رواية / فمان الله يالغالي (كاملة)

**~|عصفورة عرآقية|~** · 20-06-2012, 02:31 PM

رد: فـــمآن آلله يـــآلغــآلي / روووعه

نزلو عندهم البنات

الهنوف اول مره تجلس مع فيصل بدون ماتتغطى بس حاطه طرحه على شعرها واهو عادي عنده وفالها..
فارس:اقول عهود ماكنك نحفانه زياده؟؟
دانه:هي امتنت عشان تنحف؟؟
عهود:ياي يالغيره ماسابت حد في حاله
فيصل:أقول غريبه لكم فتره ماجتمعوا ويا البنات؟؟
الهنوف:والله كلن مشغول بحاله
فيصل:ماتبون تروحون لهم ولا شي
دانه:والله ياليت...ويدق جوال فيصل
ناظر الرقم...هذا أبوي....
نطت دانه:بلييييز خلني ارد عليه....اللله يخلييييك
فيصل:بسم الله الرحمن الرحيم ...خذي
فارس يعلق:صدق شفاحه اللهم اجرنا
ناظرته دانه باتسامه وشمقت وردت:هلا والله بسيد الرجال هلا والله بشيخهم كلهم هلا يبه
أبو فيصل ويضحك:هههههه هلا فيك..كيفكم...والله اشتقت لكم!!
دانه تصارخ:بابا وحشتنا مررررره...والله فقدناك وهنا بكت
فيصل:لحووووول صدق دلع
أبو فيصل:والله انتم اكثر كيفكم وكيف امك وأخوانك؟؟
دانه:كلنا تمام مو ناقصنا غيرك
أبو فيصل:يالله كلها يومين وانا عندكم..
هنا دانه صرخت..
دانه:جد!!!!
أبو فيصل:ههههههه إيه جد يالله عاد مابطول بس حبيت ابلغكم سلمي على أخوانك وانشالله أشوفكم
دانه:مع السلامه وقفلت
فيصل:هاه بشري ابوي جاي صح؟؟
دانه:صح!!!
عهود جلست تصررررخ:فديته بابا وحشني
الهنوف كانت مستغربه من تعلق البنات بأبوهم هالقد وتحممممست تشوف اشلون يعامل عياله مررره
فارس:اخيرا بشوف اخوي لي سنتين ما شفته!!
فيصل:خلني أروح أبلغ الوالده بتستانس وطلع وقال لأمه اللي طارت من الفرحه بالخبر
بعد يومين كانوا الاولاد بالمطار ينتظرون وصول أبو فيصل..
بندر نفسيته على ماهي عليه
سلم على أبو سلطان وبعدها على عياله..سلم فيصل ولما جا بندر يسلم على أبوه ضمه بقوووه
استغرب أبو فيصل من بندر بس رجع ضمه...
أبو سلطان:ياهلا والله تومانورت السعوديه والله
أبو فيصل:النور نورك ياخوي
فيصل:يالله عاد خلونا نمشي عشان الوالد يريح
أبو سلطان:يالله
راحوا الكل لفيلا ...دخل أبوفيصل...وشوفوا أنواع الصراخ والتموا العيال حوله ...سلم عليهم وعلى امه وجلس معاها شوي وبعدها طلع يرتاح وأم فيصل كانت تنتظره بالغرفه لأنها ماقدرت تستقبله عشان أبو سلطان...
اليوم الثاني كان أبو سلطان مسوي عزيمه كبيره عزموا فيها كللللل أقاربهم وجيرانهم ومعارفهم..بمناسبة وصول أبو فيصل السعوديه..
في بيت أبو عادل..على العشا
أبو عادل يكلم موضي: بكره جهزوا انفسكم عبد الله مسوي عشا
موضي:وليه شالمناسبه؟؟
أبوعادل:عشان أخوك عبد العزيز وصل اليوم من بريطانيا
مرام شرقت باللقمه:كح كح...وشربت مويه..:جد بابا؟؟
أبوعادل:إيه
شذا:تصدقي ماما دايما نفسي أشوف خالو عبد العزيز بس كل مره يجي مانشوفه
فراس:نسخة...........<<كان بيقول نسخة عهود
عادل:منو؟؟
فراس:اممم فيصل ولا؟؟
عادل:لا أبدا ما أحسهم يتشابهون
أسيل:أكيد يشبه راكان
فراس:وليه راكان بالذات؟؟
أسيل انحرجت:.....مدري ...أحس كذا
مرام تبي تحرجها زياده:تحسييين؟؟....علينا؟؟
عادل:مرام!!!
مرام:خلاص سكتنا..هه
موضي وتذكرت سالفه:أقول شذا عهود شفيها هذاك اليوم لما نامت عندنا كأنها متضايقه
مرام تصرف:لا مين قال؟؟
فراس ياكل ولا كانه يسمع وهو طووول الوقت اذنه معاهم
موضي:أنا حسيتها كذا كأنه أحد سوالها شي
أسيل:انا بقلك
ريماس:لالا خليني أنا بقول..
مرام تناظرهم وعيونها بتخرج
ريماس:عشان........
قاطعهم صوت فراس يقوم:الحمد لله!!!
أبو عادل:شفيك ما أكلت؟؟
فراس:لا شبعت الحمد للله
أبو عادل:انت أكلت من الاساس...الله يهديك
فراس:لايبه والله ماكل
وطلع من البيت...
مرام استغربت حركة فراس من جابو طاري عهود قام..
"معقوله لسا مانسى....أحسه حاطها براسه...الله يستر منك يافراس"

**~|عصفورة عرآقية|~** · 21-06-2012, 04:07 PM

رد: فـــمآن آلله يـــآلغــآلي / روووعه

في بيت ام عادل اجتمعوا البنات عند مرام...ماعدا عهود وخلود..تأخروا شوي لأن مافي أحد يجيبهم
في بيت أبو سلطان..
خلود معصبه لأنهم تأخروا وتكلم السواق:وينك انت؟؟
السواق:انا في شركه حق بابا...بابا يقول انا مافي يتهرك من هنا
خلود:زين
وبعد ماسكرت:افففف
عهود:ها بشري
خلود:رشيد ( إسم السواق) بالشركه ابوي يحتاجه هناك
عهود:طيب والحل؟؟
خلود:مدري سلطان مو هنا بالشركه ومحمد طالع هو وفيصل مع ماجد
عهود:يعني سيارة محمد هنا؟
خلود:إي سيارته هنا بس وش الفايده...حتى باسل مو هنا هو بعد طلع..
عهود وكأنها لقت الحل...طيب دقايق وطلعت من الدرج وهي تركض
خلود:على وين؟؟
عهود من بعيد:دقايق انتظري

راحت عهود لغرفة محمد فتحت الباب وكانت الغرفه ظلام وبارده زي الثلج من التكييف..
شغلت النور وراحت لما عند بندر اللي كان نايم وبصوت خفيف:بندر....بندر حبيبي قوم....بندر
بندر وينقلب عالجهه الثانيه:هممم
عهود:بندر بليز قوم صار لك 6 ساعات نايم كفايه...قوم
بندر بصوت كله نوم:عهود شتبين؟؟
عهود:امممم نبي نروح بيت عمتي موضي ومافي احد يودينا غيرك
بندر:..........................<< نايم
عهود:بندر قوووووووووووم
بندر ومزاجه مقفل:افففف.......وجلس...:ها قمت...
عهود فرحت:يلا نبيك تودينا بلييييز
بندر بتريقه:وبشنو أوديكم إنشالله... بسيارتي؟؟
عهود:لا سيارة محمد موجوده وهو طلع ويا الشباب..وشوي ويدق موبايل بندر...
ناظر الرقم ورد:هلا أبو حميد
محمد:وينك يا دب...كل هذا نوم؟؟...حشا
بندر بصوت كله نوم:لا كاني صحيت
محمد:طيب اسمع...خذ مفتاح سيارتي بتلاقيه بالدرج والحقنا انا ويا الشباب
بندر:ليه منو عندك؟
محمد:كلنا هنا...أنا وماجد وعبود وفصول ويعني الشباب كلهم والبقيه بيلحقونا
بندر:وين انتو طيب؟؟
محمد:حنا بكرنيش الدمام
بندر:وانا شنو يعرفني اشلون أجيكم؟؟
محمد:إسمع مر على فراس وخله يجي وياك تعرف مابيجي بسيارته يخاف عليها وهو بيدلك
بندر:اوكي
محمد:لا تتأخرون عجل
بندر:طيب توصي على شي؟
محمد:إيه الله لايهينك قول للهنوف تجهز لي بدلة رياضه لأني جاي هنا بالثوب قالك بارتز
بندر: أوكي مع السلامه
محمد:فمان الله

