رواية قيود / الكاتبة ساندرا ( كاملة )

**الكاتبة ساندرا** · 03-09-2020, 12:03 AM

رد: رواية قيود / الكاتبة ساندرا

طلال: اي ياروح طلال .. المكان بالمطبخ زحمة وأنا جبت معي عزبتي وبطبخ على كيفي تشاركيني أميرتي ؟

راغده مدت يدها له: هذا يشرفني ..

طلال رفع يدها وباسها

رتب الغرفة وصارت راغده تجهز معه البهارات وتغسل له الخضار ..
طلال فتح النوافذ وجهز كل شيء ..

جاتهم نوال: عمي يقول أنا المشرفة عليك في حالة لو غشيت أو حركات منا ومناك ..

طلال بترحيب: هلا نوال حبيبي حياك اجلسي جنب راغده وارتاحوا ..

نوال: لا تقص علي بهالكلام عيني عليك عشرة على عشرة ..

صار طلال يطبخ وراغده ونوال قباله جالسين كأنه برنامج طبخ وكل فترة يسوي حركات وفن اما بالتقطيع او بالكلام كانت راغده تناظر فيه نظرة عاشقة حست ان كل يوم عن يوم يزيد حبها وتعلقها الزايد بطلال
انتهى الوقت المحدد لشيف العايلة ..
قامت نوال وراغده عشان لجنة التحكيم تدخل ..

راغده على نار: يا ربي وش هي النتيجة ..

نوال بضحكة: النتيجة معروفة غدو لا تشيلي هم ..

الا بإتصال ابو فهد لأم فهد وردت ولما عرفت كشرت بوجها: الفايز طلال

وسط صراخ وحماس البنات عدا جنان واسيل وام فهد ..

جنان بقهر: فرحانة أن اخوك خسر ..

اسراء: الأهم طلال فاز وفي فرق بين طبخه وطبخ طلال ..

اثير: أنا الكلام ذه مايهمني الصحن وين اريد افدس فدس جوعانة ..

الكل:هههههههههههههههه

شويات إلا جاهم صحن من كل مشترك بالمسابقة بصحون وسط ..

اثير بخيبة: طالمة يدري انه بيفوز ليه ما زاد ..

نوال: القوانين تنص لكمية محددة بالرز ..

كان اول صحن يخلص هو طبق البرياني لطلال ..

راغده طلعت من المجلس ووقفت بالممر الداخلي: حبيت اتطمن عنك وعن نفسيتك بس عساك زينة ؟

فرح بحزن داخلي: لا تشيلي هم تعودت اني احلل ولا اطلع حامل لا تشيلي هم حبيبتي .. واضح انك طالعه ..

راغده بفرحة: أي فروحه عند أهل طلال مسويين مسابقة وكذا ..

فرح: حركات والله لابد تعلميني بالتفصيل الممل ..

راغده: بس ارجع للبيت واراسلكم بالقروب .. ببعت لكم سيلفي بالسناب يلا ..

وسكرت منها وصارت تصور كذا صورة إلا تسمع صوت تعرف عند الزرع تقرب منهم وبصدمة وهي تشوف طلال مع إسراء ..

آنتهـــــــــى البـــــارت

**الكاتبة ساندرا** · 03-09-2020, 11:35 PM

رد: رواية قيود / الكاتبة ساندرا

رواية قيـود الكاتبة ساندرا
البارت الــرابـــع عشر

راغده: بس ارجع للبيت واراسلكم بالقروب .. ببعت لكم سيلفي بالسناب يلا ..

وسكرت منها وصارت تصور كذا صورة إلا تسمع صوت تعرف عند الزرع تقرب منهم وبصدمة وهي تشوف طلال مع إسراء ..

طلال اعطاها ظهره: ألي بيننا انتهى يا اسراء من زمان .. هو انتي لسى فاكرة ! ذه ماضي

اسراء بحزن: طلال أنا أدري أنك ماتحب راغده ولا حتى فكرت أنك تتزوجها وهي اكبر منك وش لك فيها تزوجني أنا وبدون مهر ..

طلال: اقصري الهرج يا بنت وادخلي داخل ..

اسراء بنفس حزنها: أنا عشانك عاديت جنان لما سمعت عمانا يقولون انك لجنان وهي لك وبس عرفت أنك خلاص بتصير لي .. إلا أسمع خبر كتب كتابك ليه كل ذه يا طلال ! ليه ترفض أنك تكن مشاعر لي .. ناسي ايامنا يا طلال ؟

طلال بيروح إلا تجي بوجهه وهي تعدل حجابها: ليه ساكت ؟ قول لي أنك تحبني للآن ومثل أيام زمان وأكثر ..

طلال يتصددها: كل ألي أقدر أقوله يا بنت العم أن مشاعري تجاهك اختفت من سنين وهو كان حب مراهقة لا أكثر ولا أقل .. ارجوك تنسين

راح وتركها بحزنها
بينما راغده تناظرهم من بعيد حست بنوع من أنواع الحزن والشفقة على حالها رجعت ظهرها لورئ وراحت للمجلس عند البنات كانوا يلعبون ورق جلست بمكان بعيد عنهم وعملت حالها أنها مشغولة على جوالها والحزن غلبها شدت قبضتها على الجوال الا تشوف اسراء بوجها وصارت تناظر عينها ألي كان واضح أنها بكت
اسراء وعينها حمراء: ممكن اتكلم معك ..

راغده:.....

اسراء بحده: ضروري ..

راغده قامت بثقل وهي خايفة ايش بتقول لها اسراء وقفوا عن التواليت: قولي ألي عندك ..

إسراء: من وين طلعتي لي انتي ! كنت فرحانة ان زواجه من جنان ما بيتم ليه تخربين علي .. من متى هو يحبك اصلا ؟ ماسمعت ولا شفت اي حب تجاه احد غيري ..

راغده تحاول تتغلب على حزنها ماقدرت: إسراء .. طلال يحبك ؟

اسراء بثقة: طبعا كان بيننا مراسيل هو للان محتفظ فيهم وأنا محتفظة فيهم ، انتي واصلة ومو بحاجة طلال وش لك فيه ! خذي واحد من مستواك المادي ..

راغده كانت واقفة مثل الجدار وصمت بدون ماتدلي اي تعابير بوجها: ربي بيرزقك أفضل منه هو خلاص تزوجني و ...

اسراء قاطعتها بحده: لا يا هانم .. عيب عليك تأخذين واحد وافق عليك بس عشان مواقفك معه قبل .. وما يقدر يرفض طلبك لأن جمايلك مغرقته قبل .. وهذا كان الثمن ؟

راغده انفجعت من كلام اسراء " كيف عرفت كيف !" بلعت ريقها :ا...

اسراء مسكت يد راغده: أنا مستعدة أوريك كل شيء .. وبنفسك تقتنعين أن طلال ما يحبك ولا شوي ..
بس اريدك توعديني لو اثبت لك تتركين طلال ..

راغده ضاقت فيها السبل وبتردد: مـ..وافقة ، بس انتي هم تتركين لطلال حرية الاختيار بيني وبينك

اسراء تمسح دموعها: تم

راغده توترت من ثقة اسراء بنفسها رجعت للمجلس ولبست عبايتها وحجابها وطلعت برا ..
بعد ربع ساعة جاها اتصال من طلال تجاهلت إتصاله لما وصلت بيتها

قطت نفسها بسريرها وأطلقت العنان لدموعها وهي تفكر بطلال واسراء ..

بعد البكاء قامت بشويش , لبست قميص نومها الأسود وهي تحتسي مشروبها بكوبها الفاخر وفكرة تجيبها وفكرة توديها ، شافت جوالها ٦ مكالمات من طلال ..

قررت أنها ترد عليه رد عليها بنفاذ صبر: وينك فيه راغده كيف تروحين بدون ما تخبريني ..

راغده: حسيت بتعب ورجعت البيت

طلال بقلق: لبى قلبك وش بك ؟

راغده: صداع بسيط ..

طلال: أنا تحت راغده افتحي الباب ..

راغده قامت بثقل لبست الكارديغن الأسود وشبشبها ونزلت تحت ..

طلال وهو يناظر فيها بقلق: صار فيك شيء ؟

راغده جلست بالكنب وهي تتفادئ النظر بعينه: بس احتجت اجلس بمكان هادي اللجة جابت لي صداع ..

طلال راح للمطبخ ورجع بوعاء صغير فيه زيت زيتون .. مسك يدها وحطها بسريرها وانسدح جنبها وحط رأسها بفخذه ..

راغده بتوتر: ايش تسوي ؟

طلال: اوووش ، ارتاحي بس ..

صار يدلكها وبعد ٥ دقايق: وين مكان الألم ؟

راغده وعينها مغمضة أخذت يده وحطته بتحت صدرها الأيسر : هنا .. ألم فضيع يكاد يقتلني " قامت من على فخذه وعدلت جلستها وصارت قباله وبحزن بنبرة صوتها" طلال أنا أدري ... أدري أنك " وبصعوبة نطق" مـ..مقدر الجمايل ألي سويتها لـ..ك
وأنك تزوجتي تحت ضغوط وكل شيء صار بسرعة ونسيت أسألك كنت تحب أو لا ..

طلال شك بكلامها: في أحد كلمك راغده ؟ تكلمي

راغده: ماجاوبتني على سؤالي .. كنت تحب ؟

طلال:..........

يتبــــــــــــــــع

**الكاتبة ساندرا** · 03-09-2020, 11:37 PM

رد: رواية قيود / الكاتبة ساندرا

طلال:..........

راغده صمت طلال قتلها وأكد كل شيء يصير وهي تحارب دموعها لا تنزل: تمام .. ممكن تطفي النور نعسانة ..

طلال جاء بيتكلم إلا صوتها يمنعه: تصبح على خير ..

طلال ظل مكانه ماتحرك ..

راغده لما حست أنه ماقام ، قامت للتواليت وصارت تبكي وهي تفرش سنونها ودمعة تجر دمعة ..
غسلت وجها
وطلعت من الحمام ما شافته ، شلحت الكارديغن وعلقته وجلست بكرسي التسريحة صارت تبكي بصمت وهي تدهن يدها ورجلها باللوشن ، حطت المرطب ورفعت شعرها بتوكه ..
ناظرت بالمراية إلا تشوفه واقف مسحت دموعها على طول: ما رحت ؟
طلال نزل كوب النعناع وهو يشوف نصف ظهرها العاري بقميص أسود علاق من الساتان بلع ريقه مرتين: سويت لك نعناع تهدين ونسولف ..

راغده قامت والتفتت له: مافي شيء نسولف فيه عنه يا طلال

طلال: الا في ..

راغده بدون نفس: ارجوك طلال أجلها ليوم ثاني انا اريد أنام ..

طلال أقترب منها وبهمس دافي: عيونك نزل منها مطر كيف بروح وانتي كذا ..

راغده بنوحة: اوك كنت ابكي بس خلني لحالي ارجوك ..

طلال ضمها وسط صدره وتنهد بشوق وألم لوضعه معها كذا: راغده اسمعيني للآخر عشان أقدر أطلع ..

وهي بحضنه مد يده لشماعة ولبسها الكارديغان الأسود وستر ماظهر منها
راغده بحيا تو تنتبه أنها بدونه وشدت الرباط على خصرها: اسمعك قول ألي عندك ..

طلال جلسها بطرف السرير وجلس جنبها ويده بيدها: بكون معك صادق بشرط تصدقين معي اوك ..

راغده: طيب ..

طلال: أول شيء من ألي قال لك أني أحب ؟

راغده: هو صح او لا ..

طلال: ايش قلنا ؟ جاوبي على سؤالي عشان اجاوب عليك ..

راغده بقهـر: النطيحة اسراء ..

طلال بابتسامة: طيب وآيش قالت لك ؟

راغده: أنكم تحبون بعض وليه علمتها عن ألي دار بيننا عن الحملة اتكلم ..

طلال بتفكير وغرابة: ما بيني وبين اسراء اي تواصل عشان اقول لها .. بس ممكن ميس قالت لها قبل ..

راغده بعصبية: وأنت ليه تقول لميس!

طلال: لو ماقلت لها ممكن بتصير مشكلة ..ابوي ومرت ابوي يسألون من وين اجيب هالفلوس ! شكو بالوضع وقلت لهم عن ابو حسن فقط وكنت اظن ان اسم زوجته هي راغده ناصر طلعتي أنتي وممكن من إسمك عرفت وربطت الأحداث بنفسها ..

راغده اقتنعت بكلامه: طيب تحبها ؟

طلال: كان حب مراهقة يا راغده كان عمري ١٦ سنة ..

راغده: طب تحبني الآن مثل ما كنت تحبها ..

طلال: اجاوب على هالسؤال بعد الزواج ؟

راغده: وليه ؟

طلال: مع العشرة يا راغده ونكون مع بعض ٢٤ ساعة وقتها نحكم ونعرف كل شيء ، الا انتي واضح انك ما حبيتي أبد ..

راغده نزلت عينها تحت: انت اول حب لي ..

طلال انبسط لما سمع انه اول حب لها شد على يدها: راغده ..

راغده التفتت له: نعــ ..

ماوعت الا بوسة طلال لها على خدها الناعم وقرب من اذنها وبهمس:
لو أنك حبي العاشر يا راغده الحب للأفضل لو حبي المراهقة كان حلو وزين ما كنت نسيته وتزوجتك لا تظنين أني تزوجتك بس عشان الواجب وافضالك علي ، لو كذا ماكنت طلبت نظرة شرعية صح ولا لا ..

راغده هزت رأسها بالايجاب وفمها كان بحركة القوس الحزين (

طلال ناظرها وشاف كأنها بتبكي بضحكة: وي وي لبى البوز ، يا زين طفلتي ..

راغده ضربته على خفيف بصدره وبدلع عفوي: أكرهك .

طلال خمها بصدره العريض: وأنا حيل حيل أكرهك ..

راغده ابتسمت وتنهدت براحة وشربت كوب النعناع : ما بتنوم هنا ؟

طلال باندفاع: لا لا ما أقدر ..

راغده: ليه تتهرب مني طلال ؟
طلال: أخاف اضعف ..

راغده: تضعف من وش ؟

طلال بصدق: أخاف ما أمسك نفسي الأفضل يكون كل شيء بعد الزواج ..

راغده بتوتر: وش تقصد طلال ؟

طلال:......

راغده: قالت لي الدكتورة ان معك ضعف ..

طلال " لانها كذاااابة" بنفاذ صبر: اوكي ذه تحليلها ، وزين انها قالت ضعف ما قالت عجز ..

راغده: يعني تقصد الضعف يقدر " وبحيا" ينام مع زوجته كا أي رجل طبيعي ..

طلال: طبعا يا راغده والان في علاج يسونه الازواج وانا مو بحاجته ..

راغده: ليه مو انت تعاني ؟

طلال بغيض: أنا عن ٣ رجال ..

راغده بضحكة: حبيت النكتة .. ههههههههه اوكي اوكي انا الآن نسيت الحزن ..
طلال كتم غيضة وقهره ماحب الموضوع يتجه باتجاه مختلف وتصير هوشة لأن مافي رجل يقبل ان احد يقلل من رجولته بس عشان وضع راغده عداها ..
وقام: يلا اترخص ..

راغده بايتسامة: الله يحفظك لا تسرع .. استودعتك الله الذي لاتضيع عليه الودائع ..

صعد سيارته وهو يفكر كيف ممكن يقول لها هو كذا مايقدر يمسك نفسه كيف لما يعيش معها ببيت واحد ، حجز موعد مع الدكتورة سلمى بعد يومين لقى له موعد ..
طلال: دكتورة هالشيء صعب علي الدم تجمع بوجهي لما قالت هالكلام ، انتي كذبتي هالكذبة حليها ..

د.سلمى: استاذ طلال قلت لك كل شيء مؤقت والله انه مؤقت انت مو شايف ان راغده تغيرت ؟ الظلام وتقبلته وقربك وتقبلته وأي شيء أنت تسويه تأخذه بقبول تام ورضى بعد الزواج بيصير كل شيء بعفوية وتصير حياتكم طبيعية ..

طلال: وإذا صارت طبيعية ما بتقول ان احنا كذبنا عليها !

يتبــــــــع

**الكاتبة ساندرا** · 03-09-2020, 11:38 PM

رد: رواية قيود / الكاتبة ساندرا

طلال: وإذا صارت طبيعية ما بتقول ان احنا كذبنا عليها !

د سلمى تنهدت: اي نعم بتقول لكن بتقدر ليه سوينا كذا .. مسألة وقت لا أكثر ..

طلال: ونظرتها لي حسستني .." وبصعوبة نطق" أني مو رجال كيف اني ممكن ..

د سلمى قاطعته: أفهمك , ما أعرف ليه ما تسمع كلامي راغده ، قلت لها لا تبين ولا تسولف لك عن هالشيء جايز ممكن شافت ان الميانة عندكم راحت وقالتها بظرافة ..

