.
،



خلونا نزرع الخير بقد مانقدر نبعد شوي التشاؤم
صبحكم الله بالخير بنهايه اول اسبوع دوامات .. وهلا والله بالعالم اللي كانو غايبين
اشوف مراقتبنا اليوم طاله مع الدوافير ماشاء الله

الف حمد لله على السلامه وجعلها اخر الغيبات

..

تدرون قريت مره ان اصغر مسافه بين المشكله وحلها !!!
هي نفس المسافه بين جبهتك والأرض ؟

" ولقد نعلم انه يضيق صدرك بما يقولون ، فسبح بحمد ربك وكن من الساجديــن " صدق الله العظيم

اسهل علاج ربي يبعد عنكم الضيقه والهم من كلام الناس

..

يقال انه عندما يغلق باب للسعاده يفتح بعدها باب آخــر !
لكن في الغالب ننتظر طويلا عند الابواب التي اغلقت

فـلا نرى الابواب الاخرى التي فتحت لنا !!

تأملوها زين وخلو عنكم الوقوف امام ما اغلق من ابواب
اعقلها وتوكل ودع المغلق عنك هي كذا الدنيا

يوما لك ويوما لغيرك ويوما يكفيك الله شره

..

فـ الاخير

لا شي سيتكرر مهما حاولنا جمع نفس الاشخاص وذهبنا بهم
لنفس المكان ونفس ماكنا نقوله لهم

مهما حاولنا

لن تجد نفس الشعور في قلبك .. لان اللحظات التي مرت لن تعود !!

لنتفق اذا ان لا شي يتكرر بحذافيره رغم محاولاتنا في احيان كثيره
انطلقوا ودعو عنكم التفكير فيما مضى لتستمر الامور دعوها تمر كما جائت !!

اليوم مسوي طارق الحبيب انا ووجهي
يمكن لانه الخميس مدري والله

خليكم قريب بوريكم كيف جوي اليوم من سجلت دخول
نقطه ونهايه فلسفه مال امها داعي

ســلام

قــاعد لوحدك كـذا سرحان !!
الشيطان يوزك في سكه شمال .. ماتلعب يلا
العب يلا !!

تدخل الصبح بكل كسل العالم مع البرد هذا ومالك نفس لشي
اول ماتسجل دخول تحصل كذا بوجهك !!



بالله كيف بيكون شعورك او ردة فعلك قسم تنحت شوي
وش صاير ماهذا !!!

مع اني اصفر التنبيهات كل يوم بيومه بس بجد الى تحرجونا بكرمكم
ربي يسعدكم ياشيخ !!

مدري ليه احيان احس لازم اعصب عليكم عشان اجي من البكره القى الامور كذا
يعني يوم اعصب القى كذا !!

سوبهان الله

بس اكتشفت شي اعصب واجيبكم بالاسماء في تدوينه الردود تكون اكثر
اخليها على اولها بدون اسماء محد يقول شي ولا كان احد قرا شي !!

ع العموم ربي يسعدكم

واللي جاي ينصح عن الاغاني وكذا وانه مايصلح انزلها ... والله امس امزح وماني منزل اغاني
هنا ولا افكر اصلا بس كنت معصب عليكم امس

وكمان مشكورين للناس اللي ماودهم اكسب اثم الناس
واجيب اغاني ومدري ايش ياخي قسم ان فيه بعضهم سعاده وبجد
توقف لهم احتراما وتقدريا !!

وصح قبل انسى .. تشكرات نفر انت وشهرزاد وشمس
ماشاء الله عليكم ثلاثتكم عطيتوني الطريقه وقسم طلعت سهله

وانا احسبها وربي صعبه يعطيكم العافيه ع العموم ماقصرتو نردها لكم بالافراح

فـ الاخير

بالله شوفو ذا الكلام

من زمان وانا اقول لكم ذا اللكلام بس وين الناس اللي تصدق
بجد المفروض ما تزعل يوم احد يقول لك يانفسيه

سامعين يانفسيات !!

لعد اسمع احد يزعل منها وخويكم صاحب ذا المدونه عنده اعتراف عالمي
انه اكبر نفسيه فـ العالم فعادي الامور وربي

وبلاش ثقل ترى كلها ضغطة زر

كــــونو بخير .. واجازه سعيده باذن الله .. واللي كانت عندهم اجازات
عوده حميده للعمل وباقي يومين وتخلص اجازاتهم

<< تراه مايقصد شهرزاد

يالله فـ امان الله وحفظه .. ســلام

تصاميم ايام الطيبن وربي يالحين ياني ناسي كيف اصلا كنت اسويه
بجد الاستمرايه تصنع الفارق الافضل بكل تاكيد البلا فـ التكاسل

ياخي احيان تكون عندنا اهتمامات او مواهب مدري ليه نسحب عليها
ونظنشها لين تختفي او تندثر او تتلاشى !!

كثير امثله حولنا عندهم مواهب او اهتمامات بتكاسلهم تقريبا اختفت
مايرفع ضغطي الى اللي عندهم موهبه رسم او شعر او كتابه نثريه

وساحبين عليها سحبه مالها داعي !!

بجد حرام عليكم والامثله كثيره وهنا معنا في المنتدى ليت لي سلطه عليهم
يمين غصب ينزلون شي لو فـ الشهر حبه اهم شي لا يسحبون

لحد يضحك على نفسه ويقول ماعندي وقت او مشغول لا والله شاغلنا السناب
والواتس وشلتهم هم اللي شاغلينا

تابعت حساب مره صاحبته مرووقه بشكل يجيب السعاده وربي
يارسم او تنزل مقاطع من اغاني بصوتها بجد ودي اقول لها يسعدك ربي بس اخاف من البلوك

لاني باي مكان اتابع احد فيه اكون مجرد متابع بدون اي تعليقات او شي
اكتفي بالمتابعه بكل سكون واستكنان !

فـ الاخير

حرام تدفنون ابداعاتكم خلونا نشوف لكم عوده من ثاني لها !

وعلى طاري المواهب الحين بسالكم ورده وطيف وين هم مختفين ومعم انة الحرف
ماعاد اشوف لهم تواجد !!

المهم اللي يعرف عنهم شي يعطينا اخبارهم وهم اذ شافو كلامي
كفايه غياب ومدوناتكم تنتظركم !!

نقظه ونهايه سطور .. سلام

يقــولون ان حقيقه الانسـان ليس مايظهره لك
انما مايفعله من آجلـك !!

عشان كذا خلونا نقول انه الافضل اننا ننظر للفعل قبل القول
لنظر لما يفعل من اجلنا لا مايقال لنا

يمكن هنا نقدر نحكم صح ع الاشخاص ونختار بعنايه من يستحقون ان يكونو اصدقاء
مع مرور قليل من الوقت تكون الافعال هي المقياس والسمه للحكم

ليست الاقول ولا الحكم ولا الفلسفه هي الحكم

انما الافعال قيسو افعال اصدقائكم وحاسبهم عليها قبل ان تحاسبونهم
على اقوالهم لان بعض الاقوال تخرج سريعا في لحظات قد

يشوبها غضب او عتب فتكون قاسيه نوعا ما !!

او تفهم بطريقه خطا لم يكن صاحبها يقصد مافهم منها
نرجع للبدايه وخلو الحكم عليهم بافعالهم

فـ الاخير

صدقو حينما قالو ان السحب حيت تتجمع كثيفه تصبح سوداء
لكن بعد ذلك سوف تمطر وتاتي ببعض الفرح للارض ومن عليها
فيكون البياض هو المسيطر في كل مكان

كذلك نحن حين تتجمع الهموم والمشاكل تصبح حياتنا سوداء مظلمه
لكن فـ الغالب تاكدو ان بعد ذلك السواد باذن الله سيسود البياض باذن الله

لان الغيمه السوداء ستتحول الى بياض مهما طالت مدتها ستتحول
الى بياض باذن الله .. انظرو دائما للغد بتفائليه اكبر

وكونـو قريبا ممن تحبون فهم من سيعبرون بكم ومعكم تلكم الغيوم السوداء
لتفرحو باذن الله بعدها !!

نقطه ونهايه سطور من هنا وهناك

ســـلآم

طول عمرها المسافات لم تقرب آحدآ ولم تعبد احدآ ايضآ
هي القــلوب التي تفعل ذلكـ .. وبكل تمكن !!

ادو قلوبكم فرص ولا تحاولون تقفلون عليها في الوقت الغلط
لن تبقى الامور على حالها على الدوام

استغرب الناس ليه يخافون من ذا الشي ليه يحاولون جاهدين
سد كل او اغلب الطرق اللي تودي الى قلوبهم

وبعدين تلقاهم نفسيات وبس حلطمه !!

ياخوان مايصير كذا القلب دائما على حق ويتبع مايريد لندعه يفعل ذلك
بقليل من التصرف وكثير من الاستقلاليه !!

لا تقفلون شي صعب ينقفل بجد ماهو سهل ترا نكابر ونقول عادي

بعضهم يعاتبوني عشان اقول حبو جعل مايحب الى انتم
وبعضهم يحسبوني ابغى شي من الكلام

قسم مبغى شي بس ياخي مايصير طول حياتكم شايلين هم اشياء ماهي بيديكم اصلا
هي تجي كذا من الله فخلو الامور تمشي على ماهي عليه

لا تحجرون لها

وسلامتكم

فـ الاخير

هلا والله بام الربش كله طيف حياك الله وحمد لله ع السلامه
وجعلها اخر الغيبات يابنت وين هدايانا وكذا على بالك زي اول تغيبون وترجعون كذا بدون شي

الحين مافيه اللي يغيب لو اسبوع لازجع لازم يفرحنا بهدايا لو من ابو ريالين
اهم شي يجيب معاه شي



يالله خلوني اروح ابصم وافطر واعين من الله خير
فـ امان الله

سلام ..

ياليت ذا الشي يصير في كل شي بحياتنا مو بس بالكتابه

هذه لاطشها من عند شهرزاد بجد ابدعت في اختياراتها وغيرت الجو شوي
احس احيان نبغى نقرا شي خفيف ويوسع الصدر وع الطاير

فشكر شهرزاد

نجي للكلام نفسه ياليت يصير بجد ان كل شي ياخذ فتره قصيره ثم يختفي
او ينمسح نفس نظام السناب اول ماتطلع من المحادثه كل شي يختفي

تخيلو بس تكلم لك احد تتهاوش معاه تتزاعلون بعد خمس دقايق
ولا كان صار شي !! يارباااه !!

وربي بنعيش باكثر سعاده

تدرون اكثر شي يرفع الضغط انك تسوي اشياء واشياء واشياء
كلها تبيض الوجهه وتسويها بمحبه وصدق

فجأه

تغلط بشغله او كلمه او زله !! مدري ليه كل شي قبلها يتصفر
ويمسكون عليك هذه الزله وتقعد بها

وعاد ياحبنا لمسك اغلاطنا ونقعد نعلق عليها سنين نفسيات وربي
اعجبني سالفه الاربع دقايق وتنمسح كل الرسايل ليتها تصير بجد

احيان من زود النفسنه ودك تختفي او تكون بعيد عن كل شي حولك
مدري ليه بس ترتاح بمجرد تفكر كذا كيف لو بنسويه بجد

نختفي عن كل شي ونعالج انفسنا بانفسنا بلا احد يسوي عليك فاهم
بلا كلام بلا طعم ولون تقعد تتحلطم لين ينطحن الحب اللي براسك

ثم ترجع لهم اكثر صفاء من قبل !!

ياليت كلامي ذا كله بعد اربع دقايق ينمسح ولا يبقى منه شي
لان النفسيه اليوم وربي في اسواء اسواء اسواء حالاتها

فـ الله يعدي ذا اليوم على خير باقي من الزمن 3 دقائق فقط ياليت بس شكلي احلم

فـ الاخير

ماعندي سالفه وربي ومنفس بقووه وودي اضغط زرار واتفرمت
وامسح كل شي

ســلام

صبآأح الاحد .. بدايه اكثر من ممتازه لاسبوع جديد فـ ذا الاجواء
يازين البرد .. يازين ذكرياته يازين كل جمعاته

كذا حالتي احيان كثيره ذا الايام خاصه اذ تذكرت مواقف صارت لي
بجد الا ليت الزمان يرجع ورا واللا الليالي تدور ويرجع وقتنا الاول !!

عاد شي اليوم من دخلت قابلت اقلام زمان ماشفت لمدوناتهم حركه
وكانت في سكون ومع نفسها مدوناتهم

طيف اولهم ومعها نوادر وقلب صافي وانثى استثنائيه .. ياربااااه
والله ياهم اصحاب اقلام كان لهم وزن وتواجد ماهو بسيط

حمد لله ع السلامه جميع وجعلها اخر الغيبات يارب

..

صح على طاري وصل لي اخبار شوي عكرت المزاج اليوم
الف سلامه للورده ماثر وان شاء الله اجر وعافيه وتقومي بالسلامه وماتشوفين شر
ويالله يارب ان تتيسر امورك ويتم شفائك وتقومي بالسلامه ونشوفك في مدونتك وانتي بكامل عافيتك

وتواصلي هربتات وكذا ..

..

نقول نقاط ونهايه سطور

بس حبيت قبل اختم اقول لكم واذكر نفسي معكم
ياخي ليتنا نترك الامور دايم على اولها وبلاشي نلتن ونعجن في اشياء ماتجيب الى القلق
ووجع الراس

احيان نكتب بكل عفويه واريحيه وكذا يجيك من ياخذ الكلام ويقعد يمغط فيه ويلت ويعجن
لين يسوي منه سالفه بالوقت الغلط وهي كلها والله شخطبات

يمكن صاحبها كان قصده يلطف الاجواء شوي بس اخذو الكلام بشكل مدري كيف
يعني خلونا نوقف شوي من التعليق على كل شي

وخذو الامور باقل حده وريلاكسيو يا حلوين !!

الحين اقدر اقول لكم نقظه ونهايه قرقره .. وبدايه موفقه للجميع
وعودا حميدا للطيور المهاجره .. سلام

خودافس

End of page and Let's go
To the new page
.

Bye