رد: روايتي الاولى اذا ذاب القلب

البارت السابع والتسعون
نبدا من عند فيصل دق عليه راكان رد :الو
راكان :فيصل ربع ساعه واكون عنك
فيصل ببرود :طيب
وسكر راكان استغرب
من فيصل فيصل بدل ملابسه ياقوت ترش له العطر :ابو اياد مع مين طالع
فيصل يلبس ساعته :راكان ما راح اتاخر
ياقوت مسكت وجهه وبرجاء :حبيبي عشان خاطري لا تخرب علاقتك براكان على موضوع تافه من الماضي .
فيصل :ان شاء الله
ياقوت :اتعشى مع العايلة ولا انتظرك
فيصل :تعشي نص عشى


ياقوت ضمته وهو يحرك يده على ظهرها
:ياقوت نمتي
ياقوت تبعد راسها عن صدره :لا معاك وين كنا
فيصل انحنى باسها
ياقوت نزلت معاه :فيصل لما ترجع جيب خربيط للعيال
فيصل يضحك لانه يعرفها تموت بالخرابيط :قولي لك واجيب
ياقوت تضم ذراعه اكثر :والله للعيال
فيصل :اوكي بجيب كل شئ يا سنفورتي بس بشرط
ياقوت :امر يا نبض قلبي
فيصل اشر على خده ياقوت باست خده
سامر يضحك من وراهم :عندكم خمس بزران وعايشين جوكم يا مراهقين
وغمز لفيصل ياقوت لفت :اذكر ربك حتى لو عندنا دسة بزران راح نبقى عشاق
سامر رجع يضحك بس هذي المره شاركه فيصل بالضحكه
ياقوت تركتهم وراحت لغرفة ام فيصل
سامر :اشوفك متكشخ وين طالع
فيصل :مع راكان تجي
سامر :لا نونو مسوية اومليت على العشا
فيصل :صحه وهنا
سامر ابتسم :على قلبك
فيصل طلع وسامر رجع جلس بالصاله
اما عند ام فيصل اللى جالسه وراس سارة على فخذها وتلعب بشعر سارة اللى تبكي من لما جت قبل العصر :ماما وش اسوي معاه تعبني حتى ما حول يمنعني اطلع من البيت
ام فيصل :يا ماما انت اللى غلطتي بحقه ما يصير تطلعي من بيتك بدون اذنه
سارة بعصبية :والله لاخلي حياته جحيم
ام فيصل :سارة يابنتي الرجال مثل الطفل الحين انت كيف تتعاملي مع عيال فيصل وعيال نور تعملي معاه ترى مصعب يحبك وقلبه ابيض
سارة :ماما كيف تزوجتي بابا الله يرحمه
ام فيصل ابتسمت وهي تتذكر بدر وصارت تحكي لسارة :كان يشتغل بمزرعة جدك وكنت حامل بنور والدكتوره قالت لى لزم امشي كثير حتى تتسهل ولادتي ولما كنت امشي انا وفيصل كل يوم كان بدر الله يرحمه يلمحني من بعيد وصار يحبني لما خطبني بعد ما جبت نور جدك وافق اتزوج بدر كنت بالبداية رافضه بس لما بدر وافق يربي عيالي ارتاح قلبي على اخوانك
تزوجنا وسكنا بشقه فيصل كان ميت من الغيرة علي كيف بتزوج واحد غير ابوه محمد الله يرحمه ما لين قلبه الا لما ولدتكم انت ويارا كنت محتاجه مساعدة حتى اقدر اهتم باربع اطفال وفيصل ما قصر سوى كل شئ يقدر عليه حتى يساعدني ولما تحسن وضع بدر الله يرحمه فيصل ما رضا يسكن معنا حول بجدك يرجع يسكن عندهم بس جدك كان رافض فيصل غصب عنه عاش عندي بالملحق ابوك كان مره حنون ويحبني كان يلف ويلف ويرجع لى كان يعشقني وانا حبه الاول ما عرفت طعم الحب الا مع بدر كان ما يزعل فيصل ابدا عشاني وكان يعامل نور كانها وحده من بناته اهل فيصل ونور بعمرهم ما سالو عنهم
سارة :ماما فيصل ونور سمعت ان اهلهم اغنياء مره
ام فيصل :اي حبيبتي اغنياء بس لاني خفت على نور وفيصل من جشع اخوانهم وعمامهم ما طالبت بالارث
سارة بصدمه :اخوانهم
ام فيصل :انا كنت الزوجة الثانية لمحمد الله يرحمه كان صديق جدك الروح بالروح
سارة :توي ادري فيصل يدري
ام فيصل :فيصل يعرفهم كان دائما يلعب مع عيال اخوانه وخواته
اندق الباب :يمه ادخل
ام فيصل :ادخلي
دخلت ياقوت :يمه موو ناوين تنزلون
سارة تعدلت :الا الحين ننزل
ياقوت :طيب لا تتاخرون
سكرت الباب ونزلت تشوف العيال
اما عند فيصل اللى طلع بسيارة راكان وهو ساكت
راكان :ابو اياد وين تحب نروح
فيصل :اي مكان هادي
راكان :اوكي
قدام بيت اهل راكان :يلا انزل
فيصل نزل وهو يذكر الله على البيت
راكان دخل
فيصل للمجلس :فيصل انا ببدخل اكلم امي والبنات وبرجع لك
فيصل طالع فيه :طيب
راكان دخل داخل فيصل جلس ينتظر فجاءة دخلت وحده مع رجال والبنت بصوت باكي وصراخ :انت واحد بلا اخلاق طلاقني
الرجال عطاها كف قوي طاحت بالارض :صوتك لا ترفعينه يا بنت الكلب
وصار يرفس فيها على بطنها بكل ما اعطه الله من قوة
فيصل طلع من المجلس بسرعه ودف الرجال عن البنت :يا حيوان ابعد عنها
الرجال ضرب فيصل لكمه صار فيصل يتضارب معه والبنت صارت تصارخ
جا راكان قسم الضيوف صار يركض يركض لما سمع صوت الصراخاتها ضرب زوج البنت زوج البنت دف راكان :انت طالق بالثلاثه
وطلع
راكان
قرب من البنت :سديم انت بخير
سديم بالم :آآه راكان خذني للمستشفى
راكان : ضربك
سديم هزت راسها
فيصل وهو يشوف الدم اللى تنزفه :راكان تحرك قومها بالمستشفى وهم جالسين :الحمدلله ارتاحنا من الحقير جاسم
فيصل :كانه موو اول مره يضربها
راكان :ما لها الا اربع شهور متزوجه وراها نجوم الليل بعز الظهر
فيصل :لا حول ولا قوة الا بالله كيف وافقتم كلى كذا شخص سكرجي
راكان :اختيار ابوي وامي ولد خالتي
طلعت الدكتوره :مين زوج المريضه
راكان بخوف:انا اخوها
الدكتوره :مع الاسف ما قدرنا ننقذ الجنين
فيصل :المدام سديم كيف وضعها الحين
الدكتوره :مستقر بعد ساعه تصحى وتقدرو تشوفونها
فيصل :متى نقدر نطلعها
الدكتوره :يوم الاربعاء ان شاء الله
فيصل :شكرا لك دكتورة
الدكتورة راحت وتركتهم فيصل نزل مع راكان سددو الفاتورة دخل راكان لها كنت توها صاحية راكان باس راسها :الحمدلله على سلمتك
سديم بالم :الله يسلمك
راكان جلس ومسك يدها :كذا تخوفينا عليك
سديم :الحمدلله اخيرا ربي استجاب دعائي وخلصت منه
راكان يضحك :هذا اللى هامك
سديم ابتسمت :مين البطل الشجاع اللى انقذني
راكان :امممم البطل هو الدكتور فيصل صديقي واخوي
سديم :راكان جوعانه
راكان :الحين بروح مع فيصل وبنجيب لك احلى عشا
سديم :راكان دخله خليني اشكره
راكان :طيب بس اولا بطلع طرحتك
راكان دور طرحتها لين ما حصلها تلبس وطلع لفيصل :فيصل
فيصل رفع راسه :هلا
راكان :سديم تريد تشوفك
فيصل تلون وجهه :تشوفني
راكان :تريد تشكرك
فيصل :قول لها ما سويت الا الواجب الحمدلله على سلمتها
راكان يسحبه :والله الا تدخل وتسلم عليها
فيصل يحول مع راكان :ما ابي راكان اتركني بلا احراج
راكان فتح الباب ودف فيصل فيصل نزل عيونه بخجل
:السلام عليكم
سديم :وعليكم السلام
فيصل :احم الحمدلله على سلامتك
سديم :الله يسلمك شكرا لك على وقفتك معنا بارك الله فيك
فيصل :اختي لا تشكريني راكان اخوي واعزه وخواته حسبت خواتي عن اذنكم
وطلع
راكان طلع ورا فيصل :ههههههه
فيصل :يلا انا بروح محتاج شئ
راكان : تعال نروح للمطعم نتعشى واوصلك
فيصل :راكان انا بتعشى مع زوجتي وانت اتعشى مع اختك وانتبه لها
راكان :اوكي بس خليني اوصلك
فيصل طلع مع راكان فيصل :وقف عند السوبر ماركة
راكان :ليش
فيصل :باخذ خرابيط للعيال
راكان :ما يحتاج تشتري موو تعطيهم مصروف
فيصل :المصروف للاطفال اللى بعمرهم غلط كل المعلمات اللى عندهم موصين اولياء الامور المصروف على المدرسة ريال واحد مع وجبة من البيت
راكان ابتسم :طيب ليش
فيصل :هذا قانون عندهم
راكان :اتوقع عشان ما يصير غيرة بينهم
فيصل :اشوفك ما اتصلت على اهلك
راكان :امي موو بالبيت وخواتي الصغار عندهم مدارس
فيصل :جيب وحده من المتزوجات تجلس عندها
راكان :كلهم عندهم اطفال
فيصل بعد سكوت :شوف اختك الحين راح تستحي من وجودك لزم يكون معها مره
راكان :وش اسوي
وهم بالسوبر ماركة
فيصل رفع جوالها ودق على سارة سارة ردت :الو
فيصل :في احد حولك
سارة :لا انا بغرفة ماما وش فيك
فيصل :تعرفين راكان صديق مصعب
سارة :لا ايش السالفة
فيصل :اخته بالمستشفى واذا ما عندك مانع اخذك تتعرفي عليها وتسهري معها
سارة بشك:وراك سوالف يا فيصلو
فيصل يضحك :لا سوالف ولا شئ
سارة :اوكي ما عندي مانع امري لله نتعرف عليها
فيصل :اوكي مسافة الطريق واكون عندك
سكر منها :مين اللى مسافة الطريق وتكون عندها
فيصل يمشي مع راكان :هذي اختي سارة زوجة مصعب
راكان :وين مصعب عنها
فيصل يوقف عند الكاشير :هي ومصعب بينهم خلاف جتنا العصر
راكان :صدقني مصعب مستحيل يزعل اختك اكيد هي الغلطانه
فيصل :وانا قلت كذا فيصل حاسب وراكان اخذ لوح شوكلاته وصار ياكل مع فيصل بالسيارة وصل فيصل وراح اشترى عشا له ولاخته رجع كنت جالسة تطالع فيلم :مساء الخير
سديم :مساء النور ليش تاخرت
وهو يفتح الاكل :رحنا السوبر ماركة ووصلت فيصل وجبت عشا
سديم :وش جبت
راكان :بروستد سديم محتاجه انادي لك ممرضه
سديم :لا قرب الطولة وهم ياكلون بينهم الطولة :بنت وش هالشهية اول مره اشوفك تاكلين كذا
سديم وهي تبلع اللقمه :من يومين مووو ماكله اندق الباب راكان مسح يده فتح الباب وطلع :وش رجعك
فيصل :سارة ادخلي
سارة دخلت فيصل :جبت سارة تتعرف على سديم وتسهر معها
راكان بفرح :يعطيك العافية ما قصرت يا ابو اياد
فيصل ضم راكان :راكان هذا واجبي

عند سارة اللى دخلت نزلت الاغراض وكشفت وجهها :صحه وهنا
سديم باستغراب وهي تطالع سارة :مين انت
سارة قربت :موو مهم انا مين
سديم ابتسمت :اول مره اشوفك
سارة جلست على الكنبة :سلامتك
سديم :الله يسلمك
سارة :وش سبب وجودك هنا
سديم بفرح :اليوم زوجي الحقير ضربني وطلقني وطاح اللى ببطني
سارة :اشوفك فرحانه
سديم :ههههه اكيد بفرح ما ضل شئ يبطني بهذك الواطي
سارة تضحك مع سديم :هههههه تصدقيني انت مجنونه زي
سديم :ههههههههه ما عرفتيني بنفسك
اندق الباب سارة لبست النقاب وفتحت :
اسف على الازعاج سديم ام يوسف بتنام عندك محتاجه شئ قبل ما اروح
سديم :موو محتاجه شئ
راكان :عن اذنكم
سديم :اذنك معاك
طلع راكان :الله يستر
فيصل :وش فيه
راكان :يضحكون من اولها
سارة سكرت الباب بالمفتاح ونزلت عبايتها :نسيت اقول لك
اخوك راكان صديق زوجي مصعب وصديق اخوي فيصل
سديم وهي تاكل : الله يعني انت اخت الدكتور فيصل
سارة :لا تسمعك زوجة فيصل
سديم مدت بوزها :موو قصدي شئ
سارة تجلس وهي ترتب شعرها:لا تاكلي كثير راح تصيري بقرة
سديم :ههههههه كنت بقرة بس الحيوان اللى كان عندي خلاني اخسر نص وزني
سارة :ههههههههه انا لو يطلع بيد الحيوان اللى عندي كان سواني بقرة
بعد ما خلصت سديم سارة ساعدتها تغسل يدينها
جلسو يتقهون ويستهبلون
اما عند فيصل اللى دخل على ياقوت كنت تدرس : السلام عليكم
ردت :وعليكم السلام زين جيت
فيصل جلس وسكر كتابها :قومي حطي لى عشا
ياقوت تركت الكتاب :وين كنت
فيصل ينزل شرابه :مع راكان اخته بالمستشفى
ياقوت تاخذ جوال فيصل وتحطه على الشاحن :وش فيها
فيصل :كنت حامل وطاح اللى ببطنها
ياقوت :الله يعوضها
فيصل :آمين يلا انزلي بموت من الجوع
ياقوت نزلت حطت له العشا رجعت لقت فيصل بسابع نومه جلست جنبه حولت تصحي فيصل بس بدون فائدة
اما عند سارة من الصبح دقت على فيصل وطلبت منه يجيب لها ملابس وعباية فيصل وصل ياقوت ووصل الملابس لسارة سارة تهز كتف سديم :سديم سوسو قومي
سديم فزت وهي لسى موو مستوعبة :بسم الله مين انت
سارة تضحك :قومي بسرعه
سديم تذكرت سارة :وين
سارة :نفطر ونصيع شوي
سديم قامت راحت للحمام بدلت ملابسها وطلعت مع سارة وهم بالسيارة سارة جوالها بيدها تراسل سديم :الساعه كم
سارة بدون ما تطالع سديم :باقي عشر دقايق وتصير تسع
سديم :زوجك
سارة :لا
كملو الخطه بصياعتهم بالمول وهم قدام بيت اهل راكان :سارة الله يسعدك انزلي نتغدى سوا
سارة :سديم خلاص انا عطيتك رقمي والجايات اكثر
سديم مسكت يد سارة :اسالك بالله تنزلي
سارة بنرفزه :اوكي بنزل بس ساعه وحده كومار لا تتحرك من هنا ساعه واطلع لك
كومار :اوكي سوير لا تتاخري مثل كل مره
سارة :اوعدك ما اتاخر
نزلت مع سديم اول ما دخلو وهم شايلين اكياس كثير
ام راكان اللى جالسه تتقهوى مع ابو راكان طالعو باستغراب
سديم وسارة :السلام عليكم
ردو :وعلكم السلام
سديم :يمه راكان بالبيت
ام راكان :لا من الصبح طلع وين زوجك
سديم :ليش ما دريتي
ابو راكان يطالع بصمت اول مره يشوف مع سديم احد غريب
ام راكان :وش صاير
سديم :امس جيتكم وجاسم ضربني بقسم الضيوف وطلقني بالثلاث
ابوها بعصبية وقف :وين كنت من امس تدوجين
سارة :عمي بنتك كانت بالمستشفى بسبب طليقها
ام راكان :انت مين
سارة بغرور:انا ام يوسف سارة ال.... زوجة مصعب عبدالله ال......
ام راكان :انت اللى بعاع مصعب اهله عشانها
سارة ابتسمت :اي يا خاله انا سديم راح نتم واقفين
سديم مسكت يد سارة :لا تعالي
وهم جالسين بغرفه هاديه فيها سريرين يتغدون ويضحكون وسارة مسوية فل ميك اب لسديم اندق الباب سديم :مين
بعصبية :انا
سديم فتحت الباب وطلعت له :هلا راكان
راكان :يا مجنونه وين كنت من الصبح ادور عليك وبالي مشغول
سديم :راكان لا تزعل كنت بالسوق مع سارة اشتريت اشوية اغراض
راكان :ما تعرفين تدقين على ولا المجنونه اللى معاك ما ترد على اتصالات اخوها وزوجها ليش
سديم :محد اتصل اكيد جوالها على الصامت
راكان :كيفك الحين
سديم ابتسمت :احسن بكثير
راكان :امي وابوي جان جنونهم
سديم بحزن :وش اسويلهم لما رخصوني لجاسم واجبروني عليه سكتت هم اصلا بعمرهم ما سالو عني امس كنت بروحي محتاجه احد يهتم فيني الغريبه وقفت معاي اكثر من امي اللى من طلعه لطلعه ومن سوق لسوق ومن عمل خيري لعمل خيري ولا ابونا القاسي الا اهم شئ بحياته شغله ومووو داري بشئ
راكان بقهر من دموع اخته
راكان :سديم انا موو طالع بيدي شئ الله يهديهم
سديم :اقدر ارجع
راكان :قولي للمدام سارة بعد اشوي فيصل يجي ياخذها
سديم :طيب
دخلت سارة وهي تاكل :وش فيه اخوك
سديم :ولا شئ كان معصب لانك ما رديتي على جوالك
ويقول فيصل جاي ياخذك
سارة بسرعه وقفت ولبست عبايتها :يلا صار لزم اروح
سديم :وين اخوك جاي
سارة :عندي شغله ضروري اسوية قبل ما يستقبلني الاستاذ مصعب
سديم :اوكي نزلت سديم مع سارة وودعتها عند الباب راحت للمطبخ :روز سويلي كوب شاي اخضر
وهي ماره من عند اهلها مع الشاي الاخضر :سديم قلتي لها
سديم :لا راحت
راكان :وين راحت
سديم رفعت كتوفها :ما اعرف
امها :كان عندك عيد على المكياج ومالك اربع وعشرين ساعه مطلقه
سديم :اي يمه عيد لما اتخلص من ابن اختك الخنزير حتى بسوي حفله وارقص فيها لصبح
طلعت وتركتهم
ريم وديم ماسكين نفسهم لا يضحكون
ام راكان :بنات اخر زمن وقامت
ابو راكان وقف :الحمدلله
وطلع من البيت كله وهو يفتح سيارة فيصل وقف سيارته ونزل ابو راكان طالع بفيصل
: السلام عليكم
ابو راكان :وعليكم السلام
فيصل :حضرتك ابو راكان
ابو راكان قرب منه وصار يسولف مع فيصل
طلع راكان : فيصل
فيصل طالع براكان وابتسم : يبه توقعتك رحت
فيصل :كنا نسولف عند الضغط والسكر
ابو راكان :الا انت وش اصلك
فيصل ابتسم وبفخر :نفس اصلك
ابو راكان ابتسم :وش اسمك الكامل يا ابو اياد
فيصل ابتسم :فيصل محمد حمود ال.....
ابو راكان بصدمه فتح عيونه على اخر شئ :انت فيصل
فيصل سنده وبخوف :ابو راكان بسم الله وش فيك
راكان واقف بصمت
ومصدوم
من اللى سمعه
انتهى البارت توقعاتكم

رد: روايتي الاولى اذا ذاب القلب

تسلم أيدك يا عسل الفصل مرررة جنان..... الله يعطيك العافية يا زوزو......

رد: روايتي الاولى اذا ذاب القلب

سارة حبيبتي الله يسلمك ويعافيك

رد: روايتي الاولى اذا ذاب القلب

البارت الثامن والتسعون
عند ياقوت وسعود بالمكتب مع السكرتير علي
هي تاشر :وقع هنا
سعود وقع
ياقوت تقلب الورقه:مره ثانية لا توقع الا تعرف وش فيها الورقه
سعود :ام اياد انا اثق فيك
ياقوت : لا تثق فيني
علي وهو ماسك دفتره :استاذ سعود راح تتاخرون على اجتماع شركة فاروق
ياقوت تطالع الساعه :لسى بدري ابو فهد بكرا الجدولي مليان ولا لا
على :ياقوت خانم بكرا ثلاثين الشهر جدولك مليان ولزم تسلمين التقرير الشهري لاستاذ سعود
ياقوت :التقرير جاهز
سعود :اذا عندك امور مهمه لا تجي بكرا
ياقوت ترتب الاوراق :لا مافي شئ مهم
انفتح الباب بقوة ياقوت بخوف :طيحت قلبي
راكان بصراخ :علي اطلع برى
علي :حاظر طال عمرك وطلع
راكان بصراخ :انتم تعرفون انو فيصل يكون عمي
سعود عطى ظهرة لراكان :وش اقول لك وهو قاعد على كرسية الضخم
طالع بياقوت يحده :انت تعرفين
ياقوت نزلت راسها :سعود لا تسكت تكلم
***
اما عند سارة اللى نزلت من السيارة وهي تشوف مصعب واقف لها
قربت منه وهي ساكته وشيله اغراضها مصعب :الدنيا صارت ليل وين كنت تصيعين
سارة ساكته
مصعب :طيب لا تحكي يلا نرجع للبيت
سارة :ما ارجع لك لو تموت
مصعب :سوير اعقلي وبلا فضايح
سارة :دكتور صوتك
مصعب :سوير يا حيوانه ترى والله
سارة تقاطعه :لا تحلف ما ارجعلك الا بشروطي
مصعب دفها على الجدار وقرب منها :لك عين تتشرطي
سارة بحده وهي تصرخ بوجه مصعب وتركت الاكياس وتضرب صدره بدون ما تنتبه للى واقف يطالع فيهم:حقير اكرهك
مصعب باستهبال وهو طالع بعيونها :آآه يا قلبي شكلي عشقتك وغرقت فيك مره ثانية
سارة تدفه عنها :بعد عني يا ####
بصراخ :سارررة
سارة جمدت مكانها فيصل سمعها وهي تسب مصعب يا ويلها منه مصعب طالع بفيصل سارة تخبت ورا مصعب من الفشله والخوف
مصعب :مساء الخير
فيصل بهدوء :مساء النور
مصعب :جيت اخذ زوجتي من بعد اذنك
فيصل قرب من مصعب :نفضل ادخل
مصعب :الوقت تاخر غير مره
فيصل :ليش متزعلين
سارة وهي ورا مصعب مسكت بدي مصعب بقوة
فيصل :انا اسمعك وش مسويه لك سارة خانم
مصعب :اختك ما تعرف تطبخ واكل طبخها الخيس المحروق المالح الفاشل برضا وصابر عليها بس هي ما تقدر احترامي لها وتقديري لطبخها بدل ما تطبخ لى تجلس على الجوال وتجيب لى اكل من المطعم تحطه بصحونها وتطلع من البيت بدون اذني ولما رجعت على البيت بدري اتصلت عليها تكذب وتقول لى انها بالبيت وهي موو بالبيت (كان يكلم وهو يتالم من قرص سارة له)
فيصل بحده :سوير يا حيوانه كل هذا مسويه ولك عين تقولي لى مصعب هو الغلطان بحقك ويضربك وانت ما شاء الله لسانك اطول منك وتسبين الرجال يا قلية الحيا
ما سمع شئ :انا اكلمك اطلعي من وراه
ما طلعت فيصل بعصبية : يلا بسرعه بوسي يده وراسه واعتذري منه وانقلعي بيتك
مصعب لف راسه :يلا حبيبي اسمع كلام اخوك
سارة طلعت من ورا مصعب باست يده وراسه وهمست باذنه :لو تموت ما اعتذر منك يا#### بالبيت بوريك الويل
بعدت عنه وهي تطالعه ببرائه
فيصل :احترمي نفسك واعقلي واذا صار وابو يوسف زعلك او مد يده عليك تعالي لى وانا اتفاهم معاه
سارة :ان شاء الله
مصعب :يلا صار لزم نروح
فيصل ودعهم ودخل على البيت
***
طول الطريق ساكين وهم يمشون ومصعب شايل لها كل الاكياس دفته وطاح بالتراب اللى مزروع فيه سارة ركضت بسرعه للبيت وهي تضحك
طلعت من الحمام بالبيجامه السودا القطنيه وقميص علاقي قطني ابيض وقفت تنشف شعرها قدام المرايا دخل مصعب وملبسه متوسخه حط لها الاكياس على الارض :نعيما
سارة لفت عليه وابتسمت :الله ينعم عليك لا توسخ البيت
مصعب :طيب
راح على الحمام تروش وطلع بالروب
كانت ترتب اغراضها اللى اشترتها مصعب وقف يحط كريم وينشف شعره
سارة طالعت فيه مصعب انتبه لها :سوير جوعانه
سارة تكمل شغلها :لا اكلت
مصعب :بطلب شاورما تاكلين
سارة :لا
مصعب : متاكده
سارة تهز راسها :اي ليش الاصرار
مصعب جلس وهو يفح جواله :عادي اطلب لك شئ ثاني
سارة بفرح وهي تشيل اغراضها وتوقف:ايوه بالله عليك اطلب لى كنافة
مصعب يتصل :لو سمحتي طلعيلي ملابس
ودت اغراضها وجابت له شورت ملون لفوق الركبه وقميص علاقي اسود
عطته مصعب لبس ملابسه وجلس مع سارة يطالعون التلفزيون بالصاله
سارة مدت يدها : الريموت
مصعب يحطه تحته :مافي بشوف البرنامج الطبي
سارة :انت دكتور وتعرف كل شئ يخص الطب
مصعب ابتسم :شهادتك افتخر فيها
سارة تحول تطلع الريموت من تحته :بشوف المسلسل طلعه
مصعب :مافي مسلسلات مخربك الا مسلسلات الاتراك
سارة :ما كنت اشوفها انت اللى خربتني
مصعب يطالع التلفزيون :اسكتي اشوي
سارة بقهر :ما اسكت
مصعب :طيب لا تسكتين
سارة :بكرا بدوم معاك
مصعب بدون ما يطالع فيها :مافي شغل اهتمي ببيتك واطلعي افطري مع صديقاتك وصيعي
سارة تضربه :راح اموتك يا حقير
مصعب يمسكها ويكتف يدينها :لا انا اللى بموتك
سارة بعصبيه تحول تتفلت منه :اتركني مصععععب اتركني
مصعب :تقعدين عاقله
سارة بقهر :ايوه
مصعب :اوعديني
سارة :وعد
مصعب باس خدها وتركها
سارة تبعد عنه بعد سكوت طال :بدوم غصب عنك ما تقدر تمنعني
مصعب :تلعبين معاي
سارة طالعت فيه :شنو الدكتور مصعب صاير بزر يريد يلعب معاي
مصعب :احط عليك ثلاث قوانين وانت تحطين علي ثلاث قوانين
وكل ما تكسري قانون اعقبك وكل ما اكسر قانون تعقبيني وش قلتي
سارة رفعت حاجبها :تلعب علي انا موو بزر حتى تضحك علي يا خروفي
مصعب :كيف العب عليك حطي علي الشرط اللى تريدينه
سارة بتفكير :امممم اولا مالك حقوق زوجيه عندي
مصعب ابتسم :احسن شئ ارتاح منك
سارة :ممنوع تامرني وتعيش دور الزوج زيادة عن الزوم
مصعب :
والاخير
سارة :تكلمني وعاملني بلطف وسعادة واحترام حتى لو كنت معصب مني
مصعب سمع صوت الباب شال الفلوس :جا العشا
وقف باس خدها وراح يفتح مصعب جلس ياكل صار يكح
سارة تعطي مصعب مويه :بسم الله عليك وش فيك اكل بشويش الاكل موو طاير
مصعب شرب مويه :جوعان
سارة ابتسمت :بالعافية حبيبي
مصعب ابتسم لها وكمل اكله اول مره تشوفه ياكل بهذي الشهية
مصعب قام غسل يدينه ورجع جلس :سوير حبيبي عادي تأكلينني معاك
سارة عطته الصحن :عادي حبيبي وش قوانينك
مصعب مسك يدها واكل لقمة الكنافة اللى بالشوكه :القنون الاول واجب على زوجتي لما تكون معاي تاكلني بيدها
سارة :اللعنه عليك
مصعب حط اصبعه على شفتها :والثاني كلمك معاي يكون كله رومانسي وغزل ونعومه وما اسمع كلام موو حلو على لسانك
سارة باست اصبع مصعب :تامر امر يا روحي
مصعب يفكر باخر شرط
سارة :حبيبي مصعب
مصعب :عيون حبيبك
سارة تتامل عيونه :تسلملي عيونك
مصعب :كل يوم تنامي بحضني وتسولفيلى حتى انام
سارة رفعت له اللقمه بالشوكه :يلا حبيبي افتح فمك
مصعب اكل منها :الاكل من يدك طعمه غير
سارة :ههههههه ياروحي اكيد غير انا سوير
موو اي احد
مصعب بضحك :يا عيني مين قدك
سارة تاكله :محد قدي
وهم بالسرير سارة وراسها على صدره :حبيبي
مصعب يضمها اكثر : حبيبي اسمعك
سارة :اليوم رحت بيت اهل راكان وامه لما عرفت مين انا قالت لى انت اللى باع مصعب اهله عشانها
مصعب :طنشي اللى سمعتيه انا ما بعت احد اهلي احبهم اكثر منا تتصورين
سارة بحده :تحبهم اكثر مني
مصعب :انت الزوجه والحبيبه والصديقه يا مجنونه انت روحي اللى بدونها ما اعيش
وهم الاهل والسند والام والاب اللى ما يتعوضون مستحيل تتغير مكانة امي وابوي بقلبي
سارة :واللى صار من سنين مصعب :سوير حبيبي انا وفيت بوعدي لك انا من اول ما تزوجتك نيتي صافية معاك انا ما اتصور حياتي مع مره غيرك انت كل شئ حلو بحياتي يا اعيش اللى بقى من عمري معاك يا بلا ما اعيش لان هذا ما راد غيرك (اشر على قلبه )
سارة ابتسمت :بسم الله عليك جعل يومي قبل يومك
مصعب بحب :سوير اموت قبل ما يضمك التراب
سارة :مصعب وانا بنت بعمري ما تصورت حب حياتي اللى اعشق كل حرف باسمه يصير لى وقلبه ينبض لى انا وحدي
مصعب ابتسم :زين اسكتي لاني نعسان
سارة تبوسه :ما اسكت لزم اتكلم لحد ما تنام والله ما اخليك تفرح بخسارتي
مصعب :اوكي تكلمي كلي اذان صاغية لك مولاتي
سارة تضحك بصخب :ههههههههه تدري بكرا لزم ازور سديم اخت راكان
مصعب :وش بتاخذين معاك
سارة :بشتري حلى وباخذ قهوتي معاي
سارة ضلت تحكي لين ما نام مصعب وبعدين مسكت جوالها
****
اما عند فيصل بعد ما ودع سارة ومصعب دخل للبيت واول ما دخل غرفته ياقوت وقفت وضمته بلهفه :حبيبي خوفتني عليك
فيصل :اسف ما جيت اخذك
ياقوت :لا تتاسف حصل خير سامر جا خذاني
فيصل جلس :فيصل حبيبي قوم تروش جهزت لك الحمام
فيصل قام اول ما طلع ياقوت كنت حاطه له العشا ومطلعه له بيجامه
بدل وجلس :ياقوت شيلي الاكل
ياقوت :فيصل انا ما اكلت شئ من العصر اذا ما تاكل والله ما اكل
فيصل طالع فيها :دريتي
ياقوت نزلت راسها :فيصل انا ما اعرف وش اقول لك
فيصل اخذ نفس :لا تقول شئ
ياقوت حطت الاكل قدامه وجلست جنبه
:بتاكل ولا لا
فيصل اخذ كوب العصير وشرب :بس عشان خاطرك
ياقوت :عندي لك خبر يفرحك
فيصل طلع فيها وهو ياكل اول لقمه من السلطه :اترقيتي او الاولى على الدفعه
ياقوت مدت بوزها :لا هذي ولا هذي
فيصل طالع فيها :اجل
ياقوت بفرح :في شئ على الطريق
فيصل ضمها :الف الف مبروك
وباس راسها ياقوت بفرح :الله يبارك فيك يا روحي
فيصل :قلتي لامي
ياقوت ابتسمت وهي تعدل جلستها :ايوه رحت معها حللت
فيصل مسك يدها :ياقوت انا وضعي تحسن ما ابيك تتعبين نفسك اترك الشغل واهتمي بدراستك هذي اخر سنه
ياقوت مسكت كوب العصير :حبي انا ما اشتغل عشان الحاجه انا اشتغل عشان الخبرة والشغل مع سعود فرصه ما تتعوض
فيصل :راح تتعبي
ياقوت :ما راح اتعب انا صحتي تمام
فيصل :ياقوت انا ما راح اجبرك علي شئ دامك تشتغلي مع سعود ومتغطيه انا ما عندي اي اعتراض
ياقوت بابتسامه عريضه :ابو اياد انا مرتبه جدولي اليومي بين الدراسه والبيت والشغل واساسا شغلي بالمكتب موو متعب ابدا
كله جالسه
فيصل طالع بالساعه :لسى عشر قومي البسي
ياقوت باستغراب :على وين
فيصل :نتعشى اللى مشتهيته
ياقوت :خليها بكرا
فيصل :ليش بكرا لا يكون تعبانه
ياقوت :لا لا والله موو تعبانه (طالعت بالصحن وبشهيه )
خاطري بالمعكرونه امي طبختها عشاني
فيصل يضحك :دام خاطرك فيها ليش للحين ما اكلتي لك ساعه تحكي
ياقوت :انت اللى تحكي
فيصل يحط اللقمه بفمها وبتحذير :لا عاد اشوفك شايله احد
****
اما عند سعود ويارا وهي تدلك كتوف سعود :حبيبي
سعود بعصبية :يارا كلام زايد ما ابي
يارا :اسفه اسويلك قهوة
سعود :سوي ثقليها
يارا وقفت وهو يشرب القهوة يارا جالسه قدامه تطالع فيه سعود ترك الفنجان على الطوله :وش فيك تطالعيني كذا
يارا نزلت عيونها بفشله :ما ادري
سعود :طيب تعالي دلكي كتوفي
يارا جلست ورا سعود وهي تدلك كتوفه :
احط لك عشا
سعود :لا كيف دراستك
يارا :كل شئ تمام عادي اسالك
سعود :ليش معصب راكان يكون ولد اخو فيصل
يارا بصدمه :شنووو
سعود :فيصل وراكان اليوم عرفو
يارا جلست :وفيصل وش ردت فعله
سعود :ما شفته
يارا جابت له الجوال :اتصل عليه
سعود :يارا الوقت تاخر عيب ادق
يارا باصرار :ارجوك دق الله يسعدك دق
ضلت يارا تترجا فيه لين ما دق
فيصل رد :الو
سعود :ءء اسف على الازعاج
فيصل بصوت هادي وهو يطالع بياقوت :لا عادي سعود :فيصل انت بالبيت
فيصل :اي بالبيت
سعود بفشله :اجل بكرا اشوفك تصبح على خير
فيصل :وانت من اهله
سعود سكر :يا ليتني ما اتصلت الرجال نايم
يارا :هو بخير
سعود انسدح :بخير بخير يلا نامي
يارا :انت نام
سعود :وين رايحه
يارا :باكل
سعود :بالعافية
وغمض عيونه
يارا جلست تاكل وتصلت على امها تحكي لها وش صاير ضلت ساعتين تسولف مع امها
دخل سعود على المطبخ :يارا
يارا طالعت فيه :انا هنا وش فيك
سعود يجلس :عطشان
يارا صبت له مويه وهي تقول لامها :يلا ماما تصبحي على خير
يارا :ان شاء الله سلام وسكرت سعود شرب المويه :يارا خانم شنو ما وراك جامعه
يارا بخوف :الا نسيت الحين بنام
وطلعت قبله من المطبخ بسرعه
سعود طفى الضوء وسكر باب المطبخ ولحقها
****
ثاني يوم مع إشراقة صبح جديد اليوم ياقوت ما راحت للجامعه
سارة انقطع حلمها وفزت :اوووف انت ما تخلي احد ينام
مصعب يسحب اللحاف من فوقها :يلا قومي يا اميرتي الحلوه سويت لك احلى فطور
سارة بعصبيه :روح ما ابي فطورك
مصعب جلس جنبها ويمسح على سعرها :يلا حبيبي قومي اخرتينا
سارة :وين
مصعب :على شغلك
سارة فتحت عيونها : يلا قومي تاخرنا
سارة تعدلت :خربت على احلى حلم
مصعب وقف :كنت معاك بالحلم
سارة وهي ترتب السرير :انت بكل مكان
مصعب يساعدها وهو ساكت
سارة دخلت للحمام ومعب اخذ اغراضه وطلع لصاله جلس يطالع التلفزيون ويشرب عصير
سارة جلست جنبه وباست خده :صباح الخير حبيبي
مصعب :صباح النور
سارة صارت تاكل طالعت بمصعب :ليش ما تاكل
مصعب :زوجتي تاكل وما تسال عني
سارة تحط زيتونه بفمه :هههههههه
مصعب :ليش تضحك
سارة :عليك هههههههه
مصعب : ههههههههه فدست الرايق يا ناس
سارة زاد ضحكها اول ما دخلو وهو ماسك يدها للمستشفى الكل يصبح عليهم ويتحمدلها بالسلامه
شافت فيصل سلمو عليه وعلى الساعه اثنا عشر سارة دخلت عيادة مصعب كان مصعب يتكلم بالجوال وموو شايف اللى ورا :ان شاء الله متى تطلع النتايج .....اكيد لا تشغل بالك ...... لا حول ولا قوة الا بالله ...... بكرا اكيد اكون عندك ...... اوكي سلام سكر ونزل راسه بحزن :الحمدلله الحمدلله
سارة :مصعب
مصعب طالع فيها بخوف :بسم الله متى جيتي
سارة ابتسمت :من زمان نين المريض اللى كنت تكلمه
مصعب وقف : صديقي ما تعرفينه
سارة :وش فيه
مصعب يغير الموضوع لان ماله خلق لها :وش تبغين
سارة قربت ومسكت يدينه وابتسمت له :كومار تحت بروح للبيت اجهز لك الغدا
مصعب :اوكي روحي وش ناوية تطبخين
سارة :بسويلك يا معكرونه يا رز
مصعب :سوي كبسه
سارة :صح ما عندنا رز بسويلك معكرونه
مصعب :طيب سوي معكرونه
مصعب باس خدها
***
اما عند ياقوت اللى طلعت تكب الزباله لان سامر هو الوحيد اللى يطلع الزباله واليوم سامر من الصبح اتصل بياقوت
يبشرها انه اخذ ترقية
وهي راجعه شافت سواق يدق الجرس وبيده صندوق اسود عليه فيونكه ياقوت قربت :السلام عليكم
السواق بعربية مكسرة :وعليكم السلام
ياقوت :مين تبغى
السواق :دكتور فيصل
ياقوت :انا مدام الدكتور فيصل
السواق عطاها الصندوق وراح
ياقوت دخلت فتحت الصندوق طلع فيه كرت شكر ومكتوب اخر شئ سديم
ياقوت قطعت الكرت
ودخلت
وحطت ورقه ثانية وحطت الهدية بغرفة سامر
****

نروح لعيادة فيصل طلع من عنده المريض دخلت الممرضه :دكتور فيصل في واحد يريد يشوفك
فيصل يكتب :خليه يدخل
كلها ثواني :السلام عليكم
فيصل رفع عيونه :وعليكم السلام
قرب من فيصل :فيصل
فيصل :راكان
راكان باس راس فيصل :فيصل لا تصير قاطع الماضي انتهى
فيصل بعصبية:انسى بهذي البساطه تقول لى انسى
انتهى البارت توقعاتكم

رد: روايتي الاولى اذا ذاب القلب

مشاء الله الفصل مرررره حلو.... يا قلبي على راكان والله ماله في اللي صار وفيصل كمان ماله ذنب بس الله يسامح اللي كان السباب... ياقوت والله مجنون ليش سوت كذا مع هداية سديم... أما سارة ومصعب شيءثاني والله بس هما أفضل شيء في الرواية.... على العموم الله يعطيك العافية يا قلبي وتسلم أيدك يا زوزو......

رد: روايتي الاولى اذا ذاب القلب

حلوتي سوير الله يعافيك ويسلمك مررره مررره يسعدني توجدك وردودك الحلوة زيك

رد: روايتي الاولى اذا ذاب القلب

الروايه جميييييييييييييييييييله بس وينها التكمله

رد: روايتي الاولى اذا ذاب القلب

هلا والله حبيبتي انت الجميلة الرواية لسى ما خلصتها بس ان شاء الله قريب تخلص

رد: روايتي الاولى اذا ذاب القلب

البارت التاسع والتسعون
عند سامر دخل غرفه مع نور شاف الصندوق فتح الصندق كان الاطراف ورد ابيض جوري وبالنص علبة سودا
قرأ :الف الف مبروك الترقية اخوي الحبيب ساموري اتمنى لك التوفيق بحياتك مع الحلوه نونو وابنكم مع خالص حبي اختك ام اياد
نور اخذت من الورقة
نور :الف مبروك حبيبي
سامر فتح العلبه وهو يلبس الساعه :نونو الله يبارك فيك
نور مسكت يده :واااو بجد ذوق اختك الخبله يجنن
سامر يضحك :خبله مثلك
نور تضمه : احبك
انفتح الباب :بابا بابا
سامر ترك نور وشاله :هلا بابني البطل
فيصل :بابا يلا تعال جدي ابو عبدالله يناديك
سامر سامر باس خده ونزله :الحين بجي بس خليني اتروش
فيصل :اوكي ماما وين لعبتي
نور تطلع ملابس لها ولسامر :حبيبي لعبتك بالصالة عند التلفزيون
سامر بعد ما تروش راح لياقوت وشكرها على الساعه
*****
جلس على المكتب قريب من فيصل :فيصل انا بوش غلطت انا مالي ذنب ولا نسيتني نسيت لما كنا نلعب يا دلوع جدي
فيصل نزل راسه: ما كسر ظهري الا موت ابوي
راكان :ترحم عليه وحقك انت وعمتي نور بيوصل لكم باقرب وقت
دق جوال فيصل راكان شال الجوال ومده لفيصل :المدام
فيصل رد عليها :الو
ياقوت بدلع :حبيبي وينك تاخرت
فيصل :لسى بالعيادة تامريني بشئ
ياقوت :هههههه والله يا ليت تجي بسرعه متت من الجوع
فيصل :ههههههه اوكي ما راح اتاخر وش سويتي غدا
ياقوت : كبسة حاشي وايدام خضار وسلطه
فيصل :يا سلام شوفي ما راح اطول ربع ساعه واكون عندك جدي رجع من المسجد ولا لسى
ياقوت :اي رجع من اشوي وجالس مع امي وسامر ينتظرك تجي تشوف له الضغط
فصيل :سلام
ياقوت :سلام
فيصل سكر وطالع فيه :تجي تتغدا معانا
راكان :اي بجي معاك ليش لا
فيصل رمى البالطو ووقف وهو طالع مع راكان
فيصل دخل راكان على المجلس : اشوي وراجع لك
راكان :ارسل لى كوب موية
فيصل :ان شاء الله
وطلع
أول ما دخل الصاله :السلام عليكم
الكل :وعليكم السلام
فيصل :نونو سامر ابيكم بكلمه
سامر وقف :وش صاير
فيصل راح على المطبخ مع سامر ونور :نور ولد اخوك خالد بالمجلس روحي سلمي عليه
نور ببرود :انا ما اعرف احد ولا ابي اعرفهم
سامر :فيصل من متى تعرفه
فيصل يصب كوب الموية :سامر انت تعرفه راكان ما غيره وانت مووو على كيفك تقابلينه غصب عنك
نور تنزل دموعها
وبعصبية :ما ابي موو على كيفك
سامر عصب :نور صوتك وعيب اللى تسوينه
فيصل مد لها كوب الموية :يلا قدامي واذا سمعت حرف اكسر راسك
نور اخذت كوب الموية
فيصل طلع قدامها :يمه ابو عبدالله ابن اخوي خالد هنا جاي يسلم علي وعلى نور
ام فيصل وهي تتذكر راكان :ابنه راكان
فيصل :اي يمه
ام فيصل وقفت :يلا ياقوت قومي نحط الغدا
فيصل وسامر ونور دخلو للمجلس
سامر يطالع براكان :يا هلا راكان كيفك
راكان يطالع بنور الى منزله راسه ووقفه جنب فيصل ولبسه تنوره سودا وبلوزه خضرا مره ناعمه بكم قصير
راكان وقف :الحمدلله بخير انت كيفك
سامر جلس :الحمدلله بخير
فيصل جلس :نور سلمي على راكان نور قربت من راكان وهي تحس قلبها بيطلع من مكانه بهمس يا دوب راكان سمعه :كيفك
راكان اخد الكوب وباس راس نور :الحمدلله انت كيفك عساك طيبه
نور تبعد وبنفس الهمس :الحمدلله
فيصل :نونو تعالي اجلسي عندي
نور جلست جنب فيصل
راكان شرب من الموية
سامر: راح تضلون ساكتين
فيصل ابتسم :راكان كيف اختك سديم
راكان :لسى تعبانه موو ناوي تزورها
فيصل :ان شاء الله قريب بزورها انا ونور
راكان :حياكم الله متى ما تجون ينور البيت بجيتكم
فيصل :تسلم
راكان :الا وين عيال عمي وابن عمتي ما اشوفهم
سامر :عمتك اكلتهم ونامو
راكان ابتسم :
عمتي وش تشتغلين
نور بارتباك وخجل :مدرسة انجليزي
راكان :ما شاء الله حلو تخصصك كان بودي ادرس انجليزي بس اخوكم الله يهديه غصب عندي دخلني ادارة اعمال وابوي تفرغ لاعماله بالتجارة
فيصل :الله يبارك لكم نونو مره تحب الاطفال
راكان :ههههه هذا الشئ وراثي من جدي محمد الله يرحمه كلنا نحب الاطفال موت حتى ابوي كل يوم يهوشني تزوج ياراكان واترس لى البيت بزران
الكل ترحم عليه
فيصل :نور ما حولك عروس لراكان
نور :لا
راكان :ما ابي اتزوج
فيصل بقهر :هههههههه من كم شهر كنت تريد تتزوج
ولا نسيت
راكان نزل راسه :لا ما نسيت راي تغير
فيصل :ان شاء الله نفرح فيك قريب
راكان ابتسم :الله كريم
دخلت ام فيصل :السلام عليكم
راكان وقف :وعليكم السلام جدتي
سلم عليها وباس راسها :كيفك
ام فيصل :الحمدلله يمه انت كيفك كيف اهلك
راكان :الحمدلله كلنا بخير
ام فيصل :يلا يا شباب الغدا
تغدو مع الجد عبدالله وضل راكان عندهم لصلاة العصر
****
اما عند مصعب وسارة
مصعب جالس ياكل من الكبسة اللى سوتها سارة
سارة :مصعب
مصعب :عيون مصعب
سارة تعبي صحن مصعب :وش رايك بطبخي اليوم
مصعب طالع بالرز اللى مويته كثيرة وماله طعم وطالع فيها :مره لذيذ الله يسلم يدينك
وكمل اكل وهو مبتسم
سارة ابتسمت :الله يسلمك
بعد سكوت :حبيبي
مصعب طالع فيها سارة :ايش رايك نطلع الليلة للمطعم
مصعب :اوكي حبيبي نروح متى تروحين لاخت راكان
سارة :الحين بسوي شغل البيت
وعلى الساعه خمسه اروح
مصعب :سوير روحي انا بكرا بغسل الحوش
سارة بفرح : يسلملى الحنون
مصعب وقف :الحمدلله
سارة مسكت يده :كمل صحنك
مصعب :اكتفيت
سارة باصرار :حبيبي ما اكلت زين عشان خاطري كمل اكلك
مصعب رجع جلس :عشان خاطرك بكمل
مصعب كمل اكله وهو مره مرتاح من هدوء ولطف سارة اللى موو متعود عليه
مصعب شال لها كل شئ وغلف زود الاكل ورتبة بالثلاجة
سارة دخلت على المطبخ :مصعب سعود يدق عليك
مصعب اخذ الجوال :يلا انا طالع
باس خدها وطلع
سارة تطالع فيه وهو رايح ويدها على خدها
****
اما عند سديم اللى جالسة مع خواتها وعيالهم بالصالة يشربون قهوة
: سديم كيف صرتي
سديم وهي شاقه الابتسامه :الحمدلله احسن بكثير بتول اترك الجوال من يدك
بتول :لحضة محمد يرسلني
وجدان :ديم شوفي سالم وينه
ديم :سلوم يلعب كورة مع صقر و نايف
بتول: بنات وين امي
سديم :وش يدرينا عنها
بتول :سديم ليش صايرة باردة اتجاه امي
سديم طالعت باختها :تتوهمين يا بتول
والان اعرفكم بعائلة راكان
*راكان اربع وثلاثين سنه بطول فيصل اسمر ورشيق وملمحه هادية من زمان يعرف مصعب كان يدرس مع مصعب من المتوسط وكان دائما يسافر مع مصعب وله ست سنوات شريك سعود
*وجدان مدرسة علوم وطولها 170 وجسمها سمين بس سمنها محليها صابغه شعرها اشقر وهي اصغر من راكان بسنتين
متزوجه عن حب ابن عمتها فارس وعدها ست اولد اكبر واحد
من اولدها بسام ثمانية عشر سنه واصغر واحد آدم سنتين

*بتول خمسه وعشرين سنه جسمها رشيق و طولها 167شعرها اسود لنص ظهرها ملمحه حيل هاديه وعيونها البنية مره جذابة
لها متزوجه من سبع سنوات واللى يشوفها مع زوجها محمد ولد عمتها يقول عرسان توهم متزوجين تاركه الدراسه من الثانوي ثلاث ثانوي انخطبت وبسبب فترة الخطوبه رسبت وتركت الدراسة عندها ولدين الكبير فهد ست سنوات والصغير سنتين واسمه احمد

*ختام اربعه وعشرين سنه تدرس برى مع زوجها بكندا واسم زوجها حاتم طولها 165 عيونها سودا وشعرها بوي اسود وبشرتها حنطيه مره ما تحب الانخلاط وعازلة نفسها على الناس وزوجها مثلها وما عندهم اطفال لانهم ما يريدون
*سديم طولها 161
عمرها تسعة عشر سنه سمره بسمر يهبل عيونها عسلية ونعسانه مثل فيصل وعندها غمازات وشعرها ناعم يوصل لاخر ظهرها لونه اسود هادية وقلبها طيب وما لها بالمشاكل
السنه الفاتت خلصت ثانوي زوجها اقصد طليقها رفض تكمل دراسة

ديم عمرها اربعة عشر سنه
ريم اثنا عشر سنه
****
جا سيف يركض ولد وجدان :ماما في وحده جت تقول صديقة خالتي سديم
سديم وقفت بسرعه وبتوتر :بنت سوير جت بسرعه رتبو
خواتها صارو يرتبون وهي طلعت تستقبل سارة اول ما شافت سارة ضمت سارة :واخيرا جيتي
سارة تضحك وهي تضم سديم اكثر :ههههه كل هذا شوق لى
سديم تبعد عنها :ما شاء الله كل هذي كشخه
سارة :الليلة بطلع مع الحب على المطعم وش رايك بمكياجي
سديم تاخذ عباية سارة :يهبل يلا تعالي اعرفك على خواتي
سارة :لا لا اولا ابي مرايا اشيك على نفسي فيها
سديم :اوكي تعالي معاي اخذتها على غرفة امها وابوها :ادخلي
سارة تدخل :غرفة مين
سديم :ابوي وامي
سارة وقفت قدام المرايا تعدل شعرها :مره فخمه غرفتهم
سديم :موو حلوه ما حبيتها
سارة تضحك :هههههه امك موجوده
سديم :لا امي تتغدا وترتاح شوي وبعدها تطلع
سارة :امك زي حماتي بالضبط
سديم :صدقتي رنا خانم وامي نفس التصرفات عندهم
سارة :غريبه امك ما اجبرت راكان على الزواج
سديم :راكان امي تحسب له الف حساب لا امي ولا ابوي لهم كلمه عليه
سارة :كفو والله يلا نطلع
سارة سلمت على البنات وجلست معاهم
اما عند مصعب
اللى اتصل على سارة :الو
مصعب :سوير انا جاي جهزي نفسك
سارة :اوكي حبيبي
سكرت
عند مصعب اللى وصل مع وصول راكان للبيت وجلس يحلف على مصعب يدخل يتعشا وصار بينهم جدال عقيم
مصعب اخذ سارة وهم بالمطعم سارة تصورت مع مصعب
مصعب كان مره فرحان ويضحك معها طول الوقت
هو بجد يعشق سارة كون سارة بخير يصير هو بخير
*****
وتمر الايام
نور سامر موو يالبيت عنده شغل مع زميلة وفيصل طلبت منه رفض واتصل لها على راكان
قدام بيتهم
راكان يفتح باب السيارة لنور :تفضلي
نور ركبت حرك السيارة :نونو نورتي سيارتي
نور ابتسمت :النور نورك كيف خواتك
راكان :بخير والبنات كل يوم يصرون على يزورونكم
نور : حياهم الله متحمسه اتعرف عليهم
راكان :وين بتروحين
نور :على مكتبة ال.... تعرفها ولا اطلع لك الموقع
راكان :طلعي الموقع
يوقف على الاشارة نور وهي تطلع الموقع :راكان انت عندك صور لابوي
راكان ابتسم :اي عندي صور لجدي الله يرحمه مع كل اللى اكبر منك كان مره طيب وحنون
نور دموعها طاحت : صحيح انا ما عرفت ابوي بس اتمنى لو قبلته مره وحده فيصل كان دائما يحكي لى عن طفولته كيف كان ابوي يدلعه وياخذه للمدرسة وكيف كان يلعب الاطفال
نور راحت مع راكان على المكتبة واشترت اغراضها
وراكان حلف عليها يتعشون سوا بالمطعم وضل طول قعدتهم يسولف عن جده بحماس وفخر
ونور اشوي تبكي وشوي تضحك
****
سارة :مصعب اتركني بنام
مصعب :مافي نوم بعد عقابك الوصخ للحين اتالم من نتفك لشعر صدري
سارة تضحك :وش اسويلك ما قلت لك تكسر قانوني
مصعب :والله انك غشاشه ليش كنتي تغريني بلبسك وحركاتك ودلعك وفوق هذا تحطين العطر اللى اموت عليه
سارة تبعد يده عنها :الغش حرام وانا لعبة معاك بنزاها وما اتوقع انك عندك شرط علي ممنوع الاغراء
مصعب يقرب منها :سوير
سارة تحول تبعد
بعد اللى شافه مصعب بعد عنها بصدمه وهو ماسك راسه بيدنه سارة بسرعه وقفت وعدلت نفسها
:مصعب والله راح احكيلك كل شئ
مصعب عطها كف قوي ومسك راسها وفكها :تفهميني ايش يا####
انت وحده واطيه خنتيني يا####
صار يضرب فيها بجنون ويرفسها يرفعها ويرميها وهو يسب ويغلط
سارة كنت بس تصارخ وتترجه وتحلف انها ما خانته مصعب بقهر وهو يبكي مسك شعرها ورفع راسها :ليش يا سارة انا بوش قصرت معاك انا اتحدية الكل فيك الله لا يسامحك يا سافلة انت وحده رخيصة بلا شرف ددفها بقوة لدرجة صوت ارتطام راسها بالارض له صدى
سارة بصعوبه تتنفس وانفها وفمها ينزفون وبهمس :ي يوسف ابني
انتهى البارت توقعاتكم

رد: روايتي الاولى اذا ذاب القلب

آآآآآه يا قلبي عليك يا سارة والله حرم ليش صار معها كذا... بس أن شاء الله ما تموت أما مصعب في هذا الفصل أتصرف بجنان والله... وعن جد الفصل مرررررره يجنن يا زوزو تسلم أيدك والله... والله يعطيك العافية يا قلبي...