بعد ماسكر بندر ويناظر عهود: إنتي لسا هنا؟؟.... خلاص روحي الحين بجيكم باخذ لي شاور سريع وبنزل
عهود بفرح:أوكي ثانكس
وقبل ماتخرج من الغرفه بندر:قولي للهنوف تجهز بدله لمحمد
عهود:الهنوف مو هنا طلعت هي ودانه وراحوا للسوق...بس بقول لخلود
وطلعت

نزلت عهود تركض واول ماوصلت تحت عند خلود اللي قفلت معاها صرخت:يسسسس!!!
خلود:شسويتي؟؟
عهود:بندر بيودينا!!
خلود عورها قلبها من جا طاريه:بندر؟؟
عهود:إي كان نايم وصحيته وقال بيودينا
خلود:وغريبه وافق؟؟...اخبر الشباب يرفعون ضغطك عشان يطلعونك
عهود:لا بندر غير فديت قللللبه
خلود:يلا زين
عهود:بس تبين الصراحه الظاهر اخوك محمد دق عليه وقاله يروح لهم بسيارته عشان كذا وافق..
خلود:هههههه إي قولي كذا
عهود:إلا على طاري محمد..بندر يقول إنه دق عليه يبي بدلة جهزيها وعطيها بندر
دق موبايل خلود..ناظرت الرقم...كان بندر
بنفسها"لسا عندك امل يابندر؟؟...اه الله يعين وعطته رفض"
بندر"ليييييييييييييييييييه؟؟...ابي اعرف ليه؟؟..سوي اللي تبين بس قوليلي ليه؟؟"
وشوي سمعوا صوت بندر يكح وهو نازل:كح....كح....عهود
عهود:انا هنا تحت
نزل بندر وشاف خلود وعهود بالصاله ولأنه توه صاحي من النوم مزاجه مو رايق وبدون نفس:شلونك خلود؟
خلود وقلبها يدق بشكل فضيع من ريحة عطره:تمام
كان لا بس بنطلون جينز خصر نازل وتي شيرت اسود ماسك عليه وفيه كتابه بالظهر بالأبيض
لابس جوتي اسودبخطوط خفيفه بيضاء وشعره لسا مبلل مويه بس شكله (خطييير وخصوصا إنه مو رايق)
بندر ومعقد حواجبه:بس انتو بتروحون؟
عهود:إي بس حنا
بندر:وامي وخالتي وينهم؟
عهود:ويا دانه والهنوف كلهم بالسوق
بندر وهو يفتح باب الفيلا:كح...كح... أنا بالسياره وطلع

**~|عصفورة عرآقية|~** · 21-06-2012, 04:09 PM

رد: فـــمآن آلله يـــآلغــآلي / روووعه

خلود بخوف حاولت تخفيه:عهود اخوك تعبان؟؟
عهود:شكله بس يستاهل كان نايم ومو لابس بلوزته ومقوي المكيف عالأخر ماتبينه يمرض؟
خلود:طيب روحي له وانا بجيب بدله لمحمد وبجي
عهود:أوكي
وطلعت لبندر اللي كان جالس بالسياره ومشغل الإف إم على أغنية راشد ( ويلاه) وداخل جوووو مع كلمات الأغنيه
عهود لما ركبت السياره وشافت ملامح بندر مبين مو رايق أبدا سلمت وجلست ساكته
وبعدها جات خلود ونفس الشي....وطول الطريق وخلود عينها بالمرايه وتناظر بندر اللي شكله مو معاهم بس بجد كانت خاقه عليه..
وصلوا بيت ام عادل..
بندر:عهود سويلي طريق بدخل اسلم على عمتي
عهود:طيب
ونزلت ويا خلود
دخلوا بيت ام عادل....
مرام:اخيرا؟؟....مابغيتم!!
عهود:والله من جد مابغينا لولا الله ثم بندر
مرام:يعني بندر اللي جابكم؟؟
عهود:إيه
وسلمت عالبنات هي وخلود
لميس تهمس لخلود وهي تسلم عليها:مع بندر ها؟؟
ابتسمت خلود...
عهود:إي مرومه قبل لا انسى..اممم بندر يبي يسلم على عمتي وينها؟؟
مرام:امي فوق الحين بتنزل...وقفت مرام براس الدرج وبأعلى صوت..:يمه...يمه!!
موضي:هلا مرومه
مرام:يمه وينك البنات كلهم هنا...وعهود تقول بندر يبي يسلم عليك
موضي:طيب قولي لفراس يدخله على ما أجي
مرام:يووووه بعد أكلم فراس؟؟
وطلعت وهي معصبه..
وهنا البنات كانوا يسولفون لما انفتح الباب ودخل عادل...:شذا....شذا!!
وانتبه للبنات اللي جالسين بالصالون واول ما جات عينه على الاء اللي هي بعد جلست تناظره....
عادل:...أحم...شلونكم بنات؟؟
البنات تمام....لميس:وانت عدول شلونك؟؟.<< تقط على طول
عادل: بخير الله يسلمك...اممم شذا وينها<< وعينه على الاء
البنات:فوق لسا مانزلت
عهود:ليه بغيت شي؟
عادل:إيه الله لايهينك اطلعي ناديها ابيها ضروري
طلعت عهود ومرام نازله
مرام:على وين؟؟
عهود:عادل يقول يبي شذا روحي ناديها
مرام:يووووه أكره ماعلي طلعات الدرج هذي
عهود بتريقه:ليه تخافين ينزل وزنك؟؟
ناظرتها مرام بحقد:لا بس ما احبها... تتعبني
عهود:زين ولانها تتعبك ارتاحي وانا بطلع اناديها
مرام ومستانسه:فديت قلبك يلا انا بنزل
طلعت عهود وهي مبتسمه..ولما وصلت عند غرفة فراس تذكرت الموقف اللي صار لها...
وابتسمت وسرحت...انفتح الباب وهي سرحانه وماحست إلا بريحة عطر فراس اللي بعدها طلع فراس من غرفته..وانصدم...
عهود:كانت لابسه تنوره قصيره لتحت الركبه كلوش لونها اسود...مع بلوزه بدون اكمام تنربط عالرقبه لونها احمر وماسكه من عند الخصر...وحاطه مكياج خفيييف وشعرها محطوط عالجنب...<< شكلها جنان
فراس أول ماشافها حس قلبه يخفق...سمى عليها بنفسه...وباستهبال لانه كان مروق:منو انتي؟؟<< قالها بابتسامه يبي يرفع ضغطها
عهود هنا ارتبكت اول مره فراس يكلمها بهالطريقه عادة يكون حاد معاها..وشكله بعد وترها زياده وقلب كيانها وبصوت يالله ينسمع:شلونك فراس
فراس أول مره يسمعها تنطق إسمه<< خق...: تمام
وبجديه: بس لسا ماعرفتك عشان أسألك شلونك؟
عهود "هذا اشفيه يستهبل ولا من جده ....يمكن من جد ماعرفني عشان كذا يتكلم معاي باسلوب تمام...لالا إش ماعرفني ..أكيد يستهبل....يوووه يرفع الضغط...أكرهه"
فراس:صعب سؤالي لهالدرجه يحتاج تفكير؟؟
عهود بغرورها المعتاد:مو شرط تعرف منو أنا..مايهمني تعرفني..خلك باللي بمستواك!!
فراس هنا انرفع ضغطه"شوف هذي شلون أكلمها وشلون ترد علي..أنا أوريك!!..":إي صح...إنتي مو من مستواي...خلني اروح ادور احد يليق بمستواي وش لي اطالع تحت..!!
عهود ولعت "شنو يطالع تحت؟؟..صدق وقح"..هنا عهود تذكرت شي..:تدري حامد شيقول؟؟...
فراس وبسخريه :هه منو حامد؟؟
عهود وبثقتها اللي دائما تهز فراس بس مايبين:هذا شاعر اسمه حامد زيد وكلامه حكم...
يقول( احسن دوا للي يحاول يستفزك تحقره) وانت مالك إلا الحقران...

