,



ياصبآأإأآح الخير .. وهلآأإأآ والله بالجميع .. وهات البخور يالد
الاسبوع انتهى وقلبنا الصفحه وفيه من اهلنا الطيبين اشوف لهم تواجد اليوم
حيا الله الطيبين والله .. تو ما اكتمل نور المكان هلا ببنت حرب

..

وايوه بطفشكم بذا الصوره وربي رهيبه وايوه فرحان انا ووجهي اني مسويها
وش بعد وايوه الكلام اللي فيها معبر وع الجرح وياليت الناس تتعلم شوي منه
وش بعد وايوه معصب من بعض الناس اللي مسوين ثقال وكذا

..

وايوه سوالفي صايره زي وجهي وبالقطاره واصلا من فتره ماعندي سوالف
صاير زي العجز مغير حلطمه وطق اصبع يمكن للحماس الزايد دور احيان
نتحمس بزياده ونفرح شوي اكثر من اللازم وننصدم بالواقع

..

ايوه على طاري خلوني ابسطكم معاي شوي جاني ولد بنت اخو مدري وش يقرب لي
المهم ان بنت اخوي رزقها ربي بولد البارح اقول سموه على اسمي ولك سياره
ورافضه >> من زين اسمك عاد

..

ايوه صح بعد شوي خليكم قريب بجيب شوي من الصراحات هنا لي فتره ماعطيت
اصحاب الصراحات وجهه وتخبرون لازم نحتفظ لهم ببعض صراحاتهم فيذا
بجد بعض الصراحات تصنع اليوم والحدث وكل شي فخليكم قريب

..

فـ الاخير

خلونا اكثر اريحيه واقل قلق وتوتر وشيلت هم كلام الناس ورده فعلهم
والله يمكن ميه مره اقول كذا بس للان فيه ناس تشيل هم ذا الاشياء اخاف اتكلم واجيب العيد
او ينفهم كلامي غلط بس اشوف ذا الشي بقوه من فتره ومسوي لي زحمه

..

مدري الناس متى راح تكون اكثر قدره على فعل الشي بدون حساب لكلام الناس
او الانتقاد او شي ماظن انهم خوافين بس احيان الثقل ماهو مكانه او وقته
اننا نكون ثقال بكل وقت خففو على انفسكم شوي وبلاش تعقيدات للامور

..

وبس والله .. سلامتكم .. كونــو بخير ..

سلام

والله ولي حق أفتخر في سنيني
دامي على عرش الكرامهه تعليت.. ,

ماهمني ناس حكوا فيني ..
معروف عني عالي الشان والصيت
يكفي كسبت الناس من مدة يميني

ويكفيني فخر بينهم يوم مريت
كسبت صحبتي من طيب فيني

ماني على مصلحة احد حنيت
أعتز في كل خطوة .. وارفع جبيني

..

شوي غرور مع الصبح .. وعلى قولتهم خلك مابينك وبينك

آأإأآم بآأإأآك اقين أإأآند أإأآقين

كنت ناوي اجيب شوي صراحات والمها كلها واسويها بالفوتوشوب واجيبها فيذا
بس والله ماعندي وقت مستعجل شوي عندي شغل لازم اكمله

بس بنزل لكم وحده من افضل الصراحات اللي وصلتني والله
بجد وقفت عندها كثير لان فيها كميه رهيبه من الكلام والتحليل وكذا

وودي تدوني رايكم فيها لا هنتو عاد انتم وضمائركم اللي فاضي يدينا رايه
فـ الكلام اللي بالصراحه



اول شي اعذروني الصراحه الكلام اللي فيها واجد وضغطتها شوي عشان الشكل العام
مبغى الصوره تكون كبيره بزياده فضعطتها شوي

هذه خلونا نقول تحليل شوي لحضرتي من احدهم طبعا كتبت لي اسمها بس ماله داعي
تعرفون مين يكفي انا وهي اللي نعرف ماعليكم

الكلام احسه في محله بس سالفه متابعين كثير ومدري ايش ماظنيت
اصلا من يومي احسني مع نفسي بقوه مدري والله

بس من ناحية التشتت وكذا ياربااااه قسم قمه التشتت واللا تركيز اعيشها
من فترات طويله .. لين صرت احيان ماعرفني

اما الصداقات والله احسب الكل صديق وعزيز اصلا اي احد هنا اعده صديق
المشكله احيان انسى نفسي واعدني صديق للكل واسال عن الكل واكلها على وجهي

وبعضهم يحسبوني ابي شي والسالفه وربكم كلها ماتتعدى صداقه مكان لا اكثر
وش قاعد اخربط مدري والله

المهم باقي الصراحات نخليها للاسبوع الجاي وبضم لها بعض تعليقاتكم
على هذه الصراحه !!

طبعا اللي بيعلق يدخل هنا



وبس والله سلامتكم .. اجازه باذن الله سعيده للجميع وامطار خير وبركه على الكل
والله يسعدكم جميع ..

كونو بخير .. سلام

صبحكم الله بالخير .. .. كيفكم
مافيني شي بس هذه دموع الفرح مدري دموع ذكريات الطيبين

اليوم من دخلت الصبح شفت لايكات ورساله ومدونات الطيبين تطامر
معنا فيذا ياهلا والله بالطيبين هلا والله بريحه هلي

بجد بعض من ذكريات الكرام تحرك فينا اشياء واجد وربي
فمليون وست ميه هلا والله حياكم ربي وتو مانور المكان القهووه يالد

عاد في بعضهم خلف الكوليس ذولك اقوى الطيبين مالهم تواجد في مدوناتهم ولا
في مدوناتنا بس اذا مرو تلقى رسايلهم بجد صدق من قال الطيب يبقى طيب

فمن جيت الصبح كميه اموشن الله وكيلكم ماهي طبيعيه
يالله يارب ان تسعد كل من تعنى وكتب وكل من تواجد في مدونته بعد غيبه وكذا

وطبعا لا قصور فـ العالم اللي معنا هنا على طول انتم الخير والبركه
كمان محد يسنى كلامكم وسوالفكم اللي توسع الصدر !!

نقول نقطه ونهايه سطور

ونجي للسوالف فيه عندي شوي استفسارات وودي لو تشاركونن فيها
بس هاه بدون سحبات وكذا لان من فتره اشوف كثرانه السحبات علينا اقصدنا كشباب هنا

فيه حساسيه مدري كيف جايه اشوفها كثرانه ها الايام صراحه
ترا عادي الامور حنا بمكان تقريبا عام لو انه افتراضي بس يبقى مكان عام ارتضينا نكون فيه
فبلاش حكايه التقوقع والانغلاق اللي يفرضه بعضنا على انفسهم

مع انفسك انت وياه يابو ترى الامور الحمد لله طيبه والدعوه ماتستاهل
التقوقع او التحزب وكذا خلوكم اكثر فهم للامور وبدون حساسيات مالها داعي

فـ الاخير

خليكم قريب لان رايكم يهمن واجد وودي تشاركونن به >> وش فيك قالب قصيمي اليوم
مدري والله بس النون باخر الكلمه تزيد بريقها

وبس والله .. سلام

آأإأآم بآأإأآك << طلع يدك من مخباك



يقولون انه يقول " عليك ان تتعلم قواعد اللعبه اولا .. ثم ان تلعب افضل من الاخرين "

عاد ياكثر الاقوال اللي يلصقونا بذا الشويبه مع انه عالم فزيائي
وماظنيت ان له شي فلسفسي في الحياه وكذا

بس اتربط اسمه باغلب الكلام المنمق والمرصوص رص
يكمن عشان يلقى قبول ورواج اكثر مدري عاد !!

المهم ماعليكم !!

يقول كمان ذا الشايب " ان الانسان الذي لم يخطأ لم يجرب شي جديد "
خلونا من الفلسفه وركزو على الأخطاء !!

كلنا نخطي ونخطي كثير بعد واحيان نجيب العيد بكذا مره وبنفس الاشخاص
مدري ليه مانتعلم زين وكذا

نصر على تكرار الاخطاء لو ان بعضها يكون بسيط بس تبقى اخطاء
بعضها يكبر وبعضها نقدر نعالجه بسرعه ويختفي !!

تساؤلي ..

كيف نقدر نعالج اخطائنا او كيف تعالجون انتم اخطائكم مع اللي حولكم
في كل مكان .. بالواقع بالنت .. بالعمل باي مكان !!

لاني احيان كثيره اجيب العيد واتجاوز بكل سهوله حدود اللياقه والادب العام
او بدون قصد اقلل من احد واحيان بقصد الايذاء خلونا اكثر صراحه

يمكن مو بذاك الزود بس احيان في النقاشات وكذا نجيب الاعياد
تعرف اصلا من وقتها ان الشخص تاذى منك
او العكس احد تجاوز عليك وانت اللي تاذيت وكذا !!

نطنش وتستمر الحياه او نقعد لها ونتربع ونقول والله ماتعدي لو مهما يكون
اول كنت لا اتربع واعدل الجلسه وايمان مغلضه والله ماتعدي

واخرتها اكلها على وجهي وانفس وتخرب اغلب الامور

الان لا صارت الامور اكثر سهاله اتركها تعدي والله لو انها تسوي زحمه فـ البدايه
بس خلاص قدرت اسيطر ع الوضع واسحبها للنسيان

بالمختصر انسى امس اسرع وانام مرتاح هذه للي يتجاوز احيان معاي
واحاول اتكلم اكثر مع الناس اللي تجاوزت معهم واتسامح منهم بسرعه

مدري ليه ايام البزرنه نكبر المواضيع ونقعد فترات لا وين البوز على الفاضي
بجد ماعندنا سالفه

المهم طولتها وهي قصيره

لا تنسون ترا ابغى اعرف كيف نتعامل مع اخطائنا اللي نرتكبها بحق الناس اللي
يهمنا امرهم وكيف نقدر نخفي اثارها مع الوقت !!

كلام كثير فايده يوخ بس ماعليكم اهم شي اني اقرقر وكذا

يالله .. كونــو بخير .. سلام

بجد هذا الكلام .. بس وين الناس اللي تسويه بعضنا يموت او يعرف
انت وش مخبي عنه !! انت وش عندك !! وش فيك !!

كمان هذه من الاشياء اللي يبغالنا نسوي لها كنترول زين
ونبطل " لقافه " مع انه صعب احيان نبطل هاللقافه اللي فينا

بس تصدقون ماهي صعبه صعبه يعني عود نفسك شوي بس انك تبطل تسال
اسمع اكثر كون اكثر قابليه للسمع بدون لا تقط اذنك بالقوه

خلونا نحفظ اذاننا شوي ونبطل تحذيفها بكل مكان
كمان من الاشياء اللي كانت وصراحه مازالت مسويه لي زحمه فيني احيان لقافه
ماهي صاحيه بس الحق صاير اقل اساله اطنش اسال

يمكن اخاف من الكلمه الاشهر عالميا " بلا لقافه " او مالك دخل
واللي تكتل بجد " بعدين اقول لك " هذه تكتل الملقوف كتل

لو عندنا صبر بعدين نعرف ماسالنا اليوم ش السالفه
يالله ماعليكم اهم شي الاخلاق

فـ الاخير

اشوف اللقافه احيان نوع من اللطافه بعضنا يشوفها من الاهتمام بالناس القريبين من القلب
يعني عادي اساله اخذ علومه اذ حسيته متضايق ازن عليه زن لين اعرف السالفه

وبعضنا يشوفها من اللقافه مدري والله !!

بس خلونا نتفق ان الاشخاص بطبيعتهم بحبون يتكلمون عن احوالهم فـ الغالب
ويفضفون للناس اللي يرتاحون لهم

فخلوهم هم من يختارون الوقت للكلام دائما ورحبو بذلك وعلموهم ان
المجال مفتوح دايم للكلام بدون ماتحرجونهم بالاساله

باقي نقطه صغيرونه بس شكل بتركها لوقت ثاني خلوني نخلص من هذول اول
هاه النقطه الاخيره تكفون ماني فيها حساسيه وزعل


وبس والله سلامتكم .. سلام

فـ الاخير .. واخر قرقره لها اليوم .. مدري ليه لو تتركوني اليوم
الظاهر يجي الظهر وانا اسولف واقرقر عليكم وكذا

المهم قلت كل شي تقريبا

بس نسيت اقول لكم .. اعذرونا على القصور .. وخلوكم اكثر كرم مني
واكثر تقبل وخلوكم ااطيب

واقبلو اعتذاري وتقصيري وتهوري فـ بعض الاحيان وكذا
اعتذر لكل من اسات لهم بدون قصد او وصلت له اساءات من احد بسبب كلامي

اعتذر من هنا من المدينه لين اخر مكان يوصل له كلامي هذا
اعذرونا على تقصيرنا واسرافنا في بعض الاحيان بكلام ماله اي داعي

او تقليلنا من احد بدون والله اي قصد لاني احيان اكتب بشكل عام
وبعضهم يحسبنوني اقصدهم شخصيا وكذا ... لا والله كلامي دايم احاول اخليه بشكل عام لا اكثر

اشوف بـعض الاحيان غيوم في الاجواء بس والله مقدر اسال احد
لكن باين ان فـ الجو غيم

في الاخير





كذا قلبي وعويناتي يوم اشوف بعض الغيوم فـ الاجواء
لكن الطيب مايدور من الطيبين شرواكم .. الى انهم يعذرونه

وبس والله .. سلام من ثاني

سلام .. وصبحكم الله بالخير .. ايوه هذه المواضيع اللي تنجاب وينقرا فيها
ومايمل احد منها والله ونعم فـ الرجال والبنات وامهاتهم هذا الكلام

كفو والله يابو عبدالعزيز هذه فوائد التعدد لا قالو لك وش هو له تعدد ومدري كيف
هذه الفوائد هاه يابو الاكواس شد حيلك وخلهم يسون معاك كذا

ابو العز انت كمان شوف فوائد التعدد شلون يتسابقون انهم يرضون الزوج
يالله ان تسعدهم وتبعد عنهم الشر !!

تدرون ان هذه الصوره الظاهر مافيه قروب واتس بالسعوديه ماوصلت له
كمان من فوائد التعدد !!

ويجيك اللي مدرعم وطافي النور ويقعد يتفلسف علينا لا تعددون ومدري كيف
بناتنا مدري وش بلاهم على الناس اللي تعدد المشكله الغالبيه لسى ماتزوجو وتلقاهم بس حش في التعدد
يابنت اركدي انتي لسى ماشفتي شي فخليك راكده !!

اشجب واستنكر الحمله الشوعاء على ابو الاكواس لانه معدد الله يهنيه ويكتب له كل خير
وعقبال ماياخذ الثالث ويختم بالرابعه قبل يوصل الستين .. << وش رايك بالدعوه يابو الاكواس

المهم لاحظو الكلام بين الشباب يعني خليكم بعيد هالمره شله المعارضه وفتيات القوه

نور الفجر شاركنا وش رايك بالكلام اللي ينقال للشخص اللي يفكر يعدد في الزواج
والهجوم عليه من بعضهم بس لانه بيعدد او فعلا عدد واخذ اكثر من زوجه !!

والاصل ترا في الزواج التعدد الى لمن خاف ان لايعدل فيبقى على زوجه وحده
هذا اذ بناخذها من الناحيه الدينيه !!

نفسي بناتنا يعرفون ان التعدد ماهو عيب فـ المراه الاولى ولا قصور فيها
يمكن الاستطاعه هي اللي تحكم فمن استطاع فليفعلها ولا يهمه احد

المشكله اللي يتكلمون عن مضار التعدد ويصدقون المسلسلات ومدري ايش
ترى من واقع عشناه وشفناه حولنا من كل عشر ازواج معددين تلقى يمكن 3 او 2 اللي صايره
ينهم مشاكل والباقين من احسن مايكون لو كانت فـ البديه معارضه ومدري كيف

بس اذ تحكم الشخص بالامور بالشكل الصح راح تضبط الامور !
وبس والله ..

نقول نقطه ونهايه سطور !!

سلام

آأإأآم بآأإأآك

نسيت والله ابارك لعبدالعزيز الحربي بالقبول فـ الماستر الف مليوون مبروك ابو العز
ومنها للاعلى وانا اخوك ولا توقف لين تركب الدال وباذن الله انك قادر وقريب

ماشاء الله عليه ذا الولد حماسه وتفوقه شي وربي .. بجد مبدع ربي يوفقك
ويكفيك شر كل حاسد وربي يتمم لك على خير وتكون فاتحت خير لك

الف مبرووك مره ثانيه

..

صح على طاري الحب ومدري كيف كنت بمدونة نور الفجر ذا الادمي بفتره بسيطه قدر
ماشاء الله عليه يسجل اسمه بقوه فـ عالم المدونات ربي يسعده

بس لو يخفف شوي من النقاشات وياخذها باقل حده ووساعه صدر وكذا
كان تضبط الامور بس وربي مبدع الرجال ربي يوفقه

بس تعال هنا يانور بختلف معاك هالمره فـ كلامك !!

هذا الكلام اختلف معاك فيه بشكل كامل وانا اخوك كيف تجي ان الحب مو من لوازم الزواج
او الحياه الزوجيه وماهو من ضروياتها !!

الحب من اساس اي زواج ناجح حتى لو بدا وتكون بعد الزواج بحكم ان في مجتمع اغلب
الحب يكون بعد الزواج بين الزوجين او خلنا نقول مو اغلب بس كثير من الزواجات الحب

يكون بعد الزواج ويبدا ويتكون لتستمر الحياه الزوجيه بشكل افضل واكثر استقرار
فـ الحب اساس في استمرار وسعاده الزوجين !!

الموده والرحمه اللي تتكلم عنها تراها هي الحب وانا اخوك !!

وبعدين الحب ابو المواجع اللي يكون على اساس هش او حب خربوطي ماوصل للدرجه
اللي تستحق ان نقول عليها حب بس بعضنا يوهم نفسه انه حب وكذا

فـ الاخير

شكر لك نور على طرحك وتقبل اختلافنا مع ماتطرح في بعض الاحيان وخلونا نعرف ان الاختلاف دائما
في الطرح لايعني ابد التقليل من احد بس بعض كلامنا احيان يحتاج الى الاخذ والرد

مو اكثر من كذا واللا التقدير والاحترام باذن الله موجود وهو الشي السائد

ونقول نقطه ونهايه سطور

سلام

اخذتها من مدونه طيف ام الينانوه اول شي قلت يني او شي حفظت الصوره ع الجهاز
عشان العب فيها بالفتوشوب كالعاده يوم صغرتها شفتها زين طلعت وجه اسد

او كذا جا ببالي !!

ماعليكم .. هذه البنت من زود الفضاوه ترا يجي منها اي شي
اجل احد صاحي ينزل صوره كذا

المهم ماعليكم طيف اذ فيه جوايز تراني اول واحد عطاك وجه وجاوب واذ خطا
عادي لو جايزه ترضيه ماتضر بس ودي بآيفون X

على طاري ترا جوالي انكسرت شاشته اذ بتسون قطه وتاخذون لي غيره عادي
اعطيكم ارقام حسابي عشان تبدون تجموع القطه فيه

وبس والله بختم الصفحه هذه احسني كثرت الهرج فيها والله على غير السنع
تصدقون جاتني فكره مينونه شوي بسوي لي حساب جديد وبنزل اشعاري

>> خف علينا يابو الشباب قال اشعاري قال

سبحان الله دايم الشعب يحبون التحطيم وكذا بس مالي الى اسويها
عاد ماشاء الله عندنا مواهب واجد مدفونه ويبغى لنا من يحركها

الرسامين اللي هنا واجد بس ماشوف لهم ابداعات يمكن لانهم ماهم فاضين
بس مالكم عذر بدعو خلونا نشوف لو خرابيط زي رسم طيف

اهم شي لا تدفنون المواهب وكذا

تصدقون عاد احيان احد يوجهه بكلمه او اقتراح او دعم خفيف
وتمسك خطك صح بس كانك كنت نايم واحد جا يصحيك وكذا

فاللي يشوف عند احد شي مميز يكلمه وكذا عشان يحرك شوي نفسه ولنا امثله كثير والله
بمجرد اننا كلمناهم وتقبلو كلامنا صارو اكثر تفاعل واكثر تواجد وتغيرو للافضل

وكنا لو سبب بسيط بذا الشي وبس والله ... نقطه ونهايه سطور

كونـــو بخير .. سلام