( رواية من حب عفوي الى حب جنوني ) للكاتبه ( عقد اللؤلؤ ). (كامله)

تقليص
X
تقليص
 
  • الصفحة لـ 28
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 11 12 13 14 15 28 template التالي
  • عقد اللؤلؤ
    عضو متألق
    • May 2011
    • 282
    #41
    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

    <<<<<<<<<<<<<<<<<<<<<<<<<<<<<<<<<<<<
    الجزء الخامس
    <<<<<<<<<<<<<<<<<<<<<<<<<<<<<<<<<<<<


    كلهم .. لفوا يطالعون في الأصوات اللي جايه من داخل العماره وبدأت تطلع من بوابة العمارة .. وتفاجئوا .. لما شافوا "ابو راكان" يسحب شنطه .. و وراه حرمه ..
    "بتال" ميز الحرمة اللي وقفت و طالعته وشاف دموعها من نقابها ... بتال "بصوت مرتفع" .. روضه.. !!! " طالع في ابو محمد .. وباستغراب"...يا عم اش يسوي ابو راكان هذا هنا .. ليه مأخذ روضه معاه ...؟!
    ابو محمد : يا ولدي اتركها هذا خالها ..جاي ياخذها تعيش عنده ...
    بتال "مفتح عيونه": .. خالها ؟! ... من وين طلع ان شاء الله ... "ومشي معصب لحد ما وصل لعند روضه ومسك يدها ".. وقفي ... وين رايحه ...تعالي هنا ...
    روضه "من بين دموعها": لا يا بتال لازم اروح هذا خالي ..
    بتال : وانا اخوك..
    ابو راكان : .. لا ..
    بتال "طالعه بنص عين":.. نعم ؟!
    ابو راكان "يمشي باتجاه بخطوات ثابته ": لا ...منت باخوها .."وقرب منه وسحب يد روضه من يده".. يا ليت تلزم حدودك ؟

    يزيد "عصب .. وكان بيمشي يدافع عن بتال ... بس "سند" مسكه واشر له يهدا ... ويترك بتال يتصرف لوحده ...

    بتال"معصب" : انت اخر واحد يعلمني حدودي .. وانا اخوها غصب عنك...
    ابو راكان "هديت ملامحه .. ولف على روضه وبشك": انتو بينكم رضاعه ؟
    روضه "بحزن": لا .. بس تربينا سوا.. وهو فعلا مثل اخوي ..
    بتال : سمعت باذنك ..
    ابو راكان : ما علينا من هالكلام كله .. يالله مشينا يا روضه ... "وراح لسيارته "...
    بتال "لف على روضه": .. روضه لا تسمعين كلامه خليك معاي .. روضه انا محتاجك جنبي ...
    روضه "زادت بالبكاء": مقدر يا بتال ..مقدر أعيش لوحدي .. وهذا خالي وملزوم فيني ..سامحني .."ومشت تلحق خالها عند سيارته "..
    بتال "يطالعها وهي تبتعد عنه ..ورفع صوته": . روضه .. ماراح اتركك .. وعد راح ارجعك لبيتك .. وتعيشين معي .. غصب عن اللي يرضى واللي مايرضى ...
    روضه "لفت طالعته بنظره وداع .. غمضت عينها ...فتحت باب السيارة وطلعت جنب خالها .. اللي كان مبتسم بسخريه من كلام بتال "..........

    "ابو محمد" ما تحمل يشوفهم كذا مفرقين ومشتتين .. استأذن من "يزيد" و"سند" .. وطلع شقته ... وهو يشوف "بتال" واقف بحزن يتابع سيارة خال روضه وهي تبتعد اكثر فاكثر ...

    سند "يكلم يزيد بصوت واطي":.. هالرجال ما ارتحت له ..؟!
    يزيد "والقهر معبي وجهه": تقصد ابو راكان ...صح
    سند : ايه .. ماعنده أسلوب مره ..ما كأنه رجل اعمال .. المشكله يعرف ايش صار لبتال ويكلمه بهالطريقه ...
    يزيد : رجل متكبر ..يفكر محد عنده فلوس الا هو ..."مشى لعند بتال .. وحط يده على كتفه" .. ما عليك منه يا بتال .. تعال نطلع شقتكم عشان نرتاح وناكل لنا شي .. أنت ما ارتحت ولا افطرت الا تمر من المغرب ...
    بتال "نزل راسه للأرض.. وبصوت كله تعب": انا مرتاح كذا .. ابنتظر صلاة العشاء والتراويح ..."لف عليهم".. وانتو ماقصرتوا واقفين معاي من امس روحوا بيوتكم وشوفوا اشغالكم ..مابي أأخركم معاي ...
    يزيد و سند"كانوا بيتكلمون بس قاطعم بتال بسرعه"
    بتال "ابتسم لهم": لا تخافون علي ابغى اجلس لوحدي شوي ..
    يزيد : طيب على راحتك بس كلمني اليوم طيب ..
    سند : محتاج شي قبل لا نروح ....؟!
    بتال "وهو ماشي لداخل العماره":لا تشغلون بالكم فيني .. مع السلامه...
    يزيد "لحق بتال بعيونه": موعاجبني وضعه..بس ما باليد حيله ..."لف على سند".. يالله تعالي معاي اوصلك ..
    سند : لا ماعليك بروح مشي ..
    يزيد "وباله مشغول مع بتال":طيب على راحتك ... يالله فمان الله ..
    سند : مع السلامه ..

    ...............................................


    ........ في بيت سند ..."بيت قديم "معاه جدته واخته "فاطمه" عمرها 17 سنه ..بنت سمراء ولكن جميله شعرها اسود بلمعه حمراء ..جدتها كانت تحني شعرها واهتمت فيها فشعرها طويل وغزير .. شخصيتها متردده تتبع أي احد يعوضها عن النقص المادي اللي عايشه فيه .........

    فاطمه جالسه بغرفتها ومقفله بالمفتاح و تكلم بجوالها .. اللي محد يدري عنه ...

    الجده "تدق باب غرفتها": يا بنتي يافطوم .. يالله تعالي كلي معاي سويت عشاء ...
    فاطمه "توطي صوتها ":خلاص بعدين اكلمك هويدا .. باي .."رفعت صوتها" يالله ياجده جايه جايه ....
    الجده : يالله انتظرك بالصاله ..."مشت للمطبخ طلعت صينيه العشاء وجلست تنتظر فطوم ... وسمعت صوت باب المدخل يفتح.. لفت وابتسمت ..".. يا حيا الله سند ...ولد حلال ..
    سند "وتوه يدخل الصاله .. ابتسم لما سمع صوت جدته.. وضحك": ايش عرفك انه انا يمكن احد غيري ..
    الجده : يعني مين بيفح بالمفتاح غيرك ... يالله يا ولدي سم بالله وتعال كل ..
    سند : بغسل يدي واجي ..."قام لعند المغسله اللي قريبه من غرفة فطوم .. وسمع ضحك قوي ".. بسم الله وش فيها هالبنت تضحك لوحدها ..."قرب من باب غرفتها ودق بقوه".. فطوووووم ... وش عندك هاه ..
    فطوم "فزت من سريرها وخبت الجوال في دولابها بعد ما قفلته .. وركضت تفتح الباب .. لانها تعرف اخوها لو مافتحت بيكسر الباب ":ه هلا هلا .. سند ... متى جيت ؟!
    سند : وش فيك تضحكين ضحكينا معاك..
    فطوم "تبلع ريقها .. وبارتباك":بالله سمعتني اضحك ... اأأ . تذكرت شي وضحكت.. ما علينا "تغير الموضوع".. عسى بس خلصتوا العشاء عليه ..
    سند"طنش بمزاجه" : اذا تبغين العشاء يالله تعالي الصاله ...
    فطوم : ايه ايه جايه وراك ..

    "وطلعت هي وسند لعند جدتهم ... وجلسوا معاها يتعشون.. لاحظوا ان سند له يومين متغير هادي وطول الوقت مسرح ..من لما سمع بخبر وفاة اهل بتال "
    الجده : سند يا ولدي .. كيف بتال اليوم ؟
    سند : الله يكون بعونه يا جده ... الخبر صدمه بقوه ...
    فطوم : اذا هو رجال وصار فيه كذا .. اجل روضه كيف المكسينه .. مالها احد ...
    الجده : والله حالها وقت العزاء يبكي الحجر .. بس ربك يا بنتي ما يترك احد..
    سند : اجل انتو ماعرفتوا ايش صار لروضه ؟
    الجده : خير ايش صار لها ؟
    سند : جاء خالها واخذها معاه لبيته ..
    فطوم : والله طلع لها خال .. كويس ..
    الجده : أي والله فرحت لها .. بدال ما تعيش لوحدها ..
    سند : ومو أي خال ... رجال مبسوووط وغني .. بس للاسف بتال تعب اكثر لما راحت ..
    فطوم : ليه ؟!
    سند : وشو اللي ليه .. يعتبر روضه زي اخته ... حتى اليوم وهي رايحه يقول والله لارجعك تعيشين معي ... وخالها جلس يضحك عليه باستهزاء ...
    الجده : ليه يضحك خالها ؟
    فطوم : يعني ياجده بالله من أولى فيها خالها والا ولد جيرانها .. اكيد خالها ...بس وضع بتال خلانا نسكت ...
    الجده : طيب يمكن بتال قصده يتزوجها ...
    سند : وشوووو ... يتزوجها ... لا لا ...هو يعتبرها مثل اخته ...
    الجده : هو .. اجل كيف يقول بيرجعها بيتها ... ما راح احد يرضى الا اذا تزوجها ..
    سند : والله هالدنيا محد مرتاح فيها ...الله يعين بس ...

