( رواية من حب عفوي الى حب جنوني ) للكاتبه ( عقد اللؤلؤ ). (كامله)

**أوراق الخريف** · 07-02-2013, 05:37 PM

رد: ( رواية من حب عفوي الى حب جنوني ) بقلمي

تسلم يمناك غلاتي لولو

بصراحة كلمة ابداع قليلة في روايتك

بصراحة زعلت من راكان ليه ماجاب شهادة روضة معاه

وكمان مقهورة من روضة وسلبيتها

انتظر البارت القادم بكل حماس

تحياتي لروحك

**بنووته نايس** · 07-02-2013, 07:34 PM

رد: ( رواية من حب عفوي الى حب جنوني ) بقلمي

رووعه ماشاء الله استمررري ياقلبي متابعه لك .

***مزون شمر*** · 08-02-2013, 03:49 PM

رد: ( رواية من حب عفوي الى حب جنوني ) بقلمي

مسكينه روضه
كسر خاطره ركان
يعطيك العافيه البارت روعه
ننتظرك ياحلوه لاتطولين ..

**عقد اللؤلؤ** · 12-02-2013, 04:03 AM

رد: ( رواية من حب عفوي الى حب جنوني ) بقلمي

المشاركة الأصلية بواسطة أوراق الخريف

تسلم يمناك غلاتي لولو

بصراحة كلمة ابداع قليلة في روايتك

بصراحة زعلت من راكان ليه ماجاب شهادة روضة معاه

وكمان مقهورة من روضة وسلبيتها

انتظر البارت القادم بكل حماس

تحياتي لروحك

يسعدك يالغلا ...

منورة والله

**عقد اللؤلؤ** · 12-02-2013, 04:03 AM

رد: ( رواية من حب عفوي الى حب جنوني ) بقلمي

المشاركة الأصلية بواسطة بنووته نايس

رووعه ماشاء الله استمررري ياقلبي متابعه لك .

يا هلا وغلا والله ...

نورتي

**عقد اللؤلؤ** · 12-02-2013, 04:04 AM

رد: ( رواية من حب عفوي الى حب جنوني ) بقلمي

المشاركة الأصلية بواسطة *مزون شمر*

مسكينه روضه
كسر خاطره ركان
يعطيك العافيه البارت روعه
ننتظرك ياحلوه لاتطولين ..

فديتك غاليتي مزون

نورتي والله

**عقد اللؤلؤ** · 12-02-2013, 04:13 AM

رد: ( رواية من حب عفوي الى حب جنوني ) بقلمي

<<<<<<<<<<<<<<<<<<<<<<<<<<<<<<<<<<<<
الجزء الخامس عشر
<<<<<<<<<<<<<<<<<<<<<<<<<<<<<<<<<<<<

أتيت ياعيد
وبأي حال عدت
أين فرحك وصخبك
أين براءة الطفولة
وملاعب الصبا
واليوم لم يعد سوى الرجع والصدى
واليوم لم يبق إلا الأنين والبكا
عدت ياعيد

مر أول يوم ..من عيد الأضحى على الجميع ... لم يكن فيه مميز الا الاقتداء بنبينا محمد وذبح الأضحية .. اما أبطالنا للأسف حالهم لا يسر .. وطعم العيد وحلاوته ذهبت مع مرارة الأوجاع .. القلبية او الجسدية ..

واخيرا خرج ابو يزيد من المستشفى ...

يزيد ..داخل لفلتهم وهو ماسك يده ابوه من جهه وبتال من جهه لحد ما جلسوة على الكنبة الطويله ورفعوا رجله .. وهويدا وراهم شايله .. شنطته .. يزيد جلس عند رجله .." نورت البيت يبه " ..
ابو يزيد "بصعوبه":. تسلم ..
هويدا "نزلت الشنطه بالارض .. وفصخت عبايتها ورمتها على الكنبه .."
ابو يزيد :" يطالع في هويدا .. اللي لما تلاقت عينه بعينها .. لفت بسرعه .. وراحت للمطبخ " ...
بتال :.. الحمدلله على سلامتك عمي ..
ابو يزيد :.. الله يسلمك .. " طالع في يزيد ".. وين سند.؟!
يزيد .:.. سند بالشركه ..
ابو يزيد :.. كلمت ريان ..؟!
يزيد "يهمز رجله":..ايه كلمته .. وكل شي مثل ما تبغى .. بعد ساعه ان شاء الله ريان وسند بيكونوا هنا .. بس ارتاح انت ولا تتعب نفسك ..

دق جرس باب الفله ... وراح بتال يفتح الباب ..كان السواق .. بتال رجع للصاله .. " هذا السواق يقول وين سوماتي ..عشان لا تتأخر عن موعد الرحله "

طلعت هويدا من المطبخ ..وبيدها عصير برتقال .. قربت من ابوها ..وعطته .. بدون ما تطالع في عينه ..ولفت على بتال .." هي بالملحق بغرفتها ... الحين بكلمها ..تنزل "... وراحت للتلفون ..وطلبت منها تنزل ... وابوها يتابعها بعينه المتعبه ..يتمنى يسمع منها كلمه تبرد على قلبه ...

دقايق ونزلت سوماتي .. تسحب شنطتها وراها .. وجاني وراها تسحب شنطتها الثانيه .. مشت سوماتي لعند ابو يزيد .." بابا انت كويس "
ابو يزيد ..:..بخير... "طالع في يزيد .. اللي فهم على ابوه .. وطلع محفظته من جيبه .. وعطاها فلوس زياده "..
يزيد :.. هذا هديه من بابا ...
سوماتي "لفت على يزيد .. واخذت الفلوس ":.. يزيد انت كتير كويس ..
يزيد "ابتسم لها":... انتي اللي كويس ..انتي هنا 11 سنه .. شغل ميه ميه ..
سوماتي " لفت على هويدا بحزن ":.. هودي ... انا ..انا ..." نزلت دموعها ... وقربت منها تحضنها .. وبصوت واطي "..جاني سوي سحر ليزيد .."ورجعت تمثل انها تبكي ... وبعد عن هويدا .."
هويدا "فاتحه فهمها ...وتركز بعينها ..تحاول تتذكر اللي قالت لها ":..ايش ..قل ت...........
سوماتي "قاطعتها .. وهي تأكد لها بعينها ": لا ينسى انت هودي .. اوكي ...باي هودي ..باي ... "وتطالع فيهم كلهم".. باي ..باي ...

