يمين انكم نفسيات احمدو ربكم انكم الان ماعندكم لا دوامات
ولا مراجعين ولا احد فوق راسك سوي كذا وليه تسوي كذا

يعني اخر همكم تميز بالجبن وبراد شاهي بالبر
بعدين ترى تميز بالزين مو بالسين مليون مره اقول بالزين

تدرون ش اللي يقهر يوم تطالع مع الشباك الي وراك وتشوف الجو
رهيب وريحه المطر ماليتن المكان ولا تقدر تطلع !!!

وفوق ذا يجيك مراجع طفشوه من المواعيد والتوجيهات من الصبح
يوصل لك الساعه 11 وهو خلاص واصل حده تقول له ابشر

معاملتك عندي بس لازم يوقعها المدير وتاخذ رقم صادر عشان تتحول للاداره الثانيه
يقعد لك وكل انواع السب والحش اللي يعرفه يقوله ويغلط ويرفع صوته

وانت مجبور تسوي زي الطيبين مغير تهز راسك !!!

هنا الغبنه من جد لو برا كان صفقته بالدباسه على جبهته والله < وربي معصب

تجي هنا تلقى العالم يهرجون عن الطلعات واللي توه صاحي ومدري كيف
يمين قهر انا ليه ماكملت دراستي برا يمكن يجيني عرض

واصير ممثل او لاعب واترك الوظيفه بكبرها لهم

يالله بطلع وخلوني اشوف احد يتحلطم يمين لاصكه بكف يعدل راسه
تراني معصبببب اليوم

حتى بدون خودافس

سلام عليكم وصبحكم الله بكل خير ورضى وسعاده
وجعل من ربوكم من اهل جنات النعيم !!




والله انك ابطال ويفخر الواحد انه ينتمى لهذا المنتدى الله يسعدكم
ويحفظ كل غالي على قلوبكم ..

غبت يومين وهذه النتيجه يارباه كم انتم كرماء معنا
اسعدني كرمكم وتواجكم وكل شي !!

اعتذر عن الردين الاخيره اصلا حسابي تهكر
او احد حط لي شي ف المويا والقهوه مدري المهم اعتذر مدري وين كان مخي

يالله نكبر ونتعلم اهم شي الاخلاق الباقي عادي !

تصدقون لو اوريكم رساله جاتني والله تروحون لين صاحبها وتعطونه
فلوس عشان يرسل لكم والله يابعض البشر انهم سعاده لانتهي وتفائل دايم فما هو غريب عليهم

التفوق في كل مجال يدخلون له !!

اللهم اعطهم بقدر نواياهم واكتب لهم كل خير
خليكم قريب بروح اجيب لكم شي !!

اوعى ايدك من الكيبورد لا تروح بعيد شوي وراجع

سلام

شخصية المعالج !





قبل ابدا معكم بسوي دعوه للاختبار لكل من :

احتريك
شمس الشتا
فلسطينيه وافتخر
انه حرف
غلاهم
لحن الوفا

ابغى ادخلكم قاعده الاختبار هذه ( http://www.jass.im/si/per/ptest/ ) لو تكرمتو مده الاختبار 10 دقايق بس
35 سوال كل سوال له خيارين بس

وتطلع نتيجتك بحسب اجاباتك ومافيه رسوب لا تشيلون هم طبعا الاختبار صاحبنا نفر
هو اللي وصل رابطه لنا !!



نجي للنتجيه اللي حصلت عليها !!



المعالج شخصية تمتاز بالخصوصية، والقدرة على قراءة أفكار الاخرين
المعالج مبدع ومثالي لدرجة كبيرة، ودائما ما يبحث عن مسار ذات معنى ليعيش من خلاله حياته
تحركه قيمه ويبحث دائما عن السلام والراحة للجميع

وهو أيضا متعاطف ورحيم، يحلم بمساعدة الناس كافة. يمتلك خيال وموهبة فنية واسعة
وفي الغالب ماتترجم هذه لمهارة لغوية وكتابية عالية. يمكن وصفه بأنه شخص متساهل
غير أناني، قادر على التكيف، صبور ومخلص. ميوله الشخصية:

إنطوائي، حدسي، عاطفي، ومتساهل. المعالج هو أحد المثاليين حسب نظرية كريسي للأمزجة
نسبة المعالجين حسب دراسة أجريت على عينة من الشعب الأمريكي تتراوح بين 4-5%.

شايفين نسبة تواجدنا قليله يعني مهددين بالنقراض حافظو عليا


نظرة عامة على شخصية المعالج:

المعالج حالته الرئيسية داخلية ومن خلالها يتعامل مع الأمور وفقا لشعوره تجاه الأشياء.
أما الحالة الثانوية فهي خارجية حيث يتعامل ويقرر المعالج وفقا لحدسه.
المعالج أكثر “الحدسين العاطفين” ميلا لخلق بيئة أفضل ليعيش بها الناس.
هدفه الرئيسي في الحياة إيجاد معنى الحياة بالنسبة له، ما هو الدور
الذي يجب عليه أن يلعبه فيها، وكيف يمكن أن يقدم خدمات للإنسانية في حياته.

والمعالج هو مثالي وباحث عن الكمال في حياته، يدفع نفسه بشدة ليحقق الأهداف التي وضعها لنفسه.

المعالج يمتلك حدس قوي تجاه الناس. ويعتمد بشدة على هذا الحدس ليقوده في الحياة،
ويستخدم إكتشافاته بإستمرار في بحثه عن معنى لحياته. يأخذ المعالج مهمة البحث
وإكتشاف حقائق ومعاني للأشياء. كل حادثة وكل معرفة تمر عليه، يقوم المعالج بمقارنتها بنظام القيم الخاص به،
وتقييمها ليرى إن كانت ستساعده على تصحيح أو تغيير مسيرته وطريقه في الحياة. الهدف للمعالج نفسه
لا يتغير دائما، وهو مساعدة الناس لتكون حياتهم أفضل.


بشكل عام المعالج صاحب نظرة ومقدر للاخرين، وهو مستمع جيد، ومتساهل مع الناس.
وعلى الرغم من أنه يتحفظ على مشاعره،إلا أنه يتملك إهتمام عميق بالناس وبإخلاص يرغب بفهمهم.
هذا الشعور يحس به الاخرين، مما يجعل المعالج صديقا محبوبا من الاخرين. وهو عاطفي وحنون مع الناس الذين يعرفهم جيدا.

المعالج يكره الخلافات والصراعات، وسيفعل كل ما يستطيعه لتجنبها. وإذا أضطر لمواجهتها
فإنه سيتعامل معه وفقا لعاطفته ومشاعره. في حالة الخلافات، لا يلقي المعالج أهمية

لمن هو المخطئ ومن هو المصيب. فالمعالج يركز على الشعور الذي يتولد لديه بسبب الخلاف،
وبالتالي لا يهتم إن كان مخطئا أو مصيبا. وهو لا يريد أن يشعر بالألم. ولهذا السبب قد يرى
المعالج في حالات أنه غير منطقي وغير عقلاني في حالات الخلافات. على النقيض من ذلك،
يمكن أن يكون المعالج أفضل وسيط في الخلافات، فهو يمتلك قدرة جيدة على حل مشاكل الاخرين،
لأنه يمتلك الحدس الذي بواسطته يستطيع فهم وجهات نظر كل طرف، وأيضا لأنه يرغب بمساعدة الاخرين بصدق.


اول مره اغطي على بقايا في الرددود
شايفه كيف تعب قرايه الكلام كله ههههاي بس اهم شي حافظو عليا تراني مهدد بالانقراض

شوفو ياحلوين دام نتيجة اختباري طلعت كذا فمن اليوم بغير السياسه
الخارجيه حقتي اول شي

بسحب جميع السفراء اللي معينهم عندكم وبعيد تشكيل العلاقات
بس الين تنتهي الخطه الاستراتجيه بسحب السفرا

وبقفل الحدود وبلغي كل التاشيرات اللي عندكم اعتبروها لاغيه
لحد يجي يقول بدخل المدونه ومدري ايش لا !!

بعيد ترتيب حساباتي من جديد وبسوي رسوم على الدخول
واعتبرو القرار نافذ من الان

قبل كنت شخص عادي الان لا صرت ( معالج ) مدري وش يعني بس
خلاص احسني تغيرت وكذا

اي احد يقول اسمي او يكتبه دامنا في منتدى لازم يحط حرف (م) قبل اسمي
لا اشوف احد يكلمني بدون حر فالميم اوكي

اللي يبغى يعلق على كلامي لازم يستاذن قبل يعلق وياخذ له رقم
يمكن ما اكون فاضي اقرا تعليقاتكم على كلامي عشان كذا بعطيم مواعيد للي بيردون على كلامي

الاقتباسات لكل عضو اقتباس واحد بالشهر بس ويحمد ربه اصلا اني خليته يقتبس من هنا
اللي ماكنت اعرفه عن شخصيتي صرت اعرفه

الان غير فاهمين

وببدا استقبال طلبات العلاج بس فيه حاله اتاسف من الان مقدر استقبلها
هذه طيف لا اسمعك تقولي ابحجز عندك موعد ف العياده لا والله تحلمين

انتي حاله خلاص منتهيه من زمان ويبغالك سمكره وبويا وتعديل رفوف << سياره مو بنيه

يوه نسيت قمت اتغشمر نسيت برستيجي مايسمح بالغشمره
خلاص اسف

بقايا وورده يجبون موافقه من اولياء امورهم اذ بغو شي من هنا
حتى الدخول الى هنا لازم بموافقة الاهل

الباقين عادي حياهم باي وقت

>> محد بينظرد اليوم ويمكن ينضرب

بس عادي اصلا كله من التحشيش اللي اول خلاني اقول كذ ولا انا وربكم طيب
ولا تغرني شهادات وكذا يالله اعتبروا كل الكلام اللي فوق

كلام ف الهوا وفاضي وخلوني القط وجهي قال معالج قال

لان لك بدايه هناك نهايه الان سوف انقلكم الى نهايه قصتي
مع مشاركتي التي نلت شرف التتويج بها

وهالمره خليت صاحب اللوحه يبتسم
وصنعت ابتسامته على وجهه تعبر عن حالتي !!

النتيجه النهائيه

بالله شوفوا كلام غلاهم وهي تقدم حفل النتائج النهائيه
شوفوا كيف ابدعت وادوني رايكم هناك مو هنا !!


مع شكري وتقديري لكل من ساهم في الفكره ونفذها
ولكل من صوت لي وجعل من تصيميم بسيط وفكره صغيره

جعلها بصوته تحقق هذا الوسام الذي وضعوه لي هذا اليوم

شكرا لكم جميعا اعجز والله عن شكركم
وفي نفس الوقت الله يبارك فيكم والعقبى عندكم

شكرا للجميع واعتذر للانسات الاتي كن معي ولم يحافلهن الحظ هذه المره
اعذروني سيداتي هذه المره فقط ولن اكرر منافستكن مرتن اخرى

!!!

سلام عليكم !!

هذه الصوره الاكثر تعبيرا وتأثيرا هذا العام ..
واكثر صوره متداوله في هذه الايام

صعب اخليها بدون ما اسوي عليها تصميم بسيط
اللهم أنصر اخواننا وابنائنا في الحد الجنوبي يارب العالمين

واعدهم لاهلهم سالمين غانمين فايزن ومنصورين

اللهم أرحم شهدائهم واجمعهم مع الصديقين والشهداء في جناتك
جنات النعيم .. اللهم امين ...

اللهم أحفظ هذا البلد امنا مطمئنا وأدم عليه كل خير
واحفظ اللهم قادته يارب العالمين

وادمهم فخر له وعزا ونصرا !!

اللهم امين !!

صبحكم الله بالخير .. ياجماعه .. اخباركم يالطيبين
كيفكم مع ذا الاجواء اللي دخلت علينا بدون مقدمات !!!

يارباه وربكم من قو البرد اللي جانا احس حتى البسوس
اللي ف الحاره هجت يالطيف يارب والله برد ينخر بالعظم نخرا !!

بوريكم شي !!



امس كان عندي موعد الصباح من الزحمه والقلق شوفو وش سويت في
الورقه حقت الموعد والله طول الوقت خايف اذ جا دوري

الدكتور يقلب الورقه فضيحه وربي بس راسم بمرسام
اذ صار شي عطيته المساحه يمسح

المهم بعد ماخلصت شخمطه ولخبطه وكذا طلعت معاي الصوره اللي فوق
قلت والله حرام لازم اصورها بالجوال ذكريات وكذا

واليوم نزلتها هنا بعد ماحطيت الختم حقي عليها >> اهم شي الختم

تصدقون وش قال لي الدكتور بعد ماشافها !!
قال لو درينا اخرنا سراك لين تكمل الرسمه ههههاي مايدري اني خلصت
اصلا معرف ارسم زين بس هذه مدري كيف طلعت
الزبده فتح موضوع هذا كبره ويسولف شكله حتى هو طفشان من المراجعين
وما صدق احد يسولف معاه وياخذ له بريك شوي

لا واداني موعد اليوم يعني كلها ساعه وبرجع لهم دعواتكم ..

بسال شهرزاد يجي مني ولا ماعندك احد وابطل قبل ابدا !!
لاني متحمس للرسم صراحه بس ماعندي وقت

صح ياهووو البرد خلى عالم كثير يبدون السبات السنوي قبل وقته
وين اختفوا العالم !!

والله واحشتنا الهربته ما اشوف لصاحبتها طله غريبه
ويمكن من الدوفره مدري من البرد !!

طيف كمان اختفت ش السالفه القسم بكبره بردان
اشوف المدونات من امس ما تحركت كثير ما الذي يحدث ياخوان خليكم شجعان

هو صح برد بس خليكم قده واللي يبغى فروات وفحم وكذا يقول
تراني مهرب كبير للفحم والفروات

يالله عاد خلوني اطلع ويالله اني تحيي اخر زوار مدونتي وتقيماتهم اللي ترفع الراس وتبيض الوجهه
عاد تصدقون ثاني تقييم يجيني من المشرفين ف القسم هذا !!

استغرب من المشرفين اللي هنا ما اشوف لهم اي تواجد لا بالتدوين او التقييم
او حتى اللايكات للمدونات مدري ليه والله

اذكر كنت مشرف هنا ياولد مافيه مدونه ما ادخل عليها اقيم ولايكات
اخلي العالم يعرفون اني معهم وان تدونيهم هو سبب في نشاط القسم

وبس سلامتكم
زي ماقلت لكم دعواتكم والله يستر اليوم

في امان الله

خودافس

اربطوا الاحزمه !!!

وتلطموا كمان !!

مستعدين !!!

اجل تعالوا للصفحه اللي بعدها

سلام عليييكم يالطيبن !!

يارباه وش ذا البرد ياشباب اللي عندكم اصلا من متى البرد عندكم !!
اللي يقهر كلها يومين جلستها بجده بعد ماخلصت الاختبارات

ايه صح نسيت اقول لكم ياربي لك الحمد خلصت اختباراتي يوم الخميس اللي راح
اللهم لك الحمد !!

نزلت لي تسعه ساعات من 18 ساعه يعني نزل النص وبقى النص !!
دعواتكم تكمل على خير

وننهي ذا التعب ان شاء الله علي خير

ايوه اقول لكم اخذت يومين بجده الخميس والجمعه وجيت السبت
الجو كان هناك خطير وحلو وما بوه برد

جيت هنا فجر الاحد يمكن والله ياني اكلت برد من وقتها لين اليوم
خلاني امشي كان رجل الي لا واحيان ادخن اوربا هذه مي المدينه

المهم ماعليكم !!

كيف الشعب كيف احوالكم اخبارك بعد شوي بخذ اللفه بالمدونات توي خلصت
من الرد على العالم اللي ارسلو يالله ياربي ان تسعدهم وتوفقهم باختباراتهم الجايه

عاد شي يوم تكون منتهي والعالم بتبدا نيهاهاهاي تحس انك قوي
وتقعد تتفلسف عليهم وتعدي بسرعه ومدري كيف ولا تشيلون هم

عاد تصدقون اني ماعمري بحياتي شلت هم الاختبارات اللي اشيل همه
الوقت اللي لازم افضي نفسي فيه عشان اذاكر الباقي والله مايهمني

ما احب وقتي يكون مرتب واعرف بكره وش بسوي وبعده كمان
ماحب كذا يازين يوم تمشي على عماها وزي ماتجي تجي << الاخوه الطلاب لحد يسمع كلامه

عاد ترى يمكن ماتدرون ترا جواتي دافور ماهو بسيط اذا تحمس يوووه
الهوامش والفهارس يحفظها

مشكلتي مع الدوفره اخش جو مع نفسي اهلي اللي بالبيت قليل يشوفوني بعد الاختبارت
اغلبهم اسلم عليهم حربيه كاني اعيد عليهم لاني زمان ماشفتهم ههههاي

يالله ماعليكم

بالتوفيق للعالم اللي امس بدت اختباراتهم بقياده بقايا وربعها
والعالم اللي بتبدا بعد بكره الله يارب يوفقهم وييسر امورهم ويسهل اخبتاراتهم

يالله خلوني اروح افر ع المدونات وراجع لا تروحون بعيد
خوافس

صح قبل انسى لحد يجيب طاري الكوره او النصر اتفقنا
يالله سلام ...