-
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
ان شاء الله يوم السبت انزل البارتتعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
ننتظرك لاتطولين ..تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
<<<<<<<<<<<<<<<<<<<<<<<<<<<<<<<<<<<<
الجزء الثامن
<<<<<<<<<<<<<<<<<<<<<<<<<<<<<<<<<<<<
خرجت روضه من فلة خالها بعد ما ودعت الجميع .. والكل تمنى لها زواج مبارك ...
اخيرا وبعد انتظار.. اجتمع "بتال" مع "روضه" في السيارة ..اللي كان "بتال" يقودها ...و"روضه" جالسه بجانبه وانفاسها متوتره... وبعد دقايق من الصمت ...
روضه "باستغراب": بتال وين رايحين ...!!
بتال : شقتنا ..
روضه : بس هذا مو طريق الشقه ؟!
بتال :أيه ... نسيت اقول لك اني اخذت شقة جديده ..
روضه : ليه والله انا احب شقتنا الاولى ..فيها ذكرياتنا وكل شي ..
بتال : لا تذكريني يا روضه .. انتي ما تدرين كيف كنت عايش فيها .. والله البيت موحش من دونهم ... رحمة الله عليهم ...
روضه :الحمدلله على كل حال .. بس شققنا ملك يعني بنرتاح من الاجار ..
بتال : بالنسبه لشقة اهلي انا بعتها ... اما شقتكم بكيفك تبغين تبيعيها والا تخليها ..
روضه : لييييه ..؟! .. ليه تبيعها ...
بتال : اجل من وين باجيب فلوس للشقة الجديده واثاثها ..؟!.. بعتها وخلاص ... "طالع فيها وابتسم".. ابغى اعيش حياة جديده ..
طالعت روضه في بتال بنظرات خجوله . وطالعت فيه من فوق لتحت.. انتبه لها بتال ولف عليها بابتسامه .. فتشجعت روضه وبتردد "بتال .. "
بتال : هلا ...
روضه : ليه مو لابس بشت .؟!
بتال "ضحك": لا يكون صدقتي اني عريس ..."وضحك .. وبمزح ".. اخاف انتي لابسه طرحه وحاطه روج احمر .."وكمل ضحك .. وهو مركز على الطريق "
روضه "ضحكت بحرج ... فتحت شنطتها بخفه .. وسحبت لها منديل .. دخلت يدها تحت غطوتها ..ومسحت الروج الاحمر .. قبضت على المنديل بقوه...اخذت نفس قوي .. و تاهت نظراتها في الشباك "..
.............................
وصلوا الشقه ... فتح بتال الباب .. وهو مبتسم .. وبفرح ....
"تفضلي يا هلا والله ... نورتي البيت "
روضه "دخلت وهي منزله راسها .. حست بشعور غريب ..وكأنها فعلا دخلت مملكتها وبيتها .. وبابتسامه خجوله ": مشكور ... "فتحت غطوتها وهي منزله عيونها .. وارتبكت لما تلاقت عيونهم "
بتال "طالع فيها.. وحس بارتباكها .. وبمزح ":.. اخذت هذي الشقه في هالعمارة لان فيها اصنصير ... لاني اعرفك ما تحبين الدرج ..
روضه "ضحكت": أيه احسن شي سويته ...
بتال : .. شكلنا بنجلس في المدخل ... " ضحك ..وأشر على علاقة ..عند المدخل .. ": علقي عبايتك هنا .. عشان اوريك الشقه ...
روضه "بتردد ..": اممم ... طيب .."فصخت عبايتها ... بس انحرجت .. ففضلت تترك طرحتها على راسها ..ولفت على بتال اللي كان يطالعها .. نزلت راسها بخجل ... توقعت بيعلق على شكلها او فستانها .. او حتى يقول لها كلمه حلوه "...
بتال "بلا اهتمام ": تعالي من هنا ..."وراح لداخل الشقه "
روضه "تابعته بنظراتها .. ولحقته ... لعند باب غرفة واقف .. دخلت روضه وباعجاب ":.. واو ... حلوه الغرفه ... "ونزلت راسها بخجل "..اول مره ادري ان ذوقك حلو ...
بتال "بفرح": والله عجبتك ... اجل تعالي اوريك غرفتك .. ويارب تعجبك ..."وطلع من الغرفه"
روضه "فتحت فمها بصدمه.. وبنظرات تايهه ... راحت وراه ...": بتال .. ايش تقول .. غرف...."دخلت الغرفه الثانيه وتفاجئت .. لما شافت فيها غرفة نوم ثانيه ... طالعت في بتال .. بتعجب"..هذي ... هذي غرفتي ...؟!
بتال : ايه ايش رايك ...؟! ..شوفيها واسعه .."و رمى نفسه على السرير ".. حتى المرتبه حقتك من اجود الانواع ... وواسع يعني بيكفيك ...
روضه "وبدون ما ينتبه لها بتال ...دخلت يدها تحت الطرحه وسحبت التسريحه بقهر .. وبلعت ريقها بصعوبه": ايه ... حلوه ...
بتال "مشى لعندها ... ":يالله بدلي ملابسك ..حتى واجيب العشاء ..."وطلع من الغرفه " ..
لحقت روضه بتال بنظراتها ... قطبت حواجبها ... دخلت لغرفتها ..وقفلت الباب .. سندت على الباب بكامل ثقلها .... نزلت دموعها غصب عنها ... اللي كانت حاسه وخايفه منه صار ... بتال ..ما تزوجها حبا فيها ..تزوجها عشان تعوضه عن امه واخته ...
مررت يدها على وجهها وجبهتها ... سحبت طرحتها بقوه ورمتها على الارض ... وسحبت شعرها بفوضويه ... قربت من التسريحه وشافت كيف شعرها منكوش وكحل عينها سايح على خدها من الدموع ... راح الجمال والكشخه ..
.....................................
في فلة ابو راكان ... اجتمعت العائله بعد ما راحوا الضيوف ...
ام راكان : كل شي صار على خير ...؟!
ابو راكان "ابتسم": الحمدلله ... كل شي صار على خير مايرام ..
لمياء : بابا كيف بتال ..كان مبسوط...؟!
راكان : وش هالسؤال الغبي ... اكيد بيكون فرحان ...
لمياء : انا كلمت بابا ماكلمتك ..
ابو راكان "بضحك": ايه ايه يبه كان مبسوط ...
راكان : شفت يابوي كيف وقف من الفرحه بس دخلت بالكتاب بيدك .."وضحك"
لمياء "تضحك": ..جد ...
ام راكان : يالله اهم شي انهم تزوجوا وريحونا .... "لفت على ابو راكان ".. تبغى شاي والا نجهز العشاء ...
ابو راكان : خلاص جهزوا العشاء ...
وقفت ام راكان وراحت للمطبخ ... وقفت لمياء تلحقها .. بس ابوها طلب منها تجلس جنبه يبغاها بموضوع ...
لمياء : نعم يا بابا .. خير ..ايش الموضوع ...؟!!!
ابو راكان : ما قلتي لي ... بأي جامعه قدمتي ...
لمياء "ابتسمت ابتسامه عريضه": أأأأأ ... ما قدمت... "تاشر له بيدها "... دقيقه والله دقيقه بفهمك .. لا تعصب ولا يتغير وجهك ...بقول لك ايش افكر فيه ...
ابو راكان "كتم زعله... وضربها بخفه على راسها": .. قولي ايش في هذا الراس وايش يفكر فيه ...
لمياء : بابا .. انا ما احب الدراسه والاشياء هذي ..."وبحماس"... انا انسانه عمليه مالي في الدراسه والكرف ... احب الشغل الميداني ...
ابو راكان : ودراسه ادراة الاعمال ..؟!
لمياء : قريت كثير الكل ما استفاد من الدراسة كثر استفادتهم من الشغل الميداني ...
راكان "متابع بصمت "...
ابو راكان : فهميني ايش الشغل الميداني هذا ...
لمياء : اني انزل اشتغل في الشركه من بكره ..
ابو راكان "فتح عيونه": تشتغلين بالشركه ..."طالع في ركان "... سامع اختك...
راكان "رجع ظهره على ورى ": تبغى تشتغل بكيفها .. هذا مستقبلها وهي اللي تتحمل نتائج اختيارها... "طالع فيها بنظره تحدي " ... بس بشرط ما تشتغلين في شركتنا ... لازم تروحين شركه ثانيه ...
لمياء "متفاجئه ": هاه ... لييه ...؟!
راكان : والله عشان تتعلمي صح ... والا بلاش الفكرة من اساسها ... روحي ادرسي جامعه افضل لك ...
لمياء "بتحدي": ..طيب وانا موافقه ..."طالعت في ابوها "... كلم لي احد من اصدقائك يوظفني ...
راكان : وقول لهم بدون دلع ... يعاملونها زيها زي غيرها ...
لمياء "عصبت": وانت ايش دخلك ... أووف ..
ابو راكان "ابتسم": خلاص يا لمياء ... يصير خير ...خليني افكر كم يوم وارد منك ...
لمياء "تتسمع ": .. هذا صوت جوالي ..."وقفت بسرعه وسلمت على ابوها في راسه "... الله يخليك لي .... "وطلعت تركض "..جوالي جوالي ....
ابو راكان "يطالعها ويضحك على ركضها": شوي شوي لا تطيحين ... "طالع في راكان "... الحين من جدك تتكلم ...
راكان : يبه لمياء مو صغيره ...خلاص هي تقول بحثت وقرت .. خلها تتخذ قرارها بنفسها عشان بكرة لا تلومك ...
ابو راكان: ليه انت تلومني ...
راكان : لا بالعكس .. افضل شي صار بحياتي اني سافرت لاني فعلا كنت محتاج اغير من نفسيتي من شكلي ومن نظرة الناس لي ..
ابو راكان : تراك مكبر الموضوع منت اول ولا اخر واحد زايد وزنه ...
راكان "ضحك بسخريه": .. مايحس بالنار الا واطيها ...
ابو راكان : راكان .. خلاص انسى الماضي ..عشان تقدر تعيش ..
راكان "زفر بقوه ... ومسح على وجهه": .. طيب خلنا نرجع للمياء .. ايش بتسوي في موضوعها ...
ابو راكان : مدري ... بس جاء ببالي شخص ... يزيد ..
راكان : مين ؟! ... مين يزيد ؟!
ابو راكان : شفت الاثنين اللي جو مع بتال ...غير جارة ابو محمد..
راكان : ايه .. أي واحد فيهم ..
ابو راكان "بابتسامه": مو الاسمر المكدش ... لا الثاني الابيض اللي كان لابس ثوب كحلي مطرز اطرافه بابيض ..
راكان "ضحك": توقعت اصلا بس قلت أتأكد .. يعني عنده شركه ...
ابو راكان : هذا ولد ابو يزيد .. اللي ماكل الدنيا كلها ..ماشاء الله ..
راكان : وقصدك بتقول له يشغل لمياء عنده ..
ابو راكان : ايه .. هذا اللي ببالي ... بس مدري بيوافق والا لا ..لان ماعندها شهاده جامعيه ...
راكان : الله يكتب لها مافيه الخير ...
ابو راكان :امين ...
..............................
بتال في السيارة راجع البيت بعد ما اخذ العشاء .. رن جواله ... كان رقم غريب بس ما استغرب لانه مو مخزن ولا رقم ... رد وهو مشغول بالطريق ... "الووو ...نعم ...؟!"
: .... بتال ؟!
بتال : ايه ...مين معاي ..؟!
"بدلع": معقول ماعرفتني ..؟!
بتال : الظاهر غلطانه يا اختي ....مع السلامه ..
: لالالا ... لا تقفل ... انا هويدا ...
بتال "بتعجب" : هويدا ...؟!..... اخت يزيد ...
هويدا : يس .... كيفك ..؟!
بتال "رفع واحد من حواجبه": الحين متصله عشان تعرفي كيفي ؟!
هويدا "بغنج": أيووووا ..عندك مانع ...
بتال "عصب": انت يا بنت فاضيه وجايه تتسلين عليه ... انا ساكت عنك عشان يزيد ... بس شكلي بقول له وهو يتصرف معاك ..
هويدا "خافت ... وبكت ": ... لييييه ..كلكم عليه ... ليه محد يفهمني ..انا عايشه لوحدي .. محد داري عني انا ميته والا عايشه ...
بتال "تفاجا انها بكت ": مين اللي كلنا ...؟؟!
هويدا "تبكي اكثر ": .. وين اروح يعني انتحر ... عشان ترتاحوا مني ...
بتال "ارتبك": يا بنت الحلال .. لا ايش تنتحري .. تعوذي من الشيطان ...
هويدا "تشاهق .. وهي تبكي ..":
بتال "بخوف": هويدا .... هويدا ... تسمعيني ...الوووو ... هويدا ...الووو ... هويدا ....
هويدا "بصوت باكي":ايه ...
بتال "بتوتر": ... الله يهديك خوفتيني ...
هويدا "بصوت حزين باكي": .. انا محتاجه احد يسمعني بس ...
بتال : طيب .. طيب اسمعيني ..انا الحين في السيارة ... مقدر اكلمك ..اذا وصلت البيت كلمتك ...اوكي ..
هويدا "باستسلام ": ..طيب ...
" قفلت الجوال ... ورمته قدامها على السرير ... مسحت دموعها ..بقهر ..."خسارة هالدموع فيك يا بتال ... بس هذا هو الحل اللي قدامي "... كانت مقهورة من نفسها انها ضعفت قدام رجال ... لانها تكرة الضعف والبكاء ...بس صار اللي كانت تبغاه ..وهو اهتمام بتال فيها ...
....................................تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
....................................
روضه "بصوت واطي وبحزن": يا لمياء والله مايحبني ... اقصد مايحبني كزوجه ..."تبكي "
لمياء : والله تونا نتكلم عنكم .. بالعكس يقولون مبسوط بتال وطاير من الفرحه ...
روضه : ايه فرحان ...بس لاني باعيش معاه ...
لمياء : طيب هذا انتي قلتيها ...
روضه "بعصبيه": اقول لك كل واحد في غرفه ... فاهمه علي ...
لمياء : ترى اغلب الازواج الحين صاروا كل واحد له غرفته ...
روضه "غمضت عيونها بقوه ":طيب ..طيب ..
>>>>>> دق باب غرفتها .... وبتال من ورى الباب "روضه يالله جبت العشاء " .. سمعت خطواته يبتعد ...
روضه "بصوت واطي": بتال جاب العشاء .. لازم اطلع ...
لمياء : يالله روحي عدلي مكياجك .. وشعرك ... الله يهديك راح تعبنا على الفاضي ... واعطيه فرصه .. لسى دوبكم ..."وضحكت" مستعجله ... شوفي كذا بعد ساعه.. ساعه ونص بكلمك .. اذا كنتي مشغوله لا تردي ..اوكي
روضه "ضحكت ": الله يقطع ابليسك .. اوكي انتظر اتصالك .. يالله مع السلامه .
وقفت روضه عند التسريحه .. ومسحت كحلها السايح .. لفت تطالع يمين شمال ..شنطتها الكبيرة مو موجوده ... استسلمت للامر ... نظفت وجهها من الكحل واخذت الطرحه تغطي شعرها المحووس .. رتبت نفسها .. ومسكت شالها وحطته على كتفها وطلعت للصاله .تتعشاء مع بتال ...
..............................
يزيد ..دخل الفله .. وحصل " هويدا " في الصاله معاها سندوتش وعصير ....
يزيد "بفرح":ماشاء الله تاكلين وتخليني ...
هويدا "ابتسمت له": .. اقول للشغاله تجيب لك ...
يزيد : لالا ..تعشيت انا وسند ..
هويدا "بتعجب" : وبتال ... مو معاكم ....
يزيد : بتال مو فاضي لنا مشغول ...
هويدا " توقعت ان بتال مشغول فيها لانه وعدها يكلمها... ابتسمت": اذا مشغول بتشوفونه يوم ثاني ..
يزيد :ما اقول الا الله يسعده...
هويدا : الله يسعد الجميع ... اقول يزيد .. بابا كلمك ..؟!
يزيد : لا ... بس ارسلت له رساله اهنيه بالعيد ..
هويدا "بحزن": .. مدري متى بيبطل من كثرة الزواجات .. اتوقع مافيه ولا جنسيه الا تزوج منها ..
يزيد "قطب حواجبه": ما مليتي من هالموضوع .. خلاص اتركي التفكير عنك .. وريحي نفسك .. فكري بأي شي يسعدك مو ... مو يحزنك ...
هويدا : فعلا شي يجيب الغثا ..المهم ... "وابتسمت بالقوه ".. انت بتطلع والا بتنام ..
يزيد : لا وين اطلع .. بكرة دوام بالشركه .. "وقف" .. يالله تصبحي على خير ...
هويدا : وانت بخير ..."تبعته بنظراتها .. لحد ما طلع من الدرج ... مكست جوالها وفتحته ... وبملل "... متى بيتصل ..اوف .. "رجعت ظهرها على ورى .. وصارت تهز ارجولها من التوتر "
.............................
بتال وروضه كانوا يتعشون بهدوء وبدون أي كلام بينهم يذكر ... روضه اللي كانت مو مستوعبه اللي صاير لها .. وبتال اللي كان وجود روضه مسبب له توتر مو عارف سببه ....
روضه "وقفت ": الحمدلله ...
بتال : ما اكلتي شي ...
روضه : خلاص شبعت ..
بتال "ضحك": لالا انتي مو روضه اللي اعرفها ... معقوله تشوفي الاكل قدامك ولا تهجمي عليه ...كعادتك ..
روضه "لفت عنه رايحه غرفتها":.. لو سمحت جيب شنطتي من السيارة .. "دخلت غرفتها .. وقفلت الباب وراها "
بتال "متعجب من تصرفاتها ...": والله مدري يا روضه اللي سويته فيك وفيني صح والا لا ... "سحب مفتاح السيارة من على الطاوله ونزل يجيب الشنطه .."
روضه دخلت غرفتها .. وجلست بهدوء على حافة السرير .. وهي تفكر بحياتها هذي ...
>>>>>لمياء يتصل بك <<<<<<
ابتسمت .. ومسكت الجوال .."هلا لموو"
لمياء : لا يكون نايمه وازعجتك ..؟!
روضه : لا مو نايمه ...اتصلتي بالوقت المناسب ..
لمياء : كيف بتال معاك ..؟!
روضه "بحزن": قلت لك .. تزوجني بس على الورق ..
لمياء :لالالا روضه .. صدقيني ...ان...
روضه "قاطعتها": انتي اللي صدقيني ...
......دق باب غرفتها ...
روضه "بصوت واطي ": بتال يدق الباب ..
لمياء "بحماس": واو .. قلت لك .. اعطيه فرصه ..
روضه "بلعت ريقها ":أأأ .. اكلمك بعدين ..باي ..
وقفت بسرعه ... وراحت لباب الغرفه ..فتحته ... حصلت "بتال" واقف قدامها وبيده شنطتها ... طالعوا بعيون بعض .. فاضت دموع من عيون بتال .. غصب عنه .. رمى الشنطه من يده .. وقرب منها وحضنها ... وهو يبكي ...تجمدت روضه وهي في حضنه .. بتردد .. مدت يدها وربتت على ظهره ....بتال ..ضمها بقوه .. وصار يتكلم بكلمات مكبوته في صدرة ..." راحوا وتركوني ... حتى ما سلمت عليهم ولا ودعتهم .. انا غبي سافرت وتركتهم ... "
روضه .. كانت تسمع كلماته وعيونها تائهه.. غصب عنها تجمعت الدموع في عينها .. ونزلت على كتف بتال ...
بتال اللي كان يبكي عليها فقد امه واخته ... وهي اللي كانت تبكي عليه حضها في هالدنيا ..اللي مستحيل يتعدل ... و انها تعيش زيها زي أي بنت .. وتكون اسرة واطفال ...
.................................................................
اليوم الثاني في الصباح ... لبس يزيد .. وتكشخ ونزل رايح للشركه ... ولمح هويدا نايمه على الكنبه في الصاله .. وواضح انها مكانها من امس .. قرب منها ..وهز كتفها بلطف ..."هويدا ... هودي ... اصحي ..هويدا "...
هويدا "فتحت عينها بخوف": هاه ..
يزيد : انا يزيد .. لا تخافين .. ايش منومك هنا ..؟!!
هويدا "جلست بكسل": ... ولا شي ماحسيت بنفسي .."طالعت في جوالها .. وسحبته بسرعه ..."..
يزيد : ايش فيك ..؟!
هويدا "بارتباك ": .. مافيني شي .. بس .. بس مستغربه ما رن جوالي على وقت صلاة الفجر ...
يزيد "ابتسم": يالله ماعليه .. روحي الحين الحقي وقت الصلاة .. ربي يهديك .. يالله انا رايح الشركه ...
هويدا : موفق ان شاء الله ...
طلع يزيد .. من الفله ... وهويدا بقهر .. تتوعد بتال .. لانه ما دق عليها مثل ما وعدها ...
....................................................
سند .. لبس احلى ثيابه ... ورز الشماغ على راسه .. وعطر نفسه .. استعداد للدوام اول يوم بالشركه ... طلع للصاله ما حصل جدته .. راح لها في غرفتها .. وحصلها تتسمع للراديو .. ابتسم لها ... وقرب منها وباسم راسها ..."صباح الخير يا جده "
الجده "سكرت الراديو":.. يالله تصبحه بالخير والعافيه ... بسم الله عليك .. وراك متعطر كل هالعطر .. تراك رايح دوام مو زواج ..
سند : يا جده انا بداوم بشركه كبيرة .. لازم الكشخه .. والا تبيهم يطروني من اول يوم ...
الجده : لا والله ..جعل اللي يطردك ... ماني بقايله .. استغفر الله ..
سند "ضحك": الله يخليك لنا يارب ...
الجده : يالله يا ولدي روح لا تتاخر ...
سند : طيب ناقصكم شي ..
الجده : لا ماناقصنا شي كل شي موجود ...
سند : يالله مع السلامه ...
الجده : فمان الله ...
.......................
"بتال" نايم في غرفته الجديده ... صحي على نغمه جواله تعلن قدوم رساله ... طنشها وتقلب ..يمين ويسار .. وطار النوم من عينه ... مد يده بكسل ... وفتح جواله .. وحصل رساله ..من هويدا :
( .. للأسف انت مثلك مثل غيرك ... مستحيل اثق فيك من جديد .. )
قرأ الرساله مرتين وثلاث .. تردد في انه يكلم "يزيد" ويخبره عن اخته ... او انه يكلمها ويشوف ايش تبغى منه ... قطع افكارة .. صوت جاي من برا ... تذكر وجود "روضه" معاه .. ابتسم .. وقفز من السرير ... وخرج من الغرفه وراح لمكان الصوت ... حصل "روضه" في المطبخ ... وبخفه مشي لحد ما وصل خلفها .. وبصوت عالي "بوووووه"
روضه "قفز بصراخ":.. أأأأأه .... "ولفت ".. بتالووه وجع ان شاء الله ...
بتال "ماسك على بطنه من الضحك": .. قسم انك نكته ...
روضه "بزعل": .. كذا يا بتال ... طييييب ... اما خاصمتك ...
بتال : لالالا .. ما يرضيني زعلك ... خلاص ولا يهمك .. اسف ..
روضه "طنشته .. وكمل تسوي البيض "
بتال "قرب منها":رووضه خلاص قلت اسف ...تبغيني ابوسك يعني .."قرب منها بيبوسها "
روضه "بعدته عنها .. بحرج":خلاص خلاص روح ...
بتال "ضحك بمكر": طيب بس تراك صرتي طماط ...
روضه "عضت على شفاتها .. ومسكت الملعقه ..":بتال .. اذا ما طلعت من المطبخ بضربك على راسك بهالملعقه ...
بتال "ضحك": بطلع بطلع ... يمممه ... رجعتي فعلا روضه اللي اعرفها ..."طلع من المطبخ "....
روضه "حست بغصه ..من اللي صار بينهم ... مو عارف ليه فلتت اعصابها عليه ... هذا اول صباح لها وهي متزوجه ... وللاسف كان مثل كل صباح عند خالها بل يمكن الاسوأ "
................................................
تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
................................................
في الشركه ...
يزيد ... في مكتبه ... رن جواله ... استغرب انه ابو راكان ...
يزيد: هلا ابو راكان ...
ابو راكان : هلا يزيد ... اخبارك ..؟!
يزيد : الحمدلله ... وانت ؟!
ابو راكان : بخير جعلك بخير ... بغيتك في خدمه اذا ما عليك امر ..
يزيد : امر يابو راكان ..
ابو راكان : مايامر عليك عدو ... بس بنتي "لمياء" ودها تجرب الشغل الميداني بالشركات ..
يزيد "باستغراب": طيب ..؟!
ابو راكان : واكيد اذا بتشتغل في شركتنا ما راح تستفيد كثير لان الكل راح يخدمها .. وحتى لو سوت شي غلط محد راح يوجهها ... فانا قلت ..لو تجربها عندك كذا شهر .. وتعلمها .. وتستفيد وتاخذ خبره ...
يزيد "رفع حواجبه": بصراحه مدري ايش اقول لك.. فاجأتني بالموضوع ... احنا عمل الاناث عندنا بالشركه محدود ... بس .. ماقلت لي .. ايش شهادتها ...؟!
ابو راكان "ابتسم" : توها تخرجت من الثانوي والمفروض تدخل ادراة أعمال بس هي مصرة على الشغل ...
يزيد "ضحك": يابو راكان الحين انت ادرى .. فيه اللي عندهم شهادة جامعيه وتوظيفهم صعب ...
ابو راكان : ادري .. بس هذي بنتي دلوعتي .. ماراح استأمن عليها في شركه ثانيه غيركم ...شغلها أي شي .. لو بس تراجع اوراق ..
واذا على الراتب .. مستعد اني اكون مسئول عن راتبها ..
يزيد : لالا يا بو راكان ..ما هقيتها منك ... شركتنا مو عاجزة انها تأمن راتب لموظفيها.."بحيره" ... بس المشكله ايش الوظيفه اللي تناسبها ..
ابو راكان : قلت لك أي شي .. تكفى لا تردني ...
يزيد : طيب .. والله ما اردك يابو راكان .. وابشر ..."وياشر على خشمه" على عالخشم .. انت بس خليها تيجيني بكرة الساعه10وان شاء الله مايصير الا كل خير ...
ابو راكان : كفووو والله ... هذا العشم منك ..
يزيد : يا هلا والله ...مع السلامه ....
قفل "يزيد" جواله ... وعلى طول ... دخل "سند" ..عنده ... بدون ما يدق الباب ..."سلام ..."
يزيد "مفتح عيونه فيه": .. وعليكم السلام ... بسم الله .. ياخي دق الباب على الاقل ...
سند "ضحك": ما حصلت السكرتير على مكتبه ... وبابك كان مفتوح .. قلت أفاجئك ..
يزيد "يضحك":تمون .. بس هاه ... اخر مره تسويها ... لو شافوك الموظفين الباقيين ..كان الكل سوا مثلك ...
سند "يضحك": تخيل ... كان راحت هيبتك .. يالمدير ...
يزيد "ضحك .. وطالع فيه ": ماشاء الله وش هالكشخه ... اول مره اشوفك كذا ..
سند "شمق له ": جت جدتي الثانيه ...
يزيد "فتح عيونه": ايشش ... تخسا قال جدته الثانيه ...
سند "بزعل": وش دراني انت وجدتي اول مره تشوفوني مكشخ .. تقول ليش تحط عطر ..
يزيد "ضحك. بقوه": الله يقطع ابليسك ...
سند : ايه اضحك ..وش عليك ...
يزيد "يحاول يمسك ضحكه":.. طيب بسكت .. بس قول لي .. ايش جابك وانا قلت لك خذ دورة الكمبيوتر اول ..
سند : مو الدورة بالعصر .. واجلس فاضي طول اليوم .. قلت اجيكم في الصباح ..والعصر اروح الدورة ...
يزيد : اها .. يعني تبغى تعرف ايش بعينك ... تصدق عشانك بفتح قسم جديد ..
سند "بحماس": جد ... واكيد انا بصير الرئيس ...
يزيد : على نفسك .."وضحك"
سند : على نفسي على نفسي مو مشكله ... "وضحك"...
........................................................................
"هويدا" ... تكلم " فطوم " .... وهي مشغوله باللاب توب قدامها ...
هويدا "مو مركزه معاها ":اممممم..
فطوم : وشو اللي امممم ... اقول لك ... خالد اتصل فيك ..والا شي ..
هويدا : هاه ... لا وش يتصل جعله الماحي ان شاء الله ...
فطوم : ايه والله ... اقول هويدا .. ايش رايك تجين عندي بكرة .. تدرين بس باقي كذا يوم وتبدا الدراسه ...
هويدا "بملل": لا لا .. اذا تبغين انتي تعالي ..مالي خلق اروح عند احد ...
فطوم : والله مدري بقول لجدتي وسند واشوف ..
هويدا "..صرخت بقوه وهي تطالع في اللاب توب ...":.. يس .. يس اخيرا ....يالله ....
فطوم "بتعجب": خير وش فيه ...
هويدا "بفرح": ماني مصدقه ...
فطوم : هويدا ... وشو ... تكلمي ...فرحيني معاك ...
هويدا "بفرح": اخيرا .. اخيرا يا فطوم ... جاني الرد من عياده .. راسلتهم قبل كم يوم .. وجت الموافقه وحددوا لي موعد ... اروح لهم ...
فطوم : موعد ايش .. وعياده ايش ... مو فاهمه ..
هويدا "جلست وبصوت واطي ": ... عياده ترميم ... فهمتي ...
فطوم "قطبت حواجبها .. وبعد سكوت ": من جدك يا هويدا .. والا تمزحين ...
هويدا "بكل جديه": هذا موضوع ما ينمزح فيه ...
فطوم : لا .. لا صعب .. تكفين كفايه مغامرات ...
هويدا "باصرار": الا بروح وبسافر وبسوي العمليه ... اللي صار لي لازم ينتهي ... انا تعبت من التفكير ... وانتي قلتيه بلسانك .. اللي عندها هالعز كله لازم تلقى لها مخرج من هالورطه ... وانا بفلوسي بقدر ارجع كرامتي وشرفي ...
فطوم "انربط لسانها ":..أ ..أ ... ما... ما ادري .. بس انا اقصد ...
هويدا "قاطعتها ":.. ما يهمني ايش تقصدي .. اهم شي .. ارجع زي ما كنت ..
فطوم : طيب انتي واثقه من هالعياده .. وبعدين تعالي تقصدي عياده عياده والا مستشفى ..
هويدا : لا عياده عياده .. اصلا انا ما ابغى مستشفى كبيير ..انتي عارفه العياده زوديهم شوي فلوس ولا يهتمون باسمك ومكانك عكس في المستشفيات ...يدققون في البيانات الاصليه ..
فطوم : ياربي والله خايفه عليك ..... طيب هالعياده وين..؟!
هويدا : ما بقول لحد عنها ...بس هي اكيد برا السعوديه ...
فطوم : ولا انا ...
هويدا : ولا انتي ..."بصوت واطي حزين"... معليش بس ماصرت اثق حتى باقرب الناس لي ...
فطوم :.. الحين انا اعرف عنك كل شي ... جات على المكان ...
هويدا : ايه .. ايش يضمني ان مافيه احد يجي وراي وياخذ اوراق من العياده او يمكن ... يمكن يصورتي ...
فطوم : لا بالله منتي بصاحيه ... مين بيتابعك .. ولا يصورك بعد ...
هويدا : ما ادري بس.. مو يمكن انتي وخالد متفقين علي ...
فطوم "بتعجب": خالد .. وانا ايش عرفني فيه .. هذا صديقك انتي .. مو انا .."وبعصبيه" .. واصلا يا ست هويدا انا قطعت كل علاقاتي السابقه والحمدلله رجعت للطريق الصح .. ولا افكر ارجع ..للي علمتيني اياه ...
هويدا "بعصبيه.. وتكبر ": انتي اللي بنت فقر .. وما صدقتي احد يصرف عليك ...
فطوم "بعصبيه": انا صح فقيرة بس اشرف منك .. " وقفلت الجوال .. ورمته بقوه على الجدار .. وطاح مكسر.. وتصارخ " .. متكبرة مغرورة ... "وبكت "..
دخلت جدتها عندها .... شافتها تبكي والجوال مكسر ... قربت منها وجلست جنبها على سريرها ... تسمي عليها .. وتحضنها ...
........................................
اليوم التالي في الصباح ...
كانت لمياء مكتفه يدها وواقفه عند مدخل الشركه بزعل وملل ... لان السكرتي منها تدخل بدون بطاقة العمل ... ولما طلبت تقابل المدير خبرها انه بالطريق... فوقفت تنتظره ... وكانت لابسه عابيه على الكتف فيا فصوص على الاطراف .. ومحجبه شعرها ... وكاشفه وجهها مع وضع مكياج خفيف ...
وقفت سيارة لكزسس سودا .. ونزل منها "يزيد" بعد ما فتح له مسؤول المواقف باب السيارة .. واخذ المفتاح من يده ... و مر "يزيد" .. وهو نافخ صدرة ... وماسك شنطة اللاب توب في يد .. ويضبط شماغه الاحمر بيده الثانيه ولابس ثوب ابيض .. ومسوي سكسوكه خفيفه ... ونظارة شمسيه ...
تابعته "لمياء"بنظراتها وخفق قلبها ... لما شال نظارته الشمسيه وطالع فيها بنظرات تفحص ... و سأل السكرتي .." ايش عندها الأخت هذي واقفه هنا ؟؟!!"
السكرتي : يا استاذ يزيد ..هذي تقول موظفه هنا وماعندها بطاقه ..
سمعت لمياء اللي دار بينهم.. وعرفت انه يزيد .. وقربت منهم ووبابتسامه ناعمه " صباح الخير استاذ يزيد ... "
يزيد "قطب حواجبه ": هلا ...؟!
لمياء: ا... انا لمياء ...
يزيد "بنفس الجمود" : .. وش يعني ..؟!!!
لمياء "ارتبكت.. من جموده": أأ لمياء بنت ابو راكان .. بابا كلمك عشان أ...
يزيد "قاطعها": .. ايه .. ايه ... تعالي وراي .."رجع نظارته بجيبه ... ومشى ..وهي تتبعه.. وصلوا الاصنصير ... دخل .. ولمياء.. ترددت .. تطلع معاه و الا تنتظر ... وبصوت عالي ".. بنتظرك كثير ... والا تفضلين الدرج....
لمياء "بحرج": لالا جايه .. "ضغط زر الطلوع .. وهي منزله راسها .. شمت ريحة عطره اللي غطت المكان .. خلاها تتوتر وفضلت ترجع لاخر الاصنصير ... تكت بيدها .. وضبطت حجابها .."
يزيد "لف عليها ..وبتأكيد ": اسمك لمياء ..صح ..
لمياء "هزت راسها": يس ..
يزيد "طالع في يدها ..ولاحظ ارتباكها": اشوف يدينك فاضيه .. ما جبتي ملف معاك ..؟!
لمياء "بخوف": لا ..
يزيد : ليه ..؟!
لمياء : بابا قال لي ...
وقف الاصنصير وفتح الباب ... خرج "يزيد"..بدون مايسمع باقي كلامها ... عضت على شفايفها ... لانه طنشها ...وخرجت تركض تلحقه ... وصل لعند السكرتير وهي وراه لحقته ...
يزيد : ريان ... خلي الاخت تنتظر هنا .. وجيب لي قهوتي وكروسان معاها .. الله يخليك...
ريان "ابتسم له ":.. ابشر طال عمرك .. "طالع في لمياء".. تفضلي ارتاحي ..
دخل يزيد مكتبه ... ولمياء ..جلست وهي مقهورة منه ومن تصرفاته ...
...........................................
تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
...........................................
روضه وبتال في شقتهم ... خلصوا فطور ... وجالسين يفرجوا على التلفزيون ...
"روضه "كانت تتأمل" بتال" وهو مركز مع البرنامج اللي بالتلفزيون ... تراقب حركاته ورمشاته ... كأنها اول مره بحياتها تشوفه .. تغير كثير عن اول ... او يمكن هي تشوفه تغير بعد ما تغيرت تسميته بولد جيراننا الى زوجي ...لاحظت قد ايش نحف وجهه الظاهر من الظروف اللي مر فيها ... والشنب الغير مرتب فقط حالق الدقن .. حست بشعور غريب وهي تتامله ..
طالعها بتال .. وابتسم " خير .. مضيعه شي بوجهي"
روضه "بحرج": لا .. سلامتك مو مضيعه شي ... "سكتت شوي.. وبعد تردد "... بتال ..
بتال : هلا ..
روضه : ممكن اتكلم معاك بموضوع يخصنا احنا الاثنين ويخص حياتنا ..
بتال "باستغراب": وش هالموضوع ..
روضه : لمتى بنعيش مع بعض بهذا الشكل ..
بتال : ما فهمتك .. ايش تقصدي ..
روضه : يعني انا .... وانت.... ايش نقرب لبعض الحين ..
بتال "بلا اهتمام": انا اخوك .. وبضل اخوك ...
روضه "عصبت":اجل ليه تزوجتني ...ليه ما خليتني عند خالي معززة مكرمه ..
بتال "بتريقه":الله واكبر ياذا العز .. انا سمعت خالك باذني وهو يخاصمك ويعصب عليك ...قالت عز قالت ...
روضه "بعصبيه": اصلا فاهمتك من اول ... انت لا تحبني ولا عمرك فكرت فيني كزوجه ... تبغاني اخذ مكان امك واختك واعوضك عنهم ...
بتال "ببرود": الحين انتي وش مزعلك ...
روضه : مزعلني انك مو مراعي مشاعري ... مو فاهمني ...
بتال "وقف" : روضه .. انا اسف مقدر اعتبرك الا اخت ..."سجب مفتاح السيارة ... وطلع من الشقه "
....................
" لمياء " تضرب الارض بكعبها بتوتر..وهي مكتفه يدينها ... وكل شوي تطالع في الساعه ... انزعج منها السكرتير .."لو سمحتي .. ممكن تخففي ضرب رجلك ..عندنا شغل يبغاله تركيز "
لمياء "وقفت":وانا بعد وراي شغل .. لي عشرين دقيقه انتظر .. ممكن تقول لمديرك ..يا يقابلني الحين ..يا يخليني اروح ...
ريان "وقف": طيب .. دقيقه لو سمحتي ... تفضلي اجلسي بعطيه خبر ..
لمياء"رفعت راسها" :مرتاحه كذا ...
دخل "ريان" عند "يزيد" .. وشوي خرج .. وطلب منها تدخل تقابله ...
دخلت "لمياء " بعد ما حاولت تهدي نفسها ...اخذت نفس عميق .. ودخلت سلمت ..وجلست على اول كرسي مقابل مكتب " يزيد "..
يزيد"شرب من القهوه .. وطالع فيها": .. قلتي لي ..ما جبتي اوراقك؟!
لمياء : مو انت ما خليتني اخلص كلامي ... بابا قال لي ..
يزيد "قاطعها": .. انا ايش دخلني في ابوك .. انا سالتك عن اوراقك ..جبتيها ..او لا ....؟!!
لمياء"تطالع فيه برجاء":طيب بقول لك ان...
يزيد"باصرار": ايه ... او ... لا ..
لمياء "بلعت ريقها بصعوبه": لا ...
يزيد "بدون ما يطالع فيها":.. تعالي بكره ومعاك ملفك واوراقك .."يأشر لها تطلع " تفضلي ...
لمياء"وقفت": طيب ايش الاوراق اللي اجيبها معاي ..؟!
يزيد : اطلبي السكرتير ... "ولف على اللاب توب يشتغل عليه "
لمياء : طيب .. شكرا ..."طالعت فيه تنتظر رد ... ما جاها الا التطتيش ... خرجت ..وطلبت من السكرتير ..الاوراق المطلوبه .. ورجعت لبيتها .. بعد ما شخصية "يزيد" شلت تفكيرها "
..............................................
" بتال " جالس على كوفي شوب قريب من البحر .. وينتظر "يزيد"و"سند" .. سرحان في البحر .. يفكر في كلام "روضه".. من لما طلع في الصباح ماعنده الشجاعه يرجع البيت ...
>>>> يزيد يتصل بك<<<<
بتال : هلا يزيد ... وينكم ...
يزيد : يالله طالعين من الشركه نص ساعه ونكون عندك ..
بتال : طيب ... يالله مع السلامه ..." نزل الجوال على الطاوله ... واخذ كاسة العصير اللي قدامه .. سرب منها شوي ... ورن جواله ... طالع في الرقم حس انه مو غريب عليه ... تذكرها .... معقول بترجع تتصل بعد رسالتها .."... نعم ؟!
هويدا : انا هويدا يا بتال ...
بتال "ابتسم": هلا ... خير ...
هويدا "بدلع": مايجي من وراي الا الخير طبعا ..
بتال : طيب .. قولي يا ام الخير ...
هويدا : انت لوحدك ...؟!
بتال "زفر بقوه": ايييه ... لوحدي ...
هويدا : شكلك متضايق ..
بتال : مين اللي مرتاح في هالدنيا ...
هويدا : مو قلت لك..انا وانت نشبه بعض ..بس ماصدقتني ...
بتال : ليه انتي ايش عندك من هموم .. لسى ببيت ابوك .. وماشاء الله مبسوطين من كله ..
هويدا : من قال الفلوس تجيب الراحه ..."بكت".. بالعكس يمكن الفقراء مبسوطين اكثر مني ...
بتال : ليه الحين تبكي ... ترى ما اتحمل اشوف بكاء بنت قدامي ..
هويدا "عرفت نقطه ضعفه .. فبكت اكثر":...
بتال "بضيق": تكفييين هويدا ...خلاص ..
هويدا : طيب بسكت بس بشرط ... ما تقطعني ...
بتال "حك جبهته": هويدا ...ليه انا ....
هويدا : لاني ... لاني ... أحبك ...
بتال "انصدم من الكلمه .. وتلعثم ":..أأ.. مم ... أأأ.."ضحك"... مدري وش اقول لك... صدمتيني ...
هويدا "ابتسمت بمكر.. وبدلع":.. يوووه بتال احرجتني ..يالله باي .."وسكرت جوالها وهي تضحك عليه ومن ردة فعله"
" بتال ".. مو مصدق اللي سمعه ... كلمه اول مره يسمعها من بنت .. تغيرت نفسيته مررره ...صار مبتسم كل ماتذكر كيف انحرجت وسكرت ... ماح سالا "يزيد"و"سند" جالسين قدامه ...
بتال "ابتسم": بسم الله .متى وصلتوا ...
يزيد : والله من يوم الابتسامه شاقه حلقك ...
سند "يطالع في يزيد": هذا اللي ادوشتنا عليه زعلان ومتضايق ...شوفه كيف ...
بتال "ضحك بقوه": ياربي تذلون الواحد ذل اذا احتاجكم ...
سند : يعني الحين محتاجنا ...
بتال : لا ... جيتوا متأخرين ...خلاص روقت .."وضحك"..
يزيد : قولي ايش صار بينك وبين روضه ...
بتال "تغيرت ملامحه": ليه تذكرني ...
يزيد : مو انت من اول تقول تبغى تفضفض ...
بتال "بلا اهتمام": باختصار ..روضه شكله موعاجبها الوضع في البيت ..
سند : انتو لسى مثل الاخوان ...؟!
بتال "هز راسه بنعم"...
يزيد.. وسند طالعوا في بعض ..محتارين ايش يردوا عليه ...
بتال: هي شكلها مو راضيه تفهم ...اني ما اقدر اعاملها الا زي اختي ...
سند : الغلط منك ما صارحتها ...
بتال : يا شيخ ... ريحنا من هالسالفه ....انا كنت ابغى اقول لكم اني ابغى ادور لي شغل ...
يزيد : ودراستك ...؟!
بتال "بسخريه":أي دراسه واي بطيخ ...
يزيد : لا لازم تكمل دراست ...خذ زوجتك ... اقصد روضه .. وسافر وارجع بالشهاده وتوظف ...
بتال : لا ..ماني مسافر مره ثانيه ... وترى ابو راكان عرض علي وقت الخطوبه اني اشتغل عنده.. شكلي بكلمه ...
يزيد : وانا وين رحت ...
بتال : انا ما ابغى احرجك ...كفايه سند ...
سند "حط رجل على رجل": الاستاذ سند لو سمحت ... انت تتكلم عن مدير القسم ...
بتال "ضحك":جد ...يالله مبروووك ...
استمرت سهره بتال ويزيد وسند الى منتصف الليل ...رجع بعدها كل واحد لبيته ...
................................................
روضه كانت تتكلم مع لمياء بالجوال في غرفتها ...
روضه : تعالي عندي والله ملت لوحدي ...
لمياء : بكرة لو رحت الدوام راح امر عليك ... عادي باي وقت حتى لو بالظهر ..
روضه : أي عادي ..
لمياء : بتال ما بيكون موجود ..
روضه "بحزن": مدري عنه ... اصلا اليوم من الصباح طلع ولا رجع ...من لما كلمته ...
لمياء : وكيف ايش قال لك ..
روضه : يقول زي اختي ..تخلخلت عظام... استغفر الله ..عظام الشيطان ..
لمياء "ضحكت": .. والله منتي بسهله ...طيب اسمعيني ... فيه فكرة ثانيه ...
روضه : قولي ...
لمياء : شوفي يبغالك تتقربين منه اكثر ... يعني امسكي يده ... قربي منه لصقي فيه ... كذا يعني ..
روضه "حمر وجهها": لا يؤؤؤ ... صعب ..
لمياء : يا غبيه هذا زوجك ... حلالك ... يمكن الرجال مستحي يبدا ...خايف منك تصديه ... اعطيه الضوء الاخضر ... يمكن يتشجع ويتلحلح ..
روضه : مدري .. ترى انا مو جريئه زيك ...
لمياء"تضحك" : ..اوكي جربي منتي بخسرانه ... يالله حبيبتي لازم انام وراي ...روح الصباح...
روضه : موفقه يارب ...يالله مع السلامه ..
قفلت روضه وسمعت باب الشقه فتح وواضح ان بتال وصل ....لصقت وجهها بالباب لحد ما سمعت باب غرفته تقفل ... رمت نفسها على السرير .وهي تفكر في كلام لمياء .. يعني لازم ابدا معاه....فعلا يمكن منحرج .. المشكله حركاته وكلامه تعصبني .. ما اقدر اضبط اعصابي ... وماعمري لمحت له اني احبه ...ياربي وش فيني صرت كذا ... لازم اهدا .. وابين له حبي .."ابتسمت وهي تفكر بهالكلام .. لدرجة ما سمعت بتال لما طلع من غرفته وراح للحمام .."...تذكرت ان حبوبها ما اخذتها ... طلعت من الغرفه وراحت للمطبخ تجيب لها كاسة مويه ... طلعت من المطبخ .. وانصدمت لما شافت بتال طالع من الحمام وقد اخذ دش سريع ورابط المنشفه على خصره ... ارتبكت حتى ان المويه صارت تنل على يدها ... بتال عجبه شكلها وهي منحرجه ...قرب منها وهو يبعد شعره الغرقان من على وجهه ... نزلت روضه نظرها لتحت ...
بتال "مد يده واخذ كاسة المويه ... وشربها ": الله مشكورة على المويه ..
روضه "ابتسمت": بالعافيه .. "طالعت فيه بنظرة سريعه .. ومشت رايحه لغرفتها .. ووقفت لما سمعت بتال يناديها"
بتال "لف عليها":روضه ... تحبيني ...؟!
روضه "وبدون ما تلف عليه .. ارتبكت..وبصوت يرجف ": لا ..."ودخلت غرفتها ... وسكرت الباب ... وهي تتنفس بسرعه ...ولا شعوريا ... سحبت الجوال .. وكلمت لمياء"
روضه "بحماس": الووو ..الووو لمياء ...
لمياء "بصوت كله نووم":هممم.. خير روضه فيه شي ؟!
روضه : لمياء ..الحقيني ...بتال سألني وقال لي ..تحبيني ...؟!
لمياء "تحاول تفتح عينها":ايوا .. وايش قلتي له ..
روضه : انحرجت .. وقلت لا ...
لمياء : ياربي منك يا روضه ليه..؟!
روضه : مدري .. مدري ... بس انا مبسوووطه ..واي بطير من الفرحه ..
لمياء : شفتي انه يبغى يتقرب منك بس انتي مدري ايش تفكرين فيه ..
روضه : خلاص والله راح اهتم فيه .. واتقرب منه ...يالله روحي نامي ازعجتك ... مع السلامه ...
رمت روضه نفسها على السرير ..وبفرح ... حطت يدها على قلبها .. وهي تتذكر شكل بتال .. ولما سألها .. وحست انها ملكت الدنيا ومافيها ...
مسكينه روضه الظاهر من كثر الصدمات بحياتها حتى سؤال عادي ..حست انه شي كبير .. ويعني لها الكثير ...
بتال .. في غرفته يتقلب ..مو قادر ينام ... كل ما تذكر مكالمته مع هويدا ابتسم ... غصب عنه اخذ جواله .. وجلس .. فتح الجوال وطول وهو يتأمل رقمها .. بعد تردد ... ضغط على زر الاتصال .. ومن ثاني رنه ..جاه صوت هويدا الناعم ..."اهليين "
بتال "بتردد": هويدا ..؟!... انا ..انا بتال ..
هويدا "بدلع": ايييه عرفتك ..
بتال "بدا قلبه يخفق": انا اسف اذا ازعجتك ..او..
هويدا : لا يا قلبي ..انا أي وقت فاضيه .. واذا مو فاضيه ..افضي نفسك لك ..
بتال "ارتبك": هويدا ..انا ما اقدر على هالكلام ..
هويدا "ضحكت بدلع": ...
بتال "عرق": يا ويل حالي ... لا تضحكين كذا والله بتجيبين اجلي ... حرام عليك ...
هويدا "ملت منه": بتال حبيبي ... معليش بنام الحين اوكي .. يالله باي ..
بتال :باي ..."سرح في كلامها يفكر فيه .. بنت دلوعه جميله حتى لسانها عسل ... يا قلبي انا ...".. ومن شده الحر اللي كان يحس فيه ..فصخ التيشرت ..ونام بالشورت ....وهو يحلم بهويدا .. ويحاول يتذكر شكلها اخر مره ..
ماقدرت تنام روضه ...تشجعت .. وضبطت نفسها .. لبست قميص قطني بدون اكمام وقصير لنص الساق ... بخت شوي عطر ... خرجت من غرفتها ... وراحت لغرفنة بتال ...فتحت الباب بشويش .. قربت منه .. بلعت ريقها بتوتر لما شافته بدون تيشرت ونايم ..جلست على طرف سريرة ...وبعد تردد ..مدت يدها على صدرة بخفه .. وصارت تلمس شعر صدرة .. تحرك بتال بتقل .. وحس فيها ووضع يده على يدها فوق صدرة ...انتفضت روضه ... وبهمس .. "بتال "
بتال "كانت مسكر عينه .. ويحلم في هويدا .. ومو حاس بروضه ابدا ... وبس سمع صوتها ..فتح عينه بسرعه ..وطالع فيها ... وسحب يدها من على صدره ..": ايش فيه ...
روضه "ضمت يدها الثنتين على صدرها":بتال ...انا ...انا ...
بتال "وكأنه حس بالكلمه اللي بتقولها ...قاطعها":روضه لو سمحتي ... اطلعي من غرفتي ...ولا تدخليها الا بعد ما اسمح لك ...
روضه "برجاء":بتال ..اسمعني ...
بتال "وقف من على السرير ... وفتح الباب ":.. اطلعي ....
روضه "تجمعت الدموع بعينها.. وخرجت من الغرفه ... وسكرت الباب وراها ... وسمعت كمان قفلة المفتاح ... وبدون شعور منها راحت لغرفتها تركض ..."
بتال ..كان جالس على السرير .. ومتوتر من اللي صار بينه وبينها ... دقايق الا يشم ريحه حريق ... فتح باب غرفته بسرعه ... وخرج يركض "... روضه ... روضه ...."
تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
قراءة ممتعه اتمناها لكم ..تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
حماس
من جد رووعه وابداع
كملي ياعسل انا في انتظارك لاطولين علينا
يعطيك العافيه وربي يسعدك..تعليق
-
رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...
مسكينه روضه
الله يعطيك العافيه
ننتظرك لاتطولين ...تعليق
تويت
تعليق