... وطلعت من الفله مع السواق .. ورجعت جاني للصاله بعد ماودعتها .. هويدا لسى واقفه مكانها ومصدومه ..من اللي قالته سوماتي ..طالعت بجاني بحقد .. وتذكرت تصرفاتها .. وبدون شعور ..اخذت عبايتها من علي الكنبه ... وبنرفزة .. " بتال يالله نرجع بيتنا "... وطلعت من الفله وهي تلبس عبايتها ...
بتال "وقف .. متفاجئ منها ... وباعتذار":.. معليش عمي .. بنرجع نزورك بوقت ثاني ..نخليك ترتاح الحين ... "وطالع ليزيد".. الحمدلله على سلامته ... "وطلع يلحق على هويدا "..

طلع السيارة ..وهويدا جالسه تاكل باصابعها وهي متكيه على طرف باب السيارة ...طالعها بتال .." هويدا ..هذا تصرف بالله ... ابوك لسى تعبان .. لا تتعاملي معاه كذا .. "
هويدا " لفت عليه .. ":.. جاني بتسحر يزيد ..
بتال :..هاه ... تسحره ..؟!!... مين قال لك ... وايش عرفك ..؟!
هويدا :.. سوماتي قالت لي .. "ولفت عينها تتذكر".. كان عليها حركات غريبه ..بس ماتوقعت .. "طالعت ببتال.".. انت قد لاحظت على يزيد شي مو طبيعي ...
بتال "بتذكر":..لا.. ما اتوقع ... بس انتي مصدقه سولاتي مدري سولاني ..
هويدا :.. سوماتي ... اكيد اصدقها ...ماعمري شفت منها شي غلط ..بس جاني هذي ..مشكله ..."وبنظرات باصرار ":تدري ... جاني مستحيل تنام اليوم بالفله ..والا ما اكون هويدا ..
بتال :.. ايش بتسوين ..؟!
هويدا "عدلت جلستها ":... يالله شغل السيارة .. وانا بقول لك ...

.........................................

في كندا ...

راكان وكاميليا ...جالسين على طاولة الطعام وقت العشاء ...ينتظرون روضه اللي تأخرت بالنزول ... كاميليا تلعب بالشوكه في الصحن و التردد واضح على ملامحها .. راكان .." كاميليا .. فيك شي .. "
كاميليا "طالعته بتردد":.. أ .. أ .. "تركت الشوكه ..".. ريك اسمع .. من لما وصلتوا ماحبيت افتح معاك الموضوع .. منتظرة انت تتكلم .. بس انا مافيني صبر.. اذا تعرف شي قولي وريحني ..
راكان :.. أي موضوع تقصدي ..؟!
كاميليا :.. موضوع اهلي ... أنا ارسلت لك كل المعلومات الجديده اللي عرفتها .. حتى عنوانه .. ارسلتها على ايميلك...
راكان " حك جبهته ":.. ما شفتها ..؟! على أي ايميل ارسلتي ...
كاميليا "بزعل":.. راكان موقت مزحك ... انا اتكلم جد ..
راكان :..وانا بعد اتكلم جد .. انتي ...

.. كاميليا دقت بكوعها راكان عشان يسكت ..ودخلت روضه عليهم .. سلمت بهدوء.. ووجهها اصفر .. جلست على كرسي طاولة الطعم ومسكت الملعقه وطاحت من يدها ... كاميليا ..بخوف .. "روضه ايش فيك .. انتي ..انتي .. لونك اصفر ..؟! "
راكان "يطالعها فيها ":.. قستي سكرك اليوم ..؟!
روضه " تقاوم الدوخه ":... امممم..
كاميليا :.. راكان ... شكلها دايخه .."ووقفت وراحت جنبها .. و مسكت يدها " .. روضه صحصحي روضه بايش تحسي ...
راكان "مسك يدها الثانيه يقيس نبضها":.. كاميليا جيبي شنطة الاسعاف حقتي من الغرفه ....
كاميليا ...جت بتوقف ولكن روضه ضغطت على يدها ..تبغاها تضل معاها ...فهمت الحركه .. وطالعت براكان .." انت جيبها ..انا باغسل وجهها بالمويه ..يالله راكان بسرعه .."
راكان استسلم لها ... وطلع يركض ..يجيب الشنطه ... روضه تحاول تفتح عينها ...وبصعوبه .." وديني ...وديني عند ...دكتورة ..نساء ...بسرعه "..
كاميليا "متفاجئه":..هاه ... نساء...
روضه "ضغط على يدها ":..بسرعه الله يخليك ..
راكان "نزل وفتح شنطته وطلع منها السماعه وجهاز الضغط ... وبدا يقيس ضغطها ..":.. واضح انه منخفض ..
كاميليا "بتردد":.. راكان .. لازم المستشفى ...انا بطلع ابدل ملابسي .. وباجيب عباية روضه .. حبيبي اطلب لنا سيارة تاكسي بسرعه ....."وراحت تركض لفوق بدون ماتسمع رد راكان .."
راكان "بصوت مرتفع":.. اوكي ...

بسرعه بدلوا ملابسهم .. و كاميليا لبست روضه عبايتها ... وهما طالعين و راكان وراهم ..لفت عليه كاميليا .."حبيبي مافيه داعي توافقنا "
راكان :.. بس الوقت متأخر ..
كاميليا :.. بنروح الطوارئ لا تخاف ..
راكان "باستسلام":... اوكي على راحتكم ..باي ..
كاميليا .. ابتسمت له وطلعت هي وروضه التاكسي .. وبسرعه على المستشفى ...

وصلوا المستشفى .....و دخلوا على الدكتورة .. وسوت تحاليل وتصوير بالموجات الصوتيه لما عرفت ان عندها نزيف.. وكل هذا وروضه مو فاهمه شي .. بس حست ان كاميليا وجهها متغير ... وصارت تكلمها برسميه عشان تترجم للدكتورة اسئلتها ... بالاخير راحت المختبر ...واخذت النتيجه .. و رجعت للدكتورة .. وتفاجأة .. وبصوت مرتفع ..مو مصدقه ... What?!

...................................................

**عقد اللؤلؤ** · 12-02-2013, 04:15 AM

رد: ( رواية من حب عفوي الى حب جنوني ) بقلمي

...................................................

سند وريان .. في مجلس الرجال عند ابو يزيد اللي متمدد على اطول كنبه بالمجلس ... ويزيد يصب لهم قهوه ...
سند "نزل فنجان القهوه على الطاوله ووقف":.. يالله كثر الله خيركم .. والحمدلله على سلامتك يا عم عبد الجليل ...
يزيد "ماسك الدله":.. وين وين ..منت برايح الحين ... بصب لك فنجال ...
ابو يزيد "بتعب":..خليك يا سند ..
سند "بصوت واطي":.. ابوك شكله تعبان لازم له راحه .. بنمركم مره ثانيه ..
يزيد "ابتسم ولف على ابوه":.. يبه سند يقول خايف عليك ..
ابو يزيد :.. مايقصر ..راعي واجب .. "يأشر على ريان ".. عطني الاوراق ..
يزيد "نزل الدله على الطاوله .. واخذ الاوارق اللي طلعها ريان من الشنطه .. ولف على سند اللي لسى واقف":.. ارتاح شوي بس مابنعطلك ..
سند "باستسلام":.. طيب .."وجلس"..
يزيد "جلس عند رجل ابوه .. وفتح الاوراق وبدأ يقرأ فيها بشكل سريع .. طالع في ابوه ":..تمام يبه .. تحب توقع اول .. والا اقراها عشان سند يفهم ..
ابو يزيد "ياشر له بيده ":..اوقع ..
وقع ابو يزيد على الاوراق .. وسند كان يطالعهم ببرود .. و ريان ينقل بصرة بين سند ويزيد .. اخذ يزيد الاوراق .. وعطاها سند وهو مبتسم .."مبروووك "..
سند " وقف له .. ومسك الاوراق.. وهو يبتسم باستهبال ":.. بشر ولد والا بنت ..
يزيد "ضحك":.. اقرأ .. وان شاء الله توأم ..
سند " يقرأ وهو مبتسم .. وشوي بدت تخف ابتسامته .. طالع في يزيد .. ورجع يتأكد من اللي قراه ..":..يزيد ... يزيد وش ذا ...من جدك انت .. لا لا تمزح .. يا شيخ ..قول والله .."جلس متحمس .. وسحب يزيد معاه "..تعالي اجلس بالله كمل لي الورقه ماعدت اشوف الحروف ..ترقص ترقص قدامي ...

ريان وابو يزيد .."يضحكون على ردة فعله"...
يزيد "يضحك":..ايه بترقص لك .. يا مدير شؤون الموظفين ...
سند :.. ياخي تتكلم جد ..
يزيد "مسك الورقه":..هذا توقيع الوالد عليها ..مايكفي.. اسمع ..هنا ... براتب 13 الف قبال للزيادة سنويا .. وتأمن لك الشركه سيارة وتأمين طبي .. وسكن .. غير الحوافز ..والدورات ..
ابو يزيد "بتعب":.. تستاهل ...
سند "يمسح العرق من جبهته .. وراح لابو يزيد وسلم على راسه .. وبفرحه مكتوومه ":.. ربي يطول بعمرك ياعم ويعطيك الصحه والعافيه ... ويجزاك خير ..
ريان "وقف وبابتسامه ":.. مبروك يا استاذ سند.."ومد يده يصافحه"..
سند "لف عليه .. ومن بين اسنانه":..مبتسم انت ووجهك .."مد يده يصافحه"... طيب اغمز لمح .. حسبي الله على ابليسك يا شيخ .." سحبه لحضنه بفرح".. يبارك بعمرك ..
ريان "بعد عنه وضحك":.. عرفت الحين ليه يثقون فيني الاعمام .. "طالع في ابو يزيد"..عن اذنك ياعم وسلامتك .."طالع في يزيد"..اسمح لي الحين.. برجع الشركه ارتب لاجتماع بكره ..
يزيد :.. طيب ..طيب ..."عطاه الاوراق".. تفضل .. وربي يقويك ..
ريان :...عن اذنكم .."وطلع من مجلس الرجال لبرا الفله"...

سند ".. بصوت واطي ..":...الوالد يبغاله راحه ..استاذن انا الحين ..
يزيد ..هز له راسه بعد ما طالع في ابوه شافه مغمص عينه ... طلع مع سند لبوابة الفله الرئيسيه .. وقتها لف عليه سند.. وركز بعيون يزيد .." مدري ايش اقول لك .. لساني مربوط "
يزيد "ابتسم له .. وحط يده على كتفه ":.. لا تقول شي ..انا وابوي اللي ماندري كيف نشكرك ..اسبوع وانت ماسك الشركه كأني موجود واكثر ..
سند "بحرج":.. والله احرجتوني ..انت اللي اعطيتني فرصه وحطيت ثقتك فيني ..الا مين بيسلمني ادراة شركه ولو ليوم واحد ..
يزيد :وطلعت بعد مو بسهل .. وربحنا مناقصه بفضل ذكائك بعد فضل ربي ..

سند "يرفع واحد من عواجبه بتكبر":..انت نسيت اني تاجر من يومي صغير .. بس كنت اشتغل في سوق الخضرة .. عشان العين وكذا ...انت عارف الناس ماتعطي خير ...
يزيد "ضحك":.اي والله ماتعطي خير... تحصن بس وانا اخوك ..
سند : لا توصي حريص ... يالله ...برجع الشركه اخلص اللي علي ...عشان بكره ترجع تنورنا ان شاء الله .
يزيد :..ان شاء الله ...
سند :.. يالله اشوفك على خير..."وطلع من البوابه الى سيارته"
يزيد :..مع السلامه ...

...................................................

هويدا مع بتال .. بالسيارة ... ومعاهم جاني ... بعد ما اقنعتها انها تبغاها اليوم تنظف شقتها ... الكل ساكت بالسيارة ..لحد ما جاني تكلمت بملل .." بيت انت بأيد هودي "
هويدا "قلبت عينها بحقد":..هودي هاه... انا مدام هويدا ...ممكن قفل فمك حتى نوصل ...
جاني :.. مافيه موشكله انا انتي سوا سوا عمر ..
بتال "مسك يدها ...وياشر لها بعينه بمعني اهدي":...
هويدا :.. ماتسمعها تقول انا وانتي عمرنا زي بعض ... ياربي اقطع هالوجه ...
بتال "بصوت واطي":.. .لما نوصل عند الاشارة اشغليها ..عشان لا تقرأ اللافته ...
هويدا "انتظرت شوي لحد ماقربوا من الاشارة اللي بطريق للمطار ...لفت على جاني ":....جاني هاتي المويه من تحت ..من عند رجلك ..
جاني "تنزل راسها":.. مافي ..وين هادا ...؟!
هويدا :.. دوري هنا والا هنا ... شوفي هناك.. بسرعه جاني ..
جاني "تقلب وتدور ":.. مافي .. مافي ...
هويدا :..خلاص.خلاص.. الحين نوصل البيت .. ونشرب .."كاتمه ضحكتها "..
بتال :.. أي والله عطشانين ...
هويدا "تبغى تتطمن ان الجواز وكل شي معاهم ":.. انت متأكد صح ان كوووول الاغراض بالبيت صح ... حتى ..حتى ...
بتال :.. اييه كل شي بالبيت .."ويرفع صوته"..عشان جاني بتجي البيت لازم كل شي كويس .."يطالعها بمرايا الاماميه .. وضحك ".. والله انها شاقه الضحكه من الاذن للاذن ...
هويدا :.. يارب سهل ...