      تعليق

      • عقد اللؤلؤ
        عضو متألق
        • May 2011
        • 282
        #42
        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

        .........................................
        روضه في سيارة خالها .. ساكته ماعدا شهقات تطلع منها غصب ودموعها على خدها ... انتبه لها خالها
        ابو راكان : لنا اكثر من نص ساعه من لما مشينا ما سكتي ..متى بتوقفين ...؟!
        روضه "زادت شهقاتها": ..
        ابو راكان : اشوفك كنت مقتنعه تجين وبس قابلتي ولد جيرانكم قليل الادب ذاك ... زاد بكاك ؟!... ايش بينكم ؟!
        روضه "بعصبيه": بتال مو قليل ادب ...لا تقول عنه كذا ....
        ابو راكان "بابتسامه سخريه":وليه عصبتي ... اشوفكم ماخذين على بعض .. وعادي عندك يمسك يدك ويكلمك ... هذا قدامنا اجل من ورانا ..ايش تسوون ؟!
        روضه "بصدمه": انت ايش تقول ...؟! ... مو ناقصه تعقيدات وتخلف ..."وبعصبيه"... ماتعرف كيف عاشت اختك .. كيف بتعرف انا كيف عشت ...
        ابو راكان : ومن قال اني ما اعرف عن امك شي ؟ انا عبدالله سالم ما فيه شي ما اعرفه ..
        روضه : وليش ماقد شفتك ...؟! ولا عمرك سالت عن امي .. اللي هي اختك ..
        ابو راكان : كذا بمزاجي ... بس كنت اعرف انها مبسووطه ومومحتاجه شي ..
        روضه "باستغراب": كذاب ..
        ابو راكان : احترمي نفسك يا بنت ... شكل يبغالك تربيه من اول وجديد ...انا كذاب ياللي ما تستحين ...
        روضه : لانك لو صادق كان عرفت اننا عايشين على الضمان انا وامي .. وماعندنا أي دخل ثاني يكفي مصروفنا ...
        ابو راكان : والضمان مو فلوس... خلاص ... مو لازم تعيشون فوق الريح ... عيشوا مثل ما ابوك كان معيشكم قبل يموت ...
        روضه "فتحت فمها تدافع .. بس حست ان الكلام معاه مايفيد": خلاص ..تكفى قفل الموضوع ...لو سمحت
        ابو راكان : ايه عدلي اسلوبك معاي .. من اليوم ورايح انا المسؤول عنك .. وولي امرك ..فهمتي ...
        روضه "قبضت بيدها بقوه ... والقهر ياكل في نفسها .. من اللي سمعته من خالها "
        ....................
        .................... فلة ابو يزيد ...................

        دخل يزيد البيت بعد ما صلى صلاة التراويح وباله مشغول مع بتال .. مشى طالع لغرفته ... وحصل باب غرفة اخته "هويدا"مفتوح ..ولمحها جالسه على سريرها الابيض الكبير المموج فيه اللون الاورنجي والاخضر .. وغرفتها الواسعه وتسريحتها اللي تضم اكبر مجموعه من العطورات الغاليه والجديده.. ويتوسط الغرفه غرفه اخرى لخزانة ملابسها وجزمها... وفاتحه اللابتوب ..قرب من الباب وضرب عليه بخفه: "ممكن ادخل"..
        هويدا "رفعت راسها بخوف .. وحطيت يدها على قلبها ": يزيد... أوووف فجعتني ....
        يزيد "ماشي لعندها ": بسم الله عليك من الفجعه ... اش عندك مندمجه معاه ...
        هويدا"بدلع": ... كنت اشوف فلم ومندمجه معاه ...
        يزيد "يحاول يطالع في اللاب ويقرب منها": وينه خليني اشوف معاك ...
        هويد "بسرعه سكرت اللاب": .. انا ماعمري تلقفت بشي يخصك ... فلو سمحت بلا لقافه .."وابتسمت".. ايش عندك جاي لغرفتي ..؟!
        يزيد "ابتسم": قوويه محد ياخذ منك لا حق ولا باطل ... ما بغيت شي بس حاس بملل .و...بالي مشغول ببتال ...تصدقين انه ا...
        هويدا"قاطعته": ياربي يا هالبتال وش فيك معطيه اكبر من حجمه ؟! خلاص شوف لك صديق ثاني .. سيرته تجيب الضغط ...
        يزيد "تضايق.. بس حس فعلا ان اخته مالها دخل في اشياء ما تخصها .. وقف وطلع من الغرفه وصل للباب .. ولف عليها": الفلوس اللي طلبتيها تبغينها الحين ؟!
        هويدا "رجعت فتحت اللاب .. وبدون ما تطالعه": حولها على حسابي .....ولا تنسى زي المره اللي فاتت...
        يزيد .. طنشها لان هذا اسلوبها من يوم هي صغيره ما عندها تحمل للمسؤوليه ولا عندها احترام لاحد بسبب اللي صار بين امها وابوها وهي صغيرة وتركتها للشغالات ..اتجه لغرفته .. سحب جواله من جيب الثوب ورمى الشماغ على السرير وجلس على طرفه ... حرك جواله وظهر له رقم شقة بتال وبدون تردد ضغط على مكالمه .... بعد كذا رنه ...اخيرا ...
        بتال "بصوت ثقيل": ألو ...؟!
        يزيد : السلام عليكم ... كنت نايم ؟!
        بتال : هلا .. مين معي ؟!
        يزيد : بتال اش فيك انا يزيد ... ماشفت رقمي ..
        بتال : هلا يزيد ... لا والله ماشفت الكاشف ..
        يزيد : بتال ازعجتك ؟!
        بتال "بكسل": كنت نايم في الصاله على الكنب وانفجعت لما سمعت صوت التلفون ..
        يزيد: اسف بس بغيت اطمن عليك ..كيفك الحين؟ ان شاء الله هديت وصرت احسن ..؟!
        بتال "بعصبيه": ليه قالوا لك جنيت ..
        يزيد : وليش معصب ..
        بتال: مو معصب ولا شي .. خلاص اتركوني بحالي ..كل شوي تكلموني كأني بزر عندكم ..
        يزيد : بتال شكل اعصابك تعبانه .. خلاص روح الحين واكلمك وقت ثاني ...
        بتال : لا تكلمني .. اذا بغيتك انا كلمتك ... مع السلامه ..."وقفل الخط"
        يزيد "يطالع في الجوال باستغراب": بسم الله وش فيه الرجال حمق وعصب ..."رجع جسمه على ورى وحط يده على راسه يسوي مساج لجبهته ".. يعني وبعدين مع بتال هذا احس اني مخنوق ودي اتكلم مع احد ... لا وبعد "هويدا" تقول شوفلك صديق جديد "ضحك" تفكر اني مثلها كل يوم وحده ما تدري ايش يعني صداقه .."جمد شوي .. وكانه تذكر شي.. رفع جسمه واخذ الجوال وراح يدور للرقم في مكالمات مستلمه .. لحد ما حصله .. ابتسم وضغط على مكالمه ".. الو ...سند؟!
        سند : هلا يزيد ...
        يزيد: اخبارك سند ؟! وين الناس
        سند : الحمدلله ... موجود .. خير فيه شي ؟!
        يزيد "بتردد": لا ... بس ..بس بتال ما يرد علي وانا كنت ... يعني .. انت مشغول ؟!
        سند : كنت بجدتي في المستشفى وراجع البيت ... تبغاني امرك .؟!
        يزيد "بفرح": لا انا باجي عندك ونطلع سوا ..نص ساعه ..
        سند : خلاص ... صار ... مع السلامه
        يزيد : مع السلامه ..."وبفرح وقف وقفل ازرار ثوبه وسحب شماغه وطلع .."
        ........................................
        روضه .. وخالها ابو راكان وصلوا للبيت ... دخلت روضه بيت خالها وهي تنقل بصرها في كل زاويه منه ..كان فله مو بيت .. وقفت لما وقف خالها امام درج دائري يتوسط الفله وكنب ايطالي على يمين الدرج وعلى يسارة طاولة طعام طويله وفخمه فيها 12 كرسي .. وتحف ممليه المكان يمين ويسار .. وحتى الثريا الكبيرة اللي نازله من اعلى الدور الثالث للدور الاول على الدرج .. كانت اول مره بحياتها تشوف ثريا بهالكبر...
        لف ابو راكان لها :"الحين بعرفك على زوجتي واولادي".. وما خفي عنه الانبهار على وجهها من البيت ........ابتسم "عجبك البيت"
        روضه "انحرجت .. هذا كل شوي يبتسم مدري سخريه والا صدق .. وحاولت ما ترد عليه .. بس قالت في نفسها ... بيت!.. هذا قصر مو بيت ...شكله يضحك علي لانه عارف وين كنت عايشه " كتفت يدها وعطته ظهرها ".. بالطقاق ماني راده عليه .. ":.......................
        ابو راكان "ما انتظرها ترد.. قرب من الجدار وضغط على السماعه .. اللي توصل لكل غرف الفله ".: راكان ...تعال انت ولمياء ... "قفل وطالع في روضه ... واشر لها ... على الصاله".. تفضلي ...
        روضه "مشت وراه .. وجلست بعبايتها والطرحه على راسها .. وشوي الا سمعت صوت خطوات نازله من الدرج ... تذكر لما قال خالها راكان.. لفت على خالها": ولدك راكان نازل ...؟! كم عمره ؟!
        ابو راكان "ابتسم":ايه نازل .. مو كبير .. بس في عمرك ...؟!
        روضه "تفاجاة ولا انتهى كلامه الا راكان ولمياه واقفين قدامها .. تسمرت شوي تطالع فيهم ولا وقفت .. ولا قدرت حتى تغطي وجهها ":
        (( "راكان" عمره 25 سنه .. خلص الدكتوراة العامه قبل سنه ... ويشتغل في مستشفى حكومي وعنده عياده خاصة ... شاب ذكي وطموح يحب الدراسه .. طويل وعريض .. دراسته برا اثرت في شخصيته منفتح .. يحلق شنبه ودقنه .. يلبس بناطيل ما يعترف بالثوب الا في المناسبات .. شعره طويل ورابطه ورى ..))

        ((" لمياء " لسى متخرجه من الثانويه 18 سنه ... بنت عمليه جدا .. تحب الاستقلاليه ..سريعة البديهه وذكيه.. جمالها عربي .. شعرها اسود طويل لحد اخر ظهرها ناعم ..عيونها سود واسعه .. جذابه ...طولها وسط .. وجسمها حلوو))

        لمياء .. وراكان .. وقفوا شوي يطالعون "روضه".. يمكن انصدموا من شكلها ومتنها .. ولكن تداركت لمياء الموقف ...وقربت منها وجلست جمبها .. وباستها :"يا هلا والله ... كيفك "
        روضه "بحرج":الحمدلله ...
        راكان "راح يجلس جمب ابوه ": اهلا يا .. يا .."ويطالع في ابوه .. ناسي اسمها"....
        ابو راكان : روضه ...
        راكان "ابتسم ":.. اهلا يا روضه .. نورتي البيت ...
        روضه "بحرج.. وتحاول تلف وتغطي وجهها ":اهلا فيك ..."وفي نفسها .. " ياربي حتى هذا ضحكته مثل ابوه .."
        ابو راكان : وين امكم ؟!
        راكان "سند ظهره .. ورفع يينه الثنتين": لا تسالني انا عن احد... انا لي نفسي وبس ...

        ابو راكان : خير ان شاء الله .."حس ان روضه .. متوتره .. ومو عارف من ايش بالضبط"... روضه .. جهزنا لك غرفه فوق قريبه من لمياء ... تقدري تروحي ترتاحي فيها ... لحد وقت السحور ..
        روضه "وقفت بربكه.. وتطالع في لمياء": وين ... وين اروح ...؟!
        لمياء "ضحكت عليها ":.. تعالي بوصلك ...

        "روضه "في نفسها ... وش عندهم هذولا بس يضحكون .. مشيت وراها لفوق ... وصلتها لغرفتها ... وعلى طول راحت وتركتها .. روضه تطالع في الغرفه .. اكبر من غرفتها الاولى .. وفيها دورة مياه ..و وسط الغرفه فيه سرير وعلى جنب دولاب ملابس كبير وتسريحه .. واللون الخشبي المحروق مسيطر على الغرفه... واضح انها غرفة ضيوف .. "مشت لكرسي التسريحه وجلست .. وتكت على حافة التسريحه وحطت يدها على خدها ..."..وتذكرت غرفتها القديمه قد ايش كانت تحبها مع انه فرق بين الغرفتين .. سرحت تفكر في اللي صار لها هذا كله في خلال اربع ايام قلبت حياتها فوق تحت .. فقدت اللي فقدته .. وبعديت عن اللي بعدت .. وتعرفت على اقرباء ما كانت تعرفهم ولا توقعت بوجودهم .. وسكنت ببيت ماعمرها ماحلمت تعيش فيه... "وقفت .. عشان تفصخ عباتها .. واستغربت وجود شنطتها عند الباب .. ما حست على اللي وصلها .. من شدة سرحانها ... تنهدت بعمق .."الله يرحمك يا امي "....

        ...........................................

        بتال .... جالس بشقتهم ونايم على الكنبه .. وسارح في فكره وتخيلاته والي صار في حياته .. فقد اهله .. وفقد "روضه"... نزلت دموعه غصب عنه .. مايدري ليه ... "حتى انتي يا روضه تركتيني ... "وعصب" يصير خير يابو راكان ..اما خليتك تعترف اني اخوها غصب عنك ".. وضرب الطاوله اللي تتوسط الصاله برجله وطاحت على جنب وانكسرت.. "إما كسرت خشمك يالمتكبر"

        .....................................

          تعليق

          • عقد اللؤلؤ
            عضو متألق
            • May 2011
            • 282
            #43
            رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

            .....................................
            سند و يزيد .. في كوفي شوب ... وقدام كل واحد كوب قهوه ..

            يزيد : تقول كنت بالمستشفى.... سلامات وش فيها جدتك ؟..
            سند : لا ابد بس وديتها مراجعه عشان حبوب الضغط والسكر ...
            يزيد "يبعد الكوب عن فمه": أي مستشفى تراجع فيه؟! ..
            سند : وين يعني الحكومي ...تصدق لي شهر من لما اخذ الموعد ..
            يزيد"يرجع الكوب على الطاوله" : ليه تتعب نفسك مع الحكومي .. يازين الخاص في أسرع وقت يصرفون لك .. لا مراجعات ولا هم ..
            سند :ايه هذا اللي معاه فلوس ... بس اللي على قده ماعنده الا الحكومي..
            يزيد "بحرج": لا ما اقصد يا سند ... لاني أتعامل مع الخاص انا .. لا تفهمني غلط ..
            سند : عادي يا شيخ .."اخذ كوبه وشرب وهو مسرح"..
            يزيد "لاحظ سرحانه ... وحب يغير الموضوع":سند ..انت وين تشتغل ..؟!
            سند "ابتسم": غير اني كنت سواقك الخاص لمدة يوم .."وبجد".. ابيع في سوق الخضار عند واحد من معارف جدتي ...
            يزيد "ابتسم لما قال سواقك .. وبتعجب": في سوق الخضار ..؟!..
            سند : ايه .."ويتفحص ملامح يزيد".. لا يكون ما تتشرف تقعد مع واحد يشتغل صبي في محل خضار ...؟!
            يزيد : الشغل مو عيب ... بس انصدمت ...
            سند : احسب بس ... اذا على الصدمات انصدم مو مشكله "وضحك "..
            يزيد "ضحك عليه": قسم انك رهيييب.. "طالع فيه واستغرب كيف بدا يحس انه هالشخص قريب من قلبه .. وفكر بسرعه ".. سند ... ايش رأيك تشتغل عندنا بالشركه ...؟!
            سند "طالع فيه": .. من جدك... وايش بتشغلني عندك بشهادة المتوسط ؟!
            يزيد "فتح فمه": عندك المتوسط بس ..
            سند "سند ظهره وطلع مسبحته من جيبه .. وبتريقه":.. بسافر بعد شهر اجيب دكتوراه في زراعة الخضار ... ايه متوسط عندك مانع" وبضحكه".. هاه صدمتك مره ثانيه ...
            يزيد "ابتسم": اسمع ... اذا انت موافق .. عطني فرصه كم يوم أشوف ايش يناسبك .. وبرد منك .. ايش رايك ..
            سند "وعلامات الرضا على وجهه":..حتى لو ماقدرت .. موقفك هذا تشكر عليه ...
            يزيد : .. خير ان شاء الله ..."وهالمره .. حس انه مستحيل يفرط بهالشخص .. يحمل هالقلب الابيض "

            ...............................................
            اليوم الثاني في فلة ابو راكان ......................

            روضه في الغرفه ... دق الباب ... "ادخل"
            انفتح الباب ودخل منه .. حرمه في الأربعين من عمرها تقريبا ... شعرها اسود وقاصته كاريه .. واضح عليها الاهتمام بنفسها ... جسمها متناسق وطويله ... لابسه فستان ماسك لنص الساق لونه ازرق مع كعب .. نظرات متفاجئه من الطرفين ... وسكوت كسره ترحيب الحرمه فيها ...." ياهلا والله بروضه .. انا ام راكان "نوره" قربت منها تسلم عليها"..
            روضه : يا هلا فيك ...
            ام راكان : اعذريني ماقدرت امس اشوفك كنت مشغوله شوي ..
            روضه : لا عادي ...
            ام راكان : ان شاء الله عجبتك الغرفه ...؟!
            روضه "دارت ببصرها بشكل سريع في الغرفه": أكيد عجبتني ...
            ام راكان : يالله الحمدلله .. "طالعت في لبسها".. نص ساعه والفطور بيجهز .. لاتقولين مو مشتهيه مثل على السحور .. لازم تنزلين تفطرين معانا ... اذا بتتجهزي و تغيري لبسك عشان لا تتاخري علينا ...خالك مايحب اللي يتاخر...
            روضه "طالعت في لبسها.. وبحرج": ط طيب ..
            ام راكان "ابتسمت": يالله استأذن ..."وبس لفت ... اختفت الابتسامة ..وطلعت وهي منصدمه ... وبدون شعور .. راحت لغرفته بنتها لمياء .....دقت الباب .. وقبل ماتسمع بنتها تأذن لها .. فتحت ودخلت .. وبدون أي مقدمات "..
            ام راكان : لمياء .. شفتي البنت ..؟!
            لمياء "على التسريحه ..تحط مناكير ..نطت من مكانها .. ": بسم الله ... ماما ايش فيك ... واي بنت تتكلمين عنها ..؟!
            ام راكان :روضه ..شفتيها ..
            لمياء : ايه شفتها ..."ورجعت تحط مناكير"....
            ام راكان : ما اصدق انها بتعيش معانا ..
            لمياء : ليه مو مصدقه ... بابا لما كلمنا كلنا عن موضوعها .. وافقتي على طول ..
            ام راكان : ايه وافقت يوم عرفت ان عمرها 25 قلت بسن زواج وبنزوجها ونرتاح ..بس ..
            لمياء "بنظرات اهتمام":بس ... بس ايش ياماما ؟!
            ام راكان : شفتي جسمها وشكلها مين بيتزوجها هذي ..
            لمياء "ضحكت .. ومشت لعند امها ": يعني فشلت مخططاتك يا ام راكان ... وماراح تصعب عليك "روضه" راح تلاقي لها حل "وغمزت لها" انتي ام راكان ..
            ام راكان "رفعت حواجبها وابتسمت": راح الاقي لها حل ..

            وبعد نص ساعه...............وعلى طاولة الطعام ابو راكان وام راكان وراكان ولمياء ....وقبل نزول روضه ... دار بينهم هذا الحديث ...
            ابو راكان "حس ان زوجته مو على طبيعتها شارده وتفكر وبتوتر": نورة ايش فيك .؟!
            ام راكان "بدون ما تطالع فيه":بعدين نتكلم يا عبدالله ..
            ابو راكان : دام السالفه فيها يا عبدالله مو ابو راكان الله يستر .."وضحك .. وضحكت لمياء وراكان.."
            راكان : يبه بغيتك في موضوع بعد الفطور ..
            ابو راكان : خير ان شاء الله ... بعد الفطور نروح المكتب نشرب الشاي هناك ونتكلم ..
            لمياء : الله الله يابو راكان يالمهم الكل اخذ معاك موعد بعد العشاء الا انا "وضحكت..." لنا الله ...
            ابو راكان : انا وقتي كله لك انتي بالذات .. وباقي نجلس مع بعض نتكلم بخصوص الجامعه ...
            ام راكان "بعصبيه":هذي ليه مانزلت ..وش تنتظر ...

            روضه في الغرفه ..محتارة ايش تلبس خاصة بعد ماشافت زوجة خالها كيف لابسه .. وتذكرت لبس لمياء بنطلون جينز ازرق مع بدي احمر وجاكيت ابيض.. ولبس راكان بنطلون زيتي وتيشرت بيج .. طولت وهي تناظر في ملابسها اللي بالشنطه .. أخذت معاها ثلاث جلبيات حلوه .. والباقي اقمصة بيت عاديه او اقل من عاديه .. : الحين كلهم كاشخين .. شكله عشاني بس اليوم ... يمكن بكرة لبسهم يكون عادي لبس البيت ... والله احترت ايش البس ... دارت بوجهها شوي وشافت عباتها راميتها على كرسي التسريحه ... خلاص بالبس العبايه اليوم وبكرة يحلها ربي ...

            لبستها مع الطرحه ... ونزلت بسرعه من الدرج .. الكل تفاجأ لما وصلت لهم .. ما كان لخطواتها صوت... لما لمحت راكان جالس ترددت تدخل والا تطلع والا تتغطى ..نزلت راسها وبصوت واطي : السلام عليكم ..
            الكل : وعليكم السلام ..
            ابو راكان : يا هلا بروضه .. تعالي اجلسي جنب لمياء ..
            لمياء "تطالع في ارجولها": انتي ايش لابسه جزمه .. مره مالك صوت لما تمشي ...؟!
            روضه "تطالع في رجلها الحافيه.. وبحرج": ا أ ..انا...
            لمياء "حست انها احرجتها بدون قصد.. ومحد كان منتبه لها ":.. روضه.."ووقفت تسحب لها الكرسي جنبها تعالي ...اجلسي ... وابتسمت لها ابتسامة اعتذار"
            روضه "ابتسمت.. ومشيت تجلس": مشكورة لمياء ..."ولما جلست رفعت عينها اللي اصطدمت براكان .. اللي نزل عينه بلا اهتمام .. حست بالحرج .. ولكن لمياء بدت تقرب لها من الاكل ..وهي ما قدرت تاكل الا شي بسيط ..على غير عادتها ...
            انتهى "ابو راكان" من الاكل ووقف.. "وراكان" انتبه لابوه .. ووقف معاه .. هالشي خلا يبتسم لولده .. ويقول "خلني اغسل بالأول"..
            راكان "ضحك": يبه بانتظرك في المكتب .."وطلع للمغاسل"
            روضه "تطالع في خالها .. وهو خارج من صالة الطعام ": خالي .. ممكن اكلم شوي ..
            لمياء "ضحكت": خلني اصير سكرتيرك يا بابا .. عشان انظم لك المواعيد ..
            روضه ما فهمت ايش تقصد .. وام راكان اشرت لبنتها ..انها تسكت مو وقته ...
            ابو راكان : تعالي يا روضه .. "مشى رايح للمكتب ومشيت وراه .. ووقفته في نص الصاله .. "
            روضه "بصوت منخفض":خالي.."وقف خالها ولف يطالع فيها" ...خالي انا اخر مره انزل اشارككم الاكل ..
            ابو راكان "باستغراب": ليش .. احد زعلك ؟!
            روضه "بحرج": خالي .. انا منحرجه من راكان .. هو ولد خالي ولازم اتغطى عنه .. ما يصلح نجلس على طاوله وحده ..
            ابو راكان "ضحك بسخريه": .. الله واكبر ياللي يصلح وما يصلح وولد جيرانكم .. يصلح والا مايصلح تكشفين عليه ؟!هاه
            روضه "تفاجأة": اذا تقصد بتال فبتال غير ... تربيت معاه من يوم انا صغيره مثل الأخوان ...
            ابو راكان : بلا كلام فاضي ... ما بنغير حياتنا عشانك .. اذا عجبك عجبك مو عاجبك طقي براسك في الجدار ...
            روضه "بقهر": خالي افهمني ....
            ابو راكان "لف ماشي": انتهى الكلام .. معاك ...

            راكان اللي غسل يده .. ورايح للمكتب..غصب عنه وقف وسمع الكلام اللي صار بينهم.. حس بقهر لروضه غصب عنه ..."الحين انا طالعت فيها حتى تقول كذا .. شكلها ماقد شافت نفسها في المرايا .. هذي لو خلصت كل بنات العالم مابقي الا هي مافكرت اطالعها ..صدق بناتنا شايفات انفسهن ملكات جمال .. اجل كيف لو شافوا البياض والشقار الاوروبي .. اتوقع بينتحروا كلهم ".. زفر بقوه .. وسبق ابوه للمكتب ...
            ابو راكان "دخل وطالع في ولده وابتسم": خير يا دكتور راكان ... ايش عندك..
            راكان "متضايق ": قبل لا اكلمك بخصوص موضوعي..يبه سمعت روضه ايش كانت تقول لك ... وغصب عني سمعتكم ...ترى والله يا يبه لا شفتها ولا كلمتها ولا حتى فكرت اني اطالعها ... واقسم بالله العظيم...
            ابو راكان"قاطعه" : ادري .. ماله داعي تحلف .. بس لازم نتحملها ونتحمل افكارها واسلوبها هي جايه لمكان غريب عليها في كل شي والمكان والناس حتى انا غريب عنها ماتعرفني ... ماعليه استحملها ..
            راكان : عشانك يبه بس نتحملها ..."زفر بقوه"... المهم كنت ابغى اكلمك بخصوص عيادتي الخاصه ...قررت اقفلها ...
            ابو راكان : تقفلها ؟! ليش ..؟! مكانها مو مناسب ..؟!
            راكان : لا بالعكس ... بس انا افكر اسافر اكمل دكتوراة تخصص ..
            ابو راكان "سكت شوي": .. ...... واي تخصص بتكمل ؟!
            راكان : لسى ما قررت بشكل نهائي بس يا طب اطفال يا صدريه ..
            ابو راكان: هالموضوع اجله شوي ... عندي مشروع طبي بدخله ومحتاج مشورتك فيه ..."ووقف .. "بروح اشوف امك ايش عندها هي بعد.."ومشى قبل لا يسمع تعليق راكان .."

            ام راكان بجناحها .. وجالسه في الصاله الصغير للجناح فيها كرسيين ويتوسطها طاوله صغيره ...دخل ابو راكان ولما شافها ابتسم ... وجلس جنبها..."خير يا نورة وش عندك".
            ام راكان "بوجه جامد":لمتى بتجلس بنت اختك عندنا ..؟!
            ابو راكان"بتعجب": لمتى ..؟!... لحد ما يجي نصيبها وتتزوج..
            ام راكان : وتتوقع هاليوم بيجي قريب ؟!
            ابو راكان"بتوتر": نورة ايش عندك...؟!...ايش تبغين توصلين له ...لا تنسين انها بنت اختي ..."ركز نظرته فيها "...انتي كنت موافقه على جيتها ايش اللي غير رأيك...؟!
            ام راكان : بصراحه يا عبدالله .. لما قلت لي عمرها قلت سنها مناسب جدا للزواج وكلها فترة يا تتزوج يا نشوف لها عريس من هنا او هنا وتكون سويت واجبك قدام الناس وبرضه ارتحنا منها ...بس.."وسكتت .. وهي تفرك جبهتها .. "
            ابو راكان : كملي ... بس ..... ايش .!
            ام راكان "منزله راسها ": انت تدري ايش ابغى اقول ...
            ابو راكان : لا قولي انا ما ادري عن شي ...
            ام راكان : لا تدري ان مستحيل احد يتزوجها وهي كذا ...بهالشكل والمتن ...
            ابو راكان : مستحيل عاد ...
            ام اكان : ايه مستحيل احد يقبل يتزوجها الا اذا فيه عيب .. والا يبغى يتزوج شغاله عنده بالبيت ... اما تكون زوجته ويفخر فيها قدام الكل مستحييييل ...
            ابو راكان "ابتسم ": هذا شي سابق لاوانه ... بعدين نتكلم في الموضوع ....
            ام راكان : بس ياعبدالله ال...
            ابو راكان "يقاطعها": خليك من هالموضوع الحين ... "ووقف وسحبها لعنده".. قولي لي هالحلاوة كلها من وين ...
            ام راكان "ضحكت": يؤه يا عبود .. ما تكبر انت ....
            ابو راكان : الا انا اكبر بس انتي تصغرين .. فديت هالضحكه ..

            .........................................

            في فلة ابو يزيد ... دخل يزيد الفله وجلس في الصاله .. معاه شنطة العمل ... وضعها على الطاوله وجاء بيفتحها ... بس سمع فتحة باب الفله ... ودخلت هويدا اللي ما انتبهت لاخوها ... وهي لابسه عبايه مزخرفه بالفصوص ومفتوحه من قدام ولابسه فستان مشجر احمر على ابيض واسود .. قصير للركبه .. وكعب احمر وشنطه حمراء ومكياج سهره حاطته على وجهها ...مشت وهي حامله كيس هدايا بيدها ...
            يزيد "يطالع فيها بنظرات حاده": هويدا... وين كنتي ؟!
            هويدا "قفزت مكانها من الفجعه":بسم الله ... يزيد انت هنا ..
            يزيد : لا هناك ... جاوبي وين كنتي ...؟!
            هويدا "بكل ثقه": كنت في السوق ...
            يزيد "قرب منها وهو يطالع لبسها ..": كنتي في السوق بهذا الشكل ..؟!... "وطالع في الساعه" والساعه 2 في الليل ورمضان .. ما تخافين من ربك انتي ؟!
            هويدا "بتلعثم":أا ... انا اصلا كنت عند صديقتي .. وبعدين مريت السوق وما نزلت اصلا بس مريت اخذ لبس العيد من عند الخياطه ..
            يزيد : ووينه لبس العيد .."ويطالع في الهديه اللي بيدها".. وهالكيس ايش فيه ..؟!
            هويدا "بعصبيه": يوووووه ... تحقيق هو .. مالك دخل فيني فاهم ."ومشيت تركض لغرفتها"...
            يزيد : استغفر الله العلي العظيم ...مدري ايش اسوي معاك يا هويدا .. لا لين يجي معاك ولا شده وتثمر فيك...ليتك يا يبه تيجي تشوف بنتك اللي كنت سبب في ضياعها ..

            ....................................................................

              تعليق

              • عقد اللؤلؤ
                عضو متألق
                • May 2011
                • 282
                #44
                رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                هذه الاحداث كانت في خلال كم ايام معدوده.. وقلبت موازين حياة اناس كثيرون .. ولكن اكثر اثنين تضرروا .."بتال"و"روضه"... انتقلت روضه من شقة صغيرة تضمها هي وامها الى فله اقرب ان تكون الى قصر مع اشخاص اول مره تعرفهم وعندها مهمه كسب قلوبهم ... اما "بتال" عكسها تماما عاش الوحده كيفما تكون واينما وجدت عايش على ذكرى أليمه يتمنى تعود .. او على الاقل جزء منها .. وهذا الجزء المفقود هو ابتعاد روضه عنه اللي بشوفتها كأنه يشوف امه واخته .. ولكن للأسف بعدت هي عن حياته .. واصبح الوصول اليها من أصعب الأمور ... اهمل نفسه وبيته وكل شي بحياته ..حتى انه اهمل اعز اصدقائه "يزيد" و"سند" ...


                ......................................................

                بعد مرور اسبوع على وجود "روضه" في بيت خالها... حست روضه ان ملابسها ماتنفع في بيت خالها .. حتى ملابس الشغالات احسن منها ... تحس ان زوجه خالها كانها بنتها ..ترددت شوي ... وبعد صلاة التراويح .... نزلت روضه من غرفتها اللي كانت تجلس فيها اغلب الأوقات ...وجدت لمياء جالسه في الصاله معاها كوب شاي ومكسرات وتتابع التلفزيون بتركيز.....مشت روضه لعندها وبوجه بشوش "مساء الخير لمياء"..
                لمياء"طالعتها بنظره سريعه":هلا...
                روضه :ممكن اجلس معاك ..
                لمياء "تطالعها من فوق لتحت": اجلسي مين منعك ... الصاله للكل ..
                روضه "تضايقت من ردها .. وكانت بترجع فوق بس .. تشجعت وجلست ... وهي ساكته":
                لمياء "طالعتها شوي ..حست فيها.. وبمرح":.. روضه.. تحبي تاكلي معاي ...
                روضه "ابتسمت": لا بالعافيه ... "تشجعت ".. اقول لمياء ...
                لمياء : نعم ...
                روضه "بحرج": مدري ايش اقول لك ...
                لمياء : قولي ...
                روضه "بتردد":..... ناقصي شوية اغراض .. و .... وودي اروح السوق ...
                لمياء "باستغراب":.. وش المطلوب مني ...اكلم لك السواق .. والا اخذ لك اذن من بابا ...
                روضه : لالا ... بغيتك تروحين معاي وتساعديني اختار ملابس ..
                لمياء "مازلت مستغربه": .. اساعدك ..؟!... "ضحكت"... ماعمري اشتريت لاحد او ساعدت احد...
                روضه "نزلت راسها بحرج وضيق"
                لمياء "ضيقت عينها": بس تدرين .... فكره مش بطاله ...."وقف .. واشرت بيدها.. بمرح".. يالله قومي نروح المول ....
                روضه "تبدلت ملامحها كليا الي فرح":.. يالله ...."طلعت بسرعه تدور عباتها ... فتحت شنطتها ودورت بين ملابسها على طقم ذهب صغير سلسال وحلق الوحيد اللي عندها ..طالعت فيه شوي وتذكرت لما امها هدتها اياه لما تخرجت من الثانوي ...دمعت عينها ... مسحتها بسرعه .. اخذت الطقم .. لبست عباتها .. وطلعت تنتظر لمياء "


                .................................................................

                في فلة ابو يزيد... طلع "يزيد" الى الكراج بيروح العمل فتح السيارة ورمى شنطته ...في الجهه المقابله للكراج ..وامام المسبح على كراسي من خشب الزان جلست "هويدا" .. وسرحت في اشعة الشمس العاكسه في المسبح امامها ... وماحست الا يزيد واقف قدامها ...بثوبه السكري وشماغه الابيض ...رفعة بصرها له .. ولفت وجهها للجهة الثانيه دليل زعلها منه ...
                يزيد"جلس على رجله قدامها": شوووو القمر طالع في النهار ... ايش عنده...
                هويدا "بدون ما تطالع فيه":.. اذا ممنوع اني اطلع حتى هنا .. فبادخل واريحك ...
                يزيد "بصوت حنون": هودي حبيبتي .. انتي تدرين اني احبك وما اخاصمك الا خوفي عليك...فخلاص انسي ... اعتذرت لك امس ...ايش باقي تبغين ...
                هويدا "وقفت":ما ابغى شي ... ابغى ارتاح وبس ...لمتى بس تعطوني اوامر وتوصيات .. انا مو صغيرة ...
                يزيد "يقرب منها ويضمها ويضحك":اييييه صح نسيت ان طالعه الثانوي ... مين قدك صرتي اكبر مني ...
                هويدا "ضمت اخوها بقوووه": يزيد ... لا عاد ترفع صوتك علي .. ما احبك اذا عصبت ...
                يزيد : انا اسف للمره الثالثه .. خلاص عاد ... "رفع وجهها" اليوم على الفطور راح اجي عشانك يالله سوي لي الحلى اللي احبه ..
                هويدا :أي حلى بالضبط ...
                يزيد "بعدها عنه .. وضحك": اللي يسمعك يقول كل يوم حلى هو هذاك الحلى ماغيره اللي سويتيه امممممم "بسخريه"عام الفين وواحد..
                هويدا"عضت شفاتها وضربته بخفه":.. مليغ ... اسمه تشيز كيك ..
                يزيد :مليغ والا بليغ ...اللي يعجبك ...و الله يعيننا على مصطلحاتك العربيه كل يوم من دوله .."ابتسم .. وسلم عليها "يالله انا رايح مع السلامه ...
                هويدا "بابتسامه": باي..

                يزيد .. طلع سيارته ... وفكر في "بتال" دق عليه بس مارد... "هذا الشخص متى بيرد علي ... شكلي بمر عليه في شقته ... "...غير مسار سيارته وراح لشقة "بتال "... وبدون تردد دق الباب كذا مره لحد ما جاه صوت ضعيف من الداخل ... يزيد بصوت مرتفع "بتال ... بتال ... انا يزيد ... افتح"
                بتال "بخطوات ضعيفه فتح الباب ... وطالعه بنظرات تايهه":..ي زي د..؟!
                يزيد"فتح عيونه": بتال ... ايه يزيد ... وش فيك ماترد على تلفون البيت .. وينك يا شيخ ...انت بخير ..
                بتال "نزل راسه":لو سمحت ما ابغى اتكلم الحين مع احد ... اتركني .."وجاء بيقفل الباب بس يزيد مسكه قبل "
                يزيد : بتال حرام اللي تسويه في نفسك ..."عصب عليه" فوووق يا بتال .فووووق .. تفكر انك اذا سويت كذا بترجع امك او اختك . اصحى ايش فيك ... عمري ما توقعتك ضعيف لها الدرجه ...
                بتال "بغضب": انت مو حاس فيني ولا احد حاس فيني ... حتى روضه راحت وخلتني ...محد اعترض محد زعل ... وينكم لي اكثر من اسبوعين محد سال عني اذا عايش او ميت ...
                يزيد : مين اللي ويننا ...بتال احنا تركناك بعد انت ما قلت لنا انت بتتصل علينا لو تحتاجنا ... وترى بس اسبوع ... بتال صحصح ..
                بتال : وليش تصدقوني ... انا تعبان .. حرام عليكم ..."وبصوت قوي ".. بعد يالله عني لا عاد اشوفك ولا اسمع صوتك فاهم ..."وقفل الباب بقوه.. هذا الشي ترك "يزيد" مو مصدق اللي سمعه . معقول صداقتهم تنتهي بهذي الطريقه .. وفي هذا الوقت.. اللي كل واحد محتاج للثاني أكثر...."

                .....................................................
                روضه .. ولمياء مع السواق في السيارة ...
                لمياء"تطالع روضه ": انتي تبغين فستان ماسك على جسمك والا بناطيل...؟!
                روضه : لمياء تكفين بلاش تريقه ...
                لمياء : مين قال اني اتريق ... اكلمك جد ..
                روضه : وين بلاقي مقاسي ...مستحيل...
                لمياء : لا موجود مقاسك .. ترى فيه محلات وماركات للمقاسات الكبيرة ...
                روضه : والله ... طيب نروح نشوف ...
                لمياء كلمت السواق يروح للمول .. ودخلت هي وروضه على طول لمحلات المقاسات الكبيره ...
                لمياء : كم مقاسك تعرفين ؟!
                روضه : لا من وين بعرف ...ماعمري شريت من هنا ..."تفتح غطاها شوي .. تتنفس"..يوووه حر مره الجوو..
                لمياء "اللي كانت متحجه وكاشفه وجهها": قلت لك بلاش النقاب ما سمعتي مني ...
                روضه : لا يؤ ..عيب ..حرام اصلا تكشفين ...
                لمياء "طنشتها": امشي امشي ... جربي اللي شريناه ..
                روضه "باستغراب":وين رايحه ..ووين اجربه ؟!..الخروج من هناك..
                لمياء : بنروح دورات المياة فيها غرف قياس ... عشان تقيسين الملابس نشوف اذا على قدك والا رجعناها ..
                روضه :لا يؤؤؤؤؤه مستحيل اغير ملابسي هنا ... لمياء تكفين في البيت يالله يالله "تدف لمياء .. وهي تقول" في البيت في البيت ..
                لمياء"ضحكت ":طيب طيب يالله خرجنا ...
                طلعوا السيارة .. وروضه مبسوطه بالاكياس اللي حولينها ... لفت على لمياء "لمياء ... الله يسعدك اخر طلب"
                لمياء : وشو ؟!
                روضه : ابغى شريحه وجوال ..
                لمياء "تطالع في الشباك": يؤ يا روضه ليه ما تكلمتي من قبل .. الحين مافيه ولا محل اتصالات في طريقنا .. والساعه وحده الحين تاخرنا ..
                روضه "لفت وجهها بحزن": طيب مو مشكله ...
                لمياء : اذا ضروري تبغيه اليوم بعطيك شريحه وجوال من زمان ما استخدمتها ...
                روضه "بفرح ":والله ...
                لمياء : بس هاه ..ترى مافيه ولا رصيد.. تبغين اشترينا بطاقه شحن من السوبرماركت اللي قدام ...ومن فلوسك ...
                روضه "بفرح": جد مدري كيف اشكرك ...
                لمياء "طالعت فيها وابتسمت ... اول مرة تحس انها سوت شي لاحد بدون مقابل ..واول مرة تحس الشوبنق له طعم ... "

                وصلوا الفله ... وروضه راحت لغرفتها تركض ... ومرت قبل مع لمياء غرفتها اخذت الجوال .. وشحنت لها الرصيد ... ورجعت روضه لغرفتها .. رمت الاكياس على السرير ... وجلس على طرف السرير ... وبدون أي تردد دقت الرقم اللي حافظته اكثر من اسمها .....وجاها الرد بعد كذا رنه ...."ألووو ... بتال "؟!

                  تعليق

                  • عقد اللؤلؤ
                    عضو متألق
                    • May 2011
                    • 282
                    #45
                    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                    قراءة ممتعه اتمناها للجميع

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #46
                        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                        الله يعطيك العافيه
                        متابعه لك استمري
                        موفقه ..

                          تعليق

                          • مزمز
                            عضو ماسي
                            • May 2011
                            • 1087
                            •
                            #47
                            رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                            واو
                            روايتك حماس مرررره
                            يعطيك العافيه..

                              تعليق

                              • عقد اللؤلؤ
                                عضو متألق
                                • May 2011
                                • 282
                                #48
                                رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                مزون ... مزمز

                                تسلمو على المتابعه والله مروركم اسعدني ...

                                اشكركم من اعماق قلبي

                                  تعليق

                                  • عقد اللؤلؤ
                                    عضو متألق
                                    • May 2011
                                    • 282
                                    #49
                                    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                    <<<<<<<<<<<<<<<<<<<<<<<<<<<<<<<<<<<<
                                    الجزء السادس
                                    <<<<<<<<<<<<<<<<<<<<<<<<<<<<<<<<<<<<


                                    وجاها الرد بعد كذا رنه ...."ألووو ... بتال "؟!
                                    بتال :نعم ؟!
                                    روضه "العبره خانقتها":بتال انا روضه ...
                                    بتال "سكت شوي ... يستوعب صوتها":......................روضه ..هلا.. وينك ياروضه وينك؟!
                                    روضه "بدت تبكي": موجوده يا بتال موجوده ..
                                    بتال "بدا صوته يتحجرج": روضه ليه تركتيني ... والله اني محتاج لك .."يبكي".. ليه كلكم رحتوا وتركتوني ليه ...حرام عليكم
                                    روضه : والله غصب عني ... تدري انه صعب اعيش لوحدي ..
                                    بتال : ليه لوحدك وانا وين رحت .. انا ما صار عندي اهل وانتي اهلي ..انتي كل اهلي ..
                                    روضه : ادري انك ما بتقصر معاي ... بس ..
                                    بتال :بس ايش ..."بعصبيه".. خالك ...اكيد .. لعب في عقلك ..
                                    روضه : انا مو صغيره يلعب احد في عقلي بس هذا الصح ...
                                    بتال "زفر بقوووه": ..اه والله ماصرت اعرف ايش الصح وايش الخطأ...
                                    روضه : قولي ايش اخبارك ..؟!
                                    بتال "ضحك بسخريه":ايش تتوقعين اخباري ... "بجديه"..مافيه جديد جالس في الشقه لوحدي .. وانتي كيف العيشه عند خالك ..؟!
                                    روضه "بحزن": اه يا بتال .. مع اني تقريبا عايشه بقصر بس اني افتقدت شقتنا على بساطتها ...
                                    بتال : ليه فيه احد مزعلك ؟!
                                    روضه : لالا .. محد مزعلني .. بالعكس الكل يتعامل معاي بذوق ..
                                    بتال : خالك عنده اولاد ؟!
                                    روضه : ايه بنت طالعه الجامعه .. وولد دكتور..
                                    بتال : الدكتور هو راكان ؟!
                                    روضه : ايه راكان .. "تردد تقول له انها تكشف عليه .. ولكن فضلت السكوت"..
                                    بتال : اهم شي تنتبهي لنفسك ... وللسكر مايرتفع ..
                                    روضه : والله انا مهمله نفسي من يوم جيت هنا ... صعب اقول لهم ان معاي السكر ..والاصعب يطبخون لي اكل مخصص ...
                                    بتال "ضحك بقوه": .. روضه بتقولي لي عنك .. انتي بالعكس اذا منعناك زدتي ...الله يقطع ابليسك ضحكتيني وانا مالي نفس ...
                                    روضه "ابتسمت":..اصلا انت ماتدري اني نقصت 5 كيلو ...
                                    بتال : لالا ما اصدق ... اجل العيد عيدين ...
                                    روضه "بحزن": طلبت من امي تدعي لي اني انحف ... ويمكن فعلا دعت لي من قلبها قبل لاتموت ... الله يرحمها ...
                                    بتال : الله يرحمهم جميعا ... روضه .. انا فرحت باتصالك وتكفين لا تقطعين .. ماشي ...
                                    روضه : ماشي ..هذا جوالي حاليا طيب.. احفظ الرقم عندك من الكاشف انا مدري كم الرقم بالضبط ..
                                    بتال : حركات اخذتي جوال وانا لسى ما اخذت ... طيب راح احفظه .. والله ان نفسيتي احسن لما سمعت صوتك ..
                                    روضه "ابتسمت":دوووم يا بتال ... يالله مع السلامه ...
                                    بتال : مع السلامه ...

                                    نزلت "روضه" الجوال من إذنها وسرحت في "بتال" ووضعه ... تنهدت بقوه .. وطالعت في أكياس الملابس .. ولكن سحبت لها الكيس اللي من السوبر ماركت كله حلويات وشبسات وعصيرات ... بدون تردد قامت ورتبتها في الثلاجة الصغيرة الموجودة في غرفتها ...

                                    من ورى باب غرفتها كان واقف"راكان" وهو يفكر في الكلام اللي سمعه منها .. غصب عنه سمعها وهي تكلم ...حس انه يشوف "روضه" بشكل ثاني ... تذكر نفسه انه واقف قدام غرفتها .. ركض بسرعه لغرفته ... سكر الباب على نفسه .. وهو يسترجع مكالمتها اللي واضح انها مع ولد اسمه "بتال ".. "يالله يا روضه عندك السكر ... وكمان تعانين من السمنه .. توقعتك منتي مهتمه اذا سمينه والا نحيفه .. ذكرتيني بنفسي ".. وفتح درج التسريحه وطلع منها البوم صوره قبل ست سنوات ..وجلس يطالع في شكله كيف كان الكل في المدرسه يتريقون عليه لحد ما نقل لمدرسه اهليه ووقتها الكل احترمه وصار يخاف منه عشان مكانة ابوه .. ولما سافر بريطانيا يكمل دراسته بعد الثانوي ...تعرف وقتها على"كميليا" هي اللي شجعته ووقفت معاه واشترك في نادي رياضي و قدر يوازن اكله ويحافظ على نفسه.....وتعالج من السكر اللي كان بسبب السمنه المفرطه...
                                    قفل الالبوم .. ورجعه مكانه .. هذي الصور تخليه ما يفكر يرجع للسمنه مره ثانيه .."مسكينه ياروضه .. الله يعينك على الناس ونظراتهم"...

                                    ...............................................


                                    في بيت سند .... نايم سند على الجلسه الارضيه اللي في صالتهم ... وجدته ..جالسه جنبه تحني يدها ... رن جواله وقفز من نومته ...سحبه من جيب ثوبه .. وبصوت كله نوم : الوووو
                                    يزيد : سلام ... كيفك سند .؟!
                                    سند "يعدل جلسته": يزيد ... هلا هلا ... والله فكرتك بتال .. وين الرجال هذا اختفى ..
                                    يزيد : مدري بتال هذا ايش فيه .."سرح شوي .. ورجع".. المهم ... ابغاك تمرني اليوم الشركه ..
                                    سند : اليوم .. انتو لمتى فاتحين ...
                                    يزيد : في رمضان لحد 11 ونص ..
                                    سند "يطالع في ساعته": الحين عشرة وربع ...يالله جاي
                                    يزيد: اووكي انتظرك ... مع السلامه ..
                                    سند : مع السلامه .."وطالع في جدته.. وابتسم".. الله الله لمين تتكشخين يا جده..هاه ..
                                    الجده : عن الكلام الفاضي ... عشان العيد.. العيد ياولدي لازم الواحد يستعد له هذا عيد المسلمين وانا امك ...
                                    سند : الله يعيدنا رضاه ...
                                    الجده: امين .....هذا يزيد اللي كلمك ... وايش يقول عن بتال ..؟!
                                    سند"هز راسها ببطئ": لا جديد ... بتال لسى حابس نفسه من يوم راحت روضه...
                                    الجده : انا قلت لكم بس انتو مارضيتوا ...
                                    سند : أي حل ... قصدك الزواج ..
                                    الجده: ايه الزواج..اجل حد بيرضى تقعد بنته مع واحد غريب غير بالحلال ..
                                    سند : بس ياجده .. هم كانوا عايشين مع بعض مثل البيت الواحد..
                                    الجده: ايه ياولدي هذاك وامهاتهم موجودات . بس الحين محد يرضاها ... تخيل ان روضه اختك فطوم .. بترضى تعيش مع بتال لوحدهم بدون زواج ..
                                    سند : مدري والله مدري... بس اصلا حتى خالها اعوذ بالله منه ..
                                    الجده: اعوذ بالله من الشيطان .. خالها ما غلط ... الغلط منكم يا عيال هاليومين كل شي تبغونه على كيفكم ...
                                    سند "طالع ساعته": اوف صارت عشره ونص ... يالله بروح يزيد يبغاني في الشركه ...
                                    الجده"باستغراب": خير وش عنده يبغاك ...؟!
                                    سند "ابتسم": اذا رجعت قلت لك .. بس ادعي لي انتي ..."ووقف رايح لغرفته يبدل ملابسه"
                                    الجده : الله يوفقك ياولدي .. ويسخر لك اولاد الحلال ...

                                    وفي الغرفه المقابله لغرفة سند ... كانت فطوم عايشه جوها ولهوها ومحد داري عنها ...تعرفها على "هويدا" اللي فتحت عيونها على طريق ماله نهايه .... ولكن فيه سعاده وهميه مؤقته ...خلى فطوم تنسى اللي ربتها عليه جدتها من الأخلاق والقيم .. تعرفوا على بعض عن طريق مدرسه مواد خصوصية أيام الاختبارات .. واستمرت علاقتهم حتى ايام الإجازة ... "هويدا " بس عرفت ان حالة فطوم الماديه مو قد كذا .. أخذتها تحت يدها بالرغم انها اصغر منها بسنه .. تأمرها وتنهيها وما تلاقي من فطوم الا سمعا وطاعه .. وخاصة بعد ما حصلت على اشياء كانت تتمناها بمساعده هويدا اللي حطتها على أول الطريق .. وللأسف طريق مظلم .. هذي العلاقه بينهم تشبع غرور هويدا وتشبع رغبات فطوم..
                                    فطوم بغرفتها .. وماسكه الجوال .. وبصوت واطي ...
                                    فطوم "بدلع":لالالا لازم هديه مميزه للعيد .. والا أخاصمك قسومي.. ادري ما اهون عليك ..
                                    قاسم : والله انك تستاهلين عيوني يا ناديه ... امري وتدللي ايش تبغين ..
                                    فطوم : امممم .. ابغى رقم مميز .. وجوال اخر موديل ... وبطاقة شحن ...
                                    قاسم : ابشري ... بس هاه ... المره الجايه تطولين انتي وفدوى .. ..مو بس ربع ساعه ..
                                    فطوم "بملل": ايه ايه خلاص يالله .. اكلمك بعدين ... شاو..

                                    "وقفلت الجوال".. اوف مابغى يوافق يجيب لي هديه... اكلم الحين هويدا اقول لها اخر الاخبار "دقت رقمها وبعد ثاني رنه ردت"
                                    فطوم : هودي ... سلام ... كيفك ؟!
                                    هويدا : اهلين فطوم .. الحمدلله ..
                                    فطوم : اسمعي اسمعي .. اخر اخبار الاهبل قاسم ..
                                    هويدا "بحماس":هاه قولي ايش صار ..طلبتي هديه للعيد ؟!
                                    فطوم : ايه طلبت .. بس قال "وتقلد صوته". يا ناديه المره الجايه تطولين انتي وفدوى ... "وضحكت بقوه"
                                    هويدا "ضحكت":مالت عليه ماشاف شكله كيف.. احد يواعد بنت يجي لابس بدله رياضه ..
                                    فطوم : عاد ايش نسوي هذا المقسووم...."تركز بصوتها".. صوتك ماعجبني .. فيه شي هودي ..؟! لسى متزاعله انتي واخوك..؟!
                                    هويدا "بحزن": لا صالحني ولا عاد فتح معاي السالفه .. بس برضه مشغوله باله بصديقه بتال .. وتعرف على واحد ثاني اسمه سند بعد وكمل الناقص .. ماعاد يقعد معاي ..
                                    فطوم"فتحت فمها":هاه ....بتال وسند ... ولايكووون .."شهقت بقوه".. يزيد اخوك..؟! .. وسند اخوي ؟!
                                    هويدا"فتحت عيونها": لا لا ..لا تقولين .... معقول صاروا يعرفون بعض ... "وضحكت " احنا ناقصين لخبطه يعني ...
                                    فطوم"بخوف": هويدا تكفين لا تقولين لاحد عن اللي جالسين نسويه ..
                                    هويدا : غبيه انتي غبيه ... اذا انكشفتي انا بعد بنكشف ... "وبلا اهتمام".. خلي الخوف عنك الحين ... المهم ... خالد يبغى يشوفني ليلة العيد .. ايش رايك تجين معاي ؟!
                                    فطوم: ليلة العيد عاد .. لا صعب اطلع .. بس تدرين .. خالد هذا مدري ليه ما ارتحت له .. انتبهي لنفسك منه ..
                                    هويدا : ولا يهمك .. اعرف كيف اوقفه عند حده ... ماعليك خبره يا بنت خبره انتي اشعرفك .."وضحكت"
                                    فطوم : بس هو اكبر منك عمره في الثلاثين تقريبا ... هو قال لي لما رحتي دورة المياه ...
                                    هويدا"بلا اهتمام": ادري ...ولا بعد ازيدك من الشعر بيت .. متزوج وعنده ولدين ...
                                    فطوم : من جدك؟! ايش تبغين فيه هذا ؟
                                    هويدا: ولا يهمني ... يا شيخه .. ماحد يدفع الا الكبار هذولا ..
                                    فطوم "بتردد": بس انتي ماشاء الله مو محتاجه .. يعني ال...
                                    هويدا"قاطعتها": كيفي انا ابغى.... محد له دخل فيني ..... يالله اكلمك بعدين ..." وقفلت السماعه.. بدون تردد.. رفعت وحده من حواجبها ... وسرحت في شكلها المنعكس على مراية التسريحه قدامها .. " .. راح العب فيكم كلكم على كيفي وبكيفي .. انا هويدا محد يوقف بطريقي ..."ابتسمت ابتسامه جانبيه.. تدل على تحدي المستحيل "


                                    ....................................

                                      تعليق

                                      • عقد اللؤلؤ
                                        عضو متألق
                                        • May 2011
                                        • 282
                                        #50
                                        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                        ....................................


                                        شركة ابو يزيد... وبمكتب يزيد ...

                                        دق خفيف على باب مكتبه ... دخل السكرتير يخبره بوجود "سند" برا ينتظره ... سمح له بالدخول ... ودخل سند .."وبحركه سريعه .. سحب رجله بحذائه الشرقي .. وتزحلق وماوقفه الا مكتب يزيد.. وبابتسامه واسعه": سلام يا باشا ...
                                        يزيد "طالعه باستغراب .. وبعدها .. انفجر يضحك":..يا شيخ أركد ... انت بشركه مو بالشارع ...
                                        سند "جلس وحط رجل على رجل":وش اسوي فيكم سيراميكم ناعم ..
                                        يزيد "وهو مبتسم": والله من هالحذيان ..ماصار فيها ولا معالم ..
                                        سند "يطالع في حذيانه":اقول خليك منها الحين ... خير وش كنت تبغى تقول لي ..
                                        يزيد: اممم .. قولي لي تعرف للكمبيوتر ..؟
                                        سند : يعني ... اذا رحت عند واحد من زملائي اطقطق عليه شوي .. في النت والشات ..
                                        يزيد : نت وشات ..لالا يا سند ..مو هذا اللي ابغاه ..
                                        سند : ليه وش تبغى ..؟!
                                        يزيد "فتح درج مكتبه وبعد تقليب بين الأوراق ... طلع ورقه": خذ ... هذا معهد تعليم كمبيوتر ... خذ لك دورة فيه لمدة أسبوع .. طبعا أسبوع مكثف ... واذا خلصت كلمني ...
                                        سند "طالع في الورقه": وشو ... دورة في برامج الا الا و ... وشو ؟!
                                        يزيد"بابتسامه" : الأوفس ... برامج الأوفس ... وعلى فكرة الدورة على حساب الشركة .. بس أعطيهم هذي الورقة لان عليها توقيعي وختم الشركه ..
                                        سند "قطب حواجبه": أوفس أوفس .."ووسع فمه بابتسامه" وش ورانا نتعلم ... الا على فكرة ترى بعد أسبوع العيد ... انتو الشركات عادي فاتحين في ايام العيد ...
                                        يزيد "ضرب جبهته": اووه صح .. لا لازم اجازة الأعياد ... اصلا حتى المعهد بيكون مقفل لبعد العيد ...خلاص خلي الورقه عندك .. وبعد العيد .. راجع المعهد ... اوكي ..
                                        سند "وقف وطوى الورقه في جيبه": اوكيشن ... "طالعه بنظره جديه" .. بتال كلمك ؟!
                                        يزيد "بحزن": أأ .. لا ما كلمته ولا كلمني .."مايدري ليه ماقدر يقول انه طرده ...".. بس اذا كلمك طمني عنه ...
                                        سند : انا ادق عليه مايرد ... يالله ....... توصي شي ..
                                        يزيد : لا سلامتك ...
                                        سند : ..مع السلامه ..."وخرج من مكتب يزيد ... وتركه سرحان في موقفه مع بتال "

                                        ..............................

                                        اليوم التالي في العصر... وبفلة ابو راكان ..

                                        روضه نزلت الصاله هي ولمياء .. سواليف وضحك ويشوفون التلفزيون.....روضه بعبايتها وطرحتها على راسها ..
                                        لمياء: الحين ليش لابسه العبايه ... وين الملابس اللي شريناها سوا ...
                                        روضه "بحرج": يوه لمياء احراج البسها قدامكم ...
                                        لمياء "فتحت فمها":هاه .....ليه احنا وش المفروض تلبسين لنا ..
                                        روضه "تفتك من السالفه": في العيد في العيد ...

                                        دخل راكان ... سلم عليهم بوجهه بشوش .. ولا تردد انه يجلس معاهم يشاركهم سواليفهم ... لاحظ ان روضه تحاول ما تطالعه وتتجنبه .. فكر شوي وقال : روضه ..
                                        روضه "باستغراب": نعم ..!
                                        راكان : انتي كم وزنك .. "ماجاه رد منها .. وكمل".. طيب ما تفكري تسوي رجيم ..؟!
                                        لمياء "ابتسمت":روضه جاوبي .. ترى راكان الحين يكلمك بصفته دكتور ومجرب بعد ... مافيه داعي للاحراج ..
                                        روضه "بتردد": .. إلا ... قد سويت ... بس ما ينفع ... او بالأصح ما استمر ... اطفش بسرعه ...
                                        راكان : شكل محد كان يشجعك ...
                                        روضه : بالعكس أمي الله يرحمها كانت تشجعني بس مدري ليه غصب عني ارجع اكل .. امل من الرجيم والاكل المحدد ...
                                        لمياء : على فكرة راكان كان سمين مررره وهو صغير ... بس سافر ورجع ماعرفناه ضعفان مررره ..
                                        روضه "فتحت عينها": والله ..."وبحماس لفت عليه".. ايش سويت ..
                                        راكان : الاراده ... والتشجيع ...
                                        لمياء "نطت": بروح اجيب لك البوم صورنا واحنا صغار عشان تشوفيه ... اتحداك اذا عرفتيه "وطلعت تركض لفوق"
                                        ساد الصمت شوي بينهم .. وكمل راكان : تدرين مين شجعني ..؟!
                                        روضه "بحرج": مين ؟!
                                        راكان : صديقه لي اسمها "كاميليا".. "وبصوت واطي" ..بعدين اكلمك عنها .. وتكفين لا تجيبين سيرتها عند احد من اهلي ..."وبصوت عادي" ..طيب قولي لي ايش المشكله اللي تعانين منها ؟!
                                        روضه : مدري ... يقولون لخبطة هرمونات ...
                                        راكان "رفع واحد من حواجبه": .. يعني عندك لخبطه في الدورة الشهريه ؟!
                                        روضه "لفت الجهه الثانيه بخجل.. وبدون رد "
                                        راكان "تدارك الموقف .. وبابتسامه": ... اسف اسف ... طيب قولي لي .. عندك زياده نمو الشعر .. على وجهك او يدك ورجلينك ...
                                        روضه "بتردد وخجل وبدون ما تطالعه": ايه ... شوي ...
                                        راكان "جلس جنبها": .. اشوف وجهك طيب ..."ومد يده لوجهها يلفه نحايته".. بس ابغى اتأكد ...
                                        روضه "لفت وجهها ... وهي مغمضه عينها ...":
                                        راكان "ممكن تشيلي الطرحه عشان أ....."
                                        روضه"وقفت بسرعه": ... لا ... أ أ أنا بطلع عند لمياء ...
                                        راكان "وقف وهو يضحك": ... طيب وقفي ابغى اوريك شي ..." فصخ التيشرت اللي عليه ... وظهر جسمه العريض وعضلاته .. رجع راسه لورا وتحرك شعره معاه .. وقال ايش رايك ...
                                        روضه "ما كانت تدري ايش بيسوي ... كل شي صار قدامها بسرعه ... حمر وجهها ... ونزلت راسها "...
                                        راكان : طيب شوفي ابغى اقول لك كيف كان الجلد مترهل .. لاني سويت رجيم بدون تمارين ... بس بعدين استمريت ع التمارين ولحد الان ... والحمدلله جسمي بدا ينشد ... "ضحك".. طالعي طيب .. انا بعلمك ايش بيصير بجسمك ... عشان لا تنصدمين ...
                                        روضه "عطته ظهرها ": ما ابغى اشوف ...

                                        شوي الا صوت باب الفله يتقفل وصوت الكعب ينذر على قدومه للصاله ..وام راكان بصوت عالي "تالي... تالي ... روحي جيبي الأكياس من عند السواق "
                                        روضه "لفت على راكان .. وهي تضرب خدودها ": خالتي ...البس البس تكفى لا تفضحنا ...
                                        راكان "ابتسم .. وبكل برود لبس"
                                        دخلت ام راكان ... ولمحت راكان يعدل تيشرته .. وروضه وجهها محمر ومرتبكه ...طالعتهم بنظرات شك :"ايش فيكم .."
                                        راكان "هز راسه .. وهو يرجع شعره على ورى": ولا شي ..
                                        لمياء "... نزلت بسرعه وهي شايله بيدها الالبوم ....":.. أووف ما حصلت الا واحد ... وين الألبومات الثانيه عندك يا راكان ؟!
                                        ام راكان "طالعت فيهم": انتي وين كنتي ...
                                        لمياء "بابتسامه عريضه": اووه مام ... كنت أجيب الالبومات اوريها روضه ... نتسلى شوي قبل المغرب ..
                                        ام راكان "طالعت في روضه اللي منزله راسها":.. الحين احنا بأواخر ايام رمضان وانتو تتسلون ...
                                        راكان : امي .. ليه انتي وين كنتي تساعدين الفقراء مثلا ..."جلس وحط رجل على رجل".. حتى انتي كنتي بالسوق .. تتسلين يعني...
                                        ام راكان : لا ترادد يا راكان ... انا امك ..
                                        لمياء : ماما وش فيك معصبه علينا ...
                                        ام راكان "بعصبيه": يالله كل واحد على غرفته ..."راكان ولمياء مو متعودين على هذه الاوامر ... طالعوا فيها بنظرات غريبه ... ولكن "روضه" ما صدقت بهذا الامر .. طلعت غرفتها وهي ماتشوف الطريق...طبعا "ام راكان"... محد سمع كلامها .. طلعت غرفتها وطنشتهم .. وهي مقهورة من "روضه"


                                        ..............................


                                        أذن للمغرب .. ونزلت "روضه" .. وببطئ تنزل الدرج .. حالها حال أي وحده وزنها زايد ... وشوي "راكان" يمر من جنبها .. وبصوت واطي "مساء الخير".. وكمل نزوله بهروله وخفه .. طالعته روضه بنظرات حسد .. "ياترا بيجي يوم انطط في الدرج مثلك .."كملت نزولها بفكر مشتت .....جلست كالعاده على طاولة الطعام .. وبعبايتها وطرحتها ... والكل يأكل بصمت .. و"لمياء" كالعاده تعطي "روضه" في صحنها منعا للإحراج ... كسر "راكان" الهدوء وهو يطالع في "لمياء"...: "روضه عندها سكر مايصلح تاكل حلى "
                                        الكل طالعه بنظرات استغراب ... بس نزل راسه يكمل اكله وكمل .."المفروض قلتي لنا من اول يوم وما انحرجتي منا يا روضه .. صحتك اهم من أي شي ثاني "
                                        ابو راكان "طالع بروضه": صادق يا بنتي ليش ما تكلمتي ...
                                        روضه "مستغربه كيف عرف راكان .. ضبطت طرحتها بربكه ... وخاصة ان نظرات ام راكان بتاكلها":... خ خالي .. عادي ...أنا..
                                        لمياء : لا مو عادي ... السكر لازم له متابعه ...
                                        راكان "مركز على روضه":عندك جهاز السكر ؟!
                                        روضه "بارتباك": كان عندي بشقتنا بس نسيت اخذه ..
                                        راكان : خلاص اليوم ان شاء الله يكون عندك جهاز جديد ..
                                        روضه "بحرج": مشكور ماتقصر ...ما قصرتوا كلكم ..
                                        ام راكان "والقهر مالي وجهها": راكان ... بعد الفطور تعال غرفتي .. ابغى اكلمك ..
                                        راكان"بلا اهتمام": اوكي ...

                                        .......................................................

                                          تعليق

                                          السابق 1 2 3 4 5 6 7 8 9 10 11 12 13 14 15 28 template التالي

                                          google Ad Widget

                                          تقليص
                                          يعمل...