ومشت وتركته وللمره الثانيه هي اللي تنتصر
وراحت لشذا وقالت لها تنزل لعادل..
نزلت ام عادل وسلمت عالبنات وهنا جا عادل<< يتميلح عشان الاء.
عادل:يمه بسرعه بندر يبي يسلم عليك يقول مستعجل حتى مارضى يدخل...ولف على شذا:شذو خلاص لاتسوين قهوه مابيدخل
موضي: خله يدخل والبنات بيتغطون...وفعلا تغطوا البنات ودخل بندر وسلم على عمته وعلى البنات واخذ فراس وطلعوا
موضي تكلم البنات:يلا بنات انا بترككم تاخذون راحتكم
مرام:يمه خلي بعض الناس( ورفعت صوتها) يجيب لنا أغراض
عادل اللي طالع من الدرج وعرف إنها تقصده:بعض الناس عندهم دوام بالليل ويبون يرتاحون
موضي:سمعتي؟؟...اخوك يبي يرتاح وقامت
مرام مدت بوزها
الاء:خلاص مرومه ماله داعي...خليه يرتاح
لميس اللي كاشفتها:وانتي وش محنن قلبك عليه؟؟
الاء ارتبكت:هاه...ولد خالتي وبمقام اخوي ماتبيني احن؟؟
( عادل هنا كان لسا واقف بالدرج يبي يسمع صوتها وانصدم لما قالت بمقام اخوي)
طلع غرفته وتنهد وهو متضايق"يعني هي ماتعتبرني اكثر من أخ وانا ميت فيها ولاهي حاسه....اه منك يا الاء"

**~|عصفورة عرآقية|~** · 21-06-2012, 04:10 PM

رد: فـــمآن آلله يـــآلغــآلي / روووعه

عند البنات كانوا رهف وسمر وديما توهم داخلين:سلام
خلود:هلا والله وغلا
مرام:كان قعدتم شوي بعد
رهف:والله مهند بالكود جابنا يقول مستعجل يبي يلحق عالدمام
مرام:أي دمام؟؟
سمر:الشباب كلهم راحوا الدمام مجتمعين عن الكورنيش ليه عادل مابيروح؟؟؟
مرام:يقول عنده دوام...شكل ماعنده خبر
ديما يعربجه..:أقول انتي وهي وين حلا واسيل وريماس
شذا:جمانه ما جات؟؟
ديما:لا تعبانه شوي
شذا:ليه سلامات؟؟
ديما:مدري جنبها من الصباح يعورها
شذا:ياقلبي انا بروح ادق عليها وطلعت فوق
ديما تكلم البنات اللي شغالين سوالف:هييي مروووم من الصبح واقفه هنا...اخواتك وينهم؟؟
مرام:بغرفتهم ولا برى يعني وين بيكونون؟؟
مشت ديما بدون ماتتكلم
رهف:إلا قولوا لي منو هاللي توه طالع ويا فراس أخوك؟؟
لميس:هذا بندر ولد عمي عبد العزيز
ورهف لفت على عهود:هذا اخوك؟؟!!!!
عهود:أي
ابتسمت سمر:واو ماشالله مزيوووووون واجد ويجنن
عهود:أكيد!! ..احم احم يشبهني
الاء:لا جد عهود...اخوك بندر احسه اجمل واحد ماشالله وسيم مره..و بمياعه:واي يخقق
مرام:فديته ولد خالي جعله من نصيبي
البنات:هههههههههههههههههههههههه
خلود هنا غلى دمها يتغزلون بحيبها قدامها"حبيبها؟؟" اول مره تفكر ببندر من هالناحيه....يوووه ....طردت هالأفكار من راسها..
لميس تدقها بهمس: هدي يابنت الناس...يمزحون ترى
لفت لها خلود وناظرتها بنظره تقتل..

لميس:يؤيؤ...اه بس لو يدري عنك
ابتسمت خلود...
الاء تناظر البنات:انتوا مو ناويين تجلسون؟؟
رهف وسمر:إلا حبيبتي كانا جلسنا
وشوي بصوت عادل نازل مستعجل من الدرج..:بنات تغطوا
مرام شافته:على وين؟؟
عادل:خبري أمي وقولي لها اني رايح الدمام ويا الشباب
مرام وتدق بالكلام:والدوام؟؟
عادل:يووه مرام انتي قولي لها وبس
وقبل لايطلع عطى الاء نظره مافهمتها بس حست إنها ما تطمن
لميس تكلم عادل اللي مستعجل:أقول عدول مايصير اجي وياكم؟؟ وتناظر الاء
عادل حس إن لميس كاشفته
وبتريقه رد:اقول انثبري هنا
وطلع
بعد ساعه جا فارس عند البنات:مراحب
البنات:هلا فرووووس وراحوا يسلمون عليه
مرام بعربجه:أقول فروس؟؟..وينك ماعاد تنشاف؟؟
فارس:والله مدري اش فيني هالايام من الشركه عالبيت انام واصحى اروح ويا ربعي وانام واروح الشركه وكذا
لميس:اه بس لو اني ولد كان لا اشتغل بشركه ولا اعور دماغي عالفاضي
فارس:اجل الحمد لله منتي ولد
عهود:غريبه فروس جاي هنا؟
فارس:أولا جاي اسلم على موضي لي اسبوع ماشفتها وثانيا رحت الفيلا ماكوا احد وش يجلسني هناك
الاء:وليه مارحت ويا الشباب
فارس:منو الشباب؟؟
رهف:عيال اخوانك منو بعد؟
فارس:ليه وينهم؟
خلود:والله شكلهم سحبوا عليك
فارس:لا جد وينهم؟
خلود:بالدمام..عند البحر
فارس:جد والله؟
مرام وتبي تفتن:إي...شفت عيال اخوانك؟؟؟...لو إنه حنا كان اول من فكرنا فيه انت
فارس:فديتكم والله..
وبقهر:بس هين أنا أتصرف معاهم..هم اكيد ماقالوا لي عشان ما اقول لأبوانكم بس إما ربيتهم
لميس:الله وناسه!!...وش بتسوي؟
فارس:بنتظر لما أتاكد إنهم كلهم وصلوا هناك وبخبر ابوك وعمك عبد الله وهم بيلعنون خامسهم..
سمر:كفو والله عمي فارس
فارس:وععععععععع لا تقولي عمي...احس إني كبير وانا توني شباب
الاء:يتهيالك إنك شباب...شوي بتصك بالثلاثين
فارس:طيب حتى بظل شباب
رهف:أقول فروس؟؟...انت مو ناوي تتزوج؟؟
فارس:لا...يوووه انتوا يالحريم ماعندكم غير طاري الزواج
عهود:فروس تعال عندنا ببريطانيا وبدور لك وحده شقراء تنسيك الدنيا باللي فيها
فارس لمعت عيونه:والله؟؟
عهود:إي
مرام:أقول أقول...سوها وشوف وش يصير...إما أقول حق امي شيخه...وتوقع عاد وش ردة فعلها
...وانت خابرني ما اوصل اي شي زي ماهو لازم ازود من هنا ومن هنا
فارس ويغمز لعهود:عهود...بعدين بيني وبينك هنا فيه عذال واجد...اللهم حوالينا ولاعلينا
عهود ومبتسمه:اوكي
وظلوا يسولفون مع فارس لما الساعه 12 بالليل وبعدها شغلوه سواق ووصل كل وحده لبيتها
..طبعا فارس سواها ودق على اخوانه وبلغهم بفلة الشباب اللي اغلبهم مكنسلين دواماتهم بالشركه..
ابو عبد الله عصب ودق عليهم وقالهم يرجعون على طول...فارس هنا استتتانس وحس بالإنتصار<<نذل!!
بعد اسبوع من الأحداث...كلمت أم خالد اختها موضي بخصوص خالد وشذا واتفقوا يجون يخطبونها رسمي بعد ثلاثه أيام..
وفعلا خطبها رسمي والكل كان مستانس ومبسوط وأولهم شذا اللي أخيرا تحقق حلمها وبتاخذ الشخص اللي تتمناه...
وتحددت موعد ملكة جمانه وشذا بنفس اليوم بعد أسبوع..والزواج بعد الملكه بشهر..........................................

نهاية البارت

إنشالله يكووووووون عجبكم البارت

لا تحرمووووني ردودكم واراءكم

اعتذر عن التأخير

واتمنى القى ردود تحممممممس ياحلووووووين~

توقعاتكم ل
7
7
7
7
7
7

في البارت القادم:

-الدكتور ووجه مايطمن:انا مش عارف أؤلك إيه..هوه دخل بغيبوبه ..ومحتاق دعواتكم
- سكتوا وصاروا يناظرونه قال:انا ابي اخطب حلا ونتزوج
- انصدم من اسلوبها معاه"هذي عهود ولا انا غلطان؟؟..ليه تكلمني كذا؟؟..ليه احس بصوتها نبرة حزن"...
-نزل لمستواها ورفع راسها بيده وجات عينه بعينها ناظرها بحنيه وبصوت هادئ:.....................
-ابو سلطان منفعل شوي:وشو مشواره بيوم ملكته وبهالفجر!!!
- نام بمركز الشرطه...بعد عمري اخوي خاطري اشوفه
- بندر!!......طريقة نطق اسمه ونبرة الصوت مو غريبه عليه لف و قلبه يخفق نفس نبرة صوتها!!!!...........

**~|عصفورة عرآقية|~** · 21-06-2012, 04:10 PM

رد: فـــمآن آلله يـــآلغــآلي / روووعه

-15-
" غيابي .. كان مو ب ايدي خذاني الحظ من صوبك !
جبرني الوقت أتناسى لأجل ب الخير تذكرني"

كلمت أم خالد اختها موضي بخصوص خالد وشذا واتفقوا يجون يخطبونها رسمي بعد ثلاثه أيام..
وفعلا خطبها رسمي والكل كان مستانس ومبسوط وأولهم شذا اللي أخيرا تحقق حلمها وبتاخذ الشخص اللي تتمناه...
وتحددت موعد ملكة جمانه وشذا بنفس اليوم بعد أسبوع..والزواج بعد الملكه بشهر

شذا:بعد اسبوع؟؟
أبو عادل:إي بعد أسبوع
شذا:بس يبه مو كنه بدري؟؟...مايمديني اتجهز
أبو عادل:والله يابنتي عارفين انه بدري بس عيال خالك عبد العزيز بيسافرون وخالك ابو سلطان يبيهم يحضرون
شذا:الله يعين

في بيت أبو سلطان..
ابو سلطان يكلم امه:يمه...انا حددت ملكة سلطان على جمانه بعد اسبوع يوم الخميس الجاي ويا خالد وشذا
شيخه ومستانسه:الله يبارك لهم انشالله
أبو سلطان:اللهم امين
وهنا دخلوا ابوفيصل وفارس بنفس الوقت:السلام عليكم وراحوا سلموا على امهم
أبو سلطان:محمد(أبو عبدالله) قال لكم عن موعد الملكه..؟؟؟
ابو فيصل:إيه من شوي دق علي وقالي وبيجي عشان يسلم على الوالده..وخبرته
نزلوا البنات خلود والهنوف ودانه وعهود وسلموا على أعمامهم وجلسوا معاهم
شوي الجرس يدق...قامت الهنوف تفتح الباب
الهنوف:هلا والله عمي...وتسلم عليه...
ابو عبد الله:هلا هنوف شخبارك؟
الهنوف:الحمدلله
ابو عبد اللله:ابوك هنا؟؟
الهنوف:إي واعمامي كلهم....ادخل عمي حياك
دخل ابو عبد الله وسلم على امه وعلى اخوانه كلهم...
وجلسوا حوالي ساعتين يتكلمون عن الملكه بعدها كل واحد راح لبيته...

بنفس اليوم في الليل الشباب جالسين بغرفة محمد ويتكلمون
بندر:حركات يامعرس...مستانس ها؟؟
سلطان:اكيد!...عقبالكم انشالله
الكل سكت وكل واحد سرح مع اللي بباله...وما صحاهم إلا صوت ضحكة سلطان...:ههههههههههه
فيصل:اسم الله عليك منت بصاحي ...على شنو كل هالضحك؟؟
سلطان:هههههههههههههههههه
ممحمد:لا والله انهبل اخوي
بندر:ههههههه اول مره اشوفه يضحك بهالشكل..
سلطان بعد ماسكت وبابتسامه:ابصم لكم بالعشره ان كل واحد منكم يحب له وحده
محمد وفيصل ارتبكوا..
بندر وبنفس الإبتسامه:إيه انا احب بس انت وش عرفك يالخبير؟؟
سلطان:انتوا ماشفتوا اشكالكم يوم اقول عقبالكم كل واحد راح بعالم حتى رد مارديتوا
الشباب:هههههههههههههههههههههه
سلطان:بسرعه الحين ابي اعرف كل واحد مين يحب اخاف يكون واحد منكم حاط عينه على مرتي ولا شي
فيصل:من ناحيتي تطمن انا بعيييد عنها
محمد:حتى انا
بندر يبي يهبل بسلطان ناظره وسكت..
سلطان:وانت يا ابو الشباب
بندر:مو لازم تعرف....خلاص حتى لو انها هي.. فاتتني بتصير لك
سلطان خاف:بندر تكلم منو؟؟
بندرويتصنع الحزن:قلت لك ماعاد يفيد الكلام..!! (وغمز لمحمد وفيصل)
سلطان انقلب وجهه
بندر:سلطان؟؟
ناظره سلطان بصمت
بندر:تحبها؟؟
سلطان منو؟؟
بندر:منو بعد..جمانه!!
سلطان: إي
بندر يبي يوقعه:شنو إي؟؟
سلطان بشوية عصبيه:إي احبها واموت فيها..!!
ابتسم بندر:عليك بالعافيه انا بعيد حييييييل عن مرتك
محمد وفيصل:ههههههههههههههههههههههههههه
لف عليهم سلطان:خير انت وياه؟؟
محمد:خخخخخ انتقمنا
سلطان:طيب اوريكم!!
وبحركه سريعه سحب فيصل ومحمد ورماهم فوق السرير وقفقز فوقهم وهاتك ضررررب فيهم..وهم يضحكون...
وبندر كان متسدح ضحك على أشكالهم لما دخلوا عليهم البنات...
وقف كل شي....بوصف لكم
محمد وفيصل فوق السرير وسلطان مكتفهم الإثنين وجالس فوقهم وبندر واقف على جنب يناظر في البنات....
لحظات صمت...
وشوي:هههههههههههههههههههههههههههههههه
عهود:الحمد لله والشكر استخف الولد وهو لسا ماعرس
الهنوف:لا صدق منتو بصاحيين
دانه:هههههه فصول شكلك تصفقت من المعرس
خلود:.................صمممممممت<< وجود بندر يربكها
وفجأه سمعوا صراخ راكان:يمه....سلطان.....فيصل...عمي عبد الله....
طلعوا كلهم براس الدرج يشوفون شالسالفه...
طلع ابو سلطان:خير انشالله؟؟
راكان وهو ياخذ نفس وبصوت يالله يطلع:ب...باسل
سلطان:اش فيه باسل؟؟
راكان :سوى...حادث...

بعد ساعتين..
في المستشفى الكل واقف بممر المستشفى ينتظرون الدكتور يطلع عشان يطمنهم على باسل..
انفتح الباب وطلع الدكتور...الكل عينهم عليه ينتظرون شنو بيقول...
ابو سلطان:ها بشر يادكتور...؟؟
الدكتور ووجه مايطمن:انا مش عارف أؤلك إيه..هوه دخل بغيبوبه ..ومحتاق دعواتكم..!!
...
خلود انهارت والهنوف اغمى عليها وام سلطان حالتها حاله..
والكل متأثرر باللي صار لباسل...واكثرهم...راكان..

**~|عصفورة عرآقية|~** · 21-06-2012, 04:12 PM

رد: فـــمآن آلله يـــآلغــآلي / روووعه

في بيت ام خالد..
دخل خالد البيت مفجوع...راح لغرفة امه دق الباب
ام خالد:تفضل
خالد ووجهه مخطوف:يمه..!!
ام خالد حست:إش فيك؟؟...شصاير؟؟
خالد:باسل ولد خالي عبدالله... صدم بسياره عند بيتهم وهو بالمستشفى وداخل بغيبوبه
ام خالد شهقت ودمعت عينها:لا حول ولا قوة إلا بالله...
وبعد شوي تذكرت حلا...
ام خالد وهي تبكي:خالد يمه قول لأخوانك لايخبرون حلا...اخاف يصير فيها شي..!!
خالد:انا قلت حق نواف وفهد بس الاء ماقدرت لأنها جالسه ويا حلا
ام خالد:يمه خالد خذني المستشفى ابي اشوفه واتطمن عليه
خالد:خالي ابو سلطان يقول مانعين عنه الزياره اليوم بكره انشالله ابوديك
ام خالد:طيب روح قبل لايوصل الخبر لالاء وتعرف حلا
خال:انشالله
طلع وراح للصاله وجلس مع البنات...
خالد:حلا حبيبتي قومي جيبي لي كاس مويه
حلا:يووووه خلود بليز ابي اشوف المسلسل
خالد:حلا قووووومي
حلا:وعينها بالتلفزيون قول حق الخدامه
خالد:انتي تعرفين ما احب اخذ شي من الخدامات
الاء:حلو قومي وفكينا!!
حلا ومعصبه:زين زين كاني قمت...
قامت وهي تتحلطم
واول ماراحت..
خالد بصوت واطي:الول...(ماسمعته)...ألول..!! ...
ولما لفت عليه:سمعيني عدل...باسل ولد خالي مسوي حادث وهو بالمستشفى الحي...........................
هنا شهقت الاء وسمعت صوت شي ينكسر ولما لفو
لقوا حلا واقفه بالصاله وحاطه يدها على فمها وعيونها مغرقه دموع...

مشت لعند خالد ومرت من فوق القزاز ولا همها....
حلا بصوت ممزوج بدموع: إش..اش فيه..ب..باسل؟؟
خالد مسكها ولمها لحضنه وبحزن:إدعيله ياحلا..!!
هنا انفجرت حلا بالبكي وظلت اكثر من ربع ساعه تبكي بحظن خالد وبعدها بعدت عن حضنه شوي وقالت:أبي أشوفه..
خالد:حلا خالي يقول مانعين الزياره عنه
حلا بإصرار:خالد انا ..ابي أشوفه...!!
خالد:بس ياحلا.....
قاطعته بصراخ:خالد انا بموت!!...
وبصوت واطي:بموت لوفقدته وانا ماشفته...
وببكي:خالد ابي اشوف باسل..!!
الاءاللي كانت تبكي قامت ومسكت حلا وضمتها
بعدت عنها حلا وهي منهار:اتركيني ودوني لباسل...ابي اشوفه....انتوا ماتفهمون؟؟؟
خالد:حلا حبيبتي اهدي...ولف على الاء:روحي جيبي عبايتها ابوديها
راحت الاء وجابت عباية حلاو طلعوا...

بالمستشفى حلا كانت تمشي بالممر وتشاهق..وصلوا للعنايه المركزه...
لقى هناك كل عيال عمه...ومعاهم ام سلطان والهنوف...وام فيصل..
حلا ناظرت الكل وعيونهم عليها..لفت على خالد وبهمس:ابي اشوفه!!
احتار خالد شيسوي..وظل يناظرهم
جاه سلطان:خالد
لف خالد عليه...:هلا
سلطان:خلها تدخل انا توني جاي من الدكتور وسمح لثلاثه اشخاص يشوفونه بس...
دخلت امي وكمان ابوي دخل وانا لسا خل حلا تدخل بدالي

ناظرت حلا بسلطان وهي تتمنى تشكره من قلب على هالموقف وحست انها مستحيه من موقفها
ناظرت بخالد وكأنها تقوله خلاص مابي احرجك
خالد فهم عليها وقال:لا ياسلطان اشدعوه..انت اخوه ادخل وانا اجيبها بكره تشوفه..
رجعوا خالد وحلا البيت وحلا هاديه شوي وعلى طول راحت على غرفتها ورمت نفسها عالسرير وهي تتذكر اخر مره شافت فيها باسل..

حلا وهي يالله تتنفس: ب..باسل....حرام عليك....تعبت....
باسل وهو نفس الشي: سلامتك.....من.... التعب.... تبين مويه؟؟؟
حلا:فيه هنا؟؟
باسل:لا فيه تحت بالمطبخ
حلا:مابنزل
باسل:انا بنزل....خليك هنا
وراح جري للمطبخ وأخذ علبتين مويه وطلع لما عندها
باسل من التعب جلس عالأرض:ها...خذي...وهذي...مويه...حق...حبيبتي...حلا
حلا:باسل؟؟...لاتتكلم خذ نفس
ابتسم باسل ومسكها من يدها وجلسها جنبه..
شرب مويه وهي بعد شربت وجلسوا ساكتين شوي..
باسل:حلوي
حلا:ها
باسل:لسا زعلانه مني؟؟
ابتسمت:لا
باسل:ماوحشتك؟؟
حلا:موت
باسل:مو كثري يالغلا
بكت بصوت عالي لما تذكرت شكله شلون يناظرها وتذكرت الحب اللي بعيونه
تصورت الحياه بدون باسل وجلست تبكي وهي تدعي من قلب ربي يحفظه لها ولا يحرمها منه..
حلا وباسل الكل يدري انهم يحبون بعض مووووت من وهم صغار مره ..
وصار موقف لما كان باسل عمره 10 سنوات..هالموقف اثر بالكل لدرجة ان الكل صار مقتنع ان باسل لحلا وحلا لباسل
حتى الكبار اقتنعوا بهالشي عشان كذا عادي اللي صار وخوف الكل من ردة فعل حلا...نسترجع الموقف

في الحديقه الخلفيه للفيلا حقة ابو سلطان باسل وفهد يتضاربون على حلا
باسل يكلم فهد بعصبيه:لا تمسكها!!<< يقصد حلا
فهد وحاط يده على خصره:أختي كيفي!!
باسل:وانا بعد زوجتي كيفي!!
فهد:وكيف صارت زوجتك؟؟..إذا صرتوا كبار تصير زوجتك
باسل ويرفع نفسه:ها انا اكبير الحين
فهد:لازم تخطبها وبعدين تتزوجها
باسل ببراء وكيف اخطبها؟
فهد:يعني تروح عند ابوك وابوها وتقول لهم انك تبي تتزوجها وإذا وافقوا تصير زوجتك
باسل بجديه ويناظر حلا:يلا تعالي
حلا:وين بنلوح؟(وين بنروح)
باسل ومبتسم:بنروح نخطبك من ابوك وابوي عشان تصيرين زوجتي^_^..
وبعصبيه قال:وبعدين انا ماقلت لك لاتقولين نلوح...قولي..نروووووح
حلا:طيب...يلا ن...ن...ر..و..و..و..ح
باسل ابتسم:يلا
وراحوا عند مجلس الرجال دخل باسل وماسك بيده حلا وراهم فهد...
المجلس كله رجال.....تقريبا الجماعه كلهم مجتمعين
وبصوت يقلد صوت الرجال:يبه..عمي بو خالد..!!
وبعد مالفوا عليه ارتبك لأن كل اللي بالمجلس سكتوا وصاروا يناظرونه قال:انا ابي اخطب حلا ونتزوج وابتسم ^_^

**~|عصفورة عرآقية|~** · 21-06-2012, 04:13 PM

رد: فـــمآن آلله يـــآلغــآلي / روووعه

ابو سلطان وابوخالد وكل اللي بالمجلس:ههههههههههههههههههه
باسل ضحك معاهم:ههههههههه<< مايدري شالسالفه
وبعدين راح عند ابوخالد وقال:ها عمي عادي؟؟
ابو خالد ومبتسم بحنيه:إنشاللله إن عشت وربي احياني انها من نصيبك واعتبرها خطيبتك الحين
ابو سلطان:انشالله بس لاصرت كبير ياباسل مو الحين
باسل:بابا انا الحين كبير (ويرفع نفسه) ها شوف!!
أبو سلطان عصب:باسل خلاص ماسمعت كلام عمك!!
باسل بزعل:طيب...ولف على حلا:يلا تعالي
وبعد ماطلعوا:حلا شفتي ابوك إش قال؟؟...لما نصير كبيرين بنتزوج..طيب؟؟
حلاوعيونها مدمعه:لا مابي... ابي الحين اصير عروسه
باسل وعيونه بتدمع:طيب لاتبكين خلاص انا بقول لبابا بعدين
حلا ابتسمت:طيب^_^
ومن بعد هاليوم لما الكل عرف بالموقف صاروا حاطين ببالهم هالفكره خصوصا
ان ابوخالد قال هالكلمه وبعدها باسبوع توفى..ومات وهو يوصي بحلا لانها كانت غاليه عليه حيييل

اليوم الثاني..بعد حادث باسل
فهد يكلم الاء:حلا وينها؟؟
الاء:بغرفتها طلعت بالظهر وماعاد شفتها
فهد:طيب كلت؟
الاء:لا حاولت فيها كثير بس رافضه تقول مالها نفس
راح فهد لها بالغرفه دخل ولقاها نايمه ومتلبسه باللحاف بدون مكيف وترجف وجسمها يرشح...
مسكها من جبهتها لقى حرارتها مرتفعه...
راح بسرعه نادى على الاء وقال لها تجيب فوطه مبلله وحطها على جبهتها وقال لالاء تنتبه لها...
راح لأمه وخبرها
وجات بسرعه وعطتها خافض حراره وجلست ساعتين وهي جنبها تغير لها الكمادات..
حلا وهي نايمه كانت تتمتم بكلمات ماينفهم منها غير كلمة باسل.
ام خالد تكلم خالد اللي من عرف عن حلا جا للبيت بسرعه..:مانزلت حرارتها وانا ماوقفت تكميد..!!
خالد:طيب باخذها للمستشفى جهزيها
ام خالد:رافضه تطلع بس تنادي على باسل
خالد:طيب يمه خليها تتحمم واذا مانزلت حرارتها دقي علي وبجي اوديها للمستشفى.

في المستشفى.. عند باسل الكل كان هناك عشان يزوره جا ابو عادل وعياله..
ريماس انهبلت لما عرفت عن باسل ولأنها خافت تقابل حلا هناك وتنقهر زياده ماراحت معاهم
دخلوا عند باسل شوي واسيل لما شافتهم مشغولين بباسل كانت تدور على راكان اللي من دخلت المستشفى ماشافته..
طلعت بالسيب وناظرت بكل الموجودين ماشافته وشوي سمعت صوت بندر..
بندربحده:اجمد...اترك عنك حركات البنات هذي!!
راكان ويبكي: ما ابيه يروح
بندر وعصب:شنو يروح هذي؟؟...انت ادع له ربي يقومه بالسلامه وبس....يلا مسح دموع البنات هذي لأتوطا ببطنك!!
مسح راكان دموعه...جات اسيل..وقفت عند بندر وراكان:سلام
بندر ويناظر راكان اللي كان منحرج:هلا اسول شخبارك؟؟
أسيل مستحيه:بخير شلونك انت ؟؟
بندر:بخير...يلا انا اخليكم على راحتكم ومشى وهو مبتسم.
وبنفسه"خخخخ شنو على راحتكم ذي نسيت انهم بزران"

بعد ماراح بندر
أسيل:شد حيلك راكان
راكان هز راسه...
اسيل ماتدري شتقول:امممم...راكان انت مابيدك شي غير تدعي ربي يقومه بالسلامه..بليز لا تبكي..ودمعت عينها
راكان مسك بيدها:ولا يهمك...انتي تامرين
رفعت راسها وشاف راكان دمعتها وكمل:بس بشرط
ناظرته بمعنى شنو؟؟
راكان:حتى انتي ما ابي دموعك تنزل
اسيل تناظر اهلها اللي طلعوا من عند باسل وهي تمسح دموعها:انشالله يلا باي بروح
راكان:مع السلامه

وبعد شوي جات ام مهند ومعاها جمانه ومهند..
وبالسيب شاف سلطان مهند وهو جاي من بعيد وراح له:هلا مهند
مهند:هلا سلطان...سلامته باسل مايشوف شر
سلطان وباين عليه الحزن:الشر مايجيك شخبارك؟؟
مهند:انا بخير شخبارك وشخبار الأهل؟؟
سلطان:بخير الحمد لله..وناظر ام مهند:شلونك خالتي؟؟
ام مهند:يخير الله يسلمك...سلامة باسل الله يشفيه ويقومه بالسلامه يارب
سلطان ومهند:اللهم امين
مهند ناظر جمانه عشان تتكلم
..جمانه وهي ميته من الحيا:شلونك سلطان؟؟ مايشوف شر اخوك
سلطان ومبسوط بداخله:بخير دامك بخير..الشر مايجيك
وبعد مامشوا ودخلوا عند باسل...تنهد سلطان وهو يتمنى انهم مملكين عشان تخفف عليه وتواسيه..

اليوم الثالث...ببيت ام خالد...صحت حلا بعد مانزلت درجة حرارتها:يمه...يمه
الاء:هلا حلو الحمد على سلامتك قلبو...تبين شي؟؟
حلا:ابي مويه
جات الاء وعطتها مويه
حلا بعد ماشربت...:الاء شخبار باسل؟.؟؟
الاء بتردد:على حاله
حلا:ابي اشوفه ودوني له!!
الاء:انشالله بنروح له كلنا...بس ننتظر نواف يجي الحين...قومي البسي عبايتك...
قامت حلا وفعلا راحوا له..ولما جوا بيدخلون خافت حلا ووقفت شوي عند الباب..مسك بيدها نواف وضغط عليها..
دخلت حلا واول ماشافته لا شعوريا نزلت دمعتها قربت منه..مسكت يده وحطت راسها عالسرير وظلت تبكي..
ام خالد خافت على بنتها يصير لها شي عشان كذا قالت لنواف يرجعون البيت وفعلا طلعوا كلهم من عند باسل..
وهم بطريقهم للبيت..دق موبايل نواف رد:هلا محمد.....صدق والله؟؟...الله يبشرك بالخير..ههههههههه...مشكور..لا الله يسلمك..فمان الله
ولف على امه بفرح:هذا محمد يقول باسل صحى من الغيبوبه
شهقت حلا
ام خالد وترفع يدها :الحمد لله..ألف حمد وشكر لك يارب
نواف يكلم حلا اللي من فرحتها جلست تبكي:حركات يابرنسيسه
ماصحى إلا بعد طلعتك من عنده...خخخخ..محمد يقول بشر حبيبته
استحت حلا وابتسمت بين دموعها وهي تشكر الله مليووون مره..
بعد ثلاثه ايام كانت ملكة العيال..

يوم الملكه...
في الصباح...
ابو سلطان يكلم ابو فيصل:ومتى رحلتكم انشالله؟؟
ابو فيصل:بكره بعد العشا انتظار..وبعده اكيد... يعني لو مو بكره بعد بكره
ابو سلطان والله يا اخوي كان بودي تجلس ويانا اكثر ولولا اني عارف ظروفكم ولا كان ماخليتك تطلع من السعوديه
أبو فيصل:تسلم يا اخوي والله ماتقصر

**~|عصفورة عرآقية|~** · 21-06-2012, 04:15 PM

رد: فـــمآن آلله يـــآلغــآلي / روووعه

في غرفةالبنات...
خلود:بكرا؟؟؟؟؟
دانه بحزن:إي
خلود ((مصدومه))..
عهود ببكوه:وربي مو مصدقه...احس مر هالشهر ونص بسرعه وما حسيت فيها
الهنوف:من جد...بس كانت احلى شهر ونص...وربي بفقدكم
دانه:خلاص بنات وربي ببكي نستانس اليوم ونطلع كل اللي بروسنا وملحقين عالحزن
دخل باسل بالجبس اللي برجله:أي حزن
عهود:هلا بسوووول !!
ابتسم باسل:هلا فيكم
دانه:كيفك اليوم؟
باسل:لا الحمد لله احسن بكثير...بس ماقلتولي اي حزن؟
خلود بنبره غريبه:عيال عمي بكره ماشيين على بريطانيا
باسل اللي كان مبتسم راحت ابتسامته:صدق والله؟؟
الهنوف:إي والله تو عمي عبد العزيز يقول لأبوي هالكلام
وشوي انضم لهم راكان:هاييووووو بنات
الهنوف:هلا والله وغلا بخطيبي (وتسحب خدوده)
راكان:أييي..عورتيني..وبعدين من وين جيت خطيبك؟؟
الهنوف وهي تقرصه بخده:خطيبي غصبا عليك
راكان:والله لو تسمعك...............وسكت
البنات:إيوه؟؟...مين؟؟
لف راكان على باسل وابتسموا لبعض وبعدها:ههههههههههههههههههههههههههه
عهود:كشفتك يا نصاب فيه وحده تحبك؟؟؟؟
راكان:امممم مين قال؟؟؟ ^_^
باسل:يعني حرام الواحد يحب؟؟؟؟...إيه يحب وانا احب وكلنا نحب...وش أحلى من الحب...اه بس اه
خلود ونست الموضوع مبتسمه:يعيييينك...خخخخ صدق رايحين فيها انت وولد عمك
باسل حط يده على كتف راكان:واأحلى اولاد عم...توائم...هذا عديل الروح
دانه من قلب:الله لايفرقكم..
ابتسموا باسل وراكان:اللهم امين
الهنوف:بس ماعرفنا اخونا راكان مين تحب...مين هاللي ماخذه عقلك غيري
راكان ابتسم وحمرت خدوده:احم...احم...امممم اسيل
عهود:إإإيييييييه صح من يوم الإستراحه فاكرين؟؟؟
راكان:لايقين على بعض صح؟؟ ^_^
خلود:مررررره وربي..ياحليلها اسيل تحب
وشوي بصوت بندر وكأنه تعبان:عهود..عهود!!
عهود:انا هنا بندر تعال
دخل بندر وبتعب ابتسم:شلونكم بنات؟؟
البنات:تمام
عهود ومعقده حواجبها:بندر كأنك تعبان
بندر:اي يعني ...نسيت اخذ الدوا امس واليوم
دانه عصبت:وربي كأنك بزر...إذا انت ما انتبهت لحالك منو بينتبه لك؟؟
بندر لف على راكان وباسل وبابتسامه:مو كأني جالس اتهزأ؟؟؟
باسل:إلا والله ملاحظ
دانه وعصبت زياده من برود اخوها:يحق لنا خواتك ونخاف عليك!!
بندر:خواتي خافوا وبنات عمي مايخافون؟؟...ناظر الهنوف وخلود بابتسامه^_^
الهنوف ابتسمت:نخاف اكيد بس مانبي نتدخل دانه وعهود قاموا بالواجب
بندر:من هالناحيه معك حق
وشوي بندر يأشر للبنات على خلود اللي كانت سرحانه بس بدون ماتحس.....وبعد فتره:خلود
خلود:.............................
بندرصرخ:ابو الخلد...!!!
خلود ورفعت راسها:هاه
الكل:هههههههههههههههههههههههه
عرفت خلود انهم يضحكون عليها وابتسمت
بندربمرح:وين كنتي يا ابو الشباب
خلود بابتسامتها:معاكم
الهنوف:مبين معانا
باسل:الظاهر مو بس حنا اللي نحب فيه احد غيرنا^_^
عهود:إي وبقوه
خلود انحرجت من نظرات بندر اللي كانت موترتها بنفس الوقت...:مو شرط
بندر بابتسامه حلوه:لا مبين عليك...بس عموما اللي ماخذ عقلك يتهنا به
خلود بنفسها"ومنو غيرك؟؟".. اكتفت بابتسامه
جا سلطان مبتسم...:السلام عليكم
الكل:وعليكم السلام
باسل:هلا باخوي هلا بالمعرس
سلطان:الله يسلمك
الهنوف:واو تهبل الله يرجك شنو مسوي بعمرك؟؟؟
سلطان ومستانس ويمسك دقنه وهو توه راجع من الحلاق:شرايكم؟؟
خلود:تهبل فديتك..اول مره اشوفك بهالكشخه لو تدري عنك جمانه بس
سلطان من قلب:ههههههههههههههه
بندر يعلق عليه:إي يحق لك منو قدك بتعرس اليوم عشان كذا الإبتسامه شاقه الحلق
سلطان:ههههههههههههههههههههه
باسل يكلم راكان:عقبالي انشالله
راكان بابتسامه:وانا بعد وياك^_^
باسل:ههههههه بيوم واحد انت واسيل وانا وحلا
راكان:والله تحمست اخ بس لو بيدي اقدم الزمن
باسل بنبرة هاديه:ركون تهقا بتكون لي؟؟؟
راكان بنفس النبره:قول انشالله
ابتسمو لبعض وكل واحد يدعي بداخله ياخذ اللي يبيها

**~|عصفورة عرآقية|~** · 21-06-2012, 04:17 PM

رد: فـــمآن آلله يـــآلغــآلي / روووعه

مر اليوم بسرعه...
خلود تحاول تتناسى ان اليوم هو اخر يوم لها ويا بندر وتحاول تشغل تفكيرها بتجهيزات ملكة اخوها
بس بندر مو مخليها لأنه اليوم يدق بزياده ويرسل مسجات بالنهايه قررت تقفل موبايلها
عهود اليوم بالنسبه لها هو يوم تصفية حساب ويا فراس لازم باي طريقه تقابله وتثبت له انها المنتصره
للمره الثالثه والأخيره صارت تحس السالفه بينهم تحدي وحرب واللي يغلب اهو الرابح
دانه كل همها تستانس باخر يوم لها بالسعوديه وتطلع كل اللي فيها ماتدري ان هاليوم بداية حدث بحياتها
بندر متضايق حييييل من خلود اللي مايدري ليه سوت فيه كذا واتخذ قرار صارم ومصر ينفذه بتعرفونه
فيصل حاط بباله شي ..لو تأجلت رحلتهم لبعد بكره بيكلم ابوه بخصوص فرح وبيخطبها
راكان اليوم بيودع اسيل...نفسه يسوي شي بس مايدري شنو خاطره مايمر هاليوم عادي لازم يسوي اكشن بحكم انه اخر يوم له

كان الوقت مغرب..
ا
لحريم بالصالون ينتظرون محمد يجي عشان يروحهم القاعه اللي بتصير فيها حفلة الملكه..
الكل جاهز ولابسين بس ينتظرون محمد...
ام سلطان:هنوف يمه دقيتي على اخوك تاخر
الهنوف:يمه لما دقيت اول قالي انه قريب يقول ربع ساعه وهو عندنا
خلود وهي موصله معاها:لك نص ساعه من كلمتيه..دقي شوفي ليه تأخر
دقت هنوف لقت موبايله مغلق...الهنوف:اففف مغلق
عهود:تبون ادق على بندر؟؟
ام سلطان اي الله يعافيك
وشوي ويدق موبايل الهنوف...ناظرت الرقم..:هذا سلطان
ردت:هلا بالمعرس
سلطان:هلا هنوفه انتو جاهزين؟؟
الهنوف:لشنو؟
سلطان:انتوا مو بالصالون؟؟
الهنوف:إلا
سلطان:طيب اطلعوا انا عند الباب
الهنوف:عيال عمي بوفيصل ويانا
سلطان:قولي لهم بيمرهم فيصل بعد شوي لأن السياره ماتكفي
الهنوف:ليه ماجيت بالجمس؟
سلطان:يوووه هنوفه انتوا اطلعوا وبس وهذا فيصل جا خليهم يطلعون
الهنوف:طيب
بعد ماقفلت:يمه سلطان برى
ام سلطان:وليه وينه محمد؟
الهنوف:مدري بس يقول اطلعوا وانتي ياخالتي (وتناظر ام فيصل) فيصل برى بتروحون وياه
طلعوا كلهم وركبوا ويا سلطان
ام سلطان بعد ماحركوا:وينه اخوك ليه جواله مغلق؟؟
سلطان:مدري هو دق علي قالي جاله ظرف وبيتاخر وقالي امركم
خلود:مدري مادخلت مزاجي هالسالفه
سلطان:حتى انا بس عاد مضطر اعديها له
وصلوا القاعه لقوا عيال عمهم كلهم هناك

سمر ومرام عند الباب:كلللللللللللوش
ام سلطان مبتسمه:فديتهم البنات يهبلون
لميس جايه جري:خلود الحمد لله عالسلامه مابغيتم تجون
خلود:افففف اسكتي تاخرنا بسبة هالعله محمد ماجا اخذنا الا سلطان
لميس بصراخ:المعرس؟؟
خلود ابتسمت اي المعرس
لميس:ليه وينه محمد؟؟
خلود:مدري عنه هالعله.وشافت بنات عمها..:واو وناسه يلا تعالي نروح لهم..

جمانه وشذا بنفس الغرفه..
شذا:جمجوم خايفه
جمانه:اجل شقول انا
شذا ماكنت متوقعه ان كل وحده بتاخذ الي تحبه اخبر هالاشياء ماتصير غير بالمسلسلات والأفلام
جمانه:ههههه الله يقطع شرك من جد والله حتى انا
شذا:واخيرا خلودي من نصيبي
جمانه:اه بس فديته سلطاني
شذا: اقول جمجوم العقل نعمه ههههههههههههه
جمانه:من جد ههههههههههههههههههههه
دخلت الهنوف:هاي ولما شافتهم: واو تهبلوووون
دخلت دانه:فديتهم بنات خالاتي العرايس
بعدها دخلوا كل البنات
خلود تتصنع الغرور:احم احم...البرنسيسه خلود جايه ابعدوا
جمانه:ارحمينا هذا وهي ملكتي انا..اجل لو انها ملكتك وش بتسوين..
خلود تضايقت:يوووه الله لايقوله تكون ملكتي
عهود:خخخخخخ اجل انتي زيي عندك عقده
مرام:اخبر اول من يعرس المعقدين دائما
عهود:لا اجل امزح
فرح:تصدقون بنات طالعين تهبلون
جمانه:منو احلى؟؟
فرح:كلكم تهبلون وربي
شذا:لا جد منو؟؟
دانه: وربي كلكم حلوين ماشالله كل وحده اقمر من الثانيه
دخلت الاء وحلا اللي توهم جايين:هاي
حلا:فديتها حرمة اخوي
انحرجت شذا:فديتك انا
وسلموا على بعض
الاء:فاتك شذو.امس خلود طربان تقولين محد بيعرس الا هو
شذا:ههههههههههههههههههه
حلا:لا وماسكني انا والاء يوصي فيك كانه زواج مو ملكه...بالنهايه امي قالت له:خل عنك الهبال واثقل ....استحى...فاتكم شكله
البنات:ههههههههههههههههههههه
الاء:لا انتي لاعبه بعقل الولد استخف من لما قرر يخطبك اساسا لو تدرين شلون قال لنا
شذا ومبتسمه:شلون
قالت الاء الموقف حق صراخ خالد لما تعين مدير بفرع الدمام وقرر يخطب
الهنوف تتريق:ووواو شذو خطيبك رومانسي
سمر:هههههههه احسه عربجي مره
البنات:ههههههههههههههههههه
شذا:اقول انتي وهيه لاتحشون بزوجي..
لميس:ارحمينا ارحمينا.. قال زوجها قال
رهف:إلا على الطاري وقعتم ولا لسا
جمانه:لا لسا يقولون الشيخ الحين هناك
ومامداها تكمل.. إلاباسل داخل بالدفتر...شهقوا جمانه وشذا...
جمانه:ليتني طريت مليون
شذا:اونتي الصادقه...يوووووه بطني يعورني..
باسل:احم السلام عليكم<< يترزز
البنات:وعليكم السلام
باسل:الشيخ يقول عطيهم يوقعون خمس دقايق وبسحب الدفتر اخلصي انتي وهيه<< حشا امتحان
مرام:الشيخ قال؟؟؟ وبعدين دامهم مستعجلين ما ارسلوا غيرك يالمكسر(وتناظر الجبس اللي برجل باسل)
باسل حقد على مرام:إيه هو قالي...وابتسم ...عالبركه بنات
جمانه وشذا: عقبالك

**~|عصفورة عرآقية|~** · 21-06-2012, 04:18 PM

رد: فـــمآن آلله يـــآلغــآلي / روووعه

ابتسم باسل:انشالله بحياتكم قريب ^_^ ويناظر حلا اللي هو منجن بشكلها
حلا انحرجت والكل يناظرها
لميس:ياهوووووو اموت انا
جوا يبون يوقعون إلا مافي قلم...
جمانه:احسن
شذا:اي والله
مرام:هيييي انتي وهيه حشا تقولون بتوقعون على حكم إعدام تراه زواج مو شي
باسل:وحده تنزل تجيب قلم من راكان
عهود:انا بنزل...نزلت تجري...حسبالها بتلقى راكان تحت..ناظرت مالقت احد..
راحت قريب من قسم الرجال وطلت من الباب سمعت صوت شخص غريب وكأنه قريب منها ولفت على طول وهربت جرييييي..وفجاه ضربت بشخص ثاني ولأنها لابسه كعب عالي فقدت توازنها وطاحت عليه
هو تلقائي مسكها وصار محوط عليها بيدينه وكأنه حاضنها..
عهود ماودها ترفع راسها وتعرف منو..متفشله حدها
هالشخص عرفها على طول..وصار قلبه يدق بشكل مو طبيعي لدرجة ان عهود حست بصدره اشلون يرتفع ويرتخي..
لما طولت حست نفسها بايخه ورفعت راسها وانصدمت"لا ..لا...بليز إلا انت.."..:فراس!!!
فراس مرتبك من قربها منه مافي مسافه تبعد بينهم لدرجة انه يحس بانفاسها..
بوصف لكم اشكالهم..
عهود لابسه فستان اسود حرير من عند الصدر توب وعالجنب فيه بروش ورده حمراء..ماسك لحد الخصر وبعدها جاي وسيييع وطويل بذيل ومن قدام مفتوح لحد الركبه...وشعرها مسويه فيه تسريحه بسيطه وجايبه شعرها عالجنب بشكل مخليها مرررره كيوووت وحاطه مكياج خفيف بس مثقله الميك اب من حول عيونها بشكل يبرز جمالها..
فراس كاشخ لأابعد حد وشكله رزه بالثوب والشماغ وريحة عطره الرجولي المميز..محلق الدقن وحاط شنب وسكسوكه خفيفه ...وشكله ببساطه جنان
بهددوء قالت له:ممكن تتركني؟؟
فراس انتبه لحاله وتركها بهدوء وهو متوتر حده وعشان يخفي توتره قال بحده:مره ثانيه حاسبي!!!
عهود بهدوء ماتعود عليه فراس:اوكي
ومشت
كانت مخططه لمثل هالموقف انه يصير اليوم بس مو بهالشكل ولا بهالوقت..
فراس ظل يناظرها لحد ما قربت من مدخل الحريم..وفجأه لفت..وبنفس الهدوء اللي من شوي قالت:طيب..ممكن قلم..العرايس يبون يوقعون..
فراس انصدم من اسلوبها معاه"هذي عهود ولا انا غلطان؟؟..ليه تكلمني كذا؟؟..ليه احس بصوتها نبرة حزن"...
وفجأه أرتبك فراس من حركتها لما جات لما عنده وسحبت القلم من جيبه وبصوت يالله ينسمع قالت:دقيقه وبرجع واخذته واختفت فجأه
فراس يحس انه يحلم...ظل مصنم بمكانه فتره طوييييييييييييل وما صحى إلا على اصوات فهد ونواف..:هيييييييي أبو الشباب
فراس:هلا
نواف:لا لا الأخ منتهي....وين كنت؟؟
فهد:من الحين تفكر بالعرس؟؟؟
ابتسم فراس..
نواف:لا من جد الاخ يحلم من ساعه وهو سرحان ومبتسم
فهد ويغمز:لا يكون شايف لك وحده
نواف:شكلها هذيك المزيونه اللي بالخطوبه هع
فهد:أي مزيونه
فراس عصب:وجع انت وياه يامال الماحي اللي يمحيكم...انطموا صجيتوني
ومشى وتركهم
فهد ونواف منصدمين
نواف:اقول فهود ما تحس انا تهزأنا؟؟
فهد ويناظر مكان ماراح فراس:إلا وبقوووه بعد

نرجع للبنات..
دخلت عندهم عهود ووجهها مقلوب...
كانوا البنات يسولفون ويا باسل
باسل:والله تبون الصراحه...العرسان يوم شفتهم ماعرفتهم...شكلهم مبيتين عند الحلاق
البنات:هههههههههههههههههههههههه
الاء:بنشوفك يابسول لما تتزوج شنو بتسوي
باسل:أحم احم انا اسم الله علي مايحتاج ولا؟؟(( ويناظر حلا))..اللي تبخرت من الحيا
خلود:أقول اترك البنت بحالها حرام عليك..
عهود:ترى من الصبح واقفه بالقلم هنا
باسل:يوووووووووووووه نسيت التوقييييع...بيذبحوني المعاريس
البنات:هههههههههههههه
بعدها وقعت جمانه ووقعت شذا
والكل:كلولولولولولووووووش

عند الرجال سلطان اول ماوقعوا البنات والكل بارك له..أخذ فيصل وانسحبوا بدون محد يحس...وسيده على الشرطه..
سلطان يهدي محمد اللي كان مقلوب كيانه:خلاص ياخوي صار خير كل شي بينحل
محمد:شلون بينحل اقولك داعس لي واحد تقولي ينحل!!!!
سلطان:هذا هو فيصل راح المستشفى بيشوف شنو صار عليه وانشالله كل شي بسيط
محمد بيأس:الله يسمع منك....ماقلت لي محد سأل عني؟؟
سلطان:إلا قول فيه احد ما سال؟؟...الوالد والوالده اسألوا
محمد بخوف:لا يكون بلغتهم
سلطان:لا محد يدري غيري انا وفيصل
محمد بحزن:انا اسف ياخوي حتى فرحتك ما اكتملت من سبتي
سلطان ومبتسم ويربت على كتف محمد:شنو هالحكي حنا اخوان يا ابو سلطان
محمد هنا اكتفى بابتسامه وهنا عرف قيمة الاخو وانه السند لأخوه بكل وقت
بعد ساعه دق عليه فيصل
سلطان ويناظر محمد:هذا فيصل!!
محمد ناظره بخوف يعني رد
رد سلطان:هلا فيصل ...ها بشر!!....لاحول ولاقوة إلا بالله...الله يستر...يلا فمان الله وقفل
محمد:ها بشر
سلطان بحزن:الولد عمره 20 ويقولون دخل بغيبوبه
محمد:لاحول ولاقوة إلا بالله..طيب؟؟
سلطان: انا اعرف واحد من اخوياي ابوه له نفوذ وانشالله بتطلع اليوم عشان ملكتي وبعدها يصير خير
بعد ساعتين العيله حرقوا موبايل سلطان وفيصل من كثر الإتصالات...وقتها كان محمد راكب ويا سلطان وفيصل وراجعين للقصر
طبعا اول مادخلوا اخذوا لهم قد شعر روسهم تهزئ...حتى المعرس^_^
خالد دخل عند شذا بعد ماوقعت بفتره أما جمانه ظلت تنتظر سلطان بس ماحد جاب طاري...تضايقت حيل لماعرفت انه مو بالقصر
جمانه"شيقصد بهالحركه؟؟..من بدايتها كذا؟؟.."...
دانه بهمس لفرح:شكل جمجوم واصله معاها..
فرح:يحق لها والله
دانه:تعالي نروح نهديها
فرح:لا سمر تقول لاحد يكلمها وهي بهالحاله

رواية / فمان الله يالغالي (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget