رواية / فمان الله يالغالي (كاملة)

**~|عصفورة عرآقية|~** · 07-07-2012, 03:59 PM

رد: فـــمآن آلله يـــآلغــآلي / روووعه

-19-
"ندور من الهروب .. هروب ..
كن الشمس هي غايتنا ..
وتصافحنا شمسنا .. ب غروب ..!.."

اليوم الثاني....راحوا مهند وعادل وسلطان وعبود للمطار يستقبلون ابوفيصل وفارس وفيصل
خذوهم وراحوا لبيت ابو سلطان

بعد يومين

عبود يكلم ابوه:يبه انا معزم اتزوج وابيك تخطب لي
ابوعبدالله فرح من قلب:والله هذي الساعه لمباركه ياولدي بس من تبي انت ومايصير خاطرك إلا طيب
عبود مستانس: تسلم يبه...انا والله مابلقى احسن من الهنوف بنت عمي عبدالله
ابوعبدالله: ونعم الإختيار ياولدي.. والله مافي احسن من بنات عمك من لحمك ودمك
عبود:طيب يبه متى تكلم عمي؟؟
ابو عبدالله انشالله بكره بكلمه
عبود يكمل:والخميس نروح نخطبها رسمي
ابوعبدالله:صار اجل
عبد بنفسه"يس!!.."

ابو فيصل وفيصل بالسياره راجعين من الشركه وهم مستانسين لأن الصفقه رست عليهم وكسبووها
فيصل يحس هذا الوقت المناسب عشان يتكلم:احم ....يبه
ابوفيصل:هلا
فيصل:يبه انت قبل وعدتني تخطبلي وانا بصراحه ببالي وحده وابيك تخطبها لي قبل تروح البنت من يديني
ابوفيصل ومبسوط:هذي الساعه المباركه وانا عند كلمتي انشالله..وإذا تبي اخطبها لك قبل نسافر..!!
فيصل واستانس:ياريت والله يبه
ابوفيصل:خلاص تم بس ماقلت لي منو بنته؟
فيصل:ابي فرح بنت عمي محمد
عبدالعزيز:ونعم والله باكر انشالله بكلم عمك ونشوف إذا وافقت البنت تروحون تحللون قبل نسافر
فيصل ابتسم وهو ياخذ نفس:تسلم يبه الله يخليك لي ذخر

فارس بغرفته وراح يجن من التفكير..تعب .. له 4 ايام مو قادر يشيلها من راسه..صرخ بصوت عالي:روووووحي من راسي اطلعييييييييييييي...!!
دخلت خلود:اسم الله عليك فروس شفيك؟؟؟ تعبان؟؟
فارس وهو يجلس على طرف السرير تنهد تنهيده طويييله وهو يحط يدينه على وجهه: لا مافيني شي اتركيني
خلود وخايفه عليه:فروس لاتضحك علي اعرفك زين مبين عليك تعبان انت نمت امس زين؟؟
فارس بحده:اي نمت زين خلود اطلعي وقفلي الباب وراك!!
خلود مصدومه من حالة عمها:انشالله
طلعت وقفلت الباب

فراس ضرب الكومدينه بيده بأقوى ماعنده وجات يده على برواز فيه صورته مع امه...انجرحت يده وما حس فيها
طلع من الغرفه وشافته ام سلطان
شهقت لما شافت يده وينزل منها دم:فارس!!
لف عليها وبتعب:هلا ام سلطان
ام سلطان:شفيها يدك؟؟
رفع يده وانصدم لما شاف الدم فيها ليه ماحس؟؟ رد:مافيها شي جرح بسيط
ام سلطان:انزل تحت بالصالون ولا تطلع برسل لك وحده من البنات بمعقم جروح ولصق
فارس يحس نفسه مخنوق:ما يحتاج تسلمين مستعجل وبطلع
ام سلطان وهي رايحه لغرفتها: مب بكيفك انتظر
وراحت قبل مايتكلم

نزل فارس تحت وجلس بالصاله ورمى نفسه عالكنب

دخلت الهنوف وتمت تناظر فارس ومستغربه من كلام خلود عنه
راحت له بدون ماتتكلم وخذت يده وعقمتها ولفتها
فارس قبل ماتطلع الهنوف: مشكوره هنوفه
الهنوف لفت على عمها بإبتسامه حلوه: ولووو فروووس..توصي شي؟
فارس ويحط يده على راسه:اي لاهنتي ابي بندول راسي بينفجر
الهنوف ومستغربه حالة عمها: انشالله على امرك

شوي ودخلت خلود بكاس مويه وبندول عطت فارس وبلعه بسرعه
خذت خلود الكاس من يده وبقلق واضح بصوتها:ها كيفك الحين انشالله احسن؟
فارس يبي يطمنها:الحمد لله
خلود وهي تطلع:مر على امي شيخه من شافتك الصبح وهي مو متطمنه
فارس:انشالله
طلعت خلود وهي متضايقه عشان حالة عمها

**~|عصفورة عرآقية|~** · 07-07-2012, 04:00 PM

رد: فـــمآن آلله يـــآلغــآلي / روووعه

راحت غرفتها رمت نفسها عالسرير
جلست تتذكر ايامها مع بندر..ابتسمت لما تذكرت بدايتهم مع بعض منو كان يصدق انها بتصير تعشق تراب الأرض اللي يمشي عليها
تذكرت المسج اللي ارسله لها قبل يسافر..معقوله من جده وهي انتهت من حياته؟؟...معقوله يكون نساها خلاص؟؟
اشتاقت تشوووفه.."انا غبيه لو اني مامسحت صورته من موبايلي كان انا شايفته الحين......ياربييي ما عندي صوره له..."
تذكر التصوير اللي صورته بخطوبة جمانه..
راحت جريييي على غرفة الهنوف وخذت الكاميرا ودورت على تصوير الخطوووبه

واخيرا لقته..
سلطان وفيصل ومهند وعادل وخالد...داخلين برزه وهدوء
بدر كعادته يدخل بدون محد ينتبه له او يحس بوجوده
نواف وبندر ومحمد وماجد وعبود(المهبل) داخلين ويرقصون بس كانوا خطيريييييين
فهد:داخل بملامحه الهاديه والإبتسامه على وجهه وشكله كان مررررره جذاب
باسل وراكان كانوا بعالم...داخلين وباسل يعلم راكان شلون يرقص خليجي وأشكالهم تحفه..
دخلوا كلللللللللللهم وراحوا على طول يسلمون على شيخه اللي كانت متشققه وناسه على أشكال أحفادها..وبعدها راحوا يسلمون على خالاتهم..وحده وحده..
دخل فارس عمهم...
البنات بصوت واحد:كللللللللللووووووووش
وبعدهم الحريم:كلللللللللللللووووووووش
عاد شلة المهبل لزوم الإستهبال عندهم:كلللللللللللللللللللووووووووش
فارس:ههههههههههه يضحك على أشكال الشباب وهم يزغرطون
البنات:هههههههههههههههههههههه
جلسوا الشباب فتره واللي يرقص واللي يتمايل واللي رزه ومكتفي بابتسامه بس اللي من جد فالها فارس لأول مره يرقص عاد البنات بس شافوه يرقص وهاتك تشجييييع وحماس...ودخلت ديما معاه في الرقص بحكم إنها ما تتغطى عن أي أحد ومعاها ريماس وأسيل وتحمس فارس معاهم...

ضحكت من قلب والدموووووع بعينها الله شكثر كانت ايامهم حلوه...تمنت من قلب ترجع لها الأيام

خذت على نفسها عهد ماتحرم نفسها من بندر لو جاتها الفرصه..

وحطت ببالها اول سفر له عالسعوديه راح تخبره منو تكون وتعتذر عن كل الأيام اللي ابتعدوا فيها عن بعض وتوعده ماتتخلى عنه ابد

ابتسمت والدموع تنزل على خدها وهمست " احبك يا اغلى من سكن قلبي"

ابو عبد الله كلم اخوه بخصوص عبود والهنوف وابو سلطان لازم ياخذ شور الهنوف بالاول

اليوم الثاني ابو فيصل يكلم ابو عبدالله

ابوفيصل:والله ياخوي الولد شاريها ويبيها بالإسم بلغ البنت وإذا انها موافقه نتمم الموضوع قبل نسافر انا باقيلي 5 ايام وبسافر
ابو عبدالله:على بركة الله ببلغها ومايصير خاطره فيصل إلا طيب..وهي مابتلقى احسن من فيصل رجال ويعتمد عليه
ابوفيصل:تسلم ياخوي بس لو تعجلون يكون احسن
ابوعبد الله بروح ابلغ البنت

فرح بغرفتها وجالسه ترتب ومبتسمه من عرفت ان ابوفيصل تحت
وتدعي بنفسها يكون فيصل معاه
دق باب غرفتها
راحت تفتح وتفاجأت انه ابوها
ابو عبد الله ومبتسم بغيتك يابنتي بكلمه
فرح مصدومه:ادخل يبه هلا
دخل ابو عبد الله وجلس على طرف سريرها
مسك بيدها وجلسها جنبه
ابوعبدالله بدأ بالموضوع: يابنتي............................................ ...........

**~|عصفورة عرآقية|~** · 07-07-2012, 04:02 PM

رد: فـــمآن آلله يـــآلغــآلي / روووعه

بهاللحظه لميس بغرفتها ودقت على موبايل خلود لقته مغلق دقت عالبيت
رد محمد لما شاف الرقم توقع انها لميس ورد عشان ينرفزها:هلا خالتي
لميس:السلام عليكم
محمد:وعليكم السلام هلا والله شخبارك خالتي شمسويه؟؟
لميس تنرفزت "هذا من جده يحسبني امي؟؟؟ مايميز الأصوأأت!!":خلود موجوده
محمد يستهبل: امي؟؟ إي لحظه اناديها لك....يمه....يمه
طلعت عيونها وهي تسمعه ينادي امه
محمد يرجع السماعه على اذنه:أيه خالتي سلمي على ماجد وعبود وبدر وخلونا نشوفكم قريب خذي امي معاك
وعطى امه السماعه

محمد رمى نفسه عالكنبه وهو فاطس ضحك ويتخيل شكلها
ام سلطان تكلم:معليش يابنيتي..الحين اناديلك خلود سلمي على امك وعلى فروحه..
تركت السماعه وراحت تنادي خلود
محمد استغل الفرصه ومسك جواله راح قريب من السماعه وشغل نغمة نوكيا المعروفه وقفها وهو يسوي نفسه يرد
هلا حياتي...هلا ياعمري....سوري قلبووو تأخرت عليك...بس خالتي دقت وماقدر ارد عليك لأني كنت اكلمها
لاحبيبتي عادي...وانا بعد احبك...يلا يلا باي لاطلعت من البيت بكلمك...باي
كل هذا ولميس تسمع وصدقت انه من جد يكلم بنت دمعت عيونها وقفلت بدون ما تكلم خلود فصلت تلفون البيت وقفلت موبايلها

جات خلود:هلا لموسه...الووووو...لميييييس الووووو.....يؤ شفيها قفلت..رجعت تدق عالبيت محد يرد
محمد يطقطق بموبايله وكاتم ضحكته
لميس راميه نفسها عالسرير وتبكي من قلب

نرجع لفرح..
ابوعبدالله وهو طالع من الغرفه:فكري يابنتي وبكرا رديلي خبر مثل ماقلت لك عمك مستعجل
فرح وهي مصدومه تهز راسها
اخر شي توقعته ان فيصل ممكن يفكر فيها واللي صدمها زياده انه طالبها بالإسم
"ياربي ساعدنيييي...."

اول مانزل ابوها راحت تجري لغرفة اختها من فرحتها فتحت الباب وبصراخ:لمي.............سكتت وهي تشوف اختها مقطعه نفسها بكي
راحت لها ومسكت بكتفها وبهدوء:لموسه شفيك؟

لميس تبكي من قلب وماتتكلم
فرح خافت على اختها..تعرف لميس ما تنزل دمعتها إلا على شي كبير:لميس حبيبتي شصاير؟؟
لميس من بين شهقاتها:ح....ق..ي...ر...ما....ي..س..ت.. ا.ه..ل......ذ..ر...ة.....اه...ت...م..ام.. .م..ن..ي...ح..ي..و..ا...ن
وضاعت كلماتها بين دموعها..
فرح فهمت ان لميس مجروحه من شخص تحبه بشي كبير وانصدمت ان اختها تحمل مشاعر لأحد..
ذبحها الفضول تعرف منو وبنفس الوقت حقدت عليه من قلب وهي ماتعرفه
تركت اختها لانها تدري انها ماتحب احد يشوفها بهالحاله

اول ماطلعت من غرفة لميس ويرن موبايلها ناظرت الرقم حصلتها خلود

ردت عليه:هلا خوخه...الحمد لله تمام انتي شخبارك؟؟.....لابس خايفه على لميس....ابد من شوي دخلت غرفتها ابي اخبرها بشغله والاقيها ذابحه نفسها بكي.......والله ماقدرت اعرف ليه.....طيب دقايق خليك معاي

رجعت دخلت غرفة لميس حصلتها واقفه عند المرايه وتمسح دموعها وتكلم نفسها: مايستاهل دمعه هالمتخلف...مو لميس اللي تبكي على امثاله..
فرح انصدمت من اختها:احم....(انتبهت لها لميس)...
فرح وهي تمد بالموبايل للميس:خلود تبي تكلمك

لميس خذت الموبايل وفرح طلعت وسكرت الباب وراها

**~|عصفورة عرآقية|~** · 07-07-2012, 04:04 PM

رد: فـــمآن آلله يـــآلغــآلي / روووعه

خلود نايمه على سريرها وفاتحه الإسبيكر:هلا لموسه شفيك خوفتيني عليك
محمد كان مار من قدام غرفة خلود ولما سمع اسمها دخل

لميس هنا ماقدرت تمسك نفسها بكت ومن بين دموعها: قولي حق اخوك اني مو مستعده اذبح نفسي عشانه باللي مايحفظه وخوياته معاه..يحسب اني ميته عليه واشكاله مشكلتي ماحسيت بحالي إلا وانا احبه ....(سكتت شوي ماينسمع غير شهقاتها وخلود تناظر محمد).... بس والله والله وعزة اللي خلقني وخلقه ياللي يجرح قلبي بكلمه لأخليه والأرض اللي يمشي عليها بمقام واحد

خلود انصدمت بكلام لميس وعرفت انها تقصد محمد تضايقت من كلام لميس عن اخوها وبهدوء:طيب انتي اهدي الحين واذا هديتي دقي على موبايلي
سكتت لميس وتمت تبكي
خلود:يلا اتركك الحين باي
وقفلت

محمد مصدوووووم ومايتحرك ماتوقع انه جرحها لهالدرجه ولا توقع ان لميس تحبه
واللي صدمه زياده انها شايله عليه حييييييييل توه يحس انه زودها مع لميس قطع عليه حبل افكاره خلود وهي تناديه
خلود وهي تلعب بجوالها: محمد شسويت لها؟؟...شصار؟؟...لميس مو شي هين ينزل دموعها

محمد بينه وبين الإنهيار شعره بصوت يالله ينسمع: ماكنت اقصد
خلود عرفت ان اخوها متضايق من اللي سمعه:محمد انت لازم تعدل وضعك معاها ولا ماراح تسامحك وانت ماراح ترتاح
هز راسه وطلع من غرفتها بدون مايتكلم

تنهدت خلود.."محد مرتاح يا إحساس..."

××بمكان ثاني××

ام خالد تكلم بناتها: تجهزووا خالتكم موضي عازمتنا عندها عالقهوه
الاء:واو اخيرا بشوف مروووومه
حلا متضايقه:ما ابي اروح يمه مالي خلق
ام خالد وهي تطلع من الغرفه:كلكم بتروحون مب بكفيكم تجهزوا ولا تتأخرون المغرب بنروح
حلا:افففففف كل شي غصب بهالبيت
الاء:هدي اعصابك حلووووي خلاص عاد مو انتي اول وحده تغطي على ولد خالها
حلا وهي توقف قالت بحده:وحبيبها.....(وبحده اكثر)..ولد خالها وحبيبها يا الاء..!!

ابتسمت الاء وهي تتذكر اش كثر كان عادل يحاول يحتك معها وهي ماكانت تنتبه وما استوعبت إلا بعد ماغطت عنه
"انشالله اشوفه اليوم..^_^"

××بعد المغرب كانت ام خالد وعيالها ببيت اختها××
البنات جالسين بالصاله بالدور الثاني
مرام تهمس لالاء وتناظر حلا اللي من جات ماتكلمت ولا كلمه:شفيها حلا؟؟
الاء مبتسمه وتغمز:مشتاقه لحبيب القلب
مرام:ههههه الله يكون بعونها خلود تقول بسول بيموووت وحالته حاله
الاء:محد احسن من احد كلنا مرينا بهالحاله
مرام تغمز لها:مع منو مريتي؟؟
الاء تورد خدودها وضحكت
مرام جات بتفتح لها محضر وقطع عليها صوت عادل وهو ينادي:مرام
ابتسمت الاء وهي تسمع صوته
مرام وهي قايمه:جايه...!!...وقبل لا تطلع:راجعتلك..مب مخليتك حتى اعرف..

**~|عصفورة عرآقية|~** · 07-07-2012, 04:04 PM

رد: فـــمآن آلله يـــآلغــآلي / روووعه

بعد شوي رجعت مرام وهي تتحلطم:الحمد لله والشكر صدق انهم ينرفزون هالعيال
الاء وكاتمه ضحكتها على شكل مرام:ليه انشالله شصاير؟؟
مرام معصبه:هالخبل عددوووول مناديني عشان يسألني منو عندكم...
الاء ضحكت جواتها"يالبى اللي يسألون بس"
مرام:الاؤووووه بتقولين ولا اشلون؟؟
الاء:لا بقول بس شنو ^_^
مرام: صدق انك...ماني قايله.......قوليلي منو كنتي تقصدين لما قلت محد احسن من حد؟؟
الاء:هاه..أها
مرام:وشو هاه اها...؟؟..منوووو تكلمي..!!
الاء:بقلك كل السالفه بس توعديني الكلام مايطلع
مرام:أفا عليك قولي بس
الاء خبرت مرام بكللللل شي
مرام:أها وانا اقووول شفيه الولد يتميلح من ساعه..صدق انكم مب هينين ياروميو وجوليت
الاء ضحكت من قلب
أسيل وريماس جوا: مراموووه عادل يقولك يبي يبدل ملابسه روحي شوفي شيبي عشان تجيبينه له
مرام:قولوا له يدخل ماكوا احد غريب
الاء تناظرها وعيونها بتخرج:وانا مب ادميه قدامك؟؟
مرام وتغمز لها:إنتي خطيبة المستقبل

شوي ويدخل عادل...حس ببروده تسري بجسمه وهو يشوف الاء
شال عينه قبل ماتنتبه مرام وقال:شخباركم بنات؟؟
الاء وحلا:بخير الله يسلمك
راح لغرفته بدون اي كلمه
مرام تدق الاء برجولها..

حلا تتحلطم"يخلوني اغطي على باسل اما عادل حلال يشوفني افففف"
مرام والاء ناظروا بعض وضحكوا:ههههههههههههههههههههه

عادل وهو بغرفته سمع ضحكتها" يالبى الضحكه بس فديييتك قريب انشالله وانتي لي"
طلع وقزها قبل لا يطلع ومرام ما رحمت الاء تعليقات

××في مكان ثاني××
الهنوف توقعت خطوبة عبود لها وما انصدمت تصنعت انها متردده وهي طايره وناسه وناويه بداخلها تعذبه على بال ماتوافق
خلود اول ماسمعت بالخبر راحت لغرفة اختها دقت الباب
الهنوف من اخر الغرفه:ادخل
خلود داخله بإبتسامه:كلولولولولووووووش
الهنوف ضحكت على هبال اختها
خلود:ياهووووه بس اش هالحركات بيصير عندنا عروس بالبيت
الهنوف:عروس مره وحده !!...خليني اوافق بالأول
خلود وتغمز لها:داريه فيك بتوافقين
الهنوف وهي تلف:مو شرط
خلود:بعد موقف ...وحطت يدها على فمها وما كملت
الهنوف:بعد موقف شنو؟؟
خلود:هاه...اي بعد موقف القهوه...انا قلت مابتعدي هالطيحه بسلام
الهنوف:ههههههههههه مو بس هالموقف..خل اقولك بدايتي مع هالولد..
خلود بصوت متغير:مو الحين والله مالي خلق اسمع شي
الهنوف لاحظت:خوخه شفيك؟؟
خلود:والله اوضاع بيتنا رايحه فيها
الهنوف:ليه اش فيه
خلود: حالة فارس مو عاجبتني مبين عليه تعبان حيل وشايل همووووم تخيلي امس صحيت 3 الفجر لقيته بالصالون رامي نفسه عالكنب ومنشغل باله مررره
لدرجة اني دخلت عنده وما حس فيني..انا خايفه يكون صاير له مشكله كبيره حنا مو داريين
الهنوف:خوخه لا تخوفيني عليه انشالله ما فيه إلا العافيه وبعدين عشان فارس صارت اوضاع البيت!!!
خلود:مو بس فارس..باسل نفسيته بسابع أرض عشان حلا..ومحمد مررررره متضايق
الهنوف:يؤ محمد؟؟...شفيييه؟؟
خلود:والله مدري شالسالفه بس بقولك اللي صار
وحكت خلود عن مكالمة لميس والكلام اللي قالته عن محمد

الهنوف:والله حاله...الله يكون بعونهم اخواني
خلود وهي سرحانه بالفراغ: الحب مو مريح احد
الهنوف فطست ضحك:هههههههههه شفيك تقولينها كأنك مجربه
خلود انتبهت:وش هي اللي اقولها؟؟
الهنوف:هههههههههه لا رايحه فيها والله...الله يستر لا اصير مثلكم ^_^

**~|عصفورة عرآقية|~** · 07-07-2012, 04:05 PM

رد: فـــمآن آلله يـــآلغــآلي / روووعه

في مكان ثاني
×× في بيت ابو عبدالله××
فرح عطت ابوها الموافقه وكان فرحان لها من قلب وانتشر الخبر راحوا يحللون وحددوا موعد الشوفه بعد ما تطلع نتيجة التحاليل

بعد 3 أيام رجع ابو فيصل وفيصل لبريطانيا..

××في بريطانيا××
عهود وفراس من بعد اخر حرب بينهم موقف صار احتكاكهم ببعض قليل

فراس تغيرت معاملته لها كثير صار يعطيها طناش

وعهود مو عاجبها الوضع متضايقه مره ومتندمه على الموقف الأخير

بندر استانس من قلب لأن ابوه رجع يثق فيه وتمنى لو ان خلود ما زالت وياه عشان يخبرها
كان متأكد انها بتفرح له

طبعا بالأسبوع اللي سافر فيه ابوه تولى بندر إدارة الشركه وحاول قد مايقدر يكون عند حسن ظن ابوووه فيه

دانه فقدت ماجد كثير...اكثر من مره فكرت تدق عليه او تسأل عن اخباره بس تكنسل باخر لحظه

راكان ينتظر مكالمة اسيل له على أحر من الجمر
طبعا الكل مو عارف عن خطوبة فرح وفيصل..

اليوم الثاني..
عائلة ابو فيصل جالسين عالفطووور
ابوفيصل:بندر كيف الشغل معاك
بندر ابتسم:فل ياباشا...انت اعتمد بس
ابوفيصل ابتسم:شد حيلك بدراستك واسلمك فرع
بندر لمعت عيونه: ابشر يبه
راكان:وانا؟؟
ابوفيصل: وانت بعد
فيصل كان ياكل بصمت وما تكلم
ابوفيصل ويربت على كتف ولده:أما العريس بسلمه إدارة الشركه الأساسيه
ام فيصل ابتسمت: اي عريس يابو فيصل ولدك ماطراه يعرس
ابوفيصل ناظرها بحنان وبعدين ناظر ولده: باركوله...
قبل نجي من السعوديه خطبنا له واخذنا الموافقه وراحوا يحللون هو والعروس فرح بنت اخوي محمد
ام فيصل مو مصدقه دمعت عيونها ..ناظرت فيصل اللي ابتسم:صدق والله؟؟
اشر لها فيصل يأكد كلام ابوه
عهود وادانه وام فيصل:كلولولولولووووووووش

فراس يناظر عهود"عقبالنا يارب"...انتبه على دعوته وابتسم

عهود شافت ابتسامته وجاها فضول تعرف شيفكر فيه

بندر بارك لأخوه وانخنق لما تذكر ان اللي يبيها مايعرف فينها ومنو بنته..
الكل بارك لفيصل وفرح له من قلب

**~|عصفورة عرآقية|~** · 07-07-2012, 04:05 PM

رد: فـــمآن آلله يـــآلغــآلي / روووعه

بعد اسبوعين
×× في السعوديه××
دخل فارس يسلم على امه: صباح الخير يالغاليه
شيخه بضيقه: صباح النور والسرور
فارس بتعب ومبتسم:خير الغاليه ضايق خلقها من صباح ربي عسى ماشر؟؟
شيخه:ومن وين يجي الخير وانا يومي قرب وما شفت عيالك
فارس"اوووهووووه ردينا على طاري اللي"..تصنع ابتسامه: يمه الله يهداك قريب انشالله
شيخه: من دخلت العشرين وانت تقول قريب وهذا انت بتدخل 29 سنه وانت ما اعرست
فارس قام يحب راس امه:ولا تزعلين يالغاليه اوعدك ما تدور السنه إلا وانتي خاطبة لي
فرحت شيخه من قلب:قل والله
فارس:انا وعدتك يمه بس صبري علي
شيخه:الله يبشرك بالخير ياولدي يوم المنى اللي اشوف فيه عيالك
ابتسم فارس وهو يوقف:يله يمه انا بروح الدوام توصين على شي؟؟
شيخه:أيه ياولدي ابيك تفطر قبل تروح مدري شفيك هالأيام صاير ماتاكل وبالك منشغل
فارس:انشالله يمه من هالعين
ابتسمت شيخه:الله يرضى عليك دنيا واخره

بنفس اليوم الظهر
×× في بيت ابو عبد الله ××

فرح:انت من صدقك تبيني ادق عالبنت اسألها إذا هي موافقه ولا لا؟؟؟
عبود:يوووووه يافروووحه وش فيها يعني
فرح:فيها ونص والله قويه انت اصبر لك شوي وبيجيك الرد
عبود:وفيه صبر اكثر من اسبوعين ونص!!..
فرح:الله يعينك تحمل..وبعدين قلت لك ما اتوقع بترفض وهي بتلقى احسن منك؟؟
عبود ابتسم:فديتك والله
دخلت لميس وببرود:امي تقول انزلوا الغدا جاهز
وطلعت

عبود:شفيها اختك مو على بعضها
فرح:مدري لها اسبوعين على هالحال
عبود: ماعلينا يلا قومي بس خل نتغدا جووووعان حدي
فرح وهي تطلع ورا اخوها: انت دايم جوعان الله يعين الهنوف عليك
ابتسم عبود وهو يتخيل نفسه مع الهنوف ببيت واحد

في بيت ام مهند..
رهف وسمر جالسين والطفش ذابحهم
رهف خذت موبايلها ودقت على الاء ماترد
دقت على موبايل حلا لقته مغلق قامت تدق عالبيت بعد دقايق جاها الصوت:هلا وغلا
رهف خافت لما سمعت صوته: الاء موجوده؟
نواف ماسمعها:الوووووووووووو ميين؟
رهف:الووو الاء موجوده؟؟
نواف:إيش؟؟
رهف دمعت عيونها وبصوت اعلى: نواف
نواف هنا فز قلبه عرف صوتها:يالبيه
رهف انحرجت:اخيرا سمعتني!!..ابي الاء
نواف وهو خاق"يازين اسمي من فمك":اي ثواني بس
سمر وهي تلعب بموبايلها:منو رد عليك؟؟
رهف وخدودها متورده:نواف
هنا نواف كان عالخط وسمعها تقول اسمه ابتسم:احم..الاء مشغوله شوي تقولك خمس دقايق ودقي على موبايلها
رهف:انشالله
وقفلت.

لفت على سمر: تقولك خمس دقايق ودقي على موبايلها
سمر بدون اهتمام:ماني منتظره خمس دقايق بدق الحين
وخذت موبايلها بتدق

**~|عصفورة عرآقية|~** · 07-07-2012, 04:07 PM

رد: فـــمآن آلله يـــآلغــآلي / روووعه

نواف بعد ماقفلت رهف انصدم انها ماقالت حتى باي ناظر سماعة التلفون وباسها

شافه فهد اللي كان نازل من الدرج:الحمد لله والشكر خلصوا بناتك يوم تبوس السماعه
نواف:ههههههههههه يخسون ابوس وحده فيهم وبعدين انا ناوي اسوي تصفيه للبنات
فهد اي هين بس
قطع كلامهم صوت موبايل الاء يرن
نواف ناظر الإسم:سموره
ابتسم وهو يناظر فهد ويرميله الموبايل:خذ مرتك تدق رد وقولها الاء مشغوله

فهد اخذ الموبايل ابتسم ويدينه ترجف ورد:ياهلا وغلا
سمر ابتسمت بدورها لما سمعت صوته وبصوت اقرب للهمس:هلا فيك
فهد وهو يدخل اقرب غرفه ويقفل على نفسه:شخبارك يالغلا
سمر فز قلبها:بخير دامك بخير
فهد ومو حاس بنفسه:بغيتي تذبحيني وتروحين مني
سمر سرت بجسمها بروده من كلمته وبسرعه ردت: اسم الله عليك يومي قبل يومك انشالله
انصدمت من كلامها
وهو تفاجأ وابتسم بعدها:لا اسم الله عليك
سمر ومفتشله: احم...الاء موجوده؟؟
فهد ومازال مبتسم:لا مشغوله شوي بس تخلص اخبرها تدق عليك
سمر:اوكي مع السلامه
فهد: فمان الله
وقفلوا

سمر تاخذ نفس ضحكت وهي تذكر كلامها..
"ياربي شفيني لهالدرجه خاقه عليه ماعاد احس بحالي يوم اتكلم"

فهد وهو يفتح الباب بيخرج من الغرفه" يا لبى قلبها تخاف علي...معناها انا اعنيلها..معقوله تكون فسخت خطوبتها عشاني..!!...
اخ بس لو اعرف..كان على طول اخطبها وما اتردد"

بنفس اليوم البنات دقوا على بعض واتفقوا تكون الجمعه اليوم ببيت ابو عبد الله...

دقت باب غرفته وهي جاهزه وتبي تروح بيت عمها
دخلت لما سمعت الإذن بالدخول
شافته جالس على لابتوبه ومنهمك يكتب
رفع راسه لما لاحظ سكوتها وانتبه انها كانت تراقبه
لما شافها كاشخه: لاتقولين تبيني اوديك مكان!!
خلود ناظرته بترجي:بليز!!
محمد يفكر:طيب على وين؟؟
خلود وبسرعه:عند لميس
محمد تضايق من طاريها
خلود ندمت انها جابت طاريها
محمد بضيقه:طيب يلا دقايق ونازل اشغل السياره انا بعد ابي شوف ماجد وعبود..إلا هنوفه مو رايحه وياك؟؟
خلود ابتسمت:ههههه مستحيه تروح بيت خطيبها...
محمد ابتسم:ليه هي وافقت؟؟
خلود:الظاهر خلاص بتوافق...سكتت فتره وهي تناظر اخوها اللي يكابر وبعدين قالت:مو ناوي تسوي شي؟؟
محمد رفع راسه:شي مثل شنو؟
خلود:يعني تعتذر لها مثلا
محمد:لو اضمن انها بترضى لو اعتذر لها وبتسامحني.. اعتذرت!!
خلود: بسالك سؤال بس جاوبني بصراحه
ناظرها ينتظر سؤالها
خلود:لميس تعنيلك شي؟؟
محمد تنهد ونزل راسه:تبين تعرفين شتعنيلي؟؟
خلود ناظرته وهي مستغربه
محمد فتح الدرج اللي جنبه وطلع منه دفتر رماه لها
خلود مسكته بخفه
محمد:شوفي وبتعرفين...ورجع يكمل شغله..وقبل لاتطلع خلود: لاتنسين خمس دقايق وانتي بالسياره
خلود طلعت من غرفته وهي تقرا الدفتر وعيونها بتطلع من الصدمه

**~|عصفورة عرآقية|~** · 07-07-2012, 04:09 PM

رد: فـــمآن آلله يـــآلغــآلي / روووعه

××في بيت ام عادل××
عادل:مرومه شفيك مزاجك مقفل؟؟..احد جابرك تروحين؟؟
مرام وانتبهت لنفسها: لا بس متضايقه..وبروح اوسع صدري
عادل:طيب يلا انا بطلع اشغل السياره البسي عبايتك واطلعي
لميس هزت راسها وهي شايله هم وكل هذا لأنها بتروح بيته

اول من وصل كانت خلود قبل اذان المغرب بربع ساعه
خلود وهي بالسياره دقت على لميس:لموسه افتحي الباب انا جيت ....باي
لفت على محمد:بتنزل؟؟؟
محمد بدون مايناظرها:إيه
خلود:يلا
ونزلوا الإثنين
دخلت خلود ولميس واقفه عند الباب..صرخت اول ماشافتها وضمتها

محمد كان برى وشافها لأنهم كانوا واقفين قدام الباب والباب مفتوح..خفق قلبه وهو يشوفها زمان عليها

لميس وهي تضم خلود كانت عينها برى شافته وراحت ابتسامتها

بعدت عن خلود وهي تقفل الباب وتشمق لمحمد

خلود:لحظه لحظه محمد برى يبي ماجد!!
لميس بنبره عصبيه:طيب ببلغ ماجد ينزل له...ابتسمت وهي تقول:ادخلي هنا وتعدلي لحد ما اطلع اخبر ماجد
خلود وهي ناويه على شي:اوكي
طلعت لميس فوق وخبرت اخوانها على اساس ينزلون
نزلوا ماجد وعبود وطلعوا لمحمد

خلود ولميس جالسين وساكتين
خلود:احم...لموسه لسا شايله عليه؟؟
لميس بضيقه:حيل...ومو ناويه اسامحه
خلود:طيب عندي شي ابي اوريك إياه
رفعت راسها لميس:شنو؟؟
خلود طلعت الدفتر من شنطتها ومدته للميس
لميس تذكرت الدفتر على طول هي شافته قبل
قالت بسخريه:هه شفته قبل!!
خلود انصدمت:متى؟؟
لميس:المهم اني شفته
خلود ارتاحت:طيب قريتي الي جواته؟؟
لميس:ايه....وبخنقه:الله يهنيها
خلود مستغربه: منو؟؟
لميس:هذي اللي شاغله اخوك
خلود ابتسمت معناها ماقريتيه...طيب خذيه عندك واقريه عدل...مو الحين بعد ما اروح
خذته لميس بدون ماتتكلم

بهاللحظه مرام كانت توها واصله
نزلت وعادل حرك سيارته على طول لأنه كان مستعجل
وقفت عند الباب وطلعت موبايلها تبي تدق على لميس
تفتح لها

بدر كان نازل من الدرج بيطلع
وصل لما الباب وموبايله بيده بيدق عليها وبيشوف أخرتها مع هالبنت
مشتاق لها ومو قادر يفسر سبب هالشوق
دق رقمها وهو يفتح باب البيت
مرام تفاجأت وهي تسمع الباب ينفتح

الغت الإتصال على لميس وقبل تحط موبايلها بشنطتها دق
بدر فتح الباب وصار بوجهها
لميس موبايلها بيدها وتناظر بدر مصدومه

بدر يناظر موبايلها ينتظرها ترد مايدري انه هو اللي يتصل عليها
مرام ماشافت الرقم بس عينها بعينه ومو قادره تشيل عينها
مرام ناظرت موبايلها وهي ميته رعب
مشت بسرعه قبل يكشفها

**~|عصفورة عرآقية|~** · 07-07-2012, 04:09 PM

رد: فـــمآن آلله يـــآلغــآلي / روووعه

بدر بسرعه رجع يدق وسمع موبايلها يرن من بعيد

قطع الإتصال وهو مصدوووووووم...عرفها اخيرا!!!!
البنت اللي كانت تدق عليه هي مرام
معقوله!!
مرام تحبه هو!!...مرام تتصرف كذا!!...انصدم فعلا
ركب سيارته ومشى وهو يفكر شغل اغنيه ورفع الصوت عالاخر

مرام كانت توها داخله...قفلت موبايلها ويدينها ترجف..
انقلب كيأأأنها فوق تحت من ناحيه لأانها شافته بعد طول غيبه
وشي ثاني لأنها تأكدت مليون بالميه انه عرفها

بهاللحظه تمنت من قلب الأرض تنشق وتبلعها ولا تكون مرت بهالموقف
ظلت تفكر"ياربي شردة فعله...شيقول عني الحين.....شسوي.....ليتني اقدر ارجع الزمن ولا اسوي اللي سويته"

حبست دمعتها اللي كانت على وشك تنزل وهي تسمع صوت لميس:مرام؟؟...متى جيتي يالدوبه وضمتها

مرام مو حاسه بشي تحس الدنيا واقفه بعينها

عند بدر

تنهد وهو يتذكر نظراتها له
" شكلها شايله علي كثير....اخر شي توقعته ان مرام تهتم لي...واخر شي توقعته ان هالبنت تكون من بنات عماتي او اعمامي"

ضرب الدركسون وهو منقهر من نفسه شلون حمل لها كل هالمشاعر وهو مايعرف منوبعد؟؟

بعد المغرب

كانوا البنات مجتمعين ببيت ابو عبد الله وفالينها كل وحده فيها هموم الدنيا وتكابر
كل وحده شايله بقلبها حب كبير وتكابر
كل وحده عندها استعداد تكتم حبها وتتعذب بس ماتنجرح من اللي تحبه
واللي انجرحت بداخلها صراع بين حبها له وحقدها عليه
بس بالنهايه" الحب هو دائما المنتصر"
ياحلوووو حب البنات

××بنفس اليوم باخر الليل××

خلود بغرفتها...النوم هالأيام بالنسبه لها حلم...بدأت ترجع لها حالة الهوس ببندر وشوفته
تتملكها حالة ضعف كثيييير وتفكر تتهور بس بأأأخر لحظه تقتل هالضعف بقوه مصطنعه

مرام نفس الحاله اليوم النوم هو عدوها ومو راضي يجيها...تفكر بعاقبة افعالها
ياترى لو وصل الخبر لعادل شنو بتكون ردة فعله..؟؟
شلون اخون ثقة اهلي فيني بتصرفات صبيانيه...اففففففف ياربييي

لميس جالسه على سريرها وبين يدينها الدفتر اللي عطتها خلود
النوم ذابحها بس هي مصره ماتنام قبل تفهم اش بهالدفتر
فتحت اول صفحه لقت مكتوب فيها

رواية / فمان الله يالغالي (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget