شخبط شخبيط ..

[* الوسمي *]

آأإأآأإم بآأإأآك

ع الطاير كلمتين ورد غطاهم !!

مستغرب صراحه من ثلاث اشياء ... ويمكن اربعه مدري صراحه
المهم خلوني اقرقر بدون تفصيل احسن

اول شي ياليت نشوف خوتنا اصحاب المدونات الغايبين ينورونا فيذا
لان والله لمدوناتهم وكتاباتهم فقده كبيره

بجد افتتقدنا تواجدهم استهبالهم كتاباتهم علومهم الله يردهم بالسلامه
المشكله بعضهم يدخل ويحط لايكات وتارك مدونته ما يمر عليها

يابن الحلال مر واكتب خلونا ناخذ اخباركم

وبعضهم الظاهر يستنانا نقدم لهم دعوه للمشاركه

من هنا اقدم الدعوه لكل الغايبين كبيرهم الصغير ان عودو لمدوناتكم خلونا
نشوف اخباركم

عاد لو بعدهم كثير واخاف انسى احد منهم وياخذ بخاطره

ثاني شي خلوني ارحب بالعالم اللي اشوف لهم تواجد اليوم فيذا حياكم الله
وهلا والله فيكم وتو مانور المكان بتواجدكم وربي

فـ الاخير

نرحب بالاعضاء الجددد اللي فتحو لهم مدونات معنا هنا حياكم الله وبياكم
واعذرو بعض قصورنا وبعض اسرافنا في بعض الامور

ازعجت بعضهم باللايكات وربي والتقييمات لاني زمان ماجيت هنا
وصاير احط لايكات وتقييمات بشكل كثير شوي فا اعذرونا وتحملونا شوي

وحياكم الله معنا وان شاء الله يطيب لكم البقاء معنا فيذا

اخر كلمه

عادي ترى الامور والله يشهد ان مافي القلب شي
يعني لايك لو بالغلط مايضر ههههاي

يالله جاني الشاهي يبغالها تعديل جلسه وبحث شوي عن الفطور

يالله لا اوصيكم اللي يقرا كلامي ينفض الغبار عن مدونته
لا هنتم والله ان لكم وحشه

خودافس

[* الوسمي *]

عدنا مع الفضاوه وكذا !! يارباااه !! مابغينا نخلص
من جد بعضهم ماتدري كيف تفهمه الموضوع وان الشغل مو عندك !!

مصر انك ناوي تصرفه يابن الحلال والله ماهي عندي معاملتك
وارسله على المكان الصحيح يروح عشر دقايق وهو راجع لي

يقول الى عندكم !!

اصرار وعبط مدري ش اسوي مع بعضهم
خلاص حاط في راسه ان الموظف بيصرفه كله من المسلسلات خلو سمعتنا ماش

يالله ماعليكم اهم شي الاخلاق !!

صح وش كنت بقول

ايوه تذكرت الحين قربت من تحقيق رقمين حلوين ومدري متى راح اوصل لهم
همتكم معاي عشان اوصل لها قبل نهايه السنه

نفسي توصل المشاهدات للميتن الف باقي بس تسعه الاف يعني هانت
شدو حيلكم معاي

الشي الثاني ودي معدل التقييم يوصل للميه الف باقي اقل من اربعه الاف بس
شايفين كيف الارقام سهله !!

عاد خويكم من 2007 معكم يعني شيبت وانا هنا !!

صح على طاري كل ماتذكرت ايامي الاولى هنا احزني ياخي كنت نفسيه وربي
>> اشبك الان مو نفسيه

لا الحين نفسيه بس مو كل وقت

مدري وش السالفه ماعليكم مني ااهم شي نوصل للارقام اللي قلت لكم عليها
عاد الهمام الهام يالربع

عشان كذا بسوي جوايز وكذا في المدونه حقين توتير والانستقرام مو احسن مننا
طفشونا برمضان بكل مكان مسابقه ومدري كيف

لا بعضنا مصدقينهم وشادين حيلهم يشاركون

هاه مقصد احد لحد يزعل !!

لان كثير يتابعونن بتويتر من هنا واتابعهم فلحد يحسبني اقصده هههاي

>> اش فيك خفت يابو الشباب

يالله شكلي بحول ع القناه الثانيه احسني خلصت رصيدي من القرقره الزايده
وطفشت العالم بكثر السوالف اللي مالها سنع

ابشركم وصلت رساله ساهر زغرطي ياعطيات هههاي

تجاوزت الاشاره الضوئيه وهي حمراء
بالله يعني توي ادري لا والمبلغ نص الف ياربااااه

شكلي بعجل في المسابقه بسدد لهم ساهر

فـ الاخير

ابعدوا عن التدقيق .. وكثرو من التغافل والتغابي ترتاحون !!

خودافس

[* الوسمي *]

سلام عليكم .. صباحكم طيب يالطيبين
ماتوقعت وربي كذا !!!!



معقوله وصل كذا الله يسعدكم



امس يوم اتكلم كانت 96 الف وشوي يوم دخلت اليوم لقيتها واصله
لين كذا 99 الف من جدكم ولا تمزحون !!

والله كذا مره ادخل واشوف ذا انا ولا ولد جيراننا من جد
الله يسعدكم !!

بجد دعم دعم ماهو سهل ياربااااه كم انتم تحرجوني بكرمكم وكذا
بجد مدري ش اقول فيكم

شكرا مليون شكر الف شكر للصبح لهذا الدعم
ربي يسعدكم

وبس والله ماعندي شي اقوله صابتني ام الركب في اصابيعي
علقت مدري ش اكتب

يالله خودافس !!

[* الوسمي *]

اختر نوعك !!

النوع أ A


هل لديك ميل لإخفاء مشاعرك ؟
فأنت كثيرا ما تدعي أن تكون قويا وباردا، وأكثر استقلالية مما أنت عليه،
وفي الأساس أنت نوع عاطفي جدا، أنت شخص نزيه يكره الكذب
والنفاق والغش، وأنت غريب الأطوار قليلا وفيك بعض الغطرسة،
ولديك قلب كبير وتريد مساعدة دوما .

وأنت شخص تنهي المهمات المطلوبة منك حتى وإن لم ترغب بها، فأنت تبتسم
حتى عندما يكون عملك مملا لك، وكل أفكارك ينظر لها من وجهة أفكارك الخاصة،
وفي العادة أنت بارد المشاعر مع الآخرين ولكن رومنسي جدا مع الشخص الذي تحبه.


نوع B


أنت مخلص جدا، فبمجرد أن تقع في الحب مع شخص ما، فإنك تعطيه الاهتمام الكامل الخاص بك، وتفكر به دائما،
وأحيانا كثيرة تحتفظ أنت بالسرية الكثيرة لأنك حساس جدا وتخاف من حساسية الناس،
وتحمي مشاعر الآخرين من خلال التظاهر بأنك لا تعرف شيئا.

بمجرد أن تقرر أن تفعل شيئا فأنت تحدد موعدا نهائيا وتلتزم به، حتى وإن كنت تخشى أن تتضرر،
فإنت يمكنك البقاء هادئا، والحفاظ على هدوء نفسك دوما،
حتى عندما كنت تشعر بالضيق الشديد من شيء ما.

وأنت تبدو وكأنها شخص قوي ومستقل، تتحدث دائما بشكل حاد، حتى لو كنت رقيق القلب،
بالرغم من أنه من السهل التأثير فيك، وأنت تريد لديك خيال كبير في حياتك، فأنت شخص رومنسي وحالم.



نوع C


أنت شخص يمكن أن تفاجأ بسهولة، ويمكنك إبعاد نفسك
عن الأشياء التي تجعلك غاضبا، فأنت لا تريد أن عقد الكراهية.

وأنت شخص لا يحب التحديات، ولا يريد التعامل مع ما هو غير معروف في الحياة، حتى وإنت كنت تحترام رأي الآخرين،
ومجال “الأنا” الخاص بك كبير جدا عند القول، وفأنت دائما أولوية نفسك،
وتقول لا بكل سهولة عندما لا يناسبك الموقف.

أنت دائما تخزن المشاعر والمشاكل لنفسك، ولا تظهر أبدا إن كنت لا تريد الناس
أن تعرف ما بك، فأنت تريد من الناس
أن تعتمد عليك وتثق فيك بنفس الوقت فإن لديك قلبا لينا، وتغفر لأي أحد يخطء بحقك
بسرعة شديدة في حال اعتذاره، حتى وإن كنت غاضبا منه لفترة طويلة.




فـ الاخير

تراني من النوع (A) وانا اقول من وين جايب الغرور وكذا
اللي فاضي يقول لنا من اي نوع هوا

نسيت اقول لكم تراه الاصبع الصغير ( الخنصر )

سلام

[* الوسمي *]

سلامو عليكوووم .. صباح الظهر اليوم متاخر شوي
توي خلصت وجاي الدوام اما ياعندنا حراره ماهي صاحيه برا

شكل درجه الحراره وصلت 70 وي وي المكيف على اعلى درجه
ولا كاني مشغله الحمد لله وصلت الدوام على الاقل التكيف من امس شغال

المكاتب صايره كانها ثلاجات ههههاي

المهم بوريكم شي لحظه



قبل اقول اي شي اتحدى اللي يقرا الرقم اللي في الدائره !!
ويكتبه لي كتابه ويرسله او ينزله بمدونته

وله اللي يبغى والله لو يبغى اقفل مدونتي كم يوم ماعندي مشكله
المهم يقرا لي الرقم لاني طفشت ماني عارف كيف اقراه

نجي للمهم

الله يارب يسعدكم يعني وصلتوني للميه الف في يومين وكسرنا الحاجز
الحمد لله ع السلامه

بس لسى باقي اكسر رقم شمس الشتا وانه حرف
معدل تقييمه ماهو ببعيد عني فخلوني دامني موجود وهن مكبرات المخدات
ونوم فرصه نتجاوزهم باليومين اللي جايات

شدو حيلكم معاي وياني ببسطكم بخلي مدوناتكم فـ الصفوف الاولى
ويمكن اسوي سحب على تذاكر سفر وكذا

ماتدرون يمكن اسويها

المهم على طاري السفر طمنونا عن الغايبين طيف وورده الامل وشلتهم
اللي يعرف عنهم شي يسحبهم من شعورهم ويجيبهم هنا

يالله عاد بخلص كم شغله بيدي

المهم لاتنسون الرقم اللي فوق هو بعتبره تحدي اليوم
اللي يقدر يكتبه لي حرفيا ويرسله واول واحد له طلب يتحقق باذن الله

بس عاد لحد يقول ابغى ايفون 6 ومدري ايش مع نفسك

يالله خودافس افري ون !!

سلام !!!

[* الوسمي *]

هايااات افري ون ازيكم عاملين ايه
اخباركم عساكم بخير !!

المهم مستعجل وربي عندي شغل وكذا ولازم اخلصه قبل الظهر
مديري ازعجني كل شوي اترك اللي بيدك وخلص شغلك

يالله خلوني اسحب عليه شوي مع انه والله طيب ومايستاهل

نقطه ونهايه سطر

نجي للمهم افرح اقوى شي يوم القى تفاعل من رواد ذا المكان
ربي يسعدكم ياشيخ

بس للاسف 50% من الاجابات خطا تهي تهي !!

معقوله ماتعرفون تقرون الرقم اللي امس معقوله وين التعليم وين اللغه العربيه عنكم
وينكم عن اللغه معقوله كذا

لا وبعضهم يحزن استعان ببرامج وطلعت كمان خطا ههههاي والله مبسوط لانها طلعت خطا
شهرزاد تتحدى دايم بذكائها ومدري كيف يعني فرصه

احصل شي اطقطق عليها فيه

التحدي الجديد من الوسمي وهو قرائة الرقم 101662
مئة ألف وألف وستو مائة واثنان وستون << ستو والا جدو

ببدا فيها لانها متحمسه للاجابه واخرتها خطا لا وتنكت بعد هاهاهاي
للاسف خطا هذه كلام نفر يجي من بنجال

ايش ميه الف والف لا وانا اخوك اخطاتي هارد لك
خليك بالبستان والجو الجنان وخلي الارقام الكبيره لاهلها

بس تشكرات ع المحاوله والمشاركه !

وهارد لك

كتبت الرقم في برنامج الترجمة اللي استخدمة للترجمة ،
ومن مميزات البرنامج انه يقرأ الكلمة مو بس يترجم، حطيت الرقم وقرأه :)

انصحك احذفي البرنامج ههههاي مسويه جبت الذيب من ذيلو
لا خطا كمان برنامجك اصلا بوه برنامج ترجمه صاحي كلها

مهويه وربك .. كمان هارد لك



نجي لثاني رد وهذا صراحه قفل على الهنود هههاي
طبعا مع الاحترام للهنود والبنجاليه بس الطقطقه على طريقه الكلام العربي حقتهم مو اكثر
لا يجي احد ويقول الوسمي يتكبر عليهم

للتوضيح بس !!

المهم شوفوا القرائه هنا كيف كانت

بخصووص الرقم حسيت نفسي هنديه لما اقول مية و واحد ألف :(

بس اتوقع انه ينقرأ
مائة ألف و واحد و ستمائة واثنان وستون

لا مو حاسه انك هنديه الى هنديه بنمره واستماره بعد
الحين يااختي انتي طول الله عمرك

شاطفه الالف اللي بعد الميه الف شفط ومحولته الى رقم واحد
وين وديتي 999 هاه !!

المشكله ان صاحبه ذا الرد اكثر دافوره في ذا المنتدى كله
ماشاء الله عليها

بقايا شتات !!

يعني اكثر ثنتين دوافير هنا قرايتهم للرقم الله بالخير !!

يالله ماعليكم الرقم صراحه معاق انا معكم بذا الشي
بس انتم حولتو اعاتقه من بسيطه الى مستديمه ههههاي

نصيحه لا عاد تقرون ارقام طويله

يالله يكفي لين هنا

انتظروني بعد شوي بجيب الردود الثانيه

سلام

[* الوسمي *]

آآأإأآم بآآأإأآك اقين !!

وجايب لكم صيده جديده ووحده من الدوافير تبع المنتدى
طبع ( الدافور) تطلق على الشخص الشاطر المجتهد

الترجمه للاخوه العرب اللي مايعرفون ايش يعني دافور

المهم شوفو الابداع كيف كان !!

الحين هذا اخر قرائه وصلت لي قبل ثواني وانا اكتب ذا الرد
وصل لي التقييم بالقراءه هذه

صباحوو ي عم اني برأيي انو مئه الالاف والف وستمائه واثنان وستون

>>المهم اذا غلط سوي نفسك ماشفت تقيمي

يعني شايفتني الله يصلحك احش واطقطق ع العالم ومرسله لي نفس القراءه
باختلاف بسيط من جدك !!

اصلا كيف تجي كذا مئات الالاف ههههاي مو كذا هذه لو بتقولي
الرقم من اللاف ماتستخدم للكتابه

هنا المفروض يسحبون الشهاده اللي معاك ويرجعونك للاعداديه
عشان التاسيس يكون صحيح

اما اسوي نفسي ماشفت شي لا والله اصلا ليه جايب الرقم
الى عشان اصيد العالم فيه نيهاهاهاهاي

طبعا ذا الرد لاختنا منفى .. وجايه متحمسه الاخت

هارد لك !!

اما نجي للان لصاحبه اقوى انبراشه في المنتدى
احسني شوي واطيح من فوق الكرسي من قو الانبراشه هذه لو فـ الكوره
ادوها كرت احمر وملعقه طبخ وسجن بالمطبخ سنه كامله

بالله شوفو

مائه وواحد مليون وستمئة واثنان وستون الف

وان طقطقت علي ماتعرف ايش يصير لك

لا وتهدد بعد يعني فوق ماجبتي العيد بعد العيد تهددي هههاي
ميه مليون وين يابنت سلامات

هذه من النوعيه اللي تسمع المليون سته اصفار
وعلى بالها اي سته اعداد يعني مليون وين وين يابنت

ترى سته اصفار مع الواحد تصير مليون مو سته اصفار لحالها
ذا الرد صراحه ببروزه وبخليه عندي عشره سنين قدام

كل ماتكلمت صاحبته ارسلته لها مره ثانيه

بعد ماسحبت فيها بالرسايل جات تبرر شوفوا

ههههه الي جااب المليون ياذكي
انه المية الف مو راضية تزبط معها دخلت الملايين يمكن تضبط
هاهاهاي هههههه

لا ذكيه وربي غطيتيي على رمضان ابو العلمين حموده هههاي
المشكله فوق ذا كله مقدر اقول لكم مين صاحبه هذا الابداع للاسف

بسوي زي سوار شعيب مع حلميه ماراح اقول لكم مين
صاحبه الرد

شوفوا

وطقطق على المليون مع ستر الاسم خلنا نضحك
يكفبنا هم مع ستر الاسم هااا بلا فضايح

اوكي ماراح اجيب الاسم بس ترى الرسايل بتبقى عندي كنوع من الابتزاز
يعني اذ بغيت شي من المنتدى تسويه ليا بدون كلام

ولا اطلع الرسايل كلها << نذل

ع العموم كنت بقول لكم الاجابه الصحيحه وطريقه
القرائه الصح والكتابه

بس شكلي بخليها لين بكره بشوف كيف يمكن فيه احد يتهور
خلونا نستانس معاكم شوي

على فكره ترى فيه ثلاث كتبو الرقم بالطريقه الصح

بس بخلي ردودهم بالرد الجاي ان شاء الله

سلام

[* الوسمي *]

صبح صبح ياعم الحج !! سيبو اللي في يديكم وانتبهو زين لكلامي اللي جاي
ايوه ركزو معاي شوي اوكيشن

نقول بسم الله

اول شي لحد ياخذ بخاطره من كلامي امس والله ترا امزح وماقصدي ااذي
او اضايق احد بكلامي السالفه كلها مزح مو اكثر

واصلا لو ماني عارف اني امون عليكم ماقلت اللي قلته << مع نفسك
ماعليكم من صوت الضمير الي مافطرت للان

بجد اعتذر للعالم اللي كلامي ضايقهم لو شوي يمكن تحمست وكذا
بس صدقوني السالفه ماتتعدى المزح واللا الاحترام والتقدير والله موجود

نقطه ونهايه سطر

نجي للكلام اللي ايدامه فيه على قولت شيابنا يعني الكلام
اللي فيه نتيجه وكذا

نجي للعالم اللي جاوبو صحيح ع كتابه العددد

الرد الاول اللي وصلني صحيح

مائه وواحد الف وست مائه واثنان وستون
...

وبرضو باللغه العربيه نقدر نقرأ الارقام من اليمين عادي

يعني اقدر اقول ،
ست مائه واثنان وستون ومائه وواحد الف

هذه من اختنا اغلى البشر اجابه في الصميم وصحيحه ميه بالميه
وهي اللي فازت معنا !!

عشان كذا زي ماقلت قبل كذا لها الحق تطلب اللي تبيه
وتبشر باللي تبيه

نجي الان للاجابات الثانيه وكلها صحيحه طبعا
بس سبقتهم اغلى البشر بالاجابه

تراني جايه مسرعه مطفيه النور بلحق ع الرقم
المهم الرقم ميه وواحد الف وستميه وثنين وستين يارب

هذه بنت العمام ميمي بس للاسف تاخرت شوي عن اغلى البشر
بينهم صراحه وقت قريب

مية وواحد الف وستمية واتنين وستين
وماااتطقطق ههه

هذه شمس المنتدى شمس الشتاء كمان جابت الاجابه صح
بس بعد ايش

هلا
مئة وواحد ألف
وستمئة وإثنان وستون

اختنا الطيوبه بشرى كمان جابت نفس الاجابه
وحده فيهم هي وشمس مغششه الثانيه بس مدري
مين فيهم اللي ناقل من الثاني !!

وايه تحدي الرقم موو من جدكم يعني الرقم بسيييييط >> عسى تطلع قرائتي صح وما اتفشل
مية وواحد الف .. وست ميه واثنان وستون

وهذه الشيخه ماثر ورده من لندن وتسلم عليكم جميع
وهذه اجابتها بس للاسف عشان فارق التوقيت ماجاتني الاجابه الى اليوم

ع العموم شكرا ورده وترجعون بالسلامه ان شاء الله

هههه الرقم مائة و واحد ألف وستمائة واثنان وستون دينار
نزله عندك هههههه

هذه تفكر بالفلوس شكلها هههاي اختكم انه حرف
جابتها بالمليمتر بس متاخر الرد جاني

وبختم فيه طبعا شاكر للجميع المشاركه معنا ربي يسعدكم
وطبعا الفايز زي ماقلت لكم

( أغلى البشر )

وتقدر تطلب اللي تبغى وتبشر

سلام

[* الوسمي *]

بما انه هذه اخر رد في هذه الصفحه وكذا فحبيت اقول لكم
كم كلمه وبقفل فيها ذا الصفحه !!

طبعا اول شي اشكر الجميع بدون استثناء الناس اللي تتفاعل معنا
او العالم اللي مشغوله بس تتابع بصمت ربي يسعدكم

ادري فيه ناس برستيجها مايسمح لهم يتركو لهم بصمه فيذا
او اني مزعلهم وماخذين بخاطرهم على صاحب ذا المدونه المهوي وكذا

فماخذين موقف المتفرج والمتابع بصمت
كمان ربي يسعدهم !!

صراحه وما ابالغ لو قلت لكم انكم احرجتوني بكرمكم وربي بتفاعلكم بحامس بعضكم
اعذروني على القصور وعلى الانبراشات احيان

تعرفون احيان نتحمس بطريقه مو صحيحه ونجيب العيد
بس والله بدون قصد او اني اتعمد اتجاهل احد او اضايق احد لا والله هي الصدف
او الاقدار احيان ماتجي زي مانبغى



بالله بعد هذا الكرم وش ابغى واصلا وش اقدر اقول
من جد تحرجونن بكرمكم وحسن استقبالكم وكل شي

بالله شوفو كمان عدد الرسائل يمكن في العشره ا لايام الاخيره



عشان كذا يعذروني اللي مقدر ارد عليهم او اخلي ري عليهم هنا فـ المدونه
بجد احيان مقدر ارد على الجميع

اعذرو اخوكم هذا من غير الدوام والخرابيط اللي تصير فيه
المهم اله يسعدكم جميع

وان شاء الله محد يتضايق او ياخذ بخاطره مني

اعتذر مره ثانيه وثالثه ومليون لاي احد تضايق مني او حس باي ضيقه
اعذروي تهوري جنوني واحيان كثيره استهبالي وكذا

يالله لازم اختم ذا الصفحه

والوعد باذن الله الاسبوع الجاي دعواتكم وراي سفره كالعاده نهايه الاسبوع
اجازه سعيده للجميع

واللي ماعنده الى النوم احلام سعيده كمان

وبس سلامتكم

خودافس

[* الوسمي *]

اللهــم آأإأآمين

صبحكم الله بكل خير .. جميع
بدايه اسبوع جديده للمداومين يفرق الاسبوع عن غيره
للبعض عادي ولا تفرق بدايه الاسبوع عن غيره !!

تصدقون اكتشفت شي اليوم

اكتشفت ان التجول في المدونات وتقييم اصحابها وكذا
احسن واكثر متعه من الكتابه هنا !!

من جد تقييم الناس على اعمالها والثناء عليها وكذا
تعطيك شعور حلو ويوصل لصحاب الموضوع كمان شعور احلى

عشان كذا اليوم ماظن تركت مكان جيته ماقيمته من جد
نعمه الرقابه تقييم بكل وقت يارباااه وربي شعور رهيب

المهم ماعليكم من اكتشافاتي وكذا

بقول ان فيه بعض التواجدات تختلف كثير عن بعض
فيه اقلام لو كانت بخيله باللي تكتبه بس يبقى لكتابتها طعم ثاني وشكل مختلف

تقعد تقرا السطر اكثر من مره مدري ليه والله
بس توقف عند كتابتهم كثير !!

اصلا من تشوف لهم تواجد تختلف نظرتك للمكان
اللي تجيه هذه الحاله يسوي لايك لذا الكلام

ادري بعضهم يسوي لايك بدون مايقرا وادري كلامي كثير وعاذركم وربي
بس ساعات تتسابق وربي حروفي على الشاشه بدون ما انتبه لها

عندي واحد من الشباب يسمع صوت لوحه المفاتيح عندي يقول
ياولد انت وش قاعد تكتب لك من اول !!

قلت قول ماشاء الله عاد خويكم مجنون لوحه مفاتيح لو تشوفون كيف اكتب
الظاهر بيجيكم شد في اذانيم من الصوت

يالله ماعلينا اهم شي الاخلاق

صح وش بقول

ولا خلوه بالرد الثاني احسني خلصت الصفحه خلاص

سلام سلام

وقت الشاهي جا

خودافس !!