-
-
رد: ( رواية من حب عفوي الى حب جنوني ) للكاتبه ( عقد اللؤلؤ )
<<<<<<<<<<<<<<<<<<<<<<<<<<<<<<<<<<<<
الجزء الثاني والعشرون
<<<<<<<<<<<<<<<<<<<<<<<<<<<<<<<<<<<<
الساعه ... 9 في الليل ...
بتال في مطعم .. جالس على الطاوله ويطالع الأكل اللي طلبه وهو سرحان ... لحد ما خبط قوي على الطاوله ..فز معاه بخوف .. وهو رافع عينه ..." سند ..الله يصلحك "
سند "يضحك ويجلس ":... شفتك مسرح قلت اصحصحك ...
بتال :.. إلا طيرت عقلي ...حسبي الله على عدوك ...
سند "يطالع الأكل بشهية ":... يا سلام على هالريحه .. ايه هذا الأكل والا بلاش ... "شمر اكمامه ومسك الملعقة وبدا ياكل "... الله .... من زمان عن هالطعم ....
بتال "يمسك الملعقه بملل":...ليه مسوي رجيم ...
سند :... ياخي من يوم حملت زوجتي وهي تكره ريحه الاكل والطبخ ...
بتال "ابتسم":.. والله وبتصير أب يا سند ...
سند "يضحك واللقمه في فمه": ..مو ... لايق .... صح ...
بتال :.. لايق لايق ... "رجع الحزن لوجهه"...
سند "وقف أكل .. وكتف يدينه ":... قول ايش مضايقك .. صوتك ماعجبني بالجوال ..؟!
بتال "بضيق":.. انا اتصلت فيك يا سند عشان تساعدني ... محتاج احد يرشدني ... انا قاعد اتخبط مو عارف اتخذ قرار ..كل قراراتي خطأ وكلامي اندم عليه ...مدري ايش صاير فيني ...
سند :.. انت وهويدا لسى متزاعلين ...؟!
بتال :..مدري مشكلتي هويدا في وجودها والا عدمه والا روضه وظهورها في حياتي ...
سند :.. ايه قالت لي زوجتي انها رجعت من كندا .. "وابتسم " ..ومتغيرة ...
بتال "طالعه بزعل":... اذا متغيرة مايخصك ...
سند "ضحك":..أحلى تغار ....
بتال :.. اسمع بس خل الكلام اللي ماله داعي ... انا ابستشيرك بموضوع ...
سند :.. خير ...
بتال :.. الحين لو بغيت ارجع روضه ايش اسوي ..
سند "باستغراب":... روضه والا هويدا ...؟!
بتال :.. اظن قلت روضه ...
سند :.. بس انت طلقتها ... كيف بترجعها ...
بتال :..مدري انا أسأل ... بعدين انا مو اول واحد يطلق ويرجع طليقته ..
سند "بحيره":..والله ما ادري بس .. لازم تسأل شيخ او احد عارف بالقضاء ..."تذكر".. المحامي .. ممدوح ... ليه ما تسأله ...
بتال :..مين ممدوح ؟!..
سند :.. معقول ماقد شفته عند ابو يزيد او ابو راكان .... شوف ممدوح هذا محامي شاب وشاطر ماشاء الله وذكي ..
بتال :.. شكلي عرفته ..
سند :.. اسأله وهو راح يساعدك ..
بتال "اقتنع" :.. ليش لا ... بروح بكره ... عندك عنوان مكتبه ...
سند :.. أجيبه لك العنوان مو مشكله ..
بتال "بارتياح ":.. كفوو والله ما تقصر ..
......................................
..... في الطيارة .....
وفي الدرجة الأولى ...راكان يطالع في كاميليا اللي مرجعه الكرسي على ورى و ممدده رجلها ومغطيه جسمها ببطانيه خفيفه ومسرحه في القزاز .. لاحظها تحرك يدها بتوتر ... ابتسم لها وقرب من أذنها .."... حبيبتي اطلب لك مخده ثانيه .. تحطيها ورى ظهرك ..."
كاميليا "ابتسمت له":.. لا حبيبي تكفي اللي عندي ...
راكان :.. طيب نامي .. وارتاحي ..
كاميليا "بقلق لفت عليه وطالعته ":.. مو قادرة أنام ... خايفه .. "طالعت في الساعه".. كل ما احس ان الوقت يقل ونقرب من جده ..اخاف .. مدري ايش راح يصير فيني والا فيك ..مدري ....مدري .. و..
راكان "حط يده على كتفها وقربها من صدره ":... ان شاء الله ما يصير إلا كل خير .. وبعدين بدري على القلق احنا بنوصل ونروح الفندق .. وبعدين نشوف الأوضاع هناك ...
كاميليا :.. يعني محد بيستقبلنا بالمطار ..؟!
راكان :..انا قلت لهم طيارتنا الأربعاء عشان نرتب انفسنا ونستعد لهم ...
كاميليا "بارتياح":.. ياه ... ريحتني ...ليتك قلت لي من أول ... كنت حامله هم الفضيحة في المطار قدام الناس ...
راكان :..وهذا اللي فكرت فيه ... تدرين يا كاميليا ..أ..
كاميليا "ضحكت ":..
راكان "باستغراب":... ليه تضحكي .. ضحكيني معاك ...
كاميليا :.. لانك قلت كاميليا ...
راكان :.. والله تعودت على اسم كاميليا .. يعني تبغيني اناديك يا ...
كاميليا "حطت يدها على فمه ":.. لا .. نادني على الأقل اليوم بكاميليا .."وبحزن".. مدري باسمعها منك بعد كذا والا لا ..
راكان "ميل راسه على راسها ":.. تفائلي حبيبتي ... تفائلي ...
.......................................
في فلة سند ............
فطوم جالسه بالصاله ... وماسكه الريموت تقلب القنوات بملل .. خرجت "لمياء "من المطبخ .. بيدها صحن فواكه ... نزلت الصحن على الطاوله في الصاله .. وهي تطالع فطوم المسرحه .. بالتلفزيون ... جلست على الكنبه ورفعت رجلها .. واخذت بيدها تفاحه ... " فطوم .. خذي فاكهه ؟! "
فطوم "بدون ما تطالع فيها ":.. الحمدلله ..
لمياء :.. انتي ماتعشيتي ..
فطوم :.. عادي مو جيعانه ...
لمياء :.. براحتك ...."تاكل التفاحه .."...الا اقول تدري ان بعد بكرة زواج روضه ...
فطوم "لفت عليها ":... روضه بنت عمتك ..؟! ..على مين ..؟!
لمياء :.. على واحد ارمل وعنده بنت صغيرة ..
فطوم :.. يعني وافقت عليه ..؟!
لمياء "بفرح":..ايه اليوم كانت شوفتهم .. وماشاء الله ارتاحوا لبعض .. ربي يسعدهم ...
فطوم " تمثل الفرحه ":.. الله يهنيها ... روضه طيبه وتستاهل كل خير ..
دخل سند من باب الفله .. بعد ما فتح بالمفتاح .. وابتسم لما شافهم جالسات مع بعض .. وبوجه بشوش .." مساء الخير "...
فطوم , لمياء :.. مساء النور ...
سند "قرب منهم وجلس":... ما شاء الله اخيرا .. جالسات مع بعض ...
لمياء "تأشر له بمعنى لا تعلق عشان فطوم .. وغيرت الموضوع ":... حبيبي كيف كانت طلعتك ...؟!
سند :.. والله بسطه اخيرا اكلت شي يسمى اكل .."غمز لها"...
لمياء "ضحكت":.. بالعافيه ... مين كان معاك ..؟!
فطوم "طالعت في اخوها ":....
سند "انتبه لها":.. بس بتال ...
فطوم .." وقفت ":....انا رايحه انام ...
سند "يطالعها":..تعالي وين رايحه اسهري معانا شوي ...
فطوم "وهي طالعه الدرج ":.. دايخه نوم ... تصبحون على خير ..
سند "لف على لمياء":... تعشيتوا ..؟!
لمياء :.. انا مثل ما انت عارف ما اقدر أشم ريحة الأكل وأخذت فاكهه بس ..اما فطوم حاولت فيها تسوي لها عشاء او تطلب من برا ما رضيت ... تقول مو جوعانه ...
سند "بحزن":..حالها مو عاجبني ...
لمياء :.. حبيبي كلم يزيد وافهم منه .. حرام والله البنت صارت هيكل عظمي ..
سند "بضيق":.. ايش اقول له وانا مو عارف ايش اللي بينهم .. ما بيدي شي الا اني اصبر وأشوف ايش نهايتهم ...
لمياء "جلست ونزلت رجلها ":.. ماعليك ان شاء الله بيرجعوا افصل من أول .. "طالعت فيه" .. تحب اسوي لك شي ..
سند "ابتسم":.. كوب شاي لو سمحتي ..
لمياء "ابتسمت":..من عيوني الثنتين ...
سند "عض على شفايفه .. وقرب منها وباسمها في خدها ":...اه ..... تسلمي... يا ...عم ري
لمياء "...بعدته عنها ":... سند قلت لك لا تقرب فيك ريحه .." ...... وراحت تركض لدورة المياه وهي ماسكه على فمها...ترجع ...
سند ".. طالع فيها بعصبيه ..": .. طيب ..طيب يا ولدي تبغى تحرمني من زوجتي هاه .. خلني بس أشوفك.."ضم خداديه على صدره " ...أخ بس .. ما باليد حليه ..
.......................................
تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
.......................................
... في الصباح يوم الاثنين ....
في مكتب ممدوح ... يتصل عليه السكرتير .." أستاذ ممدوح .. عندي شخص يبغى يقابلك ضروري؟! "
ممدوح "رفع السماعه ":.. خالد انا قلت لك اليوم مو مطول عندي شغل برا المكتب .. حوله على مكتب ابو فيصل ..
خالد :.. أستاذ يقول يعرفك .. ومصر يشوفك .. "سكت شوي".. أستاذ يقول اسمه بتال ...
ممدوح "أنصدم":.. بتال ... !!!... طيب... خليه يدخل ...
قفل السماعه وهو مصدوم ايش بيجيب بتال عنده اليوم بالذات .. لايكون سمع عن خطوبته من روضه والا ....قطع عليه تفكيره ..دخول بتال عليه بوجه مبتسم .."صباح الخير "..مد يده للمصافحه ..
ممدوح "وقف له ": ..صباح النور ... حياك الله .."صافحه "...تفضل ..
بتال "جلس":.. اعتذر اني اصريت ادخل عندك بالذات .. بس انا من ثقتي فيك والله ... وعشان لا اطول عليك ..بدخل بالموضوع على طول ..
ممدوح "بترقب":.. خير يا بتال ..
بتال :.. كنت ابغى اعرف أمور قانونيه اقدر فيه لو فيه مجال ارجع زوجتي ..
ممدوح :.. أ .. زوجتك بنت ابو يزيد .. اذا مو غلطان ..؟!
بتال :.. لا مو غلطان ... بس ... بصراحه اقصد طليقتي ... بنت أخت ابو راكان ..
ممدوح "فتح عينه فيه .. باستغراب ":...
بتال "نزل راسه ":.. ادري مستغرب .. بس والله من كثر ما افكر فيها ما اقدر أنام ..."طالع فيه بوجهه حزين ".. اكتشفت اني ما اقدر أعيش من دونها .. هي مو بس تمثل لي الماضي ... حتى الحاضر .. من لما شفتها في اليوم اللي رجعت فيه من كندا .. وانا حياتي مقلوبه فوق تحت ..
ممدوح "يلعب بالمقلم بتوتر": .. هل انت طلقتها غصب عنك ..؟!
بتال :.. انا عن نفسي ما كان ودي اطلقها بس. . فيه أمور لعبت بشكل كبير في اتخاذي للقرار .. "بترجي ".. تكفى شف لي مخرج او حجه او أي شي اقدر أرجعها لذمتي ..
ممدوح "ضيق عينه عليه ":.. انا ما ادري انت جاي تقول لي هالكلام تختبر غيرتي عليها او ايش قصدك بالضبط .. الصراحه مدري ...!!
بتال "باستغراب":.. انا طلبت استشاره ...!!
ممدوح :.... أتوقع انك تأخرت .. وتأخرت كثير ...
بتال :.. ليه ..؟!
ممدوح "تكى على المكتب ":.. بكره زواج روضه ..
بتال :... نعم ..!! .. وبتتزوج مين ..؟!
ممدوح :.. انا ...
بتال "يحاول يركز ":..انت..؟!!!!...
ممدوح :.. تشرفنا بحضورك بكرة الساعه 8 في فلة ابو راكان ...
بتال ... وقف بهدوء وهو يحاول يركز في اللي سمعه ... نزل راسه لدقيقه بالارض قبض على كفوفه بقوه .. طالع في ممدوح بقهر .. وسحب نفسه وخرج مندفع من مكتبه ... إلى سيارته ....
........................................
في شركة ابو يزيد ...
يزيد .. على مكتبه .. حاط رجل على رجل ويلف فيه يمين ويسار .. وهو ماسك جواله بيده .. ويطالعه ... تذكر مكالمات فطوم له اول ما يوصل الشركه تطمن عليه انه وصل بالسلامه ... وبين كل فترة ترسل له رسايل حب و وله وغرام .. تذكر كيف كان يفرح فيها وينبسط ويتمنى يرجع البيت عشان يشوفها ... اشتاق لهالاحساس الحلو .. غمض عينه بحزن .. " .. يعني معقول كانت تمثل علي الاهتمام والحب وعندها غيري .. اه ... والله عقلي ملخبط .. "
السكرتير ريان .. دق الباب ودخل .."أستاذ يزيد .. "
يزيد "عدل جلسته":.. نعم ريان ..؟!
ريان "قرب منه ":.. سامي وصل ..
يزيد "وقف":... دخله بسرعه ..
ريان :.. هو في مواقف سيارات الشركه.. وبيطلع بعد شوي .. يبغى بس يطمن ان مافيه احد عندك .. وبيدخل لك بسرعه ويطلع ..
يزيد :.. اوكي مو مشكله ..دخله على طوول ..
ريان :.. طيب ... "وطلع جلس بمكتبه "
يزيد ... جلس وهو يحرك اصابعه على المكتب ... لحد ما وقف على فتحة الباب ... ودخل منها سامي ..
( سامي ..لابس ثوب ابيض مع كاب جينز مع نظاره شمسيه وسكسوكه ثقيله ... )
يزيد "ابتسم":.. يا هلا سامي ..
سامي :.. كيفك يزيد ..؟!
يزيد :.. الحمدلله ..."اشر له"..اجلس ...
سامي "جلس":..عطني التفاصيل اللي ماقدرت تقولها في الجوال ..؟!
يزيد :.. فيه ازعاج على رقم .. وابغى اعرف مين هو ؟!
سامي "ضحك":.. بس ..!!! ..توقعت شي اكبر ..
يزيد "بتردد":.. الازعاج على جوال زوجتي ..
سامي :.. اها ... "وقف".. الرقم بمسج على جوالي ... اوكي ..
يزيد "وقف معاه ":.. برسله.. بس ياليت بسرعه تطلع لي كل شي عن صاحب الرقم .. بس .."وبتحذير"... ما يطلع الموضوع لاي احد ...انت عارف سمعتنا بالسوق مهمه ..
سامي "هز راسه ":... لا تخاف .. يالله عن اذنك ...
يزيد ..مع السلامه ...
خرج ..سامي من المكتب بنفس الهدوء اللي دخل فيه .. وترك في يزيد عواصف تدور بداخله .. ماراح تهدا حتى يعرف كل شي ..
............................................
بتال بسيارته ... وكل شوي يضرب على الدركسون بقهر وهو عاض على شفايفه ... كل ماتذكر كلامه وملامحه ... يسمع جواله يرن بجيب ثوبه ومطنش ... مو قادر يتكلم ولا يوقف السيارة ولا يشوف الجوال ... وبس وقف عند اشارة مرور ... ويسمع جواله ما وقف رن ... طلعت من جيبه وهو معصب ... خاصه بعد ما شاف الاسم .. "..نعم..؟!! "
سند :.. بتال وينك لي ساعه ادق ... ليه ماترد ...
بتال "بزعل":..ايش بغيت ...؟!
سند :.. كنت بقول لك لا تروح عند ممدوح .. لان ..
بتال "بقهر":.. لان الاستاذ ممدوح بيتزوج روضه ..
سند :..مين قال لك ..؟!
بتال :.. حضرته قال لي ..
سند :.. رحت مكتبه ...
بتال :.. يا ليتني نمت ولا صحيت ولا اني راحت له ...
سند "بربكه":..بتال والله ما عرفت الا قبل شوي من زوجتي .. وعلى طول دقيت عليك ...
بتال "بتريقه ":.. بدري ..
سند :.. مو مصدقني يعني ..
بتال "بزعل":..ما ادري اصدق مين والا مين ... خلاص بقفل الحين .. الطريق زحمة وانا مو ناقص تشويش ..."وقفل"
سند .. قفل منه .. وجلس على الاريكه بغرفة نومه وهو زعلان .. ويقلب الجوال بيده ...لمياء على السرير وتطالعه بندم ..." سند ..والله كنت بقول لك امس بس نسيت .. انا قلت لفطوم "..
سند :.. حطيتيني بموقف بايخ معاه .. الرجال مسكين راح له .. والظاهر أنصدم لما عرف منه ..
لمياء "وبزعل" :.. وبتال توه يصحى يعني و يدور محامي ..
سند "لف عليها .. وبصوت رافع ":.. الله يخليك اسكتي ... مو ناقصك ...
لمياء "نزلت دموعها ":... مو ذنبي طيب ... تصارخ علي...
سند :..... ياربي برضه بكاء ودموع ... يعني ما اقدر لا أعارض ولا ارفض .."تنفس بزعل"... يا ستي انا اللي دليته على الرجال والذنب ذنبي انتي مالك ذنب ... ارتحتي ...
لمياء :... طيب غصب عني ابكي ...
سند :... خلاص براحتك ..."وقف".. انا رايح البس تأخرت على الشركه ....
لمياء ... تمسح دموعها ... اللي مو راضيه توقف ... صارت حساسه بسبب الحمل .. أي شي يبكيها .. وسند مره يهديها ومره يمل منها ومن كثره تقلبات المزاج عندها ... ولكن حماسه يصير اب متحملها .. وخاصة انها الوحيده من بين العرايس اللي تنتظر مولود ...
.......................................................................
في فلة ابو يزيد ...
هويدا ... تكلم ممدوح بعد تردد ... " ... ممدوح ... عندي موضوع ابغى اكلمك فيه "
ممدوح :.. تكلمي طيب ... اسمعك ...
هويدا :.. لا ما ينفع على التلفون ... لازم اقابلك وجها لوجه ...
ممدوح "باستغراب ":... وين ؟!
هويدا :.. بمكتبك ... الساعه 5 العصر مناسب ..؟!
ممدوح "بربكه": ..هاه ... لا ..انا مشغول الصراحه ومو بالمكتب ..
هويدا :.. طيب ..والحل ... تيجي البيت عندنا ...
ممدوح :.. وين اجي ... هويدا .. اسمعي فيه شي قولي الحين ... ترا والله مو فاضي ...
هويدا "بحزن":.. اذا مو فاضي لا تشغل نفسك فيني .. باي ...
"... قفلت السماعه .. وضمت رجلها وبكت ..."... ياربي ... مين اكلم ... مين بينقذني ... نزلت راسها على ركبتها ... ورفعته .. بعد ما رن جوالها .... ردت ببرود ..." نعم ؟! "
ممدوح :.. ليه قفلتي الخط ...؟!
هويدا :.. لانك مشغول ... "وبكت"...
ممدوح :..هويدا ... هويدا ...
هويدا :..اممم...
ممدوح :.. الموضوع مهم ويستاهل اننا نتقابل ...؟!
هويدا :.. حياتي كلها بهالموضوع ...
ممدوح :.. طيب اسمعي ... انا بحاول افضي نفسي بعد المغرب وأمرك البيت ...
هويدا "بفرح":... ونطلع مع بعض ...
ممدوح :.. لا وين نطلع ... رتبي جلسه بالحديقه .. واهم شي ...
هويدا :.. وشو ..
ممدوح :.. ياليت تلبسي عبايتك ...
هويدا "ضحكت .. وبدلع ":.. لازم يعني ...
ممدوح "ارتبك":...هويدا ... أبطل اجل ...
هويدا :.. لا لا خلاص ... ان شاء الله ...
ممدوح :.. ولازم طبعا أبوك وأخوك يكون عندهم خبر ...
هويدا "بخوف":.. بس الموضوع عن تركي ...
ممدوح :.. فيه جديد ...؟!
هويدا :.. ايه ..
ممدوح :.. اكلم ابوك استأذن منه ..؟!
هويدا :..خلاص اترك بابا واخوي الحين ... انا بتصرف ..
ممدوح :.. طيب ... مع السلامه ...
.......................................
بتال .. لف بالشوارع لحد ما تعب .. وقف ولقي نفسه .. في حيهم القديم .. وأمام عمارتهم .. اللي ضمت طفولتهم وذكرياتهم هو و روضه .. تمنى ينزل ويدخل شقته بس للأسف باع الشقه لابو محمد وزوج ولده فيها ... تذكر شقة أم روضه ... وتذكر ان اخر مره قفل الباب واخذ المفتاح معاه ... فتح درج السيارة .. وحصل حلقة مفاتيح روضه .. ابتسم ... اخذها بحماس ... ونزل من السيارة .. طلع الدرج ..درجه درجه وهو حافظ مربعات الارضيه وعيوبها مثل اسمه ماتغيرت من يوم هو صغير ... تمنى انه ما يقابل احد ... وفعلا وصل لشقة ام روضه ..ومحد انتبه له ...
فتح الباب .. ودخل الشقه .. طالع بالارض ..خطوات روضه وكفرات شنطتها قبل أسبوعين .. واضحه .. بسبب الغبار الكثير في الشقه .. صار يتبع خطواتها للصاله مرورا بغرفتها وغرفة امها ... كل شي مثل ماهو ... عدا السكون والوحشه ...
جلس على احدى كنبات الصاله .. غمض عينه و أرخى جسمه .. واخذ نفس قوي عبى رئته ... وطلعه براحه وهدوء .. فتح عينه وابتسم حس بارتياح ونظافه المكان بالرغم انه كله غبار واتربه .. ولكن نظافة قلوب من سكنوا فيها .. عسكت على جدرانها وزواياها الراحه والسكينه .. عكس شقته الجديده كله ذكريات ماساويه ... ما يحب كثير يتذكرها ...
زمن به للطفولة في خيالي ذكريات اكثار
يا ليته ترجع الايام لوقت راح واحبه
ولكن ما مضى هيهات يرجع والزمن دوار
يروح الوقت مع ناسه ويبقى ربي وربه
..................................
بعد المغرب ... في فلة ابو يزيد ...
لبست هويدا عبايه مفتوحه من قدام بربطه شريطه من الصدر .. ولابسه من تحت فستان تل ليموني ماسك لنص الفخذ مع شراب اسود .. وكعب اسود ...رفعت شعرها بف وثبت الطرحه بشكل مرتب مع وضوح اغلب شعرها تقريبا ... ومكياج خفيف .. زادها نعومه ودلع ..
نزلت الحديقه ... ضبطت الجلسه قريب من المسبح .. كرسيين متقابله مع طاوله بالنص .. والشغاله جهزت كاسين عصير كوكتيل .. ابتسمت هويدا .. وهي تفكر في ممدوح .. وجلستهم مع بعض ... سمعت صوت سيارة ... توقف قريب من باب الفله ... طالعت بالساعه ... وعدلت شكلها ... وفتحت البوابه بنفسها ... وهي تطالعه بابتسامه تدوخ ..." ياهلا "
ممدوح "نزل راسه وهو يدخل":..تسلمي ...
هويدا "تأشر على الجلسه ":.. تفضل هناك ...
ممدوح "مشى على طول للجلسه ... وجلس على الكرسي .. وابتسم لها ":.. مكان حلو ...
هويدا "بدلع":..تحلى أيامك ..."جلست وانفتحت العبايه .. ووضح لبسها "..
ممدوح "بعد نظرة عن لبسها ...و بربكه .. طالعها ":.. ندخل بالموضوع على طول .. ايش صار مع تركي ...؟!
هويدا ".. تغير وجهها ":... انا ..
ممدوح :.. انتي ايش ...؟!... كلمتيه ...؟!
هويدا "هزت راسها ... بخوف ":.. ايه ...
ممدوح :.. وايش طلب منك هالمره ...اكيد فلوس او تطلعي معاه ..
هويدا "بخوف":.. ايش عرفك ... احد مراقب جواله جد ...؟!
ممدوح :..لا بس .. واضح من عيونك وخوفك ..انا محامي والا نسيتي ... قراءة الوجه مهمه في شغلتنا ... المهم ... قولي بالتفصلي ...
هويدا .."نزلت راسها"..:..فعلا طلب مني فلوس واني اطلع معاه ... وانا متردده ...و ...
ممدوح :.. ارفضي ... بكل سهوله ... وما يقدر يسوي لك شي ..
هويدا :.. ما اقدر ... بيفضحني ...
ممدوح "ميل راسه":...انتي ليه خايفه منه كذا ... قولي الصدق و ريحيني ... خليني اعرف احل الموضوع من دون شوشرة ...
هويدا "تعدل طرحتها .. بتوتر":... انا .. انا طلبت منه خدمه ..وهو ... وهو طلب مقابل .. وبس ...
ممدوح"قطب حواجبه ":.. ايش الخدمه...؟!
هويدا "سكتت بتوتر":..
ممدوح "بزعل ":... انتي من الأول مو صادقه معاي .. وانا ما اقدر أساعد احد مو واثق فيني .. لاني ما احب ادخل في قضيه ولا اكسبها .. فاعذريني .. "وقف ".. دوري لغيري ..
هويدا .."طالعته بضيق":... طيب... بقول لك ... بس لا تطلع .. " .. حكت جبهتها .. وباستسلام ...":... بنت كانت مضايقتني .. وطلبت منه .. وطلبت منه...انه ... انه يزعجها ...
ممدوح "جلس":... ومقابل هذي الخدمه .. تطلعي معاه ..
هويدا "بحرج":..ايه ..
.... والنقاش زاد حراره مع اعترافات هويدا لممدوح باللي بينها وبين تركي ..وفتح الملفات وفضح المستور ...بين ودموعها اللي طفت حقدها ... وإحراجها من نظرة ممدوح لها .. ولكن تمسكت باخر قشه ممكن تنقذها من الفضيحه ....
وما كان ناقصها الا .. وصول يزيد للفله بهالوقت الحساس ... و وقوفه متعجب من جلستهم مع بعض .. وداخل حديقه الفله بعد .. قرب منهم وهو يحاول يلقط كلامهم أو يفهم نقاشهم اللي واضح انه مهم ..من شكل هويدا ..و ارتفاع صوت ممدوح .. وعلامه استفاهم كبيره امام يزيد ..." ايش صاير ..؟! "
هويدا "وقفت بسرعه ... وهي تمسح دموعها ":... يزيد ..؟!
ممدوح "وقف وطالع فيه .. ببرود ": ... هلا يزيد ...
يزيد "يقرب منهم أكثر .."...:... شسالفه ... ايش عندكم ..جالسين هنا لوحدكم ..و..... وين ابوي ...؟!..
ممدوح "طالع في هويدا بشك ":... انتي ما قلتي لهم اني بقابلك هنا ؟!
هويدا "بربكه":.. ما ... ما لقيتهم .. ما كان فيه وقت ...
ممدوح "بنظرات زعل":... المفروض ما اثق فيك ... وانا اكلمهم بنفسي ...
يزيد :.. ممدوح خير... ايش تقول لنا ...
ممدوح :.. يزيد ... انا اعتذر انها ماعطتكم خبر.. بس احنا مانسوي شي غلط .. هي كانت حابه تستشيرني بموضوع مهم ...
يزيد :.. أي موضوع ....
ممدوح :.. يزيد ..انت عاقل وراح تفهم الموضوع .. لان وجودك مهم .. اننا ننقذ هويدا ...
هويدا ".. طالعت في ممدوح بخوف .. ":...ممدوح ...!!
ممدوح "طالع في هويدا ":... لوحدي ما اقدر اسوي شي ...لازم اخوك يعرف عشان يساعدنا ...
يزيد "بقلق":...ايش اعرف ..
ممدوح :.. طيب اجلس عشان افهمك ...
يزيد :.. شكرا ..مرتاح كذا ... قول لي ايش الموضوع ..."ينقل بصرة بين ممدوح وبين هويدا"...
ممدوح .. بدأ يفهم يزيد الموضوع بشكل مفصل ... و هويدا بدأت تمشي بخطوات صغيرة وبخوف وتتخبى خلف ممدوح .. وهي تبعد نظرها عن نظرات يزيد اللي يطالعها والشرر يتطاير من عينه .. وهو واقف بشكل مايل ويسمع لممدوح بدون ما يقاطعه ... وما انتهى من كلامه ... " و ياليت توقف معاها بدون ف ض اي ح "..
............... إلا يزيد ... هجم على هويدا بكل غضب وقهر ... ومد يده عليها ... " والله يبغالك تربيه ...من أول وجديد ... يا قليلة الأدب ... "
وهويدا "تصارخ ... ومتخبيه خلف ممدوح ":....... لا ... لا ... اي...
ممدوح .."بينهم .. يبعد يزيد عن هويدا ":... يزيد اهدأ... تعوذ من الشيطان ... خلاص عرفت غلطها ...
يزيد "وعيونه حمر من كثر الغضب":.. قسم بالله لأربيك ... يالخسيسه ...
هويدا "ضمت ممدوح من ورا وهي مغطيه راسها بظهره":... تكفى بعده عني .... لا يضربني ... بعده تكفى ..ممدووووح ... اي ...
ممدوح "انحرج من حركتها ... ومن أخوها .. ويحاول يبعدها عنه .. اخر شي مسك يدها اللي محوطه خصره ... وسحبها بعيد عن يزيد ...وهو ماسك يزيد بيده الثانيه .. ويصارخ عليها ":.. ادخلي .... بسرعه ..لغرفتك ....
ركضت هويدا ... لغرفتها ... وهي تسمع توعد وتهديد يزيد لها ... ومحاولته ألحاق فيها ...بس ممدوح مسكه من اكتافه بقوه ... وهو مصدوم من اللي صار قدامه ... " يزيد أعقل ... الله يهديك ... مو كذا يا رجال "...
يزيد "يصارخ":... كيف اعقل ...انت عارف ايش سوت ..هذي وطت سمعتنا بالأرض ...وين بتروحين مني يا هويدا ...
ممدوح :.. طفله ماتدري ايش سوت ..ماتفكر بالعواقب ... اعذرها ..
يزيد "هدي شوي":.. وين طفله ... ترا هي متزوجه ...
ممدوح :... غلطكم تزوجونها ... توها دخلت ال 17 ... ومو فاهمه الحياه .. التمس لها عذر ..
يزيد :.. عذر .. عذر ... صدقني العمر ماله دخل ... الا التربيه ...
ممدوح "يعدل الكراسي اللي طاحت ":...طيب .. ممكن تجلس ...
يزيد "جلس بضيق":....
ممدوح "جلس":.. اسمع ... الوالد تكفى لا يعرف ...
يزيد :.. لو عرف راح فيها ...
ممدوح :... اجل اهدأ ... وخلينا نتكلم ... البنت غلطت وانتهى ... الصراخ والزعل ..ماراح يفيد ... لازم نتساعد ونوقف تركي عند حده ...
يزيد "رفع حواجبه بقهر":... تركي خويها ..هاه .. ابغى كل شي عنه ..وانا بتصرف ..
ممدوح :.. كيف بتتصرف ..؟!.. يزيد انا مسوي خطه ..ل...
يزيد "قاطعه ":.. الخطه انا اللي بسويها ... وتركي هذا اعرف اتعامل معاه .. "وقف"... عن اذنك ... "ومشى لداخل الفله"...
ممدوح ... ماقدر يقنع يزيد اللي تركه لوحده بالحديقه ... ففضل يطلع ويخلص باقي أشغاله لترتيبات زواجه بكرة ..
...............................
تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
...............................
يزيد .. دخل الفله .. وهو يفكر كيف يوصل لتركي .. وقابل الشغاله ترتب الصاله .. وتطالعه بخوف .. وواضح عليها انها سمعت اللي صار في الحديقه ... طالعها ببرود .." ناني .. وين بابا ؟! "
ناني :.. بابا .. طلع ... مستشفى ..مع سواق ..
يزيد "يهز راسه":.. ايييه صح... مراجعته اليوم ...
تركها وطلع من الدرج ... وقبل يدخل لجناحه ... طالع في باب غرفة هويدا .. هز راسها بأسف وباحتقار .. وفتح الباب ودخل ... ومر من صالة جناحه الى غرفة النوم ...
جلس بتوتر .. بس ماقدر وقف ..وهو مقهور ... من اخته واللي صار لها ... فتح ازرار ثوبه بضيق .. وفصخه ... ودخل على دورة المياة ياخذ له دوش .. يمكن المويه تطفي النار اللي مشتعله داخله ...
...............................
هويدا ... بغرفتها ... تترقب ايش بيصير فيها .. وهي تطالع في باب غرفتها اللي كل شوي تحس انه راح يدخل عليها يزيد وهو في قمة غضبه ... لحد ما رن جوالها ... وقفزت بخوف .. مدت يدها وهي ترجف تطالع الشاشه .... وبسرعه فتحت الخط ..." ممدوح .. ايش قال لك يزيد "
ممدوح :.. والله معصب مرره ...
هويدا "بزعل":.. ليتك ماقلت له ... شفت كيف عصب ...
ممدوح :.. اصلا انا ما اقدر اسوي شي الا يكون معاي ...بس هو سبقني وعرف بوقت غلط ...معليه بيهدا ... هو كلمك ..؟!
هويدا ..:..لا .. ولا حتي دق على الباب ...
ممدوح :.. اليوم نصيحه لا تطلعي من الغرفه .. و لا تتقابلي معاه ..لحد ما يتكلم معاك ... لانه يقول هو بيتصرف ..
هويدا "حطت يدها على فمها ":.. يا ويلي ....
ممدوح :... اطمني .. اخوك بس معصب منك اليوم .. اذا سالك عن أي شي عن تركي ..قولي ولا تخافين .. ماشي ؟!
هويدا "باستسلام":.. طيب ... "وبدلع".. مشكووور ممدووح .. على وقفتك معاي ...
ممدوح " بربكه":.... ما ... ماسويت إلا واجبي ... يالله انا مشغول .. اكلمك وقت ثاني اطمن عليك ...مع السلامه ...
قفل ممدوح الخط ... وهو ماسك على ثوبه اللي كان لابسه ... و يطالع في في بقايا مكياج هويدا على ظهر الثوب .. رفع عينه وهو يتذكر كيف كانت حاضنته بقوه ... خفق قلبه .. ومسح على وجهه .. ... لانه مو متذكر متى اخر مره ..عاش هو وام لبنى مثل أي زوجين ..بسبب تعبها مدة 3 سنوات .. طرد الفكرة من باله .. وهو متحمس لزواجه بكره .. رمى ثوبه مع الملابس المتراكمه على جنب وجمعها في صندوق الغسيل .. وطلعه لبرا الغرفه ... رجع الغرفه وهو يطالع في التسريحه وبالتحديد صور زواجه هو وام لبنى... اخذها .. وطالع فيها وهو يتذكر يوم زواجه ... وبسرعه قلب الصورة لتحت وبعد طيفها عن باله .. اخذ نفس .. وحب يتذكر شي يونسه .. تذكر شوفته بروضه .. ولكن هناك جزء منه تذكر غصب عنه هويدا بكل تفاصيلها وكلامها ودلعها ...
...................................
يزيد طلع من الحمام لاف المنشفه على وسطه ... وعقله ما وقف تفكير في هويدا ..حس ببرد .. مشى لعند التكييف وقفله ... وجلس على السرير وحط راسه على المخده ... ولف يطالع في مكان فطوم .. وتذكر كلامها وتنبيهها له ... طلع صح .. حس بضيق لانه بس ما صدقها .. سحب مخدتها لحضنه وضمها بقوه وهو يشم بقايا عطرها على المخده .. وهو في هدوء .. سمع صوت انتهاء البطاريه من جواله .. طنشه ..بس استغرب لما حس انه خلاص راح يقفل ..مع انه متأكد ان الشحن كامل ....
جلس بكسل وسحب الجوال ... استغرب انه ما انتهى ... رفع راسه لما سمع ان الصوت لسى مستمر بس مو من جواله ... وقف ومشى لعند كمدينة فطوم ... وسحب الدرج ... وحصل جوالها فيه .. تفاجأة وهو يقلبه مو مصدق ... توقع أنها أخذت الشريحه وتركت الجوال بس طلعت الشريحه موجوده .. وحتى فيه مكالمات ومسجات .. بسرعه وقف ولمح الشاحن على التسريحه ... شحنه قبل لا يقفل ... وهو مستغرب ليه تركته .. " معقول له ثلاث ايام .. ما انتبهت انه هنا..!! "...فتح الجوال بسرعه على المكالمات ... حصل مكالمات لم يرد عليها ...من سند .. ومن الرقم الغريب المزعج .. فتح الرسائل .. كلها مسجات حب ... الا رساله تفاجأ فيها وقراها اكثر من مره ....
( حبيبتي فطوم .. ماقدرت ارجع اتصل عليك خلص الرصيد..بس لعيونك بنسهر اليوم على طلبك .. مثل امس والايام اللي راحت .. )...
يزيد .. يشوف تاريخ المسج ... هذا امس .. كيف كلمها والجوال هنا ... "حك راسه ".. الظاهر السالفه انفهمت الحين ... رفع عينه وغمضها بقوه .. وبزعل ..." البنت اللي دمرتيها يا هويدا ..للاسف عرفتها " ..
............................................
على الساعه 12 الليل ...
وصل راكان غرفة الفندق ومعاه كاميليا .. تبعهم العامل حامل شنطهم واغراضهم .. حاسبه وقفل الباب .. لف على كاميليا اللي جلست على واحد من الكرسيين القريبه من البلكونة .. وهي تتأمل المنظر من خلف القزاز ... ابتسم لها راكان وقرب من وراها وانحنى عليها وضمها من كتوفها .. " حبيبتي .. في ايش سرحانه "
كاميليا "رفعت يدها لذراعة وميلت راسها عليه ":... في كل شي ... في ديرتنا وفيك وفي النونو وفي حالتنا ..
راكان :.. لا تتعبين نفسك بالتفكير ... "مسكها بيدها ووقفها بهدوء".. تعالي ارتاحي على السرير .. ورفعي رجلك .. جلستي بمافيه الكفايه بالطيارة ...
كاميليا :.. تصدق ما حسيت بتعب ..
راكان :.. لان بالك مشغول بغيرك ... فكري بنفسك وبولدنا ...
كاميليا "جلست على السرير .. وبتردد":... راكان .. انت نفسك بولد؟!
راكان "باستغراب":.. كيف .. ؟!
كاميليا :.. يعني انت ما تبغى بنت ... نفسك بولد ؟!...
راكان:.. لاني قلت لك ولدنا ... "جلس جنبها"... انا اقصد البيبي سواء ولد او بنت .. "ضحك" .. ترا تفكيري مو متحجر ..
كاميليا :.. تتكلم جد ...
راكان :.. ماهمني ولد والا بنت اهم شي يكون سليم ومعافا ..
"مسك رجلها ورفعها ".. ارتاحي الحين واتركي التفكير عنك ...
كاميليا ... سمعت كلام راكان .. وبس ارتاحت ومددت جسمها على السرير .. راحت في نومه طويله على طول ..
.......................................
في فلة ابو راكان ...
روضه .. في غرفتها ... وحاطه قناع على وجهها .. مسترخيه على السرير .. ومقفله عينها بحلقتين خيار ... وبدات تحس ان باب الغرفه فتح .. وقفل .. وهي تسمع بتركيز ..." مين ..؟!.. خالتي ؟!.. والا ... "
:... بووووه ...
روضه " .. جلست بخوف .. ": .. بسم الله ..
لمياء "فاطسه ضحك ":...
روضه "ماسكه على قلبها ":.. والله فجعتيني .. "تطالع في شريحتين الخيار على ملابسها ".. كذا خربتي علي روقاني ..
لمياء "تضحك":.. اصلا شوفي شكلك القناع تكسر على وجهك ...
روضه "وهي توقف رايحه للحمام ":.. كله منك لاني فتحت فمي ..
لمياء ..".. جلست على السرير بحماس .. وهي تطالع فيها وهي تغسل وجهها ":.. ما قلتي لي ... كل شي جاهز .. وانتي مخلصه والا تبغي مساعده ..؟!
روضه "تمسح وجهها بالمنشفه ":.. الله يسعدك... مخلصه كل شي .. "وتاشر على شنطه كبيره ".. وهذي شنطتي جاهزة ...
لمياء :.. ايش شريتي ..كلوو كلوو...
روضه "جلست جنبها ":.. اشيائي المهمه في هالاسبوع .. لانه يقول بنشتري مع بعض باقي الأغراض اللي ناقصتني ...
لمياء "بمكر":.. وقميص اول ليله وينه ..؟!
روضه "طالعتها باحراج ":.. هو بس ثلاث شريتها ... ومحتارة بينها ...
لمياء :.. باس ... انتي عروس .. لو كثرتي عشان تبدلي وتغيري ..
روضه "بحيره":.. تدرين ان عنده بنت يعني معقول بيكون عندي وقت البس كذا ..
لمياء :.. ايش المانع .. وبعدين بنته مو صغيرة اربع سنوات يعني تقدر تنام لوحدها ..
روضه :.. يوم الشوفه يقول بتنازل عن حقوقي عشان بنتي .. اهم شي هي ..
لمياء :.. لا تصدقين .. ترا الرجال ضعاف قدام البنات ...
روضه :..ما علينا .. انتي قولي لي ..غريبه جيتي بهالوقت ...؟!
لمياء :.. والله بالقوه رضي سند .. بس لما قلت ان اخر ليله لك ببيت اهلي وودي اجلس معاك .. وافق ..
روضه "ابتسمت ":.. يا قلبي يا لمو ...
لمياء :.. الا هو من الصباح زعلان مني .. وكله عشانك ...
روضه :..ليه وش سويت لك ...؟!
لمياء :.. نسيت اقول له ان ممدوح خطبك .. و ..قال ل بت ال ..."وسكتت"...
روضه :.. و ...ايش ..؟!
لمياء "بتردد":.. ولا شي بس .. يعني عشان الدوام ... تعرفي الشركات ...ما..
روضه :.. انتي قلتي بتال .. كملي .. عادي ترا ...
لمياء "بحرج":... ياربي يا روضه هذي ليلة زواجك ..ما ودي ازعلك ..
روضه :.. ايش صار ؟! .. جالسين نسولف ..
لمياء :.. اممم ... اعطى بتال عنوان ممدوح و راح له المكتب و بتال ما كان يعرف انك انخطبتي ...
روضه :.. وليه يبغى محامي ...؟!... بتال صار له شي ؟!
لمياء "بتردد":..امم ... كان ... كان يبغى يشوف اذا يقدر يرجعك ..
روضه "بلعت ريقها بصعوبه ":.. وايش قال له ممدوح ..؟!
لمياء :.. الظاهر انصدم لما قال له .. و زعلان من سند لانه ما خبره وسند حلف له ان ماعنده خبر .. وفعلا انا صرت نسايه مع الحمل ...
روضه "سرحت بضيق":...
لمياء "بندم":..روضه تكفين لا تقلبين وجهك ... ياربي لو دريت ما قلت لك ..
روضه "تتصنع الابتسامه ":... لا عادي .. "وقفت بمرح مصطنع" ... انا بنزل اسوي لي سلطة فواكه .. تحبي تساعديني ...
لمياء :.. لا ..توي طلعت من الدرج وتعبت .."وقفت .. بحماس".. بفتح شنطتك اشوف ملابسك ...
روضه ..:..خذي راحتك ... بس هاه رجعي كل شي مكانه ..
لمياء "مشيت للشنطه بحماس ":.. ماعليك ...
روضه ابتسمت لها ... وطلعت من الغرفه .. وبس قفلت الباب قفلت معاه ابتسامتها من على وجهها .. وغمر الحزن قلبها .. نزلت من الدرج ماشيه للمطبخ .. ونزلت دموعها على خدها وهي تتذكر كلام لمياء ..ان بتال كان يفكر يرجعها ... دخلت المطبخ وفتحت الثلاجه وهي تجمع انواع من الفواكه .. طلعت وقطعتها وهي تبكي .. لحد ما هديت ... غلست وجهها ... وقسمت سلطة الفواكه في صحنين .. مع ملاعق ... أخذت نفس .. وعدلت شعرها ... وطلعت للغرفه وهي راسمه ابتسامه على وجهها ...
دخلت على لمياء .. وهي مازالت تطالع في ملابسها .. بالشنطه ... نزلت الصحنين بالأرض وجلست جنبها عند الشنطه ... " ايش رايك ؟! "
لمياء :.. روووعه .. ما يحتاج .. ذوقك مررا صاير حلو ...
روضه "طالعتها بزعل ":.. صاير هاه .. ترا من أول عندي ذوق بس كيف اشتري ومافيه جسم يساعد ..."عطتها صحنها".. امسكي كلي ...
لمياء "اخذت الصحن واكلت":... تسلم يدك ...
روضه :.. الله يسلمك ..."وبدت تاكل وسرحت"...
لمياء "طالعته بتركيز":.. روضه .. وبدون زعل ..
روضه "طالعتها" :...؟؟؟
لمياء :.. انتي ما نسيتي بتال صح ..
روضه "زفرت بقوه ":.. حتى لو مانسيته ..مافيه شي بيتغير ... ما اقدر ارجع له ..
لمياء :.. طيب ليه توافقي على ممدوح ... ليه ماعطيتي نفسك فرصه تفكري ..
روضه :.. انا كنت مخيره بين راكان وبين ممدوح .. "رفعت كتفها بقلة حيله".. وما كان قدامي الا هو ..
لمياء :.. لها الدرجه ما تبغي راكان ..؟!.. على الاقل مو متزوج ...
روضه :.. لمياء .. تكفين خلاص .."ودمعت عينها".. لو بيدي جلست على ذكرى بتال طول حياتي ..
لمياء :.. روضه ..اي ذكرى معاه ... انتي ماشفتي شي منه شي زين ..
روضه "تمسح دموعها ":... انا كنت اشوف كل شي منه زين .. وراضيه فيه .. كنت راجعه من كندا راسمه في خيالي حياة ثانيه معاه .. وكنت واثقه انه بيتغير معاي للاحسن ... بس .. بس صار اللي ماتوقعته ...
لمياء "ضمتها ":.. خلاص يا روضه ... مسحي دموعك ..."نزلت دموعها".. شفتي كيف بكيتيني معاك ...
روضه "تمسح دموعها ":.. يختي انا ابكي انتي ايش دخلك ...
لمياء "تضحك وتمسح دموعها ":..مشاركه وجدانيه ...
روضه "وقفت":.. اسمعي الساعه قربت على 2 ... لازم انام ... تعالي نامي معاي ..
لمياء "وقفت معاها ":... لا حبيبتي نامي لوحدك عشان لا أزعجك .. واصلا ماصحيت الا المغرب ... فماعندي نوم ..
روضه :.. براحتك ...
لمياء :.. يالله تصبحي على خير ...
روضه ... تمنت لها ليله سعيده ... نامت على سريرها لاخر مره بالتأكيد ... فهالمره زواجها من ممدوح راح يكون ناجح ... انسان فيه كل شي تتمناه افضل البنات .. وهي تحلم باستقرار وزوج يحبها .. فالاثنين محتاجين هالزواج ..
...........................................
في صباح يوم الثلاثاء .....الساعه 10...
صحي يزيد من صوت المنبه مد يده بتعب ومسك الجوال وقفل الصوت .. طالع في الساعه ..وقطب وجهه ... وزفر بكسل ..بعد اللحاف عنه .. وجلس ..طالع جنبه بمكان فطوم .. ابتسم لما تذكر انه تحلم فيها ..
>>>> ريان يتصل بك <<<<<
وبصوت ثقيل .. " ايوا ..ريان ؟! .. جاي .. خليه ينتظرني ان شاء الله نص ساعه واكون بالشركه .. طيب "...قفل منه و.. طالع في جواله .. بعد تفكير ... فتح الرسائل ... وكتب ..
( عطيني اسم تركي بالكامل ورقم جواله واي شي تعرفيه عنه .. ويا ويلك مني لو كذبتي ..بسرعه )
رمى الجوال بزعل لما تذكر سالفتها .. وقف و على دورة المياه يغسل وجهه ... يستعد للدوام ...
.......................................
تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
.......................................
في الصاله وعلى طاولة الطعام كان ابو يزيد وهويدا يفطرون .. بهدوء ومن دون كلام بينهم يذكر ... عدا سؤال ابو يزيد لهويدا اذا تعرف سبب خروج فطوم من البيت .. واجابته بانها ماتدري... على نزول .. يزيد من الدرج ... وارتبكت هويدا وهي تسمع خطواته تقترب من الطاوله ... ابو يزيد بابتسامه .." اشوف المدير متأخر اليوم ..؟! "
يزيد "بابتسامه مصطنعه":.. السموحه يبه ... امس ماقدرت انام .."طالع في هويدا اللي منزله راسها بخوف"... جاني ارق .. لا بارك الله في اللي كان السبب ...
ابو يزيد :.. صاير شي بالشركه ..؟!
يزيد :.. لا لا بس امزح ..
ابو يزيد :.. طيب ليش واقف اجلس افطر ...
يزيد :.. لا يبه مشغول .. بفطر بالشركه ..."طالع في هويدا "... هي انتي ارسلت لك مسج ليه مارديتي علي ..؟!
هويدا "رفعت عينها فيه بخوف":..نعم ..!؟.. مدري ..جوالي بغرفتي ..."وقفت"..الحين بشوفها ..."ركضت للدرج "...
يزيد :.. بسرعه ...وردي مني ..
ابو يزيد "بقلق":.. ايش فيه ؟!
يزيد .". وهو ماشي بيطلع من الفله ."..:.. ولا شي يبه سلامتك .. يالله تاخرت ..مع السلامه ...
ابو يزيد .. يطالع فيه باستغراب ..حس ان بينهم شي ..بس ما اهتم لان احيانا تصير بينهم زعلات ويتصالحون ...
>>>> ابو راكان يتصل بك <<<<
ابتسم .. وبصوت هادي .." ياهلا بابو راكان ... حياك الله ...اكيد ان شاء الله الساعه 7 بنكون عندكم... ربي يتمم لهم بخير... فمان الله ".................
................................
يزيد .. في سيارته .. يطالع في مسج هويدا والمعلومات اللي تعرفها عنه .. انقهر انها ذكرت اسماء اصدقائة وكمان الشقق اللي جمعتهم مع بعض .. والموقع اللي تعرفت عليه .. " ... ياربي يا هالبنت بتجنني .. مره اقول عقلت ومره جسم بلا عقل ... الله يهديك يا هويدا "... على طول اعاده توجيه للرساله وارسلها ... وهو يسوق سيارته بيد ..عين في جواله وعين في الطريق ...وبعد ... عشر دقايق ..
>>>> سامي ..يتصل بك <<<<
يزيد .. ابتسم .. وشغل سماعه البلوتوث بالسيارة ..." هلا سامي "
سامي :.. وصل المسج .. وجاري البحث عنه ..
يزيد :.. تكفى في اقرب وقت .. والموضوع بيننا ..
سامي :.. لا تخاف مو اول مره .. راح نلاقيه خاصة المعلومات صحيحه ..رقمه باسمه .. فكل شي ممتاز ..
يزيد "براحه ":.. اوكي ريحتني كذا..
سامي :.. بس ...!!
يزيد :.. خير ..؟!
سامي :.. الرقم هذا والرقم الاول كلها لنفس الشخص ..!!
يزيد :.. جد ...!!.."بصوت واطي ".. توقعت ...
سامي :..نعم ..؟!!
يزيد :.. لا ولا شي .. تكفى أي جديد كلمني ...
سامي :.. اول مانوصل له .. راح اعطيك خبر ...
يزيد :.. انتظر مكالمه منك اليوم... تبشرني ... مع السلامه ...
وقف يزيد سيارته .. ورفع راسه بتردد .. ومسك جواله .. فتح على اسم سند .. وبعد تردد ..." الو ...سند ؟! "
سند "وهو طالع من الفله .. و الجوال على اذنه ..":.. يزيد ....!!!.. مو مصدق ... اخيرا ...!!!
يزيد "بحرج":.. سند انا اسف ماكنت ارد على مكالماتك بس ..
سند "خرج من الباب الرئيسي للفله .. ":.. ليه كلمت .."قرب من سيارته ... ووقف يطالع في السيارة اللي واقفه ورى سيارته .. نزل الجوال من إذنه "... انت هنا ...؟!!!!
يزيد "قفل الجوال وحطه في جيبه .. ونزل من السيارة .. قرب من سند اللي واقف مكانه ماتحرك .. نزل نظارته الشمسيه .. وطالع بحرج ":... انت طالع ..؟!
سند "يطالعه بتركيز":.. ليش جاي ؟!
يزيد "نزل راسه ":.. جاي اكلم زوجتي .. تسمح لي ..
سند :...
يزيد :..والله يا سند ما ادري كيف مرت على الأيام اللي راحت بدونها ..فعلا فقدتها ..
سند :.. انا قد حذرتك .. بس هالمره فطوم هي اللي ماتكلمت ولا قالت ايش بينكم ..
يزيد :.. جد ماقالت لك .."بترجي"... تكفى ... خلني اشوفها..
سند "قرب منه ورفع يده على صدرة وشده من لصدره .. ومن بين اسنانه ...":.. لو ما صالحت زوجتك اليوم .. بطردك من الشركه... سامع ...
يزيد "مفتح عينه فيه":..س ..سامع ...
سند "ضحك بقوه .. وفك يده ":.. وش فيك خايف ...
يزيد "باحراج":..ياخي لا تختبرني في مثل هالمواقف .. قسم جايكم وانا خايف مدري ايش اقول ...
سند :.. لا تقول ولا تعيد .. انا بعد ماتزوجت عرفت ان الحياة بين الزوجين مو بس عسل .. لازم يصير اختلاف بينهم ... بس اللي يشفع لك هالمره ..ان فطوم هي اللي طلعت بنفسها من البيت ..
يزيد :.. والله ماكان ودي طلعت ..بس تركتها تهدا و تفكر ..
سند "يلعب بمفتاح السيارة بيده":.. وانت بعد .. كانت فرصه لك ..
يزيد :.. الظاهر عطلتك ..؟!
سند :. .والله زوجتي منتظرتي اوديها هي وروضه للمشغل .. لان سواقهم مشغول ..
يزيد "بخيبة امل":.. اجل ... اجل ..اجيكم وقت ثاني ...
سند :.. وليه وقت ثاني .. زوجتك بالبيت ...ادخل عندها ..."رمى له مفتاح "..هذا مفتاح الباب الرئيسي وباب البيت ...
يزيد "ماسك المفتاح يقلبه ":.. بس ... ماراح تكلمها ..؟!
سند "طلع السيارة ":.. ماله داعي ..هي كل يوم تنتظرك ... انا بتأخر .. " غمز له "..خذ راحتك ... "شغل السيارة ومشى"..
يزيد .. طالع في المفتاح ... لبس النظاره الشمسيه .. ورجع لسيارته ...فتح الباب الخلفي ..واخذ باقة كبيره ورد جوري ... وعلبة هدايا مغلفه تغليف احمر ... سكر السيارة ... ووفتح البوابه ... ودخل لباب الفله ... وبعد تردد .. فتح الباب .. ودخل بهدوء قفل الباب وراه .. ودخل للصاله تسبقه الباقه قبله ...
فطوم .. ببجامتها الموف .. جالسه بملل في الصاله وهي تطالع في التلفزيون ... سمعت الباب ومتوقعه دخول احد وأكيد اخوها .. رفعت عينها .." نسيت شي ؟! ".... سكتت ... وهي تشوف يزيد واقف قدامها ... وقفت بربكه ومتفاجئه ..
يزيد " تأملها .. وابتسم ":... ايه نسيت قلبي وروحي هنا ...
فطوم "بحرج .. ":..انا ..كنت افكرك سند ...؟!.."باستغراب " ..كيف دخلت ..؟!
يزيد " يمشي لها وهو يطالع في عيونها ":.. هذا الورد لاحلى ورده .. لاحلى ورده في حياتي ...
فطوم :.. انت ليه جاي ..."ولفت عطته ظهرها"...
يزيد "نزل الباقة والهديه على الطاوله .. وقرب منها ":.. فطوم .. حبيبتي .. ادري انك زعلانه مني .. بس اتمنى تسامحيني ..."مد يده على كتفها ولفها عليه .. وبضيق ".. لا لا ... ليه الدموع ...
فطوم " ضمته بقوه .. وهي تبكي ..":..
يزيد "تفاجأ من حركتها ... ابتسم .. وضمها اكثر ..بفرح ":.. وحشتيني ...
فطوم "بعدت عنه وهي تمسح دموعها ":... كذاب ...
يزيد ".. يمسك انفها..":..كذاب .. هاه .. "جلس .. ومسك يدها يجلسها ..".. اجلسي ..اوريك هديتك ...
فطوم ".. رفضت تجلس ... طالعته بحرج ":.. بطلع ابدل ملابسي ..
يزيد :..والله انك قمر .. تعالي بس ...
فطوم "ركضت منه طالعه الدرج ":... خمس دقايق بس ...
يزيد "وقف":.. تعالي ...فطوم ..
فطوم "ضحكت بصوت عالي ":.........
يزيد :..تضحكين ..هاه... تفكرين ما اقدر الحقك ..."وركض بسرعه وراها .. وهو رافع ثوبه ..ولحقها قبل تقفل الباب .. "..
فطوم "في غرفتها .. وهي ماسكه الباب ":... يزيد .. والله بس عشر دقايق ..
يزيد "..رفع وحده من حواجبه .. ":.. طيب ودي أشوف غرفتك ..."ودخل الغرفه ... وهو يتأملها باعجاب".. روعه الغرفه ..
فطوم "بربكه ":.. تكفى انزل .. خايفه سند يرجع الحين ...
يزيد "مشى لعند الباب وسكره ... وقفل بالمفتاح .. وطالعها بشوق ":..و..كذا ..ارتحتي..؟!
******************
....................................
الساعه 5 العصر ....
انتهت روضه ولمياء من المشغل ورجعوا فلة ابو راكان .. وعلى غرفهم ...
( لبست روضه فستان ليلكي بورود ذهبيه .. ماسك من الصدر وواسع من تحت .. بدون اكمام .. ومع تسريحتها كله فير وتاج ذهبي ناعم .. صار شكل شعرها اقصر بكثير وصغرتها التسريحه )
.. عدلت نفسها قدام المرايا .. وهي تنتظر لمياء تدخل عليها بأي لحظه ..تشوفها باللوك الاخير .. ولكنها تاخرت .. استغربت .. وراحت لها غرفتها بعد ما دقت الباب بخفه .. دخلت .. وكانت لمياء جالسه على السرير وتطالع جوالها .... " لمياء .. انتي جالسه وانا انتظرك .. "
لمياء :.. اسفه انشغلت شوي ...
روضه ".. تطالع فيها وتهز راسها ..":..هاه ...كيف ..؟!
لمياء :.. نعم ..!..."من نظرات روضه "... اوه ... ماشاء الله ... رووعه شكلك ...
روضه :.. بدري ..."طالعت فيها بتعجب".. لمياء وش فيك ..؟!
لمياء "تغيرت ملامح وجهها ":.. روضه بصراحه قلقانه ..
روضه "قربت منها وجلست ":.. من ايش ..؟!
لمياء "بصوت واطي ":.. راكان كلمني قبل شوي .. وقال لي انتي عند اهلي .. قلت ايه اليوم زواج روضه .. وزعل وقفل السماعه ..
روضه :.. هو يدري ان زواجي اليوم ..ايش المشكله يعني ..؟!
لمياء :..مدري .."طالعتها بقلق".. لايكون اخوي يحبك ..و..
روضه "قاطعتها ووقفت":... كلميه وشوفي ايش فيه لا تحللين من راسك ...
لمياء :.. المشكله دق علي من رقم غريب .. وادق على رقمه الكندي مغلق ..
روضه :.. هو جاي بكرة .. والا اليوم ..؟!
لمياء :.. بكرة ... وجاي هو وبنت ابو يزيد ...
روضه "انصدمت":..هاه ... مين ..؟!..مين ... مين ..بنت ابو يزيد ..؟!
لمياء "وقفت جنبها ":..وطي صوتك .. الموضوع سر ..
روضه :.. لمياء... لا تلعبين باعصابي .. فهميني ...؟!
لمياء "سحبتها وجلستها ":..تعالي هنا ووطي صوتك ... بقول لك ... "ضربت على راسها "..انا مدري ايش جابني عندك من امس وانا موتره اعصابك ... اسمعي يا ستي ....
.............................
بتال .. واقف بسيارته بعيد عن مدخل بوابة فله ابو راكان ... ويطالع بترقب ...لحد ما حصل سند خرج .. ويطالع يمين وشمال ... نزل بتال من سيارته .. وهو رافع يده لسند .. اللي مشى لعنده ... ويكلمه بعجله ..." .. نعم .. بتال ... "
بتال :.. اسف عطلتك ...
سند :.. مو على عطلتني ... بس انت عارف عمي ابو راكان لو شافك هنا ..مدري ايش بيسوي فيك ...
بتال :..ماعليك منه ... المهم...ابغاك بخدمه ...
سند "فتح عينه فيه":..بتال ..خدمه اليوم ..انا مررا مشغول ..خليها وقت ثاني ...
بتال :.. لا اليوم ... اسمع .. كلم زوجتك ..تخبر روضه تقابلني خمس دقايق بس ...
سند :.. هاه ...؟!؟!!!
بتال :.. اللي سمعته ...
سند :.. انت صاير لعقلك شي ..؟!... ايش تشوفها ... البنت بتتزوج اليوم ...
بتال "بضيق":.. ادري .. انا بس ببارك لها ... ولا تنسى هي بنت جيراننا ...
سند "يطالع فيه مصدوم ":....
بتال :.. سند .. تكفى ... لا تطالعني كذا ...
سند :.. مدري ايش اقول لك ...
بتال "بترجي":.. كلم زوجتك .. وشوف ... لو روضه ماتبغى تشوفني ... خلاص .. لان هذي اخر فرصه اشوفها فيه ...
سند "فكر شوي":..بسوي مثل ما تبغى بس لو صار شي انا مو مسؤول عنك ...
بتال "هز راسه راضي بكلامه ":...........
سند"سحب الجوال ..".. الو لمياء ..؟!..
لمياء .."في الغرفه عند روضه "...:.. هلا حبيبي ...
سند "يمسح على وجهه":..لمياء مدري ايش اقول ... بس .. روضه عندك ...
لمياء "تطالع روضه" :..ايه جنبي هنا ..خير ..صار شي ..؟!
سند :.. بصراحه ... بتال يبغى يشوف روضه..
لمياء"باستغراب":.. بتال ... !!... اكيد جن ...
روضه "قربت اكثر":... ايش فيه بتال ...؟!!
لمياء"تطالع بزعل" :..يبغى يشوفك اللي مايستحي ...
سند :.. لمياء ... اسمعي ...
لمياء ::. ايش اسمع ... قول له تخسى تشوفها ... و
روضه "وقفت":.. قولي له يقابلني عند مدخل المطبخ ..
لمياء "نزلت الجوال وتطالعها بغضب":... روضه... ايش تقولين انتي ..؟!
روضه .. لفت عنها ... و سحبت طرحة لمياء من على سريرها وعبايتها ... ورفعت فستانها ... وفتحت الباب .."لا تقولين لاحد اني بشوف بتال ..."... ونزلت ...
لمياء "فاتحه فمها ":...
سند :.. لمياء .. الو ... وينك ..؟!
لمياء "بقهر":...غ... غبيه ... الغبيه نزلت تشوفه ...
سند :.. جد.... وين .. ماتوقعت ...
لمياء "بغضب":.. بكيفهم.. من مدخل المطبخ ... خليه يقابلها .. ويارب بابا يشوفهم ... ونرتاح منهم الاثنين ....
روضه عند باب المطبخ .. لبست عبايتها ... و تحجبت حجاب كامل ... وهي تترقب شوفته ... طلعت راسها من باب المطبخ ... وشافت بتال يمشى لعند الباب .. خفق قلبها .. ورجعت وقفت بهدوء تداري توترها ..
وقرب منها بتال وهو يطالعها بتمعن ..." كيفك ..؟! "
روضه "منزله راسها ":... ال... الحمدلله ...
بتال "مسرح فيها ":....
روضه "رفعت عينها وانحرجت من نظراته ":... سند يقول تبغاني ..
بتال "بضيق ":... جيت ابارك لك .. مهما ..كان .. عشنا مع بعض .. طفولتنا وفي .. وفي شبابنا ...
روضه "نزلت راسها ":... كنت اتمنى نعيش مع بعض العمر كله ..
بتال :... اسف لاني ما كنت لك مثل ما تبغين ... "مد يده ومسك يدها .. وصار يضغط عليها "... واسف اني صحيت متاخر ..
روضه "ارتبكت ":... بتال ... لازم ادخل ..."سحبت يدها "...
بتال ":... طيب قبل لا تدخلي .. ممكن اسلم عليك ... مثل أخ لاخته يعني ...
روضه "طالعت فيه ":.. بما اني كنت في يوم من الايام زوجتك مستحيل تكون اخوي ...
بتال "قرب منها وباسها بوسه سريعه على خدها ":....
روضه "... طالعت فيه بصدمه وبعدته عنها .. انحرجت .. وحمر وجهها ":.. بتال ..!!
بتال "ابتعد عنها .. وبحزن ":.. بس حبيت تتذكرين شي مني حلو في وداعنا الاخير ...
روضه "نزلت دموعها ":.....
بتال :.. فديتك عينك لا تبكين ... "لمعت عينه ".. مع السلامه .."ومشى بخطوات ثقيله وهو منزل راسه .. بحزن "
روضه "تمسح دموعها ":... م ع .... ال سلام ه... "قفلت الباب .. وتكت عليه ... و رفعت يدها على فمها تغطي شهقاتها وتمسك دموعها ... "
لا تذكرتك راحت افكاري .. تعيد
تذكرت الايام و اوقاتى .. معاك
لو قست الايام والحظ .. العنيد
مانسيتك يا بعد هذا .. وذاك
........................................................
تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
قراءة ممتعه ... واعتذر عن التأخير ...
ولكن البارت الجاي يوم الثلاثاء او الاربعاء ... واذا ماقدرت راح يكون يوم السبت ...
تحياتي لجميع ...تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
احادث حلوه
الله يعطيك العافيه عالبارت الحلو
ننتظرك ..تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
يعطيك العافية غلاتي
احداث روووووعة وخالفت توقعاتي
هويدا والمصايب اللي تسببها كل يوم
وندم بتال اللي مال داعي بس وده يخرب حياة روضة المسكينة
وغباء روضة اللي خلاني اتمنى انها قدامي واذكرها ببتال وتصرفاته معاها قبل سفرها
كثييييير الروايه مشوقة
ننتظر التكملة بفارغ الصبر ( لا تطولي طيب)
ودي واعجابي
تعليق
-
رد: ( رواية من حب عفوي الى حب جنوني ) للكاتبه ( عقد اللؤلؤ )
جدا جدا جدا رائعه
روايه خرجت من تطويق الحصر التي سجنت بها اغلب الروايات
خرجتي عن المؤلف وهذا ماكنت ابحث عنه في اي روايه اقرائها
اغلب الروايات كلها زواح بالغصب وتنتهي بالحب
وهذا مالايمت للواقع بصله
لكن هنا ارفع لي القبعه فقد اجتزتي هذه القيود
وملامسة الحريه بواقع ملموس
انتظري تحليلي من عدة جوانب بعد القراءة مرة اخرى ^^تعليق
تويت
تعليق