طلال: انت تكرر يا دكتورة ما اعرف ايش ممكن يصير لي..وقتها اعذريني صدق ..

د.سلمى: أنا بنفسي بكلمها لا تشيل هم ولين الزواج وقتها يصير خير ..

طلال: اتمنى هالشيء يا دكتورة ..
.
.
.
يشرب شاهيه: متى زواجهم ؟

ام عبدالعزيز: ما أدري .. تو الناس يا فؤاد ..

ابو عبدالعزيز: أنا منيب مقتنع بكلام حمود بس قررت أني اعديها السالفة كلها مادخلت مخي ..

ام عبدالعزيز: مو حمود بنفسه قال لك أنه كذب ؟ وانها مو راغده وانه طيش شباب !

ابو عبدالعزيز ماخبر عبير ولا أحد بزواج حمود : هم ما دخل برأسي وممكن معه علاقة ثانية خبرك بطيش الشباب وضروري تسوين زواج راغده سريع وبلا تكاليف وهياط .. خبري أن حديقتها وسيعة وكبيرة والاجواء تجنن وش ألي يعيبها ؟

ام عبدالعزيز بصدمة: تبغى ازوج بنتي بهالطريقة وش بيقولون الناس عنا ؟

ابو عبدالعزيز: الان يتزوجون عند البحر وانتي تفكيرك كذه ! الاوضاع تغيرت واقنعي بنتك تتعجل ونهاية هالشهر يكون الزواج اعزموا اشخاص محدودة وقولي بنتك تبغى هالشيء هم يدرون انها عنيدة وتمشي ألي براسها خلاص !

ام عبدالعزيز بعدم اقتناع وبشك: وليه هالعجلة يا فؤاد ؟

ابو عبدالعزيز: ومن متى تناقشيني يا عبير ! ولا بنتك خربتك ، الناس تتكلم وتسولف هالطلال ماغير يخيم عندها وطول وقتهم مع بعض ..

ام عبدالعزيز: يا فؤاد هذا جيلهم ولا ناسي مها وش سوت ؟

ابو عبدالعزيز: لا تقارنين بنتك ببنتي ، بنتي ما توصل لمواصيل راغده بأي شيء .. لا حسيب ولا رقيب وساكنة ببيت لحالها غصب الشيطان يدخل برأسنا لو معها هواجيس وتخاف من الرجال زي ماتدعي ماقالت بتزوج ..

.
.
ببيت فرح ..
مريم بفرحة: ألف ألف مبروك فرح

مروة بنفس فرحة مريم: ياعمري أنتي وأنا أقول وش فيك غاطه .. الف مبروك ربي يثبته ..

فرح تسطحت على ظهرها: الله يبارك فيكم .. متحمسة اعرف بنت ولا ولد ..

مريم: تو الناس انتظري باقي لك الاهم خلك مرتاحة ولا تطلعين مو زين الطريق للحامل .. وخلك متسطحة ورجلك ارفعيها بمخدة خفيفة تريحك ولا تطبخين الوحام بطريقه لك ..

فرح: يوه يا بنت بغيت استفرغ لما شميت ريحة البيض .. والصبحيه كلا ترجيع ودوران ..

مريم: اي الله يعينك ويجيرك يارب ..فترة وبتروح ..

مروة: ما قلتي لراغده ؟

فرح: لا ما علمتها ، بعلمها بعدين ..

مروة بتأيد: افضل ما تدرين ممكن عينها على ألي ببطنك ..

مريم: شوفيها ماغير تتصور وترسل بقروب السناب كشختها ومناسباتها ، لا تبيني لها شيء كويس أنها مشغولة الآن .. ولا كان لزقت فيك لزقة ..

مروة: ايي والله خفت على عيالي من نظراتها شربتهم من مويتها .. العين حق يا أختي ..

مريم بحماس: وش رايكم نحمل سوا ؟

مروة: وييه ماعندك سالفة يا مريم فاضيين لشقى ، فرحتنا بفرح تكفي ..

مريم: وش علي منك أنا بحمل ويارب تكون بنت .. ويرزقك بالولد يارب يا مروة ..

مروة: يارب ..

فرح بتأنيب ضمير: بس راغده ماقصرت وياي يا بنات ودتني بنفسها للمشفى وتكفلت بالدفع حزينة على ألي صار ..

مروة: اذ زوجك بنفسه رافض أنك تعلمينها ايش نقول احنا ألي نعرفها معرفة وثيقة ..

فرح: جواد أصلا موسوس قال لا اعلمكم بعد لين ما يثبت بس أنا ما قدرت ما اعلمكم صعبة كل شوي اعتذر عن جمعاتكم ..

مريم: معذورة ولا تشيلي هم .. يفضل يكون سر لين ماتخطي الرابع تدرين لك سنين ماجبتي وما تدرين وش بيصير ادعي ان ربي يثبته لك وبس ..
.
.
.
عقدت حاجبها: وش قصدك ! كيف يعني امهلك فترة تفكر فيها ! كان رديت عليه وقلت ما بطلقها ..
من حقي أنا ألي ازعل واتضايق يا حمود لاني انا المفروض اكون الأولى ..

حمود ويده على خده: انتي ماتعرفينهم يا بدرية ذول يهود ، تصوري انهم شكو في بنتهم بسهولة وبسرعة .. بنتهم ذاقت المر منهم ماتحملت وسكنت ببيت بروحها ..

بدرية: وطالمة أنت عارف انهم كذا كان علمته من بدري وقلت عن وضعنا مو تقول موافق على المهلة ..

حمود: أنا خايف أنهم يضرونك بشيء بأجلها لما تولدين ، وأنا بنفسي بقول له قراري ..

بدرية بحده: وهو مخلي لك فرصة تفكر ! يألي كل شوي متصل فيك يعرف علومك وواجباتك يألي بنته الست مها مادرت عنك الان بس بتتسنع لك ..

حمود: لأنها ماتدري واضح انهم متسترين ويتوقعون مني أني أطلقك لكن لا وألف لا .. جوان بنتي كانت غلطة وزي ماتقولين عشان اسكتها الان مافي حمل واني يشهد الله علي ما أقرب منها مدعي أني مشغول او تعبان
..
بدرية بغيرة: اي هي ساكتة عليك لأنها مو حول زواج ومقابل , ذي بنت مدلعه يا حمود " وبحزن" اذوني حسبي الله عليهم طول هالسنوات انتظر تخلص دراستك وتتزوجني جاو هم بكل بساطة لزقوك فيها ..

حمود حط يده بيدها: اعرف يا بدرية والله عارف لكن تطمني لا يمكن أخسر عزيز والي ببطنك واخسرك انتوا كل ما أملك .. وهي اذا عرفت مخيرة أما تجلس أو تطلق اما اني اتركك لايمكن ..
بدرية احتضنته والحزن بوجها ..

.
.
جلست قبالهم وبتردد: اممم أنا جمعتكم عشان ابلغكم .. زواجكم بيكون نهاية هالشهر ..

راغده:بس يايمه أنا ماجهزت ولا اخترت القاعة ولا شيء ..

يتبـــــــع

**الكاتبة ساندرا** · 03-09-2020, 11:40 PM

رد: رواية قيود / الكاتبة ساندرا

راغده:بس يايمه أنا ماجهزت ولا اخترت القاعة ولا شيء ..

ام عبدالعزيز: وليه قاعة ! خلاص كتب كتابك بقاعة .. انا فكرت ان زواجك يكون بحديقتك وش رايك ؟

راغده صارت تناظر امها بنظرات مافهمتها
طلال حس أن الجو بيتكهرب: عمتي ..

ام عبدالعزيز قاطعته قبل لا يتكلم: خذوا راحتكم بالتفكير بس لا تطولون لان ماباقي شيء على نهاية الشهر ..

راغده بنظرة ثاقبة: بأمر من حددتو ؟

ام عبدالعزيز: انتي عارفه .. ما نحب نكلف على طلال والمصرف ما يكفي وبتسافرون وهالشغلات تكلف ..

راغده صغرت عينها: ومن متى انتي تفكرين بالخساير أو التكلفه ! طول عمرك تهتمين للمظهر .. والعجلة ذي ليه بيقولون اني حامل ومتسترين اهلها عليها وزوجوهم بسرعة !

ام عبدالعزيز: لا تفهمين الموضوع كذا يا راغده المسألة هي أن كتب كتابكم طول والناس بدأت تتكلم ..

راغده: طول وهو حتى ما تمم ٣ شهور ! وش سالفتك يمه فؤاد كل مخك وعقلك ! أي شيء يقوله لك تصدقيه وتسويه .

ام عبدالعزيز: الان وش دخل فؤاد بالسالفة ذه من تفكيري انا ..والناس فعلا تتكلم وتسولف ..
ما تقول شيء يا طلال ..

طلال: خير البر عاجلة ..

راغده التفتت لطلال ثم ناظرت امها وقامت وعينها كلا غضب ..

ام عبدالعزيز: يا طلال اقنعها الناس صارت تسولف وتتكلم عن خرجاتكم الي مالها لزمة يسألوني بنتك تزوجت اقول لا .. وأنا مو ناقصة هرج على هالعمر راغده مو فاهمة الوضع انت تكلم معها وبخصوص المعازيم أنا ما بزود نفس عدد المناسب لحجم حديقتها والجو يجنن ويساعد .. الناس صارت تتزوج عند البحر بعد واحنا نفكر بالقاعات ..

طلال: لا تشيلي هم عمه انا بتكلم مع راغده ..

ام عبدالعزيز مسكت شنطتها وقامت: ممتاز اترخص انا .. فمان الله

طلال: الله يحفظك " تنهد وقام "

توجه للمكتبة طرق الباب ودخل: راغده ..

راغده بحده: ارجوك طلال .. الموضوع حسم , أنا اعرفه ما بيرتاح إلا ويتعسني ..

طلال:.......

راغده بين دموعها: يتدخل بكل شيء ، اتفه شيء يتدخل فيه وأي حاجة تزعجني يسويها .. مدري وش ألي بيني وبينه لو مو متقبلني ما تزوج بـ امي ، ومن ألي كانت بتقبل به قبل غير امي طايح الحظ ..

طلال: راغده حبيبي روقي وهدي اعصابك ..

راغده بعصبية: اي اهدي و روقي !!
الوجع مو وجعك ولا الجرح جرحك أنت ما تعرفه قد ايش اذاني واتعبني بحياتي بس عرف ان خالي ما اطيقه حلف انه يسكن معنا وحطها حجة عشان امي ما تتحمل بعد اخوها عنها بعد وفاة اهلها وهو كــــذاب ..
والان حتى بتفاصيل زواجي يتدخل .. ومها ألي حتى سافرت مع حمود مو بس طلعت يا سبحان الله بس ..

طلال اقترب منها وضمها وهي تقاومه بعصبيتها وحدتها شد عليها وبهمس دافي: اوووش راغده لو مامريت بالي تمرين فيه انا افهمك واحس فيك .. وعارفه الي تمرين فيه مير ما باليد حيلة .. " جلسها بالكنب وهو نزل لها تحت عند رجلها ورفع وجهه يناظر فيها : من جهة ثانية إيش رأيك نسافر فيها بدل هالمخاسير أو فلوس القاعة ذي استثمريها لشغلك ..

راغده: ادري انا الان بحاجة للفلوس اكثر من اي وقت مضى لان معي تجارة جديدة ولابد لها رأس مال ..
طلال: حلو .. خلاص شوفيها من هالاتجاه ولا عليك من أحد .. ويلا قومي نختار فستانك الابيض ..

راغده: بس انا ..

طلال: ادري ماتحبي التسوق إلا إلكتروني ، بس احنا بنشوفه بالانستا من المصممة إيمان مو كان نفسك تطلبين منها ..

راغده" كيف عرف" باستغراب: كيف عرفت طلال .. اقصد ماقد تكلمت بهالشيء قدامك ..

طلال باس يدها: أنا أعرفك من دون ما تتكلمين .. ويلا نشوف وش عندها من تصاميم حلوة ..

جلس جنبها وفتحوا الايباد

طلال رفع يده اليسار ومدها عند الكنب ورى راغده ..
راغده: ايش رايك بهذا؟

طلال باعجاب: يجنن عليك ناعم وبسيط مناسب لزواجنا البسيط ..

راغده: برتب أوضاع السفر لاندونيسيا في جزر هناك تجنن لسياحة طلال .. مارحت لها بس شفت بالبحث وكثير يمدحونها كأنها جزر المالديف ..

طلال: راغده بخصوص التكلفة لا تنسيني الموضوع يعني أنا بتكفل فيها ..

راغده: مو مشكلة أنا اتكفل بالنصف والباقي عليك ..

طلال: طيب وش بتسوين بيوم الزواج ومن ألي بتعزمين ؟

بيوم الزواج .. ببيت راغده

نظمت المكان نهلة بكراسي بيضاء وشرائط حمراء لبست الطاولة قماش من الدانتيل ويعتلي الطاولات ورد جوري أحمر وبكل طاولة فيها التقديمات وبوفية فاخر بجانب الطاولات ..
حلى ودلال القهوة .. موسيقى هادية

كانت المصورة تصور راغده وطلال
كذا صورة ..
ام عبدالعزيز بهمس: يعني صاحباتها اولى من صديقاتي ..

ريهام: والله هذا اقتراحك يا يمه .. بس الصراحة الزواج شيء شيء .. نسيم بارد وريحة القهوة وشوي وناكل يا سلام ..

مها: وانتي تفكري بس ببطنك ..

ريهام: الاكل ينسي الهموم والأحزان ..

مها: اي هموم واحزان توك ماقفصتي من بيضة وتقول هموم ..

ريهام: عاد هذا المثل يقول ..

مها: اول مرة اسمع فيه ..

ام عبدالعزيز: بس انتي وهي .. الآن بيجون المعازيم كلهم ويسمعونكم ..

بعد ربع ساعة خلص التصوير
طلال باس يدها: لا تزعلين راغده انا بعوضك مع الأيام ..

راغده بحب: أنت أكبر عوض صار لي طلال انت هي فرحتي ..

طلال باس جبينها: يلا بروح ماباقي شيء على جيتهم ..

راغده: استودعتك الله ..

يتبــــــــع

**الكاتبة ساندرا** · 03-09-2020, 11:42 PM

رد: رواية قيود / الكاتبة ساندرا

راغده: استودعتك الله ..

بعد ٥ دقايق جاوا صاحبات راغده عدا فرح أعتذرت ..

وعمة راغده ، وخوات طلال وأم فهد واسيل

ويمنى زوجة عبدالعزيز
طاقم راغده بالصالون جاوا .. الفلبينيات كانوا لتنظيف والتنظيم ..

مريم بضحكة: وش سالفتهم ذول ليكون بس !

مرورة: لا مستحيل .. تو الناس بعد الزواج هذا مو بالملكة ..

مريم: يالسخرية .. كتب كتابها بقاعة وحركات والزواج بسيط ..!

مروة: بسيط بس أنيق .. شوفي راغده فستانها يهبل وكل شيء تمام " تنهدت" انا مكياجي بزواجي كأنه من ورشة ام منصور ..

مريم: وييه كل واحد وزمانه احنا تزوجنا من وين وهي مع التطور وكل جيل له موضته ..

مروة: وكانوا يقولون لي صوري وانا ماسكة الوردة وعيني تحت ويكتبون كلام انجليزي على الصورة مدري وش كاتبين به ولا التأثيرات والاكشن في الصورة .. لا لا بصيـــح ..

مريم : وذه وقته يا مروة خلينا نتعشى ونطلع ..

بعد صمت دام ٥ دقايق

مريم باندفاع: وي وي عرفت ليه سوو الزواج كذا ..

مروة بفضول: ليه ؟

مريم: يقلدون الأتراك مافكرتي فيها شوفي التقديمات والبساطة نفسهم بالضبط اتوقع عبير متأثرة بالغرب كلش ..

مروة: الام وبنتها معهم عقد ههههههههههه

مريم: ههههههههه اي والله ..

راغده اقتربت منهم وبابتسامة: احلى واجمل من يحضر زواجي في ذمتي

مريم ومروة: ألف مبروك يا راغده

راغده: الله يبارك فيكم .. لو كانت هنا فرح يا سلام بتكتمل فرحتي صدق

مريم: يا قلبي تعبانة نفسيتها من حللت بذاك اليوم ولا طلعت حامل

مروة بتأيد: هي كلا كذا من بعد ماتحلل ولا يصير تكبت على نفسها ٣ شهور ..

راغده بحزن: لهدرجة !

مروة: واكثر وزين جات على كذا ..

راغده: الله يكون بعونها ويرزقها ربي عاجل غير اجل .. حبيت اقول لكم بنفسي تتفضلون اول الناس على العشاء ..

