رواية / فمان الله يالغالي (كاملة)

**~|عصفورة عرآقية|~** · 20-06-2012, 02:18 PM

رد: فـــمآن آلله يـــآلغــآلي / روووعه

بندر كان تعبان لأنه صاحي من بدري وبعدها كان زواج صاحبه وبعدها الطياره يعني انهد حيله..

طلع الدرج بهدووووووء....

فيه شخص هوه الوحيد اللي كان صاحي بالفيلا كلها...ولأنه كان صاحي سمع صوت الباب واستغرب مين اللي جاي بهالوقت المتأخر..الشخص

كان....................................خل ود!

قامت خلود اللي كانت شغاله عاللاب تبعها....عشان تعرف مصدر الصوت..فتحت باب غرفتها وخرجت بهدوووووء وطلت من الدرج..............

بندر كان حيييييل تعبان وطالع من الدرج وهو منزل راسه وما انتبه لها......

أما خلود بس شافته كان راح يجيلها انهيار وبسررررررعه راحت على غرفتها جري وسكرت الباب وراها...

وحست الأرض تدووووور فتكت على الباب...كان قلبها يدق بسرعه وشوي وبيخرج من صدرها...

بدا يرشح جسمها...وحست كأن دمها يفووووور تحس بحراره تسري بجسمها.....يعني بمجرد شافت بندر انقلب كيانها...فوق تحت

بالنهايه حاولت تكون هاديه وتستوعب ان اللي شافته بندر...ولا شعوريا بدأت تبكي...

ماتعرف ليه بس بلحظه حست إنها مو قد اللي بتسويه وجاها ضعف مو طبيعي..

بندر سمع صوت الباب لما انقفل بس ناظر المكان كان كلللله ظلام فتوقع إنه أحد من البنات..

وعلى طول دخل غرفة محمد....بس تفاجأ إن محمد مو موجود...

حط شنطته على جنب وطلع له ملابس وراح أخذ له شاور..

ولما طلع من الحمام وانتو بكرامه إلا بدخلة محمد الغرفة وشوفوا انواع علامات التعجب فوق راسه

وبصدمه:بندر!!
ابتسم بندر اللي شعره مبلل والمنشفه على اكتافه وبابتسامه:إيه بندر
محمد:هلا الحمد لله عالسلامه وراح يسلم عليه..
محمد:متى واصل؟؟
بندر:من شوي يمكن كذا قبل ساعه
محمد:واللله لك وحشه يابو الشباب
بندر:هههه والله وانتم اكثر....غريبه مو بالعاده تسهر برى
محمد:أبد والله واحد من الشباب عرض علي الفكره وانا زهقان حدي فقلت فرصه...
وظلوا يسولفون لما اذن الفجر وقام الكل يصلي.....

طبعا خلود بعد ماشافت بندر أول ماوصل وجاتها هذيك الحاله سكرت الاب تبعها وحطت راسها ونامت

بعد ما أذن الفجر

أبو سلطان يدق باب غرفة محمد..:محمد....محمد يالله يبه قوم لاتفوتك الصلاه
إلا الباب ينفتح..بندر:صباح الخير عمي
ابتسم أبو سلطان:بندر..!!....هلا والله الحمد لله عالسلامه
بندر ويسلم على عمه:الله يسلمك عمي
أبو سلطان ومازال مبتسم:متى وصلت
بندر:3 الفجر
أبو سلطان:وشلونك؟؟
بندر:الحمد لله عمي بخير
ونزل أبو سلطان ووراه محمد وراحوا للمسجد

اما بندر قبل لا يروح المسجد راح لغرفة أمه...دق الباب بهدوء...
أم فيصل اللي كانت جالسه على سجادتها:come in ohood
بندر بعد مافتح الباب:I'm not ohood
أم فيصل بس سمعت صوته فزت:bandar????
بندر ومبتسم وأمه تضمه....:كيفك يالغاليه؟
أم فيصل:الحمد لله بشوفتكI'm fine.....متى وصلت؟؟
بندر:befor 2 hours
أم فيصل:الحمد لله على سلامتك
بندر:الله يسلمك
وسولف مع امه 5 دقايق و بعدها راح للمسجد وهناك قابل أخوانه وعيال عمه وفارس..والكل فرح فشوفته

نرجع لخلود..

بعد مارجعوا الرجال من الصلاه كانوا الحريم صاحيين عشان يصلون

..أم سلطان تدق باب غرفة خلود:خلود يالله الصلاه قومي!!....خلود...

خلود بصوت كله نوم:زين زين يمه كاني قمت
وجلست عالسرير...مومستوعبه اللي صار.. وبنفسها
ا"معقوله!!...بندر رجع!!...لالالا أكيد أحلم انا....إيه حلم مافيها كلام"...اقامت من على السرير

وطلعت برى الغرفه ولما جات بتدخل الحمام عشان تتوضا إلا تسمع صوته مصدره غرفة أم فيصل...

وتسمع صراخ عهود:بندر.....الحمد لله عالسلامه!!!!
بندرويضحك على اخته اللي قفزت فوقه من الفرحه:ههههههه الله يسلمك
شوي إلا دانه:معقوله بندر؟؟....متى جيت؟؟....وتصرخ هيه بعد
بندر:ههههههه الي يشوفكم يقول لكم شهر ماشفتوني ما كأنها أسبوع

هنا خلود ابتسمت وكانت مستانسه..."معناها مو حلم بندر جا من جد...فديته والله وحشني!!..."

**~|عصفورة عرآقية|~** · 20-06-2012, 02:19 PM

رد: فـــمآن آلله يـــآلغــآلي / روووعه

بعدين استوعبت كلامها وتجاهلته ودخلت الحمام..

بعد صلاة الفجر الكل رجع ينام ماعدا..................... بندر] اللي انتظر الكل حتى ناموا

ومع إنه مرهق بشكل فضيع إلا إن شوقه لخلود مستحيل يخليه ينام فقرر يدق عليها....ويفاجاها برجعته<< مايدري إن عندها خبر

خلود اللي كانت توها مستغرقه في النوم....رن موبايلها...

خلود صحت مفجوعه وتناظر الرقم وعيونها شبه مقفله ....انفتحت على الاخر لما دققت بالرقم........"هذا رقم بندر ياويلي بندر يدق"

طبعا خلود انعفست فوق تحت لما شافت رقمه ماتوقعت نهائي انه ممكن يدق عليها أول مايرجع

وأساسا ما استعدت نفسيا للموقف هذا...دق بندر لما فصل...بس خلود ماترد...
وخلود كانت طول ما بندر يدق تناظر الموبايل وعيونها بتطلع من الصدمه..

بندر بنفسه بعد مافصل"ههههه ياحبي لها أكيد نايمه....بس والله أزعجها"

ودق للمره الثانيه..
هنا خلود مداها تستوعب السالفه...وبلحظه حست نفسها تسمع صوته وجلست تفكر ترد ولا ماترد....وبالنهايه قررت إنها..............................
.................................................. .

ما ترد
وعشان كذا عطته رفض
بندر لما جاه مشغول فكر شوي وقال أكيد لأنها نايمه ماحست بحالها ورجع يدق وخلود تعطيه رفض

وبالنهايه قفلت موبايلها...دق بندر وانصدم: ((إن الهاتف المطلوب لايمكن الإتصال به الان نرجوا محاولة الإتصال في وقت لاحق))

بندر يفكر...:"معقوله تكون لسا زعلانه مني؟؟...لا ما اعتقد...مستحيل ماتكون اشتاقت لي!!....
أكيد نايمه ولا تعبانه ولاعندها احد وماتقدر ترد<<يحاول يبرر لها"

أرسل لها بندر مسج وحط راسه ونام...

بندر نام من هنا وخلود ظلت تبكي من هنا.....اللي بتسويه أكبر منها بكثييييييييروهذا الشي متعبها...

بس هيه إذا حطت براسها شي تسويه لو مهما صار..

