.
.
.



هو احد وقت المطر يحتاج من يسعده السعاده
وقت المطر تجي لوحدها !!

صبحكم الله بالخير ببدايه صفحه جديده مع البرد والمطر
وكل شي يفتح النفس !

اخيرا قلبت الصفحه احس هاالمره بجد بجد تاخرت واجد وانا
مغرس بالصفحه اللي قبل لين صفرن عيوني

يالله المهم تم القلب والانتهاء بســـلآم

صح على طاري ياولد نفر احد شافه عين اخباره له فتره مختفي طويل
العمر عساك بخير يالخوي !!

مر يابو وسلم مدونتك من مبطي ملبقه بمكان ماهو مكانها
قم اركض رزها فيذا مع الدوافير !!

مرامي مسوين احتفالات برجعتها وتعبت شهرزاد وانه الحرف
ومدري مين وفتحو حسابها جات غبرت المدونات علينا بمدونتها واختفت

لنو كمان نفس الطريقه اشغلوكم البرزان الله يلخيهم لكم

عزوز صاير بخيل بعد زي تنهيده وشمس تقول التدوين بفلوس عادي ترى نسلفكم
نقاط تشاركون فيها بمدوناتكم يعني لا تشيلون هم

الرسوم والمشاركه معنا !!

انه الحرف بخيله علينا بكرمها في مدونتها مو مخليه ركن في المنتدى ماهي كاتبه
فيه او مشاركه براي بس مدونتها ضارب فيها عرض الحائط
وساحبه عليها سحبه اليمه

اكتبي لو سطرين وياليت بالليبي العامي وربي لهجتكم خطيره
بس عاد مع شوي شرح لا ندخل ونطلع ولا ندري وش تقولين !!
ولاتنسي ترى اقفل المدونه مالي دخل ..

( التينز ) اشغلتهم الاختبارات الله يوفقهم وماعاد شفنا لهم بربره في مدوناتهم
عاد يجون مره وحده ويختفون مره وحده زي يوم كنا
نلعب كوره وحنا صغار كل اللاعبين يجرون للكوره مره وحده
وهواش عليها طيب كل واحد يمسك مكانه

ويناول خويه الكوره لا مافيه ذا الكلام كلنا نجري للكوره بنفس الوقت
نص بيسلجون ونص بيبعدونها عن بابهم ياذن المغرب

وحنا مختبصين بنص الملعب محد استفاد شي !!

>> وش تقول انت

مدري قاعد اخلبط لا تركزون كلامي مايعرفونه الى الشباب
اللي لعبو زمان في الحواري كوره !!

يالله بس نسيت ابصم اول بصمه قسم تو انتبه للوقت المفروض 9 ابصم
يالله فاتت نعوضها بالثانيه !!

كونو بخير

ســلام كايز !!

آأإأآم بآأإأك

وجايكم بصيدن ثمين ماقدرت اتركه بدون ماجيبه هنا واشاركم
شوي خبراتي المتواضعه يمكن تلقون معانا حل

ولا تحتاري ولا تشيلي الهم وصل المنقذ >> مع نفسك
ماعليكم من صوت الضمير خلوه

بس قبل ليه الزعل حيره اوك بس الزعل لا لانك بنت البلد وعارفه
كل شي بس خلونا نسمع وش عندها الشهرزاد !

وي وي وي على مهلك علينا حبه حبه عشان نعرف نتفاهم باكثر هدوء
ناخذها حبه حبه !

المواعيد وعندنا هنا وبعد كل ذا العمر وتبين احد يعلمك باهمالنا فيها
وربي اننا اكثر شعب بالعالم فن في اللعب بالمواعيد الى في شي

واحد مواعيد المبارايات بالنسبه لنا الشباب بالثانيه نجي ونجلس ونتربع نستناها تبدا
بس قول لي تعال بالوقت الفلاني وربي مع نفسك اجيك بنفس الوقت !!

نجي للتعاطف !

مو تعاطف بقدر ماهو كرم شهامه نخوه عربيه زايده شوي احيان
هياك كمان خلينا نقول هنا يدخل التعاطف ويتحكم في امور كثيره
لاننا باختصار مجتمع تربطنا علاقات اخويه وصداقات اقوى من اللي برا بكثير

فنتعاطف مع ابناء القبيله لو مانعرفهم ونخلص شغلهم اذ مروا علينا
في اداره حكوميه وكذا !!

حنا ربينا كذا نتعاطف مع بعض اقوى يعني لو جاني واحد وقال تكفى ياولد عمي
وانا ماعرفه ويقول تكفى لا تردني وتطول معاملتي وربك لو ايش
لمشيها له هنا تعاطف سلبي ادري بس حنا كذا !!

قهقه في قلبن لا يفقه !

اللي يقراها صح اتحداه ماعليكم بجد هنا شعب مستحيل يتعلم
من اخطائه من ذا الناحيه فوضوين بشكل مجنون وبنفس الوقت نشوف
نفسنا دايم الصح ولا امورنا كلها فـ السمبتيك !

واخر شي نسويه نشعر بالمسوليه الى من رحم ربي !!

لاننا في الاخير نلعب بنفس الملعب يعني امسك لي واقطع لك
فهنا ماراح ينفع تلعب لحالك لازم تمشي انتي تعالي شوفي عندنا كيف

ارد مراجع اوراقه فيها اخطاء او شي ربع ساعه جايني موظف
زميل بنفس الاوراق يابو خلصها اش فيك هذا من جماعتنا وتكفى لا تفشلنا مع الرجال

بالله كيف برده ذا !!

لا وبكره بيكون لي شغله عنده !!

شايفه كيف مجبورين وربك نمشي لبعض خلاص مافيه فايده ذا طبعنا
كلنا عيال قريه وكلن يعرف اخيه !!

مو بس انتي الكل مزعجه ذا الشي بس مضطر وربك يمشي
معاه المشكله ان اللي يسمعنا نتكلم يقول ناخذ مقابل شغلنا وواسطاتنا لا والله
كلها اخوه ونخوه ودقت صدر بس !!

خذيها مني فتره وراح ترجع الامور زي اول لو تشود الان
بعد فتره مي طويله راح تضطرو تسايرو من ثاني راح ترجع الواساطات والتضبيطات
راح اذكرك !!

والله ناخذ فتره نقول خلاص مافيه تسهيلات لاحد ونتحمس
شوي ونرجع زي اول للاسف !!

البدايه اشوف انها تكون من الصفر من من العشرين
مشكلتنا نعلهم في المراحل الاولى الانضباط وكل شي يجون الجامعه
ذا الانضباط يختفي بحكم انت كبرت وتعرف مصلحة نفسك وهنا الغلط

المفروض الانضباط والتقييد بكل الاوامر يمشي لين التخرج
عشان يتعود الواحد يمشي صح بعدين اذ توظف المرحله الجامعيه احسها بدايه
الانفلات الانضباطي عندنا مدري ليه مع انه المفروض تكون

قمه الانضباط الاخلاقي الدراسي في المواعيد في كل شي
مو الله بالخير وبعدين يدورون مننا انضباط في العمل !!

كثرت الكلام ادري بس حبيت اشارك شهرزاد تساولها
وبس

ســلام

أآإأم باإأآك

بس هالمره الظهر يعني غير
شي الظهر بالشتا تحسك انه المغرب الى شوي ماعليكم

الحين المفروض الشعب يركز شوي هذه وحده من خواتنا هنا دخلت المدونه
على الصفحه الاولى وشافت الوسام حق التميز اللي له ثلاث سنوات

وقاعده تبارك للمدونه وليا الفوز والتميز صباح الليل

ماعليكم الله يبارك فيك ويسعدك وتشكرات ع التقييم وترى بس للمعلوميه
بعده ذاك المره اخذتها اربع مرات

..

نجي للباقي من التقييم بجد السوالف يبغى لها روقان مواي وقت نقدر
نسولف براحتنا بس كمان الحزن والرسميه يبغالها اوقات

مو كل الوقت نمسك حزن او رسميه في مدوناتنا

ياخوان رووقو شوي خلونا نضحك معكم بلاشي رسميات وكذا !!

يعني اكتبو شوي سوالف غيرو جوكم شوي وش خسرانين بالله
شوي كذا وشوي كذا

غيرو من خطكم .. شويتين

يالله .. سلام

خودافس

صبحكم الله بالخير .. بيوم الخميس الكويس
احسن يوم واخر يوم واكثرهم سعاده !

كونو بخير وعيشو الحظه صح بكل حالاتها بس بدون حلطمه
وتفكير يعكر اوم المزاج مع الخميس خلو الخميس يعدي وهو ونيس !!

الحين ترا مسجل ومصور كلام العالم اللي تقول بشارك وبغير
شوي من مودي وبعطيهم لين الاحد اذا ماشفت لهم تواجد تقفيل مدونات على طول

خلاص زمن الطيبه راح صح اليوم خميس بس مايعني اكون طيب
يكفي طيبه ببدا اصير اقوى !!

..

وبعدين تعالو هنا قسم ماقصدت احد بعينه يعني لحد يجي
مدرعم وطافي النور ومدري كيف ويسوي زعلان او ماعجبه الكلام
بكف ترا

الله يذكر ايام اول بالخير كنت طيب اكثر اعتذارات الحين صرت مجرم
احش واتسهبل واهدد !!

والله خلاني اصير كذا يعرف نفسه والله متاكذ انه يقرا الان وفرحان هو ووجه
بس يالله بجرب كذا فتره اذ عجبني الوضع بكمل

مع اني اعرفني طيب والبسه تاكل عشاي بس يالله ماعليكم !!

كونو بخير واجازه سعيده باذن الله
وبالتوفيق للجميع

سلام

آأإأآم بآأإأك

جعان هرج وربكم وراسي كله هروج بس مدري كيف ارتبها او ارصها رص
اعرف بتعبكم معاي بس عادي ماعليه النصر بكره ان شاء الله يجملها

ويهزم الذيب وعياله الله يكفينا شرهم

كانو بسوس مع الهلال ومدري كيف بيكون الوضع مع كبير الرياض
العالمي بكره !!

يالله ماعلينا اهم شي الاخلاق !

...

بالله لحظه بجيب لكم تقييم وصلني على كلامي امس !! لحد يغير القناه
شايفك ياطيف خلي الريموت مكانه وانتظري شوي بجيب التقييم

الله يبعد الحزن والهم وكل شي في اذى عن الجميع وربي ييسر اموركم ويطمن بالكم
ويردكم لاهلكم وناسكم سالمين غانمين باذن الله

هذا اول شي !

ثاني شي !

الحزن لو كنا عايشين فيه بكل وقت لازم نستغل لحظات الفرح لو كانت قليله
نعيشها صح نستانس فيها نضحك شوي نكتب شوي بفرح بتفائل والله

ان الكتابه بفرح تجيب الفرح معها جربو ذا الشي اكتب بفرح واخبار حلوه
او امسك لك موضوع وعلق عليه بشوي طقطقه بدون ماتزعل احد

كمان راح تفرح لك شوي !

اخر نقطه !!

ترا مو شرط بعض كتاباتي هنا تعكس حالتي اللي عايشها او وضعي
اللي انا عليه فـ الواقع مو شرط احيان اكتب باكثر اريحيه
لاني مبغى اطفش اللي بيقرا وهو ماله ذنب في انه يعيش جوي الكئيب معاي

يعني امسك ليا واقطع لك احلى شي

وبس ماعندي شي اضيفه بروح لاخر رد بعد شوي

برد على كلام الابله شهرزاد وماشاء الله عليها البنت هاذي ماعندها
وقت مجهزه دايم رد لاي رد على كلامها احسها تكتب كلامها

وتحط في مذكراتها رد على اللي بيردون على كلامها يعني جاهزه
على طول ماشاء الله

بجد شكلها بتعقد بناتنا بالجامعه هناك خفي عليهم يابنت
لا تكوني ابله منشن فـ الجامعه

بروح اجيب ردها وجاي خليكم قريب

طيف بعدي يدك عن الريموت خليك زي تنهيده ماسكه الركن وتتابع بادب
مو كل شوي ناطه ع الريموت بتغيري القناه اركدي اقول

يالله سلام

آأإأآم باإأآك اقين

ومعي من الصيد السمين الكثير ! طبعا اشكر لشهرزاد حماسها بذا الموضع
بجد تحمسك انك تاخذ وتدي معها على قولتهم الحي يحيك والميت يزيدك غبن !!

نجي لموضوعنا امس وردها على ردي

ببدا من اخر سطر وربي ادري ان الكلام مو لي ولا كلامي موجه لك بشكل شخصي
الدعوه بشكل عام والكلام مو لاحد هذه مايبغى لها فتوى

نرجع للبدايه

اول شي ماهو ظلم انك تمشي شغله لاحد لانك بتخدمه وبتساعده بتعجيل امر له
انت تشوف انه بيطول لو بيبقى على الطريقه العاديه الروتنينه وانت تختصر بعض الدخلات
عشان يمشي الموضوع اسرع شوي هنا مافيه ظلم ان شاء الله لاحد !

وبعدين حرام عليك قمه التعاطف الانساني ذا الكلام واحيان ترا نسويها مع ناس
مو عشان معرفه لا وربي بس لانك تشوف وضعه وتحاول تساعده وتختصر عليه بعض الطرق
وتمشي اموره بشكل اسرع شوي !!

كمان ديننا يابنت الاجواد الكرام امرنا بتسهيل الامور والبعد عن التعقيدات
يعني اقدر اطول الشغله واقدر اكون سبب في الاسراع فيها وكله بدون ماخالف اي شي
في مجال عملي بس فيه طريق سهل وطريق روتييني شوي ممل وطويل !!

وبعدين اتفق معاك انه غالب على الكل لاننا قلنا من امس الطيبه في مجتمعنا اقوى
واكثر من المجتمعات الغربيه عندنا طيبه ونخوه اكثر منهم !!


انا معاك هنا خلوني اكون مسؤل عن نفسي بس مو بهذه الدرجه الكبيره يعني
اطلع من الثانوي وكنت مسول من ادارة المدرسه بشكل كامل

وفجاه بدون اي شي اصير مسول عن نفسي كمان بشكل كامل اشوف كذا ماينفع
لازم انضابط ومسوليه على الاقل تكون اكبر من اللي حاصل الان
الان ماينفع كذا فيه ضرر اكثر الى لمن رحم ربي على قولتك

انتي لو تلاحظي الطلاب في الجامعات اول سنتين وربي اغلبهم في ضياع
بعدين يبدا يركد شوي لين يتعدل وضعه لانه انفلت من التقييد الى اللا تقييد

بطريقه سريعه شوي !!

لا هذا الكلام بس في الوظايف الخاصه بالحكومي وربي مايقدرون يمشون احد
الى اذ جاب العيد بشكل كبير فعشان كذا ترا حتى حنا ماخذين راحتنا ع الاخير

تعالي شوفي العينات لا انتاج ولا انضباط ومثله مثل المنضبط والمنتج ولا حياه لمن تنادي
وفيه تساهل وربي كبير !!

بس كمان نرجع ونقول انت ماضبطني في طول مراحلي الدراسيه لا تدور
مني انضباط كامل بعدين

طبعا نشيل من ذا الكلام الناس المهتمه من نفسها بنفسها
الناس الاكثر تميزا عن غيرها وهم موجودين بس للاسف يمثلون القله باي مكان

يالله طولت الكلام ومدري وش احس بوه المهم

هذا اللي عندي وشكرا لك مره ثانيه ع الطرح والتقبل والرد وكل شي

يالله طيف الان روحي غيري القناه براحتك
بس لا تروحين لقناة بدايه تراها ماتباعد ستار اكاديمي الى ان ماعندهم بنات
كان الرجال هم بس اللي يتابعون البرامج

سلام

الســـلآم عليكم

كيف الحال عساكم بخير واموركم تمام التمام وفـ احسن الاحوال !!
ماشاء الله الدنيا هنا صايره زحمه يارباااه بالقوه لقيت مدونتي وسط المدونات
لا ومحذوفه بالصفحه الثانيه وش انا مسوي لكم

هذا ومن زمان معطيكم كامل الصلاحيات تكتبون في مدونتي ولا راح احد يقول
لكم شي اكتبو عادي اهم شي لا تحذفون بي فـ الاخير

عاد مدونتي فيها الزهايمر بعدين تضيع ويالله تعالو دوروها

..

صح قبل انسى حمد لله ع السلامه انة الحرف وصولكم لبيتكم
والله ييسر اموركم ويرجع الامن لكم مثل اول واحسن

حمد لله ع السلامه بعد لنفر ونوادر نجد ماشاء الله زمان عنهم

..

بجد تواجد بعض الاقلام يعطي المكان اكثر فخامه كونو بخير وكونو قراب

..

يالله ماعليكم اهم شي كلن يغني على ليلاه ماشفتو النصر كيف
راح في خرايطها ولعبوها صح عليه مشكله اذ كانو يخافون منك الحل الوحيد عندهم
انهم يطلعونك برا الملعب لانهم يعرفون بالملعب انت اخطر اكثر جراه منهم

فيسحبونك معهم لبرا الملعب للطحن الاعلامي برا !!

عفت الدوري وربي وكرهت الكوره بكبرها عندنا باقي تكه وانحرها وارتاح منها
خلاص برجع لاوربا ماعاد في كورتنا خير وهي كذا

معروف كل شي قبل مايصير شي !!

لا واستنو الفضيحه الاكبر الجمعه باذن الله ياحنا بنشوف اشياء
مدري كيف بتكون !!

بشغل نفسي ذاك اليوم كفايه الجمعه اللي راحت بغى يطق لي عرق
من كثر القلق وربي !! خلاص يابو العز خذوها وفكونا يرحم امكم

بس لا ترفعون ضغطنا بزياده يكفي وربي زيدان وفريقه مالنا فـ المحليه امل
عارفين المحليه انتم لها فخذوها وفكونا !

اصلا حدكم هي والباقي مالكم فيه

الله يذكرك بالخير يا بخاري قالها دنائه محد صدقه
ان للبخاري ان يمد رجليه

كونو بخير

ســـلآم

آأإأآم بآأإأآك

اول شي قبل اقول شي شوفو فوق في فعاليات قسم المدونات ايوه مثبت
فوق مسوين لقاء مع المدونين هنا والبدايه كانت مع : لحن الوفاء :

ادخلو على الرابط اللي في الموضوع وشاركونا اسئلتكم في استضافتنا للمبدعه لحن
عاد الموضوع مفتوح للجميع واللقاء لفتره محدوده فاللي حاب يشاركنا يطلع فوق

ويدخل على الموضوع وحياكم الله معنا !

طبعا اللقاء راح يكون بداية لسلسله لقاءات مع المدونين بناخذهم وبناخذ اسألتكم
معهم ولهم وبنشوف كيف بدا هنا وكيف شايفين المكان

لا يفوتكم !!


..

خلصنا من الاعلان نجي الان لوقت اللقافه اللي فيني لقيت تنهيده جايبه
تساؤل في مدونتها وقلت بس هيا واسحب لكم السوال من جذوره لحظه بلصقه هنا

ايوه ذا تساؤلها جايبه لكم بعروقه هنا !!

الموضوع مره كبير وخطير ويمس كثير اهم ركائزنا ويطرق ناقوس الخطر
في اهم ركزيه في البيت اذ اهتزت هذه الركيزه احس البيت كله يهتز وربي

الأم

يارباااه بجد اننا احيان نتهاون بحقها وتكون فـ الغالب هي الضحيه
وهي الصابره وهي اللي تعبت معنا بس قسم اول ضحايا عصيان الاولاد بالذات
تكون فـ الام خلو البنات لانهم اكثر حنيه وكذا وتعاملهن يختلف عن الشباب !!

اشوف اهم سبب للي تقوله هنا : الدلع :
هو السبب الاول في تعنت الولد ورفع صوته واذاه فـ الغالب لامه

لو من بدري حصل الكف على الغلط والتجاوز كان عرف حدوده لو من بدري
ماحصل من يطبطب عليه اذ غلط ماكان سوا كذا !!

مشكلة بعض الامهات تكبر راس ولدها على خواته لانه ولد طيب اذ كبر
ترى بيكبر راسه عليك انتي !!

مشكلتنا كعرب دايم الولد يكون في مرتبه اعلى شوي من البنت ويعامل بطريقه مختلفه عنها
يحاولون يخلونه يطلع رجال على قولتهم من بدري يحرضونه عليها
بطرق ماهي مباشره هذه بنت لاتسوي كذا اضربها هاوشها لا تضربك انت ولد
اضربها حتى لو اصغر منها !!

طيب ياعيال الحلال ترا لاكبر بعضهم ماراح يفرق خلاص بيسوي رجال على كل
الحريم وامه اولهم !!

اشوف نص معاناه الامهات لهن دور كبير فيها وادري ان اغلبهن بدون ماتنتبه
لذا الشي كونت هذه النظره عند ولدها من يومه صغير

لا المفروض ينضرب اذ سوا على اخته كبير وهو بزر
المفروض مايتعلم ان البنت هي الحلقه الاضعف بالبيت مهما يكون لانه بيكبر
وبيكون كذا تفكيره ويبسوي كبير على كل البنات !!

وربي يا اشوف اشياء حولي اغلبهم كذا الابوان يخلون البزر لو صغير
كل شي بالبيت وكلمته هي اللي تنسمع وكذا حتى لو خواته اكبر منه بكثير
مدري ليه !!

ياخي بتعلمه الرجوله علمه مع رجال كيف يكون رجال
مو تعلمه مع بنت كيف يكون رجال !!

هنا مربط الفرس لا تعلمون عيالكم المرجله على بنات
ترى يكبرون ويتمرجلون على امهاتهم او اخواتهم او زوجاتهم بعدين

وعاد حلوها بعدين !!

مدري وش فيني بس وربي عصبت وخاصه تنهيده في اخر
كلامها جايبه سالفه وربي تقهررر بقوووه

الله لايسامح اللي يشوف زوجته تسوي بامه كذا ويوقف ساكت
وربي مع الشباك لرميها وانا اضحك

الله لايبلانا بس !!

فـ الاخير

هذه وجهة نظري بالتساؤل وبس سلامتكم

لي رجعه مع ببغاء طيف المهويه
بس مو وقته الحين

ســـلآم

عدنــــآ والعود باذن الله احمدو !!
الى الأمـــام وصابغ خيلتي كذا وحاط الشعار يعني وخرو عني يوم اكون متحمس

جاء في دراسة برازيلية لمتخصصين بعلم النفس والاجتماع
حول من الأكثر غرورا من الآخر من الرجال والنساء !!

أن الصفة التي يعطونها هي أن الرجل أكثر ثقة بنفسه
فيما أن المرأة مغرورة وقال علماء اجتماع شاركوا في الدراسة

« قلة قليلة من النساء يثقن بأنفسهن
وهذا يعتبر ضعفا فيهن، فيما أن غالبية الرجال يتمتعون بالثقة بالنفس »

تستمر الدراسه وتقول

« فيما تستخدم المرأة الغرور لتغطية نقطة ضعف فيها أو نقاط ضعف في شخصيتها »

لا حظو للان ماقلت شي بس جبت لكم دراسه قام فيها معهد برازيلي كله
متخصصين في علم النفس والاجتماع وكذا وتقدرون ترجعون للدراسه بضغطة زر في قوقل
حبيب الكل !!

اول شي قبل احد يسل سيفه على الفاضي ابغاكم تدوني رايكم بالدراسه
وكم تدونها بالنسبه للمحيط اللي حولكم وكذا !!

ثاني شي بحط لكم سبب بحثي من صباح الله للان عن هذه الدراسه
وليه كل هذا التقصي والاستعلام ورا مثل هذه المواضيع !!

لحظه بجيب لكم السبب خليكم معاي

متقطفات من كلام الشاعره تنهيده وبخط يدها وباعتراف منها
وهي بكامل قواها العقليه ومحدن اثر عليها بشي !





هذه كمان مقطتفات من كلام اختها بالنت شهرزاد
نفس الوضع نفس الكلام والحب للنفس بدرجه كبيره نفس الوضع
بس هنا فيها اهداءات اغاني لنفسها

يعني الوضع هنا متطور اكثر باقي شوي وتوصل لنفس الوضع تنهيده
مدري بس مين غيرهم من البنات هنا كذا !!

بس بعد ماقريت الدراسه متاكد كلهم كذا صراحه للاسف طلعو غرورهم
من بداية نعومه اظفارهم وكذا !

فـ الاخير

بالنسبه ليا وانقلو هذا عني ان الثقه عندنا مالها حد بس ماتوصل للغرور
الى في اضيق الحدود او بس اذ حبينا نرفع ضغط احد وكذا

وبعدين اشوف البنات مافيه بنت تمدح بلبس خويتها لو ايش يعني اتحداكم
بنيه تجي تقول لاحد من خواتها او صاحباتها والله لبسك وشياكتك
احسن مني لا دايم لو مهما مسويه خربطه بلبسها او مكياجها
تشوف نفسها الافضل !!

الان بس عرفت ليه كذا اثاري الشغله غرور ومو ثقه ولا شي
لنا الله وربي اننا كنا مظلومين معهم وكذا !!

يعني عادي تلقى ولد يسال خويه ويمدح فيه عادي ويساله وكل شي
بس هن لا !!

هاه عادت الحرب اين من يقول انا لها

ســــلام

السلام عليكم .. بصباح الربوع اللي كله زين اليوم من اوله
الجو وربكم يرد الروح ويفتح النفس وكل شي !

كالعاده اصحى كسلان وبالقوه واجي الدوام اسحب رجول تسحيب
حبه حبه لين اوصل لمودي العادي بس في ذا الفتره نصيحه لحد يتفلسف على راسي
لازم اقعد مع نفسي بس مسمح لاحد يقرب لين اوصل للمود الطبيعي

الحمد لله ان المراجعين مايجون بدري ولا كان صارت علوم !

ماعليكم اهم شي الاخلاق

نجي للمهم

يقال انهم سالو اعرابي قديم مالعدل ؟
قال العدل ان تعزو قبيله قريبه منك وتاخذ مالديهم لتعيش !!

تعجبوا منه قالو طيب اذ هذا العدل كيف يكون الظلم ؟
قال الظلم ان تغزوك القبيله قبل ان تعزوها وتاخذ ماعندك !!



تدرون مشكلتنا اننا ننسى بسرعه يعني لو اديك دفتر واخليك تكتب كل يوم شي او تعلق على
اشياء مرت عليك بس بشرط ماترجع تقرا اللي كتبته امس مع اني متاكد لو ماشرطنا عليك ذا الشي
ماراح ترجع للي كتبته !

وبعد عشر ايام اخذ الدفتر منك واشوف وش كتبت !

اتحداكم لو مانلقى للغالبيه تناقضات في كتاباتهم لا وبعضها تناقضات قويه بعد
هذا وحنا اخذين منك الدفتر بعد عشر صفحات او زيها لك كل ذا التناقض

عشان كذا لا حد يسوي فاهم على احد وينتقد بس لمجرد النقد لارضاء شي بنفسه
لا يابو مو كذا الشغله !

فـ الاخير

كلنا نحتاج من ينتقد عملنا بس اذ انتقدت حاول تكون لم تخطي نفس الخطا
ثم تاتي بما لا تاتيه به العرب اتمنى وصلت !

نقطه ونهايه اسطر !


نجي لكلامي امس ياربااااه وش قلت ياهو ترا هي احصائيه وجبتها وعلقت عليها
وقلت لكم ليه جبتها يعني ماسويت شي دنا كنت بعلق بس !

يمكن تحمست شوي بس >> شوي بس

بعدين تعالو هنا عمر الاختلاف في وجهات النظر ماكان فيه انتصار لاحد سلامات
ولا انتهى بقصف جبهت احد لا مو كذا عاد يعني كل واحد يصلح سيارته وكذا !!

الحين هذا مع اي باب ناخذها باب الثقه مثلا هاه
يامتعلمين ياحقين المدارس !


وبعدين ترا عادي نتناقش هنا في المدونات ماهي مشكله ولا حصر على مكان محدد
ولا كان محد كتب شعر او خواطر في مدونته لان فيه قسم للخواطر والشعر
لا عادي نعلق وعادي نختلف وعادي وربي دام الشغله مافيها تجازوات وكذا !!

والقسم ذا مايحتاج من يحركه او ينشطه هو منشطات اصلا بنفسه

شكلي طولتها وهذا اخر رد فـ الصفحه وعندي وربي كلام واجد
بس طولتها بخلي الرد شوي يبرد ثم اقلب الصفحه واكمل

كونو بخير بس

ســـلآم