مريم تناظر مروة بمكر وكأنها تقول لها" تسوي نفسها حنينة "

بعد العشاء ..

راحوا المعازيم وبقت ام عبدالعزيز: ارضاك طلال بسرعة ..

راغده تنهدت: حتى بهاليوم ذه ما بتعتقيني ..

ام عبدالعزيز ضربت على يدها: طبعا كلامي صار سم من بعد طلال ما يجيب راسك الا هو ،اجل على كذا كل ما بغيت منك شيء اتصلت فيه عشان يقنعك ..

راغده وهي تشوف الفلبينيات ينظفون ويشيلون الكراسي: يمه اجلي هالموضوع ليوم ثاني وصبي تركيزك بـ مها وحمود ..

ام عبدالعزيز: مجرد نزوة وتنتهي .. هذا مشكلة بنات الحرام يتجمعون على المتزوج ..

راغده عقدت حاجبها: ايش تقولين انتي ! اي بنت حرام وهي تكون زوجـ..

الا بدخله طلال ببشته الأسود ابتسمت بلا شعور واقتربت منه

ام عبدالعزيز تلبس عبايتها: يلا أجل اخليكم يالعرسان .. باي باي

وطلعت عبير
طلال مسك يد راغده ودخلوا بيتهم

صعدوا لغرفة النوم

راغده بحماس: مو مصدقة هاليوم نهائي طلال ..

طلال بنرجسية: من حقك .. وانتي حرم طلال بن راشــد ال......

راغده بضحكة: عاد مو وقت غرورك ..

طلال اقترب منها وباس يدها: مبروك عليك انا ..

راغده بضحكة: الله يبارك فيك ..

توجهت عند التسريحة وهي تنزل تاجها الذهبي وشالها وسدلت شعرها العسلي على كتفها وهو يناظر فيها بالمرآية شافها محتاسة بسحاب الفستان الخلفي قام وراها
لامس ظهرها يده وكأنه يتحسسها فتح السحاب الخلفي وترك قبلة بكتفها جاتها قشعريرة من حرارة انفاسه ألتفت له بسرعة: ممكن تطلع برا ..

طلال باس جبينها بهدوء وطلع من الغرفة ..

راغده تتنفس سريع: بسم الله وش ألي حصل ، قلبي بيطلع من مكانه ..

طلال راح لغرفته ألي اعدتها له راغده مسبقا ولع الأنوار الصفراء وشلح بشته الأسود وشماغه الأحمر وثوبه لبس بجامة سوداء خفيفة

وعند التسريحة يتعطر ويدهن العود بذقنه وعوارضه وهو يناظر نفسه بالمرآية " ايش بيصير الليلة ؟ بنكون زوجين طبيعين ولا لا ؟ إذا لا أنا كيف بتصرف .. أفضل أنام بغرفتي تفادي لوقوع الأخطاء " ما وعي الا وهي وراه انبهر بشكلها كانت لابسة قميص نوم ابيض طويل بقطعتين
الاولى حرير علاق كاشف من الصدر وكارديغن أبيض دانتيل بأكمام واسعة .. وحلق ذهبي لامع وخاتم بسيط
وشعرها العسلي الويفي متناثر بكتفها وريحتها العطرة سبقتها ..

قادته رجله لها بلا شعور
راغده استحت من نظراته ألي حست كأنها بدون ملابس نزلت رأسها وهي تلعب بأطراف أصابعها: طلال أنا جيت عشان ..

ضم وجها بيده وباسها
وعى على نفسه وابعدها عنه بالغصب وغمض عينه بقوة: تصبحين على خير ..

راغده: طلال أنت بخير؟

طلال بنفس وضعه: أنا بنام هنا مثل ما اتفقنا " اعطاها ظهره " تقدرين تطلعين ..

راغده بزعل: طلال ودي تكون بيننا سهرة حلوة بمثل هاليوم .. نسهر ونجلس سوا .. مو مطلوب منك تسوي أي شيء اعرف وضعك واحنا اصلا زواجنا جاي لان كل واحد منه معه علة وقيود ..

طلال بدون مايلتفت:اجلي الكلام لبكره انا بنام ..

راغده حست بحزن طلال اقتربت منه وحطت يدها على كتفه العريض: طلال حبيبي .. ربي خلقك كذا مو ذنبك أنك ماتقدر تمارس وأنا ألي صار لي هالحادث بس عشان هاليوم وكل واحد يعذر الثاني ..

طلال بنفاذ صبر: راغــــده اطلعي " وألتفت لها" ارجـوك ..

راغده ضمت وجه بيدها وباست جبينه بعمق: لا تشيل هم أي شيء انا جنبك ..

طلال ذاب بريحة عطرها وابتعد عنها: مو هنا المشكلة انك جنبي ..

راغده: كيف أقدر اساعدك ؟

طلال عند الباب: بيكون أكبر مساهمة ومساعدة أنك تطلعين الآن لأني بنوم ..

راغده بزعل وخيبة: طيب متى بنسافر عشان اجهز المعاملة ..

طلال اعطاها نظرة مافهمتها ..

راغده باندفاع: من الأخر أنا ما بطلع .. طلال افهمني ودي أنها تكون ليلة لا تنسى ..

طلال مسك يدها وسحبها لعنده بقوة راغده شهقت وصارت تناظر بعيونه ألي تغيرت تماما عن اي نظرة ثانية
كان يفصل بينهم سنتمترات وبهمس حاد: لو جلستي هنا لو دقيقة بس تحملي ألي بيحصل لك راغده .. أنا رجال افهمي رجال منيب لــوح ..

راغده بخوف وتوتر:طلال أنت تخوفني ..وش صابك ؟

طلال:باقي ٤٠ ثانية ..

راغده بعناد: ما بطلع طلال لين ماتعلمني وش صابك وليه ملامحك تغيرت كذا فجأة ..

طلال بنفس حدته: باقي ٢٥ ثانية

راغده زاد خوفها: طلال مو وقت مزحك نهائي تحسسني انك بتتحول لذيب مثل الأفلام ألي نشوفها ..

طلال: ٧ .. ٦ .. ٥ .. ٤ .. ٣ .. ٢ .. ١
راغده:.......

طلال صار يناظرها بغضب: لهدرجة شايفتني مو رجال؟

راغده: أنت وش تتكلم عنه ..

طلال: انا بعلمك وش ألي اتكلم عنه ..

اقترب منها وصار يبوسها بقسوة ورغما عنها وهي تقاومه وتضربه لين ما صارت تبكي وترجف وتضم نفسها: لا لا طلال .. لا تكفــــــى ..

آنتهـــــــى البـــارت

**الكاتبة ساندرا** · 05-09-2020, 11:53 PM

رد: رواية قيود / الكاتبة ساندرا

رواية قيـود الكاتبة ساندرا

البـــارت الــخامــس عشـر

طلال صار يناظرها بغضب: لهدرجة شايفتني مو رجال؟

راغده: أنت وش تتكلم عنه ..

طلال: انا بعلمك وش ألي اتكلم عنه ..

اقترب منها وصار يبوسها بقسوة ورغما عنها وهي تقاومه وتضربه لين ما صارت تبكي وترجف وتضم نفسها: لا لا طلال .. لا تكفــــــى ..

طلال رجع له عقله وغطى وجهه بيدينه " وش سويت يا طلال وش سويت "

راغده بين دموعها: وش جاك طلال ليه تسوي فيني كذا ..؟ وش اخطيت به معك ؟ اهئ اهئ

طلال تقدم خطوة وهي ابتعدت عنه بخطوتين وقف مصدوم: خـايفة مني ؟

راغده والرهبة على وجها: لا تقرب مني ولا حتى تفكر ..

طلال بلع ريقه بتوتر: راغده اسمعيني ..

راغده فتحت عينها على الآخر: كلكم ذئاب بشرية .. لا تقرب مني ولا والله بسوي بنفسي شيء ..

طلال ابتعد عنها ورفع يده لمستوى كتفه: شوفي ما بسوي لك شيء ..

راغده وهي تناظر للعقال ألي بالشماعة واخذته: لا تظن ان هالشغلة فاتتني ادري بتضربني فيه لكن أنا فهمت وش تفكر فيه ..

طلال بعدم استيعاب: وش تقولين أنتي ؟

راغده تتسحب بالجدار لين ما وصلت لعند الباب وماشاف الا غبرتها ..

ركضت لغرفتها وهي تبكي قفلت باب غرفتها مرتين وقفلت النوافذ وولعت النور وضمت نفسها على السرير وهي تردد: ما بيصير لي شيء ما بيصير لا يمكن القدر يكون كذا معي كله اوهام ووقت ويروح اي بيروح ما بيصير لي الــ ..... " وبنوحة" اااه ...ااه ليــــــه اهئ اهئ اهئ ..

