-
-
رد: ( رواية من حب عفوي الى حب جنوني ) بقلمي
روايتك تجنن
اعتبريني من متابعينك بس حبيبتي انت كل متى تنزلين بارت؟؟تعليق
-
رد: ( رواية من حب عفوي الى حب جنوني ) بقلمي
<<<<<<<<<<<<<<<<<<<<<<<<<<<<<<<<<<<<
الجزء الرابع عشر
<<<<<<<<<<<<<<<<<<<<<<<<<<<<<<<<<<<<
صباح يوم السبت الساعه 9...
صحي بتال ... لبس وراح لدوامه بشركة ابو راكان كالعاده ... اول مادخل للشركه خبرة السكرتير ان ابو راكان ينتظرة بمكتبه ... دق الباب .. ودخل بابتسامه ..."السلام عليكم طال عمرك ..كيف حالك".. مد يده يصافحه ..
ابو راكان "بدون نفس":.. وعليكم السلام ...."ولا مد يده لبتال .. عطاه نظرة قويه ".. اجلس ..
بتال "قبض على يده ..وبلع ريقه بصعوبه ..وجلس .."...
ابو راكان "شال نظارته من على عينه ..":.. انت تعرف روضه ايش تقرب لي صح ..
بتال "انقبض قلبه من سيرتها.. وهز راسه ":.. ايه ..اعرف ...
ابو راكان "رجع ظهره لورا" :..دامك عارف .. توكل على الله .. لا عاد اشوفك بالشركه ...
بتال "مفتح عيونه ":..بس .. انا ..
ابو راكان "يكلم السكرتير بالتلفون ":.. يا محمد دخل الشاب اللي جاي اليوم مقابله عشان الوظيفه ..
بتال " بحرج ... وقف ":..عن إذنك ...
ابو راكان :..مع السلامه ..
خرج " بتال " وهو قابض على يده .. بقهر ...وقفه السكرتير ... ياخذ ملفه ..ومعاه ظرف فيه راتب شهر ... طلع من الشركه وهو معصب من تعامل "ابو راكان "معاه ... وتذكر "روضه" انها بالموضوع وينرفز اكثر ....
..................................................
يزيد بالشركه .. وفي مكتبه ... استأذنت لمياء.. ودخلت عليه بملف . .. وبكل برود ..." تفضل استاذ يزيد ..هذا الملف اللي طلبته يوم الثلاثاء "
يزيد "قطب حواجبه ..":.. وليه ما خلص يوم الاربعاء .. الى متى التسيب هذا ...
لمياء " كتمت قهرها ونزلت راسها ":.. اسفه ..
يزيد "يفتح الملف ..":. اسفه هذي ماتمشي عندي .. انتي جايه تشتغلي هنا مو تقضي وقت .. ركزي على شغلك .. والا راح اضطر انقلك نقل تأديبي لقسم ثاني ..
لمياء " رفعت عينه عليه بحقد ":..
يزيد " بدون مايطالعها ":.. تفضلي على مكتبك .. ونادي لي رئيسك ..
لمياء "عضت على شفايفها بزعل .. ومشت بخطوات قويه ..من القهر..حتى ان صوت كعبها كان يطلع صوت مزعج ...
يزيد ..مغطي على اذنه .."حشى مو كعب هذا .. مطرقه "...
لمياء "تصرخ عند السكرتير ":.. اي ...
وقف يزيد وطلع بخوف .. يشوف سبب الصراخ ... طلعت لمياء ..طايحه بالارض وكعب حذيانها اليمين مكسور ... وريان يحاول يساعدها توقف ... يزيد "كتف يده وتكى على باب مكتبه ...و بابتسامه ":.. وين عينك انتي ..ماتشوفين ...
لمياء "توقف بصعوبه وهي تعدل طرحتها ".. :....أوووف ..." و تطالع في الكعب بقهر ".. وقتك الحين ..
ريان :..تقدري تمشي لوحدك ...؟!
لمياء :..ايه ايه ... "وبدات تمشي بعرج واضح .. وهي ماسكه كعبها المكسور ..بيدها"...
يزيد "غصب عنه صار يضحك بقوووه على شكلها":..اوووه ... والله انها توووحفه ...
"لمياء" ..سمعت صوت ضحكه بس واصلت مشيها للمكتبها .. وهي تدعي عليه من قلبها ...
دخلت على سند وهي تعرج .. وتسب وتلعن ..سند يطالعها باستغراب .."لمياء ايش فيك .."؟!
لمياء "وصلت لمكتبها ..جلست وحطت رجل على رجل تشوف كعبها المكسور ":.. هالكعب الغبي .. انكسر ..
سند "بخوف": .. ماعليك من الكعب اهم شي رجلك سليمه ..؟!
لمياء "حست بخوفه عليها ":.. الحمدلله سليمه ..
سند : طمنتيني ... يا شيخه ....فداك الف كعب ..
لمياء "طالعته بنظرات غريبه ..عليه "
سند " ارتبك وخاف تهزئه مثل المره اللي راحت .. سحب ملف قدامه ووقف "..:.انا ...انا .. بطلع اصور هالملف ..
لمياء "وكأنها تذكرت ":.. سند ... الاستاذ يزيد يبغاك بمكتبه ...
سند :.. هاه ... طيب ..رايح له ...
دخل سند على يزيد بمكتبه .. اللي طلب منه يجلس ... سند بعد ما جلس ... " لمياء تقول انت تبغاني"
يزيد " يضحك " :.... ذكرتني بهالهبله لما طاحت ..
سند : ..ما اشوف الموقف يضحك ..
يزيد :.. لانك ما شفتها ...
سند "ابتسم":..يمكن ......"راحت الابتسامه وبجديه ".. يزيد .. موضوع اختي انساه .. ماشي ..
يزيد "وقف ضحك .." :.. ليه تقول كذا ...
سند "سكت ونزل راسه" :..
يزيد:.... اختك رفضتني ..!!
سند :.. يزيد انا اللي اعرفك واعرف اخلاقك ومن تكوون .. ويشرفني والله انك تناسبنا .. واختي اقدر اغير رأيها .. بس انت ..
انت .. واضح انك تتهرب ..
يزيد "انحرج من كلامه " :.. لا .. لا ماتهربت ... بس ياخي هذا زواج مو لعبه .. يعني ...انه ...يعني ..
سند "ابتسم ":..يزيد ... الزواج قسمه ونصيب ولو ماتم بنظل زي ما احنا ..
يزيد "رد له الابتسامه": .. أي والله قسمه ونصيب .. عطني ..عطني مهله .. لا تستعجل علي ... شايفني كيف مضغوط بهالشركه ...
سند : طيب .. بس اتمنى ماتكون طويله ...
يزيد "ياخذ نفس ":.. المهم ..
سند : .. تفضل ..
يزيد :.. عن لمياء .. مو عاجبني شغلها ...
سند "باستغراب" :.. بالعكس البنت مجتهده جدا وذكيه ...
يزيد :.. عندها تأخير في الشغل .. وهذي مو اول مره ...
سند :.. يعني الانتقاد لي انا ...
يزيد :.. لا بس .."واخذ القلم يلعب فيه".. افكر انقلها يا افصلها .. الا اذا ...
سند :. الا اذا ..ايش .؟!
يزيد "يطالعه بنص عين":.. الا كيف العلاقه بينك وبينها ..؟!
سند "بتعجب":.. مابيني وبينها شي غير العمل ..
يزيد :.. تفكرني غبي ما اعرف اميز ..
سند :.. يزيد انت ايش تبغى توصل له ..
يزيد "ضحك بقووه":.. لالا الكلام ماينفع هنا لازم مكان رايق ... بس للاسف مشغول هاليومين مع الوالد ..
سند :.. قسم ماعرفت لك .. بس قول لي كيف ابوك ..؟!
يزيد : ..بخير ...
سند : الحمدلله ... طيب اقدر اروح لمكتبي .. "وقف "..
يزيد :.. ايه روح ... لا لا لا دقيقه دقيقه .."ويطلع عطر من درج مكتبه .. ويقرب منه ".. تعطر ياخي .. مايصلح تدخل المكتب كذا ..
سند "ابتسم":.... يازين هذا العطر زيناه .. والله اني كنت ادوخ لما اشمه فيك ..
يزيد :..مالت على هالوجه اللي معتبرك صديقي ..
سند :.. وش فيك قلبت علي ..
يزيد :.. امسك .."يعطيه العطر بيده ".. لو كنت صديقك جد كان طلبته مني .. اجل كيف نكون اصدقاء ..
سند "يبتسم بحرج": توك ماخذه جديد واطلبه ..عاد انا مو لهالدرجه ما استحي طال عمرك.."وبمزح" .. مع اني لمحت لك بس مافهمت علي وقتها ..
يزيد "ضحك":..ولا يهمك بس انا احيانا اكلج ما افهم ..
.........................................
فتح بتال باب الشقه بالمفتاح .. ودخل للصاله بزعل .. رمى ملفه والظرف على الطاوله ... وجلس وهو يفك ازرار ياقته .. رفع رجله وصار متمدد على الكنبه .. حط يده على جبهته .. ويفكر ...
"هالروضه ..ماراح تختفي من حياتي ... كل شي سئ يصير لي تكون من تحت راسها ...ياليتني ماتزوجتها ... كان ضلت هي روضه بنت خالتي منيرة الغاليه ... اللي اعتبرها مثل اختي ... بس للاسف ماحسبتها صح .. ضعت وضيعتها معاي ... مسكينه ما صارت تعرف وضعها ... لازم اكلمها .. ونشوف حل لهالموضوع ".. .. مسك الجوال .. ودق على رقمها ...
>>>>..ان الهاتف المطلوب مغلق حاليا ..<<<<
باستغراب .."مغلق ... غريبه اول مره تقفل جوالها ... ".. رجع الجوال على الطاوله ..".. معقول كانت تتكلم جد .. وسافرت .... ياليت.. وتطلعني من حياتها ... خلاص .. ابغى ارتاح "...
....................................
بالليل واخيرا .. وصلوا "راكان" و"روضه" لكندا اخيرا ... بعد قرابة ال 15 ساعه .. وفي المطار بعد نزولهم .. كانت عين"راكان" تدور بكل مكان يبحث عن وجه محدد من بين الوجوه كلها .. ومشى مطنش "روضه" ورائه تتبعه خوفا من الضياع .. حتى وقف وهو ينادي باعلى صوته وهو رافع يده ..".. كاميليا ...كاميليا .. كاميليا "
..
كاميليا "تتلفت يمين ويسار محاوله تحديد مصدر الصوت .. وقفت مبتسمه وهي تشوفه ..":... ريك .....ريك حبيبي ..
راكان ....نزل الشنطه بالارض .. وفتح يده يستقبلها بكل حب وهي مندفعه له بكل شوق .. تقابلوا وضموا بعض ..
روضه "فاتح فمها وتطالعهم باستغراب .. حتى ان راكان مقفل عينه .. ويلعب بشعر كاميليا .."
(( كاميليا ..عمرها 23سنه.. بنت بيضاء ..عينها عسلي فاتح .. شعرها بني على تموجات ذهبيه .. قاصه شعرها فرنسي قصير .. جسمها مايل للنحف اكثر .. رقبتها طويله .. طولها اقصر من راكان بشوي .. ))
كاميليا "تبعد عنه ":... وحشتني موووت ... مو مصدقه انك واقف قدامي ..
راكان "مبتسم":.. ياعمري ..والله حتى انتي وحشتيني ..
روضه "وجهها قلب احمر من اللي تشوفه .. تنحنحت وهي حاطه يدها على فمها ":.. .احممم احممم ..
راكان " لف عليها وكأنه توه يتذكرها ":..أه ... كاميليا ... بغيت اعرفك على روضه ...
روضه "بحجابها الابيض والعبايه الكحلي ":.. اهلا ..
كاميليا .."متفاجأة منها .. وبخوف "..:..راكان مين هذي ..؟!
راكان :.. هذي روضه .. بنت خالي .."وبصوت واطي باذنها "..افهمك بعدين .." غمزلها "..
كاميليا "بارتياح ... مدت يدها مصافحه ":... انا كاميليا .. اهلا فيك بكندا ...
روضه "مدت يدها..بحرج ":.. شكرا ..
راكان ..:.. بعدين تعرفوا على بعض خلونا نطلع من المطار الحين ... "اخذ شنطته بيد ... وكاميليا تحت يده الثانيه ... ومشوا مع بعض "...
"روضه" تلحقهم وهي فاتحه كفرات شنطتها و تسحبها وراها ... لحد ما وصلوا للتاكسي .. كل الثلاثه ركبوا جنب بعض .. كانت كاميليا تتوسطهم ... روضه بدأت تحس بالغربه والخوف .. ماتعرف احد الوجوه مختلفه .. الحريم كاشفات .. البعض يطالعها بنظرات احتقار .. الاحضان البوسات والبكاء ..اللي لمحتها في المطار .. ضايقها كثير .. والاكثر من هذا وهذا ..." راكان " اللي انصدمت فيه مع هالبنت .. ومازالت تحس بالقهر منهم وهي تسمعهم يتكلمون ولا تفهم منهم شي ... طالعت في "راكان" بنص عين مو معبرها .. وزفرت بقوه و زعل ... ورجعت تكت بظهرها ..وكتفت يدها بصعوبه .. وراحت عينها على الشوارع والبنيات .. تتأملها ...
بجوارها " كاميليا ".. كانت تستفسر من "راكان" سبب قدوم "روضه" معاه .. وانه ماخبرها ... "راكان" طلب منها تشوف جسمها .. كاميليا طالعت بتدقيق اكثر بجسم روضه .. ورجعت لفت له مو مصدقه .. وهمس لها .."عشانك اسوي أي شي "..كاميليا ابتسمت بفرح ... وشبكوا يدهم ببعض .. وعيونهم تلمع من الحب ...
...................................تعليق
-
رد: ( رواية من حب عفوي الى حب جنوني ) بقلمي
...................................
الساعه 11 بالليل ..
لمياء جالسه بالصاله ولامه رجلها لصدرها على الكنبه ... تطالع بالساعه بملل وتتثاوب... نزلت امها .. وطالعتها وضحكت .."لمو.. روحي نامي حبيبتي "
لمو "تحاول تفتح عينها ":.. لا ...ماني بنايمه الا حتى ويتصل راكان ..
ام راكان "جلست على احد الكنبات .. ومسكت الريموت وشغلت التلفزيون ":... براحتك اجل ... بكرة لا تجين تشكين لابوك من يزيد .. السبب منك مو منه ..
لمياء "فتح عينها بزعل":.. ماما ..انتي ليه ضدي ... بابا قال بيكلمه عشان يتأدب اذا جاء يكلمني .." وبقهر ".. لو شفتيه لما قعد يضحك علي لما انكسر كعبي ..
ام راكان "بضحكه مكتومه":.. وايش ذنبه اذا كعبك انكسر .. على وصفك بصراحه شكلك كنتي نكته ..
لمياء "رجعت غمضت عينها":... ماما طلعي هالضحكه وريحي نفسك ..
ام راكان "ضحكت ":.. الله يهديك ...
...تررررن ....ترررررن....ترررررن <<<< " تلفون البيت"
"لمياء " ..نطت على التلفون ... بس امها كانت اسرع .. " الوو...هلا حبيبي ...هلا راكان ... بخير مانسأل الا عنكم ... يالله الحمدلله على السلامه ..."...
لمياء "ماسكه السماعه":..خلاص ماما ..خليني اكلمه ...
ام راكان :.. راكان خذ اختك النشبه هذي ... مع السلامه وسلم على روضه ..."تعطيها السماعه".. مافيك تنتظري شوي ...
لمياء "اخذت السماعه وجلست على تكايه الكنبه":.. هلا راكان.. كيفك ..وكيف روضه ..؟!
راكان :.. هلا لموو ...الحمدلله كلنا بخير ..
لمياء :.. والحمدلله على سلامتكم ..؟!
راكان :..الله يسلمك ...
في هالوقت دخلت كاميليا وبدون ماتنتبه انه يكلم .." ريك .. ريك ".. راكان ... يأشر لها تسكت ...كاميليا ...حطيت يدها على فمها معتذرة ...
لمياء "سمعت صوتها .. وبتردد ":.... راكان وينك ..اخذتوا شقه ..؟!
راكان "بربكه ":.. لا احنا بفندق ... انا بغرفه وروضه بغرفه ...
لمياء "بخوف ":.. يعني انت لوحدك الحين ..؟!!!
راكان :..ايه .. أأقصد.. لا ..أأ...احمد معاي ... لمو معليش مشغول الحين ..مع صديقي .. يالله سلمي على ابوي وبكلمه بعدين ..
لمياء :.. طيب ..طيب ...مع السلامه ...
راكان :..باي ..
راكان ..طالع في كاميليا ... وحست انها اربكته .. وقالت بصوت معتذر .." I'm sorry"
راكان "ابتسم لها ": Do not worry .."وحضن وجهها بكفوفه .. وهو يتأمها بشوق "..
روضه " جالسه تطالع فيهم... وهي حاطه كفها على وجهها بملل .. ومتكيه على ركبتها .. " :... وبعدييين ... من لما وصلنا وانا مو فاهمه عليكم ..."وبتريقه"... اذا تعرفون عربي تكلموا عشان افهم بس ..
راكان "ضحك ":.. مانقول شي يهمك ... المهم .."جلس ..واخذ كاميليا جنبه ".. كلمت اهلي ...امي ولمياء يسلمو عليك ..
روضه "ابتسمت بفرح":.. ياه ... صدق ...الله يسلمهم ..
راكان :.. ايش رايك .. شفتي الفله ؟!!
روضه :.. لا ماشفتها ... لازم استأذن من صاحبته الفله ...
كاميليا :.. خذي راحتك حبيبتي ...
روضه مشت بحماس تتامل الفله الصغيرة ..عجبها تصميمها غرفتين جلوس مع مطبخ وغرفة غسيل ... وبالدرو الثاني غرفتين نوم وكل غرفة بدورة مياه خاصه ... لاحظت غرفة مأثثه وسرير كبير وواضح ملابس كاميليا واغراضها بالغرفه .. وشنظه راكان بنفس الغرفه على جنب .. وفي نفسها "اصلا شاكه فيهم من حراراة الاستقبال ..الله يتوب علينا بس"...مشت للغرفة الثانيه فكان موجود فيها كنبه طويله وبعض الاغراض والكتب الزايده في كراتين وهي طالعه من الغرفه لفت انتباهها شي رجعت تطالع تتأكد وشافت شنطتها على جنب بالغرفه ...وباستغراب "...ليه شنطتي هنا ..!!!.." ... و نزلت للصاله عند راكان وكاميليا اللي كانوا جالسين جنب بعض ومشبكين يدهم ... راكان انتبه لها ..ويجس نبظها ..." كيف شفتي الفله "؟!
روضه "وهي ماشيه تجلس على الكنبه":.. حلوووه مرره .. الا فوق بالغرفه الثانيه شفت شنطتي ليه تطلعها فوق ...
كاميليا .."بحرج"..:.. رووضه انا اسفه ما كنت ادري انك مع راكان ..عشان كذا ما أثثتها .. بكرة ننزل انا وانتي واختاري الغرفه اللي تعجبك ...
روضه :.. لا مافيه داعي .. انا مو جالسه هنا على طوول .. انا بسكن بسكن الطالبات ..
كاميليا :.. أي سكن ..."تطالع في راكان"..
راكان "فك يده من يد كاميليا .. وعدل جلسته على روضه ": .. اسمعي يا روضه ... الصراحه ...انتي بتجلسي هنا مافيه سكن طالبات ..
روضه :.. هاه ... ليه ؟؟!
راكان " يحك راسه وهو منزل عينه ":... انا جبتك هنا عشان تشوفي حل لسمنتك .."وبحماس".. وكاميليا هنا راح تهتم فيك مثل ما اهتمت فيني قبل .. صح كاميليا ....
كاميليا :... اكيد راح اهتم فيها ..
روضه "فاتحه فمها ..تحاول تستوعب وتنقل عينها بينهم":
راكان :.. وكمان الحين صارت متمكنه .. خلصت تخصص تغذيه ..وبتدرس ماجستير ...
كاميليا :.. يعني اطمني .. انتي مو اول وحده راح اشرف عليها ..
راكان :..لا اكيد مو اول وحده .. ولو تسمعي القصص اللي ...
روضه " وقف .. وهي تتمايل من الصدمه "..:.. لحظه ...لحظه ...يعني الحين سكن مافيه ... دراسه مافيه.. يعني ماقدمت اوراقي للجامعه مثل ما فهمتني .. "تطالع براكان بخنق"..
راكان "وقف .. وهو منزل راسه .. وهزة بمعنى لا ":...لا ما قدمت اوراقك ..
روضه :.. وين شهادتي ..طيب ..
راكان :..بدرج مكتبي في جده ..
كاميليا "وقفت ":.. روضه ..
روضه "بعصبيه ":.... يعني ضحكت علي ... كلكم ضحكتوا علي ... ليه اخذتني معاك هنا ليه ..؟!
راكان :..محد ضحك عليك .. انك تنحفي هذا مستقبلك بعد ..
كاميليا :.. روضه ماراح تقدري تواجهي احد بهالجسم ..
روضه "قاطعتها ":.. اسكتي انتي ما ابغى اسمع صوتك ... فهمتي ... "طالعت براكان ".. اليوم ترجعني جده ...سامع..
راكان :.. روضه انتي معصبه الحين ..اهدي ..وفكري اول ..
روضه "بعصبيه ":..اظنك سمعتني .. والا بكلم خالي واقول له كل شي ... حتى ..."وطالعت بكاميليا ".. حتى حلوتك الشقراء اللي جنبك .." ومشت تتخبط لحد ما طلعت الدرج ... ودخلت الغرفه الثانيه ورمت نفسها على الكنبه وبكت بقووه "
راكان "جلس وهو متضايق":.. ما توقعت تزعل بهالشكل ...
كاميليا :.. ليه ماقلت لها الصدق من قبل ..
راكان :.. حاولت بس كانت ترفض أي نقاش عن جسمها او رجيمها .. فقلت فرصه اجيبها لك.. و تجربي فيها نظامك الخاص اللي الفتيه . ومحد راضي يساعدك ويسمح لك تنفذيه ..
كاميليا :...بس لازم تكون هي موافقه ..
راكان :.. لازم اقنعها .. بس مو اليوم ..بخليها تهدا ..
كاميليا :.. قبل ما تقنعها لازم تقول لها عن علاقتنا قبل لا تخبر اهلك ووقتها ما ادري ايش ممكن يسوي ابوك هالمره ..
راكان :.. انا منحرج اقول لها ..
كاميليا :.. تحب اكلمها ..
راكان "وبترجي":.. ياليت والله ... حتى تقربي منها خليها تحبك وتثق فيك ...
كاميليا "ابتسمت له":.. اكيييد حبيبي ... "وقفت ".. بكلمها الحين .. واحنا بنات نعرف لبعض ..."غمزت له "..
وطلعت برشاقه من الدرج ..للغرفه الثانيه ...اللي كانت متوقعه تلاقيها فيها ... دقت الباب بخفه .. وفتحته وهي تشوف روضه تبكي ... روضه رفعت وجهها الاحمر وكله دموع .."اطلعي برا ... ما ابغى اشوف احد فيكم " ..
كاميليا ..دخلت وسكرت الباب وراها .. ومشت شوي على جنب وجلست بالارض وتكت على الجدار.. وبدأت تتكلم ... بدون ما تطالع بروضه ..
" قبل اربع سنوات وعمري 19 سنه .. وباول سنه لي بالجامعه .. قابلت راكان .. وقتها صدمنا ببعض .. وقال لي اسف بالعربي .. "ابتسمت " .. وقتها مدري ايش صار لي ..هو راح ونسي بس انا ما نسيته وخاصة بعد ماعرفت انه سعودي .. فرحت كثير.. وصرت اتابعه واراقبه ..كان جدا انطوائي وخجول .. وبسرعه يتعب من الطلوع والمشي بسبب وزنه .. بس كنت اشوف عينه تتكلم وتقول احد يساعدني .. ؟!!... المهم .. تعرفنا على بعض وعلاقتنا قويت اكثر.. حتى اني نقلت اعيش معاه .. وعشنا مثل المتزوجين سنه تقريبا "
روضه "وقفت بكاء .. وهديت شهقاتها .. وبدت تركز معها... مع انها ما زالت منزله راسها"
كاميليا "ما زالت مسترسله ":.. في هالسنه حاولت انظم غذائه واساعده على التمارين والمشي كنت احزن عليه ..كل شي صعب عليه .. رجع لاهله اجازة .. كانت تقريبا شهر .. ما ادري كيف مر علي هالشهر .. اشتقت له كثيير .. وهو كمان ... لما رجع طلب يدي للزواج ووافقت .. ويا فرحه ماتمت.. اهله رفضوا ... "ضحكت بسخريه".. يقولون مايعرفون اصلي وفصلي ...
روضه "رفعت راسها .. وبدت تطالع فيها بعين وحده ..":
كاميليا :.. وقتها راكان طلب مني اخرج من شقته .. وفعلا خرجت .. وبعدنا عن بعض .. وتدهورت حالة راكان اكثر من اول .. بدا وزنه اللي فقده في سنه يرجع في اقل من شهر .. وماقدرت اتركه يموت نفسه بهالشكل .. رجعت له بس بحدود .. رجعت له مدربته الخاصة ..وهو ما رفض ..حبيت الموضوع.. وهالشي خلاني اغير تخصصي للتغذيه .. وجلسنا سنه ثانيه على هالحال ..لحد ما فاجأني يوم وجاب لي خاتم زواج .. وطلب يدي .. وان زواجنا يكون بالسر ..
روضه "رفعت وجهها ":... تزوجتوا ..؟!
كاميليا "لفت عليها .. وابتسم ..وهي توريها الخاتم اللي بيدها ":.. يس .. تزوجنا .. من سنتين تقريبا ... راكان ماحب تستمر علاقتنا بالخطأ .. فالزواج كان انسب قرار ... .. بس اهله ماعندهم خبر...
روضه :.. وزواجكم راح يكون بالسر على طوول ؟!
كاميليا :... لا طبعا .. بس فيه موضوع يخصني بس اوصل لنتيجه ..راح نعلن للكل .. "طالعتها بحنان".. اتمنى ما تزعلي من راكان ... ؟!.. ترى يبغى مصلحتك ...
روضه "وبحزن" :..وليه تدخلوني بينكم .. ليه راكان غربني هنا وبالاخير مابستفيد شي ..
كاميليا "وقفت وراحت جلست جنبها ":.. تسمحين لي ..."فكت حجابها .. ومسكت كتوفها ووقفتها .. وفكت العبايه .. وسحبتها لعند مرايا طويله .. بركن الغرفه ...ووقفت وراها ".. شوفي نفسك ..
روضه "بعدت عينها ":... اعرف نفسي ماله داعي .."وكانت بترجع للكنبه .."
كاميليا "مسكتها ورجعتها قدام المرايا":.. انتظري ... شوفي فتحي عينك ... عاجبك شكلك كذا .. "وتمسك خدودها .. ".. شوفي الدهون .."وتمسك بطنها".. وهنا دهون ..وهنا وهنا وهنا ..
روضه "غمضت عينها .. وبعصبيه":.. ادري.. ادري.. بعدي يدك عني ...
كاميليا :.. هالدهوون اللي تشوفيها هي اللي جالسه تتكلم عنك مو انتي ....هالدهون مقرفه ... يعني تخيلي احد يكلمك مقرف ..مستحيل يتقبل منك أي شي..ولا يقدر يشوف جمالك الداخلي.. بعض الناس مايعطوك فرصه حتى يفهم اللي داخلك.. اذا الواحد تكلم يطالع في عين الشخص اللي قدامه ..بس انتي يطالعون هنا بخدودك وعرض رقبتك .. حتى يدك لما تمديها يشوفوا بشاعة سمن اصابعك ..
روضه "قبضت على يدها بقهر ..من كلامها .. وبزعل ":.. هالكلام اعرفه واحس فيه .. طول عمري اسمع كلام يهز البدن .. بس انتي زوتيها ...
كاميليا "بجديه": تتوقعين احد بيتزوجك وانتي كذا ؟!!..روضه كم عمرك ...؟!
روضه :.. 25 ..
كاميليا "متفاجأة":.. توقعتك اكبر من كذا .. توقعتك 35 ...
روضه "لفت عليها .. عطتها نظرة حقد ":.. ماقصرتي .."ورحت تجلس على الكنبه بتوتر"
كاميليا "وقفت قدامها وكتفت يدها ":..تدرين الحل بيدك ... يا تستمري تسمعي هالكلام طول عمرك ... يا تحاربي لمده سنتين .. وتعيشي حياتك الباقيه مثل ما انتي تبغي ..تحبي و تتزوجي وتجيبي اطفال ...
روضه "تذكرت بتال ... وفعلا ما كأنها متزوجه... دمعت عينها"..
كاميليا :.. روضه سنتين او اقل ... وبتصيري انسانه ثانيه ... بس لازم عزيمه واصرار ...
روضه " وبصوت فاقد للامل ":.. حاولت حاولت مافيه فايده ... ليه ماتفهمون ... انا جسمي كذا .." نزلت دموعها"...
كاميليا " بحماس ":... واذا قلت لك تحدي بيني وبينك خلال سنه يتغير شكل جسمك كليا..
روضه "بكسل":..اعرف نفسي .. مابقدر ..انا اسبوعين ما استمر ..لا تتعبين نفسك معاي ..
كاميليا " طالعت في ساعتها ":.. الحين بخليك تنامين .. وبصحيك الصباح ... اوكي ..
روضه " تطالعها بنظرات محرجه ":.. الحييين انام .. بدري ..؟! .. وبعدين ما ..
كاميليا "فهمت نظراتها":.. ايه كلنا بنام بدري .. ونصحى بدري.. وعشاء ..مافيه .. اوكي .. Good night .. "ومشت لخارج الغرفه ... "
روضه .. تطالعها بنظرات .. حزن ... ولما قفلت الباب .."وجع .. وش هالانسانه ماعندها ذوق ... وقسم بمووت جووع ..اه يا بطني .. كيف انام الحين وانا كذا .."
كاميليا وهي ماشيه بتنزل لراكان تحت .. ماحست الا احد يسحبها للغرفة وهو مغطي على فمها ..وبخوف لفت عليه .. " أوووه ... ريك "....
راكان " شال يده عنها ... و يضحك على شكلها":..
كاميليا "تمسح على شعرها بخوف": ..خوفتني..
راكان "قفل باب الغرفه .. وبصوت واطي ":.. سمعت كلامك مع روضه ..
كاميليا " كتفت يدها .. وطالعته بنص عين ":.. وليه تتسمع مو حرام ..
راكان :. والله كنت خايف لا تورطني مع اهلي الحين ...
كاميليا "بزعل":.. يعني انا ورطه ...!!
راكان :.. لالا ياعمري ..بس اقصد مو مستعد اقول لهم الحين ... "ومسك خصرها .. وقربها منه".. واذا ورطه انتي احلى ورطه .. .."باسها بخدودها".. واطعم وحده .. "وباسها بالخد الثاني".. والذ وحده ..
كاميليا "ذابت معاه ..":.. رييك ... لسى عندي اشياء اخلصها ...
راكان "شالها":... كل شي يتأجل ... حرام عليك لي شهور عنك ..."وحطها على السرير .. ونام جنبهها "... وحشتييييني كيم ..
كاميليا "لفت يدها على رقبتك .. وغمضت عينها بحب ":..I miss you ...
****************************
تعليق
-
رد: ( رواية من حب عفوي الى حب جنوني ) بقلمي
.................................................
"بتال" .. متغير مزاجه ومتضايق على طوول .. جالس على الكنبه ويطالع في ملفه والظرف ... بزعل .. "هويدا" لابسه قميص نوم قصير اسود بشرايط صفراء.. طلعت من المطبخ وبيدها كوب حليب .. جلست على الكنبه جنبه .. وبملل " انت من امس وهذي حالتك .. اللي يشوفك يقول اول واحد ينطرد من شغله "
بتال "وهو مسرح في الملف":... ادري اني مو اول واحد .. بس اني انطرد عشان وحده .. هذا اللي قاهرني ...
هويدا " وهي تشرب الحليب ":.. قصدك عشان روضه ..
بتال "بضيق":.. لا عاد تقولي اسمها ..ما ابغى اسمعه ...
هويدا " سحبت الظرف وهي تعض على شفايفها ":.. واو فلووس .. ليه ما قلت لي من اول .."تعدها"..هذي خمسة الاف .. ومو فرحان فيها ..؟!!
بتال "بضيق":..تبغيها خذيها ...
هويدا "بفرح":.. والله ... يا حياتي انت .... "تطالع فيه بحماس".. ايش رايك نروح السوق نشتري لنا كم غرض ..
بتال " وقف بملل ":.. مالي نفس اروح مكان .. "راح للغرفة ولبس ثوبه .. سحب جواله ومفاتيحه".. انا بطلع اشم هواء ..
هويدا "بلا اهتمام":.. براحتك .. بس انا بكلم سواقنا يوديني السوق .. والله نفسي بلاب توب..
بتال :.. خذي اللي نفسك فيه ..يالله مع السلامه .."وطلع من الشقه " ...
هويدا .. بفرح وقفت وراحت لغرفتها تبدل ملابسها وهي تكلم سواقهم ..
..................................
طلع " بتال " يدور بسيارته في الشوارع .. مو عارف وين يروح والا ايش يسوي .. على قد ماهو زعلان باللي سواه مع روضه على كثر كل شي يذكره فيها كل ماحاول ينسى ..طالع بالساعه 12 الا ربع .... اخذ جواله يكلم يزيد .. بس بطل منه خايف يشمت فيه لانه انطرد من الشغل .. فكر بسند .. وعلى طوول كلمه .." الو سند .. وينك؟! "
سند : انا بالشركه .. بغيت شي .؟!
بتال :.. ياخي طفشان ابغى اتكلم مع احد ..
سند :..والله ما اقدر اطلع .. طيب .. بتنتظر لوقت بريك الغداء ..؟!..كلها ساعه الا ربع..
بتال :.. اوكي ..اجل بلفلف شوي بالسيارة .. وبمر عليك ..
سند :... طيب .. فمان الله ...
قفل وطالع في لمياء .. وتلاقت عيونهم ... ارتبك سند ..وبحرج .." هذا ..هذا صديقي يبغاني اروح معاه .. "
لمياء "ابتسمت له":.. هذا اعز اصدقائك ..؟!
سند :.. أي والله هو ويزيد عينين براس ..
لمياء "تعكر مزاجها من اسم يزيد":.. سند مو شرط تمدح يزيد ..ترا انا مو نقالة كلام ..
سند "بحرج":.. لا والله ما اقصد .. بس جد يزيد اعز اصدقائي .. "ورفع حواجب"...ويمكن قريب نصير نسايب ..
لمياء :.. نسايب ؟!.. كيف ..يزيد اخته الوحيده تزوجت ..
سند :.. لا مو انا .. يزيد هو اللي بيتزوج اختي ...اختي فطوم ..
لمياء "متفاجأه":..متى ؟!... وكيف ..؟!
سند "باستغراب":.. مثل الناس ..كيف يعني كيف ..؟!!!!
لمياء " مرتبكه ويدها على رقبتها ":.. اسفه تفاجأت بس ...
سند :.. كيف يعني تفاجأتي ..؟!
لمياء :.. أأأ ... أقصد ان ابو يزيد صديق بابا ..وما سمعنا الخبر ..
سند "بارتياح":.. اها .. هي بس صارت الشوفه .. ولسى ننتظر موافقه العرسان ..
لمياء :..ايووووا .. اجل فتح عينك لا يضحك عليك وعلى اختك .. "وقفت .."..انا... بروح اطبع الملف ..
سند "وقف ":.. تعالي هنا ... ايش تقصدي بكلامك ..
لمياء "رفعت واحد من اكتافها":.. ولا شي بس انبهك .. عن اذنك ..
وطلعت لمياء .. وتركت سند يفكر بكلامها .." فعلا يزيد يتهرب من الخطوبه .. واخته كمان مو طايقته .. اجل خلاص .. ليه يعلق اخت وكأنها مو مرغوبه ..ومنتظر يزيد ...يرد لي خبر... لا مو هو اللي راح ينهي الموضوع ...انا اللي راح انهيه.. والحين .."..
ومشى طالع من مكتبه ... رايح لمكتب يزيد .. ولكن ريان وقفه .."استاذ يزيد طلع .."
سند :متى طلع ..؟
ريان :....قبل ربع ساعه تقريبا ..
سند :.. تدري وين راح ..؟!
ريان :..اتوقع في سيارته الحين .. لان شغالات بيته كلموا يقولون ان ابوه تعبان ..و وطلب مني اكلم الاسعاف ..
سند "بخوف":.. وشو الاسعاف كمان .. لهالدرجة ابوة تعبان .. الظاهر الوضع مايطمن .. ... انا ...انا رايح الحقه ...طيب .."ومشى يركض ..لخارج المكتب"
ريان "بصوت رافع ":..طيب .. طمنا عليه .. "وهو يجلس".. الله يصبرهم ...
......................................
وصل سند للمستشفى بعد ما كلم يزيد وعرف ان ابوه في الملاحظه ... سند حصل يزيد جالس على كرسي قريب من الغرفه اللي ابوه فيها .. جالس بتوتر يحرك رجله وويشبك يده ببعض ويفككها .. قرب منه .."يزيد.. بشر كيف العم عبد الجليل" ..
يزيد " وقف .. وحضنه ":.. سند .. الحمدلله انك جيت ..
سند "يبعده بخوف ":.. خير ايش صار .!.؟
يزيد "بربكه":....جات له جلطه.. احس اني بحلم ..مدري...مدري انا ملخبط .. اول مره اشوف ابوي بهالشكل..
سند "حط يده على كتفه":.. لاحول ولاقوة الا بالله ..طيب ..وكيفه الحين ..
يزيد :.. تحت الملاحظه لمده 24ساعه .. "طالع وراه ومن بعيد...".. هذا بتال واختي وصلوا ..
سند :.. يزيد ....اختك بتنهار لو شافتك بهالشكل .. خليك اقوى من كذا ...
يزيد " يهز راسه باستسلام " :.. ان شاء الله ..
سند : طيب انا بتركم على راحتكم وبمر في وقت ثاني ..
يزيد :.. تكفى لا تتركني لوحدي يا سند ..مر علي مره ثانيه ..
سند :.. اكيد بمر حتى لو ما طلبت .. يالله فمان الله ... "لف سند .. وحصل بتال قدامه ..صافحه "....كيفك بتال ؟!
بتال :.. اهلا ... كيف عمي ..؟!
سند :.. على الله ... اقول بتال تحب امر عليك والا ...
بتال "قاطعه ":.. لا خلاص مشكور ... بجلس هنا مع زوحتي ويزيد ..
سند:.. على راحتك ...يالله .....اشوفكم على خير ..."ومشى عنهم "..
هويدا " فكت الغطوة .. وبخوف ":..كيف ..كيف بابا الحين ؟!
يزيد :.. تحت الملاحظه .. ادعي له ..
هويدا " جلست بهدوء على الكرسي وسرحت بحزن .. ومانزلت منها ولادمعه .. "
....................................
"سند" بالسيارة اخذ "فطوم " من المدرسه ..وكان ساكت اغلب الوقت .. يفكر بيزيد .. واخته .. ومحتار يسكت عن الخطبه والا ينهي الموضوع .. ظروف يزيد ماتسمح له يكلمه .. "خبط على الدركسون بقهر ".... حتى فطوم جنبه كانت ساكته .. وتفكر بكلام صديقتها امل ..
//////// فطوم كانت بتطلع وقت الفسحه .. ومكستها امل بيدها ... " تعالي بوريك شي "
فطوم "باستغراب .. وتطالع بيدها في الجيب ":.. ايش عندك ؟!
امل "تطالع يمين يسار .. وبعدين طلعت من جيبها صورة من جريده ":طالعي ..هذا يزيد اللي خطبك ..؟!
فطوم :... هاه..."وتدقق بالصورة".. مدري.. وايش عرفك انه هو ..
امل :.. يا غبيه اقري اسمه تحت الصورة يزيد عبد الجيليل .. هو صح ..؟!
فطوم "بحرج":..مدري .. يمكن ..
امل : يا بنت كيف ما تدرين .. اطمني ترا ما بحسدك عليه ..
فطوم :. والله مو متذكرة شكله .. اصلا .. لسى ما وافقت عليه ..يعني بس كلام ...
امل "تشمق لها":عشتوووا ....يعني ايش تبغي البنت اكثر من كذا..جمال ومال وحسب ونسب ....لو انا بدالك وافقت قبل حتى الشوفه .. ماينرد بصراحه .. لو وافقتي يا بختك يا شيخه فيه .../////////
سند :.. يالله وصلنا .. ماودك تنزلين .!؟
فطوم :.. هاه... الا نازله ...
ودخلوا البيت وفطوم على نفس شرودها ... مسكها سند .. "فطوم.. ايش فيك اليوم"؟!
فطوم :.. ولا شي .. ".. نزلت شنطة المدرسه ..وطالعت لاخوها".. بحط المكرونه على النار وعلى بال ما تستوي بصلي الظهر .. "ومشيت لغرفتها وهي تفصخ عبايتها .."
سند .. فصخ شماغه .. وجلس على الارض .. مدد رجله .. وتكى بيده تحت رقبته .. وهي يحاول يرتب كلامه عشان يقول لها عن يزيد ... شم ريحة اكل .. ويشم اكثر... وتذكر المكرونه ..فز بسرعه للمطبخ ... وقفل النار .. وهو طالع شاف طماطم وخيار .. حزن على فطوم توها جايه من المدرسه وتعبانه وتسوي الغداء ... حب يساعدها .. قطع الطماطم والخيار .. و وزع المكرونه في صحنين والسلطه بصحن بالنص .. وطلعها للصاله ... وراح بينادي فطوم .. بس وقف عند باب غرفتها اللي كان مفتوح منه شوي .. وسمعها وهي تدعي .."اللهم ان كنت تعلم ان زواجي من يزيد خير لي في ديني ومعاشي ..."
سند ..جمد مكانه .. " اخيرا ..استخرتي ..."....تسحب بشويش وجلس بالصاله ينتظرها ...
طلعت فطوم وشافت الاكل جاهز ..وبفرح .."يا سلام .. طلعت الاكل ... وبعد مسوي سلطه ... الله يعطيك العافيه .."
سند :.. طولتي قلت اساعدك اليوم ..
فطوم "وهي تجلس .. ومبتسمه ":.. مشكور ياخوي .. واسفه على التأخير.. اليوم كان عندنا سبع حصص ما كان عندي وقت اصلي بالمدرسه ..
سند :.. يالله مو مشكله .."ومركز على وجهها ..".. اشوفك مبتسمه ..
فطوم "باستغراب " :.. اجل تبغاني ابكي ..."وضحكت"..
سند " بارتياح " :.. لا ..بالعكس .. عسى دوم الضحكه ..
......................................
تعليق
-
رد: ( رواية من حب عفوي الى حب جنوني ) بقلمي
......................................
في كندا الصباح ....
صحيت كاميليا .. وصحت راكان ..... كاميليا لبست شورت زهري مع تي شرت ابيض برسمات زهريه وكاب ابيض ... وراكان لبس شورت زيتي مع تي شرت رمادي وكاب اسود ... طبعا لبس رياضي يستعدون للركض قبل الفطور .. طلعوا من غرفتهم ..وطالعوا مع بعض بغرفة روضه ...كاميليا .."حبيبي انزل انت .. وانا بروح اشوفها "..
نزل راكان .. وكاميليا ..فتحت باب الغرفه ..حصلت روضه ..ماسكه مجله بلغة انجليزيه مافهمت شي بس تطالع في الصور... كاميليا بابتسامه .."صباح الخير"
روضه "بملل":..صباح النور..."وطالعت في لبسها . وانقهرت من جسمها "..
كاميليا :..ايش تسوين ... تقرين ...؟! .. الحين.. وقت الركض .. ..يالله ..
روضه "قفلت المجله" :.. ماني جايه معاكم ..
كاميليا "حط يدينها على خصرها":.. ولييه ..؟!
روضه "طنشتها":... قولي لراكان كيف القبله هنا ..
كاميليا "مافهمت":.. نعم .!!!
روضه "تكبر بيدها":.. الله اكبر يعني ... الصلاة الصلاة ...انتي ماراح تفهمي علي ..بس قولي لراكان وبيعرف..
كاميليا "بلمت شوي فيها .. وبعدين.. انفجرت تضحك ...":..واي ..."...وتضحك بقوه .."
روضه " تطالعها باستغراب ":.. طبعا بتضحكين ...انتي يعني تعرفي الصلاة .. "وتضرب على وجهها وكتفها ".. ماتعرفون غير هالخبيط .. ترا اعرفكم زيين ..كل افلامكم شفتها ...
كاميليا " تاشر لها تسكت ... وهي تضحك ودموعها تصب من كثرة الضحك "...
راكان .. طلع لهم يركض مفجوع ..."ايش فيكم ..؟!!.. كاميليا "..وارتاح لما شافها تضحك ..."ويطالع بروضه ..وهو مبتسم".. ايش فيها ..؟!
روضه :..مافهمت علي وتضحك ...
كاميليا " طلعت من الغرفه وهي تضحك ... وراحت لغرفتها "
روضه :..الحمدلله والشكر ... سالتها عن القبله .. وشكلي غلطت لانها مافهمتني .. مسكينه عاذرتها ماتعرف ايش يعني صلاة ..
راكان :.. قصدك كاميليا ماتعرف الصلاة ..؟ ترى كاميليا مسلمه ..
ولا بعد سعوديه ..
روضه "مفتحه عينها":.. ايششش .. ما اصدق ..
راكان :.. لا صدقي ...وكذا القبله .."اشر لها .. "عن اذنك اروح اشوف البنت ..حسبي الله على ابليسك بتموتينها من الضحك .. "وراح لكاميليا بالغرفه "
روضه "مدت بوزها ..":.. لو تاكلنا بدال ماهي فالحه بالضحك .."واعتفس وجهها .. وهي تسمع صوت بطنها"... اه يابطني ..
"لبست حجابها ... وصلت "..
دخل راكان على كاميليا اللي فاتحه الشباك وتاخذ نفس وتحاول تهدي نفسها ... ابتسمت بس سمعت صوته يسألها عن ضحكها بهالشكل ... لفت وهي تقاوم الضحك .." خبصتني الله يهديها نتكلم عن الرياضه .. فجأه ... قالت كيف القبله .. وانا مدري ايش ببالها وانا فهمتها قبلة .. بوسات يعني ...غيرت الموضوع بدون مقدمات وانا متحمسه للركض .. ومافي بالي شي ثاني ".. وضحكت .."والله شكلي بديت احبها عن جد "
راكان "قرب منها وهو مبتسم ":.. يعني لهالدرجه مشتاقه للبوسات .. ".. باسها " وهذي بوسه ...
كاميليا "بحرج "::.. راكان .. يالله يالله .. قدامي على الشارع ..
راكان "وهو يمشي بالقوة وهي رواه تدفعه":..سماح اليوم سماح ..تكفييين ...
كاميليا :.. ولالالالا كلمه ...يالله ..شوف كيف الكرش عندك طلع ..
راكان :..الله يخلي الكبسه ..
كاميليا :.ويخليني حتى ما اخلي الكبسه ...
وضحكوا كثير على تعليقاتهم ... وهم نازلين من الدرج ... طلعوا للرصيف وبدأون يركضوون ..مثل ما اغلب الاشخاص يركضوا حوالينهم ...
..............................
مر اسبوع ....
بتال ..مازال مرافق مع هويدا يوميا تزور ابوها ...اللي تحسنت حالته .. وطلع بجناح خاص ...
يزيد .. مشغول بأبوة بالمستشفى .. واهمل الشركه ..فوكل سند .. اللي ناب عنه بكثير من الاجتماعات ... واثبت نجاحه ..وثقة يزيد فيه ...
فطوم .. وضعها مثل ماهو .. بس انها زادت في الاستخاره يوميا ..
لمياء .. صوت البنت اللي سمعته عند راكان شاغل بالها و تفكر فيه .. وشك بدأ يدحل براسها ...
روضه ..مازالت مصرة انها ترجع لجده ... وجالسه بغرفتها و حتى التمارين رفضت تسويها .. وجالسه بس تطالع بالشباك... وكل صباح وهي تشوفهم يركضون ساعه ونص ..
راكان .. بدا يخاف من وضع روضه .. ما توقع انها عنيده كذا ..وخايف بعد تعلم اهله عن زواجه من كاميليا ... فمنعها تتصل عليهم ..
كاميليا .. صابرة على روضه وتعليقاتها .. تبغى تحقق هدفها فيها .. وبرضه عشان حبها لراكان مستحملتها ...
...............................
بعد هالاسبوع .. كيف راح تتغير حياة الشخصيات ..
وامنياتي لروضه قليلا من الحظ ..تعليق
-
رد: ( رواية من حب عفوي الى حب جنوني ) بقلمي
اوقات ممتعه للجميع ...تعليق
تويت
تعليق