من اكثر التصاميم اللي كل ماشفته لازم اجيبه هنا لانـي بجد احبه
اذكر اخذ مني وقت طويل يوم اسويه بس والله تو انتبه شوفو
فـ التوقيع تحت الاسم من 2013 ياربااه له خمس سنوات !!

والله عمــر لو كان بزر يمديه السنه الجايه يدخلونه المدرسه
المهم نقلب الصفحه 310 ونبدا فـ الجديده

بس بالله قبل خلوني اوريكم كم شغله وانتم تحكمون !! لحظه بقتبسها
وبجيبها لكم من جذورها

1

2

3

هذه ثلاث فيها كميه تناقض وكذا بجد دايم وابد ارضاء الناس غايه لن
ندركها مهما سوينا او حاولنا وهي قناعات صعب تنال رضى الكل
عليها لو مهما حاولنا !!

هذه عاشقة المطر اختصرتها في سطرين وبجد حين يتكلم اصحاب الاقلام
المتيزه يقنعون ويبدعون لانهم يختصرونها بكل بساطه

ماجبت ذا الكلام لشي لا وربي بس عشان نعرف اننا صعب نرضي الكل
دايم الى مايكون فيه من يختلفون مع ماتطرحون فـ عايديه ترا الامور

وبعدين الاقتباس رقم 2 صاحبته ماتقصد التقليل من شي بس قصدها
ان الاقتباسات ماهي زينه لصاحب ذا المدونه وشاخبيطه
لو يسولف وكذا ابرك وبيني وبينكم انا معها

لاني مو انا يوم اجيب لكم اقتباسات لو اني احبها صراحه بس
ماحب التكثير منها وكذا

فـ الاخير

شكر لكم جميعا وهلا بالكل يمين كنتم كرماء معي بشكل ماهو طبيعي
اجل 128 اللايكات اللي وصلت فـ اليومين اللي راحن

لو دريت كثرت اقتباسات وبطلت هربته وكذا
يالله نختم بالجمله اللي فـ التصميم

كـــونـــو بخيـــر .. سلام

هذا يقول لكم فيه اسـد مجمع الحيوانات من صباح الله خير
قال يالله .. الحلوين يوقفون على اليمن
والاقوياء على اليسار !!

القرد راح وقف فـ النص !!

الاسد قال له سلامات وش فيكـ
قال يعني ايش اشق نفس نصين



صبحكم الله بكل خير النفسيه اليوم لكم عليها نايم الفجر وساعه وصحيت
تقول احد داعي علي بقل النوم !!

مدري ليه من صحيت احسني اليوم مو انا
ماسكه ضحك من الصبح

مدري وش خلاني امر على حساب حق تريقه وكذا ياخي زاد التحشيش وربي
ش السواه اللي يدخل علي المكتب الحين يقول ذا مب صاحي

قسم من قو الضحك عيوني راحت فيها المشكله الوجه كسلان ومفقع من قل النوم
والعيون رايحه فيها يحسبون بي شي عسى محد يجي يمي بس

عاد خلوني اروح اخذ لي فره على مدوناتكم اللي اشوفه مكسل وكذا
صكيته بكم تعليق ياكود ينع نش معنا !!

عاد لا كنت كذا فايق مع الصبح احيان ازعج اوم اوم الشعب هنا
مدري ليه ودي تطلع لي شغله من تحت الارض بس عشان اطلع من هنا لا جيب العيد

اقول لكم اليوم مدري وش بلاني ودي بالنوم وماهو يمي واصلا مايمدي انام
فـ الله يخارجنا

المهم اللي يلقى القرد اللي بيشق نفسه يذبحه

فـ الاخير

نفر وصديقه الصراحه يبغونا نالف كتاب مدري ايش ياهو طلعوني منها
بجدكم انتم ترا منفع بالمره على قولتهم قاضي من سنين تراني

قاضي من الانتهاء يعني مو من الحكمه

<< وسمي اقضب الباب اقول

طيب لاتدف اشوفني ماني صاحي اليوم المهم اللي دعى اني مانام زين
يروح يحللني ويتركني انام تراني مانمت من امس لين اليوم
الى ساعه وشوي

من الطفش قمت اتابع اخبار القرود

يـ الله بس سلام ..

هذه العلامه بجد تربش تحسسك بشي ماهو كويس جاي !!
او خلل ومشكله في الطريق قادمه

راح نركز اكثر اذ شفناها مدري ليه ونقرا الكلام زين اللي جاي معها !!
واحيان بجد تكون في محلها وتخليك تنعن الساعه اللي شفتها فيها

ركزو معاي ترا اتكلم عن التنبيه الي فوق علامه تعجب فـ دائره حمرا

ليت نقدر نخليها تطلع في جباهنا بعض الاحيان اذ اللي قدامنا جابو العيد فـ الكلام
فخلاص اذ شافها يسكت ويمسك الباب

وعلى طاري النظر وكذا

تصدقون ان فيه دراسات كثيره عن ان الرجال يتعتمدون وبشكل كبير في حياتهم
على نظرهم بالمقام الاول وهو اللي يتحكم بكل شي تقريبا فيهم وبشكل ماهو صاحي

مقارنه ببنات حواء !!

عشان كذا تلقون اغلب او كل الاعلانات تقريبا يكون المسوق الاول لها
وجود بنات مزايين فيها وقليل جدا يعتمدون على الرجال الوسمين وكذا

لان نظر الرجل اقوى وسهل ياثر فيه بعكس البنات ذا الشي لو ياثر فيهم
بس بشكل قليل جدا مقارنه مع الرجل !!

وعلى فكره الدراسه تقول انه شي فطري فـ الرجل وتكوينه وقوه نظره وانها تتحكم فيه
بشكل اكبر بكثير من النساء ونظرتهن

عشان كذا لا عاد اسمع احد يقول الرجال عيونه زايغه !!!

لاننا مفطورين على كذا سبحان الله ذا الشي فينيا بالفطره ومطلوب مننا اننا نتحكم
في ذا الشي بقدر كبير من الاحترافيه وكذا

وعندنا القدر على التحكم فيه بس كمان تراه ماهو سهل
ولا عاد اشوف بنت تتكلم علينا في ذا الموضوع ترا الدعوه اكبر منكن اخواتي ماتفهمن
ابدا كيف تكون نظره الرجل لو مهما تسوون



عندكم ذا العلامه على سبيل المثال تاثيرها فينا كرجال اكبر بكثير منكم
انتم يمكن ما تشوفوها زينا مدري

فـ الاخير

دايم نظرة الرجل ثاقبه ونظره المراه قاصره او عوجاء

وبس والله .. سلام

ابشركم فطور وافطرت باقي بس الشاهي ليته يكون مضبوط وساده
وسكر برا .. ساده ياحلوين يعني بدون نعناع

اقول لكم اليوم لو يجي مراجع يقول ابي فطور فطرته من قو الحماس اللي فيني
مدري ليه شكلها الصحوه الاقوى قبل الخمده ماحب ذا الشعور اعرفه زين

بعده راح يجيك خمول يشق راسك شق !!

ماعليكم مني .. الحين بجد البنات مايعترفون بالصداقه ولا الناس بس تحب
تطلع عليهم ذا الكلام !!

احيان يوم اقرا اقول صادقين واحيان اقول ماعندهم ماعند جدتي
اقصد الناس اللي تطلع مثل ذا الكلام من احصائيات او بحسب الواقع اللي يعيشونه !!

اقصد هنا الصداقه بين البنت والرجل وقبل لا تعصبون عليا وكذا
ترا اتكلم عن احصائيات مو عن بحث عن ذا الشي فهمتو لحد يجي مطفي النور ويهاوش

بحسب الدراسه تقول ان البنت ماتعترف بالصداقه مع الرجل الى تخليها حب
ماعندهم كلام فاضي وصداقات ومدري كيف احبك او اقلب وجهك

ركزو معاي قبل تتهورون وتجيبون العيد اتكلم عن البنات بشكل عام مو في حدود بعض المجتمعات
وكذا فلحد يجي يقول وش تبي بالصداقه مع البنات

وبس والله ماعندي اصلا سالفه

خلوني ادور الشاهي ابرك لاني غسلت يدي من القرد من يوم شفت خشت طيف بمدونتها
هالبنت فاصله بجد احد يعطيها بندول نايت ياكود ترقد لها شوي !!

سولام ايفري ون ..

يامساء الخير .. والعب يلا ما تلعب يلا ..
الى يرجعون للاجرام والجريمه ذول النسوه لحظه بس بكمل السيجاره اول
الحين وش فيكم كذا شديتو حيلكم بسرعه عطو الحر فرصه طيب

هنا بدايه الاستفزاز ولحد يلومني لو اجيب العيد او تطير فيها رقاب وكذا
من البدايه انتم شايفين الاستفزاز كيف اطنها زيه وهي ترد اول

مدري وش دخلنا مع المخرج هذا الظاهر ماراح يردنا الى الشرقيه الحين
بس ماعليكم اهم شي التعدد شكل تنهيده فات عليها اني اتكلم عن النظره وتحسبها الظره
ماهو منك من النوم والله !!

هنا بنحاول نرجع للطريق بعد ماضيعنا المخرج اول وشكلنا رحنا الحين
طريق المدينه يارباااه بس احسن نروح المدينه اوديكم فول الاكتع وربي ياهو فول
عاد اللي جا المدينه ومامر فول الاكتع ليقول انه اكل فول

هنا حسيت انها جايبته من سوبر ماركت ترا الرجل سبب في قدومكن طال عمرك
وهو سبب كل شي في حياتكن عاد كان جيد او سئ لا قدر الله !!

فلا تحسسي اللي يقرا انكم انتم اصحاب كل شي شايفه المقدمه
اللي قلتيها فيا فوق تصلح رد على كلامك هذا

هذه يبغالها لحالها رد مقالي مو كم كلمه والسلام بس ع الطاير ولي رجعه لها بوقت ثاني
اول شي في مجتمعنا السعودي بالذات النسبه الاكبر يتزوجون قبل يحبون
لاحظي النسبه الاكبر الحب بعد الزواج او في فتره الخطوبه يبدا مو قبل

كذا مجتمعنا وعاداتنا اللي الان بدت تختفي الحمد لله وتغيرت شوي الامور

يعني بالله اذ شاب زي اللوز وجاته امه او اخته وقالت فيه بنت فلان من الناس
وودنا نخطبها لك وكذا وين المشكله وليه يرفض اصلا وهو ماعنده سبب مقنع

يعني نرفض بس لمجرد الرفض او لان اخوانها واهلها ماهم من مواخيذنا على قولتهم
يعني هنا مدري ش اقول بالصبط !!

من فتره ودي اعلق على كلامكم هذا بس كنت مطنش لاني اعرف الرد والاخذ بذا الموضوع
بيطول بدون فايده تذكر وكذا

راح اعلق ع الموضوع بشكل اكبر في رد لوحده قريب الان بس
علقت ع الطاير

هنا مدري ليه عصبتي عليا قسم اني طيب وامشي جنب الحيط
وماقصدي شي

وبعدين ترا لو لاحظتي من بدري اتكلم عن " النظرة " يعني الشوف البصري
مو النظره بشكل عام بس قسم !!

هنا شهرزاد صاتني وسكت عليا بالزاويه صح شكلي تحمست اعترف
وحكمت بقصر نظر المراه وكذا وهذه اللي تاخذونها عليا من كل كلامي اللي فوق بس

الباقي دراسه وجبتها وانتم وحنا طيبين

ليه تنهيده شعبت الامور وحطت حرتها فينا بشكل مفصل وماخلت ولا بقت شي
شوي وتسحب الجناسي مننا ونصير كلنا نفرات كويسين

ع العموم لي رجعه زي ماقلت بالتفصيل عن الدراسه وعن كلام تنهيده
واعترف ان تنهيده هذه المره فاتت عليها واحس اول مره

اسجل فيها قوول مع ان شهرزاد فزعت لها بس الهدف انحسب
لو ان فيه شبهت تسلل وكذا

وهذا ردي عليهم الثنين مع احترامي طبعا لهم وتقديري وان الاختلاف فـ الراي
لا يفسد اي ود للقضيه بشكل عام


كونــو بخير وجلسه ممتعه اتمناها لكم

وبس والله .. سلام

ســلام عليكم .. وصبحكم الله بالخير .. ياخي قهر صراحه
يوم نص الشعب ماعندهم دوامات اليوم وحنا مداومين

مو حسد بس تر كلنا اوادم وكذا !!

اجل يعلقون الدراسه عشان شويه غبار واصلا مدري وينه جاي للدوام اليوم
والجو هذا زينه وحليوه مدري ليه اصلا تعلقت الدراسه

ناس تدور اي شي عشان يعلقونها امس اشوف هشتاق طلاب جامعة طيبه واصل ترند
لين ماعلقو لهم الدراسه وتعالو شوفو انواع الاستهبال على الجامعه

لين رضخت للضغط وعلقت الدراسه يمكن الساعه وحده بالليل
وهذول هم الطلاب الحين متسدحين نامين والاجواء وربي ماشوف فيها شي !!

ياحبنا للتقليد يمكن بمكه وجده الاجواء غبار وكذا بس عندنا بالمدينه الاجواء وربي عايديه جدا
للان على الاقل والساعه الان عشره وشوي

ماعليكم .. لا ويجونكم طلاب الرياض يبون تعليق هيا عاد سلامات

قسم عندنا الطلاب قامو يستانسون على تعكر الاجواء لو شوي لانهم عارفين التعليق مضمون
يالله تعلقيه سعيده لهم ع العموم

وعقبال حقين باقي المدن خاصه الموجه رايحه للوسطى بكره وبعده يعني التعليق عندهم
بيكون بنهايه الاسبوع !!

صراحه هزلت الله على ايام الطيبين وربي لو تروح للمدرسه بسفينه من السيول
انك بتداوم وانت طيب !!

راحو الطيبين بجد ..

نقظه ونهايه حلطمه موظف مركب فلاتر

فـ امان الله

صح قبل انسى لي تعليق على كلام امس والصراحات قصدي المعلقات
اللي وصلتني بالصراحه !!! بس خلوني افضي واتنفس زين وكذا

يالله سلام

شكشك يامعلم .. وصباحكم اجمل باذن الله .. بذا الاجواء عاد غيوم
بعد الغبار اللي امس يعني المطر قريب خاصه ان امس

الشمال كله امطار يالله يارب ان تبارك لهم فيها وترزقنا بالمطر
عاد متوقعين امطار وزهبو لبوس البرد ترا بيرجع بالويك اند ذا

فالخبول اللي طشو لبوس البرد ترا برد بياع الخبل عباته ع الباب بس يستنى
احد يشوف له الطريق وجايكم

بردكم شوي للنقاش ذا تحملونا عاد بنقز اجيب كلام شهرزاد لحظه

الى فيه صداقات بين الجنسين وبكذا طريقه ويمكن زماله فـ العمل
تتبعها صداقه وفي حالات يتبعها زواج قديم ماكنا نشوف مثل كذا عشان مافيه شي يوصل لنا
شي من اماكن العمل او التجمعات بين الجنسين

الحين مع السناب ووسائل التواصل كلنا نتابع ناس كثير ونشوف
الصداقات بين الجنسين بشكل كبير وماخذين راحتهم ع الاخر !!

يمكن تغيرت النظره للصداقه بيننا او ان الامور تحتم على البعض ذا الشي
بحكم الزماله فـ العمل فتتكون الصداقه لانه مو معقول تكون زميل لفتاه فـ العمل
ولفتره طويله مع بعض فـ اليوم الى ماتكون بينكم صداقه

واحد من عيال عمي على طاري ممرض في مستشفى كبير عندنا بعد شغل يمكن
اربع سنوات تقدم وخطب وحده من زميلاته بالعمل وتعالو شوفو العالم
كيف صارت تتكلم بس يسعد جوه ولا همه احد الله وفقهم وتزوجو

والان ماشاء الله يداومون مع بعض وعندهم بنيه زي القمر ماشاء الله !!


اشوف الامور طبيعيه اذ كانت بهذه الطريقه يمكن مو متقبله من البعض انا معكم
بس هي تصير واكبر دليل خذو فره على اغلب المشاهير بالسناب من شباب وبنات

تلقون الامور اللي اتكلم عنها !!

اضم صوتي لصوت شهزراد هنا اايد كلامها بقوه الصداقه تخفض الاكتئاب وبقوه بعد
هذه اذ كانت الصداقه فيها كميه احترام للطرف الثاني عاد كان شاب او بنيه

وما تطلع عن ذا حدود المعقول مدري وش هي حدود المعقول بس اسمعه
كذا يقولون دايم !!

مشكلتنا احيان كثيره عاداتنا هي اللي تخلينا نغير فكرتنا عن بعض الامور
اللي تصير لنا وتردنا فـ الغالب عن كل شي !!

بس لو نلاحظ اننا مع الوقت بمجرد تجاوز بعض هذه العادات بدون التجاوزات الشرعيه
نشوف الامور عاديه جدا مدري وش قاعد اقول ترا مفظر فول اليوم

فـ الاخير

تصدقون اكتشفت شي خطير وماهو سر لو اقوله لكم !!

اكتشفت اطال الله في عمري اني اعرف اسوي بيض عيون وبيض شكوشكه
احسن من تنهيده وشهرزاد

وبس سلامتكم .. فـ امان الله ..

وتيكت ايزي و اوبن مايند ياهووو .. سلام

قاعد مسوي فاهم من الصبح واقرقر وانظر ومعكم وكذا
واخرتها راحت عليا البصمه

ثاني مره اذ احد شافني اسولف بذا الوقت اطردوني اي شي ثالث مره
تفوتني البصمه وانا معكم فيذا !!

يالله ماعليه استاهل واصلا بعد عشره ينخصم يعني لسى بدري
واصلا مدري ليه معصب شكلي بس ابي اعصب

مع ان الجو وربي اليوم منعش ويفتح النفس وكذا

يالله خلوني اطلع قبل اجيب العيد ماحب اكتب وانا فايق لان العيد
يكون اقرب مني لي >> كاني سارقها من اغنيه

يالله استناسو وكونـــو بخير وربي يحفظ لكم غالينكم

وبس والله ماعاد عندي سالفه

سلام

ياصباح الكسل وياصباح النومه الاليمه في اسبوع التعليقات العالمي
كل شي تعلق حتى باريس تعلق البارح من الريال

تو اصحى واجي الدوام متاخر يمكن ساعتين وعليها محد قال لهم
بس يعلقون الدراسه ترانا بعد بشريين وكذا

ماعليكم اليوم خميس ونهايه اسبوع التعليقات والوناسه وكذا وهلا بالخميس

تو كنت بمدونه نفر يعلق على طيف و سالفتها مع غالي مريت مدونة الشاعر الكبير غالي
والقاه مستلم طيف وانواع الطقطقه وكذا تستاهل ذا الطيف اللي جاها

ليه ماتفرح بالتقييم وكذا ليه تسلتم ولدنا لغالي هاه << فزعه شباب شكلها

يمكن فزعه مع الشباب اصلا حنا دايم لو نغلط المفروض تعدونها لنا
ياخي عندنا اشغال وكذا اكثر من اننا نحصيها فـ الخطا وارد يعني اعذورنا مقدما

بس احسن شي بالسالفه كلها غالي طلع المهربت اللي جاوته ياخي مبدع لا جا يهربت
بس فيه ثقل مدري وش يبي به هربت يابو ولا عليك

نقظه ونهايه سطور وكذا

على طاري تصدقون ان العادات والتقاليد لو حنا رفضنا اغلبها وكذا
مشكلتنا مع الناس الكبار اللي لو ايش صعب تتغير عندهم

وبحكم السن وطاعتهم خاصه اذ كان اب او ام وتفرعات قرايبهم
احيان واجبنا طاعتهم فنمشي مع كلامهم حتى لو كان يخالف شوي توجهاتنا

فـ المساله ماهي مساله كسر عادات وتقاليد بقد ماهي طاعتهم

وبس ماعندي سالفه خلوني افطر اليوم فطوري صاير نفس الغدا
لا ومصر افطر العامل يقول ذحين مو وقت فطور اقول له روح جيب انت وش تبي

المشكله ذا الوقت حق الاتصالات حقته مع اهله والقرقره لين الظهر
شكلي خربت عليه وزعل

يالله كوني بخير .. واجازه سعيده باذن الله ..

سلام

والعب يلا .. كتب رد هذا طوله وانحذف كله

والله ماعيده .. سلام