طلال ألي كان عند بابها يسمع صوت بكائها المرير ضرب يده بالجدار وبندم: ليــه لـيه .. ليه وش جاك يا طلال .. رجعتها لصفر ..
----
فتح عينه بشويش على اشعة الشمس بعينه وهو يتذكر الي صار امس وبهمس: تبـا ..
وقام توجه للحمام توضأ وصل الفجر ألي فوتها ..
فتح غرفته وطلع كان الصمت يملأ المكان نزل تحت وشاف ورقة بيضاء بالطاولة فتحها وهو يقرأ مصدوم " البيت بيكون لك اجلس فيه عشان ما تثير اي شبهات وكلام أنا نمت عند صاحبتي أي شيء ينقصك او تحتاجه ماريان بتكون موجودة"

عفس الورقة ورماها بالارض بقهر: هذا ألي كان ناقصني ..
اتصل فيها وجوالها مغلق ورجع يتصل وهم مغلق ..
الا يجيه إتصال من خالته شريفة رد عليها وبحماس: هلا صباحية مباركة يا عريس .. ههههههه

طلال كشر " اي عريس ! الله يعلم وش جرى امس للعريس": اهلين خاله

شريفة حست بشيء من صوته: فيك شيء طلال ؟ صوتك مو عاجبني ..

طلال: أبد بس الدوام ما وافق على إجازتي ..

شريفة: وهذا وقتهم يا ولدي ..

طلال: واضح أن من عمايل عمها الوغد ..

شريفة: مايخالف يا ولدي بيعطونك عاجل غير آجل ..

طلال: وش بيقولون عني احين ! اداوم وأنا عريس !

شريفة: لا تشيل هم اهلها عارفين بسوايا رأس الافعى فؤاد ..

طلال: تو تجيني رسالة منهم أن لابد حضوري اليوم ..

شريفة: سلم لي على العروسة ..

سكر منها وهو يتحلطم: عروسـة ! العروسة هجت وتركتني .. الآن وش السواة .. !

وهي تتصفح المخطط: ممتاز يا بشاير اريد كل شيء مثالي ..

بشاير: طال عمرك ملاحظة عليك شيء وجهك متغير ..

راغده:ايش قصدك ؟

بشاير: اعذريني بس وش جيب عروس لدوامها وهي حتى ما تممت أسبوع ..

راغده تورطت وباندفاع: ايي .. لأن ماقبلوا إجازته الدوام إن شاء الله بس يقبلون بأخذ إجازة ..

بشاير باقتناع: على الاقل كسرتي الروتين , طول عمرك يا طويلة العمر تحبي كسر الروتين والقاعدة بكل شيء .. حتى باختيارك لزوجك تزوجتي اصغر منك .. اهنيك على اختيارك ..

راغده وهي تشرب كوبها: لو حصل اي جديد او نقص شيء في البناء بلغيني واخلي ابو حسن يوفرها لك ..

بشاير: لو اشتغلنا سريع سريع باذن الله على السنة الجاية بتخلص العمارة ..

راغده بابتسامة: وأنا متأكدة من هالشيء إن شاء الله يصير كل شيء مثل ما طمحت ..

بشاير قامت: استأذنك الآن طال عمرك ..

راغده: إذنك معك ..

قامت لمكتبها وتغيرت تعابير وجها " لين متى بستخبئ ! لي ٦ أيام أنام واصحى بالدوام احس كأني بسجن ماني مستعدة اشوف أحد من اهلي وأهله لكن هذا شر لابد منه ، اتصالات وعزايم مال امها داعي ، وملابسي الي خذتها بتخلص خلاص " مسكت جوالها وشافت صورتها مع طلال حاطتها خلفية لجوالها تنهدت بشوق " ايش ألي صار ! ليه تغيرت طلال ! كنت تنام معي قبل ولا صار أي شيء غير هذاك اليوم كان سيء "

دق الباب
راغده عدلت جلستها: تفضل ..

نهلة: ميسم تريد تقابل حضرتك ..

راغده شدت على جاكيتها الأسود: طبعا تتفضل ..

ميسم دخلت: السلام عليكم ..

راغده وقفت لمصافحتها: وعليكم السلام ..

ميسم: صباح الخير طال عمرك ..هذا صور يوم زواجك اتممته على خير ..

راغده اخذت الظرف وصارت تناظر بالصور لمعت عينها

ميسم: تبكين طال عمرك؟

راغده: لا أبدا بس من جمالهم و عفويتهم جميلة ليت ايامنا توقف على هاللحظات الحلوة ..

ميسم حست بكلامها حزن: فعلا طال عمرك ، اتمنى يكون اعجبك التصوير لو فيه اي تعليق .. بلغيــني ..

راغده: ابدا كل شيء جميل ، تقدرين تنصرفين ميسم وشكرا على كل شيء

ميسم وقفت ونزلت راسها: في خدمتك طال عمرك ..

راغده صارت تشوف الصور بتمعن وهي تشوف نظرات طلال ألي كانت مليانة حب ومودة .. وبين نظراته بليلة زواجهم تنهدت بحزن ..

لبست عبايتها وشالها توجهت لبيتها وبتردد دخلت
استقبلتها ماريان : سنيور مو هنا برا ..

راغده تنهدت براحة وصعدت لغرفتها أخذت دوش عميق وطويل ..

لفت الديشمبر على جسمها وجلست عند المراية تمشط شعرها بهدوء
ودهنت جسمها باللوشن المعطر والعود بمكان النبض ، استشورت شعرها وسيحته ..

لبست بلوزة بأكمام طويلة لونها أخضر عشبي على تنورة بوسط خصرها ماسكه من الخصر ويوسع من تحت كأنه فستان مشجر بلون الأخضر والابيض .. كعب عالي أخضر
اكسسوارات ذهبية ومكياج ناعم جدا
شعرها فردته على كتفها وحاولت تنفشه من قدام ..
تعطرت بعطرها المميز ..
ماريان جات بالمبخر وبخرت شعرها

ماريان: سنيور هير ..

راغده أخذت عبايتها وبنفس عميق: طيب قولي له يقابلني بالصالة ..

ماريان: اوك سنيورة ..

يتبــــــــع

**الكاتبة ساندرا** · 05-09-2020, 11:54 PM

رد: رواية قيود / الكاتبة ساندرا

ماريان: اوك سنيورة ..

طلعت من غرفتها وجلست بالصالة على أعصابها ظلت تهز رجلها لين ماسمعت صوته الخشن نزل عند الدرج ونظرات الشوق " شقد طالع حلو حبيبي "
كان بثوبه الأبيض وشماغة الأحمر ألي معطته هيبة على جماله الحاد
ظلت مكانها
وجلس بأول كنبه شافها ومسافة بينهم طويلة ناظرها بكل برود وغطرسة: الحمدلله على السلامة .." يعدل شماغة" تو ما أفتكرتي أن معك رجال وتفرغتي وجيتي ..
راغده قابلته بنفس بروده: لأسباب أنا طلعت واحتجت أنسى ألي صار .. وجيت ..

طلال بسخرية: جيتي ! ما كنتي بتجين لو ما ميس اتصلت بك وقالت وينكم ماجيتوا .. كل هذا عشان تحافظين على موية وجهك ..

راغده كأنها تشوف انسان ثاني قبالها:.......

طلال حط رجل على رجل: طول هالفترة ذي أنا شفت شقة زينة مو كبيرة لكن حلوة تكفينا احنا الاثنين ، بكره بننتقل لشقة جهزي اغراضك ..
ويلا اركبي سيارتي بنروح لهم لأن فعلا طولنا عليهم ..

راغده قامت بثقل وتوجهت لعند المراية ولبست عبايتها وهي تشوف طلال عبر المراية كيف صار أنسان ثاني مو طلال ألي تعرفه تغيرت ملامحها لحزن وصعدت سيارته ..

شغل اغنية
تقوى الهجر حست كأنها مقصودة رغم أنها جات عفوية ما كان متقصدها ..

طلال حب يكسر الصمت : بنسكن بحي قريب من أهلي عشان لو طفشتي تروحين أو هم يجونك انتي حرة ..
جهزي اغراضك من الليلة بننتقل بكره ان ربي يسر .. الأثاث لا تحاتين بكره بنسوي كل شيء ..

استغرب صمتها وبحده: انتي معي ؟

راغده بلا مشاعر أو ردة فعل: سمعتك ..

طلال: طبعك هذا غيريه ما يتماشى معي ..

راغده: يا خفايا الوقت هاتي ما بعد ، وينك قبل ؟ ليه ماتكلمت بهالشأن ..

طلال: انا حر ..

راغده: لا منت بحر كنت علمتني ..

طلال: طيب هذا أنتي دريتي ، ويلا نزلي ولا تسوين شوشرة ..

ماترك لها مجال لرد ونزل ..

راغده أخذت شنطتها ونزلت بدون نفس ..

طلال: افردي وجه الكلب .. ايش بيقولون عنا ..

راغده مشت وراه ودخلت البيت واستقبلتهم ميس ونوال بترحيب حار ..

ابو فهد بابتسامة: هلا هلا ببنتي حياك الله ..

راغده حبت رأسه: هلا فيك عمي .. كيف حالك ؟

ابو فهد: طيب الحمدلله .. كيف حالك وكيف حال عمك فؤاد ؟

راغده: الحمدلله يسلم عليك ..

ابو فهد: والله انه رجال كفو ..

راغده " محد يعرف احد الا لما يعاشره ، زي ولدك طلال " اكتفت أنها تبتسم
..
ميس مسكت يد راغده: يلا بالأذن بناخذ عروستنا لمجلس النساء ..

ابو فهد: الله يحفظكم ..

قامت بثقل وتوجهت للتواليت شلحت عبايتها وضبطت نفسها وزادت عطرها ودخلت للمجلس النساء كان فيه طلال ونوال وعيال فهد الصغار ..

نوال باعجاب شديد: الله الله يا أميرة صدق لقالوا أن الزواج يحلي" وتغمز لها "

راغده تدعي الحيا ونزلت رأسها ..

طلال بابتسامة يأشر لها: تعالي حبيبي اجلسي جنبي ..

راغده:!!!!

ميس ونوال: اووووه

ميس: ما يقدر يستغنى عنك اخص يا راغده من الآن ..

راغده ظلت مكانها وطيرت عيونها لفوق ..

طلال مد يده لها وسحبها لعنده غصب وبهمس: افردي وجه الكلب الي على وجهك ..

راغده ابعدت يده عنها و أبتسمت ابتسامة باهتة

طلال: لبى هالوجه بالله في وحدة مثل جمالها ..

ميس بضحكة: اي أنا ..

ام فهد بدخولها: ليه من ماخذ يا حسرة على أساس أنها ملكة جمال شفت كثير الأجمل منها ..

نوال بحده: يمــــه ..

طلال: خليها تقول ألي عندها يا نوال" ناظر راغده بحب" ومن يشوف راغده بعيني ..

ميس بحالمية: الله الله يا قيس مدري متى بيجي قيسي ..

ام فهد كشرت: قوموا ساعدوني بس ..

راغده لما شافت نوال وميس طلعوا من الغرفة ابتعدت عن طلال بسرعة

طلال: لهدرجة صعب عليك التمثيل ؟

راغده: أنا ألي ما توقعت أنك تعرف تمثل لهدرجة احييـــك استثمر فنك لشاشة ..

طلال مسك يدها وبهمس وهو يصر على اسنانه: انتي شاشتي واستمتع بالتمثيل ..

راغده بنظرات صدمة وخيبة

طلال ناظرها بنظرات حادة: كم نسبة اتقاني .. اقنعت الكل ؟

راغده لمعت عينها: بشكل ما تتصور ..

طلال يناظر عينها: لهدرجة متأثرة بتمثيلي , لدرجة عينك بتدمع ..

راغده بسخرية: بشكل ما تتصور ..

طلال ابعد وجهه عنها وحط رجل على رجل: وذي مقدمات حبيبــي ..

يتبـــــع

**الكاتبة ساندرا** · 05-09-2020, 11:55 PM

رد: رواية قيود / الكاتبة ساندرا

طلال ابعد وجهه عنها وحط رجل على رجل: وذي مقدمات حبيبــي ..

راغده غمضت عينها بقوة: اسدي لي معروف لا عاد أسمع هالكلمة من فمك ..

طلال: ليه ؟ مو قبل كنتي تعشقينها من فمي ولا خلاص تغيرت مشاعرك !

راغده بحزن خفي: كنت أحبها من شخص كنت اعرفه لكن من أنت ..

طلال برم شفته على جنب وكأنه يفكر: امممم أنا ألي بيعذبك أنا ألي بيخليك تحبيه حتى لو قسيت عليك ..

راغده: احلم احلم ..

طلال بثقة: مو واثقة من قدراتي ..؟

راغده بندم: ياحسافة بس ..

طلال: متحسفة على حبك لي ؟

راغده: على كل يوم وعلى كل ثانية ضيعتها معك ..

طلال ابحر في عينها ألي كان واضح الندم والصدمة والخيبة: واضح أن السالفة مطوله اجليها لوقت ثاني ..

راغده: مامعي سالفة معك ..

جاء بيرد إلا بدخلة البنات: يلا طلول بالمجلس .. عمامي جاو مع جارنا ابو ظافر ..

طلال اقترب منها وباس جبينها: راح اشتاق لك ..

راغده صدت وجها ..

ميس: واي واي ماتوقعت طلول كذا خرفنتيه ..

راغده فضلت تلتزم الصمت

وبدخلة جنان واسراء واثير وام اسيل واسيل ..

راغده" هذا ألي كان ناقصني النطيحة والمتردية" ابتسمت مجاملة لهم ..<< تقصد أسراء وجنان

جنان بهمس: هالعجيز مو سهلة عارفه لنفسها مصيبة صابتها ..

اسراء بغيرة: يا كرهي لها .. تصوري ما معها كرامة كلش علمتها اني اول حب لطلال وكان بيننا مراسيل مع ذلك لا أتصلت ولا حتى راسلتني ..

جنان: اي يا قلبي وش على بالك! يقولون أنها مخرفنته وهي ألي وافقت عليه بعد عناء ..

اسراء: وانا ناقصتك تشعلين الغيرة بقلبي ..

جنان: سامحيني إسراء بس هذا ألي يقولونه والسالفة انتشرت بالعايلة مو من الآن
..
اسراء شدت القبضة على يدها بغيض: وش فيها زود عني يا جنان .. أنا أجمل وأبيض
..
جنان مالها الا انها تجاملها: اي اي عيني شايفه ..

اسراء تخز راغده: هي طولها طول نخلة لكن شوفي طولي كله انوثة
..
جنان: ومع ذلك تلبس كعب ..

اثير التفتت لهم:هي انتو تلحلحــو .. جنان قومي شوفي أمك قايمة فيهم ..

جنان قامت بثقل وصارت تصب فناجين وتقهويهم ..

اسراء قامت وجلست جنب راغده وبقهر: مبروك ياعروسة ..

راغده ببرود: الله يبارك فيك ..

جنان مدت لها الفنجان .. اسراء بخبث سحبت ولد أسيل وألتطم بجنان

راغده الي مدت يدها تأخذ الفنجان انسكب على يدها وبصراخ: آآآه ..

الكل ألتفت لها عدا اثير ألي شافت كل شيء

ميس تمسح يد راغده وبخوف: بسم الله عليك ..

ام أسيل: طاح الشر ..

ام فهد بابتسامة: هذا الشر بعينه وعلمه ..

اسيل ضمت ولدها بخوف عليه من القهوة ..

اسراء بتمثيل: يا ربي وش صار عسى ما احترقتي ..

راغده تحرك يدها بسرعة من الآلم .. أخذتها ميس لبرا بالصالة والصيدلية بيدها : الان احط لك ميبو ويروح الوجع بظرف ثواني " وهي تدور على المرهم " استغفر الله بقوم اجيبه من البراد ثواني ..

راغده وهي تهف على يدها ، انقلب وجها لحزن " ذي البداية بس العايلة كلها تتقن التمثيل ، ايش هالبلوة ألي وقعت نفسي فيها "

طلال فتح الباب وشافها بوجهه تجمع الدم بوجهه وبحده: وش تسوين هنا ؟

راغده ناظرته ورجعت نزلت رأسها بلا مبالاة ..

طلال أقترب منها ومسك زندها بقوة : هالمكان مكشوف وممكن فهد او عبدالرحمن يشوفك ..

راغده بعدت يدها عنه بقرف: لا تلمسني مرة ثانية تكلم بالصوت مو بحاجة لـ لمسك لي منيب صماء ..

طلال بحده: ليتك صماء كنت عذرتك ليه ما تتكلمين وتردين علي ..

راغده ابتعدت عنه: منيب مجبورة أتكلم مع واحد مثلك ..

جاء بيرد عليها الا بدخول ميس السريع: اسفة اسفة على التأخير ما لقيته إلا بغرفة دحيم ماخذه عنده الهيس .. " مدت يدها وصارت تدهن الحرق بشويش"

راغده كشرت بألم: بشويش ميس ..

ميس: والله بشويش ادهن ..

طلال شاف يد راغده ألي لونها أحمر: ايش صار ؟

ميس:ا..

راغده باندفاع: ولا شيء .. حرق بسيط ..

طلال مسك يد راغده بعفوية واخذ المرهم من ميس وصار يدهن يدها وينفخ فيه ..

راغده صارت تناظر فيه بضياع وهي تشوف خوفه واهتمامه لها " اصحي يا راغده كل ذه تمثيل .. لو تروح اخته بيقلب وجهه القبيح "

شالت يدها منه: أنا بخير ..

طلال بخوف: من ألي حارق يدك كذا ..

ميس: كان عن خطاء ..

طلال باس باطن يدها: فيني ولا فيك ..

راغده بهمس سمعه: عسـى ..

ميس بابتسامة: وش عليك يا راغده .. مزيون الشباب ويحبك هالقد

راغده بسخرية: اي يابختي..

انفتح الباب طلال أخذ راغده بحضنه يسترها .. وجها انقلب اشارة مرور ..

ابو فهد: انتي هنا ! قومي يا بنت يلا جات الصحون وزعيها لرجال تأخرتوا ..

راغده بحيا ابتعدت عنه ابو فهد ما انتبه لان طلال كان جدار لها بسبب طوله والباب كان ورى طلال مو قدامه ..

طلال: خذي راغده معك ودخليها داخل لا يشوفوها العيال ..

يتبـــــع

**الكاتبة ساندرا** · 05-09-2020, 11:56 PM

رد: رواية قيود / الكاتبة ساندرا

طلال: خذي راغده معك ودخليها داخل لا يشوفوها العيال ..

ميس: طيب يا روميو

دخلت راغده عند الحريم وبعد التقديمات لصحون العشاء ..

جات ام ظافر وبناتها يباركون ويشوفون راغده..

ام ظافر: والله وزين ما اخترتوا زين وجمال وعقل ..

ام فهد ابتسمت مجاملة: اي ..

ام ظافر: مو غريبة عليك يا ام فهد طول عمرك ذويقه بـ اختيار حريم عيالك ..

ام فهد بغرور: طبعا ..

وبعد العشاء ..
راحت للمغسلة راغده وصارت تنظف يدها مع نوال ..

راغده: اتصلي بطلال قولي له بمشي ..

نوال: بدري يا راغده خلينا ننبسط ..

راغده: معليش والله تعبانة واريد أريح ..

نوال : طيب ابشري

دخل طلال الصالة جات نوال وراغده: عسى خير .. فيك شيء؟

راغده: اريد اريح .. تعبانة

طلال يناظرها: انا اشوف أنك طيبة ولا ذه دلع عروسات ؟

نوال بضحكة: اي يقولون ..

طلال: اكلتي زين حبيبي ؟

راغده:.....

نوال: افا عليك غصب تأكل هالذبيحة لمين ! مو عشانها ..

طلال يتفحها وعينه على خصرها : خصرها مجاعة .. ما تأكل زين

راغده استحت من كلامه ..

نوال: اي هذا الجمال بعينه ..

طلال بهمس مسموع: وهذا بلاء ابوك يا عقاب ..

نوال بابتسامة: بجيب عبايتك شويات بس ..

اول ما اختفت نوال

راغده: أنت ما بتبطل تمثيل مرة اوفر ترى ..

طلال: وهالأمور ذي مصدقينها اهلي وش ألي مزعلك انتي ؟ المفروض تفرحين

راغده: افـرح !!! ليه افرح على تمثيلية بايخه ابطالها بينكشوف بيوم ..

طلال رفع حاجبينه: طالمة أنه تمثيل ، اتقنيه شوي ..

راغده: ما اعرف اكذب ألي بقلبي يطلع على وجهي وتصرفاتي ..

نوال دخلت ومدت لها العباية وشنطتها: وسوق بشويش لا تستعجل ..

صعدوا السيارة ..

راغده بحده: تصرفاتك المبتذلة لا تتكرر ..

طلال: تصرفاتي أنا حر فيها .. المفروض تشكريني أني حفظت موية وجهك والكلام ألي مألفته اني ميت عليك من سنين وتوك تقبلي بي صار اقلها ماطلعتك كذابة بعينهم ..

راغده تغير وجها لحزن وسرحت بتفكيرها " ماكان ألي تمنيته في حياتي معك يا طلال كذا ، جيت بوجهي الحقيقي وعاملتك بـ أصلي وصدق مشاعري وأنت كنت طول الوقت تمثل وتكذب علي .. حتى بالمشاعر صارت الناس تكذب "

طلال انتبه لملامحها وشرودها بس ما علق بشيء ..
وسرعان ما وصلوا لـفيلا راغده ..

صعدت فوق بسرعة وقفلت غرفتها واطلقت العنان لدموعها ألي كانت حابستهم طوال هالعزيمة بعد عشر دقايق اخذت نفس عميق : عمر الدموع ماحلت ازمة لابد اتناقش معه ..

توجهت لغرفة ملابسها ولبست قميص نوم بقطعتين بأكمام طويلة بلون الأسود قميصها المفضل ألي دايم تلبسه ..

مسحت مكياجها وعطرت شعرها وجسمها لبست شبشبها واخذت جاكيتها ونزلت تحت بهدوء توجهت للمطبخ اخذت بيرة رمان وطلعت برا الحوش جلست بالكرسي والهواء يداعب خصلات شعرها العسلي غمضت عينها بشويش وهي تحاول تصفي وترتب أوضاعها الجديدة مع طلال ..
تحرك كوب الفاخر المعبأة للمنتصف بالبيرة " لابد أعرف دوافعه هل ممكن يكون طلال ألي قابلته أول مرة بمدرسة ريهام يكون جيته صدفة ولا مخطط لها من قبل فؤاد ، بديت استجمع الأحداث والدكتورة سلمى! مفروض ما أثق بـ أحد وعلاقتي بالدكتورة بقطعها هي ما راح تفيدني بشيء بعد ما وقعت المصيبة ، الان موضوع الشقة لابد تتكنسل ما أقدر اسكن بمكان وانا عندي افضل مكان من كل شيء .."

وعت من تفكيرها على فتحة الباب التفت له كان واضح العصبية عليه بس لما شافها هدأ وأقترب منها: لما تفكرين تطلعين للحوش خبريني عشان ما اعتقد أنك تركتي البيت زي قبل ..

راغده تناظر كوبها: معك وقت؟

طلال: وش عندك؟

راغده: تفضل أجلس ما يصير نتكلم بموضوع مصيري كذا ..

طلال جلس وهو يحاول يخفي توتره: اسمعك ..

راغده أخذت نفس عميق: الحب من الله وما ألزمك بحبي وانت ما تلزمني بهالشيء .. علاقتي معك بتكون على مبدأ الأحترام فقط ، واشكرك لأنك مثلت الدور الصح اقلها الكل يصدق ولا ابين لهم كذابة ، لذلك خلينا نتفق على اشياء كثيرة ..

طلال ارتاح نسبة كبيرة ورجعت له ملامحة القاسية والتصرف المستفز: إحترام ! هههههههههه طيب طيب
بكمل معك الدور لو باغية ، أول إتفاق تنامي برا البيت انسيها مهما ايش ألي صار بيننا ، لما اكلمك تردين مو تتجاهليني وتعتمدي اسلوب التجاهل .. لأن اكره ماعندي الشخص الي يتجاهلني ..

راغده بصدق: أنا ما اتجاهل أنا أصمت لأني أحب أفكر قبل لا أعطي رد حتى لو الكلام ما اعجبني احب افكر واعيد التفكير فيه مثلا .. شفت أن تمثيلك عند اهلك مضبوط بعيدا عن العاطفة هذا القرار الصح ..

طلال بإعجاب: حلو ، بدينا نتفق ..

راغده كملت: فـ لو طلع شيء من غير قصد مني فأنا أعتذر لأني انطوائية ما احتك لناس فا احيانا تشوف تصرفاتي غير لبقة خصوصا للغرباء ..

طلال " لبى المسيطرة بس "

يتبـــــع

رواية قيود / الكاتبة ساندرا ( كاملة )

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget