،



كان واحد فيهم يقول للثاني لاتزيد الطين بله ولا تشكي لي وانا اخوك
وارمي همومك عليا !!

صبحكم الله بالخير .. ش العلوم السوالف الامور عساكم بخير
كلن بسمه وحيا الله الطيبين حيا الله النشاما !!

اول شي خلوني اعتذر للكل عن الصفحه اللي راحت وابشركم هذاني قلبتها
وان شاء الله هذه تكون افضل واحسن وكذا

عشان تعرفون اني ماعرف اكتب زين يوم انفسن فـ الغياب افضل لي ولكم
اللهم لك الحمد الامور والله طيبه والاحوال هذا زينها وكذا

شوي حلطمه ونفسنه جات وراحت

بوريكم شي لحظه بالله لحد يغير القناه !!



بالله شوفو كيف يوم اكتب بنفسنه اكثر وحلطمه مدري كيف شوفو النتيجه !!
ماحب اقتبس او اكتب بشكل مدري كيف جاي

ياخي بس انتم في تفاعلكم تخلونا غصب نعيش احيان اجواء مدري كيف جايه
من زمان اقول الناس احس بعضهم يحبون يقرون كلام مدري كيف

يحبون انهم يحزنون اكثر وكذا مدري ليه !!

عاد تصدقون فيه ناس والله ماعمري شفت لهم تواجد في مدونتي يمكن يمرونها
بس يكون المرور ع الصامت بس بعد قرقرتي الاسبوع اللي راح

اشوف لهم تواجد مدري يمكن من الصدف ان تواجدهم بذا الوقت او انهم فعلا يحبون
هذه الاجواء الاكثر حزن وكذا فـ مدري والله !!

ع العموم هلا والله بالجميع والمكان مكانكم وجعلها اخر الاحزان يارب
وبس والله .. ماعندي سوالف اكثر اشتقت للمكان

خودافس هالمره حقت الطيبين .. سلام

ونكمل معكم بس اول قلت مبغى اطول الرد احيان نمل من شوفه الكلام
الكثير ونسحب مانقرا عشان كذا قفلت الكلام بالرد اللي قبل

وقلت اكمل معكم برد ثاني !!



هذه كمان من الاسباب اللي تخلينن ابعد عن المكان وقت النفسنه
وبس اقعد اتابعكم من السطوح باكثر ابتسامات !!

احيان الطاقه السلبيه توصل للي يقرا اسرع من الطاقه الايجابيه وكذا
فخلونا نخفف شوي من الطاقات السلبيه في بعض اللي نكتبه لان بعضهم بجد

ماهم ناقصين تفتيح جروح او تذكريهم باشياء تغثهم وكذا !!

عاد هذه الصراحه ماخذها من كلام كثير جا بنفس الصراحه الكلام الباقي رهيب وربي
بس هذه الجزئيه هي الاكثر تاثير فيني وخلتني اجيبها هنا

عشان ثاني مره ابطل حلطمات سلبيه وكذا !!

تصدقون عاد مدري ليه احب اجيب للمدونه الصراحات اللي فيها انتقاد افضل من الصراحات
اللي فيها مدح وتطبيل بعض الاحيان

لاني اذكر قلت لكم احيان المدح الزايد يكون نفس الذم

فـ الاخير

دايم خلونا ننظر للامور باكثر ايجابيه لان الناس ماهم ناقصين احزان وهموم
وبس والله سلامتكم

خودافس

آأإأآم بآأإأآك قبل تطير الافكار بعد الافطار

من ميزه الغياب لو ابو يومين نرجع فينا شوق للمكان وعندنا طاقه ايجابيه
وفي مخابينا كميات قرقره ماهي صاحيه !!

نفر وير آأر يوو برذر شكل الامطار اشغلتك وانت تطارد وراها
شكلي بعطيك كم حساب فـ توتير حقت الامطار وطرد براحتك !!

الحين تعالو هنا بقول لكم سالفه عشان تعرفون اننا احيان من السوال نجيب العيد
ذاك اليوم نازلين للمدينه وويبغالنا زي ساعتين عشان نوصل لها !!

المهم اول ماشفت النت رجع للجوال قلت بكلم الناس اللي منقطع عنهم من يومين
فـ الامور لين هنا حلوه وطبيعيه جدا !

المهم بكتب لاحدهم وقت " الذروه "

ومن الفهاوه مدري كيف تنكتب الكلمه والله مدري من الشموس ولا التعب
المهم الكلمه ماهي راضيه تطلع واقول للشباب اللي معاي عاد حنا واجد بالسياره

ياعيال " الضروه " بالضاد العاديه او بالـ ظا ام عصى !!

وتعالو شوفو الفلسفه وكلن يفتي من عنده لا بالعاديه وينطقها ويتفلسف ومدري كيف
واللي يقول لا بالظاء اللي فيها عصى !!

والله يمكن زي نص ساعه نتهاوش باي الضادات هي
نعنبو الدراسه اللي نعرف اجل باي ضاد

والله وخويكم يكتبها بالضاد هذه زي كذا " وقت الضروه "
الحمد لله اللي انرسلت له ما انتبه وعلق بالعاده يعلق بس ذا المره مانتبه

المهم وقفنا نصلي العشا تصدقون عاد فـ الركعه الاولى ومع التكبيره
جا ابليس ابن اللذينا يقول ياهوو ترا الكلمه بالذال

قسم انه صادق بالذال وش دخل الضادات بالموضوع مدري
هذه كله وانا اصلي !!

طلعت الكلمه بالذال قسم اني مهوي وخوتي زيي مهوين
بس مالوهم السوال اصلا غلط اكيد الاجابات بتكون غلط !!

الزبده

لازم نعرف كيف نسال او شلون نسال اذا كنا نبي الاجابه الشافيه
فـ انتهبوا بالله من الاساله اللي مدري كيف جايه

وبس والله سلامتكم

خودافس كمان

ياخي كذا حالنا مع بعض بناتنا هنا في المنتدى او باغلب
وسائل التواصل فـ النت !!

مدري وش فيهم علانا بس حش او انتقاص او انتقاد سلبي
مدري متى بيمدحونا وكذا مدري الى متى !!

كنت في مدونات شهرزاد وطيف قبل شوي وحده تمجد في كتاب الكاتبه ماخلت شي
من الحش فـينا ماقالته وطيف شغاله مدح بالكتاب

المشكله الصور كلها حش بالاشناب للاسف

شهرزاد جايبه صور للنحل مدري النمل وسواتهم في الضعوف ذكورهم وطريقة رميهم
ومصدقين اللي مكتوب على الصوره واصلا وش خلاهم يحكمون انهم الذكور !!

بس بعطيم معلومات بسيطه عن ذكر النحل !!

هذا المغلوب على امره فـ الخليه تدرون انه يجي من البويضات اللي ماهي مخصبه بشكل كامل
يسمونه علميا التولد البكري يعني مايحتاج للتلقيح عشان يتكون كبير ياذكر النحل

وايوه وش بعد ذكر النحل وهذه معلومه اتحداكم لو تعرفونها
ماعنده ابره اصلا ومايقرص او يلدغ ولا يعرف اصلا

يعني المجرمين في خلايا النحل كلهن اناث !!

وابش بعد صح تذكرت ترا ذكر النحل مايعيش في الخليه الى اسبوع من ولادته وبعدها يطير
وماتهمه لا ملكه ولا اي نحله بالخليه يطير بعد اسبوع من ولادته

ويموت في خلال 3 شهور من ولادته واصلا النحل يذبحه بعد ماتتلقح الملكه على طول
وياكلونه اذ قلت الموارد حقت الغذاء لانه مايفيد في جمع العسل او شي

سبحان الله ذكر النحل مايقدر يجمع لا عسل ولا رحيق ولا شي للاسف
حياته قصيره مقارنه باناث النحل وفوائده بسيطه جدا مهمته بس تلقيح الملكه
ثم يذبحونه بعدها !!

وبس والله حبيت اعطيكم كم معلومه اعرفها عن النحل وكذا بعد ماشفت وقريبت
بمدونة شهزراد فعلا اللي مايعرف الصقر يشويه

يالله .. كونو بخير .. سلام

آأإأآم بآأإآك وانا شوي واطيح من الكرسي من الضحك
ياخي شعب منتهي شكلهم غلطانين في شي

قسم متابعين عبير واهل عبير تحف لو اقول مهما اقول ماوفيهم حقهم
بالله لحظه بوريكم شي توه وصلني !!

والله هذه صراحه توها وصلت لي واحد مضيع يحسبه يكلم
الخطابه او شي مدري جايب لي اسم عضوه معنا هنا
ويقول جيب لنا خبر حالتها

عشان محد يلومنا يوم نقول لكم ان اهل عبير وزواره مهوين خلقه
يابو ترا والله علاقتي مع الكل نفس الشي !!

فلا تسالون وتعبون انفسكم لاني معرف عن احد اي شي غير اللي يكتبه
في مدونته ويتحفنا فيه وبس والله !!

ياخي انا حتى اسمائهم ماعرفها الى يوم يكتبونها في مدوناتهم
يامكثر الاعضاء هنا ودي من اللقافه اعرف اسمائهم خاصه بعضهم لهم سنين معنا

واعدهم اصحاب وربي لليوم ماعرفت اسمائهم اصلا
وهم بعد مايعرفون اسمي

تجي طول الله عمرك وتسالني عن حالتهم الاجتماعيه مرتبطين او لا
هذه والله الجديده بس خوينا واضح انه عشقان او شي

ويدور الزيجه بس خايف ان اللي يسال عنها مرتبطه هههههاي الله يقطع ابليس ياشيخ

يالله خلوني اخلص شغلي يكفي اني امس ماداوامت الى الساعه 11 الظهر تقل وزير
فـ امان الله .. سلام

قال ايش شوف حالتها الاجتماعيه مرتبطه او لا
ربطوك في عامود قووول امين ..

خودافس

ع الطاير .. وليس النقل بجريمه .. حين يكون بتصرف
>> باين اللي وراه شي

قال مارك توين "
الرجل يريد كل ما يستطيع أن يناله، والمرأة تريد كل ما لا تستطيع أن تناله !

وشكسبير كانت له اضافه ايضا "
لا تطلب الفتاة من الدنيا إلا زوجها فـ إذا جاء طلبت منه كل الدنيا !

وقد قيل منذ الأزل "
إذا أردت أن تفوز بحديثا ما وأنت معك الحق شاور !
وتجادل في الحوار وكانك رجل تأخذ حقك ! واذا كنت على خطأ تناقش في الحوار بكلام إمرأة !!

يوما ما زاد شكسبير فنطق ابداعا "
القاعدة في التعامل مع المرأة ،، لآ قاعدة !!

فـ الاخير

تخيلو معنا نصحى في يوم ونلقى الدنيا وقد اصبحت
بدون ازعاج بدون زحام
الاسواق فاضيه وتصفر على عروشها !!

قصور الافراح تقفل !
الذهب بيكون زي المويا من الرخص اللي فيه ويكاد ينعدم !

يختفي الشباب من الاسواق وتقفل محلات الورود
والعطور وذا الخرابيط

ويسكرون مستشفيات الولاده

ياربااااه تخيلو بس بيوم نصحى وكل ذا صاير !!
لانهم انقرضوا !!

قالت ايش لا تتمحرش فينا اصلا انتم انقرضتو خلاص

وبس والله سلامتكم .. سلام

آأإأآم بآأإأأآك اقين قبل الفطور وعلوم الرجال !!


يقآآأل أن
كل شي في هذة الحياة يحمل نسبة عالية من السعادة !!

يبدأ بها او يعبرها او ينتهي بها ..!
في كل جانب من حياتنا جزء سعيد سيظهر عاجلا ام اجلا
لان الله كتب اقدارنا ووزعها بعدل
نحن متسرعون فقط
لا نصبر ولا نتنتظر
متذمرون كثيرا حتى اننا نساعد الالام والاحزان على اقتحام ايامنا

نهبها موطنا بدواخلنا بدل ان نطردها ,
نشعر احيانا بان السلبية جزء من حياتنا
نحن مخطئون كثيرا , ننسى اننا مسلمون ..!

ننسى اننا خلقنا مختلفين منذ اولى صرخاتنا !!

ننسى ان بداية حياتنا كانت كلمات تبعث على القوة تسربت عبر اذاننا
ليس للاحزان وطن لدينا نحن نملك عقيدة تسمى الصبر

ويجدر بنا ان نصبر لنعوض بفرحة نستحقها عقب صبرنا
ولككنا ننسى ذلك كثيرا تلك هي المشكلة ..!

نحن ... غافلون كثيرا ..!

لذلك

يكون العمر كله مفعما بالحياه دائما منذ ان نكون اطفالا حتى نشيخ
لا بد ان نجعل اعمارنا دائما مفعمة بالحياه !!

نقطه ونهايه سطور .. سلام

احيان ودك تتذكر بس ان بكره افضل وان اللي جاي ازين
ونبطل نفسنه وناخذ الامور ببساطه وبعقل الصغار

ونظرتهم لليوم كيف بيقضونه !!

يازين المبزره وترك الهم ورا ظهورنا كل همنا ريال او لعبه
او جمعه بسيطه في الحاره او ببيت عشان نلعب !!

تصدقون عاد بعض الامور احيان ودك من يمسكها بصدره دهر
ولا يخليها تطلع لانه بيتعب فـ الغالب

قفلو عليها في صدوركم افضل !!

يقول الشاعر ..

حاسب ضميرك واغتنم صافي الوقت ..
اترك كلام اهل العقول الصغيره !!

ايوه احيان ودك نفرح باي لحظه لو كانت قصيره بس حلوه
ترى بجد مايتعبنا غير متابع بعض العقول الصغيره !!

فـ الاخير

خلونا دايم نبحث عن الناس الاكثر تفائل السعداء من يحولون
تعكر اجوائنا بكلامات بسيطه الى سعاده هم اولائك من نسعى دائما

في البحث عنهم !!

نختم ذا الكلام بشوي بلاغه

الصمت صوت الصبور .. و دمع عينه كلام
و الحلم نصف المحال .. و راس مال الفقير !

وبس والله سلامتكم .. كونو دائما بخير .. وفـ امان الله .. سلام

آأإأم بآأإأآك ومعاي الببسي وحياكم الله يالربع بذا المكان اللي مدري
كيف جاي !!

ياخي روقان ياربي لك الحمد ذا الاسبوع والامور ياربي لك الحمد
تجيب السعاده بس اشوف ناس منفسه وكذا

وماشاء الله حركات وهدايا عند الربع وحنا لنا الله لو بسكوت ابو ولد
شطرطرون اي شي !!

ماقول غير الله لنا وربي يديم المعزه والصداقه بين الاصدقاء ولا يغير عليهم
ويكفيهم شر بعض الناس واوهامهم وكذا

مدري ليه فيه ناس بجد تتضايق اذ شافو ناس وضعهم طبيعي
وامورهم تمام تجيهم ام الركب مدري ليه صراحه !!

ياخي ترا قلناها قبل لم نخلق يوما لنكون نسخا عن بعضنا لازم نعرف ذا الشي
اننا متخلفين في تفكيرنا طريقه تقبلنا للاخر طريقه تعاملنا مع بعض

فيه اختلافات واجد بيننا !!

الحكيم اللي يعرف ذا الشي ويبطل حساسيه وشوفه نفس ومدري ايش
والله بنتعب اذ بنقعد نراقب الناس ونحقد عليهم او نحسدهم ونتصيد اخطائهم

خلو العالم بحالها واقبلو بالوضع اللي انتم فيه دايم وبلاش نفسنه

والله ان بكره افضل باذن الله من اليوم دايم واننا لو نفكر كذا بنرتاح

اليوم انتهى ابريل وانتصف شعبان ولم يبقى عن رمضان الكثير
خلونا نقلب صفحات واجد ونبدا من جديد افضل

ويالله يارب ان تبلغنا رمضان على خير وبصحه وعافيه
وانتم ومن يعزون عليكم اجمعين والله يرحم من غيبهم الموت عنا ويجعلهم من اهل جنات النعيم

قولو امين .. وبس والله .. سلام

نقظه ونهايه يوم نشوفكم باذن الله قريب .. لاتنسون اللايك والسب سكرايب والشير وكل شي
كونو بخير .. سلام

ياخي شي الرد الاخير تحس انك انجزت شي لو انه زي وجهك
المهم انك تحس بحماس الانجاز وكذا !!

ابو الانوار يقول صفه النيه والله وانا اخوك اني مصفيها
واتكلم بكل اريحيه وطقطقه بس هم الله يهيدهم احيان تقول بتطق لهم عروق مدري ليه

بس حلوه ياطيف سالفه الاكل ماش تحسبونا بنضيع بعدكم لا وربك لو يصدف يوم وتجربون
اكل الشباب في الاستراحات او اكل العزاب والله ان تتحسفي على الطبخ اللي تعرفينه

اصلا انتم لو تاخذون لكم فره في فن الطبخ ومين الامهر راح تلقون الرجال
يتفوقون بذا الشي وبمراحل عن البنات يعني ترا حنا اذ التفتنا للشغله وربكم نبدع فيها !!

صح على طاري امس اقرا شي يكتل من الضحك والغبنه بنفس الوقت

تصدقون اننا في اخر دراسه عن الشعوب العربيه انهم اكثر شي يبحثون عنه في النت
او الكتب هي كتب الطبخ

لين هنا الامور عاديه طبعا المضحك المبكي ان المركز الثاني في البحث
هي كتب ووصفات تخفيف الوزن او الرجيم وطقتها استغفر الله بس

شعووب منتهيه اجل يذبحون انفسهم على كتب الطبخ ثمن يدورون ويقرون في تخسيس الوزن

عاد خذو هذه المعلومه ع الطاير

ان اشهر كتب الطبخ مالفها الرجال وهذه تقول بنموت من الجوع اذ انقرضو البنات
ماش والله ماش كنتم طيبين قبل الانقراض وكذا

فـ الاخير

ماكل مايطرا على البال يكتب .. اجل رنووووه

كونو دائما بخير .. واعلمو ان الامور لا تتجازو كونها سوالف صبح وواحد فاضي
وعاد انتم بكيفكم واللايك تراه بلاش << بالله
اي قسم بلاش

يالله سلام .. الوعد باذن الله بالصفحه الجايه

خودافس