بتال ..لمح سيارة شرطه على طريق المطار .. فكر شوي وهدى السرعه لحد ما وقف .... هويدا ..بخوف .."ليه وقفت !؟"
بتال "بتوتر":..السيارة شكلها تعطلت ... اوووف وقتها يعني ... "طالع في سيارة الدوريه .. اللي وقف جنبه ... ونزل لهم"..
هويدا ..تتابع بتال من داخل السيارة وهو يتكلم مع العسكري... وجاني برضه متابعه ... وقرب منها بتال وفتح الباب .. "يالله انزلوا بنطلع سيارة الشرطه يوصلونا البيت .." .. ولف على جاني... ".. انزلي هذا سيارة عطلان .. يالله نروح البيت .."
نزلت جاني لما نزلت هويدا وطلعت سيارة الدوريه .. وطلعت جاني .. وبسرعه يفتح بتال الباب لهويدا .. وسحبها بسرعه ونزلها من سيارة الدوريه وقفل الباب .. وجاني حاولت تلحق بهويدا بس .. الشرطي ضمن الباب .. ويطمنهم " خلاص صارت عندنا وبنوديها المطار "..
بتال "بارتياح ":.. الله يجزاك خير.. ويبيض وجيهكم ..
هويدا " مو مستوعبه ": ..بتال ..؟!!!
بتال "اخذ جواز السفر والتذاكر":..تفضل ..
الشرطي ..:.. خلاص تطمن ... وتقدر تروح انت .. "وطلع الدوريه وتوجه للمطار "
طلعوا سيارتهم ..وهويدا ..متفاجئه ..لما شغل السيارة عادي ..."السيارة ماتعطلت ؟!"
بتال "ابتسم لها": لا ... بس بصراحه واضح انها مو بسهله هالشغاله ..خفت تسوي فينا شي لما تنتبه للمطار .. ما ارتحت لها ..
هويدا "بارتياح":..اي والله جد ... كنت على اعصابي... " لفت على بتال "..مشكوور ..
بتال "مسك يدها وباسها ":.. العفووو حبيبتي ...تحبي نرجع الشقه والا مكان ثاني ..
هويدا :..ودي .. ودي اروح لابوي .. انت عارف ماعاد فيه شغالات بالبيت ..
بتال :ابشري .. ما طلبتي شي ..

هويدا سرحت وهي تفكر في مشاعرها القويه اللي تشدها لابوها بس فيه شي يمنعها انها تظهرها له ..

......................

كاميليا ..فتحت باب البيت ودخلت وهي متضايقه .. وتركت روضه تدخل وراها لوحدها وهي متعبه ... رمت كيس الادويه على طاولة الطعام ... وطلعت لغرفتها بدون ما تكلم روضه ولا حتى طالعت فيها ... وروضه اللي مشيت بتعب وجلست على الكنبه بصعوبه ...

كاميليا ..فتحت باب الغرفه ..وراكان كان على السرير وفاتح اللاب توب .. بس شافها داخله ...وطالعها .." جيتوا اخيرا ... كيف روضه .. "؟!
كاميليا " واقفه وهي مكتفه يدها ..و تطالع فيه بقهر .. ": .. فشلت خطتك للاسف .." وبصيغة الامر ".. تفضل اطلع من فلتي انت وهي ...
راكان " قفل اللاب توب .. وبتعجب ": .. كاميليا ايش فيك ..؟!.. شاربه شي ..؟!
كاميليا " لفت وعطته ظهرها " :.. روضه كانت حامل ..
راكان :.. ايشششش ..حامل ؟!
كاميليا "لفت عليه":.. قلت كانت اجهضت ... يا حرام ماراح تصير أب ..
راكان " ضرب على جبهته ":.. ابدا ماتوقعت ...."وبعصبيه".. وينها ؟!
كاميليا :.. مدري يمكن ..تحت..أ...

"راكان " يبعدها من طريقه بتوتر .. وطلع من الغرفه ينادي عليها .. لحد ماسمعها ترد عليه من تحت ... ونزل لها يركض .. ووقف قدامها .. وكاميليا ..لحقته بس وقفت على الدرج تسمع اللي بيصير بينهم ...
راكان .."بقهر ":.. أنتي سلمتي نفسك لبتال ... جد غبيه ..
روضه "قطبت حواجبها ":.. نعم !!...
راكان :.. انتي كنتي حامل ونزل اللي ببطنك ... غبيه .. كيف تسمحين له يقرب منك وهو مايحبك اصلا ..
روضه "مو مستوعبه":.. انا ...انا.. كنت حامل .. "حطت يدها على بطنها لا شعوريا".. يعني اللي معاي كان نزيف ... وليه كاميليا ماقالت لي ..
راكان "جلس جنبها":..اتركيك من كاميليا ..احنا فيك انتي وبتال ... "وبعصبيه".. كيف تسمحين لنفسك تكوني لعبه له ...يتسلى فيك .. وانتي عارفه انه ماتزوجك الا عشان تخدميه ..
روضه "حست قلبها بيوقف ..من صدمة الخبر ":.. راكان مو وقته هالكلام .. تكفى ..انا تعبانه ...
راكان "بعصبيه":..الا وقته ...لازم تفوقي .. الحمدلله انه نزل عشان تنسي شي اسمه بتال ...
روضه "عصبت انه مايراعي مشاعرها ..فانفجرت فيه ":.. انا على الاقل زوجته ..حلاله .. مكتوب كتابنا على سنة الله ورسوله .. ماغلطت ... وانت سنه كامله انت وهذيك عايشين مع بعض بدون زواج ما كان عندك مانع ...
راكان "فتح فمه .. بصدمه .. ماقدر يرد عليها ":.....
روضه "تطالعه بعيون قويه ":.. يعني تخاصمني بالحلال .. وانت كنت راضي بالحرام ..
راكان ".. طالعها بصدمه ... وسكت شوي ... وبغيض ...":... جهزي اغراضك باقرب فرصه راح ترجعي جده ...

...ووقف بعصبيه وعطاها نظرة حقد ... ومشى وتركها ... وحصل كاميليا بالدرج ..حاطه يدها على فمها بندم .. طالعها بقهر .. ومشى من جنبها .. وطلع للغرفه .. ولحقته كاميليا... ولكن سكر الباب بالمفتاح وراه ... كاميليا ..حاولت فيه يفتح بس للاسف ما فتح ولا يرد على توسلاتها ... نزلت محطمه لتحت ..لانها قلبت البيت فوق تحت بسبب تسرعها بدون ما تتأكد .. حصلت روضه تبكي بالصاله لوحدها ... قربت منها كاميليا .. وحاولت تحضنها ... بس روضه رفضت ... حتى انها تركتها وطلعت بصوبه لغرفتها فوق ...
كاميليا .. تأكل اظفارها بزعل ... وندم .. مو عارفه كيف تصلح الوضع ... بينها وبين راكان .. وبينها وبين روضه ... وبين روضه وراكان ...وانتهى يومهم على هذا الحال كل شخص لحاله ...

..................

**عقد اللؤلؤ** · 12-02-2013, 04:16 AM

رد: ( رواية من حب عفوي الى حب جنوني ) بقلمي

..................

يزيد .. نايم في الصاله ... صحي على صوت هويدا تصحيه ..... وهو يفتح عين ويقفل عين ... طالع حوالينه باستغراب .. وفي ملابسه ..على نفس وضعيته من المغرب .. جلس بكسل ... و طالع بساعة يده .. "اووه ...الساعه 10 .. يالله كويس 3 ساعات .. راح التعب اللي كنت احس فيه .. "ويطالع في هويدا ".. هاه العشاء جاهز .. سويتي عشاء مسلوق لابوي ..."
هويدا "مبتسمه ":... ايه سويت عشاء امس .. بس الحين وقت فطور .. الساعه 10 الصباح ...ياخوي ...
يزيد :.. لا يا شيخه ..انا .. مو غبي لها الدرجه ...
هويدا.." تأشر له على باب الفله الزجاجي ":.. شوف الشمس وانت بتصدق ..."ومشت للمطبخ "..
يزيد "يطالع مو مصدق ":.. اييش انا نايم كل هالوقت .. ولا حسيت ..."ومشى لعند هويدا بالمطبخ وبخوف "... ايش صار لي.. احد عطاني منوم .. والا شي .. معقول اكثر من 12 ساعه ما حسيت بشي ..
هويدا :.. لا ..بس ..
يزيد :... بس ايش ؟!
هويدا :..لا .. ولا شي ... بس .. يعني يمكن ارهاق لان لك أسبوع مع بابا ..
يزيد "يحك راسه":.يمكن ..." طالعها وهي تجهز الفطور ... ولف يمين ويسار ".. وين ..جاني ما تساعدك ..؟!
هويدا "بتردد":..أأ... أ ... ما عليك ... انا اقدر اسوي بنفسي ...
يزيد "ابتسم":.. ماشاء الله صرتي ست بيت هاه ... والله عرف لك بتال ..
هويدا "انحرجت ":.. يزييييييد .....يالله روح الحين بدل ملابسك وتعال ...
يزيد :.. أي والله بروح اخذ لي دش .. واصلي وابدل وانزل ...
هويدا :.. اوكي .. بعطي بابا فطوره .. وانا ينتظرك نفطر سواء ..
يزيد : .. صار ... "ومشى خارج المطبخ ..طالع لغرفته"...
هويدا "بارتياح ":.. الحمدلله .. شكله يطمن مافيه شي .. لازم اكلم بتال ...عشان يخبر الشيخ ايش صار له ...

..................................

مرت 3 ايام .....
كاميليا ..كان تأنيب الضمير مسيطر عليها ... حزنت على اللي صار .. حاولت تكلمهم من ورا أبواب الغرف ولا جديد مازالوا مايردون عليها ... نزلت بقهر للمطبخ وطلعت ورقه .. وكتبت فيها .. وبسرعه طلعت لسطح الفله ... وبدات تصرخ باعلى صوتها ... زي المجنونه ... وفقدت اعصابها ..
" انا بنتحر ... انا بنتحر... برمي نفسي من هنا .. راكان ... روضه ... خلاص بترتاحوا مني ... برمي نفسسسي .. اه ... خلاص انتهى ... تسمعوووني ...."
راكان "فز من مكانه وفتح الشباك وفعلا الصوت جاي من السطح ... طلع يركض .. وروضه حست فيه .. وسمعت هي الصوت ... وطلعوا لها فوق السطح .. حصلوها جالسه على طرف سور السطح ..وهي تبكي ..وفاقده أعصابها .. وماسكه ورقتها بيدها ... بس شافتهم .. وبحزن ..." انا السبب في المشاكل .. خلاص بموت وترتاحوا مني ... "
راكان :..كاميليا بلا كلام فاضي ...
روضه .. " تطالعها وهي مقطبه حواجبها ":...
كاميليا "تبكي اكثر ":.... انا كنت بنتحر بدون ما تدروا .. بس ابغى اموت وانا مرتاحه .. ابغى اسمعها منك انكم سامحتوني ..
راكان "بنفاذة صبر":.. كاميليا .. وبعديين ..
روضه "تتابع بصمت ":...
كاميليا ".. وقفت بصعوبه على حافة السور وهي ترجف .."
راكان "بخوف":..كاميليا ..انزلي ..كفايه جنان ..
روضه "بخوف":..راكان ساعدها تكفى لا يختل توازنها ...
بدأوا يسمعوا صوت الجيران تحت واللي يطالع من الشباك ..ويتسألون ايش صاير ..
كاميليا "حاولت تغمض عينها وتهدا .. ":..خذ الورق يا راكان .. وانا اسفه ..انا ما استحق اعيش ..
راكان:.. كاميليا فرجتي علينا الناس .."ويحاول يقرب منها"..
كاميليا :..لا تقرب والا والله رميت نفسي ..
روضه :..بلا جنان حرام عليك .. انتي تحبي راكان ..مستحيل ترمي نفسك ..
كاميليا :.. بس هو مايحبني ... له ثلاث ايام مايكلمني ..
راكان :.. انتي تدري اني احبك ..بس اللي صار..
كاميليا :.. انسوووا اللي صار ..انسوووا... "مسحت دموعها".. تصالح انت وروضه قدامي الحين ...
راكان "طالع بروضه ..ولف عنها ":.
روضه :.. كاميليا احنا مو متزاعلين ... بس انتي انزلي ..
بدأ الجيران تزيد اصواتهم ... وبدأ راكان يرتبك ..."يا بنت انزلي الجين بنلاقي الشرطه عند الباب"
كاميليا :.. لا تخاف كتبت ورقه اني انا المسؤوله عن إنهاء حياتي ... "وتطالع في الأرض بخوف .."
روضه "تطالع براكان ":..ياخي تصرف سوي شي .. البنت لو صار لها شي بنبتلش فيها والله .. انا شفت فلم كان أ...
راكان "قاطعها ":..مو وقت افلامك الحين .."طالع في كاميليا".. انا بقرب منك وانتي عطيني يدك ...اوكي ..
كاميليا :.. قبل ماتقرب مني .. اتصالحوا انت وروضه ..بسرعه الحين ...
راكان "طالع في روضه وبعدين في كاميليا" :....خلاص تصالحنا ..
روضه :.. ايه خلاص مو متزاعلين ..انزلي انتي وبس ..
كاميليا "بحزن":..وانا سامحتوني كلكم ..؟!
روضه , راكان .."مع بعض":..ايه ..ايه ..سامحناك ..
كاميليا "تطالع بخوف في الارض .. وتبلع بصعوبه .. وغمضت عينها بقوه .. وصرخت ":..راكان ساعدني ...
راكان ... مشى لعندها بخطوات كبيرة ... ومسك يدها ... وسحبها لعنده .. وتعلقت برقبته بخووف... وهو ضمها له ...وبعد وجهها عن صدرة .. وطالعوا في عيون بعض .. وبصوت كله حنان وخوف ."ايش كنتي تفكري فيه يا مجنونه"
كاميليا "نزلت دموعها": .. I love you..
روضه "نزلت راسها بارتياح .. ولفت نازله من الدرج ...":
كاميليا "صرخت":..رووضه .."ونزلت من على راكان ..ومسكته بيده .. ومشت لعند روضه ..وحضنتها بقوووه ".. انا اسفه ..
روضه :. خلاص .. ماله داعي تعتذري ..
كاميليا ..سحبت راكان وضمته مع روضه بفرح .. وهي ماسكه الورقه بيدها ... راكان لمح الورقه وسحبها من يدها .. "ايش كاتبه"
(( ريك .. روضه ... يا تسامحوني ..يالموت اهون علي ))
راكان "متفاجئ":.. كاميليا من جدك كاتبه هالكلام ...
روضه :.. لا حرام الانتحار .. لا عاد تعيديها ...
كاميليا "تضحك ":..من جدكم صدقتوا .. غبيه انا انتحر .. ما شفتوا كيف كنت ارجف خوف ...
راكان "طالعها بنص عين":.. يعني هذا مقلب .. شربنا المقلب ..."ويقرب منها بخطوات بطيئه ..وهو مركز عليها"
كاميليا " كل ماقرب رجعت على ورى .. وبابتسامه خوف":.. انتو حديتوني أسوي كذا ..
راكان "من بين اسنانه":..انتي قد هالشي اللي سويتيه ...
كاميليا "وقفت بتحدي ":..ايه قده ...
راكان "عض على شفايفه ... وشالها على اكتافه ..وهي تصارخ .. "نزلني ...نزلني "... وراكان يضحك في داخله.."انا اوريك كيف المقلب الصدق " .. ونزل فيها بالدرج و على غرفة النوم ...

روضه .. طالعت فيهم وابتسمت .. لاول مره تبتسم من ثلاث ايام .. كانت وقتها تلوم راكان على مستقبلها اللي ضحت فيه وتغربت عشانه طلع وهمي ماله وجود .. وفوق هذا فقدت جنينها ... جنينها من حب حياتها بتال ... "مشت بالسطح وهي حاطه يدها في جيب الجاكيت اللي لابساه .. واول مره تتنفس هواء كندا الجميل .. وتحس فيه .."..وتفكر .. طيب لو رجعت جده ... ايش بسوي ..برجع خدامه لبتال وزوجته ... والا اجلس عند خالي مثل الكرسي لا شغله ولا عمله .. والا .... والا ...اجلس هنا .. واخفف هالدهون ..."غمضت بحيره"... للاسف ماعندي الا خيار واحد وهو اني اعطي كاميليا وراكان فرصه ...لانهم الوحيدين اللي حسسوني اني انسانه .. وكمان الفرصه الايجابية بحياتي ... "..ارتاحت لفكرة الجلوس بكندا .. مسكت حجابها ..بقوة ..لا يطير مع الهواء.. وابتسمت ابتسامه جانبيه ..معلنه تحديها للكل"..

.............................................

بعد صلاة المغرب ...

هويدا .. طلعت من المطبخ ماسكه بيدها صينيه فيها شوربة خضار .. وكوب لبن ... قربت من ابوها اللي جالس على الكنبه بالصاله ... قربت منه وجلست جنبه ... وحطت الصينية على رجلها .. وبدأت تشربه بدون ما تتكلم .. وابوها يفتح فمه ويبلع ويطالعها ..وهي تتهرب من نظراته ... لفت لما سمعت باب الفله ...

.. دخل يزيد وهو يلعب بمسبحته ... وبس شافهم كذا ..ابتسم بفرح .."السلام عليكم"..
ابو يزيد , هويدا :.. وعليكم السلام ...
يزيد "جلس":.. أخذت علاجك يبه ..؟!
هويدا :..الحين يخلص أول الشوربة وبعدين ياخذ العلاج ..
يزيد :..ماقصرتي هويدا ..اليوم مريت المكتب ويقولون كلها اسبوع والشغاله تكون هنا ... مشي حالك بالشغالات اللي بالساعه لحد ماربي يفرجها...
هويدا :.. الله يعين ..
ابو يزيد :.. كيف الشغل ..وكيف سند ..؟!
يزيد :.. تمام .. "و بحماس":.اقول يبه انا قررت .. أا... بتزوج ...
ابو يزيد :.. خير ماتسوي ...
هويدا "بفرح":.. والله .. حلو.. اجل ادور لك من بكرة على...
يزيد "يقاطعها ":.. لا لا تعبين نفسك ... العروس موجودة ...
ابو يزيد :.. حاط عينك على احد ...
يزيد :.. ايه ... اخت ...سند ...
هويدا "مفتحه عينها":..فطووووم ..!!!
ابو يزيد :.. سند ماغيره .؟!... عنده اخت ..
يزيد :.. ايه .. عنده اخت بالثانوي .. فاطمه ...
ابو يزيد :.. والله والنعم ...

هويدا "بربكه .. حطت الصينيه على الطاولة ... و وقفت ...وطالعت في يزيد ":.. يزيد ... تعال شوي ...
مشى يزيد وراها لحد ما بعدوا و وقفوا بركن أبوهم مايسمعهم .. وباستغراب "نعم"..
هويدا "لفت بزعل":..يعني ما لقيت إلا فطووم ... فطووم يا يزيد ...
يزيد : ليه وش فيها فطوم ..؟!
هويدا :.. اذا قصدك لأنك شفتها هذاك اليوم وتبغى تصحح غلطك مو عذر... مو عذر لك تاخذ بنت مو من مستوانا ..ولاهي ..من..
يزيد "قاطعها بضيق":.. أولا انا ما بصحح شي ... وثانيا تطمني صاروا من مستوانا على قولتك ... اخوها سند اقصد المدير سند مدير شؤون الموظفين بالشركه ..
هويدا "باستغراب":..مدير ؟!!.. ومتى ؟!... ومن عينه .؟!
يزيد "كتف يده":..ايه مدير ...المدير العام طبعا عينه ...وبعد تقريبا خمسه أيام روحي زوريها في فلتهم الجديدة ...
هويدا "بعصبيه":.. وليه كذا طيب .. تبدون الغريب على القريب ..
يزيد :.. ايش تقصدي .. ؟!!
هويدا :..ليه مايكون بتال المدير... ليش سند ...؟!؟!
يزيد :.... اسحب بتال من شغله واقول تعال بعينك مدير ...
هويدا :.. اصلا بتال انطرد من الشركه .. والحين ماعنده لا شغل ولا مشغله ..
يزيد :..من جدك ..؟... ليه انطرد ..
هويدا "بزعل": ..انطرد من خال روضه .. عشان روضه ..
يزيد : رجعوا تزاعلوا ..يعني ..
هويدا :.. مدري عنها .. لها تقريبا اسبوعين تركت البيت من عندنا .. وقالت بتسافر ... بحريقه ...
يزيد :.. تعوذي من الشيطان ..ايش سوت لك البنت ..
هويدا :.. خلنا منها الحين... اسمع انا بخيرك بين كم بنت وانت اختار ..
يزيد :..انتي تفهمي والا لا ... انا بخطب فاطمه ...
هويدا :.. يزيد .. اعقل ...
يزيد "ضحك بسخريه":هي هي ..انتي ناسيه انك الصغيرة .. وتعاميليني كاني اصغير عيالك بعد .. "وبتحدي".. وعناد الحين بروح بيتهم احدد مو كتب الكتاب ...سي يوو.."وطلع بعد ما أشر لابوه من بعيد ..انه طالع ... خرج من الفله "
هويدا "تطالع فيه بقهر":.. أووووف .. وش هالدنيا المعكوسه ...

....................................

**عقد اللؤلؤ** · 12-02-2013, 04:17 AM

رد: ( رواية من حب عفوي الى حب جنوني ) بقلمي

....................................

يزيد .. مر السوق اخذ هديه .. ساعة الماس وغلفها تغليف حلو بشريطه حمراء .. وهو رايح لبيت سند .. كلمه بالجوال .."الو سند .. وينك بغيتك بموضوع ..اها بالمسجد .. أي والله قرب اذان العشاء ... اجل انا جاي باصلي بمسجدكم .. ونرجع بيتكم نتكلم .. صار..مع السلامه .. "

خلصوا الصلاة .. وهما راجعين مع بعض مشي هو وسند للبيت .. راح يزيد لسيارته واخذ الهديه .. وطالع في سند بحرج .." أتمنى ما تردوني اليوم ..لاني فعلا شاري اختك "
سند "متفاجئ":.. بصراحه ..مدري... ليه ماخبرتني ..ياخي .. هلكتنا بالمفاجات ..
يزيد "بحرج":.. وش عرفني .. يعني من كثر ما خطبت .. ولأنك صديقي بعد .. تعلمت فيك ...
سند "ضحك ":.. طيب ..طيب ..ادخل ونتكلم داخل ...

ودخلوا لمجلس الرجال ... ورحب فيه سند ... وجلسوا ... و استأذن يجيب القهوة ... بس وقف يزيد معاه .." خلي القهوة الحين .. نادي فاطمه ابغى اكلمها وأعطيها الهديه .. "
سند :.. طيب خلني اروح اشوفها ..يمكن نايمه ..
يزيد "مشى جنبه":..بجي معاك وبانتظر عند الباب .. يمكن ترفض تقابلني ...
سند "بحيره":..مدري بسس ...
يزيد "يدفه قدامه":..يالله ..يالله امشي ...ناديها ...

مشى سند باستسلام .. فتح باب الصاله ودخل .. وحصل "فطوم" جالسه بالأرض .. وحاطه سفرة على كتفوها وظهرها ..وجالسه تحني شعرها ... سند بس شافها .. انفجع ..."وش ذا ... وش تسوووين "
فطوم "مشغولة تغرف الحنا وتحطه بشعرها ":..هذا حنا .. من لما توفت جدتي ماحنيته .. روح يالله لا تعطلني ...
سند "يضرب على راسه ..":.. وقفي وقفي.. يا بنت .. وقته يعني الحين ..
فطوم :.. وش عندك هاه .. العشاء روح انت سووه ...
سند "شوي ويبكي":... غبيه ..غبيه ... وش اقول للرجال الحين ...
فطوم :..هاه ..اي رجال ..!!
سند :.. يزيد يا غبيه ...جاي يبغى يكلمك ويعطيك هديه .."وكش عليها "..مالت ..كيف يشوفك وانتي كذا ..
فطوم "مفجوعه":...احللللللف ... والله ... وينه ..؟!

يزيد ..فاطس ضحك ورى الباب وهو يسمع كلامهم ... شوي تنحنح ... "احم ..احم .. ممكن ادخل .."
فطوم "وقفت من الصدمه والحنا ملطخ بيدها وشعرها ...ونازل على وجهها ":..يماه ..صدق ..هذا ..يزيد .. لا يدخل لا يدخل ...
سند " يأشر لها على رقبته ..يعني بذبحك .. وهدا نفسه شوي ... وخرج ليزيد عند الباب.. وقفله وراه ":..يزيد معليش ..اختي مو مستعده اليوم ...
يزيد "يضحك ":..محنيه شعرها ..
سند "ضحك بحرج":.. سمعتها اجل ..
يزيد :.. ايه سمعتها .. وابغى اشوفها ...وتكفى خلني اكلمها لوحدي..
سند :.. أقول لك محنيه راسها وريحتها خايسه .. المره الأولى يالله رجعت وهي كاشخه ..هالمره اتوقع بتهرب من جده ...ولا عاد نشوفك ..
يزيد "فاطس ضحك":.. قلت لك ابغى اشووفها .."وقرب من الباب وفتحه ".. فاطمه ...فاطمه ... انا يزيد..... "ولف بعينه وبالصاله .. شافها واقفه مصنمه .. تطالع فيه .."... ممكن ادخل..
فطوم "انفجعت ":.. لا ... لا تدخل ... سند وينك ؟! ..
يزيد " دخل وقفل الباب وراه .. وصار يطالع فيها بابتسامه ":..كيفك فاطمه ...
فطوم "غطت على وجهها بكوعها ..لان يدها كلها حنا.. وصارت تبكي ":....
يزيد "يضحك":.. ليه تبكين ... فاطمه ... اسمعيني .."وتغير صوته صار يتكلم بجد".. انا اسف على اللي صار في المرة الاولى ... مدري ايش اللي خلاني اصارخ عليك .. وانتي مالك ذنب .. بس انا شاريك والله .. وابغاك تكوني زوجتي .. "دقق فيها ".. مطوله وانتي كذا ...
فطوم "شالت كوعها من على وجهها ... وهي زامه شفايفها من البكاء والخجل":.. لا تطالع طيب ... غمض ...
يزيد " حاول يكتم ضحكته ":.. انا شفت وخلصت ... وعاجبتني ساده وإلا بالإضافات ...
فطوم "زادت بزم شفايفها وصارت تشهق ..":...
يزيد " ماحب يحرجها أكثر .. حط الهدية على الأرض ":....هذي هديتك .. واعتذر أنها متأخرة .. وانا وسند بنحدد موعد كتب الكتاب ... ووقتها ابغى اشوفك بس هاه ..."ابتسم"..بدون حنا ...يالله مع السلامه ..

وخرج من الصاله وبس سكر الباب وراه ...سمع فطووم ... باعلى صووتها تبكي وتصييح .."اه ... اه .." .. يطالع في سند اللي واقف بحرج.. وبخوف عليها ..." الحق اختك ..."..
سند :.. عادي ..لا تهتم ... انحرجت بس ..اتركك منها...تعال .. تعال المجلس نتكلم شوي ...
يزيد : .ما احب الرسميات .. ايش رأيك نطلع كوفي شوب ...
سند : أي والله نطلع شكلك انكتمت من ريحة الحنا ...

يزيد ... ابتسم و سبقه على السيارة ... وسند رجع لعند فطوم .. اللي كانت تبكي بقهر .. وتحرك ارجولها ...سند طالعها بغيض .."كل يوم ايش حلاتك .. واليوم رحتي ..."
فطوم "قاطعته":..خلاص ..كفايه ...اه ..مقهورة مقهورة .... انت السبب ليه تخليه يدخل ...
سند :.. هو اللي اصر... ويالله حصل خير.. خليه يشوفك بكل حالاتك ...
فطوم :.". اخذت علبه الفاين القريبه منها ورمتها عليه ..".:.. بعد عن وجهي الحين ..
سند " يمسك العلبه ": .. مو انا جاي اخبرك اني بطلع انا ويزيد ..
فطوم "بقهر":.. مع السلامه ...
سند "طالع في الهديه ..وبحماس":.. ايش رايك نفتح الهديه ..
فطوم "هديت ... وماقدرت تقاوم ":..طيب ... يالله افتحها ..
سند "جلس جنبها ..واخذ الهديه وفتحها ... وتبلم لما شافها ":..ساعه .."ويشوف الضمان تبعها"..ساعه الماس ب 20 الف "ويطالع فيها مفجوع .."..
فطووم " تسمح دموعها .. ولصقت وجهها بالكرت ":..قوول والله ..
سند "كمش وجهه..":اففف.. بعدي راسك هذا هو وحنته ...
فطوم "بدت تزم شفايفها ":..
سند "طالعها بعصبيه":..ايه ابكي ..ابكي... امسحي دموعك يالله لا اصكك بهالعلبه .."علبة الهديه"..
فطوم "تمسح الدمعه اللي نزلت ":...
سند "ابتسم لها ":..مبرووك ولله وكبرتي وبتتزوجين ...
فطوم "حمر وجهها ..":..

>>>يزيد يتصل بك<<<

سند "نط بس شاف اسمه ":.. يؤ.. نسيت الرجال ..يالله مع السلامه ..."وطلع يركض"..
فطوم .. تطالع في الهديه وابتسمت .. وسرحت تتذكر شكل يزيد مع انها ما شافته الا لمحه بسيطه لما دخل .. وهي سرحانه ..تكت على شعرها .. وجات الحنا في يدها .. طالعت فيها بقهر .. كل اللي صار لي بسببك ..وباقي انتظر ساعتين ..والله تووبه احنيك .. وراحت ركض للحمام ..تاخذ دش ...

................................................................

ابو راكان وام راكان ولمياء ..كانوا جالسين بالصاله على اللاب توب يكلمون راكان عن طريق برنامج صوت وصورة .. كان مفهمهم راكان ان روضه في سكن الطالبات ولا ماتقدر تطلع منه الا مره بالشهر .. وهو بدا يكمل دراسته .. ودعوه .. وقفلوا اللاب توب ..
ابو راكان :.. يالله الحمدلله تطمن على روضه ..
ام راكان :..مين كان يصدق انها بتوافق ..عنيده ..
لمياء :.. بابا ... انا خلاص مليت من الشركه .. وباقدم استقالتي ..
ابو راكان :.. اووه يا بابا ..معلييش.. نسيت موضوعك .. واصلا شفتي كيف عبدالجليل طاح مسكين في المستشفى .. وصعب اكلمه وقتها ..
لمياء "بملل":.. بابا خلاص ... انا قدمت في الجامعه الفصل الثاني .. الشركه ماتهمني ولا شهادة الخبره ..
ام راكان "بفرح" :.. والله .. احلى شي سويتي ...
ابو راكان :.. بس حرام شهرين تقريبا تشتغلي عندهم لازم تاخذي شهادة خبرة ...ماتدرين يمكن تنفعك ...
لمياء "بملل":..براحتك .. تقدر تجيبها اوكي ... ماتقدر لا تتعب نفسك .. "وقفت".. يالله تصبحوا على خير ...

وطلعت لغرفتها .. وهي كارهه الشي اللي قالته ... بس مع لخبطة الاوضاع بالشركه و في نظرها ان الواسطه تسوي كل شي الا معاها العكس.. خاصة انها تشوف سند مايستحق يكون مدير بهالسرعه وانه قبلها كان ماخذ إجازة ومهمل شغله والشغل صار كله عليها .. لانها ماكانت تدري ان سند كان يداوم في مكتب يزيد ..
ولا احد كان يعرف من الموظفين الا السكرتير ريان ..عشان لا تصير بلبلة بالشركه .. او انتقاد ..
.....

كاميليا في المطبخ لابسه روب الحمام والمنشفه على شعرها .. فتحت الثلاجه وصبت لها مويه ...وهي تشرب ..حست احد نازل من الدرج ... واستغربت ان روضه صاحيه بدري كذا .. ولابسه عبايتها ..وحجابها طبعا ... كاميليا ..نزلت الكاسه من يدها ... وقربت منها بخوف .."روضه .. فيك شي ..انتي تعبانه "..
روضه :.. لا ..
كاميليا :..اجل ليه لابسه العبايه ...
روضه " نزلت راسها بحرج ":.. اقدر اركض وانا لابسه العبايه .. وإلا ..لازم اشتري لبس رياضي ...
كاميليا "حطت يدها على فمها بفرح":..أوووه ... روووضه ..مو مصدقه ..."وحضنتها ..بقوه "..أخيرا قررتي ...
روضه "بحرج":.. اخيرا ... "طالعت فيها بنظرة جديه".. أنتي فصلي ... وأنا البس .....

( رواية من حب عفوي الى حب جنوني ) للكاتبه ( عقد اللؤلؤ ). (كامله)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget