يزيد "حس بقهر من سيرة اللي خطبها ...وطالع في سند بتركيييز":.. سند ... سند .. تزوجني اختك .. ؟!

.................................

هويدا ..دخلت فلتهم ... هي طايرة من الفرح والوناسه .. رمت عبايتها بالصاله تحت .. وطلعت الدرج رايحه لغرفتها ..ودها ترتاح .. وتنام بعد ما مشي اللي خططت له ... قربت من غرفتها .. سمعت صوت في غرفة "يزيد" ... تحاول تتذكر ما شافت سيارته بالكراج ... فكرت تفاجئه ... مشت بشويش ... وحطت إذنها على باب الغرفه وسمعت صوت أغاني مرتفع ومو من عوايده خاصة وانها غربيه ..... لدرجة تدق على الباب مايرد عليها... فتحت بهدوء... ومشت من الممر تبع دورة المياة .. ودخلت الغرفه .. وقفت مصدوومه ...
"جاني" الشغاله .. لابسه فستان لنص الفخذ اسود شبه شفاف وفاكه شعرها .. وترقص وهي ترتب الغرفه ..
مشت "هويدا" بسرعه للاستريو .. وسكرته ...

"جاني" .. لفت على الاستريو.. وارتجفت .. وبصوت رافع وكله خووف .." انتي متى يجي "..
هويدا "بعصبيه ":.. ليه مسويه بنفسك كذا ..... و ايش هذا اللبس ... ...
جاني "ارتبكت":.. انا فيه شغل .. هدا جو هار ...
هويدا "تصارخ عليها ":.. اخرجي من الغرفه ... روحي البسي ملابسك بسرعه ...
جاني "شبكت يدها ببعض .. ومشت بنرفزة ":.. تيب ...."وهي خارجه اعطت هويدا نظرات كرهه وحقد ...."
هويدا ... انقهرت من تصرفها ... اخذت جوالها .. وكلمت ... " يزيد ... سلام .. "
يزيد : هلا والله ... كيفك ..؟
هويدا : الحمدلله ... متى بترجع البيت ...؟!
يزيد : يمكن بالليل .. اليوم ماني رايح الشركة .. وترى بتال معاي انا وسند ..
هويدا : يزيد .. انا ... ابغى اتكلم معاك .. ياليت ترجع بدري شوي ..
يزيد : راح اجي انا وبتال ... يمكن على الس اع..
هويدا "قاطعته ":... لا ...انا ابغى اتكلم معاك انت ... بدون بتال .. لا توضح له شي ...تكفى يزيد ...
يزيد "طالع في بتال .. وبربكه ":... اووكي ... بكلمك بعدين ...يالله مع السلامه ...

سند "وقف ":.. يالله شباب استأذن ...
يزيد : سند تحب ارسل السواق لاختك ...
سند : لا ليه السواق وانا موجود ؟..يالله ... فمان الله ...
بتال : مع السلامه ..
سند مشى بعيد عنهم ... ولحقه يزيد ... " انت ليه مارديت علي "
سند : على ايش ؟!
يزيد : تزوجني اختك ...
سند "جمدت ملامحه ":.. يزيد .... انا تكلمت عن اختي غصب عني بس فعلا كنت متضايق .. وانا مو بوضع يسمح لي امزح بهالموضوع ..
يزيد : والله ما امزح .. وانا افضل لها من جاركم ...
سند "عصب":... اختي مو بايره هذا اولا ... وبعدين اللي يبغى يخطب يعرف الأصول ... ماقد سمعت خطبه في مطعم ..
يزيد : سند وش فيك صرت حساس ... اكيد اعرف الأصول .. بس مو اول يكون فيه نظرة شرعيه ..
بتال "بصوت رافع ":... مطولين هناك ...
يزيد "مسك كتفه ":.. والله والله ما امزح ... روح الحين لا تتأخر .. وبيننا اتصال ...ان شاء الله ...
سند هز راسه له بتوتر ..ومشى برا المطعم ....

رجع يزيد لبتال .. وجلس على كرسي الطاوله .. و وجهه متغير ...

بتال "لاحظ وجهه":.. ايش فيه سند ...
يزيد :..اترك سند الحين ...خلينا فيك انت وهويدا ... ايش فيكم ..
بتال "بتعجب ":.. و لاشي ... ليه تسأل ...
يزيد "تذكر تنبيه هويدا له ":.. خلاص ولا شي ..."ابتسم له".. تشرب شاي ...
بتال : لا .. بلاش ...تحب نطلع نتمشى شوي ...
يزيد "طالع ساعته":.يالله ..اصلا قرب اذان الظهر ...

وطلعوا من المطعم ...

.....................................

روضه ..من لما طلع "بتال" مع "هويدا "... وهي ترتيب الشقة .. ولما دخلت دورة المياه ..حصلت فستان "هويدا" على سلة الغسيل .. طالعت فيه واحتارت ايش تسوي ترجعه الغرفه والا تغسله ... بس خافت تغسله ويخرب عليها لان كله فصوص وتطريز ...حستها فرصه تدخل الغرفه..مسكت الفستان بيدها .. راحت لغرفتهم ..تتسحب .. كان عندها فضول تشوف ايش غيرت "هويدا" في الغرفه وكيف ملابسه مرتبتها ... دخلت وطالعت بالتسريحه مثل ماهي .. عطرين لبتال و علبة مناديل .. راحت لدولاب الملابس وفتحته وتفأجاة .. مافيه ولا قطعة لهويدا ..كلها ملابس بتال .. قفلته .. وراحت لشنطة هويدا وفتحتها .. شافت فيها فستان قصير وبجامه وعطر بس .. رفعت حواجبها باستغراب .. وقفلت الشنطه .. ورمت فستانها على السرير .. وهي طالعه شافت ثوب بتال اللي كان لابسه امس على الشماعه .. قربت من الثوب ومسكته بقوه .. وحضنته وهي تشم ريحته.. حرك داخلها الشوق له .. ارتبكت لما سمعت رنه جوالها ... وطلعت من غرفتهم تجري بصعوبه .. لحد ماوصلت لجوالها .. جلست على كنبه الصاله .. "ال وو .. ..؟! "
: الو .. روضه ؟! ..انا راكان ..
روضه "ونفسها متقطع":.. ا ا.. أيوة .. ه لا ..
راكان "بقلق":.. روضه ..انتي تعبانه ...
روضه "تحاول تنظم نفسها ":.. لا لا بس .. بس كنت اركض الحق ..على ...على الجوال .. كيفك ؟!
راكان : الحمدلله .. "وبتردد".. بتال موجود عندك ..؟!
روضه :.. بتال ..لا ... طلع هو وهويدا ...
راكان : مين هويدا .. زوجته ؟!
روضه "بضيق": ايه ...انت تبغى بتال ..اعطيك رقمه.. اذا ودك تكلمه ..
راكان : لا انا ... انا ابغاك انتي ...
روضه : نعم ؟!!!!!
راكان "ضرب على جبهته":.. اقصد ابغى منك خدمه ... ممكن..
روضه : ..خدمه ايش ..؟!
راكان : .. روضه اسمعي .. انا محتاج رقم هويدا ضروري ... ورجاء لا تساليني ليش .. بس والله ماراح اضرها . .
روضه : .. هويدا.. ايش تبغى فيها ...!!!
راكان : ..انا حلفت لك ما اضرها .. تكفيين رووضه .. محد يقدر يخدمني الا انتي بهالموضوع ..
روضه : .. بس رقمها مو عندي ..
راكان : ..اممممم... طيب من جوال بتال ..
روضه "بزعل": .. مقدر هذا مو طبعي ....انا...
راكان "بملل ": .. يعني تبغين ابوس يدك .. خلاص عاد جيبي الرقم وبس ... ارسليه لي مسج ..وصدقيني راح تكسبي اجر ..
روضه :..بس ...".. قفل الخط .."..ايش يبغى بهويدا ..." حطت الجوال جنبها بهدوء ".. انا مو ناقصني الا انت يا راكان ..

دخل " بتال "..الشقه زعلان من "هويدا" ... ماترد عليه .. ودخل الصاله وهم نافخ صدره .. ويطالعها بنص عين .. ".. باخذ لي دش.. و بدخل انام .. ما ابغى ازعاج ".. ومشى لغرفته .. و" روضه".. تتابعه بنظراتها .. دخل الغرفة واخذ له منشفه وراح للحمام بعد مافصخ ثوبه .. ولابس الداخليه ... نزلت راسها لما شافته طلع ..و رفعت راسها لما دخل الحمام ... وقفت بهدوء .. غمضت عينها مركزة مع بتال ..لحد ماسمعت صوت موية الدش .. اخذت جوالها .. وبسرعه دخلت غرفته .. و لمحت جواله على التسريحه مع محفظته والمفاتيح .. فتحته وهي عين على الجوال وعين على الباب .. طالعت في الاسماء ..ولقيت اسم " حبي ".. وبزعل .." حبك برص ..قال حبي قال ".. وبسرعه نقلت الرقم لجوالها .. ورجعته مكانه .. وطلعت بسرعه ... وراحت جلست في الصاله ... وارسلت الرقم لراكان ..برساله .. وتنفست بصوبه ...

طلع " بتال " من الحمام لاف المنشفه على خصرة ..واستغرب ان روضه ماراحت لغرفتها كالعاده .. ضحك بسخريه .." تنتظريني " ..
روضه ".. مركزة على الجوال ... وبحرج .. " :.. منتظرة مسلسل ..بتابعه الحين ...
بتال "رفع واحد من حواجبه":.. والمسلسل في الجوال ..
روضه "تنرفزت ":..اووف .."ووقف رايحه لغرفتها ... ومرت من جنبه "...
بتال "مسكها من يدها ":.. اذا كلمتك يا ويلك تقومي وتطنشي .. فاهمه .. احمدي ربك ان فيه بيت يضفك انت ووجهك ..
روضه ".. فكت يده .. طالعته بقهر ":.. فاهمه .. يا بتال .. فاهمه.. "ودخلت غرفتها"

"بتال" ابتسم بمكر.. وكأن فكرة راودته .. ما تأخر في تنفيذها .. دخل على روضه في غرفتها ... وسكر الباب وراه بالمفتاح ..... وطالعها بنظرات جديده عليها ..
روضه " بخوف ":.. ليه قفلت الباب ... بتال ..اطلع ..
بتال "قرب منها ..":.. خايفه ...؟!... انا زوجك والا نسيتي ...
روضه "بخوف" :.. انت ايش فيك .. تعبان ..
بتال " وقرب اكثر ":.. لا مو تعبان .. بس .. انا ..

روضه .. ماعطته فرصه يكمل .. و دفعته بيدها وراحت للباب تطلع من الغرفه ... بتال عصب ولحقها للباب .. "قلت لك لا تطنشيني اذا كلمتك ..".. وعطاها كف ..على وجهها .. ورماها على السرير .. والشرر طاير من عيونه ... وقرب منها ...
روضه "حاطه يدها على خدها .. ومنصدمه من قربه منها ":..بتال .... لا....

..................