في الصباح....((يوم خطوبة سلطان وجمانه))

الكل جالس عالفطور...عند الحريم...
شيخه: إلا وينها خلود؟؟
الهنوف:يمه قومتها وقالت لي شوي وبتنزل
شيخه:الله يهديها هي تسهر الليل وترقد النهار
دانه:خالتي....متى بنروح بيت خالتي زهور؟؟
أم سلطان ومبينه فيها الفرحه: بعد العصر انشالله أنا كلمت خالتك وسألتها
الهنوف:يمه أنا بموت من الفرحه!!
أم سلطان:أجل أنا اش تقولين عني..
شيخه:الله يتمم لهم بخير انشالله
الكل:امين
أم فيصل: أنا بروح حق أختي بعد الفطور أشوف لو محتاجه مساعده ولاشي....عندكم خبر إن مهند بيسوي عشا الليله؟؟
أم سلطان:إيه قال لي أبو سلطان من شوي....والله هالولد رجال
أم فيصل:إيه ماشالله عليه
وشوي إلا بنزلة خلود....شكلها كان بالمره تعبان لأنها نامت وهي تبكي...ووجهها شاحب...:السلام عليكم
الكل :وعليكم السلام
شيخه:خلود يمه شفيك تعبانه ولا شي؟؟
خلود وتجلس جنب جدتها:لا يمه
أم سلطان:وليه وجهك كذا؟؟
خلود:بس لأني مانمت زين
أم سلطان:الله يهديك...

**~|عصفورة عرآقية|~** · 20-06-2012, 02:20 PM

رد: فـــمآن آلله يـــآلغــآلي / روووعه

عند الرجال...
كان بندر يتكلم عن أهم الأحداث في الكويت والباقيين يعلقون ويسمعون له وهم متحمسين
فارس: هههه أجل استانست هاه؟؟
بندر:وبقوه بعد
أبو سلطان:يالله عقبالكم انشالله
الشباب:امين انشالله
أبو سلطان: عاد انت ياسلطان خلاص اليوم بتضمن كل شي
استانس سلطان لما تذكر...انه اليوم بيشوف جمانه وجها لوجه وعلى طبيعتها
بندر بصدمه:اليوم!!
فيصل:ايه اليوم خطوبة سلطان على بنت خالتي زهور
بندر:إيه عندي خبر من أول بس على بالي الموضوع انتهي
محمد:عندك خبر؟؟...منو خبرك
سلطان:أنا مخبره قبل لايسافر على اساس مابيرد من الكويت إلا وكل شي منتهي
محمد:أيا النذل حابكها من زمان
الشباب:هههههههههههه
أبو سلطان:يالله أنا بروح الشركه عشان يمدينا نخلص شغلنا بدري...وانت ياسلطان بحكم انك معرس الليله لاتجي وياي والشباب بعد خلوكم معاه

طلع ابو سلطان وبدأت التعليقات على سلطان اللي لأول مره يكون مستانس..ولأول مره يحط على الجديه( x)

خلود بعد ما خلصت فطور تذكرت موبايلها اللي مقفلته وكان نفسها تكلم ولاء اللي زمان عليها وتفضفض لها.

..فطلعت غرفتها وفتحت موبايلها ووصلها مسج من بندر كاتب فيه..
(أكيد نايمه...عموما بس حبيت أبلغك إني رديت للسعوديه
كان خاطري اسمع صوتك قبل لا انام بس دقيت كثير ومارديتي...تصبحين على خير..نوم العوافي)

تنهدت خلود ومسحت المسج وبعدها دق على ولاء وقالت لها كلللللل شي...

وولاء بالبدايه حزنت وجلست تقول حرام عليك ومن هالكلام بس لما شافت إصرار خلود حمستها إنها تكمل وإنه لصالحها ورفعت معنوياتها كثيير

العصر الكل كان يتجهز ويستعد لروحة بيت أم مهند......وبعد ماخلصوا مشوا لهناك............................................. ......

نهاية البارت

رهف ونواف....موقف ماينحسدوووووون عليه ياترى شنو ردة فعل نواف بالايام الجايه...ورهف شنو بتكون بالنسبه له..
معقوله يحقد عليها وتسيطر عليه فكرة النتقام؟؟..ولوفكر بالإنتقام بشنو راح ينتقم؟؟

باسل وحلا....وضعهم كل ماله يتوتر زياده...والسبب....ريماس...ببالها هدف ومصره توصل له...ومقتنعه ان باسل لها وماراح يكون لغيرها...ياترى مين اللي له النصيب بحب باسل؟؟

بندر...وأخيرا رجع من الكويت....بداية صراع بالنسبه لخلود بين عقلها وقلبها...وتحدي لنفسها ياترى هي قده ولا لا؟؟

بندر شقد بيأثر فيه غياب خلود؟؟...ولا راح يلقى اللي تعوضه وينساها؟؟

صراع كبير ...بين غروووور فراس وكبرياء عهود....احداث مشوقه تنتظر هالإثنين وبقولكم بخصوصهم.....من هنا البدايه..

جمانه.....مقبله على حياه جديده...مع انسان الكل يحس انه مايناسبها ..ياترى شلون بتكون حياتها مع سلطان؟؟

احداث جديده وفله وهبال ووناسه ...تنتظرنا بالبارت الجاي

اعتذر لو ان البارت قصير...وانشالله اعوضكم بالجاي

لاتحرموووووني ردودكم وارائكم...واكيد نقدكم اللي اتقبل برحابة صدر،،

| فمان الله يالغاليييين]|~

**~|عصفورة عرآقية|~** · 20-06-2012, 02:21 PM

رد: فـــمآن آلله يـــآلغــآلي / روووعه

13

×× في بيت ام مهند××

جمانه مخبوصه عالاخر..بس رايحه جايه بالبيت..وأخواتها جالسين يتجهزون وهيه بس ملفلفه شعرها ولسا مالبست
..الخدم كانوا شغالين بالبيت يجهزونه عشان العزيمه..
سمر:جمجوم الله يهديك اجلسي ماعرفت اتجهز منك!!
جمانه:سمور امسكي ((وتاخذ يد سمر وتحطها عند قلبها))
سمر:يؤيؤ جمانه إش هذا كله!!....لهدرجه مسويلك سلطان رعب
جمانه:وأكثر!!...أحس إني راح أبكي من الخوف
سمر:ههههههه أول مره أشوفك بهالحاله
دخلت رهف اللي توها مخلصه تجهيز...:هاي...شرايكم؟؟
جمانه انشغلت بجمال رهف ونعومتها:واو رهوفه تهبلين
استانست رهف:جد والله
سمر:والله شكلك مرررره كيووووت

كانت رهف لابسه فستان لحد الركبه لونه أسود وعليه حزام عالخصر كريستال ومن فوق [هاي نك] بدون أكمام ومطيحه شعرها الملفلف على أكتافه وحاطه مكياج مرررره خفيف..بس مخليه الكحل الأسود الي بعيونها غامق وهالشي اعطى عيونها جاذبيه مع فستانها الأسود وحاطه شوية بلاشر زائد قلوس على شفايفها...

سمر كانت من النوع البارد يعني تتجهز على أقل من مهلها..عشان كذا لسا ما خلصت
وجمانه محترقه أما ديما فدخلت عليهم وهي طربانه....بلا حب بلاوجع قلب وش جانا من ورى هالحب غير الأل..............هاي بنات!!
كانت ديما برضو جاهزه وبحكم إنها مو من النوع اللي يبالغ في الكشخه لبست لها تنوره قصيره لونها رمادي مع بلوزه كت بينك فاتح تنربط عالجنب..وفيها ورده عالجنب بالرمادي....وعليها كم إكسسوار مع صندل وردي فاتح...يعني لأول مره شكلها كيوت
دخلت أم مهند:ماشاللله تبارك الله اله يحرسكم من العين اسم الله حولكم وحواليكم..
رهف: اشرايك يمه؟؟
أم مهند:تهبلون الله يفرحني فيكم قريب انشالله
البنات:امين
أم مهند وتوها تنتبه لجمانه:جمانه!!....لسا ماجهزتي!!...
جمانه:يمه والله مرتبكه حدي ومو قادره
أم مهند:شلون موقادره الحين أعمامك على وصول وانتي تقولين مو قادره..والمعرس جاي بالطريق بتطلعين كذا قدامه؟؟
جمانه من سمعت هالكلمه خافت زياده:صدق يمه مشوا؟؟....يلا يلا رايحه اتجهز
وراحت غرفتها تتجهز..
بعد نص ساعه خلصت سمر...
كان شكلها مررررررره جنان....لابسه فستان سكري قصير ماسك من فوق ومطرز لحد الخصر وبعدها كلووووووش واسع ومكسر وشعرها ملفلف ورافعته عالجنب وحاطه ورده حمراء ومكياجها مرررره خرافه...وهادي بنفس الوقت... وصندل سكري عالي..
جمانه كانت لسا تتجهز..
دخل مهند عالبنات بغرفة سمر...ومستانس لأن هذي اول مناسبه عندهم بالبيت:ماشالله ماشالله عرايس!!
سمر:كلولولولولوش...انت المعرس!!
مهند ويضحك بضحكته المميزه:هههههههه...معرس مره وحده!!....إلا على الطاري وينها العروس؟؟
رهف:دخلت تتجهز..
مهند:والله تهبلون حصنوا أنفسكم
البنات:احم احم
مهند:بس شنو هالبرود بالبيت!!
سمر:كيف يعني؟؟
مهند:شغلوا شي طرب....عشان نحس إننا بمناسبه
ديما:لا احس ماله داعي الدعوه كلها شوفه
مهند:ومن قال؟؟
سمر:أجل شنو؟؟
مهند:عمي مسوي حفله لأنها اول مناسبه بالعيله...يعني لازم يكون فيها هيصه
ديما:دام السالفه كذا أبشر..
وراحت شغلت الإستريو بالصاله اللي فوق ورفعت الصوت عالاخر...
جمانه كانت بغرفتها وسمعت صوت الطق برى وحست بفرحه بداخلها...لأنها تحب هالأجواء...خلصت بسرعه..وشوي إلا الباب يدق..
جمانه:منو؟؟
مهند:جمجوم ماخلصتي؟؟
جمانه:إلا...وفتحت الباب...
مهند شافها...وتفاجا...كان شكلها هادي وجنان بنفس الوقت...
كانت لابسه تنوره مخمل طويله لونها بني..مع بلوزه فخمه عباره عن شيفون وردي ..
بهاللبس كانت تبين مرره رزه ومنزله شعرها على اكتافها...ومكياجها مرررررررره خطير

...طبعا لبسها هذا كان بالبدايه بس لحد مايشوفها سلطان وبعدها بتلبس فستان حق الحفله..
مهند:ماشالله تبارك الله....بينجن الولد..
جمانه ومستحيه:ههههه قولتك؟؟
مهند:واللله ابصم لك بالعشره
جمانه:ههههههه

وشوي إلا الجرس يدق...
جمانه:ياويل حالي أكيد هذولي عيال عمي وصلوا..
مهند انا نازل أفتح الباب...

راح مهند وفتح الباب وكانت الهنوف بالواجهه شايله الغطى لأنها كانت متوقعه الخدامه بتفتح وتفاجات بمهند في وجهها
..مهند اول ماشافها لف وعطا الباب ظهره...:حياكم ادخلوا البيت بيتكم....دخل الكل وبعد مادخلوا طلع مهند واستقبل الرجال...
الهنوف كانت مفههههههيه ومتفشله بنفس الوقت..
دخلوا البنات وراحوا لجمانه وبدات الدجه والرقص لحد ماتجمعوا العوئل كلهم..
وجا وقت دخول جمانه ....
طبعا الرجال كلهم كانوا بالمجلس الخارجي...والحريم داخل البيت دخل سلطان بالمجلس الداخلي وجلس ينتظر مهند اللي راح ينادي جمانه
...جمانه من قالوا لها إن سلطان بالمجلس انخبصت وكان بيغمى عليها..وبالغصب اقنعوها تدخل...بالنهايه وافقت تدخل ...<<أكيد بتوافق الدعوه لعبه؟؟
سلطان كان جالس بالمجلس وكاشخ لاخر درجه محلق الدقن ومزبط السكسوكه وشكله مرره رزه بالثوب الأبيض والشماغ اللي مشخص فيه..وكله كوم وريحة عطره كانت كووووم ثاني...كان جالس عالكنبه ومن التوتر اللي فيه كان مدنق ومتكي على ركبته...فجاه سمع صوت ناعم:السلام عليكم..
رفع راسه وناظرها ووقف وهو متخبل عليها:وعليكم السلام..
كانت جمانه ومهند واقف جنبها...ولأول مره تحس المجلس طويل
مد سلطان يده على أساس يصافحها بالبدايه انصدمت من جرأته بس مدت يدها وصافحته..
وجلست بمكان بعيد بس مومره...سلطان بصوته الرجولي.:كيفك جمانه؟؟
جمانه والحيا ذابحها:الحمد لله
سلطان كان بجد منجن بجمانه....وشكلها وهي مستحيه شي ثاني..
مهند:جمجوم ارفعي راسك خلي الولد يشوفك ولف على سلطان يناظره وكمل: وانتي بعد شوفيه يمكن مايعجبك وتهونين
ضحك سلطان...وجمانه رفعت راسها ولأول مره تشوفه بهالقرب..للحظه جات عينه بعينها وكل عرق بجسمها نبض
ا وعلى طول نزلت عينها وحست إنها ماتقدر تجلس أكثر من كذا وطلعت....:عن اذنكم...وطلعت قبل لا حد يتكلم

**~|عصفورة عرآقية|~** · 20-06-2012, 02:24 PM

رد: فـــمآن آلله يـــآلغــآلي / روووعه

-
أول ماطلعت كانوا البنات ينتظرونها عشان يسألونها عن الاحداث
البنات:هاه بشري
جمانه كانت مييييته وتقلد دعايةclean & clear: هوا هوا بدي هوا وتحرك يداتها
البنات:هههههههههههههههههه
خلود:لهالدرجه خاقه على أخوي؟؟
جمانه وتشم يدها:اه يابنات ورمت نفسها عالكنب...
وجلسوا البنات وجمانه تحكيهم عن الخمس دقايق اللي قضتها جوى..
أما مهند وسلطان رجعوا للرجال بعد ماخرجت جمانه وكل واحد بعالمه سلطان مع جمانه ومهند مع الهنوف..
بعد مادخلت جمانه راحت ولبست فستان الحفله اللي كان لونه ليموني وهادي...معطيها نعومه..وشكلها مميز..
البنات يتكلمون...
مرام:وناسه هذي أول مناسبه بالعيله
فرح:جد والله خلونا نهيص!
جلسوا البنات يرقصون ويستهبلون...
سمر كانت بالدور الأول تشرف عالخدامات اللي كانوا يجهزون أغراض القهوه والشاي والحلى و...و...إلخ...
وسمعت صوت الباب حق الصاله اللي يفصل بين قسم الرجال والحريم يدق..
فتحت لقت مهند بوجهها..
مهند:مراحب سمسم
سمر:هلا هنود بغيت شي؟؟
مهند:ياليت تنادين جمانه خالي أبو سلطان يبي يسلم عليها
سمر ومبتسمه:انشالله الحين أناديها..

طلع مهند..
وقبل لا تمشي سمر...دق الباب مره ثانيه
رجهت تفتح وبابتسامه...:هلا..
وانصدمت إن الشخص هو فهد وانحرجت لأنها توقعته مهند...(طبعا الأخ جاي يتميلح يبي يشوفها.)
فهد مبتسم ومنجن على شكلها:..هلا فيك!!
سمر من جد انحرجت..
حس فيها فهد: سمر الله لايهينك أبيك تنادي لي امي...قولي لها أبيها ضروري..((أمك؟؟...إيه هين))
سمر:انشالله وطلعت على طول..
سمر من الربكه نست تنادي امه وطلعت من الدرج عشان تقول لجمانه على خالها ابو سلطان..وهي بوسط الدرج تذكرت فهد..
وجات بترجع وبحكم إنها لابسه كعب عالي..جاها شد عضل وطاحت بالدرج وصرخت صرخه هزت البيت...
الكل جا جري لما سمعوا صوتها..
سمر طاحت من الدرج وضرب راسها بحافة الدرج وصار ينزف واغمى عليها
الكل تجمع عليها
وفهد بس سمع صوتها دخل ولا حسب حساب أحد..
الحريم صاروا يصارخون والبنات نفس الشي
فهد بس شاف سمر طايحه أسفل الدرج والدم عند راسها...كان بيغمى عليه ومن خوفه عليها..راح لها على طول ورفع راسها...حس إن مو من حقه
يمسكها...تركها على طول ويده كلها دم وصرخ بأعلى صوته: نادوا مهند!!!!!!!!!

جا مهند وشال أخته وعلى المستشفى...
جمانه واخواتها كانوا يبكون على منظر اختهم..وامهم راحت معاها المستشفى...الأجواء توترت والكل كان خايف وقلقان...
البنات بعضهم يبكي والباقيين يهدونهم...

أما فهد!!!
فهد..بعد ما جا مهند وشال سمر..على طوووول من الصدمه راح للصالون ورمى نفسه على الكنب....وكان متنننننننح(مو مستوعب اللي صار)..يده كانت كلها دم...بس ما انتبه...الشخص الوحيد اللي افتكره وكان يدور عليه بهاللحظه..........هو نفس الشخص والوحيد اللي يدري بمشاعر فهد تجاه سمر.؟.....أكيد عرفتوه.....موضي!!...
دخلت عليه وأخيرا لقته....كان شكله مو طبيعي...وكأنه منهار....
وبخوف: فهد انت هنا؟؟..كنت أدور عليك
فهد ومازال على نفس وضعيته من نص ساعه رفع راسه لخالته وعينه مليانه دموع...
موضي انصدمت:فهد معقوله تبكي!!
وقف فهد....:خالتي.....شفتيها؟؟؟....سمر......خ...خالت ي.....(كان منهار ومو قادر يتكلم)
موضي انصدمت من حاله حسته محتاج أحد يحس فيه....قربت منه وضمته لصدرها...وبدأ يبكي مثل الأطفال بالضبط...

موضي بعد ماهدا فهد وبعد عن صدرها وهو يمسح دموعه...:فهد ما أبيك تشيل هم هي طيحه نزيف بسيط وانشالله بتقوم بالسلامه
فهد بعد ماهدا:كانت تكلمني قبل لا تطيح...خالتي كانت بخير!!.....انا خايف عليها......وبصوت مخنوق:أحبها ياخالتي...والله أحبها...

بهاللحظه حست موضي إش كثر فهد متعلق بسمر...جلست تهدي فيه وتفهمه إن المفروض محد يشوفه بهالحاله عشان لايتفسر الموضوع غلط...شوي دق مهند وطمن الكل إن سمر بخير وانهم راجعين بالطريق...
رجعت سمر وكانوا مسوين لها غرز براسها وعلى طول حطت راسيها ونامت....
فهد كان كل شوي يدق على خالته...يحاول يكلم سمر او يسمع صوتها...بس سمر ماكانت بوضع يخليها تتكلم مع اي احد...
فهد يحاول بموضي:خالتي تكفين أبي اسمع صوتها أبي أرتاح
موضي:فهد الله يهداك قلنا لك البنت بخير ومافيها إلا العافيه..
فهد:خالتي والله ما راح أرتاح إلا إذا سمعت صوتها بنفسي
موضي طيب خلك عالخط..
وراحت غرفة سمر...دقت الباب
سمر بصوت تعبان:ادخل..
دخلت موضي:هاه كيفك الحين؟؟...وتحاول تقرب الموبايل عشان يسمعها فهد...بس بدون ماتنتبه سمر
سمر:لا الحمد لله أحسن بكثير بس راسي يعورني مره
موضي:يالله الحمد لله جات بسيطه
سمر:إيه الحمد لله....
وشوي طلعت...
موضي لفهد:هاه سمعتها؟؟
فهد:ياليتها فيني ولا فيها
موضي ومبتسمه:أقول لايكثر....شغلتني..ابي أروح مع خالاتك
فهد:مشكوره يالغاليه معليش أزعجتك
موضي:لا حبيبي عادي بس لاتعيدها
فهد:هههههه تامرين
سكر فهد بعد ماتطمن على حبيبته وقلبه سمر

مهند قال للكل ان الحفله لازم تتكمل عادي وخصوصا إن سمر تمام..
وفعلا كملوا الحفله واستانسوا كثير..
عند الرجال..
أبو عادل: فراس...شنو جالسين تسوون هنا؟؟
فراس:أبد جالسين نسولف
أبو عادل:تسولفون ومهند مسكين داخل يكرف..بدل ماتوقفون معاه جالسين هنا انت واللي معك؟؟
فراس عصب:خلاص هذا احنا داخلين
دخل هو ونواف وبندر..يساعدون مهند..
بندر:ههههه تهزأنا والله
فراس ومعصب: هذولي يعرفون يعيشون بدون مايهزاون
نواف:هههه لا الاخ معصب...أقول روقنا
فراس:أي أروق يابن الذين الواحد في عز وناسته إلا ما ينكدون عليه
نواف:أقول قدامي يالله بلا حركات المراهقه ذي
قابلوا مهند..
مهند:هلا شباب بغيتوا شي
بندر:ابد بس إذا تبي مساعده ولا شي..نشوفك مشغول
مهند:جيتوا بوقتكم..شايفين هالأغراض...كلها يبيلها نقل للمجلس...الخدامات يجيبونها لما هنا وحنا ننقلها للمجلس
نواف:أوكي
مهند:فراس الله يعافيك دق على أي أحد يجي يشرف عالخدم أخاف يخبصون الدنيا تعرف خواتي وحده عروس وحده تعبانه
فراس:على امرك
دق فراس على مرام..
ردت مرام وهي تصارخ:هلا فروس
فراس:وجع لا تصارخين وبعدين اطلعي براى عشان تسمعيني زين
مرام:إيش؟؟؟

**~|عصفورة عرآقية|~** · 20-06-2012, 02:25 PM

رد: فـــمآن آلله يـــآلغــآلي / روووعه

فراس ويصارخ:أقول اطلعي برى وبعدين دقي علي
مرام:زين زين
طلعت مرام ودقت على فراس:إيه هلا فروس شكنت تبي؟؟
فراس:تعالي انتي وخذي معاك أي أحد فيه هنا اشياء يبي لكم توقفون عليها
مرام:والخدامات شنو يعملون ...أنا مشغوله جالسه ارقص
فراس بحده:انتظركم
وقفل
مرام بنفسها وهي معصبه"أنا هالولد لو اطحن أحشاءه مايكفيني".
.وراحت قالت للبنات..أخذت معاها رهف ولميس وخلود وعهود ونزلوا
رهف تكلم مهند:هاه مهند شنو نسوي
مهند:بس ابيكم تشرفون عالخدم والأغراض ابي كل شي مرتب
رهف:أوكي اعتمد
جلسوا البنات تحت على بال مايخلص تجهيز القهوه بالمجلس..
بندر ينادي: عهود...عهود!!
خلود من سمعت صوته قلبها دق بشكل موطبيعي وانخبصت..
عهود:هلا بندر
بندر وابتسم:مشالله عهوده إش هالحلا؟؟
عهود استانست:إش رايك؟
بندر:قمر والله اسم الله عليك وحواليك
عهود:مشكوووووور
طبعا عهود كانت لابسه فستان حرير بدون أكمام جاي من الصدر لحد الركبه لونه فيروزي مع صندل عالي شوي ينربط على طول الساق ومكياج رايق مخليها كأنها ملاك من الرقه والهدوء اللي بملامحها..وشعرها صابغته كستنائي ورافعته على فوق ومنزله منه خصل كثيره ملفوفه بشكل أعطاها جاذبيه..

بندر:المهم مهند يقول الأغراض اللي وصلت اخر شي يبيكم انتوا تنقلوها..ولا الخدم بس توقفون فوق روسهم لان يبيلهم حرص
عهود:وانا شنو يعرفني أي أغراض يبيهم
بندر:اسألي أخواته
عهود:أوكي
طلع بندر وعهود جات بتدخل بس شافت باب المجلس مفتوح..هي أول مره تجي لبيت خالتها وجاها فضول تشوف شكل المجلس وتجهيزات الحفله...
في البدايه خافت أحد من الشباب يجي وهي هناك بس بعدين قالت بنفسها"الواحد بدون مايتهور مايعيش"..ودخلت بس بعد ماطلت من عند الباب...ولماماشافت أحد..تحمست ودخلت..
شدها شكل الأثاث وفخامته ووسع المجلس مع الذوق الراقي اللي فيه..مع الإضاءه الصفراء..وأكثر شي شدها شكل السفره بالأرض وعليها أنواع وأصناف من الأكل...
ناظرت المكان بانبهار..لحد ماتفجأت بصوت رجولي مألوف نوعا ما:نواف...جيبها لهنا..
ولما لفت كان شخص تعرفه زين..صار لها معاه أكثر من موقف..حست رجولها ماتشيلها لما شافته وخصوصا إنه معاها بنفس المكان ولوحدهم بدون ماينتبه لها..وكانت تقول بنفسها"ليه هالشخص بالذات"...خقت على شكله كان مره رزه بالثوب الأبيض والشماغ..اللي معطينه شكل رجولي بحت..
سبق وقابلته أكثر من مره بس هالمره أول مره تشوفه بالثوب والشماغ...دق قلبها بسرعه لدرجه إنها خافت يكون سمع صوت قلبها..
لا والطامه الكبرى شويتين ودخل شخص ثاني..كل هذا وهيه باخر المجلس ولا أحد منتبه لها لأنه مررره كبير..
نواف شايل الأغراض ومعصب:الله يرجك رجا مبرحا ساعدني بدل ماتتأمر علي
فراس:ههههههه لا معليش انت الكبير انا جسمي مايتحمل
نواف يتريق:ياي...مايتحمل قال...أقول عن الدلع الماصخ وامش معي..
فراس:زين زين..برتب هذولي واجيك
نواف ومازال معصب لأنه انكرف:لا تتأخر عشان ما أتوطا ببطنك
وطلع
فراس ويضحك بهدوء بشكل يخقق:هههههههه خبل
ورفع راسه وانصدم باللي يشوفه

**~|عصفورة عرآقية|~** · 20-06-2012, 02:26 PM

رد: فـــمآن آلله يـــآلغــآلي / روووعه

عهود طاح قلبها..
فراس منصدم من شكلها أو بالأصح خاق..شافها مرتين قبل وهذي الثالثه
وبكل مره يشوفها تكون أحلى من اللي قبل..تم يناظرها فتره..عهود لما شافت نظراته لها حست بتأثيرها عليه
فقررت ترد له حركته..مشت من اخر المجلس لما عنده وكانت تمشي بكل هدوء وهي رافعه راسه وتناظره بغرور...
وصلت عنده وقفت شوي ناظرته من فوق لتحت وهي بتذوووب بس مابينت...وبكل غرور لفت براسها عنه ومشت
قبل ما تطلع كان فراس مداه يستوعب إن هذي نفسها اللي شافها بسيارته يوم الرحله ونفسها اللي هزأها ببيتهم..
مانسى اسمها..اشلون ينساه ومحد مأثر فيه وقالب كيانه وعافسه غيرها..ناداها بنفس الغرور قبل لاتطلع: عهود!!
لفت عهود بكل برود وناظرته باحتقار وبصوت طاغي عليه الدلع الرباني:نعم
فراس كان وده بهاللحظه يبتسم لأن شكلها كان جنان كان وده يقولها حصني نفسك تراك ملاك...
بس تفاجأ بنفس الصوت بس بزيادة غرور:أستاذ فراس..تبي شي؟؟...ترى موفاضية لك
فراس كان وده هالمره يذبحها"شنو يعني مو فاضيه لي...هين انا اوريك"
..ميل فمه بسخريه وناظرها من فوق لتحت وقال وهو يحرك أصابعه ويأشرعليها:الحين انتي عاجبك شكلك كذا؟؟؟
عهود حست إن الحرب توها بدت ولازم هالمره هي اللي تنتصر...بهدوء ناظرت نفسها واستوعبت انها مو متغطيه
رفعت خصله من شعرها كانت على وجهها وناظرته بنظره كلها ثقه:إش فيه شكلي مو عاجبك؟!!!!...
فراس هزته نظرتها الواثقه ولما جا بيرد...قالت قبل لا يتكلم بغرور ممزوج بدلع:مايهمني رايك عجبك ولا ماعجبك مافرقت معاي
.. منت ولي امري عشان تحاسبني وإذا مو عاجبك...هه...4 جدران والأرض خمسه وإذا ودك بالسادس تراه فوق وتأشر عالسقف..
وطلعت وتركته...
بهالوقت كان نواف داخل ومعصب وتقابل هو وعهود بالمدخل..مشت عهود ولا انتبهت له
لأن فرحة الإنتصار على فراس كانت مغطيتها ومخليتها ماتشوف إلا قلبها اللي يرقص من الفرحه
دخل نواف على فراس اللي كان واقف مكانه ومعصصصصب وواصل ضغطه الألف"هذي شايفه نفسها على شنو مغروره ومتكبره على شنو...اش لون تتجرأ وتكلمني بهالأسلوب..جد اني غبي اشلون سكت لها ليه مارديت وكسرت خشمها...غبيه!!...بس هين الأيام بيننا ياعهود"
نواف اللي عصب من فراس اللي كان بعالم لوحده:فراس!!!!
فراس وتوه انتبه لنواف:هلا
نواف:لالالا رايح فيها...أكيد يحق لك... بس مو منك !!..من الملاك اللي كانت هنا..
فراس عصب لما عرف ان نواف شافها:اش قصدك؟
نواف:والله منت بهين..ماشالله ولا ملكات الجمال مزيون وطحت بمزيونه
فراس وصل حده من نواف اللي له ساعتين يمدح فيها:نوافوه كل تبن وضف وجهك ترى مالي خلقك!!!
نواف:الحين ليه معصب لو فيه واحد يحق له يعصب فهو أنا مب أنت...وبعدين وينك؟؟..ما أشوفك رتبت شي ولا جالس تسولف م.....
قاطعه فراس:اوووه صدق فاضي
مشى وتركه
نواف:الحمد لله والشكر استخف الولد الحين أنا اش مسوي له
نواف عصب لأن الكل مستريح وهو أنكرف..
أما فراس..طلع برى وركب سيارته وراح بعيييييد في مكان كله مخططات جديده والمكان ظلام
وقف سيارته وجلس هناك يفكر في اللي صار كان مررره مقهووور لأنه مومتعود إ أحد يتحداه
وكل تفكيره بهالوقت اشلون يكسر خشم عهود ويخليها تموت بترابه

أما عهود...كانت مبسووووطه وتررررررقص من الفرحه وكل إحساسها بالإنتصار وفرحتها طلعتها في الرقص
والكل لاحظ حماسها الزايد مع إنها ماتعرف للرقص الخليجي بس كانت تعرف تقلد مزبوط..
خلود ولميس كانوا جالسين مع بعض كلعاده..حكت خلود للميس كللل اللي صار في الفتره اللي فاتت
واعترفت لميس لخلود بكل مشاعرها تجاه اخوها محمد..
خلود:إكشخ يعني طلعتي تحبين اخوي؟؟؟؟
لميس:مو أكيد حب بس أحس إني أحب أشوفه وأحب أسمع أي شي عنه حتى لوشي بسيط
وأذكر مره دق على بيتنا يسأل عن مجود ورديت وبس سمعت صوته عورني بطني وانقلب كياني فوق تحت ..
يعني أحس إني أميل له كثير واتوقع هو بعد
خلود:إيه حتى انا حسيت..
لميس:جات ببالي فكره!!
خلود:الله يستر من أفكارك...هات
لميس:إشرايك نروح نشوفهم؟؟
خلود:إشلون؟؟
لميس:إنتي نادي أخوك محمد وكلميه وأنا بجي عندك قلك بالغلط واسلم عليه وأكيد هو بيتميلح كالعاده
خلود بإنفعال:إيوه إيوه..وانا؟؟
لميس تفكر:وانتي وانتي..وانتي نفكر بعدين
خلود:لالا ياحبيبتي الحين الحين وماني متحركه من هنا قبل لا تفكري لي بطريقه
لميس:أوكي لقيتها
خلود:هات يأم الأفكار
لميس:افتحي موبايلك وشوفيه...خخخخخخ
خلود:هاهاها ياثقالة الدم!!!...توني قايلة لك انا ما أشوف صوره إلا مره كل اسبوعين
لميس وتغمزلها:ياشيخه عادي لزوم التمرد
خلود:لا سوري ما ابي إلا أشوفه عالطبيعه
لميس:طيب إش يدريك يمكن يجي مع محمد
خلود:اوكي ممكن بس لو ماجا
لميس:عليه أنا لو ما جا أخليك تشوفينه بس اخلصي
خلود:أوكي طيب اش أقول لمحمد الحين
لميس:يوووووه ياخلود..انتي كلش تسألين ماتقدرين تشغلين هذا؟؟..وتأشر على راسها
خلود:لموووو والله مافيني انتي ماشالله الأفكار جاهزه عندك
لميس:اوكي..قولي ...قولي,.إيه..إسأليه إذا محتاجين شي ولا شي...قلك نخوه زايده
خلود:أوكيشن...يالله مشينا

**~|عصفورة عرآقية|~** · 20-06-2012, 02:27 PM

رد: فـــمآن آلله يـــآلغــآلي / روووعه

راحوا لميس وخلود عند باب الرجال...حصلوا هناك عهود ورهف ومرام والاء...
خلود تهمس للميس:والله الظاهر مافي مجال
لميس بنفس الهمس:لا تقووووولي!!!....يعني أفكاري كلها راحت أدراج الرياح
خلود:اقول بلا أدراج بلاهم تعالي البنات فالينها واحنا عقولنا مع المهبل ذولي
لميس:أحترمي نفسك...لا تعممين
خلود:أقول لا يكثر
وراحوا للبنات اللي كانوا مخلين أشرطة الأغاني والطق وجالسين يطقون على طاوله عند مدخل الرجال والاء ترقص ومرام تغني
..والهنوف وفرح يزغرطون..والبقيه يصفقون بس كان وناسه..
جات ديما:اللللللله ذكرتوني بأيام المدرسه
ودخلت ترقص مع الاء.
اما حلا فكانت مشغوله تدور على باسل اللي تقول إنها اشتاقت له... وشذا وجمانه كانوا جالسين عند الحريم
عادل وخالد ومهند وعبود وفيصل كانوا ناويين يدخلون عشان يشرفون عالقهوه بشكل نهائي
دق مهند على امه تسوي له طريق
أم مهند:هلا هنود
مهند:هلا فيك يالغاليه
أم مهند:هههه اخلص شعند تراني مشغوله
مهند:لالا حركات عقبال انشالله ماتنشغلي بزواجي
أم مهند من قلب:يارب
مهند:هههههه فديتك يالغلا أقول بس أبيك تسوين لنا طريق نبي ندخل عند القهوه..
أم مهند:ادخلوا مافيه احد البنات داخل عند الإستريو محد يمك<< ماتدري إنه من زود الفلاحه البنات تركوا لإستريو واشتغلوا طقاقات
مهند:اوكي مشكوره يالغلا
مهند بعد مقفل يكلم الشباب:يالله الوالده تقول ماكو احد
ودخلوا...
البنات هنا كانوا في قممممة الحماس...

الهنوف دخلت بالرقص مع الاء..والكل تحمس لأن رقص الهنوف شيييييي...
خالد اول ماشاف هالمنظر طلع أما الثلاثي المرح مهند وعبود وعادل..كانوا مفهييييين...
مهند وعبود في الهنوف..وعادل بالاء اللي ماعرف إنها الاء..
الوحيد اللي قدر يتكلم فيصل وبصوت مسموع:ممكن طريق؟؟
البنات أول ماسمعوا صوته انتبهوا و صرخووووا ودخلوا جوى جريييي
الشباب فقعوا ضحك على أشكالهم
مهند وفاقع ضحك:ههههههههه والله حاله
عبود:خخخخخ فله أشكالهم لما انتبهوا لنا تقول شايفين وحوش
عادل:هههههههههههههه بس فالينها بزياده مو؟؟
فيصل:بقووووه
مهند:إلا وينه خالد؟؟
وشوي بدخلة خالد: أنا هنا يابوالشباب
مهند:هههههه فاتك
خالد:فاتني؟؟...الحين على بالي اول مابتشوفونهم بتخرجون ولما خرجت ألف وراي
إلا انتوا كل واحد فاتح فمه شبرين تقولون اول مره تشوفون بنات!!!
الشباب:ههههههههههههههههههههههه
خالد:قايل نكته أنا؟؟؟
عبود:لا سلامتك بس تذكرنا اشكالهم هههههه..<<<جاتهم الحاله
وجلسوا يتريقون ويضحكون وخالد مقهووووور لأنه مايدري شنو صار..

أما عند البنات
أول مادخلوا قفلوا عليهم باب المقلط وهاتك ضححححك
خلود:واو يابنات أكشن!!!
الاء:وين أكشن؟؟..دخلوا وانا أهز..

الهنوف:لا وحضرتي معاك
مرام:أما هالشباب يبيلهم تكفيخ كل واحد واقف من جهه ويتفرجون وحنا من زود الحماس موحاسين
دانه:بس أخوي انا مره فري قلك طريق
البنات:ههههههههههههههههههههه
لميس:بس مشالله أول مره اشوفه يجنن
فرح:لا دام لميس حكمت فهو حلو
لميس:أحم احم
خلود بنفسها.."مو اجمل من بندر!!"
رهف:بنات أنا اللي مستغربه منه مهند..مو بالعاده يكون فلاوي لهالدرجه
مرام:ولا عادل حتى أحسه دوم رزه
لميس:هههههه شكل عبود قلب روسهم
خلود:هههههه الظاهر...بس اهم شي يجلسون بعيدين عن المعرس اخوي لايخربونه
دانه:على قولتك
الاء:بس أشكالنا لما شفناهم هههههههههههههه تححححفه
البنات:ههههههههههههههههههههههههههههههههههههههه

**~|عصفورة عرآقية|~** · 20-06-2012, 02:28 PM

رد: فـــمآن آلله يـــآلغــآلي / روووعه

عند الشباب..
محمد:اقول مجود ماودك تلمح أحد من هنا ولا من هنا؟؟
ماجد:والله ياليت عزالطلب
بندر:أقول انت وياه ترى بعلم عليكم!!
محمد:لالا ماتسويها..اتوقع انت أولنا
بندر:هههههه يمكن!!
نواف:شرايكم نروح نترزز عند الحريم!!
ماجد:واللللللللللللللله؟؟؟
تحمسوا الشباب ..:يالله
محمد:انتظروا خلنا نعطيهم خبر..
ودق على امه..
أم سلطان:وشو؟؟....تدخلون؟؟....ليه انشالله؟؟
محمد:يممممه نبي نردح
أم سلطان:أقول عن الهبال والله لو يدري عنك أبوك ليلعن خامسك
محمد:يمه نبي نسلم عل امي شيخه
أم سلطان:.....انا بناديها عند الباب وسلموا عليها
محمد حس ان مافيه أمل..لأنه جلس ساعتين يحاول فيها بدون فايده:طيب يالله كلنا بنجي عند لباب
الشباب بعد ماقفل محمد:هاه بشر!!
محمد:والله الوالده راسها يابس..اجيبها يمين تجيني يسار...تقول بتناديها عند الباب
نواف:يعني مافيه امل؟؟
ماجد:ولا سعاد حتى..
بندر بتريقه:هاهاها احد يضحكني شباب مو قادر اجامله وأضحك
ماجد عصب:بندرووووه!!
محمد:يووووه صدق فاضيين إحنا في إيش ولا في إيش
بندر:في إيش
ماجد يرد له الحركه:هاهاها احد يضحكني شباب مو قادر اجامله واضحك
نواف:ههههههه والله انكم مهبل
محمد:أقول انت وياه يالله خلنا نروح نبلغ الشباب
وراحوا وقالوا لهم إن شيخه بتطلع لهم عند الباب عشان الكل يسلم عليها..
وشوي إلا أم سلطان تدق على محمد..
رد:هلا يمه
ام سلطان:جدتك تقول ماتقدر تقوم بنسوي لكم طريق وادخلوا مافيه إلا انا وخالاتك
محمد تشقق من الوناسه:أوكي يمه
وسكر..محمد يكلم الشباب وبنظرة إنتصار: البشاره شباب
نواف قفز وبعيونه لمعه:لاتقول بندخل!!
محمد حرك راسه دليل على الموفقه..
بندر وماجد ونواف قفزوا:يس!!!!!!
محمد:هههههه الحمد للله والشكر..صدق شفاحه
دق نواف على الاء..
ألاء:هلا نواف
نواف:هلا فيك ألول
الاء:خير داق علي موبالعاده.
نواف:أفا ألول تقول كذا؟؟
الاء:والله هذا الي صايرحتى كنت شاكه انك مخزن رقمي
نواف:هههههه لاماعليك.
الاء:اخلص اش تبي؟
نواف:بس كنت أبي أقلك إني ويا الشباب شوي وداخلين....قاطعته الاء:وين داخلين؟؟
نواف:عندكم بس............قاطعته للمره الثانيه وشهقت:صدق!!!!!
نواف عصب:الاء!!....بتخليني اكمل ولا اشلون
الاء:خلاص خلاص....قول إش عندك
نواف:إيوه....بس نبيكم تحطون لنا شي نردح عليه والله فينا دجه
الاء:واو وناسه..لالا هذي يبيلها كميرات عشان نصوركم...اوكي ماطلبت شي
نواف:مشكوره
بلغت الاء البنات اللي تشققوا من الوناسه وشوي إلا أم سلطان جايه بتبلغهم بالخبر اللي كان بالنسبه لهم قديم..وحذرتهم إنهم يطلعون قدام الشباب..
والكل:سمعا وطاعه<<< اخرطي الحين نشوف الطاعه
جهزوا البنات الأغاني مثل ماقال نواف وكل وحده اخذت لها موقع استراتيجي عشان يراقبون<<حشا ولا قوات الحدود
..وخلود كانت جايبه كاميرة الهنو معاها عشان تصورهم
وجا وقت دخول الشباب
شغلوا البنات الأغنيه وكانت أغنية لراشد...بوصف لكم أشكالهم...
طبعا كللللللللللللل الشباب من اكبرهم سلطان المعرس إلى اصغرهم راكان.. لابسين ثياب وأشمغه..وأشكالهم رزززززه....
سلطان وفيصل ومهند وعادل وخالد...داخلين برزه وهدوء غير عن الخبال اللي من شوي
بدر كعادته يدخل بدون محد ينتبه له او يحس بوجوده بإستثناء عين وحده كانت تراقبه بهاللحظه(ما راح أقول مين)
نواف وبندر ومحمد وماجد وعبود(المهبل) داخلين ويرقصون بس كانوا خطيريييييين
فهد:داخل بملامحه الهاديه والإبتسامه على وجهه وشكله كان مررررره جذاب بس للأسف حبيبته مو موجوده عشان تذوووووب
باسل وراكان كانوا بعالم...داخلين وباسل يعلم راكان شلون يرقص خليجي وأشكالهم تحفه..
دخلوا كلللللللللللهم وراحوا على طول يسلمون على شيخه اللي كانت متشققه وناسه على أشكال أحفادها..وبعدها راحوا يسلمون على خالاتهم..وحده وحده..
كل هذا والبنات يراقبون...عهود:انتبهت لإختفاء فراس وماتدري ليه بلحظه تمنت إنه يكون موجود
خلود:عينها متعلقه ببندر...اللله إش كثر اشتاقتله ولصوته وضحكته
الهنوف:كانت تناظر عبود...عجبها شكله ورزته والأهم من هذا جرأته مع الكل
دانه وفرح:يتهامسون وكل وحده تمدح باخو الثانيه فرح بفيصل ودانه بماجد
لميس كانت خاقه على محمد وبعالم
الاء وحلا:يناظرون باسل وراكان ويتريقون على أشكالهم
ريماس وأسيل:نفس الشي يناظرون باسل وراكان بس هم يتغزلون
جمانه وشذا:كل وحده تناظر فارس أحلامها وتتنهد
رهف:تناظر بأخوها وتفكر ياترى مين اللي بتكون من نصيبه وفجأه جات عينها على نواف وابتسمت بدون شعور
ديما:ماتدري وين ربي حاطها الحب بوادي وهي بوادي
وبهاللحظه دخل فارس عمهم...
البنات بصوت واحد:كللللللللللووووووووش
وبعدهم الحريم:كلللللللللللللووووووووش
عاد شلة المهبل لزوم الإستهبال عندهم:كلللللللللللللللللللووووووووش
فارس:ههههههههههه يضحك على أشكال الشباب وهم يزغرطون
البنات:هههههههههههههههههههههه
جلسوا الشباب فتره واللي يرقص واللي يتمايل واللي رزه ومكتفي بابتسامه بس اللي من جد فالها فارس لأول مره يرقص عاد البنات والشباب بس شافوه يرقص وهاتك تشجييييع وحماس...ودخلت ديما معاه في الرقص بحكم إنها ما تتغطى عن أي أحد ومعاها ريماس وأسيل وتحمس فارس معاهم...

يعني في هالليله الكل استانس من قلب..باستثناء سمر اللي فاتها كثير وفهد اللي متأثر باللي صار لحبيبته
مانتهت السهره إلا على الفجر...والكل جلسوا يساعدون أم مهند في الترتيب بعد حوسة الحفله
عشان كذا كللللل البنات ناموا ببيت ام مهند ماعدا مرام وشذا لأن أبوهم ما وافق والرجال والحريم والشباب هم اللي رجعوا لبيوتهم...

**~|عصفورة عرآقية|~** · 20-06-2012, 02:30 PM

رد: فـــمآن آلله يـــآلغــآلي / روووعه

بعد الملكة في بيت أم عادل
بعد أذان الفجر موضي كانت بالصاله تنتظر ولدها اللي كانت قلقانه عليه وهو ما كلف على نفسه حتى يطمنها
أول ما انفتح الباب لفت أم عادل وهي تتمنى يكون اللي دخل فراس
وفعلا كان هو..
دخل فراس وكان شكله مبهذل ومرهق..الشماغ على كتفه والطاقيه عافسها بيده ووجه كله تعب وإرهاق
وقفت ومشت لما عنده وبحده قالت:وين كنت؟
ناظرها فراس بتعب...:كنت بالشرقيه
خافت موضي:وانت وش موديك الشرقيه
ناظرها فراس وميل فمه بسخريه:هه والله مدري..فجأه لقيت حالي ماسك خط الدمام
عقدت حواجبها وقالت بصوت خفيف:فراس؟...انت فيك شي؟
فراس بخنقه:لا...وهوماشي:تصبحين على خير يمه
ناظرته موضي.."لا الولد مو طبيعي...أول مره أشف فروس بهالحاله...وجهه يبين انه شايل هموم..الله يستر وبس"

بعد اسبوع من الاحداث..وفي بيت أبو سلطان..
الهنوف: خلود...ردي هذي عاشر مره يرن موبايلك
خلود ونفسيتها زفت: هه قلتيها..موبايلي يعني مالك شغل
الهنوف:زين زين يمه ليه معصبه
خلود:يووووووه...الجلسه معاكم تملل..وقامت
دانه بعد ماطلعت خلود:إش فيها خلود موعلى بعضها هالأيام؟
الهنوف:والله ما أعرف يمكن لها اسبوعين وهي كذا بس هالايام بزياده بس أحد يقلها كلمه تعمل مثل قبل شوي
عهود:أكيد صاير لها شي...ماحاولتي تسأليها
الهنوف:هي عطتني فرصه؟؟
خلود بغرفتها..تقرأ مسج توه واصل لها من بندر..(خلود ليه ماتردين علي؟؟...خلود حرام عليك..لو أنا مسوي لك شي قولي موتخليني على أعصابي!!..)
بعد هالمسج قفلت موبايلها وحطت راسها ونامت

عهود نزلت تحت تشرب مويه...لقت بندر بالصاله نايم عالكنبه ويده على عينه..
عهود:بندر!!...غريبه جالس بالفيلا؟؟
شال بندر يده من على عيونه..وبتعب:هلا عهود..لك وحشه تعالي اجلسي..
عهود:لا بس نزلت اشرب مويه البنات ينتظروني بس ماقلت لي ليه جالس بالبيت؟؟
بندر:أبد محمد طلع وقالي أروح معاه بس أنا مالي خلق وسلطان ويا عمي بالشركه
عهود:تدري بندر؟؟...شكلك هالأيام مو عاجبني..لا يكون القلب متعبك وانت ماتتكلم
بندر:لا والله أبدا بس نفسيتي موشي
عهود:اش فيكم كلكم كذا
بندر:ليه مين غيري؟؟
عهود وهي رايحه للمطبخ:لا سلامتك
بعد مادخلت عهود المطبخ دق بندر على خلود لقى جوالها مقفل...عصب وطلع من البيت وهو يلعن الساعه اللي حبها فيها
دق على سامي..رد سامي:هلا بندر..هلا والله بعديل الروح
بندر بتعب:هلا صاحب السمو..أخبارك؟؟
سامي:والله تمام انت شلونك صوتك مو عايبني
بندر:لا سلامتك..انت بشرني عنك يالبايع من تزوجت ماعاد سمعنا صوتك
سامي:ههههههه أفا عليك أناأبيع الدنيا كلها ولا أبيع أبو عزوز
بندر:إيه إيه شلخ علي...بعدين حاسب الحين تغار مرتك واروح فيها
سامي:ههههههه لا عاد كلش ولا أبو عزوز تغار أمولتي منه
بندر:هههههه أحلى أحلى والله صرنا ندلع وامولتي ودنيا
سامي:شايف اشلون؟؟...إلا أخبارك مع اللي بالي بالك
بندر:اه ياسامي خلها على ربك بس
ساي:أفا...ليه سلامات؟؟
بندر:والله من رجعت من الكويت ماسمعت صوتها وماترد لا على مسجات ولامكالمات ولا حتى على المسن...والمصيبه ما أعرف ليه
سامي:لايكون البنت سحبت عليك؟؟
بندر:لا ما أعتقد إذا قصدك إنها كانت تلعب ..لا أنا متأكد..بس ما أعرف شالسالفه..
سامي:الله يكون بعونك..وانت بعد مالقيت تحب إلا هاللي لاعبه بحسبتك لعب..
بندر:عاد شنسوي مو مني من هاللي ينبض هنا..المهم خلنا من هالسيره وقلي انت اش مسوي..ووين ناوي تستقر؟؟
سامي:والله يخوك الوالد يبيني أرد للكويت واستقر عنده هناك..وانا لسا ماقررت بس غالبا بمشي على شوره
بندر:يالله بالتوفيق..عاد أهم شي سمعنا صوتك...وانت لا تقطعنا
سامي:انشالله ومشكور عالإتصال..
بندر:ولو سمو حنا اخوان...سلم عالوالد والوالده وعلى جاسم وطلول والله لهم وحشه
سامي:يوصل انشالله..فمان الله
بندر:فمان الكريم
بعد ماقفل بندر..
.....:بووووووووووو!!!
لف بندر مفجوع:لعن ابو ابليس خذيت عقلي!!
فيصل:هههههههههههه كشفتك منو تكلم!!!
بندر بدون نفس:مين اكلم يعني!!...فيه غيره؟؟...أكيد سامي..
فيصل:علينا...ويغمز....سامي ولا......
بندر:اقول وخر لايجيك كف يلف هالوجه
فيصل:أوب أوب...بندر معصب غرييييبه
بندر:الأغرب روقانك انت..الله يستر
فيصل:ههههههه والله ما اعرف اش فيني يمكن لأني شفت......أمممم أأأأا.....<<توهق....هههههههه
بندر:إيوه إيوه....اعترف منو ؟؟....كبشتك يالنصاب
فيصل:ههههههههه...هذي الله يسلمك..وحده تربعت هنا..((ويأشر على قلبه))
بندر:ابوووووك يالنصب!!..انت فيه احد يقدر يدخل هنا عشان يتربع بعد!!
فيصل:إيه هي وبس!!!
بندر:إيوه ومين تعيسة الحظ اللي داعيه عليها امها وحظها المقرود جابها لك الله يكون بعونها هال........
يقاطعه فيصل:بس بس الله يقطع شرك...بل..!!.. أنا شين هالقد!!!!!
بندر:يووووه مشكله الثقه الزايده...بالله فصول ناظرت حالك بالمرايه
فيصل يفكر:اممممم تبي الصراحه؟؟...قريب لا
بندر:هنا تكمن المشكله...حضرتك ماخذ مقلب بحالك ومصدق نفسك ان فيه وحده بتطالع بهالخشه وكل هذا عشان ماعندنا مرايه..والله مشكله
فيصل:اقول أقول ترى عطيتك وجه بزياده ماتلاحظ انك من صباح ربي وانت تحش فيني وانا ساكت لك
بندر:لا والله تصدق مانتبهت!!
وشوي سمعوا صوت يقول:الاخوان مطولين؟؟
لفوا عليه
فيصل:هلا فارس
فارس:هلا فيك لي ساعتين واقف هنا أبي ادخل وانت وياه مسنترين عند الباب تتناقرون
فيصل:ههههههه والله منه هو...الأخ مزاجه مقفل مدري اش عنده قلت فرصه!!
فارس ويناظر بندر بتريقه:يؤيؤيؤ ليه سلامات عسى ماشر
بندر بنص عين وماله خلق:أحد قد قال لكم انكم رايقين زياده عن اللزوم؟؟
فارس:لا والله
بندر:هذاني قلت
فارس:وانت وش حارق رزك...كل هذي غيره؟؟...
بندر:اقول أقول وخر عن طريقي وعطني مفتاح سيارتك ابي أطلع
فارس:والله قوووة عين بس يالله بنعذرك لأنك معصب..خذ يفداك المفتاح وصاحب المفتاح
هنا بندر ابتسم:تسلم والله انك كفو
فارس:إيه كذا ابتسم ترى الدنيا ماتسوى..
مشى بندر وهو يقول بنفسه"إيه وربي ماتسوى.. بدونها"
ركب سيارة فارس ومشى...
دق على فراس ونواف وبدر واتفقوا يتقابلون..
أما فارس وفيصل دخلوا جوى الفيلا وجلسوا يسولفون بالصاله...

رواية / فمان الله يالغالي (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget