،



اللهم لك الحمد والمنه .. امطار وخير وبركه امس واليوم وقبله
على المدينه وضواحيها ياربي لك الحمد .. كانت نهايه مميزه للاسبوع

اللهم لك الحمد ..

صبحكم الله بكل خير يالربع والربعات عساكم بخير واموركم طيبه
بدايه اسبوع منعنعشه يكفي الاجواء صايره بقووه تخرفن

عاد واضح الاجواء بتكون عامه ع الكل او اغلب المناطق
الله يرزقكم بالخيرات والامطار والعلوم الطيبه !!

..

جعان اليوم من الصبح واغلب احلامي اكل مدري وش السالفه
بس صاحي جعان وكل شوي احس فيه تميز قريب مني مع ان مافيه شي

اويلاه على الفول الصبح مع براد شاهي حساوي اويلاه تحس انك بجد افطرت
اللي ماجربه لا يفوته عاد والاجواء كذا وريحه المطر بكل مكان

بس حزنان وربي على الاهلاويه ياخي احيان ينرفع ضغطك ومالك دخل
مدري ليه شجعت الاهلي قبل امس .. بجد ماش

هذه مشكلة العطاله من بدري كله من النصر عطانا اجازه بدري ذا السنه
وعشان نتحمس قمنا نناقز من مدرج للثاني هيا معوضين خير باذن الله

وبعدين تعالو هنا معرف اهلاويه بالمنتدى خلونا نطقطق عليهم شوي
ماش ماتحلى غير بالطقطقه وكذا

يالله ماعليكم كلن يصلح سيارته !!

عسى بس مايخربها الاتحاد اليوم ويطلع كمان عشان تكمل
نهائي الصغار

يالله كونــو بخير .. طولتها شوي .. سلام

يارب …

أحتاج | صباح يغسل ،
كل ما لا يروقني في حياتي | و . . يجعلني أتنفس

صباح الأمل بـ الله . . والطمأنينة في ظله . . والثقة بما عنده
اللهم اكتب لي ولهم الخير بهذا الصباح ,,

...

نقطه ونهايه سطر

ركزو معاي باللي راح اقوله الحين ومدري ليه انتظرت كل ذا الوقت عشان اقول لكم
فيه شي من زمان وودي اقوله تعبت صراحه

واشوف ذا الوقت افضل وقت اني اتكلم وكذا !!

تعبت صراحه من تسجيل الخروج وتسجيل دخول لنفس المكان طفشت من تبديل
الادوار فـ نفس المكان !!

وخلاص قلت بقول لكم والشكوى لله واعذروني على القصور وكذا

بس قبل بعطيكم رووس اقلام وابي تدوني رايكم فيها
قبل اتهور واجيب العيد مع انه قد جبته من سنين ووكذا

بحط لكم هذا الرابط ادخلو وادوني رايكم بالكلام اللي بقوله



هذا رابط الصراحه قبل اتكلم عطوني رايكم اتفقنا لا تنسون !!

هذا ياطويلين الاعمار تعبت من تسجيل الدخول باسماء كثيره هنا في عبير
لان عندي واجد حسابات باسمي هنا يمكن تطلع سبعه تقريبا اذ ماكنت ناسي

بسدحها لكم في الرد الجاي بس بشوف وش بتقولون قبل اسدحها
يعني عطوني الراي والمشوره !!

حساباتي واجد يمكن اذ ماكنت مبالغ خسمه منها مشاهير وكلن يقول الزود عندي
محتار اكمل بايهم بعد كلامي هذا واترك اي حساب فيهم هو اللي اعتمده وابقى فيه على طول

لان زي ماقلت لكم الحسابات كلها نشيطه ولها جمهور ماهو صاحي
وبعضها بتتفاجون انها لي او خلونا نقول بتنصدمون صراحه

ياويلي ويلاه انا وش قاعد اقول !!

يالله هذا الرابط وعطوني العلم



بسرعه للي يقرا ذا الكلام يعطيني العلم اكمل واقول حساباتي او اسكت وابلع العافيه
مع اني للان مقتنع خلاص ان جا الوقت اللي اقول لاني طفشت صراحه

او تعبت اكثر وودي اكون على بينه وانتم تعرفوني ززين

وبس الله .. كونو بخير .. سلام

ودقــت ســااعة الصفر منخرش منها من الصبح شايل هم الباند
اهم شي الصمت عسان نايم ومايدري وش بقعد اقول ويفكنا من الباندات وكذا

نقول بسم الله بحط لكم الحسابات بالارقام وانتم عاد ادخلو عليها
لاني مبغى اجيب حساب بالاسم وماتعرفونه وتبلشونن

فبحطها بكامل البروفايل حقها وكذا !!

الأول واقدم الحساابات لي هنا معكم في عبير ويمكن من اشهرهم

الاول

وهنا كنت ماسك خط مختلف على حسابي هنا بكثير
نجي للحساب الثاني عاد هنا كان شوي من الوسمي فيه بس على خفيف

الثاني

ومن اكثر الحسابات قربا لقلبي صراحه حبتيه بقووه كان انسان مره
راقي ومودب وماسك خطه بدون ماياذي اي احد

الثالث كان باسم مو اسم ولد وكمان في البدايات ماحبيت احد يتوقع من
اكون وليه كذا فسجلت باسم غريب شوي وتراثي ومن قصص الف ليله وليه

الثالث

عاد لحد يدقق كانت ايام مراهقه وكذا الحين نروح للرابع وكمان مو ولد هنا
لاني مدمن تصاميم وكذا سجلت فيه انزل تصاميم وبدون كثرة كلام

الرابع

عاد هذا من زمان مادخلت فيه اصلا ناسي الارقام !!
نجي للخامس هذا القنبله وماتوقع احد شك فيه ابد لانه قريب مره من اسلوب الوسمي

وصرت فيه المشرف العام

الخامس

هذا بجد اقوى واحد وشوي وانسى الوسمي معاه رهيب بشكل ماهو صاحي
كنت بتاع كله على قولتهم ومن زود الدوفره شوي واسوي لي منتدى جديد بس قلت لا يالد
خلك هنا وش تدور بالجدي بس كان مبدع صراحه

واكثر من مره بغو يكثشفوني الاعضاء بس اخذ الموضوع بتريقه وافك عمري
واتوقع اكثر حساب بيشغل بعضهم اليوم معقوله هذا اننت يالوسمي

نروح للسادس عاد هذا اشهر من نار على راس جبل شابينها بظلام الليل
الكل الكل بدون استثناء يعرفونه وكثير يقولون اصلا هذا انت بس كالعاده

اخذ الموضوع بغشمره وتريقه وافك عمري وكذا

السادس

المهم ادري بتصير شوشره ماهي سهله بعد ماتعرفون كل حساباتي هذه والسابع بتركه لين
تخف الصدمات عليكم ثم بجيكم واعلمكم بحسابي الاخير

لانه بيكون الصدمه الكبرى للكل

يمكن مره وحده اللي احد جاني وقال انت فلان بس قلت له بلا جنان وصرفت الموضوع كالعاده
المهم هذه حساباتي كلها

وخلاص قررت ماعاد ادخل فيها وببقى على :: الوسمي :: بس

يعني اذ شفتو احد اختفى من هذه الحسابات ترا عاديه الامور جدا لحد يسوي حزين وكذا
ترا كلها الوسمي

فـ الاخير

للناس اللي ماراح تصدق او تحسبني بمقلبهم بكره بنزل فيديو فيه كل الحسابات يوم اسجل
دخول لها ويوم اسجل خروج عشان المصداغيه >> بصوت اريج العبدلله

وبس .. نقطه ونهايه سطور وفضايح

ولا تنسون اليوم تاريخي بكل ماتعنيه الكلمه من معنا لا تنسون تاريخ اليوم اهم شي
فـ امان الله .. وكونـــو بخير

ســـلام

كـ .. .. ـة ....... ا .. ر .. ل ؟

يافضحي فضحاااااه << بصوت طارق الحربي
شهرزاد كبت العشا وخربت الطبخه كل ابوها مشكله ذول الدوافير
ماشاء الله عليهم مايمديك تمشيها عليهم وكذا !!

المشكله كتبت بمدونتها وصارت الفضيحه بقلاقل على قولتهم
تدرون فيه بعضهم فصلوها معاي من بدري مدري من جدهم او يمزحون
وعلى طول هواش وكلام مدري كيف ارد عليه تنحت قسم

لا والصراحه جا فيها بلاوي وربي

اكثر واحد ضحكني اللي يقول شكلي رقمتك في اغلب حساباباتك
شكله شغال ترقيم على طول

لا وبعضهم زعلانين عليا ليه تلعب علينا كنا محترمينك يوم كنت الوسمي
طيب قسم لليوم تراني الوسمي بس عمال بهزر معاكم ياجماعه !!

اصلا كاتبها تحت وحاذف كم من حرف بس
يعني مايبغى لها فهلوه !!

المشكله شوفو الرد اللي قبل اللايكات والتقييمات والصراحات كلها تقول
قول وماعليك وعطنا العلم بالرد الثاني الناس كانهم غسلو يدينهم مني

طبعا البركه فـ الشهرزاد يوم كبت العشا وكذا

لا فـ الصراحه ناس تهاوش ثم تعتذر بعد ماشافو كلام شهرزاد واني اكذب
لو تاخرو بالحش شوي لين نزلت الجنوبيه الرد كان افضل

بس وربكم ان الامور عاديه جدا وماخذها باكثر وناسه وطقطقه مو اكثر
فلحد يتعب نفسه الامور وربي كلها للوناسه وكذا !!

تصدقون عاد كنت بحط كذا واحد معنا هنا واقول الحساب لي بس قلت مبغى الحس مخخهم
فحطيت ناس قديمين وكذا

فـ الاخير

الله يذكر كل الناس اللي امس حطيت حساباتهم بكل خير والله كانو من خيره الاعضاء هنا
بجد كانو اضافات للمكان الله يذكرهم بكل خير ويسعدهم

واللي فيهم قرا كلامي يطمنا عن نفسه لو بكلمه

وبس والله .. كونو بخير ..

ســـلآم

كن شيئا فريدا ،
ليست منه نسخ أخرى . .

أعبر حياتهم ك صدفة خفيفة من أحلى الصدف ،
كن شيئا وحييدا / لا يتكرر مرتين !

..

تسمتر الامور دائما على حالها حتى ياتي من يحاول جاهدا اخراجها عن
مسارها لشي في نفسه ..

لا تخافون ستعود لمسارها من جديد بس لو نفهم ذا الشي زين
لن يبقى كل شي على حاله لو نحاول اننا نخليه على نفس الحال

يقال انه سال حكيم يوما !

لماذا نكون العلاقات مع اناس غرباء ونحت متاكدين ان
هذه العلاقه ستنتهي يوما ما ؟

اجابه بتساول يحمل الكثير من الحكمه

لماذا نمارس الحياه ونعيشها بكل مافيها ونحن نعلم اننا سنموت يوما !!

..

فلا تكونون حياه الفهد كل الوقت لا خليكم هيا الشعيبي بعض الاوقات
وماعندكم مشكله لو ترجعون شوي لحياه الفهد بعض الاحيان

اهم شي خذو منهم الثنتين وخلو عنكم الحلطمه اللي ماتوكل عيش

نقول نقطه ونهايه سطور

ولي تعليق على اجتماع ( المال و الحب والصحه ) هذول اذ اجتمعو
مع بعض وكان الشخص منفس حق من مغط فيه تمغيط لين يقول امين

وبس والله .. سلام

خفايف ع الطاير !!

الثقه ~ ليس لها ثمن ..
والوثوق بك لايعني انني أشتريك |

بل تعني أنني " استودعك نفسي "
فلا تخيب ثقة احد بك مهما كانت

..

و لا يهمك !!

بحط ايدي على فمك و لا تحكي !
ترى بعض الحكي يوجع . .
ۅ يحررق ( دمي و دمك ) ‘

و خل الناس , و الوسواس و اهملهم . .
و خلني بس أنا همك . .
و صدقني بنكوون ب ( خير )

..

اعـــلم

لا نجاه من الموت .
و لا راحة فى الدنيا .
و لا سلامه من كلام الناس ..!!

..

لا تأتي الحياة كما نشتهي دائما
لذا أصبحت أطلب من الله الرضا , والرضا ب القدر

أيا كان و ممارسة الحياة بصورة جميلة
تحفظ الأمنية المخذولة !

الأمنية التي قدرها أن تظل أمنية

..

الذاكرة مثل العاصفة أو الجنون
عندما تستيقظ لا أحد يستطيع إيقافها !!

تجرف كل شئ فى طريقها بلا رحمه ..؟!


وبس والله .. سلام

ياخي احلى الدوامات يوم تسحب عليهم وتروح تنام لك ساعتين وترجع
ياخي تحس انك وزير او شي يوم ترجع الغالبيه يسالون عنك وكذا

فخامه صراحه !!

يارب مديرنا مايقرا وش قاعد اكتب لانه يعرف ذا المدونه بس ماظنيت انه
يذكرها للان !!

المهم ماعليكم .. كلن يصلح سيارته فـ الاخير

الحين تعالو هنا كنت بمكان قريب قبل شوي وربي حاولت منا منا افهم شي
اجمع شي من الكلام ولا طلعت بنتيجه مدري ش السالفه

لولا الحيا كان جبت لكم الكلام فيذا اوريكم كميه التعقيد واللا هدف فـ كل الكلام
بجد احيان مدري وش نحس بوه بس نكتب !!

لا ياخوان مو كذا اهدى شوي بالله الامور ماتكون كذا

ادري ذا الحاله تصيب اغلبنا احيان نكتب بس عشان نعبي فراغات او يكون لنا تواجد
انا معاكم فـ ذا الشي بس عاد مو لها الدرجه خففو بالله شوي

خلونا يوم نمر نقول هل من مزيد ونرجع من ثاني ندور المفيد او الاكثر وناسه
مو خلاص نتوب نروح لمكم وكذا !!

ادري كلامي بيسوي زحمه شوي بس عادي زي ماقلنا قبل ماعاد تفرق
كل مانطقها عوجى اصلا !!

يالله خلوني انفض النوم من عيوني واروح اكمل باقي الدوام عند الشباب
من الصبح ساحب ومن جيت بعد الظهر مع الجهاز ومطنش

يالله .. كونــو بخير .. سلام

احيان اشوف اشياء اقول من جدي هذه انا مسويها اما عاد !
بجد احيان نكون مانصدق وش حنا مسوين وكيف كان وكيف رده فعل بعض الناس عليه
فـ وقتها نشوف الامور تقريبا عاديه وكذا فما ندقق كثير فـ الموضوع

بعد فتره يوم نرجع نشوف باكثر اريحيه وتدقيق وكذا نلقى ان جايبين العيد
او اننا سوينا شي كبير بدون ماننتبه !!

احيان نقول كلمه لاحد بوقت هو محتاج بقوه انه يسمعها منا وكذا
يوم قلتها انت ماكنت تتوقع لو بنسبه بسيطه مدى تاثيرها على الشخص اللي انقالت له
وكيف راح ياخذها ويسمعها باذن اكثر قابليه

فـ الصراحات

احيان اكون في فورمه زوينه امر على العالم في صراحاتهم واقعد اتفلسف عليهم وكذا
واطلع كالعاده طبعا بعد فتره القى رد من احد فيهم

تذكر يوم تقول كذا الله يسعدك ياشيخ وربي كلامك جاب نتيجه وحضرتي متنح
اي كلام وربي ناسي

الزبده خلونا ننتبه للكلام اللي نقوله ولا نقلل منه ابد ولا احد يقول انت وش تبي
بالضبط مع ذا الصبح لاني بجد مدري وش ابي اصلا

ماعليكم !!

هلا بالطيبين والله هلا بوردة املنا وهلا بهدوء انثى حياكم الله فـ مكانكم
وعوده باذن الله حميده وسعيده وكل شي

وعسى رجعتكم هالمره تطول والله يكثر سواليفكم وعلومكم وكذا

فـ الاخير

يقول لي واحد انت ليه بس تجيب صور يوم تكتب !!

بقول وربي مدري بس احس ماللكتابه طعم لو مافيه صوره فوقها مدري انا تعودت
على كذا او ش السالفه بالضبط

المهم اني صرت معرف اكتب بدون مارز صوره فوق بس خلاص
شكلي ببطل ذا الشي دام فيه من يتحسس من ذا الشي مدري وربي

وبس والله .. سلامتكم ..

رب كلمه تقول لصاحبها دعني .. خلونا اكثر كرم واقل تحلطم .. واكثر تفاعل
الرابط فـ التوقيع اللايك ع اليمين تحت شوي .. التقييم مطلب ع اليسار

.. ســلأم ..

I'm not afraid of falling in love with you
I'm afraid of you not loving me back

I am not Perfect

I make Mistakes

..

But when i say SORRY


See you next page