. اشياء خارجه عن اردتنا .. معليش .. انا مقدر ..
سند "عصب ووقف":.. ايش يعني ما تقدر ... احد غصبك عليها .. تكلم ..
يزيد :..لا ..
سند :.. اجل ليش تسوي كذا في اختي .. توه ما مر 12 ساعه على زفتها تيجي ببساطه ...تقول بطلت ..
يزيد "وقف":..انا مقدر عصبيتك اللي انت فيها ... وبكرة راح تفهمني اذا حبيت ..
سند "يرفع صوته":..ايش افهم ..هاه .. انك ماخذ بنات الناس لعبه ..
يزيد :.. انا ابغاك توصل لفاطمه رساله مني ..وانه ..
سند "قاطعه ..": لا ماني موصل لها شي ... تبغى تقول لها شي روح لها البيت وقوله لها بوجهها ... انا تعبت منك..
يزيد :..لا مابروح لها ..انت قول لها ..
سند "راح جلس على كرسيه وحط رجل على رجل ":.. ماني قايل لها شي .. هي زوجتك .. روح لها اذا كنت رجال ..
يزيد "بزعل":.. طيب ... طيب... بروح لها .. بعد اذنك طبعا ...
سند "اخذ جواله وكلم فطوم... ويزيد مبلم فيه ":... هلا فطوم .. تقدري تستقبلي يزيد الحين والا مشغوله .. طيب .. ربع ساعه جاي عندك .. يبغى يقول لك كلمتين ..فمان الله "..طلع في يزيد "..تنتظرك ... بس هاه لا تطول ..سامعني ..
يزيد ..طالع فيه باستسلام ... وهز راس موافق ... وخرج من مكتبه ... وطلع من الشركه ...

..........................

فطوم بعد ما خبرها اخوها ان يزيد جاي البيت الحين يبغى يتكلم معاها .. وبحماس قامت بسرعه لعند دولاب ملابسها ..احتارت ايش تلبس ..وخاصة ماقد شافها وهي متعدله غير يوم الملكه اللي ما طالع فيها اصلا ... وهي بحيرتها .. اخذت بنطلون اسود مع بلوزة كت خضراء .. بس رجعتها لما تذكرت ان فستان الملكه كان تفاحي .. حبت تغير بالالوان .. قلبت لحد ما حصلت جاكيت رسمي فيروزي مع بلوزة داخليه بيضاء .. لبستها مع البنطلون الاسود ورفعت شعرها ذيل حصان .. وحطت كحل وروج خفيف .. طالعت في يدها مافيها الا الدبله ما اهتمت تلبس اكسسوارات اكثر .. تعطرت .. ولبست جزمه سودا واطيه .. ونزلت بسرعه للصاله .. عدلت الخداديات الملونه على كنب الصاله الابيض .. وراحت للمطبخ عصرت برتقال طازج و صبتهم في كاستين فخمه .. وحطتها بصينيه .. وطلعتها للصاله .. جلست وهي مرتبكه .. و حاولت تهدي نفسها .. وانه عادي هذا بيصيرزوجها ماله داعي الخوف والربكه ..
دق الجرس ..ووقفت بربكه .. تنفست بسرعه .. ومشيت للباب .. وبصوت ناعم "ميين ؟!"
يزيد "بصوت مرتفع ":.. انا يزيد .. بغيت فاطمه ..
فطوم .. فتحت الباب بهدوء .. ودخل يزيد .. وتفاجأ لما شافها قدامه .. " معليش توقعتك شغاله "
فطوم :.. لا عادي .. تفضل ..
يزيد "وقف ينتظرها تسكر الباب ..":.. تفضلي قدامي انا اول مره ادخل بيتكم ..
فطوم "نزلت راسها ومشت بخطوات هاديه للصاله .. ويزيد .. يمشي وراها ويتفحصها .. وقف ولفت عليه .. واشر بيدها ":.. معليش لسى المجالس ما أثثناها .... تفضل .. اجلس ..
يزيد "بلا اهتمام ":.. اوكي مو مشكله ..نتكلم هنا .."وجلس بعيد عنها .. وحط رجل على رجل ".. شوفي انا مو مطول بس ..
فطوم "أخذت كاسة العصير .. ومشت لعنده .. وقاطعته ":.. قبل لا تتكلم لازم نضيفك .."وعطته الكاسه .. وبحرج ".. ولو عرفت من بدري انك بتشرفني كان فرشت لك الأرض ورد ..
يزيد " ماسك الكاسه .. وبلم فيها لما قربت منه ":...
فطوم "جلست جنبه ":.. انا ما ادري اذا انت تحب البرتقال والا لا .. بس لو ماتحبه بجيب ..لك ..
يزيد "قاطعها":...لا لا عادي احبه .."سرح فيها".. وليه ما احبه ..
فطوم "وهي تلعب بشعرها ذيل الحصان":.. ممكن سألك سؤال ؟!
يزيد :....اسالي ..
فطوم "نزلت راسها ":.. يزيد انت فيه شي كان مضايقك امس ..
يزيد "بلع العصير اللي في فمه .. ونزل الكاسة على الطاوله ": .. ما ادري من وين ابدا ..
فطوم " ابتسمت ":..ابدا من وين ماتحب .. اهم شي ان الحنا مو على راسي ..
يزيد "ضحك تذكر شكلها ":..
فطوم " قلبها يدق بقوه لما شافت ضحكته .. بس ما كانت مرتاحه لان ملامحه ما تطمن من لما دخل .. تاهت عيونها فيه وهي تشوف وسامته وجماله ..و حست فعلا انه بيضيع منها .. وغصب عنها نزلت دموعها .. حطت يدها على وجهها ":..معليش .."ووقفت وبعدت عنه تاخذ فاين .. وتمسح دموعها "..
يزيد " يطالعها .. وبصوت هادي ":..ليه تبكين .. اسف اني ضحكت يمكن ذكرتك ب..
فطوم "لفت عليه وهي تتصنع الابتسامه ":.. لا ماعليك مازعلت .. بس دموعي تنزل من التوتر ..
يزيد " وقف .. ":طيب امسحي دموعك .. لا احد يشوفك يقول ضربتك والا شي ..
فطوم "تمسح دموعها ":...محد بالبيت .. اطمن...
يزيد "يلف يمين وشمال":.. ولا حتى شغاله .. معقووول .."قرب منها .. و وقف قدامها.. وبابتسامه ذوبتها .. " .. كنت جاي باقول كلمه ورد غطاها .. بس مدري ليه ضاع الكلام .."حك رقبته".. الظاهر التوتر مو بس لكم يالبنات ..
فطوم "ابتسمت .. واخذت نفس .. وطالعته بعين مكسورة":.. يزيد انا استخرت كثيير .. فاللي كاتبه ربي بيصير .. "غمضت عينها .. بخوف ".. انا اسمعك قولي اللي عندك ... وبعدها ..."واشرت له" ..وهذا باب البيت تدله لوحدك ..
يزيد " سرح فيها .. وهي مغمضه .. زفر بقوه .. ":.. اسمعي انا بقول لك شي .. واتمنى ما تزعلي مني .. والزواج قسمه ونصيب ... "وقرب منها وباسها في خدها" ..
فطوم " فتحت عينها فيه .. متفاجئه ":..
يزيد " رافع وحده من حواجبه ":.. وانتي قسمتي و نصيبي .." غمز لها وابتسم ".. انتظري مني تلفون بالليل ..اوكي ..
فطوم " محمر وجهها ": .. ط ..طيب ..
يزيد مشى لعند الباب .. وفطوم انتبهت وراحت وراه ... فتحت له الباب .. طالعها وضحك .."ادل الباب ادله "..
فطوم "نزلت راسها بحرج ":..
يزيد :.. يالله فمان الله .. "خرج من البيت"
فطوم ..ودعته وهي مو مصدقه كأنها تحلم .. حتى انها نسيت نفسها ماسكرت باب البيت ..جالسه تطالع فيه وهو يخرج من بوابة البيت الرئيسيه .. رجعت دخلت الصاله .. وجلست على الكنبه وهي تستوعب اللي صار ..اخذت الخداديه على صدرها وضمتها بقووه ..". يوووه فديته ..يا قلبي ..يا قلبي ... يوووه يجنن يجنن .."...

..............................

**عقد اللؤلؤ** · 19-02-2013, 09:55 PM

رد: ( رواية من حب عفوي الى حب جنوني ) للكاتبه ( عقد اللؤلؤ )

..............................

روضه وكاميليا ..دخلو البيت .. وهم لسى يتكلمون عن بتال بحماس .. راحت روضه على طول على ثلاجة المطبخ واخذت لها ببسي .. وفتحته بسرعه وبدأت تشرب ... كاميليا سمعت صوت العلبه ..وطلت عليها في المطبخ .. وشهقت .." روووضه ... ايش تسوين .. لا لا ..ممنوووع "... وقربت منها واخذته من يدها ...
روضه "بحزن":..تكفيين خليني اشرب ويتعدل مزاجي ..
كاميليا :.. ايش يتعدل ادمان هو ...ترى سكريات هذي تضيفيها لجسمك ..
روضه "بملل" :.. أي والله ادمان .. يختي ملل والله ملل ...
كاميليا "مسكتها بيدها وجلسوا على كراسي الطاوله اللي بالمطبخ ":.. روضه ايش فيك متعبتني هاليومين والله كانك طفله..
روضه "طالعت بعينها بحرج":.. تبغين الصدق ... والله اشتقت لصوت بتال ... خليني اكلمه ..تكفييين ..
كاميليا "بحزم":..رجعنا لنفس الموال ... قلنا لا.. خلاص انسيه ... "تأثر من شكل روضه لما حزنت ".. رووضه لا تزعلين .. مقدر وانتي تدرين ...راكان موصيني ..وخاصة على زوجك ...
روضه " نزلت دموعها ":.. طيب انتي كلمي وبس اسمع صوته كانك غلطانه يعني .. بس بشوف هو بخير...
كاميليا :..روضه ..
روضه :.. انتي جربتي كيف البعد مع راكان .."وبعصبيه وزعل".. حسي فيني ..هذا وانا قلت لك كل شي عني ..ماحزنتي علي ..
كاميليا "بنفاذة صبر":... طيب ... بخليك تكلمينه بس بشرط ...
روضه "بفرح":.. والله ..اشرطي زي ماتبغي ..
كاميليا :..راكان لا يدري ...
روضه :.. وعد مايدري اكييد.."وبحماس" ...هاه ..اعطيك الرقم ...
كاميليا "ضحكت":..هات الرقم ...

........................................

هويدا في شقتها ... وجالسه على اللاب توب اللي صار ياخذ كل وقتها ... دخل بتال الشقه ...سلم وجلس ساكت كعادته .. هويدا سكرت اللاب توب .. وطالعت فيه بحماس .."ايش رايك نطلع نتعشى برا "..
بتال "بملل":.. لا مالي نفس اليوم ...
هويدا :.. طيب نروح لاهلي ..؟!
بتال "رفع صوته بملل":.. يووه يعني لازم كل يوم في مكان ماتعرفي تجلسي بالبيت ..
هويدا :وليه تعصب ...
بتال :..ماعصبت ...
هويدا :.. ترا انا متحملتك مدري على ايش .. لا تسولف ولا تضحك ولاشي .. وجودك بالبيت صار زي عدمه ..
بتال "بزعل ..طالعها .. ووقف":... زي عدمه هاه ... طيب بطلع ولا اشوفك تدقدقين علي ..."وخرج من الشقه وضرب بالباب بقوه "..
هويدا .. بلا اهتمام ..اخذت الريموت .. وقلبت بالقنوات ... وبملل ..." أووووف ... حتى التلفزيون مافيه شي يونس ...كلها اخبار ..".. رجعت للاب توب وفتحته ... وبدأت تبحث عن اشياء تونسها .. وتغير جوها الكئيب مع بتال ..

..................................................

بتال بالسيارة ... ودق جواله .. "هذي اكيد هويدا ..ماني براد عليك ... خليك .. عشان تتعلمين الادب ".... طالع بجواله وظاهر له رقم ... وعلى اخر رنه ..."هلا ..."؟!
روضه "ترجف من الفرحه ":..الوو .. بتال ..
بتال "سكت شوي .. وطالع بالرقم مره ثانيه ..":.. روضه ؟!
روضه :.. ايه ...
بتال :.. من وين تتكلمي انتي ؟!
روضه :..من كندا ... مو قلت لك ..
بتال :..عجييييب ... كندا ..مره وحده ... ولوحدك ؟!
روضه :.. انا ...انا ... سافرت مع راكان ..
بتال :.. ايووووووا راكان ... "وبسخريه".. وعساكم مبسوطين مع بعض ...
روضه "بزعل":..بتال .. انا مشتاقه لصوتك لا تعاملني كذا ..
بتال :.. مشتاقه لمين انتي ... ليه بيني وبينك شي .. هي ورقه تربطنا ... واللي قريب راح تختفي من الوجود ..
روضه "متفاجئه":كيف يعني .. بتطلقني يا بتال ... معقوول اهون عليك .. والا هذي أوامر الست هويدا ...
بتال :..وععع يا شين اسمي على لسانك .. بس يالله لا يكثر.. هويدا ستك وست ستك ... على الاقل هي وجه حسن وجسم حسن مو انتي ..يالله قفلي ولا عاد تتصلي ...يختي انسي انسي اني موجود بهالعالم ..
روضه "بزعل":بس بس اسكت ..لا تتكلم اكثر.. يمكن يجي يوم تندم يا بتال ...
بتال "بعصبيه":.. فكي عني وش تبغي فيني اتركيني اعيش مثل ماتركتك تعيشي ... "وسكر الخط "..

كاميليا تطالع في روضه بحزن .. وخاصه إن صدمة كلامه واضحه على ملامح روضه اللي جلست على طوول وهي مو قادرة تستوعب اللي سمعته ... كاميليا انحرجت لانها سمعت كلام المفروض روضه تسمعه لوحدها بس حماسها انها تسمع المكالمه خلتها تحط على الاسبيكر ...كاميليا بصوت حنون .." روضه لا تزعلي نفسك " ..
روضه "تحرك عينها بشكل عشوائي ماتبغى تغمض وتنزل دموعها ":.. هذا صاير له شي اكييد ..مستحيل يكون بتال اللي اعرفه ..
كاميليا :.. ماتدرين ايش ظروفه ..يمكن زعلان او متضايق ..
روضه "وقفت بزعل ..وطالعت فيها":.. وانا دايما الضحيه .. الى متى ..الى متى ... محد معطيني ولا ادنى اهتمام .. حتى اللي يحبني اكيد فيه مصلحه من ورا هالحب ... "نزلت دموعها".. ملييت .. والله مليييت ... يا ناس انا انسانه ..انا من لحم ودم ..عندي مشاعر واحاسيس ..
كاميليا "متأثرة من كلامها":..روضه أ...
روضه "تقاطعها":..معليش ... ابغى ارتاح شوي بغرفتي .. " و طلعت لغرفتها و كلام بتال يرن في اذنها "

كاميليا ..طالعت فيها وهي طالعه الدرج .. وحزنت على حالتها وظروفها .. وبجديه ..وحماس .."وعد مني يا روضه اساعدك تتغيري ..باسرع وقت .. و وقتها اما خليت بتال يندم "..

..............................
بتال .. وقف السيارة .. وهو متوتر ويمسح على شعره .. ويضرب على الدركسون ..بندم ..." ياربي انا ايش قلت لها ... ليه كذا عصبت عليها ... اعوذ بالله من الشيطان .. المشكله اتصلت بوقت انا كاره نفسي ... " ...

>>> يزيد يتصل بك <<<

بتال .. طالع بالرقم وبعد تردد .. وبدون نفس .." هلا ..يزيد .. لا برا البيت ... اوكي .. انا قريب من الكوفي شوب خمس دقايق .. باي ..."

بتال .. كان خايف ان يزيد يبغاه عشان اخته... بس طلع يزيد عنده موضوع اكبر من مشكلة هويدا وبتال ....جلسوا في الكوفي شوب يتكلموا .. بعد ما طلبوا شاي ... بتال .."يزيد .. في فمك كلام ... قول "..
يزيد " بحيره ":.. قلت لسند ابغى افسخ الخطوبه ..
بتال "مفتح عينه":..لسى امس حفلتكم ... ايش صار ..
يزيد "يحك راسه":.. بس لما رحت وشفتها .. ماقدرت اقول لها شي .. بالعكس عجبتني عفويتها وبرائتها ...
بتال "ابتسم ":.. اجل رحت لها ..هاه ... ايش سويتوا ...
يزيد " بحرج ":.. ما صارشي .. غير بوسه وحده..
بتال :.. اول الخير قطره ..."وضحك"..
يزيد :.. ياخي لا تضحك وربي محتار .. لاني ...لاني احس اني احب وحده غيرها ...
بتال :.. يزيد ..ايش هالكلام ... وليه خطبتها دامك تحب غيرها ..
يزيد "تكى بيده على حافة الطاوله ":..ظروف ...
بتال :..خلاص اجل طلقها قبل الزواج ..
يزيد :.. لالالا وش اطلق .. انا متلخبط ... كل وحده فيها مميزات عن الثانيه ..
بتال "ضحك":..تزوجهم كلهم ... فمن شابة اباه فما ظلم ...
يزيد .... فتح عينه فيه ولا قدر يرد ... فعلا حركاته وتصرفاته الحين مع فطوم ولمياء ...مثل ابوه ... يحب من هنا .. ويتزوج من هنا ..ويطلق هذيك ... وفي النهايه لا حصل لا راحه ولا صحه .. ولا استقرار .. " ابتسم لبتال .. وكأنه يشكرة على كلامه .." .. وعرف الحين ان قراره اللي يفكر فيه في محله ..

..........................................

رجع بتال البيت متأخر.. ودخل وحصل هويدا على اللاب توب ... وبس سمعت صوته يسلم لما دخل ... ارتبكت وخافت وسكرت اللاب ..وهي ترجع شعرها ورى اذنها بربكه .."بسم الله متى جيت ..ما سمعت الباب"
بتال "يتفحصها":.. وكيف بتسمعين وصوت الاغاني واصل لاخر العماره ... ماتعرفي تحطي الصوت على قدك ...
هويدا "بدلع وقفت وراحت له .. وعلقت يدها برقبته ":... يا قلبي انت ... واحشني ...
بتال " يبعد عينه عنها ":... انا زعلان من كلمتك اصلا ...
هويدا " ضحكت ":فديت الزعلان ... تعال بس تعال "ومسكت يده وسحبته للغرفه".. انا اعرف اصالحك ...

**********

....................................................

كاميليا رايحه جايه تحت تفكر وتخطط وواضح في حركات يدها ... وهي متحمسه .. دخل راكان ووقف يطالع فيها وهي تكلم نفسها .. راكان فتح عينه فيها .."هلووو"
كاميليا "لفت عليه ... وبحماس راحت لعنده ":..اخيرا جيت ...
راكان :..كيف يعني اخيرا ...تأخرت على الغداء ؟!..
كاميليا :.. اترك الغداء تعال اجلس .."أخذت اللاب توب من يده وجلسته .. وجلست جنبه "..

في هالوقت روضه .. نزلت لما سمعت صوت راكان .. ووقفت بالدرج .. لما سمعت اسمها ...

كاميليا :.. انا ماراح اخلص البرنامج مع روضه ..
راكان "متفاجئ":..ليييه ... لا يكون تزاعلتوا ...
كامليا :.. مو مسأله زعل ..

روضه ..نزلت راسها بحزن .. ولفت طالعه ... بس رجعت وقفت وقفت ...

كاميليا :.. روضه مايناسبها الا عمليه ربط معده ...
راكان:.. والبرنامج تبعك ..؟!
كاميليا :.. برنامجي احتمال ما يناسبها ... اللي يناسبها من فحص الدكتور المختص تدخل جراحي ..
راكان :.. بس انتي لسى ما مر على الاقل شهرين ..انتظري ..مو خسرانه شي ..جربي ...
كاميليا :.. الحين روضه مو حقل تجارب .. روضه من اليوم أختي وانا مسؤوله عن وزنها .. "ورفعت إصبع السبابه بتحدي"...والله ماراح ارتاح الا واخلي ب...
راكان "مركز معاها ":.. ايووا مين اللي بتخليه يندم ...
كاميليا " نزلت السبابه ": ... أ أأأأ .....أي ... أي احد تخلى عنها ..
راكان :.. لا انتي تقصدي احد ..

روضه .. تمسح دموعها من الفرح لما سمعت كلام كاميليا ..عنها وعشان تنقذها من سؤال راكان .. بسرعه مسحت دموعها ... ودخلت عليهم وعلى المطبخ على طول عشان ما يلاحظوا دموعها ... وبصوت على قد ما تقدر يكون طبيعي .."هلا ..راكان ... كيفك "؟!
راكان "لف عليها ":.. الحمدلله ... وانتي !؟
روضه "تفتح الثلاجه":.. تمام .... اقول كاميليا اليوم سلطه خضراء او فواكه الغداء ...
كاميليا :.. سلطه خضراء ...الحين بساعدك فيها ...
راكان "وقف":..اجل الحين بطلع اخذ شور .. على بال ما يجهز ... "يطالع في كاميليا"..تكفين سندوتش جنب السلطه ملييت منها ...
كاميليا " تضحك ":..اوكي اليوم بس ...

طلع راكان ... وراحت كاميليا عند روضه تساعدها في تقطيع الخضار .. ولاحظت دموع روضه تنزل اكثر.. تركت روضه السكين والخضار.. وحطت يدها على وجهها وصار تبكي .... وكاميليا ... تركتها تبكي بدون ما تسأل توقعت تبكي من بتال... ما تدري انها تبكي من الفرح من قرار العمليه اللي من اول نفسها فيه ومن محبه كاميليا لها ...

....................................

( رواية من حب عفوي الى حب جنوني ) للكاتبه ( عقد اللؤلؤ ). (كامله)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget